२६

अथो खल्वाहुर्न चेतव्येति । रुद्रो वा एष यदग्निरित्युक्तम् १

छन्दश्चितमिति काम्याः । ते शुल्बेष्वनुक्रान्ताः २

तापश्चितेऽग्नौ संवत्सरं दीक्षाः । संवत्सरमुपसदः ३

पुरस्तादुपसदामाग्नेयमष्टाकपालमिति पञ्च चतुरश्चतुरो मासानेकैकेनोपसन्मन्त्रेण जुहोति ४

अनूपसदमग्निं चिनोति ५

द्वौद्वौ मासावेकैका चितिः । चतुर उत्तमा ६

चतुस्तनं त्रिस्तनं द्विस्तनमेकस्तनमिति त्रींस्त्रीन्मासान्व्रतानि ७

ऋषीणामाग्नेयेन संवत्सरमुपधान आस्ते ८

विज्ञायत एतद्वा ऋषीणामाग्नेयं यद्याज्ञसेनी चितिरिति ९

यानि वा दशतयीष्वाग्नेयानि सूक्तानि स्युस्तैरुपदध्यात् १०

सूक्तपरिमाणा नानामन्त्रा इष्टकाः । यथार्थं लोकम्पृणा अथ पुरीषम् ११

तृतीये संवत्सरेऽभिजिता विश्वजिता वा यजेत १२

सर्ववेदसं ददाति १३

उदवसाय रोहिणीं वत्सच्छवीं सकर्णपुच्छावच्छातां सखुरां सखुरिकां वा बहिर्लोमः परिधायोष्णीषेण प्रदक्षिणं शिरो वेष्टयित्वौदुम्बरं चमसमादत्ते । औदुम्बरीं चाभ्रीं वैणवीं वा कल्माषीं पूर्ववत्प्रमाणाम् १४

अरण्यौदुम्बरे तिस्रो रात्रीर्वसतो मूलफलभक्षौ । खनित्रेण वा जिवतः । मूलं म्परिखायैतस्मिन्पात्रेऽवधायान्योऽन्यमप्याददतः ह्पत्नी यजमानश्च १५

न मृन्मयेन पिबतः १६

समूहकेन खनातकेन वा यजमानो भक्षमिच्छेत । उपवीक्षायेणोपविकृन्तेन वा पत्नीत्येके १७

निषादे तिस्रो रात्रीर्वसतः । वैश्ये तिस्रः । राजन्ये तिस्रः । ब्राह्मणे वा तिस्रस्तिस्रः १८

संवत्सरं न याचेत् । न च दीयमानं प्रत्याचक्षीत १९

न चेत्संवत्सरं द्वादशाहं द्वादशाहम् २०