२४

यस्याश्विने शस्यमाने सूर्यो नाविर्भवति सौर्यं बहुरूपमालभेत १

सवा अपि दाशतयीरनुब्रूयात् २

येषां दीक्षितानामाहवनीय उद्वायेदाग्नीध्रादुद्धरेत् । यदाग्नीध्रो गार्हपत्यात् । यद्गार्हपत्योऽत एव पुनर्मन्थेत् ३

यस्माद्दारोरुद्वायेत्तस्यारणी कुर्यात् ४

क्रुमुक उपज्वलनः ५

महर्त्विग्भ्यश्चतुरो वरान्दद्यात् ६

यस्य सोम उपदस्येत्सुवर्णं हिरण्यं द्वेधा विच्छिद्यार्धमन्तर्धायर्जीषेण सहाभिषुणुयात् । अर्धमभ्युन्नायं ग्रहैः प्रचरेयुः ७

महर्त्विग्भ्यश्चतुरो वरान्दद्यात् ८

यस्याक्रीतं सोममपहरेयुः क्रीणीयादेव ९

यदि क्रीतं यो नेदिष्ठी स्यात्तत आहृत्याभिषुणुयात् १०

मोमाहाराय सोमविक्रयिणे वा यथाश्रद्धं दद्यात् ११

सोमाभावे पूतीकानभिषुणुयात् । पूतीकाभाव आदारान्फाल्गुनानि च यानि श्वेततूलानि स्युः । तदभावे याः काश्चैषधीः क्षीरिणीररुणदूर्वाः कुशान्वा हरितानिति वाजसनेयकम् १२

अप्यन्ततो व्रीहियवान् १३

प्रतिधुषा प्रातःसवने सर्वान्सोमाञ्छ्रोणीयात् । शृतेन माध्यंदिने सवने । दध्ना तृतीयसवने नीतमिश्रेण वा १४

अथैकेषाम् । प्रतिधुक्च प्रातःसवने पूतीकाश्च । शृतं च माध्यन्दिने सवने पूतीकाश्च । दधि च तृतीयसवने पूतीकाश्चेति १५

अग्निष्टोमः सोमः स्याद्रथन्तरसामा १६

य एवर्त्विजो वृताः स्युस्त एनं याजयेयुः १७

एकां गां दक्षिणां दद्यात्तभ्य एव १८

पुनः सोमं क्रीणीयात् १९

अवभृथादुदेत्य पुरस्ताद्द्वादश्यास्तस्मा एव क्रतवे पुनर्दीक्षेत २०

तत्र तद्दद्याद्यत्पूर्वस्मिन्दास्यन्स्यात् २१