मैथुनम्

मिथुनी-भूय च, न तया सह सर्वां रात्रिं शयीत २

यावत्संनिपातं चैव सहशय्या २१

ततो नाना २२

उदकोपस्पर्शनम् २३

अपि वा लेपान्प्रक्षाल्याचम्य प्रोक्षणमङ्गानाम् १

स्त्रीवाससैव संनिपातः स्यात् २०

तथा ष्ठेवन-मैथुनयोः कर्माप्सु वर्जयेत् १९

अहन्यसंवेशनम् १६

प्रवचन-युक्तो वर्षा-शरदं मैथुनं वर्जयेत् १

सदा निशायां दारं प्रत्य् अलंकुर्वीत ६

अन्-आविः+++(भूत)+++-स्रग्-अनुलेपणः स्यात् ५

ऋतौ च संनिपातो दारेणानुव्रतम् १७

अन्तरालेऽपि दार एव १८

ब्राह्मणवचनाच्च संवेशनम् १९

पूर्ववत्याम्, असंस्कृतायां, वर्णान्तरे च मैथुने दोषः ३

तत्रापि दोषवान्पुत्र एव ४

अथ पुराणे श्लोकाव् उदाहरन्ति ३

अष्टाशीति-सहस्राणि ये
प्रजाम् ईशिर +++(=अभ्यनन्दन्)+++ ऋर्षयः ।
दक्षिणेनार्यम्णः पन्थानं
ते श्मशानानि भेजिरे ४

अष्टाशीतिसहस्राणि ये प्रजां नेषिरर्षयः ।
उत्तरेणार्यम्णः पन्थानं तेऽमृतत्वं हि कल्पते ५

इत्यूर्ध्वरेतसां +++(=गृहस्थेतरेषाम्)+++ प्रशंसा ६

अथापि संकल्प-सिद्धयो +++(=सङ्कल्पत एव सिद्धिः)+++ भवन्ति ७

यथा वर्षं, प्रजा-दानं,
दूरे दर्शनं, मनो-जवता,
यच्चान्यद् एवं युक्तम् ८

तस्माच् छ्रुतितः, प्रत्यक्ष-फलत्वाच् च
विशिष्टान् आश्रमान् एतान् एके ब्रुवते ९

त्रैविद्य-वृद्धानां तु
वेदाः प्रमाणम्
इति निष्ठा।
तत्र यानि श्रूयन्ते
व्रीहि-यव-पश्व्-आज्य-पयः-कपाल-पत्नी-संबन्धान्य्
उच्चैर् नीचैः कार्यम् इति
तैर् विरुद्ध आचारो ऽप्रमाणम् इति मन्यन्ते १०

यत् तु श्मशानम् उच्यते
+++(“दक्षिणेनार्यम्णः पन्थानं ते श्मशानानि भेजिरे” इत्यस्मिन्)+++
नाना-कर्मणाम् एषोऽन्ते पुरुष-संस्कारो विधीयते ११

ततः परम् अनन्त्यं फलं स्वर्ग्य-शब्दं श्रूयते १२

स्यात् तु कर्मावयवेन तपसा वा कश्चित् सशरीरो ऽन्वन्तं लोकं जयति, सङ्कल्पसिद्धिश् च स्यान् - न तु तज् ज्यैष्ठ्यम् आश्रमाणाम् १४