अशौचम्

आऽन्न-प्राशनाद् गर्भा नाप्रयता भवन्ति १९

आ परिसंवत्सराद् इत्येके २०

यावता या दिशो न प्रजानीयुः २१

ओपनयनाद् इत्य् अपरम् २२

अत्र ह्य् अधिकारः +++(कर्मसु)+++ शास्त्रैर् +++(दत्ता)+++ भवति २३

स्मृतिश्च +++(एवं विद्यते)+++ २५

• रिक्तपाणिर् वयस उद्यम्याप उपस्पृशेत् ७

• शूनोपहतः सचेलो ऽवगाहेत १६

प्रक्षाल्य वा तं देशम् अग्निना संस्पृश्य पुनः प्रक्षाल्य पादौ चाचम्य प्रयतो भवति १७

• मूत्रं कृत्वा पुरीषं वा मूत्रपुरीष-लेपान् अन्नलेपान् उच्छिष्टलेपान् रेतसश् च ये लेपास्, तान् प्रक्षाल्य पादौ च, +आचम्य प्रयतो भवति २३

श्यावान्तपर्यन्ताव् ओष्ठाव् उपस्पृश्याचामेत् १०

• न श्मश्रुभिर् उच्छिष्टो भवत्य् अन्तरास्ये सद्भिर् यावन् न हस्तेनोपस्पृशति ११

• य आस्याद्बिन्दवः पतन्त उपलभ्यन्ते तेष्वाचमनं विहितम् १२

ये भूमौ न तेष्वाचामेदित्येके १३

• स्वप्ने क्षवथौ शृङ्खाणिका+++(=नासामलम्)+++-ऽऽश्र्व्-आलम्भे, लोहितस्य केशानाम्, अग्नेर्, गवां, ब्राह्मणस्य, स्त्रियाश् चालम्भे, महापथं च गत्वा ऽमेध्यं चोपस्पृश्याप्रयतं च मनुष्यं, नीवीं च परिधाय +अप उपस्पृशेत् १४

आर्द्रं वा शकृद् ओषधीर् भूमिं वा १५

मातुश् च योनि-संबन्धेभ्यः पितुश् +++(स्वेन साकं)+++ चासप्तमात् पुरुषाद्
यावता वा संबन्धो ज्ञायते
तेषां प्रेतेषूदकोपस्पर्शनं
+++(मृतान्)+++ गर्भान्+++(=बालान्)+++ परिहाप्यापरिसंवत्सरान् २

माता-पितराव् एव तेषु +++(मृतापरिसंवत्सरेषु गर्भेषु)+++ ३

हर्तारश् च ४

भार्यायां परम-गुरु+++(=आचार्य-मातृ-पितृ)+++-संस्थायां +++(=मरणे)+++ च +++(परेद्युर्)+++ +आकालम् +++(२४ होराणाम्)+++ अभोजनम् ५

आतुर+++(=शोक)+++व्यञ्जनानि कुर्वीरन् ६

केशान् प्रकीर्य पांसूना, +++(केशान्)+++ उप्य, एक-वाससो दक्षिणा-मुखाः सकृद्-उपमज्ज्योत्तीर्योपविशन्ति ७

एवं त्रिः ८

+++(“मह्यम् उदकं दत्तम्” इति)+++ तत्+++(→प्रेत)+++-प्रत्ययम् उदकम् उत्सिच्य
+अ-प्रतीक्षा ग्रामम् एत्य
यत् स्त्रिय आहुस् तत् कुर्वन्ति ९

इतरेषु चैतद् एवैक उपदिशन्ति १०

तथा संबन्धेषु ज्ञातिषु +++(मृतेषु त्र्यहम् अनध्याय इति ब्रह्मचारिनियमः। इतरेषाम् आशौचवतां तु यावद् आशौचमनध्यायः)+++३

मातरि पितर्य् आचार्य इति द्वादशाहाः ४

तेषु चोदकोपस्पर्शनं तावन्तं कालम् ५

अनु-भाविनां+++(=पश्चाज्-जातानां)+++ च परिवापनम् ६

न समावृत्ता +++(केशान्)+++ वपेरन्न् अन्यत्र +++(याग-)+++विहाराद् इत्येके ७

अथापि ब्राह्मणं - “रिक्तो वा एषोऽनपिहितो यन् मुण्डः। तस्यैतद् अपिधानं यच् छिखे"ति ८

सत्रेषु तु वचनाद् वपनं शिखायाः ९

मूढस्वस्तरे चासंस्पृशन्न् अन्यानप्रयतान्प्रयतो मन्येत १३

तथा तृणकाष्ठेषु निखातेषु १४