Book: 1
Chapter: 1
Paragraph: 1
Verse: 1
Sentence: 1=a इ॒षे त्वो॒र्जे त्वा
Sentence: 2=b वा॒यव॑ स्थोपा॒यव॑ स्थ
Sentence: 3=c दे॒वो वः॑ सवि॒ता प्रार्प॑यतु॒ श्रेष्ठ॑तमाय॒ कर्म॑णे ।
Sentence: 4=d आ प्या॑यध्वमघ्निया देवभा॒गमूर्ज॑स्वतीः॒ पय॑स्वतीः प्र॒जाव॑तीरनमी॒वा अ॑यक्ष॒मास् ।
Sentence: 5=e मा व॑ स्ते॒न ई॑शत॒ माघशं॑सस् ।
Sentence: 6=f रु॒द्रस्य॑ हे॒तिः परि॑ वो वृणक्तु
Sentence: 7=g ध्रु॒वा अ॒स्मिन्गोप॑तौ स्यात ब॒ह्वीस् ।
Sentence: 8=h यज॑मानस्य प॒शून्पा॑हि ॥
Paragraph: 2
Verse: 1
Sentence: 1=a य॒ज्ञस्य॑ घो॒षद॑सि
Sentence: 2=b प्रत्यु॑ष्टं॒ रक्षः॒ प्रत्यु॑ष्टा॒ अरा॑तयः
Sentence: 3=c प्रेयम॑गाद्धि॒षणा॑ ब॒र्हिरछ॒ मनु॑ना कृ॒ता स्व॒धया॒ वित॑ष्टा । त आ व॑हन्ति क॒वयः॑ पु॒रस्ता॑द्दे॒वेभ्यो॒ जुष्ट॑मि॒ह ब॒र्हिरा॒सदे॑ ॥
Sentence: 4=d दे॒वाना॑म्परिषू॒तम॑सि
Sentence: 5=e व॒र्षवृ॑द्धमसि
Sentence: 6=f देव॑बर्हि॒र्मा त्वा॒न्वङ्मा ति॒र्यक्
Sentence: 7=g पर्व॑ ते राध्यासम्
Sentence: 8=h आ छे॒त्ता ते॒ मा रि॑षम् ।
Sentence: 9=i देव॑बर्हिः श॒तव॑ल्शं॒ वि रो॑ह स॒हस्र॑वल्शाः ॥
Verse: 2
Sentence: 1 वि व॒यं रु॑हेम
Sentence: 2=k पृथि॒व्याः स॒म्पृचः॑ पाहि
Sentence: 3=l सुस॒म्भृता॑ त्वा॒ सम्भ॑रामि
Sentence: 4=m अदि॑त्यै॒ रास्ना॑सीन्द्राण्यै सं॒नह॑नम्
Sentence: 5=n पू॒षा ते॑ ग्र॒न्थिं ग्र॑थ्नातु॒ स ते॒ मास्था॑त् ।
Sentence: 6=o इन्द्र॑स्य त्वा बा॒हुभ्या॒मुद्य॑छे॒ बृह॒स्पते॑र्मू॒र्ध्ना ह॑रामि
Sentence: 7=p उ॒र्व॒न्तरि॑क्ष॒मन्वि॑हि
Sentence: 8=q देवङ्ग॒मम॑सि ॥
Paragraph: 3
Verse: 1
Sentence: 1=a शुन्ध॑ध्वं दैव्याय॒ कर्म॑णे देवय॒ज्यायै
Sentence: 2=b मात॒रिश्व॑नो घ॒र्मो॑ ऽसि
Sentence: 3=c द्यौरसि पृथि॒व्य॑सि
Sentence: 4=d वि॒श्वधा॑या असि पर॒मेण॒ धाम्ना
Sentence: 5=e दृंह॑स्व॒ मा ह्वा॑स् ।
Sentence: 6=f वसू॑नां प॒वित्र॑मसि श॒तधा॑रं{F वसू॑नां प॒वित्र॑म्{W वसू॑नाम्{ASS वसू॑नां प॒वित्र॑म्{BI वसू॑नां प॒वित्र॑म्{GOLS वसू॑नां प॒वित्र॑म् असि स॒हस्र॑धारम् ।
Sentence: 7=g हु॒त स्तो॒को हु॒तो द्र॒प्सस् ।
Sentence: 8=h अ॒ग्नये॑ बृह॒ते नाका॑य । स्वाहा॒ द्यावा॑पृथि॒वीभ्या॑म् ।
Sentence: 9=k सा वि॒श्वायुः॒ सा वि॒श्वव्य॑चाः॒ सा वि॒श्वक॑र्मा
Sentence: 10=l सम्पृ॑च्यध्वमृतावरीरू॒र्मिणी॒र्मधु॑मत्तमा म॒न्द्रा धन॑स्य सा॒तये
Sentence: 11=m सोमे॑न॒ त्वा त॑न॒च्मीन्द्रा॑य॒ दधि
Sentence: 12=n विष्णो॑ ह॒व्यं र॑क्षस्व ॥
Paragraph: 4
Verse: 1
Sentence: 1=a कर्म॑णे वां दे॒वेभ्यः॑ शकेयम् ।
Sentence: 2=b वेषा॑य त्वा
Sentence: 3=c प्रत्यु॑ष्टं॒ रक्षः॒ प्रत्यु॑ष्टा॒ अरा॑तयस् ।
Sentence: 4=d धूर॑सि
Sentence: 5=e {F धूर्व॒ धूर्व॑न्तं{W {ASS धूर्व॒ धूर्व॑न्तं{BI धूर्व॒ धूर्व॑न्तं{GOLS धूर्व॒ धूर्व॑न्तं धूर्व॒ तं यो॒ ऽस्मान्धूर्व॑ति॒ तं धू॑र्व॒ यं व॒यं धूर्वा॑मस्
Sentence: 6=f त्वं दे॒वानां॑ असि॒ सस्नि॑तम॒म्पप्रि॑तमं॒ जुष्ट॑तमं॒ वह्नि॑तमं देव॒हूत॑मम्
Sentence: 7=g अह्रु॑तमसि हवि॒र्धान॑म् ।
Sentence: 8=h दृंह॑स्व॒ मा ह्वा॑स् ।
Sentence: 9=i मि॒त्रस्य॑ त्वा॒ चक्षु॑षा॒ प्रेक्षे
Sentence: 10=k मा भेर्मा सं वि॑क्था॒ मा त्वा॑ ॥
Verse: 2
Sentence: 1 हिं॑सिषम्
Sentence: 2=l उ॒रु वाता॑य
Sentence: 3=m दे॒वस्य॑ त्वा सवि॒तुः प्र॑स॒वे॒ ऽश्विनो॑र्बा॒हुभ्या॑म्पू॒ष्णो हस्ता॑भ्याम॒ग्नये॒ जुष्टं॒ निर्व॑पाम्य॒ग्नीषोमा॑भ्याम्
Sentence: 4=n इ॒दं दे॒वाना॑मि॒दमु॑ नः स॒ह
Sentence: 5=o स्पात्यै त्वा॒ नारा॑त्यै
Sentence: 6=p सुव॑र॒भि वि ख्ये॑षं वैश्वान॒रं ज्योति॑स् ।
Sentence: 7=q दृंह॑न्तां॒ दुर्या॒ द्यावा॑पृथि॒व्योस् ।
Sentence: 8=r उ॒र्व॒न्तरि॑क्ष॒मन्वि॑हि ।
Sentence: 9=s अदि॑त्यास्त्वो॒पस्थे॑ सादयामि ।
Sentence: 10=t अग्ने॑ ह॒व्यं र॑क्षस्व ॥
Paragraph: 5
Verse: 1
Sentence: 1=a दे॒वो वः॑ सवि॒तोत्पु॑ना॒त्वछि॑द्रेण॒ पवि॑त्रेण॒ वसोः॒ सूर्य॑स्य र॒श्मिभि॑स् ।
Sentence: 2=b आपो॑ देवीरग्रेपुवो अग्रेगु॒वो ऽग्र॑ इ॒मं य॒ज्ञं न॑य॒ताग्रे॑ य॒ज्ञप॑तिं धत्त
Sentence: 3=c यु॒ष्मानिन्द्रो॑ ऽवृणीत वृत्र॒तूर्ये॑ यू॒यमिन्द्र॑मवृणीढ्वं वृत्र॒तूर्ये
Sentence: 4=d प्रोक्षि॑ता स्थ ।
Sentence: 5=e अ॒ग्नये॑ वो॒ जुष्ट॒म्प्रोक्षा॑म्य॒ग्नीषोमा॑भ्याम् ।
Sentence: 6=f शुन्ध॑ध्वं दैव्याय॒ कर्म॑णे देवय॒ज्यायै॑ ।
Sentence: 7=g अव॑धूतं॒ रक्षो ऽव॑धूता॒ अरा॑त॒यस् ।
Sentence: 8=h अ॑दित्या॒स्त्वग॑सि॒ प्रति॑ त्वा ॥
Verse: 2
Sentence: 1 पृ॑थि॒वी वे॑त्तु ।
Sentence: 2=i अ॑धि॒षव॑णमसि वानस्प॒त्यम्प्रति॒ त्वादि॑त्या॒स्त्वग्वे॑त्तु ।
Sentence: 3=k अ॒ग्नेस्त॒नूर॑सि वा॒चो वि॒सर्ज॑नम्
Sentence: 4=l दे॒ववी॑तये त्वा गृह्णामि ।
Sentence: 5=m अद्रि॑रसि वानस्प॒त्यः
Sentence: 6=n स इ॒दं दे॒वेभ्यो॑ ह॒व्यं सु॒शमि॑ शमिष्व ।
Sentence: 7=o इष॒मा व॒दोर्ज॒मा व॑द
Sentence: 8=p द्यु॒मद्व॑दत
Sentence: 9=q व॒यं सं॑घा॒तं जे॑ष्म
Sentence: 10=r व॒र्षवृ॑द्धमसि
Sentence: 11=s प्रति॑ त्वा व॒र्षवृ॑द्धं वेत्तु
Sentence: 12=t परा॑पूतं॒ रक्षः॒ परा॑पूता॒ अरा॑तयस् ।
Sentence: 13=u रक्ष॑साम्भा॒गो॑ ऽसि
Sentence: 14=v वा॒युर्वो॒ वि वि॑नक्तु
Sentence: 15=w दे॒वो वः॑ सवि॒ता हिर॑ण्यपाणिः॒ प्रति॑ गृह्णातु ॥
Paragraph: 6
Verse: 1
Sentence: 1=a अव॑धूतं॒ रक्षो ऽव॑धूता॒ अरा॑तयस् ।
Sentence: 2=b अदि॑त्या॒स्त्वग॑सि॒ प्रति॑ त्वा पृथि॒वी वे॑त्तु
Sentence: 3=c दि॒व स्क॑म्भ॒निर॑सि॒ प्रति॒ त्वादि॑त्या॒स्त्वग्वे॑त्तु
Sentence: 4=d धि॒षणा॑सि पर्व॒त्या प्रति॑ त्वा दि॒व स्क॑म्भ॒निर्वे॑त्तु
Sentence: 5=e धि॒षणा॑सि पार्वते॒यी प्रति॑ त्वा पर्व॒तिर्वे॑त्तु
Sentence: 6=f दे॒वस्य॑ त्वा सवि॒तुः प्र॑स॒वे॒ ऽश्विनो॑र्बा॒हुभ्या॑म्पू॒ष्णो हस्ता॑भ्या॒मधि॑ वपामि
Sentence: 7=g धा॒न्य॑मसि धिनु॒हि दे॒वान्
Sentence: 8=h प्रा॒णाय॑ त्वापा॒नाय॑ त्वा व्या॒नाय॑ त्वा
Sentence: 9=i दी॒र्घामनु॒ प्रसि॑ति॒मायु॑षे धाम् ।
Sentence: 10=k दे॒वो वः॑ सवि॒ता हिर॑ण्यपाणिः॒ प्रति॑ गृह्णातु ॥
Paragraph: 7
Verse: 1
Sentence: 1=a धृष्टि॑रसि॒ ब्रह्म॑ यछ ।
Sentence: 2=b अपा॑ग्ने॒ ऽग्निमा॒मादं॑ जहि॒ निष्क्र॒व्यादं॑ से॒धा दे॑व॒यजं॑ वह
Sentence: 3=c निर्द॑ग्धं॒ रक्षो॒ निर्द॑ग्धा॒ अरा॑तयस् ।
Sentence: 4=d ध्रु॒वम॑सि पृथि॒वीं दृं॒हायु॑र्दृंह प्र॒जां दृं॑ह सजा॒तानस्मै॒ यज॑मानाय॒ पर्यू॑ह
Sentence: 5=e ध॒र्तम॑स्य॒न्तरि॑क्षं दृंह प्रा॒णं दृं॑हापा॒णं दृं॑ह सजा॒तानस्मै॒ यज॑मानाय॒ पर्यू॑ह
Sentence: 6=f ध॒रुण॑मसि॒ दिवं॑ दृंह॒ चक्षुः॑ ॥
Verse: 2
Sentence: 1 दृं॑ह॒ श्रोत्रं॑ दृंह सजा॒तानस्मै॒ यज॑मानाय॒ पर्यू॑ह
Sentence: 2=g धर्मा॑सि॒ दिशो॑ दृंह॒ योनिं॑ दृंह प्र॒जां दृं॑ह सजा॒तानस्मै॒ यज॑मानाय॒ पर्यू॑ह
Sentence: 3=h चित॑ स्थ प्र॒जामस्मै र॒यिं अस्मै सजा॒तानस्मै॒ यज॑मानाय॒ पर्यू॑ह
Sentence: 4=i भृगू॑णा॒मङ्गि॑रसां॒ तप॑सा तप्यध्वम् ।
Sentence: 5=k यानि॑ घ॒र्मे क॒पाला॑न्युपचि॒न्वन्ति॑ वे॒धसः॑ । पू॒ष्णस्तान्यपि॑ व्र॒त इ॑न्द्रवा॒यू वि मु॑ञ्चताम् ॥
Paragraph: 8
Verse: 1
Sentence: 1=a सं व॑पामि
Sentence: 2=b समापो॑ अ॒द्भिर॑ग्मत॒ समोष॑धयो॒ रसे॑न
Sentence: 3=c सं रे॒वती॒र्जग॑तीभि॒र्मधु॑मती॒र्मधु॑मतीभिः सृज्यध्वम्
Sentence: 4=d अ॒द्भ्यः परि॒ प्रजा॑ता स्थ॒ सम॒द्भिः पृ॑च्यध्वम् ।
Sentence: 5=e जन॑यत्यै त्वा॒ सं यौ॑मि ।
Sentence: 6=f अ॒ग्नये॑ त्वा॒ग्नीषोमा॑भ्याम्
Sentence: 7=g म॒खस्य॒ शिरो॑ ऽसि
Sentence: 8=h घ॒र्मो॑ ऽसि वि॒श्वायु॑स् ।
Sentence: 9=i उ॒रु प्र॑थस्वो॒रु ते॑ य॒ज्ञप॑तिः प्रथताम् ।
Sentence: 10=k त्वचं॑ गृह्णीष्व ।
Sentence: 11=l अ॒न्तरि॑तं॒ रक्षो॒ ऽन्तरि॑ता॒ अरा॑तयस् ।
Sentence: 12=m दे॒वस्त्वा॑ सवि॒ता श्र॑पयतु॒ वर्षै॑ष्ठे॒ अधि॒ नाके॑ ।
Sentence: 13=n अ॒ग्निस्ते॑ त॒नुव॒म्माति॑ धाक् ।
Sentence: 14=o अग्ने॑ ह॒व्यं र॑क्षस्व
Sentence: 15=p सम्ब्रह्म॑णा पृच्यस्व ।
Sentence: 16=q ए॑क॒ताय॒ स्वाहा॑ द्वि॒ताय॒ स्वाहा॑ त्रि॒ताय॒ स्वाहा॑ ॥
Paragraph: 9
Verse: 1
Sentence: 1=a आ द॑दे ।
Sentence: 2=b इन्द्र॑स्य बा॒हुर॑सि॒ दक्षि॑णः स॒हस्र॑भृष्टिः श॒तते॑जास् ।
Sentence: 3=c वा॒युर॑सि ति॒ग्मते॑जाः
Sentence: 4=d पृथि॑वि देवयज॒न्योष॑ध्यास्ते॒ मूल॒म्मा हिं॑सिषम्
Sentence: 5=e अप॑हतो॒ ऽररुः॑ पृथिव्यै
Sentence: 6=f व्र॒जं ग॑छ गो॒स्थान॑म् ।
Sentence: 7=g वर्ष॑तु ते द्यौर्
Sentence: 8=h बधा॒न दे॑व सवितः पर॒मस्या॑म्परा॒वति॑ श॒तेन॒ पाशै॒र्यो॒ ऽस्मान्द्वेष्टि॒ यं च॑ व॒यं द्वि॒ष्म�तो॒ मा मौ॑क् ।
Sentence: 9=i अप॑हतो॒ ऽररुः॑ पृथिव्यै देव॒यज॑न्यै
Sentence: 10=k व्र॒जम् ॥
Verse: 2
Sentence: 1 ग॑छ गो॒स्थान॑म् ।
Sentence: 2=l वर्ष॑तु ते द्यौर्
Sentence: 3=m बधा॒न दे॑व सवितः पर॒मस्या॑म्परा॒वति॑ श॒तेन॒ पाशै॒र्यो॒ ऽस्मान्द्वेष्टि॒ यं च॑ व॒यं द्वि॒ष्म�तो॒ मा मौ॑क् ।
Sentence: 4=n अप॑हतो॒ ऽररुः॑ पृथि॒व्या अदे॑वयजनस् ।
Sentence: 5=o व्र॒जं ग॑छ गो॒स्थान॑म् ।
Sentence: 6=p वर्ष॑तु ते द्यौस् ।
Sentence: 7=q ब॑धान देव सवितः पर॒मस्या॑म्परा॒वति॑ श॒तेन॒ पाशै॒र्यो॒ ऽस्मान्द्वेष्टि॒ यं च॑ व॒यं द्वि॒ष्मस�तो॒ मा ॥
Verse: 3
Sentence: 1 मौ॑क् ।
Sentence: 2=r अ॒ररु॑स्ते॒ दिवं॒ मा स्का॑न्
Sentence: 3=s वस॑वस्त्वा॒ परि॑ गृह्णन्तु गाय॒त्रेण॒ छन्द॑सा रु॒द्रास्त्वा॒ परि॑ गृह्णन्तु त्रैष्टुभेन॒ छन्द॑सादि॒त्यास्त्वा॒ परि॑ गृह्णन्तु॒ जाग॑तेन॒ छन्द॑सा
Sentence: 4=t दे॒वस्य॑ सवि॒तुः स॒वे कर्म॑ कृण्वन्ति वे॒धस॑स् ।
Sentence: 5=u ऋ॒तम॑स्यृत॒सद॑नमस्यृत॒श्रीर॑सि
Sentence: 6=v धा अ॑सि स्व॒धा अ॑सि ।
Sentence: 7=w उ॒र्वी चासि॒ वस्वी॑ चासि
Sentence: 8=x पु॒रा क्रू॒रस्य॑ वि॒सृपो॑ विरप्शिन्नुदा॒दाय॑ पृथि॒वीं जी॒रदा॑नु॒र्यामै॑रयञ्च॒न्द्रम॑सि स्व॒धाभि॒स्तां धीरा॑सो अनु॒दृश्य॑ यजन्ते ॥
Paragraph: 10
Verse: 1
Sentence: 1=a प्रत्यु॑ष्टं॒ रक्षः॒ प्रत्यु॑ष्टा॒ अरा॑तयस् ।
Sentence: 2=b अ॒ग्नेर्व॒स्तेजि॑ष्ठेन॒ तेज॑सा॒ निष्ट॑पामि
Sentence: 3=c गो॒ष्ठम्मा निर्मृ॑क्षं वा॒जिनं॑ त्वा सपत्नस॒हं सम्मा॑र्ज्मि
Sentence: 4=d वाच॑म्प्रा॒णं चक्षुः॒ श्रोत्र॑म्प्र॒जां योनि॒म्मा निर्मृ॑क्षम्वा॒जिनीं॑ त्वा सपत्नसा॒हीं सम्मा॑र्ज्मि ।
Sentence: 5=e आ॒शासा॑ना सौमन॒सम्प्र॒जां सौ॑भाग्यं त॒नूम् । अ॒ग्नेरनु॑व्रता भू॒त्वा सं न॑ह्ये सुकृ॒ताय॒ कम् ।
Sentence: 6=f सु॑प्र॒जस॑स्त्वा व॒यं सु॒पत्नी॒रुप॑ ॥
Verse: 2
Sentence: 1 से॑दिम । अग्ने॑ सपत्न॒दम्भ॑न॒मद॑ब्धासो॒ अदा॑भ्यम्
Sentence: 2=g इ॒मं वि ष्या॑मि॒ वरु॑णस्य॒ पाशं॒ यमब॑ध्नीत सवि॒ता सु॒केतः॑ । धा॒तुश्च॒ योनौ॑ सुकृ॒तस्य॑ लो॒के स्यो॒नम्मे॑ स॒ह पत्या॑ करोमि
Sentence: 3=h समायु॑षा॒ सम्प्र॒जया॒ सम॑ग्ने॒ वर्च॑सा॒ पुनः॑ । सम्पत्नी॒ पत्या॒हं ग॑छे समा॒त्मा त॒नुवा॒ मम
Sentence: 4=i मही॒नाम्पयो॒ ऽस्योष॑धीनां॒ रस॒स्तस्य॒ ते ऽक्षी॑यमाणस्य॒ निः ॥
Verse: 3
Sentence: 1 व॑पामि
Sentence: 2=k मही॒नाम्पयो॒ ऽस्योष॑धीनां॒ रसो ऽद॑ब्धेन त्वा॒ चक्षु॒षावे॑क्षे सुप्रजा॒स्त्वाय
Sentence: 3=l तेजो॑ ऽसि॒ तेजो॑ ऽनु॒ प्रेह्य॒ग्निस्ते॒ तेजो॒ मा वि नै॑त् ।
Sentence: 4=m अ॒ग्नेर्जि॒ह्वासि॑ सु॒भूर्दे॒वाना॑म् ।
Sentence: 5=n धाम्ने॑धाम्ने दे॒वेभ्यो॒ यजु॑षेयजुषे भव
Sentence: 6=o शु॒क्रम॑सि॒ ज्योति॑रसि॒ तेजो॑ ऽसि
Sentence: 7=p दे॒वो वः॑ सवि॒तोत्पु॑ना॒त्वछि॑द्रेण प॒वित्रे॑ण॒ वसोः॒ सूर्य॑स्य र॒श्मिभिः
Sentence: 8=q शु॒क्रं त्वा॑ शु॒क्रायां॒ धाम्ने॑धाम्ने दे॒वेभ्यो॒ यजु॑षेयजुषे गृह्णामि
Sentence: 9=r ज्योति॑स्त्वा॒ ज्योति॑ष्य॒र्चिस्त्वा॒र्चिषि॒ धाम्ने॑धाम्ने दे॒वेभ्यो॒ यजु॑षेयजुषे गृह्णामि
Paragraph: 11
Verse: 1
Sentence: 1=a कृष्णो॑ ऽस्याखरे॒ष्ठो॒ ऽग्नये॑ त्वा॒ स्वाहा
Sentence: 2=b वेदि॑रसि ब॒र्हिषे॑ त्वा॒ स्वाहा
Sentence: 3=c ब॒र्हिर॑सि स्रु॒ग्भ्यस्त्वा॒ स्वाहा
Sentence: 4=d दि॒वे त्वा॒न्तरि॑क्षाय त्वा पृथिव्यै त्वा
Sentence: 5=e स्व॒धा पि॒तृभ्य॒ ऊर्ग्भ॑व बर्हि॒षद्भ्य॑स् ।
Sentence: 6=f ऊ॒र्जा पृ॑थि॒वीं ग॑छत
Sentence: 7=g विष्णो॒ स्तूपो॑ ऽसि ।
Sentence: 8=h ऊर्णा॑म्रदसं त्वा स्तृणामि स्वास॒स्थं दे॒वेभ्य॑स् ।
Sentence: 9=i ग॑न्ध॒र्वो॑ ऽसि वि॒श्वाव॑सु॒र्विश्व॑स्मा॒दीष॑तो॒ यज॑मानस्य परि॒धिरि॒ड ई॑डि॒तस् ।
Sentence: 10=k इन्द्र॑स्य बा॒हुर॑सि ॥
Verse: 2
Sentence: 1 दक्षि॑णो॒ यज॑मानस्य परि॒धिरि॒ड ई॑डि॒तस् ।
Sentence: 2=l मि॒त्रावरु॑णौ त्वोत्तर॒तः परि॑ धत्तां ध्रु॒वेण॒ धर्म॑णा॒ यज॑मानस्य परि॒धिरि॒ड ई॑डि॒तः
Sentence: 3=m सूर्य॑स्त्वा पु॒रस्ता॑त्पातु॒ कस्या॑श्चिद॒भिश॑स्त्यास् ।
Sentence: 4=n वी॒तिहो॑त्रं त्वा कवे द्यु॒मन्तं॒ समि॑धीम॒ह्यग्ने॑ बृ॒हन्त॑मध्व॒रे
Sentence: 5=o वि॒शो य॒न्त्रे स्थ॑स् ।
Sentence: 6=p वसू॑नां रु॒द्राणा॑मादि॒त्यानां॒ सद॑सि सीद
Sentence: 7=q जु॒हूरु॑प॒भृद्ध्रु॒वासि॑ घृ॒ताची॒ नाम्ना॑ प्रि॒येण॒ नाम्ना॑ प्रि॒ये सद॑सि सीद ।
Sentence: 8=r ए॒ता अ॑सदन्त्सुकृ॒तस्य॑ लो॒के
Sentence: 9=s ता वि॑ष्णो पाहि
Sentence: 10=t पा॒हि य॒ज्ञम्पा॒हि य॒ज्ञप॑तिम्पा॒हि मां य॑ज्ञ॒निय॑म् ॥
Paragraph: 12
Verse: 1
Sentence: 1=a भुव॑नमसि॒ वि प्र॑थस्व ।
Sentence: 2=b अग्ने॒ यष्ट॑रि॒दं नमः॑ ।
Sentence: 3=c जुह्वेह्य॒ग्निस्त्वा॑ ह्वयति देवय॒ज्यायै॑ ।
Sentence: 4=d उप॑भृ॒देहि॑ दे॒वस्त्वा॑ सवि॒ता ह्व॑यति देवय॒ज्यायै॑ ।
Sentence: 5=e अग्ना॑विष्णू॒ मा वा॒मव॑ क्रमिषम् ।
Sentence: 6=f वि जि॑हाथा॒म्मा मा॒ सं ता॑प्तम् ।
Sentence: 7=g लो॒कम्मे॑ लोककृतौ कृणुतम् ।
Sentence: 8=h विष्णो॒ स्थान॑मसि ।
Sentence: 9=i इ॒त इन्द्रो॑ अक्ष्णोद्वी॒र्या॑णि
Sentence: 10=k समा॒रभ्यो॒र्ध्वो अ॑ध्व॒रो दि॑वि॒स्पृश॑म्
Sentence: 11=l अह्रु॑तो य॒ज्ञो य॒ज्ञप॑तेस् ।
Sentence: 12=m इन्द्रा॑वा॒न्त्स्वाहा
Sentence: 13=n बृ॒हद्भाः
Sentence: 14=o पा॒हि मा॑ग्ने॒ दुश्च॑रिता॒दा मा॒ सुच॑रिते भज
Sentence: 15=p म॒खस्य॒ शिरो॑ ऽसि॒ सं ज्योति॑षा॒ ज्योति॑रङ्क्ताम् ॥
Paragraph: 13
Verse: 1
Sentence: 1=a वाज॑स्य मा प्रस॒वेनो॑द्ग्रा॒भेणोद॑ग्रभीत् । अथा॑ स॒पत्नां॒ इन्द्रो॑ मे निग्रा॒भेणाध॑रां अकः ॥
Sentence: 2=b उ॑द्ग्रा॒भं च॑ निग्रा॒भं च॒ ब्रह्म॑ दे॒वा अ॑वीवृधन् । अथा॑ स॒पत्ना॑निन्द्रा॒ग्नी मे॑ विषू॒चीना॒न्व्य॑स्यताम् ॥
Sentence: 3=c वसु॑भ्यस्त्वा रु॒द्रेभ्य॑स्त्वादि॒त्येभ्य॑स्त्वा ।
Sentence: 4=d अ॒क्तं रिहा॑णा वि॒यन्तु॒ वयः
Sentence: 5=e प्र॒जां योनि॒म्मा निर्मृ॑क्षम्
Sentence: 6=f आ प्या॑यन्ता॒माप॒ ओष॑धयस् ।
Sentence: 7=g म॒रुता॒म्पृष॑तय स्थ
Sentence: 8=h दि॒वम् ॥
Verse: 2
Sentence: 1 ग॑छ॒ ततो॑ नो॒ वृष्टि॒मेर॑य ।
Sentence: 2=i आ॑यु॒ष्पा अ॑ग्ने॒ ऽस्यायु॑र्मे पाहि
Sentence: 3=k चक्षु॒ष्पा अ॑ग्ने ऽसि॒ चक्षु॑र्मे पाहि
Sentence: 4=l ध्रु॒वासि
Sentence: 5=m यम्प॑रि॒धिम्प॒र्यध॑त्था॒ अग्ने॑ देव प॒णिभि॑र्वी॒यमा॑ण॒स्तं त॑ ए॒तमनु॒ जोष॑म्भरामि॒ नेदे॒ष त्वद॑पचे॒तया॑तै
Sentence: 6=n य॒ज्ञस्य॒ पाथ॒ उप॒ समि॑तम् ।
Sentence: 7=o सं॑स्रा॒वभा॑गा स्थे॒षा बृ॒हन्तः॑ प्रस्तरे॒ष्ठा ब॑र्हि॒षद॑श्च ॥
Verse: 3
Sentence: 1 दे॒वा इ॒मां वाच॑म॒भि विश्वे॑ गृ॒णन्त॑ आ॒सद्या॒स्मिन्ब॒र्हिषि॑ मादयध्वम्
Sentence: 2=p अ॒ग्नेर्वा॒मप॑न्नगृहस्य॒ सद॑सि सादयामि
Sentence: 3=q सु॒म्नाय॑ सुम्निनी सु॒म्ने म॑ धत्तम् ।
Sentence: 4=r धु॒रि धुर्यौ पातम्
Sentence: 5=s अग्ने॑ ऽदब्धायो ऽशीततनोपा॒हि मा॒द्य दि॒वः पा॒हि प्रसि॑त्यै पा॒हि दुरि॑ष्ट्यै पा॒हि दु॑रद्मन्यै पा॒हि दुश्च॑रितात् ।
Sentence: 6=t अवि॑षं नः पि॒तुं कृ॑णु सु॒षदा॒ योनिं॒ स्वाहा
Sentence: 7=u देवा॑ गातुविदो गा॒तुं वि॒त्त्वा गा॒तुमि॑त
Sentence: 8=v मन॑सस्पत इ॒मं नो॑ देव दे॒वेषु॑ य॒ज्ञं स्वाहा॑ वा॒चि स्वाहा॒ वाते॑ धाः ॥
Paragraph: 14
Verse: 1
Sentence: 1=a उ॒भा वा॑मिन्द्राग्नी आहु॒वध्या॑ उ॒भा राध॑सः स॒ह मा॑द॒यध्यै॑ । उ॒भा दा॒तारा॑वि॒षां र॑यी॒णामु॒भा वाज॑स्य सा॒तये॑ हुवे वाम् ॥
Sentence: 2=b अश्र॑वं॒ हि भू॑रि॒दाव॑त्तरा वां॒ विजा॑मातुरु॒त वा॑ घा स्या॒लात् । अथा॒ सोम॑स्य॒ प्रय॑ती यु॒वभ्या॒मिन्द्रा॑ग्नी॒ स्तोमं॑ जनयामि॒ नव्य॑म् ॥
Sentence: 3=c इन्द्रा॑ग्नी नव॒तिम्पुरो॑ दा॒सप॑त्नीरधूनुतम् । सा॒कमेके॑न॒ कर्म॑णा ॥
Sentence: 4=d शुचिं॒ नु स्तोमं॒ नव॑जातं अ॒द्येन्द्रा॑ग्नी वृत्रहणा जु॒षेथा॑म् ॥
Verse: 2
Sentence: 1 उ॒भा हि वां॑ सु॒हवा॒ जोह॑वीमि॒ ता वाजं॑ स॒द्य उ॑श॒ते धेष्ठा॑ ॥
Sentence: 2=e व॒यमु॑ त्वा पथस्पते॒ रथं॒ न वाज॑सातये । धि॒ये पू॑षन्नयुज्महि ॥
Sentence: 3=f प॒थस्प॑थः॒ परि॑पतिं वच॒स्या कामे॑न कृ॒तो अ॒भ्या॑नड॒र्कम् । स नो॑ रासच्छु॒रुध॑श्च॒न्द्राग्रा॒ धियं॑ धियं सीषधाति॒ प्र पू॒षा ॥
Sentence: 4=g क्षेत्र॑स्य॒ पति॑ना व॒यं हि॒तेन॑व जयामसि । गामश्व॑म्पोषयि॒त्न्वा स नः॑ ॥
Verse: 3
Sentence: 1 मृ॑डाती॒दृशे॑ ॥
Sentence: 2=h क्षेत्र॑स्य पते॒ मधु॑मन्तमू॒र्मिं धे॒नुरि॑व॒ पयो॑ अ॒स्मासु॑ धुक्ष्व । म॑धु॒श्चुतं॑ घृ॒तमि॑व॒ सुपू॑तमृ॒तस्य॑ नः॒ पत॑यो मृडयन्तु ॥
Sentence: 3=i अग्ने॒ नय॑ सु॒पथा॑ रा॒ये अ॒स्मान्विश्वा॑नि देव॒ वयु॑नानि वि॒द्वान् । यु॑यो॒ध्य॒स्मज्जु॑हुरा॒णमेनो॒ भूयि॑ष्ठां ते॒ नमौ॑क्तिं विधेम ॥
Sentence: 4=k आ दे॒वाना॒मपि॒ पन्था॑मगन्म॒ यच्छ॒क्नवा॑म॒ तदनु॒ प्रवो॑ढुम् । अ॒ग्निर्वि॒द्वान्त्स य॑जात् ॥
Verse: 4
Sentence: 1 सेदु॒ होता॒ सो अ॑ध्व॒रान्त्स ऋ॒तून्क॑ल्पयाति ॥
Sentence: 2=l यद्वाहि॑ष्ठं॒ तद॒ग्नये॑ बृ॒हद॑र्च विभावसो । महि॒षीव॒ त्वद्र॒यिस्त्वद्वाजा॒ उदी॑रते ॥
Sentence: 3=m अग्ने॒ त्वम्पा॑रया॒ नव्यो॑ अ॒स्मान्त्स्व॒स्तिभि॒रति॑ दु॒र्गाणि॒ विश्वा॑ । पूश्च॑ पृ॒थ्वी ब॑हु॒ला न॑ उ॒र्वी भवा॑ तो॒काय॒ तन॑याय॒ शं योः ॥
Sentence: 4=n त्वम॑ग्ने व्रत॒पा अ॑सि दे॒व आ मर्त्ये॒ष्वा । त्वं य॒ज्ञेष्वीड्यः॑ ॥
Sentence: 5=o यद्वो॑ व॒यम्प्र॑मि॒नाम॑ व्र॒तानि॑ वि॒दुषां॑ देवा॒ अवि॑दुष्टरासः । अग्नि॒ष्टद्विश्व॒मा पृ॑णाति वि॒द्वान्येभि॑र्दे॒वां ऋ॒तुभिः॑ क॒ल्पया॑ति ॥
Chapter: 2
Paragraph: 1
Verse: 1
Sentence: 1=a आप॑ उन्दन्तु जी॒वसे॑ दीर्घायु॒त्वाय॒ वर्च॑से ।
Sentence: 2=b ओष॑धे॒ त्राय॑स्वैनम् ।
Sentence: 3=c स्वधि॑ते मैनं हिंसीस् ।
Sentence: 4=d दे॑व॒श्रूरे॒तानि॒ प्र व॑पे
Sentence: 5=e स्व॒स्त्युत्त॑राण्यशीय ।
Sentence: 6=f आपो॑ अ॒स्मान्मा॒तरः॑ शुन्धन्तु घृ॒तेन॑ नो घृत॒पुवः॑ पुनन्तु । विश्व॑म॒स्मत्प्र व॑हन्तु रि॒प्रमुदा॑भ्यः॒ शुचि॒रा पू॒त ए॑मि
Sentence: 7=g सोम॑स्य त॒नूर॑सि त॒नुव॑म्मे पाहि
Sentence: 8=h मही॒नाम्पयो॑ ऽसि वर्चो॒धा अ॑सि॒ वर्चः॑ ॥
Verse: 2
Sentence: 1 मयि॑ धेहि
Sentence: 2=i वृ॒त्रस्य॑ क॒नीनि॑कासि चक्षु॒ष्पा अ॑सि॒ चक्षु॑र्मे पाहि
Sentence: 3=k चि॒त्पति॑स्त्वा पुनातु वा॒क्पति॑स्त्वा पुनातु दे॒वस्त्वा॑ सवि॒ता पु॑ना॒त्वछि॑द्रेण प॒वित्रे॑ण॒ वसोः॒ सूर्य॑स्य र॒श्मिभि॑स्
Sentence: 4=l तस्य॑ ते पवित्रपते प॒वित्रे॑ण॒ यस्मै॒ कम्पु॒ने तच्छ॑केयम्
Sentence: 5=m आ वो॑ देवास ईमहे॒ सत्य॑धर्माणो अध्व॒रे यद्वो॑ देवास आगु॒रे यज्ञि॑यासो॒ हवा॑महे ।
Sentence: 6=n इन्द्रा॑ग्नी॒ द्यावा॑पृथिवी॒ आप॑ ओषधीस्
Sentence: 7=o त्वं दी॒क्षाणा॒मधि॑पतिरसी॒ह मा॒ सन्त॑म्पाहि ॥
Paragraph: 2
Verse: 1
Sentence: 1=a आकू॑त्यै प्र॒युजे॑ ऽग॒नये॒ स्वाहा॑ मे॒धायै॒ मन॑से॒ ऽग्नये॒ स्वाहा॑ दी॒क्षायै॒ तप॑से॒ ऽग्नये॒ स्वाहा॒ सर॑स्वत्यै पू॒ष्णे॒ ऽग्नये॒ स्वाहा॑ ।
Sentence: 2=b आपो॑ देवीर्बृहतीर्विश्वशम्भुवो॒ द्यावा॑पृथि॒वी उ॒र्व॒न्तरि॑क्ष॒म्बृह॒स्पति॑र्नो ह॒विषा॑ वृधातु॒ स्वाहा
Sentence: 3=c विश्वे॑ दे॒वस्य॑ ने॒तुर्मर्तो॑ वृणीत स॒ख्यं । विश्वे॑ रा॒य इ॑षुध्यसि द्यु॒म्नं वृ॑णीत पु॒ष्यसे॒ स्वाहा॑ ।
Sentence: 4=d ऋ॑क्सा॒मयोः॒ शिल्पे॑ स्थ॒स्ते वा॒मा र॑भे॒ ते मा॑ ॥
Verse: 2
Sentence: 1 पा॑त॒मास्य य॒ज्ञस्यो॒दृच॑स् ।
Sentence: 2=e इ॒मां धियं॒ शिक्ष॑माणस्य देव॒ क्रतुं॒ दक्षं॑ वरुण॒ सं शि॑शाधि । ययाति॒ विश्वा॑ दुरि॒ता तरे॑म सु॒तर्मा॑ण॒मधि॒ नावं॑ रुहेम ।
Sentence: 3=f ऊर्ग॑स्याङ्गिर॒स्यूर्ण॑म्रदा॒ ऊर्ज॑म्मे यछ पा॒हि मा{F मा मा{W मा{AnSS मा मा{BI मा मा{GOLS मा मा हिंसीस् ।
Sentence: 4=g विष्णोः॒ शर्मा॑सि॒ शर्म॒ यज॑मानस्य॒ शर्म॑ मे यछ
Sentence: 5=h नक्ष॑त्राणाम्मातीका॒शात्पा॑हि ।
Sentence: 6=i इन्द्र॑स्य॒ योनि॑रसि ॥
Verse: 3
Sentence: 1 मा मा॑ हिंसीः
Sentence: 2=k कृष्यै त्वा सुस॒स्यायै
Sentence: 3=l सुपिप्प॒लाभ्यस्त्वौषधीभ्यः
Sentence: 4=m सूप॒स्था दे॒वो वन॒स्पति॑रू॒र्ध्वो मा॑ पा॒ह्योदृचः
Sentence: 5=n स्वाहा॑ य॒ज्ञम्मन॑सा॒ स्वाहा॒ द्यावा॑पृथि॒वीभ्यां॒ स्वाहो॒रोर॒न्तरि॑क्षा॒त्स्वाहा॑ य॒ज्ञं वाता॒दा र॑भे ॥
Paragraph: 3
Verse: 1
Sentence: 1=a दै॑वीं॒ धिय॑म्मनामहे सुमृडी॒काम॒भिष्ट॑ये । व॑र्चो॒धां य॒ज्ञवा॑हसं सुपा॒रा नो॑ अस॒द्वशे॑ ॥
Sentence: 2=b ये दे॒वा मनो॑जाता मनो॒युजः॑ सु॒दक्षा॒ दक्ष॑पितार॒स्ते नः॑ पान्तु॒ ते नो॑ ऽवन्तु॒ तेभ्यो॒ नम॒स्तेभ्यः॒ स्वाहा॑ ।
Sentence: 3=c अग्ने॒ त्वं सु जा॑गृहि व॒यं सु म॑न्दिषीमहि । गो॑पा॒य नः॑ स्व॒स्तये॑ प्र॒बुधे॑ नः॒ पुन॑र्ददः ॥
Sentence: 4=d त्वम॑ग्ने व्रत॒पा अ॑सि दे॒व आ मर्त्ये॒ष्वा त्वं ॥
Verse: 2
Sentence: 1 य॒ज्ञेष्वीड्यः॑ ॥
Sentence: 2=e विश्वे॑ दे॒वा अ॒भि मामाव॑वृत्रन्पू॒षा स॒न्या सोमो॒ राध॑सा दे॒वः स॑वि॒ता वसो॑र्वसु॒दावा
Sentence: 3=f रास्वेय॑त्सो॒मा भूयो॑ भर
Sentence: 4=g मा पृ॒णन्पू॒र्त्या वि रा॑धि॒ माहमायु॑षा
Sentence: 5=h च॒न्द्रम॑सि॒ मम॒ भोगा॑य भव॒ वस्त्र॑मसि॒ मम॒ भोगा॑य भवो॒स्रासि॒ मम॒ भोगा॑य भव॒ हयो॑ ऽसि॒ मम॒ भोगा॑य भव ॥
Verse: 3
Sentence: 1 छागो॑ ऽसि॒ मम॒ भोगा॑य भव मे॒षो॑ ऽसि॒ मम॒ भोगा॑य भव
Sentence: 2=i वा॒यवे॑ त्वा॒ वरु॑णाय त्वा॒ निरृ॑त्यै त्वा रु॒द्राय॑ त्वा
Sentence: 3=k देवी॑रापो अपां नपा॒द्य ऊ॒र्मिर्ह॑वि॒ष्य॑ इन्द्रि॒यावा॑न्म॒दिन्त॑म॒स्तं वो॒ माव॑ क्रमिषम्
Sentence: 4=l अछि॑न्नं॒ तन्तु॑म्पृथि॒व्या अनु॑ गेषम्
Sentence: 5=m भ॒द्राद॒भि श्रेयः॒ प्रेहि
Sentence: 6=n बृह॒स्पतिः॑ पुरए॒ता ते॑ अ॒स्त्वथे॒मव॑ स्य॒ वर॒ आ पृ॑थि॒व्या आ॒रे शत्रू॑न्कृणुहि॒ सर्व॑वीरस् ।
Sentence: 7=o एदम॑गन्म देव॒यज॑नम्पृथि॒व्या विश्वे॑ दे॒वा यदजु॑षन्त॒ पूर्व॑ ऋक्सा॒माभ्यां॒ यजु॑षा सं॒तर॑न्तो र्रा॒यस्पोषे॑ण॒ समि॒षा म॑देम ॥
Paragraph: 4
Verse: 1
Sentence: 1=a इ॒यं ते॑ शुक्र त॒नूरि॒दं वर्च॒स्तया॒ सम्भ॑व॒ भ्राजं॑ गछ
Sentence: 2=b जूर॑सि धृ॒ता मन॑सा॒ जुष्टा॒ विष्ण॑वे
Sentence: 3=c तस्या॑स्ते स॒त्यस॑वसः प्रस॒वे वा॒चो य॒न्त्रम॑शीय॒ स्वाहा
Sentence: 4=d शु॒क्रम॑स्य॒मृत॑मसि वैश्वदे॒वं ह॒विः
Sentence: 5=e सूर्य॑स्य॒ चक्षु॒रारु॑हम॒ग्नेर॒क्ष्णः क॒नीनि॑कां॒ यदेत॑शेभि॒रीय॑से॒ भ्राज॑मानो विपश्चिता
Sentence: 6=f चिद॑सि म॒नासि॒ धीर॑सि॒ दक्षि॑णा ॥
Verse: 2
Sentence: 1 अ॑सि य॒ज्ञिया॑सि क्ष॒त्रिया॒स्यदि॑तिरस्युभ॒यतः॑शीर्ष्णी
Sentence: 2=g सा नः॒ सुप्रा॑ची॒ सुप्र॑तीची॒ सम्भ॑व
Sentence: 3=h मि॒त्रस्त्वा॑ प॒दि ब॑ध्नातु
Sentence: 4=i पू॒षाध्व॑नः पातु ।
Sentence: 5=k इन्द्रा॑याध्यक्षाय ।
Sentence: 6=l अनु॑ त्वा मा॒ता म॑न्यता॒मनु॑ पि॒तानु॒ भ्राता॒ सग॒र्भ्यो ऽनु॒ सखा॒ सयू॑थ्यः
Sentence: 7=m सा दे॑वि दे॒वमछे॒हीन्द्रा॑य॒ सोम॑म् ।
Sentence: 8=n रु॒द्रस्त्वा व॑र्तयतु मि॒त्रस्य॑ प॒था
Sentence: 9=o स्व॒स्ति सोम॑सखा॒ पुन॒रेहि॑ स॒ह र॒य्या ॥
Paragraph: 5
Verse: 1
Sentence: 1=a वस्व्य॑सि रु॒द्रास्यदि॑तिरस्यादि॒त्यासि॑ शु॒क्रासि॑ च॒न्द्रासि
Sentence: 2=b बृह॒स्पति॑स्त्वा सु॒म्ने र॑ण्वतु रु॒द्रो वसु॑भि॒रा चि॑केतु
Sentence: 3=c पृथि॒व्यास्त्वा॑ मू॒र्धन्ना जि॑घर्मि देव॒यज॑न॒ इडा॑याः प॒दे घृ॒तव॑ति॒ स्वाहा
Sentence: 4=d परि॑लिखितं॒ रक्षः॒ परि॑लिखि॒ ताअरा॑तय इ॒दम॒हं रक्ष॑सो ग्री॒वा अपि॑ कृन्तामि
Sentence: 5=e यो॒ ऽस्मान्द्वेष्टि॒ यं च॑ व॒यं द्वि॒ष्म इ॒दम॑स्य ग्री॒वाः ॥
Verse: 2
Sentence: 1 अपि॑ कृन्तामि ।
Sentence: 2=f अ॒स्मे राय॒स्त्वे राय॒स्तोते॒ रायः
Sentence: 3=g सं दे॑वि दे॒व्योर्वश्या॑ पश्यस्व
Sentence: 4=h त्वष्टी॑मती ते सपेय सु॒रेता॒ रेतो॒ दधा॑ना वी॒रं वि॑देय॒ तव॑ सं॒दृशि
Sentence: 5=i माहं रा॒यस्पोषे॑ण॒ वि यो॑षम् ॥
Paragraph: 6
Verse: 1
Sentence: 1=a अं॒शुना॑ ते अं॒शुः पृ॑च्यता॒म्परु॑षा॒ परु॑र्ग॒न्धस्ते॒ काम॑मवतु॒ मदा॑य॒ रसो॒ अच्यु॑तो॒ ऽमात्यो॑ ऽसि शु॒क्रस्ते॒ ग्रह॑स् ।
Sentence: 2=b अ॒भि त्यं दे॒वं स॑वि॒तार॑मू॒ण्योः॑ क॒विक्र॑तु॒मर्चा॑मि स॒त्यस॑वसं रत्न॒धाम॒भि प्रि॒यम्म॒त�म् । ऊ॒र्ध्वा यस्या॒मति॒र्भा अदि॑द्युत॒त्सवी॑मनि॒ हिर॑ण्यपाणिरमिमीत सु॒क्रतुः॑ कृ॒पा सुवः॑ ॥
Sentence: 3=c प्र॒जाभ्य॑स्त्वा प्रा॒णाय॑ त्वा व्या॒नाय॑ त्वा प्र॒जास्त्वमनु॒ प्राणि॑हि प्र॒जास्त्वामनु॒ प्राण॑न्तु ॥
Paragraph: 7
Verse: 1
Sentence: 1=a सोमं॑ ते{F क्रीणाम्य्{W कॄणाम्य्{GOLS क्रीणाम्य् ऊर्ज॑स्वन्त॒म्पय॑स्वन्तं वी॒र्या॑वन्तमभिमाति॒षाहं॑ शु॒क्रं ते॑ शु॒क्रेण॑ क्रीणामि च॒न्द्रं च॒न्द्रेणा॒मृत॑म॒मृते॑न स॒म्यत्ते॒ गोस् ।
Sentence: 2=b अ॒स्मे च॒न्द्राणि
Sentence: 3=c तप॑सस्त॒नूर॑सि प्र॒जाप॑ते॒र्वर्ण॒स्तस्या॑स्ते सहस्रपो॒षम्पुष्य॑न्त्याश्चर॒मेण॑ प॒शुना॑ क्रीणामि ।
Sentence: 4=d अ॒स्मे ते॒ बन्धु॒र्मयि॑ ते॒ रायः॑ श्रयन्ताम्
Sentence: 5=e अ॒स्मे ज्योतिः॑ सोमविक्र॒यिणि॒ तम॑स् ।
Sentence: 6=f मि॒त्रो न॒ एहि॒ सुमि॑त्रधास् ।
Sentence: 7=g इन्द्र॑स्यो॒रुमा वि॑श॒ दक्षि॑णमु॒शन्नु॒शन्तं॑ स्यो॒नः स्यो॒नम् ।
Sentence: 8=h स्वान॒ भ्राजा॑ङ्घारे॒ बम्भा॑रे॒ हस्त॒ सुह॑स्त॒ कृशा॑नवे॒ते वः॑ सोम॒क्रय॑णा॒स्तान्र॑क्षध्व॒म्मा वो॑ दभन् ॥
Paragraph: 8
Verse: 1
Sentence: 1=a उदायु॑षा स्वा॒युशो॒दोष॑धीनां॒ रसे॒नोत्प॒र्जन्य॑स्य॒ शुष्मे॑णोदस्थाम॒मृतां॒ अनु॑ ।
Sentence: 2=b उ॒र्व॒न्तरि॑क्ष॒मन्वि॑हि ।
Sentence: 3=c अदि॑त्याः॒ सदो॑ ऽसि ।
Sentence: 4=d अदि॑त्याः॒ सद॒ आ सी॑द ।
Sentence: 5=e अस्त॑भ्ना॒द्द्यामृ॑ष॒भो अ॒न्तरि॑क्ष॒ममि॑मीत वरि॒माण॑म्पृथि॒व्या आसी॑दद्विश्वा॒ भुव॑नानि स॒म्राड्विश्वे॒त्तानि॒ वरु॑णस्य व्र॒तानि॑ ॥
Sentence: 6=f वने॑षु॒ व्य॒न्तरि॑क्षं ततान॒ वाज॒मर्व॑त्सु॒ पयो॑ अघ्नि॒यासु॑ हृ॒त्सु ॥
Verse: 2
Sentence: 1 क्रतुं॒ वरु॑णो वि॒क्ष्व॒ग्निं दि॒वि सूर्य॑मदधा॒त्सोम॒मद्रौ॑ ।
Sentence: 2=g उदु॒ त्यं जा॒तवे॑दसं दे॒वं व॑हन्ति के॒तवः॑ । दृ॒शे विश्वा॑य॒ सूर्य॑म् ॥
Sentence: 3=h उस्रा॒वेतं॑ धूर्षाहावन॒श्रू अवी॑रहणौ ब्रह्म॒चोद॑नौ
Sentence: 4=i वरु॑णस्य॒ स्कम्भ॑नमसि
Sentence: 5=k वरु॑णस्य स्कम्भ॒सर्ज॑नमसि
Sentence: 6=l प्रत्य॑स्तो॒ वरु॑णस्य॒ पाशः॑ ॥
Paragraph: 9
Verse: 1
Sentence: 1=a प्र च्य॑वस्व भुवस्पते॒ विश्वा॑न्य॒भि धामा॑नि॒ मा त्वा॑ परिप॒री वि॑द॒न्मा त्वा॑ परिप॒न्थिनो॑ विद॒न्मा त्वा॒ वृका॑ अघा॒यवो॒ मा ग॑न्ध॒र्वो वि॒श्वाव॑सु॒रा द॑घत् ।
Sentence: 2=b श्ये॒नो भू॒त्वा परा॑ पत॒ यज॑मानस्य नो गृ॒हे देवैः संस्कृ॒तं यज॑मानस्य स्व॒स्त्यय॑न्यसि ।
Sentence: 3=c अपि॒ पन्था॑मगस्महि स्वस्ति॒गाम॑ने॒हसं॒ येन॒ विश्वाः॒ परि॒ द्विषो॑ वृ॒णक्ति॑ वि॒न्दते॒ वसु
Sentence: 4=d नमो॑ मि॒त्रस्य॒ वरु॑णस्य॒ चक्ष॑से॒ महो॑ दे॒वाय॒ तदृ॒तं स॑पर्यत दूरे॒दृशे॑ दे॒वजा॑ताय के॒तवे॑ दि॒वस्पु॒त्राय॒ सूर्या॑य शंसत ॥
Sentence: 5=e वरु॑णस्य॒ स्कम्भ॑नमसि
Sentence: 6=f वरु॑णस्य स्कम्भ॒सर्ज॑नमसि ।
Sentence: 7=g उन्मु॑क्तो॒ वरु॑णस्य॒ पाशः॑ ॥
Paragraph: 10
Verse: 1
Sentence: 1=a अ॒ग्नेरा॑ति॒थ्यम॑सि॒ विष्ण॑वे त्वा॒ सोम॑स्याति॒थ्यम॑सि॒ विष्ण॑वे॒ त्वाति॑थेराति॒थ्यम॑सि॒ विष्ण॑वे त्वा॒ग्नये॑ त्वा रायस्पोष॒दाव्ने॒ विष्ण॑वे त्वा श्ये॒नाय॑ त्वा सोम॒भृते॒ विष्ण॑वे त्वा
Sentence: 2=b या ते॒ धामा॑नि ह॒विषा॒ यज॑न्ति॒ ता ते॒ विश्वा॑ परि॒भूर॑स्तु य॒ज्ञम् । ग॑य॒स्पानः॑ प्र॒तर॑णः सु॒वीरो ऽवी॑रहा॒ प्र च॑रा सोम॒ दुर्या॑न् ॥
Sentence: 3=c अदि॑त्याः॒ सदो॒ ऽस्यदि॑त्याः॒ सद॑ आ ॥
Verse: 2
Sentence: 1 सी॑द
Sentence: 2=d वरु॑णो ऽसि धृ॒तव्र॑तो वारु॒णम॑सि
Sentence: 3=e श॒म्योर्दे॒वानां॑ स॒ख्यान्मा दे॒वाना॑म॒पस॑श्छित्स्महि ।
Sentence: 4=f आप॑तये त्वा{F गृह्णामि{W गृह्णा॑मि{GOLS गृह्णामि परि॑पतये त्वा{F गृह्णामि{W गृह्णा॑मि{GOLS गृह्णामि तनू॒नप्त्रे{F त्वा गृह्णामि{W त्वा गृह्णा॑मि{GOLS गृह्णामि शाक्व॒राय॑ त्वा{F गृह्णामि{W गृह्णा॑मि{GOLS गृह्णामि शक्म॒न्नोजि॑ष्ठाय त्वा गृह्णामि ।
Sentence: 5=g अना॑धृष्टमस्यनाधृ॒ष्यं दे॒वाना॒मोजो॑ ऽभिषस्ति॒पा अ॑नभिशस्ते॒न्यम्
Sentence: 6=h अनु॑ मे दीक्षां दी॒क्षाप॑तिर्मन्यता॒मनु॒ तप॒स्तप॑स्पति॒रञ्ज॑सा स॒त्यमुप॑ गेषं सुवि॒ते मा॑ धाः ॥
Paragraph: 11
Verse: 1
Sentence: 1=a अं॒शुरं॑शुस्ते देव सो॒मा प्या॑यता॒मिन्द्रा॑यैकधन॒विद॒ आ तुभ्य॒मिन्द्रः॑ प्यायता॒मा त्वमिन्द्रा॑य प्यायस्व ।
Sentence: 2=b आ प्या॑यय॒ सखी॑न्त्स॒न्या मे॒धया॑ स्व॒स्ति ते॑ देव सोम सु॒त्याम॑शीय ।
Sentence: 3=c एष्टा॒ रायः॒ प्रेषे भगा॑यर्तमृतवा॒दिभ्यो॒ नमो॑ दि॒वे नमः॑ पृथिव्यै ।
Sentence: 4=d अग्ने॑ व्रतपते॒ त्वं व्र॒तानां॑ व्र॒तप॑तिरसि॒ या मम॑ त॒नूरे॒षा सा त्वयि॑ ॥
Verse: 2
Sentence: 1 या तव॑ त॒नूरि॒यं सा मयि॑ स॒ह नौ॑ व्रतपते व्र॒तिनो॑र्व्र॒तानि
Sentence: 2=e या ते॑ अग्ने॒ रुद्रि॑या त॒नूस्तया॑ नः पाहि॒ तस्या॑स्ते॒ स्वाहा
Sentence: 3=f या ते॑ अग्ने ऽयाश॒या र॑जाश॒या ह॑राश॒या त॒नूर्वर्षि॑ष्ठा गह्वरे ष्ठा ।
Sentence: 4=g उ॒ग्रं वचो॒ अपा॑वधीं त्वे॒षं वचो॒ अपा॑वधीं॒ स्वाहा॑ ॥
Paragraph: 12
Verse: 1
Sentence: 1=a वि॒त्ताय॑नी मे ऽसि ति॒क्ताय॑नी मे॒ ऽस्यव॑तान्मा नाथि॒तमव॑तान्मा व्यथि॒तम् ।
Sentence: 2=b वि॒देर॒ग्निर्नभो॒ नाम॑ ।
Sentence: 3=c अग्ने॑ अङ्गिरो॒ यो॒ ऽस्याम्पृ॑थि॒व्यामस्यायु॑षा॒ नाम्नेहि॒ यत्ते ऽना॑धृष्टं॒ नाम॑ य॒ज्ञियं॒ तेन॒ त्वा द॑धे ।
Sentence: 4=d अग्ने॑ अङ्गिरो॒ यो द्वि॒तीय॑स्यां तृ॒तीय॑स्याम्पृथि॒व्यामस्यायु॑षा॒ नाम्नेहि॒ यत्ते ऽना॑धृष्टं॒ नाम॑ ॥
Verse: 2
Sentence: 1 य॒ज्ञियं॒ तेन॒ त्वा द॑धे
Sentence: 2=e सिं॒हीर॑सि महि॒षीर॑सि ।
Sentence: 3=f उ॒रु प्र॑थस्वो॒रु ते॑ य॒ज्ञप॑तिः प्रथताम् ।
Sentence: 4=g ध्रु॒वासि
Sentence: 5=h दे॒वेभ्यः॑ शुन्धस्व दे॒वेभ्यः॑ शुम्भस्व ।
Sentence: 6=i इ॑न्द्रघो॒षस्त्वा वसु॑भिः पु॒रस्ता॑त्पातु॒ मनो॑जवास्त्वा पि॒तृभि॑र्दक्षिण॒तः पा॑तु॒ प्रचे॑तास्त्वा रुद्रैः प॒श्चात्पा॑तु वि॒श्वक॑र्मा त्वादित्यैरुत्तर॒तः पा॑तु
Sentence: 7=k सिं॒हीर॑सि सपत्नसा॒ही स्वाहा॑ सिं॒हीर॑सि सुप्रजा॒वनिः॒ स्वाहा॑ सिं॒हीः ॥
Verse: 3
Sentence: 1 अ॑सि रायस्पोष॒वनिः॒ स्वाहा॑ सिं॒हीर॑स्यादित्य॒वनिः॒ स्वाहा॑ सिं॒हीर॒स्या व॑ह दे॒वान्दे॑वय॒ते यज॑मानाय॒ स्वाहा
Sentence: 2=l भू॒तेभ्य॑स्त्वा
Sentence: 3=m वि॒श्वायु॑रसि पृथि॒वीं दृं॑ह ध्रुव॒क्षिद॑स्य॒न्तरि॑क्षं दृंहाच्युत॒क्षिद॑सि॒ दिवं॑ दृंह ।
Sentence: 4=n अ॒ग्नेर्भस्मा॑स्य॒ग्नेः पुरी॑षमसि ॥
Paragraph: 13
Verse: 1
Sentence: 1=a यु॒ञ्जते॒ मन॑ उ॒त यु॑ञ्जते॒ धियो॒ विप्रा॒ विप्र॑स्य बृह॒तो वि॑प॒श्चितः॑ । वि होत्रा॑ दधे वयुना॒विदेक॒ इन्म॒ही दे॒वस्य॑ सवि॒तुः परि॑ष्टुतिः ॥
Sentence: 2=b सु॒वाग्दे॑व॒ दुर्यां॒ आ व॑द
Sentence: 3=c देव॒श्रुतौ॑ दे॒वेष्वा घो॑षेथाम्
Sentence: 4=d आ नो॑ वी॒रो जा॑यतां कर्म॒ण्यो॒ यं सर्वे॑ ऽनु॒जीवा॑म॒ यो ब॑हू॒नामस॑द्व॒शी ।
Sentence: 5=e इ॒दं विष्णु॒र्वि च॑क्रमे त्रे॒धा नि द॑धे प॒दम् । समू॑ढमस्य ॥
Verse: 2
Sentence: 1 पां॑सु॒रे
Sentence: 2=f इरा॑वरी धेनु॒मती॒ हि भू॒तं सू॑यव॒सिनी॒ मन॑वे यश॒स्ये॑ । व्य॑स्कभ्ना॒द्रोद॑सी॒ विष्णु॑रे॒ते दा॒धार॑ पृथि॒वीम॒भितो॑ म॒यूखैः॑ ॥
Sentence: 3=g प्राची॒ प्रेत॑मध्व॒रं क॒ल्पय॑न्ती॒ ऊर्ध्वं य॒ज्ञं न॑यत॒म्मा जी॑ह्वरत॒मत्र॑ रमेथां॒ वर्ष्म॑�स् ।
Sentence: 4=h दि॒वो वा॑ विष्णवु॒त वा॑ पृथि॒व्या म॒हो वा॑ विष्णवु॒त वा॒न्तरि॑क्षा॒द्धस्तौ॑ पृणस्व ब॒हुभि॑र�॒रा प्र य॑छ ॥
Verse: 3
Sentence: 1 दक्षि॑णा॒दोत स्व॒यात् ॥
Sentence: 2=i विष्णो॒र्नुकं॑ वी॒र्या॑णि॒ प्र वो॑चं॒ यः पार्थि॑वानि विम॒मे रजां॑सि॒ यो अस्क॑भाय॒दुत्त॑रं स॒धस्थं॑ विचक्रमा॒णस्त्रे॒धोरु॑गा॒यस् ।
Sentence: 3=k विष्णो॑ र॒राट॑मसि॒ विष्णोः॑ पृ॒ष्ठम॑सि
Sentence: 4=l विष्णोः॒ श्न्यप्त्रे॑ स्थस् ।
Sentence: 5=m विष्णोः॒ स्यूर॑सि
Sentence: 6=n विष्णो॑र्ध्रु॒वम॑सि
Sentence: 7=o वैष्ण॒वम॑सि॒ विष्ण॑वे त्वा ॥
Paragraph: 14
Verse: 1
Sentence: 1=a कृ॑णु॒ष्व पाजः॒ प्रसि॑तिं॒ न पृ॒थ्वीं या॒हि राजे॒वाम॑वां॒ इभे॑न । तृ॒ष्वीमनु॒ प्रसि॑तिं द्रूणा॒नो ऽस्ता॑सि॒ विध्य॑ र॒क्षस॒स्तपि॑ष्ठैः ॥
Sentence: 2=b तव॑ भ्र॒मास॑ आशु॒या प॑त॒न्त्यनु॑ स्पृश धृष॒ता शोशु॑चानः । तपूं॑ष्यग्ने जु॒ह्वा॑ पतं॒गानसं॑दितो॒ वि सृ॑ज॒ विष्व॑गु॒ल्काः ॥
Sentence: 3=c प्रति॒ स्पशो॒ वि सृ॑ज॒ तूर्णि॑तमो॒ भवा॑ पा॒युर्वि॒शो अ॑स्या॒ अद॑ब्धः । यो नो॑ दूरे अ॒घशं॑सः ॥
Verse: 2
Sentence: 1 यो अन्त्यग्ने॒ माकि॑ष्टे॒ व्यथि॒रा द॑धर्षीत् ॥
Sentence: 2=d उद॑ग्ने तिष्ठ॒ प्रत्या त॑नुष्व॒ न्य॒मित्रां॑ ओषतात्तिग्महेते । यो नो॒ अरा॑तिं समिधान च॒क्रे नी॒चा तं ध॑क्ष्यत॒सं न शुष्क॑म् ॥
Sentence: 3=e ऊ॒र्ध्वो भ॑व॒ प्रति॑ वि॒ध्याध्य॒स्मदा॒विष्कृ॑णुष्व दैव्यान्यग्ने । अव॑ स्थि॒रा त॑नुहि यातु॒जूनां{F जा॒मिम्{W जा॒मिं अजा॑मि॒म्प्र मृ॑णीहि॒ शत्रू॑न् ॥
Sentence: 4=f स ते॑ ॥
Verse: 3
Sentence: 1 जा॑नाति सुम॒तिं य॑विष्ठ॒ य ईव॑ते॒ ब्रह्म॑णे गा॒तुऐ॑रत् । विश्वा॑न्यस्मै सु॒दिना॑नि रा॒यो द्यु॒म्नान्य॒र्यो वि दुरो॑ अ॒भि द्यौ॑त् ॥
Sentence: 2=g सेद॑ग्ने अस्तु सु॒भगः॑ सु॒दानु॒र्यस्त्वा॒ नित्ये॑न ह॒विषा॒ य उक्थैः । पिप्री॑षति॒ स्व आयु॑षि दुरो॒णे विश्वेद॑स्मै सु॒दिना॒ सास॑दि॒ष्टिः ॥
Sentence: 3=h अर्चा॑मि ते सुम॒तिं घोष्य॒र्वाक्सं ते॑ वा॒वाता॑ जरताम् ॥
Verse: 4
Sentence: 1 इ॒यं गीः । स्वश्वा॑स्त्वा सु॒रथा॑ मर्जयेमा॒स्मे क्ष॒त्राणि॑ धारये॒रनु॒ द्यून् ॥
Sentence: 2=i इ॒ह त्वा॒ भूर्या च॑रे॒दुप॒ त्मन्दोषा॑वस्तर्दीदि॒वांस॒मनु॒ द्यून् । क्रीड॑न्तस्त्वा सु॒मन॑सः सपेमा॒भि द्यु॒म्ना त॑स्थि॒वांसो॒ जना॑नाम् ॥
Sentence: 3=k यस्त्वा॒ स्वश्वः॑ सुहिर॒ण्यो अ॑ग्न उप॒याति॒ वसु॑मता॒ रथे॑न । तस्य॑ त्रा॒ता भ॑वसि॒ तस्य॒ सखा॒ यस्त॑ आति॒थ्यमा॑नु॒षग्जुजो॑षत् ॥
Sentence: 4=l म॒हो रु॑जामि ॥
Verse: 5
Sentence: 1 ब॒न्धुता॒ वचो॑भि॒स्तन्मा॑ पि॒तुर्गोत॑मा॒दन्वि॑याय । त्वं नो॑ अस्य॒ वच॑सश्चिकिद्धि॒ होत॑र्यविष्ठ सुक्रतो॒ दमू॑नाः ॥
Sentence: 2=m अस्व॑प्नजस्त॒रण॑यः सु॒शेवा॒ अत॑न्द्रासो ऽवृ॒का अश्र॑मिष्ठाः । ते पा॒यवः॑ स॒ध्रिय॑ञ्चो नि॒षद्याग्ने॒ तव॑ नः पान्त्वमूर ॥
Sentence: 3=n ये पा॒यवो॑ मामते॒यं ते॑ अग्ने॒ पश्य॑न्तो अ॒न्धं दु॑रि॒तादर॑क्षन् । र॒रक्ष॒ तान्त्सु॒कृतो॑ वि॒श्ववे॑दा॒ दिप्स॑न्त॒ इद्रि॒पवो॒ ना ह॑ ॥
Verse: 6
Sentence: 1 दे॑भुः ॥
Sentence: 2=o त्वया॑ व॒यं स॑द् ह॒न्य॒स्त्वोता॒स्तव॒ प्रणी॑त्यश्याम॒ वाजा॑न् । उ॒भा शंसा॑ सूदय सत्यताते ऽनुष्ठु॒या कृ॑णुह्यह्रयाण ॥
Sentence: 3=p अ॒या ते॑ अग्ने स॒मिधा॑ विधेम॒ प्रति॒ स्तोमं॑ श॒स्यमा॑नं गृभाय । दहा॒शसो॑ र॒क्षसः॑ पा॒ह्य॒स्मान्द्रु॒हो नि॒दो मि॑त्रमहो अव॒द्यात् ॥
Sentence: 4=q र॑क्षो॒हनं॑ वा॒जिन॒मा जि॑घर्मि मि॒त्रम्{F प्रति॑ष्ठम्{W प्रथि॑ष्ठम् उप॑ यामि॒ शर्म॑ । शि॑शानो अ॒ग्निः क्रतु॑भिः॒ समि॑द्धः॒ स नो॒ दिवा॑ ॥
Verse: 7
Sentence: 1 स रि॒षः पा॑तु॒ नक्त॑म् ॥
Sentence: 2=r वि ज्योति॑षा बृह॒ता भा॑त्य॒ग्निरा॒विर्विश्वा॑नि कृणुते महि॒त्वा । प्रादे॑वीर्मा॒याः स॑हते दु॒रेवाः॒ शिशी॑ते॒ शृङ्गे॒ रक्ष॑से वि॒निक्षे॑ ॥
Sentence: 3=s उ॒त स्वा॒नासो॑ दि॒वि ष॑न्त्व॒ग्नेस्ति॒ग्मायु॑धा॒ रक्ष॑से॒ हन्त॒वा उ॑ । मदे॑ चिदस्य॒ प्र रु॑जन्ति॒ भामा॒ न व॑रन्ते परि॒बाधो॒ अदे॑वीः ॥
Chapter: 3
Paragraph: 1
Verse: 1
Sentence: 1=a दे॒वस्य॑ त्वा सवि॒तुः प्र॑स॒वे॒ ऽश्विनो॑र्बा॒हुभ्या॑म्पू॒ष्णो हस्ता॑भ्या॒मा द॒दे भ्रि॑रसि॒ नारि॑रसि
Sentence: 2=b परि॑लिखितं॒ रक्षः॒ परि॑लिखिता॒ अरा॑तय इ॒दम॒हं रक्ष॑सो ग्री॒वा अपि॑ कृन्तामि
Sentence: 3=c यो॒ ऽस्मान्द्वेष्टि॒ यं च॑ व॒यं द्वि॒ष्म इ॒दम॑स्य ग्री॒वा अपि॑ कृन्तामि
Sentence: 4=d दि॒वे त्वा॒न्तरि॑क्षाय त्वा पृथिव्यै त्वा
Sentence: 5=e शुन्ध॑तां लो॒कः पि॑तृ॒षद॑नस् ।
Sentence: 6=f यवो॑ ऽसि य॒वया॒स्मद्द्वेषः॑ ॥
Verse: 2
Sentence: 1 य॒वयारा॑तीः
Sentence: 2=g पितृ॒णां सद॑नमस्य्
Sentence: 3=h उद्दिवं॑ स्तभा॒नान्तरि॑क्षम्पृण पृथि॒वीं दृं॑ह
Sentence: 4=i द्युता॒नस्त्वा॑ मारु॒तो मि॑नोतु मि॒त्रावरु॑णयोर्ध्रु॒वेण॒ धर्म॑णा
Sentence: 5=k ब्रह्म॒वनिं॑ त्वा क्षत्र॒वनिं॑ सुप्रजा॒वनिं॑ रायस्पोष॒वनि॒म्पर्यू॑हामि
Sentence: 6=l ब्रह्म॑ दृंह क्ष॒त्रं दृं॑ह प्र॒जां दृं॑ह रा॒यस्पोषं॑ दृंह
Sentence: 7=m घृ॒तेन॑ द्यावापृथिवी॒ आ पृ॑णेथाम्
Sentence: 8=n इन्द्र॑स्य॒ सदो॑ ऽसि विश्वज॒नस्य॑ छा॒या
Sentence: 9=o परि॑ त्वा गिर्वणो॒ गिर॑ इ॒मा भ॑वन्तु वि॒श्वतो॑ वृ॒द्धायु॒मनु॒ वृद्ध॑यो॒ जुष्टा॑ भवन्तु॒ जुष्ट॑यस् ।
Sentence: 10=p इन्द्र॑स्य॒ स्यूर॒सीन्द्र॑स्य ध्रु॒वम॑सि ।
Sentence: 11=q अै॒न्द्रम॑सि ।
Sentence: 12=r इन्द्रा॑य त्वा ॥
Paragraph: 2
Verse: 1
Sentence: 1=a र॑क्षो॒हणो॑ वलग॒हनो॑ वैष्ण॒वान्ख॑नामि ।
Sentence: 2=b इ॒दम॒हं तं व॑ल॒गमुद्व॑पामि॒ यं नः॑ समा॒नो यमस॑मानो निच॒खान॑ ।
Sentence: 3=c इ॒दमे॑न॒मध॑रं करोमि॒ यो नः॑ समा॒नो यो ऽस॑मानो ऽराती॒यति
Sentence: 4=d गाय॒त्रेण॒ छन्द॒साव॑बाढो वल॒गः
Sentence: 5=e किमत्र॑ भ॒द्रं तन्नौ॑ स॒ह
Sentence: 6=f वि॒राड॑सि सपत्न॒हा स॒म्राड॑सि भ्रातृव्य॒हा स्व॒राड॑स्यभिमाति॒हा वि॑श्वा॒राड॑सि{F विश्वा॑सां{W विश्वा॑नां{ASS विश्वा॑सां{BI विश्वा॑सां{GOLS विश्वा॑सां ना॒ष्ट्राणां॑ ह॒न्ता ॥
Verse: 2
Sentence: 1=g र॑क्षो॒हणो॑ वलग॒हनः॒ प्रोक्षा॑मि वैष्ण॒वान्
Sentence: 2=h रक्षो॒हणो॑ वलग॒हनो ऽव॑ नयामि वैष्ण॒वान्
Sentence: 3=i यवो॑ ऽसि य॒वया॒स्मद्द्वेषो॑ य॒वयारा॑तीस् ।
Sentence: 4=k र॑क्षो॒हणो॑ वलग॒हनो ऽव॑ स्तृणामि वैष्ण॒वान्
Sentence: 5=l रक्षो॒हणो॑ वलग॒हनो॒ ऽभि जु॑होमि वैष्ण॒वान्
Sentence: 6=m रक्षो॒हणौ॑ वलग॒हना॒वुप॑ दधामि वैष्ण॒वी
Sentence: 7=n र॑क्षो॒हणौ॑ वलग॒हनौ॒ पर्यू॑हामि वैष्ण॒वी
Sentence: 8=o र॑क्षो॒हणौ॑ वलग॒हनौ॒ परि॑ स्तृणामि वैष्ण॒वी
Sentence: 9=p र॑क्षो॒हणौ॑ वलग॒हनौ॑ वैष्ण॒वी
Sentence: 10=q बृ॒हन्न॑सि बृ॒हद्ग्रा॑वा बृह॒तीमिन्द्रा॑य॒ वाचं॑ वद ॥
Paragraph: 3
Verse: 1
Sentence: 1=a वि॒भूर॑सि प्र॒वाह॑णस् ।
Sentence: 2=b वह्नि॑रसि हव्य॒वाह॑नः
Sentence: 3=c श्वा॒त्रो॑ ऽसि॒ प्रचे॑तास्
Sentence: 4=d तु॒थो॑ ऽसि वि॒श्ववे॑दास् ।
Sentence: 5=e उ॒शिग॑सि क॒विस् ।
Sentence: 6=f अङ्घा॑रिरसि॒ बम्भा॑रिस् ।
Sentence: 7=g अ॑व॒स्युर॑सि॒ दुव॒स्वान् ।
Sentence: 8=h शु॒न्ध्यूर॑सि मार्जा॒लीयः
Sentence: 9=i स॒म्राड॑सि कृ॒शानुः
Sentence: 10=k परि॒षद्यो॑ ऽसि॒ पव॑मानः
Sentence: 11=l प्र॒तक्वा॑सि॒ नभ॑स्वान्
Sentence: 12=m अस॑म्मृष्टो ऽसि हव्य॒सूद॑स् ।
Sentence: 13=n ऋ॒तधा॑मासि॒ सुव॑र्ज्योतिस् ।
Sentence: 14=o ब्रह्म॑ज्योतिरसि॒ सुव॑र्धाम ।
Sentence: 15=p अ॒जो॒ ऽस्येक॑पाद्
Sentence: 16=q अहि॑रसि बु॒ध्निय॑स् ।
Sentence: 17=r रौ॑द्रे॒णानी॑केन पा॒हि मा॑ग्ने पिपृ॒हि मा॒ मा मा॑ हिंसीः ॥
Paragraph: 4
Verse: 1
Sentence: 1=a त्वं सो॑म तनू॒कृद्भ्यो॒ द्वेषो॑भ्यो॒ ऽन्यकृ॑तेभ्य उ॒रु य॒न्तासि॒ वरू॑थं॒ स्वाहा
Sentence: 2=b जुषा॒णो अ॒प्तुराज्य॑स्य वेतु॒ स्वाहा॑ ।
Sentence: 3=c अ॒यं नो॑ अ॒ग्निर्वरि॑वः कृणोत्व॒यम्मृधः॑ पु॒र ए॑तु प्रभि॒न्दन् । अ॒यं शत्रू॑ञ्जयतु॒ जर्हृ॑षाणो॒ ऽयं वाजं॑ जयतु॒ वाज॑सातौ ॥
Sentence: 4=d उ॒रु वि॑ष्णो॒ वि क्र॑मस्वो॒रु क्षया॑य नः कृधि । घृ॒तं घृ॑तयोने पिब॒ प्रप्र॑ य॒ज्ञप॑तिं तिर ॥
Sentence: 5=e सोमो॑ जिगाति गातु॒वित् ॥
Verse: 2
Sentence: 1 दे॒वाना॑मेति निष्कृ॒तमृ॒तस्य॒ योनि॑मा॒सद॑म्
Sentence: 2=f अदि॑त्याः॒ सदो॑ ऽसि ।
Sentence: 3=g अदि॑त्याः॒ सद॒ आ सी॑द ।
Sentence: 4=h ए॒ष वो॑ देव सवितः॒ सोम॒स्तं र॑क्षध्व॒म्मा वो॑ दभत् ।
Sentence: 5=i {F ए॒तत्{W ए॒तं{ASS ए॒तत्{BI ए॒तत्{GOLS ए॒तत् त्वं सो॑म दे॒वो दे॒वानुपा॑गा इ॒दम॒हम्म॑नु॒ष्यो॑ मनु॒ष्या॑न्त्स॒ह प्र॒जया॑ स॒ह रा॒यस्पोषे॑ण
Sentence: 6=k नमो॑ दे॒वेभ्यः॑ स्व॒धा पि॒तृभ्य॑स् ।
Sentence: 7=l इ॒दम॒हं निर्वरु॑णस्य॒ पाशा॒त्सुव॑र॒भि ॥
Verse: 3
Sentence: 1 वि ख्ये॑षं वैश्वान॒रं ज्योति॑स् ।
Sentence: 2=m अग्ने॑ व्रतपते॒ त्वं व्र॒तानां॑ व्र॒तप॑तिरसि
Sentence: 3=n या मम॑ त॒नूस्त्वय्यभू॑दि॒यं सा मयि॒ या तव॑ त॒नूर्मय्यभू॑दे॒षा सा त्वयि
Sentence: 4=o यथाय॒थं नौ॑ व्रतपते व्र॒तिनो॑र्व्र॒तानि॑ ॥
Paragraph: 5
Verse: 1
Sentence: 1=a अत्य॒न्यानगां॒ नान्यानुपा॑गाम्
Sentence: 2=b अ॒र्वाक्त्वा॒ परै॑रविदम्प॒रोव॑रैस्
Sentence: 3=c तं त्वा॑ जुषे वैष्ण॒वं दे॑वय॒ज्यायै
Sentence: 4=d दे॒वस्त्वा॑ सवि॒ता मध्वा॑नक्तु ।
Sentence: 5=e ओष॑धे॒ त्राय॑स्वैनम् ।
Sentence: 6=f स्वधि॑ते मैनं हिंसीस् ।
Sentence: 7=g दिव॒मग्रे॑ण॒ मा ले॑खीर॒न्तरि॑क्ष॒म्मध्ये॑न॒ मा हिं॑सीः पृथि॒व्या सम्भ॑व
Sentence: 8=h वन॑स्पते श॒तव॑ल्शो॒ वि रो॑ह स॒हस्र॑वल्शा॒ वि व॒यं रु॑हेम
Sentence: 9=i यं त्वा॒यं स्वधि॑ति॒स्तेति॑जानः प्रणि॒नाय॑ मह॒ते सौ॑भगा॒याछि॑न्नो॒रायः॑ सु॒वीरः॑ ॥
Paragraph: 6
Verse: 1
Sentence: 1=a पृ॑थिव्यै त्वा॒न्तरि॑क्षाय त्वा दि॒वे त्वा
Sentence: 2=b शुन्ध॑तां लो॒कः पि॑तृ॒षद॑नस् ।
Sentence: 3=c यवो॑ ऽसि य॒वया॒स्मद्द्वेषो॑ य॒वयारा॑तीः
Sentence: 4=d पितृ॒णां सद॑नमसि
Sentence: 5=e स्वावे॒शो॑ ऽस्यग्रे॒गा ने॑तृ॒णां वन॒स्पति॒रधि॑ त्वा स्थास्यति॒ तस्य॑ वित्तात् ।
Sentence: 6=f दे॒वस्त्वा॑ सवि॒ता मध्वा॑नक्तु
Sentence: 7=g सुपिप्प॒लाभ्यस्त्वौषधीभ्यस् ।
Sentence: 8=h उद्दिवं॑ स्तभा॒नान्तरि॑क्षम्पृण पृथि॒वीमुप॑रेण दृंह
Sentence: 9=i ते ते॒ धामा॑न्युश्मसि ॥
Verse: 2
Sentence: 1 ग॒मध्ये॒ गावो॒ यत्र॒ भूरि॑शृङ्गा अ॒यासः॑ । अत्राह॒ तदु॑रुगा॒यस्य॒ विष्णोः॑ पर॒मम्प॒दमव॑ भाति॒ भूरेः॑ ॥
Sentence: 2=k विष्णोः॒ कर्मा॑णि पश्यत॒ यतो॑ व्र॒तानि॑ पस्प॒शे । इन्द्र॑स्य॒ युज्यः॒ सखा॑ ॥
Sentence: 3=l तद्विष्णोः॑ पर॒मम्प॒दं सदा॑ पश्यन्ति सू॒रयः॑ । दि॒वीव॒ चक्षु॒रात॑तम् ॥
Sentence: 4=m ब्र॑ह्म॒वनिं॑ त्वा क्षत्र॒वनिं॑ सुप्रजा॒वनिं॑ रायस्पोष॒वनि॒म्पर्यू॑हामि
Sentence: 5=n ब्रह्म॑ दृंह क्ष॒त्रं दृं॑ह प्र॒जां दृं॑ह रा॒यस्पोषं॑ दृंह
Sentence: 6=o परि॒वीर॑सि॒ परि॑ त्वा दैवी॒र्विशो॑ व्ययन्ता॒म्परी॒मं रा॒यस्पोषो॒ यज॑मानम्मनु॒ष्या॑स् ।
Sentence: 7=p अ॒न्तरि॑क्षस्य त्वा॒ साना॒वव॑ गूहामि ॥
Paragraph: 7
Verse: 1
Sentence: 1=a इ॒षे त्वा॑ ।
Sentence: 2=b उ॑प॒वीर॑सि ।
Sentence: 3=c उपो॑ दे॒वान्दै॑वी॒र्विशः॒ प्रागु॒र्वह्नी॑रु॒शिज॑स् ।
Sentence: 4=d बृह॑स्पते धा॒रया॒ वसू॑नि
Sentence: 5=e ह॒व्या ते॑ स्वदन्ताम्
Sentence: 6=f देव॑ त्वष्ट॒र्वसु॑ रण्व
Sentence: 7=g रेव॑ती॒ रम॑ध्वम्
Sentence: 8=h अ॒ग्नेर्ज॒नित्र॑मसि
Sentence: 9=i वृष॑णौ स्थस् ।
Sentence: 10=k उ॒र्वश्य॑स्या॒युर॑सि पुरू॒रवा॑स् ।
Sentence: 11=l घृते॑ना॒क्ते वृष॑णं दधाथाम् ।
Sentence: 12=m गाय॒त्रं छन्दो ऽनु॒ प्र जा॑यस्व त्रैष्टुभं॒ जाग॑तं॒ छन्दो ऽनु॒ प्र जा॑यस्व
Sentence: 13=n भव॑तम् ॥
Verse: 2
Sentence: 1 नः॒ सम॑नसौ॒ समो॑कसावरे॒पसौ
Sentence: 2=o मा य॒ज्ञं हिं॑सिष्ट॒म्मा य॒ज्ञप॑तिं जातवेदसौ शिवौ भवतम॒द्य नः॑ ॥
Sentence: 3=p अ॒ग्नाव॒ग्निश्च॑रति॒ प्रवि॑ष्ट॒ ऋषी॑णाम्पु॒त्रो अ॑धिरा॒ज ए॒षः । स्वा॑हा॒कृत्य॒ ब्रह्म॑णा ते जुहोमि॒ मा दे॒वाना॑म्मिथु॒या क॑र्भाग॒धेय॑म् ॥
Paragraph: 8
Verse: 1
Sentence: 1=a आ द॑दे ।
Sentence: 2=b ऋ॒तस्य॑ त्वा देवहविः॒ पाशे॒नार॑भे
Sentence: 3=c धर्षा॒ मानु॑षान्
Sentence: 4=d अ॒द्भ्यस्त्वौ॑षधीभ्यः॒ प्रोक्षा॑मि ।
Sentence: 5=e अ॒पाम्पे॒रुर॑सि
Sentence: 6=f स्वा॒त्तं चि॒त्सदे॑वं ह॒व्यमापो॑ देवीः स्वदतैनम् ।
Sentence: 7=g सं ते॑ प्रा॒णो वा॒युना॑ गछतां॒ सं यज॑त्रै॒रङ्गा॑नि॒ सं य॒ज्ञप॑तिरा॒शिषा
Sentence: 8=h घृ॒तेनाक्तौ प॒शुं त्रा॑येथाम् ।
Sentence: 9=i रेव॑तीर्य॒ज्ञप॑तिम्प्रिय॒धा वि॑शत ।
Sentence: 10=k उरो॑ अन्तरिक्ष स॒जूर्दे॒वेन॑ ॥
Verse: 2
Sentence: 1 वाते॑ना॒स्य ह॒विष॒स्त्मना॑ यज॒ सम॑स्य त॒नुवा॑ भव॒ वर्षी॑यो॒ वर्षी॑यसि य॒ज्ञे य॒ज्ञप॑तिं धाः
Sentence: 2=l पृथि॒व्याः स॒म्पृचः॑ पाहि
Sentence: 3=m नम॑स्त आतान ।
Sentence: 4=n अ॑न॒र्वा प्रेहि॑ घृ॒तस्य॑ कु॒ल्यामनु॑ स॒ह प्र॒जया॑ स॒ह रा॒यस्पोषे॑न ।
Sentence: 5=o आपो॑ देवीः शुद्धा॒युवः॑ शु॒द्धा यू॒यं दे॒वां ऊ॑ढ्वं शु॒द्धा व॒यम्परि॑विष्टाः परिवे॒ष्टारो॑ वो भूयास्म ॥
Paragraph: 9
Verse: 1
Sentence: 1=a वाक्त॒ आ प्या॑यताम्प्रा॒णस्त॒ आ प्या॑यतां॒ चक्षु॑स्त॒ आ प्या॑यता॒म्श्रोत्रं॑ त॒ आ प्या॑यताम�
Sentence: 2=b या ते॑ प्रा॒णाञ्छुग्ज॒गाम॒ या चक्षु॒र्या श्रोत्रं॒ यत्ते॑ क्रू॒रं यदास्थि॑त॒म्तत्त॒ आ प्या॑यतां॒ तत्त॑ ए॒तेन॑ शुन्धताम् ।
Sentence: 3=c नाभि॑स्त॒ आ प्या॑यताम्पा॒युस्त॒ आ प्या॑यताम् ।
Sentence: 4=d शु॒द्धाश्च॒रित्राः
Sentence: 5=e शम॒द्भ्यः ॥
Verse: 2
Sentence: 1 शमोष॑धीभ्यः॒ शम्पृ॑थिव्यै॒ शमहो॑भ्याम्
Sentence: 2=f ओष॑धे॒ त्राय॑स्वैनम् ।
Sentence: 3=g स्वधि॑ते मैनं हिंसीस् ।
Sentence: 4=h रक्ष॑सा॒म्भागो॑ ऽसि ।
Sentence: 5=i इ॒दम॒हं रक्षो॑ ऽध॒मम्तमो॑ नयामि
Sentence: 6=k यो॒ ऽस्मान्द्वेष्टि॒ यं च॑ व॒यं द्वि॒ष्म इ॒दमे॑नमध॒मं तमो॑ नयामि ।
Sentence: 7=l इ॒षे त्वा
Sentence: 8=m घृ॒तेन॑ द्यावापृथिवी॒ प्रोर्ण्वा॑थाम्
Sentence: 9=n अछि॑न्नो॒ रायः॑ सु॒वीर॑स् ।
Sentence: 10=o उ॒र्व॒न्तरि॑क्ष॒मन्वि॑हि
Sentence: 11=p वायो॒ वीहि॑ स्तो॒काना॑म् ।
Sentence: 12=q स्वाहो॒र्ध्वन॑भसं मारु॒तं ग॑छतम् ॥
Paragraph: 10
Verse: 1
Sentence: 1=a सं ते॒ मन॑सा॒ मनः॒ सम्प्रा॒णेन॑ प्रा॒णस् ।
Sentence: 2=b जुष्टं॑ दे॒वेभ्यो॑ ह॒व्यं घृ॒तव॒त्स्वाहा॑ ।
Sentence: 3=c अै॒न्द्रः प्रा॒णो अङ्गेअ॑ङ्गे॒ नि दे॑ध्यऐ॒न्द्रो॑ ऽपा॒नो अङ्गेअ॑ङ्गे॒ वि बो॑भुवत् ।
Sentence: 4=d देव॑ त्वष्ट॒र्भूरि॑ ते॒ संस॑मेतु॒ विषु॑रूपा॒ यत्सल॑क्ष्माणो॒ भव॑थ । दे॑व॒त्रा यन्त॒मव॑से॒ सखा॒यो ऽनु॑ त्वा मा॒ता पि॒तरो॑ मदन्तु ॥
Sentence: 5=e श्रीर॑सि ।
Sentence: 6=f अ॒ग्निस्त्वा॑ श्रीणातु ।
Sentence: 7=g आपः॒ सम॑रिणन्
Sentence: 8=h वात॑स्य ॥ त्वा॒ ध्रज्यै॑ पू॒ष्णो रंह्या॑ अ॒पामोष॑धीनां॒ रोहि॑ष्यै
Verse: 2
Sentence: 1=i घृ॒तं घृ॑तपावानः पिबत॒ वसां॑ वसापावानः पिबत ।
Sentence: 2=k अ॒न्तरि॑क्षस्य ह॒विर॑सि
Sentence: 3=l स्वाहा॑ त्वा॒न्तरि॑क्षाय
Sentence: 4=m दिशः॑ प्र॒दिश॑ आ॒दिसो॑ वि॒दिश॑ उ॒द्दिशः
Sentence: 5=n स्वाहा॑ दि॒ग्भ्यस् ।
Sentence: 6=o नमो॑ दि॒ग्भ्यः
Paragraph: 11
Verse: 1
Sentence: 1=a स॑मु॒द्रं ग॑छ॒ स्वाहा॒न्तरि॑क्षं गछ॒ स्वाहा॑ दे॒वं स॑वि॒तारं॑ गछ॒ स्वाहा॑होरा॒त्रे ग॑छ॒ स्वाहा॑ मि॒त्रावरु॑णौ गछ॒ स्वाहा॒ सोमं॑ गछ॒ स्वाहा॑ य॒ज्ञं ग॑छ॒ स्वाहा॒ छन्दां॑सि गछ॒ स्वाहा॒ द्यावा॑पृथि॒वी ग॑छ॒ स्वाहा॒नभो॑ दि॒व्यं ग॑छ॒ स्वाहा॒ग्निं वै॑श्वान॒रं ग॑छ॒ स्वाहा॑ ।
Sentence: 2=b अ॒द्भ्यस्त्वौ॑षधीभ्यस् ।
Sentence: 3=c मनो॑ मे॒ हार्दि॑ यछ
Sentence: 4=d त॒नूं त्वच॑म्पु॒त्रं नप्ता॑रमशीय
Sentence: 5=e शुग॑सि॒ तम॒भि शो॑च॒ यो॒ ऽस्मान्द्वेष्टि॒ यं च॑ व॒यं द्वि॒ष्मस् ।
Sentence: 6=f धाम्नो॑धाम्नो राजन्नि॒तो व॑रुण नो मुञ्च॒ यदापो॒ अघ्नि॑या॒ वरु॒णेति॒ शपा॑महे॒ ततो॑ वरुण नो मुञ्च ॥
Paragraph: 12
Verse: 1
Sentence: 1=a ह॒विष्म॑तीरि॒मा आपो॑ ह॒विष्मा॑न्दे॒वो अ॑ध्व॒रो ह॒विष्मां॒ आ वि॑वासति ह॒विष्मां॑ अस्तु॒ सूर्यः॑ ॥
Sentence: 2=b अ॒ग्नेर्वो ऽप॑न्नगृहस्य॒ सद॑सि सादयामि सु॒म्नाय॑ सुम्निमीः सु॒म्ने मा॑ धत्त ।
Sentence: 3=c इ॑न्द्राग्नि॒योर्भा॑ग॒धेयी॑ स्थ मि॒त्रावरु॑णयोर्भाग॒धेयी॑ स्थ॒ विश्वे॑षां दे॒वानां॑ भाग॒धेयी॑ स्थ
Sentence: 4=d य॒ज्ञे जा॑गृत ॥
Paragraph: 13
Verse: 1
Sentence: 1=a हृ॒दे त्वा॒ मन॑से त्वा दि॒वे त्वा॒ सूर्या॑य त्वा ।
Sentence: 2=b ऊ॒र्ध्वमि॒मम॑ध्व॒रं कृ॑धि दि॒वि दे॒वेषु॒ होत्रा॑ यछ
Sentence: 3=c सोम॑ राज॒न्नेह्यव॑ रोह
Sentence: 4=d मा भेर्मा सं वि॑क्थास् ।
Sentence: 5=e मा त्वा॑ हिंसिषम्
Sentence: 6=f प्र॒जास्त्वमु॒पाव॑रोह प्र॒जास्त्वामु॒पाव॑रोहन्तु
Sentence: 7=g शृ॒णोत्व॒ग्निः स॒मिधा॒ हव॑म्मे शृ॒ण्वन्त्वापो॑ धि॒षणा॑श्च दे॒वीः । शृ॒णोत॑ ग्रावाणो वि॒दुषो॒ नु ॥ य॒ज्ञं शृ॒णोतु॑ दे॒वः स॑वि॒ता हव॑म्मे ॥
Verse: 2
Sentence: 1=h देवी॑रापो अपां नपा॒द्य ऊ॒र्मिर्ह॑वि॒ष्य॑ इन्द्रि॒यावा॑न्म॒दिन्त॑म॒स्तं दे॒वेभ्यो॑ देव॒त्रा ध॑त्त शु॒क्रं शु॑क्र॒पेभ्यो॒ येषा॑म्भा॒ग स्थ स्वाहा
Sentence: 2=i कार्षि॑र॒स्यपा॒पाम्मृ॒ध्रम् ।
Sentence: 3=k स॑मु॒द्रस्य॒ वोक्षि॑त्या॒ उन्न॑ये
Sentence: 4=l यम॑ग्ने पृ॒त्सु मर्त्य॒मावो॒ वाजे॑षु॒ यं जु॒नाः । स यन्ता॒ शश्व॑ती॒रिषः॑ ॥
Paragraph: 14
Verse: 1
Sentence: 1=a त्वम॑ग्ने रु॒द्रो असु॑रो म॒हो दि॒वस्त्वं शर्धो॒ मारु॑तम्पृ॒क्ष ई॑शिषे । त्वं वातै॑ररुणैर्यासि शङ्ग॒यस्त्वम्पू॒षा वि॑ध॒तः पा॑सि॒ नु त्मना॑ ॥
Sentence: 2=b आ वो॒ राजा॑नमध्व॒रस्य॑ रु॒द्रं होता॑रं सत्य॒यजं॒ रोद॑स्योः । अ॒ग्निम्पु॒रा त॑नयि॒त्नोरचि॑त्ता॒द्धिर॑ण्यरूप॒मव॑से कृणुध्वम् ॥
Sentence: 3=c अ॒ग्निर्होता॒ नि ष॑सादा॒ यजी॑यानु॒पस्थे॑ मा॒तुः सु॑र॒भावु॑ लो॒के । युवा॑ क॒विः पु॑रुनि॒ष्ठः ॥
Verse: 2
Sentence: 1 ऋतावा॑ ध॒र्ता कृ॑ष्टी॒नामु॒त मध्य॑ इ॒द्धः ॥
Sentence: 2=d सा॒ध्वीम॑कर्दे॒ववी॑तिं नो द॒य य॒ज्ञस्य॑ जि॒ह्वाम॑विदाम॒ गुह्या॑म् । स आयु॒रागा॑त्सुर॒भिर्वसा॑नो भ॒द्राम॑कर्दे॒वहू॑तिं नो अ॒द्य ॥
Sentence: 3=e अक्र॑न्दद॒ग्नि स्त॒नय॑न्निव द्यौः॒ क्षामा॒ रेरि॑हद्वी॒रुधः॑ सम॒ञ्जन् । स॒द्यो ज॑ज्ञा॒नो वि हीमि॒द्धो अख्य॒दा रोद॑सी भा॒नुना॑ भात्य॒न्तः ॥
Sentence: 4=f त्वे वसू॑नि पुर्वणीक ॥
Verse: 3
Sentence: 1 हो॑तर्दो॒षा वस्तो॒रेरि॑रे य॒ज्ञिया॑सः । क्षामे॑व॒ विश्वा॒ भुव॑नानि॒ यज्मि॒न्त्सं सौ॑भगानि दधि॒रे पा॑व॒के ॥
Sentence: 2=g तुभ्यं॒ ता अ॑ङ्गिरस्तम॒ विश्वाः॑ सुक्षि॒तयः॒ पृथ॑क् । अग्ने॒ कामा॑य येमिरे ॥
Sentence: 3=h अ॒श्याम॒ तं काम॑मग्ने॒ तवो॒ ऽत्य॒श्याम॑ र॒यिं र॑यिवः सु॒वीर॑म् । अ॒श्याम॒ वाज॑म॒भि वा॒जय॑न्तो॒ ऽश्याम॑ द्यु॒म्नम॑जरा॒जरं॑ ते ॥
Sentence: 4=i श्रेष्ठं॑ यविष्ठ भार॒ताग्ने॑ द्यु॒मन्त॒मा भ॑र ॥
Verse: 4
Sentence: 1 वसो॑ पुरु॒स्पृहं॑ र॒यिम् ॥
Sentence: 2=k स श्वि॑ता॒नस्त॑न्य॒तू रो॑चन॒स्था अ॒जरे॑भि॒र्नान॑दद्भि॒र्यवि॑ष्ठः । यः पा॑व॒कः पु॑रु॒तमः॑ पु॒रूणि॑ पृ॒थून्य॒ग्निर॑नु॒याति॒ भर्व॑न् ॥
Sentence: 3=l आयु॑ष्टे वि॒श्वतो॑ दधद॒यम॒ग्निर्वरे॑ण्यः । पुन॑स्ते॒ प्राण आय॑ति॒ परा॒ यक्ष्मं॑ सुवामि ते ॥
Sentence: 4=m आ॑यु॒र्दा अ॑ग्ने ह॒विषो॑ जुषा॒णो घृ॒तप्र॑तीको घृ॒तयो॑निरेधि । घृ॒तम्पी॒त्वा मधु॒ चारु॒ गव्य॑म्पि॒तेव॑ पु॒त्रम॒भि ॥
Verse: 5
Sentence: 1 र॑क्षतादि॒मम् ॥
Sentence: 2=n तस्मै॑ ते प्रति॒हर्य॑ते॒ जात॑वेदो॒ विच॑र्षणे । अग्ने॒ जना॑मि सुष्टु॒तिम् ॥
Sentence: 3=o दि॒वस्परि॑ प्रथ॒मं ज॑ज्ञे अ॒ग्निर॒स्मद्द्वि॒तीय॒म्परि॑ जा॒तवे॑दाः । तृ॒तीय॑म॒प्सु नृ॒मणा॒ अज॑स्र॒मिन्धा॑न एनं जरते स्वा॒धीः ॥
Sentence: 4=p शुचिः॑ पावक॒ वन्द्यो ऽग्ने॑ बृ॒हद्वि रो॑चसे । त्वङ्घृ॒तेभि॒राहु॑तः ॥
Sentence: 5=q दृ॑शा॒नो रु॒क्म उ॒र्व्या व्य॑द्यौद्दु॒र्मर्ष॒मायुः॑ श्रि॒ये रु॑चा॒नः । अ॒ग्निर॒मृतो॑ अभव॒द्वयो॑भिः ॥
Verse: 6
Sentence: 1 यदे॑नं द्यौ॒रज॑नयत्सु॒रेताः॑ ॥
Sentence: 2=r आ यदि॒षे नृ॒पतिं॒ तेज॒ आन॒ट्छुचि॒ रेतो॒ निषि॑क्तं द्यौरभीके । अ॒ग्निः शर्ध॑मनव॒द्यं युवा॑नं स्वा॒धियं॑ जनयत्सू॒दय॑च्च ॥
Sentence: 3=s स तेजी॑यसा॒ मन॑सा॒ त्वोत॑ उ॒त शि॑क्ष स्वप॒त्यस्य॑ शि॒क्षोः । अग्ने॑ रा॒यो नृत॑मस्य॒ प्रभू॑तौ भू॒याम॑ ते सुष्टु॒तय॑श्च॒ वस्वः॑ ॥
Sentence: 4=t अग्ने॒ सह॑न्त॒मा भ॑र द्यु॒म्नस्य॑ प्रा॒सहा॑ र॒यिम् । विश्वा॒ यः ॥
Verse: 7
Sentence: 1 चर्ष॑णीर॒भ्या॒सा वाजे॑षु सा॒सह॑त् ॥
Sentence: 2=u तम॑ग्ने पृतना॒सहं॑ र॒यिं स॑हस्व॒ आ भ॑र । त्वं हि स॒त्यो अद्भु॑तो दा॒ता वाज॑स्य॒ गोम॑तः ॥
Sentence: 3=v उ॒क्षान्ना॑य व॒शान्ना॑य॒ सोम॑पृष्ठाय वे॒धसे॑ । स्तोमै॑र्विधेमा॒ग्नये॑ ॥
Sentence: 4=w व॒द्मा हि सू॑नो॒ अस्य॑द्म॒सद्वा॑ च॒क्रे अ॒ग्निर्ज॒नुषाज्मान्न॑म् । स त्वं न॑ ऊर्जसन॒ ऊर्जं॑ धा॒ राजे॑व जेरवृ॒के क्षे॑ष्य॒न्तः ॥
Sentence: 5=x अग्न॒ आयूं॑षि ॥
Verse: 8
Sentence: 1 प॑वस॒ आ सु॒वोर्ज॒मिषं॑ च नः । आ॒रे ब॑धस्व दु॒छुना॑म् ॥
Sentence: 2=y अग्ने॒ पव॑स्व॒ स्वपा॑ अ॒स्मे वर्चः॑ सु॒वीर्य॑म् । दध॒त्पोषं॑ र॒यिम्मयि॑ ॥
Sentence: 3=z अग्ने॑ पावक रो॒चिषा॑ म॒न्द्रया॑ देव जि॒ह्वया॑ । आ दे॒वान्व॑क्षि॒ यक्षि॑ च ॥
Sentence: 4=aa स नः॑ पावक दीदि॒वो ऽग्ने॑ दे॒वां इ॒हा व॑ह । उप॑ य॒ज्ञं ह॒विश्च॑ नः ॥
Sentence: 5=bb अ॒ग्निः शुचि॑व्रततमः॒ शुचि॒र्विप्रः॒ शुचिः॑ क॒विः । शुची॑ रोचत॒ आहु॑तः ॥
Sentence: 6=cc उद॑ग्ने॒ शुच॑य॒स्तव॑ शु॒क्रा भ्राज॑न्त ईरते । तव॒ ज्योतीं॑ष्य॒र्चयः॑ ॥
Chapter: 4
Paragraph: 1
Verse: 1
Sentence: 1=a आ द॑दे॒ ग्रावा॑स्यध्वर॒कृद्दे॒वेभ्यो॑ गम्भी॒रमि॒मम॑ध्व॒रं कृ॑ध्युत्त॒मेन॑ प॒विने॑न्द्राय॒ सोमं॒ सुषु॑त॒म्मधु॑मन्त॒म्पय॑स्वन्तं वृष्टि॒वनि॑म्
Sentence: 2=b इन्द्रा॑य त्वा वृत्र॒घ्न इन्द्रा॑य त्वा वृत्र॒तुर॒ इन्द्रा॑य त्वाभिमाति॒घ्न इन्द्रा॑य त्वादित्य॒वत॒ इन्द्रा॑य त्वा वि॒श्वदे॑व्यावते
Sentence: 3=c श्वा॒त्रा स्थ॑ वृत्र॒तुरो॒ राधो॑गूर्ता अ॒मृत॑स्य॒ पत्नी॒स्ता दे॑वीर्देव॒त्रेमं य॒ज्ञं ध॒त्तोप॑हूताः॒ सोम॑स्य पिब॒तोप॑हूतो यु॒ष्माक॑म् ॥
Verse: 2
Sentence: 1 सोमः॑ पिबतु
Sentence: 2=d यत्ते॑ सोम दि॒वि ज्योति॒र्यत्पृ॑थि॒व्यां यदु॒राव॒न्तरि॑क्षे॒ तेनास्मै॒ यज॑मानायो॒रु रा॒या कृ॒ध्यधि॑ दा॒त्रे वो॑चस् ।
Sentence: 3=e धिष॑णे वी॒डू स॒ती वी॑डयेथा॒मूर्जं॑ दधाथा॒मूर्ज॑म्मे धत्त॒मा वां॑ हिंसिष॒म्मा मा॑ हिंसिष्टम्
Sentence: 4=f प्रागपा॒गुद॑गध॒राक्तास्त्वा॒ दिश॒ आ धा॑व॒न्त्वम्ब॒ नि ष्व॑र
Sentence: 5=g यत्ते॑ सो॒मादा॑भ्यं॒ नाम॒ जागृ॑वि॒ तस्मै॑ ते सोम॒ सोमा॑य॒ स्वाहा॑ ॥
Paragraph: 2
Verse: 1
Sentence: 1=a वा॒चस्पत॑ये पवस्व वाजि॒न्वृषा॒ वृष्णो॑ अं॒शुभ्यां॒ गभ॑स्तिपूतो दे॒वो दे॒वाना॑म्प॒वित्र॑मसि॒ येषां॑ भा॒गो ऽसि॒ तेभ्य॑स्त्वा
Sentence: 2=b स्वाङ्कृ॑तो ऽसि॒ मधु॑मतीर्न॒ इष॑स्कृधि॒ विश्वे॑भ्यस्त्वेन्द्रि॒येभ्यो॑ दि॒व्येभ्यः॒ पार्थिस् ।
Sentence: 3=c मन॑स्त्वाष्टु ।
Sentence: 4=d उ॒र्व॒न्तरि॑क्ष॒मन्वि॑हि
Sentence: 5=e स्वाहा॑ त्वा सुभवः॒ सूर्या॑य
Sentence: 6=f दे॒वेभ्य॑स्त्वा मरीचि॒पेभ्य॑स् ।
Sentence: 7=g ए॒ष ते॒ योनिः॑ प्रा॒णाय॑ त्वा ॥
Paragraph: 3
Verse: 1
Sentence: 1=a उ॑पया॒मगृ॑हीतो ऽसि ।
Sentence: 2=b अ॒न्तर्य॑छ मघवन्पा॒हि सोम॑मुरु॒ष्य रायः॒ समिषो॑ यजस्वा॒न्तस्ते॑ दधामि॒ द्यावा॑पृथि॒वी अ॒न्तरु॒र्व॒न्तरि॑क्षं स॒जोषा॑ देवै॒रव॑रैः॒ परै॑श्चान्तर्या॒मे म॑घवन्मादयस्व
Sentence: 3=c स्वाङ्कृ॑तो ऽसि॒ मधु॑मतीर्न॒ इष॑स्कृधि॒ विश्वे॑भ्यस्त्वेन्द्रि॒येभ्यो{F दि॒व्येभ्यः{W दि॒व्येभ्याः{ASS दि॒व्येभ्यः{BI दि॒व्येभ्यः{GOLS दि॒व्येभ्यः पार्थि॑वेभ्यस् ।
Sentence: 4=d मन॑स्त्वाष्टु ।
Sentence: 5=e उ॒र्व॒न्तरि॑क्ष॒मन्वि॑हि
Sentence: 6=f स्वाहा॑ त्वा सुभवः॒ सूर्या॑य
Sentence: 7=g दे॒वेभ्य॑स्त्वा मरीचि॒पेभ्य॑स् ।
Sentence: 8=h ए॒ष ते॒ योनि॑रपा॒नाय॑ त्वा ॥
Paragraph: 4
Verse: 1
Sentence: 1=a आ वा॑यो भूष शुचिपा॒ उप॑ नः स॒हस्रं॑ ते नि॒युतो॑ विश्ववार । उपो॑ ते॒ अन्धो॒ मद्य॑मयामि॒ यस्य॑ देव दधि॒षे पू॑र्व॒पेय॑म् ॥
Sentence: 2=b उ॑पया॒मगृ॑हीतो ऽसि वा॒यवे॑ त्वा ।
Sentence: 3=c इन्द्र॑वायू इ॒मे सु॒ताः । उप॒ प्रयो॑भि॒रा ग॑त॒मिन्द॑वो वामु॒शन्ति॒ हि ।
Sentence: 4=d उ॑पया॒मगृ॑हीतो ऽसीन्द्रवा॒युभ्यां॑ त्वै॒ष ते॒ योनिः॑ स॒जोषा॑भ्यां त्वा ॥
Paragraph: 5
Verse: 1
Sentence: 1=a अ॒यं वां॑ मित्रावरुणा सु॒तः सोम॑ ऋतावृधा । ममे॑दि॒ह श्रु॑तं॒ हव॑म् ॥
Sentence: 2=b उ॑पया॒मगृ॑हीतो ऽसि मि॒त्रावरु॑णाब्यां त्वै॒ष ते॒ योनि॑रृता॒युभ्यां॑ त्वा ॥
Paragraph: 6
Verse: 1
Sentence: 1=a या वां॒ कशा॒ मधु॑म॒त्यश्वि॑ना सू॒नृता॑वती । तया॑ य॒ज्ञम्मि॑मिक्षतम् ॥
Sentence: 2=b उ॑पया॒मगृ॑हीतो ऽस्य॒श्विभ्यां॑ त्वै॒ष ते॒ योनि॒र्माध्वी॑भ्यां त्वा ॥
Paragraph: 7
Verse: 1
Sentence: 1=a प्रा॑त॒र्युजौ॒ वि मु॑च्येथा॒मश्वि॑ना॒वेह ग॑छतम् । अ॒स्य सोम॑स्य पी॒तये॑ ॥
Sentence: 2=b उ॑पया॒मगृ॑हीतो ऽस्य॒श्विभ्यां॑ त्वै॒ष ते॒ योनि॑र॒श्विभ्यां॑ त्वा ॥
Paragraph: 8
Verse: 1
Sentence: 1=a अ॒यं वे॒नश्चो॑दय॒त्पृश्नि॑गर्भा॒ ज्योति॑र्जरायू॒ रज॑सो वि॒माने॑ । इ॒मम॒पां सं॑ग॒मे सूर्य॑स्य॒ शिशुं॒ न विप्रा॑ म॒तिभी॑ रिहन्ति ॥
Sentence: 2=b उ॑पया॒मगृ॑हीतो ऽसि॒ शण्डा॑य त्वै॒ष ते॒ योनि॑र्वी॒रता॑म्पाहि ॥
Paragraph: 9
Verse: 1
Sentence: 1=a तम्प्र॒त्नथा॑ पू॒र्वथा॑ वि॒श्वथे॒मथा॑ ज्ये॒ष्ठता॑तिम्बर्हि॒षदं॑ सुव॒र्विद॑म् । प्र॑तीची॒नं वृ॒जनं॑ दोहसे गि॒राशुं जय॑न्त॒मनु॒ यासु॒ वर्ध॑से ॥
Sentence: 2=b उ॑पया॒मगृ॑थीतो ऽसि॒ मर्का॑य त्वै॒ष ते॒ योनिः॑ प्र॒जाः पा॑हि ॥
Paragraph: 10
Verse: 1
Sentence: 1=a ये दे॑वा दि॒व्येका॑दश॒ स्थ पृ॑थि॒व्यामध्येका॑दश॒ स्थाप्सु॒षदो॑ महिनैकादश॒ स्थ ते दे॑वा य॒ज्ञमि॒मं जु॑षध्वम् ।
Sentence: 2=b उ॑पयामगृहीतो ऽस्याग्रय॒णो॑ ऽसि॒ स्वा॑ग्रयणो॒ जिन्व॑ य॒ज्ञं जिन्व॑ य॒ज्ञप॑तिम॒भि सव॑ना पाहि॒ विष्णु॒स्त्वाम्पा॑तु॒ विश॒म्त्वम्पा॑हीन्द्रि॒येणै॒ष ते॒ योनि॒र्विश्वे॑भ्यस्त्वा दे॒वेभ्यः॑ ॥
Paragraph: 11
Verse: 1
Sentence: 1=a त्रिं॒शत्त्रय॑श्च ग॒णिनो॑ रु॒जन्तो॒ दिवं॑ रु॒द्राः पृ॑थि॒वीं च॑ सचन्ते । ए॑काद॒शासो॑ अप्सु॒षदः॑ सु॒तं सोमं॑ जुषन्तां॒ सव॑नाय॒ विश्वे॑ ॥
Sentence: 2=b उ॑पया॒मगृ॑हीतो ऽस्याग्रय॒णो॑ ऽसि॒ स्वा॑ग्रयणो॒ जिन्व॑ य॒ज्ञं जिन्व॑ य॒ज्ञप॑तिम॒भि सव॑ना पाहि॒ विष्णु॑स्त्वाम्पातु॒ विशं॒ त्वं पा॑हीन्द्रि॒येणै॒ष ते॒ योनि॒र्विश्वे॑भ्यस्त्वा दे॒वेभ्यः॑ ॥
Paragraph: 12 Verse: 1 Sentence: 1=a उ॑पया॒मगृ॑हीतो॒ ऽसीन्द्रा॑य त्वा बृ॒हद्व॑ते॒ वय॑स्वत उक्था॒युवे॒ यत्त॑ इन्द्र बृ॒हद्वय॒स्तस्मै॑ त्वा॒ विष्ण॑वे त्वै॒ष ते॒ योनि॒रिन्द्रा॑य त्वोक्था॒युवे॑ ॥
Paragraph: 13
Verse: 1
Sentence: 1=a मू॒र्धानं॑ दि॒वो अ॑र॒तिम्पृ॑थि॒व्या वै॑श्वान॒रमृ॒ताय॑ जा॒तम॒ग्निम् । क॒विं स॒म्राज॒मति॑थिं॒ जना॑नामा॒सन्ना पात्रं॑ जनयन्त दे॒वाः ॥
Sentence: 2=b उ॑पया॒मगृ॑हीतो ऽस्य॒ग्नये॑ त्वा वैश्वान॒राय॑ ध्रु॒वो॑ ऽसि ध्रु॒वक्षि॑तिर्ध्रु॒वाणां॑ ध्रु॒वत॒मो ऽच्यु॑तानामच्युत॒क्षित्त॑म ए॒ष ते॒ योनि॑र॒ग्नये॑ त्वा वैश्वान॒राय॑ ॥
Paragraph: 14
Verse: 1
Sentence: 1=a मधु॑श्च॒ माध॑वश्च शु॒क्रश्च॒ शुचि॑श्च॒ नभ॑श्च नभ॒स्य॑श्चे॒षश्चो॒र्जश्च॒ सह॑श्च सह॒स्य॑श्च॒ तप॑श्च तप॒स्य॑श्च ।
Sentence: 2=b उ॑पया॒मगृ॑हीतो ऽसि
Sentence: 3=c सं॒सर्पो॑ ऽसि ।
Sentence: 4=d अं॑हस्प॒त्याय॑ त्वा ॥
Paragraph: 15
Verse: 1
Sentence: 1=a इन्द्रा॑ग्नी॒ आ ग॑तं सु॒तं गी॒र्भिर्नभो॒ वरे॑ण्यम॒स्य पा॑तं धि॒येषि॒ता ॥
Sentence: 2=b उ॑पया॒मगृ॑हीतो ऽसीन्द्रा॒ग्निभ्यां॑ त्वै॒ष ते॒ योनि॑रिन्द्रा॒ग्निभ्यां॑ त्वा ॥
Paragraph: 16
Verse: 1
Sentence: 1=a ओमा॑सश्चर्षणीधृतो॒ विश्वे॑ देवास॒ आ ग॑त । दा॒श्वांसो॑ दा॒शुषः॑ सु॒तम् ॥
Sentence: 2=b उ॑पया॒मगृ॑हीतो ऽसि॒ विश्वे॑भ्यस्त्वा दे॒वेभ्य॑ ए॒ष ते॒ योनि॒र्विश्वे॑भ्यस्त्वा दे॒वेभ्यः॑ ॥
Paragraph: 17
Verse: 1
Sentence: 1=a म॒रुत्व॑न्तं वृष॒भं वा॑वृधा॒नमक॑वारिं दि॒व्यं शा॒समिन्द्र॑म् । वि॑श्वा॒साह॒मव॑से॒ नूत॑नायो॒ ऽग्रं स॑हो॒दामि॒ह तं हु॑वेम ॥
Sentence: 2=b उ॑पया॒मगृ॑हीतो॒ ऽसीन्द्रा॑य त्वा म॒रुत्व॑त ए॒ष ते॒ योनि॒रिन्द्रा॑य त्वा म॒रुत्व॑ते ॥
Paragraph: 18
Verse: 1
Sentence: 1=a इन्द्र॑ मरुत्व इ॒ह पा॑हि॒ सोमं॒ यथा॑ शार्या॒ते अपि॑बः सु॒तस्य॑ । तव॒ प्रणी॑ती॒ तव॑ शूर॒ शर्म॒न्ना वि॑वासन्ति क॒वयः॑ सुय॒ज्ञाः ॥
Sentence: 2=b उ॑पया॒मगृ॑हीतो॒ ऽसीन्द्रा॑य त्वा म॒रुत्व॑त ए॒ष ते॒ योनि॒रिन्द्रा॑य त्वा॒ म्रुत्व॑ते ॥
Paragraph: 19
Verse: 1
Sentence: 1=a म॒रुत्वां॑ इन्द्र वृष॒भो रणा॑य॒ पिबा॒ सोम॑मनुष्व॒धम्मदा॑य । आ सि॑ञ्चस्व ज॒ठरे॒ मध्व॑ ऊ॒र्मिं त्वं राजा॑सि प्र॒दिवः॑ सु॒ताना॑म् ॥
Sentence: 2=b उ॑पया॒मगृ॑हीतो॒ ऽसीन्द्रा॑य त्वा म॒रुत्व॑त ए॒ष ते॒ योनि॒रिन्द्रा॑य त्वा म॒रुत्व॑ते ॥
Paragraph: 20
Verse: 1
Sentence: 1=a म॒हां इन्द्रो॒ य ओज॑सा प॒र्जन्यो॑ वृष्टि॒मां इ॑व । स्तोमै॑र्व॒त्सस्य॑ वावृधे ॥
Sentence: 2=b उ॑पया॒मगृ॑हीतो ऽसि महे॒न्द्राय॑ त्वै॒ष ते॒ योनि॑र्महे॒न्द्राय॑ त्वा ॥
Paragraph: 21
Verse: 1
Sentence: 1=a म॒हां इन्द्रो॑ नृ॒वदा च॑र्षणि॒प्रा उ॒त द्वि॒बर्हा॑ अमि॒नः सहो॑भिः । अ॑स्म॒द्रिय॑ग्वावृधे वी॒र्या॑यो॒ ऽरुः पृ॒थुः सुकृ॑तः क॒र्तृभि॑र्भूत् ॥
Sentence: 2=b उ॑पया॒म गृ॒हीतो॑ ऽसि महे॒न्द्राय॑ त्वै॒ष ते॒ योनि॑र्महे॒न्द्राय॑ त्वा ॥
Paragraph: 22
Verse: 1
Sentence: 1=a क॒दा च॒न स्त॒रीर॑सि॒ नेन्द्र॑ सश्चसि दा॒शुषे॑ । उपो॒पेन्नु म॑घव॒न्भूय॒ इन्नु ते॒ दानं॑ दे॒वस्य॑ पृच्यते ॥
Sentence: 2=b उ॑पया॒मगृ॑हीतो ऽस्यादि॒त्येभ्य॑स्त्वा
Sentence: 3=c क॒दा च॒न प्र यु॑छस्यु॒भे नि पा॑सि॒ जन्म॑नी । तुरी॑यादित्य॒ सव॑नं त इन्द्रि॒यमा त॑स्थाव॒मृतं॑ दि॒वि ॥
Sentence: 4=d य॒ज्ञो दे॒वाना॒म्प्रत्ये॑ति सु॒म्नं आदि॑त्यासो॒ भव॑ता मृ॒डय॑न्तः । आ वो॒ ऽर्वाची॑ सुम॒तिर्व॑वृत्यादं॒होश्चि॒द्या व॑रिवो॒वित्त॒रास॑त् ॥
Sentence: 5=e विव॑स्व आदित्यै॒ष ते॑ सोमपी॒थस्तेन॑ मन्दस्व॒ तेन॑ तृप्य तृ॒प्यास्म॑ ते व॒यं त॑र्पयि॒तारो॒ या दि॒व्या वृष्टि॒स्तया॑ त्वा श्रीणामि ॥
Paragraph: 23
Verse: 1
Sentence: 1=a वा॒मम॒द्य स॑वितर्वा॒ममु॒ श्वो दि॒वेदि॑वे वा॒मम॒स्मभ्यं॑ सावीः । वा॒मस्य॒ हि क्षय॑स्य देव॒ भूरे॑र॒या धि॒या वा॑म॒भाजः॑ स्याम ॥
Sentence: 2=b उ॑पया॒मगृ॑हीतो ऽसि दे॒वाय॑ त्वा सवि॒त्रे ॥
Paragraph: 24
Verse: 1
Sentence: 1=a अद॑ब्धेभिः सवितः पा॒युभि॒ष्ट्वं शि॒वेभि॑र॒द्य परि॑ पाहि नो॒ गय॑म् । हिर॑ण्य॒जिह्वः॑ सुवि॒ताय॒ नव्य॑से॒ रक्षा॒ माकि॑र्नो अ॒घशं॑स ईशत ॥
Sentence: 2=b उ॑पया॒मगृ॑हीतो ऽसि दे॒वाय॑ त्वा सवि॒त्रे ॥
Paragraph: 25
Verse: 1
Sentence: 1=a हिर॑ण्यपाणिमू॒तये॑ सवि॒तार॒मुप॑ ह्वये । स चेत्ता॑ दे॒वता॑ प॒दम् ॥
Sentence: 2=b उ॑पया॒मगृ॑हीतो ऽसि दे॒वाय॑ त्वा सवि॒त्रे ॥
Paragraph: 26
Verse: 1
Sentence: 1=a सु॒शर्मा॑सि सुप्रतिष्ठा॒नस् ।
Sentence: 2=b बृ॒हदु॒क्षे नम॑स् ।
Sentence: 3=c ए॒ष ते॒ योनि॒र्विश्वे॑भ्यस्त्वा दे॒वेभ्यः॑ ॥
Paragraph: 27
Verse: 1
Sentence: 1=a बृह॒स्पति॑सुतस्य त इन्दो इन्द्रि॒याव॑तः॒ पत्नी॑वन्तं॒ ग्रहं॑ गृह्णामि ।
Sentence: 2=b अग्ना३इ॒ पत्नी॒वा३ः स॒जूर्दे॒वेन॒ त्वष्ट्रा॒ सोम॑म्पिब॒ स्वाहा॑ ॥
Paragraph: 28
Verse: 1
Sentence: 1=a हरि॑रसि हारियोज॒नो हर्यो॑ स्था॒ता वज्र॑स्य भ॒र्ता पृश्नेः॑ प्रे॒ता तस्य॑ ते देव सोमे॒ष्टय॑जुष स्तु॒तस्तो॑मस्य श॒स्तोक्थ॑स्य॒ हरि॑वन्तं॒ ग्रहं॑ गृह्णामि
Sentence: 2=b ह॒री स्थ॒ हर्यो॑र्धा॒नाः स॒हसो॑मास् ।
Sentence: 3=c इन्द्रा॑य॒ स्वाहा॑ ॥
Paragraph: 29
Verse: 1
Sentence: 1=a अग्न॒ आयूं॑षि पवस॒ आ सु॒वोर्ज॒मिषं॑ च नः । आ॒रे बा॑धस्व दु॒छुना॑म्
Sentence: 2=b उपया॒मगृ॑हीतो ऽस्य॒ग्नये॑ त्वा॒ तेज॑स्वत ए॒ष ते॒ योनि॑र॒ग्नये॑ त्वा॒ तेज॑स्वते ॥
Paragraph: 30
Verse: 1
Sentence: 1=a उ॒त्तिष्ठ॒न्नोज॑सा स॒ह पी॒त्वा शिप्रे॑ अवेपयः । सोम॑मिन्द्र च॒मू सु॒तम् ॥
Sentence: 2=b उ॑पया॒मगृ॑हीतो॒ ऽसीन्द्रा॑य त्वौजस्वत ए॒ष ते॒ योनि॒रिन्द्रा॑य त्वौजस्वते ॥
Paragraph: 31
Verse: 1
Sentence: 1=a त॒रणि॑र्वि॒श्वद॑र्शतो ज्योति॒ष्कृद॑सि सूर्य । विश्व॒मा भा॑सि रोच॒नम् ॥
Sentence: 2=b उ॑पया॒मगृ॑हीतो ऽसि॒ सूर्या॑य त्वा॒ भ्राज॑स्वत ए॒ष ते॒ योनिः॒ सूर्या॑य त्वा॒ भ्राज॑स्वते ॥
Paragraph: 32 Verse: 1 Sentence: 1=a आ प्या॑यस्व मदिन्तम॒ सोम॒ विश्वा॑भिरू॒तिभिः॑ । भवा॑ नः स॒प्रथ॑स्तमः ॥
Paragraph: 33 Verse: 1 Sentence: 1=a ई॒युष्टे ये पूर्व॑तरा॒मप॑श्यन्व्यु॒छन्ती॑मु॒षस॒म्मर्त्या॑सः । अ॒स्माभि॑रू॒ नु प्र॑ति॒चक्ष्या॑भू॒दो ते य॑न्ति॒ ये अ॑प॒रीषु॒ पश्या॑न् ॥
Paragraph: 34
Verse: 1
Sentence: 1=a ज्योति॑ष्मतीं त्वा सादयामि
Sentence: 2=b ज्योति॒ष्कृतं॑ त्वा सादयामि
Sentence: 3=c ज्योति॒र्विदं॑ त्वा सादयामि
Sentence: 4=d भास्व॑तीं त्वा सादयामि
Sentence: 5=e ज्वल॑न्तीं त्वा सादयामि
Sentence: 6=f मल्मला॒भव॑न्तीं त्वा सादयामि
Sentence: 7=g दीप्य॑मानां त्वा सादयामि
Sentence: 8=h रोच॑मानां त्वा सादयामि
Sentence: 9=i अज॑स्रां त्वा सादयामि
Sentence: 10=k बृ॒हज्ज्यो॑तिषं त्वा सादयामि
Sentence: 11=l बो॒धय॑न्तीं त्वा सादयामि
Sentence: 12=m जाग्र॑तीं त्वा सादयामि ॥
Paragraph: 35 Verse: 1 Sentence: 1=a प्र॑या॒साय॒ स्वाहा॑या॒साय॒ स्वाहा॑ विया॒साय॒ स्वाहा॑ संया॒साय॒ स्वाहो॑द्या॒साय॒ स्वाहा॑वय�य॒ स्वाहा॑ शु॒चे स्वाहा॒ शोका॑य॒ स्वाहा॑ तप्यत्वै॒ स्वाहा॒ तप॑ते॒ स्वाहा॑ ब्रह्मह॒त्यायै॒ स्वाहा॒ सर्व॑स्मै॒ स्वाहा॑ ॥
Paragraph: 36 Verse: 1 Sentence: 1=a चि॒त्तं सं॑ता॒नेन॑ भ॒वं य॒क्ना रु॒द्रं तनि॑म्ना पशु॒पतिं॑ स्थूलहृद॒येना॒ग्निं हृद॑येन रु॒द्रं लोहि॑तेन श॒र्वम्मत॑स्नाभ्याम्महादे॒वम॒न्तःपा॑र्श्वेनौषिष्ठ॒हनं॑ शिङ्गीनिको॒श्�म् ॥
Paragraph: 37
Verse: 1
Sentence: 1=a आ ति॑ष्ठ वृत्रह॒न्रथं॑ यु॒क्ता ते॒ ब्रह्म॑णा॒ हरी॑ । अ॒र्वाचीनं॒ सु ते॒ मनो॒ ग्रावा॑ कृणोतु व॒ग्नुना॑ ॥
Sentence: 2=b उ॑पया॒मगृ॑थीतो॒ ऽसीन्द्रा॑य त्वा षोड॒शिन॑ ए॒ष ते॒ योनि॒रिन्द्रा॑य त्वा षोड॒शिने॑ ॥
Paragraph: 38
Verse: 1
Sentence: 1=a इन्द्र॒मिद्धरी॑ वह॒तो ऽप्र॑तिधृष्टशवस॒मृषी॑णां च स्तु॒तीरुप॑ य॒ज्ञं च॒ मानु॑षाणाम्
Sentence: 2=b उपया॒मगृ॑हीतो॒ ऽसीन्द्रा॑य त्वा षोड॒शिन॑ ए॒ष ते॒ योनि॒रिन्द्रा॑य त्वा षोड॒शिने॑ ॥
Paragraph: 39
Verse: 1
Sentence: 1=a असा॑वि॒ सोम॑ इन्द्र ते॒ शवि॑ष्ठ धृष्ण॒वा ग॑हि । आ त्वा॑ पृणक्त्विन्द्रि॒यं रजः॒ सूर्यं॒ न र॒श्मिभिः॑ ॥
Sentence: 2=b उ॑पया॒मगृ॑थीतो॒ ऽसीन्द्रा॑य त्वा षोडशिन ए॒ष ते॒ योनि॒रिन्द्रा॑य त्वा षोड॒शिने॑ ॥
Paragraph: 40
Verse: 1
Sentence: 1=a सर्व॑स्य प्रति॒शीव॑री॒ भूमि॑स्त्वो॒पस्थ॒ आधि॑त । स्यो॒नास्मै॑ सु॒षदा॑ भव॒ यछा॑स्मै॒ शर्म॑ स॒प्रथाः॑ ॥
Sentence: 2=b उ॑पया॒मगृ॑थीतो॒ ऽसीन्द्रा॑य त्वा षोडशिन ए॒ष ते॒ योनि॒रिन्द्रा॑य त्वा षोड॒शिने॑ ॥
Paragraph: 41
Verse: 1
Sentence: 1=a म॒हां इन्द्रो॒ वज्र॑बाहुः षोड॒शी शर्म॑ यछतु । स्व॒स्ति नो॑ म॒घवा॑ करोतु॒ हन्तु॑ पा॒प्मानं॒ यो॒ ऽस्मान्द्वेष्टि॑ ॥
Sentence: 2=b उ॑पया॒मगृ॑थीतो॒ ऽसीन्द्रा॑य त्वा षोडशिन ए॒ष ते॒ योनि॒रिन्द्रा॑य त्वा षोड॒शिने॑ ॥
Paragraph: 42
Verse: 1
Sentence: 1=a स॒जोषा॒ इन्द्रः॒ सग॑णो म॒रुद्भिः॒ सोम॑म्पिब वृत्रहञ्छूर वि॒द्वान् । ज॒हि शत्रूं॒रप॒ मृधो॑ नुद॒स्वाथाभ॑यं कृणुहि वि॒श्वतो॑ नः ॥
Sentence: 2=b उ॑पया॒मगृ॑थीतो॒ ऽसीन्द्रा॑य त्वा षोडशिन ए॒ष ते॒ योनि॒रिन्द्रा॑य त्वा षोड॒शिने॑ ॥
Paragraph: 43
Verse: 1
Sentence: 1=a उदु॒ त्यं जा॒तवे॑दसं दे॒वं व॑हन्ति के॒तवः॑ । दृ॒शे विश्वा॑य॒ सूर्य॑म् ॥
Sentence: 2=b चि॒त्रं दे॒वाना॒मुद॑गा॒दनी॑कं॒ चक्षु॑र्मि॒त्रस्य॒ वरु॑णस्या॒ग्नेः । आप्रा॒ द्यावा॑पृथि॒वी अ॒न्तरि॑क्षं॒ सूर्य॑ आ॒त्मा जग॑तस्त॒स्थुष॑श्च ॥
Sentence: 3=c अग्ने॒ नय॑ सु॒पथा॑ रा॒ये अ॒स्मान्विश्वा॑नि देव व॒युना॑नि वि॒द्वान् । यु॑यो॒ध्य॒स्मज्जु॑हुरा॒णमेनो॒ भूयि॑ष्ठां ते॒ नमौ॑क्तिं विधेम ॥
Sentence: 4=d दिवं॑ गछ॒ सुवः॑ पत
Sentence: 5=e रू॒पेण॑ ॥
Verse: 2
Sentence: 1 वो॑ रू॒पमभ्ऐमि॒ वय॑सा॒ वयः॑ ।
Sentence: 2=f तु॒थो वो॑ वि॒श्ववे॑दा॒ वि भ॑जतु॒ वर्षि॑ष्ठे॒ अधि॒ नाके॑ ।
Sentence: 3=g ए॒तत्ते॑ अग्ने॒ राध ऐति॒ सोम॑च्युतम् ।
Sentence: 4=h तन्मि॒त्रस्य॑ प॒था न॑य ।
Sentence: 5=i ऋ॒तस्य॑ प॒था प्रेत॑ च॒न्द्रद॑क्षिणा य॒ज्ञस्य॑ प॒था सु॑वि॒ता नय॑न्तीस् ।
Sentence: 6=k ब्रा॑ह्म॒णम॒द्य रा॑ध्यास॒मृषि॑मार्षे॒यम्पि॑तृ॒मन्त॑म्पैतृम॒त्यं सु॒धातु॑दक्षिणम् ।
Sentence: 7=l वि सुवः॒ पश्य॒ व्य॒न्तरि॑क्षम् ।
Sentence: 8=m यत॑स्व सदस्यैस् ।
Sentence: 9=n अ॒स्मद्दा॑त्रा दे॒वत्रा॑ गछत॒ मधु॑मतीः प्रदा॒तार॒मा वि॑श॒तान॑वहाया॒स्मान्दे॑व॒याने॑न प॒थेत॑ सु॒कृतां॑ लो॒के सी॑दत
Sentence: 10=o तन्नः॑ संस्कृ॒तम् ॥
Paragraph: 44
Verse: 1
Sentence: 1=a धा॒ता रा॒तिः स॑वि॒तेदं जु॑षन्ताम्प्र॒जाप॑तिर्निधि॒पति॑र्नो अ॒ग्निः । त्वष्टा॒ विष्णुः॑ प्र॒जया॑ संररा॒णो यज॑मानाय॒ द्रवि॑णं दधातु ॥
Sentence: 2=b समि॑न्द्र णो॒ मन॑सा नेषि॒ गोभिः॒ सं सू॒रिभि॑र्मघव॒न्त्सं स्व॒स्त्या । सम्ब्रह्म॑णा दे॒वकृ॑तं॒ यदस्ति॒ सं दे॒वानां॑ सुम॒त्या य॒ज्ञिया॑नाम् ॥
Sentence: 3=c सं वर्च॑सा॒ पय॑सा॒ सं त॒नूभि॒रग॑न्महि॒ मन॑सा॒ सं शि॒वेन॑ । त्वष्टा॑ नो॒ अत्र॒ वरि॑वः कृणोतु ॥
Verse: 2
Sentence: 1 अनु॑ मार्ष्टु त॒नुवो॒ यद्विलि॑ष्टम् ॥
Sentence: 2=d यद॒द्य त्वा॑ प्रय॒ति य॒ज्ञे अ॒स्मिन्नग्ने॒ होता॑र॒मवृ॑णीमही॒ह । ऋध॑गया॒डृध॑गु॒ताश॑मिष्ठाः प्रजा॒नन्य॒ज्ञमुप॑ याहि वि॒द्वान् ॥
Sentence: 3=e स्व॒गा वो॑ देवाः॒ सद॑नमकर्म॒ य आ॑ज॒ग्म सव॑ने॒दं जु॑षा॒णाः । ज॑क्षि॒वांसः॑ पपि॒वांस॑श्च॒ विश्वे॒ ऽस्मे ध॑त्त वसवो॒ वसू॑नि ॥
Sentence: 4=f यानाव॑ह उश॒तो दे॑व दे॒वान्तान् ॥
Verse: 3
Sentence: 1 प्रेर॑य॒ स्वे अ॑ग्ने स॒धस्थे॑ । वह॑माना॒ भर॑माणा ह॒वींषि॒ वसुं॑ घ॒र्मं दिव॒मा ति॑ष्ठ॒तानु॑ ॥
Sentence: 2=g यज्ञ॑ य॒ज्ञं ग॑छ य॒ज्ञप॑तिं गछ॒ स्वां योनिं॑ गछ॒ स्वाहा॑ ।
Sentence: 3=h ए॒ष ते॑ य॒ज्ञो य॑ज्ञपते स॒हसू॑क्तवाकः सु॒वीरः॒ स्वाहा
Sentence: 4=i देवा॑ गातुविदो गा॒तुं वि॒त्त्वा गा॒तुमि॑त
Sentence: 5=k मन॑सस्पत इ॒मं नो॑ देव दे॒वेषु॑ य॒ज्ञं स्वाहा॑ वा॒चि स्वाहा॒ वाते॑ धाः ॥
Paragraph: 45
Verse: 1
Sentence: 1=a उ॒रुं हि राजा॒ वरु॑णश्च॒कार॒ सूर्या॑य॒ पन्था॒मन्वे॑त॒वा उ॑ । अ॒पदे॒ पादा॒ प्रति॑धातवे ऽकरु॒ताप॑व॒क्ता हृ॑दया॒विध॑श्चित् ॥
Sentence: 2=b श॒तं ते॑ राजन्भि॒षजः॑ स॒हस्र॑मु॒र्वी ग॑म्भी॒रा सु॑म॒तिष्टे॑ अस्तु । बाध॑स्व॒ द्वेषो॒ निरृ॑तिम्पराचैः कृ॒तं चि॒देनः॒ प्र मु॑मुग्ध्य॒स्मत्
Sentence: 3=c अ॒भिष्ठि॑तो॒ वरु॑णस्य॒ पाश॑स् ।
Sentence: 4=d अ॒ग्नेरनी॑कम॒प आ वि॑वेश । अपां॑ नपात्प्रति॒रक्ष॑न्नसु॒र्यं॒ दमे॑दमे ॥
Verse: 2
Sentence: 1 स॒मिधं॑ यक्ष्यग्ने । प्रति॑ ते जि॒ह्वा घृ॒तमुच्च॑रण्येत्
Sentence: 2=e समु॒द्रे ते॒ हृद॑यम॒प्स्व॒न्तः । सं त्वा॑ विश॒न्त्वोष॑धीरु॒तापो॑ य॒ज्ञस्य॑ त्वा यज्ञपते हविर्भिः । सू॑क्तवा॒के न॑मोवा॒के वि॑धेम ।
Sentence: 3=f अव॑भृथ निचङ्कुण निचे॒रुर॑सि निचङ्कु॒णाव॑ देवैर्दे॒वकृ॑त॒मेनो॑ ऽया॒डव॒ मर्त्यै॒र्मर्त्य॑कृतमरा नो॑ देव रि॒षस्पा॑हि
Sentence: 4=g सुमि॒त्रा न॒ आप॒ ओष॑धयः ॥
Verse: 3
Sentence: 1 स॑न्तु दुर्मि॒त्रास्तस्मै॑ भूयासु॒र्यो॒ ऽस्मान्द्वेष्टि॒ यं च॑ व॒यं द्वि॒ष्मस् ।
Sentence: 2=h देवी॑राप ए॒ष वो॒ गर्भ॒स्तं वः॒ सुप्री॑तं॒ सुभृ॑तमकर्म दे॒वेषु॑ नः सु॒कृतो॑ ब्रूतात्
Sentence: 3=i प्रति॑युतो॒ वरु॑णस्य॒ पाशः॒ प्रत्य॑स्तो॒ वरु॑णस्य॒ पाश॑स् ।
Sentence: 4=k एधो॑ ऽस्येधिषी॒महि॑ स॒मिद॑सि॒ तेजो॑ ऽसि॒ तेजो॒ मयि॑ धेहि ।
Sentence: 5=l अ॒पो अन्व॑चारिषं॒ रसे॑न॒ सम॑सृक्ष्महि॒ पय॑स्वां अग्न॒ आग॑मं॒ तम्मा॒ सं सृ॑ज॒ वर्च॑सा ॥
Paragraph: 46
Verse: 1
Sentence: 1=a यस्त्वा॑ हृ॒दा की॒रिणा॒ मन्य॑मा॒नो ऽम॑र्त्य॒म्मर्त्यो॒ जोह॑वीमि । जात॑वेदो॒ यशो॑ अ॒स्मासु॑ धेहि प्र॒जाभि॑रग्ने अमृत॒त्वम॑श्याम् ॥
Sentence: 2=b यस्मै॒ त्वं सु॑कृते जातवेद॒ उ लो॒कम॑ग्ने कृ॒णवः॑ स्यो॒नम् । अ॒श्विनं॒ स पु॒त्रिणं॑ वी॒रव॑न्तं॒ गोम॑न्तं र॒यिं न॑शते स्व॒स्ति ॥
Sentence: 3=c त्वे सु पु॑त्र शव॒सो ऽवृ॑त्र॒न्काम॑कातयः । न त्वामि॒न्द्राति॑ रिच्यते ॥
Sentence: 4=d उक्थौक्थे॒ सोम॒ इन्द्र॑म्ममाद नी॒थेनी॑थे म॒घवा॑नम् ॥
Verse: 2
Sentence: 1 सु॒तासः॑ । यदीं॑ स॒बाधः॑ पि॒तरं॒ न पु॒त्राः स॑मा॒नद॑क्षा॒ अव॑से॒ हव॑न्ते ॥
Sentence: 2=e अग्ने॒ रसे॑न॒ तेज॑सा॒ जात॑वेदो॒ वि रो॑चसे । र॑क्षो॒हामी॑व॒चात॑नः ॥
Sentence: 3=f अ॒पो अन्व॑चारिषं॒ रसे॑न॒ सम॑सृक्षमहि । पय॑स्वां अग्न॒ आग॑मं॒ तम्मा॒ सं सृ॑ज॒ वर्च॑सा ॥
Sentence: 4=g वसु॒र्वसु॑पति॒र्हिक॒मस्य॑ग्ने वि॒भाव॑सुः । स्याम॑ ते सुम॒तावपि॑ ॥
Sentence: 5=h त्वाम॑ग्ने॒ वसु॑पतिं॒ वसू॑नाम॒भि प्र म॑न्दे ॥
Verse: 3
Sentence: 1 अ॑ध्व॒रेषु॑ राजन् । त्वया॒ वाजं॑ वाज॒यन्तो॑ जयेमा॒भि ष्या॑म पृ॒त्स्तीर्मर्त्या॑नाम् ॥
Sentence: 2=i त्वाम॑ग्ने वाज॒सात॑मं॒ विप्रा॑ वर्धन्ति॒ सुष्टु॑तम् । स नो॑ रास्व सु॒वीर्य॑म् ॥
Sentence: 3=k अ॒यं नो॑ अ॒ग्निर्वरि॑वः कृणोत्व॒यम्मृधः॑ पु॒र ए॑तु प्रभि॒न्दन् । अ॒यं शत्रू॑ञ्जयतु॒ जर्हृ॑षाणो॒ ऽयं वाजं॑ जयतु॒ वाज॑सातौ ॥
Sentence: 4=l अ॒ग्निना॒ग्निः समि॑ध्यते क॒विर्गृ॒हप॑ति॒र्युवा॑ । ह॑व्य॒वाड्जु॒ह्वा॑स्यः ॥
Sentence: 5=m त्वं ह्य॑ग्ने अग्निना॒ विप्रो॒ विप्रे॑ण॒ सन्त्स॒ता । सखा॒ सख्या॑ समि॒ध्यसे॑ ॥
Sentence: 6=n उद॑ग्ने॒ शुच॑य॒स्तव
Sentence: 7=o वि ज्योति॑षा ॥
Chapter: 5
Paragraph: 1
Verse: 1
Sentence: 1 दे॑वासु॒राः संय॑त्ता आस॒न्ते दे॒वा वि॑ज॒यमु॑प॒यन्तो ऽग्नौ वा॒मं वसु॒ सं न्य॑दधत ।
Sentence: 2 इ॒दमु॑ नो भवैष्यति॒ यदि॑ नो जे॒ष्यन्ती॑ति
Sentence: 3 तद॒ग्निर्न्य॑कामयत॒ तेनापा॑क्रामत्
Sentence: 4 तद्दे॒वा वि॒जित्या॑व॒रुरु॑त्समाना॒ अन्वा॑य॒न्तद॑स्य॒ सह॒सादि॑त्सन्त
Sentence: 5 सो॑ ऽरोदी॒द्यदरो॑दी॒त्तद्रु॒द्रस्य॑ रुद्र॒त्वम् ।
Sentence: 6 यदश्र्वशी॑यत॒ तत् ॥
Verse: 2
Sentence: 1 र॑ज॒तं हिर॑ण्यमभव॒त्तस्मा॑द्रज॒तं हिर॑ण्यमदक्षि॒ण्यम॑श्रु॒जं हि
Sentence: 2 यो ब॒र्हिषि॒ ददा॑ति पु॒रास्य॑ संवत्स॒राद्गृ॒हे रु॑दन्ति॒ तस्मा॑द्ब॒र्हिषि॒ न देय॑म् ।
Sentence: 3 सो॒ ऽग्निर॑ब्रवीद्भा॒ग्य॑सा॒न्यथ॑ व इ॒दमिति॑ पुनरा॒धेयं॑ ते॒ केव॑ल॒मित्य॑ब्रुवन्नृ॒ध्नव॒तलु॒ स इत्य॑ब्रवी॒द्यो म॑द्देव॒त्य॑म॒ग्निमा॒दधा॑ता॒ इति
Sentence: 4 तम्पू॒षाध॑त्त॒ तेन॑ ॥
Verse: 3
Sentence: 1 पू॒षार्ध्नो॒त्तस्मा॑त्पौ॒ष्णाः प॒शव॑ उच्यन्ते॒ तम्त्वष्टाध॑त्त॒ तेन॒ त्वष्टा॑र्ध्नो॒त्तस�॒ष्ट्राः प॒शव॑ उच्यन्ते
Sentence: 2 तम्मनु॒राध॑त्त॒ तेन॒ मनु॑रार्ध्नो॒त्तस्मा॑न्मान॒व्यः॑ प्र॒जा उ॑च्यन्ते
Sentence: 3 तम्धा॒ताध॑त्त॒ तेन॑ धा॒तार्ध्नो॑त्संवत्स॒रो वै॑ धा॒ता तस्मा॑त्संवत्स॒रम्प्र॒जाः प॒शवोनु॒ प्र जा॑यन्ते । य ए॒वम्पु॑नरा॒धेय॒स्यर्द्धिं॒ वेद॑ ॥
Verse: 4
Sentence: 1 ऋ॒ध्नोत्ये॒व यो॑ ऽस्यै॒वं ब॒न्धुतां॒ वेद॒ बन्धु॑मान्भवति ।
Sentence: 2 भा॑ग॒धेयं वाअ॒ग्निराहि॑त इ॒छमा॑नः प्र॒जाम्प॒शून्यज॑मान॒स्योप॑ दोद्राव ।
Sentence: 3 उ॒द्वास्य॒ पुन॒रा द॑धीत भाग॒धेये॑नैवैनं॒ सम॑र्धय॒त्यथो॒ शान्ति॑रे॒वास्यै॒षा
Sentence: 4 पुन॑र्वस्वो॒रा द॑धीतै॒तद्वै॑ पुनरा॒धेय॑स्य॒ नक्ष॑त्रं॒ यत्पुन॑र्वसू॒ स्वाया॑मेवैनं दे॒वता॑यामा॒धाय॑ ब्रह्मवर्च॒सी भ॑वति
Sentence: 5 दर्भै॒रा द॑धा॒त्यया॑तयामवाय
Sentence: 6 दर्भै॒रा द॑धात्य॒द्भ्य एवैन॒मोष॑धीभ्यो ऽव॒रुध्याध॑त्ते
Sentence: 7 पञ्च॑कपालः पुरो॒डाशो॑ भवति पञ्च॒ वा ऋ॒तव॑ ऋ॒तुभ्य॑ एवैनमव॒रुध्याध॑त्ते ॥
Paragraph: 2
Verse: 1
Sentence: 1 परा॒ वा ए॒ष य॒ज्ञम्प॒शून्व॑पति॒ यो॒ ऽग्निमु॑द्वा॒सय॑ते ।
Sentence: 2 पञ्च॑कपालः पुरोडाशो भवति
Sentence: 3 पाङ्क्तो॑ य॒ज्ञः पाङ्क्ताः॑ प॒शवो॑ य॒ज्ञमे॒व प॒शूनव॑रुन्द्धे ।
Sentence: 4 वी॑र॒हा वा ए॒ष दे॒वानां॒ यो॒ ऽग्निमु॑द्वा॒सय॑ते
Sentence: 5 न वा ए॒तस्य॑ ब्राह्म॒णा ऋ॑ता॒यवः॑ पु॒रान्न॑मक्षन् ।
Sentence: 6 प॒ङ्क्त्यो॑ याज्यानुवा॒क्या॑ भवन्ति
Sentence: 7 पाङ्क्तो॑ य॒ज्ञः पाङ्क्तः॒ पुरु॑षो दे॒वाने॒व वी॒रं नि॑रव॒दाया॒ग्निम्पुन॑रा ॥
Verse: 2
Sentence: 1 ध॑त्ते
Sentence: 2 श॒ताक्ष॑रा भवन्ति श॒तायुः॒ पुरु॑षः श॒तेन्द्रि॑य॒ आयु॑ष्ये॒वेन्द्रि॒ये प्रति॑ तिष्ठति
Sentence: 3 यद्वा अ॒ग्निराहि॑तो॒ नर्ध्यते॒ ज्यायो॑ भाग॒धेयं॑ निका॒मय॑मानो॒ यदा॑ग्ने॒यं सर्व॒म्भव॑ति सै॒वास्यर्द्धिः
