०४

एतेनोत्तरे व्याख्याताः १

द्वितीयस्य पञ्चदशमग्निष्टोमसाम कृत्वामयाविनमन्नाद्यकामं प्रजाकामं पशुकामं वा याजयेत् २

हीनानुजावरोऽनुक्रिया ३

तस्याष्टादशावुत्तरौ पवमानौ ४

अश्वसादः सोमप्रवाको दधिदृतिश्च त्रिक्रोशेऽन्ततः प्राह ५

स्त्रीगौः सोमक्रयणी ६

प्रक्ष्णुताग्रो यूपः ७

व्रीह्युर्वरा वेदिः ८

व्रीहीणां खल उत्तरवेदिः ९

भारद्वाजो होता १०

विश्वजिच्छिल्पश्चतुर्थः सर्वपृष्ठः सर्वस्तोमः सर्ववेदसदक्षिणः ११

सर्वस्यान्नाद्यस्य प्रसवं गच्छति १२

श्येनेनाभिचरन्यजेत १३

रथौ हविर्धाने १४

तैल्वको बाधको वा स्फ्याग्रो यूपः १५

शवनभ्ये अधिषवणफलके भवतः १६

अग्नये रुद्रवते लोहितः पशुः १७

सादयन्त्युपांश्वन्तर्यामौ १८

शरमयं बर्हिः १९

औद्धवः प्रस्तरः २०

वैभीतक इध्मः २१

बाणवन्तः परिधयः २२

लोहितोष्णीषा लोहितवसना निवीता ऋत्विजः प्रचरन्ति २३

नवनव दक्षिणाः कूटाः कर्णाः काणाः खण्डा बण्डाः २४

ता दक्षिणाकाले कण्टकैर्वितुदेयुः २५

इच्छन्हन्येतेति रथन्तरं पवमाने कुर्याद्बृहत्पृष्ठम् । जीयेतेत्येतद्विपरीतम् २६

परां परावतं गच्छेन्न प्रतितिष्ठेदिति पूर्ववत्प्लवं च ब्रह्मसाम कुर्यात् २७

प्रजापतेरेकत्रिकोऽग्निष्टोमः सर्वस्य पाप्मनो निर्दिश्य गच्छति २८

चतुर्विंशतिं गा दक्षिणा ददाति २९