दण्डनम्

इतरेषां वर्णानामा प्राणविप्रयोगात्समवेक्ष्य तेषां कर्माणि राजा दण्डम्प्रणयेत् १

न च संदेहे दण्डं कुर्यात् २

सुविचितं विचित्या दैवप्रश्नेभ्यो राजा दण्डाय प्रतिपद्येत ३

एवंवृत्तो राजोभौ लोकावभिजयति ४

नियमातिक्रमणमन्यं वा रहसि बन्धयेत् १८

आ समापत्तेः १९

असमापत्तौ नाश्यः २०

आचार्य, ऋत्विक्, स्नातको, राजेति त्राणं +++(=दण्डन-ह्रासनम् “अहं वारयामीमम्” इति)+++ स्युर् - अन्यत्र वध्यात् २१

अदण्ड्यः कामकृते तथा प्राणसंशये भोजनमाददानः १२

प्राप्तनिमित्ते दण्डाकर्मणि राजानमेनः स्पृशति १३

न्यस्तायुधप्रकीर्णकेशप्राञ्जलिपराङावृत्तानामार्या वधं परिचक्षते ११

शास्त्रैरधिगतानामिन्द्रि यदौर्बल्याद्विप्रतिपन्नानां शास्ता निर्वेषमुपदिशेद्यथाकर्म यथोक्तम् १२

तस्य चेच्छास्त्रमतिप्रवर्तेरन्रजानं गमयेत् १३

राजा पुरोहितं धर्मार्थकुशलम् १४

स ब्राह्मणान्नियुञ्ज्यात् १५

पुरुषवधे स्तेये भूम्यादान इति स्वान्यादाय वध्यः १६

चक्षुनिरोधस्त्वेतेषु ब्राह्मणस्य १७

परपरिग्रहमविद्वानाददान एधोदके मूले पुष्पे फले गन्धे ग्रासे शाक इति वाचा बाध्यः १०

विदुषो वाससः परिमोषणम् ११

स्तेनः प्रकीर्णकेशोऽए मुसलमादाय राजानं गत्वा कर्माचक्षीत । तेनैनं हन्याद्वधे मोक्षः ४

अनुज्ञातेऽनुज्ञातारमेनः ५

अग्निं वा प्रविशेत्तीक्ष्णं वा तप आयच्छेत् ६

भक्तापचयेन वात्मानं समाप्नुयात् ७

कृच्छ्रसंवत्सरं वा चरेत् ८

अथाप्युदाहरन्ति । स्तेयं कृत्वा सुरां पीत्वा गुरुदारं च गत्वा ब्रह्महत्यामकृत्वा चतुर्थकाला मितभोजनाः स्युरपोऽभ्यवेयुः सवनानुकल्पम् ९

स्थानासनाभ्यां विहरन्त एते त्रिभिर्वर्षैरप पापं नुन्दते १०

स्त्रीणां चैवम् ५

दोषं बुद्ध्वा
न पूर्वः परेभ्यः पतितस्य समाख्याने स्याद्,
वर्जयेत् त्व् एनं धर्मेषु २०

न पतितमाचार्यं ज्ञातिं वा दर्शनार्थो गच्छेत् ६

न चास्माद्भोगानुपयुञ्जीत ७

यदृच्छासंनिपात उपसंगृह्य तूष्णीं व्यतिव्रजेत् ८

माता पुत्रत्वस्य भूयांसि कर्माण्यारभते तस्यां शुश्रूषा नित्या पतितायामपि ९

न तु धर्मसंनिपातः स्यात् १०

अथाभिशस्ताः समवसाय
पतित-पुत्रेषु चरेयुर् धार्म्यम् इति
सांशित्येतरेतर-याजका इतरेतराध्यापका मिथो विवहमानाः ८

पुत्रान्संनिष्पाद्य ब्रूयुर् -
“विप्रव्रजततास्मद् -
एवं ह्य् अस्मत्स्व् आर्याः संप्रत्यपत्स्यते"ति ९

अथापि न सेन्द्रि यः पतति १०

तदेतेन वेदितव्यम् । अङ्गहीनो हि साङ्गं जनयति ११

मिथ्यैतदिति हारीतः १२

दधिधानीसधर्मा स्त्री भवति १३

यो हि दधिधान्यामप्रयतं पय आतच्य मन्थति न तेन धर्मकृत्यं क्रियते । एवमशुचि शुक्लं यन्निवर्तते न तेन सह संप्रयोगो विद्यते १४

वाचि पथि शय्यायाम् आसन इति समीभवतो दण्डताडनम् +++(शूद्रस्य)+++१५

पुरुषवधे स्तेये भूम्यादान इति स्वान्यादाय वध्यः १६