Sentence: 4 सं वा ए॒तस्य॑ गृ॒हे वाक्सृ॑ज्यते॒ यो॒ ऽग्निमु॑द्वा॒सय॑ते॒ स वाचं॒ संसृ॑ष्टां॒ यज॑मान ईश्व॒रो ऽनु॒ परा॑भवितो॒र्विभ॑क्तयो भवन्ति वा॒चो वि॑धृत्यै॒ यज॑मान॒स्याप॑राभावाय ॥
Verse: 3
Sentence: 1 विभ॑क्तिं करोति॒ ब्रह्मै॒व तद॑कर् ।
Sentence: 2 उ॑पां॒शु य॑जति॒ यथा॑ वा॒मं वसु॑ विविदा॒नो गूह॑ति ता॒दृगे॒वतद॒ग्निम्प्रति॑ स्विष्ट॒कृतं॒ निरा॑ह॒ यथा॑ वा॒मं वसु॑ विविदा॒नः प्र॑का॒शं जिग॑मिषति ता॒दृगे॒व तत् ।
Sentence: 3 विभ॑क्तिमु॒क्त्वा प्र॑या॒जेन॒ वष॑ट्करोत्या॒यत॑नादे॒वनै॑ति
Sentence: 4 यज॑मानो वै पुरो॒डाशः॑ प॒शव॑ ए॒ते आहु॑ती॒ यद॒भितः॑ पुरो॒डाश॑मे॒ते आहु॑ती ॥
Verse: 4
Sentence: 1 जु॒होति॒ यज॑मानमे॒वोभ॒यतः॑ प॒शुभिः॒ परि॑ गृह्णाति
Sentence: 2 कृ॒तय॑जुः॒ सम्भृ॑तसम्भार॒ इत्या॑हु॒र्न स॒म्भृत्याः॑ सम्भा॒रा न यजुः॑ कर्त॒व्य॑मिति ।
Sentence: 3 अथो॒ खलु॑ स॒म्भृत्या॑ ए॒व स॑म्भा॒राः क॑र्त॒व्यं॒ यजु॑र्य॒ज्ञस्य॒ समृ॑द्ध्यै
Sentence: 4 पुनर्निष्कृ॒तो रथो॒ दक्षि॑णा पुनरुत्स्यू॒तं वासः॑ पुनरुत्सृ॒ष्टो॑ ऽन॒ड्वान्पु॑नर्दा॒धेय॑स्य॒ समृ॑द्ध्यै
Sentence: 5 स॒प्त ते॑ अग्ने स॒मिधः॑ स॒प्त जि॒ह्वा इत्य॑ग्निहो॒त्रं जु॑होति
Sentence: 6 यत्र॑यत्रै॒वास्य॒ न्य॑क्तं॒ ततः॑ ॥
Verse: 5
Sentence: 1 एवैन॒मव॑ रुन्द्धे
Sentence: 2 वीर॒हा वा ए॒ष दे॒वाना॒म्यो॒ ऽग्निमु॑द्वा॒सय॑ते॒ तस्य॒ वरु॑ण ए॒वर्ण॒यादा॑ग्निवारु॒णमेका॑दश�नु॒ निर्व॑पे॒द्यं चै॒व हन्ति॒ यश्चा॑स्यर्ण॒यात्तौ॑ भाग॒धेये॑न प्रीणाति॒ नार्ति॒मार्छ॑ति॒ यज॑मानः ॥
Paragraph: 3
Verse: 1
Sentence: 1=a भूमि॑र्भू॒म्ना द्यौ॑र्वरि॒णान्तरि॑क्षम्महि॒त्वा । उ॒पस्थे॑ ते देव्यदिते॒ ऽग्निम॑न्ना॒दम॒न्नाद्या॒या द॑धे ॥
Sentence: 2=b आयं गौः॒ पृश्नि॑रक्रमी॒दस॑नन्मा॒तर॒म्पुनः॑ । पि॒तरं॑ च प्र॒यन्त्सुवः॑ ॥
Sentence: 3=c त्रिं॒शद्धाम॒ वि रा॑जति॒ वाक्प॑तं॒गाय॑ शिश्रिये । प्रत्य॑स्य वह॒ द्युभिः॑ ॥
Sentence: 4=d अ॒स्य प्रा॒णाद॑पान॒त्य॒न्तश्च॑रति रोच॒ना । व्य॑ख्यन्महि॒षः सुवः॑ ॥
Sentence: 5=e यत्त्वा॑ ॥
Verse: 2
Sentence: 1 क्रु॒द्धः प॑रो॒वप॑ म॒न्युना॒ यदव॑र्त्या । सु॒कल्प॑मग्ने॒ तत्तव॒ पुन॒स्त्वोद्दी॑पयामसि ॥
Sentence: 2=f यत्ते॑ म॒न्युप॑रोप्तस्य पृथि॒वीमनु॑ दध्व॒से । आ॑दि॒त्या विश्वे॒ तद्दे॒वा वस॑वश्श स॒माभ॑रन् ॥
Sentence: 3=g मनो॒ ज्योति॑र्जुषता॒माज्यं॒ विछि॑न्नं य॒ज्ञं समि॒मं द॑धातु । बृह॒स्पति॑स्तनुतामि॒मं नो॒ विश्वे॑ दे॒वा इ॒ह मा॑दयन्ताम् ॥
Sentence: 4=h स॒प्त ते॑ अग्ने स॒मिधः॑ स॒प्त जि॒ह्वाः स॒प्त ॥
Verse: 3
Sentence: 1 ऋष॑यः स॒प्त धाम॑ प्रि॒याणि॑ । स॒प्त होत्राः॑ सप्त॒धा त्वा॑ यजन्ति स॒प्त योनी॒रा पृ॑णस्वा घृ॒तेन॑ ॥
Sentence: 2=i पुन॑रू॒र्जा नि व॑र्तस्व॒ पुन॑रग्न इ॒षायु॑षा । पुन॑र्नः पाहि वि॒श्वतः॑ ॥
Sentence: 3=k स॒ह र॒य्या नि व॑र्त॒स्वाग्ने॒ पिन्व॑स्व॒ धार॑या । वि॒श्वप्स्नि॑या वि॒श्वत॒स्परि॑ ॥
Sentence: 4=l लेकः॒ सले॑कः सु॒लेक॒स्ते न॑ आदि॒त्या आज्यं॑ जुषा॒णा वि॑यन्तु॒ केतः॒ सके॑तः सु॒केत॒स्ते न॑ आदि॒त्या आज्यं॑ जुषा॒णा वि॑यन्तु॒ विव॑स्वां॒ अदि॑ति॒र्देव॑जूति॒स्ते न॑ आदि॒त्या आज्यं॑ जुषा॒णा वि॑यन्तु ॥
Paragraph: 4
Verse: 1
Sentence: 1 भूमि॑र्भू॒म्ना द्यौ॑र्वरि॒णेत्या॑हा॒शिषैवैन॒मा ध॑त्ते
Sentence: 2 स॒र्पा वै॒ जीर्य॑न्तो ऽमन्यन्त॒ स ए॒तं क॑स॒र्णीरः॑ काद्रवे॒यो मन्त्र॑मपश्य॒त्ततो वै॒ ते जी॒र्णास्त॒नूरपा॑घ्नत
Sentence: 3 सर्परा॒ज्ञिया॑ ऋ॒ग्भिर्गार्ह॑पत्य॒मा द॑धाति पुनर्न॒वमेवैनम॒जरं॑ कृ॒त्वा ध॑त्ते ।
Sentence: 4 अथो॑ पू॒तमे॒व पृ॑थि॒वीम॒न्नाद्यं॒ नोपा॑नमत्सै॒तम् ॥
Verse: 2
Sentence: 1 मन्त्र॑मपश्य॒त्ततो वै॒ ताम॒न्नाद्य॒मुपा॑नमत् ।
Sentence: 2 यत्स॑र्परा॒ज्ञिया॑ ऋ॒ग्भिर्गार्ह॑पत्यमा॒दधा॑त्य॒न्नाद्य॒स्याव॑रुद्ध्यै ।
Sentence: 3 अथो॑ अ॒स्यामेवैन॒म्प्रति॑ष्ठित॒मा ध॑त्ते
Sentence: 4 यत्त्वा॑ क्रु॒द्धः प॑रो॒वपेत्या॒हाप॑ ह्नुत ए॒वास्मै॒ तत्
Sentence: 5 पुन॒स्त्वोद्दी॑पयाम॒सीत्या॑ह॒ समि॑न्द्ध एवैनम् ।
Sentence: 6 यत्ते॑ म॒न्युप॑रोप्त॒स्येत्या॑ह दे॒वता॑भिरे॒व ॥
Verse: 3
Sentence: 1 ए॑नं॒ सम्भ॑रति
Sentence: 2 वि वा ए॒तस्य॑ य॒ज्ञश्छि॑द्यते॒ यो॒ ऽग्निमु॑द्वा॒सय॑ते॒ बृह॒स्पति॑वत्य॒र्चोप॑ तिष्ठते॒ ब्रह्म वै दे॒वाना॒म्बृह॒स्पति॒र्ब्रह्म॑णै॒व य॒ज्ञं सं द॑धाति
Sentence: 3 वि छि॑न्नं य॒ज्ञं स॑मि॒मं द॑धा॒त्वित्या॑ह सं॒तत्यै
Sentence: 4 विश्वे॑ दे॒वा इ॒ह मा॑दयन्ता॒मित्या॑ह सं॒तत्यै॒व य॒ज्ञं दे॒वेभ्यो ऽनु॑ दिशति
Sentence: 5 स॒प्त ते॑ अग्ने स॒मिधः॑ स॒प्त जि॒ह्वाः ॥
Verse: 4
Sentence: 1 इत्या॑ह स॒प्तस॑प्त वै सप्त॒धाग्नेः प्रि॒यास्त॒नुव॒स्ता ए॒वाव॑ रुन्द्धे
Sentence: 2 पुन॑रू॒र्जा स॒ह र॒य्येत्य॒भितः॑ पुरो॒डाश॒माहु॑ती जुहोति॒ यज॑मानमे॒वोर्जा च॑ र॒य्या चो॑भ॒यतः॒ परि॑ गृह्णाति ।
Sentence: 3 आ॑दि॒त्या वा अ॒स्माल्लो॒काद॒मुं लो॒कमा॑य॒न्ते॒ ऽमुष्मिँ॑ लो॒के व्य॑तृष्य॒न्त इ॒मं लो॒कम्पु�॒स्त आ॑र्ध्नुव॒न्ते सु॑व॒र्गं लो॒कमा॑यन्
Sentence: 4 यः प॑रा॒चीन॑म्पुनरा॒धेया॑द॒ग्निमा॒दधी॑त॒ स ए॒तान्होमा॑ञ्जुहुया॒द्यामे॒वादि॒त्या ऋद्धि॒म�
Paragraph: 5
Verse: 1
Sentence: 1=a {F उपप्र॒यन्तो{W उयप्र॒यन्तो अध्व॒रम्मन्त्रं॑ वोचेमा॒ग्नये॑ । आ॒रे अ॒स्मे च॑ शृण्व॒ते ॥
Sentence: 2=b अ॒स्य प्र॒त्नामनु॒ द्युतं॑ शु॒क्रं दु॑दुह्रे॒ अह्र॑यः । पयः॑ सहस्र॒सामृषि॑म् ॥
Sentence: 3=c अ॒ग्निर्मू॒र्धा दि॒वः क॒कुत्पतिः॑ पृथि॒व्या अ॒यम् । अ॒पां रेतां॑सि जिन्वति ॥
Sentence: 4=d अ॒यमि॒ह प्र॑थ॒मो धा॑यि धा॒तृभि॒र्होता॒ यजि॑ष्ठो अध्व॒रेष्वीड्यः॑ । यमप्न॑वानो॒ भृग॑वो विरुरु॒चुर्वने॑षु चि॒त्रं वि॒भुवं॑ वि॒शेवि॑शे ॥
Sentence: 5=e उ॒भा वा॑मिन्द्राग्नी आहु॒वध्यै॑ ॥
Verse: 2
Sentence: 1 उ॒भा राध॑सः स॒ह मा॑द॒यध्यै॑ । उ॒भा दा॒तारा॑वि॒षां र॑यी॒णामु॒भा वाज॑स्य सा॒तये॑ हुवे वाम् ।
Sentence: 2=f अ॒यं ते॒ योनि॑रृ॒त्वियो॒ यतो॑ जा॒तो अरो॑चथाः । तं जा॒नन्न॑ग्न॒ आ रो॒हाथा॑ नो वर्धया र॒यिम् ।
Sentence: 3=g अग्न॒ आयूं॑षि पवस॒ आ सु॒वोज्र॒मिषं॑ च नः । आ॒रे बा॑धस्व दु॒छुना॑म् ॥
Sentence: 4=h अग्ने॒ पव॑स्व॒ स्वपा॑ अ॒स्मे वर्चः॑ सु॒वीर्य॑म् ॥ दध॒त्पोषं॑ र॒यिम् ॥
Verse: 3
Sentence: 1 मयि॑ ॥
Sentence: 2=i अग्ने॑ पावक रो॒चिषा॑ म॒न्द्रया॑ देव जि॒ह्वया॑ । आ दे॒वान्व॑क्षि॒ यक्षि॑ च ॥
Sentence: 3=k स नः॑ पावक दीदि॒वो ऽग्ने॑ दे॒वां इ॒हा व॑ह । उप॑ य॒ज्ञं ह॒विश्च॑ नः ॥
Sentence: 4=l अ॒ग्निः शुचि॑व्रततमः॒ शुचि॒र्विप्रः॒ शुचिः॑ क॒विः । शुची॑ रोचत॒ आहु॑तः ॥
Sentence: 5=m उद॑ग्ने॒ शुच॑य॒स्तव॑ शु॒क्रा भ्राज॑न्त ईरते । तव॒ ज्योतीं॑ष्य॒र्चयः॑ ॥
Sentence: 6=n आ॑यु॒र्दा अ॑ग्ने॒ ऽस्यायु॑र्मे ॥
Verse: 4
Sentence: 1 दे॑हि वर्चो॒दा अ॑ग्ने ऽसि॒ वर्चो॑ मे देहि तनू॒पा अ॑ग्ने ऽसि त॒नुव॑म्मे पाहि ।
Sentence: 2=o अग्ने॒ यन्मे॑ त॒नुवा॑ ऊ॒नं तन्म॒ आ पृ॑ण ।
Sentence: 3=p चित्रा॑वसो स्व॒स्ति ते॑ पा॒रम॑शीय ।
Sentence: 4=q इन्धा॑नास्त्वा श॒तं हिमा॑ द्यु॒मन्तः॒ समि॑धीमहि॒ वय॑स्वन्तो वय॒स्कृतं॒ यश॑स्वन्तो यश॒स्कृतं॑ सु॒वीरा॑सो॒ अदा॑भ्यम् । अग्ने॑ सपत्न॒दम्भ॑नं॒ वर्षि॑ष्ठे॒ अधि॒ नाके॑ ।
Sentence: 5=r सं त्वम॑ग्ने॒ सूर्य॑स्य॒ वर्च॑सागथाः॒ समृषी॑णां स्तु॒तेन॒ सम्प्रि॒येण॒ धाम्ना॑ ।
Sentence: 6=s त्वम॑ग्ने॒ सूर्य॑वर्चा असि॒ सम्मामायु॑षा॒ वर्च॑सा प्र॒जया॑ सृज ॥
Paragraph: 6
Verse: 1
Sentence: 1=a सम्प॑श्यामि प्र॒जा अ॒हमिड॑प्रजसो मान॒वीः । सर्वा॑ भवन्तु नो गृ॒हे ॥
Sentence: 2=b अम्भ॒ स्थाम्भो॑ वो भक्षीय॒ मह॑ स्थ॒ महो॑ वो भक्षीय॒ सह॑ स्थ॒ सहो॑ वो भक्षी॒योर्ज॒ स्थोर्जं॑ वो भक्षीय
Sentence: 3=c रेव॑ती॒ रम॑ध्वम॒स्मिँ लो॒के॒ ऽस्मिन्गो॒ष्ठे॒ ऽस्मिन्क्षये॒ ऽस्मिन्योना॑विहै॒व स्ते॒तो माप॑ गात ब॒ह्वीर्मे॑ भूयास्त ॥
Verse: 2
Sentence: 1=d सं॑हि॒तासि॑ विश्वरू॒पीरा मो॒र्जा वि॒शा गौ॑प॒त्येना रा॒यस्पोषे॑ण
Sentence: 2=e सहस्रपो॒षं वः॑ पुष्यास॒म्मयि॑ वो॒ रायः॑ श्रयन्ताम्
Sentence: 3=f उप॑ त्वाग्ने दि॒वेदि॑वे॒ दोषा॑वस्तर्धि॒या व॒यम् । नमो॒ भर॑न्त॒ एम॑सि ॥
Sentence: 4=g राज॑न्तमध्व॒राणा॑ङ्गो॒पामृ॒तस्य॒ दीदि॑विम् । वर्ध॑मानं॒ स्वे दमे॑ ॥
Sentence: 5=h स नः॑ पि॒तेव॑ सू॒ववे ऽग्ने॑ सूपाय॒नो भ॑व । सच॑स्वा नः स्व॒स्तये॑ ॥
Sentence: 6=i अग्ने॑ ॥
Verse: 3
Sentence: 1 त्वं नो॒ अन्त॑मः । उ॒त त्रा॒ता शि॒वो भ॑व वरू॒थ्यः॑ । तं त्वा॑ शोचिष्ठ दीदिवः । सु॒म्नाय॑ नू॒नमी॑महे॒ सखि॑भ्यः । वसु॑र॒ग्निर्वसु॑श्रवाः । अछा॑ नक्षि द्यु॒मत्त॑मो र॒यिं दाः॑ ॥
Sentence: 2=k ऊ॒र्जा वः॑ पश्याम्यू॒र्जा मा॑ पश्यत रा॒यस्पोषे॑ण वः पश्यामि रा॒यस्पोषे॑ण मा पश्यत ।
Sentence: 3=l इडा॑ स्थ मधु॒कृतः॑ स्यो॒ना मा वि॑श॒तेरा॒ मदः॑ । स॑हस्रपो॒षं वः॑ पुष्यासम् ॥
Verse: 4
Sentence: 1 मयि॑ वो॒ रायः॑ श्रयन्ताम् ॥
Sentence: 2=m तत्स॑वि॒तुर्वरे॑ण्य॒म्भर्गो॑ दे॒वस्य॑ धीमहि । धियो॒ यो नः॑ प्रचो॒दया॑त् ॥
Sentence: 3=n सो॒मानं॒ स्वर॑णं कृणु॒हि ब्र॑ह्मणस्पते । क॒क्षीव॑न्त॒म्य औ॑शि॒जम् ॥
Sentence: 4=o क॒दा च॒न स्त॒रीर॑सि॒ नेन्द्र॑ सश्चसि दा॒शुषे॑ । उपो॒पेन्नु म॑घव॒न्भुय॒ इन्नु ते॒ दानं॑ दे॒वस्य॑ पृच्यते ॥
Sentence: 5=p परि॑ त्वाग्ने॒ पुरं॑ व॒यं विप्रं॑ सहस्य धीमहि । धृ॒षद्व॑र्णं दि॒वेदि॑वे भे॒त्तार॑म्भङ्गु॒राव॑तः ॥
Sentence: 6=q अग्ने॑ गृहपते सुगृहप॒तिर॒हं त्वया॑ गृ॒हप॑तिना भूयासं सुगृहप॒तिर्मया॒ त्वं गृ॒हप॑तिना भूयाः श॒तं हि॒मास्तामा॒शिष॒मा शा॑से॒ तन्त॑वे॒ ज्योति॑ष्मतीं॒ तामा॑शिष॒मा शा॑से॒ ऽमुष्मै॒ ज्योति॑ष्मतीम् ॥
Paragraph: 7
Verse: 1
Sentence: 1 अय॑ज्ञो॒ वा ए॒ष यो॑ ऽसा॒मोप॑प्र॒यन्तो॑ अध्व॒रमित्या॑ह॒ स्तोम॑मे॒वास्मै॑ युन॒क्त्युपेत्या॑ह प्र॒जा वै॑ प॒शव॒ उपे॒मं लो॒कम्प्र॒जामे॒व प॒शूनि॒मं लो॒कमुपै॑ति ।
Sentence: 2 अ॒स्य प्र॒त्नामनु॒ द्युत॒मित्या॑ह सुव॒र्गो वै॑ लो॒कः प्र॒त्नः सु॑व॒र्गमे॒व लो॒कं स॒मारो॑हति ।
Sentence: 3 अ॒ग्निर्मू॒र्धा दि॒वः क॒कुदित्या॑ह मू॒र्धान॑म् ॥
Verse: 2
Sentence: 1 एवैनं समा॒नानां॑ करो॒त्यथो॑ देवलो॒कादे॒व म॑नुष्यलो॒के प्रति॑ तिष्ठति ।
Sentence: 2 अ॒यमि॒ह प्र॑थ॒मो धा॑यि धा॒तृभि॒रित्या॑ह॒ मुख्य॑मेवैनं करोति ।
Sentence: 3 उ॒भा वा॑मिन्द्राग्नी आहु॒वध्या॒ इत्याहौजो॒ बल॑मे॒वाव॑ रुन्द्धे ।
Sentence: 4 अ॒यं ते॒ योनि॑रृ॒त्विय॒ इत्या॑ह प॒शवो वै र॒यिः प॒शूने॒वाव॑ रुन्द्धे
Sentence: 5 ष॒ड्भिरुप॑ तिष्ठते॒ षड्वै॑ ॥
Verse: 3
Sentence: 1 ऋ॒तव॑ ऋ॒तुष्वे॒व प्रति॑ तिष्ठति
Sentence: 2 ष॒ड्भिरुत्त॑राभि॒रुप॑ तिष्ठते॒ द्वाद॑श॒ सम्प॑द्यन्ते॒ द्वाद॑श॒ मासाः॑ संवत्स॒रः सं॑वत्स॒र ए॒व प्रति॑ तिष्ठति
Sentence: 3 यथा वै॒ पुरु॒षो ऽश्वो गौ॒र्जीर्य॑त्ये॒वम॒ग्निराहि॑तो जीर्यति संवत्स॒रस्य॑ प॒रस्ता॑दाग्निप�प॑ तिष्ठते पुनर्न॒वमेवैनम॒जरं॑ करो॒त्यथो॑ पु॒नात्ये॑व ।
Sentence: 4 उप॑ तिष्ठते॒ योग॑ ए॒वास्यै॒ष उप॑ तिष्ठते ॥
Verse: 4
Sentence: 1 दम॑ ए॒वास्यै॒ष उप॑ तिष्ठते याच्नै॒वास्यै॒षोप॑ तिष्ठते॒ यथा॒ पापी॑या॒ञ्छ्रेय॑स आ॒हृत्य॑ नम॒स्यति॑ ता॒दृगे॒व तत् ।
Sentence: 2 आ॑यु॒र्दा अ॑ग्ने॒ ऽस्यायु॑र्मे दे॒हीत्या॑हायु॒र्दा ह्ये॒ष
Sentence: 3 व॑र्चो॒दा अ॑ग्ने ऽसि॒ वर्चो॑ मे दे॒हीत्या॑ह वर्चो॒दा ह्ये॒ष
Sentence: 4 त॑नू॒पा अ॑ग्ने ऽसि त॒नुव॑म्मे पा॒हीत्या॑ह ॥
Verse: 5
Sentence: 1 त॑नू॒पा ह्ये॒षस् ।
Sentence: 2 अग्ने॒ यन्मे॑ त॒नुवा॑ ऊ॒नं तन्म॒ आ पृ॒णेत्या॑ह॒ यन्मे॑ प्र॒जायै॑ पशू॒नामू॒नं तन्म॒ आ पू॑र॒येति॒ वावै॒तदा॑ह
Sentence: 3 चित्रा॑वसो स्व॒स्ति ते॑ पा॒रम॑शी॒येत्या॑ह॒ रात्रिर्वै चि॒त्राव॑सु॒रव्यु॑ष्ट्यै॒ वा ए॒तस्यै॑ पु॒रा ब्रा॑ह्म॒णा अ॑भैषु॒र्व्यु॑ष्टिमे॒वाव॑ रुन्द्धे ।
Sentence: 4 इन्धा॑नास्त्वा श॒तम् ॥
Verse: 6
Sentence: 1 हिमा॒ इत्या॑ह श॒तायुः॒ पुरु॑षः श॒तेन्द्रि॑य॒ आयु॑ष्ये॒वेन्द्रि॒ये प्रति॑ तिष्ठति ।
Sentence: 2 ए॒षा वै॑ सू॒र्मी कर्ण॑कावत्ये॒तया॑ ह स्म वै दे॒वा असु॑राणां शतत॒र्हांस्तृं॑हन्ति॒ यदे॒तया॑ स॒मिध॑मा॒दधा॑ति॒ वज्र॑मेवै॒तच्छ॑त॒घ्नीं यज॑मानो॒ भ्रातृ॑व्याय॒ प्र ह॑रति॒ स्तृत्या॒ अछ॑म्बट्कारम् ।
Sentence: 3 सं त्वम॑ग्ने॒ सूर्य॑स्य॒ वर्च॑सागथा॒ इत्या॑है॒तत्त्वम॑सी॒दम॒हम्भू॑यास॒मिति॒ वावै॒तदा॑ह
Sentence: 4 त्वम॑ग्ने॒ सूर्य॑वर्चा अ॒सीत्या॑हा॒शिष॑मेवै॒तामा शा॑स्ते ॥
Paragraph: 8
Verse: 1
Sentence: 1=a सम्प॑श्यामि प्र॒जा अ॒हम्
Sentence: 2 इत्या॑ह॒ याव॑न्त ए॒व ग्रा॒म्याः प॒शव॒स्ताने॒वाव॑ रुन्द्धे ।
Sentence: 3 अ॑म्भ॒ स्थाम्भो॑ वो भक्षीय ।
Sentence: 4 इत्या॒हाम्भो॒ ह्ये॑तास् ।
Sentence: 5 मह॑ स्थ॒ महो॑ वो भक्षीय ।
Sentence: 6 इत्या॑ह॒ महो॒ ह्ये॑ताः
Sentence: 7 स्सह॑ स्थ॒ सहो॑ वो भक्षीय ।
Sentence: 8 इत्या॑ह शहो॒ ह्ये॑तास् ।
Sentence: 9 ऊर्ज॒ स्थोर्जं॑ वो भक्षीय ।
Sentence: 10 इति॑ ॥
Verse: 2
Sentence: 1 आ॒होर्जो॒ ह्ये॑तास् ।
Sentence: 2 रेव॑ती॒ रम॑ध्वम्
Sentence: 3 इत्या॑ह प॒शवो वै र॒वतीः॑ प॒शूने॒वात्मन्र॑मयते ।
Sentence: 4 इहै॒व स्ते॒तो माप॑ गात ।
Sentence: 5 इत्या॑ह ध्रु॒वा एवैना॒ अन॑पगाः कुरुते ।
Sentence: 6 इ॑ष्टक॒चिद्वा अ॒न्यो॒ ऽग्निः प॑शु॒चिद॒न्यः सं॑हि॒तासि॑ विश्वरू॒पीस् ।
Sentence: 7 इति॑ व॒त्सम॒भि मृ॑श॒त्युपैवैनं धत्ते पशु॒चित॑मेनं कुरुते
Sentence: 8 प्र ॥
Verse: 3
Sentence: 1 वा ए॒षो॒ ऽस्माल्लो॒काच्च्य॑वते॒ य आ॑हव॒नीय॑मुप॒तिष्ठ॑ते॒ गार्ह॑पत्य॒मुप॑ तिष्ठते॒ ऽस्मिन्�॑व लो॒के प्रति॑ तिष्ठति ।
Sentence: 2 अथो॒ गार्ह॑पत्यायै॒व नि ह्नु॑ते
Sentence: 3 गाय॒त्रीभि॒रुप॑ तिष्ठते॒ तेजो वै गाय॒त्री तेज॑ ए॒वात्मन्ध॑त्ते ।
Sentence: 4 अथो॒ यदे॒तं तृ॒चम॒न्वाह॒ सन्त॑त्यै
Sentence: 5 गार्ह॑पत्यं॒ वा अनु॑ द्वि॒पादो॑ वी॒राः प्र जा॑यन्ते
Sentence: 6 य ए॒वं वि॒द्वान्द्वि॒पदा॑भि॒र्गार्ह॑पत्यमुप॒तिष्ठ॑ते ॥
Verse: 4
Sentence: 1 आस्य॑ वी॒रो जा॑यते ।
Sentence: 2 ऊ॒र्जा वः॑ पश्याम्यू॒र्जा मा॑ पश्यत ।
Sentence: 3 इत्या॑हा॒शिष॑मेवै॒तामा शा॑स्ते
Sentence: 4 तत्स॑वि॒तुर्वरे॑ण्यम्
Sentence: 5 इत्या॑ह॒ प्रसू॑त्यै
Sentence: 6 सो॒मानं॒ स्वर॑णम्
Sentence: 7 इत्या॑ह सोमपी॒थमे॒वाव॑ रुन्द्धे
Sentence: 8 कृणु॒हि ब्र॑ह्मणस्पते ।
Sentence: 9 इत्या॑ह॒ प्रसू॑त्यै
Sentence: 10 सो॒मानं॒ स्वर॑णम्
Sentence: 11 इत्या॑ह सोमपी॒थमे॒वाव॑ रुन्द्धे
Sentence: 12 कृणु॒हि ब्र॑ह्मणस्पते ।
Sentence: 13 इत्या॑ह ब्रह्मवर्च॒समे॒वाव॑ रुन्द्धे
Sentence: 14 क॒दा च॒न स्त॒रीर॑सि ।
Sentence: 15 इत्या॑ह॒ न स्त॒रीं रात्रिं॑ वसति ॥
Verse: 5
Sentence: 1 य ए॒वं वि॒द्वान॒ग्निमु॑प॒तिष्ठ॑ते
Sentence: 2 परि॑ त्वाग्ने॒ पुरं॑ व॒यम्
Sentence: 3 इत्या॑ह परि॒धिमेवै॒तम्परि॑ ददः॒त्यस्क॑न्दाय ।
Sentence: 4 अग्ने॑ गृहपते ।
Sentence: 5 इत्या॑ह यथाय॒जुरेवै॒तत् ।
Sentence: 6 श॒तं हिमा॑स् ।
Sentence: 7 इत्या॑ह
Sentence: 8 श॒तं त्वा॑ हेम॒न्तानि॑न्धिषीय ।
Sentence: 9 इत्य्वावै॒तदा॑ह
Sentence: 10 पु॒त्रस्य॒ नाम॑ गृह्णात्यन्ना॒दमेवैनं करोति
Sentence: 11 तामा॒शिष॒मा शा॑से॒ तन्त॑वे॒ ज्योति॑ष्मतीम्
Sentence: 12 इति॑ ब्रूया॒द्यस्य॑ पु॒त्रो ऽजा॑तः स्यात्तेज॒स्व्ये॒वास्य॑ ब्रह्मवर्च॒सी पु॒त्रो जा॑यते
Sentence: 13 तामा॒शिष॒मा शा॑से॒ ऽमुष्मै॒ ज्योति॑ष्मतीम्
Sentence: 14 इति॑ ब्रूया॒द्यस्य॑ पु॒त्रो जा॒तः स्यात्
Sentence: 15 तेज॑ ए॒वास्मि॑न्ब्रह्मवर्च॒सं द॑धाति ॥
Paragraph: 9
Verse: 1
Sentence: 1 अ॑ग्निहो॒त्रं जु॑होति
Sentence: 2 यदे॒व किं च॒ यज॑मानस्य॒ स्वं तस्यै॒व तत् ।
Sentence: 3 रेतः॑ सिञ्चति प्र॒जन॑ने प्र॒जन॑नं॒ हि वा अ॒ग्निस् ।
Sentence: 4 अथौ॑षधी॒रन्त॑गता दहति॒ तास्ततो॒ भूय॑सीः॒ प्र जा॑यन्ते
Sentence: 5 यत्सा॒यं जु॒होति॒ रेत॑ ए॒व तत्सि॑ञ्चति
Sentence: 6 प्रै॒व प्रा॑त॒स्तने॑न जनयति॒ तत् ।
Sentence: 7 रेतः॑ सि॒क्तं न त्वष्ट्रावि॑कृत॒म्प्र जा॑यते॒ याव॒च्छो वै॒ रेत॑सः सि॒क्तस्य॑ ॥
Verse: 2
Sentence: 1 त्वष्टा॑ रू॒पाणि॑ विक॒रोति॑ ताव॒च्छो वै॒ तत्प्र जा॑यत ए॒ष वै दैव्य॒स्त्वष्टा॒ यो यज॑ते ब॒ह्वीभि॒रुप॑ तिष्ठते॒ रेत॑स एव सि॒क्तस्य॑ बहु॒शो रू॒पाणि॒ वि क॑रोति
Sentence: 2 स परै॒व जा॑यते॒ श्वःश्वो॒ भूया॑न्भवति॒ य ए॒वं वि॒द्वान॒ग्निमु॑प॒तिष्ठ॑ते ।
Sentence: 3 अह॑र्दे॒वाना॒मासी॒द्रात्रि॒रसु॑राणां॒ ते ऽसु॑रा॒ यद्दे॒वानां॑ वि॒त्तं वेद्य॒मासी॒त्तेन॑ स॒ह ॥
Verse: 3
Sentence: 1 रात्रि॒म्प्रावि॑शन्
Sentence: 2 ते दे॒वा ही॒ना अ॑मन्यन्त
Sentence: 3 ते॑ ऽपश्यन् ।
Sentence: 4 आ॑ग्ने॒यी रात्रि॑राग्ने॒याः प॒शव॑ इ॒ममे॒वाग्निं स्त॑वाम॒ स न॑ स्तु॒तः प॒शून्पुन॑र्दास्य॒ती�
Sentence: 5 ते॒ ऽग्निम॑स्तुव॒न्त्स ए॑भ्य स्तु॒तो रात्रि॑या॒ अध्यह॑र॒भि प॒शून्निरा॑र्ज॒त्ते दे॒वाः प॒शून्वि॒त्त्वा कामां॑ अकुर्वत
Sentence: 6 य ए॒वं वि॒द्वान॒ग्निमु॑प॒तिष्ठ॑ते पशु॒मान्भ॑वति ॥
Verse: 4
Sentence: 1 आ॑दि॒त्यो वा अ॒स्माल्लो॒काद॒मुं लो॒कऐ॑त्
Sentence: 2 सो॒ ऽमुं लो॒कं ग॒त्वा पुन॑रि॒मं लो॒कम॒भ्य॑ध्याय॒त्स इ॒मं लो॒कमा॒गत्य॑ मृ॒त्योर॑बिभेन्मृ॒त्�त इव॒ ह्य॒यं लो॒कः
Sentence: 3 सो॑ ऽमन्यते ।
Sentence: 4 अ॒ममे॒वाग्निं स्त॑वानि॒ स मा॑ स्तु॒तः सु॑व॒र्गं लो॒कं ग॑मयिष्य॒तीति
Sentence: 5 सो॒ ऽग्निम॑स्तौ॒त्स ए॑नं स्तु॒तः सु॑व॒र्गं लो॒कम॑गमयत् ।
Sentence: 6 यः ॥
Verse: 5
Sentence: 1 ए॒वं वे॒द्वान॒ग्निमु॑प॒तिष्ठ॑ते सुव॒र्गमे॒व लो॒कमे॑ति॒ सर्व॒मायु॑रेति ।
Sentence: 2 अ॒भि वा ए॒षो॒ ऽग्नी आ रो॑हति॒ य ए॑नावुप॒तिष्ठ॑ते॒ यथा॒ खलु वै॒ श्रेया॑न॒भ्यारू॑ढः का॒मय॑ते॒ तथा॑ करोति
Sentence: 3 नक्त॒मुप॑ तिष्ठते॒ न प्रा॒तः सं हि नक्तं॑ व्र॒तानि॑ सृ॒ज्यन्ते॑ स॒ह श्रेयां॑श्च॒ पापी॑यां॒श्�॑ते॒ ज्योति॒र्वा अ॒ग्निस्तमो॒ रात्रि॒र्यत् ॥
Verse: 6
Sentence: 1 नक्त॑मुप॒तिष्ठ॑ते॒ ज्योतिषै॒व तम॑स्तरति ।
Sentence: 2 उ॑प॒स्थेयो॒ ऽग्नी३र्नोप॒स्थेया३^ नोप॒स्थेया३स्
Sentence: 3 इत्या॑हुर्मनु॒ष्या॒येन्न्वै॒ यो ऽह॑रहरा॒हृत्याथै॑नं॒ याच॑ति॒ स इन्न्वै॒ तमु॒पार्छ॑ति ।
Sentence: 4 अथ॒ को दे॒वानह॑रहर्याचिष्यति ।
Sentence: 5 इति॒ तस्मा॒न्नोप॒स्थेय॑स् ।
Sentence: 6 अथो॒ खल्वा॑हुरा॒शिषे वै॒ कं यज॑मानो यजते ।
Sentence: 7 इत्ये॒षा खलु वै ॥
Verse: 7
Sentence: 1 आहि॑ताग्नेरा॒शीर्यद॒ग्निमु॑प॒तिष्ठ॑ते॒ तस्मा॑दुप॒स्थेयः
Sentence: 2 प्र॒जाप॑तिः प॒शून॑सृजत॒ ते सृ॒ष्टा अ॑होरा॒त्रे प्रावि॑शन्
Sentence: 3 ताञ्छन्दो॑भि॒रन्व॑विन्द॒द्यच्छन्दो॑भिरुप॒तिष्ठ॑ते॒ स्वमे॒व तदन्वि॑छति
Sentence: 4 न तत्र॑ जा॒म्य॑स्ति ।
Sentence: 5 इत्या॑हु॒र्यो ऽह॑रहरुप॒तिष्ठ॑त॒ इति
Sentence: 6 यो वा अ॒ग्निम्प्र॒त्यङ्ङु॑प॒तिष्ठ॑ते॒ प्रत्ये॑नमोषति॒ यः परा॒ङ्विष्व॑ङ्प्र॒जया॑ प॒शुभि॑रे
Sentence: 7 कवा॑तिर्यङ्ङि॒वोप॑ तिष्ठेत नैनम्प्र॒त्योष॑ति॒ न विष्व॑ङ्प्र॒जया॑ प॒शुभि॑रेति ॥
Paragraph: 10
Verse: 1
Sentence: 1=a मम॒ नाम॑ प्रथ॒मं जा॑तवेदः पि॒ता मा॒ता च॑ दधतु॒र्यदग्रे॑ । तत्त्वम्बि॑भृहि॒ पुन॒रा मऐ॑तो॒स्तवा॒हं नाम॑ बिभराण्यग्ने ॥
Sentence: 2=b मम॒ नाम॒ तव॑ च जातवेदो॒ वास॑सी इव वि॒वसा॑नौ॒ ये चरा॑वः । आयु॑षे॒ त्वं जी॒वसे॑ व॒यं य॑थाय॒थं वि परि॑ दधावहै॒ पुन॒स्ते ॥
Sentence: 3=c नमो॒ ऽग्नये ऽप्र॑तिविद्धाय॒ नमो ऽना॑धृष्टाय॒ नमः॑ स॒म्राजे॑ । अषा॑ढः ॥
Verse: 2
Sentence: 1 अ॒ग्निर्बृ॒हद्व॑या विश्व॒जित्सह॑न्त्यः॒ श्रेष्ठो॑ गन्ध॒र्वः ॥
Sentence: 2=d त्वत्पि॑तारो अग्ने दे॒वास्त्वामा॑हुतय॒स्त्वद्वि॑वाचनाः । सम्मामायु॑षा॒ सं गौ॑प॒त्येन॒ सुहि॑ते मा धाः ॥
Sentence: 3=e अ॒यम॒ग्निः श्रेष्ठ॑तमो॒ ऽयम्भग॑वत्तमो॒ ऽयं स॑हस्र॒सात॑मः । अ॒स्मा अ॑स्तु सु॒वीर्य॑म् ॥
Sentence: 4=f मनो॒ ज्योति॑र्जुषता॒माज्यं॒ विछि॑न्नं य॒ज्ञं समि॒मं द॑धातु । या इ॒ष्टा उ॒षसो॑ नि॒म्रुच॑श्च॒ ताः सं द॑धामि ह॒विषा॑ घृ॒तेन॑ ॥
Sentence: 5=g पय॑स्वती॒रोष॑धयः ॥
Verse: 3
Sentence: 1 पय॑स्वद्वी॒रुधा॒म्पयः॑ । अ॒पाम्पय॑सो॒ यत्पय॒स्तेन॒ मामि॑न्द्र॒ सं सृ॑ज ॥
Sentence: 2=h अग्ने॑ व्रतपते व्र॒तं च॑रिष्यामि॒ तच्छ॑केयं॒ तन्मे॑ राध्यताम् ।
Sentence: 3=i अ॒ग्निं होता॑रमि॒ह तं हु॑वे दे॒वान्य॒ज्ञिया॑नि॒ह यान्हवा॑महे ॥ आ य॑न्तु दे॒वाः सु॑मन॒स्यमा॑ना वि॒यन्तु॑ दे॒वा ह॒विषो॑ मे अस्य
Sentence: 4=k कस्त्वा॑ युनक्ति॒ स त्वा॑ युनक्तु
Sentence: 5=l यानि॑ घ॒र्मे क॒पाला॑न्युपचि॒न्वन्ति॑ ॥
Verse: 4
Sentence: 1 वे॒धसः॑ । पू॒ष्णस्तान्यपि॑ व्र॒त इ॑न्द्रवा॒यू वि मु॑ञ्चताम् ॥
Sentence: 2=m अभि॑न्नो घ॒र्मो जी॒रदा॑नु॒र्यत॒ आत्त॒स्तद॑ग॒न्पुनः॑ । इ॒ध्मो वेदिः॑ परि॒धय॑श्श॒ सर्वे॑ य॒ज्ञस्यायु॒रनु॒ सं च॑रन्ति ॥
Sentence: 3=n त्रय॑स्त्रिंश॒त्तन्त॑वो॒ ये वि॑तत्नि॒रे य इ॒मं य॒ज्ञं स्व॒धया॒ दद॑न्ते॒ तेषां॑ छि॒न्नम्प्रतमि॒ स्वाहा॑ घ॒र्मो दे॒वां अप्ये॑तु ॥
Paragraph: 11
Verse: 1
Sentence: 1=a वै॑श्वान॒रो न॑ ऊ॒त्या प्र या॑तु परा॒ वतः॑ । अ॒ग्निरु॒क्थेन॒ वाह॑सा ॥
Sentence: 2=b ऋ॒तावा॑नं वैश्वान॒रमृ॒तस्य॒ ज्योति॑ष॒स्पति॑म् । अज॑स्रं घ॒र्ममी॑महे ॥
Sentence: 3=c वै॑श्वान॒रस्य॑ दं॒सना॑भ्यो बृ॒हदरि॑णा॒देकः॑ स्वप॒स्य॑या क॒विः । उ॒भा पि॒तरा॑ म॒हय॑न्नजायता॒ग्निर्द्यावा॑पृथि॒वी भूरि॑रेतसा ॥
Sentence: 4=d पृ॒ष्टो दि॒वि पृ॒ष्टो अ॒ग्निः पृ॑थि॒व्याम्पृ॒ष्टो विश्वा॒ ओष॑धी॒रा वि॑वेश । वै॑श्वान॒रः सह॑सा पृ॒ष्टो अ॒ग्निः स नो॒ दिवा॒ सः ॥
Verse: 2
Sentence: 1 रि॒षः पा॑तु॒ नक्त॑म् ।
Sentence: 2=e जा॒तो यद॑ग्ने॒ भुव॑ना॒ व्यख्यः॑ प॒शुं न गो॒पा इर्यः॒ परि॑ज्मा । वै॑श्वानर॒ ब्रह्म॑णे विन्द गा॒तुं यू॒यम्पा॑त स्व॒स्तिभिः॒ सदा॑ नः ॥
Sentence: 3=f त्वम॑ग्ने शो॒चिषा॒ शोशु॑चान॒ आ रोद॑सी अपृणा॒ जाय॑मानः । त्वम्दे॒वां अ॒भिश॑स्तेरमुञ्चो वैश्वानर जातवेदो महि॒त्वा ॥
Sentence: 4=g अ॒स्माक॑मग्ने म॒घव॑त्सु धार॒याना॑मि क्ष॒त्रम॒जरं॑ सु॒वीर्य॑म् । व॒यं ज॑येम श॒तिनं॑ सह॒सृणं वैश्वानर ॥
Verse: 3
Sentence: 1 वाज॑मग्ने॒ तवो॒ ऽतिभिः॑ ॥
Sentence: 2=h वै॑श्वान॒रस्य॑ सुमतौ स्याम॒ राजा॒ हिक॒म्भुव॑नानामभि॒श्रीः । इ॒तो जा॒तो वि॑श्वमि॒दं वि च॑ष्टे वैश्वान॒रो य॑तते॒ सूर्ये॑ण ॥
Sentence: 3=i अव॑ ते॒ हेडो॑ वरुण॒ नमो॑भि॒रव॑ य॒ज्ञेभि॑रीमहे ह॒विर्भिः॑ । क्षय॑न्न॒स्मभ्य॑मसुर प्रचेतो॒ राज॒न्नेनां॑सि सिश्रथः कृ॒तानि॑ ॥
Sentence: 4=k उदु॑त्त॒मं व॑रुण॒ पाश॑म॒स्मदवा॑ध॒मं वि म॑ध्य॒मं श्र॑थाय । अथा॑ व॒यमा॑दित्य ॥
Verse: 4
Sentence: 1 व्र॒ते तवाना॑गसो॒ अदि॑तये स्याम ॥
Sentence: 2=l द॑धि॒क्राव्णो॑ अकारिषं जि॒ष्णोरश्व॑स्य वा॒जिनः॑ । सु॑र॒भि नो॒ मुखा॑ कर॒त्प्र ण॒ आयूं॑षि तारिषत् ॥
Sentence: 3=m आ द॑धि॒क्राः शवा॑सा॒ पञ्च॑ कृ॒ष्टीः सूर्य॑ इव॒ ज्योति॑षा॒पस्त॑तान । स॑हस्र॒साः श॑त॒सा वा॒ज्यर्वा॑ पृ॒णक्तु॒ वध्वा॒ समि॒मा वचां॑सि ॥
Sentence: 4=n अ॒ग्निर्मू॒र्धा
Sentence: 5=o भुवः॑ ।
Sentence: 6=p मरु॑तो॒ यद्ध॑ वो दि॒वः सु॑म्ना॒यन्तो॒ हवा॒महे॑ । आ तू नः॑ ॥
Verse: 5
Sentence: 1 उप॑ गन्तन ॥
Sentence: 2=q या वः॑ शर्म शशमा॒नाय॒ सन्ति॑ त्रि॒धातू॑नि दा॒शुषे॑ यछ॒ताधि॑ । अ॒स्मभ्यं॒ तानि॑ मरुतो॒ वि य॑न्त र॒यिं नो॑ धत्त वृषणः सु॒वीर॑म्
Sentence: 3=r अदि॑तिर्न उरुष्य॒त्वदि॑तिः॒ शर्म॑ यछतु । अदि॑तिः पा॒त्वंह॑सः ॥
Sentence: 4=s म॒हीमू॒ षु मा॒तरं॑ सुव्र॒ताना॑मृ॒तस्य॒ पत्नी॒मव॑से हुवेम । तु॑विक्ष॒त्राम॒जर॑न्तीमुरू॒चीं सु॒शर्मा॑ण॒मदि॑तिं सु॒प्रणी॑तिम् ॥
Sentence: 5=t सु॒त्रामा॑णम्पृथि॒वीं द्याम॑ने॒हसं॑ सु॒शर्मा॑ण॒मदि॑तिं सु॒प्रणी॑तिम् । दै॑वीं॒ नावं॑ स्वरि॒त्रामना॑गस॒मस्र॑वन्ती॒मा रु॑हेमा स्व॒स्तये॑ ॥
Sentence: 6=u इ॒मां सु नाव॒मारु॑हं श॒तारि॒त्रां श॒तस्प्या॑म् । अछि॑द्राम्पारयि॒ष्णुम् ॥
Chapter: 6
Paragraph: 1
Verse: 1
Sentence: 1=a सं त्वा॑ सिञ्चामि॒ यजु॑षा प्र॒जामायु॒र्धनं॑ च । बृह॒स्पति॑प्रसूतो॒ यज॑मान इ॒ह मा रि॑षत् ॥
Sentence: 2=b आज्य॑मसि स॒त्यम॑सि स॒त्यस्याध्य॑क्षमसि ह॒विर॑सि वैश्वान॒रं वै॑श्वदे॒वमुत्पू॑तशुष्मं सत्यौजाः॒ सहो॑ ऽसि॒ सह॑मानमसि॒ सह॒स्वारा॑तीः॒ सह॑स्वारातीय॒तः सह॑स्व॒ पृत॑नाः॒ सह॑स्व पृतन्य॒तः स॒हस्र॑वीर्यमसि॒ तन्मा॑ जि॒न्वाज्य॒स्याज्य॑मसि स॒त्यस्य॑ स॒त्यम॑सि स॒त्यायुः॑ ॥
Verse: 2
Sentence: 1 अ॑सि स॒त्यशु॑ष्ममसि स॒त्येन॑ त्वा॒भि घा॑रयामि॒ तस्य॑ ते भक्षीय
Sentence: 2=c पञ्चा॒नां त्वा॒ वाता॑नां य॒न्त्राय॑ ध॒र्त्राय॑ गृह्णामि
Sentence: 3=d पञ्चा॒नां त्व॑र्तू॒नां य॒न्त्राय॑ ध॒र्त्राय॑ गृह्णामि
Sentence: 4=e पञ्चा॒नां त्वा॑ दि॒शां य॒न्त्राय॑ ध॒र्त्राय॑ गृह्णामि
Sentence: 5=f पञ्चा॒नां त्वा॑ पञ्चज॒नानां॑ य॒न्त्राय॑ ध॒र्त्राय॑ गृह्णामि
Sentence: 6=g च॒रोस्त्वा॒ पञ्च॑बिलस्य य॒न्त्राय॑ ध॒र्त्राय॑ गृह्णामि
Sentence: 7=h ब्रह्म॑णस्त्वा॒ तेज॑से य॒न्त्राय॑ ध॒र्त्राय॑ गृह्णामि
Sentence: 8=i क्ष॒त्रस्य त्वौजसे य॒न्त्राय॑ ॥
Verse: 3
Sentence: 1 ध॒र्त्राय॑ गृह्णामि
Sentence: 2=k विशे त्वा य॒न्त्राय॑ ध॒र्त्राय॑ गृह्णामि
Sentence: 3=l सु॒वीर्या॑य त्वा गृह्णामि
Sentence: 4=m सुप्रजा॒स्त्वाय॑ त्वा गृह्णामि
Sentence: 5=n रा॒यस्पोषा॑य त्वा गृह्णामि
Sentence: 6=o ब्रह्मवर्च॒साय॑ त्वा गृह्णामि
Sentence: 7=p भूर॒स्माकं॑ ह॒विर्दे॒वाना॑मा॒शिषो॒ यज॑मानस्य दे॒वानां॑ त्वा दे॒वता॑भ्यो गृह्णामि
Sentence: 8=q कामा॑य त्वा गृह्णामि ॥
Paragraph: 2
Verse: 1
Sentence: 1=a ध्रु॒वो॑ ऽसि ध्रु॒वो॒ ऽहं स॑जा॒तेषु॑ भूयासं॒ धीर॒श्चेत्ता॑ वसु॒विद् ।
Sentence: 2=b उ॒ग्रो॑ ऽस्यु॒ग्रो॒ ऽहं स॑जा॒तेषु॑ भूयासमु॒ग्रश्चेत्ता॑ वसु॒विद् ।
Sentence: 3=c अ॑भि॒भूर॑स्यभि॒भूर॒हं स॑जा॒तेषु॑ भूयासमभि॒भूश्चेत्ता॑ वसु॒विद् ।
Sentence: 4=d यु॒नज्मि॑ त्वा॒ ब्रह्म॑णा दैव्येन ह॒व्यायास्मै॒ वोढ॒वे जा॑तवेदः । इन्धा॑नास्त्वा सुप्र॒जसः॑ सु॒वीरा॒ ज्योग्जी॑वेम बलि॒हृतो॑ व॒यं ते॑ ॥
Sentence: 5=e यन्मे॑ अग्ने अ॒स्य य॒ज्ञस्य॒ रिष्या॑त् ॥
Verse: 2
Sentence: 1 यद्वा॒ स्कन्दा॒दाज्य॑स्यो॒त वि॑ष्णो । तेन॑ हन्मि स॒पत्न॑म्दुर्म॒रायुऐ॑नं दधामि॒ निरृ॑त्या उ॒पस्थे॑ ॥
Sentence: 2=f भूर्भुवः॒ सुव॑र्
Sentence: 3=g उच्छु॑ष्मो अग्ने॒ यज॑मानायैधि॒ निशु॑ष्मो अभि॒दास॑ते
Sentence: 4=h अग्ने॑ देवेद्ध मन्विद्ध॒ मन्द्र॑जि॒ह्वाम॑र्त्यस्य ते होतर्मू॒र्धन्ना जि॑घर्मि रा॒यस्पोषा॑य सुप्रजा॒स्त्वाय॑ सु॒वीर्या॑य
Sentence: 5=i मनो॑ ऽसि प्राजाप॒त्यम्मन॑सा मा भू॒तेनावि॑श
Sentence: 6=k वाग॑स्ऐ॒न्द्री स॑पत्न॒क्षय॑णी ॥
Verse: 3
Sentence: 1 वा॒चा मे॒न्द्रिये॒णावि॑श
Sentence: 2=l वस॒न्तमृ॑तू॒नाम्प्री॑णामि॒ स मा॑ प्री॒तः प्री॑णातु
Sentence: 3=m ग्री॒ष्ममृ॑तू॒नाम्प्री॑णामि॒ स मा॑ प्री॒तः प्री॑णातु
Sentence: 4=n व॒र्षा ऋ॑तू॒नाम्प्री॑णामि॒ ता मा॑ प्री॒ताः प्री॑णन्तु
Sentence: 5=o श॒रद॑मृतू॒नाम्प्री॑णामि॒ सा मा॑ प्री॒ता प्री॑णातु
Sentence: 6=p हेमन्तशिशि॒रावृ॑तू॒नाम्प्री॑णामि तौ मा प्रीतौ प्रीणीताम्
Sentence: 7=q अ॒ग्नीषोम॑योर॒हं दे॑वय॒ज्यया॒ चक्षु॑ष्मान्भूयासम्
Sentence: 8=r अ॒ग्नेर॒हं दे॑वय॒ज्यया॑न्ना॒दो भू॑यासम् ॥
Verse: 4
Sentence: 1=s दब्धि॑र॒स्यद॑ब्धो भूयासम॒मुं द॑भेयम्
Sentence: 2=t अ॒ग्नीषोम॑योर॒हं दे॑वय॒ज्यया॑ वृत्र॒हा भू॑यासम्
Sentence: 3=u इन्द्राग्नि॒योर॒हं दे॑वय॒ज्यये॑न्द्रिया॒व्य॑न्ना॒दो भू॑यासम्
Sentence: 4=v इन्द्र॑स्या॒हं दे॑वय॒ज्यये॑न्द्रिया॒वी भू॑यासम्
Sentence: 5=w महे॒न्द्रस्या॒हं दे॑वय॒ज्यया॑ जे॒मान॑म्महि॒मानं॑ गमेयम्
Sentence: 6=x अ॒ग्नेः स्वि॑ष्ट॒कृतो॒ ऽहं दे॑वय॒ज्ययायु॑ष्मान्य॒ज्ञेन॑ प्रति॒ष्ठां ग॑मेयम् ॥
Paragraph: 3
Verse: 1
Sentence: 1=a अ॒ग्निर्मा॒ दुरि॑ष्टात्पातु सवि॒ताघशं॑सात् ।
Sentence: 2=b यो मे ऽन्ति॑ दू॒रे ऽरा॑ती॒यति॒ तमे॒तेन॑ जेषम् ।
Sentence: 3=c सुरू॑पवर्षवर्ण॒ एही॒मान्भ॒द्रान्दुर्यां॑ अ॒भ्येहि॒ मामनु॑व्रता
Sentence: 4=d न्यु॑ शी॒र्षाणि॑ मृढ्वम्
Sentence: 5=e इड॒ एह्यदि॑त॒ एह्य्सर॑स्व॒त्येहि
Sentence: 6=f रन्ति॑रसि॒ रम॑तिरसि सू॒नर्य॑सि
Sentence: 7=g जुष्टे॒ जुष्टिं॑ ते ऽशी॒योप॑हूत उपह॒वं ॥
Verse: 2
Sentence: 1 ते॑ ऽशीय
Sentence: 2=h सा मे॑ स॒त्याशीर॒स्य य॒ज्ञस्य॑ भूयात् ।
Sentence: 3=i अरे॑डता॒ मन॑सा॒ तच्छ॑केयम् ।
Sentence: 4=k य॒ज्ञो दिवं॑ रोहतु य॒ज्ञो दिवं॑ गछतु
Sentence: 5=l यो दे॑व॒यानः॒ पन्था॒स्तेन॑ य॒ज्ञो दे॒वां अप्ये॑तु ।
Sentence: 6=m अ॒स्मास्विन्द्र॑ इन्द्रि॒यं द॑धात्व॒स्मान्राय॑ उ॒त य॒ज्ञाः स॑चन्ताम॒स्मासु॑ सन्त्वा॒शिषः॒ सा नः॑ प्रि॒या सु॒प्रतू॑र्तिर्म॒घोनी
Sentence: 7=n जुष्टि॑रसि जु॒षस्व॑ नो॒ जुष्टा॑ नः ॥
Verse: 3
Sentence: 1 अ॑सि॒ जुष्टिं॑ ते गमेयम्
Sentence: 2=o मनो॒ ज्योति॑र्जुषता॒माज्यं॒ विछि॑न्नं य॒ज्ञं समि॒मं द॑धातु । बृह॒स्पति॑स्तनुतामि॒मं नो॒ विश्वे॑ दे॒वा इ॒ह मा॑दयन्ताम् ॥
Sentence: 3=p ब्रध॒न्पिन्व॑स्व
Sentence: 4=q दद॑तो मे॒ मा क्षा॑यि कुर्व॒तो मे॒ मोप॑ दसत्
Sentence: 5=r प्र॒जाप॑तेर्भा॒गो॒ ऽस्यूर्ज॑स्वा॒न्पय॑स्वान्
Sentence: 6=s प्राणापानौ मे पाहि समानव्यानौ मे पाह्युदानव्यानौ मे पाहि ।
Sentence: 7=t अक्षि॑तो॒ ऽस्यक्षि॑त्यै त्वा॒ मा मे॑ क्षेष्ठा अ॒मुत्रा॒ ऽमुष्मिँ॑ लो॒के ॥
Paragraph: 4
Verse: 1
Sentence: 1=a ब॒र्हिषो॒ ऽहं दे॑वय॒ज्यया॑ प्र॒जावा॑न्भूयासम् ।
Sentence: 2=b नरा॒शंस॑स्या॒हं दे॑वय॒ज्यया॑ पशु॒मान्भू॑यासम्
Sentence: 3=c अ॒ग्नेः स्वि॑ष्ट॒कृतो॒ ऽहं दे॑वय॒ज्यया॑युष्मान्य॒ज्ञेन॑ प्रति॒ष्ठां ग॑मेयम्
Sentence: 4=d अ॒ग्नेर॒हमुज्जि॑ति॒मनूज्जे॑षम् ।
Sentence: 5=e सोम॑स्या॒हमुज्जि॑ति॒मनूज्जे॑षम्
Sentence: 6=f अ॒ग्नेर॒हमुज्जि॑ति॒मनूज्जे॑षम्
Sentence: 7=g अ॒ग्नीषोम॑योर॒हमुज्जि॑ति॒मनूज्जे॑षम्
Sentence: 8=h इन्द्राग्नि॒योर॒हमुज्जि॑ति॒मनूज्जे॑षम्
Sentence: 9=i इन्द्र॑स्या॒हम् ॥
Verse: 2
Sentence: 1 उज्जि॑ति॒मनूज्जे॑षम्
Sentence: 2=k महे॒न्द्रस्या॒हमुज्जि॑ति॒मनूज्जे॑षम्
Sentence: 3=l अ॒ग्नेः स्वि॑ष्ट॒कृतो॒ ऽहमुज्जि॑ति॒मनूज्जे॑षम्
Sentence: 4=m वा॒जस्य॑ मा प्रस॒वेनो॑द्ग्रा॒भेणोद॑ग्रभीत् । अथा॑ स॒पत्नां॒ इन्द्रो॑ मे निग्रा॒भेणाध॑रां अकः ॥
Sentence: 5=n उ॑द्ग्रा॒भं च॑ निग्रा॒भं च॒ ब्रह्म॑ दे वाअवीवृधन् । अथा॑ स॒पत्ना॑निन्द्रा॒ग्नी मे॑ विषू॒चीना॒न्व्य॑स्यताम् ॥
Sentence: 6=o एमा अ॑ग्मन्ना॒शिषो॒ दोह॑कामा॒ इन्द्र॑वन्तः ॥
Verse: 3
Sentence: 1 व॑नामहे धुक्षी॒महि॑ प्र॒जामिष॑म् ॥
Sentence: 2=p रोहि॑तेन त्वा॒ग्निर्दे॒वतां॑ गमयतु॒ हरि॑भ्यां॒ त्वेन्द्रो॑ दे॒वतां॑ गमय॒त्वेत॑शेन त्वा सूर्यो दे॒वतां॑ गमयतु
Sentence: 3=q वि ते॑ मुञ्चामि रश॒ना वि र॒श्मीन्वि योक्त्रा॒ यानि॑ परि॒चर्त॑नानि ध॒त्ताद॒स्मासु॒ द्रवि॑णं॒ यच्च॒ भद्र॒म्प्र णो॑ ब्रूताद्भाग॒धान्दे॑वतासु
Sentence: 4=r विष्णोः॑ श॒म्योर॒हं दे॑वय॒ज्यया॑ य॒ज्ञेन॑ प्रति॒ष्ठां ग॑मेयम् ।
Sentence: 5=s सोम॑स्या॒हं दे॑वय॒ज्यया॑ ॥
Verse: 4
Sentence: 1 सु॒रेता॒ रेतो॑ धिषीय
Sentence: 2=t त्वष्टु॑र॒हं दे॑वय॒ज्यया॑ पशू॒नां रू॒पम्पु॑षेयम् ।
Sentence: 3=u दे॒वाना॒म्पत्नी॑र॒ग्निर्गृ॒हप॑तिर्य॒ज्ञस्य॑ मिथु॒नं तयो॑र॒हं दे॑वय॒ज्यया॑ मिथु॒नेन॒ प्र भू॑यासम् ।
Sentence: 4=v वे॒दो॑ ऽसि॒ वित्ति॑रसि वि॒देय
Sentence: 5=w कर्मा॑सि क॒रुण॑मसि क्रि॒यास॑म् ।
Sentence: 6=x स॒निर॑सि सनि॒तासि॑ स॒नेय॑म् ।
Sentence: 7=y घृ॒तव॑न्तं कुला॒यिनं॑ रा॒यस्पोषं॑ सह॒स्रिणं॑ वे॒दो द॑दातु वा॒जिन॑म् ॥
Paragraph: 5
Verse: 1
Sentence: 1=a आ प्या॑यतां ध्रु॒वा घृ॒तेन॑ य॒ज्ञंय॑ज्ञ॒म्प्रति॑ देव॒यद्भ्यः॑ । सू॒र्याया॒ ऊधो ऽदि॑त्या उ॒पस्थ॑ उ॒रुधा॑रा पृथि॒वी य॒ज्ञे अ॒स्मिन् ॥
Sentence: 2=b प्र॒जाप॑तेर्वि॒भान्नाम॑ लो॒कस्तस्मिं॑स्त्वा दधामि स॒ह यज॑मानेन
Sentence: 3=c सद॑सि॒ सन्मे॑ भूयाः॒ सर्व॑मसि॒ सर्व॑म्मे भूयाः पू॒र्णम॑सि पू॒र्णम्मे॑ भूया॒ अक्षि॑तमसि॒ मा मे॑ क्षेष्ठाः ।
Sentence: 4=d प्राच्यां॑ दि॒शि दे॒वा ऋ॒त्विजो॑ मार्जयन्तां॒ दक्षि॑णायाम् ॥
Verse: 2
Sentence: 1 दि॒शि मासाः॑ पि॒तरो॑ मार्जयन्ताम्प्र॒तीच्यां॑ दि॒शि गृ॒हाः प॒शवो॑ मार्जयन्ता॒मुदी॑च्यां॒ दिश्याप॒ ओष॑धयो॒ वन॒स्पत॑यो मार्जयन्तामू॒र्ध्वायां॑ दि॒शि य॒ज्ञः सं॑वत्स॒रो य॒ज्ञप॑तिर्मार्जयन्ताम् ।
Sentence: 2=e विष्णिः॒ क्रमो॑ ऽस्यभिमाति॒हा गा॑य॒त्रेण॒ छन्द॑सा पृथि॒वीमनु॒ वि क्र॑मे॒ निर्भ॑क्तः॒ स यं द्वि॒ष्मस् ।
Sentence: 3=f विष्णोः॒ क्रमो॑ ऽस्यभिशस्ति॒हा त्रै॑ष्टुभेन॒ छन्द॑सा॒न्तरि॑क्ष॒मनु॒ वि क्र॑मे॒ निर्भ॑क्तः॒ स यं द्वि॒ष्मस् ।
Sentence: 4=g विष्णोः॒ क्रमो॑ ऽस्यरातीय॒तो ह॒न्ता जाग॑तेन॒ छन्द॑सा॒ दिव॒मनु॒ वि क्र॑मे॒ निर्भ॑क्तः॒ स यं द्वि॒ष्मस् ।
Sentence: 5=h विष्णोः॒ क्रमो॑ ऽसि शत्रूय॒तो ह॒न्तानु॑ष्टुभेन॒ छन्द॑सा॒ दिशो ऽनु॒ वि क्र॑मे॒ निर्भ॑क्तः॒ स यं द्वि॒ष्मः ॥
Paragraph: 6
Verse: 1
Sentence: 1=a अग॑न्म॒ सुवः॒ सुव॑रगन्म
Sentence: 2=b सं॒दृश॑स्ते॒ मा छि॑त्सि॒ यत्ते॒ तप॒स्तस्मै॑ ते॒ मा वृ॑क्षि
Sentence: 3=c सु॒भूर॑सि॒ श्रेष्ठो॑ रश्मी॒नामा॑यु॒र्धा अ॒स्यायु॑र्मे धेहि वर्चो॒धा अ॑सि॒ वर्चो॒ मयि॑ धेहि ।
Sentence: 4=d इ॒दम॒हम॒मुम्भ्रातृ॑व्यमा॒भ्यो दि॒ग्भ्यो ऽस्यै दि॒वो॒ ऽस्माद॒न्तरि॑क्षादस्यै पृथि॒व्या अ॒स्माद॒न्नाद्या॒न्निर्भ॑जामि॒ निर्भ॑क्तः॒ स यं द्वि॒ष्मः ॥
Verse: 2
Sentence: 1=e सम्ज्योति॑षाभूवम्
Sentence: 2=f अै॒न्द्रीमा॒वृत॑म॒न्वाव॑र्ते
Sentence: 3=g सम॒हम्प्र॒जया॒ सम्मया॑ प्र॒जा
Sentence: 4=h सम॒हं रा॒यस्पोषे॑ण॒ सम्मया॑ रा॒यस्पोषः॑ ।
Sentence: 5=i समि॑द्धो अग्ने मे दीदिहि समे॒द्धा ते॑ अग्ने दीद्यासम् ।
Sentence: 6=k वसु॑मान्य॒ज्ञो वसी॑यान्भूयासम्
Sentence: 7=l अग्न॒ आयूं॑षि पवस॒ आ सु॒वोर्ज॒मिषं॑ च नः । आ॒रे बा॑धस्व दु॒छुना॑म् ॥
Sentence: 8=m अग्ने॒ पव॑स्व सु॒वपा॑ अ॒स्मे वर्चः॑ सु॒वीर्य॑म् ॥
Verse: 3
Sentence: 1 दध॒त्पोषं॑ र॒यिम्मयि॑ ॥
Sentence: 2=n अग्ने॑ गृहपते सुगृहप॒तिर॒हं त्वया॑ गृ॒हप॑तिना भूयासं सुगृहप॒तिर्मया॒ त्वं गृ॒हप॑तिना भूयाः श॒तं हिमा॒स्तामा॒शिष॒मा शा॑से॒ तन्त॑वे॒ ज्योति॑ष्मतीं॒ तामा॒शिष॒मा शा॑से॒ ऽमुष्मै॒ ज्योति॑ष्मतीम् ।
Sentence: 3=o कस्त्वा॑ युनक्ति॒ स त्वा॒ वि मु॑ञ्चत्व् ॥
Sentence: 4=p अग्ने॑ व्रतपते व्र॒तम॑चारिषं॒ तद॑शकं॒ तन्मे॑ ऽराधि
Sentence: 5=q य॒ज्ञो ब॑भूव॒ स आ ॥
Verse: 4
Sentence: 1 ब॑भूव॒ स प्र ज॑ज्ञे॒ स वा॑वृधे । स दे॒वाना॒मधि॑पतिर्बभूव॒ सो अ॒स्मां अधि॑पतीन्करोतु व॒यं स्या॑म॒ पत॑यो रयी॒णाम्
Sentence: 2=r गोमां॑ अ॒ग्ने ऽवि॑मां अ॒श्वी य॒ज्ञो नृ॒वत्स॑खा॒ सद॒मिद॑प्रमृ॒ष्यः । इडा॑वां ए॒षो अ॑सुर प्र॒जावा॑न्दी॒र्घो र॒यिः पृ॑थुबु॒ध्नः स॒भावा॑न् ॥
Paragraph: 7
Verse: 1
Sentence: 1 यथा वै समृतसो॒मा ए॒वं वा ए॒ते स॒मृत॑य॒ज्ञा यद्द॑र्शपूर्णमासौ
Sentence: 2 कस्य॒ वाह॑ दे॒वा य॒ज्ञमा॒गछ॑न्ति॒ कस्य॑ वा॒ न
Sentence: 3 ब॑हू॒नां यज॑मानानां॒ यो वै॑ दे॒वताः॒ पूर्वः॑ परिगृ॒ह्णाति॒ स ए॑नाः॒ श्वो भू॒ते य॑जते ।
Sentence: 4 ए॒तद्वै॑ दे॒वाना॑मा॒यत॑नं॒ यदा॑हव॒नीय॑स् ।
Sentence: 5 अ॑न्त॒राग्नी प॑शू॒नाम् ।
Sentence: 6 गार्ह॑पत्यो मनु॒ष्या॑णाम्
Sentence: 7 अन्वाहार्य॒पच॑नः पि॒तृणाम्
Sentence: 8 अ॒ग्निं गृ॑ह्णाति
Sentence: 9 स्व ए॒वायत॑ने दे॒वताः॒ परि॑ ॥
Verse: 2
Sentence: 1 गृ॑ह्णाति
Sentence: 2 ताः श्वो भू॒ते य॑जते
Sentence: 3 व्र॒तेन वै॒ मेध्यो॒ ऽग्निर्व्र॒तप॑तिस् ।
Sentence: 4 ब्रा॑ह्म॒णो व्र॑त॒भृत् ।
Sentence: 5 व्र॒तमु॑पै॒ष्यन्ब्रू॑यात् ।
Sentence: 6 अग्ने॑ व्रतपते व्र॒तं च॑रिष्या॒मीति॑ ।
Sentence: 7 अ॒ग्निर्वै॑ दे॒वानां॑ व्र॒तप॑तिस्
Sentence: 8 तस्मा॑ ए॒व प्र॑ति॒प्रोच्य॑ व्र॒तमा ल॑भते
Sentence: 9 ब॒र्हिषा॑ पू॒र्णमा॑से व्र॒तमुपै॑ति वत्सैरमावा॒स्या॑याम्
Sentence: 10 ए॒तद्ध्ये॒तयो॑रा॒यत॑नम्
Sentence: 11 उप॒स्तीर्यः॒ पूर्व॑श्चा॒ग्निरप॑र॒श्चेत्या॑हुस् ।
Sentence: 12 म॑नु॒ष्याः॑ ॥
Verse: 3
Sentence: 1 इन्न्वा उप॑स्तीर्णमि॒छन्ति॒ किमु॑ दे॒वा येषां॒ नवा॑वसानम्
Sentence: 2 उपा॑स्मि॒ञ्छ्वो य॒क्ष्यमा॑णे दे॒वता॑ वसन्ति॒ य ए॒वं वि॒द्वान॒ग्निमु॑पस्तृ॒णाति
Sentence: 3 यज॑मानेन ग्रा॒म्याश्च॑ प॒शवो॑ ऽव॒रुध्या॑ आर॒ण्याश्चेत्या॑हुस् ।
Sentence: 4 यद्गृ॒म्यानु॑प॒वस॑ति॒ तेन॑ ग्रा॒म्यानव॑ रुन्द्धे
Sentence: 5 यदा॑र॒ण्यस्या॒श्नाति॒ तेना॑र॒ण्यान्
Sentence: 6 यदना॑श्वानुप॒वसे॑त्पितृदेव॒त्यः॑ स्यात् ।
Sentence: 7 आ॑र॒ण्यस्या॑श्नाति ।
Sentence: 8 इ॑न्द्रि॒यम् ॥
Verse: 4
Sentence: 1 वा आ॑र॒ण्यम्
Sentence: 2 इन्द्रि॒यमे॒वात्मन्ध॑त्ते
Sentence: 3 यदना॑श्वानुप॒वसे॒त्क्षोधु॑कः॒ स्यात् ।
Sentence: 4 यद॑श्नी॒याद्रु॒द्रो॑ ऽस्य प॒शून॒भि म॑न्येत ।
Sentence: 5 अ॒पो॑ ऽश्नाति
Sentence: 6 तन्नेवा॑शि॒तं नेवान॑शितम् ।
Sentence: 7 न क्षोधु॑को भवति
Sentence: 8 नास्य॑ रु॒द्रः प॒शून॒भि म॑न्यते
Sentence: 9 वज्रो वै य॒ज्ञः
Sentence: 10 क्षुत्खलु वै मनु॒ष्य॑स्य॒ भ्रातृ॑व्यस् ।
Sentence: 11 यदना॑श्वानुप॒वस॑ति
Sentence: 12 वज्रे॑णै॒व सा॒क्षात्क्षुध॒म्भ्रातृ॑व्यं हन्ति ॥
Paragraph: 8
Verse: 1
Sentence: 1 यो वै॑ श्र॒द्धामना॑रभ्य य॒ज्ञेन॒ यज॑ते॒ नास्ये॒ष्टाय॒ श्रद्द॑धते ।
Sentence: 2 अ॒पः प्र ण॑यति श्र॒द्धा वा आपः॑ श्र॒द्धामे॒वारभ्य॑ य॒ज्ञेन॑ यजत उ॒भये॑ ऽस्य देवमनु॒ष्या इ॒ष्टाय॒ श्रद्द॑धते॒ तदा॑हु॒रति॒ वा ए॒ता वर्त्रं॑ नेद॒न्त्यति॒ वाचं॒ मनो॒ वावै॒ता नाति॑ नेद॒न्तीति
Sentence: 3 मन॑सा॒ प्र ण॑यती॒यं वै॒ मनः॑ ॥
Verse: 2
Sentence: 1 अ॒नयैवैनाः॒ प्र ण॑य॒त्यस्क॑न्नहविर्भवति॒ य ए॒वं वेद
Sentence: 2 यज्ञायु॒धानि॒ सम्भ॑वति य॒ज्ञो वै॑ यज्ञायु॒धानि॑ य॒ज्ञमे॒व तत्सम्{F भरति{W भर॒ति{GOLS भ॑रति
Sentence: 3 यदेक॑मेकं स॒म्भरे॑त्पितृदेव॒त्या॑नि स्यु॒र्यत्स॒ह सर्वा॑णि मानु॒षाणि
Sentence: 4 द्वेद्वे॒ सम्भ॑रति याज्यानुवा॒क्य॑योरे॒व रू॒पं क॑रो॒त्यथो॑ मिथु॒नमे॒व
Sentence: 5 यो वै॒ दश॑ य॒ज्ञायु॒धानि॒ वेद॑ मुख॒तो॑ ऽस्य य॒ज्ञः क॑ल्पते
Sentence: 6 स्प्यः ॥
Verse: 3
Sentence: 1 च॑ क॒पाला॑नि चाग्निहोत्र॒हव॑णी॒ शूर्पं॑ च कृष्णाजि॒नं च॒ शम्या॑ चो॒लूख॑लं च॒ मुस॑लं च दृ॒षच्चोप॑ला चै॒तानि वै॒ दश॑ यज्ञायु॒धानि॒ य ए॒वं वेद॑ मुख॒तो॑ ऽस्य य॒ज्ञः क॑ल्पते
Sentence: 2 यो वै॑ दे॒वेभ्यः॑ प्रति॒प्रोच्य॑ य॒ज्ञेन॒ यज॑ते जु॒षन्ते॑ ऽस्य दे॒वा ह॒व्यम्
Sentence: 3 ह॒विर्नि॑रु॒प्यमा॑णम॒भि म॑न्त्रयेता॒ग्निं होता॑रमि॒ह तं हु॑व॒ इति॑ ॥
Verse: 4
Sentence: 1 दे॒वेभ्य॑ ए॒व प्र॑ति॒प्रोच्य॑ य॒ज्ञेन॑ यजते जु॒षन्ते॑ ऽस्य दे॒वा ह॒व्यम्
Sentence: 2 ए॒ष वै॑ य॒ज्ञस्य॒ ग्रहो॑ गृहीत्वै॒व य॒ज्ञेन॑ यजते
Sentence: 3 तदु॑दि॒त्वा वाचं॑ यछति य॒ज्ञस्य॒ धृत्यै॑ ।
Sentence: 4 अथो॒ मन॑सा वै प्र॒जाप॑तिर्य॒ज्ञम॑तनुत॒ मन॑सै॒व तद्य॒ज्ञं त॑नुते॒ रक्ष॑सा॒मन॑न्ववचाराय
Sentence: 5 यो वै॑ य॒ज्ञं योग॒ आग॑ते यु॒नक्ति॑ यु॒ङ्क्ते यु॑ञ्जा॒नेषु
Sentence: 6 कस्त्वा॑ युनक्ति॒ स त्वा॑ युन॒क्त्वित्या॑ह प्र॒जाप॑तिर्वै॒ कः प्र॒जाप॑तिनैवैनं युनक्ति यु॒ङ्क्ते यु॑ञ्जा॒नेषु॑ ॥
Paragraph: 9
Verse: 1
Sentence: 1 प्र॒जाप॑तिर्य॒ज्ञान॑सृजताग्निहो॒त्रं चा॑ग्निष्टो॒मं च॑ पौर्णमा॒सीं चो॒क्थ्यं॑ चामावा॒स्यां॑ चातिरा॒त्रं च
Sentence: 2 तानुद॑मिमीत
Sentence: 3 याव॑दग्निहो॒त्रमासी॒त्तावा॑नग्निष्टो॒मो याव॑ती पौर्णमा॒सी तावा॑नु॒क्थ्यो॒ याव॑त्यमावा॒स्या॒ तावा॑नतिरा॒त्रस् ।
Sentence: 4 य ए॒वं वि॒द्वान॑ग्निहो॒त्रं जु॒होति॒ याव॑दग्निष्टो॒मेनो॑पा॒प्नोति॒ ताव॒दुपा॑प्नोति
Sentence: 5 य ए॒वं वि॒द्वान्पौ॑र्णमा॒सीं यज॑ते॒ याव॑दु॒क्थ्ये॑नोपा॒प्नोति॑ ॥
Verse: 2
Sentence: 1 ताव॒दुपा॑प्नोति
Sentence: 2 य ए॒वं वि॒द्वान॑मावा॒स्यां॒ यज॑ते॒ याव॑दतिरा॒त्रेणो॑पा॒प्नोति॒ ताव॒दुपा॑प्नोति
Sentence: 3 परमे॒ष्ठिनो॒ वा ए॒ष य॒ज्ञो ऽग्र॑ आसीत्
Sentence: 4 तेन॒ स प॑र॒मां काष्ठा॑मगछत्
Sentence: 5 तेन॑ प्र॒जाप॑तिं नि॒रवा॑साययत्
Sentence: 6 तेन॑ प्र॒जाप॑तिः पर॒मां काष्ठा॑मगछत्
Sentence: 7 तेनेन्द्रं॑ नि॒रवा॑साययत्
Sentence: 8 तेनेन्द्रः॑ पर॒मां काष्ठा॑मगछत्
Sentence: 9 तेना॒ग्नीषोमौ॑ नि॒रवा॑साययत्
Sentence: 10 तेना॒ग्नीषोमौ॑ पर॒मां काष्ठा॑मगछताम् ।
Sentence: 11 यः ॥
Verse: 3
Sentence: 1 ए॒वं वि॒द्वान्द॑र्शपूर्णमासौ॒ यज॑ते पर॒मामे॒व काष्ठां॑ गछति
Sentence: 2 यो वै॒ प्रजा॑तेन य॒ज्ञेन॒ यज॑ते॒ प्र प्र॒जया॑ प॒शुभि॑र्मिथुनैर्जायते
Sentence: 3 द्वाद॑श॒ मासाः॑ संवत्स॒रो द्वाद॑श द्वं॒द्वानि॑ दर्शपूर्णमा॒सयो॒स्तानि॑ स॒म्पाद्या॒नीत्या॑स् ।
Sentence: 4 व॒त्सं चो॑पावसृ॒जत्यु॒खां चाधि॑ श्रयति ।
Sentence: 5 अव॑ च॒ हन्ति॑ दृ॒षदौ॑ च स॒माह॑न्ति ।
Sentence: 6 अधि॑ च॒ वप॑ते क॒पाला॑नि॒ चोप॑ दधाति
Sentence: 7 पुरो॒डाशं॑ च ॥
Verse: 4
Sentence: 1 अ॑धि॒श्रय॒त्याज्यं॑ च
Sentence: 2 स्तम्बय॒जुश्च॒ हर॑त्य॒भि च॑ गृह्णाति
Sentence: 3 वेदिं॑ च॒ परि॑ गृ॒ह्णाति॑ प॒त्नीं च॒ सं न॑ह्यति
Sentence: 4 प्रोक्ष॒णीश्चा॑सा॒दय॒त्याज्यं॑ च ।
Sentence: 5 ए॒तानि वै॒ द्वाद॑श द्वं॒द्वानि॑ दर्शपूर्णमा॒सयो॑स्
Sentence: 6 तानि॒ य ए॒वं स॒म्पाद्य॒ यज॑ते॒ प्रजा॑तेनै॒व य॒ज्ञेन॑ यजते॒ प्र प्र॒जया॑ प॒शुभि॑र्मिथुनैर्जा�ते ॥
Paragraph: 10
Verse: 1
Sentence: 1 ध्रु॒वो॑ ऽसि ध्रु॒वो॒ ऽहं स॑जा॒तेषु॑ भूयास॒मित्या॑ह ध्रु॒वानेवैनान्कुरुते ।
Sentence: 2 उ॒ग्रो॑ ऽस्यु॒ग्रो॒ ऽहं स॑जा॒तेषु॑ भूयास॒मित्या॒हाप्र॑तिवादिन एवैनान्कुरुते ।
Sentence: 3 अ॑भि॒भूर॑स्यभि॒भूर॒हं स॑जा॒तेषु॑ भूयास॒मित्या॑ह॒ य एवैनम्प्रत्यु॒त्पिपी॑ते॒ तमुपा॑स्यते
Sentence: 4 यु॒नज्मि॑ त्वा॒ ब्रह्म॑णा दैव्ये॒नेत्या॑है॒ष वा अ॒ग्नेर्योग॒स्तेन॑ ॥
Verse: 2
Sentence: 1 एवैनं युनक्ति
Sentence: 2 य॒ज्ञस्य वै॒ समृ॑द्धेन दे॒वाः सु॑व॒र्गं लो॒कमा॑यन्य॒ज्ञस्य॒ व्यृ॑द्धे॒नासु॑रा॒न्परा॑ भावय॒न्यन्मे॑ अग्ने अ॒स्य य॒ज्ञस्य॒ रिष्या॒दित्या॑ह य॒ज्ञस्यै॒व तत्समृ॑द्धेन॒ यज॑मानः सुव॒र्गं लो॒कमे॑ति य॒ज्ञस्य॒ व्यृ॑द्धेन॒ भ्रातृ॑व्या॒न्परा॑ भावयति ।
Sentence: 3 अ॑ग्निहो॒त्रमे॒ताभि॒र्व्याहृ॑तीभि॒रुप॑ सादयेद्यज्ञमु॒खं वा अ॑ग्निहो॒त्रम्ब्रह्मै॒ता व्याहृ॑तयो यज्ञमु॒ख ए॒व ब्रह्म॑ ॥
Verse: 3
Sentence: 1 कु॑रुते संवत्स॒रे प॒र्याग॑त ए॒ताभि॑रे॒वोप॑ सादये॒द्ब्रह्म॑णै॒वोभ॒यतः॑ संवत्स॒रम्परि॑ गृह्णाति
Sentence: 2 दर्शपूर्णमासौ चातुर्मा॒स्यान्या॒लभ॑मान ए॒ताभि॒र्व्याहृ॑तीभिर्हवीं॒ष्या सा॑दयेद्यज्ञमु॒खं वै॑ दर्शपूर्णमासौ चातुर्मा॒स्यानि॒ ब्रह्मै॒ता व्याहृ॑तयो यज्ञमु॒ख ए॒व ब्रह्म॑ कुरुते संवत्स॒रे प॒र्याग॑त ए॒ताभि॑रे॒वा सा॑दये॒द्ब्रह्म॑णै॒वोभ॒यतः॑ संवत्स॒रम्परि॑ गृह्णाति
Sentence: 3 यद्वै॑ य॒ज्ञस्य॒ साम्ना॑ क्रि॒यते॑ रा॒ष्ट्रम् ॥
Verse: 4
Sentence: 1 य॒ज्ञस्या॒शीर्ग॑छति॒ यदृ॒चा विशं॑ य॒ज्ञस्याशीर्ग॑छ॒त्यथ॑ ब्राह्म॒णो॑ ऽना॒शीर्के॑ण य॒ज्ञेन॑ यजते सामिधे॒नीर॑नुव॒क्ष्यन्ने॒ता व्याहृ॑तीः पु॒रस्ता॑द्दध्या॒द्ब्रह्मै॒व प्र॑ति॒पदं॑ कुरुते॒ तथा॑ ब्राह्म॒णः साशी॑र्केण य॒ज्ञेन॑ यजते
Sentence: 2 यं का॒मये॑त॒ यज॑मान॒म्भ्रातृ॑व्यमस्य य॒ञस्या॒शीर्ग॑छे॒दिति॒ तस्यै॒ता व्याहृ॑तीः पुरोऽनुवा॑यां दध्याद्भ्रातृव्यदेव॒त्या वै पुरोऽनुवा॒क्या॒ भ्रातृ॑व्यमे॒वास्य॑ य॒ज्ञस्य॑ ॥
Verse: 5
Sentence: 1 आ॒शीर्ग॑छति
Sentence: 2 यान्का॒मये॑त॒ यज॑मानान्त्स॒माव॑त्येनान्य॒ज्ञस्या॒शीर्घ॑छे॒दिति॒ तेषा॑मे॒ता व्याहृ॑तीः पुरोऽनुवा॒क्या॑या अर्ध॒र्च एकां॑ दध्याद्या॒ज्या॑यै पु॒रस्ता॒देकां॑ या॒ज्या॑या अर्ध॒र्च एकां॒ तथै॑नान्त्स॒माव॑ती य॒ज्ञस्या॒शीर्ग॑छति
Sentence: 3 यथा वै प॒र्जन्यः॒ सुवृ॑ष्टं॒ वर्ष॑त्ये॒वं य॒ज्ञो यज॑मानस्य वर्षति॒ स्थल॑योद॒कम्प॑रिगृ॒ह्णन�षा॑ य॒ज्ञं यज॑मानः॒ परि॑ गृह्णाति
Sentence: 4 मनो॑ ऽसि प्राजाप॒त्यम् ॥
Verse: 6
Sentence: 1 मन॑सा मा भू॒तेना वि॒शेत्या॑ह॒ मनो वै प्राजाप॒त्यम्प्र॑जाप॒त्यो य॒ज्ञो मन॑ ए॒व य॒ज्ञमा॒त्मन्�
Sentence: 2 वाग॑स्ऐ॒न्द्री स॑पत्न॒क्षय॑णी वा॒चा मे॑न्द्रि॒येणा वि॒शेत्या॑है॒न्द्री वै॒ वाग्वाच॑मे॒वान॑त्ते ॥
Paragraph: 11
Verse: 1
Sentence: 1 यो वै॑ सप्तद॒शम्प्र॒जाप॑तिं य॒ज्ञम॒न्वाय॑त्तं॒ वेद॒ प्रति॑ य॒ज्ञेन॑ तिष्ठति॒ न य॒ज्ञाद्भ्रन्ते ।
Sentence: 2 आ श्रा॑व॒येति॒ चतु॑रक्षर॒मस्तु श्रौष॒डिति॒ चतु॑रक्षरं॒ यजेति॒ द्व्य॑क्षरं॒ ये यजा॑मह॒ इति॒ पञ्चा॑क्षरं द्व्यक्ष॒रो व॑षट्का॒रस् ।
Sentence: 3 ए॒ष वै॑ सप्तद॒शः प्र॒जाप॑तिर्य॒ज्ञम॒न्वाय॑त्तस् ।
Sentence: 4 य ए॒वं वेद॒ प्रति॑ य॒ज्ञेन॑ तिष्ठ॒त्न य॒ज्ञाद्भ्रं॑शते
Sentence: 5 यो वै॑ य॒ज्ञस्य॒ प्राय॑णम्प्रति॒ष्ठाम् ॥
Verse: 2
Sentence: 1 उ॒दय॑नं॒ वेद॒ प्रति॑ष्ठिते॒नारि॑ष्टेन य॒ज्ञेन॑ सं॒स्थां ग॑छति ।
Sentence: 2 आ श्रा॑व॒यास्तु श्रौष॒ड्यज॒ ये यजा॑महे वषट्का॒र ए॒तद्वै॑ य॒ज्ञस्य॒ प्राय॑णमे॒षा प्र॑तिष्ठै॒म् ।
Sentence: 3 य ए॒वं वेद॒ प्रति॑ष्ठिते॒नारि॑ष्टेन य॒ज्ञेन॑ सं॒स्थां ग॑छति
Sentence: 4 यो वै॑ सू॒नृता॑यै॒ दोहं॒ वेद॑ दु॒ह एवैनाम् ।
Sentence: 5 य॒ज्ञो वै॑ सूनृ॒ता ।
Sentence: 6 आ श्रा॑व॒येत्ऐवैनामह्वत् ।
Sentence: 7 अस्तु॑ ॥
Verse: 3
Sentence: 1 श्रौ॑ष॒डित्य्ु॒पावा॑स्राग्^ु॒पावा॑स्राज्
Sentence: 2 यजे॒त्युद॑नैषीत् ।
Sentence: 3 ये यजा॑मह॒ इत्युपा॑सदत् ।
Sentence: 4 व॑षट्का॒रेण॑ दद्घि ।
Sentence: 5 ए॒ष वै॑ सू॒नृता॑यै॒ दोह॑स् ।
Sentence: 6 य ए॒वं वेद॑ दु॒ह एवैनाम् ।
Sentence: 7 दे॒वा वै॑ स॒त्त्रमा॑सत
Sentence: 8 तेषां॒ दिशो॑ ऽदस्यन्
Sentence: 9 त ए॒तामा॒र्द्राम्प॒ङ्क्तिम॑पश्य॒न्ना श्रा॑व॒येति॑ पुरोवा॒तम॑जनय॒न्नस्तु श्रौषा॒दित्य॒भ्रं सम॑प्लावय॒न्यजेति॑ वि॒द्युत॑म् ॥
Verse: 4
Sentence: 1 अ॑जनय॒न्ये यजा॑मह॒ इति॒ प्राव॑र्षयन॒भ्य॑स्तनयन्वषट्का॒रेण
Sentence: 2 ततो वै॒ तेभ्यो॒ दिशः॒ प्राप्या॑यन्त
Sentence: 3 य ए॒वं वेद॒ प्रास्मै॒ दिशः॑ प्यायन्ते
Sentence: 4 प्र॒जाप॑तिं त्वो॒ वेद॑ प्र॒जाप॑तिस्त्वं वेद
Sentence: 5 यम्प्र॒जाप॑ति॒र्वेद॒ स पुण्यो॑ भवति ।
Sentence: 6 ए॒ष वै॑ छन्द॒स्यः॑ प्र॒जाप॑ति॒रा श्रा॑व॒यास्तु श्रौष॒ड्यज॒ ये यजा॑महे वषट्का॒रस् ।
Sentence: 7 य ए॒वं वेद॒ पुण्यो॑ भवति
Sentence: 8 वस॒न्तम् ॥
Verse: 5
Sentence: 1 ऋ॑तू॒नाम्प्री॑णा॒मीत्या॑ह ।
Sentence: 2 ऋ॒तवो वै प्रया॒जास् ।
Sentence: 3 ऋ॒तूने॒व प्री॑णाति
Sentence: 4 ते॑ ऽस्मै प्री॒ता य॑थापू॒र्वं क॑ल्पन्ते
Sentence: 5 कल्प॑न्ते ऽस्मा ऋ॒तवो॒ य ए॒वं वेद॑ ।
Sentence: 6 अ॒ग्नीषोम॑योर॒हं दे॑वय॒ज्यया॒ चक्षु॑ष्मान्भूयास॒मित्या॑ह ।
Sentence: 7 अ॒ग्नीषोमा॑भ्यां वै य॒ज्ञश्चक्षु॑ष्मान्
Sentence: 8 ताभ्या॑मे॒व चक्षु॑रा॒त्मन्ध॑त्ते ।
Sentence: 9 अ॒ग्नेर॒हं दे॑वय॒ज्यया॑न्ना॒दो भू॑यास॒मित्या॑ह ।
Sentence: 10 अ॒ग्निर्वै॑ दे॒वाना॑मन्ना॒दस्
Sentence: 11 तेनै॒व ॥
Verse: 6
Sentence: 1 अ॒न्नाद्य॑मा॒त्मन्ध॑त्ते
Sentence: 2 दब्धि॑र॒स्यद॑ब्धो भूयासम॒मुं द॑भेय॒मित्या॑ह ।
Sentence: 3 ए॒तया वै॒ दभ्या॑ दे॒वा असु॑रानदभ्नुवन्
Sentence: 4 तयै॒व भ्रातृ॑व्यं दभ्नोति ।
Sentence: 5 अ॒ग्नीषोम॑योर॒हं दे॑वय॒ज्यया॑ वृत्र॒हा भू॑यास॒मित्या॑ह ।
Sentence: 6 अ॒ग्नीषोमा॑भ्यां॒ वा इन्द्रो॑ वृ॒त्रम॑हन्
Sentence: 7 ताभ्या॑मे॒व भ्रातृ॑व्यं स्तृणुते ।
Sentence: 8 इ॑न्द्राग्नि॒योर॒हं दे॑वय॒ज्यये॑न्द्रिया॒व्य॑न्ना॒दो भू॑यास॒मित्या॑ह ।
Sentence: 9 इ॑न्द्रिया॒व्ये॒वान्ना॒दो भ॑वति ।
Sentence: 10 इन्द्र॑स्य ॥
Verse: 7
Sentence: 1 अ॒हं दे॑वय॒ज्यये॑न्द्रिया॒वी भू॑यास॒मित्या॑ह ।
Sentence: 2 इ॑न्द्रिया॒व्ये॒व भ॑वति
Sentence: 3 महे॒न्द्रस्या॒हं दे॑वय॒ज्यया॑ जे॒मान॑म्महि॒मानं॑ गमेय॒मित्या॑ह
Sentence: 4 जे॒मान॑मे॒व म॑हि॒मानं॑ गछति ।
Sentence: 5 अ॒ग्नेः स्वि॑ष्ट॒कृतो॒ ऽहं दे॑वय॒ज्ययायु॑ष्मान्य॒ज्ञेन॑ प्रति॒ष्ठां ग॑मेय॒मित्या॑ह ।
Sentence: 6 आयु॑रे॒वात्मन्ध॑त्ते॒ प्रति॑ य॒ज्ञेन॑ तिष्ठति ॥
Paragraph: 12
Verse: 1
Sentence: 1=a इन्द्रं॑ वो वि॒श्वत॒स्परि॒ हवा॑महे॒ जने॑भ्यः । अ॒स्माक॑मस्तु॒ केव॑लः ॥
Sentence: 2=b इन्द्रं॒ नरो॑ ने॒मधि॑ता हवन्ते॒ यत्पार्या॑ यु॒नज॑ते॒ धिय॒स्ताः । शूरो॒ नृषा॑ता॒ शव॑सश्चका॒न आ गोम॑ति व्र॒जे भ॑जा॒ त्वं नः॑ ॥
Sentence: 3=c इ॑न्द्रि॒याणि॑ शतक्रतो॒ या ते॒ जने॑षु प॒ञ्चसु॑ । इन्द्र॒ तानि॑ त॒ आ वृ॑णे ॥
Sentence: 4=d अनु॑ ते दायि म॒ह इ॑न्द्रि॒याय॑ स॒त्रा ते॒ विश्व॒मनु॑ वृत्र॒हत्ये॑ । अनु॑ ॥
Verse: 2
Sentence: 1 क्ष॒त्रमनु॒ सहो॑ यज॒त्रेन्द्र॑ दे॒वेभि॒रनु॑ ते नृ॒षह्ये॑ ॥
Sentence: 2=e आ यस्मि॑न्त्स॒प्त वा॑स॒वास्तिष्ठ॑न्ति स्वा॒रुहो॑ यथा । ऋषि॑र्ह दीर्घ॒श्रुत्त॑म॒ इन्द्र॑स्य घ॒र्मो अति॑थिः ॥
Sentence: 3=f आ॒मासु॑ प॒क्वऐ॑रय॒ आ सूर्यं॑ रोहयो दि॒वि । घ॒र्मं न साम॑न्तपता सुवृ॒क्तिभि॒र्जुष्टं॑ गिर्वणसे॒ गिरः॑ ॥
Sentence: 4=g इन्द्र॒मिद्गा॒थिनो॑ बृ॒हदिन्द्र॑म॒र्केभि॑र॒र्किणः॑ । इन्द्रं॒ वाणी॑रनूषत ॥
Sentence: 5=h गाय॑न्ति त्वा गाय॒त्रिणः॑ ॥
Verse: 3
Sentence: 1 अर्च॑न्त्य॒र्कम॒र्किणः॑ । ब्र॒ह्माण॑स्त्वा शतक्रत॒वुद्वं॒शमि॑व येमिरे ॥
Sentence: 2=i अं॑हो॒मुचे॒ प्र भ॑रेमा मनी॒षामो॑षिष्ठ॒दाव्ने॑ सुम॒तिं गृ॑णा॒नाः । इ॒दमि॑न्द्र॒ प्रति॑ ह॒व्यं गृ॑भाय स॒त्याः स॑न्तु॒ यज॑मानस्य॒ कामाः॑ ॥
Sentence: 3=k वि॒वेष॒ यन्मा॑ धि॒षणा॑ ज॒जान॒ स्तवै॑ पु॒रा पार्या॒दिन्द्र॒मह्नः॑ । अंह॑सो॒ यत्र॑ पी॒पर॒द्यथा॑ नो॒ नावे॑व॒ यान्त॑मु॒भये॑ हवन्ते ॥
Sentence: 4=l प्र स॒म्राज॑म्प्रथ॒मम॑ध्व॒राणा॑म् ॥
Verse: 4
Sentence: 1 अं॑हो॒मुचं॑ वृष॒भं य॒ज्ञिया॑नाम् । अ॒पां नपा॑तमश्विना॒ हय॑न्तम॒स्मिन्न॑र इन्द्रि॒यं ध॑त्त॒मोजः॑ ॥
Sentence: 2=m वि न॑ इन्द्र॒ मृधो॑ जहि नी॒चा य॑छ पृतन्य॒तः । अ॑धस्प॒दं तमीं॑ कृधि॒ यो अ॒स्मां अ॑भि॒दास॑ति ॥
Sentence: 3=n इन्द्र॑ क्ष॒त्रम॒भि वा॒ममोजो ऽजा॑यथा वृषभ चर्षणी॒नाम् । अपा॑नुदो॒ जन॑ममित्र॒यन्त॑मु॒रुं दे॒वेभ्यो॑ अकृनोरु लो॒कम् ॥
Sentence: 4=o मृ॒गो न भी॒मः कु॑च॒रो गि॑रि॒ष्ठाः प॑रा॒वतः॑ ॥
Verse: 5
Sentence: 1 आ ज॑गामा॒ पर॑स्याः । सृ॒कं सं॒शाय॑ प॒विमि॑न्द्र ति॒ग्मं वि शत्रू॑न्ताढि॒ वि मृधो॑ नुदस्व ॥
Sentence: 2=p वि शत्रू॒न्वि मृधो॑ नुद॒ वि वृ॒त्रस्य॒ हनू॑ रुज । वि म॒न्युमि॑न्द्र भामि॒तो॒ ऽमित्र॑स्याभि॒दास॑तः ॥
Sentence: 3=q त्रा॒तार॒मिन्द्र॒मवि॑तार॒मिन्द्रं॒ हवे॑हवे सु॒हवं॒ शूर॒मिन्द्र॑म् । हु॒वे नु श॒क्रम्पु॑रुहू॒तमिन्द्रं॑ स्व॒स्ति नो॑ म॒घवा॑ धा॒त्विन्द्रः॑ ॥
Sentence: 4=r मा ते॑ अ॒स्याम् ॥
Verse: 6
Sentence: 1 स॑हसाव॒न्परि॑ष्टाव॒घाय॑ भूम हरिवः परादै । त्राय॑स्व नो ऽवृ॒केभि॒र्वरू॑थै॒स्तव॑ प्रि॒यासः॑ सू॒रिषु॑ स्याम ॥
Sentence: 2=s अन॑वस्ते॒ रथ॒मश्वा॑य तक्ष॒न्त्वष्टा॒ वज्र॑म्पुरुहूत द्यु॒मन्त॑म् । ब्र॒ह्माण॒ इन्द्र॑म्म॒हय॑न्तो अर्कै॒रव॑र्धय॒न्नह॑ये॒ हन्त॒वा उ॑ ॥
Sentence: 3=t वृष्णे॒ यत्ते॒ वृष॑णो अ॒र्कमर्चा॒निन्द्र॒ ग्रावा॑णो॒ अदि॑तिः स॒जोषाः॑ । अ॑न॒श्वासो॒ ये प॒वयो॑ ऽर॒था इन्द्रे॑षिता अ॒भ्यव॑र्तन्त॒ दस्यू॑न् ॥
Chapter: 7
Paragraph: 1
Verse: 1
Sentence: 1 पा॑कय॒ज्ञं वा अन्वाहि॑ताग्नेः प॒शव॒ उप॑ तिष्ठन्त॒ इडा॒ खलु वै पाकय॒ज्ञः
Sentence: 2 सै॒षान्त॒रा प्र॑याजानूया॒जान्यज॑मानस्य लो॒के ऽव॑हिता । तामा॑ह्रि॒यमा॑णाम॒भि म॑न्त्रयेत
Sentence: 3 सुरू॑पवर्षवर्ण॒ एहीति॑ प॒शवो॒ वा इडा॑ प॒शूने॒वोप॑ ह्वयते । य॒ज्ञं वै॑ दे॒वा अ॑दुह्रन्य॒ज्ञो ऽसु॑रां अदुहत्
Sentence: 4 ते ऽसु॑रा य॒ज्ञदु॑ग्धाः॒ परा॑भव॒न्यो वै॑ य॒ज्ञस्य॒ दोहं॑ वि॒द्वान् ॥
Verse: 2
Sentence: 1 यज॒ते ऽप्य॒न्यं यज॑मानं दुहे । सा मे॑ स॒त्याशीर॒स्य य॒ज्ञस्य॑ भूया॒दित्या॑है॒ष वै॑ य॒ज्ञस्य॒ दोह॑स्
Sentence: 2 तेनैवैनं दुहे । प्रत्ता वै गौर्दुहे॒ प्रत्तेडा॒ यज॑मानाय दुह ए॒ते वा इडा॑यै॒ स्तना॒ इडोप॑हू॒तेति॑ वा॒युर्व॒त्सो । यर्हि॒ होतेडा॑मुप॒ह्व्यये॑त॒ तर्हि॒ यज॑मानो॒ होता॑र॒मीक्ष॑माणो वा॒युम्मन॑सा ध्यायेत् ॥
Verse: 3
Sentence: 1 मा॒त्रे व॒त्समु॒पाव॑सृजति । सर्वे॑ण वै य॒ज्ञेन॑ दे॒वाः सु॑व॒र्गं लो॒कम्
Sentence: 2 पाकय॒ज्ञेन॒ मनु॑रश्राम्य॒त्सेडा॒ मनु॑मु॒पाव॑र्तत॒ तां दे॑वासु॒रा व्य॑ह्वयन्त प्र॒तीचीं॑ दे॒वाः परा॑चीं॒ असु॑राः॒ सा दे॒वानु॑पावर्तत प॒शवो वै॒ तद्दे॒वान॑वृणत प॒शवो ऽसु॑रानजहुर् । यं का॒मये॑ताप॒शुः स्या॒दिति॒ परा॑चीं॒ तस्येडा॒मुप॑ ह्वयेताप॒शुरे॒व भ॑वन्ति
Sentence: 3 यम् ॥
Verse: 4
Sentence: 1 का॒मये॑त पशु॒मान्त्स्या॒दिति॑ प्र॒तीची॒म्तस्येडा॒मुप॑ ह्वयेत पशु॒माने॒व भ॑वति । ब्र॑ह्मवा॒दिनो॑ वदन्ति
Sentence: 2 स त्वा इडां॒ उप॑ ह्वयेत॒ य इडां॑ उप॒हूया॒त्मान॒मिडा॑यामुप॒ह्वये॒तेति॑ । सा नः॑ प्रि॒या सु॒प्रतू॑र्तिर्म॒घोनीत्या॒हेडा॑मे॒वोप॒हूया॒त्मान॑मिडाया॒मुप॑ ह्वयते । व्य॑स्तमिव॒ वा ए॒तद्य॒ज्ञस्य॒ यदिडा॑ सा॒मि प्रा॒श्नन्ति॑ ॥
Verse: 5
Sentence: 1 सा॒मि मा॑र्जयन्त ए॒तत्प्रति॒ वा असु॑राणां य॒ज्ञो व्य॑छिद्यत
Sentence: 2 ब्रह्म॑णा दे॒वाः सम॑दधुर् । बृह॒स्पति॑स्तनुतामि॒मं न॒ इत्या॑ह॒ ब्रह्म वै दे॒वाना॒म्बृह॒स्पति॒र्ब्रह्म॑णै॒व य॒ज्ञं सं द॑धाति । विछि॑न्नं य॒ज्ञं समि॒मं द॑धा॒त्वित्या॑ह
Sentence: 3 सन्त॑त्यै । विश्वे॑ दे॒वा इ॒ह मा॑दयन्ता॒मित्या॑ह सं॒तत्यै॒व य॒ज्ञं दे॒वेभ्यो ऽनु॑ दिशति । यां वै॑ ॥
Verse: 6
Sentence: 1 य॒ज्ञे दक्षि॑णां॒ ददा॑ति॒ ताम॑स्य प॒शवो ऽनु॒ सं क्रा॑मन्ति
Sentence: 2 स ए॒ष ई॑जा॒नो॑ ऽप॒शुर्भावु॑को॒ यज॑मानेन॒ खलु वै॒ तत्का॒र्य॒मित्या॑हु॒र्यथा॑ देव॒त्रा द॒त्तं कु॑र्वी॒तात्मन्प॒शून्र॒मये॒तेति॑ । ब्रध्न॒ पिन्व॒स्वेत्या॑ह
Sentence: 3 य॒ज्ञो वै॑ ब्र॒ध्नो य॒ज्ञमे॒व तन्म॑हय॒त्यथो॑ देवत्रै॒व द॒त्तं कु॑रुत आ॒त्मन्प॒शून्र॑मयते । दद॑तो मे॒ मा क्षा॒यीत्या॒हाक्षि॑तिमे॒वोपै॑ति । कु॑र्व॒तो मे॒ मोप॑ दस॒दित्या॑ह
Sentence: 4 भू॒मान॑मे॒वोपै॑ति ॥
Paragraph: 2
Verse: 1
Sentence: 1 संश्र॑वा ह सौवर्चन॒सस्तुमिं॑जऔपोदितिमुवाच
Sentence: 2 यत्स॒त्त्रिणां॒ होता॑भूः॒ कामिडा॒मुपा॑ह्वथा॒ इति
Sentence: 3 तामुपा॑ह्व॒ इति॑ होवाच॒ या प्रा॒णेन॑ दे॒वान्द॒धार॑ व्या॒नेन॑ मनु॒ष्या॑नपा॒नेन॑ पि॒तॄनिति
Sentence: 4 छि॒नत्ति॒ सा न छि॑न॒त्ती३ इति
Sentence: 5 छि॒नत्तीति॑ होवाच
Sentence: 6 शरी॑रं॒ वा अ॑स्यै॒ तदु॑पाह्वथा॒ इति॑ होवाच
Sentence: 7 गौर्वै ॥
Verse: 2
Sentence: 1 अ॑स्यै॒ शरी॑रम् ।
Sentence: 2 गां वाव तौ॒ तत्पर्य॑वदताम् ।
Sentence: 3 या य॒ज्ञे दी॒यते॒ सा प्रा॒णेन॑ दे॒वान्दा॑धार॒ यया॑ मनु॒ष्या॒ जीव॑न्ति॒ सा व्या॒नेन॑ मनु॒ष्या॒न्याम्पि॒तृभ्यो॒ घ्नन्ति॒ सापा॒नेन॑ पि॒तॄन्
Sentence: 4 य ए॒वं वेद॑ पशु॒मान्भ॑वति ।
Sentence: 5 अथ वै॒ तामुपा॑ह्व॒ इति॑ होवाच॒ या प्र॒जाः प्र॒भव॑न्तीः॒ प्रत्या॒भव॒तीति॑ ।
Sentence: 6 अन्नं॒ वा अ॑स्यै॒ तत् ॥
Verse: 3
Sentence: 1 उपा॑ह्वथा॒ इति॑ होवाच ।
Sentence: 2 ओष॑धयो॒ वा अ॑स्या॒ अन्न॑म्
Sentence: 3 ओष॑धयो वै प्र॒जाः प्र॒भव॑न्तीः॒ प्रत्या भ॑वन्ति
Sentence: 4 य ए॒वं वेदा॑न्ना॒दो भ॑वति ।
Sentence: 5 अथ वै॒ तामुपा॑ह्व॒ इति॑ होवाच॒ या प्र॒जाः प॑रा॒भव॑न्तीरनुगृ॒ह्णाति॒ प्रत्या॒भव॑न्तीर्गृ॒ह्�
Sentence: 6 प्रति॒ष्ठां वा अ॑स्यै॒ तदुपा॑ह्वथा॒ इति॑ होवाच ।
Sentence: 7 इ॒यं वा अ॑स्यै प्रति॒ष्ठा ॥
Verse: 4
Sentence: 1 इ॒यं वै॑ प्र॒जाः प॑रा॒भव॑न्ती॒रनु॑ गृह्णाति॒ प्रत्या॒भव॑न्तीर्गृह्णाति
Sentence: 2 य ए॒वं वेद॒ प्रत्ये॒व ति॑ष्ठति ।
Sentence: 3 अथ वै॒ तामुपा॑ह्व॒ इति॑ होवाच॒ यस्यै॑ नि॒क्रम॑णे घृ॒तम्प्र॒जाः सं॒जीव॑न्तीः॒ पिब॒न्तीति
Sentence: 4 छि॒नत्ति॒ सा न छि॑न॒त्ती३ इति
Sentence: 5 न छि॑न॒त्तीति॑ होवाच॒ प्र तु ज॑नय॒तीति॑ ।
Sentence: 6 ए॒ष वा इडा॒मुपा॑ह्वथा॒ इति॑ होवाच
Sentence: 7 वृष्टि॒र्वा इडा
Sentence: 8 वृष्ट्यै वै नि॒क्रम॑णे घृ॒तम्प्र॒जाः सं॒जीव॑न्तीः पिबन्ति
Sentence: 9 य ए॒वं वेद प्रै॒व जा॑यते ऽन्ना॒दो भ॑वति ॥
Paragraph: 3
Verse: 1
Sentence: 1 प॒रोऽक्षं वाअ॒न्ये दे॒वा इ॒ज्यन्ते॑ प्र॒त्यक्ष॑म॒न्ये
Sentence: 2 यद्यज॑ते॒ य ए॒व दे॒वाः प॒रोऽक्ष॑मि॒ज्यन्ते॒ ताने॒व तद्य॑जति
Sentence: 3 यद॑न्वाहा॒र्य॑मा॒हर॑त्ये॒ते वै॑ दे॒वाः प्र॒त्यक्षं॒ यद्ब्रा॑ह्म॒णास्ताने॒व तेन॑ प्रीणाति ।
Sentence: 4 अथो॒ दक्षि॑णै॒वास्यै॒षा ।
Sentence: 5 अथो॑ य॒ज्ञस्यै॒व छि॒द्रमपि॑ दधाति
Sentence: 6 यद्वै॑ य॒ज्ञस्य॑ क्रू॒रं यद्विलि॑ष्टं॒ तद॑न्वाहा॒र्ये॑ण ॥
Verse: 2
Sentence: 1 अ॒न्वाह॑रति
Sentence: 2 तद॑न्वाहा॒र्य॑स्यान्वाहार्य॒त्वम् ।
Sentence: 3 दे॑वदू॒ता वा ए॒ते यदृ॒त्विज॑स् ।
Sentence: 4 यद॑न्वाहा॒र्य॑मा॒हर॑ति देवदू॒ताने॒व प्री॑णाति
Sentence: 5 प्र॒जाप॑तिर्दे॒वेभ्यो॑ य॒ज्ञान्व्यादि॑शत्
Sentence: 6 स रि॑रिचा॒नो॑ ऽमन्यत
Sentence: 7 स ए॒तम॑न्वाहा॒र्य॒मभ॑क्तमपश्यत्
Sentence: 8 तमा॒त्मन्न॑धत्त
Sentence: 9 स वा ए॒ष प्रा॑जाप॒त्यो यद॑न्वाहा॒र्य॑स् ।
Sentence: 10 यस्यै॑वंवि॒दुषो॑ ऽन्वाहा॒र्य॑ आह्रि॒यते॑ सा॒क्षादे॒व प्र॒जाप॑तिमृध्नोति ।
Sentence: 11 अप॑रिमितो नि॒रुप्य॑स् ।
Sentence: 12 अप॑रिमितः प्र॒जाप॑तिस् ।
Sentence: 13 प्र॒जाप॑तेः ॥
Verse: 3
Sentence: 1 आप्त्यै
Sentence: 2 दे॒वा वै॒ यद्य॒ज्ञे ऽकु॑र्वत॒ तदसु॑रा अक्रुवत
Sentence: 3 ते दे॒वा ए॒तम्प्रा॑जाप॒त्यम॑न्वाहा॒र्य॑मपश्यन्
Sentence: 4 तम॒न्वाह॑रन्त
Sentence: 5 ततो॑ दे॒वा अभ॑व॒न्परा॑सु॒रास् ।
Sentence: 6 यस्यै॒वं वि॑दुषो ऽन्वाहा॒र्य॑ आह्रि॒यते॒ भव॑त्या॒त्मना॒ परा॑स्य॒ भ्रातृ॑व्यो भवति
Sentence: 7 य॒ज्ञेन॒ वा इ॒ष्टी प॒क्वेन॑ पू॒र्ती
Sentence: 8 यस्यै॒वं वि॒दुषो॑ ऽन्वाहा॒र्य॑ आह्रि॒यते॒ स त्वे॒वेष्टा॑पू॒र्ती
Sentence: 9 प्र॒जाप॑तेर्भा॒गो॑ ऽसि ॥
Verse: 4
Sentence: 1 इत्या॑ह
Sentence: 2 प्र॒जाप॑तिमे॒व भा॑ग॒धेये॑न॒ सम॑र्धयति ।
Sentence: 3 ऊर्ज॑स्वा॒न्पय॑स्वा॒नित्या॑ह ।
Sentence: 4 ऊर्ज॑मे॒वास्मि॒न्पयो॑ दधाति
Sentence: 5 प्राणापानौ मे पाहि समानव्यानौ मे पा॒हीत्या॑ह ।
Sentence: 6 आ॒शिष॑मेवै॒तामा शा॑स्ते ।
Sentence: 7 अक्षि॑तो॒ ऽस्यक्षि॑त्यै त्वा॒ मा मे॑ क्षेष्ठा अ॒मुत्रा॒मुष्मिँ॑ लो॒क इत्या॑ह
Sentence: 8 क्षीय॑ते॒ वा अ॒मुष्मिँ॑ लो॒के ऽन्न॑म्
Sentence: 9 इ॒तःप्र॑दानं॒ ह्य॑मुष्मिँ लो॒के प्र॑जा उप॒जीव॑न्ति
Sentence: 10 यदे॒वम॑भिमृ॒शत्यक्षि॑तिमेवैनद्गमयति॒ नास्या॒मुष्मिँ॑ लो॒के ऽन्नं॑ क्षीयते ॥
Paragraph: 4
Verse: 1
Sentence: 1 ब॒र्हिषो॒ ऽहं दे॑वय॒ज्यया॑ प्र॒जावा॑न्भूयास॒मित्या॑ह
Sentence: 2 ब॒र्हिषा वै प्र॒जाप॑तिः प्र॒जा अ॑सृजत
Sentence: 3 तेनै॒व प्र॒जाः सृ॑जते
Sentence: 4 नरा॒शंस॑स्या॒हं दे॑वय॒ज्यया॑ पशु॒मान्भू॑यास॒मित्या॑ह
Sentence: 5 नरा॒शंसे॑न वै प्र॒जाप॑तिः प॒शून॑सृजत
Sentence: 6 तेनै॒व प॒शून्त्सृ॑जते ।
Sentence: 7 अ॒ग्नेः स्वि॑ष्ट॒कृतो॒ ऽहं दे॑वय॒ज्ययायु॑ष्मान्य॒ज्ञेन॑ प्रति॒ष्ठां ग॑मेय॒मित्या॑ह ।
Sentence: 8 आयु॑रे॒वात्मन्ध॑त्ते॒ प्रति॑ य॒ज्ञेन॑ तिष्ठति
Sentence: 9 दर्शपूर्णमा॒सयोः॑ ॥
Verse: 2
Sentence: 1 वै॑ दे॒वा उज्जि॑ति॒मनूद॑जयन्दर्शपूर्णमा॒साभ्या॒मसु॑रा॒नपा॑नुदन्त ।
Sentence: 2 अ॒नेर॒हमुज्जि॑ति॒मनूज्जे॑ष॒मित्या॑ह
Sentence: 3 दर्शपूर्णमा॒सयो॑रे॒व दे॒वता॑नां॒ यज॑मान॒ उज्जि॑ति॒मनूज्ज॑यति दर्शपूर्णमा॒साभ्या॒म्भ्रात�प॑ नुदते
Sentence: 4 वाज॑वतीभ्यां॒ व्यू॑हति ।
Sentence: 5 अन्नं वै॒ वाज॑स् ।
Sentence: 6 अन्न॑मे॒वाव॑ रुन्द्धे
Sentence: 7 द्वाभ्या॒म्प्रति॑ष्ठित्यै
Sentence: 8 यो वै॑ य॒ज्ञस्य द्वौ॒ दोहौ॑ वि॒द्वान्यज॑त उभ॒यतः॑ ॥
Verse: 3
Sentence: 1 ए॒व य॒ज्ञं दु॑हे पु॒रस्ता॑ च्चो॒परि॑ष्टाच्चै॒ष वा अ॒न्यो य॒ज्ञस्य॒ दोह॒ इडा॑याम॒न्यस् ।
Sentence: 2 यर्हि॒ होता॒ यज॑मानस्य॒ नाम॑ गृह्णी॒यात्तर्हि॑ ब्रूयात् ।
Sentence: 3 एमा अ॑ग्मन्ना॒शिषो॒ दोह॑कामा॒ इति
Sentence: 4 संस्तु॑ता ए॒व दे॒वता॑ दुहे ।
Sentence: 5 अथो॑ उभ॒यत॑ ए॒व य॒ज्ञं दु॑हे पु॒रस्ता॑च्चो॒परि॑ष्ठाच्च
Sentence: 6 रोहि॑तेन त्वा॒ग्निर्दे॒वतां॑ गमय॒त्वित्या॑ह ।
Sentence: 7 ए॒ते वै॑ देवा॒श्वाः ॥
Verse: 4
Sentence: 1 यज॑मानःप्रस्त॒रस् ।
Sentence: 2 यदेतैः प्रस्त॒रम्प्र॒हर॑ति देवाश्वैरे॒व यज॑मानं सुव॒र्गं लो॒कं ग॑मयति
Sentence: 3 वि ते॑ मुञ्चामि रश॒ना वि र॒श्मीनित्या॑ह ।
Sentence: 4 ए॒ष वा अ॒ग्नेर्वि॑मो॒कस्
Sentence: 5 तेनैवैनं॒ वि मु॑ञ्चति
Sentence: 6 विष्णोः॑ श॒म्योर॒हं दे॑वय॒ज्यया॑ य॒ज्ञेन॑ प्रति॒ष्ठां ग॑मेय॒मित्या॑ह
Sentence: 7 य॒ज्ञो वै॒ विष्णु॑र्य॒ज्ञ ए॒वान्त॒रः प्रति॑ तिष्ठति
Sentence: 8 सोम॑स्या॒हं दे॑वय॒ज्यया॑ सु॒रेताः॑ ॥
Verse: 5
Sentence: 1 रेतो॑ धिषी॒येत्या॑ह
Sentence: 2 सोमो वै रेतो॒धास्तेनै॒व रेत॑ आ॒त्मन्ध॑त्ते
Sentence: 3 त्वष्टु॑र॒हं दे॑वय॒ज्यया॑ पशू॒नां रू॒पम्पु॑षेय॒मित्या॑ह
Sentence: 4 त्वष्टा वै पशू॒नाम्मि॑थु॒नानां॑ रूप॒कृत्
Sentence: 5 तेनै॒व प॑शू॒नां रू॒पमा॒त्मन्ध॑त्ते
Sentence: 6 दे॒वाना॒म्पत्नी॑र॒ग्निर्गृ॒हप॑तिर्य॒ज्ञस्य॑ मिथु॒नं तयो॑र॒हं दे॑वय॒ज्यया॑ मिथु॒नेन॒ प्र भू॑यास॒मित्या॑ह ।
Sentence: 7 ए॒तस्माद्वै मिथु॒नात्प्र॒जाप॑तिर्मिथु॒नेन॑ ॥
Verse: 6
Sentence: 1 प्राजा॑यत
Sentence: 2 तसं॑दे॒व यज॑मानो मिथु॒नेन॒ प्र जा॑यते
Sentence: 3 वे॒दो॑ ऽसि॒ वित्ति॑रसि वि॒देयेत्या॑ह
Sentence: 4 वे॒देन वै दे॒वा असु॑राणां वि॒त्तं वेद्य॑मविन्दन्त
Sentence: 5 तद्वे॒दस्य॑ वेद॒त्वम् ।
Sentence: 6 यद्य॒द्भ्रातृ॑व्यस्याभि॒ध्याये॒त्तस्य॒ नाम॑ गृह्णीयात्
Sentence: 7 तदे॒वास्य॒ सर्वं॑ वृङ्क्ते
Sentence: 8 घृ॒तव॑न्तं कुला॒यिनं॑ रा॒यस्पोषं॑ सह॒स्रिणं॑ वे॒दो द॑दातु वा॒जिन॒मित्या॑ह
Sentence: 9 प्र स॒हस्र॑म्प॒शूना॑प्नोति ।
Sentence: 10 आस्य॑ प्र॒जायां॑ वा॒जी जा॑यते॒ य ए॒वं वेद॑ ॥
Paragraph: 5
Verse: 1
Sentence: 1 ध्रु॒वां वै॒ रिच्य॑मानां य॒ज्ञो ऽनु॑ रिच्यते य॒ज्ञं यज॑मानो॒ यज॑मानम्प्र॒जास् ।
Sentence: 2 ध्रु॒वामा॒प्याय॑मानां य॒ज्ञो ऽन्वा प्या॑यते य॒ज्ञं यज॑मानो॒ यज॑मानम्प्र॒जास् ।
Sentence: 3 आ प्या॑यतां ध्रु॒वा घृ॒तेनेत्या॑ह
Sentence: 4 ध्रु॒वामे॒वा प्या॑ययति
Sentence: 5 तामा॒प्याय॑मानां य॒ज्ञो ऽन्वा प्या॑यते य॒ज्ञं यज॑मानो॒ यज॑मानम्प्र॒जाः
Sentence: 6 प्र॒जाप॑तेर्वि॒भान्नाम॑ लो॒कस्तस्मिं॑स्त्वा दधामि स॒ह यज॑माने॒नेति॑ ॥
Verse: 2
Sentence: 1 आ॑ह ।
Sentence: 2 अ॒यं वै॑ प्र॒जाप॑तेर्वि॒भान्नाम॑ लो॒कस्
Sentence: 3 तस्मि॑न्नेवैनं दधाति स॒ह यज॑मानेन
Sentence: 4 रिच्य॑त इव॒ वा ए॒तद्यद्यज॑ते
Sentence: 5 यद्य॑जमानभा॒गम्प्रा॒श्नात्या॒त्मान॑मे॒व प्री॑णाति ।
Sentence: 6 ए॒तावान्वै य॒ज्ञो यावा॑न्यजमानभा॒गस् ।
Sentence: 7 य॒ज्ञो यज॑मानस् ।
Sentence: 8 यद्य॑जमान भा॒गम्प्रा॒श्नाति॑ य॒ज्ञ ए॒व य॒ज्ञम्प्रति॑ ष्ठापयति ।
Sentence: 9 ए॒तद्वै॑ सू॒यव॑सं॒ सोद॑कं॒ यद्ब॒र्हिश्चाप॑श्च ।
Sentence: 10 ए॒तत् ॥
Verse: 3
Sentence: 1 यज॑मानस्या॒यत॑नं॒ यद्वेदि॑स् ।
Sentence: 2 यद्पू॑र्णपा॒त्रम॑न्तर्वे॒दि नि॒नय॑ति॒ स्व ए॒वायत॑ने सू॒यव॑सं॒ सोद॑कं कुरुते
Sentence: 3 सद॑सि॒ सन्मे॑ भूया॒ इत्या॑ह ।
Sentence: 4 आपो वै य॒ज्ञस् ।
Sentence: 5 आपो॒ ऽमृत॑म् ।
Sentence: 6 य॒ज्ञमे॒वामृत॑मा॒त्मन्ध॑त्ते
Sentence: 7 सर्वा॑णि वै भू॒तानि॑ व्र॒तमु॑प॒यन्त॒मनूप॑ यन्ति
Sentence: 8 प्राच्यां॑ दि॒शि दे॒वा ऋ॒त्विजो॑ मार्जयन्ता॒मित्या॑ह ।
Sentence: 9 ए॒ष वै॑ दर्शपूर्णमा॒सयो॑रवभृ॒थः ॥
Verse: 4
Sentence: 1 यान्येवैनम्भू॒तानि॑ व्र॒तमु॑प॒यन्त॑मनूप॒यन्ति तैरे॒व स॒हाव॑भृ॒थमवै॑ति
Sentence: 2 विष्णु॑मुखा वै दे॒वाश्छन्दो॑भिरि॒माँ लो॒कान॑नपज॒य्यम॒भ्य॑जयन्
Sentence: 3 यद्वि॑ष्णुक्र॒मान्क्रम॑ते॒ विष्णु॑रे॒व भू॒त्वा यज॑मानस् ।
Sentence: 4 छन्दो॑भिरि॒माँ लो॒कान॑नपज॒य्यम॒भि ज॑यति
Sentence: 5 विष्णोः॒ क्रमो॑ ऽस्यभिमाति॒हेत्या॑ह
Sentence: 6 गाय॒त्री वै॑ पृथि॒वी त्रै॑ष्टुभम॒न्तरि॑क्षं॒ जाग॑ती द्यौ॒रानु॑ष्टुभी॒र्दिश॑स् ।
Sentence: 7 छन्दो॑भिरे॒वेमाँ लो॒कान्य॑थापू॒र्वम॒भि ज॑यति ॥
Paragraph: 6
Verse: 1
Sentence: 1 अग॑न्म॒ सुवः॒ सुव॑रग॒न्मेत्या॑ह॒ सुव॒र्गमे॒व लो॒कमे॑ति
Sentence: 2 सं॒दृश॑स्ते॒ मा छि॑त्सि॒ यत्ते॒ तप॒स्तस्मै॑ ते॒ मा वृक्षीत्या॑ह
Sentence: 3 यथाय॒जुरेवै॒तत्
Sentence: 4 सु॒भूर॑सि॒ श्रेष्ठो॑ रश्मी॒नामा॑यु॒र्धा अ॒स्यायु॑र्मे धे॒हीत्या॑ह ।
Sentence: 5 आ॒शिष॑मेवै॒तामा शा॑स्ते॒ प्र वा ए॒षो॒ ऽस्माल्लो॒काच्च्य॑वते॒ यः ॥
Verse: 2
Sentence: 1 वि॑ष्णुक्र॒मान्क्रम॑ते सुव॒र्गाय॒ हि लो॒काय॑ विष्णुक्र॒माः क्र॒म्यन्ते
Sentence: 2 ब्रह्मवा॒दिनो॑ वदन्ति
Sentence: 3 स त्वै॑ विष्णुक्र॒मान्क्र॑मेत॒ य इ॒माँ लो॒कान्भ्रातृ॑व्यस्य सं॒विद्य॒ पुन॑रि॒मं लो॑कम्प्रत�ति॑ ।
Sentence: 4 ए॒ष वा अ॒स्य लो॒कस्य॑ प्रत्यवरो॒हो यदा॑ह ।
Sentence: 5 इ॒दम॒हम॒मुम्भ्रातृ॑व्यमा॒भ्यो दि॒ग्भ्यो ऽस्यै दि॒व इति॑ ।
Sentence: 6 इ॒माने॒व लो॒कान्भ्रातृ॑व्यस्य सं॒विद्य॒ पुन॑रि॒मं लो॒कम्प्र॒त्यव॑रोहति
Sentence: 7 सम् ॥
Verse: 3
Sentence: 1 ज्योति॑षाभूव॒मित्या॑ह ।
Sentence: 2 अ॒स्मिन्ने॒व लो॒के प्रति॑ तिष्ठति ।
Sentence: 3 अै॒न्द्रीमा॒वृत॑म॒न्वाव॑र्त॒ इत्या॑ह ।
Sentence: 4 असौ॒ वा आ॑दि॒त्य इन्द्र॒स्तस्यै॒वावृत॒मनु॑ प॒र्याव॑र्तते
Sentence: 5 दक्षि॒णा प॒र्याव॑र्तते॒ स्वमे॒व वी॒र्य॒मनु॑ प॒र्याव॑र्तते॒ तस्मा॒द्दक्षि॒नो ऽर्ध॑ आ॒त्मनो॑ वी॒र्या॑वत्त॒रो ऽथो॑ आदि॒त्यस्यै॒वावृत॒मनु॑ प॒र्याव॑र्तते
Sentence: 6 सम॒हम्प्र॒जया॒ सम्मया॑ प्र॒जेत्या॑ह ।
Sentence: 7 आ॒शिष॑म् ॥
Verse: 4
Sentence: 1 एवै॒तामा शा॑स्ते
Sentence: 2 समि॑द्धो अग्ने मे दीदिहि समे॒द्धा ते॑ अग्ने दीद्यास॒मित्या॑ह
Sentence: 3 यथाय॒जुरेवै॒तत् ।
Sentence: 4 वसु॑मान्य॒ज्ञो वसी॑यान्भूयास॒मित्या॑ह ।
Sentence: 5 आ॒शिष॑मेवै॒तामा शा॑स्ते
Sentence: 6 ब॒हु वै॒ गार्ह॑पत्य॒स्यान्ते॑ मि॒श्रमि॑व चर्यत आग्निपावमा॒नीभ्या॒ङ्गार्ह॑पत्य॒मुप॑ तिष्ठते पु॒नात्ये॒वाग्निम्पु॑नी॒त आ॒त्मानं॒ द्वाभ्या॒म्प्रति॑ष्ठित्यै ।
Sentence: 7 अग्ने॑ गृहपत॒ इत्या॑ह ॥
Verse: 5
Sentence: 1 य॑थाय॒जुरेवै॒तच्छ॒तं हिमा॒ इत्या॑ह श॒तं त्वा॑ हेम॒न्तानि॑न्धिषी॒येति॒ वावै॒तदा॑ह
Sentence: 2 पु॒त्रस्य॒ नाम॑ गृह्णात्यन्ना॒दमेवैनं करोति
Sentence: 3 तामा॒शिष॒मा शा॑से॒ तन्त॑वे॒ ज्योति॑ष्मती॒मिति॑ ब्रूया॒द्यस्य॑ पु॒त्रो ऽजा॑तः॒ स्यात्ते॑ज॒�स्य॑ ब्रह्मवर्च॒सी पु॒त्रो जा॑यते
Sentence: 4 तामा॒शिष॒मा शा॑से॒ ऽमुष्मै॒ ज्योति॑ष्मती॒मिति॑ ब्रूया॒द्यस्य॑ पु॒त्रः ॥
Verse: 6
Sentence: 1 जा॒तः स्यात्तेज॑ ए॒वास्मि॑न्ब्रह्मवर्च॒सं द॑धाति
Sentence: 2 यो वै॑ य॒ज्ञम्प्र॒युज्य॒ न वि॑मु॒ञ्चत्य॑प्रतिष्ठा॒नो वै॒ स भ॑वति
Sentence: 3 कस्त्वा॑ युनक्ति॒ स त्वा॒ वि मु॑ञ्च॒त्वित्या॑ह प्र॒जाप॑तिर्वै॒ कः प्र॒जाप॑तिनैवैनं यु॒नक्ति॑ प्र॒जाप॑तिना॒ वि मु॑ञ्चति॒ प्रति॑ष्ठित्यै ।
Sentence: 4 ई॑श्व॒रं वै॑ व्र॒तमवि॑सृष्टम्प्र॒दहो ऽग्ने॑ व्रतपते व्र॒तम॑चारिष॒मित्या॑ह व्र॒तमे॒व ॥
Verse: 7
Sentence: 1 वि सृ॑जते॒ शान्त्या॒ अप्र॑दाहाय
Sentence: 2 परा॒ङ्वाव य॒ज्ञ ए॑ति॒ न नि व॑र्तते॒ पुन॒र्यो वै॑ य॒ज्ञस्य॑ पुनराल॒म्भं वि॒द्वान्यज॑ते॒ तम॒भि नि व॑र्तते
Sentence: 3 य॒ज्ञो ब॑भूव॒ स आ ब॑भू॒वेत्या॑है॒ष वै॑ य॒ज्ञस्य॑ पुनराल॒म्भस्तेनैवैन॒म्पुन॒रा ल॑भते ।
Sentence: 4 अन॑वरुद्धा॒ वा ए॒तस्य॑ वि॒राड्य आहि॑ताग्निः॒ सन्न॑स॒भः प॒शवः॒ खलु वै ब्राह्म॒णस्य॑ स॒भा ।
Sentence: 5 इ॒ष्ट्वा प्राङु॒त्क्रम्य॑ ब्रूया॒द्गोमां॑ अ॒ग्ने ऽवि॒मां अ॒श्वी य॒ज्ञ इत्यव॑ स॒भां रु॑न्द्धे॒ प्र स॒हस्र॑म्प॒शूना॑प्नो॒त्यास्य॑ प्र॒जायां॑ वा॒जी जा॑यते ॥
Paragraph: 7
Verse: 1
Sentence: 1=a देव॑ सवितः॒ प्र सु॑व य॒ज्ञम्प्र सु॑व य॒ज्ञप॑ति॒म्भगा॑य दि॒व्यो ग॑न्ध॒र्वः के॑त॒पूः के॒तं नः॑ पुनातु॒ वाच॒स्पति॒र्वाच॑म॒द्य स्व॑दाति नः ।
Sentence: 2=b इन्द्र॑स्य॒ वज्रो॑ ऽसि॒ वार्त्र॑घ्न॒स्त्वया॒यं वृ॒त्रं व॑ध्यात् ।
Sentence: 3=c वा॒जस्य॒ नु प्र॑स॒वे मा॒तर॑म्म॒हीमदि॑तिं॒ नाम॒ वच॑सा करामहे । यस्या॑मि॒दं विश्व॒म्भुव॑नमावि॒वेश॒ तस्यां॑ नो दे॒वः स॑वि॒ता धर्म॑ साविषत् ।
Sentence: 4=d अ॒प्सु ॥
Verse: 2
Sentence: 1 अ॒न्तर॒मृत॑म॒प्सु भे॑ष॒जम॒पामु॒त प्रश॑स्ति॒ष्वश्वा॑ भवथ वाजिनः ॥
Sentence: 2=e वा॒युर्वा॑ त्वा॒ मनु॑र्वा त्वा गन्ध॒र्वाः स॒प्तविं॑शतिः । ते अग्रे॒ अश्व॑मायुञ्ज॒न्ते अ॑स्मिञ्ज॒वमाद॑धुः ॥
Sentence: 3=f अपां॑ नपादाशुहेम॒न्य ऊ॒र्मिः क॒कुद्मा॒न्प्रतू॑र्तिर्वाज॒सात॑म॒स्तेना॑यं॒ वाजं॑ सेत् ।
Sentence: 4=g विष्णोः॒ क्रमो॑ ऽसि॒ विष्णोः॑ क्रा॒न्तम॑सि॒ विष्णो॒र्विक्रा॑न्तमसि ।
Sentence: 5=h अङ्कौ न्य॒ङ्काव॒भितो॒ रथं यौ ध्वा॒न्तं वा॑ता॒ग्रमनु॑ सं॒चर॑न्तौ । दू॒रेहे॑तिरिन्द्रि॒यावा॑न्पत॒त्री ते नो॒ ऽग्नयः॒ पप्र॑यः पारयन्तु ॥
Paragraph: 8
Verse: 1
Sentence: 1=a दे॒वस्या॒हं स॑वि॒तुः प्र॑स॒वे बृह॒स्पति॑ना वाज॒जिता॒ वाजं॑ जेषम् ।
Sentence: 2=b दे॒वस्या॒हं स॑वि॒तुः प्र॑स॒वे बृह॒स्पति॑ना वाज॒जिता॒ वर्षि॑ष्ठं॒ नाकं॑ रुहेयम्
Sentence: 3=c इन्द्रा॑य॒ वाचं॑ वद॒तेन्द्रं॒ वाजं॑ जापय॒तेन्द्रो॒ वाज॑मजयित् ।
Sentence: 4=d अश्वा॑जनि वाजिनि॒ वाजे॑षु वाजिनीव॒त्यश्वा॑न्त्स॒मत्सु॑ वाजय ।
Sentence: 5=e अर्वा॑सि॒ सप्ति॑रसि वा॒ज्य॑सि
Sentence: 6=f वाजि॑नो॒ वाजं॑ धावत म॒रुता॑म्प्रस॒वे ज॑यत॒ वि योज॑ना मिमीध्व॒मध्व॑न स्कभ्नीत ॥
Verse: 2
Sentence: 1 काष्ठां॑ गछत
Sentence: 2=g वाजे॑वाजे ऽवत वाजिनो नो॒ धने॑षु विप्रा अमृता ऋतज्ञाः । अ॒स्य मध्वः॑ पिबत मा॒दय॑ध्वं तृ॒प्ता या॑त प॒थिभि॑र्देव॒यानैः॑ ॥
Sentence: 3=h ते नो॒ अर्व॑न्तो हवन॒श्रुतो॒ हवं॒ विश्वे॑ शृण्वन्तु वा॒जिनः॑ ।
Sentence: 4=i मि॒तद्र॑वः
Sentence: 5=i सहस्र॒सा मे॒धसा॑ता सनि॒ष्यवः॑ । म॒हो ये रन्तं॑ समि॒थेषु॑ जभ्रि॒रे शं नो॑ भवन्तु वा॒जिनो॑ ह॒वेषु
Sentence: 6=k दे॒वता॑ता मि॒तद्र॑वः स्व॒र्काः । ज॒म्भय॒न्तो ऽहिं॒ वृकं॒ रक्षां॑सि॒ सने॑म्य॒स्मद्यु॑यवन् ॥
Verse: 3
Sentence: 1 अमी॑वाः ॥
Sentence: 2=l ए॒ष स्य वा॒जी क्षि॑प॒णिं तु॑रण्यति ग्री॒वाया॑म्ब॒द्धो अ॑पिक॒क्ष आ॒सनि॑ । क्रतुं॑ दधि॒क्रा अनु॑ सं॒तवी॑त्वत्प॒थामङ्कां॒स्यन्वा॒पनी॑पणत् ॥
Sentence: 3=m उ॒त स्मा॑स्य॒ द्रव॑तस्तुरण्य॒तः प॒र्णं न वेरनु॑ वाति प्रग॒र्धिनः॑ । श्ये॒नस्ये॑व॒ ध्रज॑तो अङ्क॒सम्परि॑ दधि॒क्राव्णः॑ स॒होर्जा तरि॑त्रतः ॥
Sentence: 4=n आ मा॒ वाज॑स्य प्रस॒वो ज॑गम्या॒दा द्यावा॑पृथि॒वी वि॒श्वश॑म्भू । आ मा॑ गन्ताम्पि॒तरा॑ ॥
Verse: 4
Sentence: 1 मा॒तरा॒ चा मा॒ सोमो॑ अमृत॒त्वाय॑ गम्यात् ॥
Sentence: 2=o वाजि॑नो वाजजितो॒ वाजं॑ सरि॒ष्यन्तो॒ वाजं॑ जे॒ष्यन्तो॒ बृह॒स्पते॑र्भा॒गमव॑ जिघ्रत ॥
Sentence: 3=p वाजि॑नो वाजजितो॒ वाजं॑ ससृ॒वांसो॒ वाजं॑ जिगि॒वांसो॒ बृह॒स्पते॑र्भा॒गे नि मृ॑ड्ढ्वम्
Sentence: 4=q इ॒यं वः॒ सा स॒त्या सं॒धाभू॒द्यामिन्द्रे॑ण स॒मध॑द्ध्वम्
Sentence: 5=r अजी॑जिपत वनस्पतय॒ इन्द्रं॒ वाजं॒ वि मु॑च्यध्वम् ॥
Paragraph: 9
Verse: 1
Sentence: 1=a क्षत्र॒स्योल्ब॑मसि क्ष॒त्रस्य॒ योनि॑रसि
Sentence: 2=b जाय॒ एहि॒ सुवो॒ रोहा॑व॒ रोहा॑व॒ हि सुव॑र॒हं ना॑वु॒भयोः॒ सुवो॑ रोक्ष्यामि
Sentence: 3=c वाज॑श्च प्रस॒वश्चा॑पि॒जश्च॒ क्रतु॑श्च॒ सुव॑श्च मू॒र्धा च॒ व्यश्नि॑यश्चान्त्याय॒नश्चान्त्य॑श्च भौव॒नश्च॒ भुव॑न॒श्चाधि॑पतिश्च ।
Sentence: 4=d आयु॑र्य॒ज्ञेन॑ कल्पताम्प्रा॒णो य॒ज्ञेन॑ कल्पतामपा॒नः ॥
Verse: 2
Sentence: 1 य॒ज्ञेन॑ कल्पतां व्या॒नो य॒ज्ञेन॑ कल्पतां॒ चक्षु॑र्य॒ज्ञेन॑ कल्पतां॒ श्रोत्रं॑ य॒ज्ञेन॑ कल्पता॒म्मनो॑ य॒ज्ञेन॑ कल्पतां॒ वाग्य॒ज्ञेन॑ कल्पतामा॒त्मा य॒ज्ञेन॑ कल्पतां य॒ज्ञो य॒ज्ञेन॑ कल्पताम् ।
Sentence: 2=e सुव॑र्दे॒वां अ॑गन्मा॒मृता॑ अभूम प्र॒जाप॑तेः प्र॒जा अ॑भूम
Sentence: 3=f सम॒हम्प्र॒जया॒ सम्मया॑ प्र॒जा सम॒हं रा॒यस्पोषे॑ण॒ सम्मया॑ रा॒यस्पोष॑स् ।
Sentence: 4=g अन्ना॑य त्वा॒न्नाद्या॑य त्वा॒ वाजा॑य त्वा वाजजि॒त्यायै॑ त्वा ।
Sentence: 5=h अ॒मृत॑मसि॒ पुष्टि॑रसि प्र॒जन॑नमसि ॥
Paragraph: 10
Verse: 1
Sentence: 1=a वाज॑स्ये॒मम्प्र॑स॒वः सु॑षुवे॒ अग्रे॒ सोमं॒ राजा॑न॒मोष॑धीष्व॒प्सु । ता अ॒स्मभ्य॒म्मधु॑मतीर्भवन्तु व॒यं रा॒ष्ट्रे जा॑ग्रियाम पु॒रोहि॑ताः ॥
Sentence: 2=b वाज॑स्ये॒दम्प्र॑स॒व आ ब॑भूवे॒मा च॒ विश्वा॒ भुव॑नानि स॒र्वतः॑ । स वि॒राज॒म्पर्ये॑ति प्रजा॒नन्प्र॒जम्पुष्टिं॑ व॒र्धय॑मानो अ॒स्मे ॥
Sentence: 3=c वाज॑स्ये॒माम्प्र॑स॒वः शि॑श्रिये॒ दिव॑मि॒मा च॒ विश्वा॒ भुव॑नानि स॒म्राट् । अदि॑त्सन्तं दापयतु प्रजा॒नन्र॒यिम् ॥
Verse: 2
Sentence: 1 च॑ नः॒ सर्व॑वीरां॒ नि य॑छतु ॥
Sentence: 2=d अग्ने॒ अछा॑ वदे॒ह नः॒ प्रति॑ नः सु॒मना॑ भव । प्र णो॑ यछ भुवस्पते धन॒दा अ॑सि न॒स्त्वम् ॥
Sentence: 3=e प्र णो॑ यछत्वर्य॒मा प्र भगः॒ प्र बृह॒स्पतिः॑ । प्र दे॒वाः प्रोत सू॒नृता॒ प्र वाग्दे॒वी द॑दातु नः ॥
Sentence: 4=f अ॑र्य॒मन॒म्बृह॒स्पति॒मिन्द्रं॒ दाना॑य चोदय । वाचं॒ विष्णुं॒ सर॑स्वतीं सवि॒तार॑म् ॥
Verse: 3
Sentence: 1 च॑ वा॒जिन॑म् ॥
Sentence: 2=g सोमं॒ राजा॑नं॒ वरु॑णम॒ग्निम॒न्वार॑भामहे । आ॑दि॒त्यान्विष्णुं॒ सूर्य॑म्ब्र॒ह्माणं॑ च॒ बृह॒स्पति॑म् ।
Sentence: 3=h दे॒वस्य॑ त्वा सवि॒तुः प्र॑स॒वे ऽश्विणो॑र्बा॒हुभ्या॑म्पू॒ष्णो हस्ता॑भ्यां॒ सर॑स्वत्यै वा॒चो य॒न्तुर्य॒न्त्रेणा॒ग्नेस्त्वा॒ साम्रा॑ज्येना॒भि षि॑ञ्चा॒मीन्द्र॑स्य॒ बृह॒स्पत�॑स्त्वा॒ साम्रा॑ज्येणा॒भि षि॑ञ्चामि ॥
Paragraph: 11
Verse: 1
Sentence: 1 अ॒ग्निरेका॑क्षरेण॒ वाच॒मुद॑जयत् ।
Sentence: 2 अ॒श्विनौ॒ द्व्य॑क्षरेण प्राणापा॒नवुद॑जयताम् ।
Sentence: 3 विष्णु॒स्त्र्य॑क्षरेण॒ त्रीन्लो॒कानुद॑जयत्
Sentence: 4 सोम॒श्चतु॑रक्षरेण॒ चतु॑ष्पदः प॒शूनुद॑जयत्
Sentence: 5 पू॒षा पञ्चक्ष॑रेण प॒ङ्क्तिमुद॑जयत् ।
Sentence: 6 धा॒ता षड॑क्षरेण॒ षडृ॒तूनुद॑जयत् ।
Sentence: 7 म॒रुतः॑ स॒प्ताक्ष॑रेण स॒प्तप॑दां॒ शक्व॑री॒मुद॑जयन्
Sentence: 8 बृह॒स्पति॑र॒ष्टाक्ष॑रेण गाय॒तृमुद॑जयत् ।
Sentence: 9 मि॒त्रो नवा॑क्षरेण त्रि॒वृतं॑ स्तोम॒मुद॑जयत् ॥
Verse: 2
Sentence: 1 वरु॑णो॒ दशा॑क्षरेण वि॒राज॒मुद॑जयत् ।
Sentence: 2 इन्द्र॒ एका॑दशाक्षरेण त्रि॒ष्टुभ॒मुद॑जयत् ।
Sentence: 3 विश्वे॑ दे॒वा द्वाद॑शाक्षरेण॒ जग॑ती॒मुद॑जयन्
Sentence: 4 वस॑व॒स्त्रयो॑दशाक्षरेण त्रयोद॒शं स्तोम॒मुद॑जयन् ।
Sentence: 5 रु॒द्राश्चतु॑र्दशाक्षरेण चतुर्द॒शं स्तोम॒मुद॑जयन् ।
Sentence: 6 आ॑दि॒त्याः पञ्च॑दशाक्षरेण पञ्चद॒शं स्तोम॒मुद॑जयत्
Sentence: 7 प्र॒जाप॑तिः स॒प्तद॑शाक्षरेण सप्तद॒शं स्तोम॒मुद॑जयत् ॥
Paragraph: 12
Verse: 1
Sentence: 1=a उ॑पया॒मगृ॑हीतो ऽसि नृ॒षदं॑ त्वा द्रु॒षद॑म्भुवन॒सद॒मिन्द्रा॑य॒ जुष्टं॑ गृह्णाम्ये॒ष ते॒ योनि॒रिन्द्रा॑य त्वा ।
Sentence: 2=b उ॑पया॒मगृ॑हीतो ऽसि अप्सु॒षदं॑ त्वा घृत॒सद॑म्व्योम॒सद॒मिन्द्रा॑य॒ जुष्टं॑ गृह्णाम्ये॒ष ते॒ योनि॒रिन्द्रा॑य त्वा ।
Sentence: 3=c उ॑पया॒मगृ॑हीतो ऽसि पृथिवि॒षदं॑ त्वान्तरिक्ष॒सद॑म्नाक॒सद॒मिन्द्रा॑य॒ जुष्टं॑ गृह्णाम्ये॒ष ते॒ योनि॒रिन्द्रा॑य त्वा
Sentence: 4=d ये ग्रहाः॑ पञ्चज॒नीना॒ येषां॑ ति॒स्रः प॑रम॒जाः । दै॑व्यः कोशः ॥
Verse: 2
Sentence: 1 समु॑ब्जितः । तेषां॒ विशि॑प्रियाणा॒मिष॒मूर्जं॒ सम॑ग्रभीमे॒ष ते॒ योनि॒रिन्द्रा॑य त्वा ।
Sentence: 2=e अ॒पां रस॒मुद्व॑यसं॒ सूर्य॑रश्मिं स॒माभृ॑तम् । अ॒पां रस॑स्य॒ यो रस॒स्तं वो॑ गृह्णाम्युत्त॒ममे॒ष ते॒ योनि॒रिन्द्रा॑य त्वा ।
Sentence: 3=f अ॒या वि॒ष्ठा ज॒नय॒न्कर्व॑राणि॒ स हि घृणि॑रु॒रुर्वरा॑य गा॒तुः । स प्रत्युऐ॑द्ध॒रुणो॒ मध्वो॒ अग्रं॒ स्वायां॒ यत्त॒नुवां॑ त॒नूऐ॑रयत ।
Sentence: 4=g उ॑पया॒मगृ॑हीतो ऽसि प्र॒जाप॑तये त्वा॒ जुष्टं॑ गृह्णाम्ये॒ष ते॒ योनिः॑ प्र॒जाप॑तये त्वा ॥
Paragraph: 13
Verse: 1
Sentence: 1=a अन्वह॒ मासा॒ अन्विद्वना॒न्यन्वोष॑धी॒रनु॒ पर्व॑तासः । अन्विन्द्रं॒ रोद॑सी वावशा॒ने अन्वापो॑ आजिहत॒ जाय॑मानम् ॥
Sentence: 2=b अनु॑ ते दायि म॒ह इ॑न्द्रि॒याय॑ स॒त्रा ते॒ विश्व॒मनु॑ वृत्र॒हत्ये॑ । अनु॑ क्ष॒त्रमनु॒ सहो॑ यज॒त्रेन्द्र॑ दे॒वेभि॒रनु॑ ते नृ॒षह्ये॑ ।
Sentence: 3=c इ॑न्द्रा॒णीमा॒सु नारि॑षु सु॒पत्नी॑म॒हम॑श्रवम् । न ह्य॑स्या अप॒रं च॒न ज॒रसा॑ ॥
Verse: 2
Sentence: 1 मर॑ते॒ पतिः॑ ॥
Sentence: 2=d नाहमि॑न्द्राणि रारण॒ सख्यु॑र्वृ॒षाक॑पेरृ॒ते । यस्ये॒दमप्यं॑ ह॒विः प्रि॒यं दे॒वेषु॒ गछ॑ति ॥
Sentence: 3=e यो जा॒त ए॒व प्र॑थ॒मो मन॑स्वान्दे॒वो दे॒वान्क्रतु॑ना प॒र्यभू॑षत् । यस्य॒ शुष्मा॒द्रोद॑सी॒ अभ्य॑सेताम्नृ॒म्णस्य॑ म॒ह्ना स ज॑नास॒ इन्द्रः॑ ॥
Sentence: 4=f आ ते॑ म॒ह इ॑न्द्रो॒त्यु॑ग्र॒ सम॑न्यवो॒ यत्स॒मर॑न्त॒ सेनाः॑ । पता॑ति दि॒व्युन्नर्य॑स्य बाहु॒वोर्मा ते॑ ॥
Verse: 3
Sentence: 1 मनो॑ विष्व॒द्रिय॒ग्वि चा॑रीत् ॥
Sentence: 2=g मा नो॑ मर्धी॒रा भ॑रा द॒द्धि तन्नः॒ प्र दा॒शुषे॒ दात॑वे॒ भूरि॒ यत्ते॑ । नव्ये॑ दे॒ष्णे श॒स्ते अ॒स्मिन्त॑ उ॒क्थे प्र ब्र॑वाम व॒यमि॑न्द्र स्तु॒वन्तः॑ ॥
