२४

देविकाहवींषि निर्वपति १

धात्रे पुरोडाशं द्वादशकपालमिति पञ्च २

यासु स्थालीषु सोमा भवन्ति तासूत्तराणि चत्वारि हवींषि श्रपयति ३

समानं तु स्विष्टकृदिडम् ४

देविका निर्वपेत्प्रजाकाम इति काम्याः ५

अनूबन्ध्यायां स्वरुं जुहोति । हृदयशूलमुद्वासयति ६

विष्णुक्रमान्क्रामति ७

राज्ञो राजम्भव्यस्य वानूबन्ध्यायाः पशुपुरोडाशमष्टौ देवसुवां हवींष्यनुनिर्वपत्यग्नये गृहपतय इति ८

समानं तु स्विष्टकृदिडम् ९

मैत्रावरुणीमामिक्षामनूबन्ध्यायाः स्थाने बह्वृचाः समामनन्ति । तस्या अग्रेण हविर्धानमासीनोऽनवानः होता यजति । हविराहुतिप्रभृतीडान्ता सन्तिष्ठते । प्रयाजप्रभृत्याज्यभागप्रभृति वा । इडान्तामेके समामनन्ति १०

कृत्स्नसंस्थामेके ११

तामनु देविकाहवींषि निर्वपति १२

समानं तु स्विष्टकृदिडम् १३

सदसो हविर्धानस्य हविर्धानयोरिति प्रथमग्रथितान्ग्रन्थीन्विस्रस्योदीची हविर्धाने बहिर्वेदि निर्वर्तयति १४

आहवनीयादुल्मुकमादाय यजमानो वेदिमुपोषति यत्कुसीदमप्रतीत्तमिति १५

यदि मिश्रमिव चरेदञ्जलिना सक्तून्प्रदाव्ये जुहुयाद्विश्वलोप विश्वदावस्य त्वेति १६

यदाकूतादिति तिसृभिर्धूममनुमन्त्रयते १७

अह्नां विधान्यामित्युक्तम् १८

अयं नो नभसा पुर इत्येतैर्यथाब्राह्मणमुपस्थाय १९