आचार्यः

तमसो वा एष +++(आगत्य)+++ तमः प्रविशति - यम् अविद्वान् उपनयते, यश् चाविद्वान् - इति हि ब्राह्मणम् ११

तस्मिन्न् अभिजन-विद्यासमुदेतं समाहितं संस्कर्तारम् ईप्सेत् १२

तस्मिंश् चैव विद्या-कर्म +आन्तम् अविप्रतिपन्ने धर्मेभ्यः १३

यस्माद् धर्मान् आचिनोति स आचार्यः १४+++(5)+++

तस्मै न द्रुह्येत् कदाचन १५

स हि विद्यातस् तं जनयति १६

तच् +छ्रेष्ठं जन्म १७

शरीरम् एव माता-पितरौ जनयतः १८

ब्राह्मण आचार्यः स्मर्यते तु २४

आपदि ब्राह्मणेन राजन्ये वैश्ये वाध्ययनम् २५

अनुगमनं च पश्चात् २६

तत ऊर्ध्वं ब्राह्मण एवाग्रे गतौ स्यात् २७

जात्याचारसंशये धर्मार्थमागतमग्निमुपसमाधाय जातिमाचारं च पृच्छेत् १

साधुतां चेत्प्रतिजानीतेऽग्निरुपद्र ष्टा वायुरुपश्रोतादित्योऽनुख्याता साधुतां प्रतिजानीते साध्वस्मा अस्तु वितथ एष एनस इत्युक्त्वा शास्तुं प्रतिपद्येत २

तस्मिन्गुरोर्वृत्तिः २३

पुत्रमिवैनमनुकाङ्क्षन्सर्वधर्मेष्वनपच्छादयमानः सुयुक्तो विद्यां ग्राहयेत् २४

अन्तेवास्यनन्तेवासी भवति विनिहितात्मा गुरावनैपुणमापद्यमानः २६

आचार्योऽप्यनाचार्यो भवति श्रुतात्परिहरमाणः २७

अपराधेषु चैनं सततमुपालभेत २८

अभित्रास उपवास उदकोपस्पर्शनमदर्शनमिति दण्डा यथामात्रमा निवृत्तेः २९

अध्ययनार्थेन यं चोदयेन्न चैनं प्रत्याचक्षीत ३

न चास्मिन्दोषं पश्येत् ४

यदृच्छायामसंवृत्तौ गतिरेव तस्मिन् ५

उपाकरणादोत्सर्जनादध्यापयितुर्नियमः। लोमसंहरणं मांसं श्राद्धं मैथुनमिति च वर्जयेत् १६

ऋत्वे वा जायाम् १७

यथागमं शिष्येभ्यो विद्यासंप्रदाने नियमेषु च युक्तः स्यात् । एवं वर्तमानः पूर्वापरान्संबन्धानात्मानं च क्षेमे युनक्ति १८

निवृत्तं चरितब्रह्मचर्यमन्येभ्यो धर्मेभ्योऽनन्तरो भवेत्यतिसृजेत् ३०

न समावृत्ते समादेशो विद्यते ५

शास्तुश्चानागमाद्वृत्तिरन्यत्र २६

प्रवचन-युक्तो वर्षा-शरदं मैथुनं वर्जयेत् १

शयानश् चाध्यापनं वर्जयेत् ३

न च तस्यां शय्यायाम् अध्यापयेद् यस्यां शयीत ४

अन्-आविः+++(भूत)+++-स्रग्-अनुलेपणः स्यात् ५