१०

चतुरो मुष्टीन्निरुप्य बह्वन्वावपति १

कपालानामुपधानकाले प्रथमेन कपालमन्त्रेण चरुमुपदधाति । ध्रुवोऽसीति मन्त्रं सन्नमति । पिष्टानामुत्पवनकाले तण्डुलानुत्पुनाति २

अधिश्रयणकाले प्रातर्दोहवत्सर्वा यजमानस्य गा दोहयित्वा तस्मिञ्छ्रपयति ३

सम्प्रैषकाले यदन्यदिध्माबर्हिषस्तत्सम्प्रेष्यति । आज्य ग्रहणकाले ध्रुवायामेव गृह्णाति ४

प्रोक्षणीरभिमन्त्र्य ब्रह्माणमामन्त्र्य वेदिं प्रोक्ष्य प्रोक्षणीशेषं निनीय पवित्रे अपिसृज्यान्तर्वेदि विधृती निधाय ध्रुवां स्रुवं च सादयति ५

एतावसदतामिति मन्त्रं सन्नमति ६

उद्वासनकाले शरं निधाय यावन्तो यजमानस्यामात्यास्तावत ओदनानुद्धरति ७

अतो भूयसो यदि बहुरोदनो भवति ८

उद्धृतानुत्पूतानलङ्कृतानभिघारितानासादयति ९

दक्षिणाग्नौ पत्न्याः प्रतिवेशमोदनं पचति १०

तं नाभिघारयति ११

द्वयोरुद्धरणं वाजसनेयिनः समामनन्ति । दक्षिणादेव मरुतो गृहमेधिनो यजति १२