१०

हिरण्यस्रजमुद्गात्रे षट्पुष्करां द्वादशपुष्करां वा यज्ञायज्ञीयस्य स्तोत्रेऽवभृथेष्ट्यामुदयनीयायामनूबन्ध्यायामुदवसानीयायां च १

त्रिवृताग्निष्टुताग्निष्टोमेन रथन्तरसाम्ना ब्राह्मणो ब्रह्मवर्चसकामः २

पञ्चदशेनेन्द्रस्तुतेन्द्रस्तोमेनोक्थ्येन बृहत्साम्ना राजन्य वीर्यकामः ३

सप्तदशेनाग्निष्टुताग्निष्टोमेन कण्वरथन्तरसाम्ना वैश्यः पशुकामः ४

प्रतिधुषा प्रातःसवन इत्युक्तम् ५

तीव्रसुतोक्थ्येन रथन्तरसाम्ना बृहत्साम्नोभयसाम्ना वामयाविनमन्नाद्यकामं प्रजाकामं पशुकामं श्रिया वा प्रत्यवरूढं याजयेत् ६

शतमाशिरे दुहन्ति ७

ता दक्षिणा भवन्ति ८

वैश्यसववच्छ्रयणानि ९

नीतमिश्रेण वा तृतीयसवने १०

अभि सोमानुन्नयन्ति ११

अवजिघ्रन्त्यृत्विजो न भक्षयन्ति १२

तानच्छावाकस्य स्तोत्रे भक्षयन्ति १३

ब्रह्मणि होत्रका उपहवमिच्छन्ते १४

उभावध्वर्यू सर्वे चमसाध्वर्यवोऽच्छावाकाय प्रतिगृणन्ति १५

प्राच्येकादशिनी सम्मीयते १६

यावद्यूपं वेदिमुद्धन्ति १७

वडबा श्वेता गर्भिणी दक्षिणा १८

मरुत्स्तोमेन राजपुरोहितौ सायुज्यम् १९

अथैष राड् । यो राज्यमाशंसमानो न लभेत स एतन २०

विराजान्नाद्यकामः । स्वराजा प्रतिष्ठाकामः २१