१७

“वानस्पत्यासि, दक्षाय त्वे"त्यग्निहोत्रहवणीम् आदत्ते । “वेषाय त्वे"ति शूर्पम् १ 1.17.1

“प्रत्युष्टं रक्षः, प्रत्युष्टा अरातय” इत्याहवनीये गार्हपत्ये वा प्रतितप्य
“यजमान! हविर् निर्वप्स्यामी"त्यामन्त्रयते २

+++(यजमाने)+++ प्रवसत्य् “अग्ने! हविर् निर्वप्स्यामी"ति ३

उर्वन्तरिक्षम् अन्विहीति शकटायाभिप्रव्रजति ४

अपरेण गार्हपत्यं प्रागीषमुदगीषं+++(=युगशकटयोः सम्बन्धकं दारु)+++ वा +++(मुक्तानडुत्कम् अपि)+++ नद्धयुगं शकटमवस्थितं भवति व्रीहिमद् यवमद् वा ५

“धूरसीति” दक्षिणां युगधुरम् अभिमृशत्युत्तरां वा ६

“त्वं देवानामसि सस्नितममि"त्युत्तराम् ईषाम्+++(=युगशकटयोः सम्बन्धकं दारु)+++ आलभ्य जपति ७

“विष्णुस् त्वा ऽऽक्रंस्ते"ति सव्ये चक्रे दक्षिणं पादम् अत्याधाय
“आहुतमसि हविर्धानमि"त्यारोहति ८

“उरु वाताये"ति परीणाहम्+++(=आवरणम्)+++ अपच्छाद्य
“मित्रस्य त्वा चक्षुषा प्रेक्ष” इति पुरोडाशीयान् प्रेक्षते ९

“निरस्तं रक्षो, निरस्तोऽघशंस” इति यदन्यत् पुरोडाशीयेभ्यस् तन्निरस्य
“उर्जाय वः पयो मयि धेही"त्यभिमन्त्र्य
दशहोतारं+++(=मन्त्रविशेषं)+++ व्याख्याय
शूर्पे पवित्रे निधाय
तस्मिन्न् अग्निहोत्रहवण्या हवींषि निर्वपति+++(=देवतार्थेन पृथक् स्थापयति)+++, तया वा पवित्रवत्या +++(इति अग्निहोत्रहवण्याम् पवित्रनिधानविकल्पः)+++ १०

व्रीहीन्यवान्वा ११

“यच्छन्तां पञ्चे"ति मुष्टिं गृहीत्वा
स्रुचि मुष्टिमोप्य
“देवस्य त्वे"त्यनुद्रुत्य
“अग्नये जुष्टं निर्वपामी"ति त्रिर् यजुषा,
तूष्णीं चतुर्थम् +++(निर्वपति)+++१२