१२

द॒त्वते॒ स्वाहा॑ऽद॒न्तका॑य॒ स्वाहा॑ प्रा॒णिने॒ स्वाहा॑ऽप्रा॒णाय॒ स्वाहा॒ मुख॑वते॒ स्वाहा॑ऽमु॒खाय॒ स्वाहा॒ नासि॑कवते॒ स्वाहा॑ऽनासि॒काय॒ स्वाहा॑ऽक्ष॒ण्वते॒ स्वाहा॑ऽन॒क्षिका॑य॒ स्वाहा॑ क॒र्णिने॒ स्वाहा॑ऽक॒र्णका॑य॒ स्वाहा॑ शीर्ष॒ण्वते॒ स्वाहा॑ऽशी॒र्षका॑य॒ स्वाहा॑ प॒द्वते॒ स्वाहा॑ऽपा॒दका॑य॒ स्वाहा॑ प्राण॒ते स्वाहाऽप्रा॑णते॒ स्वाहा॒ वद॑ते॒ स्वाहाऽव॑दते॒ स्वाहा॒ पश्य॑ते॒ स्वाहाऽप॑श्यते॒ स्वाहा॑ शृण्व॒ते स्वाहाऽशृ॑ण्वते॒ स्वाहा॑

द॒त्वते॒ स्वाहा॑ । अ॒द॒न्तका॑य॒ स्वाहा॑ । प्रा॒णिने॒ स्वाहा॑ । अ॒प्रा॒णाय॒ स्वाहा॑ ।
मुख॑वते॒ स्वाहा॑ । अ॒मु॒खाय॒ स्वाहा॑ । नासि॑कवते॒ स्वाहा॑ । अ॒ना॒सि॒काय॒ स्वाहा॑ ।
अ॒क्ष॒ण्वते॒ स्वाहा॑ । अ॒न॒क्षिका॑य॒ स्वाहा॑ । क॒र्णिने॒ स्वाहा॑ । अ॒क॒र्णका॑य॒ स्वाहा॑ ।
शी॒र्ष॒ण्वते॒ स्वाहा॑ । अ॒शी॒र्षका॑य॒ स्वाहा॑ । प॒द्वते॒ स्वाहा॑ । अ॒पा॒दका॑य॒ स्वाहा॑ ।
प्रा॒ण॒ते स्वाहा॑ । अप्रा॑णते॒ स्वाहा॑ । वद॑ते॒ स्वाहा॑ । अव॑दते॒ स्वाहा॑ ।
पश्य॑ते॒ स्वाहा॑ । अप॑श्यते॒ स्वाहा॑ । शृ॒ण्व॒ते स्वाहा॑ । अशृ॑ण्वते॒ स्वाहा॑ ।

द॒त्वते॒ स्वाहा॑ । अ॒द॒न्तका॑य॒ स्वाहा॑ । प्रा॒णिने॒ स्वाहा॑ । अ॒प्रा॒णाय॒ स्वाहा॑ ।
मुख॑वते॒ स्वाहा॑ । अ॒मु॒खाय॒ स्वाहा॑ । नासि॑कवते॒ स्वाहा॑ । अ॒ना॒सि॒काय॒ स्वाहा॑ ।
अ॒क्ष॒ण्वते॒ स्वाहा॑ । अ॒न॒क्षिका॑य॒ स्वाहा॑ । क॒र्णिने॒ स्वाहा॑ । अ॒क॒र्णका॑य॒ स्वाहा॑ ।
शी॒र्ष॒ण्वते॒ स्वाहा॑ । अ॒शी॒र्षका॑य॒ स्वाहा॑ । प॒द्वते॒ स्वाहा॑ । अ॒पा॒दका॑य॒ स्वाहा॑ ।
प्रा॒ण॒ते स्वाहा॑ । अप्रा॑णते॒ स्वाहा॑ । वद॑ते॒ स्वाहा॑ । अव॑दते॒ स्वाहा॑ ।
पश्य॑ते॒ स्वाहा॑ । अप॑श्यते॒ स्वाहा॑ । शृ॒ण्व॒ते स्वाहा॑ । अशृ॑ण्वते॒ स्वाहा॑ ।

1पुनरपि नक्तंहोमेष्वेव शरीरहोमाः - दत्वत इत्याद्याः ॥ प्रशंसादिषु मतुप् । नञा च तत्तदपेक्षा प्रतिषिध्यते । देवताभूतस्य दन्ताद्यपेक्षाभावात् । यद्वा - अदन्तकादिबहुप्रकारा । बहुरूपेणाश्वः स्तूयते । दत्वते । ‘ह्रस्वनुड्भ्याम्’ इति मतुप उदात्तत्वं अविभक्तेरपि दृश्यते । यथा ‘अवसाय पद्वते रुद्र मृड’ इति । अदन्तकाय । ‘नञ्सुभ्याम्’ इत्युत्तरपदान्तोदात्तत्वम् । एवं सर्वत्र । नासिकवते । ‘ङ्यापोः’ इति ह्रस्वत्वम् । अक्षण्वते । ‘छन्दस्यपि दृश्यते’ इत्यनङि ‘अनो नुट्’ ‘ह्रस्वनुड्भ्यां मतुप्’ इति मतुप उदात्तत्वम् । शीर्षण्वते । ‘शीर्षञ्छन्दसि’ इति पूर्ववन्नुट्स्वरौ । पद्वते, दत्वत इतिवत् । प्राणते । ‘शतुरनुमः’ इति विभक्त्या उदात्तत्वम् । अप्राणते, अव्ययपूर्वपदप्रकृतिस्वरत्वम् ॥