Sentence: 3=h आ तू भ॑र॒ माकि॑रे॒तत्परि॑ ष्ठाद्वि॒द्मा हि त्वा॒ वसु॑पतिं॒ वसू॑नाम् । इन्द्र॒ यत्ते॒ माहि॑नं॒ दत्त्र॒मस्त्य॒स्मभ्यं॒ तद्ध॑र्यश्व ॥
Verse: 4
Sentence: 1 प्र य॑न्धि ॥
Sentence: 2=i प्र॑दा॒तारं॑ हवामह॒ इन्द्र॒मा ह॒विषा॑ व॒यम् । उ॒भा हि हस्ता॒ वसु॑ना पृ॒णस्वा प्र य॑छ॒ दक्षि॑णा॒दोत स॒व्यात् ॥
Sentence: 3=k प्र॑दा॒ता व॒ज्री वृ॑ष॒भस्तु॑रा॒षाट्छु॒ष्मी राजा॑ वृत्र॒हा सो॑म॒पावा॑ । अ॒स्मिन्य॒ज्ञे ब॒र्हिष्या नि॒षद्याथा॑ भव॒ यज॑मानाय॒ शं योः ॥
Sentence: 4=l इन्द्रः॑ सु॒त्रामा॒ स्ववां॒ अवो॑भिःह्सुमृडी॒को भ॑वतु वि॒श्ववे॑दाः । बाध॑तां॒ द्वेषो॒ अभ॑यं कृणोतु सु॒वीर्य॑स्य ॥
Verse: 5
Sentence: 1 पत॑यः स्याम ॥
Sentence: 2=m तस्य॑ व॒यं सु॑मतौ य॒ज्ञिय॒स्यापि॑ भ॒द्रे सौ॑मन॒से स्या॑म । स सु॒त्रामा॒ स्ववां॒ इन्द्रो॑ अ॒स्मे आ॒राच्चि॒द्द्वेषः॑ सनु॒तर्यु॑योतु ॥
Sentence: 3=n रे॒वती॑र्नः सध॒माद॒ इन्द्रे॑ सन्तु तु॒विवा॑जाः । क्षु॒मन्तो॒ याभि॒र्मदे॑म ॥
Sentence: 4=o प्रो ष्व॑स्मै पुरोर॒थमिन्द्रा॑य शू॒षम॑र्चत । अ॒भीके॑ चिदु लोक॒कृत्सं॒गे स॒मत्सु॑ वृत्र॒हा । अ॒स्माक॑म्बोधि चोदि॒ता नभ॑न्तामन्य॒केषा॑म् । ज्या॒का अधि॒ धन्व॑सु ॥
Chapter: 8
Paragraph: 1
Verse: 1
Sentence: 1 अनु॑मत्यै पुरो॒डाश॑म॒ष्टाक॑पालं॒ निर्व॑पति धे॒नुर्दक्षि॑णा
Sentence: 2 ये प्र॒त्यञ्चः॒ शम्या॑या अव॒शीय॑न्ते॒ तं नै॑रृ॒तमेक॑कपालं कृ॒ष्णं वासः॑ कृ॒ष्णतू॑षं॒ दक्षि॑णा
Sentence: 3 वीहि॒ स्वाहाहु॑तिं जुषा॒णस् ।
Sentence: 4 ए॒ष ते॑ निरृते भा॒गो भूते॑ ह॒विष्म॑त्यसि मु॒ञ्चेममंह॑सः
Sentence: 5 स्वाहा॒ नमो॒ य इ॒दं च॒कार॑ ।
Sentence: 6 आ॑दि॒त्यं च॒रुं निर्व॑पति॒ वरो॒ दक्षि॑णा ।
Sentence: 7 आ॑ग्नावैष्ण॒वमेका॑दशकपालं वाम॒नो व॒ही दक्षि॑णा ।
Sentence: 8 अ॑ग्नीषो॒मीय॑म् ॥
Verse: 2
Sentence: 1 एका॑दशकपालं॒ हिर॑ण्यं॒ दक्षि॑णा ।
Sentence: 2 अै॒न्द्रमेका॑दशकपालमृष॒भो व॒ही दक्षि॑णा ।
Sentence: 3 आ॑ग्ने॒यम॒ष्टाक॑पालऐ॒न्द्रं दध्यृ॑ष॒भो व॒ही दक्षि॑णा ।
Sentence: 4 अै॑न्द्रा॒ग्नं द्वाद॑शकपालं वैश्वदे॒वं च॒रुम्प्र॑थम॒जो व॒त्सो दक्षि॑णा सौ॒म्यं श्या॑मा॒कं च॒रुं वासो॒ दक्षि॑णा
Sentence: 5 सर॑स्वते च॒रुम्मि॑थुनौ॒ गावौ॒ दक्षि॑णा ॥
Paragraph: 2 Verse: 1 Sentence: 1 आ॑ग्ने॒यम॒ष्टाक॑पालं॒ निर्व॑पति सौ॒म्यं च॒रुं सा॑वि॒त्रं द्वाद॑शकपालं सारस्व॒तं च॒रुम्पौ॒ष्णं च॒रुम्मा॑रु॒तं स॒प्तक॑पालं वैश्वदे॒वीमा॒मिक्षां॑ द्यावापृथि॒व्य॒मेक॑कपालम् ॥
Paragraph: 3
Verse: 1
Sentence: 1=a अै॑न्द्रा॒ग्नमेका॑दशकपालम्मारु॒तीमा॒मिक्षां॑ वारु॒णीमा॒मिक्षां॑ का॒यमेक॑कपालम्
Sentence: 2=b प्रघा॒स्या॑न्हवामहे म॒रुतो॑ य॒ज्ञवा॑हसः कर॒म्भेण॑ स॒जोष॑सः ।
Sentence: 3=c मो षू ण॑ इन्द्र पृ॒त्सु दे॒वास्तु॑ स्म ते शुष्मिन्नव॒या । म॒ही ह्य॑स्य मी॒ढुषो॑ यव्या । ह॒विष्म॑तो म॒रुतो॒ वन्द॑ते॒ गीः ।
Sentence: 4=d यद्ग्रामे॒ यदर॑ण्ये॒ यत्स॒भायां॒ यदि॑न्द्रि॒ये । यच्छू॒द्रे यद॒र्य॒ एन॑श्चकृ॒मा व॒यम् । यदेक॒स्याधि॒ धर्म॑णि॒ तस्या॑व॒यज॑नमसि॒ स्वाहा॑ ।
Sentence: 5=e अक्र॒न्कर्म॑ कर्म॒कृतः॑ स॒ह वा॒चा म॑योभु॒वा । दे॒वेभ्यः॒ कर्म॑ कृ॒त्वास्त॒म्प्रेत॑ सुदानवः ॥
Paragraph: 4
Verse: 1
Sentence: 1=a अ॒ग्नये ऽनी॑कवते पुरो॒डाश॑म॒ष्टाक॑पाल॒म्निर्व॑पति सा॒कं सूर्ये॑णोद्य॒ता म॒रुद्भ्यः॑ सान्तपभ्यो॑ म॒ध्यन्दि॑ने च॒रुम्म॒रुद्भ्यो॑ गृहमे॒धिभ्यः॒ सर्वा॑सां दु॒ग्धे सा॒यं च॒रुम्
Sentence: 2=b पू॒र्णा द॑र्वि॒ परा॑ पत॒ सुपू॑र्णा॒ पुन॒रा प॑त । व॒स्नेव॒ वि क्री॑णावहा॒ इष॒मूर्जं॑ शतक्रतो ॥
Sentence: 3=c दे॒हि मे॒ ददा॑मि ते॒ नि मे॑ धेहि॒ नि ते॑ दधे । नि॒हार॒मिन्नि मे॑ हरा नि॒हार॑म् ॥
Verse: 2
Sentence: 1 नि ह॑रामि ते ॥
Sentence: 2=d म॒रुद्भ्यः॑ क्री॒डिभ्यः॑ पुरो॒डाशं॑ स॒प्तक॑पालं॒ निर्व॑पति सा॒कं सूर्ये॑णोद्य॒ताग्ने॒यम॒षलं॒ निर्व॑पति सौ॒म्यं च॒रुं सा॑वि॒त्रं द्वाद॑शकपालं सारस्व॒तं च॒रुम्पौ॒ष्णं च॒रुऐ॑न्द्रा॒ग�॒न्द्रं च॒रुं वै॑श्वकर्म॒णमेक॑कपालम् ॥
Paragraph: 5
Verse: 1
Sentence: 1=a सोमा॑य पितृ॒मते॑ पुरो॒डाशं॒ षट्क॑पालं॒ निर्व॑पति पि॒तृभ्यो॑ बर्हि॒षद्भ्यो॑ धा॒नाः पि॒तृभ्यो॑ ऽग्निष्वा॒त्तेभ्यो॑ ऽभिवा॒न्या॑यै दु॒ग्धे म॒न्थम्
Sentence: 2=b ए॒तत्ते॑ तत॒ ये च॒ त्वामन्वे॒तत्ते॑ पितामह प्रपितामह॒ ये च॒ त्वामन्वत्र॑ पितरो यथाभा॒गम्म॑न्�म् ।
Sentence: 3=c सु॑सं॒दृशं॑ त्वा व॒यम्मघ॑वन्मन्दिषी॒महि॑ । प्र नू॒नम्पू॒र्णव॑न्धुर स्तु॒तो या॑सि॒ वशां॒ अनु॑ । योजा॒ न्वि॑न्द्र ते॒ हरी॑ ॥
Verse: 2
Sentence: 1=d अक्ष॒न्नमी॑मदन्त॒ ह्यव॑ प्रि॒या अ॑धूषत । अस्तो॑षत॒ स्वभा॑नवो॒ विप्रा॒ नवि॑ष्टया म॒ती योजा॒ न्वि॑न्द्र ते॒ हरी॑ ॥
Sentence: 2=e अक्ष॑न्पि॒तरो ऽमी॑मदन्त पि॒तरो ऽती॑तृपन्त पि॒तरो ऽमी॑मृजन्त पि॒तरः
Sentence: 3=f परे॑त पितरः सोम्या गम्भीरैः प॒थिभिः॑ पूर्व्यैः । अथा॑ पि॒तॄन्त्सु॑वि॒दत्रां॒ अपी॑त य॒मेन॒ ये स॑ध॒माद॒म्मद॑न्ति ॥
Sentence: 4=g मनो॒ न्वा हु॑वामहे नाराशं॒सेन॒ स्तोमे॑न पितृ॒णां च॒ मन्म॑भिः ।
Sentence: 5=h आ ॥
Verse: 3
Sentence: 1 न॑ एतु॒ मनः॒ पुनः॒ क्रत्वे॑ द॒क्षाय॑ जी॒वसे॑ । ज्योक्च॒ सूर्यं॑ दृशे ॥
Sentence: 2=i पुन॑र्नः पि॒तरो॒ मनो॒ ददा॑तु दैव्यो॒ जनः॑ । जी॒वं व्रातं॑ सचेमहि ॥
Sentence: 3=k यद॒न्तरि॑क्षम्पृथि॒वीमु॒त द्यां यन्मा॒तर॑म्पि॒तरं॑ वा जिहिंसि॒म । अ॒ग्निर्मा॒ तस्मा॒देन॑सो॒ गार्ह॑पत्यः॒ प्र मु॑ञ्चतु दुरि॒ता यानि॑ चकृ॒म क॒रोतु॒ माम॑ने॒नस॑म् ॥
Paragraph: 6
Verse: 1
Sentence: 1=a प्र॑तिपूरु॒षमेक॑कपाला॒न्निर्व॑प॒त्येक॒मति॑रिक्तम् ।
Sentence: 2=b याव॑न्तो गृ॒ह्याः॒ स्मस्तेभ्यः॒ कम॑करम्
Sentence: 3=c पशू॒नां शर्मा॑सि॒ शर्म॒ यज॑मानस्य॒ शर्म॑ मे यछ ।
Sentence: 4=d एक॑ ए॒व रु॒द्रो न द्वि॒तीया॑य तस्थे ।
Sentence: 5=e आ॒खुस्ते॑ रुद्र प॒शुस्तं जु॑षस्व ।
Sentence: 6=f ए॒ष ते॑ रुद्र भा॒गः स॒ह स्वस्राम्बि॑कया॒ तं जु॑षस्व
Sentence: 7=g भेष॒जं गवे ऽश्वा॑य॒ पुरु॑षाय भेष॒जमथो॑ अ॒स्मभ्य॑म्भेष॒जं सुभे॑षजम् ॥
Verse: 2
Sentence: 1 यथा॑सति सु॒गम्मे॒षाय॑ मेष्यै
Sentence: 2=h अवा॑म्ब रु॒द्रम॑दिम॒ह्यव॑ दे॒वं त्र्य॑म्बकम् । यथा॑ नः॒ श्रेय॑सः॒ कर॒द्यथा॑ नो॒ वस्य॑सः॒ कर॒द्यथा॑ नः पशु॒मतः॒ कर॒द्यथा॑ नो व्यवसा॒यया॑त् ॥
Sentence: 3=i त्र्य॑म्बकं यजामहे सुग॒न्धिम्पु॑ष्टि॒वर्ध॑नम् । उ॑र्वारु॒कमि॑व॒ बन्ध॑नान्मृ॒त्योर्मु॑क्षीय॒ मामृता॑त् ।
Sentence: 4=k ए॒ष ते॑ रुद्र भा॒गस्तं जु॑षस्व॒ तेना॑व॒सेन॑ प॒रो मूज॑व॒तो ऽती॑हि ।
Sentence: 5=l अव॑ततधन्वा॒ पिना॑कहस्तः॒ कृत्ति॑वासाः ॥
Paragraph: 7
Verse: 1
Sentence: 1=a अै॑न्द्रा॒ग्नं द्वाद॑शकपालं वैश्वदे॒वं च॒रुमिन्द्रा॑य॒ शुना॒सीरा॑य पुरो॒डाशं॒ द्वाद॑शकपालं वाय॒व्य॒म्पयः॑ सु॒र्यमेक॑कपालं द्वादशग॒वं सीरं॒ दक्षि॑णा ।
Sentence: 2=b आ॑ग्ने॒यम॒ष्टाक॑पालं॒ निर्व॑पति रौ॒द्रं गा॑वीधु॒कं च॒रुऐ॒न्द्रं दधि॑ वारु॒णं य॑व॒मयं॑ च॒रुं व॒हिनी॑ धे॒नुर्दक्षि॑णा
Sentence: 3=c ये दे॒वाः पु॑रः॒सदो॒ ऽग्निने॑त्रा दक्षिण॒सदो॑ य॒मने॑त्राः पश्चा॒त्सदः॑ सवि॒तृने॑त्रा उत्तर॒सदो॒ वरु॑णनेत्रा उपरि॒षदो॒ बृह॒स्पति॑नेत्रा रक्षो॒हण॒स्ते नः॑ पान्तु॒ ते नो॑ ऽवन्तु॒ तेभ्यः॑ ॥
Verse: 2
Sentence: 1 नम॒स्तेभ्यः॒ स्वाहा
Sentence: 2=d समू॑ढं॒ रक्षः॒ सन्द॑ग्धं॒ रक्ष॑ इ॒दम॒हं रक्षो॒ ऽभि सं द॑हामि ।
Sentence: 3=e अ॒ग्नये॑ रक्षो॒घ्ने स्वाहा॑ य॒माय॑ सवि॒त्रे वरु॑णाय॒ बृह॒स्पत॑ये॒ दुव॑स्वते रक्षो॒ घ्ने स्वाहा
Sentence: 4=f प्रष्टिवा॒ही रथो॒ दक्षि॑णा
Sentence: 5=g दे॒वस्य॑ त्वा सवि॒तुः प्र॑स॒वे॒ ऽश्विनो॑र्बा॒हुभ्या॑म्पू॒ष्णो हस्ता॑भ्यां॒ रक्ष॑सो व॒धं जु॑होमि ह॒तं रक्षो ऽव॑धिष्म॒ रक्ष॑स् ।
Sentence: 6=h यद्वस्ते॒ तद्दक्षि॑णा ॥
Paragraph: 8
Verse: 1
Sentence: 1 धा॒त्रे पु॑रो॒डाशं॒ द्वाद॑शकपालं॒ निर्व॑पति ।
Sentence: 2 अनु॑मत्यै च॒रुम् ।
Sentence: 3 रा॒कायै॑ च॒रुम् ।
Sentence: 4 सि॑नीवाल्यै च॒रुम् ।
Sentence: 5 कुह्वै च॒रुम्
Sentence: 6 मिथुनौ॒ गावौ॒ दक्षि॑णा ।
Sentence: 7 आ॑ग्नावैष्ण॒वमेका॑दशकपालं॒ निर्व॑पति ।
Sentence: 8 अै॑न्द्रावैष्ण॒वमेका॑दशकपालम् ।
Sentence: 9 वै॑ष्ण॒वं तृ॑कपा॒लम् ।
Sentence: 10 वा॑म॒नो व॒ही दक्षि॑णा ।
Sentence: 11 अ॑ग्नीषो॒मीय॒मेका॑दशकपालं॒ निर्व॑पति ।
Sentence: 12 इ॑न्द्रासो॒मीय॒मेका॑दशकपालम् ।
Sentence: 13 सौ॒म्यं च॒रुम्
Sentence: 14 ब॒भ्रुर्दक्षि॑णा
Sentence: 15 सोमापौ॒ष्णं च॒रुं निर्व॑पति ।
Sentence: 16 अै॑न्द्रापौ॒ष्णं च॒रुम्
Sentence: 17 पौ॒ष्णं च॒रुम् ।
Sentence: 18 श्या॒मो दक्षि॑णा
Sentence: 19 वैश्वान॒रं द्वाद॑शकपालं॒ निर्व॑पति
Sentence: 20 हिर॑ण्यं॒ दक्षि॑णा
Sentence: 21 वारु॒णं य॑व॒मयं॑ च॒रुम्
Sentence: 22 अश्वो॒ दक्षि॑णा ॥
Paragraph: 9
Verse: 1
Sentence: 1 बा॑र्हस्प॒त्यं च॒रुं निर्व॑पति ब्र॒ह्मणो॑ गृ॒हे शि॑तिपृ॒ष्ठो दक्षि॑णा ।
Sentence: 2 अै॒न्द्रमेका॑दशकपालं राज॒न्य॑स्य गृ॒ह ऋ॑ष॒भो दक्षि॑णा ।
Sentence: 3 आ॑दि॒त्यं च॒रुम्महि॑ष्यै गृ॒हे धे॒नुर्दक्षि॑णा
Sentence: 4 नैरृ॒तं च॒रुम्प॑रिवृक्त्यै गृ॒हे कृ॒ष्णानां॑ व्रीही॒णां न॒खनि॑र्भिन्नं कृ॒ष्णा कू॒टा दक्षि॑णा ।
Sentence: 5 आ॑ग्ने॒यम॒ष्टाक॑पालं सेना॒न्यो॑ गृ॒हे हिर॑ण्यं॒ दक्षि॑णा
Sentence: 6 वारु॒णं दश॑कपालं सू॒तस्य॑ गृ॒हे म॒हानि॑रष्टो॒ दक्षि॑णा
Sentence: 7 मारु॒तं स॒प्तक॑पालं ग्राम॒ण्यो॑ गृ॒हे पृश्नि॒र्दक्षि॑णा
Sentence: 8 सावि॒त्रं द्वाद॑शकपालम् ॥
Verse: 2
Sentence: 1 क्ष॒त्तुर्गृ॒ह उ॑पध्व॒स्तो दक्षि॑णा ।
Sentence: 2 आ॑श्वि॒नं द्विक॑पालं सङ्ग्रही॒तुर्गृ॒हे स॑वात्यौ॒ दक्षि॑णा
Sentence: 3 पौ॒ष्णं च॒रुम्भा॑गदु॒घस्य॑ गृ॒हे श्या॒मो दक्षि॑णा
Sentence: 4 रौ॒द्रं गा॑वीधु॒कं च॒रुम॑क्षावा॒पस्य॑ गृ॒हे श॒बल॒ उद्वा॑रो॒ दक्षि॑णा ।
Sentence: 5 इ॑न्द्राय सु॒त्राम्णे॑ पुरो॒डाश॒मेका॑दशकपाल॒म्प्रति॒ निर्व॑प॒तीन्द्रा॑यांहो॒मुचे॒ ऽयं नो॒ राजा॑ वृत्र॒हा राजा॑ भू॒त्वा वृ॒त्रं व॑ध्यात् ।
Sentence: 6 मै॑त्राबार्हस्प॒त्यम्भ॑वति श्वे॒तायै॑ श्वे॒तव॑त्सायै दु॒ग्धे स्व॑यम्मू॒र्ते स्व॑यम्मथि॒त आज्य॒ आश्व॑त्ते ॥
Verse: 3
Sentence: 1 पात्रे॒ चतुः॑स्रक्तौ स्वयमवप॒न्नायै॑ शाखायै
Sentence: 2 क॒र्णांश्चाक॑र्णांश्च तण्डु॒लान्वि चि॑नुया॒द्ये क॒र्णाः स पय॑सि बार्हस्प॒त्यो ये ऽक॑र्णाः॒ स आज्ये॑ मै॒त्रः
Sentence: 3 स्व॑यङ्कृ॒ता वेदि॑र्भवति स्वयन्दि॒नम्ब॒र्हिः स्व॑यङ्कृ॒त इ॒ध्मः
Sentence: 4 सै॒व श्वे॒ता श्वे॒तव॑त्सा॒ दक्षि॑णा ॥
Paragraph: 10
Verse: 1
Sentence: 1=a अ॒ग्नये॑ गृ॒हप॑तये पुरो॒डाश॑म॒ष्टाक॑पालं॒ निर्व॑पति कृ॒ष्णानां॑ व्रीही॒णां सोमा॑य॒ वन॒स्पत॑ये श्यामा॒कं च॒रुं स॑वि॒त्रे स॒त्यप्र॑सवाय पुरो॒डाशं॒ द्वाद॑शकपालमाशू॒नां व्री॑ही॒णां रु॒द्राय॑ पशु॒पत॑ये गावीधु॒कं च॒रुम्बृह॒स्पत॑ये वा॒चस्पत॑ये नैवा॒रं च॒रुमिन्द्रा॑य ज्ये॒ष्टाय॑ पुरो॒डाश॒मेका॑दशकपालम्म॒हाव्री॑हीणाम्मि॒त्राय॑ स॒त्याया॒�नां॑ च॒रुं वरु॑णाय॒ धर्म॑पतये यव॒मयं॑ च॒रुम् ।
Sentence: 2=b स॑वि॒ता त्वा॑ प्रस॒वानां॑ सुवताम॒ग्निर्गृ॒हप॑तीनां॒ सोमो॒ वन॒स्पती॑नां रु॒द्रः प॑शू॒नाम् ॥
Verse: 2
Sentence: 1 बृह॒स्पति॑र्वा॒चामिन्द्रो॑ ज्ये॒ष्ठाना॑म्मि॒त्रः स॒त्यानां॒ वरु॑णो॒ धर्म॑पतीनाम् ।
Sentence: 2=c ये दे॒वा दे॑व॒सुव॒ स्थ त इ॒ममा॑मुष्याय॒णम॑नमि॒त्राय॑ सुवध्वम्मह॒ते क्ष॒त्राय॑ मह॒त आधि॑पत्याय मह॒ते जान॑राज्याय ।
Sentence: 3=d ए॒ष वो॑ भरता॒ राजा॒ सोमो॒ ऽस्माक॑म्ब्राह्म॒णाणां॒ राजा
Sentence: 4=e प्रति॒ त्यन्नाम॑ रा॒ज्यम॑धायि॒ स्वां त॒नुवं॒ वरु॑णो अशिश्रे॒च्छुचे॑र्मि॒त्रस्य॒ व्रत्या॑ अभू॒माम॑न्महि मह॒त ऋ॒तस्य॒ नाम
Sentence: 5=f सर्वे॒ व्राता॒ वरु॑णस्याभूव॒न्वि मि॒त्र एवै॒ररा॑तिमतारी॒दसू॑षुदन्त य॒ज्ञिया॑ ऋ॒तेन॒ व्यु॑ त्रि॒तो ज॑रि॒माणं॑ न आनड्
Sentence: 6=g विष्णोः॒ क्रमो॑ ऽसि॒ विष्णोः॑ क्रा॒न्तम॑सि॒ विष्णो॒र्विक्रा॑न्तमसि
Paragraph: 11
Verse: 1
Sentence: 1=a अ॒र्थेत॑ स्था॒पाम्पति॑रसि॒ वृषा॑स्यू॒र्मिर्वृ॑षसे॒नो॑ ऽसि व्रज॒क्षित॑ स्थ म॒रुता॒मोज॑ स्थ॒ सूर्य॑वर्चस स्थ॒ सूर्य॑त्वचस स्थ॒ मान्दा॑ स्थ॒ वाशा॑ स्थ॒ शक्व॑री स्थ विश्व॒भृत॑ स्थ जन॒भृत॑ स्था॒ग्नेस्ते॑ज॒स्या॑ स्था॒पामोष॑धीनां॒ रस॑ स्थ ।
Sentence: 2=b अ॒पो दे॒वीर्मधु॑मतीरगृह्ण॒न्नूर्ज॑स्वती राज॒सूया॑य॒ चिता॑नाः । याभि॑र्मि॒त्रावरु॑णाव॒भ्यषि॑ञ्च॒न्याभि॒रिन्द्र॒मन॑य॒न्नत्यरा॑तीः ॥
Sentence: 3=c {F रा॑ष्ट्र॒दा{W रा॑ष्त्र॒दा स्थ॑ रा॒ष्ट्रं द॑त्त॒ स्वाहा॑ राष्ट्र॒दा स्थ॑ रा॒ष्ट्रम॒मुष्मै॑ दत्त ॥
Paragraph: 12
Verse: 1
Sentence: 1=a देवी॑रापः॒ सम्मधु॑मती॒र्मधु॑मतीभिः सृज्यध्व॒म्महि॒ वर्चः॑ क्ष॒त्रिया॑य वन्वा॒नास् ।
Sentence: 2=b अना॑धृष्टाः सीद॒तोर्ज॑स्वती॒र्महि॒ वर्चः॑ क्ष॒त्रिया॑य द॒धती॑स् ।
Sentence: 3=c अनि॑भृष्टमसि वा॒चो बन्धु॑स्तपो॒जाः सोम॑स्य दा॒त्रम॑सि
Sentence: 4=d शु॒क्रा वः॑ शु॒क्रेनोत्पु॑नामि च॒न्द्राश्च॒न्द्रेणा॒मृता॑ अ॒मृते॑न॒ स्वाहा॑ राज॒सूया॑य॒ चिता॑नाः
Sentence: 5=e सध॒मादो॑ द्यु॒म्निनी॒रूर्ज॑ ए॒ता अनि॑भृष्टा अप॒स्युवो॒ वसा॑नः । प॒स्त्या॑सु चक्रे॒ वरु॑णः स॒धस्थ॑म॒पां शिशुः॑ ॥
Verse: 2
Sentence: 1 मा॒तृत॑मास्व॒न्तः ॥
Sentence: 2=f क्ष॒त्रस्योल्ब॑मसि क्ष॒त्रस्य॒ योनि॑रसि ।
Sentence: 3=g आवि॑न्नो अ॒ग्निर्गृ॒हप॑ति॒रावि॑न्न॒ इन्द्रो॑ वृ॒द्धश्र॑वा॒ आवि॑न्नः पू॒षा वि॒श्ववे॑दा॒ आवि॑न्नौ मि॒त्रावरु॑णवृता॒वृधा॒वावि॑न्ने॒ द्यावा॑पृथि॒वी धृ॒तव्र॑ते॒ आवि॑न्ना दे॒व्य॒णो॒ ऽस्यां वि॒श्य॒स्मिन्रा॒ष्ट्रे म॑ह॒ते क्ष॒त्राय॑ मह॒त आधि॑पत्याय मह॒ते जान॑राज्याय ।
Sentence: 4=h ए॒ष वो॑ भरता॒ राजा॒ सोमो॒ ऽस्माक॑म्ब्राह्म॒णानां॒ राजा॑ ।
Sentence: 5=i इन्द्र॑स्य ॥
Verse: 3
Sentence: 1 वज्रो॑ ऽसि॒ वार्त्र॑घ्नस्त्वया॒यं वृ॒त्रं व॑ध्यात् ।
Sentence: 2=k श॑त्रु॒बाध॑ना स्थ
Sentence: 3=l पा॒त मा॑ प्र॒त्यञ्च॑म्पा॒त मा॑ ति॒र्यञ्च॑म॒न्वञ्च॑म्मा पात दि॒ग्भ्यो मा॑ पात॒ विश्वा॑भ्यो मा ना॒ष्ट्राभ्यः॑ पात
Sentence: 4=m हिर॑ण्यवर्णावु॒षसां॑ विरो॒के ऽय॑स्थूणा॒वुदि॑तौ॒ सूर्य॒स्या रो॑हतं वरुण मित्र॒ गर्तं॒ तत॑श्चक्षाथा॒मदि॑तिं॒ दितिं॑ च ॥
Paragraph: 13
Verse: 1
Sentence: 1=a स॒मिध॒मा ति॑ष्ठ गाय॒त्री त्वा॒ छन्द॑सामवतु त्रि॒वृत्स्तोमो॑ रथन्त॒रं सामा॒ग्निर्दे॒वता॒ ब्रह्म॒ द्रवि॑णम्
Sentence: 2=b उ॒ग्रामा ति॑ष्ठ त्रि॒ष्टुप्त्वा॒ छन्द॑सामवतु पञ्चद॒श स्तोमो॑ बृ॒हत्सामेन्द्रो॑ दे॒वता॑ क्ष॒त्रं द्रवि॑णम् ।
Sentence: 3=c वि॒राज॒मा ति॑ष्ठ॒ जग॑ती त्वा॒ छन्द॑सामवतु सप्तद॒श स्तोमो॑ वैरू॒पं साम॑ म॒रुतो॑ दे॒वता॒ विड्द्रवि॑णम्
Sentence: 4=d उदी॑ची॒मा ति॑ष्ठानु॒ष्टुप्त्वा॑ ॥
Verse: 2
Sentence: 1 छन्द॑सामवत्वेक विं॒श स्तोमो॑ वैरा॒जं साम॑ मि॒त्रावरु॑णौ दे॒वता॒ बलं॒ द्रवि॑णम्
Sentence: 2=e ऊ॒र्ध्वामा ति॑ष्ठ प॒ङ्क्तिस्त्वा॒ छन्द॑सामवतु त्रिणवत्रयस्त्रिंशौ॒ स्तोमौ॑ शाक्वररैव॒ते साम॑नी॒ बृह॒स्पति॑र्दे॒वता॒ वर्चो॒ द्रवि॑णम्
Sentence: 3=f ई॒डृङ्चा॑न्या॒दृङ्चै॑ता॒दृङ्च॑ प्रति॒दृङ्च॑ मि॒तश्च॒ सम्मि॑तश्च॒ सभ॒राः
Sentence: 4=g शु॒क्रज्यो॑तिष्च चि॒त्रज्यो॑तिश्च स॒त्यज्यो॑तिश्च॒ ज्योति॑ष्मांश्च स॒त्यश्च॑र्त॒पाश्च॑ ॥
Verse: 3
Sentence: 1 अत्यं॑हाः ।
Sentence: 2=h अ॒ग्नये॒ स्वाहा॒ सोमा॑य॒ स्वाहा॑ सवि॒त्रे स्वाहा॒ सर॑स्वत्यै॒ स्वाहा॑ पू॒ष्णे स्वाहा॒ बृह॒स्पत॑ये॒ स्वाहेन्द्रा॑य॒ स्वाहा॒ घोषा॑य॒ स्वाहा॒ श्लोका॑य॒ स्वाहांशा॑य॒ स्वाहा॒ भगा॑य॒ स्वाहा॒ क्षेत्र॑स्य॒ पत॑ये॒ स्वाहा
Sentence: 3=i पृथिव्यै॒ स्वाहा॒न्तरि॑क्षाय॒ स्वाहा॑ दि॒वे स्वाहा॒ सूर्या॑य॒ स्वाहा॑ च॒न्द्रम॑से॒ स्वाहा॒ नक्ष॑त्रेभ्यः॒ स्वाहा॒द्भ्यः स्वाहौ॑षधीभ्यः॒ स्वाहा॒ वन॒स्पति॑भ्यः॒ स्वाहा॑ चराच॒रेभ्यः॒ स्वाहा॑ परिप्ल॒वेभ्यः॒ स्वाहा॑ सरीसृ॒पेभ्यः॑ स्वाहा
Paragraph: 14
Verse: 1
Sentence: 1=a सोम॑स्य॒ त्विषि॑रसि॒ तवे॑व मे॒ त्विषि॑र्भूयात् ।
Sentence: 2=b अ॒मृत॑मसि मृ॒त्योर्मा॑ पाहि
Sentence: 3=c दि॒द्योन्मा॑ पाहि ।
Sentence: 4=d अवे॑ष्टा दन्द॒शूका॑स् ।
Sentence: 5=e निर॑स्तं॒ नमु॑चेः॒ शिरः
Sentence: 6=f सोमो॒ राजा॒ वरु॑णो दे॒वा ध॑र्म॒सुव॑श्च॒ ये । ते ते॒ वाचं॑ सुवन्तां॒ ते ते॑ प्रा॒णं सु॑वन्तां॒ ते ते॒ चक्षुः॑ सुवन्तां॒ ते ते॒ श्रोत्रं॑ सुवन्ताम् ।
Sentence: 7=g सोम॑स्य त्वा द्यु॒म्नेना॒भि षि॑ञ्चाम्य॒ग्नेः ॥
Verse: 2
Sentence: 1 तेज॑सा॒ सूर्य॑स्य॒ वर्च॒सेन्द्र॑स्येन्द्रि॒येण॑ मि॒त्रावरु॑णयोर्वी॒र्ये॑ण म॒रुता॒मोज॑सा
Sentence: 2=h क्ष॒त्राणां॑ क्ष॒त्रप॑तिरसि ।
Sentence: 3=i अति॑ दि॒वस्पा॑हि
Sentence: 4=k स॒माव॑वृत्रन्नध॒रागुदी॑ची॒रहि॑म्बु॒ध्निय॒मनु॑ सं॒चर॑न्तीः॒ ताः पर्व॑तस्य वृष॒भस्य॑ पृ॒ष्ठे नाव॑श्चरन्ति स्व॒सिच॑ इया॒नाः ॥
Sentence: 5=l रुद्र॒ यत्ते॒ क्रयी॒ परं॒ नाम॒ तस्मै॑ हु॒तम॑सि य॒मेष्ट॑मसि ॥
Sentence: 6=m प्रजा॑पते॒ न त्वदे॒तान्य॒न्यो विश्वा॑ जा॒तानि॒ परि॒ ता ब॑भूव । यत्का॑मास्ते जुहु॒मस्तन्नो॑ अस्तु व॒यं स्या॑म॒ पत॑यो रयी॒णाम् ॥
Paragraph: 15
Verse: 1
Sentence: 1=a इन्द्र॑स्य॒ वज्रो॑ ऽसि॒ वार्त्र॑घ्न॒स्त्वया॒यं वृ॒त्रं व॑ध्यात् ।
Sentence: 2=b मि॒त्रावरु॑णयोस्त्वा प्रशा॒स्त्रोः प्र॒शिषा॑ युनज्मि य॒ज्ञस्य॒ योगे॑न
Sentence: 3=c विष्णोः॒ क्रमो॑ ऽसि॒ विष्णोः॑ क्रा॒न्तम॑सि॒ विष्णो॒र्विक्रा॑न्तमसि
Sentence: 4=d म॒रुता॑म्प्रस॒वे जे॑षम्
Sentence: 5=e आ॒प्तम्मनः
Sentence: 6=f सम॒हमि॑न्द्रि॒येण॑ वी॒र्ये॑ण
Sentence: 7=g पशू॒नाम्म॒न्युर॑सि॒ तवे॑व मे म॒न्युर्भू॑यात् ।
Sentence: 8=h नमो॑ मा॒त्रे पृ॑थिव्यै॒ माहम्मा॒तर॑म्पृथि॒वीं हिं॑सिष॒म्मा ॥
Verse: 2
Sentence: 1 मां मा॒ता पृ॑थि॒वी हिं॑सीत् ।
Sentence: 2=i इय॑द॒स्यायु॑र॒स्यायु॑र्मे धे॒ह्यूर्ग॒स्यूर्ज॑म्मे धेहि॒ युङ्ङ॑सि॒ वर्चो॑ ऽसि॒ वर्चो॒ मयि॑ धेहि ।
Sentence: 3=k अ॒ग्नये॑ गृ॒ह प॑तये॒ स्वाहा॒ सोमा॑य॒ वन॒स्पत॑ये॒ स्वाहेन्द्र॑स्य॒ बला॑य॒ स्वाहा॑ म॒रुता॒मोज॑से॒ स्वाहा
Sentence: 4=l हं॒सः शु॑चि॒षद्वसु॑रन्तरिक्ष॒सद्धोता॑ वेदि॒षदति॑थिर्दुरोण॒सत् । नृ॒षद्व॑र॒सदृ॑त॒सद्व्यो॑म॒सद॒ब्जा गो॒जा ऋ॑त॒जा अ॑द्रि॒जा ऋ॒तम्बृ॒हत् ॥
Paragraph: 16
Verse: 1
Sentence: 1=a मि॒त्रो॑ ऽसि॒ वरु॑णो ऽसि
Sentence: 2=b सम॒हं विश्वै॑र्देवैः
Sentence: 3=c क्ष॒त्रस्य॒ नाभि॑रसि क्ष॒त्रस्य॒ योनि॑रसि
Sentence: 4=d स्यो॒नामा सी॑द सु॒षदा॒मा सी॑द
Sentence: 5=e मा त्वा॑ हिंसी॒न्मा मा॑ हिंसीत् ।
Sentence: 6=f नि ष॑साद धृ॒तव्र॑तो॒ वरु॑णः प॒स्त्या॒स्वा साम्रा॑ज्याय सु॒क्रतु॑स् ।
Sentence: 7=g ब्रह्मा३न्त्वं रा॑जन्ब्र॒ह्मासि॑ सवि॒तासि॑ स॒त्यस॑वो॒ ब्रह्मा३न्त्वं रा॑जन्ब्र॒ह्मासीन्द्रो॑ ऽसि सत्यौजाः ॥
Verse: 2
Sentence: 1 ब्रह्मा३न्त्वं रा॑जन्ब्र॒ह्मासि॑ मि॒त्रो॑ ऽसि सु॒शेवो॒ ब्रह्मा३न्त्वं रा॑जन्ब्र॒ह्मासि॒ वरु॑णो ऽसि स॒त्यध॑र्मा ।
Sentence: 2=h इ॑न्द्रस्य॒ वज्रो॑ ऽसि॒ वार्त्र॑घ्न॒स्तेन॑ मे रध्य
Sentence: 3=i दिशो॒ ऽभ्य॒यं राजा॑भूत्
Sentence: 4=k सुश्लो॒का३ं॒ सुम॑ङ्ग॒ला३ं॒ सत्य॑रा॒जा३न्
Sentence: 5=l अ॒पां नप्त्रे॒ स्वाहो॒र्जो नप्त्रे॒ स्वाहा॒ग्नये॑ गृ॒हप॑तये॒ स्वाहा॑ ॥
Paragraph: 17
Verse: 1
Sentence: 1 आ॑ग्ने॒यम॒ष्टाक॑पालं॒ निर्व॑पति
Sentence: 2 हिर॑ण्यं॒ दक्षि॑णा सारस्व॒तं च॒रुं व॑त्सत॒री दक्षि॑णा सावि॒त्रं द्वाद॑शकपालमुपध्व॒स्तो दक्षि॑णा पौ॒ष्णं च॒रुं श्या॒मो दक्षि॑णा बार्हस्प॒त्यं च॒रुं शि॑तिपृ॒ष्ठो दक्षि॑णै॒न्द॒भो दक्षि॑णा वारु॒णं दश॑कपालम्म॒हानि॑रष्टो॒ दक्षि॑णा सौ॒म्यं च॒रुम्ब॒भ्रुर्दक्षि॑णा त्वा॒ष्ट्रम॒ष्टाक॑पालं शु॒ण्ठो दक्षि॑णा वैष्ण॒वं त्रि॑कपा॒लं वा॑म॒नो दक्षि॑णा ॥
Paragraph: 18
Verse: 1
Sentence: 1 स॒द्यो दी॑क्षयन्ति
Sentence: 2 स॒द्यः सोमं॑ क्रीणन्ति
Sentence: 3 पुण्डरिस्र॒जाम्प्र य॑छति
Sentence: 4 द॒शभि॑र्वत्सतरैः॒ सोमं॑ क्रीणाति
Sentence: 5 दश॒पेयो॑ भवति
Sentence: 6 श॒तम्ब्रा॑ह्म॒णाः पि॑बन्ति
Sentence: 7 सप्तद॒शं स्तो॒त्रम्भ॑वति
Sentence: 8 प्राका॒शाव॑ध्व॒र्यवे॑ ददाति
Sentence: 9 स्रज॑मुद्गा॒त्रे
Sentence: 10 रु॒क्मं होत्रे॑ ।
Sentence: 11 अश्व॑म्प्रस्तोतृप्रतिह॒र्तृभ्या॑म् ।
Sentence: 12 द्वा॑दश पष्ठौ॒हीर्ब्र॒ह्मणे
Sentence: 13 व॒शाम्मै॑त्रावरु॒णाय॑ ।
Sentence: 14 ऋ॑ष॒भम्ब्रा॑ह्मणाछं॒सिने
Sentence: 15 वास॑सी नेष्टापो॒तृभ्या॑म् ।
Sentence: 16 स्थूरि॑ यवाचि॒तम॑छावा॒काय॑ ।
Sentence: 17 अ॑न॒ड्वाह॑म॒ग्नीधे
Sentence: 18 भार्ग॒वो होता॑ भवति
Sentence: 19 श्राय॒न्तीय॑म्ब्रह्मसा॒मम्भ॑वति
Sentence: 20 वारव॒न्तीय॑मग्निष्टोमसा॒मम् ।
Sentence: 21 सा॑रस्व॒तीर॒पो गृ॑ह्णाति ॥
Paragraph: 19
Verse: 1
Sentence: 1 आ॑ग्ने॒यम॑ष्टाकपालं॒ निर्व॑पति॒ हिर॑ण्यं॒ दक्षि॑णा ।
Sentence: 2 अै॒न्द्रमेका॑दशकपालमृष॒भो दक्षि॑णा
Sentence: 3 वैश्वदे॒वं च॒रुम्पि॒शङ्गी॑ पष्ठौ॒ही दक्षि॑णा
Sentence: 4 मैत्रावरु॒णीमा॒मिक्षां॑ व॒शा दक्षि॑णा
Sentence: 5 बार्हस्प॒त्यं च॒रुं शि॑तिपृ॒ष्ठो दक्षि॑णा ।
Sentence: 6 आ॑दि॒त्याम्म॒ल्हां ग॒र्भिणी॒मा ल॑भते
Sentence: 7 मारु॒तीम्पृश्नि॑म्पष्ठौ॒हीम्
Sentence: 8 अ॒श्विभ्या॑म्पू॒ष्णे पु॑रो॒डाशं॒ द्वाद॑शकपालं॒ निर्व॑पति॒ सर॑स्वते सत्य॒वाचे॑ च॒रुं स॑वि॒त्रे स॒त्यप्र॑सवाय पुरो॒डाशं॒ द्वाद॑शकपालम् ।
Sentence: 9 ति॑र्ष्ध॒न्वं शु॑ष्कदृ॒तिर्दक्षि॑णा ॥
Paragraph: 20
Verse: 1
Sentence: 1 आ॑ग्ने॒यम॒ष्टाक॑पालं॒ निर्व॑पति
Sentence: 2 सौ॒म्यं च॒रुम् ।
Sentence: 3 सा॑वि॒त्रं द्वाद॑शकपालम्
Sentence: 4 बार्हस्प॒त्यं च॒रुम् ।
Sentence: 5 त्वा॒ष्ट्रम॒ष्टाक॑पालम् ।
Sentence: 6 वै॑श्वान॒रं द्वाद॑शकपालम् ।
Sentence: 7 दक्षि॑णो रथवाहनवा॒हो दक्षि॑णा
Sentence: 8 सारस्व॒तं च॒रुं निर्व॑पति
Sentence: 9 पौ॒ष्णं च॒रुम्
Sentence: 10 मै॒त्रं च॒रुम् ।
Sentence: 11 वा॑रु॒णं च॒रुम् ।
Sentence: 12 क्षै॑त्रप॒त्यं च॑रुम्
Sentence: 13 आदि॒त्यं च॒रुम्
Sentence: 14 उत्त॑रो रथवाहनवा॒हो दक्षि॑णा ॥
Paragraph: 21
Verse: 1
Sentence: 1=a स्वा॒द्वीं त्वा॑ स्वा॒दुना॑ ती॒व्रां ती॒व्रेणा॒मृता॑म॒मृते॑न सृ॒जामि॒ सं सोमे॑न॒ सोमो॑ ऽस्य॒श्विभ्या॑म्पच्यस्व॒ सर॑स्वत्यै पच्य॒स्वेन्द्रा॑य सु॒त्राम्णे॑ पच्यस्व
Sentence: 2=b पु॒नातु॑ ते परि॒स्रुतं॒ सोमं॒ सूर्य॑स्य दुहि॒ता । वारे॑ण॒ शश्व॑ता॒ तना॑ ॥
Sentence: 3=c वा॒युः पू॒तः प॒वित्रे॑ण प्र॒त्यङ्क्सोमो॒ अति॑द्रुतः । इन्द्र॑स्य यु॒ज्यः सखा॑ ॥
Sentence: 4=d कु॒विद॒ङ्ग यव॑मन्तो॒ यवं॑ चि॒द्यथा॒ दान्त्य॑नुपू॒र्वं वि॒यूय॑ । इ॒हेहै॑षां कृणुत॒ भोज॑नानि॒ ये ब॒र्हिषो॒ नमो॑वृक्तिं॒ न ज॒ग्मुः ॥
Sentence: 5=e आ॑श्वि॒नं धू॒म्रमा ल॑भते सारस्व॒तम्मे॒षऐ॒न्द्रमृ॑ष॒भम्
Sentence: 6=f अै॒न्द्रमेका॑दशकपालं॒ निर्व॑पति सावि॒त्रं द्वाद॑शकपालं वारु॒णं दश॑कपालम् ।
Sentence: 7=g सोम॑प्रतीकाः पितरस्तृप्णुत
Sentence: 8=h वड॑बा॒ दक्षि॑णा ॥
Paragraph: 22
Verse: 1
Sentence: 1=a अग्ना॑विष्णू॒ महि॒ तद्वा॑म्महि॒त्वं वी॒तं घृ॒तस्य॒ गुह्या॑नि॒ नाम॑ । दमे॑दमे स॒प्त रत्ना॒ दधा॑ना॒ प्रति॑ वां जि॒ह्वा घृ॒तमा च॑रण्येत् ॥
Sentence: 2=b अग्ना॑विष्णू॒ महि॒ धाम॑ प्रि॒यं वां॑ वी॒थो घृ॒तस्य॒ गुह्या॑ जुषा॒णा । दमे॑दमे सुष्टु॒तीर्वा॑वृधा॒ना प्रति॑ वां जि॒ह्वा घृ॒तमुच्च॑रण्येत् ॥
Sentence: 3=c प्र णो॑ दे॒वी सर॑स्वती॒ वाजे॑भिर्वा॒जिनी॑वती । धी॒नाम॑वि॒त्र्य॑वतु ॥
Sentence: 4=d आ नो॑ दि॒वो बृ॑ह॒तः ॥
Verse: 2
Sentence: 1 पर्व॑ता॒दा सर॑स्वती यज॒ता ग॑न्तु य॒ज्ञम् । हवं॑ दे॒वी जु॑जुषा॒णा घृ॒ताची॑ श॒ग्मां नो॒ वाच॑मुश॒ती शृ॑णोतु ॥
Sentence: 2=e बृह॑स्पते जु॒षस्व॑ नो ह॒व्यानि॑ विश्वदेव्य । रास्व॒ रत्ना॑नि दा॒शुषे॑ ॥
Sentence: 3=f ए॒वा पि॒त्रे वि॒श्वदे॑वाय॒ वृष्णे॑ यज्ञैर्विधेम॒ नम॑सा ह॒विर्भिः॑ । बृह॑स्पते सुप्र॒जा वी॒रव॑न्तो व॒यं स्या॑म॒ पत॑यो रयी॒णाम् ॥
Sentence: 4=g बृह॑स्पते॒ अति॒ यद॒र्यो अर्हा॑द्द्यु॒मद्वि॒भाति॒ क्रतु॑म॒ज्जने॑षु । यद्दी॒दय॒च्छव॑सा ॥
Verse: 3
Sentence: 1 ऋ॑तप्रजात॒ तद॒स्मासु॒ द्रवि॑णं धेहि चि॒त्रम् ॥
Sentence: 2=h आ नो॑ मित्रावरुणा घृतै॒र्गव्यू॑तिमुक्षतम् । मध्वा॒ रजां॑सि सुक्रतू ॥
Sentence: 3=i प्र बा॒हवा॑ सिसृतं जी॒वसे॑ न॒ आ नो॒ गव्यू॑तिमुक्षतं घृ॒तेन॑ । आ नो॒ जने॑ श्रवयतं युवाना श्रु॒तम्मे॑ मित्रावरुणा॒ हवे॒मा ॥
Sentence: 4=k अ॒ग्निं वः॑ पू॒र्व्यं गि॒रा दे॒वमी॑डे॒ वसू॑नाम् । स॑प॒र्यन्तः॑ पुरुप्रि॒यम्मि॒त्रं न क्षे॑त्र॒साध॑सम् ॥
Sentence: 5=l म॒क्षू दे॒वव॑तो॒ रथः॑ ॥
Verse: 4
Sentence: 1 शूरो॑ वा पृ॒त्सु कासु॑ चित् । दे॒वानां॒ य इन्मनो॒ यज॑मान॒ इय॑क्षत्य॒भीदय॑ज्वनो भुवत् ॥
Sentence: 2=m न य॑जमान रिष्यसि॒ न सु॑न्वान॒ न दे॑वयो । अस॒दत्र॑ सु॒वीर्य॑मु॒त त्यदा॒श्वश्वि॑यम् । नकि॒ष्टं कर्म॑णा नश॒न्न प्र यो॑ष॒न्न यो॑षति ॥
Sentence: 3=n उप॑ क्षरन्ति॒ सिन्ध॑वो मयो॒भुव॑ ईजा॒नं च॑ य॒क्ष्यमा॑णं च धे॒नवः॑ । पृ॒णन्तं॑ च॒ पपु॑रिं च ॥
Verse: 5
Sentence: 1 श्र॑व॒स्यवो॑ घृ॒तस्य॒ धारा॒ उप॑ यन्ति वि॒श्वतः॑ ॥
Sentence: 2=o सोमा॑रुद्रा॒ वि वृ॑हतं॒ विषू॑ची॒ममी॑वा॒ या नो॒ गय॑मावि॒वेश॑ । आ॒रे बा॑धेथां॒ निरृ॑तिम्पराचैः कृ॒तं चि॒देनः॒ प्र मु॑मुक्तम॒स्मत् ॥
Sentence: 3=p सोमा॑रुद्रा॒ युव॑मे॒तान्य॒स्मे विश्वा॑ त॒नूषु॑ भेष॒जानि॑ धत्तम् । अव॑ स्यतम्मु॒ञ्चतं॒ यन्नो॒ अस्ति॑ त॒नूषु॑ ब॒द्धं कृ॒तमेनो॑ अ॒स्मत् ॥
Sentence: 4=q सोमा॑पूषणा॒ जन॑ना रयी॒णां जन॑ना दि॒वो जन॑ना पृथि॒व्याः । जातौ॒ विश्व॑स्य॒ भुव॑नस्य गोपौ दे॒वा अ॑कृण्वन्न॒मृत॑स्य॒ नाभि॑म् ॥
Sentence: 5=r इमौ देवौ॒ जाय॑मानौ जुषन्तेमौ त॒मांसि॑ गूहता॒मजु॑ष्टा । आ॒भ्यामिन्द्रः॑ प॒क्वमा॒मास्व॒न्तः सो॑मापु॒षभ्यां॑ जनदु॒स्रिया॑सु ॥
Book: 2
Chapter: 1
Paragraph: 1
Verse: 1
Sentence: 1 वा॑य॒व्यं॑ श्वे॒तमा ल॑भेत॒ भूति॑कामस् ।
Sentence: 2 वा॒युर्वै॒ क्षेपि॑ष्ठा दे॒वता
Sentence: 3 वा॒युमे॒व स्वेन॑ भाग॒धेये॒नोप॑धावति
Sentence: 4 स एवैन॒म्भूतिं॑ गमयति
Sentence: 5 भव॑त्ये॒व ।
Sentence: 6 अति॑क्षिप्रा दे॒वतेत्या॑हुः सैनमीश्व॒रा प्र॒दह॒ इति॑ ।
Sentence: 7 ए॒तमे॒व सन्तं॑ वा॒यवे॑ नि॒युत्व॑त॒ आ ल॑भेत
Sentence: 8 नि॒युद्वा अ॑स्य॒ धृति॑स् ।
Sentence: 9 धृ॒त ए॒व भूति॒मुपै॒त्यप्र॑दाहाय
Sentence: 10 भव॑त्ये॒व ॥
Verse: 2
Sentence: 1 वा॒यवे॑ नि॒युत्व॑त॒ आ ल॑भेत॒ ग्राम॑कामस् ।
Sentence: 2 वा॒युर्वा इ॒माः प्र॒जा न॑स्यो॒ता ने॑नीयते
Sentence: 3 वा॒युमे॒व नि॒युत्व॑न्तं॒ स्वेन॑ भाग॒धेये॒नोप॑ धावति
Sentence: 4 स ए॒वास्मै॑ प्र॒जा न॑स्यो॒ता नि य॑छति
Sentence: 5 ग्रा॒म्ये॒व भ॑वति
Sentence: 6 नि॒युत्व॑ते भवति
Sentence: 7 ध्रु॒वा ए॒वास्मा॒ अन॑पगाः करोति
Sentence: 8 वा॒यवे॑ नि॒युत्व॑त॒ आ ल॑भेत प्र॒जाका॑मस् ।
Sentence: 9 प्रा॒णो वै॑ वा॒युर॑पा॒नो नि॒युत्
Sentence: 10 प्राणापानौ॒ खलु॒ वा ए॒तस्य॑ प्र॒जायाः॑ ॥
Verse: 3
Sentence: 1 अप॑ क्रामतो॒ यो ऽल॑म्प्र॒जायै॒ सन्प्र॒जां न वि॒न्दते
Sentence: 2 वा॒युमे॒व नि॒युत्व॑न्तं॒ स्वेन॑ भाग॒धेये॒नोप॑ धावति
Sentence: 3 स ए॒वास्मै॑ प्राणापा॒नाभ्या॑म्प्र॒जाम्प्र ज॑नयति
Sentence: 4 वि॒न्दते॑ प्र॒जाम् ।
Sentence: 5 वा॒यवे॑ नि॒युत्व॑त॒ आ ल॑भेत॒ ज्योगा॑मयावी
Sentence: 6 प्रा॒णो वै॑ वा॒युर॑पा॒नो नि॒युत्
Sentence: 7 प्राणापानौ॒ खलु॒ वा ए॒तस्मा॒दप॑ क्रामतो॒ यस्य॒ ज्योगा॒मय॑ति
Sentence: 8 वा॒युमे॒व नि॒युत्व॑न्तं॒ स्वेन॑ भाग॒धेये॒नोप॑ ॥
Verse: 4
Sentence: 1 धा॑वति
Sentence: 2 स ए॒वास्मि॑न्प्राणापानौ दधाति ।
Sentence: 3 उ॒त यदी॒तासु॒र्भव॑ति॒ जीव॑त्ये॒व
Sentence: 4 प्र॒जाप॑ति॒र्वा इ॒दमेक॑ आसीत्
Sentence: 5 सो॑ ऽकामयत
Sentence: 6 प्र॒जाः प॒शून्त्सृ॑जे॒येति
Sentence: 7 स आ॒त्मनो॑ व॒पामुद॑क्खिदत्
Sentence: 8 तामग्नौ॒ प्रागृ॑ह्णात्
Sentence: 9 ततो॒ ऽजस्तू॑प॒रः सम॑भवत्
Sentence: 10 तं स्वायै॑ दे॒वता॑या॒ आल॑भत
Sentence: 11 ततो वै॒ स प्र॒जाः प॒शून॑सृजत
Sentence: 12 यः प्र॒जाका॑मः ॥
Verse: 5
Sentence: 1 प॒शुका॑मः॒ स्यात्स ए॒तम्प्र॑जाप॒त्यम॒जं तू॑प॒रमा ल॑भेत
Sentence: 2 प्र॒जाप॑तिमे॒व स्वेन॑ भाग॒धेये॒नोप॑ धावति
Sentence: 3 स ए॒वास्मै॑ प्र॒जाम्प॒शून्प्र ज॑नयति
Sentence: 4 यच्छ्म॑श्रु॒णस्तत्पुरु॑षाणां रू॒पम् ।
Sentence: 5 यत्तू॑प॒रस्तदश्वा॑नाम्
Sentence: 6 यद॒न्यतो॑द॒न्तद्गवा॑म्
Sentence: 7 यदव्या॑ इव श॒पास्तदवी॑नाम् ।
Sentence: 8 यद॒जस्तद॒जाना॑म्
Sentence: 9 ए॒ताव॑न्तो वै ग्रा॒म्याः प॒शव॑स्
Sentence: 10 तान् ॥
Verse: 6
Sentence: 1 रू॒पेणै॒वाव॑ रुन्द्धे
Sentence: 2 सोमापौ॒ष्णं त्रै॒तमा ल॑भेत प॒शुका॑मस् ।
Sentence: 3 द्वौ॒ वा अ॒जायै॒ स्तनौ
Sentence: 4 नानै॒व द्वाव॒भि जाये॑ते॒ ऊर्ज॒म्पुष्टिं॑ तृ॒तीयः
Sentence: 5 सोमापू॒षणा॑वे॒व स्वेन॑ भाग॒धेये॒नोप॑ धावति
Sentence: 6 तावे॒वास्मै॑ प॒शून्प्र ज॑नयतः
Sentence: 7 सोमो वै रेतो॒धाः पू॒षा प॑शू॒नाम्प्र॑जनयि॒ता
Sentence: 8 सोम॑ ए॒वास्मै॒ रेतो॒ दधा॑ति पू॒षा प॒शून्प्र ज॑नयति ।
Sentence: 9 अौ॑दुम्बरो॒ यूपो॑ भवति ।
Sentence: 10 ऊर्ग्वा उ॑दु॒म्बर॒ ऊर्क्प॒शव॑ ऊर्जै॒वास्मा॒ ऊर्ज॑म्प॒शूनव॑ रुन्द्धे ॥
Paragraph: 2
Verse: 1
Sentence: 1 प्र॒जाप॑तिः प्र॒जा अ॑सृजत
Sentence: 2 ता अ॑स्मात्सृ॒ष्टाः परा॑चीरायन्
Sentence: 3 ता वरु॑णमगछन्
Sentence: 4 ता अन्ऐ॑त्
Sentence: 5 ताः पुन॑रयाचत
Sentence: 6 ता अ॑स्मै॒ न पुन॑रददात्
Sentence: 7 सो॑ ऽब्रवीत् ।
Sentence: 8 वरं॑ वृणी॒ष्वाथ॑ मे॒ पुन॑र्दे॒हीति
Sentence: 9 तासां॒ वर॒माल॑भत
Sentence: 10 स कृ॒ष्ण एक॑शितिपादभवत् ।
Sentence: 11 यो वरु॑णगृहीतः॒ स्यात्स ए॒तं वा॑रु॒णं कृ॒ष्णमेक॑शितिपाद॒मा ल॑भेत
Sentence: 12 वरु॑णम् ॥
Verse: 2
Sentence: 1 ए॒व स्वेन॑ भाग॒धेये॒नोप॑ धावति
Sentence: 2 स एवैनं वरुणपा॒शान्मु॑ञ्चति
Sentence: 3 कृ॒ष्ण एक॑श्तिपाद्भवति
Sentence: 4 वारु॒णो ह्ये॒ष दे॒वत॑या
Sentence: 5 समृ॑द्ध्यै
Sentence: 6 सुव॑र्भानुरासु॒रः सूर्यं॒ तम॑साविध्यत्
Sentence: 7 तस्मै॑ दे॒वाः प्राय॑श्चित्तिऐछन्
Sentence: 8 तस्य॒ यत्प्र॑थ॒मं तमो॒ ऽपाघ्न॒न्त्सा कृ॒ष्णावि॑रभवत् ।
Sentence: 9 यद्द्वि॒तीयं॒ सा पल्गु॑नी
Sentence: 10 यत्तृ॒तीयं॒ सा भ॑ल॒क्षी
Sentence: 11 यद॑ध्य॒स्थाद॒पाकृ॑न्त॒न्त्सावि॑र्व॒शा ॥
Verse: 3
Sentence: 1 सम॑भवत्
Sentence: 2 ते दे॒वा अ॑ब्रुवन्
Sentence: 3 देवप॒शुर्वा अ॒यं सम॑भू॒त्कस्मा॑ इ॒ममा ल॑प्स्यामह॒ इति॑ ।
Sentence: 4 अथ वै॒ तर्ह्यल्पा॑ पृथि॒व्यासी॒दजा॑ता॒ ओष॑धयस्
Sentence: 5 तामविं॑ व॒शामा॑दि॒त्येभ्यः॒ कामा॒याल॑भन्त
Sentence: 6 ततो॒ वा अप्र॑थत पृथि॒व्यजा॑यन्तौषधयस् ।
Sentence: 7 यः का॒मये॑त
Sentence: 8 प्रथे॑य प॒शुभिः॒ प्र प्र॒जया॑ जाये॒येति॒ स ए॒तामविं॑ व॒शामा॑दि॒त्येभ्यः॒ कामा॑य ॥
Verse: 4
Sentence: 1 आ ल॑भेत ।
Sentence: 2 आ॑दि॒त्याने॒व कामं॒ स्वेन{F भाग॒धेये॒नोप{W भग॒धेये॒नोप{GLOS भाग॒धेये॒नोप धावति
Sentence: 3 त एवैनम्प्र॒थय॑न्ति प॒शुभिः॒ प्र प्र॒जया॑ जनयन्ति ।
Sentence: 4 अ॒सावा॑दि॒त्यो न व्य॑रोचत
Sentence: 5 तस्मै॑ दे॒वाः प्राय॑श्चित्तिऐछन्
Sentence: 6 तस्मा॑ ए॒ता म॒ल्हा आल॑भन्ताग्ने॒यीं कृ॑ष्णग्री॒वीं सं॑हि॒ताऐ॒न्द्रीं श्वे॒ताम्बा॑र्हस्प॒तम् ।
Sentence: 7 ताभि॑रे॒वास्मि॒न्रुच॑मदधुस् ।
Sentence: 8 यो ब्र॑ह्मवर्च॒सका॑मः॒ स्यात्तस्मा॑ ए॒ता म॒ल्हा आ ल॑भेत ॥
Verse: 5
Sentence: 1 आ॑ग्ने॒यीं कृ॑ष्णग्री॒वीं सं॑हि॒ताऐ॒न्द्रीं श्वे॒ताम्बा॑र्हस्प॒त्याम्
Sentence: 2 ए॒ता ए॒व दे॒वताः॒ स्वेन॑ भाग॒धेये॒नोप॑ धावति
Sentence: 3 ता ए॒वास्मि॑न्ब्रह्मवर्च॒सं द॑धति
Sentence: 4 ब्रह्मवर्च॒स्ये॒व भ॑वति
Sentence: 5 व॒सन्ता॑ प्रा॒तरा॑ग्ने॒यीं कृ॑ष्णग्री॒वीमा ल॑भेत ग्री॒ष्मे म॒ध्यन्दि॑ने संहि॒ताऐ॒न्द्रीं श॒रद्य॑परा॒ह्णे श्वे॒ताम्बा॑र्हस्प॒त्याम् ।
Sentence: 6 त्रीणि॒ वा आ॑दि॒त्यस्य॒ तेजां॑सि व॒सन्ता॑ प्रा॒तर्ग्री॒ष्मे म॒ध्यन्दि॑ने श॒रद्य॑परा॒ह्णे
Sentence: 7 याव॑न्त्ये॒व तेजां॑सि॒ तान्ये॒व ॥
Verse: 6
Sentence: 1 अव॑ रुन्द्धे
Sentence: 2 संवत्स॒रम्प॒र्याल॑भ्यन्ते
Sentence: 3 संवत्स॒रो वै॑ ब्रह्मवर्च॒सस्य॑ प्रदा॒ता
Sentence: 4 सं॑वत्स॒र ए॒वास्मै॑ ब्रह्मवर्च॒सम्प्र य॑छति
Sentence: 5 ब्रह्मवर्च॒स्ये॒व भ॑वति
Sentence: 6 ग॒र्भिण॑यो भवन्ति ।
Sentence: 7 इ॑न्द्रि॒यं वै॒ गर्भ॑स् ।
Sentence: 8 इ॑न्द्रि॒यमे॒वास्मि॑न्दधति
Sentence: 9 सारस्व॒तीम्मे॒षीमा ल॑भेत॒ य ई॑श्व॒रो वा॒चो वदि॑तोः॒ सन्वाचं॒ न वदे॑त् ।
Sentence: 10 वाग्वै॒ सर॑स्वती
Sentence: 11 सर॑स्वतीमे॒व स्वेन॑ भाग॒धेये॒नोप॑ धावति सै॒वास्मि॑न् ॥
Verse: 7
Sentence: 1 वाचं॑ दधाति प्रवदि॒ता वा॒चो भ॑वति ।
Sentence: 2 अप॑न्नदती भवति
Sentence: 3 तस्मा॑न्मनु॒ष्याः॒ सर्वां॒ वाच॑म्वदन्ति ।
Sentence: 4 आ॑ग्ने॒यं कृ॒ष्णग्री॑व॒मा ल॑भेत सौ॒म्यम्ब॒भ्रुं ज्योगा॑मयावी ।
Sentence: 5 अ॒ग्निं वा ए॒तस्य॒ शरी॑रं गछति॒ सोमं॒ रसो॒ यस्य॒ ज्योगा॒मय॑ति ।
Sentence: 6 अ॒ग्नेरे॒वास्य॒ शरी॑रं निष्क्री॒णाति॒ सोमा॒द्रस॑म्
Sentence: 7 उ॒त यदी॒तासु॒र्भव॑ति॒ जीव॑त्ये॒व
Sentence: 8 सौ॒म्यम्ब॒भ्रुमा ल॑भेताग्ने॒यं कृ॒ष्णग्री॑वम्प्र॒जाका॑मः
Sentence: 9 सोमः॑ ॥
Verse: 8
Sentence: 1 वै॑ रेतो॒धा अ॒ग्निः प्र॒जाना॑म्प्रजनयि॒ता
Sentence: 2 सोम॑ ए॒वास्मै॒ रेतो॒ दधा॑त्य॒ग्निः प्र॒जाम्प्र ज॑नयति
Sentence: 3 वि॒न्दते॑ प्र॒जाम्
Sentence: 4 आग्ने॒यं कृ॒ष्णग्री॑व॒मा ल॑भेत सौ॒म्यम्ब॒भ्रुं यो ब्रा॑ह्म॒णो वि॒द्याम॒नूच्य॒ न वि॒रोचे॑त
Sentence: 5 यदा॑ग्ने॒यो भव॑ति॒ तेज॑ ए॒वास्मि॒न्तेन॑ दधाति
Sentence: 6 यत्सौ॒म्यो ब्र॑ह्मवर्च॒सं तेन
Sentence: 7 कृ॒ष्णग्री॑व आग्ने॒यो भ॑वति॒ तम॑ ए॒वास्मा॒दप॑ हन्ति
Sentence: 8 श्वे॒तो भ॑वति ॥
Verse: 9
Sentence: 1 रुच॑मे॒वास्मि॑न्दधाति
Sentence: 2 ब॒भ्रुः सौ॒म्यो भ॑वति ब्रह्मवर्च॒समे॒वास्मि॒न्त्विषिं॑ दधाति ।
Sentence: 3 आ॑ग्ने॒यं कृ॒ष्णग्री॑व॒मा ल॑भेत सौ॒म्यम्ब॒भ्रुमा॑ग्ने॒यं कृ॒ष्णग्री॑वम्पुरो॒धायां॒ स्पर्ध॑मानस् ।
Sentence: 4 आ॑ग्ने॒यो वै॑ ब्राह्म॒णः सौ॒म्यो रा॑ज॒न्य॑स् ।
Sentence: 5 अ॒भितः॑ सौ॒म्यमा॑ग्नेयौ भवतस्
Sentence: 6 तेज॑सै॒व ब्रह्म॑णोभ॒यतो॑ रा॒ष्ट्रम्परि॑ गृह्णाति ।
Sentence: 7 ए॑क॒धा स॒मावृ॑ङ्क्ते पु॒र ए॑नं दधते ॥
Paragraph: 3
Verse: 1
Sentence: 1 दे॑वासु॒रा ए॒षु लो॒केष्व॑स्पर्धन्त
Sentence: 2 स ए॒तं विष्णु॑र्वाम॒नम॑पश्यत्
Sentence: 3 तं स्वायै॑ दे॒वता॑या॒ आल॑भत
Sentence: 4 ततो वै॒ स इ॒माँ लो॒कान॒भ्य॑जयत् ।
Sentence: 5 वै॑ष्ण॒वं वा॑म॒नमा ल॑भेत॒ स्पर्ध॑मानस् ।
Sentence: 6 विष्णु॑रे॒व भू॒त्वेमाँ लो॒कान॒भि ज॑यति
Sentence: 7 विष॑म॒ आ ल॑भेत
Sentence: 8 विष॑मा इव॒ हीमे लो॒काः
Sentence: 9 समृ॑द्ध्यै ।
Sentence: 10 इन्द्रा॑य मन्यु॒मते॒ मन॑स्वते ल॒लाम॑म्प्राशृ॒ङ्गमा ल॑भेत सङ्ग्रा॒मे ॥
Verse: 2
Sentence: 1 संय॑त्ते ।
Sentence: 2 इ॑न्द्रि॒येण वै म॒न्युना॒ मन॑सा सङ्ग्रा॒मं ज॑यति ।
Sentence: 3 इन्द्र॑मे॒व म॑न्यु॒मन्त॒म्मन॑स्वन्तं॒ स्वेन॑ भाग॒धेये॒नोप॑ धावति
Sentence: 4 स ए॒वास्मि॑न्निन्द्रि॒यम्म॒न्युम्मनो॑ दधाति
Sentence: 5 जय॑ति॒ तं सं॑ग्रा॒मम्
Sentence: 6 इन्द्रा॑य म॒रुत्व॑ते पृश्निस॒क्थमा ल॑भेत॒ ग्राम॑कामस् ।
Sentence: 7 इन्द्र॑मे॒व म॒रुत्व॑न्तं॒ स्वेन॑ भाग॒धेये॒नोप॑ धावति
Sentence: 8 स ए॒वास्मै॑ सजा॒तान्प्र य॑छ्ति
Sentence: 9 ग्रा॒म्ये॒व भ॑वति
Sentence: 10 यदृ॑ष॒भस्तेन॑ ॥
Verse: 3
Sentence: 1 अै॒न्द्रस् ।
Sentence: 2 यत्पृश्नि॒स्तेन॑ मारु॒तः
Sentence: 3 समृ॑द्ध्यै
Sentence: 4 प॒श्चात्पृ॑श्निस॒क्थो भ॑वति
Sentence: 5 पश्चादन्ववसा॒यिनी॑मे॒वास्मै॒ विशं॑ करोति
Sentence: 6 सौ॒म्यम्ब॒भ्रुमा ल॑भे॒तान्न॑कामः
Sentence: 7 सौ॒म्यं वा अन्न॑म् ।
Sentence: 8 सोम॑मे॒व स्वेन॑ भाग॒धेये॒नोप॑ धावति
Sentence: 9 स ए॒वास्मा॒ अन्न॒म्प्र य॑छति ।
Sentence: 10 अ॑न्ना॒द ए॒व भ॑वति
Sentence: 11 ब॒भ्रुर्भ॑वति ।
Sentence: 12 ए॒तद्वा अन्न॑स्य रू॒पम् ।
Sentence: 13 समृ॑द्ध्यै
Sentence: 14 सौ॒म्यम्ब॒भ्रुमा ल॑भेत॒ यमल॑म् ॥
Verse: 4
Sentence: 1 रा॒ज्याय॒ सन्तं॑ रा॒ज्यं नोप॒नमे॑त्
Sentence: 2 सौ॒म्यं वै॑ रा॒ज्यम् ।
Sentence: 3 सोम॑मे॒व स्वेन॑ भाग॒धेये॒नोप॑ धावति
Sentence: 4 स ए॒वास्मै॑ रा॒ज्यम्प्र य॑छति ।
Sentence: 5 उपै॑नं रा॒ज्यं न॑मति
Sentence: 6 ब॒भ्रुर्भ॑वति ।
Sentence: 7 ए॒तद्वै॒ सोम॑स्य रू॒पम् ।
Sentence: 8 समृ॑द्ध्यै ।
Sentence: 9 इन्द्रा॑य वृत्र॒तुरे॑ ल॒लाम॑म्प्राशृ॒ङ्गमा ल॑भेत ग॒तश्रीः॑ प्रति॒ष्ठाकामः
Sentence: 10 पा॒प्मान॑मे॒व वृ॒त्रं ती॒र्त्वा प्र॑ति॒ष्ठां ग॑छति ।
Sentence: 11 इन्द्रा॑याभिमाति॒घ्ने ल॒लाम॑म्प्राशृ॒ङ्गमा ॥
Verse: 5
Sentence: 1 ल॑भेत॒ यः पा॒प्मना॑ गृही॒तः स्यात्
Sentence: 2 पा॒प्मा वा अ॒भिमा॑तिस् ।
Sentence: 3 इन्द्र॑मे॒वाभि॑माति॒हनं॒ स्वेन॑ भाग॒धेये॒नोप॑ धावति
Sentence: 4 स ए॒वास्मा॑त्पा॒प्मान॑म॒भिमा॑ति॒म्प्र णु॑दते ।
Sentence: 5 इन्द्रा॑य व॒ज्रिणे॑ ल॒लाम॑म्प्राशृ॒ङ्गमा॑ लभेत॒ यमलं॑ रा॒ज्याय॒ सन्तं॑ रा॒ज्यं नोप॒नमे॑त् ।
Sentence: 6 इन्द्र॑मे॒व व॒रिणं॒ स्वेन॑ भाग॒धेये॒नोप॑धावति
Sentence: 7 स ए॑वास्मै॒ वज्र॒म्प्र य॑छति
Sentence: 8 स ए॑नं॒ वज्रो॒ भूत्या॑ इन्द्धे ।
Sentence: 9 उपै॑नं रा॒ज्यं न॑मति
Sentence: 10 ल॒लामः॑ प्राशृ॒ङ्गो भ॑वति ।
Sentence: 11 ए॒तद्वै॒ वज्र॑स्य रू॒पम् ।
Sentence: 12 समृ॑द्ध्यै ॥
Paragraph: 4
Verse: 1
Sentence: 1 अ॒सावा॑दि॒त्यो न व्य॑रोचत
Sentence: 2 तस्मै॑ दे॒वाः प्राय॑श्चित्तिऐछन्
Sentence: 3 तस्मा॑ ए॒तां दश॑र्षभा॒माल॑भन्त॒ तयै॒वास्मि॒न्रुच॑मदधुस् ।
Sentence: 4 यो ब्र॑ह्मवर्च॒सका॑मः॒ स्यात्तस्मा॑ ए॒तां दश॑र्षभा॒मा ल॑भेत ।
Sentence: 5 अ॒मुमे॒वादि॒त्यं स्वेन॑ भाग॒धेये॒नोप॑ धावति
Sentence: 6 स ए॒वास्मि॑न्ब्रह्मवर्च॒सं द॑धाति
Sentence: 7 ब्रह्मवर्च॒स्ये॒व भ॑वति
Sentence: 8 व॒सन्ता॑ प्रा॒तस्त्रीँ ल॒लामा॒ना ल॑भेत ग्री॒ष्मे म॒ध्यन्दि॑ने ॥
Verse: 2
Sentence: 1 छि॑तिपृ॒ष्ठां छ॒रद्य॑प॒राह्णे त्रीञ्छि॑ति॒वारा॑न्
Sentence: 2 त्रीणि॒ वा आ॑दि॒त्यस्य॒ तेजां॑सि व॒सन्ता॑ प्रा॒तर्गृ॒ष्मे म॒ध्यन्दि॑ने श॒रद्य॑परा॒ह्णे
Sentence: 3 याव॑न्त्ये॒व तेजां॑सि॒ तान्ये॒वाव॑ रुन्द्धे
Sentence: 4 त्रय॑स्त्रय॒ आ ल॑भ्यन्ते ।
Sentence: 5 अ॑भिपू॒र्वमे॒वास्मि॒न्तेजो॑ दधाति
Sentence: 6 संवत्स॒रम्प॒र्याल॑भ्यन्ते
Sentence: 7 संवत्स॒रो वै॑ ब्रह्मवर्च॒सस्य॑ प्रदा॒ता
Sentence: 8 सं॑वत्स॒र ए॒वास्मै॑ ब्रह्मवर्च॒सम्प्र य॑छति
Sentence: 9 ब्रह्मवर्च॒स्ये॒व भ॑वति
Sentence: 10 संवत्स॒रस्य॑ प॒रस्ता॑त्प्राजाप॒त्यं कद्रु॑म् ॥
Verse: 3
Sentence: 1 आ ल॑भेत
Sentence: 2 प्र॒जाप॑तिः॒ सर्वा॑ दे॒वता॑स् ।
Sentence: 3 दे॒वता॑सु ए॒व प्रति॑ तिष्ठति
Sentence: 4 यदि॑ बिभी॒यात् ।
Sentence: 5 दु॒श्चर्मा॑ भविष्या॒मीति॑ सोमापौ॒ष्णं श्या॒ममा ल॑भेत
Sentence: 6 सौ॒म्यो वै॑ दे॒वत॑या॒ पुरु॑षः पौ॒ष्णाः प॒शवः
Sentence: 7 स्वयै॒वास्मै॑ दे॒वत॑या प॒शुभि॒स्त्वचं॑ करोति
Sentence: 8 न दु॒श्चर्मा॑ भवति
Sentence: 9 दे॒वाश्च वै य॒मश्चा॑स्मिँ लो॒के॑ ऽस्पर्धन्त
Sentence: 10 स य॒मो दे॒वाना॑मिन्द्रि॒यं वी॒र्य॑मयुवत
Sentence: 11 तद्य॒मस्य॑ ॥
Verse: 4
Sentence: 1 य॑म॒त्वम् ।
Sentence: 2 ते दे॒वा अ॑मन्यन्त
Sentence: 3 य॒मो वा इ॒दम॑भू॒द्यद्व॒यं स्म इति
Sentence: 4 ते प्र॒जाप॑ति॒मुपा॑धावन् ।
Sentence: 5 स एतौ प्र॒जाप॑तिरा॒त्मन॑ उक्षवशौ॒ निर॑मिमीत
Sentence: 6 ते दे॒वा वै॑ष्णावरु॒णीं व॒शामाल॑भन्तै॒न्द्रमु॒क्षाण॑म्
Sentence: 7 तं वरु॑णेनै॒व ग्रा॑हयि॒त्वा विष्णु॑ना य॒ज्ञेन॒ प्राणु॑दन्तै॒न्द्रेणै॒वास्येन्द्रि॒यम॑वृञ�
Sentence: 8 यो भ्रातृ॑व्यवा॒न्त्स्यात्स स्पर्ध॑मानो वैष्णावरु॒णीम् ॥
Verse: 5
Sentence: 1 व॒शामा ल॑भेतै॒न्द्रमु॒क्षाण॑म् ।
Sentence: 2 वरु॑णेनै॒व भ्रातृ॑व्यं ग्राहयि॒त्वा विष्णु॑ना यज्ञेन॒ प्र णु॑दत ऐ॒न्द्रेणै॒वास्ये॑न्द्रि॒यं वृ॑ङ्क्ते
Sentence: 3 भव॑त्या॒त्मना॒ परा॑स्य॒ भ्रातृ॑व्यो भवति ।
Sentence: 4 इन्द्रो॑ वृ॒त्रम॑हन्
Sentence: 5 तं वृ॒त्रो ह॒तः षो॑ड॒शभि॑र्भोगैरसिनात्
Sentence: 6 तस्य॑ वृ॒त्रस्य॑ शीर्ष॒तो गाव॒ उदा॑यन्
Sentence: 7 ता वै॑दे॒ह्यो॑ ऽभवन्
Sentence: 8 तासा॑मृष॒भो ज॒घने ऽनूऐ॑त्
Sentence: 9 तमिन्द्रः॑ ॥
Verse: 6
Sentence: 1 अ॑चायत्
Sentence: 2 सो॑ ऽमन्यत
Sentence: 3 यो वा इ॒ममा॒लभे॑त॒ मुच्ये॑ता॒स्मात्पा॒प्मन॒ इति
Sentence: 4 स आ॑ग्ने॒यं कृ॒ष्णग्री॑व॒माल॑भतै॒न्द्रमृ॑ष॒भम् ।
Sentence: 5 तस्या॒ग्निरे॒व स्वेन॑ भाग॒धेये॒नोप॑सृतः षोडश॒धा वृ॒त्रस्य॑ भो॒गानप्य॑दहऐ॒न्द्रेणे॑न्द्रि�
Sentence: 6 यः पा॒प्मना॑ गृही॒तः स्यात्स आ॑ग्ने॒यं कृ॒ष्णग्री॑व॒मा ल॑भेतै॒न्द्रमृ॑ष॒भम्
Sentence: 7 अ॒ग्निरे॒वास्य॒ स्वेन॑ भाग॒धेये॒नोप॑सृतः ॥
Verse: 7
Sentence: 1 पा॒प्मान॒मपि॑ दहत्ऐ॒न्द्रेणे॑न्द्रि॒यमा॒त्मन्ध॑त्ते
Sentence: 2 मुच्य॑ते पा॒प्मन॑स् ।
Sentence: 3 भव॑त्ये॒व
Sentence: 4 द्या॑वापृथि॒व्यां॑ धे॒नुमा ल॑भेत॒ ज्योग॑परुद्धस् ।
Sentence: 5 अ॒नयो॒र्हि वा ए॒षो ऽप्र॑तिष्ठितस् ।
Sentence: 6 अथै॒ष ज्योगप॑रुद्धो॒ द्यावा॑पृथि॒वी ए॒व स्वेन॑ भाग॒धेये॒नोप॑ धावति
Sentence: 7 ते एवैनम्प्रति॒ष्ठां ग॑मयतः
Sentence: 8 प्रत्ये॒व ति॑ष्ठति
Sentence: 9 पर्या॒रिणी॑ भवति
Sentence: 10 पर्या॒रीव॒ ह्ये॒तस्य॑ रा॒ष्ट्रं यो ज्योग॑परुद्धः
Sentence: 11 समृ॑द्धयै
Sentence: 12 वाय॒व्य॑म् ॥
Verse: 8
Sentence: 1 व॒त्समा ल॑भेत
Sentence: 2 वा॒युर्वा अ॒नयो॑र्व॒त्सस् ।
Sentence: 3 इ॒मे वा ए॒तस्मै॑ लो॒का अप॑शुष्का॒ विडप॑शुष्का ।
Sentence: 4 अथै॒ष ज्योगप॑रुद्धो वा॒युमे॒व स्वेन॑ भाग॒धेये॒नोप॑ धावति
Sentence: 5 स ए॒वास्मा॑ इ॒माँ लो॒कान्विश॒म्प्र दा॑पयति
Sentence: 6 प्रास्मा॑ इ॒मे लो॒काः स्नु॑वन्ति
Sentence: 7 भुञ्ज॒त्ये॑नं॒ विडुप॑ तिष्ठते ॥
Paragraph: 5
Verse: 1
Sentence: 1 इन्द्रो॑ व॒लस्य॒ बिल॒मपौ॑र्णोत्
Sentence: 2 स य उ॑त्त॒मः प॒शुरासी॒त्तम्पृ॒ष्ठम्प्रति॑ सं॒गृह्योद॑क्खिदत्
Sentence: 3 तं स॒हस्र॑म्प॒शवो ऽनूदा॑यन् ।
Sentence: 4 स उ॑न्न॒तो॑ ऽभवत् ।
Sentence: 5 यः प॒शुका॑मः॒ स्यात्स ए॒तऐ॒न्द्रमु॒न्नतमा ल॑भेत ।
Sentence: 6 इन्द्र॑मे॒व स्वेन॑ भाग॒धेयो॒नोप॑ धावति
Sentence: 7 स ए॒वास्मै॑ प॒शून्प्र य॑छति
Sentence: 8 पशु॒माने॒व भ॑वति ।
Sentence: 9 उ॑न्न॒तः ॥
Verse: 2
Sentence: 1 भ॑वति
Sentence: 2 साह॒स्री वा ए॒षा ल॒क्ष्मी यदु॑न्न॒तस् ।
Sentence: 3 ल॒क्ष्मियै॒व प॒शूनव॑ रुन्द्धे
Sentence: 4 य॒दा स॒हस्र॑म्प॒शून्प्रा॑प्नु॒यातथ॑ वैष्ण॒वं वा॑म॒नमा ल॑भेत ।
Sentence: 5 ए॒तस्मिन्वै॒ तत्स॒हस्र॒मध्य॑तिष्ठत्
Sentence: 6 तस्मा॑दे॒ष वा॑म॒नः समी॑षितः प॒शुभ्य॑ ए॒व प्रजा॑तेभ्यः प्रति॒ष्ठां द॑धाति
Sentence: 7 को॑ ऽर्हति स॒हर॑म्प॒शून्प्राप्तु॒मित्या॑हुस् ।
Sentence: 8 अ॑होरा॒त्राण्ये॒व स॒हस्रं॑ स॒म्पाद्या ल॑भेत
Sentence: 9 प॒शवः॑ ॥
Verse: 3
Sentence: 1 वा अ॑होरा॒त्राणि
Sentence: 2 प॒शूने॒व प्रजा॑तान्प्रति॒ष्ठां ग॑मयति ।
Sentence: 3 ओष॑धीभ्यो वे॒हत॒मा ल॑भेत प्र॒जाका॑मस् ।
Sentence: 4 ओष॑धयो॒ वा ए॒तम्प्र॒जायै॒ परि॑ बाधन्ते॒ यो ऽल॑म्प्र॒जायै॒ सन्प्र॒जां न वि॒न्दते॑ ।
Sentence: 5 ओष॑धयः॒ खलु॒ वा ए॒तस्यै॒ सूतु॒मपि॑ घ्नन्ति॒ या वे॒हद्भव॑ति ।
Sentence: 6 ओष॑धीरे॒व स्वेन॑ भाग॒धेये॒नोप॑ धावति
Sentence: 7 ता ए॒वास्मै॒ स्वाद्योनेः॑ प्र॒जाम्प्र ज॑नयन्ति
Sentence: 8 वि॒न्दते॑ ॥
Verse: 4
Sentence: 1 प्र॒जाम्
Sentence: 2 आपो॒ वा ओष॑ध॒यो ऽस॒त्पुरु॑षस् ।
Sentence: 3 आप॑ ए॒वास्मा॒ अस॑तः॒ सद्द॑दति
Sentence: 4 तस्मा॑दाहु॒र्यश्चै॒वं वेद॒ यश्च॒ न ।
Sentence: 5 आप॒स्त्वावास॑तः॒ सद्द॑द॒तीति॑ ।
Sentence: 6 अै॒न्द्रीं सू॒तव॑शा॒मा ल॑भेत॒ भूति॑का॒मस् ।
Sentence: 7 अजा॑तो॒ वा ए॒ष यो ऽल॒म्भूत्यै॒ सन्भूतिं॒ न प्रा॒प्नोति॑ ।
Sentence: 8 इन्द्र॒ङ्खलु॒ वा ए॒षा सू॒त्वा व॒शाभ॑वत् ॥
Verse: 5
Sentence: 1 इन्द्र॑मे॒व स्वेन॑ भाग॒धेये॒नोप॑ धावति
Sentence: 2 स एवैन॒म्भूतिं॑ गमयति
Sentence: 3 भव॑त्ये॒व
Sentence: 4 यं सू॒त्वा व॒शा स्यात्तऐ॒न्द्रमे॒वा ल॑भेत ।
Sentence: 5 ए॒तद्वाव तदि॑न्रि॒यम् ।
Sentence: 6 सा॒क्षादे॒वेन्द्रि॒यमव॑ रुन्द्धे ।
Sentence: 7 अै॑न्द्रा॒ग्नम्पु॑नरुत्सृ॒ष्टमा ल॑भेत॒ य आ तृ॒तीया॒त्पुरु॑षा॒त्सोमं॒ न पिबे॑त् ।
Sentence: 8 विछि॑न्नो॒ वा ए॒तस्य॑ सोमपी॒थो यो ब्रा॑ह्म॒णः सन्ना ॥
Verse: 6
Sentence: 1 तृ॒तीया॒त्पुरु॑षा॒त्सोमं॒ न पिब॑ति ।
Sentence: 2 इ॑न्द्रा॒ग्नी ए॒व स्वेन॑ भाग॒धेये॒नोप॑ धावति
Sentence: 3 तावे॒वास्मै॑ सोम पी॒थम्प्र य॑छतस् ।
Sentence: 4 उपै॑नं सोमपी॒थो न॑मति
Sentence: 5 यऐ॒न्द्रो भव॑तीन्द्रि॒यं वै॑ सोमपी॒थ इन्द्रि॒यमे॒व सो॑मपी॒थमव॑ रुन्द्धे
Sentence: 6 यदा॑ग्ने॒यो भव॑त्याग्ने॒यो वै॑ ब्राह्म॒णः स्वामे॒व दे॒वता॒मनु॒ सं त॑नोति
Sentence: 7 पुनरुत्सृ॒ष्टो भ॑वति
Sentence: 8 पुनरुतृ॒ष्ट इ॑व॒ ह्ये॒तस्य॑ ॥
Verse: 7
Sentence: 1 सो॑मपी॒थः
Sentence: 2 समृ॑द्ध्यै
Sentence: 3 ब्राह्मणस्प॒त्यं तू॑प॒रमा ल॑भेताभि॒चर॑न्
Sentence: 4 ब्रह्म॑ण॒स्पति॑मे॒व स्वेन॑ भाग॒धेये॒नोप॑ धावति
Sentence: 5 तस्मा॑ एवैन॒मा वृ॑श्चति
Sentence: 6 ता॒जगार्ति॒मार्छ॑ति
Sentence: 7 तूप॒रो भ॑वति
Sentence: 8 क्षु॒रप॑वि॒र्वा ए॒षा ल॒क्ष्मी यत्तू॑प॒रः
Sentence: 9 समृ॑द्ध्यै
Sentence: 10 स्प्यो यूपो॑ भवति॒ वज्रो वै॒ स्प्यो वज्र॑मे॒वास्मै॒ प्र ह॑रति
Sentence: 11 शर॒मय॑म्ब॒र्हिह्शृ॒णात्येवैनम् ।
Sentence: 12 वै॑भीदक इ॒ध्मो भि॒नत्त्येवैनम् ॥
Paragraph: 6
Verse: 1
Sentence: 1 बा॑र्हस्प॒त्यं शि॑तिपृ॒ष्ठमा ल॑भेत॒ ग्राम॑कामो{F यः{W यः{GLOS का॒मये॑त
Sentence: 2 पृ॒ष्ठं स॑मा॒नानां॑ स्या॒मिति
Sentence: 3 बृह॒स्पति॑मे॒व स्वेन॑ भाग॒धेये॒नोप॑ धावति
Sentence: 4 स एवैनम्पृ॒ष्ठं स॑मा॒नानां॑ करोति
Sentence: 5 ग्रा॒म्ये॒व भ॑वति
Sentence: 6 शितिपृ॒ष्ठो भ॑वति
Sentence: 7 बार्हस्प॒त्यो ह्ये॒ष दे॒वत॑या
Sentence: 8 समृ॑द्धयै
Sentence: 9 पौ॒ष्णं श्या॒ममा ल॑भे॒तान्न॑का॒मस् ।
Sentence: 10 अन्नं वै पू॒षा
Sentence: 11 पू॒षण॑मे॒व स्वेन॑ भाग॒धेये॒नोप॑ धावति
Sentence: 12 स ए॒वास्मै॑ ॥
Verse: 2
Sentence: 1 अन॒म्प्र य॑छति ।
Sentence: 2 अ॑न्ना॒द ए॒व भ॑वति
Sentence: 3 श्या॒मो भ॑वति ।
Sentence: 4 ए॒तद्वा अन्न॑स्य रू॒पम् ।
Sentence: 5 समृ॑द्ध्यै
Sentence: 6 मारु॒तम्पृश्नि॒मा ल॑भे॒तान्न॑का॒मस् ।
Sentence: 7 अन्नं वै म॒रुत॑स् ।
Sentence: 8 म॒रुत॑ ए॒व स्वेन॑ भाग॒धेये॒नोप॑ धावति
Sentence: 9 त ए॒वास्मा॒ अन्न॒म्प्र य॑छन्ति ।
Sentence: 10 अ॑न्ना॒द ए॒व भ॑वति
Sentence: 11 पृश्नि॑र्भवति ।
Sentence: 12 ए॒तद्वा अन्न॑स्य रू॒पम् ।
Sentence: 13 समृ॑द्ध्यै ।
Sentence: 14 अै॒न्द्रम॑रु॒णमा ल॑भेतेन्द्रि॒यका॑मस् ।
Sentence: 15 इन्द्र॑मे॒व ॥
Verse: 3
Sentence: 1 स्वेन॑ भाग॒धेये॒नोप॑ धावति
Sentence: 2 स ए॒वास्मि॑न्निन्द्रि॒यं ब॑धाति ।
Sentence: 3 इ॑न्द्रिया॒व्ये॒व भ॑वति ।
Sentence: 4 अ॑रु॒णो भ्रूमा॑न्भवति ।
Sentence: 5 ए॒तद्वा इन्द्र॑स्य रू॒पम् ।
Sentence: 6 समृ॑द्ध्यै
Sentence: 7 सावि॒त्रमु॑पध्व॒स्तमा ल॑भेत स॒निका॑मः
Sentence: 8 सवि॒ता वै॑ प्रस॒वाना॑मीशे
Sentence: 9 सवि॒तार॑मे॒व स्वेन॑ भाग॒धेये॒नोप॑ धावति
Sentence: 10 स ए॒वास्मै॑ स॒निम्प्र सु॑वति
Sentence: 11 दान॑कामा अस्मै प्र॒जा भ॑वन्ति ।
Sentence: 12 उ॑पध्व॒स्तो भ॑वति
Sentence: 13 सावि॒त्रो ह्ये॒षः ॥
Verse: 4
Sentence: 1 दे॒वत॑या
Sentence: 2 समृ॑द्ध्यै
Sentence: 3 वैश्वदे॒वम्ब॑हुरू॒पमा ल॑भे॒तान्न॑कामस् ।
Sentence: 4 वै॑श्वदे॒वं वा अन्न॑म् ।
Sentence: 5 विश्वा॑ने॒व दे॒वान्त्स्वेन॑ भाग॒धेये॒नोप॑ धावति
Sentence: 6 त ए॒वास्मा॒ अन्न॒म्प्र य॑छन्ति ।
Sentence: 7 अ॑न्ना॒द ए॒व भ॑वति
Sentence: 8 बहुरू॒पो भ॑वति
Sentence: 9 बहुरू॒पं ह्यन्न॑म् ।
Sentence: 10 समृ॑द्ध्यै
Sentence: 11 वैश्वदे॒वम्ब॑हुरू॒पमा ल॑भेत॒ ग्राम॑कामस् ।
Sentence: 12 वै॑श्वदे॒वा वै॑ सजा॒तास् ।
Sentence: 13 विश्वा॑ने॒व दे॒वान्त्स्वेन॑ भाग॒धेये॒नोप॑ धावति
Sentence: 14 त ए॒वास्मै॑ ॥
Verse: 5
Sentence: 1 स॑जा॒तान्प्र य॑छन्ति
Sentence: 2 ग्रा॒म्ये॒व भ॑वति
Sentence: 3 बहुरू॒पो भ॑वति
Sentence: 4 बहुदेव॒त्यो॑ ह्य्े॒ष^ ए॒षस् ।
Sentence: 5 समृ॑द्ध्यै
Sentence: 6 प्रजाप॒त्यं तू॑प॒रमा ल॑भेत॒ यस्याना॑ज्ञातमेव॒ ज्योगा॒मये॑त्
Sentence: 7 प्राजाप॒त्यो वै॒ पुरु॑षः
Sentence: 8 प्र॒जाप॑तिः॒ खलु वै॒ तस्य॑ वेद॒ यस्या॑नाज्ञातमिव॒ ज्योगा॒मय॑ति
Sentence: 9 प्र॒जाप॑तिमे॒व स्वेन॑ भाग॒धेये॒नोप॑ धावति
Sentence: 10 स एवैनं॒ तस्मा॒त्स्रामा॑न्मुञ्चति
Sentence: 11 तूप॒रो भ॑वति
Sentence: 12 प्राजाप॒त्यो ह्ये॒ष दे॒वत॑या
Sentence: 13 समृ॑द्ध्यै ॥
Paragraph: 7
Verse: 1
Sentence: 1 व॑षट्का॒रो वै॑ गायत्रियै॒ शिरो॑ ऽछिनत्
Sentence: 2 तस्यै॒ रसः॒ परा॑पत॒त्तम्बृह॒स्पति॒रुपा॑गृह्णा॒त्सा शि॑तिपृ॒ष्ठा व॒शाभ॑वत् ।
Sentence: 3 यो द्वि॒तीयः॑ प॒राप॑त॒त्तम्मि॒त्रावरु॑णा॒वुपा॑गृह्णीतां॒ सा द्वि॑रू॒पा व॒शाभ॑वत् ।
Sentence: 4 यस्तृ॒तीयः॑ प॒राप॑त॒त्तं विश्वे॑ दे॒वा उपा॑गृह्ण॒न्त्सा ब॑हुरू॒पा व॒शाभ॑वत् ।
Sentence: 5 यश्च॑तु॒र्थः प॒राप॑त॒त्स पृ॑थि॒वीम्प्रावि॑श॒त्तम्बृह॒स्पति॑र॒भि ॥
Verse: 2
Sentence: 1 अ॑गृह्णात् ।
Sentence: 2 अस्त्वे॒वायम्भोगा॒येति॒ स उ॑क्षव॒शः सम॑भवत् ।
Sentence: 3 यल्लोहि॑तम्प॒राप॑त॒त्तद्रु॒द्र उपा॑गृह्णा॒त्सा रौ॒द्री रोहि॑णी व॒शाभ॑वत् ।
Sentence: 4 बा॑र्हस्प॒त्यां शि॑तिपृ॒ष्ठामा ल॑भेत ब्रह्मवर्च॒सका॑मस् ।
Sentence: 5 बृह॒स्पति॑मे॒व स्वेन॑ भाग॒धेये॒नोप॑ धावति
Sentence: 6 स ए॒वास्मि॑न्ब्रह्मवर्च॒सं द॑धाति
Sentence: 7 ब्रह्मवर्च॒स्ये॒व भ॑वति
Sentence: 8 छन्द॑सां॒ वा ए॒ष रसो॒ यद्व॒शा
Sentence: 9 रस॑ इव॒ खलु॑ ॥
Verse: 3
Sentence: 1 वै॑ ब्रह्मवर्च॒सम् ।
Sentence: 2 छन्द॑सामे॒व रसे॑न॒ रस॑म्ब्रह्मवर्च॒समव॑ रुन्द्धे
Sentence: 3 मैत्रावरु॒णीं द्वि॑रू॒पामा ल॑भेत॒ वृष्टि॑कामस् ।
Sentence: 4 मै॒त्रं वा अह॑र्वारु॒णी रात्रि॑स् ।
Sentence: 5 अ॑होरा॒त्राभ्यां॒ खलु वै प॒र्जन्यो॑ वर्षति
Sentence: 6 मि॒त्रावरु॑णावे॒व स्वेन॑ भागधेये॒नोप॑ धावति
Sentence: 7 तावे॒वास्मा॑ अहोरा॒त्राभ्या॑म्प॒र्जन्यं॑ वर्षयतस् ।
Sentence: 8 छन्द॑सां॒ वा ए॒ष रसो॒ यद्व॒शा
Sentence: 9 रस॑ इव॒ खलु वै॒ वृष्टि॑स् ।
Sentence: 10 छन्द॑सामे॒व रसे॑न ॥
Verse: 4
Sentence: 1 रसं॒ वृष्टि॒मव॑ रुन्द्धे
Sentence: 2 मैत्रावरु॒णीं द्वि॑रू॒पामा ल॑भेत प्र॒जाका॑मस् ।
Sentence: 3 मै॒त्रं वा अह॑र्वारु॒णी रात्रि॑स् ।
Sentence: 4 अ॑होरा॒त्राभ्यां॒ खलु वै प्र॒जाः प्र जा॑यन्ते
Sentence: 5 मि॒त्रावरु॑णावे॒व स्वेन॑ भाग॒धेये॒नोप॑ धावति
Sentence: 6 तावे॒वास्मा॑ अहोरा॒त्राभ्या॑म्प्र॒जाम्प्र ज॑नयतस् ।
Sentence: 7 छन्द॑सां॒ वा ए॒ष रसो॒ यद्व॒शा
Sentence: 8 रस॑ इव॒ खलु वै प्र॒जा
Sentence: 9 छन्द॑सामे॒व रसे॑न॒ रस॑म्प्र॒जामव॑ ॥
Verse: 5
Sentence: 1 रु॑न्द्धे
Sentence: 2 वैश्वदे॒वीम्ब॑हुरू॒पामा ल॑भे॒तान्न॑कामस् ।
Sentence: 3 वै॑श्वदे॒वं वा अन्न॑म् ।
Sentence: 4 विश्वा॑ने॒व दे॒वान्त्स्वेन॑ भाग॒धेये॒नोप॑ धावति
Sentence: 5 त ए॒वास्मा॒ अन्न॒म्प्र य॑छन्ति ।
Sentence: 6 अ॑न्ना॒द ए॒व भ॑वति
Sentence: 7 छन्द॑सां॒ वा ए॒ष रसो॒ यद्व॒शा
Sentence: 8 रस॑ इव॒ खलु॒ वा अन्न॑म् ।
Sentence: 9 छन्द॑सामे॒व रसे॑न॒ रस॒मन्न॒मव॑ रुन्द्धे
Sentence: 10 वैश्वदे॒वीम्ब॑हुरू॒पामा ल॑भेत ग्रा॒मका॑मस् ।
Sentence: 11 वै॑श्वदे॒वा वै॑ ॥
Verse: 6
Sentence: 1 स॑जा॒तास् ।
Sentence: 2 विश्वा॑ने॒व दे॒वान्त्स्वेन॑ भाग॒धेये॒नोप॑ धावति
Sentence: 3 त ए॒वास्मै॑ सजा॒तान्प्र य॑छन्ति
Sentence: 4 ग्रा॒म्ये॒व भ॑वति
Sentence: 5 छन्द॑सां॒ वा ए॒ष रसो॒ यद्व॒शा
Sentence: 6 रस॑ इव॒ खलु वै सजा॒तास् ।
Sentence: 7 छन्द॑सामे॒व रसे॑न॒ रसं॑ सजा॒तानव॑ रुन्द्धे
Sentence: 8 बार्हस्प॒त्यमु॑क्षव॒शमा ल॑भेत ब्रह्मवर्च॒सका॑मस् ।
Sentence: 9 बृह॒स्पति॑मे॒व स्वेन॑ भाग॒धेये॒नोप॑ धावति
Sentence: 10 स ए॒वास्मि॑न्ब्रह्मवर्च॒सम् ॥
Verse: 7
Sentence: 1 द॑धाति
Sentence: 2 ब्रह्मवर्च॒स्ये॒व भ॑वति
Sentence: 3 वशं॒ वा ए॒ष च॑रति॒ यदु॒क्षा
Sentence: 4 वश॑ इव॒ खलु वै ब्रह्मवर्च॒सम् ।
Sentence: 5 वशे॑नै॒व वश॑म्ब्रह्मवर्च॒समव॑ रुन्द्धे
Sentence: 6 रौ॒द्रीं रोहि॑णी॒मा ल॑भेताभि॒चर॑न्
Sentence: 7 रु॒द्रमे॒व स्वेन॑ भाग॒धेये॒नोप॑ धावति
Sentence: 8 तस्मा॑ एवैन॒मा वृ॑श्चति
Sentence: 9 ता॒जगार्ति॒मार्छ॑ति
Sentence: 10 रोहि॑णी भवति रौ॒द्री ह्ये॒षा दे॒वत॑या॒ समृ॑द्ध्यै
Sentence: 11 स्प्यो यूपो॑ भवति॒ वज्रो वै॒ स्प्यो वज्र॑मे॒वास्मै॒ प्र ह॑रति
Sentence: 12 शर॒मय॑म्ब॒र्हिः शृ॒णात्येवैनम् ।
Sentence: 13 वै॑भीदक इ॒ध्मो भि॒नत्त्येवैनम् ॥
Paragraph: 8
Verse: 1
Sentence: 1 अ॒सावा॑दि॒त्यो न व्य॑रोचत
Sentence: 2 तस्मै॑ दे॒वाः प्राय॑श्चित्तिऐछन्
Sentence: 3 तयै॒वास्मि॒न्रुच॑मदधुस् ।
Sentence: 4 {F यो{W यो{GLOS यो ब्र॑ह्मवर्च॒सका॑मः॒ स्यात्तस्मा॑ ए॒तां सौ॒रीं श्वे॒तां व॒शामा ल॑बेत ।
Sentence: 5 अ॒मुमे॒वादि॒त्यं स्वेन॑ भाग॒धेये॒नोप॑ धावति
Sentence: 6 स ए॒वास्मि॑न्ब्रह्मवर्च॒सं द॑धाति
Sentence: 7 ब्रह्मवर्च॒स्ये॒व भ॑वति
Sentence: 8 बै॒ल्वो यूपो॑ भवति ।
Sentence: 9 असौ ॥
Verse: 2
Sentence: 1 वा आ॑दि॒त्यो यतो ऽजा॑यत॒ ततो॑ बि॒ल्व॒ उद॑तिष्ठत्
Sentence: 2 सयो॑न्ये॒व ब्र॑ह्मवर्च॒समव॑ रुन्द्धे
Sentence: 3 ब्राह्मणस्प॒त्याम्ब॑भ्रुक॒र्णीमा ल॑भेताभि॒चर॑न्
Sentence: 4 वारु॒णं दश॑कपालम्पु॒रस्ता॒न्निर्व॑पेत् ।
Sentence: 5 वरु॑णेनै॒व भ्रातृ॑व्यं ग्राहयि॒त्वा ब्रह्म॑णा स्तृणुते
Sentence: 6 बभ्रुक॒र्णी भ॑वति ।
Sentence: 7 ए॒तद्वै॒ ब्रह्म॑णो रू॒पम् ।
Sentence: 8 समृ॑द्ध्यै
Sentence: 9 स्प्यो यूपो॑ भवति॒ वज्रो वै॒ स्प्यो वज्र॑मे॒वास्मै॒ प्र ह॑रति
Sentence: 10 शर॒मय॑म्ब॒र्हिः शृ॒णाति॑ ॥
Verse: 3
Sentence: 1 एवैनम् ।
Sentence: 2 वै॑भीदक इ॒ध्मो भि॒नत्त्येवैनम् । वै॑ष्ण॒वं वा॑म॒नमा ल॑भेत॒ यं य॒ज्ञो नोप॒नमे॑त् ।
Sentence: 3 विष्णुर्वै य॒ज्ञस् ।
Sentence: 4 विष्णु॑मे॒व स्वेन॑ भाग॒धेये॒नोप॑ धावति
Sentence: 5 स ए॒वास्मै॑ य॒ज्ञम्प्र य॑छति ।
Sentence: 6 उपै॑नं य॒ज्ञो न॑मति
Sentence: 7 वाम॒नो भ॑वति
Sentence: 8 वैष्ण॒वो ह्ये॒ष दे॒वत॑या
Sentence: 9 समृ॑द्ध्यै
Sentence: 10 त्वा॒ष्ट्रं व॑ड॒बमा ल॑भेत पशुकामस्
Sentence: 11 त्वष्टा वै पशू॒नाम्मि॑थु॒नाना॑म् ॥
Verse: 4
Sentence: 1 प्र॑जनयि॒ता
Sentence: 2 त्वष्टा॑रमे॒व स्वेन॑ भाग॒धेये॒नोप॑ धावति
Sentence: 3 स ए॒वास्मै॑ प॒शून्मि॑थु॒नान्प्र ज॑नयति
Sentence: 4 प्र॒जा हि वा ए॒तस्मि॑न्प॒शवः॒ प्रवि॑ष्टास् ।
Sentence: 5 अथै॒ष पु॒मान्त्सन्व॑ड॒बः सा॒क्षादे॒व प्र॒जाम्प॒शूनव॑ रुन्द्धे
Sentence: 6 मै॒त्रं श्वे॒तमा ल॑भेत सङ्ग्रा॒मे संय॑त्ते सम॒यका॑मस् ।
Sentence: 7 मि॒त्रमे॒व स्वेन॑ भाग॒धेये॒नोप॑ धावति
Sentence: 8 स एवैनम्मि॒त्रेण॒ सं न॑यति ॥
Verse: 5
Sentence: 1 वि॑शा॒लो भ॑वति
Sentence: 2 व्यव॑साययत्येवैनम्
Sentence: 3 प्राजाप॒त्यं कृ॒ष्णमा ल॑भेत॒ वृष्टि॑कामः
Sentence: 4 प्र॒जाप॑तिर्वै॒ वृष्ट्या॑ ईषे
Sentence: 5 प्र॒जाप॑तिमे॒व स्वेन॑ भाग॒धेये॒नोप॑ धावति
Sentence: 6 स ए॒वास्मै॑ प्र॒जन्यं॑ वर्षयति
Sentence: 7 कृ॒ष्णो भ॑वति ।
Sentence: 8 ए॒तद्वै॒ वृष्ट्यै॑ रू॒पम् ।
Sentence: 9 रू॒पेणै॒व वृष्टि॒मव॑ रुन्द्धे
Sentence: 10 श॒बलो॑ भवति
Sentence: 11 वि॒द्युत॑मे॒वास्मै॑ जनयि॒त्वा व॑र्षयति ।
Sentence: 12 अ॑वाशृ॒ङ्गो भ॑वति
Sentence: 13 वृष्टि॑मे॒वास्मै॒ नि य॑छति ॥
Paragraph: 9
Verse: 1
Sentence: 1 वरु॑णं सुषुवा॒णम॒न्नाद्यं॒ नोपा॑नमत्
Sentence: 2 स ए॒तां वा॑रु॒णीं कृ॒ष्णां व॒शाम॑पश्यत्
Sentence: 3 तां स्वायै॑ दे॒वता॑या॒ आल॑भत॒ ततो वै॒ तम॒न्नाद्य॒मुपा॑नमत् ।
Sentence: 4 यमल॑म॒न्नाद्या॑य॒ सन्त॑म॒न्नाद्यं॒ नोप॒नमे॒त्स ए॒तां वा॑रु॒णीं कृ॒ष्णां व॒शामा ल॑भेत
Sentence: 5 वरु॑णमे॒व स्वेन॑ भाग॒धेये॒नोप॑ धावति॒ स ए॒वास्मा॒ अन्न॒म्प्र य॑छत्यन्ना॒दः ॥
Verse: 2
Sentence: 1 ए॒व भ॑वति
Sentence: 2 कृ॒ष्णा भ॑वति
Sentence: 3 वारु॒णी ह्ये॒षा दे॒वत॑या
Sentence: 4 समृ॑द्ध्यै
Sentence: 5 मै॒त्रं श्वे॒तमा ल॑भेत वारु॒णं कृ॒ष्णम॒पां चौ॑षधीनां च सं॒धावन्न॑कामस् ।
Sentence: 6 मै॒त्रीर्वा ओष॑धयो वारु॒णीराप॑स् ।
Sentence: 7 अ॒पां च॒ खलु॒ वा ओष॑धीनां च॒ रस॒मुप॑ जीवामस् ।
Sentence: 8 मि॒त्रावरु॑णावे॒व स्वेन॑ भाग॒धेये॒नोप॑ धावति
Sentence: 9 तावे॒वास्मा॒ अन्न॒म्प्र य॑छतो ऽन्ना॒द ए॒व भ॑वति ॥
Verse: 3
Sentence: 1 अ॒पां चौ॑षधीनां च सं॒धावा ल॑भत उ॒भय॒स्याव॑रुद्ध्यै
Sentence: 2 मै॒त्रं श्वे॒तमा ल॑भेत वारु॒णं कृ॒ष्णं ज्योगा॑मयावी
Sentence: 3 यन्मै॒त्रो भव॑ति मि॒त्रेणै॒वास्मै॒ वरु॑णं शमयति
Sentence: 4 यद्वा॑रु॒णः सा॒क्षादेवैनं वरुणपा॒शान्मु॑ञ्चति ।
Sentence: 5 उ॒त यदी॒तासु॒र्भव॑ति॒ जीव॑त्ये॒व
Sentence: 6 दे॒वा वै॒ पुष्टिं॒ नावि॑न्दन् ॥
Verse: 4
Sentence: 1 ताम्मि॑थु॒ने॑ ऽपश्यन्
Sentence: 2 तस्या॒म्न सम॑राधयन्
Sentence: 3 ताव॒श्विना॑वब्रूताम्
Sentence: 4 आ॒वयो॒र्वा ए॒षा मै॒तस्यां॑ वदध्व॒मिति
Sentence: 5 साश्विनो॑रे॒वाभ॑वत् ।
Sentence: 6 यः पुष्टि॑कामः॒ स्यात्स ए॒तामा॑श्वि॒नीं य॒मीं व॒शामा ल॑भेत ।
Sentence: 7 अ॒श्विना॑वे॒व स्वेन॑ भाग॒धेये॒नोप॑ धावति
Sentence: 8 तावे॒वास्मि॒न्पुष्टिं॑ धत्तः
Sentence: 9 पुष्य॑ति प्र॒जया॑ प॒शुभिः॑ ॥
Paragraph: 10
Verse: 1
Sentence: 1 आ॑श्वि॒नं धू॒म्रल॑लाम॒मा ल॑भेत॒ यो दुर्ब्रा॑ह्मणः॒ सोम॒म्पिपा॑सेत् ।
Sentence: 2 अ॒श्विनौ वै दे॒वाना॒मसो॑मपावास्ताम् ।
Sentence: 3 तौ॑ प॒श्चा सो॑मपी॒थम्प्राप्नु॑ताम्
Sentence: 4 अ॒श्विना॑वे॒तस्य॑ दे॒वता॒ यो दुर्ब्रा॑ह्मणः॒ सोम॒म्पिपा॑सति ।
Sentence: 5 अ॒श्विना॑वे॒व स्वेन॑ भाग॒धेये॒नोप॑ धावति
Sentence: 6 तवे॒वास्मै॑ सोमपी॒थम्प्र य॑छत॒ उपै॑नं सोमपी॒थो न॑मति
Sentence: 7 यद्धू॒म्रो भव॑ति धूम्रि॒माण॑मे॒वास्मा॒दप॑ हन्ति
Sentence: 8 ल॒लामः॑ ॥
Verse: 2
Sentence: 1 भ॑वति मुख॒त ए॒वास्मि॒न्तेजो॑ दधाति
Sentence: 2 वाय॒व्यं॑ गोमृ॒गमा ल॑भेत॒ यमज॑घ्निवांसमभि॒शंसे॑युस् ।
Sentence: 3 अपू॑ता॒ वा ए॒तं वागृ॑छति॒ यमज॑घ्निवांसमभि॒शंस॑न्ति
Sentence: 4 नै॒ष ग्रा॒म्यः प॒शुर्नार॒ण्यो यद्गो॑मृ॒गस् ।
Sentence: 5 नेवै॒ष ग्रामे॒ नार॑ण्ये॒ यमज॑घ्निवांसमभि॒शंस॑न्ति
Sentence: 6 वा॒युर्वै॑ दे॒वाना॑म्प॒वित्र॑म् ।
Sentence: 7 वा॒युमे॒व स्वेन॑ भाग॒धेये॒नोप॑ धावति
Sentence: 8 स ए॒व ॥
Verse: 3
Sentence: 1 ए॑नम्पवयति
Sentence: 2 परा॑ची॒ वा ए॒तस्मै॑ व्यु॒छन्ती॒ व्यु॑छति॒ तमः॑ पा॒प्मान॒म्प्र वि॑शति॒ यस्या॑श्वि॒ने श॒स्यमा॑ने॒ सूर्यो॒ नाविर्भव॑ति
Sentence: 3 सौ॒र्यम्ब॑हुरू॒पमा ल॑भेत ।
Sentence: 4 अ॒मुमे॒वादि॒त्यं स्वेन॑ भाग॒धेये॒नोप॑ धावति
Sentence: 5 स ए॒वास्मा॒त्तमः॑ पा॒प्मान॒मप॑ हन्ति
Sentence: 6 प्र॒तीच्य॑स्मै व्यु॒छन्ती॒ व्यु॑छ॒त्यप॒ तमः॑ पा॒प्मानं॑ हते ॥
Paragraph: 11
Verse: 1
Sentence: 1=a इन्द्रं॑ वो वि॒श्वत॒स्परि॑ ।
Sentence: 2=b इन्द्रं॒ नर॑स् ।
Sentence: 3=c मरु॑तो॒ यद्ध॑ वो दि॒वस् ।
Sentence: 4=d या वः॒ शर्म
Sentence: 5=e भरे॒ष्विन्द्रं॑ सु॒हवं॑ हवामहेंहो॒मुचं॑ सु॒कृतं दैव्यं॒ जन॑म् । अ॒ग्निम्मि॒त्रं वरु॑णं सा॒तये॒ भगं॒ द्यावा॑पृथि॒वी म॒रुतः॑ स्व॒स्तये॑ ॥
Sentence: 6=f म॒मत्तु॑ नः॒ परि॑ज्मा वस॒र्हा म॒मत्तु॒ वातो॑ अ॒पां वृष॑ण्वान् । शि॑शी॒तमि॑न्द्रापर्वता यु॒वं न॒स्तन्नो॒ विश्वे॑ वरिवस्यन्तु दे॒वाः
Sentence: 7=g प्रि॒या वो॒ नाम॑ ॥
Verse: 2
Sentence: 1 हु॑वे तु॒राणा॑म् । आ यत्तृ॒पन्म॑रुतो वावशा॒नाः ॥
Sentence: 2=h श्रि॒यसे॒ कम्भा॒नुभिः॒ सम्मि॑मिक्षिरे॒ ते र॒श्मिभि॒स्त ऋक्व॑भिः सुखा॒दयः॑ । ते वाशी॑मन्त इ॒ष्मिणो॒ अभी॑रवो वि॒द्रे प्रि॒यस्य॒ मारु॑तस्य॒ धाम्नः॑ ॥
Sentence: 3=i अ॒ग्निः प्र॑थ॒मो वसु॑भिर्नो अव्या॒त्सोमो॑ रु॒द्रेभि॑र॒भि र॑क्षतु॒ त्मना॑ । इन्द्रो॑ म॒रुद्भि॑रृतु॒धा कृ॑णोत्वादित्यैर्नो॒ वरु॑णः॒ सं शि॑शातु ॥
Sentence: 4=k सं नो॑ दे॒वो वसु॑भिर॒ग्निः सम् ॥
Verse: 3
Sentence: 1 सोम॑स्त॒नूभी॑ रु॒द्रिया॑भिः । समिन्द्रो॑ म॒रुद्भि॑र्य॒ज्ञियैः॒ समा॑दित्यैर्नो॒ वरु॑णो अजिज्ञिपत् ॥
Sentence: 2=l यथा॑दि॒त्या वसु॑भिः सम्बभू॒वुर्म॒रुद्भी॑ रु॒द्राः स॒मजा॑नता॒भि । ए॒वा त्रि॑णाम॒न्नहृ॑णीयमाना॒ विश्वे॑ दे॒वाः सम॑नसो भवन्तु
Sentence: 3=m कुत्रा॑ चि॒द्यस्य॒ समृ॑तौ र॒ण्वा नरो॑ नृ॒षद॑ने । अर्ह॑न्तश्चि॒द्यमि॑न्ध॒ते सं॑ज॒नय॑न्ति ज॒न्तवः॑ ॥
Sentence: 4=n सं यदि॒षो वना॑महे॒ सं ह॒व्या मानु॑षाणाम् । उ॒त द्यु॒म्नस्य॒ शव॑सः ॥
Verse: 4
Sentence: 1 ऋ॒तस्य॑ र॒श्मिमा द॑दे ॥
Sentence: 2=o य॒ज्ञो दे॒वाना॒म्प्रत्ये॑ति सु॒म्नमादि॑त्यासो॒ भव॑ता मृड॒यन्तः॑ । आ वो॒ ऽर्वाची॑ सुम॒तिर्व॑वृत्यादं॒होश्चि॒द्या व॑रिवो॒वित्त॒रास॑त् ॥
Sentence: 3=p शुचि॑र॒पः सू॒यव॑सा॒ अद॑ब्ध॒ उप॑ क्षेति वृ॒द्धव॑याः सु॒वीरः॑ । नकि॒ष्टं घ्न॒न्त्यन्ति॑तो॒ न दू॒राद्य आ॑दि॒त्याना॒म्भव॑ति॒ प्रणी॑तौ ॥
Sentence: 4=q धा॒रय॑न्त आदि॒त्यासो॒ जग॒त्स्था दे॒वा विश्व॑स्य॒ भुव॑नस्य गो॒पाः । दी॒र्घाधि॑यो॒ रक्ष॑माणाः ॥
Verse: 5
Sentence: 1 अ॑सु॒र्य॑मृ॒तावा॑न॒श्चय॑माना ऋ॒णानि॑ ॥
Sentence: 2=r ति॒स्रो भूमी॑र्धारय॒न्त्रींरु॒त द्यून्त्रीणि॑ व्र॒ता वि॒दथे॑ अ॒न्तरे॑षाम् । ऋ॒तेना॑दित्या॒ महि॑ वो महि॒त्वं तद॑र्यमन्वरुण मित्र॒ चारु॑ ॥
Sentence: 3=s त्यान्नु क्ष॒त्रियां॒ अव॑ आदि॒त्यान्या॑चिषामहे सुमृडी॒कां अ॒भिष्ट॑ये ॥
Sentence: 4=t न द॑क्षि॒णा वि चि॑किते॒ न स॒व्या न प्रा॒चीन॑मादित्या॒ नोत प॒श्चा । पा॒क्या॑ चिद्वसवो धी॒र्या॑ चित् ॥
Verse: 6
Sentence: 1 यु॒ष्मानी॑तो॒ अभ॑यं॒ ज्योति॑रश्याम् ॥
Sentence: 2=u आ॑दि॒त्याना॒मव॑सा॒ नूत॑नेन सक्षी॒महि॒ शर्म॑णा॒ शन्त॑मेन । अ॑नागा॒स्त्वे अ॑दिति॒त्वे तु॒रास॑ इ॒मं य॒ज्ञं द॑धतु॒ श्रोष॑माणाः ॥
Sentence: 3=v इ॒मम्मे॑ वरुण श्रुधी॒ हव॑म॒द्या च॑ मृडय । त्वाम॑व॒स्युरा च॑के ॥
Sentence: 4=w तत्त्वा॑ यामि॒ ब्रह्म॑णा॒ वन्द॑मान॒स्तदा शा॑स्ते॒ यज॑मानो ह॒विर्भिः॑ । अहे॑डमानो वरुणे॒ह बो॒ध्युरु॑शंस॒ मा न॒ आयुः॒ प्र मो॑षीः ॥
Chapter: 2
Paragraph: 1
Verse: 1
Sentence: 1 प्र॒जाप॑तिः प्र॒जा अ॑सृजत
Sentence: 2 ताः सृ॒ष्टा इ॑न्द्रा॒ग्नी अपा॑गूहताम् ।
Sentence: 3 सो॑ ऽचायत्प्र॒जाप॑तिस् ।
Sentence: 4 इ॑न्द्रा॒ग्नी वै॑ मे प्र॒जा अपा॑घुक्षता॒मिति
Sentence: 5 स ए॒तऐ॑न्द्रा॒ग्नमेका॑दशकपालमपश्यत्
Sentence: 6 तं निर॑वपत्
Sentence: 7 ताव॑स्मै प्र॒जाः प्रासा॑धयताम्
Sentence: 8 इन्द्रा॒ग्नी वा ए॒तस्य॑ प्र॒जामप॑ गूहतो॒ यो ऽल॑म्प्र॒जायै॒ सन्प्र॒जां न वि॒न्दते॑ ।
Sentence: 9 अै॑न्द्रा॒ग्नमेका॑दशकपालं॒ निर्व॑पेत्प्र॒जाका॑मस् ।
Sentence: 10 इ॑न्द्रा॒ग्नी ॥
Verse: 2
Sentence: 1 ए॒व स्वेन॑ भाग॒धेये॒नोप॑ धावति
Sentence: 2 तावे॒वास्मै॑ प्र॒जाम्प्र सा॑धयतस् ।
Sentence: 3 वि॒न्दते॑ प्र॒जाम्
Sentence: 4 अैन्द्रा॒ग्नमेका॑दशकपालं॒ निर्व॑पे॒त्स्पर्ध॑मानः॒ क्षेत्रे॑ वा सजा॒तेषु॑ वा ।
Sentence: 5 इ॑न्द्रा॒ग्नी ए॒व स्वेन॑ भाग॒धेये॒नोप॑ धावति
Sentence: 6 ताभ्या॑मे॒वेन्द्रि॒यं वी॒र्य॒म्भ्रातृ॑व्यस्य वृङ्क्ते
Sentence: 7 वि पा॒प्मना॒ भ्रातृ॑व्येण जयते ।
Sentence: 8 अप॒ वा ए॒तस्मा॑दिन्द्रि॒यं वी॒र्यं॑ क्रामति॒ यः सं॑ग्रा॒ममु॑पप्र॒याति॑ ।
Sentence: 9 अै॑न्द्रा॒ग्नमेका॑दशकपालं॒ निः ॥
Verse: 3
Sentence: 1 व॑पेत्सङ्ग्रा॒ममु॑पप्रया॒स्यन् ।
Sentence: 2 इ॑न्द्रा॒ग्नी ए॒व स्वेन॑ भाग॒धेये॒नोप॑ धावति
Sentence: 3 तावे॒वास्मि॑न्निन्द्रि॒यं वी॒र्यं॑ धत्तः
Sentence: 4 स॒हेन्द्रि॒येण॑ वी॒र्ये॒णोप॒ प्र या॑ति॒ जय॑ति॒ तं सं॑ग्रा॒मम् ।
Sentence: 5 वि वा ए॒ष इ॑न्द्रि॒येण॑ वी॒र्ये॑णर्ध्यते॒ यः सं॑ग्रा॒मं जय॑ति ।
Sentence: 6 अै॑न्द्रा॒ग्नमेका॑दशकपालं॒ निर्व॑पेत्सङ्ग्रा॒मं जि॒त्वा ।
Sentence: 7 इ॑न्द्रा॒ग्नी ए॒व स्वेन॑ भाग॒धेये॒नोप॑ धावति
Sentence: 8 तावे॒वास्मि॑न्निन्द्रि॒यं वी॒र्य॑म् ॥
Verse: 4
Sentence: 1 ध॑त्तो॒ नेन्द्रि॒येण॑ वी॒र्ये॑ण॒ व्यृ॑ध्यते ।
Sentence: 2 अप॒ वा ए॒तस्मा॑दिन्द्रि॒यं वी॒र्यं॑ क्रामति॒ य एति॑ ज॒नता॑म्
Sentence: 3 अैन्द्रा॒ग्नमेका॑दशकपालं॒ निर्व॑पेज्ज॒नता॑मे॒ष्यन् ।
Sentence: 4 इ॑न्द्रा॒ग्नी ए॒व स्वेन॑ भाग॒धेये॒नोप॑ धावति
Sentence: 5 तावे॒वास्मि॑न्निन्द्रि॒यं वी॒र्यं॑ धत्तः
Sentence: 6 स॒हेन्द्रि॒येण॑ वी॒र्ये॑ण ज॒नता॑मेति
Sentence: 7 पौ॒ष्णं च॒रुमनु॒ निर्व॑पेत्
Sentence: 8 पू॒षा वा इ॑न्द्रि॒यस्य॑ वी॒र्य॑स्यानुप्रदा॒ता
Sentence: 9 पू॒षण॑मे॒व ॥
Verse: 5
Sentence: 1 स्वेन॑ भाग॒धेये॒नोप॑ धावति
Sentence: 2 स ए॒वास्मा॑ इन्द्रि॒यं वी॒र्य॒मनु॒ प्र य॑छति
Sentence: 3 क्षैत्रप॒त्यं च॒रुं निर्व॑पेज्ज॒नता॑मा॒गत्य॑ ।
Sentence: 4 इ॒यं वै॒ क्षेत्र॑स्य॒ पति॑स् ।
Sentence: 5 अ॒स्यामे॒व प्रति॑ तिष्ठति ।
Sentence: 6 अै॑न्द्रा॒ग्नमेका॑दशकपालमु॒परि॑ष्टा॒न्निर्व॑पेत् ।
Sentence: 7 अ॒स्यामे॒व प्र॑ति॒ष्ठाये॑न्द्रि॒यं वी॒र्य॑मु॒परि॑ष्टादा॒त्मन्ध॑त्ते ॥
Paragraph: 2
Verse: 1
Sentence: 1 अ॒ग्नये॑ पथि॒कृते॑ पुरो॒डाश॑म॒ष्टाक॑पालं॒ निर्व॑पे॒द्यो द॑र्शपूर्णमासया॒जी सन्न॑मावा॒स्यां॑ वा पौर्णमा॒सीं वा॑तिपा॒दये॑त्
Sentence: 2 प॒थो वा ए॒षो ऽध्यप॑थेनैति॒ यो द॑र्शपूर्णमासया॒जी सन्न॑मावा॒यां॑ वा पौर्णमा॒सीं वा॑तिपा॒दय॑ति ।
Sentence: 3 अ॒ग्निमे॒व प॑थि॒कृतं॒ स्वेन॑ भाग॒धेये॒नोप॑ धावति
Sentence: 4 स एवैन॒मप॑था॒त्पन्था॒मपि॑ नयति ।
Sentence: 5 अ॑न॒ड्वान्दक्षि॑णा व॒ही ह्य्े॒ष^ ए॒षस्
Sentence: 6 समृ॑द्ध्यै
Sentence: 7 अ॒ग्नये॑ व्र॒तप॑तये ॥
Verse: 2
Sentence: 1 पु॑रो॒डाश॑म॒ष्टाक॑पालं॒ निर्व॑पे॒द्य आहि॑ताग्निः॒ सन्न॑व्र॒त्यमि॑व॒ चरे॑त् ।
Sentence: 2 अ॒ग्निमे॒व व्र॒तप॑तिं॒ स्वेन॑ भाग॒धेये॒नोप॑ धावति
Sentence: 3 स एवैनं व्र॒तमा ल॑म्भयति
Sentence: 4 व्रत्यो॑ भवति ।
Sentence: 5 अ॒ग्नये॑ रक्षो॒घ्ने पु॑रो॒डाश॑म॒ष्टाक॑पालं॒ निर्व॑पति॒ यं रक्षां॑सि॒ सचे॑रन् ।
Sentence: 6 अ॒ग्निमे॒व र॑क्षो॒हणं॒ स्वेन॑ भाग॒धेये॒नोप॑ धावति
Sentence: 7 स ए॒वास्मा॒द्रक्षां॑स्यप हन्ति
Sentence: 8 निशि॑तायां॒ निर्व॑पेत् ॥
Verse: 3
Sentence: 1 निशि॑तायां॒ हि रक्षां॑सि प्रे॒रते
Sentence: 2 सम्प्रे॒र्णान्येवैनानि हन्ति
Sentence: 3 परि॑श्रिते याजये॒द्रक्ष॑सा॒मन॑न्ववचाराय
Sentence: 4 रक्षो॒घ्नी या॑ज्यानुवा॒क्ये॑ भवतो॒ रक्ष॑सां॒ स्तृत्यै॑ ।
Sentence: 5 अ॒ग्नये॑ रु॒द्रव॑ते पुरो॒डाश॑म॒ष्टाक॑पालं॒ निर्व॑पेदभि॒चर॑न् ।
Sentence: 6 ए॒षा वा अ॑स्य घो॒रा त॒नूर्यद्रु॒द्रस्
Sentence: 7 तस्मा॑ एवैन॒मा वृ॑श्चति
Sentence: 8 ता॒जगार्ति॒मार्छ॑ति ।
Sentence: 9 अ॒ग्नये॑ सुरभि॒मते॑ पुरो॒डाश॑म॒ष्टाक॑पालं॒ निर्व॑पे॒द्यस्य॒ गावो॑ वा॒ पुरु॑षाः ॥
Verse: 4
Sentence: 1 वा॑ प्र॒मीये॑र॒न्यो वा॑ बिभी॒यात् ।
Sentence: 2 ए॒षा वा अ॑स्य भेष॒ज्या॑ त॒नूर्यत्सु॑रभि॒मती
Sentence: 3 तयै॒वास्मै॑ भेष॒जं क॑रोति
Sentence: 4 सुरभि॒मते॑ भवति पूतीग॒न्धस्याप॑हत्यै ।
Sentence: 5 अ॒ग्नये॒ क्षाम॑वते पुरो॒डाश॑म॒ष्टाक॑पालं॒ निर्व॑पेत्सङ्ग्रा॒मे संय॑त्ते
Sentence: 6 भाग॒धेये॑नैवैनं शमयि॒त्वा परा॑न॒भि निर्दि॑शति
Sentence: 7 यमव॑रेषां॒ विध्य॑न्ति॒ जीव॑ति स^ सस्
Sentence: 8 यम्परे॑षा॒म्प्र स मी॑यते
Sentence: 9 जय॑ति॒ तं सं॑ग्रा॒मम् ॥
Verse: 5
Sentence: 1 अ॒भि वा ए॒ष ए॒तानु॑च्यति॒ येषा॑म्पूर्वाप॒रा अ॒न्वञ्चः॑ प्र॒मीय॑न्ते
Sentence: 2 पुरुषाहु॒तिर्ह्य॑स्य प्रि॒यत॑मा॒ग्नये॒ क्षाम॑वते पुरो॒डाश॑म॒ष्टाक॑पालं॒ निर्व॑पेत् ।
Sentence: 3 भा॑ग॒धेये॑नैवैनं शमयति
Sentence: 4 नैषाम्पु॒रायु॒षोप॑रः॒ प्र मी॑यते ।
Sentence: 5 अ॒भि वा ए॒ष ए॒तस्य॑ गृ॒हानु॑च्यति॒ यस्य॑ गृ॒हान्दह॑ति ।
Sentence: 6 अ॒ग्नये॒ क्षाम॑वते पुरो॒डाश॑म॒ष्टाक॑पालं॒ निर्व॑पेत् ।
Sentence: 7 भा॑ग॒धेये॑नैवैनं शमयति
Sentence: 8 नास्याप॑रं गृ॒हान्द॑हति ॥
Paragraph: 3
Verse: 1
Sentence: 1 अ॒ग्नये॒ कामा॑य पुरो॒डाश॑म॒ष्टाक॑पालं॒ निर्व॑पे॒द्यं कामो॒ नोप॒नमे॑त् ।
Sentence: 2 अ॒ग्निमे॒व कामं॒ स्वेन॑ भाग॒धेये॒नोप॑ धावति
Sentence: 3 स एवैनं॒ कामे॑न॒ सम॑र्धयति ।
Sentence: 4 उपै॑नं॒ कामो॑ नमति ।
Sentence: 5 अ॒ग्नये॒ यवि॑ष्ठाय पुरो॒डाश॑म॒ष्टाक॑पालं॒ निर्व॑पे॒त्स्पर्ध॑मानः॒ क्षेत्रे॑ वा सजा॒तेषु॑ वा ।
Sentence: 6 अ॒ग्निमे॒व यवि॑ष्ठं॒ स्वेन॑ भाग॒धेये॒नोप॑ धावति
Sentence: 7 तेनै॒वेन्द्रि॒यं वी॒र्य॒म्भ्रातृ॑व्यस्य ॥
Verse: 2
Sentence: 1 यु॑वते
Sentence: 2 वि पा॒प्मना॒ भ्रातृ॑व्येण जयते ।
Sentence: 3 अ॒ग्नये॒ यवि॑ष्ठाय पुरो॒डाश॑म॒ष्टाक॑पालं॒ निर्व॑पेदभिच॒र्यमा॑णस् ।
Sentence: 4 अ॒ग्निमे॒व यवि॑ष्ठं॒ स्वेन॑ भाग॒धेये॒नोप॑ धावति
Sentence: 5 स ए॒वास्मा॒द्रक्षां॑सि यवयति
Sentence: 6 नैनमभि॒चर॑न्त्स्तृणुते ।
Sentence: 7 अ॒ग्नय॒ आयु॑ष्मते पुरो॒डाश॑म॒ष्टाक॑पालं॒ निर्व॑पे॒द्यः का॒मये॑त
Sentence: 8 सर्व॒मायु॑रिया॒मिति॑ ।
Sentence: 9 अ॒ग्निमे॒वायु॑ष्मन्तं॒ स्वेन॑ भाग॒धेये॒नोप॑ धावति
Sentence: 10 स ए॒वास्मि॑न् ॥
Verse: 3
Sentence: 1 आयु॑र्दधाति
Sentence: 2 सर्व॒मायु॑रेति ।
Sentence: 3 अ॒ग्नये॑ जा॒तवे॑दसे पुरो॒डाश॑म॒ष्टाक॑पालं॒ निर्व॑पे॒द्भूति॑कामस् ।
Sentence: 4 अ॒ग्निमे॒व जा॒तवे॑दसं॒ स्वेन॑ भाग॒धेये॒नोप॑ धावति
Sentence: 5 स एवैन॒म्भूतिं॑ गमयति
Sentence: 6 भव॑त्ये॒व ।
Sentence: 7 अ॒ग्नये॒ रुक्म॑ते पुरो॒डाश॑म॒ष्टाक॑पालं॒ निर्व॑पे॒द्रुक्का॑मस् ।
Sentence: 8 अ॒ग्निमे॒व रुक्म॑न्तं॒ स्वेन॑ भाग॒धेये॒नोप॑ धावति
Sentence: 9 स ए॒वास्मि॒न्रुचं॑ दधाति
Sentence: 10 रोच॑त ए॒व ।
Sentence: 11 अ॒ग्नये॒ तेज॑स्वते पुरो॒डाश॑म् ॥
Verse: 4
Sentence: 1 अ॒ष्टाक॑पालं॒ निर्व॑पे॒त्तेज॑स्कामस् ।
Sentence: 2 अ॒ग्निमे॒व तेज॑स्वन्तं॒ स्वेन॑ भाग॒धेये॒नोप॑ धावति
Sentence: 3 स ए॒वास्मि॒न्तेजो॑ दधाति
Sentence: 4 तेज॒स्व्ये॒व भ॑वति ।
Sentence: 5 अ॒ग्नये॑ साह॒न्त्याय॑ पुरो॒डाश॑म॒ष्टाक॑पालं॒ निर्व॑पे॒त्सीक्ष॑माणस् ।
Sentence: 6 अ॒ग्निमे॒व सा॑ह॒न्त्यं स्वेन॑ भाग॒धेये॒नोप॑ धावति
Sentence: 7 तेनै॒व स॑हते॒ यं सीक्ष॑ते ॥
Paragraph: 4
Verse: 1
Sentence: 1 अ॒ग्नये ऽन्न॑वते पुरो॒डाश॑म॒ष्टाक॑पालं॒ निर्व॑पे॒द्यः का॒मये॒तान्न॑वान्त्स्या॒मिति॑ ।
Sentence: 2 अ॒ग्निमे॒वान्न॑वन्तं॒ स्वेन॑ भाग॒धेये॒नोप॑ धावति
Sentence: 3 स एवैन॒मन्न॑वन्तं करो॒त्यन्न॑वाने॒व भ॑वति ।
Sentence: 4 अ॒ग्नये॑ ऽन्ना॒दाय॑ पुरो॒डाश॑म॒ष्टाक॑पालं॒ निर्व॑पे॒द्यः का॒मये॑तान्ना॒दः स्या॒मिति॑ ।
Sentence: 5 अ॒ग्निमे॒वान्ना॒दं स्वेन॑ भाग॒धेये॒नोप॑ धावति
Sentence: 6 स एवैनमन्ना॒दं क॑रोत्यन्ना॒दः ॥
Verse: 2
Sentence: 1 ए॒व भ॑वति ।
Sentence: 2 अ॒ग्नये ऽन्न॑पतये पुरो॒डाश॑म॒ष्टाक॑पालं॒ निर्व॑पे॒द्यः का॒मये॒तान्न॑पतिः सय॒मिति॑ ।
Sentence: 3 अ॒ग्निमे॒वान्न॑पतिं॒ स्वेन॑ भाग॒धेये॒नोप॑ धावति
Sentence: 4 स एवैन॒मन्न॑पतिं करो॒त्यन्न॑पतिरे॒व भ॑वति ।
Sentence: 5 अ॒ग्नये॒ पव॑मानाय पुरो॒डाश॑म॒ष्टाक॑पालं॒ निर्व॑पेद॒ग्नये॑ पाव॒काया॒ग्नये॒ शुच॑ये॒ ज्योगा॑
Sentence: 6 यद॒ग्नये॒ पव॑मानाय नि॒र्वप॑ति
Sentence: 7 प्रा॒णमे॒वास्मि॒न्तेन॑ दधाति
Sentence: 8 यद॒ग्नये॑ ॥
Verse: 3
Sentence: 1 पा॑व॒काय
Sentence: 2 वाच॑मे॒वास्मि॒न्तेन॑ दधाति
Sentence: 3 यद॒ग्नये॒ शुच॑ये ।
Sentence: 4 आयु॑रे॒वास्मि॒न्तेन॑ दधात्यु॒त यदी॒तासु॒र्भव॑ति॒ जीव॑त्ये॒व ।
Sentence: 5 ए॒तामे॒व निर्व॑पे॒च्चक्षु॑ष्कामो॒ यद॒ग्नये॒ पव॑मानाय नि॒र्वप॑ति
Sentence: 6 प्रा॒णमे॒वास्मि॒न्तेन॑ दधाति
Sentence: 7 यद॒ग्नये॑ पाव॒काय
Sentence: 8 वाच॑मे॒वास्मि॒न्तेन॑ दधाति
Sentence: 9 यद॒ग्नये॒ शुच॑ये
Sentence: 10 चक्षु॑रे॒वास्मि॒न्तेन॑ दधाति ॥
Verse: 4
Sentence: 1 उ॒त यद्य॒न्धो भ॑वति प्रै॒व प॑श्यति ।
Sentence: 2 अ॒ग्नये॑ पु॒त्रव॑ते पुरो॒डाश॑म॒ष्टाक॑पालं॒ निर्व॑पेत् ।
Sentence: 3 इन्द्रा॑य पु॒त्रिणे॑ पुरो॒डाश॒मेका॑दशकपालम्प्र॒जाका॑मस् ।
Sentence: 4 अ॒ग्निरे॒वास्मै॑ प्र॒जाम्प्र॑ज॒नय॑ति
Sentence: 5 वृ॒द्धामिन्द्रः॒ प्र य॑छति ।
Sentence: 6 अ॒ग्नये॒ रस॑वते ऽजक्षी॒रे च॒रुं निर्व॑पे॒द्यः का॒मये॑त॒ रस॑वान्त्स्या॒मिति॑ ।
Sentence: 7 अ॒ग्निमे॒व रस॑वन्तं॒ स्वेन॑ भाग॒धेये॒नोप॑ धावति
Sentence: 8 स एवैनं॒ रस॑वन्तं करोति ॥
Verse: 5
Sentence: 1 रस॑वाने॒व भ॑वत्यजक्षी॒रे भ॑वति ।
Sentence: 2 आ॑ग्ने॒यी वा ए॒षा यद॒जा
Sentence: 3 सा॒क्षादे॒व रस॒मव॑ रुन्द्धे ।
Sentence: 4 अ॒ग्नये॒ वसु॑मते पुरो॒डाश॑म॒ष्टाक॑पालं॒ निर्व॑पे॒द्यः का॒मये॑त॒ वसु॑मान्त्स्या॒मिति॑ ।
Sentence: 5 अ॒ग्निम्{F ए॒व{W ए॑व वसु॑मन्तं॒ स्वेन॑ भाग॒धेये॒नोप॑ धावति
Sentence: 6 स एवैनं॒ वसु॑मन्तं करोति॒ वसु॑माने॒व भ॑वति ।
Sentence: 7 अ॒ग्नये॑ वाज॒सृते॑ पुरो॒डाश॑म॒ष्टाक॑पालं॒ निर्व॑पेत्सङ्ग्रा॒मे संय॑त्ते
Sentence: 8 वाजं॑ ॥
Verse: 6
Sentence: 1 वा ए॒ष सि॑सीर्षति॒ यः सं॑ग्रा॒मं जिगी॑षति ।
Sentence: 2 अ॒ग्निः खलु वै दे॒वानां॑ वाज॒सृद॒ग्निमे॒व वा॑ज॒सृतं॒ स्वेन॑ भाग॒धेये॒नोप॑ धावति
Sentence: 3 धाव॑ति॒ वाजं॒ हन्ति॑ वृ॒त्रं जय॑ति॒ तं सं॑ग्रा॒मम्
Sentence: 4 अथो॑ अ॒ग्निरि॑व॒ न प्र॑ति॒धृषे॑ भवति ।
Sentence: 5 अ॒ग्नये॑ ऽग्नि॒वते॑ पुरो॒डाश॑म॒ष्टाक॑पालं॒ निर्व॑पे॒द्यस्या॒ग्नाव॒ग्निम॑भ्यु॒द्धरे॑युस् ।
Sentence: 6 निर्दि॑ष्टभागो॒ वा ए॒तयो॑र॒न्यो ऽनि॑र्दिष्टभागो॒ ऽन्यस्तौ॑ स॒म्भव॑न्तौ॒ यज॑मानम् ॥
Verse: 7
Sentence: 1 अ॒भि सम्भ॑वतस् ।
Sentence: 2 स ई॑श्व॒र आर्ति॒मार्तो॒र्यद॒ग्नये॑ ऽग्नि॒वते॑ नि॒र्वप॑ति
Sentence: 3 भाग॒धेये॑नैवैनौ शमयति
Sentence: 4 नार्ति॒मार्छ॑ति॒ यज॑मानस् ।
Sentence: 5 अ॒ग्नये॒ ज्योति॑ष्मते पुरो॒डाश॑म॒ष्टाक॑पालं॒ निर्व॑पे॒द्यस्या॒ग्निरुद्धृ॒तो ऽहु॑ते ऽग्निहो॒त्र उ॒द्वाये॒दप॑र आ॒दीप्या॑नू॒द्धृत्य॒ इत्या॑हु॒स्तत्तथा॒ न का॒र्यं॒ यद्भा॑ग॒�॒भि पूर्व॑ उद्ध्रि॒यते॒ किमप॑रो॒ ऽभ्युत् ॥
Verse: 8
Sentence: 1 ह्रि॑ये॒तेति॒ तान्ये॒वाव॒क्षाणा॑नि सन्नि॒धाय॑ म॒न्थेत् ।
Sentence: 2 इ॒तः प्र॑थ॒मं ज॑ज्ञे अ॒ग्निः स्वाद्योने॒रधि॑ जा॒तवे॑दाः । स गा॑यत्रि॒या त्रि॒ष्टुभा॒ जग॑त्या दे॒वेभ्यो॑ ह॒व्यं व॑हतु प्रजा॒नन्निति
Sentence: 3 छन्दो॑भिरेवैनं॒ स्वाद्योनेः॒ प्र ज॑नयत्ये॒ष वाव सो॒ ऽग्निरित्या॑हु॒र्ज्योति॒स्त्वा अ॑स्य॒ परा॑पतित॒मिति॒ यद॒ग्नये॒ ज्योति॑ष्मते नि॒र्वप॑ति॒ यदे॒वास्य॒ ज्योतिः॒ परा॑पतितं॒ तदे॒वाव॑ रुन्द्धे ॥
Paragraph: 5
Verse: 1
Sentence: 1 वै॑श्वान॒रं द्वाद॑शकपालं॒ निर्व॑पेद्वारु॒णं च॒रुं द॑धि॒क्राव्णे॑ च॒रुम॑भिश॒स्यमा॑नस् ।
Sentence: 2 यद्वै॑श्वान॒रो द्वाद॑शकपालो॒ भव॑ति संवत्स॒रो वा अ॒ग्निर्वै॑श्वान॒रः सं॑वत्स॒रेणैवैनं स्वदय॒त्यप॑ पा॒पं वर्णं॑ हते वारु॒णेनैवैनं वरुणपा॒शान्मु॑ञ्चति दधि॒क्राव्णा॑ पुनाति
Sentence: 3 हिर॑ण्यं॒ दक्षि॑णा प॒वित्रं वै॒ हिर॑ण्यम्पु॒नात्येवैनमा॒द्य॑म॒स्यान्न॑म्भवति ।
Sentence: 4 ए॒तामे॒व निर्व॑पेत्प्र॒जाका॑मः
Sentence: 5 संवत्स॒रः ॥
Verse: 2
Sentence: 1 वा ए॒तस्याशा॑न्तो॒ योनि॑म्प्र॒जायै॑ पशू॒नां निर्द॑हति॒ यो ऽल॑म्प्र॒जायै॒ सन्प्र॒जां न वि॒न्दते
Sentence: 2 यद्वै॑श्वान॒रो द्वाद॑शकपालो॒ भव॑ति संवत्स॒रो वा अ॒ग्निर्वै॑श्वान॒रः सं॑वत्स॒रमे॒व भा॑ग॒धेये॑न शमयति॒ सो॑ ऽस्मै शा॒न्तः स्वाद्योनेः॑ प्र॒जाम्प्र{F ज॑नयति{W जनयत्य्{GLOS जनयति वारु॒णेनैवैनं वरुणपा॒शान्मु॑ञ्चति दधि॒क्राव्णा॑ पुनाति
Sentence: 3 हिर॑ण्यं॒ दक्षि॑णा प॒वित्रं वै॒ हिर॑ण्यम्पु॒नात्येवैनम् ॥
Verse: 3
Sentence: 1 वि॒न्दते॑ प्र॒जाम् ।
Sentence: 2 वै॑श्वान॒रं द्वाद॑शकपालं॒ निर्व॑पेत्पु॒त्रे जा॒ते
Sentence: 3 यद॒ष्टाक॑पालो॒ भव॑ति गायत्रियैवैनम्ब्रह्मवर्च॒सेन॑ पुनाति॒ यन्नव॑कपालस्त्रि॒वृतै॒वास्मि�जो॑ दधाति॒ यद्दश॑कपालो वि॒राजै॒वास्मि॑न्न॒न्नाद्यं॑ दधाति॒ यदेका॑दशकपालस्तृ॒ष्टुभै॒वास्म�॒यं द॑धाति॒ यद्द्वाद॑शकपालो॒ जग॑त्यै॒वास्मि॑न्प॒शून्द॑धाति
Sentence: 4 यस्मि॑ञ्जा॒त ए॒तामिष्टि॑म्नि॒र्वप॑ति पू॒तः ॥
Verse: 4
Sentence: 1 ए॒व ते॑ज॒स्य॑न्ना॒द इ॑न्द्रिया॒वी प॑शु॒मान्भ॑वति ।
Sentence: 2 अव॒ वा ए॒ष सु॑व॒र्गाल्लो॒काच्छि॑द्यते॒ यो द॑र्शपूर्णमासया॒जी सन्न॑मावा॒स्यां॑ वा पौर्णमा॒सीं वा॑तिपा॒दय॑ति सुव॒र्गाय॒ हि लो॒काय॑ दर्शपूर्णमा॒सावि॒ज्येते
Sentence: 3 वैश्वान॒रं द्वाद॑शकपालं॒ निर्व॑पेदमावा॒स्यां॑ वा पौर्णमा॒सीं वा॑ति॒पाद्य
