यज्ञः

यज्ञं व्याख्यास्यामः १

स त्रयाणां वर्णानां ब्राह्मणराजन्ययोर्वैश्यस्य च २

स त्रिभिर्वेदैर्विधीयते ३

ऋग्वेदयजुर्वेदसामवेदैः ४

ऋग्वेदयजुर्वेदाभ्यां दर्शपूर्णमासौ ५

यजुर्वेदेनाग्निहोत्रम् ६

सर्वैरग्निष्टोमः ७

मन्त्रब्राह्मणे यज्ञस्य प्रमाणम् ३०

मन्त्रब्राह्मणयोर् वेदनामधेयम् ३१

कर्मचोदना ब्राह्मणानि ३२

ब्राह्मणशेषोऽर्थवादो निन्दा प्रशंसा परकृतिः पुराकल्पश्च ३३

अतोऽन्ये मन्त्राः ३४

एक-प्रकरणे चोद्यमानानि प्रधानानि समानविधानानि २६

ऋग्वेदेन होता करोति १६

सामवेदेनोद्गाता १७

यजुर्वेदेनाध्वर्युः १८

सर्वैर्ब्रह्मा १९

वचनाद्विप्रतिषेधाद्वान्यः कुर्यात् २०

ब्राह्मणानामार्त्विज्यम् २१

सर्वक्रतूनामग्नयः सकृदाहिताः २२

आधानप्रभृति यावज्जीवं पात्राणि धार्यन्ते २८

तेषां प्रतितन्त्रं संस्कारः २९

जुहोतीति चोद्यमाने सर्पिराज्यं प्रतीयात् +++(=जानीयात्)+++ २३

अध्वर्युं कर्तारम् २४

जुहूं पात्रम् २५

व्यापृतायां स्रुवेण २६

आहवनीये प्रदानम् २७