अग्नौ चर्या

न क्षारलवणहोमो विद्यते १४

तथावरान्न संसृष्टस्य च १५

अहविष्यस्य होम उदीचीनमुष्णं भस्मापोह्य तस्मिञ्जुह्यात्तद्धुतमहुतं चाग्नौ भवति १६

नाप्रोक्षितमिन्धनमग्नावादध्यात् १२

न चैनमुपधमेत् २०

अग्निमपश्च न युगपद्धारयीत ९

खट्वायां च नोपदध्यात् २१

नानाग्नीनां च संनिवापं वर्जयेत् १०

नित्यं लोक उपदिशन्ति १२

यत्र क्व चाग्निमुपसमाधास्यन्स्यात्तत्र प्राचीरुदीचीश्च तिस्रस्तिस्रो लेखा लिखित्वाद्भिरवोक्ष्याग्निमुपसमिन्ध्यात् १३

+++(शिष्टम् उदकम्)+++ उत्सिच्यैतदुदकमुत्तरेण पूर्वेण वान्यदुपदध्यात् १४

अग्निं नाप्रयत आसीदेत् १८

इषुमात्रादित्येके १९

न स्त्री जुहुयात् १७

नानुपेतः १८

प्रतिमुखमग्निमाह्रियमाणम् नाप्रतिष्ठितं भूमौ प्रदक्षिणीकुर्यात् +++(प्रतिष्ठिते तु प्रदक्षिणीकुर्यात्)+++११

अग्निं ब्राह्मणं चान्तरेण नातिक्रामेत् ६

ब्राह्मणांश्च ७

अनुज्ञाप्य वातिक्रामेत् ८