१४

चात्वालाद्धिष्णियानुपवपति १

अन्तराग्नीध्र आग्नीध्रीयमुत्तरे वेद्यन्त उत्तरतः सञ्चरं शिष्ट्वा २

सदसीतरान्पूर्वार्धे पुरस्तात्सञ्चरं शिष्ट्वा ३

पृष्ठ्यायां होत्रीयम् । तं दक्षिणेन प्रशास्त्रीयम् ४

उत्तरेण होत्रीयमितरानुदीच आयातयति । ब्राह्मणाच्छंसिनः पोतुर्नेष्टुरच्छावाकस्येति ५

बहिः सदसो मार्जालीयं दक्षिणे वेद्यन्ते दक्षिणतः सञ्चरं शिष्ट्वा सममाग्नीध्रीयेण ६

विभूरसीत्यष्टाभिः प्रतिमन्त्रम् ७

एतानेवोपस्थानान्व्याघारणांश्चैके समामनन्ति ८

अनुदिशतीतरानध्वनामध्वपते नमस्ते अस्तु मा मा हिंसीरिति तन्तमभिक्रामम् ९

सम्राडसि कृशानुरित्याहवनीयम् । परिषद्योऽसि पवमान इति बहिष्पवमानास्तावम् । प्रतक्वासि नभस्वानिति चात्वालम् । असम्मृष्टो ऽसि हव्यसूद इति शामित्रम् । समूह्योऽसि विश्वभरा इत्युत्करम् । ऋतधामासि सुवर्ज्योतिरित्यौदुम्बरीम् १०