१६

स इन्द्राय वैमृधायानुनिर्वपेत् १

यो नेव घोषेन्नेव शृणुयात्स इन्द्रायांहोमुचे २

यो भ्रात्ङ्व्यवान्स्यात्स इन्द्राय वृत्रतुरे ३

अथ यं न कुतश्चनातपेत्स इन्द्रायैव ४

यो भ्रातृव्यवान्स्यात्स पौर्णमासं संस्थाप्यैतामिष्टिमनुनिर्वपेदाग्नावैष्णवमेकादशकपालं सरस्वत्यै चरुं सरस्वते चरुम् ५

पौर्णमासीमेव यजेत भ्रातृव्यवान्नामावास्याम् ६

पितृयज्ञमेवामावास्यायां कुरुते ७

संक्रामेसङ्क्रामे वज्रं भ्रातृव्याय प्रहरतीति विज्ञायते ८

त्र्यवरार्ध्यममावास्यां सङ्क्रामति ९

अग्नीषोमीयानि प्रधानानि स्युरमावास्यायां पौर्णमास्यां च भ्रातृव्यवतोऽभिचरतो वा १०

साकम्प्रस्थायीयेन यजेत पशुकाम इत्यमावास्या विक्रियते ११

द्वौ सायं दोहावेवं प्रातः १२

सायं सायन्दोहाभ्यां प्रचरन्ति प्रातः प्रातर्दोहाभ्याम् १३

सर्वैर्वा प्रातः १४

पात्रसंसादनकाले चत्वार्यौदुम्बराणि पात्राणि प्रयुनक्ति १५

तेषां जुहूवत्कल्पः १६

आज्यभागाभ्यां प्रचर्याग्नेयेन च पुरोडाशेनाग्नीधे स्रुचौ प्रदाय सह कुम्भीभिरभिक्रामन्नाहेन्द्रायानुब्रूह्याश्रावयेन्द्रं यजेति सम्प्रैषौ १७