१७

“संपश्यामि प्रजा अहमि"ति गृहान्प्रेक्षते १

“अम्भः स्थ, +अम्भो वो भक्षीये"ति गोष्ठमुपतिष्ठते २

“रेवती रमध्वमि"त्यन्तराग्नी तिष्ठञ्जपति ३

“संहितासि विश्वरूपीरि"ति वत्समभिमृशति ४

“संहितासि विश्वरूपे"ति वत्साम् ५

“भुवनमसि सहस्रपोषं पुषेति” वा वत्सम् ६

“उप त्वाग्ने दिवेदिव” इति तिसृभिर् गायत्रीभिर् गार्हपत्यम् उपतिष्ठते
“ऽग्ने त्वं नो अन्तम” इति चतसृभिश्च द्विपदाभिः ७

“स नो बोधि श्रुधी हवमुरुष्या णो अघायतः समस्मादि"त्येषा चतुर्थी +++(द्विपदा)+++ भवति ८

“ऊर्जा वः पश्याम्य्, ऊर्जा मा पश्यते"ति गृहान्प्रेक्षते पशून्वा ९

“महि त्रीणामवोऽस्तु द्युक्षं मित्रस्यार्यम्णः । दुराधष वरुणस्य ।” +++(विवरणम् अत्र)+++, “नहि तेषाममा चन नाध्वसु वारणेष्वा । ईशे रिपुरघशंसः ।”, “ते हि पुत्रासो अदितेश् छर्दिर् यच्छन्त्यजस्रम् । वि दाशुषे वार्याणी"ति प्राजापत्येन तृचेनोपतिष्ठते +++(आहवनीयम्)+++१०

यं कामयेत स्वस्ति पुनरागच्छेदिति तमेताभिर्+++(=पूर्वोक्त-त्र्य्-ऋचेन)+++ अन्वीक्षेत । स्वस्त्येव पुनरागच्छतीत्ययज्ञसंयुक्तः +++(नाम न यजमानस्यैव)+++ कल्पः ११

“मा नः शंसो अररुषो धूर्तिः प्रणङ् मर्त्यस्य । रक्षा णो ब्रह्मणस्पते ।” “यो रेवान्यो अमीवहा वसुवित् पुष्टिवर्धनः । स नः सिषक्तु यस्तुरः ।” “परि ते दूडभो रथोऽस्माँ अश्नोतु विश्वतः । येन रक्षसि दाशुषः” १२