विश्वास-प्रस्तुतिः
द॒द्भ्यस्+++(=दशनेभ्यः)+++ स्वाहा॑ ।
हनू॑भ्याँ॒ स्वाहा॑ ।
ओष्ठा॑भ्याँ॒ स्वाहा॑ ।
मुखा॑य॒ स्वाहा॑ ।
नासि॑काभ्याँ॒ स्वाहा॑ ।
अ॒क्षीभ्याँ॒ स्वाहा॑ ।
कर्णा॑भ्याँ॒ स्वाहा॑ ।
विश्वास-प्रस्तुतिः
पा॒र इ॒क्षवो॑+++(=अक्षिरोमाणि ये)+++ ऽवा॒र्ये॑भ्य॒ᳶ+++(→अधराक्षिपुटस्थेभ्यः)+++ पक्ष्म॑+++(रोमे)+++भ्य॒स् +++(तेभ्यः)+++ स्वाहा॑ ।
अ॒वा॒र इ॒क्षवᳶ॑ पा॒र्ये॑भ्य॒ᳶ+++(→उत्तराक्षिपुटस्थेभ्यः)+++ पक्ष्म॑भ्य॒स् +++(तेभ्यः)+++ स्वाहा॑ ।
विश्वास-प्रस्तुतिः
शी॒र्ष्णे स्वाहा॑ ।
भ्रू॒भ्याँ स्वाहा॑ ।
ल॒लाटा॑य॒ स्वाहा॑ ।
मू॒र्ध्ने स्वाहा॑ ।
म॒स्तिष्का॑य॒ स्वाहा॑ ।
केशे॑भ्य॒स् स्वाहा॑ ।
वहा॑य॒+++(=वहनदेशाय)+++ स्वाहा॑ ।
ग्री॒वाभ्य॒स् स्वाहा॑ ।
स्क॒न्धेभ्य॒स् स्वाहा॑ ।
कीक॑साभ्य॒स्+++(=vertebra)+++ स्वाहा॑ ।
पृ॒ष्टीभ्य॒स्+++(=ribs)+++ स्वाहा॑ ।
पा॒ज॒स्या॑य॒+++(=बलस्थाय [हृदयाय])+++ स्वाहा॑ ।
पा॒र्श्वाभ्याँ॒ स्वाहा॑ ।[37]
अँसा॑भ्याँ॒ स्वाहा॑ ।
दो॒षभ्याँ॒+++(=बाह्वोर् उत्तरार्धाभ्यां)+++ स्वाहा॑ ।
बा॒हुभ्याँ॒ स्वाहा॑ ।
जङ्घा॑भ्याँ॒ स्वाहा॑ ।
श्रोणी॑भ्याँ॒ स्वाहा॑ ।
ऊ॒रुभ्याँ॒ स्वाहा॑ ।
अ॒ष्ठी॒वद्भ्याँ॒+++(=जानुभ्यां)+++ स्वाहा॑ ।
जङ्घा॑भ्याँ॒ स्वाहा॑ ।
भ॒सदे॒+++(=गुदाय)+++ स्वाहा॑ ।
शि॒ख॒ण्डेभ्य॒स्+++(=शिरश्चूडेभ्यः)+++ स्वाहा॑ ।
वा॒ल॒धाना॑य॒ स्वाहा॑ ।
आ॒ण्डाभ्याँ॒ स्वाहा॑ ।
शेपा॑य॒ स्वाहा॑ ।
रेत॑से॒ स्वाहा॑ ।
प्र॒जाभ्य॒स् स्वाहा॑ ।
प्र॒जन॑नाय॒ स्वाहा॑ ।
प॒द्भ्यस् स्वाहा॑ ।
श॒फेभ्य॒स् स्वाहा॑ ।
लोम॑भ्य॒स् स्वाहा॑ ।
त्व॒चे स्वाहा॑ ।
लोहि॑ताय॒ स्वाहा॑ ।
माँ॒साय॒ स्वाहा॑ ।
स्नाव॑भ्य॒स्+++(=स्नायुभ्यः)+++ स्वाहा॑ ।
अ॒स्थभ्य॒स् स्वाहा॑ ।
म॒ज्जभ्य॒स् स्वाहा॑ ।
अङ्गे॑भ्य॒स्स्वाहा॑।
आ॒त्मने॒ स्वाहा॑ ।
सर्व॑स्मै॒ स्वाहा॑ ॥ [38]