(अथ पञ्चमाष्टके प्रथमप्रपाठके दशमोऽनुवाकः)
न ह॑ स्म॒ वै पु॒राऽग्निरप॑रशुवृक्णं दहति॒
तद॑स्मै प्रयो॒ग ए॒वर्षि॑रस्वद॒यद्यद॑ग्ने॒ यानि॒
कानि॒ चेति॑ स॒मिध॒मा द॑धा॒त्यप॑रशुवृक्णमे॒-
वास्मै॑ स्वदयति॒ सर्व॑मस्मै स्वदते॒ य ए॒वं
वेदौदु॑म्बरी॒मा द॑धा॒त्यूर्ग्वा उ॑दु॒म्बरं॒ ऊर्ज॑मे॒-
वास्मा॒ अपि॑ दधाति प्र॒जा॑पतिरग्निम॑सृजत॒
तँ सृ॒ष्टँ रक्षाँ॑सि (१) अ॒जिघाँ॒स॒न्त्स ए॒तद्रा॑क्षो॒घ्नम॑पश्य॒त्तेन॒ वै स रक्षाँ॒स्यपा॑हत॒
यद्रा॑क्षो॒घ्नं भव॑त्य॒ग्नेरे॒व तेन॑ जा॒ताद्रक्षाँ॒-
[[2301]]
प्रपा० १ अनु० १०) कृष्णयजुर्वेदीयतैत्तिरीयसंहिता।
(उख्यधारणम्)
स्यप॑ ह॒न्त्याश्व॑त्थामा द॑धात्यश्व॒त्थो वै वन॒-
स्पंती॑नाँ सपत्नसा॒हो विजि॑त्यै॒ वैक॑ङ्क
ती॒मा द॑धाति॒ भा ए॒वाव॑ रुन्धे शमी॒मयी॒मा
द॑धाति॒ शान्त्यै॒ सँशि॑तं मे॒ ब्रह्मोदे॑षां बा॒हू
अ॑तिर॒मित्यु॑त्त॒मे औदु॑म्बरी (२) वा॒च॒य॒ति॒
ब्रह्म॑णै॒व क्ष॒त्त्रँ सँ श्य॑ति क्ष॒त्रेण॒ ब्रह्म॒
तस्मा॑द्ब्राह्म॒णो रा॑ज॒न्य॑वा॒नत्य॒न्यं ब्राह्म॒णं
तस्माद्राज॒न्यो ब्राह्म॒णवा॒नत्य॒न्यँ रा॑ज॒न्यं॑
मृ॒त्युर्वा ए॒ष यद॒ग्निर॒मृतँ॒ हिर॑ण्यँ रु॒क्मम-
मन्त॑रं॒ प्रति॑ मुञ्चते॒ऽमृत॑मेव॒ मृ॒त्योर॒न्तर्घ॑त्त॒
एक॑विँशतिनिर्बाधो भव॒त्येक॑विँशति॒र्वै
दे॑वलो॒का द्वाद॑श॒ मासाः॒ पञ्च॒र्तव॒स्त्रय॑ इ॒मे
लो॒का अ॒सावा॑दि॒त्यः (३) ए॒क॒विँ॒श
ए॒ताव॑न्तो॒ वै दे॑वलो॒कास्तेभ्य॑ ए॒व भ्रातृ॑व्यम॒-
न्तरे॑ति निर्बा॒धैर्वै दे॒वा असु॑रान्निर्बाधे॑ऽकुर्वत॒
तान्नि॑र्बा॒धानां॑ निर्बाध॒त्वं नि॑र्बा॒धी भ॑वति॒
भ्रातृ॑व्याने॒व नि॑र्बा॒धे कु॑रुते सावित्रि॒या
प्रति॑ मुञ्चते॒ प्रसूत्यै॒ नक्तो॒षासेत्युत्त॑रयाऽहो-
रा॒त्राभ्या॑मे॒वैम॒मुद्य॑च्छते दे॒वा अ॒ग्निं धा॑रय
न्द्राविणो॒दा इत्या॑ह प्रा॒णा वै दे॒वा द्र॑विणो॒दा
अ॑होरा॒त्राभ्या॑मे॒वैन॑मु॒द्यत्य॑ (४) प्रा॒णैर्दा॑धा॒-
राऽऽसी॑नः॒ प्रति॑ मुञ्चते॒ तस्मा॒दासी॑नाः प्र॒जाः
[[2302]]
श्रीमत्सायणाचार्यविरचितभाष्यसमेता- (५ पञ्चमकाण्डे-
(अश्वमेधसंबन्धिप्रयाजयाज्याभिधानम्)
प्र जा॑यन्ते कृष्णाजि॒नमुत्त॑रं॒ तेजो॒ वै हिर॑ण्यं॒
ब्रह्म॑ कृष्णाजि॒नं तेज॑सा चै॒वैनं॒ ब्रह्म॑णा
चोभ॒यतः॒ परि॑ गृह्णाति॒ षडु॑द्यामँ शि॒क्यं॑
भवति॒ षड्वा ऋ॒तव॑ ऋ॒तुभि॑रे॒वैन॒मुद्य॑च्छते॒
यद्द्वाद॑शोद्यामँ संवत्स॒रेणै॒व मौ॒ञ्जं भ॑व-
त्यूर्ग्वै मुञ्जा॑ ऊ॒र्जैवै॒नँ सम॑र्धयति सुप॒र्णो॑ऽसि
ग॒रुत्मा॒नित्यवे॑क्षते रू॒पमे॒वास्यै॒तन्म॑हि॒मानं॒
व्याच॑ष्टे॒ दिवं॑ गच्छ॒ सुवः॑ प॒तेत्या॑ह सुव॒र्ग-
मे॒वैंनं॑ लो॒कं ग॑मयति (५)।
(रक्षाँ॒ सौ॑दुम्बरी णादि॒त्य उ॒द्यत्य॒ सं चतु॑र्विँशतिश्च)।
इति कृष्णयजुर्वेदीयतैत्तिरीयसंहितायां पञ्चमाष्टके
प्रथमप्रपाठके दशमोऽनुवाकः॥१०॥