१७

घृतवति शब्दे जुहूपभृताव् आदाय
दक्षिणा सकृद्-अतिक्रान्तो
ऽपरेणाघार-सम्भेदं
पञ्च प्रयाजान् प्राचो यजति १

प्रतिदिशं वा समिधः पुरस्तात्, तनूनपातं दक्षिणत, इडः पश्चाद्, बर्हिर् उत्तरतः, स्वाहाकारं मध्ये २

सर्वान्वैकध्यम् ३

आश्रावमाश्रावं प्रत्याश्राविते समिधो यजेति प्रथमं सम्प्रेष्यति । यज यजेतीतरान् ४

यं कामयेताभितरं वसीयान्स्यादित्यभिक्रामं तस्य जुहुयादवतरं पापीयानिति प्रतिक्रामं न वसीयान्न पापीयानिति समानत्र तिष्ठन् ५

त्रीनिष्ट्वार्धमौपभृतस्य जुह्वामानीयोत्तराविष्ट्वा प्रत्याक्रम्य शेषेण ध्रुवामभिघार्यानुपूर्वं हवींष्यभिघारयत्युपभृतमन्ततः ६

न हवींष्यभिघारयेद्द्वेष्यस्य । आयतने स्रुचौ सादयति ७