(तत्र प्रथमोऽनुवाकः)
ह॒रिः॒ ॐ॥
पा॒क॒य॒ज्ञं वा अन्वाहि॑ताग्नेः प॒शव॒ उप॑ तिष्ठन्त॒ इडा॒ खलु॒
वै पा॑कय॒ज्ञः सैषाऽन्त॒रा प्र॑याजानूया॒जान्यज॑मानस्य लो॒केऽ-
व॑हिता॒ तामा॑ह्रि॒यमा॑णाम॒भि म॑न्त्रयेत॒ सुरू॑पवर्षवर्ण॒ एहीति॑
प॒शवो॒ वा इडा॑ प॒शूने॒वोप॑ ह्वयते य॒ज्ञं वै दे॒वा अदु॑ह्रन्य॒ज्ञोऽ-
सु॑राँ अदु॒हत्तेऽसु॑रा य॒ज्ञदु॑ग्धाः॒ परा॑ऽभव॒न्यो वै य॒ज्ञस्य॒
दोहं॑ वि॒द्वान् (१) यज॒तेऽप्य॒न्यं यज॑मानं दुहे॒ सा मे॑
स॒त्याऽऽशीर॒स्य य॒ज्ञस्य॑ भूया॒दित्या॑है॒ष वै य॒ज्ञस्य॒ दोह॒स्ते-
नै॒वैनं॑ दुहे॒ प्रत्ता॒ वै गौर्दु॑हे प्रत्तेडा॒ यज॑मानाय दुह ए॒ते वा
इडा॑यै स्तना॒ इडोप॑हू॒तेति॑ वा॒युर्व॒त्सो यर्हि॒ होतेडा॑मुप॒ह्वये॑त॒
तर्हि॒ यज॑मानो॒ होता॑र॒मीक्ष॑माणो वा॒युं मन॑सा ध्यायेत्
(२) मा॒त्रे व॒त्समु॒पाव॑सृजति॒ सर्वे॑ण॒ वै य॒ज्ञेन॑ दे॒वाः सु॑व॒र्गं
लो॒कमा॑यन्पाकय॒ज्ञेन॒ मनु॑रश्राम्य॒त्सेडा॒ मनु॑मु॒पाव॑र्तत॒ तां
दे॑वासु॒रा व्य॑ह्वयन्त प्र॒तीचीं॑ दे॒वाः परा॑ची॒मसु॑राः॒ सा दे॒वानु॒
पाव॑र्तत प॒शवो॒ वै तद्दै॒वान॑वृणत प॒शवोऽसु॑रानजहु॒र्यं का॒मये॑-
ताप॒शुः स्या॒दिति॒ परा॑चीं॒ तस्येडा॒मुप॑ ह्वयेताप॒शुरे॒व भ॑वति॒
यम् (३) का॒मये॑त पशु॒मान्त्स्या॒दिति॑ प्र॒तीचीं॒ तस्येडा॒मुप॑
ह्वयेत पशु॒माने॒व भ॑वति ब्रह्मवा॒दिनो॑ वदन्ति॒ स त्वा इडा॒मुप॑
ह्वयेत॒ य इडा॑मुप॒हूया॒ऽऽत्मान॒मिडा॑नामुपः ह्वये॒तेति॒ सा नः॑
प्रि॒या सुप्रतू॑र्तिर्मघो॒नीत्या॒हेडा॑मे॒वोप॒हूया॒ऽऽत्मान॒मिडा॑या॒मुप॑
ह्वयते॒ व्य॑स्तमिव॒ वा ए॒तद्य॒ज्ञस्य॒ यदिडा॑ सा॒मि प्रा॒श्नन्ति॑ (४)
[[724]]
Page No. ७२४
श्रीमत्सायणाचार्यविरचितभाष्यसमेता — ( १ प्रथमकाण्डे-
(इडानुमन्त्रणम्)
सा॒मि मा॑र्जयन्त ए॒तत्प्रति॒ वा असु॑राणां य॒ज्ञो व्य॑च्छिद्यत॒
ब्रह्म॑णा दे॒वाः सम॑दधु॒र्बृह॒स्पति॑स्तनुतामि॒मं न॒ इत्या॑ह॒ ब्रह्म॒
