०८

विष्णो रराटमसीति पुरस्ताद्रराट्यां तिर्यञ्चं वंशं धारयन्विष्णोः स्यूरसीति स्यूत्वा विष्णोर्ध्रुवमसीति प्रज्ञातं ग्रन्थिं कृत्वा प्राचो वंशानत्याधाय विष्णोः पृष्ठमसीति तेषु मध्यमं छदिरध्यूहति त्र्यरत्निविस्तारं नवायामम् १

तूष्णीमितरे छदिषी अध्यूह्य कटांस्तेजनीरिति छद्यन्तरालेषु प्रवर्तमुपास्यति २

तेऽन्तर्वर्ता भवन्ति ३

परि त्वा गिर्वणो गिर इति सर्वतः परिश्रित्य विष्णोः श्नप्त्रे स्थ इति रराट्या अन्तौ व्यस्यति । सम्मृशतीत्येके ४

विष्णोः स्यूरसीत्यध्वर्युर्दक्षिणां द्वार्बाहुं स्यूत्वा विष्णोर्ध्रुवमसीति प्रज्ञातं ग्रन्थिं करोति ५

ग्रन्थिकरणमेके पूर्वं समामनन्ति ६

यं प्रथमं ग्रन्थिं ग्रथ्नीयादित्युक्तम् ७

एवमुत्तरां म्प्रतिप्रस्थाता ८

एवमपरे सीव्यतः ९

पुरस्तादुन्नतं पश्चान्निनतं हविर्धानम् १०

वैष्णवमसि विष्णवे त्वेति सम्मितमभिमृशति ११