अभिवादनम्

सदा महान्तम् अपररात्रम् उत्थाय
गुरोस् तिष्ठन्
प्रातर् अभिवादम् अभिवादयीत - “असाव् अहं भो” इति १२

समान-ग्रामे च वसताम् अन्येषाम् अपि वृद्धतराणां प्राक् प्रातर्-आशात् १३

प्रोष्य च समागमे १४

स्वर्गम् आयुश् चेप्सन् १५

दक्षिणम् बाहुं श्रोत्र-समं प्रसार्य ब्राह्मणोऽभिवादयीत उरःसमं
राजन्यो मध्यसमं
वैश्यो नीचैः
शूद्रः प्राञ्जलि १६

प्लावनं च नाम्नो +++(ऽन्तिमस्वरस्य)+++ ऽभिवादन+++(सम्बद्ध)+++-प्रत्यभिवादने च पूर्वेषां वर्णानाम् १७

उदिते त्वादित्य आचार्येण समेत्योपसङ्ग्रहणम् १८

सदैवाभिवादनम् १९

उपसंग्राह्य आचार्य इत्येके २०

दक्षिणेन पाणिना दक्षिणं पादम्
अधस्ताद् अभ्यधिमृश्य सकुष्ठिकम् उपसंगृह्णीयात् २१

उभाभ्याम् एवोभाव् अभिपीडयत
उपसंग्राह्याव् इत्य् एके २२

अप्रयतेन नाभिवाद्यम् १८

तथाप्रयताय १९

अप्रयतश्च न प्रत्यभिवदेत् २०

न सोपानह्वेष्टितशिरा अवहितपाणिर्वाभिवादयीत २२

सर्वनाम्ना स्त्रियो राजन्यवैश्यौ च न नाम्ना २३

मातरमाचार्यदारं चेत्येके २४

कुशलमवरवयसं वयस्यं वा पृच्छेत् २६

अनामयं क्षत्रियम् २७

अनष्टं वैश्यम् २८

आरोग्यं शूद्र म् २९

नासंभाष्य श्रोत्रियं व्यतिव्रजेत् ३०

अरण्ये च स्त्रियम् ३१

ऋत्विक्श्वशुरपितृव्यमातुलानवरवयसः प्रत्युत्थायाभिवदेत् ११

तूष्णीं वोपसंगृह्णीयात् १२

दशवर्षं पौरसख्यं पञ्चवर्षं तु चारणम् । त्रिवर्षपूर्वः श्रोत्रियः अभिवादनमर्हति १३

ज्ञायमाने वयोविशेषे वृद्धतरायाभिवाद्यम् १४

विषमगतायागुरवे नाभिवाद्यम् १५

अन्वारुह्य वाभिवादयीत १६

सर्वत्र तु प्रत्युत्थायाभिवादनम् १७

पतिवयसः स्त्रियः २१

दशवर्षश्च ब्राह्मणः शतवर्षश्च क्षत्रियः । पितापुत्रौ स्म तौ विद्धि तयोस्तु ब्राह्मणः पिता २५

समादिष्टमध्यापयन्तं यावदध्ययनमुपसंगृह्णीयात् १३

नित्यमर्हन्तमित्येके १४

न गतिर् +++(=शुश्रूषा)+++ विद्यते १५