०८

अग्नीन्परिस्तीर्य पाणिप्रक्षालनादि कर्म प्रतिपद्यते १

यथार्थं पात्राणि प्रयुनक्ति २

स्फ्यमग्निहोत्रहवणीं वसाहोमहवनीं द्वितीयां जुहूं पृषदाज्यधानीं द्वितीयामुपभृतं द्वे आज्यस्थाल्यौ हृदयशूलमसिं कुम्भीं प्लक्षशाखां शाकपवित्रं कार्ष्मर्यमय्यौ वपाश्रपण्यौ द्विशूलामेकशूलां चौदुम्बरं मैत्रावरुणदण्डमास्यदघ्नं चुबुकदघ्नं वा रशने च ३

पवित्रे कृत्वा यजमान वाचं यच्छेति सम्प्रेष्यति ४

वाग्यतः ह्पात्राणि सम्मृश्य प्रोक्षणीः संस्कृत्य ब्राह्मणमामन्त्र्य पात्राणि प्रोक्षत्यत्र वाचं विसृजते । स्फ्यमादायोत्तरं परिग्राहं परिगृह्य दर्शपूर्णमासवत्सम्प्रेष्यति । आज्येन दध्नोदेहीति सम्प्रैषान्तं नमति ५

स्रुचां सम्मार्जनकाले स्रुवं सम्मृज्य तस्यावता स्वधितिम् ६

जुहूवद्वसाहोमहवनीमुपभृद्वत्पृषदाज्यधानीम् । आज्यं निरुप्य दधि निर्वपति ७

अधिश्रयणवर्जं दधनि क्रियते ८

नैतस्य दध्नः संस्कारो विद्यत इत्यपरम् ९