१६

ततः सम्भार्यम् १

द्वावभिप्लवौ । गोआयुषी । द्वादशाहस्य दशाहानि । पराणि चत्वारि शयान्यहानि । महाव्रतमतिरात्रश्च २

इति द्वादश मासाः ३

इति शाट्यायनकम् ४

अथ ताण्डकम् ५

उत्तरस्य पक्षस उपरिष्टाद्विश्वजित आवृत्तं पृष्ट्यं षडहमुपेत्य त्रीनभिप्लवानावृत्तान् ६

तानि सह पूर्वैरष्टाविंशतिः शयान्यहानि ७

आवृत्तं पृष्ठ्यं षडहमुपेत्य चतुरोऽभिप्लवानावृत्तान्समासे ८

एवंविहितांश्चतुरो मासानुपयन्ति ९

ततः सम्भार्यौ १०

त्रयोऽभिप्लवा आयुर्गौर्द्वादशाहस्य दशाहानि ११

पराण्यष्टाविंशतिः शयान्यहानि महाव्रतमतिरात्रश्च १२

इति द्वादश मासाः १३

इति ताण्डकम् १४

अथ भाल्लविकम् १५

पूर्वस्य पक्षसः पुरस्तादुत्तमात्पृष्ठ्यादभिजितमग्निष्टोमम् १६

उत्तरस्य पक्षस उपरिष्टात्प्रथमात्पृष्ठ्याद्विश्वजितमग्निष्टोमम् १७

समानमितरच्छाट्यायनकेन १८

अपि वा संवत्सरं सम्पाद्योत्तमे मासि द्वादशाहीये दशरात्रे सकृत्पृष्ठान्युपेयुः १९

तत्र पृष्ठ्यानां स्थानेऽभिप्लवा निधीयेरन् २०

उपरिष्टाद्द्वादशाहीयाद्दशरात्रान्महाव्रतम् २१