२५

सौत्रामण्या मैत्रावरुण्या चामिक्षया साकम्प्रस्थायीयेन पञ्चबिलेन चरुणा पञ्चशारदीयेनेति १

पञ्चबिलस्य चरोर्विज्ञायते । आज्य आग्नेयः पूर्वस्मिन्बिले । दधन्यैन्द्रो दक्षिणे । शृते प्रतिदुहि नीतमिश्रे वा वैश्वदेवः पश्चिमे । अप्सु मैत्रावरुण उत्तरे । पयसि बार्हस्पत्यो मध्यमे २

सर्वमेधो दशरात्रः ३

राजा यजेत यः कामयेत सर्वमिदं भवेयमिति ४

एकशतविधोऽग्निः ५

अग्निष्टुदग्निष्टोमः ह्प्रथममहः । सर्वमाग्नेयं भवति ६

इन्द्रस्तुदुकथ्यो द्वितीयः । सर्वमैन्द्रम् ७

सूर्यस्तुदुकथ्यस्तृतीयः । सर्वं सौर्यम् ८

वैश्वदेव उकथ्यश्चतुर्थः । सर्वं वैश्वदेवम् ९

आश्वमेधिकं मध्यमं पञ्चममहः । तस्मिन्नश्वं मेध्यमालभते १०

पौरुषमेधिकं मध्यमं षष्ठम् । तस्मिन्पुरुषान् ११

अप्तोर्यामः सप्तमः । तस्मिन्सर्वान्मेध्यानालभते १२

वपा वपावतां जुहोति । त्वच उत्कृत्यावपानाम् १३

शुष्कानार्द्रांश्चौषधिवनस्पतीन्संवृश्च्याहवनीयेऽनुप्रकिरन्ति १४

प्रातःसवने सन्नेषु नाराशंसेष्वन्नमन्नं जुहोति १५

सर्वस्याप्त्यै सर्वस्यावरुद्ध्या इति विज्ञायते १६

एवं माध्यन्दिने तृतीयसवने च १७

अष्टमं त्रिणवम् १८

नवमं त्रयस्त्रिंशम् १९

विश्वजित्सर्वपृष्टोऽतिरात्रो दशममहः २०

दक्षिणाकाले यदब्राह्मणानां दिक्षु वित्तं तत्सभूमि सपुरुषं ददाति यथाश्वमेधे यथाश्वमेधे २१