०८

अगृहीतो माहेन्द्रः १

अथ प्रतिप्रस्थातोत्तरेणाग्नीध्रमुदीचीं तन्तिं वितत्य तस्यां वत्सान्बध्नाति २

दक्षिणेन मार्जालीयं मातॄरुपरुन्धन्ति ३

बर्हिःस्थाने ऽद्भिर्दूर्वावास्ताभिर्माहेन्द्रस्य स्तोत्रमुपाकरोति ४

उपाकृतं सामाप्रस्तुतं भवति ५

अथैतान्वत्सान्मातृभिः संसृज्य सांवाशिनं कुर्वन्ति ६

ता अग्रेण सदोऽपरेणाग्नीध्रमुदीचीनं दक्षिणापथेनातिविच्छयन्ति ७

सन्तिष्ठते पृष्ठ्यः षडहण् ८

संस्थिते घृतं मधु वा प्राश्नन्ति ९

यथोहुषो वहं प्रत्यञ्ज्यात्तादृक्तदिति विज्ञायते १०

ततस्त्रींश्छन्दोमानुकथ्यानन्वहमुपयन्ति । चतुर्विंशं चतुश्चत्वारिंशमष्टाचत्वारिंशमिति ११

रथन्तरसामा प्रथमः । बृहद्रथन्तरसामा द्वितीयः । बृहत्सामा तृतीयः १२