२१

पवमानहवींषि सद्यो निर्वपेत् १

द्वादशाहे द्व्यहे त्र्यहे चतुरहेऽर्धमासे मास्यृतौ संवत्सरे वा २

न सोमेनायक्ष्यमाणः पुरा संवत्सरान्निर्वपेत् ३

निर्वपेदित्येके ४

यदि निर्वपेदग्नये पवमानायाग्नये पावकायाग्नये शुचय इति तिस्र आज्याहुतीः सोमदेवताभ्यो वा हुत्वा निर्वपेत् ५

समानतन्त्राणि नानातन्त्राणि वाग्नेयेन वा समानतन्त्राणि ६

यं कामयेत पापीयान्स्यादिति तस्यैकमेकमेतानि हवींषि निर्वपेत् । न वसीयान्न पापीयानिति तस्य साकं सर्वाणि । यं कामयेतोत्तरं वसीयाञ्छेयान्स्यादिति तस्याग्नये पवमानाय निरुप्य पावकशुचिभ्यां समानबर्हिषी निर्वपेत् ७

शतमानं हिरण्यं दक्षिणा ८

पूर्वयोर्हविषोर्द्वे त्रिंशन्माने उत्तरस्मिंश्चत्वारिंशन्मानम् ९

येन हिरण्यं मिमते तेन मीत्वा ददाति १०

सिद्धमिष्टिः सन्तिष्ठते ११