Sentence: 4 संवत्स॒रो वा अ॒ग्निर्वै॑श्वान॒रः सं॑वत्स॒रमे॒व प्री॑णा॒त्यथो॑ संवत्स॒रमे॒वास्मा॒ उप॑ दधाति सुव॒र्गस्य॑ लो॒कस्य॒ सम॑ष्ट्यै ॥
Verse: 5
Sentence: 1 अथो॑ दे॒वता॑ ए॒वान्वा॒रभ्य॑ सुव॒र्गं लो॒कमे॑ति
Sentence: 2 वीर॒हा वा ए॒ष दे॒वानां॒ यो॒ ऽग्निमु॑द्वा॒सय॑ते॒ न वा ए॒तस्य॑ ब्राह्म॒णा ऋ॑ता॒यवः॑ पु॒रान्न॑म�न् ।
Sentence: 3 आ॑ग्ने॒यम॒ष्टाक॑पालं॒ निर्व॑पेत् ।
Sentence: 4 वै॑श्वान॒रं द्वाद॑शकपालम॒ग्निमु॑द्वासयि॒ष्यन्
Sentence: 5 यद॒ष्टाक॑पालो॒ भव॑त्य॒ष्टाक्ष॑रा गाय॒त्री गा॑य॒त्रो॒ ऽग्निर्यावा॑ने॒वाग्निस्तस्मा॑ आति॒थ्यं क॑रोति ।
Sentence: 6 अथो॒ यथा॒ जनं॑ य॒ते॑ ऽव॒सं क॒रोति॑ ता॒दृक् ॥
Verse: 6
Sentence: 1 ए॒व तत् ।
Sentence: 2 द्वाद॑शकपालो वैश्वान॒रो भ॑वति
Sentence: 3 द्वाद॑श॒ मासाः॑ संवत्स॒रः सं॑वत्स॒रः खलु॒ वा अ॒ग्नेर्योनिः॒ स्वामेवैनं॒ योनिं॑ गमयति ।
Sentence: 4 आ॒द्य॑म॒स्यान्न॑म्भवति
Sentence: 5 वैश्वान॒रं द्वाद॑शकपालं॒ निर्व॑पेन्मारु॒तं स॒प्तक॑पालं॒ ग्राम॑कामस् ।
Sentence: 6 आ॑हव॒नीये॑ वैश्वान॒रमधि॑ श्रयति॒ गार्ह॑पत्ये मारु॒तम्पा॑पवस्य॒सस्य॒ विधृ॑त्यै
Sentence: 7 द्वाद॑शकपालो वैश्वान॒रो भ॑वति॒ द्वाद॑श॒ मासाः॑ संवत्स॒रः सं॑वत्स॒रेणै॒वास्मै॑ सजा॒तांश्च्�
Sentence: 8 मारु॒तो भ॑वति ॥
Verse: 7
Sentence: 1 म॒रुतो वै दे॒वानां॒ विशो॑ देववि॒शेनै॒वास्मै॑ मनुष्यवि॒शमव॑ रुन्द्धे
Sentence: 2 स॒प्तक॑पालो भवति स॒प्तग॑णा वै म॒रुतो॑ गण॒श ए॒वास्मै॑ सजा॒तानव॑ रुन्द्धे ।
Sentence: 3 अ॑नू॒च्यमा॑न॒ आ सा॑दयति
Sentence: 4 विश॑मे॒वास्मा॒ अनु॑वर्त्मानं करोति ॥
Paragraph: 6
Verse: 1
Sentence: 1 आ॑दि॒त्यं च॒रुं निर्व॑पेत्सङ्ग्रा॒ममु॑पप्रया॒स्यन् ।
Sentence: 2 इ॒यं वा अदि॑तिस् ।
Sentence: 3 अ॒स्यामे॒व पूर्वे॒ प्रति॑ तिष्ठन्ति
Sentence: 4 वैश्वान॒रं द्वाद॑शकपालं॒ निर्व॑पेदा॒यत॑नं ग॒त्वा
Sentence: 5 सं॑वत्स॒रो वा अ॒ग्निर्वै॑श्वान॒रः
Sentence: 6 सं॑वत्स॒रः खलु वै दे॒वाना॑मा॒यत॑नम्
Sentence: 7 ए॒तस्मा॒द्वा आ॒यत॑नाद्दे॒वा असु॑रानजयन्
Sentence: 8 यद्वै॑श्वान॒रं द्वाद॑शकपालं नि॒र्वप॑ति
Sentence: 9 दे॒वाना॑मे॒वायत॑ने यतते
Sentence: 10 जय॑ति॒ तं सं॑ग्रा॒मम्
Sentence: 11 ए॒तस्मि॒न्वा एतौ मृजाते ॥
Verse: 2
Sentence: 1 यो वि॑द्विषा॒णयो॒रन्न॒मत्ति
Sentence: 2 वैश्वान॒रं द्वाद॑शकपालं॒ निर्व॑पेद्विद्विषा॒णयो॒रन्नं॑ ज॒ग्ध्वा
Sentence: 3 सं॑वत्स॒रो वा अ॒ग्निर्वै॑श्वान॒रः
Sentence: 4 सं॑वत्स॒रस्व॑दितमे॒वात्ति
Sentence: 5 नास्मि॑न्मृजाते
Sentence: 6 संवत्स॒राय॒ वा एतौ॒ सम॑माते यौ सम॒माते
Sentence: 7 तयो॒र्यः पूर्वो॑ ऽभि॒द्रुह्य॑ति॒ तं वरु॑णो गृह्णाति
Sentence: 8 वैश्वान॒रं द्वाद॑शकपालं॒ निर्व॑पेत्सममा॒नयोः॒ पूर्वो॑ ऽभि॒द्रुह्य
Sentence: 9 संवत्स॒रो वा अ॒ग्निर्वै॑श्वान॒रः
Sentence: 10 स॑म्वत्स॒रमे॒वाप्त्वा नि॑र्वरु॒णम् ॥
Verse: 3
Sentence: 1 प॒रस्ता॑द॒भि द्रु॑ह्यति नैनं॒ वरु॑णो गृह्णाति ।
Sentence: 2 आ॒व्यं॒ वा ए॒ष प्रति॑ गृह्णाति॒ यो ऽवि॑म्प्रतिगृ॒ह्णाति
Sentence: 3 वैश्वान॒रं द्वाद॑शकपालं॒ निर्व॑पे॒दवि॑म्प्रति॒गृह्य
Sentence: 4 संवत्स॒रो वा अ॒ग्निर्वै॑श्वान॒रः
Sentence: 5 सं॑वत्स॒रस्व॑दितामे॒व प्रति॑गृह्णाति
Sentence: 6 नाव्य॒म्प्रति॑ गृह्णाति ।
Sentence: 7 आ॒त्मनो॒ वा ए॒ष मात्रा॑माप्नोति॒ य उ॑भ॒याद॑त्प्रतिगृ॒ह्णात्यश्वं॑ वा॒ पुरु॑षं वा
Sentence: 8 वैश्वान॒रं द्वाद॑शकपालं॒ निर्व॑पेदुभ॒याद॑त् ॥
Verse: 4
Sentence: 1 प्र॑ति॒गृह्य
Sentence: 2 संवत्स॒रो वा अ॒ग्निर्वै॑श्वान॒रः
Sentence: 3 सं॑वत्स॒रस्व॑दितमे॒व प्रति॑ गृह्णाति
Sentence: 4 नात्मनो॒ मात्रा॑माप्नोति
Sentence: 5 वैश्वान॒रं द्वाद॑शकपालं॒ निर्व॑पेत्स॒निमे॒ष्यन् ।
Sentence: 6 सं॑वत्स॒रो वा अ॒ग्निर्वै॑श्वान॒रस् ।
Sentence: 7 य॒दा खलु वै संवत्स॒रं ज॒नता॑यां॒ चर॒त्यथ॒ स ध॑ना॒र्घो भ॑वति
Sentence: 8 यद्वै॑श्वान॒रं द्वाद॑शकपालं नि॒र्वप॑ति संवत्स॒रसा॑तामे॒व स॒निम॒भि प्र च्य॑वते
Sentence: 9 दान॑कामा अस्मै प्र॒जा भ॑वन्ति
Sentence: 10 यो वै॑ संवत्स॒रम् ॥
Verse: 5
Sentence: 1 प्र॒युज्य॒ न वि॑मु॒ञ्चत्य॑प्रतिष्ठा॒नो वै॒ स भ॑वति ।
Sentence: 2 ए॒तमे॒व वै॑श्वान॒रम्पुन॑रा॒गत्य॒ निर्व॑पेत् ।
Sentence: 3 यमे॒व प्र॑यु॒ङ्क्ते तम्भा॑ग॒धेये॑न॒ वि मु॑ञ्चति॒ प्रति॑ष्ठित्यै
Sentence: 4 यया॒ रज्ज्वो॑त्त॒मां गामा॒जेत्ताम्भ्रातृ॑व्याय॒ प्र हि॑णुयात् ।
Sentence: 5 निरृ॑तिमे॒वास्मै॒ प्र हि॑णोति ॥
Paragraph: 7
Verse: 1
Sentence: 1 अै॒न्द्रं च॒रुं निर्व॑पेत्प॒शुका॑मस् ।
Sentence: 2 अै॒न्द्रा वै॑ प॒शव॑स् ।
Sentence: 3 इन्द्र॑मे॒व स्वेन॑ भाग॒धेये॒नोप॑ धावति
Sentence: 4 स ए॒वास्मै॑ प॒शून्प्र य॑छति
Sentence: 5 पशु॒माने॒व भ॑वति
Sentence: 6 च॒रुर्भ॑वति
Sentence: 7 स्वादे॒वास्मै॒ योनेः॑ प॒शून्प्र ज॑नयति ।
Sentence: 8 इन्द्रा॑येन्द्रि॒याव॑ते पुरो॒डाश॒मेका॑दशकपालं॒ निर्व॑पेत्प॒शुका॑मस् ।
Sentence: 9 इ॑न्द्रि॒यं वै॑ प॒शव॑स् ।
Sentence: 10 इन्द्र॑मे॒वेन्द्रि॒याव॑न्तं॒ स्वेन॑ भाग॒धेये॒नोप॑ धावति
Sentence: 11 सः ॥
Verse: 2
Sentence: 1 ए॒वास्मा॑ इन्द्रि॒यम्प॒शून्प्र य॑छति
Sentence: 2 पशु॒माने॒व भ॑वति ।
Sentence: 3 इन्द्रा॑य घ॒र्मव॑ते पुरो॒डाश॒मेका॑दशकपालं॒ निर्व॑पेद्ब्रह्मवर्च॒सका॑मस् ।
Sentence: 4 ब्र॑ह्मवर्च॒सं वै॑ घ॒र्मस् ।
Sentence: 5 इन्द्र॑मे॒व घ॒र्मव॑न्तं॒ स्वेन॑ भाग॒धेये॒नोप॑ धावति
Sentence: 6 स ए॒वास्मि॑न्ब्रह्मवर्च॒सं द॑धाति
Sentence: 7 ब्रह्मवर्च॒स्ये॒व भ॑वति ।
Sentence: 8 इन्द्रा॑या॒र्कव॑ते पुरो॒डाश॒मेका॑दशकपालं॒ निर्व॑पे॒दन्न॑कामस् ।
Sentence: 9 अ॒र्को वै॑ दे॒वाना॒मन्न॑म्
Sentence: 10 इन्द्र॑मे॒वार्कव॑न्तं॒ स्वेन॑ भाग॒धेये॑न ॥
Verse: 3
Sentence: 1 उप॑ धावति
Sentence: 2 स ए॒वास्मा॒ अन्न॒म्प्र य॑छति ।
Sentence: 3 अ॑न्ना॒द ए॒व भ॑वति ।
Sentence: 4 इन्द्रा॑य घ॒र्मव॑ते पुरो॒डाश॒मेका॑दशकपालं॒ निर्व॑पे॒दिन्द्रा॑येन्द्रि॒याव॑त॒ इन्द्रा॑या�॑ते॒ भूति॑कामस् ।
Sentence: 5 यदिन्द्रा॑य घ॒र्मव॑ते नि॒र्वप॑ति॒ शिर॑ ए॒वास्य॒ तेन॑ करोति
Sentence: 6 यदिन्द्रा॑येन्द्रि॒याव॑त आ॒त्मान॑मे॒वास्य॒ तेन॑ करोति
Sentence: 7 यदिन्द्रा॑या॒र्कव॑ते भू॒त ए॒वान्नाद्ये॒ प्रति॑ तिष्ठति॒ भव॑त्ये॒व ।
Sentence: 8 इन्द्रा॑य ॥
Verse: 4
Sentence: 1 अं॑हो॒मुचे॑ पुरो॒डाश॒मेका॑दशकपालं॒ निर्व॑पे॒द्यः पा॒प्मना॑ गृही॒तः स्यात्
Sentence: 2 पा॒प्मा वा अंह॑स् ।
Sentence: 3 इन्द्र॑मे॒वांहो॒मुचं॒ स्वेन॑ भाग॒धेये॒नोप॑ धावति
Sentence: 4 स एवैनम्पा॒प्मनो ऽं॑हसो मुञ्चति ।
Sentence: 5 इन्द्रा॑य वैमृ॒धाय॑ पुरो॒डाश॒मेका॑दशकपालं॒ निर्व॑पे॒द्यम्मृधो॒ ऽभि प्र॒वेपे॑रन्रा॒ष्ट्राणि॑ वा॒भि स॑मि॒युस् ।
Sentence: 6 इन्द्र॑मे॒व वै॑मृ॒धं स्वेन॑ भाग॒धेये॒नोप॑ धावति
Sentence: 7 स ए॒वास्मा॒न्मृधः॑ ॥
Verse: 5
Sentence: 1 अप॑ हन्ति ।
Sentence: 2 इन्द्रा॑य त्रा॒त्रे पु॑रो॒डाश॒मेका॑दशकपालं॒ निर्व॑पेद्ब॒द्धो वा॒ परि॑यत्तो वा ।
Sentence: 3 इन्द्र॑मे॒व त्रा॒तारं॒ स्वेन॑ भाग॒धेये॒नोप॑ धावति
Sentence: 4 स एवैनं त्रायते ।
Sentence: 5 इन्द्रा॑यार्काश्वमे॒धव॑ते पुरो॒डाश॒मेका॑दशकपालं॒ निर्व॑पे॒द्यम्म॑हाय॒ज्ञो नोप॒नमे॑त् ।
Sentence: 6 ए॒ते वै॑ महाय॒ज्ञस्या॑न्त्ये त॒नू यद॑र्काश्वमेधौ ।
Sentence: 7 इन्द्र॑मे॒वार्का॑श्वमे॒धव॑न्तं॒ स्वेन॑ भाग॒धेये॒नोप॑ धावति
Sentence: 8 स ए॒वास्मा॑ अन्त॒तो म॑हाय॒ज्ञं च्या॑वयति ।
Sentence: 9 उपै॑नं महाय॒ज्ञो न॑मति ॥
Paragraph: 8
Verse: 1
Sentence: 1 इन्द्रा॒यान्वृ॑जवे पुरो॒डाश॒मेका॑दशकपालं॒ निर्व॑पे॒द्ग्राम॑कामस् ।
Sentence: 2 इन्द्र॑मे॒वान्वृ॑जुं॒ स्वेन॑ भाग॒धेये॒नोप॑ धावति
Sentence: 3 स ए॒वास्मै॑ सजा॒ताननु॑कान्करोति
Sentence: 4 ग्रा॒म्ये॒व भ॑वति ।
Sentence: 5 इ॑न्द्राण्यै च॒रुं निर्व॑पे॒द्यस्य॒ सेनासं॑शितेव॒ स्यात् ।
Sentence: 6 इ॑न्द्रा॒णी वै॒ सेना॑यै दे॒वता॑ ।
Sentence: 7 इ॑न्द्रा॒णीं ए॒व स्वेन॑ भाग॒धेये॒नोप॑ धावति
Sentence: 8 सै॒वास्य॒ सेनां॒ सं श्य॑ति
Sentence: 9 बल्ब॑जा॒नपि॑ ॥
Verse: 2
Sentence: 1 इ॒ध्मे सं न॑ह्येत् ।
Sentence: 2 गौ॒र्यत्राधि॑ष्कन्ना॒ न्यमे॑ह॒त्ततो॒ बल्ब॑जा॒ उद॑तिष्ठन्
Sentence: 3 गवा॑मेवैनं न्या॒यम॑पि॒नीय॒ गा वे॑दयति ।
Sentence: 4 इन्द्रा॑य मन्यु॒मते॒ मन॑स्वते पुरो॒डाश॒मेका॑दशकपालं॒ निर्व॑पेत्सङ्ग्रा॒मे संय॑त्ते ।
Sentence: 5 इ॑न्द्रि॒येण वै म॒न्युना॒ मन॑सा सङ्ग्रा॒मं ज॑यति ।
Sentence: 6 इन्द्र॑मे॒व म॑न्यु॒मन्त॒म्मन॑स्वन्तं॒ स्वेन॑ भाग॒धेये॒नोप॑ धावति
Sentence: 7 स ए॒वास्मि॑न्निन्द्रि॒यम्म॒न्युम्मनो॑ दधाति
Sentence: 8 जय॑ति॒ तम् ॥
Verse: 3
Sentence: 1 सं॑ग्रा॒मम्
Sentence: 2 ए॒तामे॒व निर्व॑पे॒द्यो ह॒तम॑नाः स्व॒यम्पा॑प इव॒ स्यात् ।
Sentence: 3 ए॒तानि॒ हि वा ए॒तस्मा॒दप॑क्रान्तानि ।
Sentence: 4 अथै॒ष ह॒तम॑नाः स्व॒यम्पा॑प॒ इन्द्र॑मे॒व म॑न्यु॒मन्त॒म्मन॑स्वन्तं॒ स्वेन॑ भाग॒धेये॒नोप॑ धावति
Sentence: 5 स ए॒वास्मि॑न्निन्द्रि॒यम्म॒न्युम्मनो॑ दधाति
Sentence: 6 न ह॒तम॑नाः स्व॒यम्पा॑पो भवति ।
Sentence: 7 इन्द्रा॑य दा॒त्रे पु॑रो॒डाश॒मेका॑दशकपालं॒ निर्व॑पे॒द्यः का॒मये॑त
Sentence: 8 दान॑कामा मे प्र॒जाः स्युः॑ ॥
Verse: 4
Sentence: 1 इति॑ ।
Sentence: 2 इन्द्र॑मे॒व दा॒तारं॒ स्वेन॑ भाग॒धेये॒नोप॑ धावति
Sentence: 3 स ए॒वास्मै॒ दान॑कामाः प्र॒जाः क॑रोति
Sentence: 4 दान॑कामा अस्मै प्र॒जा भ॑वन्ति ।
Sentence: 5 इन्द्रा॑य प्रदा॒त्रे पु॑रोडाश॒मेका॑दशकपालं॒ निर्व॑पे॒द्यस्मै॒ प्रत्त॑मिव॒ सन्न प्र॑दी॒येत॑ ।
Sentence: 6 इन्द्र॑मे॒व प्र॑दा॒तारं॒ स्वेन॑ भाग॒धेये॒नोप॑ धावति
Sentence: 7 स ए॒वास्मै॒ प्र दा॑पयति ।
Sentence: 8 इन्द्रा॑य सु॒त्राम्णे॑ पुरो॒डाश॒मेका॑दशकपालं॒ निर्व॑पे॒दप॑रुद्धो वा ॥
Verse: 5
Sentence: 1 अ॑परु॒ध्यमा॑नो वा ।
Sentence: 2 इन्द्र॑मे॒व सु॒त्रामा॑णं॒ स्वेन॑ भाग॒धेये॒नोप॑ धावति
Sentence: 3 स एवैनं त्रायते ।
Sentence: 4 अ॑नपरु॒ध्यो भ॑वति ।
Sentence: 5 इन्द्रो वै स॒दृङ्दे॒वता॑भिरासीत्
Sentence: 6 स न व्या॒वृत॑मगछत्
Sentence: 7 स प्र॒जाप॑ति॒मुपा॑धावत्
Sentence: 8 तस्मा॑ ए॒तऐ॒न्द्रमेका॑दशकपालं॒ निर॑वपत्
Sentence: 9 तेनै॒वास्मि॑न्निन्द्रि॒यम॑दधात् ।
Sentence: 10 श॑क्वरी याज्यानुवा॒क्ये॑ अकरोत् ।
Sentence: 11 वज्रो वै॒ शक्व॑री
Sentence: 12 स ए॑नं॒ वज्रो॒ भूत्या॑ ऐन्द्ध ॥
Verse: 6
Sentence: 1 सो॑ ऽभवत्
Sentence: 2 सो॑ ऽबिभेद्भू॒तः
Sentence: 3 प्र मा॑ धक्ष्य॒तीति
Sentence: 4 स प्र॒जाप॑ति॒म्पुन॒रुपा॑धावत्
Sentence: 5 स प्र॒जाप॑तिः॒ शक्व॑र्या॒ अधि॑ रे॒वतीं॒ निर॑मिमीत॒ शान्त्या॒ अप्र॑दाहाय
Sentence: 6 यो ऽलं॑ श्रियै॒ सन्त्स॒दृङ्क्स॑मानैः॒ स्यात्तस्मा॑ ए॒तऐं॒द्रमेका॑दशकपालं॒ निर्व॑पेत् ।
Sentence: 7 इन्द्र॑मे॒व स्वेन॑ भाग॒धेये॒नोप॑ धावति
Sentence: 8 स ए॒वास्मि॑न्निन्द्रि॒यं द॑धाति
Sentence: 9 रे॒वती॑ पुरोऽनुवा॒क्या॑ भवति॒ शान्त्या॒ अप्र॑दाहाय
Sentence: 10 शक्व॑री या॒ज्या
Sentence: 11 वज्रो वै॒ शक्व॑री
Sentence: 12 स ए॑नं॒ वज्रो॒ भूत्या॑ इन्द्धे
Sentence: 13 भव॑त्ये॒व ॥
Paragraph: 9
Verse: 1
Sentence: 1 आ॑ग्नावैष्ण॒वमेका॑दशकपालं॒ निर्व॑पेदभि॒चर॒न्त्सर॑स्व॒त्याज्य॑भागा स्याद्बार्हस्प॒त्यश्�स् ।
Sentence: 2 यदा॑ग्नावैष्ण॒व एका॑दशकपालो॒ भव॑ति ।
Sentence: 3 अ॒ग्निः सर्वा॑ दे॒वता॒ विष्णु॑र्य॒ज्ञो दे॒वता॑भिश्चैवैनं य॒ज्ञेन॑ चा॒भि च॑रति
Sentence: 4 सर॑स्व॒त्याज्य॑भागा भवति॒ वाग्वै॒ सर॑स्वती वाचैवैनम॒भि च॑रति
Sentence: 5 बार्हस्प॒त्यश्च॒रुर्भ॑वति॒ ब्रह्म वै दे॒वाना॒म्बृह॒स्पति॒र्ब्रह्म॑णैवैनम॒भि च॑रति ॥
Verse: 2
Sentence: 1 प्रति वै प॒रस्ता॑दभि॒चर॑न्तम॒भि च॑रन्ति
Sentence: 2 द्वेद्वे॑ पु॒रोऽनु॑वा॒क्ये॑ कुर्या॒दति॒ प्रयु॑क्त्यै ।
Sentence: 3 ए॒तयै॒व य॑जेताभिच॒र्यमा॒णो दे॒वता॑भिरे॒व दे॒वताः॑ प्रति॒चर॑ति य॒ज्ञेन॑ य॒ज्ञं वा॒चा वाच॒म्ब्रह्म॑णा॒ ब्रह्म॒ स दे॒वता॑श्चै॒व य॒ज्ञं च॑ मध्य॒तो व्यव॑सर्पति॒ तस्य॒ न कुत॑श्च॒�॒धो भ॑वति
Sentence: 4 नैनमभि॒चर॑न्त्स्तृणुते ।
Sentence: 5 आ॑ग्नावैष्ण॒वमेका॑दशकपालं॒ निर्व॑पे॒द्यं य॒ज्ञो न ॥
Verse: 3
Sentence: 1 उ॑प॒नमे॑त् ।
Sentence: 2 अ॒ग्निः सर्वा॑ दे॒वता॒ विष्णु॑र्य॒ज्ञो॒ ऽग्निं चै॒व विष्णुं॑ च॒ स्वेन॑ भाग॒धेये॒नोप॑ धावति॒ तावे॒वास्मै॑ य॒ज्ञम्प्र य॑छत॒ उपै॑नं य॒ज्ञो न॑मति ।
Sentence: 3 आ॑ग्नावैष्ण॒वं घृ॒ते च॒रुं निर्व॑पे॒च्चक्षु॑ष्कामस् ।
Sentence: 4 अ॒ग्नेर्वै॒ चक्षु॑षा मनु॒ष्या॒ वि प॑श्यन्ति य॒ज्ञस्य॑ दे॒वा अ॒ग्निं चै॒व विष्णुं॑ च॒ स्वेन॑ भाग॒धेये॒नोप॑ धावति
Sentence: 5 तावे॒व ॥
Verse: 4
Sentence: 1 अ॑स्मि॒ञ्चक्षु॑र्धत्त॒श्चक्षु॑ष्माने॒व भ॑वति
Sentence: 2 धेन्वै॒ वा ए॒तद्रेतो॒ यदाज्य॑मन॒डुह॑स्तण्डु॒ला मि॑थु॒नादे॒वास्मै॒ चक्षुः॒ प्र ज॑नयति
Sentence: 3 घृ॒ते भ॑वति॒ तेजो वै घृ॒तं तेज॒श्चक्षु॒स्तेज॑सै॒वास्मै॒ तेज॒श्चक्षु॒रव॑ रुन्द्धे ।
Sentence: 4 इ॑न्द्रि॒यं वै॑ वी॒र्यं॑ वृङ्क्ते॒ भ्रातृ॑व्यो॒ यज॑मा॒नो ऽय॑जमानस्याध्व॒रक॑ल्पा॒म्प्रति॒ निर्व॑पे॒द्भ्रातृ॑व्ये॒ यज॑माने॒ नास्ये॑न्द्रि॒यं ॥
Verse: 5
Sentence: 1 वी॒र्यं॑ वृङ्क्ते
Sentence: 2 पु॒रा वा॒चः प्रव॑दितो॒र्निर्व॑पे॒द्याव॑त्ये॒व वाक्तामप्रो॑दिता॒म्भ्रातृ॑व्यस्य वृङ्क्ते॒ ताम॑स्य॒ वाच॑म्प्र॒वद॑न्ती॒मन्या॒ वाचो ऽनु॒ प्र व॑दन्ति॒ ता इ॑न्द्रि॒यं वी॒र्यं॒ यज॑माने दधति ।
Sentence: 3 आ॑ग्नावैष्ण॒वम॒ष्टाक॑पालं॒ निर्व॑पेद्प्रातःसव॒नस्या॑का॒ले सर॑स्व॒त्याज्य॑भागा स्याद्बारस् ।
Sentence: 4 यद॒ष्टाक॑पालो॒ भव॑त्य॒ष्टाक्ष॑रा गाय॒त्री गा॑य॒त्रम्प्रा॑तःसव॒नम्प्रा॑तःसव॒नमे॒व तेना॑प्नोति ॥
Verse: 6
Sentence: 1 आ॑ग्नावैष्ण॒वमेका॑दशकपालं॒ निर्व॑पे॒न्माध्यं॑दिनस्य॒ सव॑नस्याका॒ले सर॑स्व॒त्याज्य॑भागा स्याद्बार्हस्प॒त्यश्च॒रुस् ।
Sentence: 2 यदेका॑दशकपालो॒ भव॒त्येका॑दशाक्षरा तृ॒ष्टुप्त्रै॑ष्टुभ॒म्माध्यं॑दिनं॒ सव॑न॒म्माध्यं॑दिनम॒व सव॑नं॒ तेना॑प्नोति ।
Sentence: 3 आ॑ग्नावैष्ण॒वं द्वाद॑शकपालं॒ निर्व॑पेद्तृतीयसव॒नस्या॑का॒ले सर॑स्व॒त्याज्य॑भागा स्याद्बा�स् ।
Sentence: 4 यद्द्वाद॑शकपालो॒ भव॑ति॒ द्वाद॑शाक्षरा॒ जग॑ती॒ जाग॑तं तृतीयसव॒नं तृ॑तीयसव॒नमे॒व तेना॑प्नोत�
Sentence: 5 दे॒वता॑भिरे॒व दे॒वताः॑ ॥
Verse: 7
Sentence: 1 प्र॑ति॒चर॑ति य॒ज्ञेन॑ य॒ज्ञं वा॒चा वाच॒म्ब्रह्म॑णा॒ ब्रह्म॑ क॒पालै॑रे॒व छन्दां॑स्या॒प्नोति॑ पुरो॒डाशैः॒ सव॑नानि
Sentence: 2 मैत्रावरु॒णमेक॑कपालं॒ निर्व॑पेद्व॒शायै॑ का॒ले
Sentence: 3 यै॒वासौ॒ भ्रातृ॑व्यस्य व॒शानु॑ब॒न्ध्या॒ सो एवैषै॒तस्यै॑ककपालो भवति॒ न हि क॒पालैः॑ प॒शुमर्ह॒॑म् ॥
Paragraph: 10
Verse: 1
Sentence: 1 अ॒सावा॑दि॒त्यो न व्य॑रोचत॒ तस्मै॑ दे॒वाः प्राय॑श्चित्तिऐछ॒न्तस्मा॑ ए॒तं सो॑मारौ॒द्रं च॒रुं निर॑वप॒न्तेनै॒वास्मि॒न्रुच॑मदधुस् ।
Sentence: 2 यो ब्र॑ह्मवर्च॒सका॑मः॒ स्यात्तस्मा॑ ए॒तं सो॑मारौ॒द्रं च॒रुं निर्व॑पेत्
Sentence: 3 सोमं॑ चै॒व रु॒द्रं च॒ स्वेन॑ भाग॒धेये॒नोप॑ धावति॒ तावे॒वास्मि॑न्ब्रह्मवर्च॒सं ध॑त्तो ब्रह्म॒व भ॑वति
Sentence: 4 तिष्यापूर्णमा॒से निर्व॑पेद्रु॒द्रः ॥
Verse: 2
Sentence: 1 वै॑ ति॒ष्यः॒ सोमः॑ पू॒र्णमा॑सः सा॒क्षादे॒व ब्र॑ह्मवर्च॒समव॑ रुन्द्धे
Sentence: 2 परि॑श्रिते याजयति ब्रह्मवर्च॒सस्य॒ परि॑गृहीत्यै
Sentence: 3 श्वे॒तायै॑ श्वे॒तव॑त्सायै दु॒ग्धम्म॑थि॒तमाज्य॑मभव॒त्याज्य॒म्प्रोक्ष॑ण॒माज्ये॑न मार्जयन्ते॒ यव॑दे॒व ब्र॑ह्मवर्च॒सं तत्सर्वं॑ करो॒त्यति॑ ब्रह्मवर्च॒सं क्रि॑यत॒ इत्या॑हुस् ।
Sentence: 4 ई॑श्व॒रो दु॒श्चर्मा॒ भवि॑तो॒रिति॑ मान॒वी ऋचौ॑ धा॒य्ये॑ कुर्या॒द्यद्वै॒ किं च॒ मनु॒रव॑द॒त्तदम् ॥
Verse: 3
Sentence: 1 भे॑ष॒जमे॒वास्मै॑ करोति
Sentence: 2 यदि॑ बिभी॒याद्दु॒श्चर्मा॑ भविष्या॒मीति॑ सोमापौ॒ष्णं च॒रुं निर्व॑पेत्सौ॒म्यो वै॑ दे॒वत॑या॒ पुरु॑षः पौ॒ष्णाः प॒शवः॒ स्वयै॒वास्मै॑ दे॒वत॑या प॒शुभि॒स्त्वचं॑ करोति॒ न दु॒श्चर्मा॑ भवति
Sentence: 3 सोमारौ॒द्रं च॒रुं निर्व॑पेत्प्र॒जाका॑मः॒ सोमो वै रेतो॒धा अ॒ग्निः प्र॒जाना॑म्प्रजनयि॒ता सोम॑ ए॒वास्मै॒ रेतो॒ दधा॑त्य ग॒निः प्र॒जाम्प्र ज॑नयति वि॒न्दते॑ ॥
Verse: 4
Sentence: 1 प्र॒जाम् ।
Sentence: 2 सो॑मारौ॒द्रं च॒रुं निर्व॑पेदभि॒चर॑न्त्सौ॒म्यो वै॑ दे॒वत॑या॒ पुरु॑ष ए॒ष रु॒द्रो यद॒ग्निः स्वाया॑ एवैनं दे॒वता॑यै नि॒ष्क्रीय॑ रु॒द्रायापि॑ दधाति॒ ताज॒गार्ति॒मार्छ॑ति
Sentence: 3 सोमारौ॒द्रं च॒रुं निर्व॑पे॒ज्ज्योगा॑मयावी॒ सोमं॒ वा ए॒तस्य॒ रसो॑ गछत्य॒ग्निं शरी॑रं॒ यस्य॒ ज्योगा॒मय॑ति॒ सोमा॑दे॒वास्य॒ रसं॑ निष्क्री॒णात्य॒ग्नेः शरी॑रमु॒त यदि॑ ॥
Verse: 5
Sentence: 1 इ॒तासु॒र्भव॑ति॒ जीव॑त्ये॒व सो॑मारु॒द्रयो॒र्वा ए॒तं ग्र॑सि॒तं होता॒ निष्खि॑दति॒ स ई॑श्व॒र आर्ति॒मार्तो॑रन॒ड्वान्होत्रा॒ देयो॒ वह्नि॒र्वा अ॑न॒ड्वान्वह्नि॒र्होता॒ वह्नि॑नै॒व वह्नि॑मा॒त्मानं॑ स्पृणोति
Sentence: 2 सोमारौ॒द्रं च॒रुं निर्व॑पे॒द्यः का॒मये॑त॒ स्वे ऽस्मा॑ आ॒यत॑ने॒ भ्रातृ॑व्यं जनयेय॒मिति॒ वेदि॑म्परि॒गृह्या॒र्धमु॑द्ध॒न्याद॒र्धं नार्धम्ब॒र्हिष॑ स्तृणी॒याद॒र्धं नार्धमि॒ध्मस�॒र्धं न स्व ए॒वास्मा॑ आ॒यत॑ने॒ भ्रातृ॑व्यं जनयति ॥
Paragraph: 11
Verse: 1
Sentence: 1 अै॒न्द्रमेका॑दशकपालं॒ निर्व॑पेन्मारु॒तं स॒प्तक॑पालं॒ ग्राम॑कामस् ।
Sentence: 2 इन्द्रं॑ चै॒व म॒रुत॑श्च॒ स्वेन॑ भाग॒धेये॒नोप॑ धावति
Sentence: 3 त ए॒वास्मै॑ सजा॒तान्प्र य॑छन्ति
Sentence: 4 ग्रा॒म्ये॒व भ॑वति ।
Sentence: 5 आ॑हव॒नीय॑ ऐ॒न्द्रमधि॑ श्रयति॒ गार्ह॑पत्ये मारु॒तम्
Sentence: 6 पापवस्य॒सस्य॒ विधृ॑त्यै
Sentence: 7 स॒प्तक॑पालो मारु॒तो भ॑वति
Sentence: 8 स॒प्तग॑णा वै म॒रुत॑स् ।
Sentence: 9 ग॑ण॒श ए॒वास्मै॑ सजा॒तानव॑ रुन्द्धे ।
Sentence: 10 अ॑नू॒च्यमा॑न॒ आ सा॑दयति
Sentence: 11 विश॑मे॒व ॥
Verse: 2
Sentence: 1 अ॑स्मा॒ अनु॑वर्त्मानं करोति ।
Sentence: 2 ए॒तामे॒व निर्व॑पे॒द्यः का॒मये॑त
Sentence: 3 क्ष॒त्राय॑ च वि॒शे च॑ स॒मदं॑ दध्या॒मिति॑ ।
Sentence: 4 अै॒न्द्रस्या॑व॒द्यन्ब्रू॑यात् ।
Sentence: 5 इन्द्रा॒यानु॑ ब्रू॒हीत्या॒श्राव्य॑ ब्रूयात् ।
Sentence: 6 म॒रुतो॑ य॒जेति
Sentence: 7 मारु॒तस्या॑व॒द्यन्ब्रू॑यात् ।
Sentence: 8 म॒रुद्भ्यो ऽनु॑ ब्रू॒हीत्या॒श्राव्य॑ ब्रूयात् ।
Sentence: 9 इन्द्रं॑ य॒जेति
Sentence: 10 स्व एवैभ्यो भाग॒धेये॑ स॒मदं॑ दधाति
Sentence: 11 वितृंहा॒णास्ति॑ष्ठन्ति ।
Sentence: 12 ए॒तामे॒व ॥
Verse: 3
Sentence: 1 निर्व॑पे॒द्यः का॒मये॑त
Sentence: 2 कल्पे॑र॒न्निति
Sentence: 3 यथादेव॒तम॑व॒दाय॑ यथादेव॒तं य॑जेत् ।
Sentence: 4 भा॑ग॒धेये॑नैवैनान्यथाय॒थं क॑ल्पयति
Sentence: 5 कल्प॑न्त ए॒व ।
Sentence: 6 अै॒न्द्रमेका॑दशकपालं॒ निर्व॑पेद्वैश्वदे॒वं द्वाद॑शकपालं॒ ग्राम॑कामस् ।
Sentence: 7 इन्द्रं॑ चै॒व विश्वां॑श्च दे॒वान्त्स्वेन॑ भाग॒धेये॒नोप॑ धावति
Sentence: 8 त ए॒वास्मै॑ सजा॒तान्प्र य॑छन्ति
Sentence: 9 ग्रा॒म्ये॒व भ॑वति ।
Sentence: 10 अै॒न्द्रस्या॑व॒दाय॑ वैश्वदे॒वस्याव॑ द्ये॒दथै॒न्द्रस्य॑ ॥
Verse: 4
Sentence: 1 उ॒परि॑ष्टात् ।
Sentence: 2 इ॑न्द्रि॒येनै॒वास्मा॑ उभ॒यतः॑ सजा॒तान्परि॑ गृह्णाति ।
Sentence: 3 उ॑पाधा॒य्य॑पूर्वयं॒ वासो॒ दक्षि॑णा सजा॒ताना॒मुप॑हित्यै
Sentence: 4 पृश्नि॑यै दु॒ग्धे प्रै॑यङ्गवं च॒रुं निर्व॑पेन्म॒रुद्भ्यो॒ ग्राम॑कामः
Sentence: 5 पृश्नि॑यै वै॒ पय॑सो म॒रुतो॑ जा॒ताः पृश्नि॑यै प्रि॒यङ्ग॑वस् ।
Sentence: 6 मा॑रु॒ताः खलु वै दे॒वत॑या सजा॒तास् ।
Sentence: 7 म॒रुत॑ ए॒व स्वेन॑ भाग॒धेये॒नोप॑ धावति
Sentence: 8 तए॒वास्मै॑ सजा॒तान्प्र य॑छन्ति
Sentence: 9 ग्रा॒म्ये॒व भ॑वति
Sentence: 10 प्रि॒यव॑ती याज्यानुवा॒क्ये॑ ॥
Verse: 5
Sentence: 1 भ॑वतः प्रि॒यमेवैनं समा॒नानां॑ करोति
Sentence: 2 द्वि॒पदा॑ पुरोऽनुवा॒क्या॑ भवति द्वि॒पद॑ ए॒वाव॑ रुन्द्धे
Sentence: 3 चतु॑ष्पदा या॒ज्या॒ चतु॑ष्पद ए॒व प॒शूनव॑ रुन्द्धे
Sentence: 4 दे॒वासु॒राः संय॑त्ता आसन्
Sentence: 5 ते दे॒वा मि॒थो विप्रि॑या आसन्
Sentence: 6 ते॒ ऽन्यो॒ऽन्यस्मै ज्यैष्ठ्या॒याति॑ष्ठमानाश्चतु॒र्धा व्य॑क्रामन्न॒ग्निर्वसु॑भिः॒ सोमो॑ रुद्रै॒रिन्द्रो॑ म॒रुद्भि॒र्वरु॑ण आदित्यैः
Sentence: 7 स इन्द्रः॑ प्र॒जाप॑ति॒मुपा॑धावत्
Sentence: 8 तम् ॥
Verse: 6
Sentence: 1 ए॒तया॑ सं॒ज्ञान्या॑याजयत् ।
Sentence: 2 अ॒ग्नये॒ वसु॑मते पुरो॒डाश॑म॒ष्टाक॑पालं॒ निर॑वप॒त्सोमा॑य रु॒द्रव॑ते च॒रुमिन्द्रा॑य म॒रुत्व॑ते पुरो॒डाश॒मेका॑दशकपालं॒ वरु॑णायादि॒त्यव॑ते॒ चरु॑म् ।
Sentence: 3 ततो॒ वा इन्द्रं॑ दे॒वा ज्यै॑ष्ठ्याया॒भि सम॑जानत
Sentence: 4 यः स॑मानैर्मि॒थो विप्रि॑यः॒ स्यात्तमे॒तया॑ सं॒ज्ञान्या॑ याजयेत् ।
Sentence: 5 अ॒ग्नये॒ वसु॑मते पुरो॒डाश॑म॒ष्टाक॑पालं॒ निर्व॑पे॒त्सोमा॑य रु॒द्रव॑ते च॒रुमिन्द्रा॑य म॒रुत्व॑ते पुरो॒डाश॒मेका॑दशकपालं॒ वरु॑णायादि॒त्यव॑ते च॒रुम्
Sentence: 6 इन्द्र॑मेवैनम्भू॒तं ज्यै॑ष्ठ्याय समा॒ना अ॒भि सं जा॑नते
Sentence: 7 वसि॑ष्ठः समा॒नाना॑म्भवति ॥
Paragraph: 12
Verse: 1
Sentence: 1=a हि॑र्ण्यग॒र्भस् ।
Sentence: 2=b आपो॑ ह॒ यत्
Sentence: 3=c प्रजा॑पते
Sentence: 4=d स वे॑द पु॒त्रः पि॒तरं॒ स मा॒तरं॒ स सू॒नुर्भु॑व॒त्स भु॑व॒त्पुन॑र्मघः । स द्याऔ॑र्णोद॒न्तरि॑क्षं॒ स सुवः॒ स विश्वा॒ भुवो॑ अभव॒त्स आभ॑वत् ॥
Sentence: 5=e उदु॒ त्यम् ।
Sentence: 6=f चि॒त्रम्
Sentence: 7=g स प्र॑त्न॒वन्नवी॑य॒साग्ने॑ द्यु॒म्नेन॑ सं॒यता॑ । बृ॒हत्त॑तन्थ भा॒नुना॑ ॥
Sentence: 8=h नि काव्या॑ वे॒धसः॒ शश्व॑तस्क॒र्हस्ते॒ दधा॑नः ॥
Verse: 2
Sentence: 1 नर्या॑ पु॒रूणि॑ । अ॒ग्निर्भु॑वद्रयि॒पती॑ रयी॒णां स॒त्रा च॑क्रा॒णो अ॒मृता॑नि॒ विश्वा॑ ॥
Sentence: 2=i हिर॑ण्यपानिमू॒तये॑ सवि॒तार॒मुप॑ ह्वये । स चेत्ता॑ दे॒वता॑ प॒दम् ॥
Sentence: 3=k वा॒मम॒द्य स॑वितर्वा॒ममु॒ श्वो दि॒वेदि॑वे वा॒मम॒स्मभ्यं॑ सावीः । वा॒मस्य॒ हि क्षय॑स्य देव॒ भूरे॑र॒या धि॒या वा॑म॒भाजः॑ स्याम ॥
Sentence: 4=l बडि॒त्था पर्व॑तानां खि॒द्रम्बि॑भर्षि पृथिवि । प्र या भू॑मि प्रवत्वति म॒ह्ना जि॒नोषि॑ ॥
Verse: 3
Sentence: 1 म॑हिनि ॥
Sentence: 2=m स्तोमा॑सस्त्वा विचारिणि॒ प्रति॑ ष्टोभन्त्य॒क्तुभिः॑ । प्र या वाजं॒ न हेष॑न्तम्प्रे॒रुमस्य॑स्यर्जुनि ॥
Sentence: 3=n ऋ॑दू॒दरे॑ण॒ सख्या॑ सचेय॒ यो मा॒ न रिष्ये॑द्धर्यश्व पी॒तः । अ॒यं यः सोमो॒ न्यधा॑य्य॒स्मे तस्मा॒ इन्द्र॑म्प्र॒तिर॑मे॒म्यछ॑ ॥
Sentence: 4=o आपा॑न्तमन्युस्तृ॒पल॑प्रभर्मा॒ धुनिः॒ शिमी॑वा॒ञ्छरु॑मां ऋजी॒षी । सोमो॒ विश्वा॑न्यत॒सा वना॑नि॒ नार्वागिन्द्र॑म्प्रति॒माना॑नि देभुः ॥
Sentence: 5=p प्र ॥
Verse: 4
Sentence: 1 सु॑वा॒नः सोम॑ ऋत॒युश्चि॑के॒तेन्द्रा॑य॒ ब्रह्म॑ ज॒मद॑ग्नि॒रर्च॑न् । वृषा॑ य॒न्तासि॒ शव॑सस्तु॒रस्या॒न्तर्य॑छ गृण॒ते ध॒र्त्रं दृं॑ह ॥
Sentence: 2=q स॒बाध॑स्ते॒ मदं॑ च शुष्म॒यं च॒ ब्रह्म॒ नरो॑ ब्रह्म॒कृतः॑ सपर्यन् । अ॒र्को वा॒ यत्तु॒रते॒ सोम॑चक्षा॒स्तत्रेदिन्द्रो॑ दधते पृ॒सु तु॒र्याम् ॥
Sentence: 3=r वष॑ट्ते विष्णवा॒स आ कृ॑णोमि॒ तन्मे॑ जुषस्व शिपिविष्ट ह॒व्यम् ॥
Verse: 5
Sentence: 1 वर्ध॑न्तु त्वा सुष्टु॒तयो॒ गिरो॑ मे यू॒यम्पा॑त स्व॒स्तिभिः॒ सदा॑ नः ॥
Sentence: 2=s प्र तत्ते॑ अ॒द्य शि॑पिविष्ट॒ नामा॒र्यः शं॑सामि व॒युना॑नि वि॒द्वान् । तं त्वा॑ गृणामि त॒वस॒मत॑वीया॒न्क्षय॑न्तमस्य॒ रज॑सः परा॒के ॥
Sentence: 3=t किमित्ते॑ विष्णो परि॒चक्ष्य॑म्भू॒त्प्र यद्व॑व॒क्षे शि॑पिवि॒ष्टो अ॑स्मि । मा वर्पो॑ अ॒स्मदप॑ गूह ए॒तद्यद॒न्यरू॑पः समि॒थे ब॒भूथ॑ ॥
Verse: 6
Sentence: 1=u अग्ने॒ दा दा॒शुषे॑ र॒यिं वी॒रव॑न्त॒म्परी॑णसम् । शि॑शी॒हि नः॑ सूनु॒मतः॑ ॥
Sentence: 2=v दा नो॑ अग्ने श॒तिनो॒ दाः स॑ह॒स्रिणो॑ दु॒रो न वाजं॒ श्रुत्या॒ अपा॑ वृधि । प्राची॒ द्यावा॑पृथि॒वी ब्रह्म॑णा कृधि॒ सुव॒र्ण शु॒क्रमु॒षसो॒ वि दि॑द्युतुः ॥
Sentence: 3=w अ॒ग्निर्दा॒ द्रवि॑णं वी॒रपे॑शा अ॒ग्निरृषिं॒ यः स॒हस्रा॑ स॒नोति॑ । अ॒ग्निर्दि॒वि ह॒व्यमा त॑ताना॒ग्नेर्धामा॑नि॒ विभृ॑ता पुरु॒त्रा ॥
Sentence: 4=x मा ॥
Verse: 7
Sentence: 1 नो॑ मर्धीस् ।
Sentence: 2=y आ तू भ॑र
Sentence: 3=z घृ॒तं न पू॒तं त॒नूर॑रे॒पाः शुचि॒ हिर॑ण्यम् । तत्ते॑ रु॒क्मो न रो॑चत स्वधावः
Sentence: 4=aa उ॒भे सु॑श्चन्द्र स॒र्पिषो॒ दर्वी॑ श्रीणीष आ॒सनि॑ । उ॒तो न॒ उत्पु॑पूर्या उ॒क्थेषु॑ शवसस्पत॒ इषं॑ स्तो॒तृभ्य॒ आ भ॑र ॥
Sentence: 5=bb वायो॑ श॒तं हरी॑णां यु॒वस्व॒ पोष्या॑नाम् । उ॒त वा॑ ते सह॒सृणो॒ रथ॒ आ या॑तु॒ पाज॑सा ॥
Sentence: 6=cc प्र याभिः॑ ॥
Verse: 8
Sentence: 1 यासि॑ दा॒श्वांस॒मछा॑ नि॒युद्भि॑र्वायवि॒ष्टये॑ दुरो॒णे । नि नो॑ र॒यिं सु॒भोज॑सं युवे॒ह नि वी॒रव॒द्गव्य॒मश्वि॑यं च॒ राधः॑ ॥
Sentence: 2=dd रे॒वती॑र्नः सध॒माद॒ इन्द्रे॑ सन्तु तु॒विवा॑जाः । क्षु॒मन्तो॒ याभि॒र्मदे॑म ॥
Sentence: 3=ee रे॒वां इद्रे॒वत॑ स्तो॒ता स्यात्त्वाव॑तो म॒घोनः॑ । प्रेदु॑ हरिवः श्रु॒तस्य॑ ॥
Chapter: 3
Paragraph: 1
Verse: 1
Sentence: 1 आ॑दि॒त्येभ्यो॒ भुव॑द्वद्भ्यश्च॒रुं निर्व॑पे॒द्भूति॑कामस् ।
Sentence: 2 आ॑दि॒त्या वा ए॒तम्भूत्यै॒ प्रति॑ नुदन्ते॒ यो ऽल॒म्भूत्यै॒ सन्भूतिं॒ न प्रा॒प्नोति॑ ।
Sentence: 3 आ॑दि॒त्याने॒व भुव॑द्वतः॒ स्वेन॑ भाग॒धेये॒नोप॑ धावति
Sentence: 4 त एवैन॒म्भूतिं॑ गमयन्ति
Sentence: 5 भव॑त्ये॒व ।
Sentence: 6 आ॑दि॒त्येभ्यो॑ धा॒रय॑द्वद्भ्यश्च॒रुं निर्व॑पे॒दप॑रुद्धो वापरु॒ध्यमा॑नो वा ।
Sentence: 7 आ॑दि॒त्या वा अ॑परो॒द्धार॑ आदि॒त्या अ॑वगमयि॒तार॑स् ।
Sentence: 8 आ॑दि॒त्याने॒व धा॒रय॑द्वतः ॥
Verse: 2
Sentence: 1 स्वेन॑ भाग॒धेये॒नोप॑ धावति
Sentence: 2 त एवैनं वि॒शि दा॑ध्रति ।
Sentence: 3 अ॑नपरु॒ध्यो भ॑वति ।
Sentence: 4 अदि॒ते ऽनु॑ मन्य॒स्वेत्य॑परु॒ध्यमा॑नो ऽस्य प॒दमा द॑दीत ।
Sentence: 5 इ॒यं वा अदि॑तिस् ।
Sentence: 6 इ॒यमे॒वास्मै॑ रा॒ज्यमनु॑ मन्यते
Sentence: 7 स॒त्याशीरित्या॑ह
Sentence: 8 स॒त्यामे॒वाशिषं॑ कुरुते ।
Sentence: 9 इ॒ह मन॒ इत्या॑ह
Sentence: 10 प्र॒जा ए॒वास्मै॒ सम॑नसः करोति ।
Sentence: 11 उप॒ प्रेत॑ मरुतः ॥
Verse: 3
Sentence: 1 सु॑दानव ए॒ना वि॒श्पति॑ना॒भ्य॒मुं राजा॑न॒मित्या॑ह
Sentence: 2 मारु॒ती वै विड्^विश्
Sentence: 3 ज्ये॒ष्ठो वि॒श्पति॑स् ।
Sentence: 4 विशैवैनं रा॒ष्ट्रेन॒ सम॑र्धयति
Sentence: 5 यः प॒रस्ता॑द्ग्राम्यवा॒दी स्यात्तस्य॑ गृ॒हाद्व्री॒हीना ह॑रेत् ।
Sentence: 6 शु॒क्लांश्च॑ कृ॒ष्णांश्च॒ वि चि॑नुयात् ।
Sentence: 7 ये शु॒ल्काः स्युस्तमा॑दि॒त्यं च॒रुं निर्व॑पेत् ।
Sentence: 8 आ॑दि॒त्या वै॑ देव॒तया विड्^विश्
Sentence: 9 विश॑मे॒वाव॑ गछति ॥
Verse: 4
Sentence: 1 अव॑गतास्य॒ विडन॑वगतं रा॒ष्ट्रमित्या॑हुस् ।
Sentence: 2 ये कृ॒ष्णाः स्युस्तम्वा॑रु॒णं च॒रुं निर्व॑पेत् ।
Sentence: 3 वा॑रु॒णं वै॑ रा॒ष्ट्रम्
Sentence: 4 उ॒भे ए॒व विशं॑ च रा॒ष्ट्रं चाव॑ गछति
Sentence: 5 यदि॒ नाव॒गछे॑दि॒मम॒हमा॑दि॒त्येभ्यो॑ भा॒गं निर्व॑पा॒म्यामुष्मा॑द॒मुष्यै॑ वि॒शो ऽव॑गन्तो॒र�ति॒ निर्व॑पेत् ।
Sentence: 6 आ॑दि॒त्या एवैनम्भाग॒धेय॑म्प्रे॒प्सन्तो॒ विश॒मव॑ ॥
Verse: 5
Sentence: 1 ग॑मयन्ति
Sentence: 2 यदि॒ नाव॒गछे॒दाश्व॑त्थान्म॒यूखा॑न्त्स॒प्त म॑ध्यमे॒षाया॒मुप॑ हन्यात् ।
Sentence: 3 इ॒दम॒हमा॑दि॒त्यान्ब॑ध्ना॒म्यामुष्मा॑द॒मुष्यै॑ वि॒शो ऽव॑गन्तो॒रिति॑ ।
Sentence: 4 आ॑दि॒त्या एवैनम्ब॒द्धवी॑रा॒ विश॒मव॑ गमयन्ति
Sentence: 5 यदि॒ नाव॒गछे॑दे॒तमे॒वादि॒त्यं च॒रुं निर्व॑पेत् ।
Sentence: 6 इ॒ध्मे ऽपि॑ म॒यूखा॒न्त्सं न॑ह्येत् ।
Sentence: 7 अ॑नपरु॒ध्यमे॒वाव॑ गछति ।
Sentence: 8 आश्व॑त्था भवन्ति
Sentence: 9 म॒रुतां॒ वा ए॒तदोजो॒ यद॑श्व॒त्थस् ।
Sentence: 10 ओज॑सै॒व विश॒मव॑ गछति
Sentence: 11 स॒प्त भ॑वन्ति
Sentence: 12 स॒प्तग॑णा वै म॒रुत॑स् ।
Sentence: 13 ग॑ण॒श ए॒व विश॒मव॑ गछति ॥
Paragraph: 2
Verse: 1
Sentence: 1 दे॒वा वै॑ मृ॒त्योर॑बिभयुस्
Sentence: 2 ते प्र॒जाप॑ति॒मुपा॑धावन्
Sentence: 3 तेभ्य॑ ए॒ताम्प्रा॑जाप॒त्यां श॒तकृ॑ष्णलां॒ निर॑वपत्
Sentence: 4 तयैवैष्व॒मृत॑मदधात् ।
Sentence: 5 यो मृ॒त्योर्बि॑भी॒यात्तस्मा॑ ए॒ताम्प्रा॑जाप॒त्यां श॒तकृ॑ष्णलां॒ निर्व॑पेत्
Sentence: 6 प्र॒जाप॑तिमे॒व स्वेन॑ भाग॒धेये॒नोप॑ धावति
Sentence: 7 स ए॒वास्मि॒न्नायु॑र्दधाति
Sentence: 8 सर्व॒मायु॑रेति
Sentence: 9 श॒तकृ॑ष्णला भवति
Sentence: 10 श॒तायुः॒ पुरु॑षः श॒तेन्द्रि॑यस् ।
Sentence: 11 आयु॑ष्ये॒वेन्द्रि॒ये ॥
Verse: 2
Sentence: 1 प्रति॑ तिष्ठति
Sentence: 2 घृ॒ते भ॑वति ।
Sentence: 3 आयुर्वै घृ॒तम्
Sentence: 4 अ॒मृतं॒ हिर॑ण्यम्
Sentence: 5 आयु॑श्चै॒वास्मा॑ अ॒मृतं॑ च स॒मीची॑ दधाति
Sentence: 6 च॒त्वारि॑चत्वारि कृ॒ष्णला॒न्यव॑ द्यति चतुरव॒त्तस्याप्त्यै॑ ।
Sentence: 7 ए॑क॒धा ब्र॒ह्मण॒ उप॑ हरति ।
Sentence: 8 ए॑कधै॒व यज॑मान॒ आयु॑र्दधाति ।
Sentence: 9 अ॒सावा॑दि॒त्यो न व्य॑रोचत
Sentence: 10 तस्मै॑ दे॒वाः प्राय॑श्चित्तिऐछन्
Sentence: 11 तस्मा॑ ए॒तं सौ॒र्यं च॒रुं निर॑वपन्
Sentence: 12 तेनै॒वास्मै॑न् ॥
Verse: 3
Sentence: 1 रुच॑मदधुस् ।
Sentence: 2 यो ब्र॑ह्मवर्च॒सका॑मः॒ स्यात्तस्मा॑ ए॒तं सौ॒र्यं च॒रुं निर्व॑पेत् ।
Sentence: 3 अ॒मुमे॒वादि॒यं स्वेन॑ भाग॒धेये॒नोप॑ धावति
Sentence: 4 स ए॒वास्मि॑न्ब्रह्मवर्च॒सं द॑धाति
Sentence: 5 ब्रह्मवर्च॒स्ये॒व भ॑वति ।
Sentence: 6 उ॑भ॒यतो॑ रुक्मौ भवतस् ।
Sentence: 7 उ॑भ॒यत॑ ए॒वास्मि॒न्रुचं॑ दधाति
Sentence: 8 प्रया॒जेप्र॑याजे कृ॒ष्णलं॑ जुहोति
Sentence: 9 दि॒ग्भ्य ए॒वास्मै॑ ब्रह्मवर्च॒समव॑ रुन्द्धे ।
Sentence: 10 आ॑ग्ने॒यम॒ष्टाक॑पालं॒ निर्व॑पेत्सावि॒त्रं द्वाद॑शकपाल॒म्भूम्यै॑ ॥
Verse: 4
Sentence: 1 च॒रुं यः का॒मये॑त
Sentence: 2 हिर॑ण्यं विन्देय॒ हिर्ण्य॒म्मोप॑ नमे॒दिति
Sentence: 3 यदा॑ग्ने॒यो भव॑त्याग्ने॒यं वै॒ हिर॑ण्यं॒ यस्यै॒व हिर॑ण्यं॒ तेनैवैनद्विन्दते
Sentence: 4 सावि॒त्रो भ॑वति सवि॒तृप्र॑सूत एवैनद्विन्दते
Sentence: 5 भूम्यै॑ च॒रुर्भ॑वत्य॒स्यामेवैनद्विन्दते ।
Sentence: 6 उपै॑नं॒ हिर॑ण्यं नमति
Sentence: 7 वि वा ए॒ष इ॑न्द्रि॒येण॑ वी॒र्ये॑णर्ध्यते॒ यो हिर॑ण्यं वि॒न्दते॑ ।
Sentence: 8 ए॒ताम् ॥
Verse: 5
Sentence: 1 ए॒व निर्व॑पे॒द्धिर॑ण्यं वि॒त्त्वा
Sentence: 2 नेन्द्रि॒येण॑ वी॒र्ये॑ण॒ व्यृ॑ध्यते ।
Sentence: 3 ए॒तामे॒व निर्व॑पे॒द्यस्य॒ हिर्ण॑यं॒ नश्ये॑त् ।
Sentence: 4 यदा॑ग्ने॒यो भव॑त्याग्ने॒यं वै॒ हिर॑ण्यं॒ यस्यै॒व हिर॑ण्यं॒ तेनैवैनद्विन्दति
Sentence: 5 सावि॒त्रो भ॑वति सवि॒तृप्र॑सूत एवैनद्विन्दति
Sentence: 6 भूम्यै॑ च॒रुर्भ॑वत्य॒स्यां वा ए॒तन्न॑श्यति॒ यन्नश्य॑त्य॒स्यामेवैनद्विन्दति ।
Sentence: 7 इन्द्रः॑ ॥
Verse: 6
Sentence: 1 त्वष्टुः॒ सोम॑मभी॒षहा॑पिबत्
Sentence: 2 स विष्व॒ङ्व्या॑र्छत्
Sentence: 3 स इ॑न्द्रि॒येण॑ सोमपी॒थेन॒ व्या॑र्ध्यत
Sentence: 4 स यदू॒र्ध्वमु॒दव॑मी॒त्ते श्या॒माका॑ अभवन् ।
Sentence: 5 स प्र॒जाप॑ति॒मुपा॑धावत्
Sentence: 6 तस्मा॑ ए॒तं सो॑मे॒न्द्रं श्या॑मा॒कं च॒रुम्निर॑वप॒त्तेनै॒वास्मि॑न्निन्द्रि॒यं सो॑मपी॒थम॑द�त् ।
Sentence: 7 वि वा ए॒ष इ॑न्द्रि॒येण॑ सोमपी॒थेन॑र्ध्यते॒ यः सोमं॒ वमि॑ति
Sentence: 8 यः सो॑मवा॒मी स्यात्तस्मै॑ ॥
Verse: 7
Sentence: 1 ए॒तं सो॑मे॒न्द्रं श्या॑मा॒कं च॒रुं निर्व॑पेत्
Sentence: 2 सोमं॑ चै॒वेन्द्रं॑ च॒ स्वेन॑ भाग॒धेये॒नोप॑ धावति
Sentence: 3 तावे॒वास्मि॑न्निन्द्रि॒यं सो॑मपी॒थं ध॑त्तस् ।
Sentence: 4 नेन्द्रि॒येण॑ सोमपी॒थेन॒ व्यृ॑ध्यते
Sentence: 5 यत्सौ॒म्यो भव॑ति सोमपी॒थमे॒वाव॑ रुन्द्धे
Sentence: 6 यऐ॒न्द्रो भव॑तीन्द्रि॒यं वै॑ सोमपी॒थ इ॑न्द्रि॒यमे॒व सो॑मपी॒थमव॑ रुन्द्धे
Sentence: 7 श्यामा॒को भ॑वति ।
Sentence: 8 ए॒ष वाव स सोमः॑ ॥
Verse: 8
Sentence: 1 सा॒क्षादे॒व सो॑मपी॒थमव॑ रुन्द्धे ।
Sentence: 2 अ॒ग्नये॑ दा॒त्रे पु॑रो॒डाश॑म॒ष्टाक॑पालं॒ निर्व॑पे॒दिन्द्रा॑य प्रदा॒त्रे पु॑रो॒डाश॒मेका॑द�स् ।
Sentence: 3 अ॒ग्निरे॒वास्मै॑ प॒शून्प्र॑ज॒नय॑ति वृ॒द्धानिन्द्रः॒ प्र य॑छति
Sentence: 4 दधि॒ मधु॑ घृ॒तमापो॑ धा॒ना भ॑वन्ति ।
Sentence: 5 ए॒तद्वै॑ पशू॒नां रू॒पम् ।
Sentence: 6 रू॒पेणै॒व प॒शूनव॑ रुन्द्धे
Sentence: 7 पञ्चगृही॒तम्भ॑वति
Sentence: 8 पा॒ङ्क्ता हि प॒शव॑स् ।
Sentence: 9 ब॑हुरू॒पम्भ॑वति
Sentence: 10 बहुरू॒पा हि प॒शवः॑ ॥
Verse: 9
Sentence: 1 समृ॑द्ध्यै
Sentence: 2 प्राजाप॒त्यम्भ॑वति
Sentence: 3 प्राजाप॒त्या वै॑ प॒शवः
Sentence: 4 प्र॒जाप॑तिरे॒वास्मै॑ प॒शून्प्र ज॑नयति ।
Sentence: 5 आ॒त्मा वै॒ पुरु॑षस्य॒ मधु
Sentence: 6 यन्मध्वग्नौ जु॒होत्या॒त्मान॑मे॒व तद्यज॑मानो ऽग्नौ॒ प्र द॑धाति
Sentence: 7 पङ्क्त्यौ याज्यानुवा॒क्ये॑ भवतः
Sentence: 8 पाङ्क्तः॒ पुरु॑षः॒ पाङ्क्ताः॑ प॒शव॑स् ।
Sentence: 9 आ॒त्मान॑मे॒व मृ॒त्योर्नि॒ष्क्रीय॑ प॒शूनव॑ रुन्द्धे ॥
Paragraph: 3
Verse: 1
Sentence: 1 दे॒वा वै॑ स॒त्त्रमा॑स॒तर्द्धि॑परिमितं॒ यश॑स्कामस्
Sentence: 2 तेषां॒ सोमं॒ राजा॑नं॒ यश॑ आर्छत्
Sentence: 3 स गि॒रिमुऐ॑त्
Sentence: 4 तम॒ग्निरनूऐ॑त्
Sentence: 5 ताव॒ग्नीशोमौ॒ सम॑भवताम् ।
Sentence: 6 ताविन्द्रो॑ य॒ज्ञवि॑भ्र॒ष्ठो ऽनु॒ परै॑त्
Sentence: 7 ताव॑ब्रवीत् ।
Sentence: 8 या॒जय॑त॒म्मेति
Sentence: 9 तस्मा॑ ए॒तामिष्टिं॒ निर॑वपताम्
Sentence: 10 आग्ने॒यम॒ष्टाक॑पालऐ॒न्द्रमेका॑दशकपालं सौ॒म्यं च॒रुम् ।
Sentence: 11 तयै॒वास्मि॒न्तेजः॑ ॥
Verse: 2
Sentence: 1 इ॑न्द्रि॒यम्ब्र॑ह्मवर्च॒सम॑धत्त्ताम् ।
Sentence: 2 यो य॒ज्ञवि॑भ्रष्टः॒ स्यात्तस्मा॑ ए॒तामिष्टिं॒ निर्व॑पेत् ।
Sentence: 3 आ॑ग्ने॒यम॒ष्टाक॑पालऐ॒न्द्रमेका॑दशकपालं सौ॒म्यं च॒रुम् ।
Sentence: 4 यदा॑ग्ने॒यो भव॑ति॒ तेज॑ ए॒वास्मि॒न्तेन॑ दधाति
Sentence: 5 यऐ॒न्द्रो भव॑तीन्द्रि॒यमे॒वास्मि॒न्तेन॑ दधाति
Sentence: 6 यत्सौ॒म्यो ब्र॑ह्मवर्च॒सं तेन॑ ।
Sentence: 7 आ॑ग्ने॒यस्य॑ च सौ॒म्यस्य॑ चै॒न्द्रे स॑माश्लेषयेत्
Sentence: 8 तेज॑श्चै॒वास्मि॑न्ब्रह्मवर्च॒सं च॑ स॒मीची॑ ॥
Verse: 3
Sentence: 1 द॑धाति ।
Sentence: 2 अ॑ग्नीषो॒मीय॒मेका॑दशकपालं॒ निर्व॑पे॒द्यं कामो॒ नोप॒नमे॑त् ।
Sentence: 3 आ॑ग्ने॒यो वै॑ ब्राह्म॒णः
Sentence: 4 स सोम॑म्पिबति
Sentence: 5 स्वामे॒व दे॒वतां॒ स्वेन॑ भाग॒धेये॒नोप॑ धावति
Sentence: 6 सैवैनं॒ कामे॑न॒ सम॑र्धयति ।
Sentence: 7 उपै॑नं॒ कामो॑ नमति ।
Sentence: 8 अ॒ग्नीषो॒मीय॑म॒ष्टाक॑पालं॒ निर्व॑पेद्ब्रह्मवर्च॒सका॑मस् ।
Sentence: 9 अ॒ग्नीषोमा॑वे॒व स्वेन॑ भाग॒धेये॒नोप॑ धावति
Sentence: 10 तावे॒वास्मि॑न्ब्रह्मवर्च॒सं ध॑त्तस् ।
Sentence: 11 ब्र॑ह्मवर्च॒स्ये॒व ॥
Verse: 4
Sentence: 1 भ॑वति
Sentence: 2 यद॒ष्टाक॑पाल॒स्तेना॑ग्नेयश् ।
Sentence: 3 यच्छ्या॑मा॒कस्तेन॑ सौ॒म्यः
Sentence: 4 समृ॑द्ध्यै
Sentence: 5 सोमा॑य वा॒जिने॑ श्यामा॒कं च॒रुं निर्व॑पे॒द्यः क्लै॑व्याद्बिभी॒यात् ।
Sentence: 6 रेतो॒ हि वा ए॒तस्मा॒द्वाजि॑नमप॒क्राम॒त्यथै॒ष क्लै॑ब्याद्बिभाय
Sentence: 7 सोम॑मे॒व वा॒जिनं॒ स्वेन॑ भाग॒धेये॒नोप॑ धावति
Sentence: 8 स ए॒वास्मि॒न्रेतो॒ वाजि॑नं दधाति
Sentence: 9 न क्ली॒बो भ॑वति
Sentence: 10 ब्राह्मणस्प॒त्यमेका॑दशकपालं॒ निर्व॑पे॒द्ग्राम॑कामः ॥
Verse: 5
Sentence: 1 ब्रह्म॑ण॒स्पति॑मे॒व स्वेन॑ भाग॒धेये॒नोप॑ धावति
Sentence: 2 स ए॒वास्मै॑ सजा॒तान्प्र य॑छति
Sentence: 3 ग्रा॒म्ये॒व भ॑वति
Sentence: 4 ग॒णव॑ती याजयानुवा॒क्ये॑ भवतः
Sentence: 5 सजातैरेवैनं ग॒णव॑न्तं करोति ।
Sentence: 6 ए॒तामे॒व निर्व॑पे॒द्यः का॒मये॑त
Sentence: 7 ब्रह्म॒न्विशं॒ वि ना॑शयेय॒मिति
Sentence: 8 मारु॒ती या॑ज्यानुवा॒क्ये॑ कुर्यात् ।
Sentence: 9 ब्रह्म॑न्ने॒व विशं॒ वि ना॑शयति ॥
Paragraph: 4
Verse: 1
Sentence: 1 अ॑र्य॒म्णे च॒रुं निर्व॑पेत्सुव॒र्गका॑मस् ।
Sentence: 2 असौ॒ वा आ॑दि॒त्यो॑ ऽर्य॒मा ।
Sentence: 3 अ॑र्य॒मण॑मे॒व स्वेन॑ भाग॒धेये॒नोप॑ धावति
Sentence: 4 स एवैनं सुव॒र्गं लो॒कं ग॑मयति ।
Sentence: 5 अ॑र्य॒म्णे च॒रुं निर्व॑पे॒द्यः का॒मये॑त
Sentence: 6 दान॑कमा मे प्र॒जाः स्यु॒रिति॑ ।
Sentence: 7 असौ॒ वा आ॑दि॒त्यो॑ ऽर्य॒मा
Sentence: 8 यः खलु वै॒ ददा॑ति॒ सो॑ ऽर्य॒मा ।
Sentence: 9 अ॑र्य॒मण॑मे॒व स्वेन॑ भाग॒धेये॒नोप॑ धावति
Sentence: 10 स ए॒व ॥
Verse: 2
Sentence: 1 अ॑स्मै॒ दान॑कामाः प्र॒जाः क॑रोति
Sentence: 2 दान॑कामा अस्मै प्र॒जा भ॑वन्ति ।
Sentence: 3 अ॑र्य॒म्णे च॒रुं निर्व॑पे॒द्यः का॒मये॑त
Sentence: 4 स्व॒स्ति ज॒नता॑मिया॒मिति॑ ।
Sentence: 5 असौ॒ वा आ॑दि॒त्यो॑ ऽर्य॒मा ।
Sentence: 6 अ॑र्य॒मण॑मे॒व स्वेन॑ भाग॒धेये॒नोप॑ धावति
Sentence: 7 स एवैनं॒ तद्ग॑मयति॒ यत्र॒ जिग॑मिषति ।
Sentence: 8 इन्द्रो वै दे॒वाना॑मानुजाव॒र आ॑सीत्
Sentence: 9 स प्र॒जाप॑ति॒मुपा॑धावत्
Sentence: 10 तस्मा॑ ए॒तऐ॒न्द्रमा॑नुषू॒कमेका॑दशकपालं॒ निः ॥
Verse: 3
Sentence: 1 अ॑वप॒त्तेनैवैन॒मग्रं॑ दे॒वता॑ना॒म्पर्य॑णयत् ।
Sentence: 2 बु॒ध्नव॑ती॒ अग्र॑वती याज्यानुवा॒क्ये॑ अकरोद्बु॒ध्नादेवैन॒मग्र॒म्पर्य॑णयत् ।
Sentence: 3 यो रा॑ज॒न्य॑ आनुजाव॒रः स्यात्तस्मा॑ ए॒तऐ॒न्द्रमा॑नुषू॒कमेका॑दशकपालं॒ निर्व॑पेत् ।
Sentence: 4 इन्द्र॑मे॒व स्वेन॑ भाग॒धेये॒नोप॑ धावति॒ स एवैन॒मग्रं॑ समा॒नाना॒म्परि॑ णयति
Sentence: 5 बु॒ध्नव॑ती॒ अग्र॑वती याज्यानुवा॒क्ये॑ भवतो बु॒ध्नादेवैन॒मग्र॑म् ॥
Verse: 4
Sentence: 1 परि॑ णयति ।
Sentence: 2 आ॑नुषू॒को भ॑वत्ये॒षा ह्ये॒तस्य॑ दे॒वता॒ य आ॑नुजाव॒रः
Sentence: 3 समृ॑द्ध्यै
Sentence: 4 यो ब्रा॑ह्म॒ण आ॑नुजाव॒रः स्यात्तस्मा॑ ए॒तम्बा॑र्हस्प॒त्यमा॑नुषू॒कं च॒रुं निर्व॑पेत् ।
Sentence: 5 बृह॒स्पति॑मे॒व स्वेन॑ भाग॒धेये॒नोप॑ धावति॒ स एवैन॒मग्रं॑ समा॒नाना॒म्परि॑ णयति
Sentence: 6 बु॒ध्नव॑ती॒ अग्र॑वती याज्यानुवा॒क्ये॑ भवतो बु॒ध्नादेवैन॒मग्र॒म्परि॑ णयति ।
Sentence: 7 आ॑नुषू॒को भ॑वत्ये॒षा ह्ये॒तस्य॑ दे॒वता॒ य आ॑नुजाव॒रः
Sentence: 8 समृ॑द्ध्यै ॥
Paragraph: 5
Verse: 1
Sentence: 1 प्र॒जाप॑ते॒स्त्रय॑स्त्रिंशद्दुहि॒तर॑ आसन्
Sentence: 2 ताः सोमा॑य॒ राज्ञे॑ ऽददात्
Sentence: 3 तासां॑ रोहि॒णीमुपै॑त्
Sentence: 4 ता ईर्ष्य॑न्तीः॒ पुन॑रगछन्
Sentence: 5 ता अन्ऐ॑त्
Sentence: 6 ताः पुन॑रयाचत
Sentence: 7 ता अ॑स्मै॒ न पुन॑रददात्
Sentence: 8 सो॑ ऽब्रवीत् ।
Sentence: 9 ऋ॒तम॑मीष्व॒ यथा॑ समाव॒च्छ उ॑पै॒ष्याम्यथ॑ ते॒ पुन॑र्दास्या॒मीति
Sentence: 10 स ऋ॒तमा॑मीत्
Sentence: 11 ता अ॑स्मै॒ पुन॑रददात्
Sentence: 12 तासां॑ रोहि॒णीमे॒वोप॑ ॥
Verse: 2
Sentence: 1 अै॑त्
Sentence: 2 तं यक्ष्म॑ आर्छत् ।
Sentence: 3 राजा॑नं॒ यक्ष्म॑ आर॒दिति॒ तद्रा॑जय॒क्ष्मस्य॒ जन्म॒ यत्पापी॑यानभव॒त्तत्पा॑पय॒क्ष्मस्य॒ यज्जा॒याभ्यो ऽवि॑न्द॒त्तज्जा॒येन्य॑स्य
Sentence: 4 य ए॒वमे॒तेषां॒ यक्ष्मा॑णां॒ जन्म॒ वेद नैनमे॒ते यक्ष्मा॑ विन्दन्ति
Sentence: 5 स ए॒ता ए॒व न॑म॒स्यन्नुपा॑धावत्
Sentence: 6 ता अ॑ब्रुवन्
Sentence: 7 वरं॑ वृणामहै समाव॒च्छ ए॒व न॒ उपा॑य॒ इति
Sentence: 8 तस्मा॑ ए॒तम् ॥
Verse: 3
Sentence: 1 आ॑दि॒त्यं च॒रुं निर॑वपन्
Sentence: 2 तेनैवैनम्पा॒पात्स्रामा॑दमुञ्चन्
Sentence: 3 यः पा॑पय॒क्ष्मगृ॑हीतः॒ स्यात्तस्मा॑ ए॒तमा॑दि॒त्यं च॒रुं निर्व॑पेत् ।
Sentence: 4 अ॒मुमेवैनमा॒प्याय॑मान॒मन्वा प्या॑ययति
Sentence: 5 नवो॑नवो भवति॒ जाय॑मान॒ इति॑ पुरोऽनुवा॒क्या॑ भव॒त्यायु॑रे॒वास्मि॒न्तया॑ दधाति
Sentence: 6 यमा॑दि॒त्या अं॒शुमा॑प्या॒यय॒न्तीति॑ याज्यैवैनमे॒तया॑ प्याययति ॥
Paragraph: 6
Verse: 1
Sentence: 1 प्र॒जाप॑तिर्दे॒वेभ्यो॒ ऽन्नाद्यं॒ व्यादि॑शत्
Sentence: 2 सो॑ ऽब्रवीत् ।
Sentence: 3 यदि॒माँ लो॒कान॒भ्य॑ति॒रिच्या॑त ।
Sentence: 4 ए॒तन्ममा॑स॒दिति
Sentence: 5 तदि॒माँ लो॒कान॒भ्यत्य॑रिच्य॒तेन्द्रं॒ राजा॑न॒मिन्द्र॑मभिरा॒जमिन्द्रं॑ स्व॒राजा॑नम् ।
Sentence: 6 ततो वै॒ स इ॒माँ लो॒कांस्त्रे॒धादु॑हत्
Sentence: 7 तत्त्रि॒धातो॑स्त्रिधातु॒त्वम् ।
Sentence: 8 यं का॒मये॑त ।
Sentence: 9 अ॑न्ना॒दः स्या॒दिति॒ तस्मा॑ ए॒तं त्रि॒धातुं॒ निर्व॑पे॒दिन्द्रा॑य॒ राज्ञे॑ पुरो॒डाश॑म् ॥
Verse: 2
Sentence: 1 एका॑दशकपाल॒मिन्द्रा॑याधिरा॒जायेन्द्रा॑य स्व॒राज्ञे॑ ।
Sentence: 2 अ॒यं वा इन्द्रो॒ राजा॒यमिन्द्रो॑ ऽधिरा॒जो॒ ऽसाविन्द्रः स्वराड्^स्व॒राज्
Sentence: 3 इ॒माने॒व लो॒कान्त्स्वेन॑ भाग॒धेये॒नोप॑ धावति
Sentence: 4 त ए॒वास्मा॒ अन्न॒म्प्र य॑छन्ति ।
Sentence: 5 अ॑न्ना॒द ए॒व भ॑वति
Sentence: 6 यथा॑ व॒त्सेन॒ प्रत्तां॒ गां दु॒ह ए॒वं ए॒वेमाँ लो॒कान्प्रत्ता॒न्काम॑मन्ना॒द्यं दु॑हे ।
Sentence: 7 उ॑त्ता॒नेषु॑ क॒पाले॒ष्वधि॑ श्रयति ।
Sentence: 8 अया॑तयामत्वाय
Sentence: 9 त्रयः॑ पुरो॒डाशा॑ भवन्ति
Sentence: 10 त्रय॑ इ॒मे लो॒कास् ।
Sentence: 11 ए॒षां लो॒काना॒माप्त्यै॑ ।
Sentence: 12 उत्त॑रौत्तरो॒ ज्याया॑न्भवति ।
Sentence: 13 ए॒वमि॑व॒ हीमे लो॒काः
Sentence: 14 समृ॑द्ध्यै
Sentence: 15 सर्वे॑षामभिग॒मय॒न्नव॑ द्यति ।
Sentence: 16 अछ॑म्बट्कारम् ।
Sentence: 17 व्य॒त्यासं॒ अन्वा॑ह ।
Sentence: 18 अनि॑र्दाहाय ॥
Paragraph: 7
Verse: 1
Sentence: 1 दे॑वासु॒राः संय॑त्ता आसन्
Sentence: 2 तान्दे॒वानसु॑रा अजयन्
Sentence: 3 ते दे॒वाः प॑राजिग्या॒ना असु॑राणां वैश्य॒मुपा॑यन्
Sentence: 4 तेभ्य॑ इन्द्रि॒यं वी॒र्य॒मपा॑क्रामत्
Sentence: 5 तदिन्द्रो॑ ऽचायत्
Sentence: 6 तदन्वपा॑क्रामत्
Sentence: 7 तद॑व॒रुधं॒ नाश॑क्नोत्
Sentence: 8 तद॑स्मादभ्य॒र्धो॑ ऽचरत्
Sentence: 9 स प्र॒जाप॑ति॒मुपा॑धावत्
Sentence: 10 तमे॒तया॒ सर्व॑पृष्ठयायाजयत्
Sentence: 11 तयै॒वास्मि॑न्निन्द्रि॒यं वी॒र्य॑मदधात् ।
Sentence: 12 य इ॑न्द्रि॒यका॑मः ॥
Verse: 2
Sentence: 1 वी॒र्य॑कामः॒ स्यात्तमे॒तया॒ सर्व॑पृष्ठया याजयेत् ।
Sentence: 2 ए॒ता ए॒व दे॒वताः॒ स्वेन॑ भाग॒धेये॒नोप॑ धावति
Sentence: 3 ता ए॒वास्मि॑न्निन्द्रि॒यं वी॒र्यं॑ दधति
Sentence: 4 यदिन्द्रा॑य॒ राथं॑तराय नि॒र्वप॑ति॒ यदे॒वाग्नेस्तेज॒स्तदे॒वाव॑ रुन्द्धे
Sentence: 5 यदिन्द्रा॑य॒ बार्ह॑ताय॒ यदे॒वेन्द्र॑स्य॒ तेज॒स्तदे॒वाव॑ रुन्द्धे
Sentence: 6 यदिन्द्रा॑य वैरू॒पाय॒ यदे॒व स॑वि॒तुस्तेज॒स्तत् ॥
Verse: 3
Sentence: 1 ए॒वाव॑ रुन्द्धे
Sentence: 2 यदिन्द्रा॑य वैरा॒जाय॒ यदे॒व धा॒तुस्तेज॒स्तदे॒वाव॑ रुन्द्धे
Sentence: 3 यदिन्द्रा॑य शाक्व॒राय॒ यदे॒व म॒रुतां॒ तेज॒स्तदे॒वाव॑ रुन्द्धे
Sentence: 4 यदिन्द्रा॑य रैव॒ताय॒ यदे॒व बृह॒स्पते॒स्तेज॒स्तदे॒वाव॑ रुन्द्धे ।
Sentence: 5 उ॑त्ता॒नेषु॑ क॒पाले॒ष्वधि॑ श्रयति ।
Sentence: 6 अ॑यातयाम॒त्वाय
Sentence: 7 द्वाद॑शकपालः पुरो॒डाशः॑ ॥
Verse: 4
Sentence: 1 भ॑वति
Sentence: 2 वैश्वदेव॒त्वाय
Sentence: 3 सम॒न्तम्प॒र्यव॑द्यति
Sentence: 4 सम॒न्तमे॒वेन्द्रि॒यं वी॒र्यं॒ यज॑माने दधाति
Sentence: 5 व्य॒त्यास॒मन्वा॑ह ।
Sentence: 6 अनि॑र्दहाय ।
Sentence: 7 ए॒तयै॒व य॑जेताभिश॒स्यमा॑नस् ।
Sentence: 8 ए॒ताश्चेद्वा अ॑स्य दे॒वता॒ अन॑म॒दन्त्य॒दन्त्यु॑वे॒वास्य॑ मनु॒ष्याः॑ ॥
Paragraph: 8
Verse: 1
Sentence: 1 रज॑नो वै कौणे॒यः क्र॑तु॒जितं॒ जान॑किं चक्षु॒र्वन्य॑मयात्
Sentence: 2 तस्मा॑ ए॒तामिष्टिं॒ निर॑वपत् ।
Sentence: 3 अ॒ग्नये॒ भ्राज॑स्वते पुरो॒डाश॑म॒ष्टाक॑पालं सौ॒र्यं च॒रुम॒ग्नये॒ भ्राज॑स्वते पुरो॒डाश॑म॒ष्म् ।
Sentence: 4 तयै॒वास्मि॒ञ्चक्षु॑रदधात् ।
Sentence: 5 यश्चक्ष्का॑मः{F स्यात्{W स्यात्{GLOS स्यात् तस्मा॑ ए॒तामिष्टिं॒ निर्व॑पेत् ।
Sentence: 6 अ॒ग्नये॒ भ्राज॑स्वते पुरो॒डाश॑म॒ष्टाक॑पालं सौ॒र्यं च॒रुम॒ग्नये॒ भ्राज॑स्वते पुरो॒डाश॑म॒ष्
Sentence: 7 अ॒ग्नेर्वै॒ चक्षु॑षा मनु॒ष्या॒ वि ॥
Verse: 2
Sentence: 1 प॑श्यन्ति॒ सूर्य॑स्य दे॒वास् ।
Sentence: 2 अ॒ग्निं चै॒व सूर्यं॑ च॒ स्वेन॑ भाग॒धेये॒नोप॑ धावति
Sentence: 3 तावे॒वास्मि॒ञ्चक्षु॑र्धत्त॒श्चक्षु॑ष्माने॒व भ॑वति
Sentence: 4 यदा॑ग्नेयौ॒ भव॑त॒श्चक्षु॑षी ए॒वास्मि॒न्तत्प्रति॑ दधाति
Sentence: 5 यत्सौ॒र्यो नासि॑कां॒ तेन॑ ।
Sentence: 6 अ॒भितः॑ सौ॒र्यमा॑ग्नेयौ भवतस्
Sentence: 7 तस्मा॑द॒भितो॒ नासि॑कां॒ चक्षु॑षी
Sentence: 8 तस्मा॒न्नासि॑कया॒ चक्षु॑षी॒ विधृ॑ते
Sentence: 9 समा॒नी या॑ज्यानुवा॒क्ये॑ भवतः
Sentence: 10 समा॒नं हि चक्षुः॒ समृ॑द्ध्यै ।
Sentence: 11 उदु॒ त्यं जा॒तवे॑दसम् ।
Sentence: 12 स॒प्त त्वा॑ ह॒रितो॒ रथे
Sentence: 13 चि॒त्रं दे॒वाना॒मुद॑गा॒दनी॑क॒मिति॒ पिण्डा॒न्प्र य॑छति
Sentence: 14 चक्षु॑रे॒वास्मै॒ प्र य॑छति
Sentence: 15 यदे॒व तस्य॒ तत् ॥
Paragraph: 9
Verse: 1
Sentence: 1=a ध्रु॒वो॑ ऽसि ध्रु॒वो॒ ऽहं स॑जा॒तेषु॑ भूयासं॒ धीर॒श्चेत्ता॑ वसु॒विद्
Sentence: 2=a ध्रु॒वो॑ ऽसि ध्रु॒वो॒ ऽहं स॑जा॒तेषु॑ भूयासमु॒ग्रश्चेत्ता॑ वसु॒विद्
Sentence: 3=a ध्रु॒वो॑ ऽसि ध्रु॒वो॒ ऽहं स॑जा॒तेषु॑ भूयासमभि॒भूश्चेत्ता॑ वसु॒विद्
Sentence: 4=b आम॑नम॒स्याम॑नस्य देवा॒ ये स॑जा॒ताः कु॑मा॒राः सम॑नस॒स्तान॒हं का॑मये हृ॒दा ते मां का॑मयन्तां हृ॒दा तान्म॒ आम॑नसः कृधि॒ स्वाहा॑ ।
Sentence: 5=b आम॑नमसि ॥
Verse: 2
Sentence: 1 आम॑नस्य देवा॒ या स्त्रियः॒ सम॑नस॒स्ता अ॒हं का॑मये हृ॒दा ता मां का॑मयन्तां हृ॒दा ता म॒ आम॑नसः कृधि॒ स्वाहा
Sentence: 2 वैश्वदे॒वीं सां॑ग्रह॒णीं निर्व॑पे॒द्ग्राम॑कामस् ।
Sentence: 3 वै॑श्वदे॒वा वै॑ सजा॒तास् ।
Sentence: 4 विश्वा॑ने॒व दे॒वान्त्स्वेन॑ भाग॒धेये॒नोप॑ धावति
Sentence: 5 त ए॒वास्मै॑ सजा॒तान्प्र य॑छन्ति
Sentence: 6 ग्रा॒म्ये॒व भ॑वति
Sentence: 7 साङ्ग्रह॒णी भ॑वति
Sentence: 8 मनो॒ग्रह॑णं वै सं॒ग्रह॑णम्
Sentence: 9 मन॑ ए॒व स॑जा॒ताना॑म् ॥
Verse: 3
Sentence: 1 गृ॑ह्णाति
Sentence: 2 ध्रु॒वो॑ ऽसि ध्रु॒वो॒ ऽहं स॑जा॒तेषु॑ भूयास॒मिति॑ परि॒धीन्परि॑ दधाति ।
Sentence: 3 आ॒शिष॑मेवै॒तामा शा॑स्ते ।
Sentence: 4 अथो॑ ए॒तदे॒व सर्वं॑ सजा॒तेष्वधि॑ भवति॒ यस्यै॒वं वि॒दुष॑ ए॒ते प॑रि॒धयः॑ परिधी॒यन्ते॑ ।
Sentence: 5 आम॑नम॒स्याम॑नस्य देवा॒ इति॑ ति॒स्र आहु॑तीर्जुहोति ।
Sentence: 6 ए॒ताव॑न्तो वै सजा॒ता ये म॒हान्तो॒ ये क्षु॑ल्ल॒का या स्त्रियः
Sentence: 7 ताने॒वाव॑ रुन्द्धे
Sentence: 8 त ए॑न॒मव॑रुद्धा॒ उप॑ तिष्ठन्ते ॥
Paragraph: 10
Verse: 1
Sentence: 1=a यन्नवऐ॒त्तन्नव॑नीतमभव॒द्यदस॑र्प॒त्तत्स॒र्पिर॑भव॒द्यदध्रि॑यत॒ तद्घृ॒तम॑भवत् ।
Sentence: 2=b अ॒श्विनोः॑ प्रा॒णो॑ ऽसि॒ तस्य॑ ते दत्तां॒ ययोः॑ प्रा॒णो ऽसि॒ स्वाहेन्द्र॑स्य प्रा॒णो॑ ऽसि॒ तस्य॑ ते ददातु॒ यस्य॑ प्रा॒णो ऽसि॒ स्वाहा॑ मि॒त्रावरु॑णयोः प्रा॒णो॑ ऽसि॒ तस्य॑ ते दत्तां॒ यस्य॑ प्रा॒णो ऽसि॒ स्वाहा॒ विश्वे॑षां दे॒वाना॑म्प्रा॒णो॑ ऽसि ॥
Verse: 2
Sentence: 1 तस्य॑ ते ददतु॒ येषा॑म्प्रा॒णो ऽसि॒ स्वाहा
Sentence: 2=c घृ॒तस्य॒ धारा॑म॒मृत॑स्य॒ पन्था॒मिन्द्रे॑ण द॒त्ताम्प्रय॑ताम्म॒रुद्भिः॑ । तत्त्वा॒ विष्णुः॒ पर्य॑पश्य॒त्तत्त्वेडा॒ गव्ऐ॑रयत्
Sentence: 3=d पावमा॒नेन॑ त्वा॒ स्तोमे॑न गाय॒त्रस्य॑ वर्त॒न्योपां॒शोर्वी॒र्ये॑ण दे॒वस्त्वा॑ सवि॒तोत्सृ॑जतु जी॒वात॑वे जीवन॒स्यायै॑ बृहद्रथन्त॒रयो॑स्त्वा॒ स्तोमे॑न तृ॒ष्टुभो॑ वर्त॒न्या शु॒क्रस्य॑ वी॒र्ये॑ण दे॒वस्त्वा॑ सवि॒तोत् ॥
Verse: 3
Sentence: 1 सृ॑जतु जी॒वात॑वे जीवन॒स्याया॑ अ॒ग्नेस्त्वा॒ मात्र॑या॒ जग॑त्यै वर्त॒न्याग्र॑य॒णस्य॑ वी॒र्य�॑ण दे॒वस्त्वा॑ सवि॒तोत्सृ॑जतु जी॒वात॑वे जीवन॒स्यायै॑ ।
Sentence: 2=e इ॒मम॑ग्न॒ आयु॑षे॒ वर्च॑से कृधि प्रि॒यं रेतो॑ वरुण सोम राजन् । मा॒तेवा॑स्मा अदिते॒ शर्म॑ यछ॒ विश्वे॑ देवा॒ जर॑दष्टि॒र्यथास॑त् ॥
Sentence: 3=f अ॒ग्निरायु॑ष्मा॒न्त्स वन॒स्पति॑भि॒रायु॑ष्मा॒न्तेन॒ त्वायु॒षायु॑ष्मन्तं करोमि॒ सोम॒ आयु॑ष्मा॒न्त्स ओष॑धीभिर्य॒ज्ञ आयु॑ष्मा॒न्त्स दक्षि॑णाभि॒र्ब्रह्मायु॑ष्म॒त्तद्ब्रा॑ह्�॒वा आयु॑ष्मन्त॒स्ते॒ ऽमृते॑न पि॒तर॒ आयु॑ष्मन्त॒स्ते स्व॒धयायु॑ष्मन्त॒स्तेन॒ त्वायु॒षायु॑षन्तं करोमि ॥
Paragraph: 11
Verse: 1
Sentence: 1 अ॒ग्निं वा ए॒तस्य॒ शरी॑रं गछति॒ सोमं॒ रसो॒ वरु॑ण एनं वरुणपा॒शेन॑ गृह्णाति॒ सर॑स्वतीं॒ वाग॒ग्नष्णू॑ आ॒त्मा यस्य॒ ज्योगा॒मय॑ति । यो ज्योगा॑मयावी॒ स्याद्यो वा॑ का॒मये॑त
Sentence: 2 सर्व॒मायु॑रिया॒मिति॒ तस्मा॑ ए॒तामिष्टिं॒ निर्व॑पेद्
Sentence: 3 आग्ने॒यम॒ष्टाक॑पालं सौ॒म्यं च॒रुं वा॑रु॒णं दश॑कपालं सारस्व॒तं च॒रुमा॑ग्नावैष्ण॒वमेका॑दशकप
Sentence: 4 अ॒ग्नेरे॒वास्य॒ शरी॑रं निष्क्री॒णाति॒ सोमा॒द्रस॑म् ॥
Verse: 2
Sentence: 1 व॑रु॒णेनैवैनं वरुणपा॒शान्मु॑ञ्चति सारस्व॒तेन॒ वाचं॑ दधाति ।
Sentence: 2 अ॒ग्निः सर्वा॑ दे॒वता॒ विष्णु॑र्य॒ज्ञो दे॒वता॑भिश्चैवैनं य॒ज्ञेन॑ च भिषज्यत्यु॒त यदी॒तासु॒�॑ति॒ जीव॑त्ये॒व । यन्नवऐ॒त्तन्नव॑नीतमभव॒दित्याज्य॒मवे॑क्षते
Sentence: 3 रू॒पमे॒वास्यै॒तन्म॑हि॒मानं॒ व्याच॑ष्टे ।
Sentence: 4 अ॒श्विनोः॑ प्रा॒णो॒ ऽस्यीत्या॑हा॒श्विनौ वै दे॒वाना॑म् ॥
Verse: 3
Sentence: 1 भि॒षजौ॒ ताभ्या॑मे॒वास॑मि भेष॒जं क॑रोति ।
Sentence: 2 इन्द्र॑स्य प्रा॒णो॒ ऽसीत्या॑ह ।
Sentence: 3 इ॑न्द्रि॒यमे॒वास॑मिन्ने॒तेन॑ दधाति
Sentence: 4 मि॒त्रावरु॑णयोः प्रा॒णो॒ ऽसीत्या॑ह
Sentence: 5 प्राणापा॒नावे॒वास्मि॑न्ने॒तेन॑ दधाति
Sentence: 6 विश्वे॑षां दे॒वाना॑म्प्रा॒णो॒ ऽसीत्या॑ह वी॒र्य॑मे॒वास्मि॑न्ने॒तेन॑ दधाति
Sentence: 7 घृ॒तस्य॒ धारा॑म॒मृत॑स्य॒ पन्था॒मित्या॑ह
Sentence: 8 यथाय॒जुरेवै॒तत्
Sentence: 9 पावमा॒नेन॑ त्वा॒ स्तोमे॒नेति॑ ॥
Verse: 4
Sentence: 1 आ॑ह
Sentence: 2 प्रा॒णमे॒वास्मि॑न्ने॒तेन॑ दधाति
Sentence: 3 बृहद्रथन्त॒रयो॑स्त्वा॒ स्तोमे॒नेत्या॑ह ।
Sentence: 4 ओज॑ ए॒वास्मि॑न्ने॒तेन॑ दधात्य॒ग्नेस्त्वा॒ मात्र॒येत्या॑हा॒त्मान॑मे॒वास्मि॑न्ने॒तेन॑ दधाति ।
Sentence: 5 ऋ॒त्विजः॒ पर्या॑हु॒र्याव॑न्त ए॒वर्त्विज॒स्त ए॑नम्भिषज्यन्ति
Sentence: 6 ब्र॒ह्मणो॒ हस्त॑मन्वा॒रभ्य॒ पर्या॑हुरेकधै॒व यज॑मान॒ आयु॑र्दधति
Sentence: 7 यदे॒व तस्य॒ तत् ।
Sentence: 8 हिर॑ण्यात् ॥
Verse: 5
Sentence: 1 घृ॒तं निष्पि॑ब॒त्यायुर्वै घृ॒तम॒मृतं॒ हिर॑ण्यम॒मृता॑दे॒वायु॒र्निष्पि॑बति
Sentence: 2 श॒तमा॑नम्भवति श॒तायुः॒ पुरु॑षः श॒तेन्द्रि॑य॒ आयु॑ष्ये॒वेन्द्रि॒ये प्रति॑ तिष्ठति ।
Sentence: 3 अथो॒ खलु॒ याव॑तीः॒ समा॑ ए॒ष्यन्मन्ये॑त॒ ताव॑न्मानं स्या॒त्समृ॑द्ध्यै ।
Sentence: 4 इ॒मम॑ग्न॒ आयु॑षे॒ वर्च॑से कृ॒धीत्या॒हायु॑रे॒वास्मि॒न्वर्चो॑ दधाति । विश्वे॑ देवा॒ जर॑दष्टि॒र्यथास॒दित्या॑ह
Sentence: 5 जर॑दष्टिमेवैनं करोति ।
Sentence: 6 अ॒ग्निरायु॑ष्मा॒निति॒ हस्तं॑ गृह्णाति ।
Sentence: 7 ए॒ते वै॑ दे॒वा आयु॑ष्मन्त॒स्त ए॒वास्मि॒न्नायु॑र्दधति॒ सर्व॒मायु॑रेति ॥
Paragraph: 12
Verse: 1
Sentence: 1 प्र॒जाप॑ति॒र्वरु॑णा॒याश्व॑मनयत्
Sentence: 2 स स्वां दे॒व्वता॑मार्छत्
Sentence: 3 स पर्य॑दीर्यत
Sentence: 4 स ए॒तं वा॑रु॒णं चतु॑ष्कपालमपश्यत्
Sentence: 5 तं निर॑वपत्
Sentence: 6 ततो वै॒ स व॑रुणपा॒शाद॑मुच्यत
Sentence: 7 वरु॑णो॒ वा ए॒तं गृ॑ह्णाति॒ यो ऽश्व॑म्प्रतिगृ॒ह्णाति
Sentence: 8 याव॑तो ऽश्वान्प्रतिगृह्णी॒यात्ताव॑तो वारु॒णाञ्चतु॑ष्कपाला॒न्निर्व॑पेत् ।
Sentence: 9 वरु॑णमे॒व स्वेन॑ भाग॒धेये॒नोप॑ धावति
Sentence: 10 स एवैनं वरुणपा॒शान्मु॑ञ्चति ॥
Verse: 2
Sentence: 1 चतु॑ष्कपाला भवन्ति
Sentence: 2 चतु॑ष्पा॒द्ध्यश्वः
Sentence: 3 समृ॑द्ध्यै ।
Sentence: 4 एक॒मति॑रिक्तं॒ निर्व॑पे॒द्यमे॒व प्र॑तिगृ॒ही भव॑ति॒ यं वा॒ नाध्येति
Sentence: 5 तस्मा॑दे॒व व॑रुणपा॒शान्मु॑च्यते
Sentence: 6 यद्यप॑रम्प्रतिग्रा॒ही स्यात्सौ॒र्यमेक॑कपाल॒मनु॒ निर्व॑पेत् ।
Sentence: 7 अ॒मुमे॒वादि॒त्यमु॒च्चारं कु॑रुते ।
Sentence: 8 अ॒पो॑ ऽवभृ॒थमवै॑ति ।
Sentence: 9 अ॒प्सु वै॒ वरु॑णः
Sentence: 10 सा॒क्षादे॒व वरु॑ण॒मव॑ यजते ।
Sentence: 11 अ॑पोन॒प्त्रीयं॑ च॒रुम्पुन॒रेत्य॒ निर्व॑पेत् ।
Sentence: 12 अ॒प्सुयो॑नि॒र्वा अश्वः
Sentence: 13 स्वामेवैनं॒ योनिं॑ गमयति
Sentence: 14 स ए॑नं शा॒न्त उप॑ तिष्ठते ॥
Paragraph: 13
Verse: 1
Sentence: 1 या वा॑मिन्द्रावरुणा यत॒व्या॑ त॒नूस्तये॒ममंह॑सो मुञ्चतम् ।
Sentence: 2 या वा॑मिन्द्रावरुणा सह॒स्या॑ रक्ष॒स्या॑ तेज॒स्या॑ त॒नूस्तये॒ममंह॑सो मुञ्चतम् ।
Sentence: 3 यो वा॑मिन्द्रावरुणावग्नौ॒ स्राम॒स्तं वा॑मे॒तेनाव॑ यजे
Sentence: 4 यो वा॑मिन्द्रावरुणा द्वि॒पात्सु॑ प॒शुषु॒ चतु॑ष्पात्सु गो॒ष्ठे गृ॒हेष्व॒प्स्वोष॑धीषु॒ वन॒स्पति॑षु॒ स्राम॒स्तं वा॑मे॒तेनाव॑ यजे ।
Sentence: 5 इन्द्रो॒ वा ए॒तस्य॑ ॥
Verse: 2
Sentence: 1 इ॑न्द्रि॒येणप॑ क्रामति॒ वरु॑ण एनं वरुणपा॒शेन॑ गृह्णाति॒ यः पा॒प्मना॑ गृही॒तो भव॑ति
Sentence: 2 यः पा॒प्मना॑ गृही॒तः स्यात्तस्मा॑ ए॒ताऐ॑न्द्रावरु॒णीम्प॑य॒स्यां॒ निर्व॑पे॒दिन्द्र॑ ए॒वास्॒यं द॑धाति॒ वरु॑ण एनं वरुणपा॒शान्मु॑ञ्चति
Sentence: 3 पय॒स्या॑ भवति॒ पयो॒ हि वाए॒तस्मा॑दप॒क्राम॒त्यथै॒ष पा॒प्मना॑ गृही॒तो यत्प॑य॒स्या॒ भव॑ति॒ पय॑ ए॒वास्मि॒न्तया॑ दधाति
Sentence: 4 पय॒स्या॑याम् ॥
Verse: 3
Sentence: 1 पु॑रो॒डाश॒मव॑ दधात्यात्म॒न्वन्त॑मेवैनं करो॒त्यथो॑ आ॒यत॑नवन्तमे॒व
Sentence: 2 च॑तु॒र्धा व्यू॑हति दि॒क्ष्वे॒व प्रति॑ तिष्ठति
Sentence: 3 पुनः॒ समू॑हति दि॒ग्भ्य ए॒वास्मै॑ भेष॒जं क॑रोति
Sentence: 4 स॒मूह्याव॑ द्यति॒ यथावि॑द्धं निष्कृ॒न्तति॑ ता॒दृगे॒व तत् ।
Sentence: 5 यो वा॑मिन्द्रावरुणावग्नौ॒ स्राम॒स्तं वा॑मे॒तेना॑व यज इत्याह॒ दुरि॑ष्ट्या एवैनम्पाति
Sentence: 6 यो वा॑मिन्द्रावरुणा द्वि॒पात्सु॑ प॒शुषु॒ स्राम॒स्तं वा॑मे॒तेनाव॑ यज॒ इत्या॑है॒ताव॑ती॒र्वा आप॒ ओष॑धयो॒ वन॒स्पत॑यः प्र॒जाः प॒शव॑ उपजीव॒नीया॒स्ता ए॒वास्मै॑ वरुणपा॒शान्मु॑ञ्चति ॥
Paragraph: 14
Verse: 1
Sentence: 1=a स प्र॑त्न॒वत् ।
Sentence: 2=b नि काव्या॑ ।
Sentence: 3=c इन्द्रं॑ वो वि॒श्वत॒स्परि॑ ।
Sentence: 4=d इन्द्रं॒ नरः॑ ।
Sentence: 5=e त्वं नः॑ सोम वि॒श्वतो॒ रक्षा॑ राजन्नघाय॒तः । न रि॑ष्ये॒त्त्वाव॑तः॒ सकः॑ ॥
Sentence: 6=f या ते॒ धामा॑नि दि॒वि या पृ॑थि॒व्यां या पर्व॑ते॒ष्वोष॑धीष्व॒प्सु । तेभि॑र्नो॒ विश्वैः॑ सु॒मना॒ अहे॑ड॒न्राज॑न्त्सोम॒ प्रति॑ ह॒व्या गृ॑भाय ॥
Sentence: 7=g अग्नी॑षोमा॒ सवे॑दसा॒ सहू॑ती वनतं॒ गिरः॑ । सं दे॑व॒त्रा ब॑भूवथुः ॥
Sentence: 8=h यु॒वम् ॥
Verse: 2
Sentence: 1 ए॒तानि॑ दि॒वि रो॑च॒नान्य॒ग्निश्च॑ सोम॒ सक्र॑तू अधत्तम् । यु॒वं सिन्धूं॑र॒भिश॑स्तेरव॒द्यादग्नी॑ षोमावमुञ्चतं गृभी॒तान् ॥
Sentence: 2=i अग्नी॑षोमावि॒मं सु मे॑ शृणु॒तं वृ॑षणा॒ हव॑म् । प्रति॑ सू॒क्तानि॑ हर्यत॒म्भव॑तं दा॒शुषे॒ मयः॑ ॥
Sentence: 3=k आन्यं दि॒वो मा॑त॒रिश्वा॑ जभा॒राम॑थ्नाद॒न्यम्परि॑ श्ये॒नो अद्रेः॑ । अग्नी॑षोमा॒ ब्रह्म॑णा वावृधा॒नोरुं य॒ज्ञाय॑ चक्रथुरु लो॒कम् ॥
Sentence: 4=l अग्नी॑षोमा ह॒विषः॒ प्रस्थि॑तस्य वी॒तम् ॥
Verse: 3
Sentence: 1 हर्य॑तं वृषणा जु॒षेथा॑म् । सु॒शर्मा॑णा॒ स्वव॑सा॒ हि भू॒तमथा॑ धत्तं॒ यज॑मानाय॒ शं योः ॥
Sentence: 2=m आ प्या॑यस्व
Sentence: 3=n सं ते॑ ॥
Sentence: 4=o ग॒णानां॑ त्वा ग॒णप॑तिं हवामहे क॒विं क॑वी॒नामु॑प॒मश्र॑वस्तमम् । ज्ये॑ष्ठ॒राज॒म्ब्रह्म॑णाम्ब्रह्मणस्पत॒ आ नः॑ शृ॒ण्वन्नू॒तिभिः॑ सीद॒ साद॑नम् ॥
Sentence: 5=p स इज्जने॑न॒ स वि॒शा स स जन्म॑ना॒ स पुत्रै॒र्वाज॑म्भरते॒ धना॒ नृभिः॑ । दे॒वानां॒ यः पि॒तर॑मा॒विवा॑सति ॥
Verse: 4
Sentence: 1 श्र॒द्धाम॑ना ह॒विषा॒ ब्रह्म॑ण॒स्पति॑म् ॥
Sentence: 2=q स सु॒ष्टुभा॒ स ऋक्व॑ता ग॒णेन॑ व॒लं रु॑रोज पलि॒गं रवे॑ण । बृह॒स्पति॑रु॒सृया॑ हव्य॒सूदः॒ कनि॑क्रद॒द्वाव॑शती॒रुदा॑जत् ॥
Sentence: 3=r मरु॑तो॒ यद्ध॑ वो दि॒वस् ।
Sentence: 4=s या वः॒ शर्म॑ ॥
Sentence: 5=t अ॑र्य॒मा या॑ति वृष॒भस्तुवि॑ष्मान्दा॒ता वसू॑नाम्पुरुहू॒तो अर्ह॑न् । स॑हस्रा॒क्षो गो॑त्र॒भिद्वज्र॑बाहुर॒स्मासु॑ दे॒वो द्रवि॑णं दधातु ॥
Sentence: 6=u ये ते॑ ऽर्यमन्ब॒हवो॑ देव॒यानाः॒ पन्था॑नः ॥
Verse: 5
Sentence: 1 रा॑जन्दि॒व आ॒चर॑न्ति । तेभि॑र्नो देव॒ महि॒ शर्म॑ यछ॒ शं न॑ एधि द्वि॒पदे॒ शं चतु॑ष्पदे ॥
Sentence: 2=v बु॒ध्नादग्र॒मङ्गि॑रोभिर्गृणा॒नो वि पर्व॑तस्य दृंहि॒तान्ऐ॑रत् । रु॒जद्रोधां॑सि कृ॒त्रिमा॑ण्येषां॒ सोम॑स्य॒ ता मद॒ इन्द्र॑श्चकार ॥
Sentence: 3=w बु॒ध्नादग्रे॑ण॒ वि मि॑माय॒ मानै॒र्वज्रे॑ण॒ खान्य॑तृणन्न॒दीना॑म् । वृथा॑सृजत्प॒थिभि॑र्दीर्घयाथैः॒ सोम॑स्य॒ ता मद॒ इन्द्र॑श्चकार ॥
Verse: 6
Sentence: 1=x प्र यो ज॒ज्ञे वि॒द्वां अ॒स्य बन्धुं॒ विश्वा॑नि दे॒वो जनि॑मा विवक्ति । ब्रह्म॒ ब्रह्म॑ण॒ उज्ज॑भार॒ मध्य॑न्नी॒चादु॑च्चा स्व॒धया॒भि प्र त॑स्थौ ॥
Sentence: 2=y म॒हान्म॒ही अ॑स्तभाय॒द्वि जा॒तो द्यां सद्म॒ पार्थि॑वं च॒ रजः॑ । स बु॒ध्नादा॑ष्ट ज॒नुषा॒भ्यग्र॒म्बृह॒स्पति॑र्दे॒वता॒ यस्य॑ स॒म्राट् ॥
Sentence: 3=z बु॒ध्नाद्यो अग्र॑म॒भ्यर्त्योज॑सा॒ बृह॒स्पति॒मा वि॑वासन्ति दे॒वाः । भि॒नद्व॒लं वि पुरो॑ दर्दरीति॒ कनि॑क्रद॒त्सुव॑र॒पो ज॑गाय ॥
Chapter: 4
Paragraph: 1
Verse: 1
Sentence: 1 दे॒वा अ॑म्नु॒ष्याः॑ पि॒तर॒स्ते॒ ऽन्यत॑ आस॒न्नसु॑रा॒ रक्षां॑सि पिशा॒चास्ते॒ ऽन्यत॑स्
Sentence: 2 तेषां॑ दे॒वाना॑मु॒त यदल्पं॒ लोहि॑त॒मकु॑र्व॒न्तद्रक्षां॑सि॒ रात्री॑भिरसुभ्नन्
Sentence: 3 तान्त्सु॒ब्धान्मृ॒तान॒भि व्औ॑छत्
Sentence: 4 ते दे॒वा अ॑विदुस् ।
Sentence: 5 यो वै॑ नो॒ ऽयम्म्रि॒यते॒ रक्षां॑सि॒ वा इ॒मं घ्न॒न्तीति
Sentence: 6 ते रक्षां॒स्युपा॑मन्त्रयन्त॒ तान्य॑ब्रुवन्
Sentence: 7 वरं॑ वृणामहै॒ यत् ॥
Verse: 2
Sentence: 1 असु॑रा॒ञ्जया॑म॒ तन्नः॑ स॒हास॒दिति
Sentence: 2 ततो वै दे॒वा असु॑रानजयन्
Sentence: 3 ते ऽसु॑राञ्जि॒त्वा रक्षां॒स्यपा॑नुदन्त
Sentence: 4 तानि॒ रक्षां॑सि ।
Sentence: 5 अनृ॑तमक॒र्तेति॑ सम॒न्तं दे॒वान्पर्य॑विशन्
Sentence: 6 ते दे॒वा अ॒ग्नाव॑नाथन्त
Sentence: 7 ते॒ ऽग्नये॒ प्रव॑ते पुरो॒डाश॑म॒ष्टाक॑पालं निरवपन्न॒ग्नये॑ विबा॒धव॑ते॒ ऽग्नये॒ प्रती॑कवते
Sentence: 8 यद॒ग्नये॒ प्रव॑ते नि॒रव॑प॒न्यान्ये॒व पु॒रस्ता॒द्रक्षां॑सि ॥
Verse: 3
Sentence: 1 आस॒न्तानि॒ तेन॒ प्राणु॑दन्त
Sentence: 2 यद॒ग्नये॑ विबा॒धव॑ते॒ यान्ये॒वाभितो॒ रक्षां॒स्यास॒न्तानि॒ तेन॒ व्य॑बाधन्त
Sentence: 3 यद॒ग्नये॒ प्रती॑कवते॒ यान्ये॒व प॒श्चाद्रक्षां॒स्यास॒न्तानि॒ तेनापा॑नुदन्त
Sentence: 4 ततो॑ दे॒वा अभ॑व॒न्परासु॑रास् ।
Sentence: 5 यो भ्रातृ॑व्यवा॒न्त्स्यात्स स्पर्ध॑मान ए॒तयेष्ट्या॑ यजेत ।
Sentence: 6 अ॒ग्नये॒ प्रव॑ते पुरो॒डाश॑म॒ष्टाक॑पालं॒ निर्व॑पेद॒ग्नये॑ विबा॒धव॑ते ॥
Verse: 4
Sentence: 1 अ॒ग्नये॒ प्रती॑कवते
Sentence: 2 यद॒ग्नये॒ प्रव॑ते नि॒र्वप॑ति॒ य ए॒वास्मा॒च्छ्रेया॒न्भ्रातृ॑व्य॒स्तं तेन॒ प्र णु॑दते
Sentence: 3 यद॒ग्नये॑ विबा॒धव॑ते॒ य एवैनेन स॒दृङ्तं तेन॒ वि बा॑धते
Sentence: 4 यद॒ग्नये॒ प्रती॑कवते॒ य ए॒वास्मा॒त्पापी॑या॒न्तं तेनाप॑ नुदते
Sentence: 5 प्र श्रेयां॑स॒म्भ्रातृ॑व्यं नुद॒तेति॑ स॒दृशं॑ क्रामति नैन॒म्पापी॑यानाप्नोति॒ य ए॒वं वि॒द्वाने॒तयेष्ट्या॒ यज॑ते ॥
Paragraph: 2
Verse: 1
Sentence: 1 दे॑वासु॒राः संय॑त्ता आसन्
Sentence: 2 ते दे॒वा अ॑ब्रुवन्
Sentence: 3 यो नो॑ वी॒र्या॑वत्तम॒स्तमनु॑ स॒मार॑भामहा॒ इति
Sentence: 4 त इन्द्र॑मब्रुवन्
Sentence: 5 त्वं{F वै{W वै{GLOS वै नो वी॒र्या॑वत्तमो ऽसि॒ त्वामनु॑ स॒मार॑भामहा॒ इति
Sentence: 6 सो॑ ऽब्रवीत्
Sentence: 7 ति॒स्रो म॑ इ॒मास्त॒नुवो॑ वी॒र्या॑वती॒स्ताः प्री॑णी॒ताथासु॑रान॒भि भ॑विष्य॒थेति
Sentence: 8 ता वै॑ ब्रू॒हीत्य॑ब्रुवन्
Sentence: 9 इ॒यमं॑हो॒ मुगि॒यं वि॑मृ॒धेयमि॑न्द्रि॒याव॑ती ॥
Verse: 2
Sentence: 1 इत्य॑ब्रवीत्
Sentence: 2 त इन्द्रा॑यांहो॒मुचे॑ पुरो॒डाश॒मेका॑दशकपालं॒ निर॑वप॒न्निन्द्रा॑य वैमृ॒धायेन्द्रा॑येन्द्�
Sentence: 3 यदिन्द्रा॑यांहो॒मुचे॑ नि॒रव॑प॒न्नंह॑स ए॒व तेना॑मुच्यन्त
Sentence: 4 यदिन्द्रा॑य वैमृ॒धाय॒ मृध॑ ए॒व तेना॑पाघ्नत
Sentence: 5 यदिन्द्रा॑येन्द्रि॒याव॑त इन्द्रि॒यमे॒व तेना॒त्मन्न॑दधत
Sentence: 6 त्रय॑स्त्रिंशत्कपालम्पुरो॒डाशं॒ निर॑वपन्
Sentence: 7 त्रय॑स्त्रिंशद्वै दे॒वता॒स्ता इन्द्र॑ आ॒त्मन्ननु॑ स॒मार॑म्भयत॒ भूत्यै॑ ॥
Verse: 3
Sentence: 1 तां वाव दे॒वा विजि॑तिमुत्त॒मामसु॑रै॒र्व्य॑जयन्त
Sentence: 2 यो भ्रातृ॑व्यवा॒न्त्स्यात्स स्पर्ध॑मान ए॒तयेष्ट्या॑ यजे॒तेन्द्रा॑यांहो॒मुचे॑ पुरो॒डाश॒मे�लं॒ निर्व॑पे॒दिन्द्रा॑य वैमृ॒धायेन्द्रा॑येन्द्रि॒याव॑ते ।
Sentence: 3 अंह॑सा॒ वा ए॒ष गृ॑ही॒तो यस्मा॒च्छ्रेया॒न्भ्रातृ॑व्यस् ।
Sentence: 4 यदिन्द्रा॑यांहो॒मुचे॑ नि॒र्वप॒त्यंह॑स ए॒व तेन॑ मुच्यते
Sentence: 5 मृ॒धा वा ए॒षो॒ ऽभिष॑ण्णो॒ यस्मा॑त्समा॒नेष्व॒न्यः श्रेया॑नु॒त ॥
Verse: 4
Sentence: 1 अभ्रा॑तृव्यस् ।
Sentence: 2 यदिन्द्रा॑य वैमृ॒धाय॒ मृध॑ ए॒व तेनाप॑ हते
Sentence: 3 यदिन्द्रा॑येन्द्रि॒याव॑त इन्द्रि॒यमे॒व तेना॒त्मन्ध॑त्ते
Sentence: 4 त्रय॑स्त्रिंशत्कपालम्पुरो॒डाशं॒ निर्व॑पति
Sentence: 5 रय॑स्त्रिंशद्वै दे॒वता॑स्
Sentence: 6 ता ए॒व यज॑मान आ॒त्मन्ननु॑ स॒मार॑म्भयते॒ भूत्यै
Sentence: 7 सा वा ए॒षा विजि॑ति॒र्नामेष्टि॑स् ।
Sentence: 8 य ए॒वं वि॒द्वाने॒तयेष्ट्या॒ यज॑त उत्त॒मामे॒व विजि॑ति॒म्भ्रातृ॑व्येण॒ वि ज॑यते ॥
Paragraph: 3
Verse: 1
Sentence: 1 दे॑वासु॒राः संय॑त्ता आसन्
Sentence: 2 तेषां॑ गाय॒त्र्योजो॒ बल॑मिन्द्रि॒यं वी॒र्य॑म्प्र॒जाम्प॒शून्त्सं॒गृह्या॒दाया॑प॒क्रम्या॑त
Sentence: 3 ते॑ ऽमन्यन्त
Sentence: 4 यत॒रान्वा इ॒यं उ॑पाव॒र्त्स्यति॒ त इ॒दम्भ॑विष्य॒न्तीति
Sentence: 5 तां व्य॑ह्वयन्त॒ विश्व॑कर्म॒न्निति॑ दे॒वा दा॒भीत्यसु॑राः
Sentence: 6 सा नान्य॑त॒रांश्च॒नोपाव॑र्तत
Sentence: 7 ते दे॒वा ए॒तद्यजु॑रपश्यन् ।
Sentence: 8 ओजो॑ ऽसि शहो ऽसि॒ बल॑मसि ॥
Verse: 2
Sentence: 1 भ्राजो॑ ऽसि दे॒वानां॒ धाम॒ नामा॑सि॒ विश्व॑मसि वि॒श्वायुः॒ सर्व॑मसि स॒र्वायु॑रभि॒भूस् ।
Sentence: 2 इति॒ वाव दे॒वा असु॑राणा॒मोजो॒ बल॑मिन्द्रि॒यं वी॒र्य॑म्प्र॒जाम्प॒शून॑वृञ्जत
Sentence: 3 यद्गा॑य॒त्र्य॑प॒क्रम्याति॑ष्ठ॒त्तस्मा॑दे॒तां गा॑य॒त्रीतीष्टि॑माहुः
Sentence: 4 सम्वत्स॒रो वै॑ गाय॒त्री
Sentence: 5 सं॑वत्स॒रो वै॒ तद॑प॒क्रम्या॑तिष्ठत् ।
Sentence: 6 यदे॒तया॑ दे॒वा असु॑राणा॒मोजो॒ बल॑मिन्द्रि॒यं वी॒र्य॑म् ॥
Verse: 3
Sentence: 1 प्र॒जाम्प॒शूनवृ॑ञ्जत॒ तस्मा॑दे॒तां सं॑व॒र्ग इतीष्टि॑माहुस् ।
Sentence: 2 यो भ्रातृ॑व्यवा॒न्त्स्यात्स स्पर्ध॑मान ए॒तयेष्ट्या॑ यजेत ।
Sentence: 3 अ॒ग्नये॑ संव॒र्गाय॑ पुरो॒डाश॑म॒ष्टाक॑पालं॒ निर्व॑पेत्
Sentence: 4 तं शृ॒तमास॑न्नमे॒तेन॒ यजु॑षा॒भि मृ॑शेत् ।
Sentence: 5 ओज॑ ए॒व बल॑मिन्द्रि॒यं वी॒र्य॑म्प्र॒जाम्प॒शून्भ्रातृ॑व्यस्य वृङ्क्ते
Sentence: 6 भव॑त्या॒त्मना॒ परा॑स्य॒ भ्रातृ॑व्यो भवति ॥
Paragraph: 4
Verse: 1
Sentence: 1 प्रजा॑पतिः प्र॒जा अ॑सृजत
Sentence: 2 ता अ॑स्मात्सृ॒ष्टाः परा॑चीरायन्
Sentence: 3 ता यत्राव॑स॒न्ततो॑ ग्र॒मुदुद॑तिष्ठत्
Sentence: 4 ता बृह॒स्पति॑श्चा॒न्ववै॑ताम् ।
Sentence: 5 सो॑ ऽब्रवी॒द्बृह॒स्पति॑स् ।
Sentence: 6 अ॒नया॑ त्वा॒ प्र ति॑ष्ठा॒न्यथ॑ त्वा प्र॒जा उ॒पाव॑र्त्स्य॒न्तीति
Sentence: 7 तम्प्राति॑ष्ठत्
Sentence: 8 ततो वै प्र॒जाप॑तिम्प्र॒जा उ॒पाव॑र्तन्त
Sentence: 9 यः प्र॒जाका॑मः॒ स्यात्तस्मा॑ ए॒तम्प्रा॑जाप॒त्यं गा॑र्मु॒तं च॒रुं निर्व॑पेत्
Sentence: 10 प्र॒जाप॑तिम् ॥
Verse: 2
Sentence: 1 ए॒व स्वेन॑ भाग॒धेये॒नोप॑ धावति
Sentence: 2 स ए॒वास्मै॑ प्र॒जाम्प्र ज॑नयति
Sentence: 3 प्र॒जाप॑तिः प॒शून॑सृजत॒ ते॑ ऽस्मात्सृ॒ष्टाः परा॑ञ्च आयन्
Sentence: 4 ते यत्राव॑स॒न्ततो॑ ग॒र्मुदुद॑तिष्ठत्
Sentence: 5 तान्पू॒षा चा॒न्ववै॑ताम् ।
Sentence: 6 सो॑ ऽब्रवीत्पू॒षा ।
Sentence: 7 अ॒नया॑ मा॒ प्र ति॒ष्ठाथ॑ त्वा प॒शव॑ उ॒पाव॑र्त्स्य॒न्तीति
Sentence: 8 माम्प्र ति॒ष्ठेति॒ सोमो॑ ऽब्रवी॒न्मम वै ॥
Verse: 3
Sentence: 1 अ॑कृष्टप॒च्यमिति॑ ।
Sentence: 2 उभौ वा॒म्प्र ति॑ष्ठा॒नीत्य॑ब्रवीत्
Sentence: 3 तौ॒ प्राति॑ष्ठत्
Sentence: 4 ततो वै प्र॒जाप॑तिम्प॒शव॑ उ॒पाव॑र्तन्त
Sentence: 5 यः प॒शुका॑मः॒ स्यात्तस्मा॑ ए॒तं सो॑मापौ॒ष्णं गा॑र्मु॒तं च॒रुं निर्व॑पेत्
Sentence: 6 सोमापू॒षणा॑वे॒व स्वेन॑ भाग॒धेये॒नोप॑ धावति
Sentence: 7 तावे॒वास्मै॑ प॒शून्प्र ज॑नयतः
Sentence: 8 सोमो वै रेतो॒धाः
Sentence: 9 पू॒षा प॑शू॒नाम्प्र॑जनयि॒ता
Sentence: 10 सोम॑ ए॒वास्मै॒ रेतो॒ दधा॑ति पू॒षा प॒शून्प्र ज॑नयति ॥
Paragraph: 5
Verse: 1
Sentence: 1=a अग्ने॒ गोभि॑र्न॒ आ ग॒हीन्दो॑ पु॒ष्ट्या जु॑षस्व नः । इन्द्रो॑ ध॒र्ता गृ॒हेषु॑ नः ॥
Sentence: 2=b स॑वि॒ता यः स॑ह॒स्रियः॒ स नो॑ गृ॒हेषु॑ रारणत् । आ पु॒षा ए॒त्वा वसु॑ ॥
Sentence: 3=c धा॒ता द॑दातु नो र॒यिमीशा॑नो॒ जग॑त॒स्पतिः॑ । स नः॑ पू॒र्णेन॑ वावनत् ॥
Sentence: 4=d त्वष्टा॒ यो वृ॑ष॒भो वृषा॒ स नो॑ गृ॒हेषु॑ रारणत् । स॒हस्रे॑णा॒युते॑न च ॥
Sentence: 5=e येन॑ दे॒वा अ॒मृत॑म् ॥
Verse: 2
Sentence: 1 दी॒र्घं श्रवो॑ दिव्ऐरयन्त । राय॑स्पोष॒ त्वम॒स्मभ्यं॒ गवां॑ कु॒ल्मिं जी॒वस॒ आ यु॑वस्व ॥
Sentence: 2=f अ॒ग्निर्गृ॒हप॑तिः॒ सोमो॑ विश्व॒वनिः॑ सवि॒ता सु॑मे॒धाः स्वाहा॑ ।
Sentence: 3=g अग्ने॑ गृहपते॒ यस्ते॒ घृत्यो॑ भा॒गस्तेन॒ सह॒ ओज॑ आ॒क्रम॑माणाय धेहि श्रैष्ठ्यात्प॒थो मा यो॑षं मू॒र्धा भू॑यासं॒ स्वाहा॑ ॥
Paragraph: 6
Verse: 1
Sentence: 1 चि॒त्रया॑ यजेत प॒शुका॑मस् ।
Sentence: 2 इ॒यं वै॑ चि॒त्रा
Sentence: 3 यद्वा अ॒स्यां विश्व॑म्भू॒तमधि॑ प्र॒जाय॑ते॒ तेने॒यं चि॒त्रा
Sentence: 4 य ए॒वं वि॒द्वांश्चि॒त्रया॑ प॒शुका॑मो॒ यज॑ते॒ प्र प्र॒जया॑ प॒शुभि॑र्मिथुनैर्जायते
Sentence: 5 प्रै॒वाग्ने॒येन॑ वापयति
Sentence: 6 रेतः॑ समु॒येन॑ दधाति
Sentence: 7 रेत॑ ए॒व हि॒तं त्वष्टा॑ रू॒पाणि॒ वि क॑रोति
Sentence: 8 सारस्वतौ भवत ए॒तद्वै दैव्यम्मिथु॒नं दै॑व्यमे॒वास्मै॑ ॥
Verse: 2
Sentence: 1 मि॑थु॒नम्म॑ध्य॒तो द॑धाति॒ पुष्ट्यै॑ प्र॒जन॑नाय
Sentence: 2 सिनीवाल्यै च॒रुर्भ॑वति॒ वाग्वै॑ सिनीवा॒ली पुष्टिः॒ खलु वै॒ वाक्पुष्टि॑मे॒व वाच॒मुपै॑ति ।
Sentence: 3 अै॒न्द्र उ॑त्त॒मो भ॑वति॒ तेनै॒व तन्मि॑थु॒नम् ।
Sentence: 4 सप्तै॒तानि॑ ह॒वींषि॑ भवन्ति
Sentence: 5 स॒प्त ग्रा॒म्याः प॒शवः॑ स॒प्तार॒ण्याः स॒प्त छन्दां॑सि ।
Sentence: 6 उ॒भय॒स्याव॑रुद्ध्यै ।
Sentence: 7 अथै॒ता आहु॑तीर्जुहोति ।
Sentence: 8 ए॒ते वै॑ दे॒वाः पुष्टि॑पतयस्
Sentence: 9 त ए॒वास्मि॒न्पुष्टिं॑ दधति
Sentence: 10 पुष्य॑ति प्र॒जया॑ प॒शुभि॑स् ।
Sentence: 11 त ए॒वास्मि॒न्पुष्टिं॑ दधति
Sentence: 12 पुष्य॑ति प्र॒जया॑ प॒शुभि॑स् ।
Sentence: 13 अथो॒ यदे॒ता आहु॑तीर्जु॒होति॒ प्रति॑ष्ठित्यै ॥
Paragraph: 7
Verse: 1
Sentence: 1=a मा॑रु॒तम॑सि म॒रुता॒मोजो॒ ऽपां धारा॑म्भिन्द्धि
Sentence: 2=b र॒मय॑त मरुतः श्ये॒नमा॒यिन॒म्मनो॑जवसं॒ वृष॑णं सुवृ॒क्तिम् । येन॒ शर्ध॑ उ॒ग्रमव॑सृष्ट॒मेति॒ तद॑श्विना॒ परि॑ धत्तं स्व॒स्ति ॥
Sentence: 3=c पु॑रोवा॒तो वर्ष॑ञ्जि॒न्वरा॒वृत्स्वाहा॑ वा॒ताव॒द्वर्ष॑न्नु॒ग्ररा॒वृत्स्वाहा॑ स्त॒नय॒न्वर॒त्रं वर्ष॑न्पू॒र्तिरा॒वृत् ॥
Verse: 2
Sentence: 1 स्वाहा॑ ब॒हु हा॒यम॑वृषा॒दिति॑ श्रु॒तरा॒वृत्स्वाहा॒तप॑ति॒ वर्ष॑न्वि॒राडा॒वृत्स्वाहा॑व॒स्�
Sentence: 2=d मान्दा॒ वाशाः॒ शुन्ध्यू॒रजि॑राः । ज्योति॑ष्मती॒स्तम॑स्वरी॒रुन्द॑तीः॒ सुपे॑नाः । मित्र॑भृतः॒ क्षत्र॑भृतः॒ सुरा॑ष्ट्रा इ॒ह मा॑वत
Sentence: 3=e वृष्णो॒ अश्व॑स्य सं॒दान॑मसि॒ वृष्ट्यै॒ त्वोप॑ नह्यामि ॥
Paragraph: 8
Verse: 1
Sentence: 1=a देवा॑ वसव्या॒ अग्ने॑ सोम सूर्य । देवाः॑ शर्मण्या॒ मित्रा॑वरुणार्यमन् । देवाः॑ सपीत॒यो ऽपां॑ नपादाशुहेमन् । उ॒द्नो द॑त्तो ऽद॒धिम्भि॑न्त्त दि॒वः प॒र्जन्या॑द॒न्तरि॑क्षात्पृथि॒व्यास्ततो॑ नो॒ वृष्ट्या�
Sentence: 2=b दिवा॑ चि॒त्तमः॑ कृण्वन्ति प॒र्जन्ये॑नोदवा॒हेन॑ । पृ॑थि॒वीं यद्व्यु॒न्दन्ति॑ ॥
Sentence: 3=c आ यं नरः॑ सु॒दान॑वो ददा॒शुषे॑ दि॒वः कोश॒मचु॑च्यवुः । वि प॒र्जन्याः॑ सृजन्ति॒ रोद॑सी॒ अनु॒ धन्व॑ना यन्ति ॥
Verse: 2
Sentence: 1 वृ॒ष्टयः॑ ॥
Sentence: 2=d उदी॑रयथा मरुतः समुद्र॒तो यू॒यं वृ॒ष्टिं व॑र्षयथा पुरीषिणः । न वो॑ दस्रा॒ उप॑ दस्यन्ति धे॒नवः॑ शु॒भं या॒तामनु॒ रथा॑ अवृत्सत ॥
Sentence: 3=e सृ॒जा वृ॒ष्टिं दि॒व आद्भिः स॑मु॒द्रम्पृ॑ण । अ॒ब्जा अ॑सि प्रथम॒जा बल॑मसि समु॒द्रिय॑म् ॥
Sentence: 4=f उन्न॑म्भय पृथि॒वीम्भि॒न्द्धीदं दि॒व्यं नभः॑ । उ॒द्नो दि॒व्यस्य॑ नो दे॒हीशा॑नो॒ वि सृ॑जा॒ दृति॑म् ॥
Sentence: 5=g ये दे॒वा दि॒विभा॑गा॒ ये॒ ऽन्तरि॑क्षभागा॒ ये पृ॑थि॒विभा॑गाः । त इ॒मं य॒ज्ञम॑वन्तु॒ त इ॒दं क्षेत्र॒मा वि॑शन्तु॒ त इ॒दं क्षेत्र॒मनु॒ वि वि॑शन्तु ॥
Paragraph: 9
Verse: 1
Sentence: 1 मा॑रु॒तम॑सि म॒रुता॒मोज॒ इति॑ कृ॒ष्णं वासः॑ कृ॒ष्णतू॑ष॒म्परि॑ धत्ते ।
Sentence: 2 ए॒तद्वै॒ वृष्ट्यै॑ रू॒पम् ।
Sentence: 3 सरू॑प ए॒व भू॒त्वा प॒र्जन्यं॑ वर्षयति
Sentence: 4 र॒मय॑त मरुतः श्ये॒नमा॒यिन॒मिति॑ पश्चाद्वा॒तम्प्रति॑ मीवति पुरोवा॒तमे॒व ज॑नयति व॒र्षस्याव॑�
Sentence: 5 वातना॒मानि॑ जुहोति
Sentence: 6 वा॒युर्वै॒ वृष्ट्या॑ ईशे
Sentence: 7 वा॒युमे॒व स्वेन॑ भाग॒धेये॒नोप॑ धावति
Sentence: 8 स ए॒वास्मै॑ प॒र्जन्यं॑ वर्षयति ।
Sentence: 9 अष्टौ ॥
Verse: 2
Sentence: 1 जु॑होति
Sentence: 2 चत॑स्रो वै॒ दिश॒श्चत॑स्रो ऽवान्तरदि॒शास् ।
Sentence: 3 दि॒ग्भ्य ए॒व वृष्टिं॒ सम्प्र च्या॑वयति
Sentence: 4 कृष्णाजि॒ने सं यौ॑ति
Sentence: 5 ह॒विरे॒वाक॑र्
Sentence: 6 अन्तर्वे॒दि सं यौ॑ति ।
Sentence: 7 अव॑रुद्ध्यै
Sentence: 8 यती॑नाम॒द्यमा॑नानां शी॒र्षाणि॒ परा॑पतन्
Sentence: 9 ते ख॒र्जूरा॑ अभवन्
Sentence: 10 तेषां॒ रस॑ ऊ॒र्ध्वो॑ ऽपतत्
Sentence: 11 तानि॑ क॒रीरा॑ण्यभवन् ।
Sentence: 12 सौ॒म्यानि वै क॒रीरा॑णि
Sentence: 13 सौ॒म्या खलु॑ वा॒ आहु॑तिर्दि॒वो वृष्टिं॑ च्यावयति
Sentence: 14 यत्क॒रीरा॑णि॒ भव॑न्ति ॥
Verse: 3
Sentence: 1 सौ॒म्ययै॒वाहु॑त्या दि॒वो वृष्टि॒मव॑ रुन्द्धे
Sentence: 2 मधु॑षा॒ सं यौ॑ति ।
Sentence: 3 अ॒पां वा ए॒ष ओष॑धीनां॒ रसो॒ यन्मधु॑ ।
Sentence: 4 अ॒द्भ्य एवौषधीभ्यो वर्षति ।
Sentence: 5 अथो॑ अ॒द्भ्य एवौषधीभ्यो॒ वृष्टिं॒ नि न॑यति
Sentence: 6 मान्दा॒ वाशा॒ इति॒ सं यौ॑ति
Sentence: 7 नाम॒धेयै॑रेवैना॒ अछै॑ति ।
Sentence: 8 अथो॒ यथा॑ ब्रू॒यात् ।
Sentence: 9 असा॒वेहीत्ये॒वमेवैना नाम॒धेयै॒रा ॥
Verse: 4
Sentence: 1 च्या॑वयति
Sentence: 2 वृष्णो॒ अश्व॑स्य सं॒दान॑मसि॒ वृष्ट्यै॒ त्वोप॑ नह्या॒मीत्या॑ह
Sentence: 3 वृषा॒ वा अश्व॑स् ।
Sentence: 4 वृषा॑ प॒र्जन्यः
Sentence: 5 कृ॒ष्ण इ॑व॒ खलु वै भू॒त्वा व॑र्षति
Sentence: 6 रू॒पेणैवैनं॒ सम॑र्धयति
Sentence: 7 वर्ष॒स्याव॑रुद्ध्यै ॥
Paragraph: 10
Verse: 1
Sentence: 1 देवा॑ वसव्यास् ।
Sentence: 2 देवा॑ शर्मण्यास् ।
Sentence: 3 देवाः॑ सपीतय॒ इत्या ब॑ध्नाति दे॒वता॑भिरे॒वान्व॒हं वृष्टि॑मिछति
Sentence: 4 यदि॒ वर्षे॒त्ताव॑त्ये॒व हो॑त॒व्य॑म् ।
Sentence: 5 यदि॒ न वर्षे॒च्छ्वो भू॒ते ह॒विर्निर्व॑पेत् ।
Sentence: 6 अ॑होरा॒त्रे वै॑ मि॒त्रावरु॑णौ ।
Sentence: 7 अ॑होरा॒त्राभ्यां॒ खलु वै प॒र्जन्यो॑ वर्षति
Sentence: 8 नक्तं॑ वा॒ हि दिवा॑ वा॒ वर्ष॑ति
Sentence: 9 मि॒त्रावरु॑णावे॒व स्वेन॑ भाग॒धेये॒नोप॑ धावति
Sentence: 10 तावे॒वास्मै॑ ॥
Verse: 2
Sentence: 1 अ॑होरा॒त्राभ्या॑म्प॒र्जन्यं॑ वर्षयतस् ।
Sentence: 2 अ॒ग्नये॑ भा॒छदे॑ पुरो॒डाश॑म॒ष्टाक॑पालं॒ निर्व॑पेन्मारु॒तं स॒प्तक॑पालं सौ॒र्यमेक॑कपालम्
Sentence: 3 अ॒ग्निर्वा इ॒तो वृष्टि॒मुदी॑रयति
Sentence: 4 म॒रुतः॑ सृ॒ष्टां न॑यन्ति
Sentence: 5 य॒दा खलु॒ वा अ॒सावा॑दि॒त्यो न्य॑ङ्र॒श्मिभिः॑ पर्या॒वर्त॒ते ऽथ॑ वर्षति धाम॒छदि॑व॒ खलु वै भू॒त्वा व॑र्षति ।
Sentence: 6 ए॒ता वै॑ दे॒वता॒ वृष्ट्या॑ ईशते॒ ता ए॒व स्वेन॑ भाग॒धेये॒नोप॑ धावति
Sentence: 7 ताः ॥
Verse: 3
Sentence: 1 ए॒वास्मै॑ प॒र्जन्यं॑ वर्षयन्ति ।
Sentence: 2 उ॒ताव॑र्षिष्य॒न्वर्ष॑त्ये॒व
Sentence: 3 सृ॒जा वृ॒ष्टिं दि॒व आद्भिः स॑मु॒द्रम्पृ॒णेत्या॑ह ।
Sentence: 4 इ॒माश्चै॒वामूश्चा॒पः सम॑र्धयति ।
Sentence: 5 अथो॑ आ॒भिरे॒वामूरछै॑ति ।
Sentence: 6 अ॒ब्जा अ॑सि प्रथम॒जा बल॑मसि समु॒द्रिय॒मित्या॑ह
Sentence: 7 यथाय॒जुरेवै॒तत् ।
Sentence: 8 उन्न॑म्भय पृथि॒वीमिति॑ वर्षा॒ह्वां जु॑होति ।
Sentence: 9 ए॒षा वा ओष॑धीनां वृष्टि॒वनि॑स्
Sentence: 10 तयै॒व वृष्टि॒मा च्या॑वयति
Sentence: 11 ये दे॒वा दि॒विभा॑गा॒ इति॑ कृष्णाजि॒नमव॑ धूनोति ।
Sentence: 12 इ॒म ए॒वास्मै॑ लो॒काः प्री॒ता अ॒भीष्टा॑ भवन्ति ॥
Paragraph: 11
Verse: 1
Sentence: 1 सर्वा॑णि॒ छन्दां॑स्ये॒तस्या॒मिष्ट्या॑म॒नूच्या॒नीत्या॑हुस्
Sentence: 2 त्रि॒ष्टुभो॒ वा ए॒तद्वी॒र्यं॒ यत्क॒कुदु॒ष्णिहा॒ जग॑त्यै
Sentence: 3 यदु॑ष्णिहक॒कुभा॑व॒न्वाह॒ तेनै॒व सर्वा॑णि॒ छन्दां॒स्यव॑ रुन्द्धे
Sentence: 4 गाय॒त्री वा ए॒षा यदु॒ष्णिहा
Sentence: 5 यानि॑ च॒त्वार्यध्य॒क्षरा॑णि॒ चतु॑ष्पाद ए॒व ते प॒शव॑स् ।
Sentence: 6 यथा॑ पुरो॒डाशे॑ पुरो॒डाशो॑ ऽध्ये॒वमे॒व तद्यदृ॒च्यध्य॒क्षरा॑णि
Sentence: 7 यज्जग॑त्या ॥
Verse: 2
Sentence: 1 प॑रिद॒ध्यादन्तं॑ य॒ज्ञं ग॑मयेत्
Sentence: 2 त्रि॒ष्टुभा॒ परि॑ दधाति ।
Sentence: 3 इ॑न्द्रि॒यं वै॑ वी॒र्यं त्रि॒ष्टुग्^त्रि॒ष्टुभ्
Sentence: 4 इन्द्रि॒य ए॒व वी॒र्ये॑ य॒ज्ञम्प्रति॑ ष्ठापयति॒ नान्तं॑ गमयति ।
Sentence: 5 अग्ने॒ त्री ते॒ वाजि॑ना॒ त्री ष॒धस्थेति॒ त्रिव॑त्या॒ परि॑ दधाति
Sentence: 6 सरूप॒त्वाय
Sentence: 7 सर्वो॒ वा ए॒ष य॒ज्ञो यत्त्रै॑धात॒वीय॑म् ।
Sentence: 8 कामा॑यकामाय॒ प्र यु॑ज्यते
Sentence: 9 सर्वे॑भ्यो॒ हि कामे॑भ्यो य॒ज्ञः प्र॑यु॒ज्यते
Sentence: 10 त्रैधात॒वीये॑न यजेताभि॒चर॑न् ।
Sentence: 11 सर्वो वै ॥
Verse: 3
Sentence: 1 ए॒ष य॒ज्ञो यत्त्रै॑धात॒वीय॑म् ।
Sentence: 2 सर्वे॑णैवैनं य॒ज्ञेना॒भि च॑रति
Sentence: 3 स्तृणु॒त एवैनम्
Sentence: 4 ए॒तयै॒व य॑जेताभिच॒र्यमा॑णः
Sentence: 5 सर्वो॒ वा ए॒ष य॒ज्ञो यत्त्रै॑धात॒वीय॑म् ।
Sentence: 6 सर्वे॑णै॒व य॒ज्ञेन॑ यजते
Sentence: 7 नैनमभि॒चर॑न्त्स्तृणुते ।
Sentence: 8 ए॒तयै॒व य॑जेत स॒हस्रे॑ण य॒क्ष्यमा॑नः
Sentence: 9 प्रजा॑तमेवैनद्ददाति ।
Sentence: 10 ए॒तयै॒व य॑जेत स॒हस्रे॑णेजा॒नस् ।
Sentence: 11 अन्तं॒ वा ए॒ष प॑शू॒नां ग॑छति ॥
Verse: 4
Sentence: 1 यः स॒हस्रे॑ण॒ यज॑ते
Sentence: 2 प्र॒जाप॑तिः॒ खलु वै प॒शून॑सृजत
Sentence: 3 तांस्त्रै॑धात॒वीये॑नै॒वासृ॑जत
Sentence: 4 य ए॒वं वि॒द्वांस्त्रै॑धात॒वीये॑न प॒शुका॑मो॒ यज॑ते॒ यस्मा॑दे॒व योनेः॑ प्र॒जाप॑तिः प॒शूनसृ॑जत॒ तस्मा॑देवैनान्त्सृजत॒ उपै॑न॒मुत्त॑रं स॒हस्रं॑ नमति
Sentence: 5 दे॒वता॑भ्यो॒ वा ए॒ष आ वृ॑श्च्यते॒ यो य॒क्ष्य इत्यु॒क्त्वा न यज॑ते
Sentence: 6 त्रैधात॒वीये॑न यजेत
Sentence: 7 सर्वो॒ वा ए॒ष य॒ज्ञः ॥
Verse: 5
Sentence: 1 यत्त्रै॑धात॒वीय॑म् ।
Sentence: 2 सर्वे॑णै॒व य॒ज्ञेन॑ यजते
Sentence: 3 न दे॒वता॑भ्य॒ आ वृ॑श्च्यते
Sentence: 4 द्वाद॑शकपालः पुरो॒डाशो॑ भवति
Sentence: 5 ते त्रय॒श्चतु॑ष्कपालास्
Sentence: 6 त्रिष्षमृद्ध॒त्वाय
Sentence: 7 त्रयः॑ पुरो॒डाशा॑ भवन्ति
Sentence: 8 त्रय॑ इ॒मे लो॒कास् ।
Sentence: 9 ए॒षां लो॒काना॒माप्त्यै॑ ।
Sentence: 10 उत्त॑रौत्तरो॒ ज्याया॑न्भवति ।
Sentence: 11 ए॒वमि॑व॒ हीमे लो॒कास् ।
Sentence: 12 य॑व॒मयो॒ मध्य॑स् ।
Sentence: 13 ए॒तद्वा अ॒न्तरि॑क्षस्य रू॒पम् ।
Sentence: 14 समृ॑द्ध्यै
Sentence: 15 सर्वे॑षामभिग॒मय॒न्नव॑ द्यति ।
Sentence: 16 अछ॑म्बट्कारम् ।
Sentence: 17 हिर॑ण्यं ददाति
Sentence: 18 तेज॑ ए॒व ॥
Verse: 6
Sentence: 1 अव॑ रुन्द्धे
Sentence: 2 ता॒र्प्यं द॑दाति
Sentence: 3 प॒शूने॒वाव॑ रुन्द्धे
Sentence: 4 धे॒नुं द॑दाति ।
Sentence: 5 आ॒शिष॑ ए॒वाव॑ रुन्द्धे
Sentence: 6 साम्नो॒ वा ए॒ष वर्णो॒ यद्धिर॑ण्यम् ।
Sentence: 7 यजु॑षां ता॒र्प्यम्
Sentence: 8 उक्थाम॒दानां॑ धे॒नुस् ।
Sentence: 9 ए॒ताने॒व सर्वा॒न्वर्णा॒नव॑ रुन्द्धे ॥
Paragraph: 12
Verse: 1
Sentence: 1 त्वष्टा॑ ह॒तपु॑त्रो॒ वीन्द्रं॒ सोम॒माह॑रत्
Sentence: 2 तस्मि॒न्निन्द्र॑ उपह॒वऐ॑छत
Sentence: 3 तं नोपा॑ह्वयत
Sentence: 4 पु॒त्रम्मे॑ ऽवधी॒रिति
Sentence: 5 स य॑ज्ञवेश॒सं कृ॒त्वा प्रा॒सहा॒ सोम॑मपिबत्
Sentence: 6 तस्य॒ यद॒त्यशि॑ष्यत॒ तत्त्वष्टा॑हव॒नीय॒मुप॒ प्राव॑र्तयत्
Sentence: 7 स्वाहेन्द्र॑शत्रुर्वर्ध॒स्वेति
Sentence: 8 स याव॑दू॒र्ध्वः प॑रा॒विध्य॑ति॒ ताव॑ति स्व॒यमे॒व व्य॑रमत
Sentence: 9 यदि॑ वा॒ ताव॑त्प्रव॒णम् ॥
Verse: 2
Sentence: 1 आसी॒त्यदि॑ वा॒ ताव॒दध्य॒ग्नेरासी॑त्
Sentence: 2 स स॒म्भव॑न्न॒ग्नीषोमा॑व॒भि सम॑भवत्
Sentence: 3 स इ॑षुमा॒त्रं विष्व॑ङ्ङवर्धत
Sentence: 4 स इ॒माँ लो॒कान॑वृणोत् ।
Sentence: 5 यदि॒माँ लो॒कानवृ॑णो॒त्तद्वृ॒त्रस्य॑ वृत्र॒त्वम् ।
Sentence: 6 तस्मा॒दिन्द्रो॑ ऽबिभेत् ।
Sentence: 7 अपि॒ त्वष्टा