वै दे॒वानां॒ बृह॒स्पति॒र्ब्रह्म॑णै॒व य॒ज्ञँ सं द॑धाति॒ विच्छि॑न्नं य॒ज्ञँ
समि॒मं द॑धा॒त्वित्या॑ह॒ संत॑त्यै॒व विश्वे॑ दे॒वा इ॒ह मा॑दयन्ता॒मि-
त्या॑ह सं॒तत्यै॒व य॒ज्ञं दे॒वेभ्योऽनु॑ दिशति॒ यां वै (५) य॒ज्ञे
दक्षि॑णां॒ ददा॑ति॒ ताम॑स्य प॒शवोऽनु॒ सं क्रा॑मन्ति॒ स ए॒ष ई॑जा॒-
नो॑प॒शुर्भावु॑को॒ यज॑मानेन॒ खलु॒ वै तत्का॒र्य॑मित्या॑हु॒र्यथा॑ देव॒त्रा
द॒त्तं कु॑र्वी॒ताऽऽत्मन्प॒शून्र॒मये॒तेति॒ ब्रध्न॒ पिन्व॒स्वेत्या॑ह य॒ज्ञो
वै ब्र॒ध्नो य॒ज्ञमे॒व तन्म॑हय॒त्यथो॑ देव॒त्रैव द॒त्तं कु॑रुत आ॒त्मन्प॒-
शून्र॑मयते॒ दद॑तो मे॒ मा क्षा॒यीत्या॒हाक्षि॑तिमे॒वोपै॑ति कुर्व॒तो मे॒
मोप॑ दस॒दित्या॑ह भू॒मान॑मे॒वोपै॑ति (६)॥
(वि॒द्वान्ध्या॑येद्भवति॒ यं प्रा॒श्नन्ति॒ यां वै म॒ एका॒न्नविँ॑श॒तिश्च॑)
इति कृष्णयजुर्वेदीयतैत्तिरीयसंहितायां प्रथमाष्टके
सप्तमप्रपाठके प्रथमोऽनुवाकः॥१॥
अथ प्रथमकाण्डे सप्तमः प्रपाठकः।
तत्र प्रथमोऽनुवाकः।
यस्य निःश्वसितं वेदा यो वेदेभ्योऽखिलं जगत्।
निर्ममे तमहं वन्दे विद्यातीर्थमहेश्वरम्॥
प्रपाठके सप्तमेऽस्मिन्ननुवाकास्त्रयोदश।
याजमानब्राह्मणस्य शेषः षट्स्वादिमेषु हि॥
वाजपेयस्य मन्त्रास्तु षट्स्वन्येष्वथ याज्यकाः।
इडानुमन्त्रणं तस्या इडायाश्च प्रशंसनम्।
अन्वाहार्योऽथ मन्त्रानुवाकव्याख्या त्रिषु स्मृता।
रथमन्त्रा धावनं च रोहणं वाजहोमकः।
उज्जित्यतिग्राह्ययाज्या इत्यर्था अनुवाकगाः॥
[[725]]
Page No. ७२५
प्रपा॰ ७ अनु॰ १ ) कृष्णयजुर्वेदीयतैत्तिरीयसंहिता।
(इडानुमन्त्रणम्)
…
…
…
…
…
…
…
…
…
…
…
[[726]]
Page No. ७२६
श्रीमत्सायणाचार्यविरचितभाष्यसमेता — ( १ प्रथमकाण्डे–
(इडानुमन्त्रणम्)
…
…
…
…
…
…
…
…
…
…
…
[[727]]
Page No. ७२७
प्रपा॰ ७ अनु॰ १ ) कृष्णयजुर्वेदीयतैत्तिरीयसंहिता।
(इडानुमन्त्रणम्)
…
…
…
…
…
…
…
…
…
…
[[728]]
Page No. ७२८
प्रपा॰ ७ अनु॰ १ ) कृष्णयजुर्वेदीयतैत्तिरीयसंहिता।
(इडाप्रशंसा)