०५

यत्राभिजानात्यभूदुषा रुशत्पशुरिति तत्प्रचरण्या जुहोति शृणोत्वग्निः समिधा हवं म इति १

अपरं चतुर्गृहीतं गृहीत्वा सम्प्रेष्यत्यप इष्य होतर्मैत्रावरुणस्य चमसाध्वर्यवाद्रवैकधनिन आद्रवत नेष्टः पत्नीमुदानयोन्नेतर्होतृचमसेन वसतीवरीभिश्च चात्वालं प्रत्यास्वेति २

प्रेह्युदेहीति नेष्टा पत्नीमुदानयति । एह्युदेहीति वा । पान्नेजनीं स्थालीं धारयमाणम् ३

तीर्थेनाभिप्रव्रजन्ति ४

यत्र होतुः प्रातरनुवाकमनुब्रुवत उपशृणुयुस्तदपोऽध्वर्युर्वहन्तीनां गृह्णाति ५

यदि न शृणोति बधिरो ह भवति वाचो ह छिद्यते ६

यदि दूरे स्युः प्रत्युदूह्य गृह्णीयात् ७

देवीराप इति तृणमन्तर्धायाभिजुहोति ८

यदि वा पुरा तृणं स्यात्तस्मिञ्जुहुयात् ९

कार्षिरसीति दर्भैराहुतिमपप्लाव्य समुद्रस्य वो ऽक्षित्या उन्नय इत्यभिहुतानां मैत्रावरुणचमसेन गृह्णाति १०

सोमस्य त्वा मूजवतो रसं गृह्णामीत्येकधनाः ११

पत्नी पन्नेजनीर्गृह्णाति प्रत्यङ्तिष्ठन्ती वसुभ्यो रुद्रेभ्य आदित्येभ्य इति १२

प्रेह्युदेहीति नेष्टा पत्नीमुदानयति । एह्युदेहीति वा १३

अपरेण नेष्ट्रीयं पत्नी पन्नेजनीः सादयति प्रत्यङ्तिष्ठन्ती वसुभ्यो रुद्रेभ्य आदित्येभ्य इति १४

ता एवमेवाच्छावाकं सीदन्तमनूपसादयति १५