०२

“अग्ने सम्राडजैकपादाहवनीय दिवः पृथिव्याः पर्यन्तरिक्षाल् लोकं विन्द यजमानाय । पृथिव्यास्त्वा मूर्धन् सादयामि यज्ञिये लोके । यो नो अग्ने निष्ठो यो ऽनिष्ट्यो ऽभिदासतादमहं तं त्वयाभिनिदधामी"ति पुरस्तात् परिक्रम्योदङ्मुखः प्रत्यङ्मुखो वा सायमायतनेऽग्निं प्रतिष्ठापयति । प्राङ्मुखः प्रातः १ +++(सूर्यादग्निरायातीति भावः)+++

स्वयं यजमान इध्मानाहरति “विश्वदानीमाभरन्तो नातुरेण मनसा । अग्ने मा ते प्रतिवेशा रिषामे"त्येतया २

“यदग्ने यानि कानि चे"त्येताभिः पञ्चभिः प्रतिमन्त्रमग्निषु महत इध्मानादधाति ३

आहवनीये वर्षिष्ठम्+++(=गुरुतरः)+++ ४

यथाहितास् तेनानुपूर्व्येणाऽऽहवनीयाद्वा प्रक्रम्य +++(आदधाति)+++५

तथाग्निराधेयो+++(अच्छिद्र इध्मः)+++ यथाहुतिर्न व्यवेयात् +++(=भित्त्वाग्निं भूमिं न प्राप्नुयात्)+++ ६

नान्तराग्नी +++(=गार्हपत्याहवनीययोर् मध्ये)+++ संचरति ७

यदि पूर्वोऽनुगतः संचर्यम् ८

पश्चाद्धि +++(गार्हपत्ये)+++ स तर्हि गतः ९

कामं हुते संचर्यमित्येके १०

नक्तमाहवनीयं धारयति +++(पक्षे, “प्राङ्मुखः प्रातर्” इति वचनात्।)+++ ११

नित्यो गतश्रियो ध्रियते +++(आहवनीयः)+++ १२

नित्यं गार्हपत्यम् १३

तथान्वाहार्यपचनं+++(=दक्षिणाग्निम्, यत्र ऋत्विजां कृत ओदनम् पच्यते)+++ यदि मथित्वाहितो भवति +++(दक्षिणाग्निः)+++ १४

यद्याहार्योऽहरहरेनं+++(=दक्षिणाग्निम्)+++ दक्षिण+++(देश)+++त आहरन्ति १५

उपवसथ+++(=अग्न्यन्वाधानकाले, अग्निस्थापनात्परम् इध्माधाने)+++ एवैनमाहरेयुर्, नवावसान+++(=देशान्तरप्राप्तौ वासार्थं)+++ एवैनम् आहरेयुरिति वाजसनेयकम् १६