०८

(अथ पञ्चमाष्टके तृतीयप्रपाठकेऽष्टमोऽनुवाकः।
छन्दाँ॒स्युप॑ दधाति प॒शवो॒ वै छन्दाँ सि
प॒शूने॒वाव॑ रुन्धे॒ छन्दाँ सि॒ वै दे॒वानां॑ वा॒मं
प॒शवो॑ वा॒ममे॒व प॒शूनव॑ रुन्ध ए॒ताँ ह॒ वै
य॒ज्ञसे॑नश्वैत्रियाय॒णाश्वितिं वि॒दां च॑कार॒
तया॒ वै स प॒शूनवा॑रुन्ध॒ यदे॒तामु॑पद॒धा॑ति
पशूने॒वाव॑ रुन्धे गाय॒त्रीः पु॒रस्ता॒दुप॑ दधाति॒
तेजो॒ वै गा॑य॒त्री तेज॑ ए॒व (ऽ) मु॒ख॒तो
ध॑त्ते मूर्ध॒न्वती॑र्भवन्ति मू॒र्धान॑मे॒वैनँ समा॒ना
नां॒ करोति त्रिष्टुभ उप॑दधातीन्द्रि॒यं वै त्रि॒-

[[2351]]

प्रपा. ३ अनु. ८) कृष्णयजुर्वेदीयतैत्तिरीयसंहिता।
(सपुगादीष्टकात्रयाभिधानम्)
ष्टुभी॑न्द्रि॒यमे॒व म॑ध्य॒तो ध॑त्ते॒ जग॑ती॒रुप॑ द-
धाति॒ जाग॑ता॒ वै प॒शवः॑ प॒शूने॒वाव॑ रुन्धेऽ-
नु॒ष्टुभ॒ उप॑ दधाति प्रा॒णा वा अ॑नु॒ष्टुप्प्रा॒णा-
ना॒त्सृ॑ष्ट्यै बृह॒तीरु॒ष्णिहाः॑ प॒ङक्तीर॒क्षर॑-
पङक्ती॒रिति॒ विषु॑रूपाणि॒ छन्दाँ॒ स्युप॑ दधा
ति॒ विषु॑रूपा॒ वै प॒शवः॑ प॒शवः॑ (२) छ-
न्दाँ सि॒ विषु॑रूपाने॒व प॒शूनव॑ न्धे॒ विषु॑रू
पमस्य गृ॒हे दृ॑श्यते॒ यस्यै॒ता उ॑पधी॒यन्ते॒ य
उ॑ चैनामे॒वं वेदाति॑च्छन्दस॒मुप॑ दधा॒त्यति॑-
च्छन्दा॒ वै सर्वा॑णि॒ छन्दाँ सि॒ सर्वे॑भिरे॒वैनं॒
छन्दो॑भिश्चिनुते॒ वर्ष्म॒ वा ए॒षा छन्द॑सां॒ यद-
ति॑च्छन्दा॒ यदति॑च्छन्दसमु॒पपधाति॒ वर्ष्मैवे॒-
नँ समा॒नानां॑ करोति द्वि॒पदा॒ उप॑ दधाति
द्वि॒पाद्यज॑मानः॒ प्रति॑ष्ठित्यै (३)॥
(तेज॑ ए॒व प॒शवः॑ प॒शवो यज॑मान॒ एकं॑ च)।
इति कृष्णयजुर्वेदीयतैत्तिरीयसंहितायां पञ्चमाष्टके
तृतीयप्रपाठकेऽष्टमोऽनुवाकः॥ ८॥