१३

औदुम्बरे कार्ष्मर्यमये पालाशे वा शुष्के तष्टे प्रधिमुखे पुरस्तात्समाविकर्ते पश्चात् १

न सन्तृणत्त्येकाहे । तत ऊर्ध्वं सन्तृद्ये २

उक्थ्यादिषु वा सन्तृणत्ति ३

अथैने उपरवेषूपदधाति रक्षोहणौ वलगहनावुपदधामि वैष्णवी इति ४

द्वौ दक्षिणेनापिदधाति । द्वावुत्तरेण ५

संहिते पुरस्ताद्द्व्यङ्गुलेन पश्चादसंहिते भवतः ६

अथैने उत्तरैर्मन्त्रैः पर्यूहामीति प्रदक्षिणमुपरवपांसुभिः पर्युह्य परिस्तृणामीति बर्हिषा परिस्तीर्योत्तमेनाभिमन्त्रयते ७

एतस्यैव हविर्धानस्याग्रेणोपस्तम्भनमुपरवपांसुभिश्चतुरश्रं खरं करोति सोमपात्रेभ्य आप्तम् ८

पुरस्तात्सञ्चरं शिनष्टि ९

अन्तरा चात्वालोत्करावाग्नीध्रचात्वालौ वाध्वर्युर्दृशीकवश्च सञ्चरेयुः १०

सर्वतः ह्प्रसुते दृशीकवः सञ्चरेयुरित्येके ११