०६

(अथ प्रथमाष्टके सप्तमप्रपाठके षष्ठोऽनुवाकः)।
अग॑न्म॒ सुवः॒ सुव॑रग॒न्मेत्या॑ह सुव॒र्गमे॒व लो॒कमे॑ति सं॒दृ-
श॑स्ते॒ मा छि॑त्सि॒ यत्ते॒ तप॒स्तस्मै॑ ते॒ माऽऽ वृ॒क्षीत्या॑ह यथा-
य॒जुरे॒वैतत्सु॒भूर॑सि॒ श्रेष्ठो॑ रश्मी॒नामा॑यु॒र्धा अ॒स्मायु॑र्मे धे॒हीत्या॑
हा॒ऽऽशिष॑मे॒वैतामा शा॑स्ते॒ प्र वा ए॒षो॑ऽस्माल्लो॒काच्‍च्य॑वते॒
यः (१) वि॒ष्णु॒क्र॒मान्क्रम॑ते सुव॒र्गाय॒ हि लो॒काय॑ विष्णु-
क्र॒माः क्र॒म्यन्ते॑ ब्रह्मवा॒दिनो॑ वदन्ति॒ स त्वै वि॑ष्णुक्र॒मान्क्र॑मेत॒
य इ॒माल्ँ लो॒कान्भ्रातृ॑व्यस्य सं॒विद्य॒ पुन॑रि॒मं लो॒कं प्र॑त्यव॒रोहे॒-
दित्ये॒ष वा अ॒स्य लो॒कस्य॑ प्रत्यवरो॒हो यदाहे॒दम॒हम॒मुं भ्रातृ॑-
व्यमा॒भ्यो दि॒ग्भ्यो॑ऽस्यै दि॒व इती॒माने॒व लो॒कान्भ्रातृ॑व्यस्य

[[741]]

Page No. ७४१
प्रपा॰ ७ अनु॰ ६ ) कृष्णयजुर्वेदीयतैत्तिरीयसंहिता।
(उपस्थानादिमन्त्रव्याख्यानम्)
सं॒विद्य॒ पुन॑रि॒मं लो॒कं प्र॒त्यव॑रोहित॒ सम् (२) ज्योति॑षाऽ-
भूव॒मित्या॑हा॒स्मिन्ने॒व लो॒के प्रति॑ तिष्ठत्यै॒न्द्रीमा॒वृत॑म॒न्वावर्त॒
इत्या॑हा॒सौ वा आ॑दि॒त्य इन्द्र॒स्तस्यै॒वाऽऽवृत॒मनु॑ प॒र्याव॑र्तते
दक्षि॒णा प॒र्याव॑र्तते॒ स्वमे॒व वी॒र्य॑मनु॑ प॒र्याव॑र्तते॒ तस्मा॒द्दक्षि॒-
णोऽर्ध॑ आ॒त्मनो॑ वी॒र्या॑वत्त॒रोऽथो॑ आदि॒त्यास्यै॒वाऽऽवृत॒मनु॑
प॒र्याव॑र्तते॒ सम॒हं प्र॒जया॒ सं मया॑ प्र॒जेत्या॑हा॒ऽऽशिष॑म् (३)
ए॒वैतामा शा॑स्ते॒ समि॑द्धो अग्ने मे दीदिहि समे॒द्धा ते॑ अग्ने
दीद्यास॒मित्या॑ह यथाय॒जुरै॒वैतद्वसु॑मान्य॒ज्ञो वसी॑यान्भूयास॒मि-
त्या॑हाऽऽशिष॑मे॒वैतामा शा॑स्ते ब॒हु वै गार्ह॑पत्य॒स्यान्ते॑ मि॒श्र-
मि॑व चर्यत आग्निपावमा॒नीभ्यां॒ गार्ह॑पत्य॒मुप॑ तिष्ठते पु॒नात्ये॒-
वाग्निं पु॑नी॒त आ॒त्मानं॒ द्वाभ्यां॒ प्रति॑ष्ठित्या॒ अग्ने॑ गृहपत॒ इत्या॑ह
(४) य॒था॒य॒जुरे॒वैतच्छ॒तँ हिमा॒ इत्या॑ह श॒तं त्वा॑ हेम॒न्ता-
नि॑न्धिषी॒येति॒ वावैतदा॑ह पु॒त्रस्य॒ नाम॑ गृह्णात्यन्ना॒दमे॒वैनं॑
करोति॒ तामा॒शिष॒मा शा॑से॒ तन्त॑वे॒ ज्योति॑ष्मती॒मिति॑ ब्रूया॒-
द्यस्य॑ पु॒त्रोऽजा॑तः॒ स्यात्ते॑ज॒स्व्ये॑वास्य॑ ब्रह्मवर्च॒सी पु॒त्रो
जा॑यते॒ तामा॒शिष॒मा शा॑से॒ऽमुष्मै॒ ज्योति॑ष्माती॒मिति॑ ब्रूया॒द्यस्य॑
पु॒त्रः (५) जा॒तः स्यात्तेज॑ ए॒वास्मि॑न्ब्रह्मवर्च॒सं द॑धाति॒ यो
वै य॒ज्ञं प्र॒युज्य॒ न वि॑मु॒ञ्चत्य॑प्रतिष्ठा॒नो वै स भ॑वति॒ कस्त्वा॑
युनक्ति॒ स त्वा॒ वि मु॑ञ्‍च॒त्वित्या॑ह प्र॒जाप॑ति॒र्वै कः प्र॒जाप॑तिनै॒-
वैनं॑ यु॒नक्ति॑ प्र॒जाप॑तिना॒ वि मु॑ञ्‍चति॒ प्रति॑ष्ठित्या ईश्व॒रं वै
व्र॒तमवि॑सृष्टं प्र॒दहोऽग्ने॑ व्रतपते व्र॒तम॑चारिष॒मित्या॑ह व्र॒तमेव॒
(६) वि सृ॑जते॒ शान्त्या॒ अप्र॑दाहाय॒ परा॒ङ्वाव य॒ज्ञ ए॑ति॒
न नि व॑र्तते॒ पुन॒र्यो वै य॒ज्ञस्य॑ पुनराल॒म्भं वि॒द्वान्यज॑ते॒ तम॒भि

