(अथ पञ्चमाष्टके तृतीयप्रपाठके द्वितीयोऽनुवाकः)।
इन्द्रा॑ग्नी॒ अव्य॑थामाना॒मिति॑ स्वयमातृ॒ण्णा
मुप॑ दधातीन्द्रा॒ग्निभ्यां॒ वा इ॒मौ लो॒कौ वि-
[[2339]]
प्रपा ०३ अनु ० २) कृष्णयजुर्वेदीयतैत्तिरीयसंहिता।
(स्वयमातृण्णाद्यभिधानम्)
धृ॑ताव॒नयोर्लो॒कयो॒र्विधृ॑त्या॒ अधृ॑तेव॒ वा ए॒षा
यन्म॑ध्य॒मा चिति॑र॒न्तरि॑क्षमिव॒ वा ए॒षेन्द्रा॑ग्नी॒
इत्या॑हेन्द्रा॒ग्नी वै दे॒वाना॑मोजो॒भृता॒वोज॑सै॒वै
ना॑म॒न्तरि॑क्षे चिनुते॒ धृत्यै॑ स्वयमातृ॒ण्णामुप॑
दधात्य॒न्तरि॑क्षं॒ वै स्व॑यमातृ॒ण्णाऽन्तरि॑क्षमे॒-
वोप॑ ध॒त्तेऽश्व॒मुप॑ (१) ध्रा॒प॒य॒ति॒ प्रा॒णमे॒-
वास्यां॑ दधा॒त्यथो॑ प्राजाप॒त्यो वा अश्वः॑ प्र॒-
जाप॑तिनै॒वाग्नि चि॑नुते स्वयमातृ॒ण्णा भ॑वति
प्रा॒णाना॒मुत्सृ॑ष्ट्या॒ अथो॑ सुव॒र्गस्य॑ लो॒क-
स्यानु॑ख्यात्यै दे॒वानां॒ वै सु॑व॒र्गं लो॒कं य॒तां
दिशः॒ सम॑व्लीयन्त॒ त ए॒ता दिश्या॑ अप
श्य॒न्ता उपा॑दधत॒ ताभि॒र्वै ते दिशो॑द्दँ ह॒न्य
द्दिश्या॑ उप॒दधा॑ति दि॒शां विधृ॑त्यै दश॑ प्राण॒-
भृतः॑ पु॒रस्ता॒दुप (२) द॒धा॒ति॒ नव वै पुरुषे
प्रा॒णा नाभि॑र्दश॒मी प्रा॒णाने॒व पु॒रस्ता॑द्धत्ते॒
तस्मा॑त्पु॒रस्ता॑त्प्रा॒णा ज्योति॑ष्मतीमुत्त॒मामुप॑
दधाति॒ तस्मा॑त्प्रा॒णानां॒ वाग्ज्योति॑रुत्त॒मा
दशोप॑ दधाति॒ दशा॑क्षरा वि॒राड्वि॒राट्छ
न्द॑सांचच ज्योति॒र्ज्योति॑रे॒व पु॒रस्ता॑द्धत्ते॒ तस्मा॑-
त्पु॒रस्ता॒ज्ज्योति॒रुपा॑ऽऽस्महे॒ छन्दाँ॑ सि प॒-
शु॒ष्वा॒जिम॑यु॒स्तान्बृ॑ह॒त्युद॑जय॒त्तस्मा॒द्वार्ह॑ताः
(३) प॒शवः॑ उच्यन्ते॒ मा छन्द॒ इति॑ द-
[[2340]]
श्रीमत्सायणाचार्यविरचितभाष्यसमेता—-(५ पञ्चमकाण्डे—
(अक्ष्णयास्तोमीयादीनामभिधानम्)
क्षिण॒त उप॑दधाति॒ तस्मा॑द्दक्षि॒णावृ॑तो॒ मासाः
पृथि॒वी छन्द॒ इति॑ प॒श्चात्प्रति॑ष्ठित्या अ॒ग्नि
र्दे॒वतेत्यु॑त्तर॒त ओजो॒ वा अ॒ग्निरोज॑ ए॒वोत्त॑ -
र॒तो ध॑त्ते॒ तस्मा॑दुत्तरतोभिप्रया॒यी ज॑यति॒
षटत्रिँ॑ श॒त्सं प॑द्यन्ते॒ षट्त्रिँ॑ शदक्षरा बृ-
ह॒ती बार्ह॑ताः प॒शवो॑ बृह॒त्यैवास्मै॑ प॒शूनव॑
रुन्धे बृह॒ती छन्द॑साँ॒ स्वारा॑ज्य॒ परी॑याय॒
यस्यै॒ताः (४) उ॒प॒धी॒यन्ते॒ गच्छ॑ति॒ स्वा -
रा॑ज्यँ स॒प्त वाल॑खिल्याः पुरस्ता॒दुप॑ दधाति
स॒प्त प॒श्चात्स॒प्त वै शी॑र्षण्याः॑ प्रा॒णा द्वाव -
वा॑ञ्चौ प्रा॒णानाँ॑ सवीर्य॒त्वाय॑ मू॒र्धाऽसि॒ रा -
डिति॑ पु॒रस्ता॒दुप॑ दधाति॒ यन्त्री॒ राडिति॑ प॒ -
श्चात्प्रा॒णाने॒वास्मै॑ स॒मीचो॑ दधाति (५)॥
(अश्व॒मुप॑ पु॒रस्ता॒दुप॒ बार्ह॑ता ए॒ताश्वतु॑स्त्रिँ शच्च)।
इति कृष्णयजुर्वेदीयतैत्तिरीयसंहितायां पञ्चमाष्टके
तृतीयप्रपाठके द्वितीयोऽनुवाकः॥ २॥