२१

प्रायणीयायास्तन्त्रं प्रक्रमयति १

वेदं कृत्वाग्नीन्परिस्तीर्य पाणिप्रक्षालनादि कर्म प्रतिपद्यते २

यथार्थं पात्राणि प्रयुनक्ति । स्थालीं कपालानां स्थाने ३

निर्वपणकालेऽदित्यै पयसि चरुः प्रायणीयः ४

प्राक् सम्प्रैषात्कृत्वा पत्नीवर्जं सम्प्रेष्यति ५

याः कृतायां वेद्यां चोद्यन्ते सैव तासां वेदिः । याः स्तीर्णे बर्हिषि तदेव तासां बर्हिः ६

आज्यग्रहणकालेऽननूयाजे प्रायणीये चतुर्जुह्वां गृह्णाति । चतुरुपभृति समानयनार्थम् ७

अप्रयाज उदयनीये न जुह्वां गृह्णाति । चतुरुपभृत्यनूयाजार्थम् ८

षड्ढोत्रा प्रायणीयमासादयति ९

प्रयाजवदननूयाजमित्युक्तम् १०

चतुर आज्यभागान्प्रतिदिशं यजति । पथ्यां स्वस्तिं पुरस्तादग्निं दक्षिणतः सोमं पश्चात्सवितारमुत्तरतः । मध्ये ऽदितिं हविषा ११

अदितिमिष्ट्वा मारुतीमृचमनूच्याज्येन चरुमभिपूर्यैता देवता यजति । ध्रौवाद्वा । स्विष्टकृतं षष्ठम् १२

शंय्वन्ता संस्थाप्या वा १३

पत्नीस्तु न संयाजयेत् १४

ता उदयनीये संयाजयेत् १५

समे वा कार्ये १६

धारयति ध्रौवमाज्यम् १७

प्राग्वंशे बर्हिः स्थालीमनिष्कसितां मेक्षणमित्युदयनीयार्थं निदधाति १८