Sentence: 8 तस्मै॒ त्वष्टा॒ वज्र॑मसिञ्चत्
Sentence: 9 तपो वै॒ स वज्र॑ आसीत्
Sentence: 10 तमुद्य॑न्तुं॒ नाश॑क्नोत् ।
Sentence: 11 अथ वै॒ तर्हि॒ विष्णुः॑ ॥
Verse: 3
Sentence: 1 अ॒न्या दे॒वता॑सीत्
Sentence: 2 सो॑ ऽब्रवीत् ।
Sentence: 3 विष्ण॒वेहीदमा ह॑रिष्यावो॒ येना॒यमि॒दमिति
Sentence: 4 स विष्णु॑स्त्रे॒धात्मानं॒ वि न्य॑धत्त पृथि॒व्यां तृती॑यम॒न्तरि॑क्षे॒ तृती॑यं दि॒वि तृती॑यम्
Sentence: 5 अभिपर्याव॒र्ताद्ध्यबि॑भेत् ।
Sentence: 6 यत्पृ॑थि॒व्यां तृती॑य॒मासी॒त्तेनेन्द्रो॒ वज्र॒मुद॑यछ॒द्विष्ण्व॑नुस्थितः
Sentence: 7 सो॑ ऽब्रवीत् ।
Sentence: 8 मा मे॒ प्र हा॒रस्ति॒ वा इ॒दम् ॥
Verse: 4
Sentence: 1 मयि॑ वी॒र्यं॒ तत्ते॒ प्र दा॑स्या॒मीति
Sentence: 2 तद॑स्मै॒ प्राय॑छत्
Sentence: 3 तत्प्रत्य॑गृह्णात् ।
Sentence: 4 अधा॒ मेति॒ तद्विष्ण॒वेति॒ प्राय॑छत्
Sentence: 5 तद्विष्णुः॒ प्रत्य॑गृह्णात् ।
Sentence: 6 अ॒स्मास्विन्द्र॑ इन्द्रि॒यं द॑धा॒त्विति
Sentence: 7 यद॒न्तरि॑क्षे॒ तृती॑य॒मासी॒त्तेनेन्द्रो॒ वज्र॒मुद॑यछ॒द्विष्ण्व॑नुस्थितः
Sentence: 8 सो॑ ऽब्रवीत् ।
Sentence: 9 मा मे॒ प्र हा॒रस्ति॒ वा इ॒दम् ॥
Verse: 5
Sentence: 1 मयि॑ वी॒र्यं॒ तत्ते॒ प्र दा॑स्या॒मीति
Sentence: 2 तद॑स्मै॒ प्राय॑छत्
Sentence: 3 तत्प्रत्य॑गृह्णात् ।
Sentence: 4 द्विर्मा॑धा॒ इति॒ तद्विष्ण॒वेति॒ प्राय॑छत्
Sentence: 5 तद्विष्णुः॒ प्रत्य॑गृःणात् ।
Sentence: 6 अ॒स्मास्विन्द्र॑ इन्द्रि॒यं द॑धा॒त्विति
Sentence: 7 यद्दि॒वि तृती॑य॒मासी॒त्तेनेन्द्रो॒ वज्र॒मुद॑यछ॒द्विष्ण्व॑नुस्थितः
Sentence: 8 सो॑ ऽब्रवीत् ।
Sentence: 9 मा मे॒ प्र हा॑र्{F येना॒हम्{W येनाहम्{GLOS येना॒हम् ॥
Verse: 6
Sentence: 1 इ॒दमस्मि॒ तत्ते॒ प्र दा॑स्या॒मीति
Sentence: 2 त्वी३ इत्य॑ब्रवीत्
Sentence: 3 सं॒धां तु सं द॑धावहै॒ त्वामे॒व प्र वि॑शा॒नीति
Sentence: 4 यन्माम्प्र॑वि॒शेः किम्मा॑ भुञ्ज्या॒ इत्य॑ब्रवीत्
Sentence: 5 त्वामे॒वेन्धी॑य॒ तव॒ भोगा॑य॒ त्वाम्प्र वि॑शेय॒मित्य॑ब्रवीत्
Sentence: 6 तम्वृ॒त्रः प्रावि॑शत् ।
Sentence: 7 उ॒दरं वै वृ॒त्रः
Sentence: 8 क्षुत्खलु वै मनु॒ष्य॑स्य॒ भ्रातृ॑व्यस् ।
Sentence: 9 यः ॥
Verse: 7
Sentence: 1 ए॒वं वेद॒ हन्ति॒ क्षुध॒म्भ्रातृ॑व्यम् ।
Sentence: 2 तद॑स्मै॒ प्राय॑छत्
Sentence: 3 तत्प्रत्य॑गृह्णात्
Sentence: 4 त्रिर्मा॑धा॒ इति॒ तद्विष्ण॒वेति॒ प्रा य॑छत्
Sentence: 5 तद्विष्णुः॒ प्रत्य॑गृह्णाद॒स्मास्विन्द्र॑ इन्द्रि॒यं द॑धा॒त्विति
Sentence: 6 यत्त्रिः प्राय॑छ॒त्त्रिः प्र॒त्यगृ॑ह्णा॒त्तत्त्रि॒धातो॑स्त्रिधातु॒त्वम् ।
Sentence: 7 यद्विष्णु॑र॒न्वति॑ष्ठत॒ विष्ण॒वेति॒ प्राय॑छ॒त्तस्मा॑ऐन्द्रावैष्ण॒वं ह॒विर्भ॑वति
Sentence: 8 यद्वा इ॒दं किं च॒ तद॑स्मै॒ तत्प्राय॑छ॒दृचः॒ सामा॑नि॒ यजूं॑षि
Sentence: 9 स॒हस्रं॒ वा अ॑स्मै॒ तत्प्राय॑छत्
Sentence: 10 तस्मा॑त्स॒हस्र॑दक्षिणम् ॥
Paragraph: 13
Verse: 1
Sentence: 1 दे॒वा वै॑ राज॒न्या॒ज्जाय॑मानादबिभयुस्
Sentence: 2 तम॒न्तरे॒व सन्तं॒ दाम्नापौ॑म्भन् ।
Sentence: 3 स वा ए॒षो ऽपो॑ब्धो जायते॒ यद्रा॑ज॒न्य॑स् ।
Sentence: 4 यद्वा ए॒षो ऽन॑पोब्धो॒ जाये॑त वृ॒त्रान्घ्नंश्च॑रेत् ।
Sentence: 5 यं का॒मये॑त राज॒न्य॑म्
Sentence: 6 अन॑पोब्धो जायेत वृ॒त्रान्घ्नंश्च॑रे॒दिति॒ तस्मा॑ ए॒तऐ॑न्द्राबार्हस्प॒त्यं च॒रुं निर्व॑पेत् ।
Sentence: 7 अै॒न्द्रो वै॑ राज॒न्यो॒ ब्रह्म॒ बृह॒स्पति॑स् ।
Sentence: 8 ब्रह्म॑णैवैनं॒ दाम्नो॒ ऽपोम्भ॑नान्मुञ्चति
Sentence: 9 हिर॒ण्मयं॒ दाम॒ दक्षि॑णा
Sentence: 10 सा॒क्षादेवैनं॒ दाम्नो॒ ऽपोम्भ॑नान्मुञ्चति ॥
Paragraph: 14
Verse: 1
Sentence: 1=a नवो॑नवो भवति॒ जाय॑मा॒नो ऽह्नां॑ के॒तुरु॒षसा॑मे॒त्यग्रे॑ । भा॒गं दे॒वेभ्यो॒ वि द॑धात्या॒यन्प्र च॒न्द्रमा॑स्तिरति दी॒र्घमायुः॑ ॥
Sentence: 2=b यमा॑दि॒त्या अं॒शुमा॑प्या॒यय॑न्ति॒ यमक्षि॑त॒मक्षि॑तयः॒ पिब॑न्ति । तेन॑ नो॒ राजा॒ वरु॑णो॒ बृह॒स्पति॒रा प्या॑ययन्तु॒ भुव॑नस्य गो॒पाः ॥
Sentence: 3=c प्राच्यां॑ दि॒शि त्वमि॑न्द्रासि॒ राजो॒तोदी॑च्यां वृत्रहन्वृत्र॒हासि॑ । यत्र॒ यन्ति॑ स्रो॒त्यास्तत् ॥
Verse: 2
Sentence: 1 जि॒तं ते॑ दक्षिण॒तो वृ॑ष॒भ ए॑धि॒ हव्यः॑ ।
Sentence: 2=d इन्द्रो॑ जयाति॒ न परा॑ जयाता अधिरा॒जो राज॑सु राजयाति । विश्वा॒ हि भू॒याः पृ॑तना अभि॒ष्टीरु॑प॒सद्यो॑ नम॒स्यो॒ यथास॑त् ॥
Sentence: 3=e अ॒स्येदे॒व प्र रि॑रिचे महि॒त्वं दि॒वः पृ॑थि॒व्याः पर्य॒न्तरि॑क्षात् । स्व॒राडिन्द्रो॒ दम॑ आ वि॒श्वगू॑र्तः स्व॒रिरम॑त्रो ववक्षे॒ रणा॑य ।
Sentence: 4=f अ॒भि त्वा॑ शूर नोनु॒मो ऽदु॑ग्धा इव धे॒नवः॑ । ईशा॑नम् ॥
Verse: 3
Sentence: 1 अ॒स्य जग॑तः सुव॒र्दृश॒मीशा॑नमिन्द्र त॒स्थुषः॑ ॥
Sentence: 2=g त्वामिद्धि हवा॑महे सा॒ता वाज॑स्य का॒रवः॑ । त्वां वृ॒त्रेष्वि॑न्द्र॒ सत्प॑तिं॒ नर॒स्त्वां काष्ठा॒स्वर्व॑तः ॥
Sentence: 3=h यद्द्याव॑ इन्द्र ते श॒तं श॒तम्भूमी॑रु॒त स्युः । न त्वा॑ वज्रिन्त्स॒हस्रं॒ सूर्या॒ अनु॒ न जा॒तम॑ष्ट॒ रोद॑सी ॥
Sentence: 4=i पिबा॒ सोम॑मिन्द्र॒ मन्द॑तु त्वा॒ यं ते॑ सु॒षाव॑ हर्य॒श्वाद्रिः॑ ॥
Verse: 4
Sentence: 1 सो॒तुर्बा॒हुभ्यां॒ सुय॑तो॒ नार्वा॑ ॥
Sentence: 2=k रेव॑तीर्नः सध॒माद॒ इन्द्रे॑ सन्तु तु॒विवा॑जाः । क्षु॒मन्तो॒ याभि॒र्मदे॑म ॥
Sentence: 3=l उद॑ग्ने॒ शुच॑य॒स्तव
Sentence: 4=m वि ज्योति॑षा ।
Sentence: 5=n उदु॒ त्यं जा॒तवे॑दसम् ।
Sentence: 6=o स॒प्त त्वा॑ ह॒रितो॒ रथे॒ वह॑न्ति देव सूर्य । शो॒चिष्के॑शं विचक्षण ॥
Sentence: 7=p चि॒त्रं दे॒वाना॒मुद॑गा॒दनी॑कं॒ चक्षु॑र्मि॒त्रस्य॒ वरु॑णस्या॒ग्नेः । आप्रा॒ द्यावा॑पृथि॒वी अ॒न्तरि॑क्षं॒ सूर्य॑ आ॒त्मा जग॑त॒स्तस्थु॑षः ॥
Verse: 5
Sentence: 1 च॑ ॥
Sentence: 2=q विश्वे॑ दे॒वा ऋ॑ता॒वृध॑ ऋ॒तुभि॑र्हवन॒श्रुतः॑ । जुष॑न्तां॒ युज्य॒म्पयः॑ ॥
Sentence: 3=r विश्वे॑ देवाः शृणु॒तेमं हव॑म्मे॒ ये अ॒न्तरि॑क्षे॒ य उप॒ द्यवि॒ ष्ठ । ये अ॑ग्निजि॒ह्वा उ॒त वा॒ यज॑त्रा आ॒सद्या॒स्मिन्ब॒र्हिषि॑ मादयध्वम् ॥
Chapter: 5
Paragraph: 1
Verse: 1
Sentence: 1 वि॒श्वरू॑पो वै त्वा॒ष्ट्रः पु॒रोहि॑तो दे॒वाना॑मासीत्स्व॒स्रीयो ऽसु॑राणाम् ।
Sentence: 2 तस्य॒ त्रीणि॑ शी॒र्षाण्या॑सन्त्सोम॒पानं॑ सुरा॒पान॑म॒न्नाद॑नम् ।
Sentence: 3 स प्र॒त्यक्षं॑ दे॒वेभ्यो॑ भा॒गम॑वदत्प॒रोऽक्ष॒मसु॑रेभ्यः॒ सर्व॑स्मै वै प्र॒त्यक्ष॑म्भा॒गं व॑दन्ति॒ यस्मा॑ ए॒व प॒रोऽक्षं॒ वद॑न्ति॒ तस्य॑ भा॒ग उ॑दि॒तस्
Sentence: 4 तस्मा॒दिन्द्रो॑ ऽबिभेद्
Sentence: 5 ई॒दृङ्वै॑ रा॒ष्ट्रं वि प॒र्याव॑र्तय॒तीति
Sentence: 6 तस्य॒ वज्र॑मा॒दाय॑ शी॒र्षाण्य॑छिन॒द्यत्सो॑म॒पान॑म् ॥
Verse: 2
Sentence: 1 आसी॒त्स क॒पिञ्ज॑लो ऽभव॒त्यत्सु॑रा॒पानं॒ स क॑ल॒विङ्को॒ यद॒न्नाद॑नं॒ स ति॑त्ति॒रिस् । तस्या॑ञ्ज॒लिना॑ ब्रमह॒त्यामुपा॑गृह्णा॒त्तां सं॑वत्स॒रं अ॑बिभ॒स्तम्भू॒तान्य॒भ्य॑क्रोशन्
Sentence: 2 ब्रह्म॑ह॒न्निति॑ । स पृ॑थि॒वीमुपा॑सीदद्
Sentence: 3 अस्यै ब्रह्मह॒त्यायै॒ तृती॑य॒म्प्रति॑ गृहा॒णेति
Sentence: 4 साब्र॑वीद्
Sentence: 5 वरं॑ वृणै खा॒तात्प॑राभवि॒ष्यन्ती॑ मन्ये॒ ततो॒ मा प॒रा भू॑व॒मिति
Sentence: 6 पु॒रा ते॑ ॥
Verse: 3
Sentence: 1 सं॑वत्स॒रादपि॑ रोहा॒दित्य॑ब्रवी॒त्तस्मा॑त्पु॒रा सं॑वत्स॒रात्पृ॑थिव्यै खा॒तमपि॑ रोहति॒ वारे॑वृतं॒ ह्य॑स्यै
Sentence: 2 तृती॑यम्ब्रह्मह॒त्यायै॒ प्रत्य॑गृह्णा॒त्तत्स्वकृ॑त॒मिरि॑णमभव॒त्तस्मा॒दाहि॑ताग्निः श्र॒द्धादे॑वः॒ स्वकृ॑त॒ इरि॑णे॒ नाव॑ स्येद्ब्रह्मह॒त्यायै॒ ह्ये॒ष वर्णः॑ । स वन॒स्पती॒नुपा॑सीदद्
Sentence: 3 अस्यै ब्रह्मह॒त्यायै॒ तृती॑य॒म्प्रति॑ गृह्णी॒तेति
Sentence: 4 ते॑ ऽब्रुवन्
Sentence: 5 वरं॑ वृणामहै वृ॒क्णात् ॥
Verse: 4
Sentence: 1 प॑राभवि॒ष्यन्तो॑ मन्यामहे॒ ततो॒ मा परा॑ भू॒मेति॑ ।
Sentence: 2 आ॒व्रश्च॑ना॒द्वो भूयां॑स॒ उत्ति॑ष्ठा॒नित्य॑ब्रवी॒त्तस्मा॑दा॒व्रश्च॑नाद्वृ॒क्षाणा॒म्भूय�॑स॒ उत्ति॑ष्ठन्ति॒ वारे॑वृतं॒ ह्ये॑षाम् ।
Sentence: 3 तृती॑यम्ब्रह्मह॒त्यायै॒ प्रत्य॑गृह्ण॒न्त्स नि॑र्या॒सो॑ ऽभव॒त्तस्मा॑न्निर्या॒सस्य॒ नाश्य॑म्ब्रह्मह॒त्यायै॒ ह्ये॒ष वर्णो ऽथो॒ खलु॒ य ए॒व लोहि॑तो॒ यो वा॒व्रश्च॑नान्नि॒र्ये�॑ति॒ तस्य॒ नाश्य॑म् ॥
Verse: 5
Sentence: 1 काम॑म॒न्यस्य॑ । स स्त्री॑षंसा॒दमुपा॑सीदद्
Sentence: 2 अस्यै ब्रह्मह॒त्यायै॒ तृती॑य॒म्प्रति॑ गृह्णी॒तेति
Sentence: 3 ता अ॑ब्रुवन्
Sentence: 4 वरं॑ वृणामहा॒ ऋत्वि॑यात्प्र॒जां वि॑न्दामहै॒ काम॒मा विज॑नितोः॒ सम्भ॑वा॒मेति॒ तस्मा॒दृत्वि॑�यः॑ प्र॒जां वि॑न्दन्ते॒ काम॒मा विज॑नितोः॒ सम्भ॑वन्ति॒ वारे॑वृतं॒ ह्या॑साम् ।
Sentence: 5 तृती॑यम्ब्रह्मह॒त्यायै॒ प्रत्य॑गृह्ण॒न्त्सा मल॑वद्वासा अभव॒त्तस्मा॒न्मल॑वद्वाससा॒ न सं व॑देत ॥
Verse: 6
Sentence: 1 न स॒हासी॑त॒ नास्या॒ अन्न॑म॒द्याद्ब्र॑ह्मह॒त्यायै॒ ह्ये॒षा वर्ण॑म्प्रति॒मुच्यास्ते॑ ।
Sentence: 2 अथो॒ खल्वा॑हुर्
Sentence: 3 अ॒भ्यञ्ज॑नं॒ वाव स्त्रि॒या अन्न॑म॒भ्यञ्ज॑नमे॒व न प्र॑ति॒गृह्यं॒ काम॑म॒न्यदिति॑ । याम्मल॑वद्वाससं स॒म्भव॑न्ति॒ यस्ततो॒ जाय॑ते॒ सो॑ ऽभिश॒स्तो यामर॑ण्ये॒ तस्यै॑ स्ते॒नो याम्परा॑चीं॒ तस्यै॑ ह्रीतमु॒ख्य॑पग॒ल्भो या स्नाति॒ तस्या॑ अ॒प्सु मारु॑को॒ या ॥
Verse: 7
Sentence: 1 अ॑भ्य॒ङ्क्ते तस्यै॑ दु॒श्चर्मा॒ या प्र॑लि॒खते॒ तस्यै॑ खल॒तिर॑पमा॒री याङ्क्ते तस्यै॑ का॒णो या द॒तो धाव॑ते॒ तस्यै॑ श्या॒वद॒न्या न॒खानि॑ निकृ॒न्तते॒ तस्यै॑ कुन॒खी या कृ॒णत्ति॒ तस्यै॑ क्ली॒बो या रज्जुं॑ सृ॒जति॒ तस्या॑ उ॒द्बन्धु॑को॒ या प॒र्णेन॒ पिब॑ति॒ तस्या॑ उ॒न्मादु॑को॒ या ख॒र्वेण॒ पिब॑ति॒ तस्यै॑ ख॒र्वस्
Sentence: 2 ति॒स्रो रात्री॑र्व्र॒तं च॑रेदञ्ज॒लिना॑ वा॒ पिबे॒दख॑र्वेण वा॒ पात्रे॑ण प्र॒जायै॑ गोपी॒थाय॑ ॥
Paragraph: 2
Verse: 1
Sentence: 1 त्वष्टा॑ ह॒तपु॑त्रो॒ वीन्द्रं॒ सोम॒माह॑रत्
Sentence: 2 तस्मि॒न्निन्द्र॑ उपह॒वमै॑छत
Sentence: 3 तं नोपा॑ह्वयत
Sentence: 4 पु॒त्रम्मे॑ ऽवधी॒रिति
Sentence: 5 स य॑ज्ञवेश॒सं कृ॒त्वा प्रा॒सहा॒ सोम॑मपिबत्
Sentence: 6 तस्य॒ यद॒त्यशि॑ष्यत॒ तत्त्वष्टा॑हव॒नीय॒मुप॒ प्राव॑र्तयत्
Sentence: 7 स्वाहेन्द्र॑शत्रुर्वर्ध॒स्वेति
Sentence: 8 यदव॑र्तय॒त्तद्वृ॒त्रस्य॑ वृत्र॒त्वम् ।
Sentence: 9 यदब्र॑वीत्
Sentence: 10 स्वाहेन्द्र॑शत्रुर्वर्ध॒स्वेति॒ तस्मा॑दस्य ॥
Verse: 2
Sentence: 1 इन्द्रः॒ शत्रु॑रभवत्
Sentence: 2 स स॒म्भव॑न्न॒ग्नीषोमा॑व॒भि सम॑भवत्
Sentence: 3 स इ॑षुमा॒त्रमि॑षुमात्रं॒ विष्व॑ङ्ङवर्धत
Sentence: 4 स इ॒माँ लो॒कान॑वृणोत् ।
Sentence: 5 यदि॒माँ लो॒कानवृ॑णो॒त्तद्वृ॒त्रस्य॑ वृत्र॒त्वम् ।
Sentence: 6 तस्मा॒दिन्द्रो॑ ऽबिभेत्
Sentence: 7 स प्र॒जाप॑ति॒मुपा॑धावत् ।
Sentence: 8 शत्रु॑र्मे ऽज॒नीति
Sentence: 9 तस्मै॒ वज्रं॑ सि॒क्त्वा प्राय॑छत् ।
Sentence: 10 ए॒तेन॑ ज॒हीति॒ तेना॒भ्या॑यत
Sentence: 11 ताव॑ब्रूताम॒ग्नीषोमौ
Sentence: 12 मा ॥
Verse: 3
Sentence: 1 प्र हा॑रा॒वम॒न्तः स्व॒ इति
Sentence: 2 मम वै यु॒वं स्थ॒ इत्य॑ब्रवी॒न्माम॒भ्येत॒मिति
Sentence: 3 तौ भाग॒धेय॑ऐछेताम् ।
Sentence: 4 ताभ्या॑मे॒तम॑ग्नीषो॒मीय॒मेका॑दशकपालम्पू॒र्णमा॑से॒ प्राय॑छत्
Sentence: 5 ताव॑ब्रूताम्
Sentence: 6 अ॒भि सन्द॑ष्टौ वै स्वो॒ न श॑क्नुव ऐतु॒मिति
Sentence: 7 स इन्द्र॑ आ॒त्मनः॑ शीतरू॒राव॑जनयत्
Sentence: 8 तच्छी॑तरू॒रयो॒र्जन्म
Sentence: 9 य ए॒वं शी॑तरू॒रयो॒र्जन्म॒ वेद॑ ॥
Verse: 4
Sentence: 1 नै॑नं शीतरूरौ हतस्
Sentence: 2 ताभ्या॑मेनम॒भ्य॑नयत्
Sentence: 3 तस्मा॑ज्जञ्ज॒भ्यमा॑नाद॒ग्नीषोमौ॒ निर॑क्रामताम्
Sentence: 4 प्राणापानौ॒ वा ए॑नं॒ तद॑जहिताम्
Sentence: 5 प्रा॒नो वै॒ दक्षो॑ ऽपा॒नः क्रतु॑स्
Sentence: 6 तस्मा॑ज्जञ्ज॒भ्यमा॑नो ब्रूयात् ।
Sentence: 7 मयि॑ दक्षक्र॒तू इति
Sentence: 8 प्राणापा॒नावे॒वात्मन्ध॑त्ते
Sentence: 9 सर्व॒मायु॑रेति
Sentence: 10 स दे॒वता॑ वृ॒त्रान्नि॒र्हूय॒ वार्त्र॑घ्नं ह॒विः पू॒र्णमा॑से॒ निर॑वपत् ।
Sentence: 11 घ्नन्ति॒ वा ए॑नम्पू॒र्णमा॑स॒ आ ॥
Verse: 5
Sentence: 1 अ॑मावा॒स्या॑याम्प्याययन्ति
Sentence: 2 तस्मा॒द्वार्त्र॑घ्नी पू॒र्णमा॒से ऽनू॑च्येते॒ वृध॑न्वती अमावा॒स्या॑याम् ।
Sentence: 3 तत्सं॒स्थाप्य॒ वार्त्र॑घ्नं ह॒विर्वज्र॑मा॒दाय॒ पुन॑र॒भ्या॑यत
Sentence: 4 ते अ॑ब्रूतां॒ द्यावा॑पृथि॒वी
Sentence: 5 मा प्र हा॑रा॒वयोर्वै श्रि॒त इति
Sentence: 6 ते अ॑ब्रूताम् ।
Sentence: 7 वरं॑ वृणावहै॒ नक्ष॑त्रविहिता॒हम॑सा॒नीत्य॒साव॑ब्रवीच्चि॒त्रवि॑हिता॒हमिती॒यम् ।
Sentence: 8 तस्मा॒न्नक्ष॑त्रविहितासौ चि॒त्रवि॑हिते॒ ऽयम् ।
Sentence: 9 य ए॒वं द्यावा॑पृथि॒व्योः ॥
Verse: 6
Sentence: 1 वरं॒ वेदै॑नं॒ वरो॑ गछति
Sentence: 2 स आ॒भ्यामे॒व प्रसू॑त॒ इन्द्रो॑ वृ॒त्रम॑हन्
Sentence: 3 ते दे॒वा वृ॒त्रं ह॒त्वाग्नीषोमा॑वब्रुवन्
Sentence: 4 ह॒व्यं नो॑ वहत॒मिति
Sentence: 5 ताव॑ब्रूताम्
Sentence: 6 अप॑तेजसौ वै त्यौ वृ॒त्रे वै॒ त्ययो॒स्तेज॒ इति
Sentence: 7 ते॑ ऽब्रुवन्
Sentence: 8 क इ॒दमछै॒तीति
Sentence: 9 गौ॒रित्य॑ब्रुवन्गौ॒र्वाव सर्व॑स्य मि॒त्रमिति
Sentence: 10 साब्र॑वीत् ॥
Verse: 7
Sentence: 1 वरं॑ वृणै॒ मय्ये॒व स॒तो ऽभये॑न भुनजाध्वा॒ इति
Sentence: 2 तद्गौ॒राह॑रत्
Sentence: 3 तस्मा॒द्गवि॑ स॒तो ऽभये॑न भुञ्जते ।
Sentence: 4 ए॒तद्वा अ॒ग्नेस्तेजो॒ यद्घृ॒तम्
Sentence: 5 ए॒तत्सोम॑स्य॒ यत्पय॑स् ।
Sentence: 6 य ए॒वम॒ग्नीषोम॑यो॒स्तेजो॒ वेद॑ तेज॒स्व्ये॒व भ॑वति
Sentence: 7 ब्रह्मवा॒दिनो॑ वदन्ति
Sentence: 8 किन्देव॒त्य॑म्पौ॒र्णमा॑स॒मिति
Sentence: 9 प्राजाप॒त्यमिति॑ ब्रूयात्
Sentence: 10 तेनेन्द्रं॑ ज्ये॒ष्ठम्पु॒त्रं नि॒रवा॑सायय॒दिति
Sentence: 11 तस्मा॑ज्ज्ये॒ष्ठम्पु॒त्रं धने॑न नि॒रव॑साययन्ति ॥
Paragraph: 3
Verse: 1
Sentence: 1 इन्द्रं॑ वृ॒त्रं ज॑घनि॒वांस॒म्मृधो॒ ऽभि प्रावे॑पन्त॒ स ए॒तं वै॑मृ॒धम्पू॒णमा॑से ऽनुनिर्वा॒पप्य॑मपश्य॒त्तं निर॑वप॒त्तेन वै॒ स मृधो ऽपा॑हत॒ यद्वै॑मृ॒धः पू॒र्णमा॑से ऽनुनिर्वा॒प्यो॒ भव॑ति॒ मृध॑ ए॒व तेन॒ यज॑मा॒नो ऽप॑ हते ।
Sentence: 2 इन्द्रो॑ वृ॒त्रं ह॒त्वा दे॒वता॑भिश्चेन्द्रि॒येण॑ च॒ व्या॑र्ध्यत॒ स ए॒तमा॑ग्ने॒यम॒ष्टाक॑पा�॒न्द्रं दधि॑ ॥
Verse: 2
Sentence: 1 तं निर॑वप॒त्तेन वै॒ स दे॒वता॑श्चेन्द्रि॒यं चावा॑रुन्द्ध
Sentence: 2 यदा॑ग्ने॒यो॑ ऽष्टाकपालो ऽमावा॒स्या॑या॒म्भव॑त्ऐ॒न्द्रं दधि॑ दे॒वता॑श्चै॒व तेने॑न्द्रि॒यं च॒ यज॑मा॒नो ऽव॑ रुन्द्धे ।
Sentence: 3 इन्द्र॑स्य{F वृ॒त्रं{W व्रि॒त्रं{GOLS वृ॒त्रं ज॒घ्नुष॑ इन्द्रि॒यं वी॒र्य॑म्पृथि॒वीमनु॒ व्या॑र्छ॒त्तदोष॑धयो वी॒रुधो॑ ऽभवन्
Sentence: 4 स प्र॒जाप॑ति॒मुपा॑धावद्
Sentence: 5 वृ॒त्रम्मे॑ ज॒घ्नुष॑ इन्द्रि॒यं वी॒र्य॑म् ॥
Verse: 3
Sentence: 1 पृ॑थि॒वीमनु॒ व्या॑र॒त्तदोष॑धयो वी॒रुधो॑ ऽभूव॒निति
Sentence: 2 तत्प॒शव॒ ओष॑धी॒भ्यो ऽध्या॒त्मन्त्सम॑नय॒न्तत्प्रत्य॑दुह॒न्यत्स॒मन॑य॒न्तत्सां॑ना॒य्यस्य॑ सान्नाय्य॒त्वं यत्प्र॒त्यदु॑ह॒न्तत्प्र॑ति॒धुषः॑ प्रतिधु॒क्त्वम् ।
Sentence: 3 सम॑नैषुः॒ प्रत्य॑धुक्ष॒न्न तु मयि॑ श्रयत॒ इत्य॑ब्रवीदे॒तद॑स्मै ॥
Verse: 4
Sentence: 1 शृ॒तं कु॑रु॒तेत्य॑ब्रवी॒त्तद॑स्मै शृ॒तम॑कुर्वन्निन्द्रि॒यं वावास्मि॑न्वी॒र्यं॒ तद॑श्रय॒�स्य॑ शृत॒त्वम् ।
Sentence: 2 सम॑नैषुः॒ प्रत्य॑धुक्षञ्छृ॒तम॑क्र॒न्न तु मा॑ धिनो॒तीत्य॑ब्रवीदे॒तद॑स्मै॒ दधि॑ कुरु॒तेत्य॑स्मै॒ दध्य॑कुर्व॒न्तदे॑नमधिनो॒त्तद्द॒ध्नो द॑धि॒त्वम्
Sentence: 3 ब्रह्मवा॒दिनो॑ वदन्ति द॒ध्नः पूर्व॑स्याव॒देय॑म् ॥
Verse: 5
Sentence: 1 दधि॒ हि पूर्वं॑ क्रि॒यत॒ इत्यना॑दृत्य॒ तच्छृ॒तस्यै॒व पूर्व॒स्याव॑ द्येदिन्रि॒यमे॒वास्मि॑न�॒र्यं॑ श्रि॒त्वा द॒ध्नोपरि॑ष्टाद्धिनोति यथापू॒र्वमुपै॑ति
Sentence: 2 यत्पू॒तीकै॑र्वा पर्णवल्कैर्वात॒ञ्च्यात्सौ॒म्यं तद्यत्क्व॑लै राक्ष॒सं तद्यत्त॑ण्डुलैर्वै�॒वं तद्यदा॒तञ्च॑नेन मानु॒षं तद्यद्द॒ध्ना तत्सेन्द्रं॑ द॒ध्ना त॑नक्ति ॥
Verse: 6
Sentence: 1 से॑न्द्र॒त्वाय॑ ।
Sentence: 2 अ॑ग्निहोत्रोछेष॒णम॒भ्यात॑नक्ति य॒ज्ञस्य॒ सन्त॑त्यै ।
Sentence: 3 इन्द्रो॑ वृ॒त्रं ह॒त्वा परा॑म्परा॒वत॑मगछ॒दपा॑राध॒मिति॒ मन्य॑मान॒स्तं दे॒वताः प्रैषऐछ॒न्त्सो॑ ऽब्रवीत्प्र॒जाप॑ति॒र्यः प्र॑थ॒मो॑ ऽनुवि॒न्दति॒ तस्य॑ प्रथ॒मम्भा॑ग॒धेय॒मिति॒ तम्पि॒तरो ऽन्व॑विन्द॒न्तस्मा॑त्पि॒तृभ्यः॑ पूर्वे॒द्युः क्रि॑यते
Sentence: 4 सो॑ ऽमावा॒स्या॒म्प्रत्याग॑छ॒त्तं दे॒वा अ॒भि सम॑गछ॒न्तामा वै॑ नः ॥
Verse: 7
Sentence: 1 अ॒द्य वसु॑ वस॒तीतीन्द्रो॒ हि दे॒वानां॒ वसु॒ तद॑मावा॒स्या॑या अमावास्य॒त्वम्
Sentence: 2 ब्रह्मवा॒दिनो॑ वदन्ति किन्देव॒त्यं॑ सान्ना॒य्यमिति॑ वैश्वदे॒वमिति॑ ब्रूया॒द्विश्वे॒ हि तद्दे॒वा भा॑ग॒धेय॑म॒भि स॒मग॑छ॒न्तेत्यथो॒ खल्ऐ॒न्द्रमित्ये॒व ब्रू॑या॒दिन्द्रं॒ वाव ते तद्भि॑ष॒ज्यन्तो॒ ऽभि सम॑गछ॒न्तेति॑ ॥
Paragraph: 4
Verse: 1
Sentence: 1 ब्र॑ह्मवा॒दिनो॑ वदन्ति
Sentence: 2 स त्वै॑ दर्शपूर्णमासौ यजेत॒ य ए॑नौ॒ सेन्द्रौ॒ यजे॒तेति
Sentence: 3 वैमृ॒धः पू॒र्णमा॑से ऽनुनिर्वा॒प्यो॑ भवति॒ तेन॑ पू॒र्णमा॑सः॒ सेन्द्र॑ ऐ॒न्द्रं दध्य॑मावा॒स्�॑यां॒ तेना॑मावा॒स्या॒ सेन्द्रा॒ य ए॒वं वि॒द्वान्द॑र्शपूर्णमासौ॒ यज॑ते॒ सेन्द्रा॑वेवैनौ यजते॒ श्वःश्वो॑ ऽस्मा ईजा॒नाय॒ वसी॑यो भवति
Sentence: 4 दे॒वा वै॒ यद्य॒ज्ञे ऽकु॑र्वत॒ तदसु॑रा अकुर्वत॒ ते दे॒वा ए॒ताम् ॥
Verse: 2
Sentence: 1 इष्टि॑मपश्यन् ।
Sentence: 2 आ॑ग्नावैष्ण॒वमेका॑दशकपालं॒ सर॑स्वत्यै च॒रुं सर॑स्वते च॒रुं ताम्पौ॑र्णमा॒सं सं॒स्थाप्यानु॒ निर॑वप॒न्ततो॑ दे॒वा अभ॑व॒न्परासु॑रास् ।
Sentence: 3 यो भ्रातृ॑व्यवा॒न्त्स्यात्स पौ॑र्णमा॒सं सं॒स्थाप्यै॒तामिष्टि॒मनु॒ निर्व॑पेत्पौर्णमा॒सेन�॒व वज्र॒म्भ्रातृ॑व्याय प्र॒हृत्या॑ग्नावैष्ण॒वेन॑ दे॒वता॑श्च य॒ज्ञं च॒ भ्रातृ॑व्यस्य वृङ्क्ते
Sentence: 4 मिथु॒नान्प॒शून्त्सा॑रस्व॒ताभ्यां॒ याव॑दे॒वा स्यास्ति॒ तत् ॥
Verse: 3
Sentence: 1 सर्वं॑ वृङ्क्ते
Sentence: 2 पौर्णमा॒सीमे॒व य॑जेत॒ भ्रातृ॑व्यवा॒न्नामा॑वा॒स्यां॑ ह॒त्वा भ्रातृ॑व्यं॒ ना प्या॑ययति
Sentence: 3 साकम्प्रस्था॒यीये॑न यजेत प॒शुका॑मस् ।
Sentence: 4 यस्मै॒ वा अल्पे॑ना॒हर॑न्ति॒ नात्मना॒ तृप्य॑ति॒ नान्यस्मै॑ ददाति॒ यस्मै॑ मह॒ता तृप्य॑त्या॒त्ना॒ ददा॑त्य॒न्यस्मै॑ मह॒ता पू॒र्णं हो॑त॒व्य॑म् ।
Sentence: 5 तृ॒प्त एवैन॒मिन्द्रः॑ प्र॒जया॑ प॒शुभि॑स्तर्पयति
Sentence: 6 दारुपा॒त्रेण॑ जुहोति
Sentence: 7 न हि मृ॒न्मय॒माहु॑तिं आन॒शे ।
Sentence: 8 अौ॑दुम्बरम् ॥
Verse: 4
Sentence: 1 भ॑व॒त्यूर्ग्वा उ॑दु॒म्बर॒ ऊर्क्प॒शव॑ ऊर्जै॒वास्मा॒ ऊर्ज॑म्प॒शूनव॑ रुन्द्धे
Sentence: 2 नाग॑तश्रीर्महे॒न्द्रं य॑जेत
Sentence: 3 त्रयो वै ग॒तश्रि॑यः शुश्रु॒वान्ग्रा॑म॒णी रा॑ज॒न्य॒स्तेषा॑म्महे॒न्द्रो दे॒वता॒ यो वै॒ स्वां दे॒वतां॑ अति॒यज॑ते॒ प्रस्वायै॑ दे॒वता॑यै च्यवते॒ न परा॒म्प्राप्नो॑ति॒ पापी॑यान्भ�
Sentence: 4 संवत्स॒रमिन्द्रं॑ यजेत संवत्स॒रं हि व्र॒तं नाति॒ स्वा ॥
Verse: 5
Sentence: 1 एवैनं दे॒वते॒ज्यमा॑ना॒ भूत्या॑ इन्द्धे॒ वसी॑यान्भवति
Sentence: 2 संवत्स॒रस्य॑ प॒रस्ता॑द॒ग्नये॑ व्र॒तप॑तये पुरो॒डाश॑म॒ष्टाक॑पालं॒ निर्व॑पेत्
Sentence: 3 संवत्स॒रमेवैनं वृ॒त्रं ज॑घ्नि॒वांस॑म॒ग्निर्व्र॒तप॑तिर्व्र॒तमा ल॑म्भयति
Sentence: 4 ततो ऽधि॒ कामं॑ यजेत ॥
Paragraph: 5
Verse: 1
Sentence: 1 नासो॑मयाजी॒ सं न॑ये॒दना॑गतं॒ वा ए॒तस्य॒ पयो॒ यो ऽसो॑मयाजी
Sentence: 2 यदसो॑मयाजी सं॒नये॑त्परिमो॒ष ए॒व सो ऽनृ॑तं करोति ।
Sentence: 3 अथो॒ परै॒व सि॑च्यते
Sentence: 4 सोमया॒ज्ये॒व सं न॑ये॒त्पयो वै॒ सोमः॒ पयः॑ सान्ना॒य्यम्पय॑सै॒व पय॑ आ॒त्मन्ध॑त्ते
Sentence: 5 वि वा ए॒तम्प्र॒जया॑ प॒शुभि॑रर्धयति व॒र्धय॑त्यस्य॒ भ्रातृ॑व्यं॒ यस्य॑ ह॒विर्निरु॑प्तम्पु॒र�माः॑ ॥
Verse: 2
Sentence: 1 अ॒भ्यु॒देति
Sentence: 2 त्रे॒धा त॑ण्डु॒लान्वि भ॑जेद्
Sentence: 3 ये म॑ध्य॒माः स्युस्तान॒ग्नये॑ दा॒त्रे पु॑रो॒डाश॑म॒ष्टाक॑पालं कुर्याद्
Sentence: 4 ये स्थवि॑ष्ठा॒स्तानिन्द्रा॑य प्रदा॒त्रे द॒धंश्च॒रुम् ।
Sentence: 5 ये ऽणि॑ष्ठा॒स्तान्विष्ण॑वे शिपिवि॒ष्टाय॑ शृ॒ते च॒रुम्
Sentence: 6 अ॒ग्निरे॒वास्मै॑प्र॒जाम्प्र॑ज॒नय॑ति वृ॒द्धामिन्द्रः॒ प्र य॑छति
Sentence: 7 य॒ज्ञो वै॒ विष्णुः॑ प॒शवः॒ शिपि॑र्य॒ज्ञ ए॒व प॒शुषु॒ प्रति॑ तिष्ठति
Sentence: 8 न द्वे ॥
Verse: 3
Sentence: 1 य॑जेत
Sentence: 2 यत्पूर्व॑या सम्प्र॒ति यजे॒तोत्त॑रया छ॒म्बट्कु॑र्याद्
Sentence: 3 यदुत्त॑रया सम्प्र॒ति यजे॑त॒ पूर्व॑या छ॒म्बट्कु॑र्या॒न्नेष्टि॒र्भव॑ति॒ न य॒ज्ञस्तदनु॑ ह्रीत मु॒ख्य॑पग॒ल्भो जा॑यते ।
Sentence: 4 एका॑मे॒व य॑जेत प्रग॒ल्भो॑ ऽस्य जायते ।
Sentence: 5 अ॑नादृत्य॒ तद्द्वे ए॒व य॑जेत
Sentence: 6 यज्ञमु॒खमे॒व पूर्व॑या॒लभ॑ते॒ यज॑त॒ उत्त॑रया दे॒वता॑ ए॒व पूर्व॑यावरु॒न्द्ध इ॑न्द्रि॒यमुत्त�या देवलो॒कमे॒व ॥
Verse: 4
Sentence: 1 पूर्व॑याभि॒जय॑ति मनुष्यलो॒कमुत्त॑रया
Sentence: 2 भूय॑सो यज्ञक्र॒तूनुपै॑ति ।
Sentence: 3 ए॒षा वै॑ सु॒मना॒ नामे॑ष्टि॒र्यम॒द्येजा॒नम्प॒श्चाच्च॒न्द्रमा॑ अ॒भ्यु॒देत्य॒स्मिन्ने॒वास्मै॑ लो॒के ऽर्धु॑कम्भवति
Sentence: 4 दाक्षायणय॒ज्ञेन॑ सुव॒र्गका॑मो यजेत
Sentence: 5 पू॒र्णमा॑से॒ सं न॑येन्मैत्रावरु॒ण्यामिक्ष॑यामावा॒स्या॑यां यजेत
Sentence: 6 पू॒र्णमा॑से वै दे॒वानां॑ सु॒तस्तेषा॑मे॒तम॑र्धमा॒सम्प्रसु॑तस्
Sentence: 7 तेश्षाम्मैत्रावरु॒णी व॒शामा॑वा॒स्या॑यामनूब॒न्ध्या॒ यत् ॥
Verse: 5
Sentence: 1 पू॑र्वे॒द्युर्यज॑ते॒ वेदि॑मे॒व तत्क॑रोति
Sentence: 2 यद्व॒त्सान॑पाक॒रोति॑ सदोहविर्धा॒ने ए॒व सम्मि॑नोति
Sentence: 3 यद्यज॑ते देवैरे॒व सु॒त्यां सम्पा॑दयति॒ स ए॒तम॑र्धमा॒सं स॑ध॒मादं॑ देवैः॒ सोम॑म्पिबति
Sentence: 4 यन्मै॑त्रावरु॒ण्यामि॑क्षयामावा॒स्या॑यां॒ यज॑ते यै॒वासौ॑ दे॒वानां॑ व॒शानू॑ब॒न्ध्या॒ सो एवैषै॒तस्य
Sentence: 5 सा॒क्षाद्वा ए॒ष दे॒वान॒भ्यारो॑हति॒ य ए॑षां य॒ज्ञम् ॥
Verse: 6
Sentence: 1 अ॑भ्या॒रोह॑ति॒ यथा॒ खलु वै॒ श्रेया॑न॒भ्यारू॑ढः का॒मय॑ते॒ तथा॑ करोति
Sentence: 2 यद्य॑व॒विध्य॑ति॒ पापी॑यान्भवति॒ यदि॒ नाव॒विध्य॑ति स॒दृङ्व्या॒वृत्का॑म ए॒तेन॑ य॒ज्ञेन॑ यजेत क्षु॒रप॑वि॒र्ह्ये॒ष य॒ज्ञस्ता॒जक्पुण्यो॑ वा॒ भव॑ति॒ प्र वा॑ मीयते
Sentence: 3 तस्यै॒तद्व्र॒तम् ।
Sentence: 4 नानृ॑तं वदे॒न्न मां॒सम॑श्नीया॒न्न स्त्रिय॒मुपे॑या॒न्नास्य॒ पल्पू॑लनेन॒ वासः॑ पल्पूलयेयुरेद्धि दे॒वाः सर्वं॒ न कु॒र्वन्ति॑ ॥
Paragraph: 6
Verse: 1
Sentence: 1 ए॒ष वै॑ देवर॒थो यद्द॑र्शपूर्णमासौ
Sentence: 2 यो द॑र्शपूर्णमा॒सावि॒ष्ट्वा सोमे॑न॒ यज॑ते॒ रथ॑स्पष्ट ए॒वाव॒साने॒ वरे॑ दे॒वाना॒मव॑ स्यति ।
Sentence: 3 ए॒तानि॒ वा अङ्गा॒परूं॑षि संवत्स॒रस्य॒ यद्द॑र्शपूर्णमासौ
Sentence: 4 य ए॒वं वि॒द्वान्द॑र्शपूर्णमासौ॒ यज॒ते ऽङ्गा॒परूं॑ष्ये॒व सं॑वत्स॒रस्य॒ प्रति॑ दधाति ।
Sentence: 5 ए॒ते वै॑ संवत्स॒रस्य॒ चक्षु॑षी॒ यद्द॑र्शपूर्णमासौ
Sentence: 6 य ए॒वं वि॒द्वान्द॑र्शपूर्णमासौ॒ यज॑ते॒ ताभ्या॑मे॒व सु॑व॒र्गं लो॒कमनु॑ पश्यति ॥
Verse: 2
Sentence: 1 ए॒षा वै॑ दे॒वानां॒ विक्रा॑न्ति॒र्यद्द॑र्शपूर्णमासौ
Sentence: 2 य ए॒वं वि॒द्वान्द॑र्शपूर्णमासौ॒ यज॑ते दे॒वाना॑मे॒व विक्रा॑न्ति॒मनु॒ वि क्र॑मते ।
Sentence: 3 ए॒ष वै॑ देव॒यानः॒ पन्था॒ यद्द॑र्शपूर्णमासौ
Sentence: 4 य ए॒वं वि॒द्वान्द॑र्शपूर्णमासौ॒ यज॑ते॒ य ए॒व दे॑व॒यानः॒ पन्था॒स्तं स॒मारो॑हति ।
Sentence: 5 एतौ वै दे॒वानां॒ हरी॒ यद्द॑र्शपूर्णमासौ
Sentence: 6 य ए॒वं वि॒द्वान्द॑र्शपूर्णमासौ॒ यज॑ते॒ यावे॒व दे॒वानां॒ हरी॒ ताभ्या॑म् ॥
Verse: 3
Sentence: 1 एवैभ्यो ह॒व्यं व॑हति ।
Sentence: 2 ए॒तद्वै॑ दे॒वाना॑मा॒स्यं॒ यद्द॑र्शपूर्णमासौ
Sentence: 3 य ए॒वं वि॒द्वान्द॑र्शपूर्णमासौ॒ यज॑ते सा॒क्षादे॒व दे॒वाना॑मा॒स्ये॑ जुहोति ।
Sentence: 4 ए॒ष वै॑ हविर्धा॒नी यो द॑र्शपूर्णमासया॒जी
Sentence: 5 सा॒यम्प्रा॑तरग्निहो॒त्रं जु॑होति॒ यज॑ते दर्शपूर्णमा॒सावह॑रहर्हविर्धा॒निनां॑ सु॒तस् ।
Sentence: 6 य ए॒वं वि॒द्वान्द॑र्शपूर्णमासौ॒ यज॑ते हविर्धा॒न्य॒स्मीति॒ सर्व॑मे॒वास्य॑ बर्हि॒ष्यं॑ द॒त्�
Sentence: 7 दे॒वा वा अहः॑ ॥
Verse: 4
Sentence: 1 य॒ज्ञियं॒ नावि॑न्द॒न्ते द॑र्शपूर्णमा॒साव॑पुनन्
Sentence: 2 तौ॒ वा एतौ पूतौ॒ मेध्यौ॒ यद्द॑र्शपूर्णमासौ
Sentence: 3 य ए॒वं वि॒द्वान्द॑र्शपूर्णमासौ॒ यज॑ते पू॒तावेवैनौ॒ मेध्यौ॑ यजते
Sentence: 4 नामा॑वा॒स्या॑यां च पौर्णमा॒स्यां च॒ स्त्रिय॒मुपे॑यात् ।
Sentence: 5 यदु॑पे॒यान्निरि॑न्द्रियः स्यात्
Sentence: 6 सोम॑स्य वै॒ राज्ञो॑ ऽर्ध॒मास॑स्य॒ रात्र॑यः॒ पत्न॑य आसन्
Sentence: 7 तासा॑ममावा॒स्यां॑ च पौर्णमा॒सीं च॒ नोपै॑त् ॥
Verse: 5
Sentence: 1 ते ए॑नम॒भि सम॑नह्येताम् ।
Sentence: 2 तं यक्ष्म॑ आर्छत् ।
Sentence: 3 राजा॑नं॒ यक्ष्म॑ आर॒दिति॒ तद्रा॑जय॒क्ष्मस्य॒ जन्म
Sentence: 4 यत्पापी॑या॒नभ॑व॒त्तत्पा॑पय॒क्ष्मस्य
Sentence: 5 यज्जा॒याभ्या॒मवि॑न्द॒त्तज्जा॒येन्य॑स्य
Sentence: 6 य ए॒वमे॒तेषां॒ यक्ष्मा॑णां॒ जन्म॒ वेद नैनमे॒ते यक्ष्मा॑ विन्दन्ति
Sentence: 7 स ए॒ते ए॒व न॑म॒स्यन्नुपा॑धावत्
Sentence: 8 ते अ॑ब्रूताम् ।
Sentence: 9 वरं॑ वृणावहा आ॒वं दे॒वाना॑म्भाग॒धे अ॑साव ॥
Verse: 6
Sentence: 1 आ॒वदधि॑ दे॒वा इ॑ज्यान्ता॒ इति
Sentence: 2 तस्मा॑त्स॒दृशी॑नां॒ रात्री॑णाममावा॒स्या॑यां च पौर्णमा॒स्यां च॑ दे॒वा इ॑ज्यन्ते ।
Sentence: 3 ए॒ते हि दे॒वाना॑म्भाग॒धे
Sentence: 4 भा॑ग॒धा अ॑स्मै मनु॒ष्या॑ भवन्ति॒ य ए॒वं वेद
Sentence: 5 भू॒तानि॒ क्षुध॑मघ्नन्त्स॒द्यो म॑नु॒ष्या॑ अर्धमा॒से दे॒वा मा॒सि पि॒तरः॑ संवत्स॒रे वन॒स्पत॑य�
Sentence: 6 तस्मा॒दह॑रहर्मनु॒ष्या॒ अश॑नमिछन्ते ऽर्धमा॒से दे॒वा इ॑ज्यन्ते मा॒सि पि॒तृभ्यः॑ क्रियते संवत्स॒रे वन॒स्पत॑यः॒ पलं॑ गृह्णन्ति
Sentence: 7 य ए॒वं वेद॒ हन्ति॒ क्षुध॒म्भ्रातृ॑व्यम् ॥
Paragraph: 7
Verse: 1
Sentence: 1 दे॒वा वै॒ नर्चि न यजु॑ष्यश्रयन्त
Sentence: 2 ते साम॑न्ने॒वाश्र॑यन्त
Sentence: 3 हिं क॑रोति॒ सामै॒वाक॑र्
Sentence: 4 हिं क॑रोति॒ यत्रै॒व दे॒वा अश्र॑यन्त॒ तत॑ एवैना॒न्प्र यु॑ङ्क्ते
Sentence: 5 हिं क॑रोति वा॒च एवै॒ष योग॑स् ।
Sentence: 6 हिं क॑रोति प्र॒जा ए॒व तद्यज॑मानः सृजते
Sentence: 7 त्रिः प्र॑थ॒मामन्वा॑ह॒ त्रिरु॑त्त॒माम् ।
Sentence: 8 य॒ज्ञस्यै॒व तद्ब॒र्सम् ॥
Verse: 2
Sentence: 1 न॑ह्य॒त्यप्र॑स्रंसाय
Sentence: 2 सन्त॑त॒मन्वा॑ह प्रा॒णाना॑म॒न्नाद्य॑स्य॒ सन्त॑त्यै ।
Sentence: 3 अथो॒ रक्ष॑सा॒मप॑हत्यै
Sentence: 4 राथं॑तरीम्प्रथ॒मामन्वा॑ह
Sentence: 5 राथं॑तरो॒ वा अ॒यं लो॒कस् ।
Sentence: 6 इ॒ममे॒व लो॒कम॒भि ज॑यति
Sentence: 7 त्रिर्वि गृ॑ह्णाति
Sentence: 8 त्रय॑ इ॒मे लो॒कास् ।
Sentence: 9 इ॒माने॒व लो॒कान॒भि ज॑यति
Sentence: 10 बार्ह॑तीमुत्त॒मामन्वा॑ह
Sentence: 11 बार्ह॑तो॒ वा असौ लो॒कस् ।
Sentence: 12 अ॒मुमे॒व लो॒कम॒भि ज॑यति
Sentence: 13 प्र वः॑ ॥
Verse: 3
Sentence: 1 वाजा॒ इत्यनि॑रुक्ताम्प्राजाप॒त्यामन्वा॑ह
Sentence: 2 य॒ज्ञो वै॑ प्र॒जाप॑तिस् ।
Sentence: 3 य॒ज्ञमे॒व प्र॒जाप॑ति॒मा र॑भते
Sentence: 4 प्र वो॒ वाजा॒ इत्यन्वा॑ह ।
Sentence: 5 अन्नं वै॒ वाज॑स् ।
Sentence: 6 अन्न॑मे॒वाव॑ रुन्द्धे
Sentence: 7 प्र वो॒ वाजा॒ इत्या॑न्वाह
Sentence: 8 तस्मा॑त्प्रा॒चीनं॒ रेतो॑ धीयते ।
Sentence: 9 अग्न॒ आ या॑हि वी॒तय॒ इत्या॑ह
Sentence: 10 तस्मा॑त्प्र॒तीचीः॑ प्र॒जा जा॑यन्ते
Sentence: 11 प्र वो॒ वाजाः॑ ॥
Verse: 4
Sentence: 1 इत्यन्वा॑ह
Sentence: 2 मासा वै॒ वाजा॑ अर्धमा॒सा अ॒भिद्य॑वो दे॒वा ह॒विष्म॑न्तो गौर्घृ॒ताची॑ य॒ज्ञो दे॒वाञ्जि॑गाति॒ यज॑मानः सुम्न॒युस् ।
Sentence: 3 इ॒दम॑सी॒दम॒सीत्ये॒व य॒ज्ञस्य॑ प्रि॒यं धामाव॑ रुन्द्धे
Sentence: 4 यं का॒मये॑त
Sentence: 5 सर्व॒मायु॑रिया॒दिति॒ प्र वो॒ वाजा॒ इति॒ तस्या॒नूच्याग्न॒ आ या॑हि वी॒तय॒ इति॒ सं त॑त॒मुत्त॑रम�मा ल॑भेत ॥
Verse: 5
Sentence: 1 प्रा॒णेनै॒वास्या॑पा॒नं द॑धार॒ सर्व॒मायु॑रेति
Sentence: 2 यो वा अ॑र॒त्निं सा॑मिधे॒नीनां॒ वेदा॑र॒त्नावे॒व भ्रातृ॑व्यं कुरुते ।
Sentence: 3 अ॑र्धर्चौ॒ सं द॑धाति ।
Sentence: 4 ए॒ष वा अ॑र॒त्निः सा॑मिधे॒नीना॑म् ।
Sentence: 5 य ए॒वं वेदा॑र॒त्नावे॒व भ्रातृ॑व्यं कुरुते ।
Sentence: 6 ऋषे॑रृषे॒र्वा ए॒ता निर्मि॑ता॒ यत्सा॑मिधे॒न्य॑स्
Sentence: 7 ता यदसं॑युक्ताः॒ स्युः प्र॒जया॑ प॒शुभि॒र्यज॑मानस्य॒ वि ति॑ष्ठेरन् ।
Sentence: 8 अ॑र्धर्चौ॒ सन्द॑धाति
Sentence: 9 सं यु॑नक्त्येवैनास्
Sentence: 10 ता अ॑स्मै॒ संयु॑क्ता अ॒वरु॑द्धाः॒ सर्वा॑मा॒शिषं॑ दुह्रे ॥
Paragraph: 8
Verse: 1
Sentence: 1 अय॑ज्ञो॒ वा ए॒ष यो॑ ऽसा॒मा ।
Sentence: 2 अग्न॒ आ या॑हि वी॒तय॒ इत्या॑ह राथन्त॒रस्यै॒ष वर्ण॑स्
Sentence: 3 तं त्वा॑ स॒मिद्भि॑रङ्गिर॒ इत्या॑ह वामदे॒व्यस्यै॒ष वर्ण॑स् ।
Sentence: 4 बृ॒हद॑ग्ने सु॒वीर्य॒मित्या॑ह बृह॒त ए॒ष वर्ण॑स् ।
Sentence: 5 यदे॒तं तृ॒चम॒न्वाह॑ य॒ज्ञमे॒व तत्साम॑न्वन्तं करोति ।
Sentence: 6 अ॒ग्निर॑मुष्मिँ लो॒क आसी॑दादि॒त्यो॒ ऽस्मिन्
Sentence: 7 ताविमौ लो॒कावशा॑न्तौ ॥
Verse: 2
Sentence: 1 आ॑स्ताम् ।
Sentence: 2 ते दे॒वा अ॑ब्रुवन् ।
Sentence: 3 एतेमौ॒ वि पर्यू॑हा॒मेति॑ ।
Sentence: 4 अग्न॒ आ या॑हि वी॒तय॒ इत्य॑स्मिँ लो॒के॒ ऽग्निम॑दधुर्बृ॒हद॑ग्ने सु॒वीर्य॒मित्य॒मुष्मिँ॑ लो॒क आ॑दि॒त्यम् ।
Sentence: 5 ततो॒ वा इमौ लो॒काव॑शाम्यताम् ।
Sentence: 6 यदे॒वम॒न्वाहा॒नयो॑र्लो॒कयोः॒ शान्त्यै
Sentence: 7 शाम्य॑तो ऽस्मा इमौ लोकौ॒ य ए॒वं वेद
Sentence: 8 पञ्च॑दश सामिधे॒नीरन्वा॑ह
Sentence: 9 पञ्च॑दश ॥
Verse: 3
Sentence: 1 वा अ॑र्धमा॒सस्य॒ रात्र॑यस् ।
Sentence: 2 अ॑र्धमास॒शः सं॑वत्स॒र आ॑प्यते
Sentence: 3 तासां॒ त्रीणि॑ च श॒तानि॑ ष॒ष्टिश्चा॒क्षरा॑णि
Sentence: 4 ताव॑तीः संवत्स॒रस्य॒ रात्र॑यस् ।
Sentence: 5 अ॑क्षर॒श ए॒व सं॑वत्स॒रमा॑प्नोति
Sentence: 6 नृ॒मेध॑श्च॒ परु॑छेपश्च ब्रह्म॒वाद्य॑मवदेताम्
Sentence: 7 अ॒स्मिन्दारा॑वा॒र्द्रे॒ ऽग्निं ज॑नयाव॒ यत॑रो नौ॒ ब्रह्मी॑या॒निति
Sentence: 8 नृ॒मेधो॒ ऽभ्य॑वद॒त्स धू॒मम॑जनयत्
Sentence: 9 परु॑छेपो॒ ऽभ्य॑वद॒त्सो॒ ऽग्निम॑जनयत् ।
Sentence: 10 ऋष॒ इत्य॑ब्रवीत् ॥
Verse: 4
Sentence: 1 यत्स॒माव॑द्वि॒द्व क॒था त्वम॒ग्निमजी॑जनो॒ नाहमिति
Sentence: 2 सामिधे॒नीना॑मे॒वाहं वर्णं॑ वे॒देत्य॑ब्रवीत् ।
Sentence: 3 यद्घृ॒तव॑त्प॒दम॑नू॒च्यते॒ स आ॑सां॒ वर्ण॑स्
Sentence: 4 तं त्वा॑ स॒मिद्भि॑रङ्गिर॒ इत्या॑ह सामिधे॒नीष्वे॒व तज्ज्योति॑र्जनयति
Sentence: 5 स्त्रिय॒स्तेन॒ यदृच॒ स्त्रिय॒स्तेन॒ यद्गा॑य॒त्रिय॒ स्त्रिय॒स्तेन॒ यत्सा॑मिधे॒न्य॑स् ।
Sentence: 6 वृष॑ण्वती॒मन्वा॑ह ॥
Verse: 5
Sentence: 1 तेन॒ पुंस्व॑ती॒स्तेन॒ सेन्द्रा॒स्तेन॑ मिथु॒नास् ।
Sentence: 2 अ॒ग्निर्दे॒वानां॑ दू॒त आसी॑दु॒शना॑ का॒व्यो ऽसु॑राणाम् ।
Sentence: 3 तौ॑ प्र॒जाप॑तिम्प्र॒श्नऐ॑ताम्
Sentence: 4 स प्र॒जाप॑तिर॒ग्निं दू॒तं वृ॑णीमह॒ इत्य॒भि प॑र्यावर्तत
Sentence: 5 ततो॑ दे॒वा अभ॑वन्प॒रासु॑रास् ।
Sentence: 6 यस्यै॒वं वि॒दुषो॒ ऽग्निं दू॒तं वृ॑णीमह॒ इत्य॒न्वाह॒ भव॑त्या॒त्मना॒ परा॑स्य॒ भ्रातृ॑व्यो भवति ।
Sentence: 7 अ॑ध्व॒रव॑ती॒मन्वा॑ह
Sentence: 8 भ्रातृ॑व्यमेवै॒तया॑ ॥
Verse: 6
Sentence: 1 ध्व॑रति
Sentence: 2 शो॒चिष्के॑श॒स्तमी॑मह॒ इत्या॑ह
Sentence: 3 प॒वित्र॑मेवै॒तत् ।
Sentence: 4 यज॑मानमेवै॒तया॑ पवयति
Sentence: 5 समि॑द्धो अग्न आहु॒तेत्या॑ह
Sentence: 6 परि॒धिमेवै॒तम्परि॑ दधा॒त्यस्क॑न्दाय
Sentence: 7 यदत॑ ऊ॒र्ध्वम॑भ्याद॒ध्याद्यथा॑ बहिःपरि॒धि स्कन्द॑ति ता॒दृगे॒व तत्
Sentence: 8 त्रयो॒ वा अ॒ग्नयो॑ हव्य॒वाह॑नो दे॒वानां॑ कव्य॒वाह॑नः पितृ॒णां स॒हर॑क्षा॒ असु॑राणाम् ।
Sentence: 9 त ए॒तर्ह्या शं॑सन्ते
Sentence: 10 मां व॑रिष्यते॒ माम् ॥
Verse: 7
Sentence: 1 इति
Sentence: 2 वृणी॒ध्वं ह॑व्य॒वाह॑न॒मित्या॑ह
Sentence: 3 य ए॒व दे॒वानां॒ तं वृ॑णीते ।
Sentence: 4 आ॑र्षे॒यं वृ॑णीते
Sentence: 5 बन्धो॑रे॒व नै॑ति ।
Sentence: 6 अथो॒ सन्त॑त्यै
Sentence: 7 प॒रस्ता॑द॒र्वाचो॑ वृणीते
Sentence: 8 तस्मा॑त्प॒रस्ता॑द॒र्वाञ्चो॑ मनु॒ष्या॑न्पित॒रो ऽनु॒ प्र पि॑पते ॥
Paragraph: 9
Verse: 1
Sentence: 1 अग्ने॑ म॒हां अ॒सीत्या॑ह म॒हान्ह्ये॒ष यद॒ग्निस् ।
Sentence: 2 ब्रा॑ह्म॒णेत्या॑ह ब्राह्म॒णो ह्य्े॒ष^ ए॒षस्
Sentence: 3 भार॒तेत्या॑है॒ष हि दे॒वेभ्यो॑ ह॒व्यम्भर॑ति
Sentence: 4 दे॒वेद्ध॒ इत्या॑ह दे॒वा ह्ये॒तऐ॑न्धत
Sentence: 5 मन्वि॑द्ध॒ इत्या॑ह॒ मनु॒र्ह्ये॒तमुत्त॑रो दे॒वेभ्य ऐन्द्ध ।
Sentence: 6 ऋषि॑ष्टुत॒ इत्या॒हर्ष॑यो॒ ह्ये॒तमस्तु॑वन्
Sentence: 7 विप्रा॑नुमदित॒ इत्या॑ह ॥
Verse: 2
Sentence: 1 विप्रा॒ ह्ये॒ते यच्छु॑श्रु॒वांसः
Sentence: 2 कविश॒स्त इत्या॑ह क॒वयो॒ ह्ये॒ते यच्छ्श्रु॒वांस॑स् ।
Sentence: 3 ब्रह्म॑संशित॒ इत्या॑ह॒ ब्रह्म॑संशितो ह्य्े॒ष^ ए॒षस्
Sentence: 4 घृ॒ताह॑वन॒ इत्या॑ह घृताहु॒तिर्ह्य॑स्य प्रि॒यत॑मा
Sentence: 5 प्र॒णीर्य॒ज्ञाना॒मित्या॑ह प्र॒णीर्ह्ये॒ष य॒ज्ञाना॑म् ।
Sentence: 6 र॒थीर॑ध्व॒राणा॒मित्या॑है॒ष हि दे॑वर॒थस् ।
Sentence: 7 अ॒तूर्तो॒ होतेत्या॑ह॒ न ह्ये॒तं कश्च॒न ॥
Verse: 3
Sentence: 1 तर॑ति
Sentence: 2 तूर्णि॑र्हव्य॒वाडित्या॑ह
Sentence: 3 सर्वं॒ ह्ये॒ष तर॑ति ।
Sentence: 4 आस्पात्रं॑ जु॒हूर्दे॒वाना॒मित्या॑ह जु॒हूर्ह्ये॒ष दे॒वाना॑म् ।
Sentence: 5 च॑म॒सो दे॑व॒पान॒ इत्या॑ह चम॒सो ह्ये॒ष दे॑व॒पान॑स् ।
Sentence: 6 अ॒रां इ॑वाग्ने ने॒मिर्दे॒वांस्त्वम्प॑रि॒धूर॒सीत्या॑ह दे॒वान्ह्ये॒ष प॑रि॒भूस् ।
Sentence: 7 यद्ब्रू॒यात् ।
Sentence: 8 आ व॑ह दे॒वान्दे॑वय॒ते यज॑माना॒येति॒ भ्रातृ॑व्यमस्मै ॥
Verse: 4
Sentence: 1 ज॑नयेत् ।
Sentence: 2 आ व॑ह दे॒वान्यज॑माना॒येत्या॑ह॒ यज॑मानमेवै॒तेन॑ वर्धयति ।
Sentence: 3 अ॒ग्निम॑ग्न॒ आ व॑ह॒ सोम॒मा व॒हेत्या॑ह दे॒वता॑ ए॒व तद्य॑थापू॒र्वमुप॑ ह्वयते ।
Sentence: 4 आ चा॑ग्ने दे॒वान्व॑ह सु॒यजा॑ च यज जातवेद॒ इत्या॑ह ।
Sentence: 5 अ॒ग्निमे॒व तत्सं श्य॑ति
Sentence: 6 सो॑ ऽस्य॒ संशि॑तो दे॒वेभ्यो॑ ह॒व्यं व॑हति ।
Sentence: 7 अ॒ग्निर्होता॑ ॥
Verse: 5
Sentence: 1 इत्या॑ह ।
Sentence: 2 अ॒ग्निर्वै॑ दे॒वानां॒ होता
Sentence: 3 य ए॒व दे॒वानां॒ होता॒ तं वृ॑णीते
Sentence: 4 स्मो व॒यमित्या॑हा॒त्मान॑मे॒व स॒त्त्वं ग॑मयति
Sentence: 5 सा॒धु ते॑ यजमान दे॒वतेत्या॑हा॒शिष॑मेवै॒तामा शा॑स्ते
Sentence: 6 यद्ब्रू॒यात् ।
Sentence: 7 यो॒ ऽग्निं होता॑र॒मवृ॑था॒ इत्य॒ग्निनो॑ ऽभ॒यतो॒ यज॑मान॒म्परि॑ गृह्णीयात्
Sentence: 8 प्र॒मायु॑कः स्यात् ।
Sentence: 9 य॑जमानदेव॒त्या वै जु॒हूर्भ्रा॑तृव्यदेव॒त्यो॑ ऽप॒भृत् ॥
Verse: 6
Sentence: 1 यद्द्वे इ॑व ब्रू॒याद्भ्रातृ॑व्यमस्मै जनयेत् ।
Sentence: 2 घृ॒तव॑तीमध्वर्यो॒ स्रुच॒मास्य॒स्वेत्या॑ह॒ यज॑मानमेवै॒तेन॑ वर्धयति
Sentence: 3 देवा॒युव॒मित्या॑ह दे॒वान्ह्ये॒षाव॑ति
Sentence: 4 वि॒श्ववा॑रा॒मित्या॑ह॒ विश्वं॒ ह्ये॒षाव॑ति ।
Sentence: 5 ईडा॑महै दे॒वां ई॒डेन्या॑न्नम॒स्याम॒ वा ई॒डेन्याः॑ पि॒तरो॑ नम॒स्या॑ दे॒वा य॒ज्ञिया॑स् ।
Sentence: 6 दे॒वता॑ ए॒व तद्य॑थाभा॒गं य॑जति ॥
Paragraph: 10
Verse: 1
Sentence: 1 {F त्रींस्{W त्रींस्{GLOS त्रींस् तृ॒चाननु॑ ब्रूयाद्राज॒न्य॑स्य
Sentence: 2 त्रयो॒ वा अ॒न्ये रा॑ज॒न्या॒त्पुरु॑षा ब्राह्म॒णो वै॑श्यः शू॒द्रस्ताने॒वास्मा॒ अनु॑कान्करोत�
Sentence: 3 पञ्च॑द॒शानु॑ ब्रूयाद्राज॒न्य॑स्य
Sentence: 4 पञ्चद॒शो वै॑ राज॒न्यः
Sentence: 5 स्व एवैनं॒ स्तोमे॒ प्रति॑ ष्ठापयति
Sentence: 6 तृ॒ष्टुभा॒ परि॑ दध्यात् ।
Sentence: 7 इ॑न्द्रि॒यं वै त्रि॒ष्टुग्^त्रि॒ष्टुभ्
Sentence: 8 इन्द्रि॒यका॑मः॒ खलु वै राज॒न्यो॑ यजते
Sentence: 9 त्रिष्टुभै॒वास्मा॑ इन्द्रि॒यम्परि॑ गृह्णाति
Sentence: 10 यदि॑ का॒मये॑त ॥
Verse: 2
Sentence: 1 ब्र॑ह्मवर्च॒सम॒स्त्विति॑ गायत्रि॒या परि॑ दध्यात् ।
Sentence: 2 ब्र॑ह्मवर्च॒सं वै॑ गाय॒त्री
Sentence: 3 ब्र॑ह्मवर्च॒समे॒व भ॑वति
Sentence: 4 स॒प्तद॒शानु॑ ब्रूयाद्वैश्यस्य
Sentence: 5 सप्तद॒शो वै वैश्यः
Sentence: 6 स्व एवैनं॒ स्तोमे॒ प्रति॑ ष्ठापयति
Sentence: 7 जग॑त्या॒ परि॑ दध्यात् ।
Sentence: 8 जाग॑ता वै प॒शवः
Sentence: 9 प॒शुका॑मः॒ खलु वै वैश्यो यजते
Sentence: 10 जग॑त्यै॒वास्मै॑ प॒शून्परि॑ गृह्णाति ।
Sentence: 11 एक॑विंशति॒मनु॑ ब्रूयात्प्रति॒ष्ठाका॑मस्य ।
Sentence: 12 ए॑कविं॒श स्तोमा॑नाम्प्रति॒ष्ठा
Sentence: 13 प्रति॑ष्ठित्यै ॥
Verse: 3
Sentence: 1 चतु॑र्विंशति॒मनु॑ ब्रूयाद्ब्रह्मवर्च॒सका॑मस्य
Sentence: 2 चतु॑र्विंशत्यक्षरा गाय॒त्री
Sentence: 3 गा॑य॒त्री ब्र॑ह्मवर्च॒सम् ।
Sentence: 4 गा॑यत्रियै॒वास्मै॑ ब्रह्मवर्च॒समव॑ रुन्द्धे
Sentence: 5 त्रिं॒शत॒मनु॑ ब्रूया॒दन्न॑कामस्य
Sentence: 6 त्रिं॒शद॑क्षरा विराड्^वि॒राज्
Sentence: 7 अन्नं विराड्^वि॒राज्
Sentence: 8 वि॒राजै॒वास्मा॑ अ॒न्नाद्य॒मव॑ रुन्द्धे
Sentence: 9 द्वात्रिं॑शत॒मनु॑ब्रूयात्प्रति॒ष्ठाका॑मस्य
Sentence: 10 द्वात्रिं॑शदक्षरानुष्टुग्^द्वात्रिं॑शदक्षरानुष्टुभ्
Sentence: 11 अनु॒ष्टुप्छन्द॑साम्प्रति॒ष्ठा
Sentence: 12 प्रति॑ष्ठित्यै
Sentence: 13 षट्त्रिं॑शत॒मनु॑ ब्रूयात्प॒शुका॑मस्य
Sentence: 14 षट्त्रिं॑शदक्षरा बृह॒ती
Sentence: 15 बार्ह॑ताः प॒शव॑स् ।
Sentence: 16 बृ॑हत्यै॒वास्मै॑ प॒शून् ॥
Verse: 4
Sentence: 1 अव॑ रुन्द्धे
Sentence: 2 चतु॑श्चत्वारिंशत॒मनु॑ ब्रूयादिन्द्रि॒यका॑मस्य
Sentence: 3 चतु॑श्चत्वारिंशदक्षरा त्रि॒ष्टुग्^त्रि॒ष्टुभ्
Sentence: 4 इन्द्रि॒यं त्रि॒ष्टुप्^त्रि॒ष्टुभ्
Sentence: 5 त्रि॒ष्टुभै॒वास्मा॑ इन्द्रि॒यमव॑ रुन्द्धे ।
Sentence: 6 अ॒ष्टाच॑त्वारिंशत॒मनु॑ ब्रूयात्प॒शुका॑मस्य ।
Sentence: 7 अ॒ष्टाच॒त्वरिं॑शदक्षरा॒ जग॑ती
Sentence: 8 जाग॑ताः प॒शव॑स् ।
Sentence: 9 जग॑त्यै॒वास्मै॑ प॒शूनव॑ रुन्द्धे
Sentence: 10 सर्वा॑णि॒ छन्दां॒स्यनु॑ ब्रूयाद्बहुया॒जिनः
Sentence: 11 सर्वा॑णि॒ वा ए॒तस्य॒ छन्दां॒स्यव॑रुन्द्धानि॒ यो ब॑हुयाजी ।
Sentence: 12 अप॑रिमित॒मनु॑ ब्रूयात् ।
Sentence: 13 अप॑रिमित॒स्याव॑रुद्ध्यै ॥
Paragraph: 11
Verse: 1
Sentence: 1 निवी॑तम्मनु॒ष्या॑णाम्
Sentence: 2 प्राचीनावी॒तम्पि॑तृ॒णाम्
Sentence: 3 उप॑वीतं दे॒वाना॑म्
Sentence: 4 उप॑ व्ययते
Sentence: 5 देवल॒क्ष्ममे॒व तत्कु॑रुते
Sentence: 6 तिष्ठ॒न्नन्वा॑ह
Sentence: 7 तिष्ठ॒न्ह्याश्रु॑ततरं॒ वद॑ति
Sentence: 8 तिष्ठ॒न्नन्वा॑ह
Sentence: 9 सुव॒र्गस्य॑ लो॒कस्या॒भिजि॑त्यै ।
Sentence: 10 आसी॑नो यजति ।
Sentence: 11 अ॒स्मिन्ने॒व लो॒के प्रति॑ तिष्ठति
Sentence: 12 यत्क्रौ॒ञ्चम॒न्वाहा॑सु॒रं तत् ।
Sentence: 13 यन्म॒न्द्रम्मा॑नु॒षं तत् ।
Sentence: 14 यद॑न्त॒रा तत्सदे॑वम्
Sentence: 15 अन्त॒रानूच्य॑म् ।
Sentence: 16 स॑देव॒त्वाय
Sentence: 17 वि॒द्वांसो वै ॥
Verse: 2
Sentence: 1 पु॒रा होता॑रो ऽभूवन्
Sentence: 2 तस्मा॒द्विधृ॑ता॒ अध्वा॑नो ऽभूव॒न्न पन्था॑नः॒ सम॑रुक्षन् ।
Sentence: 3 अ॑न्तर्वे॒द्य॒न्यः पादो॒ भव॑ति बहिर्वे॒द्य॒न्यस् ।
Sentence: 4 अथान्वा॑ह ।
Sentence: 5 अध्व॑नां॒ विधृ॑त्यै प॒थामसं॑रोहाय ।
Sentence: 6 अथो॑ भू॒तं चै॒व भ॑वि॒ष्यच्चाव॑ रुन्द्धे ।
Sentence: 7 अथो॒ परि॑मितं चै॒वाप॑रिमितं॒ चाव॑ रुन्द्धे ।
Sentence: 8 अथो॑ ग्रा॒म्यांश्चै॒व प॒शूना॑र॒ण्यांश्चाव॑ रुन्द्धे ।
Sentence: 9 अथो॑ ॥
Verse: 3
Sentence: 1 दे॑वलो॒कं चै॒व म॑नुष्यलो॒कं चा॒भि ज॑यति
Sentence: 2 दे॒वा वै॑ सामिधे॒नीर॒नूच्य॑ य॒ज्ञं नान्व॑पश्यन् ।
Sentence: 3 स प्र॒जाप॑तिस्तू॒ष्णीमा॑घा॒रमाघा॑रयत्
Sentence: 4 ततो वै दे॒वा य॒ज्ञमन्व॑पश्यन्
Sentence: 5 यत्तू॒ष्णीमा॑घा॒रमा॑घा॒रय॑ति य॒ज्ञस्यानु॑ख्यात्यै ।
Sentence: 6 अथो॑ सामिधे॒नीरे॒वाभ्य॑नक्ति ।
Sentence: 7 अलू॑क्षो भवति॒ य ए॒वं वेद॑ ।
Sentence: 8 अथो॑ तर्पयत्येवैनास्
Sentence: 9 {F तृप्य॑ति{W तृप्य॒ति{GLOS तृप्य॑ति प्र॒जया॑ प॒शुभिः॑ ॥
Verse: 4
Sentence: 1 य ए॒वं वेद
Sentence: 2 यदेक॑याघा॒रये॒देका॑म्प्रीणीयात् ।
Sentence: 3 यद्द्वाभ्यां॒ द्वे प्री॑णीयात् ।
Sentence: 4 यत्ति॒सृभि॒रति॒ तद्रे॑चयेत् ।
Sentence: 5 मन॒सा घा॑रयति॒ मन॑सा॒ ह्यना॑प्तमा॒प्यते
Sentence: 6 ति॒र्यञ्च॒मा घा॑रय॒त्यछ॑म्बट्कारम् ।
Sentence: 7 वाक्च॒ मन॑श्चार्तीयेताम्
Sentence: 8 अ॒हं दे॒वेभ्यो॑ ह॒व्यं व॑हा॒मीति॒ वाग॑ब्रवीद॒हं दे॒वेभ्य॒ इति॒ मन॑स्
Sentence: 9 तौ प्र॒जाप॑तिम्प्र॒श्नऐ॑ताम् ।
Sentence: 10 सो॑ ऽब्रवीत् ॥
Verse: 5
Sentence: 1 प्र॒जाप॑तिस् ।
Sentence: 2 दू॒तीरे॒व त्वम्मन॑सो ऽसि॒ यद्धि मन॑सा॒ ध्याय॑ति॒ तद्वा॒चा वद॒तीति
Sentence: 3 तत्खलु॒ तुभ्यं॒ न वा॒चा जु॑हव॒न्नित्य॑ब्रवीत्
Sentence: 4 तस्मा॒न्मन॑सा प्र॒जाप॑तये जुह्वति
Sentence: 5 मन॑ इव॒ हि प्र॒जाप॑तिः
Sentence: 6 प्र॒जाप॑ते॒राप्त्यै
Sentence: 7 परि॒धीन्त्सम्मा॑र्ष्टि
Sentence: 8 पु॒नात्येवैनान्
Sentence: 9 त्रिर्म॑ध्य॒मं त्रयो वै प्रा॒णाः ॥
Verse: 6
Sentence: 1 इ॒मे लो॒का इ॒माने॒व लो॒कान॒भि ज॑यति
Sentence: 2 त्रिरु॑त्तरा॒र्ध्यं॒ त्रयो वै देव॒यानाः॒ पन्था॑न॒स्ताने॒वाभि ज॑यति
Sentence: 3 त्रिरुप॑ वाजयति॒ त्रयो वै देवलो॒का दे॑वलो॒काने॒वाभि ज॑यति
Sentence: 4 द्वाद॑श॒ सम्प॑द्यन्ते॒ द्वाद॑श॒ मासाः॑ संवत्स॒रः
Sentence: 5 सं॑वत्स॒रमे॒व प्री॑णाति ।
Sentence: 6 अथो॑ संवत्स॒रमे॒वास्मा॒ उप॑ दधाति
Sentence: 7 सुव॒र्गस्य॑ लो॒कस्य॒ सम॑ष्ट्यै ।
Sentence: 8 आ॑घा॒रमा घा॑रयति
Sentence: 9 ति॒र इ॑व ॥
Sentence: 10
Verse: 7
Sentence: 1 वै॑ सुव॒र्गो लो॒कः
Sentence: 2 सु॑व॒र्गमे॒वास्मै॑ लो॒कम्प्र रो॑चयति ।
Sentence: 3 ऋ॒जुमा घा॑रयत्यृ॒जुरि॑व॒ हि प्रा॒णः
Sentence: 4 सन्त॑त॒मा घा॑रयति प्रा॒णाना॑म॒न्नाद्य॑स्य॒ सन्त॑त्यै ।
Sentence: 5 अथो॒ रक्ष॑सा॒मप॑हत्यै
Sentence: 6 यं का॒मये॑त
Sentence: 7 प्र॒मायु॑कः स्या॒दिति॑ जि॒ह्मं तस्या घा॑रयेत्
Sentence: 8 प्रा॒णमे॒वास्मा॑ज्जि॒ह्मं न॑यति
Sentence: 9 ता॒जक्प्र मी॑यते
Sentence: 10 शिरो॒ वा ए॒तद्य॒ज्ञस्य॒ यदा॑घा॒र आ॒त्मा ध्रु॒वा ॥
Verse: 8
Sentence: 1 आ॑घा॒रमा॒घार्य॑ ध्रु॒वां सम॑नक्ति ।
Sentence: 2 आ॒त्मन्ने॒व य॒ज्ञस्य॒ शिरः॒ प्रति॑ दधाति ।
Sentence: 3 अ॒ग्निर्दे॒वानां॑ दू॒त आसीद्दै॒व्यो ऽसु॑राणाम् ।
Sentence: 4 तौ॑ प्र॒जाप॑तिम्प्र॒श्नऐ॑ताम् ।
Sentence: 5 स प्र॒जाप॑तिर्ब्राह्म॒णम॑ब्रवीत् ।
Sentence: 6 ए॒तद्वि ब्रू॒हीति॑ ।
Sentence: 7 आ श्रा॑व॒येती॒दं दे॑वाः शृणु॒तेति॒ वाव तद॑ब्रवीद॒ग्निर्दे॒वो होतेति
Sentence: 8 य ए॒व दे॒वानां॒ तम॑वृणीत
Sentence: 9 ततो{F दे॒वाः{W दे॑वाः{GLOS दे॒वाः ॥
Verse: 9
Sentence: 1 अभ॑व॒न्परा॑सुरास् ।
Sentence: 2 यस्यै॒वं वि॒दुषः॑ प्रव॒रम्प्र॑वृ॒णते॒ भव॑त्या॒त्मना॒ परा॑स्य॒ भ्रातृ॑व्यो भवति
Sentence: 3 यद्ब्रा॑ह्म॒णश्चाब्रा॑ह्मणश्च प्र॒श्नमे॒याता॑म्ब्राह्म॒णायाधि॑ ब्रूयात् ।
Sentence: 4 यद्ब्रा॑ह्म॒णाया॒ध्याहा॒त्मने ऽध्या॑ह
Sentence: 5 यद्ब्रा॑ह्म॒णम्प॒राहा॒त्मन॒म्परा॑ह
Sentence: 6 तस्मा॑द्ब्राह्म॒णो न प॒रोच्यः॑ ॥
Paragraph: 12
Verse: 1
Sentence: 1=a आयु॑ष्टे ।
Sentence: 2=b आ॑यु॒र्दा अ॑ग्ने ।
Sentence: 3=c आ प्या॑यस्व
Sentence: 4=d सं ते॑ ।
Sentence: 5=e अव॑ ते॒ हेड॑स् ।
Sentence: 6=f उदु॑त्त॒मम्
Sentence: 7=g प्र णो॑ दे॒वी ।
Sentence: 8=h आ नो॑ दि॒वस् ।
Sentence: 9=i अग्ना॑विष्णू
Sentence: 10=k अग्ना॑विष्णू
Sentence: 11=l इ॒मं मे॑ वरुण
Sentence: 12=m तत्त्वा॑ यामि ।
Sentence: 13=n उदु॒ त्यम् ।
Sentence: 14=o चि॑त्रम्
Sentence: 15=p अ॒पां नपा॒दा ह्यस्था॑दु॒पस्थं॑ जि॒ह्माना॑मू॒र्ध्वो वि॒द्युतं॒ वसा॑नः । तस्य॒ ज्येष्ठ॑म्महि॒मानं॒ वह॑न्ती॒र्हिर॑ण्यवर्णाः॒ परि॑ यन्ति य॒ह्वीः
Sentence: 16=q सम् ॥
Verse: 2
Sentence: 1 अ॒न्या यन्त्युप॑ यन्त्य॒न्याः स॑मा॒नमू॒र्वं न॒द्यः॑ पृणन्ति । तमू॒ शुचिं॒ शुच॑यो दीदि॒वांस॑म॒पां नपा॑त॒म्परि॑ तस्थु॒रापः॑ ॥
Sentence: 2=r तमस्मे॑रा युव॒तयो॒ युवा॑नम्मर्मृ॒ज्यमा॑नाः॒ परि॑ य॒न्त्यापः॑ । स शु॒क्रेण॒ शिक्व॑ना रे॒वद॒ग्निर्दी॒दाया॑नि॒ध्मो घृ॒तनि॑र्णिग॒प्सु ॥
Sentence: 3=s इन्द्रा॒वरु॑णयोर॒हं स॒म्राजो॒रव॒ आ वृ॑णे । ता नो॑ मृदात ई॒दृशे॑ ॥
Sentence: 4=t इन्द्रा॑वरुना यु॒वम॑ध्व॒राय॑ नः ॥
Verse: 3
Sentence: 1 वि॒शे जना॑य॒ महि॒ शर्म॑ यछतम् । दी॒र्घप्र॑यज्यु॒मति॒ यो व॑नु॒ष्यति॑ व॒यं ज॑येम॒ पृत॑नासु दू॒ढ्यः॑ ॥
Sentence: 2=u आ नो॑ मित्रावरुणा
Sentence: 3=v प्र बा॒हवा
Sentence: 4=w त्वं नो॑ अग्ने॒ वरु॑णस्य वि॒द्वान्दे॒वस्य॒ हेदो ऽव॑ यासिसीष्ठाः । यजि॑ष्ठो॒ वह्नि॑तमः॒ शोशु॑चानो॒ विश्वा॒ द्वेषां॑सि॒ प्र मु॑मुग्ध्य॒स्मत्
Sentence: 5=x स त्वं नो॑ अग्ने ऽव॒मो भ॑वो॒ती नेदि॑ष्ठो अ॒स्या उ॒षसो॒ व्यु॑ष्टौ । अव॑ यक्ष्व नो॒ वरु॑णम् ॥
Verse: 4
Sentence: 1 ररा॑णो वी॒हि मृ॑डी॒कं सु॒हवो॑ न एधि
Sentence: 2=y प्रप्रा॒यम॒ग्निर्भ॑र॒तस्य॑ शृण्वे॒ वि यत्सूर्यो॒ न रोच॑ते बृ॒हद्भाः । अ॒भि यः पू॒रुम्पृत॑नासु तस्थौ दी॒दाय दैव्यो॒ अति॑थिः शि॒वो नः
Sentence: 3=z प्र ते॑ यक्षि॒ प्र त॑ इयर्मि॒ मन्म॒ भुवो॒ यथा॒ वन्द्यो॑ नो॒ हवे॑षु । धन्व॑न्निव प्र॒पा अ॑सि॒ त्वम॑ग्न इय॒क्षवे॑ पू॒रवे॑ प्रत्न राजन् ॥
Verse: 5
Sentence: 1=aa वि पाज॑सा
Sentence: 2=bb वि ज्योति॑षा
Sentence: 3=cc स त्वम॑ग्ने॒ प्रती॑केन॒ प्रत्यो॑ष यातुधा॒न्यः॑ । उ॑रु॒क्षये॑षु॒ दीद्य॑त्
Sentence: 4=dd तं सु॒प्रती॑कं सु॒दृशं॒ स्वञ्च॒मवि॑द्वांसो वि॒दुष्ट॑रं सपेम । स य॑क्ष॒द्विश्वा॑ व॒युना॑नि वि॒द्वान्प्र ह॒व्यम॒ग्निर॒मृते॑षु वोचत् ॥
Sentence: 5=ee अं॑हो॒मुचे
Sentence: 6=ff वि॒वेष॒ यन्मा
Sentence: 7=gg वि न॑ इन्द्र ।
Sentence: 8=hh इन्द्र॑ क्ष॒त्रम्
Sentence: 9=ii इन्द्रि॒याणि॑ शतक्रतो
Sentence: 10=kk अनु॑ ते दायि ॥
Chapter: 6
Paragraph: 1
Verse: 1
Sentence: 1 स॒मिधो॑ यजति वस॒न्तमे॒वर्तू॒नामव॑ रुन्द्धे
Sentence: 2 तनू॒नपा॑तं यजति ग्री॒ष्ममे॒वाव॑ रुन्द्धे ।
Sentence: 3 इ॒डो य॑जति व॒र्षा ए॒वाव॑ रुन्द्धे
Sentence: 4 ब॒र्हिर्य॑जति श॒रद॑मे॒वाव॑ रुन्द्धे
Sentence: 5 स्वाहाका॒रं य॑जति हेम॒न्तमे॒वाव॑ रुन्द्धे॒ तस्मा॒त्स्वाहा॑कृता॒ हेम॑न्प॒शवो ऽव॑ सीदन्ति
Sentence: 6 स॒मिधो॑ यजत्यु॒षस॑ ए॒व दे॒वता॑ना॒मव॑ रुन्द्धे
Sentence: 7 तनू॒नपा॑तं यजति य॒ज्ञमे॒वाव॑ रुन्द्धे ॥
Verse: 2
Sentence: 1 इ॒डो य॑जति प॒शूने॒वाव॑ रुन्द्धे
Sentence: 2 ब॒र्हिर्य॑जति प्र॒जामे॒वाव॑ रुन्द्धे
Sentence: 3 स॒मान॑यत उप॒भृत॑स्
Sentence: 4 तेजो॒ वा आज्य॑म्प्र॒जा ब॒र्हिः
Sentence: 5 प्र॒जास्वे॒व तेजो॑ दधाति
Sentence: 6 स्वाहाका॒रं य॑जति
Sentence: 7 वाच॑मे॒वाव॑ रुन्द्धे
Sentence: 8 दश॒ सम्प॑द्यन्ते
Sentence: 9 दशा॑क्षरा वि॒राड्^वि॒राज्
Sentence: 10 वि॒राजै॒वान्नाद्य॒मव॑ रुन्द्धे
Sentence: 11 स॒मिधो॑ यजत्य॒स्मिन्ने॒व लो॒के प्रति॑ तिष्ठति
Sentence: 12 तनू॒नपा॑तं यजति ॥
Verse: 3
Sentence: 1 य॒ज्ञ ए॒वान्तरि॑क्षे॒ प्रति॑ तिष्ठति ।
Sentence: 2 इ॒डो य॑जति प॒शुष्वे॒व प्रति॑ तिष्ठति
Sentence: 3 ब॒र्हिर्य॑जति॒ य ए॒व दे॑व॒यानाः॒ पन्था॑न॒स्तेष्वे॒व प्रति॑ तिष्ठति
Sentence: 4 स्वाहाका॒रं य॑जति सुव॒र्ग ए॒व लो॒के प्रति॑ तिष्ठति ।
Sentence: 5 ए॒ताव॑न्तो वै देवलो॒कास्तेष्वे॒व य॑थापू॒र्वम्प्रति॑ तिष्ठति
Sentence: 6 देवासु॒रा ए॒षु लो॒केष्व॑स्पर्धन्त
Sentence: 7 ते दे॒वाः प्र॑याजैरे॒भ्यो लो॒केभ्यो ऽसु॑रा॒न्प्राणु॑दन्त
Sentence: 8 तत्प्र॑या॒जाना॑म् ॥
Verse: 4
Sentence: 1 प्र॑याज॒त्वम् ।
Sentence: 2 यस्यै॒वं वि॒दुषः॑ प्रया॒जा इ॒ज्यन्ते प्रै॒भ्यो लो॒केभ्यो॒ भ्रातृ॑व्यान्नुदते ।
Sentence: 3 अ॑भि॒क्रामं॑ जुहोति ।
Sentence: 4 अ॒भिजि॑त्यै
Sentence: 5 यो वै॑ प्रया॒जाना॑म्मिथु॒नं वेद॒ प्र प्र॒जया॑ प॒शुभि॑र्मिथुनैर्जायते
Sentence: 6 स॒मिधो॑ ब॒ह्वीरि॑व यजति
Sentence: 7 तनू॒नपा॑त॒मेक॑मिव
Sentence: 8 मिथु॒नं तत् ।
Sentence: 9 इ॒डो ब॒ह्वीरि॑व यजति ब॒र्हिरेक॑मिव
Sentence: 10 मिथु॒नं तत् ।
Sentence: 11 ए॒तद्वै॑ प्रया॒जाना॑म्मिथु॒नम् ।
Sentence: 12 य ए॒वं वेद॒ प्र ॥
Verse: 5
Sentence: 1 प्र॒जया॑ प॒शुभि॑र्मिथुनैर्जायते
Sentence: 2 दे॒वानां॒ वा अनि॑ष्टा दे॒वता॑ आसन् ।
Sentence: 3 अथासु॑रा य॒ज्ञम॑जिघांसन्
Sentence: 4 ते दे॒वा गा॑य॒त्रीं व्औ॑हन्
Sentence: 5 पञ्चा॒क्षरा॑णि प्रा॒चीना॑नि॒ त्रीणि॑ प्रती॒चीना॑नि
Sentence: 6 ततो॒ वर्म॑ य॒ज्ञायाभ॑व॒द्वर्म॒ यज॑मानाय
Sentence: 7 यत्प्र॑याजानूया॒जा इ॒ज्यन्ते॒ वर्मै॒व तद्य॒ज्ञाय॑ क्रियते॒ वर्म॒ यज॑मानाय॒ भ्रातृ॑व्याभिभ�
Sentence: 8 तस्मा॒द्वरू॑थम्पु॒रस्ता॒द्वर्षी॑यः प॒श्चाद्ध्रसी॑यस् ।
Sentence: 9 दे॒वा वै॑ पु॒रा रक्षो॑भ्यः ॥
Verse: 6
Sentence: 1 इति॑ स्वाहाका॒रेण॑ प्रया॒जेषु॑ य॒ज्ञं सं॒स्थाप्य॑मपश्यन्
Sentence: 2 तं स्वाहा॑का॒रेण॑ प्रया॒जेषु॒ सम॑स्थापयन्
Sentence: 3 वि वा ए॒तद्य॒ज्ञं छि॑न्दन्ति॒ यत्स्वा॑हाका॒रेण॑ प्रया॒जेषु॑ संस्था॒पय॑न्ति
Sentence: 4 प्रया॒जानि॒ष्ट्वा ह॒वींष्य॒भि घा॑रयति य॒ज्ञस्य॒ सन्त॑त्यै ।
Sentence: 5 अथो॑ ह॒विरे॒वाक॑र्
Sentence: 6 अथो॑ यथापू॒र्वमुपै॑ति
Sentence: 7 पि॒ता वै॑ प्र॒याजाः प्र॒जानू॑या॒जास् ।
Sentence: 8 यत्प्र॑या॒जानि॒ष्ट्वा ह॒वींष्य॑भिघा॒रय॑ति पितै॒व तत्पु॒त्रेण॒ साधा॑रणम् ॥
Verse: 7
Sentence: 1 कु॑रुते
Sentence: 2 तस्मा॑दाहु॒र्यश्चै॒वं वेद॒ यश्च॒ न
Sentence: 3 क॒था पु॒त्रस्य॒ केव॑लं क॒था साधा॑रणम्पि॒तुरिति॑ ।
Sentence: 4 अस्क॑न्नमे॒व तद्यत्प्र॑या॒जेष्वि॒ष्टेषु॒ स्कन्द॑ति
Sentence: 5 गाय॒त्र्ये॒व तेन॒ गर्भं॑ धत्ते
Sentence: 6 सा प्र॒जाम्प॒शून्यज॑मानाय॒ प्र ज॑नयति ॥
Paragraph: 2
Verse: 1
Sentence: 1 चक्षु॑षी॒ वा ए॒ते य॒ज्ञस्य॒ यदाज्य॑भागौ
Sentence: 2 यदाज्य॑भागौ॒ यज॑ति॒ चक्षु॑षी ए॒व तद्य॒ज्ञस्य॒ प्रति॑ दधाति
Sentence: 3 पूर्वा॒र्धे जु॑होति
Sentence: 4 तस्मा॑त्पूर्वा॒र्धे चक्षु॑षी
Sentence: 5 प्र॒बाहु॑ग्जुहोति
Sentence: 6 तस्मा॑त्प्र॒बाहु॒क्चक्षु॑षी
Sentence: 7 देवलो॒कं वा अ॒ग्निना॒ यज॑मा॒नो ऽनु॑ पश्यति पितृलो॒कं सोमे॑न ।
Sentence: 8 उ॑त्तरा॒र्धे॒ ऽग्नये॑ जुहोति दक्षिणा॒र्धे सोमा॑य ।
Sentence: 9 ए॒वमि॑व॒ हीमौ॑ लो॒काव॒नयो॑र्लो॒कयो॒रनु॑ख्यात्यै
Sentence: 10 राजा॑नौ॒ वा एतौ दे॒वता॑नाम् ॥
Verse: 2
Sentence: 1 यद॒ग्नीषोमौ॑ ।
Sentence: 2 अ॑न्त॒रा दे॒वता॑ इज्येते दे॒वता॑नां॒ विधृ॑त्यै
Sentence: 3 तस्मा॒द्राज्ञा॑ मनु॒ष्या॒ विधृ॑तास् ।
Sentence: 4 ब्र॑ह्मवा॒दिनो॑ वदन्ति
Sentence: 5 किं तद्य॒ज्ञे यज॑मानः कुरुते॒ येना॒न्यतो॑दतश्च प॒शून्दा॒धारो॑ ऽभ॒यतो॑दत॒श्चेति॑ ।
Sentence: 6 ऋच॑म॒नूच्याज्य॑भागस्य जुषा॒णेन॑ यजति॒ तेना॒न्यतो॑दतो दाधार ।
Sentence: 7 ऋच॑म॒नूच्य॑ ह॒विष॑ ऋ॒चा य॑जति॒ तेनो॑भ॒यतो॑दतो दाधार
Sentence: 8 मूर्ध॒न्वती॑ पुरोऽनुवा॒क्या॑ भवति मू॒र्धान॑मेवैनं समा॒नानां॑ करोति ॥
Verse: 3
Sentence: 1 नि॒युत्व॑त्या यजति॒ भ्रातृ॑व्यस्यै॒व प॒शून्नि यु॑वते
Sentence: 2 के॒शिनं॑ ह दा॒र्भ्यं के॒शी सात्य॑कामिरुवाच
Sentence: 3 स॒प्तप॑दां ते॒ शक्व॑रीं॒ श्वो य॒ज्ञे प्र॑यो॒क्तासे॒ यस्यै॑ वी॒र्ये॑ण॒ प्र जा॒तान्भ्रातृ॑व्यते॒ प्रति॑ जनि॒ष्यमा॑ना॒न्यस्यै॑ वी॒र्ये॑णो॒भयो॑र्लो॒कयो॒र्ज्योति॑र्ध॒त्ते यस्यै॑ वी॒र्य�॑ण पूर्वा॒र्धेना॑न॒ड्वान्भु॒नक्ति॑ जघना॒र्धेन॑ धे॒नुरिति
Sentence: 4 पु॒रस्ता॑ल्लक्ष्मा पुरोऽनुवा॒क्या॑ भवति जा॒ताने॒व भ्रातृ॑व्या॒न्प्र णु॑दते ।
Sentence: 5 उ॒परि॒ष्टाल्ल॑क्ष्मा ॥
Verse: 4
Sentence: 1 या॒ज्या॑ जनि॒ष्यमा॑णाने॒व प्रति॑ नुदते
Sentence: 2 पु॒रस्ता॑ल्लक्ष्मा पुरोऽनुवा॒क्या॑ भवत्य॒स्मिन्ने॒व लो॒के ज्योति॑र्धत्ते ।
Sentence: 3 उ॒परि॑ष्टाल्लक्ष्मा या॒ज्या॒मुष्मि॑न्ने॒व लो॒के ज्योति॑र्धत्ते
Sentence: 4 ज्योति॑ष्मन्तावस्मा इमौ लोकौ भवतो॒ य ए॒वं वेद
Sentence: 5 पु॒रस्ता॑ल्लक्ष्मा पुरोऽनुवा॒क्या॑ भवति॒ तस्मा॑त्पूर्व॒र्धेना॑न॒ड्वान्भु॑नक्ति ।
Sentence: 6 उ॒परि॑ष्टाल्लक्ष्मा या॒ज्या॒ तस्मा॑ज्जघना॒र्धेन॑ धे॒नुस् ।
Sentence: 7 य ए॒वं वेद॑ भु॒ङ्क्त ए॑नमेतौ
Sentence: 8 वज्र॒ आज्यं॒ वज्र॒ आज्य॑भागौ ॥
Verse: 5
Sentence: 1 वज्रो॑ वषट्का॒रस्
Sentence: 2 त्रि॒वृत॑मे॒व वज्रं॑ स॒म्भृत्य॒ भ्रातृ॑व्याय॒ प्र ह॑र॒त्यछ॑म्बट्कारम्
Sentence: 3 अप॒गूर्य॒ वष॑ट्करोति॒ स्तृत्यै
Sentence: 4 गाय॒त्री पु॑रोऽनुवा॒क्या॑ भवति त्रि॒ष्टुग्या॒ज्या
Sentence: 5 ब्रह्म॑न्ने॒व क्ष॒त्रम॒न्वार॑म्भयति
Sentence: 6 तस्मा॑द्ब्राह्म॒णो मुख्य॑स् ।
Sentence: 7 मुख्यो॑ भवति॒ य ए॒वं वेद
Sentence: 8 प्रैवैनम्पुरोऽनुवा॒क्य॑याह
Sentence: 9 प्र ण॑यति या॒ज्य॑या
Sentence: 10 ग॒मय॑ति वषट्का॒रेण॑ ।
Sentence: 11 अैवैनम्पुरोऽनुवा॒क्य॑या दत्ते
Sentence: 12 प्र य॑छति या॒ज्य॑या
Sentence: 13 प्रति॑ ॥
Verse: 6
Sentence: 1 व॑षट्का॒रेण॑ स्थापयति
Sentence: 2 त्रि॒पदा॑ पुरोऽनुवा॒क्या॑ भवति
Sentence: 3 त्रय॑ इ॒मे लो॒कास् ।
Sentence: 4 ए॒ष्वे॒व लो॒केषु॒ प्रति॑ तिष्ठति
Sentence: 5 चतु॑ष्पदा या॒ज्या
Sentence: 6 चतु॑ष्पद ए॒व प॒शूनव॑ रुन्द्धे
Sentence: 7 द्व्यक्ष॒रो व॑षट्का॒रो द्वि॒पाद्यज॑मानः प॒शुष्वे॒वोपरि॑ष्टा॒त्प्रति॑ तिष्ठति
Sentence: 8 गाय॒त्री पु॑रोऽनुवा॒क्या॑ भवति त्रि॒ष्टुग्या॒ज्या॑ ।
Sentence: 9 ए॒षा वै॑ स॒प्तप॑दा॒ शक्व॑री
Sentence: 10 यद्वा ए॒तया॑ दे॒वा अशि॑क्ष॒न्तद॑शक्नुवन्
Sentence: 11 य ए॒वं वेद॑ श॒क्नोत्ये॒व यच्छिक्ष॑ति ॥
Paragraph: 3
Verse: 1
Sentence: 1 प्र॒जाप॑तिर्दे॒वेभ्यो॑ य॒ज्ञान्व्यादि॑श॒त्स आ॒त्मन्नाज्य॑मधत्त॒ तं दे॒वा अ॑ब्रुवन्ने॒ष वाव य॒ज्ञो यदाज्य॒मप्ये॒व नोत्रा॒स्त्विति॒ सो॑ ऽब्रवी॒द्यजा॑न्व॒ आज्य॑ भागा॒वुप॑ स्तृणान॒भि घा॑रया॒निति॒ तस्मा॒द्यज॒न्त्याज्य॑भागा॒वुप॑ स्तृणन्त्य॒भि घा॑रयन्ति
Sentence: 2 ब्रह्मवा॒दिनो॑ वदन्ति॒ कस्मा॑त्स॒त्याद्या॒तया॑मान्य॒न्यानि॑ ह॒वींष्यया॑तयाम॒माज्य॒मिति॑ प्राजाप॒त्यमिति॑ ब्रूया॒दया॑तयामा॒ हि दे॒वाना॑म्प्र॒जाप॑ति॒रिति
Sentence: 3 छन्दां॑सि दे॒वेभ्यो ऽपा॑क्राम॒न्न वो॑ ऽभा॒गानि॑ ह॒व्यं व॑क्ष्याम॒ इति॒ तेभ्य॑ ए॒तच्च॑तुरव॒त॑यै या॒ज्या॑यै दे॒वता॑यै वषट्का॒राय॒ यच्च॑तुरव॒त्तं जु॒होति॒ छन्दां॑स्ये॒व तत्प्री॑णाति॒ तान्य॑स्य प्री॒तानि॑ दे॒वेभ्यो॑ ह॒व्यं व॑हन्ति ।
Sentence: 4 अङ्गि॑रसो॒ वा इ॒त उ॑त्त॒माः सु॑व॒र्गं लो॒कमा॑य॒न्तदृष॑यो य॒ज्ञवा॒स्त्व॑भ्य॒वाय॒न्ते ॥
Verse: 2
Sentence: 1 अ॑पश्यन्पुरो॒डाशं॑ कू॒र्मम्भू॒तं सर्प॑न्तं॒ तम॑ब्रुव॒न्निन्द्रा॑य ध्रियस्व॒ बृह॒स्पत॑ये ध्रियस्व॒ विश्वे॑भ्यो दे॒वेभ्यो॑ ध्रिय॒स्वेति॒ स नाध्रि॑यत॒ तम॑ब्रुवन्न॒ग्नये॑ ध्रिय॒स्वेति॒ सो॒ ऽग्नये॑ ऽध्रियत॒ यदा॑ग्ने॒यो॒ ऽष्टाक॑पालो ऽमावा॒स्या॑यां च पौर्णमा॒स्यां चा॑च्यु॒तो भव॑ति सुव॒र्गस्य॑ लो॒कस्या॒भिजि॑त्यै
Sentence: 2 तम॑ब्रुवन्क॒थाहा॑स्था॒ इत्यनु॑पाक्तो ऽभूव॒मित्य॑ब्रवी॒द्यथा॒क्षो ऽनु॑पाक्तः ॥
Verse: 4
Sentence: 1 अ॒वार्छ॑त्ये॒वमवा॑र॒मित्यु॒परि॑ष्टाद॒भ्यज्या॒धस्ता॒दुपा॑नक्ति सुव॒र्गस्य॑ लो॒कस्य॒ सम॑ष्ट्यै
Sentence: 2 सर्वा॑णि क॒पाला॑न्य॒भि प्र॑थयति॒ ताव॑तः पुरो॒डाशा॑न॒मुष्मिँ॑ लो॒के॒ ऽभि ज॑यति
Sentence: 3 यो विद॑ग्धः॒ स नै॑रृ॒तो यो ऽशृ॑तः॒ स रौ॒द्रो यः शृ॒तः स सदे॑व॒स्तस्मा॒दवि॑दहता शृतं॒कृत्यः॑ सदेव॒त्वाय
Sentence: 4 भस्म॑ना॒भि वा॑सयति॒ तस्मा॑न्मांशे॒नास्थि॑ छ॒न्नं वे॒देना॒भि वा॑सयति॒ तस्मा॑त् ॥
Verse: 5
Sentence: 1 केशैः॒ शिर॑श्छ॒न्नम्
Sentence: 2 प्रच्यु॑तं॒ वा ए॒तद॒स्माल्लो॒कादग॑तं देवलो॒कं यच्छृ॒तं ह॒विरन॑भिघारितमभि॒घार्योद्वा॑सयति देवत्रैवैनद्गमयति
Sentence: 3 यद्येकं॑ क॒पालं॒ नश्ये॒देको॒ मासः॑ संवत्स॒रस्यान॑वेतः स्या॒दथ॒ यज॑मानः॒ प्र मी॑येत॒ यद्द्वे नश्ये॑तां द्वौ॒ मासौ॑ संवत्स॒रस्यान॑वेतौ स्याता॒मथ॒ यज॑मानः॒ प्र मी॑येत सं॒ख्यायोद्वा॑सयति॒ यज॑मानस्य ॥
Verse: 6
Sentence: 1 गो॑पी॒थाय
Sentence: 2 यदि॒ नश्ये॑दाश्वि॒नं द्वि॑कपा॒लं निर्व॑पेद्द्यावापृथि॒व्या॒मेक॑कपालम॒श्विनौ वै दे॒वाना॑म�जौ॒ ताभ्या॑मे॒वास्मै॑ भेष॒जं क॑रोति
Sentence: 3 द्यावापृथि॒व्य॒ एक॑कपालो भवत्य॒नयो॒र्वा ए॒तन्न॑श्यति॒ यन्नश्य॑त्य॒नयो॑रेवैनद्विन्दति॒ प्रति॑ष्ठित्यै ॥
Paragraph: 4
Verse: 1
Sentence: 1 दे॒वस्य॑ त्वा सवि॒तुः प्र॑स॒व इति॒ स्प्यमा द॑त्ते॒ प्रसू॑त्यै ।
Sentence: 2 अ॒श्विनो॑र्बा॒हुभ्या॒मित्या॑हा॒श्विनौ॒ हि दे॒वाना॑मध्व॒र्यू आस्ता॑म्
Sentence: 3 पू॒ष्णो हस्ता॑भ्या॒मित्या॑ह॒ यत्यै॑ ।
Sentence: 4 श॒तभृ॑ष्टिरसि वानस्प॒त्यो द्वि॑ष॒तो व॒ध इत्या॑ह॒ वज्र॑मे॒व तत्सं श्य॑ति
Sentence: 5 भ्रातृ॑व्याय प्रहरि॒ष्यन्त् ।
Sentence: 6 स्त॑म्बय॒जुर्ह॑रत्ये॒ताव॑ती वै पृथि॒वी याव॑ती॒ वेदि॒स्तस्या॑ ए॒ताव॑त ए॒व भ्रातृ॑व्यं॒ निर्भ॑जति ॥
Verse: 2
Sentence: 1 तस्मा॒न्नाभा॒गं निर्भ॑जन्ति ।
Sentence: 2 त्रिर्ह॑रति॒ त्रय॑ इ॒मे लो॒का ए॒भ्य एवैनं लो॒केभ्यो॒ निर्भ॑जति
Sentence: 3 तू॒ष्णीं च॑तु॒र्थं ह॑र॒त्यप॑रिमितादेवैनं॒ निर्भ॑जति ।
Sentence: 4 उद्ध॑न्ति॒ यदे॒वास्या॑ अमे॒ध्यं तदप॑ हन्ति ।
Sentence: 5 उद्ध॑न्ति॒ तस्मा॒दोष॑धयः॒ परा॑ भवन्ति
Sentence: 6 मूलं॑ छिनत्ति॒ भ्रातृ॑ब्यस्यै॒व मूलं॑ छिनत्ति
Sentence: 7 पितृदेव॒त्याति॑खा॒तेय॑तीं खनति प्र॒जाप॑तिना ॥
Verse: 3
Sentence: 1 य॑ज्ञमु॒खेन॒ सम्मि॑ताम्
Sentence: 2 आ प्र॑ति॒ष्ठायै॑ खनति॒ यज॑मानमे॒व प्र॑ति॒ष्ठां ग॑मयति
Sentence: 3 दक्षिण॒तो वर्षी॑यसीं करोति देव॒यज॑नस्यै॒व रू॒पम॑कः
Sentence: 4 पुरी॑षवतीं करोति प्र॒जा वै॑ प॒शवः॒ पुरी॑षम्प्र॒जयैवैनम्प॒शुभिः॒ पुरी॑षवन्तं करोति ।
Sentence: 5 उत्त॑रम्परिग्रा॒हम्परि॑ गृह्णात्ये॒ताव॑ती वै पृथि॒वी याव॑ती॒ वेदि॒स्तस्या॑ ए॒ताव॑त ए॒व भ्रातृ॑व्यं नि॒र्भज्या॒त्मन॒ उत्त॑रम्परिग्रा॒हम्परि॑ गृह्णाति
Sentence: 6 क्रू॒रमि॑व वै ॥
Verse: 4
Sentence: 1 ए॒तत्क॑रोति॒ यद्वेदिं॑ क॒रोति
Sentence: 2 धा अ॑सि स्व॒धा अ॒सीति॑ योयुप्यते॒ शान्त्यै
Sentence: 3 प्रोक्ष॑णी॒रा सा॑दय॒त्यापो वै रक्षो॒घ्नी रक्ष॑सा॒मप॑हत्यै
Sentence: 4 स्प्यस्य॒ वर्त्म॑न्त्सादयति य॒ज्ञस्य॒ सन्त॑त्यै
Sentence: 5 यं द्वि॒ष्यात्तं ध्या॑येच्छुचैवैनमर्पयति ॥
Paragraph: 5
Verse: 1
Sentence: 1 ब्र॑ह्मवा॒दिनो॑ वदन्ति ।
Sentence: 2 अ॒द्भिर्ह॒वींषि प्रौक्षीः॒ केना॒प इति
Sentence: 3 ब्रह्म॒णेति॑ ब्रूयात् ।
Sentence: 4 अ॒द्भिर्ह्ये॒व ह॑वींषि प्रो॒क्षति॒ ब्रह्म॑णा॒पस् ।
Sentence: 5 इ॒ध्माब॒र्हिः प्रोक्ष॑ति
Sentence: 6 मेध्य॑मेवैनत्करोति
Sentence: 7 वेदि॒म्प्रोक्ष॑ति ।
Sentence: 8 ऋ॒क्षा वा ए॒षालो॒मका॑मे॒ध्या यद्वेदि॑स् ।
Sentence: 9 मेध्या॑मेवैनां करोति
Sentence: 10 दि॒वे त्वा॒न्तरि॑क्षाय त्वा पृथिव्यै॒ त्वेति॑ ब॒र्हिरा॒साद्य॒ प्र ॥
Verse: 2
Sentence: 1 उ॑क्षति ।
Sentence: 2 ए॒भ्य एवैनल्लो॒केभ्यः॒ प्रोक्ष॑ति
Sentence: 3 क्रू॒रमि॑व॒ वा ए॒तत्क॑रोति॒ यत्खन॑ति ।
Sentence: 4 अ॒पो नि न॑यति॒ शान्त्यै
Sentence: 5 पु॒रस्ता॑त्प्रस्त॒रं गृ॑ह्णाति॒ मुख्य॑मेवैनं करोति ।
Sentence: 6 इय॑न्तं गृह्णाति प्र॒जाप॑तिना यज्ञमु॒खेन॒ सम्मि॑तम्
Sentence: 7 ब॒र्हि स्तृ॑णाति
Sentence: 8 प्र॒जा वै॑ ब॒र्हिः पृ॑थि॒वी वेदिः
Sentence: 9 प्र॒जा ए॒व पृ॑थि॒व्याम्प्रति॑ ष्ठापयति ।
Sentence: 10 अन॑तिदृश्नं स्तृणाति
Sentence: 11 प्र॒जयैवैनम्प॒शुभि॒रन॑तिदृश्नं करोति ॥
Verse: 3
Sentence: 1 उत्त॑रम्ब॒र्हिषः॑ प्रस्त॒रं सा॑दयति
Sentence: 2 प्र॒जावै॑ ब॒र्हिर्यज॑मानः प्रस्त॒रस् ।
Sentence: 3 यज॑मानमे॒वाय॑जमाना॒दुत्त॑रं करोति
Sentence: 4 तस्मा॒द्यज॑मा॒नो ऽय॑जमाना॒दुत्त॑रस् ।
Sentence: 5 अ॒न्तर्द॑धाति
Sentence: 6 व्यावृ॑त्त्यै ।
Sentence: 7 अ॒नक्ति
Sentence: 8 ह॒विष्कृ॑तमेवैनं सुव॒र्गं लो॒कं ग॑मयति
Sentence: 9 त्रे॒धान॑क्ति
Sentence: 10 त्रय॑ इ॒मे लो॒कास् ।
Sentence: 11 ए॒भ्य एवैनं लो॒केभ्यो॑ ऽनक्ति
Sentence: 12 न प्रति॑ शृणाति
Sentence: 13 यत्प्र॑तिशृणी॒यादनू॑र्ध्वम्भावुकं॒ यज॑मानस्य स्यात् ।
Sentence: 14 उ॒परी॑व॒ प्र ह॑रति ॥
Verse: 4
Sentence: 1 उ॒परी॑व॒ हि सु॑व॒र्गो लो॒कस् ।
Sentence: 2 नि य॑छति
Sentence: 3 वृष्टि॑मे॒वास्मै॒ नि य॑छति
Sentence: 4 नात्य॑ग्र॒म्प्र ह॑रेत् ।
Sentence: 5 यदत्य॑ग्रम्प्र॒हरे॑दत्यासा॒रिण्य॑ध्व॒र्योर्नाशु॑का स्यात् ।
Sentence: 6 न पु॒रस्ता॒त्प्रत्य॑स्येत् ।
Sentence: 7 यत्पु॒रस्ता॑त्प्र॒त्यस्या॑त्सुव॒र्गाल्लो॒काद्यज॑मान॒म्प्रति॑ नुदेत्
Sentence: 8 प्राञ्च॒म्प्र ह॑रति
Sentence: 9 यज॑मानमे॒व सु॑व॒र्गं लो॒कं ग॑मयति
Sentence: 10 न विष्व॑ञ्चं॒ वि यु॑यात् ।
Sentence: 11 यद्विष्व॑ञ्चं वियु॒यात् ॥
Verse: 5
Sentence: 1 स्त्र्य॑स्य जायेत ।
Sentence: 2 ऊ॒र्ध्वमुद्यौ॑ति ।
Sentence: 3 ऊ॒र्ध्वमि॑व॒ हि पुं॒सः पुमा॑ने॒वास्य॑ जायते
Sentence: 4 यत्स्प्येन॑ वोपवे॒षेण॑ वा योयु॒प्येत॒ स्तृति॑रे॒वास्य॒ सा
Sentence: 5 हस्ते॑न योयुप्यते॒ यज॑मानस्य गोपी॒थाय
Sentence: 6 ब्रह्मवा॒दिनो॑ वदन्ति
Sentence: 7 किं य॒ज्ञस्य॒ यज॑मान॒ इति
Sentence: 8 प्रस्त॒र इति
Sentence: 9 तस्य॒ क्व॑ सुव॒र्गो लो॒क इति॑ ।
Sentence: 10 आ॑हव॒नीय॒ इति॑ ब्रूयात् ।
Sentence: 11 यत्प्र॑स्त॒रमा॑हव॒नीये॑ प्र॒हर॑ति॒ यज॑मानमे॒व ॥
Verse: 6
Sentence: 1 सु॑व॒र्गं लो॒कं ग॑मयति
Sentence: 2 वि वा ए॒तद्यज॑मानो लिशते॒ यत्प्र॑स्त॒रं यो॑यु॒प्यन्ते
Sentence: 3 ब॒र्हिरनु॒ प्रह॑रति॒ शान्त्यै॑ ।
Sentence: 4 अ॑नारम्भ॒ण इ॑व॒ वा ए॒तर्ह्य॑ध्व॒र्युः
Sentence: 5 स ई॑श्व॒रो वे॑प॒नो भवि॑तोस् ।
Sentence: 6 ध्रु॒वासीती॒माम॒भि मृ॑शति ।
Sentence: 7 इ॒यं वै॑ ध्रु॒वा ।
Sentence: 8 अ॒स्यामे॒व प्रति॑ तिष्ठति
Sentence: 9 न वे॑प॒नो भ॑वति ।
Sentence: 10 अगा३न॑ग्नी॒दित्या॑ह
Sentence: 11 यद्ब्रू॒यात् ।
Sentence: 12 अग॑न्न॒ग्निरित्य॒ग्नाव॒ग्निं ग॑मये॒न्निर्यज॑मानं सुव॒र्गाल्लो॒काद्भ॑जेत् ।
Sentence: 13 अग॒न्नित्ये॒व ब्रू॑या॒द्यज॑मानमे॒व सु॑व॒र्गं लो॒कं ग॑मयति ॥
Paragraph: 6
Verse: 1
Sentence: 1 अ॒ग्नेस्त्रयो॒ ज्यायां॑सो॒ भ्रात॑र आस॒न्ते दे॒वेभ्यो॑ ह॒व्यं वह॑न्तः॒ प्रामी॑यन्त
Sentence: 2 सो॒ ऽग्निर॑बिभेदि॒त्थं वाव स्य आर्ति॒मारि॑ष्य॒तीति॒ स निला॑यत॒ सो॒ ऽपः प्रावि॑श॒त्तं दे॒वताः प्रैषऐछन्
Sentence: 3 तम्मत्स्यः॒ प्राब्र॑वी॒त्तम॑शपद्धि॒याधि॑या त्वा वध्यासु॒र्यो मा॒ प्रावो॑च॒ इति
Sentence: 4 तस्मा॒न्मत्स्यं॑ धि॒याधि॑या घ्नन्ति श॒प्तः ॥
Verse: 2
Sentence: 1 हि
Sentence: 2 तमन्व॑विन्द॒न्तम॑ब्रुव॒न्नुप॑ न॒ आ व॑र्तस्व ह॒व्यं नो॑ व॒हेति
Sentence: 3 सो॑ ऽब्रवी॒द्वरं॑ वृणै॒ यदे॒व गृ॑ही॒तस्याहु॑तस्य बहिःपरि॒धि स्कन्दा॒त्तन्मे॒ भ्रातृ॑णाम्भ�ति॒ तस्मा॒द्यद्गृ॑ही॒तस्याहु॑तस्य बहिःपरि॒धि स्कन्द॑ति॒ तेषां॒ तद्भा॑ग॒धेयं॒ ताने॒व तेन॑ प्रीणाति
Sentence: 4 परि॒धीन्परि॑ दधाति॒ रक्ष॑सा॒मप॑हत्यै
Sentence: 5 सं स्प॑र्शयति ॥
Verse: 3
Sentence: 1 रक्ष॑सा॒मन॑न्ववचाराय
Sentence: 2 न पु॒रस्ता॒त्परि॑ दधात्यादि॒त्यो ह्ये॒वोद्यन्पु॒रस्ता॒द्रक्षां॑स्यप॒हन्ति॑ ।
Sentence: 3 ऊ॒र्ध्वे स॒मिधा॒वा द॑धात्यु॒परि॑ष्टादे॒व रक्षां॒स्यप॑ हन्ति
Sentence: 4 यजु॑षा॒न्यां तू॒ष्णीम॒न्याम्मि॑थुन॒ त्वाय
Sentence: 5 द्वे आ द॑धाति द्वि॒पाद्यज॑मानः॒ प्रति॑ष्ठित्यै
Sentence: 6 ब्रह्मवा॒दिनो॑ वदन्ति
Sentence: 7 स त्वै॑ यजेत॒ यो य॒ज्ञस्यार्त्या॒ वसी॑य॒न्त्स्यादिति
Sentence: 8 भूप॑तये॒ स्वाहा॒ भुव॑नपतये॒ स्वाहा॑ भू॒ताना॑म् ॥
Verse: 4
Sentence: 1 पत॑ये॒ स्वाहे॑ति॒ स्कन्न॒मनु॑ मन्त्रयेत
Sentence: 2 य॒ज्ञस्यै॒व तदार्त्या॒ यज॑मानो॒ वसी॑यान्भवति॒ भूय॑सी॒र्हि दे॒वताः॑ प्री॒णाति
Sentence: 3 जा॒मि वा ए॒तद्य॒ज्ञस्य॑ क्रियते॒ यद॒न्वञ्चौ॑ पुरो॒डाशौ॑ ।
Sentence: 4 उ॑पांशुया॒जम॑न्त॒रा य॑ज॒त्यजा॑मित्वा॒याथो॑ मिथुन॒त्वाय॑ ।
Sentence: 5 अ॒ग्निर॒मुष्मिँ॑ लो॒क आसी॑द्य॒मो॒ ऽस्मिन्
Sentence: 6 ते दे॒वा अ॑ब्रुव॒न्नेतेमौ॒ वि पर्यू॑हा॒मेति॑ ।
Sentence: 7 अ॒न्नाद्ये॑न दे॒वा अ॒ग्निम् ॥
Verse: 5
Sentence: 1 उ॒पाम॑न्त्रयन्त रा॒ज्येन॑ पि॒तरो॑ य॒मं तस्मा॑द॒ग्निर्दे॒वाना॑मन्ना॒दो य॒मः पि॑तृ॒णां राजा
Sentence: 2 य ए॒वं वेद॒ प्र रा॒ज्यम॒न्नाद्य॑माप्नोति
Sentence: 3 तस्मा॑ ए॒तद्भा॑ग॒धेय॒म्प्राय॑छ॒न्यद॒ग्नये॑ स्विष्ट॒कृते॑ ऽव॒द्यन्ति
Sentence: 4 यद॒ग्नये॑ स्विष्ट॒कृते॑ ऽव॒द्यति॑ भाग॒धेये॑नै॒व तद्रु॒द्रं सम॑र्धयति
Sentence: 5 स॒कृत्स॑कृ॒दव॑ द्यति स॒कृदि॑व॒ हि रु॒द्रस् ।
Sentence: 6 उ॑त्तरा॒र्धादव॑ द्यत्ये॒षा वै॑ रु॒द्रस्य॑ ॥
Verse: 6
Sentence: 1 दिक्स्वाया॑मे॒व दिशि॑ रु॒द्रं नि॒रव॑दयते
Sentence: 2 द्विर॒भि घा॑रयति चतुरव॒त्तस्या॑प्त्यै
Sentence: 3 प॒शवो वै॒ पूर्वा॒ आहु॑तयस् ।
Sentence: 4 ए॒ष रु॒द्रो यद॒ग्निस् ।
Sentence: 5 यत्पू॑र्वा॒ आहु॑तीर॒भि जु॑हु॒याद्रु॒द्राय॑ प॒शूनपि॑ दध्यात् ।
Sentence: 6 अ॑प॒शुर्यज॑मानः स्यात् ।
Sentence: 7 अ॑ति॒हाय॒ पूर्वा॒ आहु॑तीर्जुहोति पशू॒नां गो॑पी॒थाय॑ ॥
Paragraph: 7
Verse: 1
Sentence: 1 मनुः॑ पृथि॒व्या य॒ज्ञिय॑ऐछत्
Sentence: 2 स घृ॒तं निषि॑क्तमविन्दत्
Sentence: 3 सो॑ ऽब्रवीत्
Sentence: 4 को॒ ऽस्येश्व॒रो य॒ज्ञे ऽपि॒ कर्तो॒रिति
Sentence: 5 ताव॑ब्रूताम्मि॒त्रावरु॑णौ
Sentence: 6 गोरे॒वावमी॑श्वरौ॒ कर्तोः॑ स्व॒ इति
Sentence: 7 तौ॒ ततो॒ गां सऐ॑रयताम् ।
Sentence: 8 सा यत्र॑यत्र॒ न्यक्रा॑म॒त्ततो॑ घृ॒तम॑पीड्यत
Sentence: 9 तस्मा॑द्घृ॒तप॑द्युच्यते
Sentence: 10 तद॑स्यै॒ जन्म॑ ।
Sentence: 11 उप॑हूतं रथन्त॒रं स॒ह पृ॑थि॒व्येत्या॑ह ॥
Verse: 2
Sentence: 1 इ॒यं वै॑ रथन्त॒रम्
Sentence: 2 इ॒मामे॒व स॒हान्नाद्ये॒नोप॑ ह्वयते ।
Sentence: 3 उप॑हूतं वामदे॒व्यं स॒हान्तरि॑क्षे॒णेत्या॑ह
Sentence: 4 प॒शवो वै वामदे॒व्यम्
Sentence: 5 प॒शूने॒व स॒हान्तरि॑क्षे॒णोप॑ ह्वयते ।
Sentence: 6 उप॑हूतम्बृ॒हत्स॒ह दि॒वेत्या॑ह ।
Sentence: 7 अै॒रं वै॑ बृ॒हत् ।
Sentence: 8 इरा॑मे॒व स॒ह दि॒वोप॑ ह्वयते ।
Sentence: 9 उप॑हूता धे॒नुः ॥
Verse: 3
Sentence: 1 स॒हर्ष॒भेत्या॑ह
Sentence: 2 मिथु॒नमे॒वोप॑ ह्वयते ।
Sentence: 3 उप॑हूतो भ॒क्षः सखेत्या॑ह
Sentence: 4 सोमपी॒थमे॒वोप॑ ह्वयते ।
Sentence: 5 उप॑हूता३ं॒ हो इत्या॑ह ।
Sentence: 6 आ॒त्मान॑मे॒वोप॑ ह्वयते ।
Sentence: 7 आ॒त्मा ह्युप॑हूतानां॒ वसि॑ष्ठस् ।
Sentence: 8 इडा॒मुप॑ ह्वयते
Sentence: 9 प॒शवो॒ वा इडा
Sentence: 10 प॒शूने॒वोप॑ ह्वयते
Sentence: 11 चतु॒रुप॑ ह्वयते
Sentence: 12 चतु॑ष्पादो॒ हि प॒शव॑स् ।
Sentence: 13 मा॑न॒वीत्या॑ह॒ मनु॒र्ह्ये॒ताम् ॥
Verse: 4
Sentence: 1 अग्रे ऽप॑श्यत् ।
Sentence: 2 घृ॒तप॒दीत्या॑ह॒ यदे॒वास्यै॑ प॒दाद्घृ॒तमपी॑ड्यत॒ तस्मा॑दे॒वमा॑ह
Sentence: 3 मैत्रावरु॒णीत्या॑ह मि॒त्रावरु॑णौ॒ ह्ये॑नां समैरयताम्
Sentence: 4 ब्रह्म॑ दे॒वकृ॑त॒मुप॑हूत॒मित्या॑ह
Sentence: 5 ब्रमै॒वोप॑ ह्वयते
Sentence: 6 दैव्या अध्व॒र्यव॒ उप॑हूता॒ उप॑हूता मनु॒ष्या॒ इत्या॑ह
Sentence: 7 देवमनु॒ष्याने॒वोप॑ ह्वयते
Sentence: 8 य इ॒मं य॒ज्ञमवा॒न्ये य॒ज्ञप॑तिं॒ वर्धा॒नित्या॑ह ॥
Verse: 5
Sentence: 1 य॒ज्ञाय॑ चै॒व यज॑मानाय चा॒शिष॒मा शा॑स्ते ।
Sentence: 2 उप॑हूते॒ द्यावा॑पृथि॒वी इत्या॑ह
Sentence: 3 द्यावा॑पृथि॒वी ए॒वोप॑ ह्वयते
Sentence: 4 पूर्व॒जे ऋ॒ताव॑री॒ इत्या॑ह पूर्व॒जे ह्ये॒ते ऋ॒ताव॑री
Sentence: 5 दे॒वा दे॒वपु॑त्रे॒ इत्या॑ह दे॒वी ह्ये॒ते दे॒वपु॑त्रे
Sentence: 6 उप॑हूतो॒ ऽयं यज॑मान॒ इत्या॑ह
Sentence: 7 यज॑मानमे॒वोप॑ ह्वयते ।
Sentence: 8 उत्त॑रस्यां देवय॒ज्याया॒मुप॑हूतो॒ भूय॑सि हवि॒ष्कर॑ण॒ उप॑हूतो दि॒व्ये धाम॒न्नुप॑हूतः ॥
Verse: 6
Sentence: 1 इत्या॑ह
Sentence: 2 प्र॒जा वा उत्त॑रा देवय॒ज्या प॒शवो॒ भूयो॑ हवि॒ष्कर॑णं सुव॒र्गो लो॒को दि॒व्यं धाम॑ ।
Sentence: 3 इ॒दम॑सी॒दम॒सीत्ये॒व य॒ज्ञस्य॑ प्रि॒यं धामोप॑ ह्वयते
Sentence: 4 विश्व॑मस्य प्रि॒यमुप॑हूत॒मित्या॑ह ।
Sentence: 5 अछ॑म्बट्कारमे॒वोप॑ ह्वयते ॥
Paragraph: 8
Verse: 1
Sentence: 1 प॒शवो॒ वा इडा॑ स्व॒यमा द॑त्ते॒ काम॑मे॒वात्मना॑ पशू॒नामा द॑त्ते॒ न ह्य॒न्यः का॒मम्प॑शू॒नाम्प�
Sentence: 2 वा॒चस्पत॑ये त्वा हु॒तम्प्राश्ना॒मीत्या॑ह॒ वाच॑मे॒व भा॑ग॒धेये॑न प्रीणाति॒ सद॑स॒स्पत॑ये त्वा हु॒तम्प्राश्ना॒मीत्या॑ह स्व॒गाकृ॑त्यै
Sentence: 3 चतुरव॒त्तम्भ॑वति ह॒विर्वै॑ चतुरव॒त्तम्प॒शव॑श्चतुरव॒त्तम् ।
Sentence: 4 यद्धोता॑ प्राश्नी॒याद्धोता॑ ॥
Verse: 2
Sentence: 1 आर्ति॒मार्छे॒द्यदग्नौ जुहु॒याद्रु॒द्राय॑ प॒शूनपि॑ दध्यादप॒शुर्यज॑मानः स्यात् ।
Sentence: 2 वा॒चस्पत॑ये त्वा हु॒तम्प्राश्ना॒मीत्या॑ह परो॒ऽक्षमेवैनज्जुहोति॒ सद॑स॒स्पत॑ये त्वा हु॒तम्प॑ह स्व॒गाकृ॑त्यै
Sentence: 3 प्राश्न॑न्ति ती॒र्थ ए॒व प्राश्न॑न्ति॒ दक्षि॑णां ददाति ती॒र्थ ए॒व दक्षि॑णां ददाति
Sentence: 4 वि वा ए॒तद्य॒ज्ञम् ॥
Verse: 3
Sentence: 1 छि॑न्दन्ति॒ यन्म॑ध्य॒तः प्रा॒श्नन्त्य॒द्भिर्मा॑र्जयन्त॒ आपो वै॒ सर्वा॑ दे॒वता॑ दे॒वता॑भिर�॒व य॒ज्ञं सं त॑न्वन्ति
Sentence: 2 दे॒वा वै॑ य॒ज्ञाद्रु॒द्रम॒न्तरा॑य॒न्त्स य॒ज्ञम॑विध्य॒त्तं दे॒वा अ॒भि सम॑गछन्त
Sentence: 3 कल्प॑तां न इ॒दमिति॒ ते॑ ऽब्रुव॒न्त्स्वि॑ष्टं वै न इ॒दम्भ॑विष्यति॒ यदि॒मं रा॑धयि॒ष्याम॒ इति॒ तत्स्वि॑ष्ट॒कृतः॑ स्विष्टकृ॒त्त्वम् ।
Sentence: 4 तस्यावि॑द्धं॒ निः ॥
Verse: 4
Sentence: 1 अ॑कृन्त॒न्यवे॑न॒ सम्मि॑तं॒ तस्मा॑द्यवमा॒त्रमव॑ द्ये॒द्यज्ज्यायो॑ ऽव॒द्येद्रो॒पये॒त्तद्य�स्य॒ यदुप॑ च स्तृणी॒याद॒भि च॑ घा॒रये॑दुभयतःसंश्वा॒यि कु॑र्यात् ।
Sentence: 2 अ॑व॒दाया॒भि घा॑रयति॒ द्विः सम्प॑द्यते द्वि॒पाद्यज॑मानः॒ प्रति॑ष्ठित्यै
Sentence: 3 यत्ति॑र॒श्चीन॑मति॒हरे॒दन॑भिविद्धं य॒ज्ञस्या॒भि वि॑ध्येत् ।
Sentence: 4 अग्रे॑ण॒ परि॑ हरति ती॒र्थेनै॒व परि॑ हरति॒ तत्पू॒ष्णे पर्य॑हरन्
Sentence: 5 तत् ॥
Verse: 5
Sentence: 1 पू॒षा प्राश्य॑ द॒तो॑ ऽरुण॒त्तस्मा॑त्पू॒षा प्र॑पि॒ष्टभा॑गो ऽद॒न्तको॒ हि
Sentence: 2 तं दे॒वा अ॑ब्रुवन्
Sentence: 3 वि वा अ॒यम॑र्ध्यप्राशित्रि॒यो वा अ॒यम॑भू॒दिति
Sentence: 4 तद्बृह॒स्पत॑ये॒ पर्य॑हर॒न्त्सो॑ ऽबिभे॒द्बृह॒स्पति॑रि॒त्थं वाव स्य आर्ति॒मारि॑ष्य॒तीति
Sentence: 5 स ए॒तम्मन्त्र॑मपश्य॒त्सूर्य॑स्य त्वा॒ चक्षु॑षा॒ प्रति॑ पश्या॒मीत्य॑ब्रवी॒न्न हि सूर्य॑स्य॒ चक्षुः॑ ॥
Verse: 6
Sentence: 1 किं च॒न हि॒नस्ति
Sentence: 2 सो॑ ऽबिभेत्प्रतिगृ॒ह्णन्त॑म्मा हिंसिष्य॒तीति॑ दे॒वस्य॑ त्वा सवि॒तुः प्र॑स॒वे॒ ऽश्विनो॑र्ब�॒ष्णो हस्ता॑भ्या॒म्प्रति॑ गृह्णा॒मीत्य॑ब्रवीत्सवि॒तृप्र॑सूत एवैन॒द्ब्रह्म॑णा दे॒वता॑भिः॒ प्रत्य॑गृह्णात्
Sentence: 3 सो॑ ऽबिभेत्प्रा॒श्नन्त॑म्मा हिंसिष्य॒तीत्य॒ग्नेस्त्वा॒स्ये॑न॒ प्राश्ना॒मीत्य॑ब्रवी॒न्न ह्य॒ग्नेरा॒स्यं॒ किं च॒न हि॒नस्ति
Sentence: 4 सो॑ ऽबिभेत् ॥
Verse: 7
Sentence: 1 प्राशि॑तम्मा हिंसिष्य॒तीति॑ ब्राह्म॒णस्यो॒दरे॒णेत्य॑ब्रवी॒न्न हि ब्रा॑ह्म॒णस्यो॒दरं॒ किं च॒न हि॒नस्ति॒ बृह॒स्पते॒र्ब्रह्म॒णेति॒ स हि ब्रह्मि॑ष्ठस् ।
Sentence: 2 अप॒ वा ए॒तस्मा॑त्प्रा॒णाः क्रा॑मन्ति॒ यः प्रा॑शि॒त्रम्प्रा॒श्नाति॑ ।
Sentence: 3 अ॒द्भिर्मा॑र्जयि॒त्वा प्रा॒णान्त्सम्मृ॑शते ।
Sentence: 4 अ॒मृतं वै प्रा॒णा अ॒मृत॒मापः॑ प्रा॒णाने॒व य॑थास्था॒नमुप॑ ह्वयते ॥
Paragraph: 9
Verse: 1
Sentence: 1 अ॒ग्नीध॒ आ द॑धात्य॒ग्निमु॑खाने॒वर्तून्प्री॑णाति
Sentence: 2 स॒मिध॒मा द॑धा॒त्युत्त॑रासा॒माहु॑तीना॒म्प्रति॑ष्ठित्या॒ अथो॑ स॒मिद्व॑त्ये॒व जु॑होति
Sentence: 3 परि॒धीन्त्सम्मा॑र्ष्टि पु॒नात्येवैनान्त्स॒कृत्स॑कृ॒त्सम्मा॑र्ष्टि॒ परा॑ङिव॒ ह्ये॒तर्हि॑ य॒ज्ञस् ।
Sentence: 4 च॒तुः सम्प॑द्यते॒ चतु॑ष्पादः प॒शवः॑ प॒शूने॒वाव॑ रुन्द्धे
Sentence: 5 ब्रह्म॒न्प्र स्था॑स्याम॒ इत्या॒हात्र॒ वा ए॒तर्हि॑ य॒ज्ञः श्रि॒तः ॥
Verse: 2
Sentence: 1 यत्र॑ ब्र॒ह्मा यत्रै॒व य॒ज्ञः श्रि॒तस्तत॑ एवैन॒मा र॑भते
Sentence: 2 यद्धस्ते॑न प्र॒मीवे॑द्वेप॒नः स्या॒द्यच्छी॒र्ष्णा शी॑र्षक्ति॒वान्त्स्या॒द्यत्तू॒ष्णीमासीत्तो य॒ज्ञः स्या॑त्
Sentence: 3 प्र ति॒ष्ठेत्ये॒व ब्रू॑याद्
Sentence: 4 वा॒चि वै॑ य॒ज्ञः श्रि॒तो यत्रै॒व य॒ज्ञः श्रि॒तस्तत॑ एवैनं॒ सम्प्र य॑छति
Sentence: 5 देव॑ सवितरे॒तत्ते॒ प्र ॥
Verse: 3
Sentence: 1 आ॒हेत्या॑ह॒ प्रसू॑त्यै
Sentence: 2 बृह॒स्पति॑र्ब्र॒ह्मेत्या॑ह॒ स हि ब्रह्मि॑ष्ठः
Sentence: 3 स य॒ज्ञम्पा॑हि॒ स य॒ज्ञप॑तिम्पाहि॒ स मा॑म्पा॒हीत्या॑ह
Sentence: 4 य॒ज्ञाय॒ यज॑मानाया॒त्मने॒ तेभ्य॑ ए॒वाशिष॒मा शा॒स्ते ऽना॑र्त्या
Sentence: 5 आ॒श्राव्या॑ह
Sentence: 6 दे॒वान्य॒जेति
Sentence: 7 ब्रह्मवा॒दिनो॑ वदन्ती॒ष्टा दे॒वता॒ अथ॑ कत॒म ए॒ते दे॒वा इति॒ छन्दां॒सीति॑ ब्रूयाद्गाय॒त्रीं त्रि॒ष्टुभ॑म् ॥
Verse: 4
Sentence: 1 जग॑ती॒मित्य्
Sentence: 2 अथो॒ खल्वा॑हुर्
Sentence: 3 ब्राह्म॒णा वै॒ छन्दां॒सीति
Sentence: 4 ताने॒व तद्य॑जति
Sentence: 5 दे॒वानां॒ वा इ॒ष्टा दे॒वता॑ आस॒न्नथा॒ग्निर्नोद॑ज्वल॒त्तं दे॒वा आहु॑तीभिरनूया॒जेष्वन्व॑विन
Sentence: 6 यद॑नूया॒जान्यज॑ति ।
Sentence: 7 अ॒ग्निमे॒व तत्समि॑न्द्धे ।
Sentence: 8 ए॒तदुर्वै॒ नामा॑सु॒र आ॑सीत्
Sentence: 9 स ए॒तर्हि॑ य॒ज्ञस्या॒शिष॑मवृङ्क्त
Sentence: 10 यद्ब्रू॒यादे॒तत् ॥
Verse: 5
Sentence: 1 उ॑ द्यावापृथिवी भ॒द्रम॑भू॒दित्ये॒तदु॑मे॒वासु॒रं य॒ज्ञस्या॒शिषं॑ गमयेद्
Sentence: 2 इ॒दं द्या॑वापृथिवी भ॒द्रम॑भू॒दित्ये॒व ब्रू॑या॒द्यज॑मानमे॒व य॒ज्ञस्या॑शिषङ्गमयत्य्
Sentence: 3 आर्ध्म॑ सूक्तवा॒कमु॒त न॑मोवा॒कमित्या॑हे॒दम॑रा॒त्स्मेति॒ वावै॒तदा॑ह ।
Sentence: 4 उप॑श्रितो दि॒वः पृ॑थि॒व्योरित्या॑ह॒ द्यावा॑पृथि॒व्योर्हि य॒ज्ञ उप॑श्रितस् ।
Sentence: 5 ओम॑न्वती ते॒ ऽस्मिन्य॒ज्ञे य॑जमान॒ द्यावा॑पृथि॒वी ॥
Verse: 6
Sentence: 1 स्ता॒मित्या॑हा॒शिष॑मेवै॒तामा शा॑स्ते
Sentence: 2 यद्ब्रू॒यात्सू॑पावसा॒ना च॑ स्वध्यवसा॒ना चेति॑ प्र॒मायु॑को॒ यज॑मानः स्या॒द्यदा॒ हि प्र॒मीय॑ते ।
Sentence: 3 अथे॒मामु॑पाव॒स्यति
Sentence: 4 सूपचर॒णा च॑ स्वधिचर॒णा चेत्ये॒व ब्रू॑या॒द्वरी॑यसीमे॒वास्मै॒ गव्यू॑ति॒मा शा॑स्ते॒ न प्र॒मायु॑को भवति
Sentence: 5 तयो॑ आ॒विद्य॒ग्निरि॒दं ह॒विर॑जुष॒तेत्या॑ह॒ या अया॑क्ष्म ॥
Verse: 7
Sentence: 1 दे॒वता॒स्ता अ॑रीरधा॒मेति॒ वावै॒तदा॑ह
Sentence: 2 यन्न नि॑र्दि॒शेत्प्रति॑वेशं य॒ज्ञस्या॒शीर्ग॑छेद्
Sentence: 3 आ शा॑स्ते॒ ऽयं यज॑मानो॒ ऽसावित्या॑ह नि॒र्दिश्यैवैनं सुव॒र्गं लो॒कं ग॑मयति ।
Sentence: 4 आयु॒रा शा॑स्ते सुप्रजा॒स्त्वमा शा॑स्त॒ इत्या॑हा॒शिष॑मेवै॒तामा शा॑स्ते
Sentence: 5 सजातवन॒स्यामा शा॑स्त॒ इत्या॑ह प्रा॒णा वै॑ सजा॒ताः प्रा॒णाने॒व ॥
Verse: 8
Sentence: 1 नान्तरे॑ति
Sentence: 2 तद॒ग्निर्दे॒वो दे॒वेभ्यो॒ वन॑ते व॒यम॒ग्नेर्मानु॑षा॒ इत्या॑हा॒ग्निर्दे॒वेभ्यो॑ वनु॒ते व॒यम्म॑नु॒ष्ये॑भ्य॒ इति॒ वावै॒तदा॑ह ।
Sentence: 3 इ॒ह गति॑र्वा॒मस्ये॒दं च॒ नमो॑ दे॒वेभ्य॒ इत्या॑ह॒ याश्चै॒व दे॒वता॒ यज॑ति॒ याश्च॒ न ताभ्य॑ ए॒वोभ्ययी॑भ्यो॒ नम॑स्करोत्या॒त्मनो ऽना॑र्त्यै ॥
Paragraph: 10
Verse: 1
Sentence: 1 दे॒वा वै॑ य॒ज्ञस्य॑ स्वगाक॒र्तारं॒ नावि॑न्दन्
Sentence: 2 ते श॒म्युम्बा॑र्हस्प॒त्यम॑ब्रुवन् ।
Sentence: 3 इ॒मं नो॑ य॒ज्ञं स्व॒गा कु॒र्विति
Sentence: 4 सो॑ ऽब्रवीत् ।
Sentence: 5 वरं॑ वृणै॒ यदे॒वाब्रा॑ह्मणो॒क्तो ऽश्र॑द्दधानो॒ यजा॑तै॒ सा मे॑ य॒ज्ञस्या॒शीर॑स॒दिति
Sentence: 6 तस्मा॒द्यदब्रा॑ह्मणो॒क्तो ऽश्र॑द्दधानो॒ यज॑ते श॒म्युमे॒व तस्य॑ बार्हस्प॒त्यं य॒ज्ञस्या॒शीति ।
Sentence: 7 ए॒तन्ममेत्य॑ब्रवी॒त्किम्मे॑ प्र॒जायाः॑ ॥
Verse: 2
Sentence: 1 इति
Sentence: 2 यो॑ ऽपगु॒रातै॑ श॒तेन॑ यातयात् ।
Sentence: 3 यो नि॒हन॑त्स॒हस्रे॑ण यातयात् ।
Sentence: 4 यो लोहि॑तं क॒रव॒द्याव॑तः प्र॒स्कद्य॑ पां॒सून्त्सं॑गृ॒ह्णात्ताव॑तः संवत्स॒रान्पि॑तृलो॒कं न प्र जा॑ना॒दिति
Sentence: 5 तस्मा॑द्ब्राह्म॒णाय॒ नाप॑ गुरेत॒ न नि ह॑न्या॒न्न लोहि॑तं कुर्यात् ।
Sentence: 6 ए॒ताव॑ता हैनसा भवति
Sentence: 7 तच्छ॒म्योरा वृ॑णीमह॒ इत्या॑ह
Sentence: 8 य॒ज्ञमे॒व तत्स्व॒गा क॑रोति
Sentence: 9 तत् ॥
Verse: 3
Sentence: 1 श॒म्योरा वृ॑णीमह॒ इत्या॑ह
Sentence: 2 श॒म्युमे॒व बा॑र्हस्प॒त्यम्भा॑ग॒धेये॑न॒ सम॑र्धयति
Sentence: 3 गा॒तुं य॒ज्ञाय॑ गा॒तुं य॒ज्ञप॑तय॒ इत्या॑ह ।
Sentence: 4 आ॒शिष॑मेवै॒तामा शा॑स्ते
Sentence: 5 सोमं॑ यजति॒ रेत॑ ए॒व तद्द॑धाति
Sentence: 6 त्वष्टा॑रं यजति॒ रेत॑ ए॒व हि॒तं त्वष्टा॑ रू॒पाणि॒ वि क॑रोति
Sentence: 7 दे॒वाना॒म्पत्नी॑र्यजति मिथुन॒त्वाय॑ ।
Sentence: 8 अ॒ग्निं गृ॒हप॑तिं यजति॒ प्रति॑ष्ठित्यै
Sentence: 9 जा॒मि वा ए॒तद्य॒ज्ञस्य॑ क्रियते ॥
Verse: 4
Sentence: 1 यदाज्ये॑न प्रया॒जा इ॒ज्यन्त॒ आज्ये॑न पत्नीसंया॒जास् ।
Sentence: 2 ऋच॑म॒नूच्य॑ पत्नीसंया॒जाना॑मृ॒चा य॑जति ।
