१२

स पूर्ववज्जनयज्जन्तवे धनं समानमज्मा परियाति जागृविरिति १

यत्किंचाप्राणत्तत्सर्वमुत्तानस्त्वाङ्गीरसः प्रतिगृह्णा त्वित्येव प्रतिगृह्णीयात् । यद्वानाम्नातमन्त्रम् २

सर्वत्र पुरस्तात्सावित्र उपरिष्टादन्वाधिः ३

ग्नास्त्वाकृन्तन्नपसस्त्वातन्वत वरूत्रयस्त्वावयन्नित्येतद्वासस्यनुषजति पुरस्ताद्दैवतात् ४

त इमे तान्त्रीणां दक्षिणानां प्रतिग्रहणाः स्युः ५

विज्ञायते च । देवा वै वरुणमयाजयन् । स यस्यैयस्यै देवतायै दक्षिणामनयत्तामव्लीनात् । ते ऽब्रुवन्व्यावृत्य प्रतिगृह्णाम तथा नो दक्षिणा न व्लेष्यतीति । ते व्यावृत्य प्रत्यगृह्णन् । ततो वै तान्दक्षिणा नाव्लीनात् । य एवंविद्वान्व्यावृत्य दक्षिणां प्रतिगृह्णाति नैनं दक्षिणा व्लीनातीति । तान्त्रीरेवाधिकुरुते ६

बर्हिषा प्रतीयाद्गां वाश्वं वा ७

अन्नेन पुरुषं हस्तिनं वा ८

गन्धैः प्रियवद्येन च तल्पम् ९