समावृत्तः

विद्यया स्नातीत्येके १

तथा व्रतेनाष्टाचत्वारिंशत्परीमाणेन २

विद्याव्रतेन चेत्येके ३

तेषु सर्वेषु स्नातकवद्वृत्तिः ४

समाधिविशेषाच्छ्रुतिविशेषाच्च पूजायां फलविशेषः ५

अथ स्नातकव्रतानि ६

पूर्वेण ग्रामान् निष्क्रमण-प्रवेशनानि शीलयेद्, उत्तरेण वा ७

संध्योश् च बहिर्ग्रामाद् आसनं, वाग्-यतश् च ८

विप्रतिषेधे श्रुतिलक्षणं +++(सन्ध्याग्निहोत्रादिचोदकम्)+++ बलीयः ९

सर्वान् रागान् वाससि वर्जयेत् १०

+++(वस्त्रं यत्)+++ कृष्णं च स्वाभाविकम् ११

अनूद्भासि वासो वसीत १२

अ-प्रतिकृष्टं +++(जीर्णत्वादेः)+++ च शक्तिविषये १३

दिवा च शिरसः प्रावरणं वर्जयेन् - मूत्र-पुरीषयोः कर्म परिहाप्य १४

शिरस् तु प्रावृत्य मूत्र-पुरीषे कुर्याद् - भूम्यां किंचिद् +++(तृणादि)+++ अन्तर्धाय १५

माल्यालिप्तमुख उपलिप्तकेशश्मश्रुरक्तोऽभ्यक्तो वेष्टित्युपवेष्टिती काञ्चुक्युपानही पादुकी २

उदाचारेषु चास्यैतानि न कुर्यात्कारयेद्वा ३

स्वैरिकर्मसु च ४

यथा दन्तप्रक्षालनोत्सादनावलेखनानीति ५

स्नातस्तु काले यथाविध्यभिहृतमाहूतो ऽभ्येतो वा न प्रतिसंहरे इत्येके ७

तद्द्रव्याणां च न कथयेदात्मसंयोगेनाचार्यः ६