Sentence: 3 अजा॑मित्वा॒याथो॑ मिथुन॒त्वाय
Sentence: 4 प॒ङ्क्तिप्रा॑यणो वै य॒ज्ञः प॒ङ्क्त्यु॑दयनः
Sentence: 5 पञ्च॑ प्रया॒जा इ॑ज्यन्ते
Sentence: 6 च॒त्वारः॑ पत्नीसंया॒जाः स॑मिष्टय॒जुः प॑ञ्च॒मम्
Sentence: 7 प॒ङ्क्तिमे॒वानु॑ प्र॒यन्ति॑ प॒ङ्क्तिम्{F अनूद्{W अनू॑द्{GLOS अनूद् यन्ति ॥
Paragraph: 11
Verse: 1
Sentence: 1=a यु॒क्ष्वा{F हि{W हि{GLOS हि दे॑व॒हूत॑मां॒ अश्वां॑ अग्ने र॒थीरि॑व । नि होता॑ पू॒र्व्यः स॑दः ॥
Sentence: 2=b उ॒त नो॑ देव दे॒वां अछा॑ वोचो वि॒दुष्ट॑रः । श्रद्विश्वा॒ वार्या॑ कृधि ॥
Sentence: 3=c त्वं ह॒ यद्य॑विष्ठ्य॒ सह॑सः सूनवाहुत । ऋ॒तावा॑ य॒ज्ञियो॒ भुवः॑ ॥
Sentence: 4=d अ॒यम॒ग्निः स॑ह॒स्रिणो॒ वाज॑स्य श॒तिन॒स्पतिः॑ । मू॒र्धा क॒वी र॑यी॒णाम् ॥
Sentence: 5=e तं ने॒मिमृ॒भवो॑ य॒था न॑मस्व॒ सहू॑तिभिः । नेदी॑यो य॒ज्ञम् ॥
Verse: 2
Sentence: 1 अ॑ङ्गिरः ॥
Sentence: 2=f तस्मै॑ नू॒नम॒भिद्य॑वे वा॒चा वि॑रूप॒ नित्य॑या । वृष्णे॑ चोदस्व सुष्टु॒तिम् ॥
Sentence: 3=g कमु॑ ष्विदस्य॒ सेन॑या॒ग्नेरपा॑कचक्षसः । प॒णिं गोषु॑ स्तरामहे ॥
Sentence: 4=h मा नो॑ दे॒वानां॒ विशः॑ प्रस्ना॒तीरि॑वो॒स्राः । कृ॒शं न हा॑सु॒रघ्नि॑याः ॥
Sentence: 5=i मा नः॑ समस्य दू॒ढ्यः॒ परि॑द्वेषसो अंह॒तिः ऊ॒र्मिर्न नाव॒मा व॑धीत् ॥
Sentence: 6=k नम॑स्ते अग्न॒ ओज॑से गृ॒णन्ति॑ देव कृ॒ष्टयः॑ । अमैः॑ ॥
Verse: 3
Sentence: 1 अ॒मित्र॑मर्दय ॥
Sentence: 2=l कु॒वित्सु नो॒ गवि॑ष्ट॒ये ऽग्ने॑ सं॒वेषि॑षो र॒यिम् । उरु॑कृदु॒रु ण॑स्कृधि ॥
Sentence: 3=m मा नो॑ अ॒स्मिन्म॑हाध॒ने परा॑ वर्ग्भार॒भृद्य॑था । सं॒वर्गं॒ सं र॒यिं ज॑य ॥
Sentence: 4=n अ॒न्यम॒स्मद्भि॒या इ॒यमग्ने॒ सिष॑क्तु दु॒छुना॑ । वर्धा॑ नो॒ अम॑व॒च्छवः॑ ॥
Sentence: 5=o यस्याजु॑षन्नम॒स्विनः॒ शमी॒मदु॑र्मखस्य वा । तं घेद॒ग्निर्वृ॒धाव॑ति ॥
Sentence: 6=p पर॑स्या॒ अधि॑ ॥
Verse: 4
Sentence: 1 सं॒वतो ऽव॑रां अ॒भ्या त॑र । यत्रा॒हमस्मि॒ तां अ॑व ॥
Sentence: 2=q वि॒द्मा हि ते॑ पु॒रा व॒यमग्ने॑ पि॒तुर्यथाव॑सः । अधा॑ ते सु॒म्नमी॑महे ।
Sentence: 3=r य उ॒ग्र इ॑व शर्य॒हा ति॒ग्मशृ॑ङ्गो॒ न वंस॑गः । अग्ने॒ पुरो॑ रु॒रोजि॑थ ॥
Sentence: 4=s सखा॑यः॒ सं वः॑ स॒म्यञ्च॒मिषं॒ स्तोमं॑ चा॒ग्नये॑ । वर्षि॑ष्ठाय क्षिती॒नामू॒र्जो नप्त्रे॒ सह॑स्वते ॥
Sentence: 5=t संस॒मिद्यु॑वसे वृष॒न्नग्ने॒ विश्वा॑न्य॒र्य आ । इ॒डस्प॒दे समि॑ध्यसे॒ स नो॒ वसू॒न्या भ॑र ॥
Sentence: 6=u प्रजा॑पते
Sentence: 7=v स वे॑द
Sentence: 8=w सोमा॑पूषणा ।
Sentence: 9=x इमौ देवौ ॥
Paragraph: 12
Verse: 1
Sentence: 1=a उ॒शन्त॑स्त्वा हवामह उ॒शन्तः॒ समि॑धीमहि । उ॒शन्नु॑श॒त आ व॑ह पि॒तॄन्ह॒विषे॒ अत्त॑वे ॥
Sentence: 2=b त्वं सो॑म॒ प्रचि॑कितो मनी॒षा त्वं रजि॑ष्ठ॒मनु॑ नेषि॒ पन्था॑म् । तव॒ प्रणी॑ती पि॒तरो॑ न इन्दो दे॒वेषु॒ रत्न॑मभजन्त॒ धीराः॑ ॥
Sentence: 3=c त्वया॒ हि नः॑ पि॒तरः॑ सोम॒ पूर्वे॒ कर्मा॑णि च॒क्रुः प॑वमान॒ धीराः॑ । व॒न्वन्नवा॑तः परि॒धींरपो॑र्णु वी॒रेभि॒रश्वै॑र्म॒घवा॑ भव ॥
Verse: 2
Sentence: 1 नः॑ ॥
Sentence: 2=d त्वं सो॑म पि॒तृभिः॑ संविदा॒नो ऽनु॒ द्यावा॑पृथि॒वी आ त॑तन्थ । तस्मै॑ त इन्दो ह॒विषा॑ विधेम व॒यं स्या॑म॒ पत॑यो रयी॒णाम् ॥
Sentence: 3=e अग्नि॑ष्वात्ताः पितर॒ एह ग॑छत॒ सदः॑सदः सदत सुप्रणीतयः । अ॒त्ता ह॑वींषि॒ प्रय॑तानि ब॒र्हिष्यथा॑ र॒यिं सर्व॑वीरं दधातन ॥
Sentence: 4=f बर्हि॑षदः पितर ऊ॒त्य॒र्वागि॒मा वो॑ ह॒व्या च॑कृमा जु॒षध्व॑म् । त आ ग॒ताव॑सा॒ शन्त॑मे॒नाथा॒स्मभ्य॑म् ॥
Verse: 3
Sentence: 1 शं योर॑र॒पो द॑धात ॥
Sentence: 2=g आहम्पि॒तॄन्त्सु॑वि॒दत्रां॑ अवित्सि॒ नपा॑तं च वि॒क्रम॑णं च॒ विष्णोः॑ । ब॑र्हि॒षदो॒ ये स्व॒धया॑ सु॒तस्य॒ भज॑न्त पि॒त्वस्त इ॒हाग॑मिष्ठाः ॥
Sentence: 3=h उप॑हूताः पि॒तरः॑ सो॒म्यासो॑ बर्हि॒ष्ये॑षु नि॒धिषु॑ प्रि॒येषु॑ । त आ ग॑मन्तु॒ त इ॒ह श्रु॑व॒न्त्वधि॑ ब्रुवन्तु॒ ते अ॑वन्त्व॒स्मान् ॥
Sentence: 4=i उदी॑रता॒मव॑र॒ उत्परा॑स॒ उन्म॑ध्य॒माः पि॒तरः॑ सो॒म्यासः॑ । असु॑म् ॥
Verse: 4
Sentence: 1 य ई॒युर॑वृ॒का ऋ॑त॒ज्ञास्ते नो॑ ऽवन्तु पि॒तरो॒ हवे॑षु ॥
Sentence: 2=k इ॒दम्पि॒तृभ्यो॒ नमो॑ अस्त्व॒द्य ये पूर्वा॑सो॒ य उप॑रासी॒युः । ये पार्थि॑वे॒ रज॒स्या निष॑त्ता॒ ये वा॑ नू॒नं सु॑वृ॒जना॑सु वि॒क्षु ॥
Sentence: 3=l अधा॒ यथा॑ नः पि॒तरः॒ परा॑सः प्र॒त्नासो॑ अग्न ऋ॒तमा॑शुषा॒णाः । शुचीद॑य॒न्दीधि॑तिमुक्थ॒शासः॒ क्षामा॑ भि॒न्दन्तो॑ अरु॒णीरप॑ व्रन् ॥
Sentence: 4=m यद॑ग्ने ॥
Verse: 5
Sentence: 1 क॑व्यवाहन पि॒तॄन्यक्ष्यृ॑ता॒वृधः॑ । प्र च॑ ह॒व्यानि॑ वक्ष्यसि दे॒वेभ्य॑श्च पि॒तृभ्य॒ आ ॥
Sentence: 2=n त्वम॑ ग्नईडि॒तो जा॑तवे॒दो ऽवा॑ड्ढ॒व्यानि॑ सुर॒भीणि॑ कृ॒त्वा । प्रादाः॑ पि॒तृभ्यः॑ स्व॒धया॒ ते अ॑क्षन्न॒द्धि त्वं दे॑व॒ प्रय॑ता ह॒वींषि॑ ॥
Sentence: 3=o मात॑ली कव्यैर्य॒मो अङ्गि॑रोभि॒र्बृह॒स्पति॒रृक्व॑भिर्वावृधा॒नः । यांश्च॑ दे॒वा वा॑वृ॒धुर्ये च॑ दे॒वान्त्स्वाहा॒न्ये स्व॒धया॒न्ये म॑दन्ति ॥
Verse: 6
Sentence: 1=p इ॒मं य॑म प्रस्त॒रमा हि सीदाङ्गि॑रोभिः पि॒तृभिः॑ संविदा॒नः । आ त्वा॒ मन्त्राः॑ कविश॒स्ता व॑हन्त्वे॒ना रा॑जन्ह॒विषा॑ मादयस्व ॥
Sentence: 2=q अङ्गि॑रोभि॒रा ग॑हि य॒ज्ञिये॑भि॒र्यम॑ वैरूपैरि॒ह मा॑दयस्व । विव॑स्वन्तं हुवे॒ यः पि॒ता ते॒ ऽस्मिन्य॒ज्ञे ब॒र्हिष्या नि॒षद्य॑ ॥
Sentence: 3=r अङ्गि॑रसो नः पि॒तरो॒ नव॑ग्वा॒ अथ॑र्वाणो॒ भृग॑वः सो॒म्यासः॑ । तेषां॑ व॒यं सु॑मतौ य॒ज्ञिया॑ना॒मपि॑ भ॒द्रे सौ॑मन॒से स्या॑म ॥
Book: 3
Chapter: 1
Paragraph: 1
Verse: 1
Sentence: 1 प्र॒जाप॑तिरकामयत प्र॒जाः सृ॑जे॒येति
Sentence: 2 स तपो॑ ऽतप्यत॒ स स॒र्पान॑सृजत
Sentence: 3 सो॑ ऽकामयत प्र॒जाः सृ॑जे॒येति
Sentence: 4 स द्वि॒तीय॑मतप्यत॒ स वयां॑स्यसृजत
Sentence: 5 सो॑ ऽकामयत प्र॒जाः सृ॑जे॒येति
Sentence: 6 स तृ॒तीय॑मतप्यत॒ स ए॒तं दी॑क्षितवा॒दम॑पश्य॒त्तम॑वद॒त्ततो वै॒ स प्र॒जा अ॑सृजत
Sentence: 7 यत्तप॑स्त॒प्त्वा दी॑क्षितवा॒दं वद॑ति प्र॒जा ए॒व तद्यज॑मानः ॥
Verse: 2
Sentence: 1 सृ॑जते
Sentence: 2 यद्वै॑ दीक्षि॒तो॑ ऽमे॒ध्यम्पश्य॒त्यपा॑स्माद्दी॒क्षा क्रा॑मति॒ नील॑मस्य॒ हरो॒ व्ये॑ति ।
Sentence: 3 अब॑द्ध॒म्मनो॑ द॒रिद्रं॒ चक्षुः॒ सूर्यो॒ ज्योति॑षां॒ श्रेष्ठो॑ दीक्षे॒ मा मा॑ हासीस् ।
Sentence: 4 इत्या॑ह
Sentence: 5 नास्मा॑द्दी॒क्षाप॑ क्रामति॒ नास्य॒ नीलं॒ न हरो॒ व्ये॑ति
Sentence: 6 यद्वै॑ दीक्षि॒तम॑भि॒वर्ष॑ति दि॒व्या आपो ऽशा॑न्ता॒ ओजो॒ बलं॑ दी॒क्षाम् ॥
Verse: 3
Sentence: 1 तपो॑ ऽस्य॒ निर्घ्न॑न्ति ।
Sentence: 2 उ॑न्द॒तीर्बलं॑ धत्तौजो धत्त॒ बलं॑ धत्त॒ मा मे॑ दी॒क्षाम्मा तपो॒ निर्व॑धिष्ट ।
Sentence: 3 इत्या॑ह ।
Sentence: 4 ए॒तदे॒व सर्व॑मा॒त्मन्ध॑त्ते
Sentence: 5 नास्यौ॑जो॒ बलं॒ न दी॒क्षां न तपो॒ निर्घ्न॑न्ति ।
Sentence: 6 अ॒ग्निर्वै॑ दीक्षि॒तस्य॑ दे॒वता
Sentence: 7 सो॑ ऽस्मादे॒तर्हि॑ ति॒र इ॑व॒ यर्हि॒ याति॒ तमी॑श्व॒रं रक्षां॑सि॒ हन्तोः॑ ॥
Verse: 4
Sentence: 1 भ॒द्राद॒भि श्रेयः॒ प्रेहि॒ बृह॒स्पतिः॑ पुरए॒ता ते॑ अ॒स्त्वित्या॑ह॒ ब्रह्म वै दे॒वाना॒म्बृह॒ते॒ स ए॑नं॒ सम्पा॑रयति ।
Sentence: 2 एदम॑गन्म देव॒यज॑नम्पृथि॒व्या इत्या॑ह
Sentence: 3 देव॒यज॑नं॒ ह्ये॒ष पृ॑थि॒व्या आ॒गछ॑ति॒ यो यज॑ते
Sentence: 4 विश्वे॑ दे॒वा यदजु॑षन्त॒ पूर्व॒ इत्या॑ह॒ विश्वे॒ ह्ये॒तद्दे॒वा जो॒षय॑न्ते॒ यद्ब्रा॑ह्म॒णा ऋ॑क्षा॒माभ्यां॒ यजु॑षा सं॒तर॑न्त॒ इत्या॑ह ।
Sentence: 5 ऋ॑क्सा॒माभ्यां॒ ह्ये॒ष यजु॑षा सं॒तर॑ति॒ यो यज॑ते
Sentence: 6 रा॒यस्पोषे॑ण॒ समि॒षा म॑दे॒मेत्या॑हा॒शिष॑मेवै॒तामा शा॑स्ते ॥
Paragraph: 2
Verse: 1
Sentence: 1 ए॒ष ते॑ गाय॒त्रो भा॒ग इति॑ मे॒ सोमा॑य ब्रूतात् ।
Sentence: 2 ए॒ष ते त्रैष्टुभो॒ जाग॑तो भा॒ग इति॑ मे॒ सोमा॑य ब्रूतात् ।
Sentence: 3 छ॑न्दो॒मानां॒ साम्रा॑ज्यं ग॒छेति॑ मे॒ सोमा॑य ब्रूतात् ।
Sentence: 4 यो वै॒ सोमं॒ राजा॑नं॒ साम्रा॑ज्यं लो॒कं ग॑मयि॒त्वा क्री॒णाति॒ गछ॑ति॒ स्वानां॒ साम्रा॑ज्यं॒ छन्दां॑सि॒ खलु वै॒ सोम॑स्य॒ राज्ञः॒ साम्रा॑ज्यो लो॒कः
Sentence: 5 पु॒रस्ता॒त्सोम॑स्य क्र॒यादे॒वम॒भि म॑न्त्रयेत
Sentence: 6 साम्रा॑ज्यमे॒व ॥
Verse: 2
Sentence: 1 ए॑नं लो॒कं ग॑मयि॒त्वा क्री॑णाति॒ गछ॑ति॒ स्वानां॒ साम्रा॑ज्यम्
Sentence: 2 यो वै॑ तानून॒प्त्रस्य॑ प्रति॒ष्ठां वेद॒ प्रत्ये॒व ति॑ष्ठति
Sentence: 3 ब्रह्मवा॒दिनो॑ वदन्ति
Sentence: 4 न प्रा॒श्नन्ति॒ न जु॑ह्व॒त्यथ॒ क्व॑ तानून॒प्त्रम्प्रति॑ तिष्ठ॒तीति॑ प्र॒जाप॑तौ॒ मन॒सीति॑ ब्रूयात्
Sentence: 5 त्रिरव॑ जिघ्रेत्
Sentence: 6 प्र॒जाप॑तौ त्वा॒ मन॑सि जुहोमि ।
Sentence: 7 इत्ये॒षा वै॑ तानून॒प्त्रस्य॑ प्रति॒ष्ठा य ए॒वं वेद॒ प्रत्ये॒व ति॑ष्ठति
Sentence: 8 यः ॥
Verse: 3
Sentence: 1 वा अ॑ध्व॒र्योः प्र॑ति॒ष्ठां वेद॒ प्रत्ये॒व ति॑ष्ठति
Sentence: 2 यतो॒ मन्ये॒तान॑भिक्रम्य होष्या॒मीति॒ तत्तिष्ठ॒न्ना श्रा॑वयेत्
Sentence: 3 ए॒षा वा अ॑ध्व॒र्योः प्र॑ति॒ष्ठा य ए॒वं वेद॒ प्रत्ये॒व ति॑ष्ठति
Sentence: 4 यद॑भि॒क्रम्य॑ जुहु॒यात्प्र॑ति॒ष्ठाया॑ इया॒त्तस्मा॑त्समा॒नत्र॒ तिष्ठ॑ता होत॒व्य॒म्प्रति॑�
Sentence: 5 यो वा अ॑ध्व॒र्योः स्वं वेद॒ स्ववा॑ने॒व भ॑वति
Sentence: 6 स्रुग्वा अ॑स्य॒ स्वं वा॑य॒व्य॑मस्य ॥
Verse: 4
Sentence: 1 स्वं च॑म॒सो॑ ऽस्य॒ स्वं यद्वा॑य॒व्यं॑ वा चम॒सं वान॑न्वारभ्याश्रा॒वये॒त्स्वादि॑या॒त्तस्मा॑�व्यं॒ स्वादे॒व नै॑ति
Sentence: 2 यो वै॒ सोम॒मप्र॑तिष्ठाप्य स्तो॒त्रमु॑पाक॒रोत्यप्र॑तिष्ठितः॒ सोमो॒ भव॒त्यप्र॑तिष्ठितः॒ स्तोमो ऽप्र॑तिष्ठितान्यु॒क्थान्यप्र॑तिष्ठितो॒ यज॑मा॒नो ऽप्र॑तिष्ठितो ऽध्व॒र्युस् ।
Sentence: 3 वा॑य॒व्यं वै॒ सोम॑स्य प्रति॒ष्ठा च॑म॒सो॑ ऽस्य प्रति॒ष्ठा सोमः॒ स्तोम॑स्य॒ स्तोम॑ उ॒क्थानां॒ ग्रहं॑ वा गृही॒त्वा च॑म॒सं वो॒न्नीय॑ स्तो॒त्रमु॒पाकु॑र्यात्
Sentence: 4 प्रत्ये॒व सोमं॑ स्था॒पय॑ति॒ प्रति॒ स्तोम॒म्प्रत्यु॒क्थानि॒ प्रति॒ यज॑मान॒स्तिष्ठ॑ति॒ प्रत्य॑ध्व॒र्युः ॥
Paragraph: 3
Verse: 1
Sentence: 1 य॒ज्ञं वा ए॒तत्सम्भ॑रन्ति॒ यत्सो॑म॒क्रय॑ण्यै प॒दम् ।
Sentence: 2 य॑ज्ञमु॒खं ह॑वि॒र्धाने
Sentence: 3 यर्हि॑ हवि॒र्धाने॒ प्राची॑ प्रव॒र्तये॑यु॒स्तर्हि॒ तेनाक्ष॒मुपा॑ञ्ज्यात् ।
Sentence: 4 य॑ज्ञमु॒ख ए॒व य॒ज्ञमनु॒ सं त॑नोति
Sentence: 5 प्राञ्च॑म॒ग्निम्प्र ह॑र॒न्त्युत्पत्नी॒मा न॑य॒न्त्यन्वनां॑सि॒ प्र व॑र्तयन्ति ।
Sentence: 6 अथ॒ वा अ॑स्यै॒ष धिष्णि॑यो हीयते॒ सो ऽनु॑ ध्यायति॒ स ई॑श्व॒रो रु॒द्रो भू॒त्वा ॥
Verse: 2
Sentence: 1 प्र॒जाम्प॒शून्यज॑मानस्य॒ शम॑यितोस् ।
Sentence: 2 यर्हि॑ प॒शुमाप्री॑त॒मुद॑ञ्चं॒ नय॑न्ति॒ तर्हि॒ तस्य॑ पशु॒श्रप॑णं हरे॒त्तेनैवैनम्भा॒गिनं॑ करोति
Sentence: 3 यज॑मानो॒ वा आ॑हव॒नीय॑स् ।
Sentence: 4 यज॑मानं॒ वा ए॒तद्वि क॑र्षन्ते॒ यदा॑हव॒नीया॑त्पशु॒श्रप॑णं॒ हर॑न्ति
Sentence: 5 स वै॒व स्यान्नि॑र्म॒न्थ्यं॑ वा कुर्या॒द्यज॑मानस्य सात्म॒त्वाय
Sentence: 6 यदि॑ प॒शोर॑व॒दानं॒ नश्ये॒दाज्य॑स्य प्रत्या॒ख्याय॒मव॑ द्येत्
Sentence: 7 सै॒व ततः॒ प्राय॑श्चित्तिस् ।
Sentence: 8 ये प॒शुं वि॑मथ्नी॒रन्यस्तान्का॒मये॑त ।
Sentence: 9 आर्ति॒मार्छे॑यु॒रिति॑ कु॒विद॒ङ्गेति॒ नमो॑वृक्तिवत्य॒र्चाग्नी॑ध्रे जुहुयात् ।
Sentence: 10 नमो॑वृक्तिमेवैषां वृङ्क्ते ताज॒गार्ति॒मार्छ॑न्ति ॥
Paragraph: 4
Verse: 1
Sentence: 1=a प्र॒जाप॑ते॒र्जाय॑मानाः प्र॒जा जा॒ताश्च॒ या इ॒माः । तस्मै॒ प्रति॒ प्र वे॑दय चिकि॒त्वां अनु॑ मन्यताम् ॥
Sentence: 2=b इ॒मम्प॒शुम्प॑शुपते ते अ॒द्य ब॒ध्नाम्य॑ग्ने सुकृ॒तस्य॒ मध्ये॑ । अनु॑ मन्यस्व सु॒यजा॑ यजाम॒ जुष्टं॑ दे॒वाना॑मि॒दम॑स्तु ह॒व्यम् ॥
Sentence: 3=c प्र॑जा॒नन्तः॒ प्रति॑ गृह्णन्ति॒ पूर्वे॑ प्रा॒णमङ्गे॑भ्यः॒ पर्या॒चर॑न्तम् । सु॑व॒र्गं या॑हि प॒थिभि॑र्देव॒यानै॒रोष॑धीषु॒ प्रति॑ तिष्ठा॒ शरी॑रैः ॥
Sentence: 4=d येषा॒मीशे॑ ॥
Verse: 2
Sentence: 1 प॑शु॒पतिः॑ पशू॒नां चतु॑ष्पदामु॒त च॑ द्वि॒पदा॑म् । निष्क्री॑तो॒ ऽयं य॒ज्ञिय॑म्भा॒गमे॑तु रा॒यस्पोषा॒ यज॑मानस्य सन्तु ॥
Sentence: 2=e ये ब॒ध्यमा॑न॒मनु॑ ब॒ध्यमा॑ना अभ्यैक्षन्त॒ मन॑सा॒ चक्षु॑षा च । अ॒ग्निस्तां अग्रे॒ प्र मु॑मोक्तु दे॒वः प्र॒जाप॑तिः प्र॒जया॑ संविदा॒नः ॥
Sentence: 3=f य आ॑र॒ण्याः प॒शवो॑ वि॒श्वरू॑पा॒ विरू॑पाः॒ सन्तो॑ बहुधैकरूपाः । वा॒युस्तां अग्रे॒ प्र मु॑मोक्तु दे॒वः प्र॒जाप॑तिः प्र॒जया॑ संविदा॒नः ॥
Sentence: 4=g प्र॑मु॒ञ्चमा॑नाः ॥
Verse: 3
Sentence: 1 भुव॑नस्य॒ रेतो॑ गा॒तुं ध॑त्त॒ यज॑मानाय देवाः । उ॒पाकृ॑तं शशमा॒नं यदस्था॑ज्जी॒वं दे॒वाना॒मप्ये॑तु॒ पाथाः॑ ॥
Sentence: 2=h नाना॑ प्रा॒णो यज॑मानस्य प॒शुना॑ य॒ज्ञो दे॒वेभिः॑ स॒ह दे॑व॒यानः॑ । जी॒वं दे॒वाना॒मप्ये॑तु॒ पाथः॑ स॒त्याः स॑न्तु॒ यज॑मानस्य॒ कामाः॑ ॥
Sentence: 3=i यत्प॒शुर्मा॒युमकृ॒तोरो॑ वा प॒द्भिरा॑ह॒ते । अ॒ग्निर्मा॒ तस्मा॒देन॑सो॒ विश्वा॑न्मुञ्च॒त्वंह॑सः ॥
Sentence: 4=k शमि॑तार उ॒पेत॑न य॒ज्ञम् ॥
Verse: 4
Sentence: 1 दे॒वेभि॑रिन्वि॒तम् । पाशा॑त्प॒शुम्प्र मु॑ञ्चत ब॒न्धाद्य॒ज्ञप॑ति॒म्परि॑ ॥
Sentence: 2=l अदि॑तिः॒ पाश॒म्प्र मु॑मोक्त्वे॒तं नमः॑ प॒शुभ्यः॑ पशु॒पत॑ये करोमि । अ॑राती॒यन्त॒मध॑रं कृणोमि॒ यं द्वि॒ष्मस्तस्मि॒न्प्रति॑ मुञ्चामि॒ पाश॑म् ॥
Sentence: 3=m त्वामु॒ ते द॑धिरे हव्य॒वाहं॑ शृतङ्क॒र्तार॑मु॒त य॒ज्ञियं॑ च । अग्ने॒ सद॑क्षः॒ सत॑नु॒र्हि भू॒त्वाथ॑ ह॒व्या जा॑तवेदो जुषस्व ॥
Sentence: 4=n जात॑वेदो व॒पया॑ गछ दे॒वान्त्वं हि होता॑ प्रथ॒मो ब॒भूथ॑ । घृ॒तेन॒ त्वं त॒नुवो॑ वर्धयस्व॒ स्वाहा॑कृतं ह॒विर॑दन्तु दे॒वाः ॥
Sentence: 5=o स्वाहा॑ दे॒वेभ्यो॑ दे॒वेभ्यः॒ स्वाहा॑ ॥
Paragraph: 5
Verse: 1
Sentence: 1 पा॑जाप॒त्या वै॑ प॒शव॒स्तेषां॑ रु॒द्रो ऽधि॑पतिस् ।
Sentence: 2 यदे॒ताभ्या॑मुपाक॒रोति॒ ताभ्या॑मेवैनम्प्रति॒प्रोच्या ल॑भत आ॒त्मनो ऽना॑व्रस्काय
Sentence: 3 द्वाभ्या॑मु॒पाक॑रोति
Sentence: 4 द्वि॒पाद्यज॑मानः
Sentence: 5 प्रति॑ष्ठित्यै ।
Sentence: 6 उ॑पा॒कृत्य॒ पञ्च॑ जुहोति
Sentence: 7 पाङ्क्ताः॑ प॒शवः
Sentence: 8 प॒शूने॒वाव॑ रुन्द्धे
Sentence: 9 मृ॒त्यवे॒ वा ए॒ष नी॑यते॒ यत्प॒शुस्
Sentence: 10 तं यद॑न्वा॒रभे॑त प्र॒मायु॑को॒ यज॑मानः स्यात् ।
Sentence: 11 नाना॑ प्रा॒णो यज॑मानस्य प॒शुनेत्या॑ह॒ व्यावृ॑त्त्यै ॥
Verse: 2
Sentence: 1 यत्प॒शुर्मा॒युमकृ॒तेति॑ जुहोति॒ शान्त्यै
Sentence: 2 शमि॑तार उ॒पेत॒नेत्या॑ह
Sentence: 3 यथाय॒जुरेवै॒तत् ।
Sentence: 4 व॒पायां॒ वा आ॑ह्रि॒यमा॑णायाम॒ग्नेर्मेधो ऽप॑ क्रामति
Sentence: 5 त्वामु॑ ते दधिरे हव्य॒वाह॒मिति॑ व॒पाम॒भि जु॑होति ।
Sentence: 6 अ॒ग्नेरे॒व मेध॒मव॑ रुन्द्धे ।
Sentence: 7 अथो॑ शृत॒त्वाय
Sentence: 8 पु॒रस्ता॑त्स्वाहाकृतयो॒ वा अ॒न्ये दे॒वा{F उ॒परि॑ष्टात्स्वाहाकृतयो{W उ॒परि॑ष्टात्स्वाकाकृतयो{GLOS उ॒परि॑ष्टात्स्वाहाकृतयो ऽन्ये
Sentence: 9 स्वाहा॑ दे॒वेभ्यो॑ दे॒वेभ्यः॒ स्वाहेत्य॒भितो॑ व॒पां जु॑होति
Sentence: 10 ताने॒वोभया॑न्प्रीणाति ॥
Paragraph: 6
Verse: 1
Sentence: 1=a यो वा अय॑थादेवतं य॒ज्ञमु॑प॒चर॒त्या दे॒वता॑भ्यो वृश्च्यते॒ पापी॑यान्भवति॒ यो य॑थादेव॒तं न दे॒वता॑भ्य॒ आ वृ॑श्च्यते॒ वसी॑यान्भवति ।
Sentence: 2 आ॑ग्ने॒य्यर्चाग्नी॑ध्रम॒भि मृ॑शेद्वैष्ण॒व्या ह॑वि॒र्धान॑माग्ने॒य्या स्रुचो॑ वाय॒व्य॑या वाय॒व्या॑न्ऐन्द्रि॒या सदो॑ यथादेव॒तमे॒व य॒ज्ञमुप॑ चरति॒ न दे॒वता॑भ्य॒ आ वृ॑श्च्यते॒ वसी॑यान्भवति
Sentence: 3=b यु॒नज्मि॑ ते पृथि॒वीं ज्योति॑षा स॒ह यु॒नज्मि॑ वा॒युम॒न्तरि॑क्षेण ॥
Verse: 2
Sentence: 1 ते॑ स॒ह यु॒नज्मि॒ वाचं॑ स॒ह सूर्ये॑ण ते यु॒नज्मि॑ ति॒स्रो वि॒पृचः॒ सूर्य॑स्य ते
Sentence: 2=c अ॒ग्निर्दे॒वता॑ गाय॒त्री छन्द॑ उपां॒शोः पात्र॑मसि॒ सोमो॑ दे॒वता॑ त्रि॒ष्टुप्छ॑न्दो ऽन्तर्य�स्य॒ पात्र॑म॒सीन्द्रो॑ दे॒वता॒ जग॑ती॒ छन्द॑ इन्द्रवायु॒वोः पात्र॑मसि॒ बृह॒स्पति॑र्दे॒वता॑�न्दो॑ मि॒त्रावरु॑णयोः॒ पात्र॑मस्यश्विनौ दे॒वता॑ प॒ङ्क्तिश्छन्दो॒ ऽश्विनोः॒ पात्र॑मसि॒ सूर्यो॑ दे॒वता॑ बृह॒ती ॥
Verse: 3 Sentence: 1 छन्दः॑ शु॒क्रस्य॒ पात्र॑मसि च॒न्द्रमा॑ दे॒वता॑ स॒तोबृ॑हती॒ छन्दो॑ म॒न्थिनः॒ पात्र॑मसि॒ विश्वे॑ दे॒वा दे॒वतो॒ष्णिहा॒ छन्द॑ आग्रय॒णस्य॒ पात्र॑म॒सीन्द्रो॑ दे॒वता॑ क॒कुच्छन्द॑ उ॒क्थाना॒म्पात्र॑मसि पृथि॒वी दे॒वता॑ वि॒राट्छन्दो॒ ध्रुव॑स्य॒ पात्र॑मसि ॥
Paragraph: 7
Verse: 1
Sentence: 1 इ॒ष्टर्गो॒ वा अ॑ध्व॒र्युर्यज॑मानस्ये॒ष्टर्गः॒ खलु वै॒ पूर्वो॒ ऽर्ष्टुः क्षी॑यते ।
Sentence: 2 आ॑स॒न्या॑न्मा॒ मन्त्रा॑त्पाहि॒ कस्या॑श्चिद॒भिश॑स्त्यास् ।
Sentence: 3 इति॑ पु॒रा प्रा॑तरनुवा॒काज्जु॑हुयादा॒त्मन॑ एव॒ तद॑ध्व॒र्युः पु॒रस्ता॒च्छर्म॑ नह्य॒ते ऽना॑र्त्यै
Sentence: 4 संवे॒शाय॑ त्वोपवे॒शाय॑ त्वा गायत्रि॒यास्त्रि॒ष्टुभो॒ जग॑त्या अ॒भिभू॑त्यै॒ स्वाहा
Sentence: 5 प्राणा॑पानौ मृ॒त्योर्मा॑ पात॒म्प्राणा॑पानौ॒ मा मा॑ हासिष्टं दे॒वता॑सु॒ वा ए॒ते प्रा॑णापा॒नयोः॑ ॥
Verse: 2
Sentence: 1 व्याय॑छन्ते॒ येषां॒ सोमः॑ समृ॒छते
Sentence: 2 संवे॒शाय॑ त्वोपवे॒शाय॑ त्वा ।
Sentence: 3 इत्या॑ह॒ छन्दां॑सि वै संवे॒श उ॑पवे॒शश्छन्दो॑भिरे॒वास्य॒ छन्दां॑सि वृङ्क्ते
Sentence: 4 प्रेति॑व॒न्त्याज्या॑नि भवन्त्य॒भिजि॑त्यै म॒रुत्व॑तीः प्रति॒पदो॒ विजि॑त्यै ।
Sentence: 5 उ॒भे बृ॑हद्रथन्त॒रे भ॑वतस् ।
Sentence: 6 इ॒यं वाव र॑थन्त॒रमसौ बृ॒हदा॒भ्यामेवैनम॒न्तरे॑ति ।
Sentence: 7 अ॒द्य वाव र॑थन्त॒रं श्वो॑ बृ॒हद॑द्या॒श्वादेवैनम॒न्तरे॑ति
Sentence: 8 भू॒तम् ॥
Verse: 3
Sentence: 1 वाव र॑थन्त॒रम्भ॑वि॒ष्यद्बृ॒हद्भू॒ताश्चैवैनम्भविष्य॒तश्चा॒न्तरे॑ति
Sentence: 2 परि॑मितं॒ वाव र॑थन्त॒रमप॑रिमितम्बृ॒हत्परि॑मिताच्चैवैन॒मप॑रिमिताच्च॒न्तरे॑ति
Sentence: 3 विश्वामित्रजमद॒ग्नी वसि॑ष्ठेनास्पर्धेतां॒ स ए॒तज्ज॒मद॑ग्निर्विह॒व्य॑मपश्य॒त्तेन वै॒ स वसि॑ष्ठस्येन्द्रि॒यं वी॒र्य॑मवृङ्क्त
Sentence: 4 यद्वि॑ह॒व्यं॒ श्स्यत॑ इन्द्रि॒यमे॒व तद्वी॒र्यं॒ यज॑मानो॒ भ्रातृ॑व्यस्य वृङ्क्ते
Sentence: 5 यस्य॒ भूयां॑सो यज्ञक्र॒तव॒ इत्या॑हुः
Sentence: 6 स दे॒वता॑ वृङ्क्त॒ इति
Sentence: 7 यद्य॑ग्निष्टो॒मः सोमः॑ प॒रस्ता॒त्स्यादु॒क्थ्यं॑ कुर्वीत॒ यद्यु॒क्थ्यः॒ स्याद॑तिरा॒त्रं कु॑र्वीत यज्ञक्र॒तुभि॑रे॒वास्य॑ दे॒वता॑ वृङ्क्ते॒ वसी॑यान्भवति ॥
Paragraph: 8 Verse: 1 Sentence: 1=a नि॑ग्रा॒भ्या॑ स्थ देव॒श्रुत॒ आयु॑र्मे तर्पयत प्रा॒णम्मे॑ तर्पयतापा॒नम्मे॑ तर्पयत व्या॒नम्मे॑ तर्पयत॒ चक्षु॑र्मे तर्पयत॒ श्रोत्र॑म्मे तर्पयत॒ मनो॑ मे तर्पयत॒ वाच॑म्मे तर्पयता॒त्मान॑म्मे तर्पय॒ताङ्गा॑नि मे तर्पयत प्र॒जाम्मे॑ तर्पयत प॒शून्मे॑ तर्पयत गृ॒हान्मे॑ तर्पयत ग॒णान्मे॑ तर्पयत स॒र्वग॑णम्मा तरपयत तर्पयत मा ॥
Verse: 2
Sentence: 1 ग॒णा मे॒ मा वि तृ॑षन् ।
Sentence: 2=b ओष॑धयो वै॒ सोम॑स्य॒ विशो॒ विशः॒ खलु वै॒ राज्ञः॒ प्रदा॑तोरीश्व॒रा ऐ॒न्द्रः सोम॑स् ।
Sentence: 3 अवी॑वृधं वो॒ मन॑सा सुजाता॒ ऋत॑प्रजाता॒ भग॒ इद्वः॑ स्याम । इन्द्रे॑ण दे॒वीर्वी॒रुधः॑ संविदा॒ना अनु॑ मन्यन्तां॒ सव॑नाय॒ सोम॑म्
Sentence: 4 इत्याहौषधीभ्य एवैनं॒ स्वायै॑ वि॒शः स्वायै॑ दे॒वता॑यै नि॒र्याच्या॒भि षु॑णोति
Sentence: 5=c यो वै॒ सोम॑स्याभिषू॒यमा॑णस्य ॥
Verse: 3
Sentence: 1 प्र॑थ॒मो॑ ऽं॒शु स्कन्द॑ति॒ स ई॑श्व॒र इ॑न्द्रि॒यं वी॒र्य॑म्प्र॒जाम्प॒शून्यज॑मानस्य॒ निर्ह॑�॒भि म॑न्त्रयेत ।
Sentence: 2 आ मा॑स्कान्त्स॒ह प्र॒जया॑ स॒ह रा॒यस्पोषे॑णेन्द्रि॒यम्मे॑ वी॒र्य॒म्मा निर्व॑धीस् ।
Sentence: 3 इत्या॒शिष॑मेवै॒तामा शा॑स्त इन्द्रि॒यस्य॑ वी॒र्य॑स्य प्र॒जायै॑ पशू॒नामनि॑र्घाताय
Sentence: 4=d द्र॒प्सश्च॑स्कन्द पृथि॒वीमनु॒ द्यामि॒मं च॒ योनि॒मनु॒ यश्च॒ पूर्वः॑ । तृ॒तीयं॒ योनि॒मनु॑ सं॒चर॑न्तं द्र॒प्सं जु॑हो॒म्यनु॑ स॒प्त होत्राः॑ ॥
Paragraph: 9
Verse: 1
Sentence: 1=a यो वै॑ दे॒वान्दे॑वयश॒सेना॒र्पय॑ति मनु॒ष्या॑न्मनुष्ययश॒सेन॑ देवयश॒स्ये॒व दे॒वेषु॒ भव॑ति मनुष्ययश॒सी म॑नु॒ष्ये॑षु
Sentence: 2 यान्प्रा॒चीन॑माग्रय॒णाद्ग्रहा॑न्गृह्णी॒यात्तानु॑पां॒शु गृ॑ह्णीया॒द्यानू॒र्ध्वांस्तानु�तो॑ दे॒वाने॒व तद्दे॑वयश॒सेना॑र्पयति मनु॒ष्या॑न्मनुष्ययश॒सेन॑ देवयश॒स्ये॒व दे॒वेषु॑ भवति मनुष्ययश॒सी म॑नु॒ष्ये॑षु ।
Sentence: 3=b अ॒ग्निः प्रा॑तःसव॒ने पा॑त्व॒स्मान्वै॑श्वान॒रो म॑हि॒ना वि॒श्वश॑म्भूः । स नः॑ पाव॒को द्रवि॑णं दधातु ॥
Verse: 2
Sentence: 1 आयु॑ष्मन्तः स॒हभ॑क्षाः स्याम ॥
Sentence: 2=c विश्वे॑ दे॒वा म॒रुत॒ इन्द्रो॑ अ॒स्मान॒स्मिन्द्वि॒तीये॒ सव॑ने॒ न ज॑ह्युः । आयु॑ष्मन्तः प्रि॒यमे॒षां वद॑न्तो व॒यं दे॒वानां॑ सुमतौ स्याम ॥
Sentence: 3=d इ॒दं त्रि॒तीयं॒ सव॑नं कवी॒नामृ॒तेन॒ ये च॑म॒सऐ॑रयन्त । ते सौ॑धन्व॒नाः सुव॑रानशा॒नाः स्वि॑ष्टिं नो अ॒भि वसी॑यो नयन्तु ॥
Sentence: 4=e आ॒यत॑नवती॒र्वा अ॒न्या आहु॑तयो हू॒यन्ते॑ ऽनायत॒ना अ॒न्यास् ।
Sentence: 5 या आ॑घा॒रव॑ती॒स्ता आ॒यत॑नवती॒र्याः ॥
Verse: 3
Sentence: 1 सौ॒म्यास्ता अ॑नायत॒ना ऐ॑न्द्रवाय॒वमा॒दाया॑घा॒रमा घा॑रयेत् ।
Sentence: 2 अ॑ध्व॒रो य॒ज्ञो॒ ऽयम॑स्तु देवा॒ ओष॑धीभ्यः प॒शवे॑ नो॒ जना॑य॒ विश्व॑स्मै॒ भूताया॑ध्व॒रो॑ ऽसि॒ स पि॑न्वस्व घृत॒वद्दे॑व सोम ।
Sentence: 3 इति
Sentence: 4 सौ॒म्या ए॒व तदाहु॑तीरा॒यत॑नवतीः करोत्या॒यत॑नवान्भवति॒ य ए॒वं वेद॑ ।
Sentence: 5 अथो॒ द्यावा॑पृथि॒वी ए॒व घृ॒तेन॒ व्यु॑नत्ति
Sentence: 6 ते व्यु॑नत्ते उपजीवा॒नीये॑ भवत उपवीव॒नीयो॑ भवति ॥
Verse: 4
Sentence: 1 य ए॒वं वेद॑ ।
Sentence: 2=f ए॒ष ते॑ रुद्र भा॒गो यं नि॒रया॑चथा॒स्तं जु॑षस्व वि॒देर्गौ॑प॒त्यं रा॒यस्{F पोषं{W पोषं{GOLS पोषं सु॒वीर्यं॑ संवत्स॒रीणां॑ स्व॒स्तिम्
Sentence: 3=g मनुः॑ पु॒त्रेभ्यो॑ दा॒यं व्य॑भज॒त्स नाभा॒नेदि॑ष्ठम्ब्रह्म॒चर्यं॒ वस॑न्तं॒ निर॑भज॒त्स आग॑छ॒त्सो॑ ऽब्रवीत्
Sentence: 4 क॒था मा॒ निर॑भा॒गिति
Sentence: 5 न त्वा॒ निर॑भाक्ष॒मित्य॑ब्रवी॒दङ्गि॑रस इ॒मे स॒त्तमा॑सते॒ ते ॥
Verse: 5
Sentence: 1 सु॑व॒र्गं लो॒कं न प्र जा॑नन्ति॒ तेभ्य॑ इ॒दम्ब्राह्म॑णम्ब्रूहि॒ ते सु॑व॒र्गं लो॒कम्यन्तो॒ य ए॑षाम्प॒शव॒स्तांस्ते॑ दास्य॒न्तीति
Sentence: 2 तदे॑भ्यो ऽब्रवी॒त्ते सु॑व॒र्गं लो॒कं यन्तो॒ य ए॑षाम्प॒शव॒ आस॒न्तान॑स्मा अददुस्
Sentence: 3 तम्प॒शुभि॒श्चर॑न्तं यज्ञवास्तौ रु॒द्र आग॑छ॒त्सो॑ ऽब्रवी॒न्मम॒ वा इ॒मे प॒शव॒ इत्यदुर्वै ॥
Verse: 6
Sentence: 1 मह्य॑मि॒मानित्य॑रवी॒न्न वै॒ तस्य॒ त ई॑शत॒ इत्य॑ब्रवी॒द्यद्य॑ज्ञवास्तौ॒ हीय॑ते॒ मम वै॒ तदिति॒ तस्मा॑द्यज्ञवा॒स्तु नाभ्य॒वेत्य॑म् ।
Sentence: 2 सो॑ ऽब्रवीद्य॒ज्ञे मा भ॑जाथ ते प॒शून्नाभि मं॑स्य॒ इति
Sentence: 3 तस्मा॑ ए॒तम्म॒न्थिनः॑ संस्रा॒वम॑जुहो॒त्ततो वै॒ तस्य॑ रु॒द्रः प॒शून्नाभ्य॑मन्यत
Sentence: 4 यत्रै॒तमे॒वं वि॒द्वान्म॒न्थिनः॑ संस्रा॒वं जु॒होति॒ न तत्र॑ रु॒द्रः प॒शून॒भि म॑न्यते ॥
Paragraph: 10
Verse: 1
Sentence: 1=a जुष्टो॑ वा॒चो भू॑यासं॒ जुष्टो॑ वा॒चस्पत॑ये॒ देवि॑ वाक् । यद्वा॒चो मधु॑म॒त्तस्मि॑न्मा धाः॒ स्वाहा॒ सर॑स्वत्यै ॥
Sentence: 2=b ऋ॒चा स्तोमं॒ सम॑र्धय गाय॒त्रेण॑ रथन्त॒रम् । बृ॒हद्गा॑य॒त्रव॑र्तनि ॥
Sentence: 3=c यस्ते॑ द्र॒प्स स्कन्द॑ति॒ यस्ते॑ अं॒शुर्बा॒हुच्यु॑तो धि॒षण॑योरु॒पस्था॑त् । अ॑ध्व॒र्योर्वा॒ परि॒ यस्ते॑ प॒वित्रा॒त्स्वाहा॑कृत॒मिन्द्रा॑य॒ तं जु॑होमि ॥
Sentence: 4=d यो द्र॒प्सो अं॒शुः प॑ति॒तः प्र॑थि॒व्याम्प॑रिवा॒पात् ॥
Verse: 2
Sentence: 1 पु॑रो॒डाशा॑त्कर॒म्भात् । धा॑नासो॒मान्म॒न्थिन॑ इन्द्र शु॒क्रात्स्वाहा॑कृत॒मिन्द्रा॑य॒ तं जु॑होति ॥
Sentence: 2=e यस्ते॑ द्र॒प्सो मधु॑मां इन्द्रि॒यावा॒न्त्स्वाहा॑कृतः॒ पुन॑र॒प्येति॑ दे॒वान् । दि॒वः पृ॑थि॒व्याः पर्य॒न्तरि॑क्षा॒त्स्वाहा॑कृत॒मिन्द्रा॑य॒ तं जु॑होमि ॥
Sentence: 3=f अ॑ध्व॒र्युर्वा ऋ॒त्विजा॑म्प्रथ॒मो यु॑ज्यते॒ तेन॒ स्तोमो॑ योक्त॒व्य॑स् ।
Sentence: 4 इत्या॑हुस् ।
Sentence: 5=g वाग॑ग्रे॒गा अग्र॑ एत्वृजु॒गा दे॒वेभ्यो॒ यशो॒ मयि॒ दध॑ती प्रा॒णान्प॒शुषु॑ प्र॒जाम्मयि॑ ॥
Verse: 3
Sentence: 1 च॒ यज॑माने च ।
Sentence: 2 इत्या॑ह॒ वाच॑मे॒व तद्य॑ज्ञमु॒खे यु॑नक्ति
Sentence: 3=h वास्तु॒ वा ए॒तद्य॒ज्ञस्य॑ क्रियते॒ यद्ग्र॒हान्गृ॑ही॒त्वा ब॑हिष्पवमा॒नं सर्प॑न्ति
Sentence: 4=i परा॑ञ्चो॒ हि यन्ति॒ परा॑चीभि स्तु॒वते॑ वैष्ण॒व्यर्चा पुन॒रेत्योप॑ तिष्ठते य॒ज्ञो वै॒ विष्णु॑र्य॒ज्ञमे॒वाक॑र्
Sentence: 5=k विष्णो॒ त्वं नो॒ अन्त॑मः॒ शर्म॑ यछ सहन्त्य । प्र ते॒ धारा॑ मधु॒श्चुत॒ उत्सं॑ दुह्रत॒ अक्षि॑तम्
Sentence: 6 इत्या॑ह॒ यदे॒वास्य॒ शया॑न॒स्योप॒शुष्य॑ति॒ तदे॒वास्यै॒तेना प्या॑य्यति ॥
Paragraph: 11
Verse: 1
Sentence: 1=a अ॒ग्निना॑ र॒यिम॑श्नव॒त्पोष॑मे॒व दि॒वेदि॑वे । य॒शसं॑ वी॒रव॑त्तमम् ॥
Sentence: 2=b गोमां॑ अ॒ग्ने ऽवि॑मां अ॒श्वी य॒ज्ञो नृ॒वत्स॑खा॒ सद॒मिद॑प्रमृ॒ष्यः । इडा॑वां ए॒षो अ॑सुर प्र॒जावा॑न्दी॒र्घो र॒यिः पृ॑थुबु॒ध्नः स॒भावा॑न् ॥
Sentence: 3=c आ प्या॑यस्व
Sentence: 4=d सं ते॑ ॥
Sentence: 5=e इ॒ह त्वष्टा॑रमग्रि॒यं वि॒श्वरू॑प॒मुप॑ ह्वये । अ॒स्माक॑मस्तु॒ केव॑लः ॥
Sentence: 6=f तन्न॑स्तु॒रीप॒मध॑ पोषयि॒त्नु देव॑ त्वष्ट॒र्वि र॑रा॒णः स्य॑स्व । यतो॑ वी॒रः ॥
Verse: 2
Sentence: 1 क॑र्म॒ण्यः॑ सु॒दक्षो॑ यु॒क्तग्रा॑वा॒ जाय॑ते दे॒वका॑मः ॥
Sentence: 2=g शि॒वस्त्व॑ष्टरि॒हा ग॑हि वि॒भुः पोष॑ उ॒त त्मना॑ । य॒ज्ञेय॑ज्ञे न॒ उद॑व ॥
Sentence: 3=h पि॒शङ्ग॑रूपः सु॒भरो॑ वयो॒धाः श्रु॒ष्टी वी॒रो जा॑यते दे॒वका॑मः । प्र॒जां त्वष्टा॒ वि ष्य॑तु॒ नाभि॑म॒स्मे अथा॑ दे॒वाना॒मप्ये॑तु॒ पाथः॑ ॥
Sentence: 4=i प्र णो॑ दे॒वी ।
Sentence: 5=k आ नो॑ दि॒वः ॥
Sentence: 6=l पी॑पि॒वांसं॒ सर॑स्वत॒ स्तनं॒ यो वि॒श्वद॑र्शतः । धु॑क्षी॒महि॑ प्र॒जामिष॑म् ॥
Verse: 3
Sentence: 1=m ये ते॑ सरस्व ऊ॒र्मयो॒ मधु॑मन्तो घृत॒श्चुतः॑ । तेषां॑ ते सु॒म्नमी॑महे ॥
Sentence: 2=n यस्य॑ व्र॒तम्प॒शवो॒ यन्ति॒ सर्वे॒ यस्य॑ व्र॒तमु॑प॒तिष्ठ॑न्त॒ आपः॑ । यस्य॑ व्र॒ते पु॑ष्टि॒पति॒र्निवि॑ष्ट॒स्तं सर॑स्वन्त॒मव॑से हुवेम ॥
Sentence: 3=o दि॒व्यं सु॑प॒र्णं व॑य॒सम्बृ॒हन्त॑म॒पां गर्भं॑ वृष॒भमोष॑धीनाम् । अ॑भीप॒तो वृ॒ष्ट्या त॒र्पय॑न्तं॒ तं सर॑स्वन्त॒मव॑से हुवेम ॥
Sentence: 4=p सिनी॑वालि॒ पृथु॑ष्टुके॒ या दे॒वाना॒मसि॒ स्वसा॑ । जु॒षस्व॑ ह॒व्यम् ॥
Verse: 4
Sentence: 1 आहु॑तम्प्र॒जां दे॑वि दिदिड्ढि नः ॥
Sentence: 2=q या सु॑पा॒णिः स्व॑ङ्गु॒रिः सु॒षूमा॑ बहु॒सूव॑री । तस्यै॑ वि॒श्पत्नि॑यै ह॒विः सि॑नीवाल्यै जुहोतन ॥
Sentence: 3=r इन्द्रं॑ वो वि॒श्वत॒स्परि॑ ।
Sentence: 4=s इन्द्रं॒ नरः॑ ॥
Sentence: 5=t असि॑तवर्णा॒ हर॑यः सुप॒र्णा मिहो॒ वसा॑ना॒ दिव॒मुत्प॑तन्ति । त आव॑वृत्र॒न्त्सद॑नानि कृ॒त्वादित्पृ॑थि॒वी घृतै॒र्व्यु॑द्यते ॥
Sentence: 6=u हिर॑ण्यकेशो॒ रज॑सो विसा॒रे ऽहि॒र्धुनि॒र्वात॑ इव॒ ध्रजी॑मान् । शुचि॑भ्राजा उ॒षसः॑ ॥
Verse: 5
Sentence: 1 नवे॑दा॒ यश॑स्वतीरप॒स्युवो॒ न स॒त्याः ॥
Sentence: 2=v आ ते॑ सुप्र॒णा अ॑मिनन्त॒ एवैः॑ कृ॒ष्णो नो॑नाव वृष॒भो यदी॒दम् । शि॒वाभि॒र्न स्मय॑मानाभि॒रागा॒त्पत॑न्ति॒ मिह॑ स्त॒नय॑न्त्य॒भ्रा ॥
Sentence: 3=w वा॒श्रेव॑ वि॒द्युन्मि॑माति व॒त्सं न मा॒ता सि॑षक्ति । यदे॑षां वृ॒ष्टिरस॑र्जि ॥
Sentence: 4=x पर्व॑तश्चि॒न्महि॑ वृ॒द्धो बि॑भाय दि॒वश्चि॒त्सानु॑ रेजत स्व॒ने वः॑ । यत्क्रीड॑थ मरुतः ॥
Verse: 6
Sentence: 1 ऋ॑ष्टि॒मन्त॒ आप॑ इव स॒ध्रिय॑ञ्चो धवध्वे ॥
Sentence: 2=y अ॒भि क्र॑न्द स्त॒नय॒ गर्भ॒मा धा॑ उद॒न्वता॒ परि॑ दीया॒ रथे॑न । दृतिं॒ सु क॑र्ष॒ विषि॑तं॒ न्य॑ञ्चं स॒मा भ॑वन्तू॒द्वता॑ निपा॒दाः ॥
Sentence: 3=z त्वं त्या चि॒दच्यु॒ताग्ने॑ प॒शुर्न यव॑से । धामा॑ ह॒ यत्ते॑ अजर॒ वना॑ वृ॒श्चन्ति॒ शिक्व॑सः ॥
Sentence: 4=aa अग्ने॒ भूरी॑णि॒ तव॑ जातवेदो॒ देव॑ स्वधावो ऽमृ॒तस्य॒ धाम॑ । याश्च॑ ॥
Verse: 7
Sentence: 1 मा॒या मा॒यिनां॑ विश्वमिन्व॒ त्वे पू॒र्वीः सं॑द॒धुः पृ॑ष्टबन्धो ॥
Sentence: 2=bb दि॒वो नो॑ वृ॒ष्टिम्म॑रुतो ररीध्व॒म्प्र पि॑न्वत॒ वृष्णो॒ अश्व॑स्य॒ धाराः॑ । अ॒र्वाङे॒तेन॑ स्तनयि॒त्नुतेह्य॒पो नि॑षि॒ञ्चन्नसु॑रः पि॒ता नः॑ ॥
Sentence: 3=cc पिन्व॑न्त्य॒पो म॒रुतः॑ सु॒दान॑वः॒ पयो॑ घृ॒तव॑द्वि॒दथे॑ष्वा॒भुवः॑ । अत्यं॒ न मि॒हे वि न॑यन्ति वा॒जिन॒मुत्सं॑ दुहन्ति स्त॒नय॑न्त॒मक्षि॑तम् ॥
Sentence: 4=dd उ॑द॒प्रुतो॑ मरुत॒स्तां इ॑यर्त॒ वृष्टि॑म् ॥
Verse: 8
Sentence: 1 ये विश्वे॑ म॒रुतो॑ जु॒नन्ति॑ । क्रोशा॑ति॒ गर्दा॑ क॒न्ये॑व तु॒न्ना पेरुं॑ तुञ्जा॒ना पत्ये॑व जा॒या ॥
Sentence: 2=ee घृ॒तेन॒ द्यावा॑पृथि॒वी मधु॑ना॒ समु॑क्षत॒ पय॑स्वतीः कृणु॒ताप॒ ओष॑धीः । ऊर्जं॑ च॒ तत्र॑ सुम॒तिं च॑ पिन्वथ॒ यत्रा॑ नरो मरुतः सि॒ञ्चथा॒ मधु॑ ॥
Sentence: 3=ff उदु॒ त्यम् ।
Sentence: 4=gg चि॒त्रम् ॥
Sentence: 5=hh अौ॑र्वभृगु॒वच्छुचि॑मप्नवान॒वदा हु॑वे । अ॒ग्निं स॑मु॒द्रवा॑ससम् ॥
Sentence: 6=ii आ स॒वं स॑वि॒तुर्य॑था॒ भग॑स्येव भु॒जिं हु॑वे । अ॒ग्निं स॑मु॒द्रवा॑ससम् ॥
Sentence: 7=kk हु॒वे वात॑स्वनं क॒विम्प॒र्जन्य॑क्रन्द्यं॒ सहः॑ । अ॒ग्निं स॑मु॒द्रवा॑ससम् ॥
Chapter: 2
Paragraph: 1
Verse: 1
Sentence: 1 यो वै॒ पव॑मानानामन्वारो॒हान्वि॒द्वान्यज॒ते ऽनु॒ पव॑माना॒ना रो॑हति॒ न पव॑माने॒भ्यो ऽव॑ छिद्यते
Sentence: 2 श्ये॒नो॑ ऽसि गाय॒त्रछ॑न्दा॒ अनु॒ त्वा र॑भे स्व॒स्ति मा॒ सम्पा॑रय
Sentence: 3 सुप॒र्णो॑ ऽसि त्रि॒ष्टुप्छ॑न्दा॒ अनु॒ त्वा र॑भे स्व॒स्ति मा॒ सम्पा॑रय
Sentence: 4 सघा॑सि॒ जग॑तीछन्दा॒ अनु॒ त्वा र॑भे स्व॒स्ति मा॒ सम्पा॑रय ।
Sentence: 5 इत्या॑ह ।
Sentence: 6 ए॒ते ॥
Verse: 2
Sentence: 1 वै॒ पव॑मानानामन्वारो॒हास्
Sentence: 2 तान्य ए॒वं वि॒द्वान्यज॒ते ऽनु॒ पव॑माना॒ना रो॑हति॒ न पव॑माने॒भ्यो ऽव॑ छिद्यते
Sentence: 3 यो वै॒ पव॑मानस्य॒ सन्त॑तिं॒ वेद॒ सर्व॒मायु॑रेति॒ न पु॒रायु॑षः॒ प्र मी॑यते पशु॒मान्भ॑वति वि॒न्दते॑ प्र॒जाम्
Sentence: 4 पव॑मानस्य॒ ग्रहा॑ गृह्यन्ते ।
Sentence: 5 अथ॒ वा अ॑स्यै॒ते ऽगृ॑हीता द्रोणकलश आधव॒नीयः॑ पूत॒भृत्तान्यदगृ॑हीत्वोपाकु॒र्यात्पव॑मानं॒ वि ॥
Verse: 3
Sentence: 1 छि॑न्द्या॒त्तं वि॒छिद्य॑मानमध्व॒र्योः प्रा॒णो ऽनु॒ वि छि॑द्येत ।
Sentence: 2 उ॑पया॒मगृ॑हीतो ऽसि प्र॒जाप॑तये त्वा ।
Sentence: 3 इति॑ द्रोणकल॒शम॒भि मृ॑शेत् ।
Sentence: 4 इन्द्रा॑य त्वा ।
Sentence: 5 इत्या॑धव॒नीय॑म् ।
Sentence: 6 विश्वे॑भ्यस्त्वा दे॒वेभ्य॑स् ।
Sentence: 7 इति॑ पूत॒भृत॒म्पव॑मानमे॒व तत्सं त॑नोति॒ सर्व॒मायु॑रेति॒ न पु॒रायु॑षः॒ प्र मी॑यते पशु॒मान्भ॑ति वि॒न्दते॑ प्र॒जाम् ॥
Paragraph: 2
Verse: 1
Sentence: 1 त्रीणि॒ वाव सव॑नायि ।
Sentence: 2 अथ॑ तृ॒तीयं॒ सव॑न॒मव॑ लुम्पन्त्यनं॒शु कु॒र्वन्त॑ उपां॒शुं हु॒त्वोपां॑शुपा॒त्रे॑ ऽं॒शुम॒वास्य॒ तं तृ॑तीयसव॒ने॑ ऽपि॒सृज्या॒भि षु॑णुया॒द्यदा॑प्या॒यय॑ति॒ तेनां॑शु॒मद्यद॑भिषु॒णोति॒ तेन॑र्जी॒षि
Sentence: 3 सर्वा॑ण्ये॒व तत्सव॑नान्यंशु॒मन्ति॑ शु॒क्रव॑न्ति स॒माव॑द्वीर्याणि करोति
Sentence: 4 द्वौ समुद्रौ॒ वित॑तावजूर्यौ प॒र्याव॑र्तेते ज॒ठरे॑व॒ पादाः॑ । तयोः॒ पश्य॑न्तो॒ अति॑ यन्त्य॒न्यमप॑श्यन्तः ॥
Verse: 2
Sentence: 1 सेतु॒नाति॑ यन्त्य॒न्यम् ॥
Sentence: 2 द्वे द्रध॑सी स॒तती॑ वस्त॒ एकः॑ के॒शी विश्वा॒ भुव॑नानि वि॒द्वान् । ति॑रो॒धायै॒त्यसि॑तं॒ वसा॑नः शु॒क्रमा द॑त्ते अनु॒हाय॑ जार्यै ॥
Sentence: 3 दे॒वा वै॒ यद्य॒ज्ञे ऽकु॑र्वत॒ तदसु॑रा अकुर्वत
Sentence: 4 ते दे॒वा ए॒तम्म॑हाय॒ज्ञम॑पश्यन्
Sentence: 5 तम॑तन्वत ।
Sentence: 6 अ॑ग्निहो॒त्रं व्र॒तम॑कुर्वत
Sentence: 7 तस्मा॒द्द्विव्र॑तः स्यात् ।
Sentence: 8 द्विर्ह्य॑ग्निहो॒त्रं जुह्व॑ति
Sentence: 9 पौर्णमा॒सं य॒ज्ञम॑ग्नीषो॒मीय॑म् ॥
Verse: 3
Sentence: 1 प॒शुम॑कुर्वत
Sentence: 2 दा॒र्श्यं य॒ज्ञमा॑ग्ने॒यम्प॒शुम॑कुर्वत
Sentence: 3 वैश्वदे॒वम्प्रा॑तःसव॒नम॑कुर्वत
Sentence: 4 वरुणप्रघा॒सान्माध्यं॑दिनं॒ सव॑नं साकमे॒धान्पि॑तृय॒ज्ञं त्र्य॑म्बकांस्तृतीयसव॒नम॑कुर्वत
Sentence: 5 तमे॑षा॒मसु॑रा य॒ज्ञम॒न्वव॑जिगांस॒न्तं नान्ववा॑यन्
Sentence: 6 ते॑ ऽब्रुवन्नध्वर्त॒व्या वा इ॒मे दे॒वा अ॑भूव॒न्निति
Sentence: 7 तद॑ध्व॒रस्या॑ध्वर॒त्वम् ।
Sentence: 8 ततो॑ दे॒वा अभ॑व॒न्परासु॑रास् ।
Sentence: 9 य ए॒वं वि॒द्वान्त्सोमे॑न॒ यज॑ते॒ भव॑त्या॒त्मना॒ परा॑स्य॒ भ्रातृ॑व्यो भवति ॥
Paragraph: 3
Verse: 1
Sentence: 1=a प॑रि॒भूर॒ग्निम्प॑रि॒भूरिन्द्र॑म्परि॒भूर्विश्वा॑न्दे॒वान्प॑रि॒भूर्मां सह॑ ब्रह्मवर्च॒सेन॒ स नः॑ पवस्व॒ शं गवे॒ शं जना॑य॒ शमर्व॑ते॒ शं रा॑ज॒न्नोष॑धी॒भ्यो ऽछि॑न्नस्य ते रयिपते सु॒वीर्य॑स्य रा॒यस्पोष॑स्य ददि॒तारः॑ स्याम । तस्य॑ मे रास्व॒ तस्य॑ ते भक्षीय॒ तस्य॑ त इ॒दमुन्मृ॑जे ॥
Sentence: 2=b प्रा॒णाय॑ मे वर्चो॒दा वर्च॑से पवस्व ।
Sentence: 3=c अ॑पा॒णाय
Sentence: 4=d व्या॒नाय
Sentence: 5=e वा॒चे ॥
Verse: 2
Sentence: 1=f द॑क्षक्र॒तुभ्या॑म् ।
Sentence: 2=g चक्षु॑र्भ्याम्मे वर्चोदौ॒ वर्च॑से पवेथाम् ।
Sentence: 3=h श्रोत्रा॑य ।
Sentence: 4=i आ॒त्मने॑ ।
Sentence: 5=k अङ्गे॑भ्यस् ।
Sentence: 6=l आयु॑षे
Sentence: 7=m वी॒र्या॑य
Sentence: 8=n विष्णो॑स् ।
Sentence: 9=o इन्द्र॑स्य
Sentence: 10=p विश्वे॑षां दे॒वानां॑ ज॒ठर॑मसि वर्चो॒दा मे॒ वर्च॑से पवस्व
Sentence: 11=q को॑ ऽसि॒ को नाम॒ कस्मै॑ त्वा॒ काय॑ त्वा॒ यं त्वा॒ सोमे॒नाती॑तृपं॒ यं त्वा॒ सोमे॒नामी॑मदं सुप्र॒जाः प्र॒जया॑ भूयासं सु॒वीरो॑ वीरैः सु॒वर्चा॒ वर्च॑सा सु॒पोषः॒ पोषै॑र्
Sentence: 12=r विश्वे॑भ्यो मे रू॒पेभ्यो॑ वर्चो॒दाः ॥
Verse: 3
Sentence: 1 वर्च॑से पवस्व॒ तस्य॑ मे रास्व॒ तस्य॑ ते भक्षीय॒ तस्य॑ त इ॒दमुन्मृ॑जे ॥
Sentence: 2 बुभू॑ष॒न्नवे॑क्षेतै॒ष वै॒ पात्रि॑यः प्र॒जाप॑तिर्य॒ज्ञः प्र॒जाप॑ति॒स्तमे॒व त॑र्पयति॒ स ए॒नं तृ॒प्तो भूत्या॒भिप॑वते
Sentence: 3 ब्रह्मवर्च॒सका॒मो ऽवे॑क्षेतै॒ष वै॒ पात्रि॑यः प्र॒जाप॑तिर्य॒ज्ञः प्र॒जाप॑ति॒स्तमे॒व त॑र्पयति॒ स ए॑नं तृ॒प्तो ब्र॑ह्मवर्च॒सेना॒भि प॑वत
Sentence: 4 आमया॒वी ॥
Verse: 4
Sentence: 1 अ॒वेक्षे॑तै॒ष वै॒ पात्रि॑यः प्र॒जाप॑तिर्य॒ज्ञः प्र॒जाप॑ति॒स्तमे॒व त॑र्पयति॒ स ए॑नं तृ॒प्त आयु॒षाभि प॑वते ।
Sentence: 2 अ॑भि॒चर॒न्नवे॑क्षेतै॒ष वै॒ पात्रि॑यः प्र॒जाप॑तिर्य॒ज्ञः प्र॒जाप॑ति॒स्तमे॒व त॑र्पयति॒ स ए॑नं तृ॒प्तः प्रा॑णापा॒नाभ्यां॑ वा॒चो द॑क्षक्र॒तुभ्यां॒ चक्षु॑र्भ्यां श्रोत्राभ्यामा�नो ऽङ्गे॑भ्य॒ आयु॑षो॒ ऽन्तरे॑ति ता॒जक्प्र ध॑न्वति ॥
Paragraph: 4
Verse: 1
Sentence: 1=a स्प्यः स्व॒स्तिर्वि॑घ॒नः स्व॒स्तिः पर्शु॒र्वेदिः॑ पर॒शुर्नः॑ स्व॒स्तिः । य॒ज्ञिया॑ यज्ञ॒कृत॑ स्थ॒ ते मा॒स्मिन्य॒ज्ञ उप॑ ह्वयध्वम्
Sentence: 2=b उप॑ मा॒ द्यावा॑पृथिवी ह्वयेता॒मुपा॑स्ता॒वः क॒लशः॒ सोमो॑ अ॒ग्निरुप॑ दे॒वा उप॑ य॒ज्ञ उप॑ मा॒ होत्रा॑ उपह॒वे ह्व॑यन्ताम्
Sentence: 3=c नमो॒ ऽग्नये॑ मख॒घ्ने म॒खस्य॑ मा॒ यशो॑ ऽर्यात् ।
Sentence: 4 इत्या॑हव॒नीय॒मुप॑ तिष्ठते य॒ज्ञो वै॑ म॒खः ॥
Verse: 2
Sentence: 1 य॒ज्ञं वाव स तद॑ह॒न्तस्मा॑ ए॒व न॑म॒स्कृत्य॒ सदः॒ प्र स॑र्पत्या॒त्मनो ऽना॑र्त्यै
Sentence: 2=d नमो॑ रु॒द्राय॑ मख॒घ्ने नम॑स्कृत्या मा पाहि ।
Sentence: 3 इत्याग्नी॑ध्रं॒ तस्मा॑ ए॒व न॑म॒स्कृत्य॒ सदः॒ प्र स॑र्पत्या॒त्मनो ऽना॑र्त्यै
Sentence: 4=e नम॒ इन्द्रा॑य मख॒घ्न इ॑न्द्रि॒यम्मे॑ वी॒र्य॑म्मा॒ निर्व॑धीस् ।
Sentence: 5 इति॑ हो॒त्रीय॑मा॒शिष॑मेवै॒तामा शा॑स्त इन्द्रि॒यस्य॑ वी॒र्य॒स्यानि॑र्घाताय
Sentence: 6=f या वै॑ ॥
Verse: 3
Sentence: 1 दे॒वताः॒ सद॒स्यार्ति॑मा॒र्पय॑न्ति॒ यस्ता वि॒द्वान्प्र॒सर्प॑ति॒ न सद॒स्यार्ति॒मार्छ॑ति॒ नमो॒ ऽग्नये॑ मखघ्ने ।
Sentence: 2 इत्या॑है॒ता वै॑ दे॒वताः॒ सद॒स्यार्ति॒मार्छ॑ति
Sentence: 3=g दृ॒धे स्थः॑ शिथि॒रे स॒मीची॒ मांह॑सस्पातम् ।
Sentence: 4=h सूर्यो॑ मा दे॒वो दि॒व्यादंह॑सस्पातु वा॒युर॒न्तरि॑क्षात् ॥
Verse: 4
Sentence: 1 अ॒ग्निः पृ॑थि॒व्या य॒मः पि॒तृभ्यः॒ सर॑स्वती मनु॒ष्ये॑भ्यस् ।
Sentence: 2=i देवी॑ द्वारौ॒ मा मा॒ सं ता॑प्तम्
Sentence: 3=k नमः॒ सद॑से॒ नमः॒ सद॑स॒स्पत॑ये॒ नमः॒ सखी॑नां पुरोगाणां॒ चक्षु॑षे॒ नमो॑ दि॒वे नमः॑ पृथिव्यै ।
Sentence: 4=l अहे॑ दैधिष॒व्योदत॑स्तिष्ठा॒न्यस्य॒ सद॑ने सीद॒ यो॒ ऽस्मत्पाक॑तरस् ।
Sentence: 5=m उन्नि॒वत॒ उदु॒द्वत॑श्च गेषम्
Sentence: 6=n पा॒तम्मा॑ द्यावापृथिवी अ॒द्याह्नः
Sentence: 7=o सदो वै प्र॒सर्प॑न्तम् ॥
Verse: 5
Sentence: 1 पि॒तरो ऽनु॒ प्र स॑र्पन्ति॒ त ए॑नमीश्व॒रा हिंसि॑तोः॒ सदः॑ प्र॒सृप्य॑ दक्षिणा॒र्धम्परे॑क्षेत ।
Sentence: 2 आग॑न्त पितरः पितृ॒मान॒हं यु॒ष्माभि॑र्भूयासं सुप्र॒जसो॒ मया॑ यू॒यम्भू॑यास्त ।
Sentence: 3 इति॒ तेभ्य॑ ए॒व न॑म॒स्कृत्य॒ सदः॒ प्र स॑र्पत्या॒त्मनो ऽना॑र्त्यै ॥
Paragraph: 5
Verse: 1
Sentence: 1=a भक्षेहि॒ मा वि॑श दीर्घायु॒त्वाय॑ शन्तनु॒त्वाय॑ रा॒यस्पोषा॑य॒ वर्च॑से सुप्रजा॒स्त्वायेहि॑ वसो पुरोवसो प्रि॒यो मे॑ हृ॒दो॑ ऽसि ।
Sentence: 2=b अ॒श्विनो॑स्त्वा बा॒हुभ्यां॑ सघ्यासम् ।
Sentence: 3=c नृ॒चक्ष॑सं त्वा देव सोम सु॒चक्षा॒ अव॑ ख्येषम्
Sentence: 4=d म॒न्द्राभिभू॑तिः के॒तुर्य॒ज्ञानां॒ वाग्जु॑षा॒णा सोम॑स्य तृप्यतु म॒न्द्रा स्व॑र्वा॒च्यदि॑तर्ष्णी॒ वाग्जु॑षा॒णा सोम॑स्य तृप्यतु ।
Sentence: 5=e एहि॑ वश्वचर्षणे ॥
Verse: 2
Sentence: 1 श॒म्भूर्म॑यो॒भूः स्व॒स्ति मा॑ हरिवर्ण॒ प्र च॑र॒ क्रत्वे॒ दक्षा॑य रा॒यस्पोषा॑य सुवी॒रता॑यै
Sentence: 2=f मा मा॑ राज॒न्वि बी॑भिषो॒ मा मे॒ हार्दि॑ त्वि॒षा व॑धीः । वृष॑णे॒ शुष्मा॒यायु॑षे॒ वर्च॑से ॥
Sentence: 3=g वसु॑मद्गणस्य सोम देव ते मति॒विदः॑ प्रातःसव॒नस्य॑ गाय॒त्रछ॑न्दस॒ इन्द्र॑पीतस्य॒ नरा॒शंस॑पीतस्य पि॒तृपी॑तस्य॒ मधु॑मत॒ उप॑हूत॒स्योप॑हूतो भक्षयामि
Sentence: 4=h रु॒द्रव॑द्गणस्य सोम देव ते मति॒विदो॒ माध्यं॑दिनस्य॒ सव॑नस्य तृ॒ष्टुप्छ॑न्दस॒ इन्द्र॑पीतस्य॒ नरा॒शंस॑पीतस्य ॥
Verse: 3
Sentence: 1 पि॒तृपी॑तस्य॒ मधु॑मत॒ उप॑हूत॒स्योप॑हूतो भक्षयामि ।
Sentence: 2=i आ॑दित्य॒वद्ग॑णस्य सोम देव ते मति॒विद॑स्तृ॒तीय॑स्य॒ सव॑नस्य॒ जग॑तीछन्दस॒ इन्द्र॑पीतस्य॒ नरा॒शंस॑पीतस्य पि॒तृपी॑तस्य॒ मधु॑मत॒ उप॑हूत॒स्योप॑हूतो भक्षयामि ॥
Sentence: 3=k आ प्या॑यस्व॒ समे॑तु ते वि॒श्वतः॑ सोम॒ वृष्णि॑यम् । भवा॒ वाज॑स्य सङ्ग॒थे ॥
Sentence: 4=l हिन्व॑ मे॒ गात्रा॑ हरिवो ग॒णान्मे॒ मा वि ती॑तृषः । शि॒वो मे॑ सप्त॒र्षीनुप॑ तिष्ठस्व॒ मा मेवा॒ङ्नाभि॒मति॑ ॥
Verse: 4
Sentence: 1 गाः॑ ॥
Sentence: 2=m अपा॑म॒ सोम॑म॒मृता॑ अभू॒माद॑र्श्म॒ ज्योति॒रवि॑दाम दे॒वान् । किम॒स्मान्कृ॑णव॒दरा॑तिः॒ किमु॑ धू॒र्तिर॑मृत॒ मर्त्य॑स्य ॥
Sentence: 3=n यन्म॑ आ॒त्मनो॑ मि॒न्दाभू॑द॒ग्निस्तत्पुन॒राहा॑र्जा॒तवे॑दा॒ विच॑र्षणिः । पुन॑र॒ग्निश्चक्षु॑रदा॒त्पुन॒रिन्द्रो॒ बृह॒स्पतिः॑ । पुन॑र्मे अश्विना यु॒वं चक्षु॑रा धत्तम॒क्ष्योः ॥
Sentence: 4=o इ॒ष्टय॑जुषस्ते देव सोम स्तु॒तस्तो॑मस्य ॥
Verse: 5
Sentence: 1 श॒स्तोक्थ॑स्य॒ हरि॑वत॒ इन्द्र॑पीतस्य॒ मधु॑मत॒ उप॑हूत॒स्योप॑हूतो भक्षयामि ॥
Sentence: 2=p आ॒पूर्या॒ स्था मा॑ पूरयत प्र॒जया॑ च॒ धने॑न च ॥
Sentence: 3=q ए॒तत्ते॑ तत॒ ये च॒ त्वामन्वेत॑त्ते पितामह प्रपितामह॒ ये च॒ त्वामनु॑ ।
Sentence: 4=r अत्र॑ पितरो यथाभा॒गम्म॑न्दध्वम् ।
Sentence: 5=s नमो॑ वः पितरो॒ रसा॑य॒ नमो॑ वः पितरः॒ शुष्मा॑य॒ नमो॑ वः पितरो जी॒वाय॒ नमो॑ वः पितरः ॥
Verse: 6
Sentence: 1 स्व॒धायै॒ नमो॑ वः पितरो म॒न्यवे॒ नमो॑ वः पितरो घो॒राय॒ पित॑रो॒ नमो॑ वस् ।
Sentence: 2=t य ए॒तस्मिँ॑ लो॒के स्थ यु॒ष्मांस्ते ऽनु॒ ये॑ ऽस्मिँ लो॒के मां ते ऽनु
Sentence: 3=u य ए॒तस्मिँ॑ लो॒के स्थ यू॒यं तेषां॒ वसि॑ष्ठा भूयास्त॒ ये ऽस्मिँ लो॒के॒ ऽहं तेषां॒ वसि॑ष्ठो भूयासम्
Sentence: 4=v प्रजा॑पते॒ न त्वदे॒तान्य॒न्यो विश्वा॑ जा॒तानि॒ परि॒ ता ब॑भूव ॥
Verse: 7
Sentence: 1 यत्का॑मास्ते जुहु॒मस्तन्नो॑ अस्तु व॒यं स्या॑म॒ पत॑यो रयी॒णाम् ॥
Sentence: 2=w दे॒वकृ॑तस्यैनसो ऽव॒यज॑नमसि मनु॒ष्य॑कृतस्यैनसो ऽव॒यज॑नमसि पि॒तृकृ॑तस्यैनसो ऽव॒यज॑नमसि ।
Sentence: 3=x अ॒प्सु धौ॒तस्य॑ सोम देव ते॒ नृभिः॑ सु॒तस्ये॒ष्टय॑जुष स्तु॒तस्तो॑मस्य श॒स्तोक्थ॑स्य॒ यो भ॒क्षो अ॑श्व॒सनि॒र्यो गो॒सनि॒स्तस्य॑ ते पि॒तृभि॑र्भ॒क्षङ्कृ॑त॒स्योप॑हूत॒स्योप॑हूतो भक्षयामि ॥
Paragraph: 6
Verse: 1
Sentence: 1=a म॑ही॒नाम्पयो॑ ऽसि॒ विश्वे॑षां दे॒वानां॑ त॒नूरृ॒ध्यास॑म॒द्य पृष॑तीनां॒ ग्रह॒म्पृष॑तीनां॒ ग्रहो॑ ऽसि॒ विष्णो॒र्हृद॑यम॒स्येक॑मिष॒ विष्णु॒स्त्वानु॒ वि च॑क्रमे भू॒तिर्द॒ध्ना घृ॒तेन॑ वर्धतां॒ तस्य॑ मे॒ष्टस्य॑ वी॒तस्य॒ द्रवि॑ण॒मा ग॑म्या॒ज्ज्योति॑रसि वैश्वान॒रम�॑यै दु॒ग्धम् ।
Sentence: 2=b याव॑ती॒ द्यावा॑पृथि॒वी म॑हि॒त्वा याव॑च्च स॒प्त सिन्ध॑वो वित॒स्थुः । ताव॑न्तमिन्द्र ते ॥
Verse: 2
Sentence: 1 ग्रहं॑ स॒होर्जा गृ॑ह्णा॒म्यस्तृ॑तम् ॥
Sentence: 2 यत्कृ॑ष्णशकु॒नः पृ॑षदा॒ज्यम॑वपृ॒शेच्छू॒द्रा अ॑स्य प्र॒मायु॑काः स्यु॒र्यच्छ्वाव॑मृ॒शेच्च�दो ऽस्य प॒शवः॒ प्रमा॑युकाः स्यु॒र्यत्स्कन्दे॒द्यज॑मानः प्र॒मायु॑कः स्यात्
Sentence: 3 प॒शवो वै पृषदा॒ज्यम्प॒शवो॒ वा ए॒तस्य॑ स्कन्दन्ति॒ यस्य॑ पृषदा॒ज्यं स्कन्द॑ति॒ यत्पृ॑षदा॒ज्यति॑ प॒शूने॒वास्मै॒ पुन॑र्गृह्णाति
Sentence: 4 प्रा॒णो वै॑ पृषदा॒ज्यम्प्रा॒णो वै॑ ॥
Verse: 3
Sentence: 1 ए॒तस्य॑ स्कन्दति॒ यस्य॑ पृषदा॒ज्यं स्कन्द॑ति॒ यत्पृ॑षदा॒ज्यम्पुन॑र्गृ॒ह्णाति॑ प्रा॒णमे॒वास्मै॒ पुन॑र्गृह्णाति
Sentence: 2 हिर॑ण्यमव॒धाय॑ गृह्णात्य॒मृतं वै॒ हिर॑ण्यम्प्रा॒णः पृ॑षदा॒ज्यम॒मृत॑मे॒वास्य॑ प्रा॒णे द॑धाति
Sentence: 3 श॒तमा॑नम्भवति श॒तायुः॒ पुरु॑षः श॒तेन्द्रि॑य॒ आयु॑ष्ये॒वेन्द्रि॒ये प्रति॑ तिष्ठति ।
Sentence: 4 अश्व॒मव॑ घ्रापयति प्राजाप॒त्यो वा अ॑श्वः प्राजाप॒त्यः प्रा॒णः स्वादे॒वास्मै॒ योनेः॑ प्रा॒णं निर्मि॑मीते
Sentence: 5 वि वा ए॒तस्य॑ य॒ज्ञश्छि॑द्यते॒ यस्य॑ पृषदा॒ज्यं स्कन्द॑ति वैष्ण॒व्यर्चा पुन॑र्गृह्णाति य॒ज्ञो वै॒ विष्णु॑र्य॒ज्ञेनै॒व य॒ज्ञं सं त॑नोति ॥
Paragraph: 7
Verse: 1
Sentence: 1=a दे॒व स॑वितरे॒तत्ते॒ प्राह॒ तत्प्र च॑ सु॒व प्र च॑ यज
Sentence: 2=b बृह॑स्पतिर्ब्र॒ह्मा ।
Sentence: 3=c आयु॑ष्मत्या ऋ॒चो मागा॑त तनू॒पात्साम्नः
Sentence: 4=d स॒त्या व॑ आ॒शिषः॑ सन्तु स॒त्या आकू॑तयस् ।
Sentence: 5=e ऋ॒तं च॑ स॒त्यं च॑ वदत
Sentence: 6=f स्तु॒त दे॒वस्य॑ सवि॒तुः प्र॑स॒वे
Sentence: 7=g स्तु॒तस्य॑ स्तु॒तम॒स्यूर्ज॒म्मह्यं॑ स्तु॒तं दु॑हा॒मा मा॑ स्तु॒तस्य॑ स्तु॒तं ग॑म्यात् ।
Sentence: 8=h श॒स्त्रस्य॑ शस्त्रम् ॥
Verse: 2
Sentence: 1 अ॒स्यूर्ज॒म्मह्यं॑ श॒स्त्रं दु॑हा॒मा मा॑ श॒स्त्रस्य॑ श॒स्त्रं ग॑म्यात् ।
Sentence: 2=i इ॑न्द्रि॒याव॑न्तो वनामहे धुक्षी॒महि॑ प्र॒जामिष॑म् ।
Sentence: 3=k सा मे॑ स॒त्याशीर्दे॒वेषु॑ भूयात् ।
Sentence: 4=l ब्र॑ह्मवर्च॒सम्माग॑म्यात् ॥
Sentence: 5=m य॒ज्ञो ब॑भूव॒ स आ ब॑भूव॒ स प्र ज॑ज्ञे॒ स वा॑वृधे । स दे॒वाना॒मधि॑पतिर्बभूव॒ सो अ॒स्मां अधि॑पतीन्करोतु व॒यं स्या॑म॒ पत॑यो रयी॒णाम् ॥
Sentence: 6=n य॒ज्ञो वा वै ॥
Verse: 3
Sentence: 1 य॒ज्ञप॑तिं दु॒हे य॒ज्ञप॑तिर्वा य॒ज्ञं दु॑हे
Sentence: 2 स य स्तु॑तश॒स्त्रयो॒र्दोह॒मवि॑द्वा॒न्यज॑ते॒ तं य॒ज्ञो दु॑हे॒ स इ॒ष्ट्वा पापी॑यान्भवति॒ य ए॑नयो॒र्दोहं॑ वि॒द्वान्यज॑ते॒ स य॒ज्ञं दु॑हे॒ स इ॒ष्ट्वा वसी॑यान्भवति
Sentence: 3 स्तु॒तस्य॑ स्तु॒तम॒स्यूर्ज॒म्मह्यं॑ स्तु॒तं दु॑हा॒मा मा॑ स्तु॒तस्य॑ स्तु॒तं ग॑म्याच्छ॒स्त�स्य॑ श॒स्त्रम॒स्यूर्ज॒म्मह्यं॑ श॒स्त्रं दु॑हा॒मा मा॑ श॒स्त्रस्य॑ श॒स्त्रं ग॑म्या॒दित्या॑ह�॒ष वै॑ स्तुतश॒स्त्रयो॒ दोह॑स्तं॒ य ए॒वं वि॒द्वान्यज॑ते दु॒ह ए॒व य॒ज्ञमि॒ष्ट्वा वसी॑यान्भवति ॥
Paragraph: 8
Verse: 1
Sentence: 1=a श्ये॒नाय॒ पत्व॑ने॒ स्वाहा॒ वट्स्व॒यम॑भिगूर्ताय॒ नमो॑ विष्ट॒म्भाय॒ धर्म॑णे॒ स्वाहा॒ वट्स्व॒यम॑भिगूर्ताय॒ नमो॑ परि॒धये॑ जन॒प्रथ॑नाय॒ स्वाहा॒ वट्स्व॒यम॑भिगूर्ताय॒ नम॑ ऊ॒र्जे होत्रा॑णां॒ स्वाहा॒ वट्स्व॒यम॑भिगूर्ताय॒ नमः॒ पय॑से॒ होत्रा॑णां॒ स्वाहा॒ वट्स्व॒यय॒ नमः॑ प्र॒जाप॑तये॒ मन॑वे॒ स्वाहा॒ वट्स्व॒यम॑भिगूर्ताय॒ नम॑ ऋ॒तमृ॑तपाः सुवर्वा॒ट्स्वाहा॒ वट्स्व॒यम॑भिगूर्ताय॒ नम॑स्
Sentence: 2=b तृ॒म्पन्तां॒ होत्रा॒ मधो॑र्घृ॒तस्य
Sentence: 3=c य॒ज्ञप॑ति॒मृष॑य॒ एन॑सा ॥
Verse: 2
Sentence: 1 आ॑हुः प्र॒जा निर्भ॑क्ता अनुत॒प्यमा॑ना मधव्यौ स्तो॒कावप तौ रराध॒ सं न॒स्ताभ्यां॑ सृजतु वि॒श्वक॑र्मा
Sentence: 2=d घो॒रा ऋष॑यो॒ नमो॑ अस्त्वेभ्यः । चक्षु॑ष एषा॒म्मन॑सश्च सन्धौ॒ बृह॒स्पत॑ये॒ महि॒ षद्द्यु॒मन्नमः॑ । नमो॑ वि॒श्वक॑र्मणे॒ स उ॑ पात्व॒स्मान्
Sentence: 3=e अन॒न्यान्त्सो॑म॒पान्मन्य॑मानः । प्रा॒णस्य॑ वि॒द्वान्त्स॑म॒रे न धीर॒ एन॑श्चकृ॒वान्महि॑ ब॒द्ध ए॑षाम् । तं वि॑श्वकर्मन् ॥
Verse: 3
Sentence: 1 प्र मु॑ञ्चा स्व॒स्तये
Sentence: 2=f ये भ॒क्षय॑न्तो॒ न वसू॑न्यानृ॒हुः । यान॒ग्नयो॒ ऽन्वत॑प्यन्त॒ धिष्णि॑या इ॒यं तेषा॑मव॒या दुरि॑ष्ट्यै॒ स्वि॑ष्टिं न॒स्तां कृ॑णोतु वि॒श्वक॑र्मा
Sentence: 3=g नमः॑ पि॒तृभ्यो॑ अ॒भि ये नो॒ अख्य॑न्यज्ञ॒कृतो॑ य॒ज्ञका॑माः सुदे॒वा अका॑मा वो॒ दक्षि॑णां॒ न नी॑निम॒ मा न॒स्तस्मा॒देन॑सः पापयिष्ट
Sentence: 4=h याव॑न्तो वै सद॒स्य॒स्ते॒ सर्वे॑ दक्षि॒ण्य॒स्तेभ्यो॒ यो दक्षि॑णां॒ न ॥
Verse: 4
Sentence: 1 नयेऐभ्यो वृश्च्येत॒ यद्वै॑श्वकर्म॒णानि॑ जु॒होति॑ सद॒स्या॑ने॒व तत्प्री॑णाति ।
Sentence: 2=i अ॒स्मे दे॑वासो॒ वपु॑षे चिकित्सत॒ यमा॒शिरा॒ दम्प॑ती वा॒मम॑श्नु॒तः । पुमा॑न्पु॒त्रो जा॑यते वि॒न्दते॒ वस्वथ॒ विश्वे॑ अर॒पा ए॑धते गृ॒हः ॥
Sentence: 3=k आ॑शीर्दा॒या दम्प॑ती वा॒मम॑श्नुता॒मरि॑ष्टो॒ रायः॑ सचतां॒ समो॑क्सा । य आसि॑च॒त्सन्दु॑ग्धं कु॒म्भ्या स॒हेष्टेन॒ याम॒न्नम॑तिं जहातु॒ सः ॥
Sentence: 4=l स॑र्पिर्ग्री॒वी ॥
Verse: 5
Sentence: 1 पीव॑र्यस्य जा॒या पीवा॑नः पु॒त्रा अकृ॑शासो अस्य । स॒ह जा॑नि॒र्यः सु॑मख॒स्यमा॑न॒ इन्द्रा॑या॒शिरं॑ स॒ह कु॒म्भ्यादा॑त् ॥
Sentence: 2=m आ॒शीर्म॒ ऊर्ज॑मु॒त सु॑प्रजा॒स्त्वमिषं॑ दधातु॒ द्रवि॑णं॒ सव॑र्चसम् । सं॒जय॒न्क्षेत्रा॑णि॒ सह॑सा॒हमि॑न्द्र कृण्वा॒नो अ॒न्यां अध॑रान्त्स॒पत्ना॑न् ॥
Sentence: 3=n भू॒तम॑सि भू॒ते म॑ धा॒ मुख॑मसि॒ मुख॑म्भूयासम् ।
Sentence: 4=o द्यावा॑पृथि॒वीभ्यां॑ त्वा॒ परि॑ गृह्णामि
Sentence: 5=p विश्वे॑ त्वा दे॒वा वै॑श्वानराः ॥
Verse: 6
Sentence: 1 प्र च्या॑वयन्तु
Sentence: 2=q दि॒वि दे॒वान्दृं॑हा॒न्तरि॑क्षे॒ वयां॑सि पृथि॒व्याम्पार्थि॑वान्
Sentence: 3=r ध्रु॒वं ध्रु॒वेण॑ ह॒विषाव॒ सोमं॑ नयामसि । यथा॑ नः॒ सर्व॒मिज्जग॑दय॒क्ष्मं सु॒मना॒ अस॑त् ॥
Sentence: 4=s यथा॑ न॒ इन्द्र॒ इद्विशः॒ केव॑लीः॒ सर्वाः॒ सम॑नसः॒ कर॑त् । यथा॑ नः॒ सर्वा॒ इद्दिशो॒ ऽस्माकं॒ केव॑ली॒रस॑न् ॥
Paragraph: 9
Verse: 1
Sentence: 1 यद्वै॒ होता॑ध्व॒र्युम॑भ्या॒ह्वय॑ते॒ वज्र॑मेनम॒भि प्र व॑र्तयति ।
Sentence: 2 उक्थ॑शा॒ इत्या॑ह प्रातःसव॒नम्प्र॑ति॒गीर्य॒ त्रीण्ये॒तान्य॒क्षरा॑णि त्रि॒पदा॑ गाय॒त्री गा॑य॒त्रम्प्रा॑तःसव॒नं गा॑यत्रियै॒व प्रा॑तःसव॒ने वज्र॑म॒न्तर्ध॑त्ते ।
Sentence: 3 उ॒क्थं वा॒चीत्या॑ह॒ माध्यं॑दिनं॒ सव॑नम्प्रति॒गीर्य॑ च॒त्वार्ये॒तान्य॒क्षरा॑णि॒ चतु॑ष्पदा त्रि॒ष्टुप्त्रै॑ष्टुभ॒म्माध्यं॑दिनं॒ सव॑नं त्रि॒ष्टुभै॒व माध्यं॑दिने॒ सव॑ने॒ वज्र॑म॒॑न्त्ते ॥
Verse: 2
Sentence: 1 उ॒क्थं वा॒चीन्द्रा॒येत्या॑ह तृतीयसव॒नम्प्र॑ति॒गीर्य॑ सप्तै॒तान्य॒क्षरा॑णि स॒प्तप॑दा॒ शक्व॑री शाक्व॒रो वज्रो॒ वज्रे॑णै॒व तृ॑तीयसव॒ने वज्र॑म॒न्तर्ध॑त्ते
Sentence: 2 ब्रह्मवा॒दिनो॑ वदन्ति
Sentence: 3 स त्वा अ॑ध्व॒र्युः स्या॒द्यो य॑थासव॒नम्प्र॑तिग॒रे छन्दां॑सि सम्पा॒दये॒त्तेजः॑ प्रातःसव॒न आ॒त्मन्दधी॑तेन्द्रि॒यम्माध्यं॑दिने॒ सव॑ने प॒शूंस्तृ॑तीयसव॒न इ॑ति ।
Sentence: 4 उक्थ॑शा॒ इत्या॑ह प्रातःसव॒नम्प्र॑ति॒गीर्य॒ त्रीण्ये॒तान्य॒क्षरा॑णि ॥
Verse: 3
Sentence: 1 त्रि॒पदा॑ गाय॒त्री गा॑य॒त्रम्प्रा॑तःसव॒नम्प्रा॑तःसव॒न ए॒व प्र॑तिग॒रे छन्दां॑सि॒ सम्पा॑दयति ।
Sentence: 2 अथो॒ तेजो वै गाय॒त्री तेजः॑ प्रातःसव॒नं तेज॑ ए॒व प्रा॑तःसव॒न आ॒त्मन्ध॑त्ते ।
Sentence: 3 उ॒क्थं वा॒चीत्या॑ह॒ माध्यं॑दिनं सव॒नम्प्र॑ति॒गीर्य॑ च॒त्वार्ये॒तान्य॒क्षरा॑णि॒ चतु॑ष्पदा त्रि॒ष्टुप्त्रै॑ष्टुभ॒म्माध्यं॑दिनं॒ सव॑न॒म्माध्यं॑दिन ए॒व सव॑ने प्रतिग॒रे छन्दां॑सि॒ सम्प्रा॑दयति ।
Sentence: 4 अथो॑ इन्द्रि॒यं वै॑ त्रि॒ष्टुगि॑न्द्रि॒यम्माध्यं॑दिनं॒ सव॑नम् ॥
Verse: 4
Sentence: 1 इ॑न्द्रि॒यमे॒व माध्यं॑दिने॒ सव॑न आ॒त्मन्ध॑त्ते ।
Sentence: 2 उ॒क्थं वा॒चीन्द्रा॒येत्या॑ह तृतीयसव॒नम्प्र॑ति॒गीर्य॑ सप्तै॒तान्य॒क्षरा॑णि स॒प्तप॑दा॒ शक्व॑री शाक्व॒राः प॒शवो॒ जाग॑तं तृतीयसव॒नं तृ॑तीयसव॒न ए॒व प्र॑तिग॒रे छन्दां॑सि॒ सम्पा॑�ति ।
Sentence: 3 अथो॑ पशवो वै॒ जग॑ती प॒शव॑स्तृतीयसव॒नम्प॒शूने॒व तृ॑तीयसव॒न आ॒त्मन्ध॑त्ते
Sentence: 4 यद्वै॒ होता॑ध्व॒र्युम॑भ्या॒ह्वय॑त आ॒व्य॑मस्मिन्दधाति॒ तद्यन्न ॥
Verse: 5
Sentence: 1 अ॑प॒हनी॑त पु॒रास्य॑ संवत्स॒राद्गृ॒ह आ वे॑वीरन् ।
Sentence: 2 शोंसा॒ मोद॑ इ॒वेति॑ प्र॒त्याह्व॑यते॒ तेनै॒व तदप॑ हते
Sentence: 3 यथा॒ वा आय॑ताम्प्र॒तीक्ष॑त ए॒वम॑ध्व॒र्युः प्र॑तिग॒रम्प्रती॑क्षते
Sentence: 4 यद॑भिप्रतिगृणी॒याद्यथाय॑तया समृ॒छते॑ ता॒दृगे॒व तत् ।
Sentence: 5 यद॑र्ध॒र्चाल्लुप्ये॑त॒ यथा॒ धाव॑द्भ्यो॒ हीय॑ते ता॒दृगे॒व त॑त्
Sentence: 6 प्र॒बाहु॒ग्वा ऋ॒त्विजा॑मुद्गी॒था उ॑द्गी॒थ ए॒वोद्गा॑तृ॒णाम् ॥
Verse: 6
Sentence: 1 ऋ॒चः प्र॑ण॒व उ॑क्थशं॒सिना॑म्प्रतिग॒रो॑ ऽध्वर्यू॒णाम् ।
Sentence: 2 य ए॒वं वि॒द्वान्प्र॑तिगृ॒णात्य॑न्ना॒द ए॒व भ॑व॒त्यास्य॑ प्र॒जायां॑ वा॒जी जा॑यते ।
Sentence: 3 इ॒यम्वै॒ होता॒साव॑ध्व॒र्युस् ।
Sentence: 4 यदासी॑नः॒ शंस॑त्य॒स्या ए॒व तद्धोता नै॒त्यास्त॑ इव॒ हीयमथो॑ इ॒मामे॒व तेन॒ यज॑मानो दुहे
Sentence: 5 यत्तिष्ठ॑न्प्रतिग्रि॒णात्य॒मुष्या॑ ए॒व तद॑ध्व॒र्युर्नै॑ति ॥
Verse: 7
Sentence: 1 तिष्ठ॑तीव॒ ह्य॒सावथो॑ अ॒मूमे॒व तेन॒ यज॑मानो दुहे
Sentence: 2 यदासी॑नः॒ शंस॑ति॒ तस्मा॑दि॒तःप्र॑दानं दे॒वा उप॑ जीवन्ति॒ यत्तिष्ठ॑न्प्रतिगृ॒णाति॒ तस्मा॑द�॒ष्या॒ उप॑ जीवन्ति
Sentence: 3 यत्प्राङासी॑नः॒ शंस॑ति प्र॒त्यङ्तिष्ठ॑न्प्रतिगृ॒णाति॒ तस्मा॒त्प्राची॑नं॒ रेतो॑ धीयते॒ प्रती॑चीः प्र॒जा जा॑यन्ते
Sentence: 4 यद्वै॒ होता॑ध्व॒र्युम॑भ्या॒ह्वय॑ते॒ वज्र॑मेनम॒भि प्र व॑र्तयति॒ परा॒ङा व॑र्तते॒ वज्र॑मे॒व तन्नि क॑रोति ॥
Paragraph: 10
Verse: 1
Sentence: 1=a उ॑पया॒मगृ॑हीतो ऽसि वाक्ष॒सद॑सि वा॒क्पाभ्यां॑ त्वा क्रतु॒पाभ्या॑म॒स्य य॒ज्ञस्य॑ ध्रु॒वस्या�भ्यां गृह्णामि ।
Sentence: 2=b उ॑पया॒मगृ॑हीतो ऽस्यृत॒सद॑सि चक्षु॒ष्पाभ्यां॑ त्वा क्रतु॒पाभ्या॑म॒स्य य॒ज्ञस्य॑ ध्रु॒वस्याभ्यां गृह्णामि ।
Sentence: 3=c उ॑पया॒मगृ॑हीतो ऽसि श्रुत॒सद॑सि श्रोत्र॒पाभ्यां॑ त्वा क्रतु॒पाभ्या॑म॒स्य य॒ज्ञस्य॑ ध्रु॒वस�भ्यां गृह्णामि
Sentence: 4=d दे॒वेभ्य॑स्त्वा
Sentence: 5=e वि॒श्वदे॑वेभ्यस्त्वा
Sentence: 6=f विश्वे॑भ्यस्त्वा दे॒वेभ्य॑स् ।
Sentence: 7=g विष्ण॑वुरुक्रमै॒ष ते॒ सोम॒स्तं र॑क्षस्व ॥
Verse: 2
Sentence: 1 तं ते॑ दु॒श्चक्षा॒ माव॑ ख्यत् ।
Sentence: 2=h मयि॒ वसुः॑ पुरो॒वसु॑र्वा॒क्पा वाच॑म्मे पाहि
Sentence: 3=i मयि॒ वसु॑र्वि॒दद्व॑सुश्चक्षु॒ष्पाश्चक्षु॑र्मे पाहि
Sentence: 4=k मयि॒ वसुः॑ सं॒यद्व॑सुः श्रोत्र॒पाः श्रोत्र॑म्मे पाहि
Sentence: 5=l भूर॑सि॒ श्रेष्ठो॑ रश्मी॒नाम्प्रा॑ण॒पाः प्रा॒णम्मे॑ पाहि
Sentence: 6=m धूर॑सि॒ श्रेष्ठो॑ रश्मी॒नाम॑पान॒पा अ॑पा॒नम्मे॑ पाहि
Sentence: 7=n यो न॑ इन्द्रवायू
Sentence: 8=o मित्रावरुणौ ।
Sentence: 9=p अ॑श्विनावभि॒दास॑ति॒ भ्रातृ॑व्य उ॒त्पिपी॑ते शुभस्पती इ॒दम॒हं तमध॑रम्पादयामि॒ यथे॑न्द्रा॒हम॑नि ॥
Paragraph: 11
Verse: 1
Sentence: 1=a प्र सो अ॑ग्ने॒ तवो॑तिभिः सु॒वीरा॑भिस्तरति॒ वाज॑कर्मभिः । यस्य॒ त्वं स॒ख्यमावि॑थ ॥
Sentence: 2=b प्र होत्रे॑ पू॒र्व्यं वचो॒ ऽग्नये॑ भरता बृ॒हत् । वि॒पां ज्योतीं॑षि॒ बिभ्र॑ते॒ न वे॒धसे॑ ॥
Sentence: 3=c अग्ने॒ त्री ते॒ वाजि॑ना॒ त्री ष॒धस्था॑ ति॒स्रस्ते॑ जि॒ह्वा ऋ॑तजात पू॒र्वीः । ति॒स्र उ॑ ते त॒नुवो॑ दे॒ववा॑ता॒स्ताभि॑र्नः पाहि॒ गिरो॒ अप्र॑युछन् ॥
Sentence: 4=d सं वां॒ कर्म॑णा॒ समि॒षा ॥
Verse: 2
Sentence: 1 हि॑नो॒मीन्द्रा॑विष्णू॒ अप॑सस्पा॒रे अ॒स्य । जु॒षेथां॑ य॒ज्ञं द्रवि॑णं च धत्त॒मरि॑ष्टैर्नः प॒थिभिः॑ पा॒रय॑न्ता ॥
Sentence: 2=e उ॒भा जि॑ग्यथु॒र्न परा॑ जयेथे॒ न परा॑ जिग्ये कत॒रश्चनैनोः । इन्द्र॑श्च विष्णो॒ यदप॑स्पृधेथां त्रे॒धा स॒हस्रं॒ वि तऐ॑रयेथाम् ॥
Sentence: 3=f त्रीण्यायूं॑षि॒ तव॑ जातवेदस्ति॒स्र आ॒जानी॑रु॒षस॑स्ते अग्ने । ताभि॑र्दे॒वाना॒मवो॑ यक्षि वि॒द्वानथ॑ ॥
Verse: 3
Sentence: 1 भ॑व॒ यज॑मानाय॒ शं योः ॥
Sentence: 2=g अ॒ग्निस्त्रीणि॑ त्रि॒धातू॒न्या क्षे॑ति वि॒दथा॑ क॒विः । स त्रींरे॑काद॒शां इ॒ह । यक्ष॑च्च पि॒प्रय॑च्च नो॒ विप्रो॑ दू॒तः परि॑ष्कृतः । नभ॑न्तामन्य॒के स॑मे ॥
Sentence: 3=h इन्द्रा॑विष्णू दृंहि॒ताः शम्ब॑रस्य॒ नव॒ पुरो॑ नव॒तिं च॑ श्नथिष्टम् । श॒तं व॒र्चिनः॑ स॒हस्रं॑ च सा॒कं ह॒थो अ॑प्र॒त्यसु॑रस्य वी॒रान् ॥
Sentence: 4=i उ॒त मा॒ता म॑हि॒षमन्व॑वेनद॒मी त्वा॑ जहति पुत्र दे॒वाः । अथा॑ब्रवीद्वृ॒त्रमिन्द्रो॑ हनि॒ष्यन्त्सखे॑ विष्णो वित॒रं वि क्र॑मस्व ॥
Chapter: 3
Paragraph: 1
Verse: 1
Sentence: 1=a अग्ने॑ तेजस्विन्तेज॒स्वी त्वं दे॒वेषु॑ भूया॒स्तेज॑स्वन्त॒म्मामायु॑ष्मन्तं॒ वर्च॑स्वन्तम्�॑षु कुरु दी॒क्षायै॑ च त्वा॒ तप॑सश्च॒ तेज॑से जुहोमि
Sentence: 2=b तेजो॒विद॑सि॒ तेजो॑ मा॒ मा हा॑सी॒न्माहं तेजो॑ हासिष॒म्मा मां तेजो॑ हासीत् ।
Sentence: 3=c इन्द्रौ॑जस्विन्नोज॒स्वी त्वं दे॒वेषु॑ भूया॒ ओज॑स्वन्त॒म्मामायु॑ष्मन्तं॒ वर्च॑स्वन्तम्मनु�॑षु कुरु॒ ब्रह्म॑णश्च त्वा क्ष॒त्रस्य॑ च ॥
Verse: 2
Sentence: 1 ओज॑से जुहोमि ।
Sentence: 2=d ओ॑जो॒विद॒स्योजो॑ मा॒ मा हा॑सी॒न्माहमोजो॑ हासिष॒म्मा मामोजो॑ हासीत्
Sentence: 3=e सूर्य॑ भ्राजस्विन्भ्राज॒स्वी त्वं दे॒वेषु॑ भूया॒ भ्राज॑स्वन्त॒म्मामायु॑ष्मन्तं॒ वर्च॑स्वन॑षु कुरु वा॒योश्च॑ त्वा॒पां च॒ भ्राज॑से जुहोमि
Sentence: 4=f सुव॒र्विद॑सि॒ सुव॑र्मा॒ मा हा॑सी॒न्माहं सुव॑र्हासिष॒म्मा मां सुव॑र्हासीत् ।
Sentence: 5=g मयि॑ मे॒धाम्मयि॑ प्र॒जाम्मय्य॒ग्निस्तेजो॑ दधातु॒ मयि॑ मे॒धाम्मयि॑ प्र॒जाम्मयीन्द्र॑ इन्द्�॒यं द॑धातु॒ मयि॑ मे॒धाम्मयि॑ प्र॒जाम्मयि॒ सूर्यो॒ भ्राजो॑ दधातु ॥
Paragraph: 2
Verse: 1
Sentence: 1=a वा॒युर्हिं॑क॒र्ताग्निः प्र॑स्तो॒ता प्र॒जाप॑तिः॒ साम॒ बृह॒स्पति॑रुद्गा॒ता विश्वे॑ दे॒वा उ॑पगा॒तारो॑ म॒रुतः॑ प्रतिह॒र्तार॒ इन्द्रो॑ नि॒धनं॒ ते दे॒वाः प्रा॑ण॒भृतः॑ प्रा॒णम्मयि॑ दधतु ।
Sentence: 2=b ए॒तद्वै॒ सर्व॑मध्व॒र्युरु॑पाकु॒र्वन्नु॑द्गा॒तृभ्य॑ उ॒पाक॑रोति॒ ते दे॒वाः प्रा॑ण॒भृतः॑ प्रा॒णम्मयि॑ दध॒त्वित्या॑है॒तदे॒व सर्व॑मा॒त्मन्ध॑त्ते ।
Sentence: 3=c इडा॑ देव॒हूर्मनु॑र्यज्ञ॒नीस् ।
Sentence: 4=d बृह॒स्पति॑रुक्थाम॒दानि॑ शंसिषत् ।
Sentence: 5=e विश्वे॑ दे॒वाः ॥
Verse: 2
Sentence: 1 सुक्त॒वाच॑स् ।
Sentence: 2=f पृथि॑वि मात॒र्मा मा॑ हिंसीस् ।
Sentence: 3=g मधु॑ मनिष्ये॒ मधु॑ जनिष्ये॒ मधु॑ वक्ष्यामि॒ मधु॑ वदिष्यामि॒ मधु॑मतीं दे॒वेभ्यो॒ वाच॑मुद्यासं शुश्रू॒षेण्या॑म्मनु॒ष्ये॑भ्यस्
Sentence: 4=h तम्मा॑ दे॒वा अ॑वन्तु शो॒भायै॑ पि॒तरो॑ ऽनु मदन्तु ॥
Paragraph: 3
Verse: 1
Sentence: 1=a वस॑वस्त्वा॒ प्र बृ॑हन्तु गाय॒त्रेण॒ छन्द॑सा॒ग्नेः प्रि॒यम्पाथ॒ उपे॑हि
Sentence: 2=b रु॒द्रास्त्वा॒ प्र बृ॑हन्तु त्रैष्टुभेन॒ छन्द॒सेन्द्र॑स्य प्रि॒यम्पाथ॒ उपे॑हि ।
Sentence: 3=c आ॑दि॒त्यास्त्वा॒ प्र बृ॑हन्तु॒ जाग॑तेन॒ छन्द॑सा॒ विश्वे॑षां दे॒वाना॑म्प्रि॒यम्पाथ॒ उपे॑हि
Sentence: 4=d मान्दा॑सु ते शुक्र शु॒क्रमा धु॑नोमि
Sentence: 5=e भ॒न्दना॑सु
Sentence: 6=f कोत॑नासु
Sentence: 7=g नूत॑नासु
Sentence: 8=h रेशी॑षु
Sentence: 9=i मेषी॑षु
Sentence: 10=k वाशी॑षु
Sentence: 11=l विश्व॒भृत्सु
Sentence: 12=m माध्वी॑षु
Sentence: 13=n ककु॒हासु
Sentence: 14=o शक्व॑रीषु ॥
Verse: 2
Sentence: 1=p शु॒क्रासु॑ ते शुक्र शु॒क्रमा धू॑नोमि
Sentence: 2=q शु॒क्रं ते॑ शु॒क्रेण॑ गृह्णा॒म्यह्नो॑ रू॒पेण॒ सूर्य॑स्य र॒श्मिभिः॑ ।
Sentence: 3=r आस्मि॑न्नु॒ग्रा अ॑चुच्यवुर्दि॒वो धारा॑ असश्चत
Sentence: 4=s ककु॒हं रू॒पं वृ॑ष॒भस्य॑ रोचते बृ॒हत्सोमः॒ सोम॑स्य पुरो॒गाः शु॒क्रः शु॒क्रस्य॑ पुरो॒गाः ।
Sentence: 5=t यत्ते॑ सो॒मादा॑भ्यं॒ नाम॒ जागृ॑वि॒ तस्मै॑ ते सोम॒ सोमा॑य॒ स्वाहा॑ ।
Sentence: 6=u उ॒शिक्त्वं दे॑व सोम गाय॒त्रेण॒ छन्द॑सा॒ग्नेः ॥
Verse: 3
Sentence: 1 प्रि॒यम्पथो॒ अपी॑हि
Sentence: 2=v व॒शी त्वं दे॑व सोम त्रैष्टुभेन॒ छन्द॒सेन्द्र॑स्य प्रि॒यम्पाथो॒ अपी॑हि ।
Sentence: 3=w अ॒स्मत्स॑खा॒ त्वं दे॑व सोम॒ जाग॑तेन॒ छन्द॑सा विश्वेषां दे॒वाना॑म्प्रि॒यम्पाथो॒ अपी॑हि ।
Sentence: 4=x आ नः॑ प्रा॒ण ए॑तु परा॒वत॒ आन्तरि॑क्षाद्दि॒वस्परि॑ । आयुः॑ पृथि॒व्या अध्य॒मृत॑मसि प्रा॒णाय॑ त्वा ।
Sentence: 5=y इ॑न्द्रा॒ग्नी मे॒ वर्चः॑ कृणुतां॒ वर्चः॒ सोमो॒ बृह॒स्पतिः॑ । वर्चो॑ मे॒ विश्वे॑ दे॒वा वर्चो॑ मे धत्तमश्विना ॥
Sentence: 6=z द॑ध॒न्वे वा॒ यदी॒मनु॒ वोच॒द्ब्रह्मा॑णि॒ वेरु॒ तत् । परि॒ विश्वा॑नि॒ काव्या॑ ने॒मिश्च॒क्रमि॑वाभवत् ॥
Paragraph: 4
Verse: 1
Sentence: 1 ए॒तद्वा अ॒पां ना॑म॒धेयं॒ गुह्यं॒ यदा॑धा॒वास् ।
Sentence: 2 मान्दा॑सु ते शुक्र शु॒क्रमा धू॑नो॒मीत्या॑ह ।
Sentence: 3 अ॒पामे॒व ना॑म॒धेये॑न॒ गुह्ये॑न दि॒वो वृष्टि॒मव॑ रुन्द्धे
Sentence: 4 शु॒क्रं ते॑ शु॒क्रेण॑ गृह्णा॒मीत्या॑ह ।
Sentence: 5 ए॒तद्वा अह्नो॑ रू॒पं यद्रात्रिः
Sentence: 6 सूर्य॑स्य र॒श्मयो॒ वृष्ट्या॑ ईशते ।
Sentence: 7 अह्न॑ ए॒व रू॒पेण॒ सूर्य॑स्य र॒श्मिभि॑र्दि॒वो वृष्टिं॑ च्यावयति ।
Sentence: 8 आस्मि॑न्नु॒ग्राः ॥
Verse: 2
Sentence: 1 अ॑चुच्यवु॒रित्या॑ह
Sentence: 2 यथाय॒जुरेवै॒तत्
Sentence: 3 ककु॒हं रू॒पं वृ॑ष॒भस्य॑ रोचते बृ॒हदित्या॑ह ।
Sentence: 4 ए॒तद्वा अ॑स्य ककु॒हं रू॒पं यद्वृष्टि॑स् ।
Sentence: 5 रू॒पेणै॒व वृष्टि॒मव॑ रुन्द्धे
Sentence: 6 यत्ते॑ सो॒मादा॑भ्यं॒ नाम॒ जागृ॒वीत्या॑ह ।
Sentence: 7 ए॒ष ह वै ह॒विषा॑ ह॒विर्य॑जति॒ यो ऽदा॑भ्यं गृही॒त्वा सोमा॑य जु॒होति
Sentence: 8 परा॒ वा ए॒तस्यायुः॑ प्रा॒ण ए॑ति ॥
Verse: 3
Sentence: 1 यो॑ ऽं॒शुं गृ॒ह्णाति॑ ।
Sentence: 2 आ नः॑ प्रा॒ण ए॑तु परा॒वत॒ इत्या॑ह ।
Sentence: 3 आयु॑रे॒व प्रा॒णमा॒त्मन्ध॑त्ते ।
Sentence: 4 अ॒मृत॑मसि प्रा॒णाय॒ त्वेति॒ हिर॑ण्यम॒भि व्य॑निति ।
Sentence: 5 अ॒मृतं वै॒ हिर॑ण्य॒मायुः॑ प्रा॒णस् ।
Sentence: 6 अ॒मृते॑नै॒वायु॑रा॒त्मन्ध॑त्ते
Sentence: 7 श॒तमा॑नम्भवति
Sentence: 8 श॒तायुः॒ पुरु॑षः श॒तेन्द्रि॑यस् ।
Sentence: 9 आयु॑ष्ये॒वेन्द्रि॒ये प्रति॑ तिष्ठति ।
Sentence: 10 अ॒प उप॑ स्पृशति
Sentence: 11 भेष॒जं वा आप॑स् ।
Sentence: 12 भे॑ष॒जमे॒व कु॑रुते ॥
Paragraph: 5
Verse: 1
Sentence: 1=a वा॒युर॑सि प्रा॒णो नाम॑ सवि॒तुराधि॑पत्ये ऽपा॒नम्मे॑ दास् ।
Sentence: 2=b चक्षु॑रसि॒ श्रोत्रं॒ नाम॑ दः॒तुराधि॑पत्य॒ आयु॑र्मे दास् ।
Sentence: 3=c रू॒पम॑सि॒ वर्णो॒ नाम॒ बृह॒स्पते॒राधि॑पत्ये प्र॒जाम्मे॑ दास् ।
Sentence: 4=d ऋ॒तम॑सि स॒त्यं नामे॑न्द्र॒स्याधि॑पत्ये क्ष॒त्रम्मे॑ दास् ।
Sentence: 5=e भू॒तम॑सि॒ भव्यं॒ नाम॑पितृ॒णामाधि॑पत्ये॒ ऽपामोष॑धीनां॒ गर्भं॑ धास् ।
Sentence: 6=f ऋ॒तस्य॑ त्वा॒ व्यो॑मने ।
Sentence: 7=g ऋ॒तस्य॑ ॥
Verse: 2
Sentence: 1 त्वा॒ विभू॑मने ।
Sentence: 2=h ऋ॒तस्य॑ त्वा॒ विध॑र्मणे ।
Sentence: 3=i ऋ॒तस्य॑ त्वा स॒त्याय॑ ।
Sentence: 4=k ऋ॒तस्य॑ त्वा॒ ज्योति॑षे
Sentence: 5 प्र॒जाप॑तिर्वि॒राज॑मपश्य॒त्तया॑ भू॒तं च॒ भव्यं॑ चासृजत॒ तामृषि॑भ्यस्ति॒रो॑ ऽदधा॒त्तां ज॒मद॑ग्नि॒स्तप॑सापश्य॒त्तया वै॒ स पृश्नी॒न्कामा॑नसृजत॒ तत्पृश्नी॑नाम्पृश्नि॒त्वम् ।
Sentence: 6 यत्पृश्न॑यो गृ॒ह्यन्ते॒ पृश्नी॑ने॒व तैः॒ कामा॒न्यज॑मा॒नो ऽव॑ रुन्द्धे
Sentence: 7 वा॒युर॑सि प्रा॒णः ॥
Verse: 3
Sentence: 1 नामेत्या॑ह प्राणापा॒नावे॒वाव॑ रुन्द्धे
Sentence: 2 चक्षु॑रसि॒ श्रोत्रं॒ नामे॑त्या॒हायु॑रे॒वाव॑ रुन्द्धे
Sentence: 3 रू॒पम॑सि॒ वर्णो॒ नामेत्या॑ह प्र॒जामे॒वाव॑ रुन्द्धे ।
Sentence: 4 ऋ॒तम॑सि स॒त्यं नामेत्या॑ह क्ष॒त्रमे॒वाव॑ रुन्द्धे
Sentence: 5 भू॒तम॑सि॒ भव्यं॒ नामेत्या॑ह प॒शवो॒ वा अ॒पामोष॑धीनां॒ गर्भः॑ प॒शूने॒व ॥
Verse: 4
Sentence: 1 अव॑ रुन्द्धे ।
Sentence: 2 ए॒तावद्वै॒ पुरु॑षम्प॒रित॒स्तदे॒वाव॑ रुन्द्धे ।
Sentence: 3 ऋ॒तस्य॑ त्वा॒ व्यो॑मन॒ इत्या॑हे॒यं वा ऋ॒तस्य॒ व्यो॑मे॒मामे॒वाभि ज॑यति ।
Sentence: 4 ऋ॒तस्य॑ त्वा॒ विभू॑मन॒ इत्या॑हा॒न्तरि॑क्ष॒म्वा ऋ॒तस्य॒ विभू॑मा॒न्तरि॑क्षमे॒वाभि ज॑यति ।
Sentence: 5 ऋ॒तस्य॑ त्वा॒ विध॑र्मण॒ इत्या॑ह द्यौ॒र्वा ऋ॒तस्य॒ विध॑र्म॒ दिव॑मे॒वाभि ज॑यति ।
Sentence: 6 ऋ॒तस्य॑ ॥
Verse: 5
Sentence: 1 त्वा॑ स॒त्यायेत्या॑ह॒ दिशो॒ वा ऋ॒तस्य॑ स॒त्यं दिश॑ ए॒वाभि ज॑यति ।
Sentence: 2 ऋ॒तस्य॑ त्वा॒ ज्योति॑ष॒ इत्या॑ह सुव॒र्गो वै॑ लो॒क ऋ॒तस्य॒ ज्योतिः॑ सुव॒र्गमे॒व लो॒कम॒भि ज॑यति ।
Sentence: 3 ए॒ताव॑न्तो वै देवलो॒कास्ताने॒वाभि ज॑यति
Sentence: 4 दश॒ सम्प॑द्यन्ते॒ दशा॑क्षरा वि॒राडन्नं॑ वि॒राड्वि॒राज्ये॒वान्नाद्ये॒ प्रति॑ तिष्ठति ॥
Paragraph: 6
Verse: 1
Sentence: 1 दे॒वा वै॒ यद्य॒ज्ञेन॒ नावारु॑न्धत॒ तत्परै॒रवा॑रुन्धत
Sentence: 2 तत्परा॑णाम्पर॒त्वम् ।
Sentence: 3 यत्परे॑ गृ॒ह्यन्ते॒ यदे॒व य॒ज्ञेन॒ नाव॑रु॒न्द्धे तस्याव॑रुद्ध्यै
Sentence: 4 यम्प्र॑थ॒मं गृ॒ह्णाती॒ममे॒व तेन॑ लो॒कम॒भि ज॑यति
Sentence: 5 यं द्वि॒तीय॑म॒न्तरि॑क्षं॒ तेन
Sentence: 6 यं तृ॒तीय॑म॒मुमे॒व तेन॑ लो॒कम॒भि ज॑यति
Sentence: 7 यदे॒ते गृ॒ह्यन्त॑ ए॒षां लो॒काना॑म॒भिजि॑त्यै ॥
Verse: 2
Sentence: 1 उत्त॑रे॒ष्वहः॑स्व॒मुतो॒ ऽर्वाञ्चो॑ गृह्यन्ते ।
Sentence: 2 अ॑भि॒जित्यै॒वेमाँ लो॒कान्पुन॑रि॒मं लो॒कम्प्र॒त्यव॑रोहन्ति
Sentence: 3 यत्पूर्वे॒ष्वहः॑स्वि॒तः परा॑ञ्चो गृ॒ह्यन्ते॒ तस्मा॑दि॒तः परा॑ञ्च इ॒मे लो॒कास् ।
Sentence: 4 यदुत्त॑रे॒ष्वहः॑स्व॒मुतो॒ ऽर्वाञ्चो॑ गृ॒ह्यन्ते॒ तस्मा॑द॒मुतो॒ ऽर्वाञ्च॑ इ॒मे लो॒कास्
Sentence: 5 तस्मा॒दया॑तयाम्नो लो॒कान्म॑नु॒ष्या॒ उप॑ जीवन्ति
Sentence: 6 ब्रह्मवा॒दिनो॑ वदन्ति
Sentence: 7 कस्मा॑त्स॒त्याद॒द्भ्य ओष॑धयः॒ सम्भ॑व॒न्त्योष॑धयः ॥
Verse: 3
Sentence: 1 म॑नु॒ष्या॑णा॒मन्न॑म्प्र॒जाप॑तिम्प्र॒जा अनु॒ प्र जा॑यन्त॒ इति
Sentence: 2 परा॒नन्विति॑ ब्रूयात् ।
Sentence: 3 यद्गृ॒ह्णाति॑ ।
Sentence: 4 अ॒द्भ्यस्त्वौ॑षधीभ्यो गृह्णा॒मीति॒ तस्मा॑द॒द्भ्य ओष॑धयः॒ सम्भ॑वन्ति
Sentence: 5 यद्गृ॒ह्णाति॑ ।
Sentence: 6 ओष॑धीभ्यस्त्वा प्र॒जाभ्यो॑ गृह्णा॒मीति॒ तस्मा॒दोष॑धयो मनु॒ष्या॑णा॒मन्न॑म् ।
Sentence: 7 यद्{F गृ॒ह्णाति{W गृह्णाति{GLOS गृ॒ह्णाति
Sentence: 8 प्र॒जाभ्य॑स्त्वा प्र॒जाप॑तये गृह्णा॒मीति॒ तस्मा॑त्प्र॒जाप॑तिम्प्र॒जा अनु॒ प्र जा॑यन्ते ॥
Paragraph: 7
Verse: 1
Sentence: 1 प्र॒जाप॑तिर्देवासु॒रान॑सृजत
Sentence: 2 तदनु॑ य॒ज्ञो॑ ऽसृज्यत य॒ज्ञं छन्दां॑सि
Sentence: 3 ते विष्व॑ञ्चो॒ व्य॑क्रामन् ।
Sentence: 4 सो ऽसु॑रा॒ननु॑ य॒ज्ञो ऽपा॑क्रामद्य॒ज्ञं छन्दां॑सि
Sentence: 5 ते दे॒वा अ॑मन्यन्त ।
Sentence: 6 अ॒मी वा इ॒दम॑भूव॒न्यद्व॒यं स्म इति
Sentence: 7 ते प्र॒जाप॑ति॒मुपा॑धावन् ।
Sentence: 8 सो॑ ऽब्रवीत्प्र॒जाप॑तिस् ।
Sentence: 9 छन्द॑सां वी॒र्य॑मा॒दाय॒ तद्वः॒ प्र दा॑स्या॒मीति
Sentence: 10 स छन्द॑सां वी॒र्य॑म् ॥
Verse: 2
Sentence: 1 आ॒दाय॒ तदे॑भ्यः॒ प्राय॑छत्
Sentence: 2 तदनु॒ छन्दां॒स्यपा॑क्राम॒ञ्छन्दां॑सि य॒ज्ञस्
Sentence: 3 ततो॑ दे॒ वाअभ॑वन्प॒रासु॑रास् ।
Sentence: 4 य ए॒वं छन्द॑सां वी॒र्यं॒ वेदा श्रा॑व॒यास्तु॑ श्रौष॒ड्यज॒ ये यज॑माहे वषट्का॒रो भव॑त्या॒त्मना॒ परा॑स्य॒ भ्रातृ॑व्यो भवति
Sentence: 5 ब्रह्मवा॒दिनो॑ वदन्ति
Sentence: 6 कस्मै॒ कम॑ध्व॒र्युरा श्रा॑वय॒तीति
Sentence: 7 छन्द॑सां वी॒र्या॒येति॑ ब्रूयात् ।
Sentence: 8 ए॒तद्वै॑ ॥
Verse: 3
Sentence: 1 छन्द॑सां वी॒र्य॒मा श्रा॑व॒यास्तु श्रौष॒ड्यज॒ ये यजा॑महे वषट्का॒रस् ।
Sentence: 2 य ए॒वं वेद॒ सवी॑र्यैरे॒व छन्दो॑भिरर्चति॒ यत्किं चार्च॑ति
Sentence: 3 यदिन्द्रो॑ वृ॒त्रमह॑न्नमे॒ध्यं तद्यद्यती॑न॒पाव॑पदमे॒ध्यं तदथ॒ कस्मा॑ऐ॒न्द्रो य॒ज्ञ आ सं॒स्थातो॒रित्यहु॑स् ।
Sentence: 4 इन्द्र॑स्य॒ वा ए॒षा य॒ज्ञिया॑ त॒नूर्यद्य॒ज्ञस्
Sentence: 5 तामे॒व तद्य॑जन्ति
Sentence: 6 य ए॑वं॒ वेदोपै॑नं य॒ज्ञो न॑मति ॥
Paragraph: 8
Verse: 1
Sentence: 1=a आ॑यु॒र्दा अ॑ग्ने ह॒विषो॑ जुषा॒णो घृ॒तप्र॑थीको घृ॒तयो॑निरेधि । घृ॒तम्पी॒त्वा मधु॒ चारु॒ गव्य॑म्पि॒तेव॑ पु॒त्रम॒भि र॑क्षतादि॒मम् ॥
Sentence: 2 आ वृ॑श्च्यते॒ वा ए॒तद्यज॑मानो॒ ऽग्निभ्यां॒ यदे॑नयोः शृतं॒कृत्याथा॒न्यत्रा॑वभृ॒थमवैति ।
Sentence: 3 आ॑यु॒र्दा अ॑ग्ने ह॒विषो॑ जुषा॒ण इत्य॑वभृ॒थम॑वै॒ष्यञ्जु॑हुया॒दाहु॑त्यैवैनौ शमयति
Sentence: 4 नार्ति॒मार्छ॑ति॒ यज॑मानस् ।
Sentence: 5=b यत्कुसी॑दम् ॥
Verse: 2
Sentence: 1 अप्र॑तीत्त॒म्मयि॒ येन॑ य॒मस्य॑ ब॒लिना॒ चरा॑मि । इहै॒व सन्नि॒रव॑दये॒ तदे॒तत्तद॑ग्ने अनृ॒णो भ॑वामि ॥
Sentence: 2=c विश्व॑लोप विश्वदा॒वस्य॑ त्वा॒सञ्जु॑होम्य॒ग्धादेको॑ ऽहु॒तादेकः॑ समस॒नादेकः॑ । ते नः॑ कृण्वन्तु भेष॒जं सदः॒ सहो॒ वरे॑ण्यम् ॥
Sentence: 3=d अ॒यं नो॒ नभ॑सा पु॒रः सं॒स्पानो॑ अ॒भि र॑क्षतु । गृ॒हाणा॒मस॑मर्त्यै ब॒हवो॑ नो गृ॒हा अ॑सन् ॥
Sentence: 4=e स त्वं नः॑ ॥
Verse: 3
Sentence: 1 न॑भसस्पत॒ ऊर्जं॑ नो धेहि भ॒द्रया॑ । पुन॑र्नो न॒ष्टमा कृ॑धि॒ पुन॑र्नो र॒यिमा कृ॑धि
Sentence: 2=f देव॑ संस्पान सहस्रपो॒षस्ये॑शिषे॒ स नो॑ रा॒स्वाज्या॑निं रा॒यस्पोषं॑ सु॒वीरं॑ संवत्स॒रीणां॑ स्व॒स्तिम् ॥
Sentence: 3 अ॒ग्निर्वाव॑ य॒म इ॒यं य॒मी
Sentence: 4 कुसी॑दं॒ वा ए॒तद्य॒मस्य॒ यज॑मान॒ आ द॑त्ते॒ यदोष॑धीभि॒र्वेदिं॑ स्तृ॒णाति
Sentence: 5 यदनु॑पौष्य प्रया॒याद्ग्री॑वब॒द्धमे॑नम् ॥
Verse: 4
Sentence: 1 अ॒मुष्मिँ॑ लो॒के ने॑नीयेरन्
Sentence: 2 यत्कुसी॑द॒मप्र॑तीत्त॒म्मयी॒त्युपौ॑षतीहै॒व सन्य॒मं कुसी॑दं निरव॒दाया॑नृ॒णः सु॑व॒र्गं लो॒कमे॑ति
Sentence: 3 यदि॑ मि॒श्रमि॑व॒ चरे॑द॒ञ्जलि॑ना॒ सक्तू॑न्प्रदा॒व्ये॑ जुहुयात् ।
Sentence: 4 ए॒ष वा अ॒ग्निर्वै॑श्वान॒रो यत्प्र॑दा॒व्यः॒ स एवैनं स्वदयति ।
Sentence: 5 अह्नां॑ वि॒धान्या॑मेकाष्ट॒काया॑मपू॒पं चतुः॑शरावम्प॒क्त्वा प्रा॒तरे॒तेन॑ क॒क्षमुपौ॑षेत् ।
Sentence: 6 यदि॑ ॥
Verse: 5
Sentence: 1 दह॑ति पुण्य॒सम॑म्भवति॒ यदि॒ न दह॑ति पाप॒सम॑म्
Sentence: 2 ए॒तेन॑ ह स्म॒ वा ऋष॑यः पु॒रा वि॒ज्ञाने॑न दीर्घस॒त्त्रमुप॑ यन्ति
Sentence: 3 यो वा उ॑पद्र॒ष्टार॑मुपश्रो॒तार॑मनुख्या॒तारं॑ वि॒द्वान्यज॑ते॒ सम॑मुष्मिँ लो॒क इ॑ष्टापु॒र्तन॑ गछते ।
Sentence: 4 अ॒ग्निर्वा उ॑पद्र॒ष्टा व॒युरु॑पश्रो॒तादि॒त्यो॑ ऽनुख्या॒ता
Sentence: 5 तान्य ए॒वं वि॒द्वान्यज॑ते॒ सम॒मुष्मिँ॑ लो॒क इ॑ष्टापू॒र्तेन॑ गछते ।
Sentence: 6 अ॒यं नो॒ नभ॑सा पु॒रः ॥
Verse: 6
Sentence: 1 इत्य॑ अहा॒ग्निर्वै॒ नभ॑सा पु॒रो॒ ऽग्निमे॒व तदा॑ह ।
Sentence: 2 ए॒तन्मे॑ गोपा॒येति
Sentence: 3 स त्वं नो॑ नभसस्पत॒ इत्या॑ह
Sentence: 4 वा॒युर्वै॒ नभ॑स॒स्पति॑र्वा॒युमे॒व तदा॑ह
Sentence: 5 ए॒तन्मे॑ गोपा॒येति
Sentence: 6 देव॑ संस्पा॒नेत्या॑ह
Sentence: 7 असौ॒ वा आ॑दि॒त्यो दे॒वः सं॒स्पान॑ आदि॒त्यमे॒व तदा॑ह
Sentence: 8 ए॒तन्मे॑ गोपा॒येति॑ ॥
Paragraph: 9
Verse: 1
Sentence: 1=a ए॒तं युवा॑न॒म्परि॑ वो ददामि॒ तेन॒ क्रीड॑न्तीश्चरत प्रि॒येण॑ । मा नः॑ शाप्त ज॒नुषा॑ सुभागा रा॒यस्पोषे॑ण॒ समि॒षा म॑देम ॥
Sentence: 2=b नमो॑ महि॒म्न उ॒त चक्षु॑षे ते॒ मरु॑ताम्पित॒स्तद॒हं गृ॑णामि । अनु॑ मन्यस्व सु॒यजा॑ यजाम॒ जुष्टं॑ दे॒वाना॑मि॒दम॑स्तु ह॒व्यम् ॥
Sentence: 3=c दे॒वाना॑मे॒ष उ॑पना॒ह आ॑सीद॒पां गर्भ॒ ओष॑धीषु॒ न्य॑क्तः । सोम॑स्य द्र॒प्सम॑वृणीत पू॒षा ॥
Verse: 2
Sentence: 1 बृ॒हन्नद्रि॑रभव॒त्तदे॑षाम् ॥
Sentence: 2=d पि॒ता व॒त्साना॒म्पति॑रघ्नि॒याना॒मथो॑ पि॒ता म॑ह॒तां गर्ग॑राणाम् । व॒त्सो ज॒रायु॑ प्रति॒धुक्पी॒यूष॑ आ॒मिक्षा॒ मस्तु॑ घृ॒तम॑स्य॒ रेतः॑ ॥
Sentence: 3=e त्वां गावो॑ ऽवृणत रा॒ज्याय॒ त्वां ह॑वन्त म॒रुतः॑ स्व॒र्काः । वर्ष्म॑न्क्ष॒त्रस्य॑ क॒कुभि॑ शिश्रिया॒णस्ततो॑ न उ॒ग्रो वि भ॑जा॒ वसू॑नि ॥
Sentence: 4 व्यृ॑द्धेन॒ वा ए॒ष प॒शुना॑ यजते॒ यस्यै॒तानि॒ न क्रि॒यन्त॑ ए॒ष ह त्वै॒ समृ॑द्धेन यजते॒ यस्यै॒त�नि॑ क्रि॒यन्ते॑ ॥
Paragraph: 10
Verse: 1
Sentence: 1=a सूर्यो॑ दे॒वो दि॑वि॒षद्भ्यो॑ धा॒ता क्ष॒त्राय॑ वा॒युः प्र॒जाभ्यः॑ । बृह॒स्पति॑स्त्वा प्र॒जाप॑तये॒ ज्योति॑ष्मतीं जुहोतु ॥
Sentence: 2=b यस्या॑स्ते॒ हरि॑तो॒ गर्भो ऽथो॒ योनि॑र्हिर॒ण्ययी॑ । अङ्गा॒न्यह्रु॑ता॒ यस्यै॒ तां देवैः॒ सम॑जीगमम् ॥
Sentence: 3=c आ व॑र्तन वर्तय॒ नि नि॑वर्तन वर्त॒येन्द्र॑ नर्दबुद । भू॒म्याश्चत॑स्रः प्र॒दिश॒स्ताभि॒रा व॑र्तया॒ पुनः॑ ॥
Sentence: 4=d वि ते॑ भिनद्मि तक॒रीं वि योनिं॒ वि ग॑वीन्यौ । वि ॥
Verse: 2
Sentence: 1 मा॒तरं॑ च पु॒त्रं च॒ वि गर्भं॑ च ज॒रायु॑ च ।
Sentence: 2=e ब॒हिस्ते॑ अस्तु॒ बालिति॑ ।
Sentence: 3=f उ॑रुद्र॒प्सो वि॒श्वरू॑प॒ इन्दुः॒ पव॑मानो॒ धीर॑ आनञ्ज॒ गर्भ॑म्
Sentence: 4=g एक॑पदी द्वि॒पदी॑ त्रि॒पदी॒ चतु॑ष्पदी॒ पञ्च॑पदी॒ षट्प॑दी स॒प्तप॑द्य॒ष्टाप॑दी॒ भुव॒नानु॑ प्रथतां॒ स्वाहा
Sentence: 5=h म॒ही द्यौः॑ पृथि॒वी च॑ न इ॒मं य॒ज्ञम्मि॑मिक्षताम् । पि॑पृ॒तां नो॑ भ॒रीम॑भिः ॥
Paragraph: 11
Verse: 1
Sentence: 1=a इ॒दं वा॑मा॒स्ये॑ ह॒विः प्रि॒यमि॑न्द्राबृहस्पती । उ॒क्थम्मद॑श्च शस्यते ॥
Sentence: 2=b अ॒यं वा॒म्परि॑ षिच्यते॒ सोम॑ इन्द्राबृहस्पती । चारु॒र्मदा॑य पी॒तये॑ ॥
Sentence: 3=c अ॒स्मे इ॑न्द्राबृहस्पती र॒यिं ध॑त्तं शत॒ग्विन॑म् । अश्वा॑वन्तं सह॒स्रिण॑म् ॥
Sentence: 4=d बृह॒स्पति॑र्नः॒ परि॑ पातु प॒श्चादु॒तोत्त॑रस्मा॒दध॑रादघा॒योः । इन्द्रः॑ पु॒रस्ता॑दु॒त म॑ध्य॒तो नः॒ सखा॒ सखि॑भ्यो॒ वरि॑वः कृणोतु ॥
Sentence: 5=e वि ते॒ विष्व॒ग्वात॑जूतासो अग्ने॒ भामा॑सः ॥
Verse: 2
Sentence: 1 शु॑चे॒ शुच॑यश्चरन्ति । तु॑विम्र॒क्षासो॑ दि॒व्या नव॑ग्वा॒ वना॑ वनन्ति धृष॒ता रु॒जन्तः॑ ॥
Sentence: 2=f त्वाम॑ग्ने॒ मानु॑षीरीडते॒ विशो॑ होत्रा॒विदं॒ विवि॑चिं रत्न॒धात॑मम् । गुहा॒ सन्तं॑ सुभग वि॒श्वद॑र्शतं तुविष्म॒णसं॑ सु॒यजं॑ घृत॒श्रिय॑म् ॥
Sentence: 3=g धा॒ता द॑दातु नो र॒यिमीशा॑नो॒ जग॑त॒स्पतिः॑ । स नः॑ पू॒र्णेन॑ वावनत् ॥
Sentence: 4=h धा॒ता प्र॒जाया॑ उ॒त रा॒य ई॑शे धा॒तेदं विश्व॒म्भुव॑नं जजान । धा॒ता पु॒त्रं यज॑मानाय॒ दाता॑ ॥
Verse: 3
Sentence: 1 तस्मा॑ उ ह॒व्यं घृ॒तव॑द्विधेम ॥
Sentence: 2=i धा॒ता द॑दातु नो र॒यिम्प्राचीं॑ जी॒वातु॒मक्षि॑ताम् । व॒यं दे॒वस्य॑ धीमहि सुम॒तिं स॒त्यरा॑धसः ॥
Sentence: 3=k धा॒ता द॑दातु दा॒शुषे॒ वसू॑नि प्र॒जाका॑माय मी॒ढुषे॑ दुरो॒णे । तस्मै॑ दे॒वा अ॒मृताः॒ सं व्य॑यन्तां॒ विश्वे॑ दे॒वासो॒ अदि॑तिः स॒जोषाः॑ ॥
Sentence: 4=l अनु॑ नो॒ ऽद्यानु॑मतिर्य॒ज्ञं दे॒वेषु॑ मन्यताम् । अ॒ग्निश्च॑ हव्य॒वाह॑नो॒ भव॑तां दा॒शुषे॒ मयः॑ ॥
Sentence: 5=m अन्विद॑नुमते॒ त्वम् ॥
Verse: 4
Sentence: 1 मन्या॑सै॒ शं च॑ नः कृधि । क्रत्वे॒ दक्षा॑य नो हिनु॒ प्र ण॒ आयूं॑षि तारिषः ॥
Sentence: 2=n अनु॑ मन्यतामनु॒मन्य॑माना प्र॒जाव॑न्तं र॒यिमक्षी॑यमाणम् । तस्यै॑ व॒यं हेड॑सि॒ मापि॑ भूम॒ सा नो॑ देवी सु॒हवा॒ शर्म॑ यछतु ॥
Sentence: 3=o यस्या॑मि॒दम्प्र॒दिशि॒ यद्वि॒रोच॒ते ऽनु॑मति॒म्प्रति॑ भूषन्त्या॒यवः॑ । यस्या॑ उ॒पस्थ॑ उ॒र्व॒न्तरि॑क्षं॒ सा नो॑ दे॒वी सु॒हवा॒ शर्म॑ यछतु ॥
Verse: 5
Sentence: 1=p रा॒काम॒हं सु॒हवां॑ सुष्टु॒ती हु॑वे शृ॒णोतु॑ नः सु॒भगा॒ बोध॑तु॒ त्मना॑ । सीव्य॒त्वपः॑ सू॒च्याछि॑द्यमानया॒ ददा॑तु वी॒रं श॒तदा॑यमु॒क्थ्य॑म् ॥
Sentence: 2=q यास्ते॑ राके सुम॒तयः॑ सु॒पेश॑सो॒ याभि॒र्ददा॑सि दा॒शुषे॒ वसू॑नि । ताभि॑र्नो अ॒द्य सु॒मना॑ उ॒पाग॑हि सहस्रपो॒षं सु॑भगे॒ ररा॑णा ॥
Sentence: 3=r सिनी॑वालि
Sentence: 4=s या सु॑पा॒णिः ।
Sentence: 5=t कु॒हूम॒हं सु॒भगां॑ विद्म॒नाप॑सम॒स्मिन्य॒ज्ञे सु॒हवां॑ जोहवीमि । सा नो॑ ददातु॒ श्रव॑णम्पितृ॒णां तस्या॑स्ते देवि ह॒विषा॑ विधेम ॥
Sentence: 6=u कु॒हूर्दे॒वाना॑म॒मृत॑स्य॒ पत्नी॑ ह॒व्या नो॑ अ॒स्य ह॒विष॑श्चिकेतु । सं दा॒शुषे॑ कि॒रतु॒ भूरि॑ वा॒मं रा॒यस्पोषं॑ चिकि॒तुषे॑ दधातु ॥
Chapter: 4
Paragraph: 1
Verse: 1
Sentence: 1 वि वा ए॒तस्य॑ य॒ज्ञ ऋ॑ध्यते॒ यस्य॑ ह॒विर॑ति॒रिच्य॑ते
Sentence: 2 सूर्यो॑ दे॒वो दि॑वि॒षद्भ्य॒ इत्या॑ह
Sentence: 3 बृह॒स्पति॑ना चै॒वास्य॑ प्र॒जाप॑तिना च य॒ज्ञस्य॒ व्यृ॑द्ध॒मपि॑ वपति
Sentence: 4 रक्षां॑सि॒ वा ए॒तत्प॒शुं स॑चन्ते॒ यदे॑कदेव॒त्य॒ आल॑ब्धो॒ भूया॒न्भव॑ति
Sentence: 5 यस्या॑स्ते॒ हरि॑तो॒ गर्भ॒ इत्या॑ह
Sentence: 6 देवत्रैवैनां गमयति॒ रक्ष॑सा॒मप॑हत्यै ।
Sentence: 7 आ व॑र्तन वर्त॒येत्या॑ह ॥
Verse: 2
Sentence: 1 ब्रह्म॑णैवैन॒मा व॑र्तयति
Sentence: 2 वि ते॑ भिनद्मि तक॒रीमित्या॑ह
Sentence: 3 यथाय॒जुरेवै॒तत् ।
Sentence: 4 उ॑रुद्र॒प्सो वि॒श्वरू॑प॒ इन्दु॒रित्या॑ह
Sentence: 5 प्र॒जा वै॑ प॒शव॒ इन्दुः
Sentence: 6 प्र॒जयैवैनम्प॒शुभिः॒ सम॑र्धयति
Sentence: 7 दिवं वै य॒ज्ञस्य॒ व्यृ॑द्धं गछति
Sentence: 8 पृथि॒वीमति॑रिक्तम् ।
Sentence: 9 तद्यन्न श॒मये॒दार्ति॒मार्छे॒द्यज॑मानस् ।
Sentence: 10 म॒ही द्यौः॑ पृथि॒वी च॑ न॒ इति॑ ॥
Verse: 3
Sentence: 1 आ॑ह
Sentence: 2 द्यावा॑पृथि॒वीभ्या॑मे॒व य॒ज्ञस्य॒ व्यृ॑द्धं॒ चाति॑रिक्तं च शमयति॒ नार्ति॒मार्छ॑ति॒ यज॑मानस् ।
Sentence: 3 भस्म॑ना॒भि समू॑हति स्व॒गाकृ॑त्यै ।
Sentence: 4 अथो॑ अ॒नयो॒र्वा ए॒ष गर्भो॒ ऽनयो॑रेवैनं दधाति
Sentence: 5 यद॑व॒द्येदति॒ तद्रे॑चयेत् ।
Sentence: 6 यन्नाव॒द्येत्प॒शोराल॑ब्धस्य॒ नाव॑ द्येत्
Sentence: 7 पु॒रस्ता॑न्{F {W वै{GLOS नाभ्या॑ अ॒न्यद॑व॒द्येदु॒परि॑ष्टाद॒न्यत्
Sentence: 8 पु॒रस्ताद्वै नाभ्यै ॥
Verse: 4
Sentence: 1 प्रा॒ण उ॒परि॑ष्टादपा॒नस् ।
Sentence: 2 यावा॑ने॒व प॒शुस्तस्याव॑ द्यति
Sentence: 3 विष्णवे शिपिवि॒ष्टाय॑ जुहोति
Sentence: 4 यद्वै॑ य॒ज्ञस्या॑ति॒रिच्य॑ते॒ यः प॒शोर्भू॒मा या पुष्टि॒स्तद्विष्णुः॑ शिपिवि॒ष्टस् ।
Sentence: 5 अति॑रिक्त ए॒वाति॑रिक्तं दधा॒त्यति॑रिक्तस्य॒ शान्त्यै॑ ।
Sentence: 6 अ॒ष्टाप्रू॒ड्ढिर॑ण्यं॒ दक्षि॑णा ।
Sentence: 7 अ॒ष्टाप॑दी॒ ह्ये॒षा ।
Sentence: 8 आ॒त्मा न॑व॒मः
Sentence: 9 प॒शोराप्त्यै॑ ।
Sentence: 10 अ॑न्तरको॒श उ॒ष्णीषे॒णावि॑ष्टितम्भवति ।
Sentence: 11 ए॒वमि॑व॒ हि प॒शुरुल्ब॑मिव॒ चर्मे॑व मां॒समि॒वास्थी॑व
Sentence: 12 यावा॑ने॒व प॒शुस्तमा॒प्त्वाव॑ रुन्द्धे
Sentence: 13 यस्यै॒षा य॒ज्ञे प्राय॑श्चित्तिः क्रि॒यत॑ इ॒ष्ट्वा वसी॑यान्भवति ॥
Paragraph: 2
Verse: 1
Sentence: 1=a आ वा॑यो भूष शुचिपा॒ उप॑ नः स॒हस्रं॑ ते नि॒युतो॑ विश्ववार । उपो॑ ते॒ अन्धो॒ मद्य॑मयामि॒ यस्य॑ देव दधि॒षे पू॑र्व॒पेय॑म् ॥
Sentence: 2=b आकू॑त्यै त्वा॒ कामा॑य त्वा स॒मृधे॑ त्वा किक्कि॒टा ते॒ मनः॑ प्र॒जाप॑तये॒ स्वाहा॑ किक्कि॒टा ते॑ प्रा॒णं वा॒यवे॒ स्वाहा॑ किक्कि॒टा ते॒ चक्षुः॒ सूर्या॑य॒ स्वाहा॑ किक्कि॒टा ते॒ श्रोत्रं॒ द्यावा॑पृथि॒वीभ्यां॒ स्वाहा॑ किक्कि॒टा ते॒ वाचं॒ सर॑स्वत्यै॒ स्वाहा॑ ॥
Verse: 2
Sentence: 1=c त्वं तु॒रीया॑ व॒शिनी॑ व॒शासि॑ स॒कृद्यत्त्वा॒ मन॑सा॒ गर्भ॒ आश॑यत् । व॒शा त्वं व॒शिनी॑ गछ दे॒वान्त्स॒त्याः स॑न्तु॒ यज॑मानस्य॒ कामाः॑ ॥
Sentence: 2=d अ॒जासि॑ रयि॒ष्ठा पृ॑थि॒व्यां सी॑दो॒र्ध्वान्तरि॑क्ष॒मुप॑ तिष्ठस्व दि॒वि ते॑ बृ॒हद्भाः ।
Sentence: 3=e तन्तुं॑ त॒न्वन्रज॑सो भा॒नुमन्वि॑हि॒ ज्योति॑ष्मतः प॒थो र॑क्ष धि॒या कृ॒तान् ।
Sentence: 4=f अ॑नुल्ब॒णं व॑यत॒ जोग्न्वा॒मपो॒ मनु॑र्भव ज॒नया दैव्यं॒ जन॑म् ॥
Sentence: 5=g मन॑सो ह॒विर॑सि प्र॒जाप॑ते॒र्वर्णो॒ गात्रा॑णां ते गात्र॒भाजो॑ भूयास्म ॥
Paragraph: 3
Verse: 1
Sentence: 1 इ॒मे वै॑ स॒हास्ता॑म् ।
Sentence: 2 ते वा॒युर्व्य॑वात्
Sentence: 3 ते ग॑र्भमदधाताम् ।
Sentence: 4 तं सोमः॒ प्राज॑नयद॒ग्निर॑ग्रसत
Sentence: 5 स ए॒तम्प्र॒जाप॑तिराग्ने॒यम॒ष्टाक॑पालमपश्यत्
Sentence: 6 तं निर॑वपत्
Sentence: 7 तेनैवैनाम॒ग्नेरधि॒ निर॑क्रीणात्
Sentence: 8 तस्मा॒दप्य॑न्यदेव॒त्या॑मा॒लभ॑मान आग्ने॒यम॒ष्टाक॑पालम्पु॒रस्ता॒न्निर्व॑पेत् ।
Sentence: 9 अ॒ग्नेरेवैना॒मधि॑ नि॒ष्क्रीया ल॑भते
Sentence: 10 यत् ॥
Verse: 2
Sentence: 1 वा॒युर्व्यवा॒त्तस्मा॑द्वाय॒व्या
Sentence: 2 यदि॒मे गर्भ॒मद॑धातां॒ तस्मा॑द्द्यावापृथि॒व्या
