(अथ प्रथमाष्टके चतुर्थप्रपाठके एकोनविंशोऽनुवाकः)।
म॒रुत्वाँ॑ इन्द्र वृष॒भो रणा॑य॒ पिबा॒ सोम॑–
मनुष्व॒धं मदा॑य। आ सि॑ञ्चस्व ज॒ठरे॒ मध्व॑
ऊ॒र्मिं त्वँ राजा॑ऽसि प्र॒दिवः॑ सु॒ताना॑म्। उ॒प॒–
या॒मगृ॑हीतो॒ऽसीन्द्रा॑य त्वा म॒रुत्व॑त ए॒ष ते॒ योनि॒–
रिन्द्रा॑य त्वा म॒रुत्व॑ते (१)॥
(म॒रुत्वा॒नेका॒न्नत्रिँ॒शत् )।
इति कृष्णयजुर्वेदीयतैत्तिरीयसंहितायां प्रथमाष्टके
चतुर्थप्रपाठक एकोनविंशोऽनुवाकः॥१९॥
––––––