१६

अनपव्याहरन्तः प्रचरन्ति १

आश्रावयिष्यन्नान्यदाश्रावणाद्ब्रूयादाश्राविते नान्यदाग्नीध्रः प्रत्याश्रावणात् । प्रत्याश्राविते नान्यदध्वर्युर्यजेति वचनाद्यजेत्युक्ते होता नान्यद्वषट्कारात् २

यद्यन्यद्ब्रूयात्पुनरेवाश्रावयेत् ३

व्याहृतीर्वा जपेत् ४

ऊर्ध्वज्ञुमासीनं होतारं वृणीतेऽग्निर्देवो होता देवान्यक्षद्विद्वांश्चिकित्वान्मनुष्ठद्भरतवदमुवदमुवदिति यथार्षेयो यजमानः ५

त्रीन्यथर्षि मन्त्रकृतो वृणीते ६

अपि वैकं द्वौ त्रीन्पञ्च ७

न चतुरो वृणीते न पञ्चातिप्रवृणीते ८

इत ऊर्ध्वानध्वर्युर्वृणीतेऽमुतोऽर्वाचो होता ९

पुरोहितस्य प्रवरेण राजा प्रवृणीते १०

ब्रह्मण्वदा च वक्षद्ब्राह्मणा अस्य यज्ञस्य प्राबितार इति प्रवरशेषमाह ११

अपि वा नार्षेयं वृणीते । मनुवदित्येव ब्रूयात् १२

सीदति होता १३

होतुरुपांशु नाम गृह्णाति मानुष इत्युच्चैः १४

वेद्यां तृणमपिसृजति १५