Sentence: 3 यत्सोमः॒ प्राज॑नयद॒ग्निरग्र॑सत॒ तस्मा॑दग्नीषो॒मीया
Sentence: 4 यद॒नयो॑र्विय॒त्योर्वागव॑द॒त्तस्मा॑त्सारस्व॒ती
Sentence: 5 यत्प्र॒जाप॑तिर॒ग्नेरधि॑ नि॒रक्री॑णा॒त्तस्मा॑त्प्राजाप॒त्या
Sentence: 6 सा वा ए॒षा स॑र्वदेव॒त्या॒ यद॒जा व॒शा
Sentence: 7 वा॑य॒व्या॒मा ल॑भेत॒ भूति॑कामस् ।
Sentence: 8 वा॒युर्वै॒ क्षेपि॑ष्ठा दे॒वता
Sentence: 9 वा॒युमे॒व स्वेन॑ ॥
Verse: 3
Sentence: 1 भा॑ग॒धेये॒नोप॑ धावति
Sentence: 2 स एवैन॒म्भूतिं॑ गमयति
Sentence: 3 द्यावापृथि॒व्या॒मा ल॑भेत कृ॒षमा॑णः प्रति॒ष्ठाका॑मस् ।
Sentence: 4 दि॒व ए॒वास्मै॑ प॒र्जन्यो॑ वर्षति॒ व्य॒स्यामोष॑धयो रोहन्ति॒ सम॑र्धुकमस्य स॒स्यम्भ॑वति ।
Sentence: 5 अ॑ग्नीषो॒मीया॒मा ल॑भेत॒ यः का॒मये॑त ।
Sentence: 6 अन्न॑वानन्ना॒दः स्या॒मिति॑ ।
Sentence: 7 अ॒ग्निनै॒वान्न॒मव॑ रुन्द्धे॒ सोमे॑ना॒न्नाद्य॑म्
Sentence: 8 अन्न॑वाने॒वान्ना॒दो भ॑वति
Sentence: 9 सारस्व॒तीमा ल॑भेत॒ यः ॥
Verse: 4
Sentence: 1 ई॑श्व॒रो वा॒चो वदि॑तोः॒ सन्वाचं॒ न वदे॑त् ।
Sentence: 2 वाग्वै॒ सर॑स्वती
Sentence: 3 सर॑स्वतीमे॒व स्वेन॑ भाग॒धेये॒नोप॑ धावति
Sentence: 4 सै॒वास्मि॒न्वाचं॑ दधाति
Sentence: 5 प्राजाप॒त्यामा ल॑भेत॒ यः का॒मये॑त ।
Sentence: 6 अन॑भिजितम॒भि ज॑येय॒मिति
Sentence: 7 वाय॒व्य॒योपाक॑रोति
Sentence: 8 वा॒योरेवैनामव॒रुध्या ल॑भते ।
Sentence: 9 आकू॑त्यै त्वा॒ कामा॑य त्वा ॥
Verse: 5
Sentence: 1 इत्या॑ह
Sentence: 2 यथाय॒जुरेवै॒तत्
Sentence: 3 किक्किटा॒कारं॑ जुहोति
Sentence: 4 किक्किटाका॒रेण वै ग्रा॒म्याः प॒शवो॑ रमन्ते॒ प्रार॒ण्याः प॑तन्ति
Sentence: 5 यत्कि॑क्किटा॒कारं॑ जु॒होति॑ ग्रा॒म्याणा॑म्पशू॒नां धृत्यै
Sentence: 6 पर्य॑ग्नौ क्रि॒यमा॑णे जुहोति
Sentence: 7 जीव॑न्तीमेवैनां सुव॒र्गं लो॒कङ्ग॑मयति
Sentence: 8 त्वं तु॒रीया॑ व॒शिनी॑ व॒शासीत्या॑ह
Sentence: 9 देवत्रैवैनां गमयति
Sentence: 10 स॒त्याः स॑न्तु॒ यज॑मानस्य॒ कामा॒ इत्या॑ह ।
Sentence: 11 ए॒ष वै॒ कामः॑ ॥
Verse: 6
Sentence: 1 यज॑मानस्य॒ यदना॑र्त उ॒दृचं॒ गछ॑ति
Sentence: 2 तस्मा॑दे॒वमा॑ह ।
Sentence: 3 अ॒जासि॑ रयि॒ष्ठेत्या॑ह ।
Sentence: 4 ए॒ष्वेवैनां लो॒केषु॒ प्रति॑ ष्ठापयति
Sentence: 5 दि॒वि ते॑ बृ॒हद्भा इत्या॑ह
Sentence: 6 सुव॒र्ग ए॒वास्मै॑ लो॒के ज्योति॑र्दधाति
Sentence: 7 तन्तुं॑ त॒न्वन्रज॑सो भा॒नुमन्वि॒हीत्या॑ह ।
Sentence: 8 इ॒माने॒वास्मै॑ लो॒काञ्ज्योति॑ष्मतः करोति ।
Sentence: 9 अ॑नुल्ब॒णं व॑यत॒ जोगु॑वा॒मप॒ इति॑ ॥
Verse: 7
Sentence: 1 आ॑ह
Sentence: 2 यदे॒व य॒ज्ञ उ॒ल्बणं॑ क्रि॒यते॒ तस्यैवै॒षा शान्ति॑स् ।
Sentence: 3 मनु॑र्भव जञया दैव्यं॒ जन॒मित्या॑ह
Sentence: 4 मान॒व्यो वै प्र॒जास्ता ए॒वाद्याः॑ कुरुते
Sentence: 5 मन॑सो ह॒विर॒सीत्या॑ह
Sentence: 6 स्व॒गाकृ॑त्यै
Sentence: 7 गात्रा॑णां ते गात्र॒भाजो॑ भूया॒स्मेत्या॑ह ।
Sentence: 8 आ॒शिष॑मेवै॒तामा शा॑स्ते
Sentence: 9 तस्यै॒ वा ए॒तस्या॒ एक॑मे॒वादे॑वयजनं॒ यदाल॑ब्धायाम॒भ्रः ॥
Verse: 8
Sentence: 1 भव॑ति
Sentence: 2 यदाल॑ब्धायाम॒भ्रः स्याद॒प्सु वा॑ प्रवे॒शये॒त्सर्वां॒ वा प्राश्नी॑यात् ।
Sentence: 3 यद॒प्सु प्र॑वे॒शये॑द्यज्ञवेश॒सं कु॑र्यात्
Sentence: 4 सर्वा॑मे॒व प्राश्नी॑यादिन्द्रि॒यमे॒वात्मन्ध॑त्ते
Sentence: 5 सा वा ए॒ष त्रया॑णामे॒वाव॑रुद्धा संवत्सर॒सदः॑ सहस्रया॒जिनो॑ गृहमे॒धिन॑स्
Sentence: 6 त एवै॒तया॑ यजेरन्
Sentence: 7 तेषा॑मेवै॒षाप्ता ॥
Paragraph: 4
Verse: 1
Sentence: 1=a चि॒त्तं च॒ चित्ति॒श्चाकू॑तं॒ चाकू॑तिश्च॒ विज्ञा॑तं च वि॒ज्ञानं॑ च॒ मन॑श्च॒ शक्व॑रीश्च॒ दर्श॑श्च पू॒र्णमा॑सश्च बृ॒हच्च॑ रथन्त॒रं च
Sentence: 2=b प्र॒जाप॑ति॒र्जया॒निन्द्रा॑य॒ वृष्णे॒ प्राय॑छदु॒ग्रः पृ॑त॒नाज्ये॑षु॒ तस्मै॑ विशः॒ सम॑नमन्त॒ सर्वाः॒ स उ॒ग्रः स हि हव्यो॑ ब॒भूव
Sentence: 3 देवासु॒राः संय॑त्ता आस॒न्त्स इन्द्रः॑ प्र॒जाप॑ति॒मुपा॑धाव॒त्तस्मा॑ ए॒ताञ्जया॒न्प्राय॑छ॒त�
Sentence: 4 ततो वै दे॒वा असु॑रानजयन्
Sentence: 5 यदज॑य॒न्तज्जया॑नां जय॒त्वम् ।
Sentence: 6 स्पर्ध॑मानेनै॒ते हो॑त॒व्या॒ जय॑त्ये॒व ताम्पृत॑नाम् ॥
Paragraph: 5
Verse: 1
Sentence: 1=a अ॒ग्निर्भू॒ताना॒मधि॑पतिः॒ स मा॑व॒त्विन्द्रो॑ ज्ये॒ष्ठानां॑ य॒मः पृ॑थि॒व्या वा॒युर॒न्तरि॑कस्य॒ सूर्यो॑ दि॒वश्च॒न्द्रमा॒ नक्ष॑त्राणा॒म्बृह॒स्पति॒र्ब्रह्म॑णो मि॒त्रः स॒त्यानां॒ वरु॑णो॒ ऽपां स॑मु॒द्रः स्रो॒त्याना॒मन्नं॒ साम्रा॑ज्याना॒मधि॑पति॒ तन्मा॑वतु॒ सोम॒ ओष॑धीनां सवि॒ता प्र॑स॒वानां॑ रु॒द्रः प॑शू॒नां त्वष्टा॑ रू॒पाणां॒ विष्णुः॒ पर्व॑तानाम्म॒रतो॑ ग॒णाना॒मधि॑पतय॒स्ते मा॑वन्तु
Sentence: 2=b पित॑रः पितामहाः परे ऽवरे॒ तता॑स्ततामहा इ॒ह मा॑वत ।
Sentence: 3=c अ॒स्मिन्ब्रह्म॑न्न॒स्मिन्क्ष॒त्रे॒ ऽस्यामा॒शिष्य॒स्याम्पु॑रो॒धाया॑म॒स्मिन्कर्म॑न्न॒स्यां दे॒वहू॑त्याम् ॥
Paragraph: 6
Verse: 1
Sentence: 1 दे॒वा वै॒ यद्य॒ज्ञे ऽकु॑र्वत॒ तदसु॑रा अकुर्वत
Sentence: 2 ते दे॒वा ए॒तान॑भ्याता॒नान॑पश्यन्
Sentence: 3 तान॒भ्यात॑न्वत
Sentence: 4 यद्दे॒वानां॒ कर्मासी॒दार्ध्य॑त॒ तत् ।
Sentence: 5 यदसु॑राणां॒ न तदा॑र्ध्यत
Sentence: 6 येन॒ कर्म॒णेर्त्से॒त्तत्र॑ होत॒व्या॑स् ।
Sentence: 7 ऋ॒ध्नोत्ये॒व तेन॒ कर्म॑णा
Sentence: 8 यद्विश्वे॑ दे॒वाः स॒मभ॑र॒न्तस्मा॑दभ्याता॒ना वै॑श्वदे॒वास् ।
Sentence: 9 यद्प्र॒जाप॑ति॒र्जया॒न्प्राय॑छ॒त्तस्मा॒ज्जयाः॑ प्राजापत्याः ॥
Verse: 2
Sentence: 1 यद्रा॑ष्ट्र॒भृद्भी॑ रा॒ष्ट्रमाद॑दत॒ तद्रा॑ष्ट्र॒भृतां॑ राष्ट्रभृ॒त्त्वम् ।
Sentence: 2 ते दे॒वा अ॑भ्यातानै॒रसु॑रान॒भ्यात॑न्वत॒ जयै॑रजयन्राष्ट्र॒भृद्भी॑ रा॒ष्ट्रमाद॑दत
Sentence: 3 यद्दे॒वा अ॑भ्यातानै॒रसु॑रान॒भ्यात॑न्वत॒ तद॑भ्याता॒नाना॑मभ्यातान॒त्वम् ।
Sentence: 4 यज्जयै॒रज॑य॒न्तज्जवा॑नां जय॒त्वम् ।
Sentence: 5 यद्रा॑ष्ट्र॒भृद्भी॑ रा॒ष्ट्रमाद॑दत॒ तद्रा॑ष्ट्र॒भृतां॑ राष्ट्रभृ॒त्त्वम् ।
Sentence: 6 ततो॑ दे॒वा अभ॑व॒न्परासु॑रास् ।
Sentence: 7 यो भ्रातृ॑व्यवा॒न्त्स्यात्स ए॒ताञ्जु॑हुयात् ।
Sentence: 8 अ॑भ्यातानैरे॒व भ्रातृ॑व्यान॒भ्यात॑नुते॒ जयै॑र्जयति राष्ट्र॒भृद्भी॑ रा॒ष्ट्रमा द॑त्ते
Sentence: 9 भव॑त्या॒त्मना॒ परा॑स्य॒ भ्रातृ॑व्यो भवति ॥
Paragraph: 7
Verse: 1
Sentence: 1=a ऋ॑ता॒षाडृ॒तधा॑मा॒ग्निर्ग॑न्ध॒र्वस्तस्यौ॑षधयो ऽप्स॒रस॒ ऊर्जो॒ नाम॒ स इ॒दम्ब्रह्म॑ क्ष॒त्रम॑तु॒ ता इ॒दम्ब्रह्म॑ क्ष॒त्रम्पा॑न्तु॒ तस्मै॒ स्वाहा॒ ताभ्यः॒ स्वाहा
Sentence: 2=b संहि॒तो वि॒श्वसा॑मा॒ सूर्यो॑ गन्ध॒र्वस्तस्य॒ मरी॑चयो ऽप्स॒रस॑ आ॒युवः
Sentence: 3=c सुषु॒म्नः सूर्य॑रश्मिश्च॒न्द्रमा॑ गन्ध॒र्वस्तस्य॒ नक्ष॑त्राण्यप्स॒रसो॑ बे॒कुर॑यस् ।
Sentence: 4=d भु॒ज्युः सु॑प॒र्णो य॒ज्ञो ग॑न्ध॒र्वस्तस्य॒ दक्षि॑णा अप्स॒रस॑ स्त॒वाः
Sentence: 5=e प्र॒जाप॑तिर्वि॒श्वक॑र्मा॒ मनः॑ ॥
Verse: 2
Sentence: 1 ग॑न्ध॒र्वस्तस्य॑र्क्सा॒मान्य॑प्स॒रसो॒ वह्न॑यस् ।
Sentence: 2=f इ॑षि॒रो वि॒श्वव्य॑चा॒ वातो॑ गन्ध॒र्वस्तस्यापो॑ ऽप्स॒रसो॑ मु॒दास् ।
Sentence: 3=g भुव॑नस्य पते॒ यस्य॑ त उ॒परि॑ गृ॒हा इ॒ह च॑ । स नो॑ रा॒स्वाज्या॑निं रा॒यस्पोषं॑ सु॒वीर्यं॑ संवत्स॒रीणां॑ स्व॒स्तिम्
Sentence: 4=h परमे॒ष्ठ्यधि॑पतिर्मृ॒त्युर्ग॑न्ध॒र्वस्तस्य॒ विश्व॑मप्स॒रसो॒ भुवः
Sentence: 5=i सुक्षि॒तिः सुभू॑तिर्भद्र॒कृत्सुव॑र्वान्प॒र्जन्यो॑ गन्ध॒र्वस्तस्य॑ वि॒द्युतो॑ ऽप्स॒रसो॒ रुच॑स् ।
Sentence: 6=k दू॒रेहे॑तिरमृड॒यः ॥
Verse: 3
Sentence: 1 मृ॒त्युर्ग॑न्ध॒र्वस्तस्य॑ प्र॒जा अ॑प्स॒रसो॑ भी॒रुव॑स् ।
Sentence: 2=l चारुः॑ कृपणका॒शी कामो॑ गन्ध॒र्वस्तस्या॒धयो॑ ऽप्स॒रसः॑ शो॒चय॑न्ती॒र्नाम॒ स इ॒दम्ब्राह्म॑ क्ष॒त्रम्पा॑तु॒ ता इ॒दम्ब्रह्म॑ क्ष॒त्रम्पा॑न्तु॒ तस्मै॒ स्वाह॒ ताभ्यः॒ स्वाहा
Sentence: 3=m स नो॑ भुवनस्य पते॒ यस्य॑ त उ॒परि॑ गृ॒हा इ॒ह च॑ । उ॒रु ब्रह्म॑णे ऽस्मै क्ष॒त्राय॒ महि॒ शर्म॑ यछ ॥
Paragraph: 8
Verse: 1
Sentence: 1 रा॒ष्ट्रका॑माय होत॒व्या॑ रा॒ष्ट्रं वै॑ राष्ट्र॒भृतो॑ रा॒ष्ट्रेणै॒वास्मै॑ रा॒ष्ट्रमव॑ रुन्द्धे रा॒ष्ट्रमे॒व भ॑वति ।
Sentence: 2 आ॒त्मने॑ होत॒व्या॑ रा॒ष्ट्रं वै॑ राष्ट्र॒भृतो॑ रा॒ष्ट्रम्प्र॒जा रा॒ष्ट्रम्प॒शवो॑ रा॒ष्ट्रं यच्छ्रेष्ठो॒ भव॑ति रा॒ष्ट्रेणै॒व रा॒ष्ट्रमव॑ रुन्द्धे॒ वसि॑ष्ठः समा॒नाना॑म्भवति
Sentence: 3 ग्राम॑कामाय होत॒व्या॑ रा॒ष्ट्रं वै॑ राष्ट्र॒भृतो॑ रा॒ष्ट्रं स॑जा॒ता रा॒ष्ट्रेणै॒वास्मै॑ रा॒ष्ट्रं स॑जा॒तानव॑ रुन्द्धे ग्रा॒मी ॥
Verse: 2
Sentence: 1 ए॒व भ॑वति ।
Sentence: 2 अ॑धि॒देव॑ने जुहोत्यधि॒देव॑न ए॒वास्मै॑ सजा॒तानव॑ रुन्द्धे॒ त ए॑न॒मव॑रुद्धा॒ उप॑ तिष्ठन्ते
Sentence: 3 रथमु॒ख ओज॑स्कामस्य होत॒व्या॒ ओजो वै राष्ट्र॒भृत॒ ओजो॒ रथ॒ ओज॑सै॒वास्मा॒ ओजो ऽव॑ रुन्द्ध ओज॒स्व्ये॒व भ॑वति
Sentence: 4 यो रा॒ष्ट्रादप॑भूतः॒ स्यात्तस्मै॑ होत॒व्या॒ याव॑न्तो ऽस्य॒ रथाः॒ स्युस्तान्ब्रू॑याद्यु॒ङ्�ति॑ रा॒ष्ट्रमे॒वास्मै॑ युनक्ति ॥
Verse: 3
Sentence: 1 आहु॑तयो॒ वा ए॒तस्याक्ळ्प्ता॒ यस्य॑ रा॒ष्ट्रं न कल्प॑ते स्वर॒थस्य॒ दक्षि॑णं च॒क्रम्प्र॒वृह्य॑ ना॒डीम॒भि जु॑हुया॒दाहु॑तीरे॒वास्य॑ कल्पयति॒ ता अ॑स्य॒ कल्प॑माना रा॒ष्ट्रमनु॑ कल्पते
Sentence: 2 सङ्ग्रा॒मे संय॑त्ते होत॒व्या॑ रा॒ष्ट्रं वै॑ राष्ट्र॒भृतो॑ रा॒ष्ट्रे खलु॒ वा ए॒ते व्याय॑छन्ते॒ ये सं॑ग्रा॒मं सं॒यन्ति॒ यस्य॒ पूर्व॑स्य॒ जुह्व॑ति॒ स ए॒व भ॑वति॒ जय॑ति॒ तं सं॑ग्रा॒मं मा॑न्धु॒क इ॒ध्मः ॥
Verse: 4
Sentence: 1 भ॑व॒त्यङ्गा॑रा ए॒व प्र॑ति॒वेष्ट॑माना अ॒मित्रा॑णामस्य॒ सेना॒म्प्रति॑ वेष्टयन्ति
Sentence: 2 य उ॒न्माद्ये॒त्तस्मै॑ होत॒व्या॑ गन्धर्वाप्स॒रसो॒ वा ए॒तमुन्मा॑दयन्ति॒ य उ॒न्माद्य॑त्ये॒ते खलु वै गन्धर्वाप्स॒रसो॒ यद्रा॑ष्ट्र॒भृत॒स्तस्मै॒ स्वाहा॒ ताभ्यः॒ स्वाहेति॑ जुहोति॒ तेनैवैनाञ्छमयति
Sentence: 3 नैयग्रोध औदुम्बर॒ आश्व॑त्थः॒ प्लाक्ष॒ इती॒ध्मो भ॑वत्ये॒ते वै॑ गन्धर्वाप्स॒रसां॑ गृ॒हाः स्व एवैनान् ॥
Verse: 5
Sentence: 1 आ॒यत॑ने शमयति ।
Sentence: 2 अ॑भि॒चर॑ता प्रतिलो॒मं हो॑त॒व्याः॑ प्रा॒णाने॒वास्य॑ प्र॒तीचः॒ प्रति॑ यौति॒ तं ततो॒ येन॒ केन॑ च स्तृणुते
Sentence: 3 स्वकृ॑त॒ इरि॑णे जुहोति प्रद॒रे वै॒तद्वा अस्यै॒ निरृ॑तिगृहीतं॒ निरृ॑तिगृहीत एवैनं॒ निरृ॑त्या ग्राहयति॒ यद्वा॒चः क्रू॒रम्तेन॒ वष॑ट्करोति वा॒च एवैनं क्रू॒रेण॒ प्र वृ॑श्चति ता॒जगार्�
Sentence: 4 यस्य॑ का॒मये॑ता॒न्नाद्य॑म् ॥
Verse: 6 Sentence: 1 आ द॑दी॒येति॒ तस्य॑ स॒भाया॑मुत्ता॒नो नि॒पद्य॒ भुव॑नस्य पत॒ इति॒ तृणा॑नि॒ सं गृ॑ह्णीयात्प्र॒ज�र्वै॒ भुव॑नस्य॒ पतिः॑ प्र॒जाप॑तिनै॒वास्या॒न्नाद्य॒मा द॑त्त इ॒दम॒हम॒मुष्या॑मुष्याय॒णस्या॒�द्यं॑ हरा॒मीत्या॑हा॒न्नाद्य॑मे॒वास्य॑ हरति ष॒ड्भिर्ह॑रति॒ षड्वा ऋ॒तवः॑ प्र॒जाप॑तिनै॒वास्यवो॑ ऽस्मा॒ अनु॒ प्र य॑छन्ति ॥
Verse: 7 Sentence: 1 यो ज्ये॒ष्ठब॑न्धु॒रप॑भूतः॒ स्यात्तं स्थले॑ ऽव॒साय्य॑ ब्रह्मौद॒नं चतुः॑शरावम्प॒क्त्वा तस्मै॑ होत॒व्या॒ वर्ष्म वै राष्ट्र॒भृतो॒ वर्ष्म॒ स्थलं॒ वर्ष्म॑णैवैनं॒ वर्ष्म॑ समा॒नानां॑ गमयति॒ चतुः॑शरावो भवति दि॒क्ष्वे॒व प्रति॑ तिष्ठति क्षी॒रे भ॑वति॒ रुचं॑ ए॒वास्मि॑न्दधा॒�ति शृत॒त्वाय॑ स॒र्पिष्वा॑न्भवति मेध्य॒त्वाय॒ चत्वा॑र आर्षे॒याः प्राश्न॑न्ति दि॒शामे॒व ज्योति॑षि जुहोति ॥
Paragraph: 9
Verse: 1
Sentence: 1 देवि॑का॒ निर्व॑पेत्प्र॒जाका॑म॒श्छन्दां॑सि वै॒ देवि॑का॒श्छन्दां॑सीव॒ खलु वै प्र॒जाश्छन्दो॑स्मै॑ प्र॒जाः प्र ज॑नयति
Sentence: 2 प्रथ॒मं धा॒तारं॑ करोति मिथु॒नी ए॒व तेन॑ करो॒त्यन्वे॒वास्मा॒ अनु॑मतिर्मन्यते रा॒ते रा॒का प्र सि॑नीव॒ली ज॑नयति प्र॒जास्वे॒व प्रजा॑तासु कु॒ह्वा॒ वाचं॑ दधाति ।
Sentence: 3 ए॒ता ए॒व निर्व॑पेत्प॒शुका॑म॒श्छन्दां॑सि वै॒ देवि॑का॒श्छन्दां॑सि ॥
Verse: 2
Sentence: 1 इ॑व॒ खलु वै प॒शव॒श्छन्दो॑भिरे॒वास्मै॑ प॒शून्प्र ज॑नयति प्रथ॒मं धा॒तारं॑ करोति प्रै॒व तेन॑ वापय॒त्यन्वे॒वास्मा॒ अनु॑मतिर्मन्यते रा॒ते रा॒का प्र सि॑नीवा॒ली ज॑नयति प॒शूने॒व प्रजा॑तान्कु॒ह्वा॒ प्रति॑ ष्ठापयति ।
Sentence: 2 ए॒ता ए॒व निर्व॑पे॒द्ग्राम॑काम॒श्छन्दां॑सि वै॒ देवि॑का॒श्छन्दां॑सीव॒ खलु वै॒ ग्राम॒श्छन्दो�स्मै॒ ग्राम॑म् ॥
Verse: 3
Sentence: 1 अव॑ रुन्द्धे मध्य॒तो धा॒तारं॑ करोति मध्य॒त एवैनं॒ ग्राम॑स्य दधाति ।
Sentence: 2 ए॒ता ए॒व निर्व॑पे॒ज्ज्योगा॑मयावी॒ छन्दां॑सि वै॒ देवि॑का॒श्छन्दां॑सि॒ खलु॒ वा ए॒तम॒भि म॑नयन्ते॒ यस्य॒ ज्योगा॒मय॑ति॒ छन्दो॑भिरेवैनमग॒दं क॑रोति मध्य॒तो धा॒तारं॑ करोति मध्य॒तो वा ए॒तस्याक्ळ्प्तं॒ यस्य॒ ज्योगा॒मय॑ति मध्य॒त ए॒वास्य॒ तेन॑ कल्पयति ।
Sentence: 3 ए॒ता ए॒व निः॑ ॥
Verse: 4
Sentence: 1 व॑पे॒द्यं य॒ज्ञो नोप॒नमे॒च्छन्दां॑सि वै॒ देवि॑का॒श्छन्दां॑सि॒ खलु॒ वा ए॒तं नोप॑ नमन्ति॒ यं य॒ज्ञो नोप॒नम॑ति प्रथ॒मं धा॒तारं॑ करोति मुख॒त ए॒वास्मै॒ छन्दां॑सि दधा॒त्युपै॑नं य॒ज्ञो न॑मति ।
Sentence: 2 ए॒ता ए॒व निर्व॑पेदीजा॒नश्छन्दां॑सि वै॒ देवि॑का या॒तया॑मानीव॒ खलु॒ वा ए॒तस्य॒ छन्दां॑सि॒ य ई॑जा॒न उ॑त्त॒मं धा॒तारं॑ करोति ॥
Verse: 5
Sentence: 1 उ॒परि॑ष्टादे॒वास्मै॒ छन्दां॒स्यया॑तयामा॒न्यव॑ रुन्द्ध॒ उपै॑न॒मुत्त॑रो य॒ज्ञो न॑मति ।
Sentence: 2 ए॒ता ए॒व निर्व॑पे॒द्यम्मे॒धा नोप॒नमे॒च्छन्दां॑सि वै॒ देवि॑का॒श्छन्दां॑सि॒ खलु॒ वा ए॒तं नोप॑ नम॒न्ति यम्मे॒धा नोप॒नम॑ति प्रथ॒मं धा॒तारं॑ करोति मुख॒त ए॒वास्मै॒ छन्दां॑सि दधा॒त्युपै॑नम्मे॒धा न॑मति ।
Sentence: 3 ए ताए॒व निर्व॑पेत् ॥
Verse: 6
Sentence: 1 रुक्का॑म॒श्छन्दां॑सि वै॒ देवि॑का॒श्छन्दां॑सीव॒ खलु वै॒ रुक्छन्दो॑भिरे॒वास्मि॒न्रुचं॑ दधाति क्षी॒रे भ॑वन्ति॒ रुच॑मे॒वास्मि॑न्दधति मध्य॒तो धा॒तारं॑ करोति मध्य॒त एवैनं रु॒चो द॑धाति
Sentence: 2 गाय॒त्री वा अनु॑मतिस्तृ॒ष्टुग्रा॒का जग॑ती सिनीवा॒ल्य॑नु॒ष्टुप्कु॒हूर्धा॒ता व॑षट्का॒रः पू॑र्वप॒क्षो रा॒काप॑रप॒क्षः कु॒हूर॑मावा॒स्या॑ सिनीव॒ली पौ॑र्णमा॒स्यनु॑मतिश्च॒न्द्रमा॑ धा॒ता ।
Sentence: 3 अष्टौ ॥
Verse: 7
Sentence: 1 वस॑वो॒ ऽष्टाक्ष॑रा गाय॒त्र्येका॑दश रु॒द्रा एका॑दशाक्षरा त्रि॒ष्टुब्द्वाद॑शादि॒त्या द्वाद॑रा॒ जग॑ती प्र॒जाप॑तिरनु॒ष्टुब्धा॒ता व॑षट्का॒रस् ।
Sentence: 2 ए॒तद्वै॒ देवि॑काः॒ सर्वा॑णि च॒ छन्दां॑सि॒ सर्वा॑श्च दे॒वता॑ वषट्का॒रस्ता यत्स॒ह सर्वा॑ नि॒र्वपे॑दीश्व॒रा ए॑नम्प्र॒दहो॒ द्वे प्र॑थ॒मे नि॒रुप्य॑ धा॒तुस्तृ॒तीयं॒ निर्व॑पे॒त्�थो॑ एवोत्तरे॒ निर्व॑पे॒त्तथै॑नं॒ न प्र द॑ह॒न्त्यथो॒ यस्मै॒ कामा॑य निरु॒प्यन्ते॒ तमे॒वाभि॒रुति ॥
Paragraph: 10
Verse: 1
Sentence: 1=a वास्तो॑ष्पते॒ प्रति॑ जानीह्य॒स्मान्त्स्वा॑वे॒शो अ॑नमी॒वो भ॑वा नः । यत्त्वेम॑हे॒ प्रति॒ तन्नो॑ जुषस्व॒ शं न॑ एधि द्वि॒पदे॒ शं चतु॑ष्पदे ॥
Sentence: 2=b वास्तो॑ष्पते श॒ग्मया॑ सं॒सदा॑ ते सक्षी॒महि॑ र॒ण्वया॑ गातु॒मत्या॑ । आवः॒ क्षेम॑ उ॒त योगे॒ वरं॑ नो यू॒यम्पा॑त स्व॒स्तिभिः॒ सदा॑ नः ॥
Sentence: 3 यत्सा॒यम्प्रा॑तरग्निहो॒त्रं जु॒होत्या॑हुतीष्ट॒का ए॒व ता उप॑ धत्ते ॥
Verse: 2
Sentence: 1 यज॑मानो ऽहोरा॒त्राणि॒ वा ए॒तस्येष्ट॑का॒ य आहि॑ताग्नि॒र्यत्सा॒यम्प्रा॑तर्जु॒होत्य॑होरा॒त्�॑काः कृ॒त्वोप॑ धत्ते
Sentence: 2 दश॑ समा॒नत्र॑ जुहोति॒ दशा॑क्षरा वि॒राड्वि॒राज॑मे॒वाप्त्वेष्ट॑कां कृ॒त्वोप॑ धत्ते ।
Sentence: 3 अथो॑ वि॒राज्ये॒व य॒ज्ञमा॑प्नोति॒ चित्य॑श्चित्यो ऽस्य भवति॒ तस्मा॒द्यत्र॒ दशो॑षि॒त्वा प्र॒याति॒ तद्य॒ज्ञवा॒स्त्ववा॑स्त्वे॒व तद्यत्ततो॑ ऽर्वा॒चीन॑म् ॥
Verse: 3
Sentence: 1 रु॒द्रः खलु वै वास्तोष्प॒तिर्यदहु॑त्वा वास्तोष्प॒तीय॑म्प्रया॒याद्रु द्रएनम्भू॒त्वाग्निर॑�य॑ हन्याद्वास्तोष्प॒तीयं॑ जुहोति भाग॒धेये॑नैवैनं शमयति॒ नार्ति॒मार्छ॑ति॒ यज॑मानस् ।
Sentence: 2 यद्यु॒क्ते जु॑हु॒याद्यथा॒ प्रया॑ते॒ वास्ता॒वाहु॑तिं जु॒होति॑ ता॒दृगे॒व तद्यदयु॑क्ते जुहु॒�था॒ क्षेम॒ आहु॑तिं जु॒होति॑ ता॒दृगे॒व तदहु॑तमस्य वास्तोष्प॒तीयं॑ स्यात् ॥
Verse: 4
Sentence: 1 दक्षि॑णो यु॒क्तो भव॑ति स॒व्यो ऽयु॑क्तस् ।
Sentence: 2 अथ॑ वास्तोष्प॒तीयं॑ जुहोत्यु॒भय॑मे॒वाक॒रप॑रिवर्गमेवैनं शमयति
Sentence: 3 यदेक॑या जुहु॒याद्द॑र्विहो॒मं कु॑र्यात्पुरोऽनुवा॒क्या॑म॒नूच्य॑ या॒ज्य॑या जुहोति सदेव॒त्वा�
Sentence: 4 यद्धु॒त आ॑द॒ध्याद्रु॒द्रं गृ॒हान॒न्वारो॑हये॒द्यद॑व॒क्षाणा॒न्यस॑म्प्रक्षाप्य प्रया॒याद्यथा॑ यज्ञवेश॒सं वा॒दह॑नं वा ता॒दृगे॒व तत् ।
Sentence: 5 अ॒यं ते॒ योनि॑रृ॒त्विय॒ इत्य॒रण्योः॑ स॒मारो॑हयति ॥
Verse: 5
Sentence: 1 ए॒ष वा अ॒ग्नेर्योनिः॒ स्व एवैनं॒ योनौ॑ स॒मारो॑हयति ।
Sentence: 2 अथो॒ खल्वा॑हु॒र्यद॒रण्योः॑ स॒मारू॑ढो॒ नश्ये॒दुद॑स्या॒ग्निः सी॑देत्पुनरा॒धेयः॑ स्या॒दिति
Sentence: 3 या ते॑ अग्ने य॒ज्ञिया॑ त॒नूस्तये॒ह्या रो॒हेत्या॒त्मन्त्स॒मारो॑हयते
Sentence: 4 यज॑मानो॒ वा अ॒ग्नेर्योनिः॒ स्वाया॑मेवैनं॒ योन्यां॑ स॒मारो॑हयते ॥
Paragraph: 11
Verse: 1
Sentence: 1=a त्वम॑ग्ने बृ॒हद्वयो॒ दधा॑सि देव दा॒शुषे॑ । क॒विर्गृ॒हप॑ति॒र्युवा॑ ॥
Sentence: 2=b ह॑व्य॒वाड॒ग्निर॒जरः॑ पि॒ता नो॑ वि॒भुर्वि॒भावा॑ सु॒दृशी॑को अ॒स्मे । सु॑गार्हप॒त्याः समिषो॑ दिदीह्यस्म॒द्रिय॒क्सम्मि॑मीहि॒ श्रवां॑सि ॥
Sentence: 3=c त्वं च॑ सोम नो॒ वशो॑ जी॒वातुं॒ न म॑रामहे । प्रि॒यस्तो॑त्रो॒ वन॒स्पतिः॑ ॥
Sentence: 4=d ब्र॒ह्मा दे॒वाना॑म्पद॒वीः क॑वी॒नामृषि॒र्विप्रा॑णाम्महि॒षो मृ॒गाणा॑म् । श्ये॒नो गृध्रा॑णां॒ स्वधि॑ति॒र्वना॑नां॒ सोमः॑ ॥
Verse: 2
Sentence: 1 प॒वित्र॒मत्ये॑ति॒ रेभ॑न् ॥
Sentence: 2=e आ वि॒श्वदे॑वं॒ सत्प॑तिं सूक्तैर॒द्या वृ॑णीमहे । स॒त्यस॑वं सवि॒तार॑म् ॥
Sentence: 3=f आ स॒त्येन॒ रज॑सा॒ वर्त॑मानो निवे॒शय॑न्न॒मृत॒म्मर्त्यं॑ च । हि॒र्ण्यये॑न सवि॒ता रथे॑ना दे॒वो या॑ति॒ भुव॑ना वि॒पश्य॑न् ॥
Sentence: 4=g यथा॑ नो॒ अदि॑तिः॒ कर॒त्पश्वे॒ नृभ्यो॒ यथा॒ गवे॑ । यथा॑ तो॒काय॑ रु॒द्रिय॑म् ॥
Sentence: 5=h मा न॑स्तो॒के तन॑ये॒ मा न॒ आयु॑षि॒ मा नो॒ गोषु॒ मा ॥
Verse: 3
Sentence: 1 नो॒ अश्वे॑षु रीरिषः । वी॒रान्मा नो॑ रुद्र भामि॒तो व॑धीर्ह॒विष्म॑न्तो॒ नम॑सा विधेम ते ॥
Sentence: 2=i उ॑द॒प्रुतो॒ न वयो॒ रक्ष॑माणा॒ वाव॑दतो अ॒भ्रिय॑स्येव॒ घोषाः॑ । गि॑रि॒भ्रजो॒ नोर्मयो॒ मद॑न्तो॒ बृह॒स्पति॑म॒भ्य॒र्का अ॑नावन् ॥
Sentence: 3=k हंसैरिव॒ सखि॑भि॒र्वाव॑दद्भिरश्म॒न्मया॑नि॒ नह॑ना॒ व्यस्य॑न् । बृह॒स्पति॑रभि॒कनि॑क्रद॒द्गा उ॒त प्रास्तौ॒दुच्च॑ वि॒द्वान॑गायत् ॥
Sentence: 4=l एन्द्र॑ सान॒सिं र॒यिम् ॥
Verse: 4
Sentence: 1 स॒जित्वा॑नं सदा॒सह॑म् । वर्षि॑ष्ठमू॒तये॑ भर ॥
Sentence: 2=m प्र स॑साहिषे पुरुहूत॒ शत्रू॒ञ्ज्येष्ठ॑स्ते॒ शुष्म॑ इ॒ह रा॒तिर॑स्तु । इन्द्रा॑ भव॒ दक्षि॑णेना॒ वसू॑नि॒ पतिः॒ सिन्धू॑नामसि रे॒वती॑नाम् ॥
Sentence: 3=n त्वं सु॒तस्य॑ पी॒तये॑ स॒द्यो वृ॒द्धो अ॑जायथाः । इन्द्र ज्यैष्ठ्याय सुक्रतो ॥
Sentence: 4=o भु॒वस्त्वमि॑न्द्र॒ ब्रह्म॑णा म॒हान्भुवो॒ विश्वे॑षु॒ सव॑नेषु य॒ज्ञियः॑ । भुवो॒ नॄंश्च्यौ॒त्नो विश्व॑स्मि॒न्भरे॒ ज्येष्ठ॑श्च॒ मन्त्रः॑ ॥
Verse: 5
Sentence: 1 वि॑श्वचर्षणे ॥
Sentence: 2=p मि॒त्रस्य॑ चर्षणी॒धृतः॒ श्रवो॑ दे॒वस्य॑ सान॒सिम् । स॒त्यं चि॒त्रश्र॑वस्तमम् ॥
Sentence: 3=q मि॒त्रो जना॑न्यातयति प्रजा॒नन्मि॒त्रो दा॑धार पृथि॒वीमु॒त द्याम् । मि॒त्रः कृ॒ष्टीरनि॑मिषा॒भि च॑ष्टे स॒त्याय॑ ह॒व्यं घृ॒तव॑द्विधेम ॥
Sentence: 4=r प्र स मि॑त्र॒ मर्तो॑ अस्तु॒ प्रय॑स्वा॒न्यस्त॑ आदित्य॒ शिक्ष॑ति व्र॒तेन॑ । न ह॑न्यते॒ न जी॑यते॒ त्वोतो नैन॒मंहो॑ अश्नो॒त्यन्ति॑तो॒ न दू॒रात् ॥
Sentence: 5=s यत् ॥
Verse: 6
Sentence: 1 चि॒द्धि ते॒ विशो॑ यथा॒ प्र दे॑व वरुण व्र॒तम् । मि॑मी॒मसि॒ द्यवि॑द्यवि ॥
Sentence: 2=t यत्किं चे॒दं व॑रुण दैव्ये॒ जने॑ ऽभिद्रो॒हम्म॑नु॒ष्या॒श्चरा॑मसि । अचि॑त्ती॒ यत्तव॒ धर्मा॑ युयोपि॒म मा न॒स्तस्मा॒देन॑सो देव रीरिषः ॥
Sentence: 3=u कि॑त॒वासो॒ यद्रि॑रि॒पुर्न दी॒वि यद्वा॑ घा स॒त्यमु॒त यन्न वि॒द्म । सर्वा॒ ता वि ष्य॑ शिथि॒रेव॑ दे॒वाथा॑ ते स्याम वरुण प्रि॒यासः॑ ॥
Chapter: 5
Paragraph: 1
Verse: 1
Sentence: 1=a पू॒र्णा प॒श्चादु॒त पू॒र्णा पु॒रस्ता॒दुन्म॑ध्य॒तः पौ॑र्णमा॒सी जि॑गाय । तस्यां॑ दे॒वा अधि॑ सं॒वस॑न्त उत्त॒मे नाक॑ इ॒ह मा॑दयन्ताम् ॥
Sentence: 2=b यत्ते॑ दे॒वा अद॑धुर्भाग॒धेय॒ममा॑वास्ये सं॒वस॑न्तो महि॒त्वा । सा नो॑ य॒ज्ञम्पि॑पृहि विश्ववारे र॒यिं नो॑ धेहि सुभगे सु॒वीर॑म् ॥
Sentence: 3=c नि॒वेश॑नी सं॒गम॑नी॒ वसू॑नां॒ विश्वा॑ रू॒पाणि॒ वसू॑न्यावे॒शय॑न्ती । स॑हस्रपो॒षं सु॒भगा॒ ररा॑णा॒ सा न॒ आ ग॒न्वर्च॑सा ।२ सं॑विदा॒ना ॥
Verse: 2
Sentence: 1=d अग्नी॑षोमौ प्रथमौ वी॒र्ये॑ण॒ वसू॑न्रु॒द्राना॑दि॒त्यानि॒ह जि॑न्वतम् । मा॒ध्यं हि पौ॑र्णमा॒सं जु॒षेथा॒म्ब्रह्म॑णा वृद्धौ सुकृ॒तेन॑ सा॒तावथा॒स्मभ्यं॑ स॒हवी॑रां र॒यिं नि य॑छतं ॥
Sentence: 2 आ॑दि॒त्याश्चा॑ङ्गिरसश्चा॒ग्नीनाद॑धत॒ ते द॑र्शपूर्णमासौ प॒रिप्स॑न्
Sentence: 3 तेषा॒मङ्गि॑रसां॒ निरु॑प्तं ह॒विरासी॒दथा॑दि॒त्या एतौ॒ होमा॑वपश्य॒न्ताव॑जुहवु॒स्ततो वै॒ ते द॑र्शपूर्णमासौ ॥
Verse: 3
Sentence: 1 पूर्व॒ आल॑भन्त
Sentence: 2 दर्शपूर्णमा॒सावा॒लभ॑मान एतौ॒ होमौ॑ पु॒रस्ता॑ज्जुहुयात्सा॒क्षादे॒व द॑र्शपूर्णमा॒सावा ल॑भते
Sentence: 3 ब्रह्मवा॒दिनो॑ वदन्ति
Sentence: 4 स त्वै॑ दर्शपूर्णमा॒सावाल॑भेत॒ य ए॑नयोरनुलो॒मं च॑ प्रतिलो॒मं च॑ वि॒द्यादिति॑ ।
Sentence: 5 अ॑मावा॒स्या॑या ऊ॒र्ध्वं तद॑नुलो॒मम्पौ॑र्णमास्यै प्रती॒चीनं॒ तत्प्र॑तिलो॒मम् ।
Sentence: 6 यत्पौ॑र्णमा॒सीम्पूर्वा॑मा॒लभे॑त प्रतिलो॒ममे॑ना॒वा ल॑भेता॒मुम॑प॒क्षीय॑माण॒मन्वप॑ ॥
Verse: 4
Sentence: 1 क्षी॑येत
Sentence: 2 सारस्वतौ॒ होमौ॑ पु॒रस्ता॑ज्जुहुयादमावा॒स्या वै॒ सर॑स्वत्यनुलो॒ममेवैना॒वा ल॑भते॒ ऽमुमा॒प्यन्वा प्या॑यते ।
Sentence: 3 आ॑ग्नावैष्ण॒वमेका॑दशकपालम्पु॒रस्ता॒न्निर्व॑पे॒त्सर॑स्वत्यै च॒रुं सर॑स्वते॒ द्वाद॑शकपालम् ।
Sentence: 4 यदा॑ग्ने॒यो भव॑त्य॒ग्निर्वै॑ यज्ञमु॒खं य॑ज्ञमु॒खमे॒वर्द्धि॑म्पु॒रस्ता॑द्धत्ते
Sentence: 5 यद्वै॑ष्ण॒वो भव॑ति य॒ज्ञो वै॒ विष्णु॑र्य॒ज्ञमे॒वारभ्य॒ प्र त॑नुते
Sentence: 6 सर॑स्वत्यै च॒रुर्भ॑वति॒ सर॑स्वते॒ द्वाद॑शकपालो ऽमावा॒स्या वै॒ सर॑स्वती पू॒र्णमा॑सः॒ सर॑स्वा॒न्तावे॒व सा॒क्षादा र॑भत ऋ॒ध्नोत्या॑भ्याम् ।
Sentence: 7 द्वाद॑शकपालः॒ सर॑स्वते भवति मिथुन॒त्वाय॒ प्रजा॑त्यै
Sentence: 8 मिथुनौ॒ गावौ॒ दक्षि॑णा॒ समृ॑द्ध्यै ॥
Paragraph: 2
Verse: 1
Sentence: 1 ऋष॑यो॒ वा इन्द्र॑म्प्र॒त्यक्षं॒ नाप॑श्यन्
Sentence: 2 तं वसि॑ष्ठः प्र॒त्यक्ष॑म्पश्यत्
Sentence: 3 सो॑ ऽब्रवी॒द्ब्राह्म॑णं ते वक्ष्यामि॒ यथा॒ त्वत्पु॑रोहिताः प्र॒जाः प्र॑जनि॒ष्यन्ते ऽथ॒ मेत॑रेभ्य॒ ऋषि॑भ्यो॒ मा प्र वो॑च॒ इति
Sentence: 4 तस्मा॑ ए॒तान्त्स्तोम॑भागानब्रवीत्
Sentence: 5 ततो॒ वसि॑ष्ठपुरोहिताः प्र॒जाः प्राजा॑यन्त
Sentence: 6 तस्मा॑द्वासि॒ष्ठो ब्र॒ह्मा का॒र्यः प्रै॒व जा॑यते
Sentence: 7 र॒श्मिर॑सि॒ क्षया॑य त्वा॒ क्षयं॑ जि॒न्वेति॑ ॥
Verse: 2
Sentence: 1 आ॑ह दे॒वा वै॒ क्षयो॑ दे॒वेभ्य॑ ए॒व य॒ज्ञम्प्राह
Sentence: 2 प्रेति॑रसि॒ धर्मा॑य त्वा॒ धर्मं॑ जि॒न्वेत्या॑ह मनु॒ष्या वै॒ धर्मो॑ मनु॒ष्ये॑भ्य ए॒व य॒ज्ञम्प्राहान्वि॑तिरसि दि॒वे त्वा॒ दिवं॑ जि॒न्वेत्या॑है॒भ्य ए॒व लो॒केभ्यो॑ य॒ज्ञम्प्रा�
Sentence: 3 विष्ट॒म्भो॑ ऽसि॒ वृष्ट्यै॑ त्वा॒ वृष्टिं॑ जि॒न्वेत्या॑ह॒ वृष्टिं॑ ए॒वाव॑ ॥
Verse: 3
Sentence: 1 रु॑न्द्धे
Sentence: 2 प्र॒वास्य॑नु॒वासीत्या॑ह मिथुन॒त्वाय॑ ।
Sentence: 3 उ॒शिग॑सि॒ वसु॑भ्यस्त्वा॒ वसू॑ञ्जि॒न्वेत्या॑हाष्टौ॒ वस॑व॒ एका॑दश रु॒द्रा द्वाद॑शादि॒त्या ए॒ताव॑न्तो वै दे॒वास्तेभ्य॑ ए॒व य॒ज्ञम्प्राह॑ ।
Sentence: 4 ओजो॑ ऽसि पि॒तृभ्य॑स्त्वा पि॒तॄञ्जि॒न्वेत्या॑ह दे॒वाने॒व पि॒तॄननु॒ सं त॑नोति
Sentence: 5 तन्तु॑रसि प्र॒जाभ्य॑स्त्वा प्र॒जा जि॑न्व ॥
Verse: 4
Sentence: 1 इत्या॑ह पि॒तॄने॒व प्र॒जा अनु॒ सं त॑नोति
Sentence: 2 पृतना॒षाड॑सि प॒शुभ्य॑स्त्वा प॒शूञ्जि॒न्वेत्या॑ह प्र॒जा ए॒व प॒शूननु॒ सं त॑नोति
Sentence: 3 रे॒वद॒स्योष॑धीभ्यस्त्वौषधीर्जि॒न्वेत्याहौषधीष्वे॒व प॒शून्प्रति॑ ष्ठापयति ।
Sentence: 4 अ॑भि॒जिद॑सि यु॒क्तग्रा॒वेन्द्रा॑य॒ त्वेन्द्रं॑ जि॒न्वेत्या॑हा॒भिजि॑त्या॒ अधि॑पतिरसि प्रा॒णाय॑ त्वा प्रा॒णम् ॥
Verse: 5
Sentence: 1 जि॒न्वेत्या॑ह प्र॒जास्वे॒व प्रा॒णान्द॑धाति
Sentence: 2 त्रि॒वृद॑सि प्र॒वृद॒सीत्या॑ह मिथुन॒त्वाय
Sentence: 3 संरो॒हो॑ ऽसि नीरो॒हो॒ ऽसीत्या॑ह॒ प्रजा॑त्यै
Sentence: 4 वसु॒को॑ ऽसि॒ वेष॑श्रिरसि॒ वस्य॑ष्टिर॒सीत्या॑ह॒ प्रति॑ष्ठित्यै ॥
Paragraph: 3
Verse: 1
Sentence: 1=a अ॒ग्निना॑ दे॒वेन॒ पृत॑ना जयामि गाय॒त्रेण॒ छन्द॑सा तृ॒वृता॒ स्तोमे॑न रथन्त॒रेण॒ साम्ना॑ वषट्क�ण॒ वज्रे॑ण पूर्व॒जान्भ्रातृ॑व्या॒नध॑रान्पादया॒म्यवै॑नान्बाधे॒ प्रत्ये॑नान्नुदे॒ ऽस्मिन्�ये॒ ऽस्मिन्भू॑मिलो॒के यो॒ ऽस्मान्द्वेष्टि॒ यं च॑ व॒यं द्वि॒ष्मो विष्णोः॒ क्रमे॒णात्ये॑नान्कमि ।
Sentence: 2=b इन्द्रे॑ण दे॒वेन॒ पृत॑ना जयामि त्रैष्टुभेन॒ छन्द॑सा पञ्चद॒शेन॒ स्तोमे॑न बृह॒ता साम्ना॑ वषट्का॒रेण॒ वज्रे॑ण ॥
Verse: 2
Sentence: 1 स॑ह॒जान्
Sentence: 2=c विश्वे॑भिर्दे॒वेभिः॒ पृत॑ना जयामि॒ जाग॑तेन॒ छन्द॑सा सप्तद॒शेन॒ स्तोमे॑न वामदे॒व्येन॒ साम्ना॑ वषट्का॒रेण॒ वज्रे॑णापर॒जान्
Sentence: 3=d इन्द्रे॑ण स॒युजो॑ व॒यं सा॑स॒ह्याम॑ पृतन्य॒तः । घ्नन्तो॑ वृ॒त्राण्य॑प्र॒ति
Sentence: 4=e यत्ते॑ अग्ने॒ तेज॒स्तेना॒हं ते॑ज॒स्वी भू॑यासं॒ यत्ते॑ अग्ने॒ वर्च॒स्तेना॒हं व॑च॒स्वी भू॑यासं॒ यत्ते॑ अग्ने॒ हर॒स्तेना॒हं ह॑र॒स्वी भू॑यासम् ॥
Paragraph: 4
Verse: 1
Sentence: 1=a ये दे॒वा य॑ज्ञ॒हनो॑ यज्ञ॒मुषः॑ पृथि॒व्यामध्यास॑ते । अ॒ग्निर्मा॒ तेभ्यो॑ रक्षतु॒ गछे॑म सु॒कृतो॑ व॒यम् ॥
Sentence: 2=b आग॑न्म मित्रावरुणा वरेण्या॒ रात्री॑णाम्भा॒गो यु॒वयो॒र्यो अस्ति॑ । नाकं॑ गृह्णा॒नाः सु॑कृ॒तस्य॑ लो॒के तृ॒तीये॑ पृ॒ष्ठे अधि॑ रोच॒ने दि॒वः ॥
Sentence: 3=c ये दे॒वा य॑ज्ञ॒हनो॑ यज्ञ॒मुषो॒ ऽन्तरि॒क्षे ऽध्यास॑ते । वा॒युर्मा॒ तेभ्यो॑ रक्षतु॒ गछे॑म सु॒कृतो॑ व॒यम् ॥
Sentence: 4=d यास्ते॒ रात्रीः॑ सवितः ॥
Verse: 2
Sentence: 1 दे॑व॒यानी॑रन्त॒रा द्यावा॑पृथि॒वी वि॒यन्ति॑ । गृहैश्च॒ सर्वैः॑ प्र॒जया॒ न्वग्रे॒ सुवो॒ रुहा॑णास्तरता॒ रजां॑सि ॥
Sentence: 2=e ये दे॒वा य॑ज्ञ॒हनो॑ यज्ञ॒मुषो॑ दि॒व्यध्यास॑ते । सूर्यो॑ मा॒ तेभ्यो॑ रक्षतु॒ गछे॑म सु॒कृतो॑ व॒यम् ॥
Sentence: 3=f येनेन्द्रा॑य स॒मभ॑रः॒ पयां॑स्युत्त॒मेन॑ ह॒विषा॑ जातवेदः । तेना॑ग्ने॒ त्वमु॒त व॑र्धये॒मं स॑जा॒तानां श्रैष्ठ्य॒ आ धे॑ह्येनम् ॥
Sentence: 4 य॑ज्ञ॒हनो वै दे॒वा य॑ज्ञ॒मुषः॑ ॥
Verse: 3
Sentence: 1 स॑न्ति॒ त ए॒षु लो॒केष्वा॑सत आ॒ददा॑न विमथ्ना॒ना यो ददा॑ति॒ यो यज॑ते॒ तस्य॑ । ये दे॒वा य॑ज्ञ॒हनः॑ पृथि॒व्यामध्यास॑ते॒ ये अ॒न्तरि॑क्षे॒ ये दि॒वीत्या॑हे॒माने॒व लो॒कांस्ती॒र्त्वा सगृ॑हः॒ सप॑शुः सुव॒र्गं लो॒कमे॑ति ।
Sentence: 2 अप वै॒ सोमे॑नेजा॒नाद्दे॒वता॑श्च य॒ज्ञश्च॑ क्रामन्त्याग्ने॒यम्पञ्च॑कपालमुदवसा॒नीयं॒ निर्व॑पेद॒ग्निः सर्वा॑ दे॒वताः॑ ॥
Verse: 4
Sentence: 1 पाङ्क्तो॑ य॒ज्ञो दे॒वता॑श्चै॒व य॒ज्ञं चाव॑ रुन्द्धे
Sentence: 2 गाय॒त्रो वा अ॒ग्निर्गा॑य॒त्रछ॑न्दा॒स्तं छन्द॑सा व्यर्धयति॒ यत्पञ्च॑कपालं क॒रोत्य॒ष्टाक॑पालः का॒र्यो॒ ऽष्टाक्ष॑रा गाय॒त्री गा॑य॒त्रो॒ ऽग्निर्गा॑य॒त्रछ॑न्दाः॒ स्वेनैवैनं॒ छन्द॑सा॒ सम॑र्धयति
Sentence: 3 पङ्क्त्यौ याज्यानुवा॒क्ये॑ भवतः पाङ्क्तो य॒ज्ञस्तेनै॒व य॒ज्ञान्नै॑ति ॥
Paragraph: 5
Verse: 1
Sentence: 1=a सूर्यो॑ मा दे॒वो दे॒वेभ्यः॑ पातु वा॒युर॒न्तरि॑क्षा॒द्यज॑मानो॒ ऽग्निर्मा॑ पातु॒ चक्षु॑षः । सक्ष॒ शूष॒ सवि॑त॒र्विश्व॑चर्षण ए॒तेभिः॑ सोम॒ नाम॑भिर्विधेम ते॒ तेभिः॑ सोम॒ नाम॑भिर्विधेम ते ।
Sentence: 2=b अ॒हम्प॒रस्ता॑द॒हम॒वस्ता॑द॒हं ज्योति॑षा॒ वि तमो॑ ववार । यद॒न्तरि॑क्षं॒ तदु॑ मे पि॒ताभू॑द॒हं सूर्य॑मुभ॒यतो॑ ददर्शा॒हम्भू॑यासमुत्त॒मः स॑मा॒नाना॑म् ॥
Verse: 2
Sentence: 1=c आ स॑मु॒द्रादान्तरि॑क्षात्प्र॒जाप॑तिरुद॒धिं च्या॑वया॒तीन्द्रः॒ प्र स्नौ॑तु म॒रुतो॑ वर्षयन्तु ।
Sentence: 2=d उन्न॑म्भय पृथि॒वीम्भि॒न्द्धीदं दि॒व्यं नभः॑ । उ॒द्नो दि॒व्यस्य॑ नो दे॒हीशा॑नो॒ वि सृ॑जा॒ दृति॑म् ॥
Sentence: 3=e प॒शवो॒ वा ए॒ते यदा॑दि॒त्य ए॒ष रु॒द्रो यद॒ग्निरोष॑धीः॒ प्रास्या॒ग्नावा॑दि॒त्यं जु॑होति रु॒द्रादे॒व प॒शून॒न्तर्द॑धा॒त्यथो॒ ओष॑धीष्वे॒व प॒शून् ॥
Verse: 3
Sentence: 1 प्रति॑ ष्ठापयति
Sentence: 2=f क॒विर्य॒ज्ञस्य॒ वि त॑नोति॒ पन्थां॒ नाक॑स्य पृ॒ष्ठे अधि॑ रोच॒ने दि॒वः । येन॑ ह॒व्यं वह॑सि॒ यासि॑ दू॒त इ॒तः प्रचे॑ता अ॒मुतः॒ सनी॑यान् ॥
Sentence: 3=g यास्ते॒ विश्वाः॑ स॒मिधः॒ सन्त्य॑ग्ने॒ याः पृ॑थि॒व्याम्ब॑र्हिषि॒ सूर्ये॒ याः । तास्ते॑ गछ॒न्त्वाहु॑तिं घृ॒तस्य॑ देवाय॒ते यज॑मानाय॒ शर्म॑ ॥
Sentence: 4=h आ॒शासा॑नः सु॒वीर्यं॑ रा॒यस्पोषं॒ स्वश्वि॑यम् । बृह॒स्पति॒ना रा॒या स्व॒गाकृ॑तो॒ मह्यं॒ यज॑मानाय तिष्ठ ॥
Paragraph: 6
Verse: 1
Sentence: 1=a सं त्वा॑ नह्यामि॒ पय॑सा घृ॒तेन॒ सं त्वा॑ नह्याम्य॒प ओष॑धीभिः । सं त्वा॑ नह्यामि प्र॒जया॒हम॒द्य सा दी॑क्षि॒ता स॑नवो॒ वाज॑म॒स्मे ॥
Sentence: 2=b प्रै॑तु॒ ब्रह्म॑ण॒स्पत्नी॒ वेदिं॒ वर्णे॑न सीदतु ।
Sentence: 3=c अथा॒हम॑नुका॒मिनी॒ स्वे लो॒के वि॒शा इ॒ह ।
Sentence: 4=d सु॑प्र॒जस॑स्त्वा व॒यं सु॒पत्नी॒रुप॑ सेदिम । अग्ने॑ सपत्न॒दम्भ॑न॒मद॑ब्धासो॒ अदा॑भ्यम् ॥
Sentence: 5=e इ॒मं वि ष्या॑मि॒ वरु॑णस्य॒ पाश॑म् ॥
Verse: 2
Sentence: 1 यमब॑ध्नीत स्वि॒ता सु॒केतः॑ । धा॒तुश्च॒ योनौ॑ सुकृ॒तस्य॑ लो॒के स्यो॒नम्मे॑ स॒ह पत्या॑ करोमि ॥
Sentence: 2=f प्रेह्यु॒देह्यृ॒तस्य॑ वा॒मीरन्व॒ग्निस्ते ऽग्रं॑ नय॒त्वदि॑ति॒र्मध्यं॑ ददतां रु॒द्राव॑सृष्�सि यु॒वा नाम॒ मा मा॑ हिंसीस् ।
Sentence: 3=g वसु॑भ्यो रु॒द्रेभ्य॑ आदि॒त्येभ्यो॒ विश्वे॑भ्यो वो दे॒वेभ्यः॑ प॒न्नेज॑नीर्गृह्णामि
Sentence: 4=h य॒ज्ञाय॑ वः प॒न्नेज॑नीः सादयामि
Sentence: 5=i विश्व॑स्य ते॒ विश्वा॑वतो॒ वृष्णि॑यावतः ॥
Verse: 3
Sentence: 1 तवा॑ग्ने वा॒मीरनु॑ सं॒दृशि॒ विश्वा॒ रेतां॑सि धिषीय ।
Sentence: 2=k अग॑न्दे॒वान्य॒ज्ञो नि दे॒वीर्दे॒वेभ्यो॑ य॒ज्ञम॑शिषन्न॒स्मिन्त्सु॑न्व॒ति यज॑मान आ॒शिषः॒ स्वाहा॑कृताः समुद्रे॒ष्ठा ग॑न्ध॒र्वमा ति॑ष्ठ॒तानु॑ । वात॑स्य॒ पत्म॑न्नि॒ड ई॑डि॒ताः ॥
Paragraph: 7
Verse: 1
Sentence: 1 व॑षट्का॒रो वै॑ गायत्रियै॒ शिरो॑ ऽछिन॒त्तस्यै॒ रसः॒ परा॑पत॒त्स पृ॑थि॒वीम्प्रावि॑श॒त्स ख॑दि॒रो॑ ऽभव॒द्यस्य॑ खादि॒रः स्रु॒वो भव॑ति॒ छन्द॑सामे॒व रसे॒नाव॑ द्यति॒ सर॑सा अ॒स्याहु�यो भवन्ति
Sentence: 2 तृ॒तीय॑स्यामि॒तो दि॒वि सोम॑ आसी॒त्तं गा॑य॒त्र्याह॑र॒त्तस्य॑ प॒र्णम॑छिद्यत॒ तत्प॒र्णो॑ ऽभव॒त्तत्प॒र्णस्य॑ पर्ण॒त्वं यस्य॑ पर्ण॒मयी॑ जुहूः ॥
Verse: 2
Sentence: 1 भव॑ति सौ॒म्या अ॒स्याहु॑तयो भवन्ति जु॒षन्ते॑ ऽस्य दे॒वा आहु॑तीस् ।
Sentence: 2 दे॒वा वै॒ ब्रह्म॑न्नवदन्त॒ तत्प॒र्ण उपा॑शृणोत्सु॒श्रवा वै॒ नाम॒ यस्य॑ पर्ण॒मयी॑ जु॒हूर्भव॑ति॒ न पा॒पं श्लोकं॑ शृणोति
Sentence: 3 ब्रह्म वै प॒र्णो विण्म॒रुतो ऽन्नं॒ विण्मा॑रु॒तो॑ ऽश्व॒त्थो यस्य॑ पर्ण॒मयी॑ जु॒हूर्भव॒त्याश्व॑ रु॒न्द्धे ऽथो॒ ब्रह्म॑ ॥
Verse: 3
Sentence: 1 ए॒व वि॒श्यध्यू॑हति
Sentence: 2 रा॒ष्ट्रं वै॑ प॒र्णो विड॑श्व॒त्थो यत्प॑र्ण॒मयी॑ जु॒हूर्भव॒त्याश्व॑त्थ्युप॒भृद्रा॒ष्ट्रमे॒व वि॒श्यध्यू॑हति
Sentence: 3 प्र॒जाप॑ति॒र्वा अ॑जुहो॒त्सा यत्राहु॑तिः प्र॒त्यति॑ष्ठ॒त्ततो॒ विक॑ङ्कत॒ उद॑तिष्ठ॒त्ततः॑ प्र॒जा अ॑सृजत॒ यस्य वैकङ्कती ध्रु॒वा भव॑ति॒ प्रत्ये॒वास्याहु॑तयस्तिष्ठ॒न्त्यथो प्रै॒व जा॑यते ।
Sentence: 4 ए॒तद्वै॑ स्रु॒वां रू॒पं यस्यै॒वंरू॑पाः॒ स्रुचो॒ भव॑न्ति॒ सर्वा॑ण्येवैनं रू॒पाणि॑ पशू॒नामुप॑ तिष्ठन्ते॒ नास्याप॑रूपमा॒त्मञ्जा॑यते ॥
Paragraph: 8
Verse: 1
Sentence: 1=a उ॑पया॒मगृ॑हीतो ऽसि प्र॒जाप॑तये त्वा॒ ज्योति॑ष्मते॒ ज्योति॑ष्मन्तं गृह्णामि॒ दक्षा॑य दक्ष॒वृधे॑ रा॒तं दे॒वेभ्यो॑ ऽग्निजि॒ह्वेभ्य॑स्त्वर्ता॒युभ्य॒ इन्द्र॑ज्येष्ठेभ्यो॒ वरु॑णराजभ्यो॒ वाता॑पिभ्यः प॒र्जन्या॑त्मभ्यो दि॒वे त्वा॒न्तरि॑क्षाय त्वा पृथिव्यै त्वा ।
Sentence: 2=b अपे॑न्द्र द्विष॒तो मनो ऽप॒ जिज्या॑सतो ज॒ह्यप॒ यो नो॑ ऽराती॒यति॒ तं ज॑हि
Sentence: 3=c प्रा॒णाय॑ त्वापा॒नाय॑ त्वा व्या॒नाय॑ त्वा स॒ते त्वास॑ते त्वा॒द्भ्यस्त्वौ॑षधीभ्यो॒ विश्वे॑भ�स्त्वा भु॒तेभ्यो॒ यतः॑ प्र॒जा{F अक्खि॑द्रा*{W अखि॑द्रा{ASS अक्खि॑द्रा{BI अरिख॑द्रा{GOLS अक्खि॑द्रा अजा॑यन्त॒ तस्मै॑ त्वा प्र॒जाप॑तये विभू॒दाव्ने॒ ज्योति॑ष्मते॒ ज्योति॑ष्मन्तं जुहोमि ॥
Sentence: 3=cFn1 {FN The reading अरिख॑द्राof BI is same as that of MSS which Caland shows in the note in the edition of BaudhŚS.}
Paragraph: 9
Verse: 1
Sentence: 1 यां वा अ॑ध्व॒र्युश्च॒ यज॑मानश्च दे॒वता॑मन्तरि॒तस्तस्या॒ आ वृ॑श्च्येते
Sentence: 2 प्राजाप॒त्यं द॑धिग्र॒हं गृ॑ह्णीयात्
Sentence: 3 प्र॒जाप॑तिः॒ सर्वा॑ दे॒वता॑स् ।
Sentence: 4 दे॒वता॑भ्य ए॒व नि ह्नु॑वाते
Sentence: 5 ज्ये॒ष्ठो वा ए॒ष ग्रहा॑णाम् ।
Sentence: 6 यस्यै॒ष गृ॒ह्यते ज्यैष्ठ्यमे॒व ग॑छति
Sentence: 7 सर्वा॑सां॒ वा ए॒तद्दे॒वता॑नां रू॒पं यदे॒ष ग्रह॑स् ।
Sentence: 8 यस्यै॒ष गृ॒ह्यते॒ सर्वा॑ण्येवैनं रू॒पाणि॑ पशू॒नामुप॑ तिष्ठन्ते ।
Sentence: 9 उ॑पया॒मगृ॑हीतः ॥
Verse: 2
Sentence: 1 अ॑सि प्र॒जाप॑तये त्वा॒ ज्योति॑ष्मते॒ ज्योति॑ष्मन्तं गृह्णा॒मीत्या॑ह
Sentence: 2 ज्योति॑रेवैनं समा॒नानां॑ करोति ।
Sentence: 3 अ॑ग्निजि॒ह्वेभ्य॑स्त्वर्ता॒युभ्य॒ इत्या॑ह ।
Sentence: 4 ए॒ताव॑तीर्वै दे॒वता॑स्
Sentence: 5 ताभ्य॑ एवैनं॒ सर्वा॑भ्यो गृह्णाति ।
Sentence: 6 अपे॑न्द्र द्विष॒तो मन॒ इत्या॑ह
Sentence: 7 भ्रातृ॑व्यापनुत्त्यै
Sentence: 8 प्रा॒णाय॑ त्वापा॒नाय॒ त्वेत्या॑ह
Sentence: 9 प्रा॒णाने॒व यज॑माने दधाति
Sentence: 10 तस्मै॑ त्वा प्र॒जाप॑तये विभू॒दाव्ने॒ ज्योति॑ष्मते॒ ज्योति॑ष्मन्तं जुहोमि ॥
Verse: 3
Sentence: 1 इत्या॑ह
Sentence: 2 प्र॒जाप॑तिः॒ सर्वा॑ दे॒वताः
Sentence: 3 सर्वा॑भ्य एवैनं दे॒वता॑भ्यो जुहोति ।
Sentence: 4 आ॑ज्यग्र॒हं गृ॑ह्णीया॒त्तेज॑स्कामस्य
Sentence: 5 तेजो॒ वा आज्य॑म् ।
Sentence: 6 ते॑ज॒स्व्ये॒व भ॑वति
Sentence: 7 सोमग्र॒हं गृ॑ह्णीयाद्ब्रह्मवर्च॒सका॑मस्य
Sentence: 8 ब्रह्मवर्च॒सं वै॒ सोम॑स् ।
Sentence: 9 ब्र॑ह्मव॒र्चस्ये॒व भ॑वति
Sentence: 10 दधिग्र॒हं गृ॑ह्णीयात्प॒शुका॑मस्य ।
Sentence: 11 ऊर्ग्वै॒ दधि॑ ।
Sentence: 12 ऊर्क्प॒शव॑स् ।
Sentence: 13 ऊर्जै॒वास्मा॒ ऊर्ज॑म्प॒शूनव॑ रुन्द्धे ॥
Paragraph: 10
Verse: 1
Sentence: 1=a त्वे क्रतु॒मपि॑ वृञ्जन्ति॒ विश्वे॒ द्विर्यदे॒ते त्रिर्भव॒न्त्यूमाः॑ । स्वा॒दोः स्वादी॑यः स्वा॒दुना॑ सृजा॒ समत॑ ऊ॒ षु मधु॒ मधु॑ना॒भि यो॑धि ॥
Sentence: 2=b उ॑पया॒मगृ॑हीतो ऽसि प्र॒जाप॑तये त्वा॒ जुष्टं॑ गृह्णाम्ये॒ष ते॒ योनिः॑ प्र॒जाप॑तये त्वा ।
Sentence: 3 प्रा॑णग्र॒हान्गृ॑ह्णात्ये॒ताव॒द्वा अ॑स्ति॒ याव॑दे॒ते ग्रहा॒ स्तोमा॒श्छन्दां॑सि पृ॒ष्ठानि॒ दिशो॑ यावदे॒वास्ति॒ तत् ॥
Verse: 2
Sentence: 1 अव॑ रुन्द्धे
Sentence: 2 ज्ये॒ष्ठा वा ए॒तान्ब्रा॑ह्म॒णाः पु॒रा वि॒द्वाम॑क्र॒न्तस्मा॒त्तेषां॒ सर्वा॒ दिशो॒ ऽभिजि॑ता अभूव॒न्यस्यै॒ते गृ॒ह्यन्ते ज्यैष्ठ्यमे॒व ग॑छत्य॒भि दिशो॑ जयति
Sentence: 3 पञ्च॑ गृह्यन्ते॒ पञ्च॒ दिशः॒ सर्वा॑स्वे॒व दि॒क्ष्वृ॑ध्नुवन्ति
Sentence: 4 नव॑नव गृह्यन्ते॒ नव वै॒ पुरु॑षे प्रा॒णाः प्रा॒णाने॒व यज॑मानेषु दधति
Sentence: 5 प्राय॒णीये॑ चोदय॒नीये॑ च गृह्यन्ते प्रा॒णा वै॑ प्राणग्र॒हाः ॥
Verse: 3
Sentence: 1 प्राणैरे॒व प्र॒यन्ति॑ प्राणै॒रुद्य॑न्ति
Sentence: 2 दश॒मे ऽह॑न्गृह्यन्ते प्रा॒णा वै॑ प्राणग्र॒हाः प्रा॒णेभ्यः॒ खलु॒ वा ए॒तत्प्र॒जा य॑न्ति॒ यद्व�॒व्यं योने॒श्च्यव॑ते दश॒मे ऽह॑न्वामदे॒व्यं योने॑श्च्यवते॒ यद्द॑श॒मे ऽह॑न्गृ॒ह्यन्ते॑ प्रा॒णेभ्य॑ ए॒व तत्प्र॒जा न य॑न्ति ॥
Paragraph: 11
Verse: 1
Sentence: 1=a प्र दे॒वं दे॒व्या धि॒या भर॑ता जा॒तवे॑दसम् । ह॒व्या नो॑ वक्षदानु॒षक् ॥
Sentence: 2=b अ॒यमु॒ ष्य प्र दे॑व॒युर्हो॒ता य॒ज्ञाय॑ नीयते । रथो॒ न योर॒भीवृ॑तो॒ घृणी॑वान्चेतति॒ त्मना॑ ॥
Sentence: 3=c अ॒यम॒ग्निरु॑रुष्यत्य॒मृता॑दिव॒ जन्म॑नः । सह॑सश्चि॒त्सही॑यान्दे॒वो जी॒वात॑वे कृ॒तः ॥
Sentence: 4=d इडा॑यास्त्वा प॒दे व॒यं नाभा॑ पृथि॒व्या अधि॑ । जात॑वेदो॒ नि धी॑म॒ह्यग्ने॑ ह॒व्याय॒ वोढ॑वे ॥
Verse: 2
Sentence: 1=e अग्ने॒ विश्वे॑भिः स्वनीक देवै॒रूर्णा॑वन्तम्प्रथ॒मः सी॑द॒ योनि॑म् । कु॑ला॒यिनं॑ घृ॒तव॑न्तं सवि॒त्रे य॒ज्ञं न॑य॒ यज॑मानाय सा॒धु ॥
Sentence: 2=f सीद॑ होतः॒ स्व उ॑ लो॒के चि॑कि॒त्वान्त्सा॒दया॑ य॒ज्ञं सु॑कृ॒तस्य॒ योनौ॑ । दे॑वा॒वीर्दे॒वान्ह॒विषा॑ यजा॒स्यग्ने॑ बृ॒हद्यज॑माने॒ वयो॑ धाः ॥
Sentence: 3=g नि होता॑ होतृ॒षद॑ने॒ विदा॑नस्त्वे॒षो दी॑दि॒वां अ॑सदत्सु॒दक्षः॑ । अद॑ब्धव्रतप्रमति॒र्वसि॑ष्ठः सहस्रम्भ॒रः शुचि॑जिह्वो अ॒ग्निः ॥
Sentence: 4=h त्वं दू॒तस्त्वम् ॥
Verse: 3
Sentence: 1 उ॑ नः पर॒स्पास्त्वं वस्य॒ आ वृ॑षभ प्रणे॒ता । अग्ने॑ तो॒कस्य॑ न॒स्तने॑ त॒नूना॒मप्र॑युछ॒न्दीद्य॑द्बोधि गो॒पाः ॥
Sentence: 2=i अ॒भि त्वा॑ देव सवित॒रीशा॑नं॒ वार्या॑णाम् । सदा॑वन्भा॒गमी॑महे ॥
Sentence: 3=k म॒ही द्यौः॑ पृथि॒वी च॑ न इ॒मं य॒ज्ञम्मि॑मिक्षताम् । पि॑पृ॒तां नो॒ भरी॑मभिः ॥
Sentence: 4=l त्वाम॑ग्ने॒ पुष्क॑रा॒दध्यथ॑र्वा॒ निर॑मन्थत । मू॒र्ध्नो विश्व॑स्य वा॒घतः॑ ॥
Sentence: 5=m तमु॑ ॥
Verse: 4
Sentence: 1 त्वा॑ द॒ध्यङ्ङृषिः॑ पु॒त्र ई॑धे॒ अथ॑र्वणः । वृ॑त्र॒हण॑म्पुरन्द॒रम् ॥
Sentence: 2=n तमु॑ त्वा पा॒थ्यो वृषा॒ समी॑धे दस्यु॒हन्त॑मम्धनञ्ज॒यं रणे॑रणे ॥
Sentence: 3=o उ॒त ब्रु॑वन्तु ज॒न्तव॒ उद॒ग्निर्वृ॑त्र॒हाज॑नि । ध॑नञ्ज॒यो रणे॑रणे ॥
Sentence: 4=p आ यं हस्ते॒ न खा॒दिनं॒ शिशुं॑ जा॒तं न बिभ्र॑ति । वि॒शाम॒ग्निं स्व॑ध्व॒रम् ॥
Sentence: 5=q प्र दे॒वं दे॒ववी॑तये॒ भर॑ता वसु॒वित्त॑मम् । आ स्वे योनौ॒ नि षी॑दतु ॥
Sentence: 6=r आ ॥
Verse: 5
Sentence: 1 जा॒तं जा॒तवे॑दसि प्रि॒यं शि॑शी॒ताति॑थिम् । स्यो॒न आ गृ॒हप॑तिम् ॥
Sentence: 2=s अ॒ग्निना॒ग्निः समि॑ध्यते क॒विर्गृ॒हप॑ति॒र्युवा॑ । ह॑व्य॒वाड्जु॒ह्वा॑स्यः ॥
Sentence: 3=t त्वं ह्य॑ग्ने अ॒ग्निना॒ विप्रो॒ विप्रे॑ण॒ सन्त्स॒ता । सकः॒ सख्या॑ समि॒ध्यसे॑ ॥
Sentence: 4=u तम्म॑र्जयन्त सु॒क्रतु॑म्पुरो॒यावा॑नमा॒जिषु॑ । स्वेषु॒ क्षये॑षु वा॒जिन॑म् ॥
Sentence: 5=v य॒ज्ञेन॑ य॒ज्ञम॑यजन्त दे॒वास्तानि॒ धर्मा॑णि प्रथ॒मान्या॑सन् । ते ह॒ नाक॑म्महि॒मानः॑ सचन्ते॒ यत्र॒ पूर्वे॑ सा॒ध्याः सन्ति॑ दे॒वाः ॥
Book: 4
Chapter: 1
Paragraph: 1
Verse: 1
Sentence: 1=a यु॑ञ्जा॒नः प्र॑थ॒मम्मन॑स्त॒त्वाय॑ सवि॒ता धियः॑ । अ॒ग्निं ज्योति॑र्नि॒चाय्य॑ पृथि॒व्या अध्याभ॑रत् ॥
Sentence: 2=b यु॒क्त्वाय॒ मन॑सा दे॒वान्त्सुव॑र्य॒तो धि॒या दिव॑म् । बृ॒हज्ज्योतिः॑ करिष्य॒तः स॑वि॒ता प्र सु॑वति॒ तान् ॥
Sentence: 3=c यु॒क्तेन॒ मन॑सा व॒यं दे॒वस्य॑ सवि॒तुः स॒वे । सु॑व॒र्गेया॑य॒ शक्त्यै॑ ॥
Sentence: 4=d यु॒ञ्जते॒ मन॑ उ॒त यु॑ञ्जते॒ धियो॒ विप्रा॒ विप्र॑स्य बृह॒तो वि॑प॒श्चितः॑ । वि होत्रा॑ दधे वयुणा॒विदेक॒ इत् ॥
Verse: 2
Sentence: 1 म॒ही दे॒वस्य॑ सवि॒तुः परि॑ष्टुतिः ॥
Sentence: 2=e यु॒जे वा॒म्ब्रह्म॑ पू॒र्व्यं नमो॑भि॒र्वि श्लोका॑ यन्ति प॒थ्ये॑व॒ सूराः॑ । शृ॒ण्वन्ति॒ विश्वे॑ अ॒मृत॑स्य पु॒त्रा आ ये धामा॑नि दि॒व्यानि॑ त॒स्थुः ॥
Sentence: 3=f यस्य॑ प्र॒याण॒मव॒न्य इद्य॒युर्दे॒वा दे॒वस्य॑ महि॒मान॒मर्च॑तः । यः पार्थि॑वानि विम॒मे स एत॑शो॒ रजां॑सि दे॒वः स॑वि॒ता म॑हित्व॒ना ॥
Sentence: 4=g देव॑ सवितः॒ प्र सु॑व य॒ज्ञम्प्र सु॑व ॥
Verse: 3
Sentence: 1 य॒ज्ञप॑ति॒म्भगा॑य दि॒व्यो ग॑न्ध॒र्वः के॑त॒पूः केतं॑ नः पुनातु वा॒चस्पति॒र्वाच॑म॒द्य स्व॑दाति नः ॥
Sentence: 2=h इ॒मं नो॑ देव सवितर्य॒ज्ञम्प्र सु॑व देवा॒युवं॑ सखि॒विदं॑ सत्रा॒जितं॑ धन॒जितं॑ सुव॒र्जित॑म् ॥
Sentence: 3=i ऋ॒चा स्तोमं॒ सम॑र्धय गाय॒त्रेण॑ रथन्त॒रम् । बृ॒हद्गा॑य॒त्रव॑र्तनि ॥
Sentence: 4=k दे॒वस्य॑ त्वा सवि॒तुः प्र॑स॒वे॒ ऽश्विनो॑र्बा॒हुभ्या॑म्पू॒ष्णो हस्ता॑भ्याङ्गाय॒त्रेण॒ छन्द॒सा द॑दे ऽङ्गिर॒स्वत् ।
Sentence: 5=l अभ्रि॑रसि॒ नारिः॑ ॥
Verse: 4
Sentence: 1 अ॑सि पृथि॒व्याः स॒धस्था॑द॒ग्निम्पु॑री॒ष्य॑मङ्गिर॒स्वदा भ॑र त्रैष्टु॒भेन॑ त्वा॒ छन्द॒सा द॑दे ऽङ्गिर॒स्वत् ।
Sentence: 2=m बभ्रि॑रसि॒ नारि॑रसि॒ त्वया॑ व॒यं स॒धस्थ॒ आग्निं श॑केम॒ खनि॑तुम्पुरी॒ष्यं॒ जाग॑तेन त्वा॒ छन्द॒सा द॑दे ऽङ्गिर॒स्वत् ।
Sentence: 3=n हस्त॑ आ॒धाय॑ सवि॒ता बिभ्र॒दभ्रिं॑ हिर॒ण्ययी॑म् । तया॒ ज्योति॒रज॑स्र॒मिद॒ग्निं खा॒त्वी न॒ आ भ॒रानु॑ष्टुभेन त्वा॒ छन्द॒सा द॑दे ऽङ्गिर॒स्वत् ॥
Paragraph: 2
Verse: 1
Sentence: 1=a इ॒माम॑गृभ्णन्रश॒नामृ॒तस्य॒ पूर्व॒ आयु॑षि वि॒दथे॑षु क॒व्या । तया॑ दे॒वाः सु॒तमा ब॑भूवुरृ॒तस्य॒ साम॑न्त्स॒रमा॒रप॑न्ती ॥
Sentence: 2=b प्रतू॑र्तं{F वाजिन्न्{W वजि॑न्न्{ASS वाजिन्न्{BI वाजिन्न्{GOLS आ द्र॑व॒ वरि॑ष्ठा॒मनु॑ सं॒वत॑म् । दि॒वि ते॒ जन्म॑ पर॒मम॒न्तरि॑क्षे॒ नाभिः॑ पृथि॒व्यामधि॒ योनिः॑ ॥
Sentence: 3=c यु॒ञ्जाथां॒ रास॑भं यु॒वम॒स्मिन्यामे॑ वृषण्वसू । अ॒ग्निम्भर॑न्तमस्म॒युम् ॥
Sentence: 4=d योगे॑योगे त॒वस्त॑रं॒ वाजे॑वाजे हवामहे । सखा॑य॒ इन्द्र॑मू॒तये॑ ॥
Sentence: 5=e प्र॒तूर्व॑न् ॥
Verse: 2
Sentence: 1 एह्य॑व॒क्राम॒न्नश॑स्ती रु॒द्रस्य॒ गाण॑पत्यान्मयो॒भूरेहि॑ । उ॒र्व॒न्तरि॑क्ष॒मन्वि॑हि स्व॒स्तिग॑व्यूति॒रभ॑यानि कृ॒ण्वन् ॥
Sentence: 2=f पू॒ष्णा स॒युजा॑ स॒ह पृ॑थि॒व्याः स॒धस्था॑द॒ग्निम्पु॑रि॒ष्य॑मङ्गिर॒स्वदछे॑हि ।
Sentence: 3=g अ॒ग्निम्पु॑री॒ष्य॑मङ्गिर॒स्वदछे॑मस् ।
Sentence: 4=h अ॒ग्निम्पु॑री॒ष्य॑मङ्गिर॒स्वद्भ॑रिष्यामस् ।
Sentence: 5=i अ॒ग्निम्पु॑री॒ष्य॑मङ्गिर॒स्वद्भ॑रामः ।
Sentence: 6=k अन्व॒ग्निरु॒षसा॒मग्र॑मख्य॒दन्वहा॑नि प्रथ॒मो जा॒तवे॑दाः । अनु॒ सूर्य॑स्य ॥
Verse: 3
Sentence: 1 पु॑रु॒त्रा च॑ र॒श्मीननु॒ द्यावा॑पृथि॒वी आ त॑तान ॥
Sentence: 2=l आ॒गत्य॑ वा॒ज्यध्व॑नः॒ सर्वा॒ मृधो॒ वि धू॑नुते । अ॒ग्निं स॒धस्थे॑ मह॒ति चक्षु॑षा॒ नि चि॑कीषते ॥
Sentence: 3=m आ॒क्रम्य॑ वाजिन्पृथि॒वीम॒ग्निमि॑छ रु॒चा त्वम् । भूया॑ वृ॒त्वाय॑ नो ब्रूहि॒ यतः॒ खना॑म॒ तं व॒यम् ॥
Sentence: 4=n द्यौ॑स्ते पृ॒ष्ठम्पृ॑थि॒वी स॒धस्थ॑मा॒त्मान्तरि॑क्षं समु॒द्रस्ते॒ योनिः॑ । वि॒ख्याय॒ चक्षु॑षा॒ त्वम॒भि ति॑ष्ठ ॥
Verse: 4
Sentence: 1 पृ॑तन्य॒तः ॥
Sentence: 2=o उत्क्रा॑म मह॒ते सौ॑भगाया॒स्मादा॒स्थाना॑द्द्रविणो॒दा वा॑जिन् । व॒यं स्या॑म सुमतौ पृथि॒व्या अ॒ग्निं ख॑नि॒ष्यन्त॑ उ॒पस्थे॑ अस्याः ॥
Sentence: 3=p उद॑क्रमीद्द्रविणो॒दा वा॒ज्यर्वाकः॒ स लो॒कं सुकृ॑तम्पृथि॒व्याः । ततः॑ खनेम सु॒प्रती॑कम॒ग्निं सुवो॒ रुहा॑णा॒ अधि॒ नाक॑ उत्त॒मे ॥
Sentence: 4=q {F अ॒पो{W अ॒पो{ASS अ॒पो{BI अ॒पो{GOLS दे॒वीरुप॑ सृज॒ मधु॑मतीरय॒क्ष्माय॑ प्र॒जाभ्यः॑ । तासां॒ स्थाना॒दुज्जि॑हता॒मोष॑धयः सुपिप्प॒लाः ॥
Sentence: 5=r जिघ॑र्मि ॥
Verse: 5
Sentence: 1 अ॒ग्निम्मन॑सा घृ॒तेन॑ प्रति॒क्ष्यन्त॒म्भुव॑नानि॒ विश्वा॑ । पृ॒थुं ति॑र॒श्चा वय॑सा बृ॒हन्तं॒ व्यचि॑ष्ठ॒मन्नं॑ रभ॒सं विदा॑नम् ॥
Sentence: 2=s आ त्वा॑ जिघर्मि॒ वच॑सा घृ॒तेना॑र॒क्षसा॒ मन॑सा॒ तज्जु॑षस्व । मर्य॑श्री स्पृह॒यद्व॑र्णो अ॒ग्निर्नाभि॒मृशे॑ त॒नुवा॒ जर्हृ॑षाणः ॥
Sentence: 3=t परि॒ वाज॑पतिः क॒विर॒ग्निर्हव्या॑न्यक्रमीत् । दध॒द्रत्ना॑नि दा॒शुषे॑ ॥
Sentence: 4=u परि॑ त्वाग्ने॒ पुरं॑ व॒यं विप्रं॑ सहस्य धीमहि । धृ॒षद्व॑र्णं दि॒वेदि॑वे भे॒त्तार॑म्भङ्गु॒राव॑तः ॥
Sentence: 5=v त्वम॑ग्ने॒ द्युभि॒स्त्वमा॑शुशु॒क्षणि॒स्त्वम॒द्भ्यस्त्वमश्म॑नस॒ परि॑ । त्वं वने॑भ्य॒स्त्वमोष॑धीभ्य॒स्त्वं नृ॒णां नृ॑पते जायसे॒ शुचिः॑ ॥
Paragraph: 3
Verse: 1
Sentence: 1=a दे॒वस्य॑ त्वा सवि॒तुः प्र॑स॒वे॒ ऽश्विनो॑र्बा॒हुभ्या॑म्पू॒ष्णो हस्ता॑भ्याम्पृथि॒व्याः स॒धस्थे॒ ऽग्निम्पु॑री॒ष्य॑मङ्गिर॒स्वत्ख॑नामि ॥
Sentence: 2=b ज्योति॑ष्मन्तं त्वाग्ने सु॒प्रती॑क॒मज॑स्रेण भा॒नुना॒ दीद्या॑नम् । शि॒वम्प्र॒जाभ्यो ऽहिं॑सन्तम्पृथि॒व्याः स॒धस्थे॒ ऽग्निम्पु॑री॒ष्य॑मङ्गिर॒स्वत्ख॑नामि ॥
Sentence: 3=c अ॒पाम्पृ॒ष्ठम॑सि स॒प्रथा॑ उ॒र्व॒ग्निम्भ॑रि॒ष्यदप॑रावपिष्ठम् । वर्ध॑मानम्म॒ह आ च॒ पुष्क॑रं दि॒वो मात्र॑या वरि॒णा प्र॑थस्व ॥
Sentence: 4=d शर्म॑ च स्थः ॥
Verse: 2
Sentence: 1 वर्म॑ च स्थो॒ अछि॑द्रे बहु॒ले उ॒भे । व्यच॑स्वती॒ सं व॑साथाम्भ॒र्तम॒ग्निम्पु॑री॒ष्य॑म् ॥
Sentence: 2=e सं व॑साथां सुव॒र्विदा॑ स॒मीची॒ उर॑सा॒ त्मना॑ । अ॒ग्निम॒न्तर्भ॑रि॒ष्यन्ती॒ ज्योति॑ष्मन्त॒मज॑स्र॒मित् ॥
Sentence: 3=f पु॑री॒ष्यो॑ ऽसि वि॒श्वभ॑राः । अथ॑र्वा त्वा प्रथ॒मो निर॑मन्थदग्ने
Sentence: 4=g त्वाम॑ग्ने॒ पुष्क॑रा॒दध्यथ॑र्वा॒ निर॑मन्थत । मू॒र्ध्नो विश्व॑स्य वा॒घतः॑ ॥
Sentence: 5=h तमु॑ त्वा द॒ध्यङ्ङृषिः॑ पु॒त्र ई॑धे ॥
Verse: 3
Sentence: 1 अथ॑र्वणः । वृ॑त्र॒हण॑म्पुरं द॒रम् ॥
Sentence: 2=i तमु॑ त्वा पा॒थ्यो वृषा॒ समी॑धे दस्यु॒हन्त॑मम् । ध॑नञ्ज॒यं रणे॑रणे ॥
Sentence: 3=k सीद॑ होतः॒ स्व उ॑ लो॒के चि॑कि॒त्वान्त्सा॒दया॑ य॒ज्ञं सु॑कृ॒तस्य॒ योनौ॑ । दे॑वा॒वीर्दे॒वान्ह॒विषा॑ यजा॒स्यग्ने॑ बृ॒हद्यज॑माने॒ वयो॑ धाः ॥
Sentence: 4=l नि होता॑ होतृ॒षद॑ने॒ विदा॑नस्त्वे॒षो दी॑दि॒वां अ॑सदत्सु॒दक्षः॑ । अद॑ब्धव्रतप्रमति॒र्वसि॑ष्ठः सहस्रम्भ॒रः शुचि॑जिह्वो अ॒ग्निः ॥
Sentence: 5=m सं सी॑दस्व म॒हां अ॑सि॒ शोच॑स्व ॥
Verse: 4
Sentence: 1 दे॑व॒वीत॑मः । वि धू॒मम॑ग्ने अरु॒षम्मि॑येध्य सृ॒ज प्र॑शस्त दर्श॒तम् ॥
Sentence: 2=n जनि॑ष्वा॒ हि जेन्यो॒ अग्रे॒ अह्ना॑म्हि॒तो हि॒तेष्व॑रु॒षो वने॑षु । दमे॑दमे स॒प्त रत्ना॒ दधा॑नो॒ ऽग्निर्होता॒ नि ष॑सादा॒ यजी॑यान् ॥
Paragraph: 4
Verse: 1
Sentence: 1=a सं ते॑ वा॒युर्मा॑तरिश्वा दधातूत्ता॒नायै॒ हृद॑यं॒ यद्विलि॑ष्टम् । दे॒वानां॒ यश्चर॑ति प्रा॒णथे॑न॒ तस्मै॑ च देवि॒ वष॑डस्तु॒ तुभ्य॑म् ॥
Sentence: 2=b सुजा॑तो॒ ज्योति॑षा स॒ह शर्म॒ वरू॑थ॒मास॑दः॒ सुवः॑ । वासो॑ अग्ने वि॒श्वरू॑पं॒ सं व्य॑यस्व विभावसो ॥
Sentence: 3=c उदु॑ तिष्ठ स्वध्व॒रावा॑ नो दे॒व्या कृ॒पा । दृ॒शे च॑ भा॒सा बृ॑ह॒ता सु॑शु॒क्वनि॒राग्ने॑ याहि सुश॒स्तिभिः॑ ॥
Verse: 2
Sentence: 1=d ऊ॒र्ध्व ऊ॒ षु णऊ॒तये॒ तिष्ठा॑ दे॒वो न स॑वि॒ता । ऊ॒र्ध्वो वाज॑स्य॒ सनि॑ता॒ यद॒ञ्जिभि॑र्वा॒घद्भि॑र्वि॒ह्वया॑महे ॥
Sentence: 2=e स जा॒तो गर्भो॑ असि॒ रोद॑स्यो॒रग्ने॒ चारु॒र्विभृ॑त॒ ओष॑धीषु । चि॒त्रः शिशुः॒ परि॒ तमां॑स्य॒क्तः प्र मा॒तृभ्यो॒ अधि॒ कनि॑क्रदद्गाः ॥
Sentence: 3=f स्थि॒रो भ॑व वी॒ड्व॑ङ्ग आ॒शुर्भ॑व वा॒ज्य॑र्वन् । पृ॒थुर्भ॑व सु॒षद॒स्त्वम॒ग्नेः पु॑रीष॒वाह॑नः ॥
Sentence: 4=g शि॒वो भ॑व ॥
Verse: 3
Sentence: 1 प्र॒जाभ्यो॒ मानु॑षीभ्य॒स्त्वम॑ङ्गिरः । मा द्यावा॑पृथि॒वी अ॒भि शू॑शुचो॒ मान्तरि॑क्ष॒म्मा वन॒स्पती॑न् ॥
Sentence: 2=h प्रै॑तु वा॒जी कनि॑क्रद॒न्नान॑द॒द्रास॑भः॒ पत्वा॑ । भर॑न्न॒ग्निम्पु॑री॒ष्य॒म्मा पा॒द्यायु॑षः पु॒रा ॥
Sentence: 3=i रास॑भो वां॒ कनि॑क्रद॒त्सुयु॑क्तो वृषणा॒ रथे॑ । स वा॑म॒ग्निम्पु॑री॒ष्य॑मा॒शुर्दू॒तो व॑हादि॒तः ॥
Sentence: 4=k वृषा॒ग्निं वृष॑ण॒म्भर॑न्न॒पां गर्भं॑ समु॒द्रिय॑म् । अग्न॒ आ या॑हि ॥
Verse: 4
Sentence: 1 वी॒तय॑ ऋ॒तं स॒त्यम् ॥
Sentence: 2=l ओष॑धयः॒ प्रति॑ गृह्णीता॒ग्निमे॒तं शि॒वमा॒यन्त॑म॒भ्यत्र॑ यु॒ष्मान् । व्यस्य॒न्विश्वा॒ अम॑ती॒ररा॑तीर्नि॒षीद॑न्नो॒ अप॑ दुर्म॒तिं ह॑नत् ॥
Sentence: 3=m ओष॑धयः॒ प्रति॑ मोदध्वमेन॒म्पुष्पा॑वतीः सुपिप्प॒लाः । अ॒यं वो॒ गर्भ॑ ऋ॒त्वियः॑ प्र॒त्नं स॒धस्थ॒मास॑दत् ॥
Paragraph: 5
Verse: 1
Sentence: 1=a वि पाज॑सा पृ॒थुना॒ शोशु॑चानो॒ बाध॑स्व द्वि॒षो र॒क्षसो॒ अमी॑वाः । सु॒शर्म॑णो बृह॒तः शर्म॑णि स्याम॒ग्नेर॒हं सु॒हव॑स्य॒ प्रणी॑तौ ॥
Sentence: 2=b आपो॒ हि ष्ठा म॑यो॒भुव॒स्ता न॑ ऊ॒र्जे द॑धातन । म॒हे रणा॑य॒ चक्ष॑से ॥
Sentence: 3=c यो वः॑ शि॒वत॑मो॒ रस॒स्तस्य॑ भाजयते॒ ऽह नः॑ । उ॑श॒तीरि॑व मा॒तरः॑ ॥
Sentence: 4=d तस्मा॒ अरं॑ गमाम वो॒ यस्य॒ क्षया॑य॒ जिन्व॑थ । आपो॑ ज॒नय॑था च नः ॥
Sentence: 5=e मि॒त्रः ॥
Verse: 2
Sentence: 1 सं॒सृज्य॑ पृथि॒वीम्भूमिं॑ च॒ ज्योति॑षा स॒ह । सुजा॑तं जा॒तवे॑दसम॒ग्निं वै॑श्वान॒रं वि॒भुम् ॥
Sentence: 2=f अ॑य॒क्ष्माय॑ त्वा॒ सं सृ॑जामि प्र॒जाभ्यः॑ । विश्वे॑ त्वा दे॒वा वै॑श्वान॒राः सं सृ॑ज॒न्त्वानु॑ष्टुभेन॒ छन्द॑साङ्गिर॒स्वत् ॥
Sentence: 3=g रु॒द्राः स॒म्भृत्य॑ पृथि॒वीम्बृ॒हज्ज्योतिः॒ समी॑धिरे । तेषा॑म्भा॒नुरज॑स्र॒ इच्छु॒क्रो दे॒वेषु॑ रोचते ॥
Sentence: 4=h संसृ॑ष्टां॒ वसु॑भी रुद्रै॒र्धीरैः॑ कर्म॒ण्या॒म्मृद॑म् । हस्ता॑भ्याम्मृ॒द्वीं कृ॒त्वा सि॑नीवा॒ली क॑रोतु ॥
Verse: 3
Sentence: 1 ताम् ॥
Sentence: 2=i सि॑नीव॒ली सु॑कप॒र्दा सु॑क्री॒रा स्वौ॑प॒शा । सा तुभ्य॑मदिते मह॒ ओखां द॑धातु॒ हस्त॑योः ॥
Sentence: 3=k उ॒खां क॑रोतु॒ शक्त्या॑ बा॒हुभ्या॒मदि॑तिर्धि॒या । मा॒ता पु॒त्रं यथो॒पस्थे॒ साग्निम्बि॑भर्तु॒ गर्भ॒ आ ॥
Sentence: 4=l म॒खस्य॒ शिरो॑ ऽसि
Sentence: 5=m य॒ज्ञस्य॑ प॒दे स्थः॑ ।
Sentence: 6=n वस॑वस्त्वा कृण्वन्तु गाय॒त्रेण॒ छन्द॑साङ्गिर॒स्वत्पृ॑थि॒व्य॑सि रु॒द्रास्त्वा॑ कृण्वन्तु त्रैष्टुभेन॒ छन्द॑साङ्गिर॒स्वद॒न्तरि॑क्षमसि ॥
Verse: 4
Sentence: 1 आ॑दि॒त्यास्त्वा॑ कृण्वन्तु॒ जाग॑तेन॒ छन्द॑साङ्गिर॒स्वद्द्यौ॑रसि॒ विश्वे॑ त्वा दे॒वा वै॑श्वान॒राः कृ॑ण्व॒न्त्वानु॑ष्टुभेन॒ छन्द॑साङ्गिर॒स्वद्दिशो॑ ऽसि ध्रु॒वासि॑ धा॒रया॒ मयि॑ प्र॒जां रा॒यस्पोषं॑ गौप॒त्यं सु॒रीर्यं॑ सजा॒तान्यज॑मानाय ।
Sentence: 2=o अदि॑त्यै॒ रास्ना॑सि ।
Sentence: 3=p अदि॑तिस्ते॒ बिलं॑ गृह्णातु॒ पाङ्क्ते॑न॒ छन्द॑साङ्गिर॒स्वत् ।
Sentence: 4=q कृ॒त्वाय॒ सा म॒हीमु॒खाम्मृ॒न्मयीं॒ योनि॑म॒ग्नये॑ । ताम्पु॒त्रेभ्यः॒ सम्प्राय॑छ॒ददि॑तिः श्र॒पया॒निति॑ ॥
Paragraph: 6
Verse: 1
Sentence: 1=a वस॑वस्त्वा धूपयन्तु गाय॒त्रेण॒ छन्द॑साङ्गिर॒स्वद्रु॒द्रास्त्वा॑ धूपयन्तु त्रैष्टुभेन॒ छन्द॑साङ्गिर॒स्वदा॑दि॒त्यास्त्वा॑ धूपयन्तु॒ जाग॑तेन॒ छन्द॑साङ्गिर॒स्वद्विश्वे॑ त्वा दे॒वा वै॑श्वान॒रा धू॑पय॒न्त्वानु॑ष्टुभेन॒ छन्द॑साङ्गिर॒स्वदिन्द्र॑स्त्वा धूपयत्वङ्॑स्त्वा धूपयत्वङ्गिर॒स्वद्वरु॑णस्त्वा धूपयत्वङ्गिर॒स्वत् ।
Sentence: 2=b अदि॑तिस्त्वा दे॒वी वि॒श्वदे॑व्यावती पृथि॒व्याः स॒धस्थे॑ ऽङ्गिर॒स्वत्ख॑नत्ववट
Sentence: 3=c दे॒वानां॑ त्वा॒ पत्नीः॑ ॥
Verse: 2
Sentence: 1 दे॒वीर्वि॒श्वदे॑व्यावतीः पृथि॒व्याः स॒धस्थे॑ ऽङ्गिर॒स्वद्द॑धतूखे
Sentence: 2=d धि॒षणा॑स्त्वा दे॒वीर्वि॒श्वदे॑व्यावतीः पृथि॒व्याः स॒धस्थे॑ ऽङ्गिर॒स्वद॒भीन्ध॑तामुखे॒ ग्नास्त्वा॑ दे॒वीर्वि॒श्वदे॑व्यावतीः पृथि॒व्याः स॒धस्थे॑ ऽङ्गिर॒स्वच्छ्र॑पयन्तूखे॒ वरू॑त्रयो॒ जन॑यस्त्वा दे॒वीर्वि॒श्वदे॑व्यावतीः पृथि॒व्याः स॒धस्थे॑ ऽङ्गिर॒स्वत्प॑चन्तखे ।
Sentence: 3=e मित्रै॒तामु॒खाम्प॑चै॒षा मा भे॑दि ।
Sentence: 4=f ए॒तां ते॒ परि॑ ददा॒म्यभि॑त्त्यै
Sentence: 5=g अ॒भीमाम् ॥
Verse: 3
Sentence: 1 म॑हि॒ना दिव॑म्मि॒त्रो ब॑भूव स॒प्रथाः॑ । उ॒त श्रव॑सा पृथि॒वीम् ॥
Sentence: 2=h मित्र॑स्य चर्षणी॒धृतः॒ श्रवो॑ दे॒वस्य॑ सान॒सिम् । द्यु॒म्नं चि॒त्रश्र॑वस्तमम् ॥
Sentence: 3=i दे॒वस्त्वा॑ सवि॒तोद्व॑पतु सुपा॒णिः स्व॑ङ्गु॒रिः । सु॑बा॒हुरु॒त शक्त्या॑ ॥
Sentence: 4=k अप॑द्यमाना पृथि॒व्याशा॒ दिश॒ आ पृ॑ण । उत्ति॑ष्ठ बृह॒ती भ॑वो॒र्ध्वा ति॑ष्ठ ध्रु॒वा त्वम् ॥
Sentence: 5=l वस॑व॒स्त्वा छृ॑न्दन्तु गाय॒त्रेण॒ छन्द॑साङ्गिर॒स्वद्रु॒द्रास्त्वा छृ॑न्दन्तु त्रैष्टुभेन॒ छन्द॑साङ्गिर॒स्वदा॑दि॒त्यास्त्वा॑ छृन्दन्तु॒ जाग॑तेन॒ छन्द॑साङ्गिर॒स्वद्वि॑श्वे त्वा दे॒वा वै॑श्वान॒रा आ छृ॑न्द॒न्त्वानु॑ष्टुभेन॒ छन्द॑साङ्गिर॒स्वत् ॥
Paragraph: 7
Verse: 1
Sentence: 1=a समा॑स्त्वाग्न ऋ॒तवो॑ वर्धयन्तु संवत्स॒रा ऋष॑यो॒ यानि॑ स॒त्या । सं दि॒व्येन॑ दीदिहि रोच॒नेन॒ विश्वा॒ आ भा॑हि प्र॒दिशः॑ पृथि॒व्याः ॥
Sentence: 2=b सं चे॒ध्यस्वा॑ग्ने॒ प्र च॑ बोधयैन॒मुच्च॑ तिष्ठ मह॒ते सौ॑भगाय । मा च॑ ऋषदुपस॒त्ता ते॑ अग्ने ब्र॒ह्माण॑स्ते य॒शसः॑ सन्तु॒ मान्ये ॥
Sentence: 3=c त्वाम॑ग्ने वृणते ब्राह्म॒णा इ॒मे शि॒वो अ॑ग्ने ॥
Verse: 2
Sentence: 1 सं॒वर॑णे भवा नः । स॑पत्न॒हा नो॑ अभिमाति॒जिच्च॒ स्वे गये॑ जागृ॒ह्यप्र॑युछन् ॥
Sentence: 2=d इहै॒वाग्ने॒ अधि॑ धारया र॒यिम्मा त्वा॒ नि क्र॑न्पूर्व॒चितो॑ निका॒रिणः॑ । क्ष॒त्रम॑ग्ने सु॒यम॑मस्तु॒ तुभ्य॑मुपस॒त्ता व॑र्धतां ते॒ अनि॑ष्टृतः ॥
Sentence: 3=e क्ष॒त्रेणा॑ग्ने॒ स्वायुः॒ सं र॑भस्व मि॒त्रेणा॑ग्ने मित्र॒धेये॑ यतस्व । स॑जा॒ताना॑म्मध्यम॒स्था ए॑धि रा॒ज्ञाम॑ग्ने विह॒व्यो॑ दीदिही॒ह ॥
Sentence: 4=f अति॑ ॥
Verse: 3
Sentence: 1 निबो॒ अति॒ स्रिधो ऽत्यचि॑त्ति॒मत्यरा॑तिमग्ने । वि॑श्वा॒ ह्य॑ग्ने दुरि॒ता सह॒स्वाथा॒स्मभ्यं॑ स॒हवी॑रां र॒यिं दाः॑ ॥
Sentence: 2=g अ॑नाधृ॒ष्यो जा॒तवे॑दा॒ अनि॑ष्टृतो वि॒राड॑ग्ने क्षत्र॒भृद्दी॑दिही॒ह । विश्वा॒ आशाः॑ प्रमु॒ञ्चन्मानु॑षीर्भि॒यः शि॒वाभि॑र॒द्य परि॑ पाहि नो वृ॒धे ॥
Sentence: 3=h बृह॑स्पते सवितर्बो॒धयै॑नं॒ संशि॑तं चित्सन्त॒रां सं शि॑शाधि । व॒र्धयै॑नम्मह॒ते सौ॑भगाय ॥
Verse: 4
Sentence: 1 विश्व॑ एन॒मनु॑ मदन्तु दे॒वाः ॥
Sentence: 2=i अ॑मुत्र॒भूया॒दध॒ यद्य॒मस्य॒ बृह॑स्पते अ॒भिश॑स्ते॒रमु॑ञ्चः । प्रत्औ॑हताम॒श्विना॑ मृ॒त्युम॑स्माद्दे॒वाना॑मग्ने भि॒षजा॒ शची॑भिः ॥
Sentence: 3=k उद्व॒यं तम॑स॒स्परि॒ पश्य॑न्तो॒ ज्योति॒रुत्त॑रम् । दे॒वं दे॑व॒त्रा सू॑र्य॒मग॑न्म॒ ज्योति॑रुत्त॒मम् ॥
Paragraph: 8
Verse: 1
Sentence: 1=a ऊ॑र्ध्वा अस्य स॒मिधो॑ भवन्त्यू॒र्ध्वा शु॒क्रा शो॒चींष्य॒ग्नेः । द्यु॒मत्त॑मा सु॒प्रती॑कस्य सू॒नोः ॥
Sentence: 2=b तनू॒नपा॒दसु॑रो वि॒श्ववे॑दा दे॒वो दे॒वेषु॑ दे॒वः । प॒थ आन॑क्ति॒ मध्वा॑ घृ॒तेन॑ ॥
Sentence: 3=c मध्वा॑ य॒ज्ञं न॑क्षसे प्रीणा॒नो नरा॒शंसो॑ अग्ने । सु॒कृद्दे॒वः स॑वि॒ता वि॒श्ववा॑रः ॥
Sentence: 4=d अछा॒यमे॑ति॒ शव॑सा घृ॒तेने॑डा॒नो वह्नि॒र्नम॑सा । अ॒ग्निं स्रुचो॑ अध्व॒रेषु॑ प्र॒यत्सु॑ ॥
Sentence: 5=e स य॑क्षदस्य महि॒मान॑म॒ग्नेः सः ॥
Verse: 2
Sentence: 1 ई॑ म॒न्द्रासु॑ प्र॒यसः॑ । वसु॒श्चेति॑ष्ठो वसु॒धात॑मश्च ॥
Sentence: 2=f द्वारो॑ दे॒वीरन्व॑स्य॒ विश्वे॑ व्र॒ता द॑दन्ते अ॒ग्नेः । उ॑रु॒व्यच॑सो॒ धाम्ना॒ पत्य॑मानाः ॥
Sentence: 3=g ते अ॑स्य योषणे दि॒व्ये न योना॑वु॒षासा॒नक्ता॑ । इ॒मं य॒ज्ञम॑वतामध्व॒रं नः॑ ॥
Sentence: 4=h दै॑व्या होतारावू॒र्ध्वम॑ध्व॒रं नो॒ ऽग्नेर्जि॒ह्वाम॒भि गृ॑णीतम् । कृ॑णु॒तं नः॒ स्वि॑ष्टिम् ॥
Sentence: 5=i ति॒स्रो दे॒वीर्ब॒र्हिरेदं स॑द॒न्त्विडा॒ सर॑स्वती ॥
Verse: 3
Sentence: 1 भार॑ती म॒ही गृ॑णा॒ना ॥
Sentence: 2=k तन्न॑स्तु॒रीप॒मद्भु॑तम्पुरु॒क्षु त्वष्टा॑ सु॒वीर॑म् । रा॒यस्पोषं॒ वि ष्य॑तु॒ नाभि॑म॒स्मे ॥
Sentence: 3=l वन॑स्प॒ते ऽव॑ सृजा॒ ररा॑ण॒स्त्मना॑ दे॒वेषु॑ । अ॒ग्निर्ह॒व्यं श॑मि॒ता सू॑दयाति ॥
Sentence: 4=m अग्ने॒ स्वाहा॑ कृणुहि जातवेद॒ इन्द्रा॑य ह॒व्यम् । विश्वे॑ दे॒वा ह॒विरि॒दं जु॑षन्ताम् ॥
Sentence: 5=n हि॑रण्यग॒र्भः सम॑वर्त॒ताग्रे॑ भू॒तस्य॑ जा॒तः पति॒रेक॑ आसीत् । स दा॑धार पृथि॒वीं द्याम् ॥
Verse: 4
Sentence: 1 उ॒तेमां कस्मै॑ दे॒वाय॑ ह॒विषा॑ विधेम ॥
Sentence: 2=o यः प्राण॑तो निमिष॒तो म॑हित्वैक॒ इद्राजा॒ जग॑तो ब॒भूव॑ । य ईशे॑ अस्य द्वि॒पद॒श्चतु॑ष्पदः॒ कस्मै॑ दे॒वाय॑ ह॒विषा॑ विधेम ॥
Sentence: 3=p य आ॑त्म॒दा ब॑ल॒दा यस्य॒ विश्व॑ उ॒पास॑ते प्रशिषं॒ यस्य॑ दे॒वाः । यस्य॑ छा॒यामृतं॒ यस्य॑ मृ॒त्युः कस्मै॑ दे॒वाय॑ ह॒विषा॑ विधेम ॥
Sentence: 4=q यस्ये॑मे हि॒म व॑न्तो महि॒त्वा यस्य॑ समु॒द्रं र॒सया॑ स॒ह ॥
Verse: 5
Sentence: 1 आ॒हुः । यस्ये॒माः प्र॒दिशो॒ यस्य॑ बा॒हू कस्मै॑ दे॒वाय॑ ब॒विषा॑ विधेम ॥
Sentence: 2=r यं क्रन्द॑सी॒ अव॑सा त॒स्तभा॑ने अभ्यैक्षेता॒म्मन॑सा॒ रेज॑माने । यत्राधि॒ सूर॒ उदि॑तौ॒ व्येति॒ कस्मै॑ दे॒वाय॑ ह॒विषा॑ विधेम ॥
Sentence: 3=s येन द्यौरु॒ग्रा पृ॑थि॒वी च॑ दृ॒ढे येन॒ सुव॒ स्तभि॑तं॒ येन॒ नाकः॑ । यो अ॒न्तरि॑क्षे॒ रज॑सो वि॒मानः॒ कस्मै॑ दे॒वाय॑ ह॒विषा॑ विधेम ॥
Sentence: 4=t आपो॑ ह॒ यन्म॑ह॒तीर्विश्व॑म् ॥
Verse: 6
Sentence: 1 आय॒न्दक्षं॒ दधा॑ना ज॒नय॑न्तीर॒ग्निम् । ततो॑ दे॒वानां॒ निर॑वर्त॒तासु॒रेकः॒ कस्मै॑ दे॒वाय॑ ह॒विषा॑ विधेम ॥
Sentence: 2=u यश्चि॒दापो॑ महि॒ना प॒र्यप॑श्य॒द्दक्षं॒ दधा॑ना ज॒नय॑न्तीर॒ग्निम् । यो दे॒वेष्वधि॑ दे॒व एक॒ आसी॒त्कस्मै॑ दे॒वाय॑ ह॒विषा॑ विधेम ॥
Paragraph: 9
Verse: 1
Sentence: 1=a आकू॑तिम॒ग्निम्प्र॒युजं॒ स्वाहा॒ मनो॑ मे॒धाम॒ग्निम्प्र॒युजं॒ स्वाहा॑ चि॒त्तं विज्ञा॑तम॒ग्नजं॒ स्वाहा॑ वा॒चो विधृ॑तिम॒ग्निम्प्र॒युजं॒ स्वाहा॑ प्र॒जाप॑तये॒ मन॑वे॒ स्वाहा॒ग्नये॑ वैश्वान॒राय॒ स्वाहा
Sentence: 2=b विश्वे॑ दे॒वस्य॑ ने॒तुर्मर्तो॑ वृणीत स॒ख्यं विश्वे॑ रा॒य इ॑षुध्यसि द्यु॒म्नं वृ॑णीत पु॒ष्यसे॒ स्वाहा
Sentence: 3=c मा सु भि॑त्था॒ मा सु रि॑षो॒ दृंह॑स्व वी॒डय॑स्व॒ सु । अम्ब॑ धृष्णु वी॒रय॑स्व ॥
Verse: 2
Sentence: 1 अ॒ग्निश्चे॒दं क॑रिष्यथः ॥
Sentence: 2=d दृंह॑स्व देवि पृथिवि स्व॒स्तय॑ आसु॒री मा॒या स्व॒धया॑ कृ॒तासि॑ । जुष्टं॑ दे॒वानां॑ इ॒दम॑स्तु ह॒व्यमरि॑ष्टा॒ त्वमुदि॑हि य॒ज्ञे अ॒स्मिन् ॥
Sentence: 3=e मित्रै॒तामु॒खां त॑पै॒षा मा भे॑दि ।
Sentence: 4=f ए॒ताम्ते॒ परि॑ ददा॒म्यभि॑त्त्यै ।
Sentence: 5=g द्र्व॑न्नः स॒र्पिरा॑सुतिः प्र॒त्नो होता॒ वरे॑ण्यः । सह॑सस्पु॒त्रो अद्भु॑तः ॥
Sentence: 6=h पर॑स्या॒ अधि॑ सं॒वतो ऽव॑रां अ॒भ्या ॥
Verse: 3
Sentence: 1 त॑र । यत्रा॒हमस्मि॒ तां अ॑व ॥
Sentence: 2=i प॑र॒मस्याः॑ परा॒वतो॒ र्हिद॑श्व इ॒हा ग॑हि । पु॑री॒ष्यः॑ पुरुप्रि॒यो ऽग्ने॒ त्वं त॑रा॒ मृधः॑ ॥
Sentence: 3=k सीद॒ त्वम्मा॒तुर॒स्या उ॒पस्थे॒ विश्वा॑न्यग्ने व॒युना॑नि वि॒द्वान् । मै॑नाम॒र्चिषा॒ मा तप॑सा॒भि शू॑शुचो॒ ऽन्तर॑स्यां शु॒क्रज्यो॑ति॒र्वि भा॑हि ॥
Sentence: 4=l अ॒न्तर॑ग्ने रु॒चा त्वमु॒खायै॒ सद॑ने॒ स्वे । तस्या॒स्त्वं हर॑सा॒ तप॒ङ्जात॑वेदः शि॒वो भ॑व ॥
Sentence: 5=m शि॒वो भू॒त्वा म॒ह्यम॒ग्ने ऽथो॑ सीद शि॒वस्त्वम् । शि॒वाः कृ॒त्वा दिशः॒ सर्वाः॒ स्वां योनि॑मि॒हास॑दः ॥
Paragraph: 10
Verse: 1
Sentence: 1=a यद॑ग्ने॒ यानि॒ कानि॒ चा ते॒ दारू॑णि द॒ध्मसि॑ । तद॑स्तु॒ तुभ्य॒मिद्घृ॒तं तज्जु॑षस्व यविष्ठ्य ॥
Sentence: 2=b यदत्त्यु॑प॒जिह्वि॑का॒ यद्व॒म्रो अ॑ति॒सर्प॑ति । सर्वं॒ तद॑स्तु ते घृ॒तं तज्जु॑षस्व यविष्ठ्य ॥
Sentence: 3=c रात्रिं॑रात्रि॒मप्र॑याव॒म्भर॒त्नो ऽश्वा॑येव॒ तिष्ठ॑ते घा॒सम॑स्मै । रा॒यस्पोषे॑ण॒ समि॒षा मद॒न्तो ऽग्ने॒ मा ते॒ प्रति॑वेशा रिषाम ॥
Sentence: 4=d नाभा॑ ॥
Verse: 2
Sentence: 1 पृ॑थि॒व्याः स॑मिधा॒नम॒ग्निं रा॒यस्पोषा॑य बृह॒ते ह॑वामहे । इ॑रम्म॒दम्बृ॒हदु॑क्थं॒ यज॑त्रं॒ जेता॑रम॒ग्निम्पृत॑नासु सास॒हिम् ॥
Sentence: 2=e याः सेना॑ अ॒भीत्व॑रीराव्या॒धिनी॒रुग॑णा उ॒त । ये स्ते॒ना ये च॒ तस्क॑रा॒स्तांस्ते॑ अ॒ग्ने ऽपि॑ दधाम्या॒स्ये॑ ॥
Sentence: 3=f दंष्ट्रा॑भ्याम्म॒लिम्लू॒ञ्जम्भ्यै॒स्तस्क॑रां उ॒त । हनू॑भ्यां॒ स्तेना॑न्भगव॒स्तांस्त्वं खा॑द॒ सुखा॑दितान् ॥
Sentence: 4=g ये जने॑षु म॒लिम्ल॑व स्ते॒नास॒स्तस्क॑रा॒ वने॑ । ये ॥
Verse: 3
Sentence: 1 कक्षे॑ष्वघा॒यव॒स्तांस्ते॑ दधामि॒ जम्भ॑योः ॥
Sentence: 2=h यो अ॒स्मभ्य॑मराती॒याद्यश्च॑ नो॒ द्वेष॑ते॒ जनः॑ । निन्दा॒द्यो अ॒स्मान्दिप्सा॑च्च॒ सर्वं॒ तम्म॑स्म॒सा कु॑रु ॥
Sentence: 3=i संशि॑तम्मे॒ ब्रह्म॒ संशि॑तं वी॒र्य॒म्बल॑म् । संशि॑तङ्क्ष॒त्रं जि॒ष्णु यस्या॒हमस्मि॑ पु॒रोहि॑तः ॥
Sentence: 4=k उदे॑षाम्बा॒हू अ॑तिर॒मुद्वर्च॒ उदू॒ बल॑म् । क्षि॒णोमि॒ ब्रह्म॑णा॒मित्रा॒नुन्न॑यामि ॥
Verse: 4
Sentence: 1 स्वां अ॒हम् ।
Sentence: 2=l दृ॑शा॒नो रु॒क्म उ॒र्व्या व्य॑द्यौद्दु॒र्मर्ष॒मायुः॑ श्रि॒ये रु॑चा॒नः । अ॒ग्निर॒मृतो॑ अभव॒द्वयो॑भि॒र्यदे॑नं द्यौ॒रज॑नयत्सु॒रेताः॑ ॥
Sentence: 3=m विश्वा॑ रू॒पाणि॒ प्रति॑ मुञ्चते क॒विः प्रासा॑वीद्भ॒द्रं द्वि॒पदे॒ चतु॑ष्पदे । वि नाक॑मख्यत्सवि॒ता वरे॒ण्यो ऽनु॑ प्र॒याण॑मु॒षसो॒ वि रा॑जति ॥
Sentence: 4=n नक्तो॒षासा॒ सम॑नसा॒ विरू॑पे धा॒पये॑ते॒ शिशु॒मेकं॑ समी॒ची । द्यावा॒ क्षामा॑ रु॒क्मः ॥
Verse: 5
Sentence: 1 अ॒न्तर्वि भा॑ति दे वाअ॒ग्निं धा॑रयन्द्रविणो॒दाः ॥
Sentence: 2=o सु॑प॒र्णो॑ ऽसि ग॒रुत्मा॑न्त्रि॒वृत्ते॑ शिरो गाय॒त्रं चक्षु॒ स्तोम॑ आ॒त्मा साम॑ ते त॒नूर्वा॑�॒रे पक्षौ॑ यज्ञाय॒ज्ञिय॒म्पुछं॒ छन्दां॒स्यङ्गा॑नि॒ धिष्णि॑याः॒ शपा॒ यजूं॑षि॒ नाम॑ ।
Sentence: 3=p सु॑प॒र्णो॑ ऽसि ग॒रुत्मा॒न्दिवं॑ गछ॒ सुवः॑ पत ॥
Paragraph: 11
Verse: 1
Sentence: 1=a अग्ने॒ यं य॒ज्ञम॑ध्व॒रं वि॒श्वतः॑ परि॒भूरसि॑ । स इद्दे॒वेषु॑ गछति ॥
Sentence: 2=b सोम॒ यास्ते॑ मयो॒भुव॑ ऊ॒तयः॒ सन्ति॑ दा॒शुषे॑ । ताभि॑र्नो ऽवि॒ता भ॑व ॥
Sentence: 3=c अ॒ग्निर्मू॒र्धा
Sentence: 4=d भुवः॑ ।
Sentence: 5=e त्वं नः॑ सोम
Sentence: 6=f या ते॒ धामा॑नि ।
Sentence: 7=g तत्स॑वि॒तुर्वरे॑ण्य॒म्भर्गो॑ दे॒वस्य॑ धीमहि । धियो॒ यो नः॑ प्रचो॒दया॑त् ॥
Sentence: 8=h अचि॑त्ती॒ यच्च॑कृ॒मा दै॑व्ये॒ जने॒ दीनै॒र्दक्षैः॒ प्रभू॑ती पूरुष॒त्वता॑ ॥
Verse: 2
Sentence: 1 दे॒वेषु॑ च सवित॒र्मानु॑षेषु च॒ त्वं नो॒ अत्र॑ सुवता॒दना॑गसः ॥
Sentence: 2=i चो॑दयि॒त्री सू॒नृता॑नां॒ चेत॑न्ती सुमती॒नाम् । य॒ज्ञं द॑धे॒ सर॑स्वती ॥
Sentence: 3=k पावी॑रवी क॒न्या॑ चि॒त्रायुः॒ सर॑स्वती वी॒रप॑त्नी॒ धियं॑ धात् । ग्नाभि॒रछि॑द्रं शर॒णं स॒जोषा॑ दुरा॒धर्षं॑ गृण॒ते शर्म॑ यंसत् ॥
Sentence: 4=l पू॒षा गा अन्वे॑तु नः पू॒षा र॑क्ष॒त्वर्व॑तः । पू॒षा वाजं॑ सनोतु नः ॥
Sentence: 5=m शु॒क्रं ते॑ अ॒न्यद्य॑ज॒तं ते॑ अ॒न्यत् ॥
Verse: 3
Sentence: 1 विषु॑रूपे॒ अह॑नी द्यौरिवासि । विश्वा॒ हि मा॒या अव॑सि स्वधावो भ॒द्रा ते॑ पूषन्नि॒ह रा॒तिर॑स्तु ॥
Sentence: 2=n ते॑ ऽवर्धन्त॒ स्वत॑वसो महित्व॒ना नाकं॑ त॒स्थुरु॒रु च॑क्रिरे॒ सदः॑ । विष्णु॒र्यद्धाव॒द्वृष॑णम्मद॒च्युतं॒ वयो॒ न सी॑द॒न्नधि॑ ब॒र्हिषि॑ प्रि॒ये ।
Sentence: 3=o प्र चि॒त्रम॒र्कं गृ॑ण॒ते तु॒राय॒ मारु॑ताय॒ स्वत॑वसे भरध्वम् । ये सहां॑सि॒ सह॑सा॒ सह॑न्ते ॥
Verse: 4
Sentence: 1 रेज॑ते अग्ने पृथि॒वी म॒खेभ्यः॑ ॥
Sentence: 2=p विश्वे॑ दे॒वास् ।
Sentence: 3=q विश्वे॑ दे॒वाः ।
Sentence: 4=r द्यावा॑ नः पृथि॒वी इ॒मं सि॒ध्रम॒द्य दि॑वि॒स्पृश॑म् । य॒ज्ञं दे॒वेषु॑ यछताम् ॥
Sentence: 5=s प्र पू॑र्व॒जे पि॒तरा॒ नव्य॑सीभिर्गी॒र्भिः कृ॑णुध्वं॒ सद॑ नेऋ॒तस्य॑ । आ नो॑ द्यावापृथिवी दैव्येन॒ जने॑न यातम्म॒हि वां॒ वरू॑थम् ॥
Sentence: 6=t अ॒ग्निं स्तोमे॑न बोधय समिधा॒नो अम॑र्त्यम् । ह॒व्या दे॒वेषु॑ नो दधत् ॥
Sentence: 7=u स ह॑व्य॒वाडम॑र्त्य उ॒शिग्दू॒तश्चनो॑हितः । अ॒ग्निर्धि॒या समृ॑ण्वति ॥
Sentence: 8=v शं नो॑ भवन्तु
Sentence: 9=w वाजे॑वाजे ॥
Chapter: 2 Paragraph: 1 Verse: 1 Sentence: 1=a विष्णोः॒ क्रमो॑ ऽस्यभिमाति॒हा गा॑य॒त्रं छन्द॒ आ रो॑ह पृथि॒वीमनु॒ वि क्र॑मस्व॒ निर्भ॑क्तः॒ स यं द्वि॒ष्मो विष्णोः॒ क्रमो॑ ऽस्यभिशस्ति॒हा त्रै॑ष्टुभं॒ छन्द॒ आ रो॑हा॒न्तरि॑क्ष॒मनु॒ वि क्र॑मस्व॒ निर्भ॑क्तः॒ स यं द्वि॒ष्मो विष्णोः॒ क्रमो॑ ऽस्यरातीय॒तो ह॒न्ता जाग॑तं॒ छन्द॒ आ रो॑ह॒ दिव॒मनु॒ वि क्र॑मस्व॒ निर्भ॑क्तः॒ स यं द्वि॒ष्मो विष्णोः॑ ॥
Verse: 2
Sentence: 1 क्रमो॑ ऽसि शत्रूय॒तो ह॒न्तानु॑ष्टुभं॒ छन्द॒ आ रो॑ह॒ दिशो ऽनु॒ वि क्र॑मस्व॒ निर्भ॑क्तः॒ स यं द्वि॒ष्मः ।
Sentence: 2=b अक्र॑न्दद॒ग्नि स्त॒नय॑न्निव द्यौः॒ क्षामा॒ रेरि॑हद्वी॒रुधः॑ सम॒ञ्जन् । स॒द्यो ज॑ज्ञा॒नो वि हीमि॒द्धो अख्य॒दा रोद॑सी भा॒नुना॑ भात्य॒न्तः ॥
Sentence: 3=c अग्ने॑ ऽभ्यावर्तिन्न॒भि न॒ आ व॑र्त॒स्वायु॑षा॒ वर्च॑सा स॒न्या मे॒धया॑ प्र॒जया॒ धने॑न ॥
Sentence: 4=d अग्ने॑ ॥
Verse: 3
Sentence: 1 अ॑ङ्गिरः श॒तं ते॑ सन्त्वा॒वृतः॑ स॒हस्रं॑ त उपा॒वृतः॑ । तासा॒म्पोष॑स्य॒ पोषे॑ण॒ पुन॑र्नो न॒ष्टमा कृ॑धि॒ पुन॑र्नो र॒यिमाकृ॑धि ॥
Sentence: 2=e पुन॑रू॒र्जा नि व॑र्तस्व॒ पुन॑रग्न इ॒षायु॑षा । पुन॑र्नः पाहि वि॒श्वतः॑ ॥
Sentence: 3=f स॒ह र॒य्या नि व॑र्त॒स्वाग्ने॒ पिन्व॑स्व धा॒रया॑ । वि॒श्वप्स्नि॑या वि॒श्वत॒स्परि॑ ॥
Sentence: 4=g उदु॑त्त॒मं व॑रुण॒ पाश॑म॒स्मदवा॑ध॒मम् ॥
Verse: 4
Sentence: 1 वि म॑ध्य॒मं श्र॑थाय । अथा॑ व॒यमा॑दित्य व्र॒ते तवाना॑गसो॒ अदि॑तये स्याम ॥
Sentence: 2=h आ त्वा॑हार्षम॒न्तर॑भूर्ध्रु॒वस्ति॒ष्ठावि॑चाचलिः । विश॑स्त्वा॒ सर्वा॑ वाञ्छन्त्व॒स्मिन्रा॒ष्ट्रमधि॑ श्रय ॥
Sentence: 3=i अग्रे॑ बृ॒हन्नु॒षसा॑मू॒र्ध्वो अ॑स्थान्निर्जग्मि॒वान्तम॑सो॒ ज्योति॒षागा॑त् । अ॒ग्निर्भा॒नुना॒ रुश॑ता॒ स्वङ्ग॒ आ जा॒तो वि॑श्वा॒ सद्मा॑न्यप्राः ॥
Sentence: 4=k सीद॒ त्वम्मा॒तुर॒स्याः ॥
Verse: 5
Sentence: 1 उ॒पस्थे॒ विश्वा॑न्यग्ने व॒युना॑नि वि॒द्वान् । मै॑नाम॒र्चिषा॒ मा तप॑सा॒भि शू॑शुचो॒ ऽन्तर॑स्यां शु॒क्रज्यो॑ति॒र्वि भा॑हि ॥
Sentence: 2=l अ॒न्तर॑ग्ने रु॒चा त्वमु॒खायै॒ सद॑ने॒ स्वे । तस्या॒स्त्वं हर॑सा॒ तप॒ञ्जात॑वेदः शि॒वो भ॑व ॥
Sentence: 3=m शि॒वो भू॒त्वा मह्य॑म॒ग्ने ऽथो॑ सीद शि॒वस्त्वम् । शि॒वाः कृ॒त्वा दिशः॒ सर्वाः॒ स्वां योनि॑मि॒हास॑दः ॥
Sentence: 4=n हं॒सः शु॑चि॒षद्वसु॑रन्तरिक्ष॒सद्धोता॑ वेदि॒षदति॑थिर्दुरोण॒सत् । नृ॒षद्व॑र॒सद्व्यो॑म॒सद॒ब्जा गो॒जा ऋ॑त॒जा अ॑द्रि॒जा ऋ॒तम्बृ॒हत् ॥
Paragraph: 2
Verse: 1
Sentence: 1=a दि॒वस्परि॑ प्रथ॒मं ज॑ज्ञे अ॒ग्निर॒स्मद्द्वि॒तीय॒म्परि॑ जा॒तवे॑दाः । तृ॒तीय॑म॒प्सु नृ॒मणा॒ अज॑स्र॒मिन्धा॑न एनं जरते स्वा॒धीः ॥
Sentence: 2=b वि॒द्मा ते॑ अग्ने त्रे॒धा त्र॒याणि॑ वि॒द्मा ते॒ सद्म॒ विभृ॑तम्पुरु॒त्रा । वि॒द्मा ते॒ नाम॑ पर॒मं गुहा॒ यद्वि॒द्मा तमुत्सं॒ यत॑ आज॒गन्थ॑ ॥
Sentence: 3=c स॑मु॒द्रे त्वा॑ नृ॒मणा॑ अ॒प्स्व॒न्तर्नृ॒चक्षा॑ ईधे दि॒वो अ॑ग्न॒ ऊध॑न् । तृ॒तीये॑ त्वा ॥
Verse: 2
Sentence: 1 रज॑सि तस्थि॒वांस॑मृ॒तस्य॒ योनौ॑ महि॒षा अ॑हिन्वन् ॥
Sentence: 2=d अक्र॑न्दद॒ग्नि स्त॒नय॑न्निव द्यौः॒ क्षामा॒ रेरि॑हद्वी॒रुधः॑ सम॒ञ्जन् । स॒द्यो ज॑ज्ञा॒नो वि हीमि॒द्धो अख्य॒दा रोद॑सी भा॒नुना॑ भात्य॒न्तः ॥
Sentence: 3=e उ॒शिक्पा॑व॒को अ॑र॒तिः सु॑मे॒धा मर्ते॑ष्व॒ग्निर॒मृतो॑ निधायि । इय॑र्ति धू॒मम॑रु॒षम्भरि॑भ्र॒दुच्छु॒क्रेण॑ शो॒चिषा॒ द्यामिन॑क्षत् ॥
Sentence: 4=f विश्व॑स्य के॒तुर्भुव॑नस्य॒ गर्भ॒ आ ॥
Verse: 3
Sentence: 1 रोद॑सी अपृणा॒ज्जाय॑मानः । वी॒डुं चि॒दद्रि॑मभिनत्परा॒यञ्जना॒ यद॒ग्निमय॑जन्त॒ पञ्च॑ ॥
Sentence: 2=g श्री॒णामु॑दा॒रो ध॒रुणो॑ रयी॒णाम्म॑ही॒षाणा॒म्प्रार्प॑णः॒ सोम॑गोपाः । वसोः॑ सू॒नुः सह॑सो अ॒प्सु राजा॒ वि भा॒त्यग्र॑ उ॒षसा॑मिधा॒नः ॥
Sentence: 3=h यस्ते॑ अ॒द्य कृ॒णव॑द्भद्रशोचे ऽपू॒पं दे॑व घृ॒तव॑न्तमग्ने । प्र तं न॑य प्रत॒रां वस्यो॒ अछा॒भि द्यु॒म्नं दे॒वभ॑क्तं यविष्ठ ॥
Sentence: 4=i आ ॥
Verse: 4
Sentence: 1 तम्भ॑ज सौश्रवसेष्वग्न उक्थौक्थ॒ आ भ॑ज श॒स्यमा॑ने । प्रि॒यः सूर्ये॑ प्रि॒यो अ॒ग्ना भ॑वा॒त्युज्जा॒तेन॑ भि॒नद॑दु॒ज्जनि॑त्वैः ॥
Sentence: 2=k त्वाम॑ग्ने॒ यज॑माना॒ अनु॒ द्यून्विश्वा॒ वसू॑नि दधिरे॒ वार्या॑णि । त्वया॑ स॒ह द्रवि॑णमि॒छमा॑ना व्र॒जं गोम॑न्तमु॒शिजो॒ वि व॑व्रुः ॥
Sentence: 3=l दृ॑शा॒नो रु॒क्म उ॒र्व्या व्य॑द्यौद्दु॒र्मर्ष॒मायुः॑ श्रि॒ये रु॑चा॒नः । अ॒ग्निर॒मृतो॑ अभव॒द्वयो॑भि॒र्यदे॑नं द्यौ॒रज॑नयत्सु॒रेताः॑ ॥
Paragraph: 3
Verse: 1
Sentence: 1=a अन्न॑प॒ते ऽन्न॑स्य नो देह्यनमी॒वस्य॑ शु॒ष्मिणः॑ । प्र प्र॑दा॒तारं॑ तारिष॒ ऊर्जं॑ नो धेहि द्वि॒पदे॒ चतु॑ष्पदे ॥
Sentence: 2=b उदु॑ त्वा॒ विश्वे॑ दे॒वा अग्ने॒ भर॑न्तु॒ चित्ति॑भिः । स नो॑ भव शि॒वत॑मः सु॒प्रती॑को वि॒भाव॑सुः ॥
Sentence: 3=c प्रेद॑ग्ने॒ ज्योति॑ष्मान्याहि शि॒वेभि॑र॒र्चिभि॒स्त्वम् । बृ॒हद्भि॑र्भा॒नुभि॒र्भास॒न्मा हिं॑सीस्त॒नुवा॑ प्र॒जाः ॥
Sentence: 4=d स॒मिधा॒ग्निं दु॑वस्यत घृतैर्बोधय॒ताति॑थिम् । आ ॥
Verse: 2
Sentence: 1 अ॑स्मिन्ह॒व्या जु॑होतन ॥
Sentence: 2=e प्रप्रा॒यम॒ग्निर्भ॑र॒तस्य॑ शृण्वे॒ वि यत्सूर्यो॒ न रोच॑ते बृ॒हद्भाः । अ॒भि यः पू॒रुम्पृत॑नासु तस्थौ दी॒दाय दैव्यो॒ अति॑थिः शि॒वो नः॑ ॥
Sentence: 3=f आपो॑ देवीः॒ प्रति॑ गृह्णीत॒ भस्मै॒तत्स्यो॒ने कृ॑णुध्वं सुर॒भावु॑ लो॒के । तस्मै॑ नमन्तां॒ जन॑यः सु॒पत्नी॑र्मा॒तेव॑ पु॒त्रम्बि॑भृ॒ता स्वे॑नम् ॥
Sentence: 4=g अ॒प्स्व॑ग्ने॒ सधि॒ष्टव॑ ॥
Verse: 3
Sentence: 1 सौ॑षधी॒रनु॑ रुध्यसे । गर्भे॒ सञ्जा॑यसे॒ पुनः॑ ॥
Sentence: 2=h गर्भो॑ अ॒स्योष॑धीनां॒ गर्भो॒ वन॒स्पती॑नां । गर्भो॒ विश्व॑स्य भू॒तस्याग्ने॒ गर्भो॑ अ॒पाम॑सि ॥
Sentence: 3=i प्र॒सद्य॒ भस्म॑ना॒ योनि॑म॒पश्च॑ पृथि॒वीम॑ग्ने । सं॒सृज्य॑ मा॒तृभि॒स्त्वं ज्योति॑ष्मा॒न्पुन॒रास॑दः ॥
Sentence: 4=k पुन॑रा॒सद्य॒ सद॑नम॒पश्च॑ पृथि॒वीम॑ग्ने । शेषे॑ मा॒तुर्यथो॒पस्थे॒ ऽन्तर॒स्यां शि॒वत॑मः ॥
Sentence: 5=l पुन॑रू॒र्जा ॥
Verse: 4
Sentence: 1 नि व॑र्तस्व॒ पुन॑रग्न इ॒षायु॑षा । पुन॑र्नः पाहि वि॒श्वतः॑ ॥
Sentence: 2=m स॒ह र॒य्या नि व॑र्त॒स्वाग्ने॑ पिन्वस्व॒ धार॑या । वि॒श्वप्स्नि॑या वि॒श्वत॒स्परि॑ ॥
Sentence: 3=n पुन॑स्त्वादि॒त्या रु॒द्रा वस॑वः॒ समि॑न्धता॒म्पुन॑र्ब्र॒ह्माणो॑ वसुनीथ यज्ञैः । घृ॒तेन॒ त्वं त॒नुवो॑ वर्धयस्व स॒त्याः स॑न्तु॒ यज॑मानस्य॒ कामाः॑ ॥
Sentence: 4=o बोधा॑ नो अस्य॒ वच॑सो यविष्ठ॒ मंहि॑ष्ठस्य॒ प्रभृ॑तस्य स्वधावः । पीय॑ति त्वो॒ अनु॑ त्वो गृणाति व॒न्दारु॑स्ते त॒नुवं॑ वन्दे अग्ने ॥
Sentence: 5=p स बो॑धि सू॒रिर्म॒घवा॑ वसु॒दावा॒ वसु॑पतिः । यु॑यो॒ध्य॒स्मद्द्वेषां॑सि ॥
Paragraph: 4
Verse: 1
Sentence: 1=a अपे॑त॒ वीत॒ वि च॑ सर्प॒तातो॒ ये ऽत्र॒ स्थ पु॑रा॒णा ये च॒ नूत॑नाः । अदा॑दि॒दं य॒मो॑ ऽव॒सान॑म्पृथि॒व्या अक्र॑न्नि॒मम्पि॒तरो॑ लो॒कम॑स्मै ॥
Sentence: 2=b अ॒ग्नेर्भस्मा॑स्य॒ग्नेः पुरी॑षमसि
Sentence: 3=c सं॒ज्ञान॑मसि काम॒धर॑ण॒म्मयि॑ ते काम॒धर॑णम्भूयात्
Sentence: 4=d सं या वः॑ प्रि॒यास्त॒नुवः॒ सम्प्रि॒या हृद॑यानि वः । आ॒त्मा वो॑ अस्तु ॥
Verse: 2
Sentence: 1 सम्प्रि॑यः॒ सम्प्रि॑यास्त॒नुवो॒ मम॑ ॥
Sentence: 2=e अ॒यं सो अ॒ग्निर्यस्मि॒न्त्सोम॒मिन्द्रः॑ सु॒तं द॒धे ज॒ठरे॑ वावशा॒नः । स॑ह॒स्रियं॒ वाज॒मत्यं॒ न सप्तिं॑ सस॒वान्त्सन्त्स्तू॑यसे जातवेदः ॥
Sentence: 3=f अग्ने॑ दि॒वो अर्ण॒मछा॑ जिगा॒स्यछा॑ दे॒वां ऊ॑चिषे॒ धिष्णि॑या॒ ये । याः प॒रस्ता॑द्रोच॒ने सूर्य॑स्य॒ याश्चा॒वस्ता॑दुप॒तिष्ठ॑न्त॒ आपः॑ ॥
Sentence: 4=g अग्ने॒ यत्ते॑ दि॒वि वर्चः॑ पृथि॒व्यां यदोष॑धीषु ॥
Verse: 3
Sentence: 1 अ॒प्सु वा॑ यजत्र । येना॒न्तरि॑क्षमु॒र्वा॑त॒तन्थ॑ त्वे॒षः स भा॒नुर॑र्ण॒वो नृ॒चक्षाः॑ ॥
Sentence: 2=h पु॑री॒ष्या॑सो अ॒ग्नयः॑ प्राव॒णेभिः॑ सजोषसः । जु॒षन्तां॑ ह॒व्यमाहु॑तमनमी॒वा इषो॑ म॒हीः ॥
Sentence: 3=i इडा॑मग्ने पुरु॒दंसं॑ स॒निं गोः श॑श्वत्त॒मं हव॑मानाय साध । स्यान्नः॑ सु॒नुस्तन॑यो वि॒जावाग्ने॒ सा ते॑ सुम॒तिर्भू॑त्व॒स्मे ॥
Sentence: 4=k अ॒यं ते॒ योनि॑रृ॒त्वियो॒ यतो॑ जा॒तो अरो॑चथाः । तं जा॒नन् ॥
Verse: 4
Sentence: 1 अ॑ग्न॒ आ रो॒हाथा॑ नो वर्धया र॒यिम् ॥
Sentence: 2=l चिद॑सि॒ तया॑ दे॒वत॑याङ्गिर॒वद्ध्रु॒वा सी॑द
Sentence: 3=m परि॒चिद॑सि॒ तया॑ दे॒वत॑याङ्गिर॒स्वद्ध्रु॒वा सी॑द
Sentence: 4=n लो॒कम्पृ॑ण छि॒द्रम्पृ॒णाथो॑ सीद शि॒वा त्वम् । इ॑न्द्रा॒ग्नी त्वा॒ बृह॒स्पति॑र॒स्मिन्योना॑वसीषदन् ॥
Sentence: 5=o ता अ॑स्य॒ सूद॑दोहसः॒ सोमं॑ श्रीणन्ति॒ पृश्न॑यः । जन्म॑न्दे॒वानां॒ विश॑स्त्रि॒ष्वा रो॑च॒ने दि॑वः ॥
Paragraph: 5
Verse: 1
Sentence: 1=a समि॑तं॒ सं क॑ल्पेथां॒ सम्प्रि॑यौ रोचि॒ष्णू सु॑मन॒स्यमा॑नौ । इष॒मूर्ज॑म॒भि सं॒वसा॑नौ शं वा॒म्मनां॑सि॒ सं व्र॒ता समु॑ चि॒त्तान्याक॑रम् ॥
Sentence: 2=b अग्ने॑ पुरीष्याधि॒पा भ॑वा॒ त्वं नः॑ । इष॒मूर्जं॒ यज॑मानाय धेहि ॥
Sentence: 3=c पु॑री॒ष्य॒स्त्वम॑ग्ने रयि॒मान्पु॑ष्टि॒मां अ॑सि । शि॒वाः कृ॒त्वा दिशः॒ सर्वाः॒ स्वां योनि॑मि॒हास॑दः ॥
Sentence: 4=d भव॑तं नः॒ सम॑नसौ॒ समो॑कसौ ॥
Verse: 2
Sentence: 1 अ॑रे॒पसौ॑ । मा य॒ज्ञं हिं॑सिष्ट॒म्मा य॒ज्ञप॑तिं जातवेदसौ शिवौ भवतम॒द्य नः॑ ॥
Sentence: 2=e मा॒तेव॑ पु॒त्रम्पृ॑थि॒वी पु॑री॒ष्य॑म॒ग्निं स्वे योना॑वभारु॒खा । तां विश्वै॑र्देवैरृ॒तुभिः॑ संविदा॒नः प्र॒जाप॑तिर्वि॒श्वक॑र्मा॒ वि मु॑ञ्चतु ॥
Sentence: 3=f यद॑स्य पा॒रे रज॑सः शु॒क्रं ज्योति॒रजा॑यत । तन्नः॑ पर्ष॒दति॒ द्विशो ऽग्ने॑ वैश्वानर॒ स्वाहा॑ ॥
Sentence: 4=g नमः॒ सु ते॑ निरृते विश्वरूपे ॥
Verse: 3
Sentence: 1 अ॑य॒स्मयं॒ वि चृ॑ता ब॒न्धमे॒तम् । य॒मेन॒ त्वं य॒म्या॑ संविदा॒नोत्त॒मं नाक॒मधि॑ रोहये॒मम् ॥
Sentence: 2=h यत्ते॑ दे॒वी निरृ॑तिराब॒बन्ध॒ दाम॑ ग्री॒वास्व॑विच॒र्त्यम् । इ॒दं ते॒ तद्वि ष्या॒म्यायु॑षो॒ न मध्या॒दथा॑ जी॒वः पि॒तुम॑द्धि॒ प्रमु॑क्तः ॥
Sentence: 3=i यस्या॑स्ते अ॒स्याः क्रू॒र आ॒सञ्जु॒होम्ये॒षाम्ब॒न्धाना॑मव॒सर्ज॑नाय । भूमि॒रिति॑ त्वा॒ जना॑ वि॒दुर्निरृ॑तिः ॥
Verse: 4
Sentence: 1 इति॑ त्वा॒हम्परि॑ वेद वि॒श्वतः॑ ॥
Sentence: 2=k असु॑न्वन्त॒मय॑जमानमिछ स्ते॒नस्ये॒त्यां तस्क॑र॒स्यान्वे॑षि । अ॒न्यम॒स्मदि॑छ॒ ष त॑ इ॒त्या नमो॑ देवि निरृते॒ तुभ्य॑मस्तु ॥
Sentence: 3=l दे॒वीम॒हं निरृ॑तिं॒ वन्द॑मानः पि॒तेव॑ पु॒त्रं द॑सये॒ वचो॑भिः । विश्व॑स्य॒ या जाय॑मानस्य॒ वेद॒ शिरः॑शिरः॒ प्रति॑ सू॒री वि च॑ष्टे ॥
Sentence: 4=m नि॒वेश॑नः सं॒गम॑नो॒ वसू॑नां॒ विश्वा॑ रू॒पाभि च॑ष्टे ॥
Verse: 5
Sentence: 1 शची॑भिः । दे॒व इ॑व सवि॒ता स॒त्यध॒र्मेन्द्रो॒ न त॑स्थौ सम॒रे प॑थी॒नाम् ॥
Sentence: 2=n सं व॑र॒त्रा द॑धातन॒ निरा॑हा॒वान्कृ॑णोतन । सि॒ञ्चाम॑हा अव॒टमु॒द्रिणं॑ व॒यं विश्वाहाद॑स्त॒मक्षि॑तम् ॥
Sentence: 3=o निष्कृ॑ताहावमव॒टं सु॑वर॒त्रं सु॑षेच॒नम् । उ॒द्रिणं॑ सिञ्चे॒ अक्षि॑तम् ॥
Sentence: 4=p सीरा॑ युञ्जन्ति क॒वयो॑ यु॒गा वि त॑न्वते॒ पृथ॑क् । धीरा॑ दे॒वेषु॑ सुम्न॒या
Sentence: 5=q यु॒नक्त॒ सीरा॒ वि यु॒गा त॑नोत कृ॒ते योनौ॑ वपते॒ह ॥
Verse: 6
Sentence: 1 बीज॑म् । गि॒रा च॑ श्रु॒ष्टिः सभ॑रा॒ अस॑न्नो॒ नेदी॑य॒ इत्सृ॒ण्या॑ प॒क्वमाय॑त् ॥
Sentence: 2=r लाङ्ग॑ल॒म्पवी॑रवं सु॒शेवं॑ सुम॒तित्स॑रु । उदित्कृ॑षति॒ गामवि॑म्प्रपर्व॒यं॑ च॒ पीव॑रीम् । प्र॒स्थाव॑द्रथ॒वाह॑नम् ॥
Sentence: 3=s शु॒नं नः॒ पाला॒ वि तु॑दन्तु॒ भूमिं॑ शु॒नं की॒नाशा॑ अ॒भि य॑न्तु वा॒हान् । शु॒नम्प॒र्जन्यो॒ मधु॑ना॒ पयो॑भिः॒ शुना॑सीरा शु॒नम॒स्मासु॑ धत्तम् ॥
Sentence: 4=t कामं॑ कामदुघे धुक्ष्व मि॒त्राय॒ वरु॑णाय च । इन्द्रा॑या॒ग्नये॑ पू॒ष्ण ओष॑धीभ्यः प्र॒जाभ्यः॑ ॥
Sentence: 5=u घृ॒तेन॒ सीता॒ मधु॑ना॒ सम॑क्ता॒ विश्वै॑र्देवै॒रनु॑मता म॒रुद्भिः॑ । ऊर्ज॑स्वती॒ पय॑सा॒ पिन्व॑माना॒स्मान्त्सी॑ते॒ पय॑सा॒भ्याव॑वृत्स्व ॥
Paragraph: 6
Verse: 1
Sentence: 1=a या जा॒ता ओष॑धयो दे॒वेभ्य॑स्त्रियु॒गम्पु॒रा । मन्दा॑मि ब॒भ्रूणा॑म॒हं श॒तं धामा॑नि स॒प्त च॑ ॥
Sentence: 2=b श॒तं वो॑ अम्ब॒ धामा॑नि स॒हस्र॑मु॒त वो॒ रुहः॑ । अथा॑ शतक्रत्वो यू॒यमि॒मम्मे॑ अग॒दं कृ॑त ॥
Sentence: 3=c पुष्पा॑वतीः प्र॒सूव॑तीः प॒लिनी॑रप॒ला उ॒त । अश्वा॑ इव स॒जित्व॑रीर्वी॒रुधः॑ पारयि॒ष्णवः॑ ॥
Sentence: 4=d ओष॑धी॒रिति॑ मातर॒स्तद्वो॑ देवी॒रुप॑ ब्रुवे । रपां॑सि विघ्न॒तीरि॑त॒ रपः॑ ॥
Verse: 2
Sentence: 1 चा॒तय॑मानाः ॥
Sentence: 2=e अ॑श्व॒त्थे वो॑ नि॒षद॑नम्प॒र्णे वो॑ वस॒तिः कृ॒ता । गो॒भाज॒ इत्किला॑सथ॒ यत्स॒नव॑थ॒ पूरु॑षम् ॥
Sentence: 3=f यद॒हं वा॒जय॑न्नि॒मा ओष॑धी॒र्हस्त॑ आद॒धे । आ॒त्मा यक्ष्म॑स्य नश्यति पु॒रा जी॑व॒गृभो॑ यथा ॥
Sentence: 4=g यदोष॑धयः सं॒गछ॑न्ते॒ राजा॑नः॒ समि॑ताविव । विप्रः॒ स उ॑च्यते भि॒षग्र॑क्षो॒हामी॑व॒चात॑नः ॥
Sentence: 5=h निष्कृ॑ति॒र्नाम॑ वो मा॒ताथा॑ यू॒यं स्थ॒ सङ्कृ॑तीः । स॒राः प॑त॒त्रिणीः॑ ॥
Verse: 3
Sentence: 1 स्थ॑न॒ यदा॒मय॑ति॒ निष्कृ॑त ॥
Sentence: 2=i अ॒न्या वो॑ अ॒न्याम॑वत्व॒न्यान्यस्या॒ उपा॑वत । ताः सर्वा॒ ओष॑धयः संविदा॒ना इ॒दम्मे॒ प्राव॑ता॒ वचः॑ ॥
Sentence: 3=k उच्छुष्मा॒ ओष॑धीनां॒ गावो॑ गो॒ष्ठादि॑वेरते । धनं॑ सनि॒ष्यन्ती॑नामा॒त्मानं॒ तव॑ पूरुष ॥
Sentence: 4=l अति॒ विश्वाः॑ परि॒ष्ठा स्ते॒न इ॑व व्र॒जम॑क्रमुः । ओष॑धयः॒ प्राचु॑च्यवु॒र्यत्किं च॑ त॒नुवां॒ रपः॑ ॥
Sentence: 5=m याः ॥
Verse: 4
Sentence: 1 त॑ आत॒स्थुरा॒त्मानं॒ या आ॑विवि॒शुः परुः॑परुः । तास्ते॒ यक्ष्मं॒ वि बा॑धन्तामु॒ग्रो म॑ध्यम॒शीरि॑व ॥
