२२

ऐन्द्राग्नमेकादशकपालमनुर्निवपत्यादित्यं च घृते चरुम् १

सप्तदश सामिधेन्य २

चतुर्धाकरणकाल आदित्यं ब्रह्मणे परिहरति ३

तं चत्वार आर्षेयाः प्राश्नन्ति ४

प्राशितवद्भ्यः समानं वरं ददाति । धेन्वनडुहोर्दानमेके समामनन्ति । सिद्धमिष्टिः सन्तिष्ठते ५

आग्नावैष्नवमेकादशकपालमनुनिर्वपत्यग्नीषोमीयमेकादशकपालं विष्णवे शिपिविष्टाय त्र्युद्धौ घृते चरुम् ६

सिद्धमिष्टिः सन्तिष्ठते ७

आदित्यं घृते चरुं सप्तदशसामिधेनीकं धेनुदक्षिणं सर्वेषामनुनिर्वाप्याणां स्थाने वाजसनेयिनः समामनन्ति ८

सिद्धमिष्टिः सन्तिष्ठते ९

अग्निहोत्रमारप्स्यमानो दशहोतारं मनसानुद्रुत्याहवनीये सग्रहं हुत्वाथ सायमग्निहोत्रं जुहोति १०

व्याहृतीभिरुपसादयेत् ११

संवत्सरे पर्यागत एताभिरेवोपसादयेत् १२

द्वादशाहमजस्रेष्ठग्निषु यजमानः स्वयमग्निहोत्रं जुहुयादप्रवसन्नहतं वासो बिभर्ति १३