गौरव-दर्शनम्

पूजा वर्णज्यायसां कार्या २

वृद्धतराणां च ३

मातरि पितर्याचार्यवच्छुश्रूषा ६

समावृत्तेन सर्वे गुरव उपसंग्राह्याः ७

प्रोष्य च समागमे ८

भ्रातृषु भगिनीषु च यथापूर्वमुपसंग्रहणम् ९

नित्या च पूजा यथोपदेशम् १०

राज्ञः पन्था ब्राह्मणेनासमेत्य ५

समेत्य तु ब्राह्मणस्यैव पन्थाः ६

यानस्य भाराभिनिहितस्यातुरस्य स्त्रिया इति सर्वैर्दातव्यः ७

वर्णज्यायसां चेतरेर्वर्णैः ८

अशिष्टपतितमत्तोन्मत्तानामात्मस्वस्त्ययनार्थेन सर्वैरेव दातव्यः ९

अग्निं ब्राह्मणं चान्तरेण नातिक्रामेत् ६

ब्राह्मणांश्च ७

अनुज्ञाप्य वातिक्रामेत् ८

न चास्य सकाशे संविष्टो भाषेत् ५

अभिभाषितस्त्वासीनः प्रतिब्रूयात् ६

अनूत्थाय तिष्ठन्तम् ७

गच्छन्तमनुगच्छेत् ८

धावन्तमनुधावेत् ९

न सोपानःवेष्टितशिरा अवहितपाणिर्वासीदेत् १०

अध्वापन्नस् तु कर्म-युक्तो ऽवासीदेत् ११

न चेद् उपसीदेत् १२

देवम् इवाचार्यम् उपासीताविकथयन्न् अविमना वाचं शुश्रूषमाणोऽस्य १३

तिष्ठति च नासीतानासनयोगविहिते २६

आसीने च न संविशेत् २७

चेष्टति च चिकीर्षन्तच्छक्तिविषये २८

नापपर्यावर्तेत गुरोः प्रदक्षिणीकृत्यापेयात् २

अनुपस्थकृतः १४

अनुवाति वीतः १५

अप्रतिष्टब्धः पाणिना १६

अनपश्रितोऽन्यत्र १७

यज्ञोपवीती द्विवस्त्रः १८

अधोनिवीतस्त्वेकवस्त्रः १९

अभिमुखोऽनभिमुखम् २०

अनासन्नोऽनतिदूरे २१

यावदासीनो बाहुभ्याम्प्राप्नुयात् २२

अप्रतिवातम् २३

एकाध्यायी दक्षिणं बाहुं प्रत्युपसीदेत् २४

यथावकाशं बहवः २५

न चास्य सकाशेऽन्वक्स्थानिनमुपसंगृह्णीयात् २९

गोत्रेण वा कीर्तयेत् ३०

न चैनं प्रत्युत्तिष्ठेदनूत्तिष्ठेद्वा ३१

अपि चेत्तस्य गुरुः स्यात् ३२

देशात्त्वासनाच्च संसर्पेत् ३३

नाम्ना तदन्तेवासिनं गुरुमप्यात्मन इत्येके ३४

यस्मिंस्त्वनाचार्यसंबन्धाद्गौरवं वृत्तिस्तस्मिन्न् अन्वक्स्थानीये ऽप्याचार्यस्य ३५

यां विद्यां कुरुते गुरौ तेऽप्यस्याचार्या ये तस्यां गुरोर्वंश्याः १२

यानन्यान्पश्यतोऽस्योपसंगृह्णीयात् तदा त्वेत उपसंग्राह्याः १३

अन्यत्रोपसंग्रहणादुच्छिष्टाशनाच्चाचार्यवदाचार्यदारे वृत्तिः २७

तथा समादिष्टेऽध्यापयति २८

वृद्धतरे च सब्रह्मचारिणि २९

उच्छिष्टाशनवर्जमाचार्यवदाचार्यपुत्रे वृत्तिः ३०

समावृत्तस्याप्येतदेव सामयाचारिकमेतेषु ३१

समादिष्टमध्यापयन्तं यावदध्ययनमुपसंगृह्णीयात् १३

नित्यमर्हन्तमित्येके १४

न चैनमध्ययनविघ्नेनात्मार्थेषूपरुन्ध्यादनापत्सु २५

अन्यत्रोपसंग्रहणादुच्छिष्टाशनाच्चाचार्यवदाचार्यदारे वृत्तिः २७

वृद्धतरे च सब्रह्मचारिणि २९

उच्छिष्टाशनवर्जमाचार्यवदाचार्यपुत्रे वृत्तिः ३०

समावृत्तस्याप्येतदेव सामयाचारिकमेतेषु ३१

यथा ब्रह्मचारिणो वृत्तम् १

उच्चैस्तरां नासीत ८

तथा बहुपादे ९

सर्वतः प्रतिष्ठिते १०

शय्यासने चाचरिते नाविशेत् ११

यानमुक्तोऽध्वन्यन्वारोहेत् १२

सभानिकषकटस्वस्तरांश्च १३

नानभिभाषितो गुरुमभिभाषेत प्रियादन्यत् १४

व्युपतोदव्युपजावव्यभिहासोदामन्त्रणनामधेयग्रहणप्रेषणानीति गुरोर्वर्जयेत् १५

आपद्यर्थं ज्ञापयेत् १६

सह वसन्सायं प्रातरनाहूतो गुरुं दर्शनार्थो गच्छेत् १७

विप्रोष्य च तदहरेव पश्येत् १८

प्रतिषेधेदितरः २०

लुप्यते पूजा चास्य सकाशे २१

मुहूंश्चाचार्यकुलं दर्शनार्थो गच्छेद्यथाशक्त्यधिहस्त्यमादायापि दन्तप्रक्षालनानीति २२

समावृत्तं चेदाचार्योऽभ्यागच्छेत्तमभिमुखो ऽभ्यागम्य तस्योपसंगृह्य न बीभत्समान उदकमुपस्पृशेत्पुरस्कृत्योपस्थाप्य यथोपदेशं पूजयेत् ४

आसने शयने भक्ष्ये भोज्ये वाससि वा संनिहिते निहीनतरवृत्तिः स्यात् ५

तिष्ठन्सव्येन पाणिनानुगृह्याचार्यमाचमयेत् ६

अन्यं वा समुदेतम् ७

स्थानासनचङ्क्रमणस्मितेष्वनुचिकीर्षन् ८

संनिहिते मूत्रापुरीषवातकर्मोच्चैर्भाषाहासष्ठेवनदन्तस्कवननिःशृङ्खणभ्रुक्षेपणतालननिष्ठ्यानीति ९

दारे प्रजायां चोपस्पर्शनभाषा विस्रम्भपूर्वाः परिवर्जयेत् १०

वाक्येन वाक्यस्य प्रतीघातमाचार्यस्य वर्जयेत् ११

श्रेयसां च १२

सर्वभूतपरीवादाक्रोशांश्च १३

विद्यया च विद्यानाम् १४

यया विद्यया न विरोचेत पुनराचार्यमुपेत्य नियमेन साधयेत् १५

उपासने गुरूणां वृद्धानामतिथीनां होमे जप्यकर्मणि भोजन आचमने स्वाध्याये च यज्ञोपवीती स्यात् १