मन॒स्विने॒ स्वाहा॑ [35]
अ॒म॒नसे॒ स्वाहा॑ रेत॒स्विने॒ स्वाहा॑ऽरे॒तस्का॑य॒ स्वाहा॑ प्र॒जाभ्य॒स्स्वाहा॑ प्र॒जन॑नाय॒ स्वाहा॒ लोम॑वते॒ स्वाहा॑ऽलो॒मका॑य॒ स्वाहा॑ त्व॒चे स्वाहा॒ऽत्वक्का॑य॒ स्वाहा॒ चर्म॑ण्वते॒ स्वाहा॑ऽच॒र्मका॑य॒ स्वाहा॒ लोहि॑तवते॒ स्वाहा॑ऽलोहि॒ताय॒ स्वाहा॑ माँस॒न्वते॒ स्वाहा॑ऽमाँ॒सका॑य॒ स्वाहा॒ स्नाव॑भ्य॒स्स्वाहा॑ऽस्ना॒वका॑य॒ स्वाहा॑ऽस्थ॒न्वते॒ स्वाहा॑ऽन॒स्थिका॑य॒ स्वाहा॑ मज्ज॒न्वते॒ स्वाहा॑ऽम॒ज्जका॑य॒ स्वाहा॒ऽङ्गिने॒ स्वाहा॑ऽन॒ङ्गाय॒ स्वाहा॒ऽऽत्मने॒ स्वाहाऽना॑त्मने॒ स्वाहा॒ सर्व॑स्मै॒ स्वाहा॑ ॥ [36]

म॒न॒स्विने॒ स्वाहा॑ (35)।
अ॒म॒नसे॒ स्वाहा॑ । रे॒त॒स्विने॒ स्वाहा॑ । अ॒रे॒तस्का॑य॒ स्वाहा॑ ।
प्र॒जाभ्य॒स् स्वाहा॑ । प्र॒जन॑नाय॒ स्वाहा॑ । लोम॑वते॒ स्वाहा॑ । अ॒लो॒मका॑य॒ स्वाहा॑ ।
त्व॒चे स्वाहा॑ । अ॒त्वक्का॑य॒ स्वाहा॑ । चर्म॑ण्वते॒ स्वाहा॑ । अ॒च॒र्मका॑य॒ स्वाहा॑ ।
लोहि॑तवते॒ स्वाहा॑ । अ॒लो॒हि॒ताय॒ स्वाहा॑ । माँ॒स॒न्वते॒ स्वाहा॑ । अ॒माँ॒सका॑य॒ स्वाहा॑ ।
स्नाव॑भ्य॒स् स्वाहा॑ । अ॒स्ना॒वका॑य॒ स्वाहा॑ । अ॒स्थ॒न्वते॒ स्वाहा॑ । अ॒न॒स्थिका॑य॒ स्वाहा॑ ।
म॒ज्ज॒न्वते॒ स्वाहा॑ । अ॒म॒ज्जका॑य॒ स्वाहा॑ । अ॒ङ्गिने॒ स्वाहा॑ । अ॒न॒ङ्गाय॒ स्वाहा॑ ।
आ॒त्मने॒ स्वाहा॑ । अना॑त्मने॒ स्वाहा॑ । सर्व॑स्मै॒ स्वाहा॑ ॥ [36]

म॒न॒स्विने॒ स्वाहा॑ (35)।
अ॒म॒नसे॒ स्वाहा॑ । रे॒त॒स्विने॒ स्वाहा॑ । अ॒रे॒तस्का॑य॒ स्वाहा॑ ।
प्र॒जाभ्य॒स् स्वाहा॑ । प्र॒जन॑नाय॒ स्वाहा॑ । लोम॑वते॒ स्वाहा॑ । अ॒लो॒मका॑य॒ स्वाहा॑ ।
त्व॒चे स्वाहा॑ । अ॒त्वक्का॑य॒ स्वाहा॑ । चर्म॑ण्वते॒ स्वाहा॑ । अ॒च॒र्मका॑य॒ स्वाहा॑ ।
लोहि॑तवते॒ स्वाहा॑ । अ॒लो॒हि॒ताय॒ स्वाहा॑ । माँ॒स॒न्वते॒ स्वाहा॑ । अ॒माँ॒सका॑य॒ स्वाहा॑ ।
स्नाव॑भ्य॒स् स्वाहा॑ । अ॒स्ना॒वका॑य॒ स्वाहा॑ । अ॒स्थ॒न्वते॒ स्वाहा॑ । अ॒न॒स्थिका॑य॒ स्वाहा॑ ।
म॒ज्ज॒न्वते॒ स्वाहा॑ । अ॒म॒ज्जका॑य॒ स्वाहा॑ । अ॒ङ्गिने॒ स्वाहा॑ । अ॒न॒ङ्गाय॒ स्वाहा॑ ।
आ॒त्मने॒ स्वाहा॑ । अना॑त्मने॒ स्वाहा॑ । सर्व॑स्मै॒ स्वाहा॑ ॥ [36]

2मनस्विने । ‘अस्मायामेधा’ इति विनिः । अमनसे । ‘नञ्सुभ्याम्’ इत्युत्तरपदान्तोदात्तत्वम् । त्वचे ‘सावेकाचः’ इति विभक्तेरुदात्तत्वम् । चर्मण्वते, उक्तौ नुट्स्वरौ । मांसन्वते । छान्दसोऽनङादेशः, स्वरः पूर्ववत् । अस्थन्वते ‘छन्दस्यपि दृश्यते’ इत्यनङ्, नुट्स्वरौ पूर्ववत् । एवं मज्जन्वते ॥

इति सप्तमे पञ्चमे द्वादशोनुवाकः ॥