यक्ष्मवारणम्

अक्षी᳓भ्यान् ते ना᳓सिकाभ्यां
क᳓र्णाभ्यां चु᳓बुकाद᳓धि ।
य᳓क्ष्मँ शीर्षण्यं᳙ मस्ति᳓ष्काज्
जिह्वा᳓या वि᳓वृहामि+++(=संमृज्य निरस्यामि)+++ ते ।

ग्रीवा᳓भ्यस्+++(→पर्वभेदेन बहुवचनम्)+++ त उष्णि᳓हाभ्यः+++(=ग्रीवापृष्ठमूलभ्यः)+++
की᳓कसाभ्यो+++(=अस्थिभ्यो)+++ ऽनूक्या᳙त्+++(=पृष्ठंवशात्)+++ ।
य᳓क्ष्मं दोषण्य᳙म् अँ᳓साभ्यां
बाहु᳓भ्यां वि᳓वृहामि ते ।

आन्त्रे᳓भ्यस् ते गु᳓दाभ्यो
वनिष्ठो᳓र्+++(=वपाया)+++ हृ᳓दयाद् अ᳓धि ।
य᳓क्ष्मं म᳓तस्नाभ्यां+++(=फुप्फुसाभ्याम्?)+++ यक्नः᳓+++(=यकृतः)+++
प्लाशि᳓भ्यो+++(=पर्शुभ्यः)+++ वि᳓वृहामि ते ।

ऊरु᳓भ्यान् ते ऽष्ठीव᳓द्भ्यां+++(=ऊरुजान्वोः सन्धिभ्याम्)+++
ज᳓ङ्घाभ्यां प्र᳓पदाभ्याम् ।
य᳓क्ष्मँ श्रो᳓णीभ्यां भास᳓दाद्+++(=गुह्यप्रदेशात्)+++
ध्वँस᳓सो+++(=नाभेः/ गुदवलयात्)+++ वि᳓वृहामि ते ।

मे᳓हनाद् वनंक᳓रणाल्
लो᳓मभ्यस् ते नखे᳓भियः
य᳓क्ष्मं स᳓र्वस्माद् आत्म᳓नस्
त᳓म् इदं᳓ वि᳓ वृहामि ते

अ᳓ङ्गाद्-अङ्गाल् लो᳓म्नो-लोम्नो
जात᳓म् प᳓र्वणि-पर्वणि
य᳓क्ष्मं स᳓र्वस्माद् आत्म᳓नस्
त᳓म् इदं᳓ वि᳓ वृहामि ते