०९

वेदिकाले द्विस्तावा वेदिः । त्रिस्तावोऽग्निरेकविंशो वा १

वैश्वानरेण प्रचर्याग्नये गायत्रायेति दशहविषं सर्वपृष्ठां निर्वपति २

समिद्दिशामाशया न इति यथालिङ्गं याज्यानुवाक्याः ३

कस्त्वा युनक्ति स त्वा युनक्त्विति परिधीन्युनक्ति ४

अस्य यज्ञस्यर्द्ध्यै मह्यं सन्नत्या इति सर्वत्रानुषजति ५

रथवाहने हविर्धाने राज्जुदालमेकविंशत्यरत्निमग्निष्ठं मिनोति ६

पौतुद्रवावभितः । त्रयो बैल्वा दक्षिणतः । त्रयः उत्तरतः । त्रयः खादिरा दक्षिणतः । त्रय उत्तरतः । त्रयः पालाशा दक्षिणतः । त्रय उत्तरतः ७

खादिराः पालाशा वान्तत इत्येके ८

एकादशैकादशिनीः प्राचीः सम्मिन्वन्तीति कालबविब्राह्मणं भवति ९

चतुष्टय्य आपो दिग्भ्यः समाभृताः १०

तासां वसतीवरीर्गृह्णाति ११

श्वो भूते प्रतायते गोतमचतुष्टोमयोः पूर्वो रथंतरसामा १२

पशुकाल आग्नेयं सवनीयं पशुमुपाकरोति । ऐकादशिनान्वा १३

दक्षिणाकाले यदब्राह्मणानां दिक्षु वित्तं तत्त्र्यहे समशः प्रतिविभज्यान्वहं ददाति १४