०२

श्वोभूते पात्रसंसादनकाले पालाशं वाजिनपात्रं प्रयुनक्ति स्रुचं वा १

निर्वपणकाल आग्नेयमष्टाकपालमिति यथासमाम्नातमष्टौ हवींषि निर्वपति २

तेषां पौष्णान्तानि पञ्च सञ्चराणि ३

पिष्टानां पौष्णं श्रपयति ४

तप्ते प्रातर्दोहे सायन्दोहमानयति ५

यत्संवर्तते सामिक्षा । यदन्यत्तद्वाजिनम् ६

पशुवत्सम्प्रैषः । तथाज्यानि ७

पृषदाज्ये विकारः । महीनां पयोऽसीति पृषदाज्यधान्यां द्विराज्यं गृह्णाति द्विर्दधि सकृदाज्यम् ८

उद्वासनकाल आमिक्षां संहत्य द्वयोः पात्रयोरुद्धृत्य वाजिनैकदेशेनोपसिञ्चति ९

अलङ्करणकाल आज्येनैककपालमभिपूरयत्याविःपृष्ठं वा कृत्वा व्याहृतीभिर्हवींष्यासादयति १०

उत्करे वाजिनम् ११

पञ्चहोत्रा यजमानः सर्वाणि हवींष्यासन्नान्यभिमृशति १२

पशुवन्निर्मथ्यः सामिधेन्यश्च १३

नव प्रयाजाः १४

चतुर्थोत्तमावन्तरेण पाशुकाश्चत्वारो दुरःप्रभृतयः प्रैषप्रतीकयाज्याः १५

पशुवत्समानयनम् १६

प्रचरणकाल उपांशु सावित्रेण प्रचर्य पूर्ववदेककपालेन प्रचरति १७

मधुश्च माधवश्चेति चतुर्भिर्मासनामभिरेककपलमभिजुहोति १८

दक्षिणाकाले प्रथमजं वत्सं ददाति मिथुनौ वा गावौ १९

पृषदाज्यं जुह्वामानीय पृषदाज्यधानीमुपभृतं कृत्वा तेन नवानूयाजान्यजति २०