०६

अवटस्थाने कारोतरमेके समामनन्ति १

बैदलश्चर्मनद्धो भवति २

तस्मिन्बैदलं शुण्डामुखमवदधाति ३

तस्य बिलं चर्मणा परिणद्धं भवति ४

तस्मिन्यदास्रवति सा परिस्रुद्भवति ५

पात्रसंसादनकालेऽश्विभ्यां सरस्वत्या इन्द्राय सुत्राम्णे त्रीणि पात्राणि प्रयुनक्ति ६

त्रयान्सक्तून्यवगोधूमानामुपवाकासक्तूंश्च श्येनपत्त्रे वाले द्रोणे वा ७

अजाविलोम्नामध्वर्योः पवित्रं भवति । गोअश्वानां प्रतिप्रस्थातुः ८

आज्यं निरुप्याध्वर्युद्रोणे प्रभूतं पयो निर्वपति ९

मन्त्रवदित्याश्मरथ्यः । तूष्णीमित्यालेखनः १०

आज्यमुत्पूय वालेन पय उत्पुनाति ११

प्राङ् सोमो अतिद्रुत इति सोमवामिनः । प्रत्यङ् सोमो अतिद्रुत इति सोमातिपवितस्य १२

ब्रह्म क्षत्रं पवत इति सुरां प्रतिप्रस्थाता १३

पाशुकान्याज्यानि गृहीत्वाध्वर्युः पयोग्रहान्गृह्णाति १४

कुविदङ्गेति सर्वेषामेका पुरोरुगेका पुरोऽनुवाक्यैकः प्रैष एका याज्या १५