गृहस्थ-धर्मः

पाणिग्रहणादधि गृहमेधिनोर्व्रतम् १

कालयोर्भोजनम् २

अतृप्तिश्चान्नस्य ३

नित्यमुदधानान्यद्भिररिक्तानि स्युर्गृहमेधिनोर्व्रतम् १५

निवेशे वृत्ते संवत्सरे संवत्सरे द्वौ द्वौ मासौ समाहित आचार्यकुले वसेद्भूयः श्रुतमिच्छन्न् इति श्वेतकेतुः १९

एतेन ह्यहं योगेन भूयः पूर्वस्मात्कालाच्छ्रुतमकुर्वीति २०

तच्छास्त्रैर्विप्रतिषिद्धम् २१

निवेशे हि वृत्ते नैयमिकानि श्रूयन्ते २२

अग्निहोत्रमतिथयः १

यच्चान्यदेवं युक्तम् २

ये नित्या भाक्तिकास्तेषामनुपरोधेन संविभागो विहितः १०

काममात्मानं भार्यां पुत्रं वोपरुन्ध्यान्न त्वेव दासकर्मकरम् ११

सगोत्रस्थानीयां न परेभ्यः समाचक्षीत २

कुलाय हि स्त्री प्रदीयत इत्युपदिशन्ति ३

तदिन्द्रि यदौर्बल्याद्विप्रतिपन्नम् ४

अविशिष्टं हि परत्वं पाणेः ५

तद्व्यतिक्रमे खलु पुनरुभयोर्नरकः ६

नियमारम्भणो हि वर्षीयान् +++(=गरीयान्)+++ अभ्युदय एवमारम्भणादपत्यात् ७