१७

आक्रान्वाजी क्रमैरत्यक्रमीद्वाजी द्यौस्ते पृष्ठमित्यश्वमभिमन्त्र्य यथोपाकृतं नियुज्य प्रोक्ष्योपपाययति १

यद्युपपाय्यमानो न पिबेदग्निः पशुरासीदित्युपपाययेत् २

समिद्धो अञ्जन्कृदरं मतीनामित्यश्वस्याप्रियो भवन्ति ३

मेषस्त्वा पचतैरवत्विति पर्यग्नौ क्रियमाणेऽपाव्यानि जुहोति ४

पर्यग्निकृतानारण्यानुत्सृजन्ति ५

वडबे पुरुषी च ६

अजः पुरो नीयतेऽश्वस्य ७

वेतसशाखायां तार्प्यं कृत्त्यधीवासं हिरण्यकशिपु चास्तीर्य सौवर्णं रुक्ममुपरिष्टात्कृत्वा तस्मिन्नश्वतूपरगोमृगान्निघ्नन्ति । प्लक्षशाखास्वितरान्पशून् ८

श्यामूलेन क्षौमेण वाश्वं सञ्ज्ञपयन्ति । स्पन्द्याभिरितरान्पशून् ९

प्राणाय स्वाहा व्यानाय स्वाहेति सञ्ज्ञप्यमाने पशावाहुती जुहोति । सञ्ज्ञप्ते वा १०

यामेन साम्ना प्रस्तोतानूपतिष्ठते ११

अम्बे अम्बाल्यम्बिक इति प्रतिप्रस्थाता पत्नीरुदानयति १२

ता दक्षिणान्केशपक्षानुद्ग्रथ्य सव्यान्प्रस्रस्य दक्षिणानूरूनाघ्नानाः सिग्भिरभिधून्वत्यस्त्रिः प्रदक्षिणमश्वं परियन्त्यवन्ती स्थेति १३

सव्यानुद्ग्रथ्य दक्षिणान्प्रस्रस्य सव्यानूरूनाघ्नाना अनभिधून्वत्यस्त्रिः प्रतिपरियन्ति १४

प्रदक्षिणमन्ततो यथा पुरस्तात् १५

नवकृत्वः सम्पादयन्ति १६

अम्बे अम्बाल्यम्बिक इति महिष्यश्वमुपसंविश्य १७