१२

अष्टावष्टौ १

अपचितिकामोऽपचितिभ्याम् २

उभयसामानौ भवतः ३

तयोरश्वरथश्चतुर्युग्दक्षिणा ४

सर्वे शतक्रियोऽश्वाः ५

स रुक्मी प्रावेपी सर्वाभरण्यंशुमान् ६

तस्य वैयाघ्रः परिवारो द्वैपो धन्वधिरार्क्षः कवचः ७

अध्यास्थाता सन्नद्धः सन्नद्धसारथिरावृतः प्रतिहिताभ्याम् ८

निष्की स्रग्वी सङ्ग्रहीता भवतीति विज्ञायते ९

पक्षिभ्यां साग्निचित्याभ्यां यः कामयेत पक्षी ज्योतिष्मतः स्वर्गांल्लोकाननुसञ्चरेयमिति १०

ऋषभेणाग्निष्टोमेन रथंतरसाम्ना राजानं सङ्ग्रामे संयत्ते याजयेत् ११

यत्तत्र विन्देरंस्ततो द्वादशशतं दक्षिणा १२

व्योम्ना स्वर्गकामः १३

उभे बृहद्रथन्तरे भवतः १४

सर्वः सप्तदशो भवति १५

एकविंशमग्निष्टोमसाम १६

गोसवेन षट्त्रिंशेनोक्थ्येन रथन्तरसाम्ना बृहत्साम्नोभयसाम्ना वा स्वाराज्यकामः १७

कण्वरथंतरं पवमाने १८

अयुतं दक्षिणा १९

दक्षिणेनाहवनीयमनुद्धते वेद्यै बृहतः स्तोत्रं प्रत्यभिषिच्यते प्रतिधुषा रेवज्जातः सहसा वृद्धः क्षत्राणां क्षत्रभृत्तमो वयोधाः । महान्महित्वे तस्तभानः क्षत्रे राष्ट्रे च जागृहि । प्रजापतेस्त्वा परमेष्ठिनः स्वाराज्येनाभिषिञ्चामीति २०