१६

अग्नीषोमीयस्य पशोस्तन्त्रं प्रक्रमयति १

तस्य निरूढपशुबन्धवत्कल्पः २

षड्ढोता पश्विष्टिश्चाङ्गभूतेषु न विद्यते ३

आतिथ्याबर्हिस्तूष्णीमुपसन्नह्यति ४

तांश्च परिधीन्पाशुक इध्मे ५

पात्रसंसादनकाले प्रचरणीं स्रुचं सप्तमीं प्रयुनक्ति ६

तस्या जुहूवत्कल्पः ७

आज्यग्रहणकाले प्रचरण्यामादितस्तूष्णीं चतुर्गृहीतं गृहीत्वा पाशुकान्याज्यानि गृह्णाति ८

प्रैतु ब्रह्मणस्पत्नीति प्रतिप्रस्थाता पत्नीमुदानयति ९

अथाहमनुकामिनीति पत्नी शालामुखीयमुपोपविश्य सुप्रजसस्त्वा वयमिति जपति १०

उपस्थे ब्रह्मा राजानं कुरुते ११

समपिव्रतान्ह्वयध्वमिति सम्प्रेष्यति १२

यजमानस्यामात्यान्संह्वयन्ति १३

अध्वर्युं यजमानोऽन्वारभते । यजमानं पत्नी । पत्नीमितरे पुत्रभ्रातरः १४

अहतेन वाससामात्यान्सम्प्रच्छाद्य वाससोऽन्ते स्रुग्दण्डमुपनियम्य प्रचरण्या वैसर्जनानि जुहोति १५

त्वं सोम तनूकृद्भ्यो जुषाण इत्येताभ्यामर्धं गार्हपत्ये १६

आ सोमं ददते १७