[[742]]

Page No. ७४२
श्रीमत्सायणाचार्यविरचितभाष्यसमेता — ( १ प्रथमकाण्डे
(उपस्थानादिमन्त्रव्याख्यानम्)
नि व॑र्तते य॒ज्ञो ब॑भूव॒ स आ ब॑भू॒वेत्या॑है॒ष वै य॒ज्ञस्य॑ पुनरा-
ल॒म्भस्तेनै॒वैनं॒ पुन॒रा ल॑भ॒तेऽन॑वरुद्धा॒ वा ए॒तस्य॑ विरा॒ड्य
आहि॑ताग्निः॒ सन्न॑स॒भः प॒शवः॒ खलु॒ वै ब्राह्म॒णस्य॑ स॒भेष्टा
प्राङु॒त्क्रम्य॑ ब्‍रूया॒द्गोमाँ॑ अ॒ग्नेऽवि॑माँ अ॒श्वी य॒ज्ञ इत्यव॑
स॒भाँ रु॒न्धे प्र स॒हस्रं॑ प॒शूना॑प्नो॒त्याऽस्य॑ प्र॒जायां॑ वा॒जी
जा॑यते (७)॥
(यः समा॒शिषं॑ गृहपत॒ इत्या॑हा॒मुष्मै॒ ज्योति॑ष्मती॒ति॑ ब्रूया॒द्यस्य॑ पु॒त्रो
व्र॒तमे॒व खलु॒ वै चतु॑र्विँशतिश्च)।
इति कृष्णयजुर्वेदीयतैत्तिरीयसंहितायां प्रथमाष्टके
सप्तमप्रपाठके षष्ठोऽनुवाकः॥६॥

(अथ प्रथमकाण्डे सप्तमप्रपाठके षष्ठोऽनुवाकः)।
…
…
…
…
…
…

[[743]]

Page No. ७४३
प्रपा॰ ७ अनु॰ ६ ) कृष्णयजुर्वेदीयतैत्तिरीयसंहिता।
(उपस्थानादिमन्त्रव्याख्यानम्)
…
…
…
…
…
…
…
…
…
…
…

[[744]]

Page No. ७४४
श्रीमत्सायणाचार्यविरचितभाष्यसमेता — ( १ प्रथमकाण्डे
(उपस्थानादिमन्त्रव्याख्यानम्)
… …
…
…
…
…

…
…
…
…

[[745]]

Page No. ७४५
प्रपा॰ ७ अनु॰ ७ ) कृष्णयजुर्वेदीयतैत्तिरीयसंहिता।
(वाजपेयोपयुक्तरथविषयमन्त्राभिधानम्)