Sentence: 2=n सा॒कं य॑क्ष्म॒ प्र प॑त श्ये॒नेन॑ किकिदी॒विना॑ । सा॒कं वात॑स्य॒ ध्राज्या॑ सा॒कं न॑श्य नि॒हाक॑या ॥
Sentence: 3=o अ॑श्वाव॒तीं सो॑मव॒तीमू॒र्जय॑न्ती॒मुदो॑जसम् । आ वि॑त्सि॒ सर्वा॒ ओष॑धीर॒स्मा अ॑रि॒ष्टता॑तये ॥
Sentence: 4=p याः प॒लिनी॒र्या अ॑प॒ला अ॑पु॒ष्पा याश्च॑ पु॒ष्पिणीः॑ । बृह॒स्पति॑प्रसूता॒स्ता नो॑ मुञ्च॒न्त्वंह॑सः ॥
Sentence: 5=q याः ॥
Verse: 5
Sentence: 1 ओष॑धयः॒ सोम॑राज्ञीः॒ प्रवि॑ष्टाः पृथि॒वीमनु॑ । तासां॒ त्वम॑स्युत्त॒मा प्र णो॑ जी॒वात॑वे सुव ॥
Sentence: 2=r अ॑व॒पत॑न्तीरवदन्दि॒व ओष॑धयः॒ परि॑ । यं जी॒वम॒श्नवा॑महै॒ न स रि॑ष्याति॒ पूरु॑षः ॥
Sentence: 3=s याश्चे॒दमु॑पशृ॒ण्वन्ति॒ याश्च॑ दू॒रम्परा॑गताः । इ॒ह सं॒गत्य॒ ताः सर्वा॑ अस्मै॒ सं द॑त्त भेष॒जम् ॥
Sentence: 4=t मा वो॑ रिषत्खनि॒ता यस्मै॑ चा॒हं खना॑मि वः । द्वि॒पच्चतु॑ष्पद॒स्माकं॒ सर्व॑मस्त्वनातु॒रम् ॥
Sentence: 5=u ओष॑धयः॒ सं व॑दन्ते॒ सोमे॑न स॒ह राज्ञा॑ । यस्मै॑ क॒रोति॑ ब्राह्म॒णस्तं रा॑जन्पारयामसि ॥
Paragraph: 7
Verse: 1
Sentence: 1=a मा नो॑ हिंसीज्जनि॒ता यः पृ॑थि॒व्या यो वा॒ दिवं॑ स॒त्यध॑र्मा ज॒जान॑ । यश्चापश्च॒न्द्रा बृ॑ह॒तीर्ज॒जान॒ कस्मै॑ दे॒वाय॑ ह॒विषा॑ विधेम ॥
Sentence: 2=b अ॒भ्याव॑र्तस्व पृथिवि य॒ज्ञेन॒ पय॑सा स॒ह । व॒पां ते॑ अ॒ग्निरि॑षि॒तो ऽव॑ सर्पतु ॥
Sentence: 3=c अग्ने॒ यत्ते॑ शु॒क्रं यच्च॒न्द्रं यत्पू॒तं यद्य॒ज्ञिय॑म् । तद्दे॒वेभ्यो॑ भरामसि ॥
Sentence: 4=d इष॒मूर्ज॑म॒हमि॒त आ ॥
Verse: 2
Sentence: 1 द॑द ऋ॒तस्य॒ धाम्नो॑ अ॒मृत॑स्य॒ योनेः॑ । आ नो॒ गोषु॑ विशत्औषधीषु॒ जहा॑मि से॒दिमनि॑रा॒ममी॑वाम् ॥
Sentence: 2=e अग्ने॒ तव॒ श्रवो॒ वयो॒ महि॑ भ्राजन्त्य॒र्चयो॑ विभावसो । बृह॑द्भानो॒ शव॑सा॒ वाज॑मु॒क्थ्यं॒ दधा॑सि दा॒सुषे॑ कवे ॥
Sentence: 3=f इ॑र॒ज्यन्न॑ग्ने प्रथयस्व ज॒न्तुभि॑र॒स्मे रायो॑ अमर्त्य । स द॑र्श॒तस्य॒ वपु॑षो॒ वि रा॑जसि पृ॒णक्षि॑ सान॒सिं र॒यिम् ॥
Sentence: 4=g ऊर्जो॑ नपाज्जातवेदः सुश॒स्तिभि॒र्मन्द॑स्व ॥
Verse: 3
Sentence: 1 धी॒तिभि॑र्हि॒तः । त्वे इषः॒ सं द॑धु॒र्भूरि॑रेतसश्चि॒त्रोत॑यो वा॒मजा॑ताः ॥
Sentence: 2=h पा॑व॒कव॑र्चाः शु॒क्रव॑र्चा॒ अनू॑नवर्चा॒ उदि॑यर्षि भा॒नुना॑ । पु॒त्रः पि॒तरा॑ वि॒चर॒न्नुपा॑वस्यु॒भे पृ॑णक्षि॒ रोद॑सी ॥
Sentence: 3=i ऋ॒तावा॑नम्महि॒षं वि॒श्वच॑र्षणिम॒ग्निं सु॒म्नाय॑ दधिरे पु॒रो जनाः॑ । श्रुत्क॑र्णं स॒प्रथ॑स्तमम्त्वा गि॒रा दै॑व्य॒म्मानु॑षा यु॒गा ॥
Sentence: 4=k नि॑ष्क॒र्तार॑मध्व॒रस्य॒ प्रचे॑तसं॒ क्षय॑न्तं॒ राध॑से म॒हे । रा॒तिम्भृगू॑णामु॒शिजं॑ क॒विक्र॑तुम्पृ॒णक्षि॑ सान॒सिम् ॥
Verse: 4
Sentence: 1 र॒यिम् ॥
Sentence: 2=l चित॑ स्थ परि॒चित॑ ऊर्ध्व॒चितः॑ श्रयध्वं॒ तया॑ दे॒वत॑याङ्गिर॒स्वद्ध्रु॒वाः सी॑दत ॥
Sentence: 3=m आ प्या॑यस्व॒ समे॑तु ते वि॒श्वतः॑ सोम॒ वृष्णि॑यम् । भवा॒ वाज॑स्य सङ्ग॒थे ॥
Sentence: 4=n सं ते॒ पयां॑सि॒ समु॑ यन्तु॒ वाजाः॒ सं वृष्णि॑यान्यभिमाति॒षाहः॑ । आ॒प्याय॑मानो अ॒मृता॑य सोम दि॒वि श्रवा॑न्स्युत्त॒मानि॑ धिष्व ॥
Paragraph: 8
Verse: 1
Sentence: 1=a अ॒भ्य॑स्था॒द्विश्वाः॒ पृत॑ना॒ अरा॑ती॒स्तद॒ग्निरा॑ह॒ तदु॒ सोम॑ आह । बृह॒स्पतिः॑ सवि॒ता तन्म॑ आह पु॒षा मा॑धात्सुकृ॒तस्य॑ लो॒के ॥
Sentence: 2=b यदक्र॑न्दः प्रथ॒मं जाय॑मान उ॒द्यन्त्स॑मु॒द्रादु॒त वा॒ पुरी॑षात् । श्ये॒नस्य॑ प॒क्षा ह॑रि॒णस्य॑ बा॒हू उप॑स्तुतं॒ जनि॑म॒ तत्ते॑ अर्वन् ॥
Sentence: 3=c अ॒पाम्पृ॒ष्ठम॑सि॒ योनि॑र॒ग्नेः स॑मु॒द्रम॒भितः॒ पिन्व॑मानम् । वर्ध॑मानम्म॒हः ॥
Verse: 2
Sentence: 1 आ च॒ पुष्क॑रं दि॒वो मात्र॑या व॒र्णा प्र॑थस्व ॥
Sentence: 2=d ब्रह्म॑ जज्ञा॒नम्प्र॑थ॒मम्पु॒रस्ता॒द्वि सी॑म॒तः सु॒रुचो॑ वे॒न आ॑वः । स बु॒ध्निया॑ उप॒मा अ॑स्य वि॒ष्ठाः स॒तश्च॒ योनि॒मस॑तश्च॒ विवः॑ ॥
Sentence: 3=e हि॑रण्यग॒र्भः सम॑वर्त॒ताग्रे॑ भू॒तस्य॑ जा॒तः पति॒रेक॑ आसीत् । स दा॑धार पृथि॒वीं द्यामु॒तेमां कस्मै॑ दे॒वाय॑ ह॒विषा॑ विधेम ॥
Sentence: 4=f द्र॒प्सश्च॑स्कन्द पृथि॒वीमनु॑ ॥
Verse: 3
Sentence: 1 द्यामि॒मं च॒ योनि॒मनु॒ यश्च॒ पूर्वः॑ । तृ॒तीयं॒ योनि॒मनु॑ सं॒चर॑न्तं द्र॒प्सं जु॑हो॒म्यनु॑ स॒प्त होत्राः॑ ॥
Sentence: 2=g नमो॑ अस्तु स॒र्पेभ्यो॒ ये के च॑ पृथि॒वीमनु॑ । ये अ॒न्तरि॑क्षे॒ ये दि॒वि तेभ्यः॑ स॒र्पेभ्यो॒ नमः॑ ॥
Sentence: 3=h ये॒ ऽदो रो॑च॒ने दि॒वो ये वा॒ सूर्य॑स्य र॒श्मिषु॑ । येषा॑म॒प्सु सदः॑ कृ॒तं तेभ्यः॑ स॒र्पेभ्यो॒ नमः॑ ॥
Sentence: 4=i या इष॑वो यातु॒धाना॑नां॒ ये वा॒ वन॒स्पतीं॒रनु॑ । ये वा॑व॒टेषु॒ शेर॑ते॒ तेभ्यः॑ स॒र्पेभ्यो॒ नमः॑ ॥
Paragraph: 9
Verse: 1
Sentence: 1=a ध्रु॒वासि॑ ध॒रुणास्तृ॑ता वि॒श्वक॑र्मणा॒ सुक्रि॑ता । मा त्वा॑ समु॒द्र उद्व॑धी॒न्मा सु॑प॒र्णो ऽव्य॑थमाना पृथि॒वीं दृं॑ह ॥
Sentence: 2=b प्र॒जाप॑तिस्त्वा सादयतु पृथि॒व्याः पृ॒ष्ठे व्यच॑स्वती॒म्प्रथ॑स्वती॒म्प्रथो॑ ऽसि पृथि॒व्य॑सि॒ भूर॑सि॒ भूमि॑र॒स्यदि॑तिरसि वि॒श्वधा॑या॒ विश्व॑स्य॒ भुव॑नस्य ध॒र्त्री पृ॑थि॒वीं य॑छ पृथि॒वीं दृं॑ह पृथि॒वीम्मा हिं॑सी॒र्विश्व॑स्मै प्रा॒णाय॑ व्या॒नायो॑दा॒नाय॑ प्रति॒ष्ठायै॑ ॥
Verse: 2
Sentence: 1 च॒रित्रा॑या॒ग्निस्त्वा॒भि पा॑तु म॒ह्या स्व॒स्त्या छ॒र्दिषा॒ शन्त॑मेन॒ तया॑ दे॒वत॑याङ्गिर॒स�॒वा सी॑द
Sentence: 2=c काण्डा॑त्काण्डात्प्र॒रोह॑न्ती॒ परु॑षःपरुषः॒ परि॑ । ए॒वा नो॑ दूर्वे॒ प्र त॑नु स॒हस्रे॑ण श॒तेन॑ च ॥
Sentence: 3=d या श॒तेन॑ प्रत॒नोषि॑ स॒हस्रे॑ण वि॒रोह॑सि॒ तस्या॑स्ते देवीष्टके वि॒धेम॑ ह॒विषा॑ व॒यम् ॥
Sentence: 4=e अषा॑ढासि॒ सह॑माना॒ सह॒स्वारा॑तीः॒ सह॑स्वारातीय॒तः
Sentence: 5=f सह॑स्व॒ पृत॑नाः॒ सह॑स्व पृतन्य॒तः स॒हस्र॑वीर्या ॥
Verse: 3
Sentence: 1 अ॑सि॒ सा मा॑ जिन्व ॥
Sentence: 2=g मधु॒ वाता॑ ऋताय॒ते मधु॑ क्षरन्ति॒ सिन्ध॑वः । माध्वी॑र्नः स॒न्त्वोष॑धीः ॥
Sentence: 3=h मधु॒ नक्त॑मु॒तोषसि॒ मधु॑म॒त्पार्थि॑वं॒ रजः॑ । मधु द्यौरस्तु नः पि॒ता ॥
Sentence: 4=i मधु॑मान्नो॒ वन॒स्पति॒र्मधु॑मां अस्तु॒ सूर्यः॑ । माध्वी॒र्गावो॑ भवन्तु नः ॥
Sentence: 5=k म॒ही द्यौः॑ पृथि॒वी च॑ न इ॒मं य॒ज्ञम्मि॑मिक्षताम् । पि॑पृ॒तां नो॒ भरी॑मभिः ॥
Sentence: 6=l तद्विष्णोः॑ पर॒मम् ॥
Verse: 4
Sentence: 1 प॒दं सदा॑ पश्यन्ति सू॒रयः॑ । दि॒वीव॒ चक्षु॒रात॑तम् ॥
Sentence: 2=m ध्रु॒वासि॑ पृथिवि॒ सह॑स्व पृतन्य॒तः । स्यू॒ता दे॒वेभि॑र॒मृते॒नागाः॑ ॥
Sentence: 3=n यास्ते॑ अग्ने॒ सूर्ये॒ रुच॑ उद्य॒तो दिव॑मात॒न्वन्ति॑ र॒श्मिभिः॑ । ताभिः॒ सर्वा॑भी रु॒चे जना॑य नस्कृधि ॥
Sentence: 4=o या वो॑ देवाः॒ सूर्ये॒ रुचो॒ गोष्वश्वे॑षु॒ या रुचः॑ । इन्द्रा॑ग्नी॒ ताभिः॒ सर्वा॑भी॒ रुचं॑ नो धत्त बृहस्पते
Sentence: 5=p वि॒राट् ॥
Verse: 5
Sentence: 1 ज्योति॑रधारयत्स॒म्राड्ज्योति॑रधारयत्स्व॒राड्ज्योति॑रधारयत्
Sentence: 2=q अग्ने॑ यु॒क्ष्वा हि ये तवा॑श्वासो देव सा॒धवः॑ । अरं॒ वह॑न्त्या॒शवः॑ ॥
Sentence: 3=r यु॒क्ष्वा हि दे॑व॒हूत॑मां॒ अश्वां॑ अग्ने र॒थीरि॑व । नि होता॑ पू॒र्व्यः स॑दः ॥
Sentence: 4=s द्र॒प्सश्च॑स्कन्द पृथि॒वीमनु॒ द्यामि॒मं च॒ योनि॒मनु॒ यश्च॒ पूर्वः॑ । तृ॒तीयं॒ योनि॒मनु॑ सं॒चर॑न्तं द्र॒प्सं जु॑हो॒म्यनु॑ स॒प्त ॥
Verse: 6
Sentence: 1 होत्राः॑ ॥
Sentence: 2=t अभू॑दि॒दं विश्व॑स्य॒ भुव॑नस्य॒ वाजि॑नम॒ग्नेर्वै॑श्वान॒रस्य॑ च । अ॒ग्निर्ज्योति॑षा॒ ज्योति॑ष्मान्रु॒क्मो वर्च॑सा॒ वर्च॑स्वान् ॥
Sentence: 3=u ऋ॒चे त्वा॑ रु॒चे त्वा
Sentence: 4=v समित्स्र॑वन्ति स॒रितो॒ न धेनाः॑ । अ॒न्तर्हृ॒दा मन॑सा पू॒यमा॑नाः । घृ॒तस्य॒ धारा॑ अ॒भि चा॑कशीमि । हि॑र॒ण्ययो॑ वेत॒सो मध्य॑ आसाम् ॥
Sentence: 5=w तस्मि॑न्त्सुप॒र्णो म॑धु॒कृत्कु॑ला॒यी भज॑न्नास्ते॒ मधु॑ दे॒वता॑भ्यः । तस्या॑सते॒ हर॑यः स॒प्त तीरे॑ स्व॒धां दुहा॑ना अ॒मृत॑स्य॒ धारा॑म् ॥
Paragraph: 10
Verse: 1
Sentence: 1=a आ॑दि॒त्यं गर्भ॒म्पय॑सा सम॒ञ्जन्त्स॒हस्र॑स्य प्रति॒मां वि॒श्वरू॑पम् । परि॑ वृङ्ग्धि॒ हर॑सा॒ माभि मृ॑क्षः श॒तायु॑षं कृणुहि ची॒यमा॑नः ॥
Sentence: 2=b इ॒मम्मा हिं॑सीर्द्वि॒पाद॑म्पशू॒नां सह॑स्राक्ष॒ मेध॒ आ ची॒यमा॑नः । मयु॑मार॒ण्यमनु॑ ते दिशामि॒ तेन॑ चिन्वा॒नस्त॒नुवो॒ नि षी॑द ॥
Sentence: 3=c वात॑स्य॒ ध्राजिं॒ वरु॑णस्य॒ नाभि॒मश्वं॑ जज्ञा॒नं स॑रि॒रस्य॒ मध्ये॑ । शिशुं॑ न॒दीनां॒ हरि॒मद्रि॑बुद्ध॒मग्ने॑ मा हिंसीः ॥
Verse: 2
Sentence: 1 प॑र॒मे व्यो॑मन् ॥
Sentence: 2=d इ॒मम्मा हिं॑सी॒रेक॑शपम्पशू॒नां क॑निक्र॒दं वा॒जिनं॒ वाजि॑नेषु । गौ॒रमा॑र॒ण्यमनु॑ ते दिशामि॒ तेन॑ चिन्वा॒नस्त॒नुवो॒ नि षी॑द ॥
Sentence: 3=e अज॑स्र॒मिन्दु॑मरु॒षम्भु॑र॒ण्युम॒ग्निमी॑डे पू॒र्वचि॑त्तौ॒ नमो॑भिः । स पर्व॑भिरृतु॒शः कल्प॑मानो॒ गाम्मा हिं॑सी॒रदि॑तिं वि॒राज॑म् ॥
Sentence: 4=f इ॒मं स॑मु॒द्रं श॒तधा॑र॒मुत्सं॑ व्य॒च्यमा॑न॒म्भुव॑नस्य॒ मध्ये॑ । घृ॒तं दुहा॑ना॒मदि॑तिं॒ जना॒याग्ने॒ मा ॥
Verse: 3
Sentence: 1 हिं॑सीः पर॒मे व्यो॑मन् । ग॑व॒यमा॑र॒ण्यमनु॑ ते दिशामि॒ तेन॑ चिन्वा॒नस्त॒नुवो॒ नि षी॑द ॥
Sentence: 2=g वरू॑त्रिं॒ त्वष्टु॒र्वरु॑णस्य॒ नाभि॒मविं॑ जज्ञा॒नां रज॑सः॒ पर॑स्मात् । म॒हीं सह॒स्रीमसु॑रस्य म॒यामग्ने॒ मा हिं॑सीः॒ पर॑मे॒ व्यो॑मन् ॥
Sentence: 3=h इ॒मामू॑र्णा॒युं वरु॑णस्य मा॒यां त्वच॑म्पशू॒नां द्वि॒पदां॒ चतु॑ष्पदाम् । त्वष्टुः॑ प्र॒जाना॑म्प्रथ॒मं ज॒नित्र॒मग्ने॒ मा हिं॑सीः॒ पर॑मे॒ व्यो॑मन् । उष्ट्र॑मार॒ण्यमनु॑ ॥
Verse: 4
Sentence: 1 ते॑ दिशामि॒ तेन॑ चिन्वा॒नस्त॒नुवो॒ नि षी॑द ॥
Sentence: 2=i यो अ॒ग्निर॒ग्नेस्तप॒सो ऽधि॑ जा॒तः शोचा॑त्पृथि॒व्या उ॒त वा॒ दिव॒स्परि॑ । येन॑ प्र॒जा वि॒श्वक॑र्मा॒ व्यान॒ट्तम॑ग्ने॒ हेडः॒ परि॑ ते वृणक्तु ॥
Sentence: 3=k अ॒जा ह्य॒ग्नेरज॑निष्ट॒ गर्भा॒त्सा वा अ॑पश्यज्जनि॒तार॒मग्रे॑ । तया॒ रोह॑माय॒न्नुप॒ मेध्या॑सः॒ तया॑ दे॒वा दे॒वता॒मग्र॑ आयन् । श॑र॒भमा॑र॒ण्यमा॑नु ते दिशामि॒ तेन॑ चिन्वा॒नस्त॒नुवो॒ नि षी॑द ॥
Paragraph: 11
Verse: 1
Sentence: 1=a इन्द्रा॑ग्नी रोच॒ना दि॒वः परि॒ वाजे॑षु भूषथः । तद्वां॑ चेति॒ प्र री॒व्य॑म् ॥
Sentence: 2=b श्नथ॑द्वृ॒त्रमु॒त स॑नोति॒ वाज॒मिन्द्रा॒ यो अ॒ग्नी सहु॑री सप॒र्यात् । इ॑र॒ज्यन्ता॑ वस॒व्य॑स्य॒ भूरेः॒ सह॑स्तमा स॒हसा॑ वाज॒यन्ता॑ ॥
Sentence: 3=c प्र च॑र्ष॒णिभ्यः॑ पृतना॒ हवे॑षु॒ प्र पृ॑थि॒व्या रि॑रिचाथे दि॒वश्च॑ । प्र सिन्धु॑भ्यः॒ प्र गि॒रिभ्यो॑ महि॒त्वा प्रेन्द्रा॑ग्नी विश्वा॒ भुव॒नात्य॒न्या ॥
Sentence: 4=d मरु॑तो॒ यस्य॒ हि ॥
Verse: 2
Sentence: 1 क्षये॑ पा॒था दि॒वो वि॑महसः । स सु॑गो॒पात॑मो॒ जनः॑ ॥
Sentence: 2=e यज्ञैर्वा यज्ञवाहसो॒ विप्र॑स्य वा मती॒नाम् । मरु॑तः श्रिणु॒ता हव॑म् ॥
Sentence: 3=f श्रि॒यसे॒ कम्भा॒नुभिः॒ सम्मि॑मिक्षिरे॒ ते र॒श्मिभि॒स्त ऋक्व॑भिः सुखा॒दयः॑ । ते वाशी॑मन्त इ॒ष्मिणो॒ अभी॑रवो वि॒द्रे प्रि॒यस्य॒ मारु॑तस्य॒ धाम्नः॑ ॥
Sentence: 4=g अव॑ ते॒ हेड
Sentence: 5=h उदु॑त्त॒मम् ।
Sentence: 6=i कया॑ नश्चि॒त्र आ भु॑वदू॒ती स॒दावृ॑धः॒ सखा॑ । कया॒ शचि॑ष्ठया वृ॒ता ॥
Verse: 3
Sentence: 1=k को अ॒द्य यु॑ङ्क्ते धु॒रि गा ऋ॒तस्य॒ शिमी॑वतो भा॒मिनो॒ दुर्हृ॑णायून् । आ॒सन्नि॑षून्हृ॒त्स्वसो॑ मयो॒भून्य ए॑षाम्भृ॒त्यामृ॒णध॒त्स जी॑वात् ॥
Sentence: 2=l अग्ने॑ नय ।
Sentence: 3=m आ दे॒वाना॑म् ।
Sentence: 4=n शं॑ नो भवन्तु
Sentence: 5=o वाजे॑वाजे
Sentence: 6=p अ॒प्स्व॑ग्ने॒ सधि॒ष्टव सौषधी॒रनु॑ रुध्यसे॒ गर्भे॒ सञ्जा॑यसे॒ पुनः॑ ॥
Sentence: 7=q वृषा॑ सोम द्यु॒मां अ॑सि॒ वृषा॑ देव॒ वृष॑व्रतः । वृषा॒ धर्मा॑णि दधिषे ॥
Sentence: 8=r इ॒मम्मे॑ वरुण
Sentence: 9=s तत्त्वा॑ यामि
Sentence: 10=t त्वं नो॑ अग्ने
Sentence: 11=u स त्वं नो॑ अग्ने ॥
Chapter: 3
Paragraph: 1
Verse: 1
Sentence: 1=a अ॒पां त्वेम॑न्त्सादयाम्य॒पां त्वो॑द्मन्त्सादयाम्य॒पां त्वा॒ भस्म॑न्त्सादयाम्य॒पां त्वा॒ ज्योति॑षि सादयाम्य॒पां त्वाय॑ने सादयामि ।
Sentence: 2=b अ॑र्ण॒वे सद॑ने सीद समु॒द्रे सद॑ने सीद सलि॒ले सद॑ने सीदा॒पां क्षये॑ सीदा॒पां सधि॑षि सीद ।
Sentence: 3=c अ॒पां त्वा॒ सद॑ने सादयाम्य॒पां त्वा॑ स॒धस्थे॑ सादयाम्य॒पां त्वा॒ पुरी॑षे सादयाम्य॒पां त्वा॒ योनौ॑ सादयाम्य॒पां त्वा॒ पाथ॑सि सादयामि
Sentence: 4=d गाय॒त्री छन्द॑स्त्रि॒ष्टुप्छन्दो॒ जग॑ती॒ छन्दो॑ ऽनु॒ष्टुप्छन्दः॑ प॒ङ्क्तिश्छन्दः॑ ॥
Paragraph: 2
Verse: 1
Sentence: 1=a अ॒यम्पु॒रो भुव॒स्तस्य॑ प्रा॒णो भौ॑वाय॒नो व॑स॒न्तः प्रा॑णाय॒नो गा॑य॒त्री वा॑स॒न्ती गा॑यत्रियै गाय॒त्रं गा॑य॒त्रादु॑पां॒शुरु॑पां॒शोस्त्रि॒वृत्त्रि॒वृतो॑ रथन्त॒रं र॑थन्त॒राद्वसि॑ष्ठ॒ ऋषिः॑ प्र॒जाप॑तिगृहीतया॒ त्वया॑ प्रा॒णं गृ॑ह्णामि प्र॒जाभ्य॑स् ।
Sentence: 2=b अ॒यं द॑क्षि॒णा वि॒श्वक॑र्मा॒ तस्य॒ मनो॑ वैश्वकर्म॒णं ग्री॒ष्मो मा॑न॒सस्त्रि॒ष्टुग्ग्रै॒ष्मी त्रि॒ष्टुभ॑ ऐ॒डऐ॒डाद॑न्तर्या॒मो॑ ऽन्तर्या॒मात्प॑ञ्चद॒शः प॑ञ्चद॒शाद्बृ॒हद्बृ॒हतो॑ भ॒रद्वा॑ज॒ ऋषिः॑ प्र॒जाप॑तिगृहीतया॒ त्वया॒ मनः॑ ॥
Verse: 2
Sentence: 1 गृ॑ह्णामि प्र॒जाभ्य॑स् ।
Sentence: 2=c अ॒यम्प॒श्चाद्वि॒श्वव्या॑चा॒स्तस्य॒ चक्षु॑र्वैश्वव्यच॒सं वर्षा॑णि चाक्षु॒षाणि॒ जग॑ती वा॒र्षी जग॑त्या॒ ऋक्ष॑म॒मृक्ष॑माच्छु॒क्रः शु॒क्रात्स॑प्तद॒शः स॑प्तद॒शाद्वै॑रू॒पं वै॑रू॒पाद्वि॒श्वामि॑त्र॒ ऋषिः॑ प्र॒जाप॑तिगृहीतया॒ त्वया॒ चक्षु॑र्गृह्नामि प्र॒जाभ्य॑स् ।
Sentence: 3=d इ॒दमु॑त्त॒रात्सुव॒स्तस्य॒ श्रोत्रं॑ सौ॒वं श॒रच्छ्रौ॒त्र्य॑नु॒ष्तूप्शा॑र॒द्य॑नु॒ष्टुभः॑ स्वा॒रं स्वा॒रान्म॒न्थी म॒न्थिन॑ एकविं॒श ए॑कविं॒शाद्वै॑रा॒जं वै॑रा॒जाज्ज॒मद॑ग्नि॒रृषिः॑ प्र॒जाप॑तिगृहीतया ॥
Verse: 3
Sentence: 1 त्वया॒ श्रोत्रं॑ गृह्णामि प्र॒जाभ्य॑स् ।
Sentence: 2=e इ॒यमु॒परि॑ म॒तिस्तस्यै॒ वाङ्मा॒ती हे॑म॒न्तो वा॑च्याय॒नः प॒ङ्क्तिर्है॑म॒न्ती पङ्क्त्यै नि॒�त॑ आग्रय॒ण आ॑ग्रय॒णात्त्रि॑णवत्रयस्त्रिंशौ त्रिणवत्रयस्त्रिं॒शाभ्यां॑ शाक्वररैव॒ते शा॑क्वररैव॒ताभ्यां॑ वि॒श्वक॒र्मर्षिः॑ प्र॒जाप॑तिगृहीतया॒ त्वया॒ वाचं॑ गृह्णामि प्र्
Paragraph: 3
Verse: 1
Sentence: 1=a प्राची॑ दि॒शां व॑स॒न्त ऋ॑तू॒नाम॒ग्निर्दे॒वता॒ ब्रह्म॒ द्रवि॑णं त्रि॒वृत्स्तोमः॒ स उ॑ पञ्चद॒शव॑र्तनि॒स्त्र्यवि॒र्वयः॑ कृ॒तमया॑नाम्पुरोवा॒तो वातः॒ सान॑ग॒ ऋषि॑स् ।
Sentence: 2=b द॑क्सि॒णा दि॒शां ग्री॒ष्म र्तू॒नामिन्द्रो॑ दे॒वता॑ क्ष॒त्रं द्रवि॑णम्पञ्चद॒श स्तोमः॒ स उ॑ सप्तदशवर्तनिर्दित्य॒वाड्वय॒स्त्रेताया॑नां दक्षिणाद्वा॒तो वातः॑ सना॒तन॒ ऋषिः
Sentence: 3=c प्रा॒तीची॑ दि॒शां व॒र्षा ऋ॑तू॒नां विश्वे॑ दे॒वा दे॒वता॒ विट् ॥
Verse: 2
Sentence: 1 द्रवि॑णं सप्तद॒श स्तोमः॒ सु उ॑वेकविं॒शव॑र्तनिस्त्रिव॒त्सो वयो॑ द्वाप॒रो ऽया॑नाम्पश्चाद्वा॒तो वातो॑ ऽह॒भून॒ ऋषि॑स् ।
Sentence: 2=d उदि॑ची दि॒शां श॒रदृ॑तू॒नाम्मि॒त्रावरु॑णौ दे॒वता॑ पु॒ष्टं द्रवि॑णमेकविं॒श स्तोमः॒ स उ॑ त्रिण॒वव॑र्तनिस्तुर्य॒वाड्वय॑ आस्क॒न्दो ऽया॑नामुत्तराद्वा॒तो वातः॑ प्र॒त्न ऋषि॑स् ।
Sentence: 3=e ऊ॒र्ध्वा दि॒शां हे॑मन्तशिशि॒रावृ॑तू॒नाम्बृह॒स्पति॑र्दे॒वता॒ वर्चो॒ द्रवि॑णं त्रिण॒व स्तोमः॒ स उ॑ त्रयस्त्रिं॒शव॑र्तनिः पष्ठ॒वाद्वयो॑ ऽभि॒भूरया॑नां विष्वग्वा॒तो वातः॑ सुप॒र्ण ऋषिः
Sentence: 4=f पि॒तरः॑ पिताम॒हाः परे ऽव॑रे॒ ते नः॑ पान्तु॒ ते नो॑ ऽवन्त्व॒स्मिन्ब्रह्म॑न्न॒स्मिन्क्ष॒त्रे॒ ऽस्यामा॑शिष्य॒स्याम्पु॑रो॒धाया॑म॒स्मिन्कर्म॑न्न॒स्यां दे॒वहू॑त्याम् ॥
Paragraph: 4
Verse: 1
Sentence: 1=a ध्रु॒वक्षि॑तिर्ध्रु॒वयो॑निर्ध्रु॒वासि॑ ध्रु॒वां योनि॒मा सी॑द सा॒ध्या । उख्य॑स्य के॒तुम्प्र॑थ॒मम्पु॒रस्ता॑द॒श्विना॑ध्व॒र्यू सा॑दयतामि॒ह त्वा॑ ॥
Sentence: 2=b स्वे दक्षे॒ दक्ष॑पिते॒ह सी॑द देव॒त्रा पृ॑थि॒वी बृ॑ह॒ती ररा॑णा । स्वा॑स॒स्था त॒नुवा॒ सं वि॑शस्व पि॒तेवै॑धि सू॒नव॒ आसु॒शेवा॒श्विना॑ध्व॒र्यू सा॑दयतामि॒ह त्वा॑ ॥
Sentence: 3=c कु॑ला॒यिनी॒ वसु॑मती वयो॒धा र॒यिं नो॑ वर्ध बहु॒लं सु॒वीर॑म् ॥
Verse: 2
Sentence: 1 अपा॑मतिं दुर्म॒तिम्बाध॑माना रा॒यस्पोषे॑ य॒ज्ञप॑तिमा॒भज॑न्ती॒ सुव॑र्धेहि॒ यज॑मानाय॒ पोष॑म॒श्विना॑ध्व॒र्यू सा॑दयतामि॒ह त्वा॑ ॥
Sentence: 2=d अ॒ग्नेः पुरी॑षमसि देव॒यानी॒ तां त्वा॒ विश्वे॑ अ॒भि गृ॑णन्तु दे॒वाः । स्तोम॑पृष्ठा घृ॒तव॑ती॒ह सी॑द प्र॒जाव॑द॒स्मे द्रवि॒णाय॑जस्वा॒श्विना॑ध्व॒र्यू सा॑दयतामि॒ह त्वा॑ ॥
Sentence: 3=e दि॒वो मू॒र्धासि॑ पृथि॒व्या नाभि॑र्वि॒ष्टम्भ॑नी दि॒शामभि॑पत्नी॒ भुव॑नानाम् ॥
Verse: 3
Sentence: 1 ऊ॒र्मिर्द्र॒प्सो अ॒पाम॑सि वि॒श्वक॑र्मा त॒ ऋषि॑र॒श्विना॑ध्व॒र्यू सा॑दयतामि॒ह त्वा॑ ॥
Sentence: 2=f स॒जूरृ॒तुभिः॑ स॒जूर्वि॒धाभिः॑ स॒जूर्वसु॑भिः स॒जू रुद्रैः स॒जूरा॑दित्यैः स॒जूर्विश्वै॑र्देवैः स॒जूर्देवैः स॒जूर्देवैर्वयोनाधैर॒ग्नये॑ त्वा वैश्वान॒राया॒श्विना॑ध्व॒र्यू सा॑दयतामि॒ह त्वा
Sentence: 3=g प्रा॒णम्मे॑ पाह्यपा॒नम्मे॑ पाहि व्या॒नम्मे॑ पाहि॒ चक्षु॑र्म उ॒र्व्या वि भा॑हि॒ श्रोत्र॑म्मे श्लोकय ।
Sentence: 4=h अ॒पस्पिन्वौषधीर्जिन्व द्वि॒पात्पा॑हि॒ चतु॑ष्पादव दि॒वो वृष्टि॒मेर॑य ॥
Paragraph: 5
Verse: 1
Sentence: 1 त्र्यवि॒र्वय॑स्त्रि॒ष्टुप्छन्द॑स् ।
Sentence: 2 दि॑त्य॒वाड्वयो॑ वि॒राट्छन्दः
Sentence: 3 पञ्चा॑वि॒र्वयो॑ गाय॒त्री छन्द॑स्
Sentence: 4 त्रिव॒त्सो वय॑ उ॒ष्णिहा॒ छन्द॑स्
Sentence: 5 तुर्य॒वाड्वयो॑ ऽनु॒ष्टुप्छन्दः
Sentence: 6 पष्ठ॒वाद्वयो॑ बृह॒ती छन्द॑स् ।
Sentence: 7 उ॒क्षा वयः॑ स॒तोबृ॑हती॒ छन्द॑स् ।
Sentence: 8 ऋ॑ष॒भो वयः॑ क॒कुच्छन्द॑स् ।
Sentence: 9 धे॒नुर्वयो॒ जग॑ती॒ छन्द॑स् ।
Sentence: 10 अ॑न॒ड्वान्वयः॑ प॒ङ्क्तिश्छन्द॑स् ।
Sentence: 11 बस्तो॒ वयो॑ विव॒लं छन्द॑स् ।
Sentence: 12 वृ॒ष्णिर्वयो॑ विशा॒लं छन्दः
Sentence: 13 पुरु॑षो॒ वय॑स्त॒न्द्रं छन्द॑स् ।
Sentence: 14 व्या॒घ्रो वयो ऽना॑धृष्टं॒ छन्दः
Sentence: 15 सिं॒हो वय॒श्छनि॒द्श्छन्द॑स् ।
Sentence: 16 वि॑ष्ट॒म्भो वयो ऽधि॑पति॒श्छन्दः
Sentence: 17 क्ष॒त्रं वयो॒ मयं॑दं॒ छन्द॑स् ।
Sentence: 18 वि॒श्वक॑र्मा॒ वयः॑ परमे॒ष्ठी छन्द॑स् ।
Sentence: 19 मू॒र्धा वयः॑ प्र॒जाप॑ति॒श्छन्दः॑ ॥
Paragraph: 6
Verse: 1
Sentence: 1=a इन्द्रा॑ग्नी॒ अव्य॑थमाना॒मिष्ट॑कां दृंहतं यु॒वम् । पृ॒ष्ठेन॒ द्यावा॑पृथि॒वी अ॒न्तरि॑क्षं च॒ वि बा॑धताम् ॥
Sentence: 2=b वि॒श्वक॑र्मा त्वा सादयत्व॒न्तरि॑क्षस्य पृ॒ष्ठे व्यच॑स्वती॒म्प्रथ॑स्वती॒म्भास्व॑तीं सूरि॒मती॒मा या द्याम्भास्या पृ॑थि॒वीमोर्व॒न्तरि॑क्षम॒न्तरि॑क्षं यछा॒न्तरि॑क्षं दृंहा॒न्तरि॑क्ष॒म्मा हिं॑सी॒र्विश्व॑स्मै प्रा॒णाया॑पा॒नाय॑ व्या॒नायो॑दा॒नाय॑ प्रति॒ष्ठायै॑ च॒रित्रा॑य वा॒युस्त्वा॒भि पा॑तु म॒ह्या स्व॒स्त्या छ॒र्दिषा॑ ॥
Verse: 2
Sentence: 1 शन्त॑मेन॒ तया॑ दे॒वत॑याङ्गिर॒स्वद्ध्रु॒वा सी॑द ।
Sentence: 2=c राज्ञ्य॑सि॒ प्राची॒ दिग्वि॒राड॑सि दक्षि॒णा दिक्स॒म्राड॑सिप्र॒तीची॒ दिक्स्व॒राड॒स्युदी॑ची॒ दिगधि॑पत्न्यसि बृह॒ती दि॑क्^दिश् ।
Sentence: 3=d आयु॑र्मे पाहि प्रा॒णम्मे॑ पाह्यपा॒नम्मे॑ पाहि व्या॒नम्मे॑ पाहि॒ चक्षु॑र्मे पाहि॒ श्रोत्र॑म्मे पाहि॒ मनो॑ मे जिन्व॒ वाच॑म्मे पिन्वा॒त्मान॑म्मे पाहि॒ ज्योति॑र्मे यछ ॥
Paragraph: 7
Verse: 1
Sentence: 1=a मा छन्दः॑ प्र॒मा छन्दः॑ प्रति॒मा छन्दो॑ ऽस्रीवि॒श्छन्दः॑ प्र॒ङ्क्तिश्छन्द॑ उ॒ष्णिहा॒ छन्दो॑ बृह॒ती छन्दो॑ ऽनु॒ष्टुप्छन्दो॑ वि॒राट्छन्दो॑ गाय॒त्री छन्द॑स्त्रि॒ष्टुप्छन्दो॒ जग॑ती॒ छन्दः॑ पृथि॒वी छन्दो॒ ऽन्तरि॑क्षं॒ छन्दो द्यौ॒श्छन्दः॒ समा॒श्छन्दो॒ नक्ष॑त्राणि॒ छन्दो॒ मन॒श्छन्दो॒ वाक्छन्दः॑ कृ॒षिश्छन्दो॒ हिर॑ण्यं॒ छन्दो गौ॒श्छन्दो॒ ऽजा छन्दो ऽश्व॒श्छन्दः॑ ।
Sentence: 2 अ॒ग्निर्दे॒वता॑ ॥
Verse: 2
Sentence: 1 वातो॑ दे॒वता॒ सूर्यो॑ दे॒वता॑ च॒न्द्रमा॑ दे॒वता॒ वस॑वो दे॒वता॑ रु॒द्रा दे॒वता॑दि॒त्या दे॒वता॒ विश्वे॑ दे॒वा दे॒वता॑ म॒रुतो॑ दे॒वता॒ बृह॒स्पति॑र्दे॒वतेन्द्रो॑ दे॒वता॒ वरु॑णो दे॒वता॑ ।
Sentence: 2=b मू॒र्धासि॒ राड्ध्रु॒वासि॑ ध॒रुणा॑ यन्त्र्यसि॒ यमि॑त्री॒षे त्वो॒र्जे त्वा॑ कृष्यै त्वा॒ क्षेमा॑य त्वा॒ यन्त्री॒ राड्ध्रु॒वासि॒ धर॑णी ध॒र्त्र्य॑सि॒ धरि॒त्र्यायु॑षे त्वा॒ वर्च॑से त्वौजसे त्वा॒ बला॑य त्वा ॥
Paragraph: 8
Verse: 1
Sentence: 1 आ॒शुस्त्र्वृत् ।
Sentence: 2 भा॒न्तः प॑ञ्चद॒शस् ।
Sentence: 3 व्यो॑म सप्तद॒शः
Sentence: 4 प्रतू॑र्तिरष्टाद॒शस्
Sentence: 5 तपो॑ नवद॒शस् ।
Sentence: 6 अ॑भिव॒र्तः स॑विं॒शस् ।
Sentence: 7 ध॒रुण॑ एकविं॒शस् ।
Sentence: 8 वर्चो॑ द्वाविं॒शः
Sentence: 9 स॒म्भर॑णस्त्रयोविं॒शस् ।
Sentence: 10 योनि॑श्चतुर्विं॒शस् ।
Sentence: 11 गर्भाः॑ पञ्चविं॒शस् ।
Sentence: 12 ओज॑स्त्रिण॒वः
Sentence: 13 क्रतु॑रेकत्रिं॒शः
Sentence: 14 प्र॑ति॒ष्ठा त्र॑यस्त्रिं॒शस् ।
Sentence: 15 ब्र॒ध्नस्य॑ वि॒ष्टपं॑ चतुस्त्रिं॒शस् ।
Sentence: 16 नाकः॑ षट्त्रिं॒शस् ।
Sentence: 17 वि॑व॒र्तो॑ ऽष्टाचत्वारिं॒शस् ।
Sentence: 18 ध॒र्त्रश्च॑तुष्टो॒मः ॥
Paragraph: 9
Verse: 1
Sentence: 1=a अ॒ग्नेर्भा॒गो॑ ऽसि दी॒क्षाया॒ आधि॑पत्य॒म्ब्रह्म॑ स्पृ॒तं तृ॒वृत्स्तोम॑स् ।
Sentence: 2=b इन्द्र॑स्य भा॒गो॑ ऽसि॒ विष्णो॒राधि॑पत्यं क्ष॒त्रं स्पृ॒तम्प॑ञ्चद॒श स्तोम॑स् ।
Sentence: 3=c नृ॒चक्ष॑साम्भा॒गो॑ ऽसि धा॒तुराधि॑पत्यं ज॒नित्रं॑ स्पृ॒तं स॑प्तद॒श स्तोम॑स् ।
Sentence: 4=d मि॒त्रस्य॑ भा॒गो॑ ऽसि॒ वरु॑ण॒स्याधि॑पत्यं दि॒वो वृ॒ष्टिर्वाता॑ स्पृ॒ता ए॑कविं॒श स्तो॒मस् ।
Sentence: 5=e अदि॑त्यै भा॒गो॑ ऽसि पू॒ष्ण आधि॑पत्य॒मोज॑ स्पृ॒तं त्रि॑ण॒व स्तोम॑स् ।
Sentence: 6=f वसू॑नाम्भा॒गो॑ ऽसि ॥
Verse: 2
Sentence: 1 रु॒द्राणा॒माधि॑पत्यं॒ चतु॑ष्पात्स्पृ॒तं च॑तुर्विं॒श स्तोम॑स् ।
Sentence: 2=g आ॑दि॒त्याना॑म्भा॒गो॑ ऽसि म॒रुता॒माधि॑पत्यं॒ गर्भा॑ स्पृ॒ताः प॑ञ्चविं॒श स्तोम॑स् ।
Sentence: 3=h दे॒वस्य॑ सवि॒तुर्भा॒गो॑ ऽसि॒ बृह॒स्पते॒र्दाहि॑पत्यं स॒मीची॒र्दिश॑ स्पृ॒ताश्च॑तुष्टो॒म स्तोम॑स् ।
Sentence: 4=i यावा॑नाम्भा॒गो॒ ऽस्यया॑वाना॒माधि॑पत्यम्प्र॒जा स्पृ॒ताश्च॑तुश्चत्वारिं॒श स्तोम॑स् ।
Sentence: 5=k ऋ॑भू॒णाम्भा॒गो॑ ऽसि॒ विश्वे॑षां दे॒वाना॒माधि॑पत्यम्भू॒तं निशा॑न्तं स्पृ॒तं त्र॑यस्त्रिंश॒ स्तोमः॑ ॥
Paragraph: 10
Verse: 1
Sentence: 1 एक॑यास्तुवत प्र॒जा अ॑धीयन्त प्र॒जाप॑ति॒रधि॑पतिरासीत्
Sentence: 2 ति॒सृभि॑रस्तुवत॒ ब्रह्मा॑सृज्यत॒ ब्रह्म॑ण॒स्पति॒रधि॑पतिरासीत्
Sentence: 3 प॒ञ्चभि॑रस्तुवत भू॒तान्य॑सृज्यन्त भू॒ताना॒म्पति॒रधि॑पतिरासीत्
Sentence: 4 स॒प्तभि॑रस्तुवत सप्त॒र्षयो॑ ऽसृज्यन्त धा॒ताधि॑पतिरासीत् ।
Sentence: 5 न॒वभि॑रस्तुवत पि॒तरो॑ ऽसृज्य॒न्तादि॑ति॒रधि॑पत्न्यासीत् ।
Sentence: 6 ए॑काद॒शभि॑रस्तुवत॒र्तवो॑ ऽसृज्यन्तार्त॒वो ऽधि॑पतिरासीत्
Sentence: 7 त्रयोद॒शभि॑रस्तुवत॒ मासा॑ असृज्यन्त संवत्स॒रो ऽधि॑पतिः ॥
Verse: 2
Sentence: 1 आ॑सीत्
Sentence: 2 पञ्चद॒शभि॑रस्तुवत क्ष॒त्रम॑सृज्य॒तेन्द्रो ऽधि॑पतिरासीत्
Sentence: 3 सप्तद॒शभि॑रस्तुवत प॒शवो॑ ऽसृज्यन्त॒ बृह॒स्पति॒रधि॑पतिरासीत् ।
Sentence: 4 न॑वद॒शभि॑रस्तुवत शूद्रा॒र्याव॑सृज्येतामहोरा॒त्रे अधि॑पत्नी आस्ताम्
Sentence: 5 एक॑विंशत्यास्तुवतैकशपाः प॒शवो॑ ऽर्ष्ज्यन्त॒ वरु॒णो ऽधि॑पतिरासीत्
Sentence: 6 त्रयो॑विंशत्यास्तुवत क्षु॒द्राः प॒शवो॑ ऽसृज्यन्त॒ पूषाधि॑पतिरासीत्
Sentence: 7 पञ्च॑विंशत्यास्तुवतार॒ण्याः प॒शवो॑ ऽसृज्यन्त वा॒युरधि॑पतिरासीत्
Sentence: 8 स॒प्तविं॑शत्यास्तुवत॒ द्यावा॑पृथि॒वी वि ॥
Verse: 3
Sentence: 1 अै॑तां॒ वस॑वो रु॒द्रा आ॑दि॒त्या अनु॒ व्या॑य॒न्तेषा॒माधि॑पत्यमासीत् ।
Sentence: 2 नव॑विंशत्यास्तुवत॒ वन॒स्पत॑यो ऽसृज्यन्त॒ सोमो ऽधि॑पतिरासीत् ।
Sentence: 3 एक॑त्रिंशतास्तुवत प्र॒जा अ॑सृज्यन्त॒ यावा॑नां॒ चाया॑वानां॒ चाधि॑पत्यमासीत्
Sentence: 4 त्रय॑स्त्रिंशतास्तुवत भू॒तान्य॑शाम्यन्प्र॒जाप॑तिः परमे॒ष्ठ्यधि॑पतिरासीत् ॥
Paragraph: 11
Verse: 1
Sentence: 1=a इ॒यमे॒व सा या प्र॑थ॒मा व्यौ॑छद॒न्तर॒स्यां च॑रति॒ प्रवि॑ष्टा । व॒धूर्ज॑जान नव॒गज्जनि॑त्री॒ त्रय॑ एनाम्महि॒मानः॑ सचन्ते ॥
Sentence: 2=b छन्द॑स्वती उ॒षसा॒ पेपि॑शाने समा॒नं योनि॒मनु॑ सं॒चर॑त्नी । सूर्य॑पत्नी॒ वि च॑रतः प्रजान॒ती के॒तुं कृ॑ण्वा॒ने अ॒जरे॒ भूरि॑रेतसा ॥
Sentence: 3=c ऋ॒तस्य॒ पन्था॒मनु॑ ति॒स्र आगु॒स्त्रयो॑ घ॒र्मासो॒ अनु॒ योति॒षागुः॑ । प्र॒जामेका॒ रक्ष॒त्यूर्ज॒मेका॑ ॥
Verse: 2
Sentence: 1 व्र॒तमेका॑ रक्षति देवयू॒नाम् ॥
Sentence: 2=d च॑तुष्टो॒मो अ॑भव॒द्या तु॒रीया॑ य॒ज्ञस्य॑ प॒क्षावृ॑षयो॒ भव॑न्ती । गा॑य॒त्रीं त्रि॒ष्टुभं॒ जग॑तीमनु॒ष्टुभ॑म्बृ॒हद॒र्कं यु॑ञ्जा॒नाः सुव॒राभ॑रन्नि॒दम् ॥
Sentence: 3=e प॒ञ्चभि॑र्धा॒ता वि द॑धावि॒दं यत्तासां॒ स्वसॄ॑रजनय॒त्पञ्च॑पञ्च । तासा॑मु यन्ति प्रय॒वेण॒ पञ्च॒ नाना॑ रू॒पाणि॒ क्रत॑वो॒ वसा॑नाः ॥
Sentence: 4=f त्रिं॒शत्स्वसा॑र॒ उप॑ यन्ति निष्कृ॒तं स॑मा॒नं के॒तुम्प्रति॑मु॒ञ्चमा॑नाः ॥
Verse: 3
Sentence: 1 ऋ॒तूंस्त॑न्वते क॒वयः॑ प्रजान॒तीर्मध्ये॑छन्दसः॒ परि॑ यन्ति॒ भास्व॑तीः ॥
Sentence: 2=g ज्योति॑ष्मती॒ प्रति॑ मुञ्चते॒ नभो॒ रात्री॑ दे॒वी सूर्य॑स्य व्र॒तानि॑ । वि प॑श्यन्ति प॒शवो॒ जाय॑माना॒ नाना॑रूपा मा॒तुर॑स्या उ॒पस्थे॑ ॥
Sentence: 3=h ए॑काष्ट॒का तप॑सा॒ तप्य॑माना ज॒जान॒ गर्भ॑म्महि॒मान॒मिन्द्र॑म् । तेन॒ दस्यू॒न्व्य॑सहन्त दे॒वा ह॒न्तासु॑राणामभव॒च्छची॑भिः ॥
Sentence: 4=i अना॑नुजामनु॒जाम्माम॑कर्त स॒त्यं वद॒न्त्यन्वि॑छ ए॒तत् । भू॒यास॑म् ॥
Verse: 4
Sentence: 1 अ॑स्य सुमतौ॒ यथा॑ यू॒यम॒न्या वो॑ अ॒न्यामति॒ मा प्र यु॑क्त ॥
Sentence: 2=k अभू॒न्मम॑ सुमतौ वि॒श्ववे॑दा॒ आष्ट॑ प्रति॒ष्ठामवि॑द॒द्धि गा॒धम् । भू॒यास॑मस्य सुमतौ॒ यथा॑ यू॒यम॒न्या वो॑ अ॒न्यामति॒ मा प्र यु॑क्त ॥
Sentence: 3=l पञ्च॒ व्यु॑ष्टी॒रनु॒ पञ्च॒ दोहा॒ गाम्पञ्च॑नाम्नीमृ॒तवो ऽनु॒ पञ्च॑ । पञ्च॒ दिशः॑ पञ्चद॒शेन॒ क्ळ्प्ताः स॑मा॒नमू॑र्ध्नीर॒भि लो॒कमेक॑म् ॥
Verse: 5
Sentence: 1=m ऋ॒तस्य॒ गर्भः॑ प्रथ॒मा व्यू॒षुष्य॒पामेका॑ महि॒मान॑म्बिभर्ति । सूर्यस्यैका॒ चर॑ति निष्कृ॒तेषु॑ घ॒र्मस्यै॑का सवितैकां॒ नि य॑छति ॥
Sentence: 2=n या प्र॑थ॒मा व्यौ॑छ॒त्सा धे॒नुर॑भवद्य॒मे । सा नः॒ पय॑स्वती धु॒क्ष्वोत्त॑रामुत्तरां॒ समा॑म् ॥
Sentence: 3=o शु॒क्रर्ष॑भा॒ नभ॑सा॒ ज्योति॒षागा॑द्वि॒श्वरू॑पा शब॒लीर॒ग्निके॑तुः । स॑मा॒नमर्थं॑ स्वप॒स्यमा॑ना॒ बिभ्र॑ती ज॒राम॑जर उष॒ आगाः॑ ॥
Sentence: 4=p ऋ॑तू॒नाम्पत्नी॑ प्रथ॒मेयमागा॒दह्नां॑ ने॒त्री ज॑नि॒त्री प्र॒जाना॑म् । एका॑ स॒ती ब॑हु॒धोषो॒ व्यु॑छ॒स्यजी॑र्णा॒ त्वं ज॑रयसि॒ सर्व॑म॒न्यत् ॥
Paragraph: 12
Verse: 1
Sentence: 1=a अग्ने॑ जा॒तान्प्र णु॑दा नः स॒पत्ना॒न्प्रत्यजा॑ताञ्जातवेदो नुदस्व । अ॒स्मे दी॑दिहि सु॒मना॒ अहे॑ड॒न्तव॑ स्यां॒ शर्म॑न्त्रि॒वरू॑थ उ॒द्भित् ॥
Sentence: 2=b सह॑सा जा॒तान्प्र णु॑दा नः स॒पत्ना॒न्प्रत्यजा॑ताञ्जातवेदो नुदस्व । अधि॑ नो ब्रूहि सुमन॒स्यमा॑नो व॒यं स्या॑म॒ प्र णु॑दा नः स॒पत्ना॑न् ॥
Sentence: 3=c च॑तुश्चत्वारिं॒श स्तोमो॒ वर्चो॒ द्रवि॑णम् ।
Sentence: 4=d षो॑ड॒श स्तोम॒ ओजो॒ द्रवि॑नम्
Sentence: 5=e पृथि॒व्याः पुरी॑षमसि ॥
Verse: 2
Sentence: 1 अप्सो॒ नाम॑ ।
Sentence: 2=f एव॒श्छन्दो॒ वरि॑व॒श्छन्दः॑ श॒म्भूश्छन्दः॑ परि॒भूश्छन्द॑ आ॒छच्छन्दो॒ मन॒श्छन्दो॒ व्यच॒श्छन्दः॒ सिन्धु॒श्छन्दः॑ समु॒द्रं छन्दः॑ सलि॒लं छन्दः॑ सं॒यच्छन्दो॑ वि॒यच्छन्दो॑ बृ॒हच्छन्दो॑ रथन्त॒रं छन्दो॑ निका॒यश्छन्दो॑ विव॒धश्छन्दो॒ गिर॒श्छन्दो॒ भ्रज॒श्छन्दः॑ स॒ष्टुप्छन्दो॑ ऽनु॒ष्टुप्छन्दः॑ क॒कुच्छन्द॑स्त्रिक॒कुच्छन्दः॑ का॒व्यं छन्दो॑ ऽङ्कु॒पं छन्दः॑ ॥
Verse: 3 Sentence: 1 प॒दप॑ङ्क्ति॒श्छन्दो॒ ऽक्षर॑पङ्क्ति॒श्छन्दो॑ विष्टा॒रप॑ङ्क्ति॒श्छन्दः॑ क्षु॒रो भृज्वा॒ञ्�न्दः॑ प्र॒छच्छन्दः॑ प॒क्षश्छन्द॑ एव॒श्छन्दो॒ वरि॑व॒श्छन्दो॒ वय॒श्छन्दो॑ वय॒स्कृच्छन्दो॑ विशा॒लं छन्दो॒ विष्प॑र्धा॒श्छन्द॑श्छ॒न्दिश्छन्दो॑ दूरोह॒णं छन्द॑स्त॒न्द्रं छन्दो॑ ऽङ्का॒ङ्कं छन्दः॑ ॥
Paragraph: 13
Verse: 1
Sentence: 1=a अ॒ग्निर्वृ॒त्राणि॑ जङ्घनद्द्रविण॒स्युर्वि॑प॒न्यया॑ । समि॑द्धः शु॒क्र आहु॑तः ॥
Sentence: 2=b त्वं सो॑मासि॒ सत्प॑ति॒स्त्वं राजो॒त वृ॑त्र॒हा । त्वम्भ॒द्रो अ॑सि॒ क्रतुः॑ ॥
Sentence: 3=c भ॒द्रा ते॑ अग्ने स्वनीक सं॒दृग्घो॒रस्य॑ स॒तो विषु॑णस्य॒ चारुः॑ । न यत्ते॑ शो॒चिस्तम॑सा॒ वर॑न्त॒ न ध्व॒स्मान॑स्त॒नुवि॒ रेप॒ आ धुः॑ ॥
Sentence: 4=d भ॒द्रं ते॑ अग्ने सहसि॒न्ननी॑कमुपा॒क आ रो॑चते॒ सूर्य॑स्य ॥
Verse: 2
Sentence: 1 रुश॑द्दृ॒शे द॑दृशे नक्त॒या चि॒दरू॑क्षितं दृ॒श आ रू॒पे अन्न॑म् ॥
Sentence: 2=e सै॒नानी॑केन सुवि॒दत्रो॑ अ॒स्मे यष्टा॑ दे॒वां आय॑जिष्ठः स्व॒स्ति । अद॑ब्धो गो॒पा उ॒त नः॑ पर॒स्पा अग्ने॑ द्यु॒मदु॒त रे॒वद्दि॑दीहि ॥
Sentence: 3=f स्व॒स्ति नो॑ दि॒वो अ॑ग्ने पृथि॒व्या वि॒श्वायु॑र्धेहि य॒जथा॑य देव । यत्सी॒महि॑ दिविजात॒ प्रश॑स्तं॒ तद॒स्मासु॒ द्रवि॑णं धेहि चि॒त्रम् ॥
Sentence: 4=g यथा॑ होत॒र्मनु॑षः ॥
Verse: 3
Sentence: 1 दे॒वता॑ता य॒ज्ञेभिः॑ सूनो सहसो॒ यजा॑सि । ए॒वानो॑ अ॒द्य स॑म॒ना स॑मा॒नानु॒शन्न॑ग्न उश॒तो य॑क्षि दे॒वान् ॥
Sentence: 2=h अ॒ग्निमी॑डे पु॒रोहि॑तं य॒ज्ञस्य॑ दे॒वमृ॒त्विज॑म् । होता॑रं रत्न॒धात॑मम् ॥
Sentence: 3=i वृषा॑ सोम द्यु॒मां अ॑सि वृषा देव॒ वृष॑व्रतः । वृषा॒ धर्मा॑णि दधिषे ॥
Sentence: 4=k सान्त॑पना इ॒दं ह॒विर्मरु॑त॒स्तज्जु॑जुष्टन । यु॒ष्माको॒ती रि॑शादसः ॥
Sentence: 5=l यो नो॒ मर्तो॑ वसवो दुर्हृणा॒युस्ति॒रः स॒त्यानि॑ मरुतः ॥
Verse: 4
Sentence: 1 जिघां॑सात् । द्रु॒हः पाश॒म्प्रति॒ स मु॑चीष्ट॒ तपि॑ष्ठेन॒ तप॑सा हन्तना॒ तम् ॥
Sentence: 2=m सं॑वत्स॒रीणा॑ म॒रुतः॑ स्व॒र्का उ॑रु॒क्षयाः॒ सग॑णा॒ मानु॑षेषु । ते॒ ऽस्मत्पाशा॒न्प्र मु॑ञ्च॒न्त्वंह॑सः सान्तप॒ना म॑दि॒रा मा॑दयि॒ष्णवः॑ ॥
Sentence: 3=n पि॑प्री॒हि दे॒वां उ॑श॒तो य॑विष्ठ वि॒द्वां ऋ॒तूंरृ॑तुपते यजे॒ह । ये दै॑व्या ऋ॒त्विज॒स्तेभि॑रग्ने॒ त्वं होतृ॑णाम॒स्याय॑जिष्ठः ॥
Sentence: 4=o अग्ने॒ यद॒द्य वि॒शो अ॑ध्वरस्य होतः॒ पाव॑क ॥
Verse: 5
Sentence: 1 शो॑चे॒ वेष्ट्वं हि यज्वा॑ । ऋ॒ता य॑जासि महि॒ना वि यद्भूर्ह॒व्या व॑ह यविष्ठ॒ या ते॑ अ॒द्य ॥
Sentence: 2=p अ॒ग्निना॑ र॒यिम॑श्नव॒त्पोष॑मे॒व दि॒वेदि॑वे । य॒शसं॑ वी॒रव॑त्तमम् ॥
Sentence: 3=q ग॑य॒स्पानो॑ अमीव॒हा व॑सु॒वित्पु॑ष्टि॒वर्ध॑नः । सु॑मि॒त्रः सो॑म नो भव ॥
Sentence: 4=r गृह॑मेधास॒ आ ग॑त॒ मरु॑तो॒ माप॑ भूतन । प्र॑मु॒ञ्चन्तो॑ नो॒ अंह॑सः ॥
Sentence: 5=s पू॒र्वीभि॒र्हि द॑दाशि॒म श॒रद्भि॑र्मरुतो व॒यम् । महो॑भिः ॥
Verse: 6
Sentence: 1 च॑र्षणी॒नाम् ॥
Sentence: 2=t प्र बु॒ध्निया॑ ईरते वो॒ महां॑सि॒ प्र णामा॑नि प्रयज्यवस्तिरध्वम् । स॑ह॒स्रियं॒ दम्य॑म्भा॒गमे॒तं गृ॑हमे॒धीय॑म्मरुतो जुषध्वम् ॥
Sentence: 3=u उप॒ यमेति॑ युव॒तिः सु॒दक्षं॑ दो॒षा वस्तो॑र्ह॒विष्म॑ती घृ॒ताची॑ । उप स्वैनम॒रम॑तिर्वसू॒युः ॥
Sentence: 4=v इ॒मो अ॑ग्ने वी॒तत॑मानि ह॒व्याज॑स्रो वक्षि दे॒वता॑ति॒मछ॑ । प्रति॑ न ईं सुर॒भीणि॑ वियन्तु
Sentence: 5=w क्री॒डं वः॒ शर्धो॒ मारु॑तमन॒र्वाणं॑ रथे॒शुभ॑म् ॥
Verse: 7
Sentence: 1 कण्वा॑ अ॒भि प्र गा॑यत ॥
Sentence: 2=x अत्या॑सो॒ न ये म॒रुतः॒ स्वञ्चो॑ यक्ष॒दृशो॒ न शु॒भय॑न्त॒ मर्याः॑ । ते ह॑र्म्ये॒ष्ठाः शि॑शवो॒ न शु॒भ्रा व॒त्सासो॒ न प्र॑क्री॒डिनः॑ पयो॒धाः ॥
Sentence: 3=y प्रै॑षा॒मज्मे॑षु विथु॒रेव॑ रेजते॒ भूमि॒र्यामे॑षु॒ यद्ध॑ यु॒ञ्जते॑ शु॒भे । ते क्री॒डयो॒ धुन॑यो॒ भ्राज॑दृष्टयः स्व॒यम्म॑हि॒त्वम्प॑नयन्त॒ धूत॑यः ॥
Sentence: 4=z उ॑पह्व॒रेषु॒ यदचि॑ध्वं य॒यिं वय॑ इव मरुतः॒ केन॑ ॥
Verse: 8
Sentence: 1 चि॑त्प॒था । श्चोत॑न्ति॒ कोशा॒ उप॑ वो॒ रथे॒ष्वा घृ॒तमु॑क्षता॒ मधु॑वर्ण॒मर्च॑ते ॥
Sentence: 2=aa अ॒ग्निम॑ग्निं॒ हवी॑मभिः॒ सदा॑ हवन्त वि॒श्पति॑म् । ह॑व्य॒वाह॑म्पुरुप्रि॒यम् ॥
Sentence: 3=bb तं हि शश्व॑न्त॒ ईड॑ते स्रु॒चा दे॒वं घृ॑त॒श्चुता॑ । अ॒ग्निं ह॒व्याय॒ वोढ॑वे ॥
Sentence: 4=cc इन्द्रा॑ग्नी रोच॒ना दि॒वः
Sentence: 5=dd श्नथ॑द्वृ॒त्रम्
Sentence: 6=ee इन्द्रं॑ वो वि॒श्वत॒स्परि॑ ।
Sentence: 7=ff इन्द्रं॒ नर॑स् ।
Sentence: 8=gg विश्व॑कर्मन्ह॒विषा॑ वावृधा॒नस् ।
Sentence: 9=hh विश्व॑कर्मन्ह॒विषा॒ वर्ध॑नेन ॥
Chapter: 4
Paragraph: 1
Verse: 1
Sentence: 1=a र॒श्मिर॑सि॒ क्षया॑य त्वा॒ क्षयं॑ जिन्व॒ प्रेति॑रसि॒ धर्मा॑य त्वा॒ धर्मं॑ जि॒न्वान्वि॑तिरसि दि॒वे त्वा॒दिवं॑ जिन्व सं॒धिर॑स्य॒न्तरि॑क्षाय॒ त्वान्तरि॑क्षं जिन्व प्रति॒धिर॑सि पृथिव्यै त्वा पृथि॒वीं जि॑न्व विष्ट॒म्भो॑ ऽसि॒ वृष्ट्यै॑ त्वा॒ वृष्टिं॑ जिन्व प्र॒वास्यह्ने॒ त्वाह॑र्जिन्व ।
Sentence: 2=b अ॑नु॒वासि॒ रात्रि॑यै त्वा॒ रात्रिं॑ जिन्वो॒शिग॑सि ॥
Verse: 2
Sentence: 1 वसु॑भ्यस्त्वा॒ वसू॑ञ्जिन्व॒ तन्तु॑रसि प्र॒जाभ्य॑स्त्वा प्र॒जा जि॑न्व पृतना॒षाड॑सि प॒शुभ्य॑स्त्वा प॒शूञ्जि॑न्व
Sentence: 2=c रे॒वद॒स्योष॑धीभ्यस्त्वौषधीर्जिन्वाभि॒जिद॑सि युक्तग्रा॒वेन्द्रा॑य॒ त्वेन्द्रं॑ जि॒न्वाधिसि प्रा॒णाय॑ ॥
Verse: 3
Sentence: 1 त्वा॑ प्रा॒णं जि॑न्व य॒न्तास्य॑पा॒नाय॑ त्वापा॒नं जि॑न्व सं॒सर्पो॑ ऽसि॒ चक्षु॑षे त्वा॒ चक्षु�न्व वयो॒धा अ॑सि॒ श्रोत्रा॑य त्वा॒ श्रोत्रं॑ जिन्व त्रि॒वृद॑सि
Sentence: 2=d प्र॒वृद॑सि सं॒वृद॑सि वि॒वृद॑सि संरो॒हो॑ ऽसि नीद्रो॒हो॑ ऽसि प्ररो॒हो॑ ऽसि अनुरो॒हो॑ ऽसि
Sentence: 3=e वसु॒को॑ ऽसि॒ वेष॑श्रिरसि॒ वस्य॑ष्टिरसि ॥
Paragraph: 2
Verse: 1
Sentence: 1=a राज्ञ्य॑सि॒ प्राची॑ दि॒ग्वस॑वस्ते दे॒वा अधि॑पतयो॒ ऽग्निर्हे॑ती॒नाम्प्र॑तिध॒र्ता त्रि॒वृत्त्वा॒ स्तोमः॑ पृथि॒व्यां श्र॑य॒त्वाज्य॑मु॒क्थमव्य॑थयत्स्तभ्नातु रथन्त॒रं साम॒ प्रति॑ष्ठि
Sentence: 2=b वि॒राड॑सि दक्षि॒णा दिग्रु॒द्रास्ते॑ दे॒वा अधि॑पतय॒ इन्द्रो॑ हेती॒नाम्प्र॑तिध॒र्ता प॑ञ्चद॒�स्त्वा॒ स्तोमः॑ पृथि॒व्यां श्र॑यतु प्रौगमु॒क्थमव्य॑थयत्स्तभ्नातु बृ॒हत्साम॒ प्रति॑ष्ठित्य
Sentence: 3=c स॒म्राड॑सि प्रा॒चीची॒ दिक् ॥
Verse: 2
Sentence: 1 आ॑दि॒त्यास्ते॑ दे॒वा अधि॑पतयः॒ सोमो॑ हेती॒नाम्प्र॑तिध॒र्ता स॑प्तद॒शस्त्वा॒ स्तोमः॑ पृथि॒व्यां श्र॑यतु मरुत्व॒तीय॑मु॒क्थमव्य॑थयत्स्तभ्नातु वैरू॒पं साम॒ प्रति॑ष्ठित्यै
Sentence: 2=d स्व॒राड॑स्यु॒दीची॒ दिग्विश्वे॑ ते दे॒वा अधि॑पतयो॒ वरु॑णो हेती॒नाम्प्र॑तिधर्तैकविं॒शस्त्वा॒ स्तोमः॑ पृथि॒व्यां श्र॑यतु॒ निष्के॑वल्यमु॒क्थमव्य॑थयत्स्तभ्नातु वैरा॒जं साम॒ प्रति॑ष्ठित्यै ।
Sentence: 3=e अधि॑पत्न्यसि बृह॒ती दिङ्म॒रुत॑स्ते दे॒वा अधि॑पतयः ॥
Verse: 3
Sentence: 1 बृह॒स्पति॑र्हेती॒नाम्प्र॑तिध॒र्ता त्रि॑णवत्रयस्त्रिंशौ त्वा॒ स्तोमौ॑ पृथि॒व्यां श्र॑यतां वैश्वदेवाग्निमारु॒ते उ॒क्थे अव्य॑थयन्ती स्तभ्नीतां शाक्वररैव॒ते साम॑नी॒ प्रति॑ष्ठित्यै ।
Sentence: 2=f अ॒न्तरि॑क्षा॒यर्ष॑यस्त्वा प्रथम॒जा दे॒वेषु॑ दि॒वो मात्र॑या वरि॒णा प्र॑थन्तु विध॒र्ता चा॒यमध्प॑तिश्च॒ ते त्वा॒ सर्वे॑ संविदा॒ना नाक॑स्य पृ॒ष्ठे सु॑व॒र्गे लो॒के यज॑मानं च सादयन्तु ॥
Paragraph: 3
Verse: 1
Sentence: 1=a अ॒यम्पु॒रो हरि॑केशः॒ सूर्य॑रश्मि॒स्तस्य॑ रथगृ॒त्सश्च॒ रथौ॑जाश्च सेनानिग्रामण्यौ पुञ्जिकस्॒ला च॑ कृतस्थ॒ला चा॑प्स॒रसौ॑ यातु॒धाना॑ हे॒ती रक्षां॑सि॒ प्रहे॑तिस् ।
Sentence: 2=b अ॒यं द॑क्षि॒णा वि॒श्वक॑र्मा॒ तस्य॑ रथस्व॒नश्च॒ रथे॑चित्रश्च सेनानिग्रामण्यौ मेन॒का च॑ सहज॒न्या चा॑प्स॒रसौ॑ द॒ङ्क्ष्णवः॑ प॒शवो॑ हे॒तिः पौ॑रुषेयो व॒धः प्रहे॑तिस् ।
Sentence: 3=c अ॒यम्प॒श्चाद्वि॒श्वव्य॑चा॒स्तस्य॒ रथे॑प्रोत॒श्चास॑मरथश्च सेनानिग्रामण्यौ प्र॒म्लोच॑न्ती च ॥
Verse: 2
Sentence: 1 अ॑नु॒म्लोच॑न्ती चाप्स॒रसौ॑ स॒र्पा हे॒तिर्व्या॒घ्राः प्रहे॑तिस् ।
Sentence: 2=d अ॒यमु॑त्त॒रात्सं॒यद्व॑सु॒स्तस्य॑ सेन॒जिच्च॑ सु॒षेण॑श्च सेनानिग्रामण्यौ वि॒श्वाची॑ च घृ॒ताची॑ चाप्स॒रसा॒वापो॑ हे॒तिर्वातः॒ प्रहे॑तिस् ।
Sentence: 3=e अ॒यमु॒पर्य॒र्वाग्व॑सु॒स्तस्य॒ तार्क्ष्य॒श्चारि॑ष्टनेमिश्च सेनानिग्राम॒ण्या॑वु॒र्वशी॑ च पू॒र्वचि॑त्तिश्चाप्स॒रसौ॑ वि॒द्युद्धे॒तिर॑व॒स्पूर्ज॒न्प्रहे॑तिस्
Sentence: 4=f तेभ्यो॒ नम॒स्ते नो॑ मृडयन्तु॒ ते यं ॥
Verse: 3
Sentence: 1 द्वि॒ष्मो यश्च॑ नो॒ द्वेष्टि॒ तं वो॒ जम्भे॑ दधामि ।
Sentence: 2=g आ॒योस्त्वा॒ सद॑ने सादया॒म्यव॑तश्छा॒यायां॒ नमः॑ समु॒द्राय॒ नमः॑ समु॒द्रस्य॒ चक्ष॑से
Sentence: 3=h परमे॒ष्ठी त्वा॑ सादयतु दि॒वः पृ॒ष्ठे व्यच॑स्वती॒म्प्रथ॑स्वतीं वि॒भूम॑तीम्प्र॒भूम॑तीम्परि॒॑तीं॒ दिवं॑ यछ॒ दिवं॑ दृंह॒ दिव॒म्मा हिं॑सी॒र्विश्व॑स्मै प्रा॒णाया॑पा॒नाय॑ व्या॒नायो॑दा॒नाय॑ प्रति॒ष्ठायै॑ च॒रित्रा॑य॒ सूर्य॑स्त्वा॒भि पा॑तु म॒ह्या स्व॒स्त्या छ॒र्दिषा॒ शन्त॑मेन॒ तया॑ दे॒वत॑याङ्गिर॒स्वद्ध्रु॒वा सी॑द
Sentence: 4=i प्रोथ॒दश्वो॒ न यव॑से अवि॒ष्यन्य॒दा म॒हः सं॒वर॑णा॒द्व्यस्था॑ । आद॒स्य्वातो॒ अनु॑ वाति शो॒चिरध॑ स्म ते॒ व्रज॑नं कृ॒ष्णम॑स्ति ॥
Paragraph: 4
Verse: 1
Sentence: 1=a अ॒ग्निर्मू॒र्धा दि॒वः क॒कुत्प॒तिः पृ॑थि॒व्या अ॒यम् । अ॒पां रेतां॑सि जिन्वति ॥
Sentence: 2=b त्वाम॑ग्ने॒ पुष्क॑रा॒दध्यथ॑र्वा॒ निर॑मन्थत । मू॒र्ध्नो विश्व॑स्य वा॒घतः॑ ॥
Sentence: 3=c अ॒यम॒ग्निः स॑ह॒स्रिणो॒ वाज॑स्य श॒तिन॒स्पतिः॑ । मू॒र्धा क॒वी र॑यी॒णाम् ॥
Sentence: 4=d भुवो॑ य॒ज्ञस्य॒ रज॑सश्च ने॒ता यत्रा॑ नि॒युद्भिः॒ सच॑से शि॒वाभिः॑ । दि॒वि मू॒र्धानं॑ दधिषे सुव॒र्षां जि॒ह्वाम॑ग्ने चकृषे हव्य॒वाह॑म् ॥
Sentence: 5=e अबो॑ध्य॒ग्निः स॒मिधा॒ जना॑नाम् ॥
Verse: 2
Sentence: 1 प्रति॑ धे॒नुमि॑वाय॒तीमु॒षास॑म् । य॒ह्वा इ॑व॒ प्र व॒यामु॒ज्जिहा॑नाः॒ प्र भा॒नवः॑ सिस्रते॒ नाक॑म॒छ ॥
Sentence: 2=f अवो॑चाम क॒वये॒ मेध्या॑य॒ वचो॑ व॒न्दारु॑ वृष॒भाय॒ वृष्णे॑ । गवि॑ष्ठिरो॒ नम॑सा॒ स्तोम॑मग्नौ दि॒वीव॑ रु॒क्ममु॒र्व्यञ्च॑मश्रेत् ॥
Sentence: 3=g जन॑स्य गो॒पा अ॑जनिष्ट॒ जागृ॑विर॒ग्निः सु॒दक्षः॑ सुवि॒ताय॒ नव्य॑से । घृ॒तप्र॑तीको बृह॒ता दि॑वि॒स्पृशा॑ द्यु॒मद्वि भा॑ति भर॒तेभ्यः॒ शुचिः॑ ॥
Sentence: 4=h त्वाम॑ग्ने॒ अङ्गि॑रसः ॥
Verse: 3
Sentence: 1 गुहा॑ हि॒तमन्व॑विन्दञ्छिश्रिया॒णं वने॑वने । स जा॑यसे म॒थ्यमा॑नः॒ सहो॑ म॒हत्त्वामा॑हुः॒ सह॑सस्पु॒त्रम॑ङ्गिरः ॥
Sentence: 2=i य॒ज्ञस्य॑ के॒तुम्प्र॑थ॒मम्पु॒तोहि॑तम॒ग्निं नर॑स्त्रिषध॒स्थे समि॑न्धते । इन्द्रे॑ण देवैः स॒रथं॒ स ब॒र्हिषि॒ सीद॒न्नि होता॑ य॒जथा॑य सु॒क्रतुः॑ ॥
Sentence: 3=k त्वां चि॑त्रश्रवस्तम॒ हव॑न्ते वि॒क्षु ज॒न्तवः॑ । शो॒चिष्के॑शम्पुरुप्रि॒याग्ने॑ ह॒व्याय॒ वोढ॑वे ॥
Sentence: 4=l सखा॑यः॒ सं वः॑ स॒म्यञ्च॒मिष॑म् ॥
Verse: 4
Sentence: 1 स्तोमं॑ चा॒ग्नये॑ । वर्षि॑ष्ठाय क्षिती॒नामू॒र्जो नप्त्रे॒ सह॑स्वते ॥
Sentence: 2=m संस॒मिद्यु॑वसे वृष॒न्नग्ने॒ विश्वा॑न्य॒र्य आ । इ॒डस्प॒दे समि॑ध्यसे॒ स नो॒ वसू॒न्या भ॑र ॥
Sentence: 3=n ए॒ना वो॑ अ॒ग्निं नम॑सो॒र्जो नपा॑त॒मा हु॑वे । प्रि॒यं चेति॑ष्ठमर॒तिं स्व॑ध्व॒रं विश्व॑स्य दू॒तम॒मृत॑म् ॥
Sentence: 4=o स यो॑जते अरु॒षो वि॒श्वभो॑जसा॒ स दु॑द्रव॒त्स्वा॑हुतः । सु॒ब्रह्मा॑ य॒ज्ञः सु॒शमी॑ ॥
Verse: 5
Sentence: 1 वसू॑नां दे॒वं राधो॒ जना॑नाम् ॥
Sentence: 2=p उद॑स्य शो॒चिर॑स्थादा॒जुह्वा॑नस्य मी॒ढुषः॑ । उद्धु॒मासो॑ अरु॒षासो॑ दिवि॒स्पृशः॒ सम॒ग्निमि॑न्धते॒ नरः॑ ॥
Sentence: 3=q अग्ने॒ वाज॑स्य॒ गोम॑त॒ ईशा॑नः सहसो यहो । अ॒स्मे धे॑हि जातवेदो॒ महि॒ श्रवः॑ ॥
Sentence: 4=r स इ॑धा॒नो वसु॑ष्क॒विर॒ग्निरी॒डेन्यो॑ गि॒रा । रे॒वद॒स्मभ्य॑म्पुर्वणीक दीदिहि ॥
Sentence: 5=s क्ष॒पो रा॑जन्नु॒त त्मनाग्ने॒ वस्तो॑रु॒तोषसः॑ । स ति॑ग्मजम्भ ॥
Verse: 6
Sentence: 1 र॒क्षसो॑ दह॒ प्रति॑ ॥
Sentence: 2=t आ ते॑ अग्न इधीमहि द्यु॒मन्तं॑ दे॒वाजर॑म् । यद्ध॒ स्या ते॒ पनी॑यसी स॒मिद्दी॒दय॑ति॒ द्यवीषं॑ स्तो॒तृभ्य॒ आ भ॑र ॥
Sentence: 3=u आ ते॑ अग्न ऋ॒चा ह॒विः शु॒क्रस्य॑ ज्योतिषस्तपे । सुश्च॑न्द्र॒ दस्म॒ विश्प॑ते॒ हव्य॑वा॒ट्तुभ्यं॑ हूयत॒ इषं॑ स्तो॒तृभ्य॒ आ भ॑र ॥
Sentence: 4=v उ॒भे सु॑श्चन्द्र स॒र्पिषो॒ दर्वी॑ श्रीणीष आ॒सनि॑ । उ॒तो न॒ उत्पु॑पूर्याः ॥
Verse: 7
Sentence: 1 उ॒क्थेषु॑ शवसस्पत॒ इषं॑ स्तो॒तृभ्य॒ आ भ॑र ॥
Sentence: 2=w अग्ने॒ तम॒द्याश्वं॒ न स्तोमैः॒ क्रतुं॒ न भ॒द्रं हृ॑दि॒स्पृश॑म् । ऋ॒ध्यामा॑ त॒ ओहैः॑ ॥
Sentence: 3=x अधा॒ ह्य॑ग्ने॒ क्रतो॑र्भ॒द्रस्य॒ दक्ष॑स्य सा॒धोः । र॒थीरृ॒तस्य॑ बृह॒तो ब॒भूथ॑ ॥
Sentence: 4=y आ॒भिष्टे॑ अ॒द्य गी॒र्भिर्गृ॒णन्तो॑ ऽग्ने॒ दाशे॑म । प्र ते॑ दि॒वो न स्त॑नयन्ति॒ शुष्माः॑ ॥
Sentence: 5=z एभिर्नो॑ अर्कैर्भ॒वा नो॑ अ॒र्वाञ् ॥
Verse: 8
Sentence: 1 सुव॒र्न ज्योतिः॑ । अग्ने॑ विश्वेभिः सु॒मना॒ अनी॑कैः ॥
Sentence: 2=aa अ॒ग्निं होता॑रम्मन्ये॒ दास्व॑न्त॒म्वसोः॑ सू॒मुं सह॑सो जा॒तवे॑दसम् । विप्रं॒ न जा॒तवे॑दसम् ॥
Sentence: 3=bb य ऊ॒र्ध्वया॑ स्वध्व॒रो दे॒वो दे॒वाच्या॑ कृ॒पा । घृ॒तस्य॒ विभ्रा॑ष्टि॒मनु॑ शु॒क्रशो॑चिष आ॒जुह्वा॑नस्य स॒र्पिषः॑ ॥
Sentence: 4=cc अग्ने॒ त्वम्नो॒ अन्त॑मः । उ॒त त्रा॒ता शि॒वो भ॑व वरू॒थ्यः॑ ॥
Sentence: 5=dd तं त्वा॑ शोचिष्ठ दीदिवः । सु॒म्नाय॑ नू॒नमी॑महे॒ सखि॑भ्यः ॥
Sentence: 6=ee वसु॑र॒ग्निर्वसु॑श्रवाः । अछा॑ नक्षि द्यु॒मत्त॑मो र॒यिं दाः॑ ॥
Paragraph: 5
Verse: 1
Sentence: 1=a इ॑न्द्रा॒ग्निभ्यां॑ त्वा स॒युजा॑ यु॒जा यु॑नज्म्याघा॒राभ्यां॒ तेज॑सा॒ वर्च॑सो॒क्थेभि॒ स्तोमे॑भि॒श्छन्दो॑भी रय्यै॒ पोषा॑य सजा॒ताना॑म्मध्यम॒स्थेया॑य॒ मया॑ त्वा स॒युजा॑ यु॒जा यु॑नज्मि ।
Sentence: 2=b अ॒म्बा दु॒ला नि॑त॒त्निर॒भ्रय॑न्ती मे॒घय॑न्ती व॒र्षय॑न्ती चुपु॒णीका॒ नामा॑सि प्र॒जाप॑तिना त्वा॒ विश्वा॑भिर्धी॒भिरुप॑ दधामि
Sentence: 3=c पृथि॒व्यु॑पपु॒रमन्ने॑न वि॒ष्टा म॑नु॒ष्या॑स्ते गो॒प्तारो॒ ऽग्निर्विय॑त्तो ऽस्यां॒ ताम॒हम्प्र प॑द्ये॒ सा ॥
Verse: 2
Sentence: 1 मे॒ शर्म॑ च॒ वर्म॑ चास्तु ।
Sentence: 2=d अधि॑द्यौर॒न्तरि॑क्ष॒म्ब्रह्म॑णा वि॒ष्टा म॒रुत॑स्ते गो॒प्तारो॑ वा॒युर्विय॑त्तो ऽस्यां॒ ताम॒हम्प्र प॑द्ये॒ सा मे॒ शर्म॑ च॒ वर्म॑ चास्तु
Sentence: 3=e द्यौ॒रप॑राजितामृ॒तेन॑ वि॒ष्टादि॒त्यास्ते॑ गो॒प्तारः॒ सूर्यो॒ विय॑त्तो ऽस्यां॒ ताम॒हम्प्र प॑द्ये॒ सा मे॒ शर्म॑ च॒ वर्म॑ चास्तु ॥
Paragraph: 6
Verse: 1
Sentence: 1=a बृह॒स्पति॑स्त्वा सादयतु पृथि॒व्याः पृ॒ष्ठे ज्योति॑ष्मतीं॒ विश्व॑स्मै प्रा॒णाया॑पा॒नाय॒ विश्वं॒ ज्योति॑र्यछा॒ग्निस्ते ऽधि॑पतिस् ।
Sentence: 2=b वि॒श्वक॑र्मा त्वा सादयत्व॒न्तरि॑क्षस्य पृ॒ष्ठे ज्योति॑ष्मतीं॒ विश्व॑स्मै प्रा॒णाया॑पा॒नाय॒ विश्वं॒ ज्योति॑र्यछ वा॒युस्ते ऽधि॑पतिः
Sentence: 3=c प्र॒जाप॑तिस्त्वा सादयतु दि॒वः पृ॒ष्ठे ज्योति॑ष्मतीं॒ विश्व॑स्मै प्रा॒णाया॑पा॒नाय॒विश्वं॒ ज्योति॑र्यछ परमे॒ष्ठी ते ऽधि॑पतिः
Sentence: 4=d पुरोवात॒सनि॑रस्यभ्र॒सनि॑रसि विद्यु॒त्सनिः॑ ॥
Verse: 2
Sentence: 1 अ॑सि स्तनयित्नु॒सनि॑रसि वृष्टि॒सनि॑रसि ।
Sentence: 2=e अ॒ग्नेर्यान्य॑सि दे॒वाना॑मग्ने॒यान्य॑सि
Sentence: 3=f वा॒योर्यान्य॑सि दे॒वानां॑ वायो॒यान्य॑सि ।
Sentence: 4=g अ॒न्तरि॑क्षस्य॒ यान्य॑सि दे॒वाना॑मन्तरिक्ष॒यान्य॑सि ।
Sentence: 5=h अ॒न्तरि॑क्षमस्य॒न्तरि॑क्षाय त्वा
Sentence: 6=i सलि॒लाय॑ त्वा॒ सर्णी॑काय त्वा॒ सती॑काय त्वा॒ केता॑य त्वा॒ प्रचे॑तसे त्वा॒ विव॑स्वते त्वा दि॒वस्त्वा॒ ज्योति॑ष आदि॒त्येभ्य॑स्त्वा ।
Sentence: 7=k ऋ॒चे त्वा॑ रु॒चे त्वा॑ द्यु॒ते त्वा॑ भा॒से त्वा॒ ज्योति॑षे त्वा
Sentence: 8=l यशो॒दां त्वा॒ यश॑सि तेजो॒दां त्वा॒ तेज॑सि पयो॒दां त्वा॒ पय॑सि वर्चो॒दां त्वा॒ वर्च॑सि द्रविणो॒दां त्वा॒ द्रवि॑णे सादयामि॒ तेनर्षि॑णा॒ तेन॒ ब्रह्म॑णा॒ तया॑ दे॒वत॑याङ्गिर॒स्वद॒वा सी॑द ॥
Paragraph: 7
Verse: 1
Sentence: 1=a भू॑य॒स्कृद॑सि वरिव॒स्कृद॑सि॒ प्राच्य॑स्यू॒र्ध्वास्य॑न्तरिक्ष॒सद॑स्य॒न्तरि॑क्षे सीद ।
Sentence: 2=b अ॑प्सु॒षद॑सि श्येन॒सद॑सि गृध्र॒सद॑सि सुपर्ण॒सद॑सि नाक॒सद॑सि
Sentence: 3=c पृथि॒व्यास्त्वा॒ द्रवि॑णे सादयाम्य॒न्तरि॑क्षस्य त्वा॒ द्रवि॑णे सादयामि दि॒वस्त्वा॒ द्रवि॑णे सादयामि दि॒शां त्वा॒ द्रवि॑णे सादयामि द्रविणो॒दां त्वा॒ द्रवि॑णे सादयामि
Sentence: 4=d प्रा॒णम्मे॑ पाह्यपा॒नम्मे॑ पाहि व्या॒नम्मे॑ ॥
Verse: 2
Sentence: 1 पा॒ह्यायु॑र्मे पाहि वि॒श्वायु॑र्मे पाहि स॒र्वायु॑र्मे पाहि ।
Sentence: 2=e अग्ने॒ यत्ते॒ परं॒ हृन्नाम॒ तावेहि॒ सं र॑भावहै॒ पाञ्च॑जन्ये॒ष्वप्ये॑ध्यग्ने
Sentence: 3=f यावा॒ अया॑वा॒ एवा॒ ऊमाः॒ सब्दः॒ सग॑रः सु॒मेकः॑ ॥
Paragraph: 8
Verse: 1
Sentence: 1 अ॒ग्निना॑ विश्वा॒षाट्
Sentence: 2 सूर्ये॑ण स्व॒राट्
Sentence: 3 क्रत्वा॒ शची॒पति॑स् ।
Sentence: 4 ऋ॑ष॒भेण॒ त्वष्टा
Sentence: 5 य॒ज्ञेन॑ म॒घवा॑न्
Sentence: 6 दक्षि॑णया सुव॒र्गस् ।
Sentence: 7 म॒न्युना॑ वृत्र॒हा
Sentence: 8 सौ॑हार्द्येन तनू॒धाद् ।
Sentence: 9 अन्ने॑न॒ गयः
Sentence: 10 पृथि॒व्यास॑नोत् ।
Sentence: 11 ऋ॒ग्भिर॑न्ना॒दस् ।
Sentence: 12 व॑षट्का॒रेण॒र्द्धः
Sentence: 13 साम॑ना तनू॒पास् ।
Sentence: 14 वि॒राजा॒ ज्योति॑ष्मान्
Sentence: 15 ब्रह्म॑णा सोम॒पास् ।
Sentence: 16 गोभि॑र्य॒ज्ञं दा॑धार क्ष॒त्रेण॑ मनु॒ष्या॑न्
Sentence: 17 अश्वे॑न च॒ रथे॑न च व॒ज्री ।
Sentence: 18 ऋ॒तुभिः॑ प्र॒भुः
Sentence: 19 सं॑वत्स॒रेण॑ परि॒भूस्
Sentence: 20 तप॒साना॑धृष्टः
Sentence: 21 सूर्यः॒ सन्त॒नूभिः॑ ॥
Paragraph: 9
Verse: 1
Sentence: 1 प्र॒जाप॑ति॒र्मन॑सा ।
Sentence: 2 अन्धो ऽछे॑तस् ।
Sentence: 3 धा॒ता दी॒क्षाया॑म् ।
Sentence: 4 स॑वि॒ता भृ॒त्याम्
Sentence: 5 पू॒षा सो॑म॒क्रय॑ण्याम् ।
Sentence: 6 वरु॑ण॒ उप॑नद्धस् ।
Sentence: 7 असु॑रः क्री॒यमा॑णस् ।
Sentence: 8 मि॒त्रः क्री॒तः
Sentence: 9 शि॑पिवि॒ष्ट आसा॑दितस् ।
Sentence: 10 न॒रन्धि॑षः प्रो॒ह्यमा॑नस् ।
Sentence: 11 अधि॑पति॒राग॑तः
Sentence: 12 प्र॒जाप॑तिः प्रणी॒यमा॑नस् ।
Sentence: 13 अ॒ग्निराग्नी॑ध्रे
Sentence: 14 बृह॒स्पति॒राग्नी॑ध्रात्प्रणी॒यमा॑नस् ।
Sentence: 15 इन्द्रो॑ हवि॒र्धाने॑ ।
Sentence: 16 अदि॑ति॒रासा॑दितस् ।
Sentence: 17 विष्णु॑रुपावह्रि॒यमा॑णस् ।
Sentence: 18 अथ॒र्वोपो॑त्तस् ।
Sentence: 19 य॒मो॒ ऽभिषु॑तस् ।
Sentence: 20 अ॑पूत॒पा आ॑धू॒यमा॑नस् ।
Sentence: 21 वा॒युः पू॒यमा॑नस् ।
Sentence: 22 मि॒त्रः क्षी॑र॒श्रीस् ।
Sentence: 23 म॒न्थी स॑क्तु॒श्रीस् ।
Sentence: 24 वै॑श्वदे॒व उन्नी॑तस् ।
Sentence: 25 रुद्र॒ आहु॑तस् ।
Sentence: 26 वा॒युरावृ॑त्तस् ।
Sentence: 27 नृ॒चक्षाः॒ प्रति॑ख्यातस् ।
Sentence: 28 भ॒क्ष आग॑तः
Sentence: 29 पितृ॒णां ना॑राशं॒सस् ।
Sentence: 30 असु॒रात्तः
Sentence: 31 सिन्धु॑रवभृ॒थम॑वप्र॒यन् ।
Sentence: 32 स॑मु॒द्रो ऽव॑गतः
Sentence: 33 सलि॒लः प्रप्लु॑तः
Sentence: 34 सुव॑रु॒दृचं॑ ग॒तः ॥
Paragraph: 10
Verse: 1
Sentence: 1=a कृ॑त्तिका॒ नक्ष॑त्रम॒ग्निर्दे॒वता॒ग्ने रुच॑ स्थ प्र॒जाप॑तेर्ध॒तुः सोम॑स्य॒र्चे त्वा॑ रु॒चे त्वा॑ द्यु॒ते त्वा॑ भा॒से त्वा॒ ज्योति॑षे त्वा
Sentence: 2=b रोहि॒णी नक्ष॑त्रम्प्र॒जाप॑तिर्दे॒वता॑ मृगशी॒र्षं नक्ष॑त्रं॒ सोमो॑ दे॒वता॑र्द्रा॒ नक्ष॑त्रं रु॒द्रो दे॒वता॒ पुन॑र्वसू॒ नक्ष॑त्र॒मदि॑तिर्दे॒वता॑ ति॒ष्यो॒ नक्ष॑त्र॒म्बृह॒स्पति॑र॒षा नक्ष॑त्रं स॒र्पा दे॒वता॑ म॒घा नक्ष॑त्रम्पि॒तरो॑ दे॒वता॒ पल्गु॑नी॒ नक्ष॑त्रम् ॥
Verse: 2 Sentence: 1 अ॑र्य॒मा दे॒वता॒ पल्गु॑नी॒ नक्ष॑त्र॒म्भगो॑ दे॒वता॒ हस्तो॒ नक्ष॑त्रं सवि॒ता दे॒वता॑ चि॒त्रा नक्ष॑त्र॒मिन्द्रो॑ दे॒वता॑ स्वा॒ती नक्ष॑त्रं वा॒युर्दे॒वता॒ विशा॑खे॒ नक्ष॑त्रमिन्द्�॒ग्नी दे॒वता॑ अनूरा॒धा नक्ष॑त्रम्मि॒त्रो दे॒वता॑ रोहि॒णी नक्ष॑त्र॒मिन्द्रो॑ दे॒वता॑ वि॒चृतौ॒ नक्ष॑त्रम्पि॒तरो॑ दे॒वता॑षा॒ढा नक्ष॑त्र॒मापो॑ दे॒वता॑षा॒ढा नक्ष॑त्रं॒ विश्वे॑ दे॒वा दे॒वता॑ श्रो॒णा नक्ष॑त्त्रं॒ विष्णु॑र्दे॒वता॒ श्रवि॑ष्ठा॒ नक्ष॑त्रं॒ वस॑वः ॥
Verse: 3
Sentence: 1 दे॒वता॑ श॒तभि॑ष॒ङ्नक्ष॑त्र॒मिन्द्रो॑ दे॒वता॑ प्रोष्ठप॒दा नक्ष॑त्रम॒ज एक॑पाद्दे॒वता॑ प्रोष्ठप॒दा नक्ष॑त्र॒महि॑र्बु॒ध्नियो॑ दे॒वता॑ रे॒वती॒ नक्ष॑त्रम्पू॒षा दे॒वता॑श्व॒युजौ॒ नक्ष॑त्रम॒श्विनौ॑ दे॒वता॑प॒भर॑णी॒र्नक्ष॑त्रं य॒मो दे॒वता
Sentence: 2=c पू॒र्णा प॒श्चाद्यत्ते॑ दे॒वा अद॑धुः ॥
Chapter: x4
Paragraph: 11
Sentence: 1
Chapter: 4
Verse: 1
Sentence: 1=a मधु॑श्च॒ माध॑वश्च॒ वास॑न्तिकावृ॒तू
Sentence: 2=b शु॒क्रश्च॒ शुचि॑श्च ग्रैष्मावृ॒तू
Sentence: 3=c नभ॑श्च नभ॒स्य॑श्च॒ वार्षि॑कावृ॒तू
Sentence: 4=d इ॒षश्चो॒र्जश्च॑ शार॒दावृ॒तू
Sentence: 5=e सह॑श्च सह॒स्य॑श्च हैमन्तिकावृ॒तू
Sentence: 6=f तप॑श्च तप॒स्य॑श्च शैशि॒रावृ॒तू
Sentence: 7=g अ॒ग्नेर॑न्तःश्ले॒षो॑ ऽसि॒ कल्पे॑तां॒ द्यावा॑पृथि॒वी कल्प॑न्ता॒माप॒ ओष॑धीः॒ कल्प॑न्ताम॒ग्नयः॒ पृथ॒ङ्मम ज्यैष्ठ्याय॒ सव्र॑ताः ॥
Verse: 2
Sentence: 1 ये॒ ऽग्नयः॒ सम॑नसो ऽन्त॒रा द्यावा॑पृथि॒वी शै॑शि॒रावृ॒तू अ॒भि कल्प॑माना॒ इन्द्र॑मिव दे॒वा अ॒भि सं वि॑शन्तु
Sentence: 2=h सं॒यच्च॒ प्रचे॑ताश्चा॒ग्नेः सोम॑स्य॒ सूर्य॑स्य ।
Sentence: 3=i उ॒ग्रा च॑ भी॒मा च॑ पितृ॒णां यम॒स्येन्द्र॑स्य
Sentence: 4=k ध्रु॒वा च॑ पृथि॒वी च॑ दे॒वस्य॑ सवि॒तुर्म॒रुतां॒ वरु॑णस्य
Sentence: 5=l ध॒र्त्री च॒ धरि॑त्री च मि॒त्रावरु॑णयोर्मि॒त्रस्य॑ धा॒तुः
Sentence: 6=m प्राची॑ च प्रा॒तीची॑ च॒ वसू॑नां रु॒द्राणा॑म् ॥
Verse: 3
Sentence: 1 आ॑दि॒त्याना॑म् ।
Sentence: 2=n ते ते ऽधि॑पतय॒स्तेभ्यो॒ नम॒स्ते नो॑ मृडयन्तु॒ ते यं द्वि॒ष्मो यश्च॑ नो॒ द्वेष्टि॒ तं वो॒ जम्भे॑ दधामि
Sentence: 3=o स॒हस्र॑स्य प्र॒मा अ॑सि स॒हस्र॑स्य प्रति॒मा अ॑सि स॒हस्र॑स्य वि॒मा अ॑सि स॒हस्र॑स्यो॒न्मा अ॑सि साह॒स्रो॑ ऽसि स॒हस्रा॑य त्वा ।
Sentence: 4=p इ॒मा मे॑ अग्न॒ इष्ट॑का धे॒नवः॑ स॒न्त्वेका॑ च श॒तं च॑ स॒हस्रं॑ चा॒युतं॑ च ॥
Verse: 4 Sentence: 1 नि॒युतं॑ च प्र॒युतं॒ चार्बु॑दं च॒ न्य॑र्बुदं च समु॒द्रश्च॒ मध्यं॒ चान्त॑श्च परा॒र्धश्चे॒मा मे॑ अग्न॒ इष्ट॑का धे॒नवः॑ सन्तु ष॒ष्ठिः स॒हस्र॑म॒युत॒मक्षी॑यमाणा ऋत॒स्था स्थ॑र्ता॒वृधो॑ घृत॒श्चुतो॑ मधु॒श्चुत॒ ऊर्ज॑स्वतीः स्वधा॒विनी॒स्ता मे॑ अग्न॒ इष्ट॑का धे॒नवः॑ सन्तु वि॒राजो॒ नाम॑ काम॒दुघा॑ अ॒मुत्रा॒मुष्मिँ॑ लो॒के ॥
Paragraph: 12
Verse: 1
Sentence: 1=a स॒मिद्दि॒शामा॒शया॑ नः सुव॒र्विन्मधो॒रतो॒ माध॑वः पात्व॒स्मान् । अ॒ग्निर्दे॒वो दु॒ष्टरी॑तु॒रदा॑भ्य इ॒दं क्ष॒त्रं र॑क्षतु॒ पात्व॒स्मान् ॥
Sentence: 2=b र॑थन्त॒रं साम॑भिः पात्व॒स्मान्गा॑य॒त्री छन्द॑सां वि॒श्वरू॑पा । त्रि॒वृन्नो॑ वि॒ष्ठया॒ स्तोमो॒ अह्नां॑ समु॒द्रो वात॑ इ॒दमोजः॑ पिपर्तु ॥
Sentence: 3=c उ॒ग्रा दि॒शाम॒भिभू॑तिर्वयो॒धाः शुचिः॑ शु॒क्रे अह॑न्योज॒सीना॑ । इन्द्राधि॑पतिः पिपृता॒दतो॑ नो॒ महि॑ ॥
Verse: 2
Sentence: 1 क्ष॒त्रं वि॒श्वतो॑ धारये॒दम् ॥
Sentence: 2=d बृ॒हत्साम॑ क्षत्र॒भृद्वृ॒द्धवृ॑ष्णियं त्रि॒ष्टुभौ॑जः शुभि॒तमु॒ग्रवी॑रम् । इन्द्र॒ स्तोमे॑न पञ्चद॒शेन॒ मध्य॑मि॒दं वाते॑न॒ सग॑रेण रक्ष ॥
Sentence: 3=e प्राची॑ दि॒शां स॒हय॑शा॒ यश॑स्वती॒ विश्वे॑ देवाः॒ प्रावृ॒षाह्नां॒ सुव॑र्वती । इ॒दं क्ष॒त्रं दु॒ष्टर॑म॒स्त्वोजो ऽना॑धृष्टं सह॒स्रियं॒ सह॑स्वत् ॥
Sentence: 4=f वै॑रू॒पे साम॑न्नि॒ह तच्छ॑केम॒ जग॑त्यैनं वि॒क्ष्वा वे॑शयामः । विश्वे॑ देवाः सप्तद॒शेन॑ ॥
Verse: 3
Sentence: 1 वर्च॑ इ॒दं क्ष॒त्रं स॑लि॒लवा॑तमु॒ग्रम् ॥
Sentence: 2=g ध॒र्त्री दि॒शां क्ष॒त्रमि॒दं दा॑धारोप॒स्थाशा॑नाम्मि॒त्रव॑द॒स्त्वोजः॑ । मित्रा॑वरुणा श॒रदाह्नां॑ चिकित्नू अस्मै रा॒ष्ट्राय॒ महि॒ शर्म॑ यछतम् ॥
Sentence: 3=h वै॑रा॒जे साम॒न्नधि॑ मे मनी॒षानु॒ष्टुभा॒ सम्भृ॑तं वी॒र्यं॒ सहः॑ । इ॒दं क्ष॒त्रम्मि॒त्रव॑दा॒र्द्रदा॑नु॒ मित्रा॑वरुणा॒ रक्ष॑त॒माधि॑पत्यैः ॥
Sentence: 4=i स॒म्राड्दि॒शां स॒हसा॑म्नी॒ सह॑स्वत्यृ॒तुर्हे॑म॒न्तो वि॒ष्ठया॑ नः पिपर्तु । अ॑व॒स्युवा॑ताः ॥
Verse: 4
Sentence: 1 बृ॑ह॒तीर्नु शक्व॑रीरि॒मं य॒ज्ञम॑वन्तु नो घृ॒ताचीः॑ ॥
Sentence: 2=k सुव॑र्वती सु॒दुघा॑ नः॒ पय॑स्वती दि॒शां दे॒व्य॑वतु नो घृ॒ताची॑ । त्वं गो॒पाः पु॑रए॒तोत प॒श्चाद्बृह॑स्पते॒ याम्यां॑ युङ्ग्धि॒ वाच॑म् ॥
Sentence: 3=l ऊ॒र्ध्वा दि॒शां रन्ति॒राशौ॑षधीनां संवत्स॒रेण॑ सवि॒ता नो॒ अह्ना॑म् । रे॒वत्सामाति॑छन्दा उ॒ छन्दोजा॑तशत्रुः स्यो॒ना नो॑ अस्तु ॥
Sentence: 4=m स्तोम॑त्रयस्त्रिंशे॒ भुव॑नस्य पत्नि॒ विव॑स्वद्वाते अ॒भि नः॑ ॥
Verse: 5
Sentence: 1 गृ॑णाहि । घृ॒तव॑ती सवित॒राधि॑पत्यैः॒ पय॑स्वती॒ रन्ति॒राशा॑ नो अस्तु ॥
Sentence: 2=n ध्रु॒वा दि॒शां वि॑ष्णुप॒त्न्यघो॑रा॒स्येशा॑ना॒ सह॑सो॒ या म॒नोता॑ । बृह॒स्पति॑र्मात॒रिश्वो॒त वा॒युः सं॑धुवा॒ना वाता॑ अ॒भि नो॑ गृणन्तु ॥
Sentence: 3=o वि॑ष्ट॒म्भो दि॒वो ध॒रुणः॑ पृथि॒व्या अ॒स्येशा॑ना॒ जग॑तो॒ विष्णु॑पत्नी । वि॒श्वव्य॑चा इ॒षय॑न्ती॒ सुभू॑तिः शि॒वा नो॑ अ॒स्त्वदि॑तिरु॒पस्थे॑ ॥
Sentence: 4=p वै॑श्वान॒रो न॒ ऊत्या
Sentence: 5=q पृ॒ष्टो दि॒वि ।
Sentence: 6=r अनु॑ नो॒ ऽद्यानु॑मतिस् ।
Sentence: 7=s अन्विद॑नुमते॒ त्वम् ।
Sentence: 8=t कया॑ नश्चि॒त्र आ भु॑वत्
Sentence: 9=u को अ॒द्य यु॑ङ्क्ते ॥
Chapter: 5
Paragraph: 1
Verse: 1
Sentence: 1=a नम॑स्ते रुद्र म॒न्यव॑ उ॒तो त॒ इष॑वे॒ नमः॑ । नम॑स्ते अस्तु॒ धन्व॑ने बा॒हुभ्या॑मु॒त ते॒ नमः॑ ॥
Sentence: 2=b या त॒ इषुः॑ शि॒वत॑मा शि॒वम्ब॒भूव॑ ते॒ धनुः॑ । शि॒वा श॑र॒व्या॒ या तव॒ तया॑ नो रुद्र मृडय ॥
Sentence: 3=c या ते॑ रुद्र शि॒वा त॒नूरघो॒रापा॑पकाशिनी । तया॑ नस्त॒नुवा॒ शन्त॑मया॒ गिरि॑शन्ता॒भि चा॑कशीहि ॥
Sentence: 4=d यामिषुं॑ गिरिशन्त॒ हस्ते॑ ॥
Verse: 2
Sentence: 1 बिभ॒र्ष्यस्त॑वे । शि॒वां गि॑रित्र॒ तां कु॑रु॒ मा हिं॑सीः॒ पुरु॑षं॒ जग॑त् ॥
Sentence: 2=e शि॒वेन॒ वच॑सा त्वा॒ गिरि॒शाछा॑ वदामसि । यथा॑ नः॒ सर्व॒मिज्जग॑दय॒क्ष्मं सु॒मना॒ अस॑त् ॥
Sentence: 3=f अध्य॑वोचदधिव॒क्ता प्र॑थ॒मो दै॑व्यो भि॒षक् । अ॒हींश्च॒ सर्वा॑ञ्ज॒म्भय॒न्त्सर्वा॑श्च यातु धा॒न्यः॑ ॥
Sentence: 4=g असौ॒ यस्ता॒म्रो अ॑रु॒ण उ॒त ब॒भ्रुः सु॑म॒ङ्गलः॑ । ये चे॒मां रु॒द्रा अ॒भितो॑ दि॒क्षु ॥
Verse: 3
Sentence: 1 श्रि॒ताः स॑हस्र॒शो ऽवै॑षां॒ हेड॑ ईमहे ॥
Sentence: 2=h असौ॒ यो ऽव॒सर्प॑ति॒ नील॑ग्रीवो॒ विलो॑हितः । उतैनं गो॒पा अ॑दृश॒न्नदृ॑शन्नुदहा॒र्यः॑ । उतैनं॒ विश्वा॑ भू॒तानि॒ स दृ॒ष्टो मृ॑डयाति नः ॥
Sentence: 3=i नमो॑ अस्तु॒ नील॑ग्रीवाय सहस्रा॒क्षाय॑ मी॒डुषे॑ । अथो॒ ये अ॑स्य॒ सत्वा॑नो॒ ऽहं तेभ्यो॑ ऽकरं॒ नमः॑ ॥
Sentence: 4=k प्र मु॑ञ्च॒ धन्व॑न॒स्त्वमु॒भयो॒रार्त्नि॑यो॒र्ज्याम् । याश्च॑ ते॒ हस्त॒ इष॑वः ॥
Verse: 4
Sentence: 1 परा॒ ता भ॑गवो वप ॥
Sentence: 2=l अ॑व॒तत्य॒ धनु॒स्त्वं सह॑स्राक्ष॒ शते॑षुधे । नि॒शीर्य॑ श॒ल्याना॒म्मुखा॑ शि॒वो नः॑ सु॒मना॑ भव ॥
Sentence: 3=m विज्यं॒ धनुः॑ कप॒र्दिनो॒ विश॑ल्यो॒ बाण॑वां उ॒त । अने॑शन्न॒स्येष॑व आ॒भुर॑स्य निष॒ङ्गथिः॑ ॥
Sentence: 4=n या ते॑ हे॒तिर्मी॑ढुष्टम॒ हस्ते॑ ब॒भूव॑ ते॒ धनुः॑ । तया॒स्मान्वि॒श्वत॒स्त्वम॑यक्ष॒मया॒ परि॑ भुज ॥
Sentence: 5=o नम॑स्ते अ॒स्त्वायु॑धा॒याना॑तताय धृ॒ष्णवे॑ । उ॒भाभ्या॑मु॒त ते॒ नमो॑ बा॒हुभ्यां॒ तव॒ धन्व॑ने ॥
Sentence: 6=p परि॑ ते॒ धन्व॑नो हे॒तिर॒स्मान्वृ॑णक्तु वि॒श्वतः॑ । अथो॒ य इ॑षु॒धिस्तवा॒रे अ॒स्मन्नि धे॑हि॒ तम् ॥
Paragraph: 2
Verse: 1
Sentence: 1=a नमो॒ हिर॑ण्यबाहवे सेना॒न्ये॑ दि॒शां च॒ पत॑ये॒ नम॑स् ।
Sentence: 2=b नमो॑ वृ॒क्षेभ्यो॒ हरि॑केशेभ्यः पशू॒नाम्पत॑ये॒ नम॑स् ।
Sentence: 3=c नमः॑ स॒स्पिञ्ज॑राय॒ त्विषी॑मते पथी॒नाम्पत॑ये॒ नम॑स् ।
Sentence: 4=d नमो॑ बभ्लु॒शाय॑ विव्या॒धिने ऽन्ना॑ना॒म्पत॑ये॒ नम॑स् ।
Sentence: 5=e नमो॒ हरि॑केशायोपवी॒तिने॑ पु॒ष्टाना॒म्पत॑ये॒ नम॑स् ।
Sentence: 6=f नमो॑ भ॒वस्य॑ हेत्यै॒ जग॑ता॒म्पत॑ये॒ नम॑स् ।
Sentence: 7=g नमो॑ रु॒द्राया॑तताविने॒ क्षेत्रा॑णा॒म्पत॑ये॒ नम॑स् ।
Sentence: 8=h नमः॑ सू॒तायाह॑न्त्याय॒ वना॑ना॒म्पत॑ये॒ नम॑स् ।
Sentence: 9=i नमः॑ ॥
Verse: 2
Sentence: 1 रोहि॑ताय स्थ॒पत॑ये वृ॒क्षाणा॒म्पत॑ये॒ नम॑स् ।
Sentence: 2=k नमो॑ म॒न्त्रिणे॑ वाणि॒जाय॒ कक्षा॑णा॒म्पत॑ये॒ नम॑स् ।
Sentence: 3=l नमो॑ भुव॒न्तये॑ वारिवस्कृ॒तायौ॑षधीना॒म्पत॑ये॒ नम॑स् ।
Sentence: 4=m नम॑ उच्चैर्घोषायाक्र॒न्दय॑ते पत्ती॒नाम्पत॑ये॒ नम॑स् ।
Sentence: 5=n नमः॑ कृत्स्नवी॒ताय॒ धाव॑ते॒ सत्व॑ना॒म्पत॑ये॒ नमः॑ ॥
Paragraph: 3
Verse: 1
Sentence: 1=a नमः॒ सह॑मानाय निव्या॒धिन॑ आव्या॒धिनी॑ना॒म्पत॑ये॒ नम॑स् ।
Sentence: 2=b नमः॑ ककु॒भाय॑ निष॒ङ्गिणे॑ स्ते॒नाना॒म्पत॑ये॒ नम॑स् ।
Sentence: 3=c नमो॑ निष॒ङ्गिण॑ एषुधि॒मते॒ तस्क॑राणा॒म्पत॑ये॒ नम॑स् ।
Sentence: 4=d नमो॒ वञ्च॑ते परि॒वञ्च॑ते स्तायू॒नाम्पत॑ये॒ नम॑स् ।
Sentence: 5=e नमो॑ निचे॒रवे॑ परिच॒रायार॑ण्याना॒म्पत॑ये॒ नम॑स् ।
Sentence: 6=f नमः॑ सृका॒विभ्यो॒ जिघां॑सद्भ्यो मुष्ण॒ताम्पत॑ये॒ नम॑स् ।
Sentence: 7=g नमो॑ ऽसि॒मद्भ्यो॑ ञक्तं॒ चर॑द्भ्यः प्रकृ॒न्ताना॒म्पत॑ये॒ नम॑स् ।
Sentence: 8=h नम॑ उष्णी॒षिणे॑ गिरिच॒राय॑ कुलु॒ञ्चाना॒म्पत॑ये॒ नम॑स् ।
Sentence: 9=i नमः॑ ॥
Verse: 2
Sentence: 1 इषु॑मद्भ्यो धन्वा॒विभ्य॑श्च वो॒ नम॑स् ।
Sentence: 2=k नम॑ आतन्वा॒नेभ्यः॑ प्रति॒दधा॑नेभ्यश्च वो॒ नम॑स् ।
Sentence: 3=l नम॑ आ॒यछ॑द्भ्यो विसृ॒जद्भ्य॑श्च वो॒ नम॑स् ।
Sentence: 4=m नमो ऽस्य॑द्भ्यो॒ विध्य॑द्भ्यश्च वो॒ नम॑स् ।
Sentence: 5=n नम॒ आसी॑नेभ्यः॒ शया॑नेभ्यश्च वो॒ नम॑स् ।
Sentence: 6=o नमः॑ स्व॒पद्भ्यो॒ जाग्र॑द्भ्यश्च वो॒ नम॑स् ।
Sentence: 7=p नम॒स्तिष्ठ॑द्भ्यो॒ धाव॑द्भ्यश्च वो॒ नम॑स् ।
Sentence: 8=q नमः॑ स॒भाभ्यः॑ स॒भाप॑तिभ्यश्च वो॒ नम॑स् ।
Sentence: 9=r नमो॒ अश्वे॒भ्यो ऽश्व॑पतिभ्यश्च वो॒ नमः॑ ॥
Paragraph: 4
Verse: 1
Sentence: 1=a नम॑ आव्या॒धिनी॑भ्यो वि॒विध्य॑न्तीभ्यश्च वो॒ नम॑स् ।
Sentence: 2=b नम॒ उग॑णाभ्यस्तृंहतीभ्यश्च वो॒ नम॑स् ।
Sentence: 3=c नमो॑ गृ॒त्सेभ्यो॑ गृ॒त्सप॑तिभ्यश्च वो॒ नम॑स् ।
Sentence: 4=d नमो॒ व्राते॑भ्यो॒ व्रात॑पतिभ्यश्च वो॒ नम॑स् ।
Sentence: 5=e नमो॑ ग॒णेभ्यो॑ ग॒णप॑तिभ्यश्च वो॒ नम॑स् ।
Sentence: 6=f नमो॒ विरू॑पेभ्यो वि॒श्वरू॑पेभ्यश्च वो॒ नम॑स् ।
Sentence: 7=g नमो॑ म॒हद्भ्यः॑ क्षुल्ल॒केभ्य॑श्च वो॒ नम॑स् ।
Sentence: 8=h नमो॑ र॒थिभ्यो॑ ऽर॒थेभ्य॑श्च वो॒ नम॑स् ।
Sentence: 9=i नमो॒ रथे॑भ्यः ॥
Verse: 2
Sentence: 1 रथ॑पतिभ्यश्च वो॒ नम॑स् ।
Sentence: 2=k नमः॒ सेना॑भ्यः सेना॒निभ्य॑श्च वो॒ नम॑स् ।
Sentence: 3=l नमः॑ क्ष॒त्तृभ्यः॑ सङ्ग्रही॒तृभ्य॑श्च वो॒ नम॑स् ।
Sentence: 4=m नम॒स्तक्ष॑भ्यो रथका॒रेभ्य॑श्च वो॒ नम॑स् ।
Sentence: 5=n नमः॒ कुला॑लेभ्यः क॒र्मारे॑भ्यश्च वो॒ नम॑स् ।
Sentence: 6=o नमः॑ पु॒ञ्जिष्टे॑भ्यो निषा॒देभ्य॑श्च वो॒ नम॑स् ।
Sentence: 7=p नम॑ इषु॒कृद्भ्यो॑ धन्व॒कृद्भ्य॑श्च वो॒ नम॑स् ।
Sentence: 8=q नमो॑ मृग॒युभ्यः॑ श्व॒निभ्य॑श्च वो॒ नम॑स् ।
Sentence: 9=r नमः॒ श्वभ्यः॒ श्वप॑तिभ्यश्च वो॒ नमः॑ ॥
Paragraph: 5
Verse: 1
Sentence: 1=a नमो॑ भ॒वाय॑ च रु॒द्राय॑ च
Sentence: 2=b नमः॑ श॒र्वाय॑ च पशु॒पत॑ये च
Sentence: 3=c नमो॒ नील॑ग्रीवाय च शिति॒कण्ठा॑य च
Sentence: 4=d नमः॑ कप॒र्दिने॑ च॒ व्यु॑प्तकेशाय च
Sentence: 5=e नमः॑ सहस्रा॒क्षाय॑ च श॒तध॑न्वने च
Sentence: 6=f नमो॑ गिरि॒शाय॑ च शिपिवि॒ष्टाय॑ च
Sentence: 7=g नमो॑ मी॒ढुष्ट॑माय॒ चेषु॑मते च
Sentence: 8=h नमो॑ ह्र॒स्वाय॑ च वाम॒नाय॑ च
Sentence: 9=i नमो॑ बृह॒ते च॒ वर्षी॑यसे च
Sentence: 10=k नमो॑ वृ॒द्धाय॑ च सं॒वृध्व॑ने च ॥
Verse: 2
Sentence: 1=l नमो॒ अग्रि॑याय च प्रथ॒माय॑ च
Sentence: 2=m नम॑ आ॒शवे॑ चाजि॒राय॑ च
Sentence: 3=n नमः॒ शीघ्रि॑याय च॒ शीभ्या॑य च
Sentence: 4=o नम॑ ऊ॒र्म्या॑य चावस्व॒न्या॑य च
Sentence: 5=p नमः॑ स्रोत॒स्या॑य च॒ द्वीप्या॑य च ॥
Paragraph: 6
Verse: 1
Sentence: 1=a नमो॑ ज्ये॒ष्ठाय॑ च कनि॒ष्ठाय॑ च
Sentence: 2=b नमः॑ पूर्व॒जाय॑ चापर॒जाय॑ च
Sentence: 3=c नमो॑ मध्य॒माय॑ चापग॒ल्भाय॑ च
Sentence: 4=d नमो॑ जघ॒न्या॑य च॒ बुध्नि॑याय च
Sentence: 5=e नमः॑ सो॒भ्या॑य च प्रतिस॒र्या॑य च
Sentence: 6=f नमो॒ याम्या॑य च॒ क्षेम्या॑य च
Sentence: 7=g नम॑ उर्व॒र्या॑य च॒ खल्या॑य च
Sentence: 8=h नमः॒ श्लोक्या॑य चावसा॒न्या॑य च
Sentence: 9=i नमो॒ वन्या॑य च॒ कक्ष्या॑य च
Sentence: 10=k नमः॑ श्र॒वाय॑ च प्रतिश्र॒वाय॑ च ॥
Verse: 2
Sentence: 1=l नम॑ आ॒शुषे॑णाय चा॒शुर॑थाय च
Sentence: 2=m नमः॑ शूराय चावभिन्द॒ते च
Sentence: 3=n नमो॑ व॒र्मिणे॑ च वरू॒थिने॑ च
Sentence: 4=o नमो॑ बि॒ल्मिने॑ च कव॒चिने॑ च
Sentence: 5=p नमः॑ श्रु॒ताय॑ च श्रुतसे॒नाय॑ च ॥
Paragraph: 7
Verse: 1
Sentence: 1=a नमो॑ दुन्दु॒भ्या॑य चाहन॒व्या॑य च
Sentence: 2=b नमो॑ धृ॒ष्णवे॑ च प्रमृ॒शाय॑ च
Sentence: 3=c नमो॑ दू॒ताय॑ च॒ प्रहि॑ताय च
Sentence: 4=d नमो॑ निष॒ङ्गिणे॑ चेषुधि॒मते॑ च
Sentence: 5=e नम॑स्ती॒क्ष्णेष॑वे चायु॒धिने॑ च
Sentence: 6=f नमः॑ स्वायु॒धाय॑ च सु॒धन्व॑ने च
Sentence: 7=g नमः॒ स्रुत्या॑य च॒ पथ्या॑य च
Sentence: 8=h नमः॑ का॒ट्या॑य च नी॒प्या॑य च
Sentence: 9=i नमः॒ सूद्या॑य च सर॒स्या॑य च
Sentence: 10=k नमो॑ ना॒द्याय॑ च वैश॒न्ताय॑ च ॥
Verse: 2
Sentence: 1=l नमः॒ कूप्या॑य चाव॒ट्या॑य च
Sentence: 2=m नमो॒ वर्ष्या॑य चाव॒र्ष्याय॑ च
Sentence: 3=n नमो॑ मे॒घ्या॑य च विद्यु॒त्या॑य च
Sentence: 4=o नम॑ ई॒ध्रिया॑य चात॒प्या॑य च
Sentence: 5=p नमो॒ वात्या॑य च॒ रेष्मि॑याय च
Sentence: 6=q नमो॑ वास्त॒व्या॑य च वास्तु॒पाय॑ च ॥
Paragraph: 8
Verse: 1
Sentence: 1=a नमः॒ सोमा॑य च रु॒द्राय॑ च
Sentence: 2=b नम॑स्ता॒म्राय॑ चारु॒णाय॑ च
Sentence: 3=c नमः॑ शं॒गाय॑ च पशु॒पत॑ये च
Sentence: 4=d नम॑ उ॒ग्राय॑ च भी॒माय॑ च
Sentence: 5=e नमो॑ अग्रेव॒धाय॑ च दूरेव॒धाय॑ च
Sentence: 6=f नमो॑ ह॒न्त्रे च॒ हनी॑यसे च
Sentence: 7=g नमो॑ वृ॒क्षेभ्यो॒ हरि॑केशेभ्यस् ।
Sentence: 8=h नम॑स्ता॒राय
Sentence: 9=i नमः॑ श॒म्भवे॑ च मयो॒भवे॑ च
Sentence: 10=k नमः॑ शङ्क॒राय॑ च मयस्क॒राय॑ च
Sentence: 11=l नमः॑ शि॒वाय॑ च शि॒वत॑राय च ॥
Verse: 2
Sentence: 1=m नम॒स्तीर्थ्या॑य च॒ कूल्या॑य च
Sentence: 2=n नमः॑ पा॒र्या॑य चावा॒र्त्या॑य च
Sentence: 3=o नमः॑ प्र॒तर॑णाय चो॒त्तर॑णाय च
Sentence: 4=p नम॑ आता॒र्या॑य चाला॒ट्या॑य च
Sentence: 5=q नमः॒ शष्प्या॑य च॒ पेन्या॑य च
Sentence: 6=r नमः॑ सिक॒त्या॑य च प्रवा॒ह्या॑य च ॥
Paragraph: 9
Verse: 1
Sentence: 1=a नम॑ इरि॒ण्या॑य च प्रप॒थ्या॑य च
Sentence: 2=b नमः॑ किंशि॒लाय॑ च॒ क्षय॑णाय च
Sentence: 3=c नमः॑ कप॒र्दिने॑ च पुल॒स्तये॑ च
Sentence: 4=d नमो॒ गोष्ठ्या॑य च॒ गृह्या॑य च
Sentence: 5=e नम॒स्तल्प्या॑य च॒ गेह्या॑य च
Sentence: 6=f नमः॑ का॒ट्या॑य च गह्वरे॒ष्ठाय॑ च
Sentence: 7=g नमो॑ ह्रद॒य्या॑य च निवे॒ष्य्या॑य च
Sentence: 8=h नमः॑ पांस॒व्या॑य च रज॒स्या॑य च
Sentence: 9=i नमः॒ शुष्क्या॑य च हरि॒त्या॑य च
Sentence: 10=k नमो॒ लोप्या॑य चोल॒प्या॑य च ॥
Verse: 2
Sentence: 1=l नम॑ ऊ॒र्व्या॑य च सू॒र्म्या॑य च
Sentence: 2=m नमः॑ प॒र्ण्या॑य च पर्णश॒द्या॑य च
Sentence: 3=n नमो॑ ऽपगु॒रमा॑णाय चाभिघ्न॒ते च
Sentence: 4=o नम॑ आक्खिद॒ते च॑ प्रक्खिद॒ते च
Sentence: 5=p नमो॑ वः किरि॒केभ्यो॑ दे॒वानां॒ हृद॑येभ्यस् ।
Sentence: 6=q नमो॑ विक्षीण॒केभ्य॑स् ।
Sentence: 7=r नमो॑ विचिन्व॒त्केभ्य॑स् ।
Sentence: 8=s नम॑ आनिर्ह॒तेभ्य॑स् ।
Sentence: 9=t नम॑ आमीव॒त्केभ्यः॑ ॥
Paragraph: 10
Verse: 1
Sentence: 1=a द्रापे॒ अन्ध॑सस्पते॒ दरि॑द्र॒न्नील॑लोहित । ए॒षाम्पुरु॑षाणामे॒षाम्प॑शू॒नाम्मा भेर्मारो॒ मो ए॑षां॒ किं च॒नाम॑मत् ॥
Sentence: 2=b या ते॑ रुद्र शि॒वा त॒नूः शि॒वा वि॒श्वाह॑भेषजी । शि॒वा रु॒द्रस्य॑ भेष॒जी तया॑ नो मृड जी॒वसे॑ ॥
Sentence: 3=c इ॒मां रु॒द्राय॑ त॒वसे॑ कप॒र्दिने॑ क्ष॒यद्वी॑राय॒ प्र भ॑रामहे म॒तिम् । यथा॑ नः॒ शमस॑द्द्वि॒पदे॒ चतु॑ष्पदे॒ विश्व॑म्पु॒ष्टङ्ग्रा॒मे अ॒स्मिन् ॥
Verse: 2
Sentence: 1 अना॑तुरम् ॥
Sentence: 2=d मृ॒डा नो॑ रु॒द्रोत नो॒ मय॑स्कृधि क्ष॒यद्वी॑राय॒ नम॑सा विधेम ते । यच्छं च॒ योश्च॒ मनु॑राय॒जे पि॒ता तद॑श्याम॒ तव॑ रुद्र॒ प्रणी॑तौ ॥
Sentence: 3=e मा नो॑ म॒हान्त॑मु॒त मा नो॑ अर्भ॒कम्मा न॒ उक्ष॑न्तमु॒त मा न॑ उक्षि॒तम् । मा नो॑ वधीः पि॒तर॒म्मोत मा॒तर॑म्प्रि॒या मा न॑स्त॒नुवः॑ ॥
Verse: 3
Sentence: 1 रु॑द्र रीरिषः ॥
Sentence: 2=f मा न॑स्तो॒के तन॑ये॒ मा न॒ आयु॑षि॒ मा नो॒ गोषु॒ मा नो॒ अश्वे॑षु रीरिषः । वी॒रान्मा नो॑ रुद्र भामि॒तो व॑धीर्ह॒विष्म॑न्तो॒ नम॑सा विधेम ते ॥
Sentence: 3=g आ॒रात्ते॑ गो॒घ्न उ॒त पू॑रुष॒घ्ने क्ष॒यद्वी॑राय सु॒म्नम॒स्मे ते॑ अस्तु । रक्षा॑ च नो॒ अधि॑ च देव ब्रू॒ह्यधा॑ च नः॒ शर्म॑ यछ द्वि॒बर्हाः॑ ॥
Sentence: 4=h स्तु॒हि ॥
Verse: 4
Sentence: 1 श्रु॑तं गर्त॒सदं॒ युवा॑नम्मृ॒गं न भी॒ममु॑पह॒त्नुमु॒ग्रम् । मृ॒डा ज॑रि॒त्रे रु॑द्र॒ स्तवा॑नो अ॒न्यं ते॑ अ॒स्मन्नि व॑पन्तु॒ सेनाः॑ ॥
Sentence: 2=i परि॑ णो रु॒द्रस्य॑ हे॒तिर्वृ॑णक्तु॒ परि॑ त्वे॒षस्य॑ दुर्म॒तिर॑घा॒योः । अव॑ स्थि॒रा म॒घव॑द्भ्यस्तनुष्व॒ मीढ्व॑स्तो॒काय॒ तन॑याय मृडय ॥
Sentence: 3=k मीडु॑ष्टम॒ शिव॑तम शि॒वो नः॑ सु॒मना॑ भव । प॑र॒मे वृ॒क्ष आयु॑धं नि॒धाय॒ कृत्तिं॒ वसा॑न॒ आ च॑र॒ पिना॑कम् ॥
Verse: 5
Sentence: 1 बिभ्र॒दा ग॑हि ॥
Sentence: 2=l विकि॑रिद॒ विलो॑हित॒ नम॑स्ते अस्तु भगवः । यास्ते॑ स॒हस्रं॑ हे॒तयो॒ ऽन्यम॒स्मन्नि व॑पन्तु॒ ताः ॥
Sentence: 3=m स॒हस्रा॑णि सहस्र॒धाः बा॑हु॒वोस्तव॑ हे॒तयः॑ । तासा॒मीशा॑नो भगवः परा॒चीना॒ मुखा॑ कृधि ॥
Paragraph: 11
Verse: 1
Sentence: 1=a स॒हस्रा॑णि सहस्र॒शो ये रु॒द्रा अधि॒ भूम्या॑म् । तेषां॑ सहस्रयोज॒ने ऽव॒ धन्वा॑नि तन्मसि ॥
Sentence: 2=b अ॒स्मिन्म॑ह॒त्य॑र्ण॒वे॒ ऽन्तरि॑क्षे भ॒वा अधि॑ ।
Sentence: 3=c नील॑ग्रीवाः शिति॒कण्ठाः॑ श॒र्वा अ॒धः क्ष॑माच॒राः ॥
Sentence: 4=d नील॑ग्रीवाः शिति॒कण्ठा॒ दिवं॑ रु॒द्रा उप॑श्रिताः ।
Sentence: 5=e ये वृ॒क्षेषु॑ स॒स्पिञ्ज॑रा॒ नील॑ग्रीवा॒ विलो॑हिताः ।
Sentence: 6=f ये भू॒ताना॒मधि॑पतयो विशि॒खासः॑ कप॒र्दिनः॑ ।
Sentence: 7=g ये अन्ने॑षु वि॒विध्य॑न्ति॒ पात्रे॑षु॒ पिब॑तो॒ जना॑न् ।
Sentence: 8=h ये प॒थाम्प॑थि॒रक्ष॑य ऐलबृ॒दा य॒व्युधः॑ ।
Sentence: 9=i ये ती॒र्थानि॑ ॥
Verse: 2
Sentence: 1 प्र॒चर॑न्ति सृ॒काव॑न्तो निष॒ङ्गिणः॑ ।
Sentence: 2=k य ए॒ताव॑न्तश्च॒ भूयां॑सश्च॒ दिशो॑ रु॒द्रा वि॑तस्थि॒रे । तेषां॑ सहस्रयोज॒ने ऽव॒ धन्वा॑नि तन्मसि ॥
Sentence: 3=lmn नमो॑ रु॒द्रेभ्यो॒ ये पृ॑थि॒व्यां ये॒ ऽन्तरि॑क्षे॒ ये दि॒वि येषा॒मन्नं॒ वातो॑ व॒र्षमिष॑व॒स्त�भ्यो॒ दश॒ प्राची॒र्दश॑ दक्षि॒णा दश॑ प्रा॒तीची॒र्दशोदी॑ची॒र्दशो॒र्ध्वास्तेभ्यो॒ नम॒स्ते नो॑ मृडयन्तु॒ ते यं द्वि॒ष्मो यश्च॑ नो॒ द्वेष्टि॒ तं वो॒ जम्भे॑ दधामि ॥
Chapter: 6
Paragraph: 1
Verse: 1
Sentence: 1=a अश्म॒न्नूर्ज॒म्पर्व॑ते शिश्रिया॒णां वाते॑ प॒र्जन्ये॒ वरु॑णस्य॒ शुष्मे॑ । अ॒ द्भ्यओष॑धीभ्यो॒ वन॒स्पति॒भ्यो ऽधि॒ सम्भृ॑तां॒ तां न॒ इष॒मूर्जं॑ धत्त मरुतः संररा॒णाः ॥
Sentence: 2=b अश्मं॑स्ते॒ क्षुद॒मुं ते॒ शुगृ॑छतु॒ यं द्वि॒ष्मः
Sentence: 3=c स॑मु॒द्रस्य॑ त्वा॒वाक॒याग्ने॒ परि॑ व्ययामसि । पा॑व॒को अ॒स्मभ्यं॑ शि॒वो भ॑व ॥
Sentence: 4=d हि॒मस्य॑ त्वा ज॒रायु॒णाग्ने॒ परि॑ व्ययामसि । पा॑व॒को अ॒स्मभ्यं॑ शि॒वो भ॑व ॥
Sentence: 5=e उप॑ ॥
Verse: 2
Sentence: 1 ज्मन्नुप॑ वेत॒से ऽव॑त्तरं न॒दीष्वा । अग्ने॑ पि॒त्तम॒पाम॑सि ॥
Sentence: 2=f मण्डू॑कि॒ ताभि॒रा ग॑हि॒ सेमं नो॑ य॒ज्ञम् । पा॑व॒कव॑र्णं शि॒वं कृ॑धि ॥
Sentence: 3=g पा॑व॒क आ चि॒तय॑न्त्या कृ॒पा । क्षाम॑न्रुरु॒च उ॒षसो॒ न भा॒नुना॑ ॥
Sentence: 4=h तूर्व॒न्न याम॒न्नेत॑शस्य॒ नू रण॒ आ यो घृ॒णे । न त॑तृषा॒णो अ॒जरः॑ ॥
Sentence: 5=i अग्ने॑ पावक रो॒चिषा॑ म॒न्द्रया॑ देव जि॒ह्वया॑ । आ दे॒वान् ॥
Verse: 3
Sentence: 1 व॑क्षि॒ यक्षि॑ च ॥
Sentence: 2=k स नः॑ पावक दीदि॒वो ऽग्ने॑ दे॒वां इ॒हा व॑ह । उप॑ य॒ज्ञं ह॒विश्च॑ नः ॥
Sentence: 3=l अ॒पामि॒दं न्यय॑नं समु॒द्रस्य॑ नि॒वेश॑नम् । अ॒न्यं ते॑ अ॒स्मत्त॑पन्तु हे॒तयः॑ पाव॒को अ॒स्मभ्यं॑ शि॒वो भ॑व ॥
Sentence: 4=m नम॑स्ते॒ हर॑से शो॒चिषे॒ नम॑स्ते अस्त्व॒र्चिषे॑ । अ॒न्यं ते॑ अ॒स्मत्त॑पन्तु हे॒तयः॑ पाव॒को अ॒स्मभ्यं॑ शि॒वो भ॑व ॥
Sentence: 5=n नृ॒षदे॒ वट् ॥
Verse: 4
Sentence: 1 अ॑प्सु॒षदे॒ वड्व॑न॒सदे॒ वड्ब॑र्हि॒षदे॒ वट्सु॑व॒र्विदे॒ वट् ॥
Sentence: 2=o ये दे॒वा दे॒वानां॑ य॒ज्ञिया॑ य॒ज्ञिया॑नां संवत्स॒रीण॒मुप॑ भा॒गमास॑ते । अ॑हु॒तादो॑ ह॒विषो॑ य॒ज्ञे अ॒स्मिन्त्स्व॒यं जु॑हुध्व॒म्मधु॑नो घृ॒तस्य॑ ॥
Sentence: 3=p ये दे॒वा दे॒वेष्वधि॑ देव॒त्वमाय॒न्ये ब्र॑ह्मणः पुरए॒तारो॑ अ॒स्य । येभ्यो॒ नर्ते पव॑ते॒ धाम॒ किं च॒न न ते दि॒वो न पृ॑थि॒व्या अधि॒ स्नुषु॑ ॥
Sentence: 4=q प्रा॑ण॒दाः ॥
Verse: 5
Sentence: 1 अ॑पान॒दा व्या॑न॒दाश्च॑क्षु॒र्दा व॑र्चो॒दा व॑रिवो॒दाः । अ॒न्यं ते॑ अ॒स्मत्त॑पन्तु हे॒तयः॑ पाव॒को अ॒स्मभ्यं॑ शि॒वो भ॑व ॥
Sentence: 2=r अ॒ग्निस्ति॒ग्मेन॑ शो॒चिषा॒ यंस॒द्विश्वं॒ न्य॒त्रिण॑म् । अ॒ग्निर्नो॑ वंसते र॒यिम् ॥
Sentence: 3=s {F सै॒नानी॑केन{W सै॒नानी॑केन{ASS सै॒षानी॑केन{BI सै॒नानी॑केन{GLOS सुवि॒दत्रो॑ अ॒स्मे यष्टा॑ दे॒वां आय॑जिष्ठः स्व॒स्ति । अद॑ब्धो गो॒पा उ॒त नः॑ पर॒स्पा अग्ने॑ द्यु॒मदु॒त रे॒वद्दि॑दीहि ॥
Paragraph: 2
Verse: 1
Sentence: 1=a य इ॒मा विश्वा॒ भुव॑नानि॒ जुह्व॒दृषि॒र्होता॑ निष॒सादा॑ पि॒ता नः॑ । स आ॒शिषा॒ द्रवि॑णमि॒छमा॑नः परम॒छदो॒ वर॒ आ वि॑वेश ॥
Sentence: 2=b वि॒श्वक॑र्मा॒ मन॑सा॒ यद्विहा॑या धा॒ता वि॑धा॒ता प॑र॒मोत सं॒दृक् । तेषा॑मि॒ष्टानि॒ समि॒षा म॑दन्ति॒ यत्र॑ सप्त॒र्षीन्प॒र एक॑मा॒हुः ॥
Sentence: 3=c यो नः॑ पि॒ता ज॑नि॒ता यो वि॑धा॒ता यो नः॑ स॒तो अ॒भ्या सज्ज॒जान॑ ॥
Verse: 2
Sentence: 1 यो दे॒वानां॑ नाम॒धा एक॑ ए॒व तं स॑म्प्र॒श्नम्भुव॑ना यन्त्य॒न्या ॥
Sentence: 2=d त आय॑जन्त॒ द्रवि॑णं॒ सम॑स्मा॒ ऋष॑यः॒ पूर्वे॑ जरि॒तारो॒ न भू॒ना । अ॒सूर्ता॒ सूर्ता॒ रज॑सो वि॒माने॒ ये भू॒तानि॑ स॒मकृ॑ण्वन्नि॒मानि॑ ॥
Sentence: 3=e न तं वि॑दाथ॒ य इ॒दं ज॒जाना॒न्यद्यु॒ष्माक॒मन्त॑रम्भवाति । नी॑हा॒रेण॒ प्रावृ॑ता॒ जल्प्या॒ चासु॒तृप॑ उक्थ॒शास॑श्चरन्ति ॥
Sentence: 4=f प॒रो दि॒वा प॒र ए॒ना ॥
Verse: 3
Sentence: 1 पृ॑थि॒व्या प॒रो दे॒वेभि॒रसु॑रै॒र्गुहा॒ यत् । कं स्वि॒द्गर्भं॑ प्रथ॒मं द॑ध्र॒ आपो॒ यत्र॑ दे॒वाः स॒मग॑छन्त॒ विश्वे॑ ॥
Sentence: 2=g तमिद्गर्भ॑म्प्रथ॒मं द॑ध्र॒ आपो॒ यत्र॑ दे॒वाः स॒मग॑छन्त॒ विश्वे॑ । अ॒जस्य॒ नाभा॒वध्येक॒मर्पि॑त॒म्यस्मि॑न्नि॒दं विश्व॒म्भुव॑न॒मधि॑ श्रि॒तम् ॥
Sentence: 3=h वि॒श्वक॑र्मा॒ ह्यज॑निष्ट दे॒व आदिद्ग॑न्ध॒र्वो अ॑भवद्द्वि॒तीयः॑ । तृ॒तीयः॑ पि॒ता ज॑नितौषधीनाम् ॥
Verse: 4
Sentence: 1 अ॒पां गर्भं॒ व्य॑दधात्पुरु॒त्रा ॥
Sentence: 2=i चक्षु॑षः पि॒ता मन॑सा॒ हि धीरो॑ घृ॒तमे॑ने अजन॒न्नन्न॑माने । य॒देदन्ता॒ अद॑दृंहन्त॒ पूर्व॒ आदिद्द्यावा॑पृथि॒वी अ॑प्रथेताम् ॥
Sentence: 3=k वि॒श्वत॑श्चक्षुरु॒त वि॒श्वतो॑मुखो वि॒श्वतो॑हस्त उ॒त वि॒श्वत॑स्पात् । सम्बा॒हुभ्यां॒ नम॑ति॒ सम्पत॑त्रै॒र्द्यावा॑पृथि॒वी ज॒नय॑न्दे॒व एकः॑ ॥
Sentence: 4=l किं स्वि॑दासीदधि॒ष्ठान॑मा॒रम्भ॑णं कत॒मत्स्वि॒त्किमा॑सीत् । यदी॒ भूमिं॑ ज॒नय॑न् ॥
Verse: 5
Sentence: 1 वि॒श्वक॑र्मा॒ वि द्याऔ॑र्णोन्महि॒ना वि॒श्वच॑क्षाः ॥
Sentence: 2=m किं स्वि॒द्वनं॒ क उ॒ स वृ॒क्ष आ॑सी॒द्यतो॒ द्यावा॑पृथि॒वी नि॑ष्टत॒क्षुः । मनी॑षिणो॒ मन॑सा पृ॒छतेदु॒ तद्यद॒ध्यति॑ष्ठ॒द्भुव॑नानि धा॒रय॑न् ॥
Sentence: 3=n या ते॒ धामा॑नि पर॒माणि॒ याव॒मा या म॑ध्य॒मा वि॑श्वकर्मन्नु॒तेमा । शिक्षा॒ सखि॑भ्यो ह॒विषि॑ स्वधावः स्व॒यं य॑जस्व त॒नुवं॑ जुषा॒णः ॥
Sentence: 4=o वा॒चस्पतिं॑ वि॒श्वक॑र्माणमू॒तये॑ ॥
Verse: 6
Sentence: 1 म॑नो॒युजं॒ वाजे॑ अ॒द्या हु॑वेम । स नो॒ नेदि॑ष्ठा॒ हव॑नानि जोषते वि॒श्वश॑म्भू॒रव॑से सा॒धुक॑र्मा ॥
Sentence: 2=p विश्व॑कर्मन्ह॒विषा॑ वावृधा॒नः स्व॒यं य॑जस्व त॒नुवं॑ जुषा॒णः । मुह्य॑न्त्व॒न्ये अ॒भितः॑ स॒पत्ना॑ इ॒हास्माक॑म्म॒घवा॑ सू॒रिर॑स्तु ॥
Sentence: 3=q विश्व॑कर्मन्ह॒विषा॒ वर्ध॑नेन त्रा॒तार॒मिन्द्र॑मकृणोरव॒ध्यम् । तस्मै॒ विशः॒ सम॑नमन्त पू॒र्वीर॒यमु॒ग्रो वि॑ह॒व्यो॒ यथास॑त् ॥
Sentence: 4=r स॑मु॒द्राय॑ व॒युना॑य॒ सिन्धू॑ना॒म्पत॑ये॒ नमः॑ । न॒दीनां॒ सर्वा॑साम्पि॒त्रे जु॑हु॒ता वि॒श्वक॑र्मणे॒ विश्वाहाम॑र्त्यं ह॒विः ॥
Paragraph: 3
Verse: 1
Sentence: 1=a उदे॑नमुत्त॒रां न॒याग्ने॑ घृतेनाहुत । रा॒यस्पोषे॑ण॒ सं सृ॑ज प्र॒जया॑ च॒ धने॑न च ॥
Sentence: 2=b इन्द्रे॒मम्प्र॑त॒रां कृ॑धि सजा॒ताना॑मसद्व॒शी । समे॑नं॒ वर्च॑सा सृज दे॒वेभ्यो॑ भाग॒धा अ॑सत् ॥
Sentence: 3=c यस्य॑ कु॒र्मो ह॒विर्गृ॒हे तम॑ग्ने वर्धया॒ त्वम् । तस्मै॑ दे॒वा अधि॑ ब्रवन्न॒यं च॒ ब्रह्म॑ण॒स्पतिः॑ ॥
Sentence: 4=d उदु॑ त्वा॒ विश्वे॑ दे॒वाः ॥
Verse: 2
Sentence: 1 अग्ने॒ भर॑न्तु॒ चित्ति॑भिः । स नो॑ भव शि॒वत॑मः सु॒प्रती॑को वि॒भाव॑सुः ॥
Sentence: 2=e पञ्च॒ दिशो दैवीर्य॒ज्ञम॑वन्तु दे॒वीरपाम॑तिं दुर्म॒तिम्बाध॑मानाः । रा॒यस्पोषे॑ य॒ज्ञप॑तिमा॒भज॑न्तीः ॥
Sentence: 3=f रा॒यस्पोषे॒ अधि॑ य॒ज्ञो अ॑स्था॒त्समि॑द्धे अ॒ग्नावधि॑ मामहा॒नः । उ॒क्थप॑त्त्र॒ ईड्यो॑ गृभी॒तस्त॒प्तं घ॒र्मम्प॑रि॒गृह्या॑यजन्त ॥
Sentence: 4=g ऊ॒र्जा यद्य॒ज्ञमश॑मन्त दे॒वा दै॑व्याय ध॒र्त्रे जोष्ट्रे॑ । दे॑व॒श्रीः श्रीम॑णाः श॒तप॑याः ॥
Verse: 3
Sentence: 1 प॑रि॒गृह्य॑ दे॒वा य॒ज्ञमा॑यन् ॥
Sentence: 2=h सूर्य॑रश्मि॒र्हरि॑केशः पु॒रस्ता॑त्सवि॒ता ज्योति॒रुद॑यां॒ अज॑स्रम् । तस्य॑ पू॒षा प्र॑स॒वं या॑ति दे॒वः स॒म्पश्य॒न्विश्वा॒ भुव॑नानि गो॒पाः ॥
Sentence: 3=i दे॒वा दे॒वेभ्यो॑ अध्व॒र्यन्तो॑ अस्थुर्वी॒तं श॑मि॒त्रे श॑मि॒ता य॒जध्यै॑ । तु॒रीयो॑ य॒ज्ञो यत्र॑ ह॒व्यमेति॒ ततः॑ पाव॒का अशिषो॑ नो जुषन्ताम् ॥
Sentence: 4=k वि॒मान॑ ए॒ष दि॒वो मध्य॑ आस्त आपप्रि॒वान्रोद॑सी अ॒न्तरि॑क्षम् । स वि॒श्वाची॑र॒भि ॥
Verse: 4
Sentence: 1 च॑ष्टे घृ॒ताची॑रन्त॒रा पूर्व॒मप॑रं च के॒तुम् ॥
Sentence: 2=l उ॒क्षा स॑मु॒द्रो अ॑रु॒णः सु॑प॒र्णः पूर्व॑स्य॒ योनि॑म्पि॒तुरा वि॑वेश । मध्ये॑ दि॒वो निहि॑तः॒ पृश्नि॒रश्मा॒ वि च॑क्रमे॒ रज॑सः पा॒त्यन्तौ॑ ॥
Sentence: 3=m इन्द्रं॒ विश्वा॑ अवीवृधन्त्समु॒द्रव्य॑चसं॒ गिरः॑ । र॒थीत॑मं रथी॒नां वाजा॑नां॒ सत्प॑ति॒म्पति॑म् ॥
Sentence: 4=n सु॑म्न॒हूर्य॒ज्ञो दे॒वां आ च॑ वक्ष॒द्यक्ष॑द॒ग्निर्दे॒वो दे॒वां आ च॑ वक्षत् ।
Sentence: 5=o वाज॑स्य मा प्रस॒वेनो॑द्ग्रा॒भेणोद॑ग्रभीत् । अथा॑ स॒पत्नां॒ इन्द्रो॑ मे निग्रा॒भेणाध॑रां अकः ॥
Sentence: 6=p उ॑द्ग्रा॒भं च॑ निग्रा॒भं च॒ ब्रह्म॑ दे॒वा अ॑वीवृधन् । अथा॑ स॒पत्ना॑निन्द्रा॒ग्नी मे॑ विषू॒चीना॒न्व्य॑स्यताम् ॥
Paragraph: 4
Verse: 1
Sentence: 1=a आ॒शुः शिशा॑नो वृष॒भो न यु॒ध्मो घ॑नाघ॒नः क्षोभ॑णश्चर्षणी॒नाम् । सं॒क्रन्द॑नो ऽनिमि॒ष ए॑कवी॒रः श॒तं सेना॑ अजयत्सा॒कमिन्द्रः॑ ॥
Sentence: 2=b सं॒क्रन्द॑नेनानिमि॒षेण॑ जि॒ष्णुना॑ युत्का॒रेण॑ दुश्च्यव॒नेन॑ धृ॒ष्णुना॑ । तदिन्द्रे॑ण जयत॒ तत्स॑हध्वं॒ युधो॑ नर॒ इषु॑हस्तेन॒ वृष्णा॑ ॥
Sentence: 3=c स इषु॑हस्तैः॒ स नि॑ष॒ङ्गिभि॑र्वा॒शी संस्र॑ष्टा॒ स युध॒ इन्द्रो॑ ग॒णेन॑ । सं॑सृष्ट॒जित्सो॑म॒पा बा॑हुश॒र्ध्यू॒र्ध्वध॑न्वा॒ प्रति॑हिताभि॒रस्ता॑ ॥
Sentence: 4=d बृह॑स्पते॒ परि॑ दीय ॥
Verse: 2
Sentence: 1 रथे॑न रक्षो॒हामित्रां॑ अप॒बाध॑मानः । प्र॑भ॒ञ्जन्त्सेनाः॑ प्रमृणो यु॒धा जय॑न्न॒स्माक॑मेध्यवि॒ता रथा॑नाम् ॥
Sentence: 2=e गो॑त्र॒भिदं॑ गो॒विदं॒ वज्र॑बाहुं॒ जय॑न्त॒मज्म॑ प्रमृ॒णन्त॒मोज॑सा । इ॒मं स॑जाता॒ अनु॑ वीरयध्व॒मिन्द्रं॑ सखा॒यो ऽनु॒ सं र॑भध्वम् ॥
Sentence: 3=f ब॑लविज्ञा॒य स्थवि॑रः॒ प्रवी॑रः॒ सह॑स्वान्वा॒जी सह॑मान उ॒ग्रः । अ॒भिवी॑रो अ॒भिस॑त्वा सहो॒जा जै॑त्रमिन्द्र॒ रथ॒मा ति॑ष्ठ गो॒वित् ॥
Sentence: 4=g अ॒भि गो॒त्राणि॒ सह॑सा॒ गाह॑मानो ऽदा॒यः ॥
Verse: 3
Sentence: 1 वी॒रः श॒तम॑न्यु॒रिन्द्रः॑ । दु॑श्च्यव॒नः पृ॑तना॒षाड॑यु॒ध्यो॒ ऽस्माकं॒ सेना॑ अवतु॒ प्र यु॒त्सु ॥
Sentence: 2=h इ॒न्द्र आ॑सां ने॒ता बृह॒स्पति॒र्दक्षि॑णा य॒ज्ञः पु॒र ए॑तु॒ सोमः॑ । दे॑वसे॒नाना॑मभिभञ्जती॒नां जय॑न्तीनाम्म॒रुतो॑ य॒न्त्वग्रे॑ ॥
Sentence: 3=i इन्द्र॑स्य॒ वृष्णो॒ वरु॑णस्य॒ राज्ञ॑ आदि॒त्याना॑म्म॒रुतां॒ शर्ध॑ उ॒ग्रम् । म॒हाम॑नसाम्भुवनच्य॒वानां॒ घोषो॑ दे॒वानां॒ जय॑ता॒मुद॑स्थात् ॥
Sentence: 4=k अ॒स्माक॒मिन्द्रः॒ समृ॑तेषु ध्व॒जेष्व॒स्माकं॒ या इष॑व॒स्ता ज॑यन्तु ॥
Verse: 4
Sentence: 1 अ॒स्माकं॑ वी॒रा उत्त॑रे भवन्त्व॒स्मानु॑ देवा अवता॒ हवे॑षु ॥
Sentence: 2=l उद्ध॑र्षय मघव॒न्नायु॑धा॒न्युत्सत्व॑नाम्माम॒काना॒म्महां॑सि । उद्वृ॑त्रहन्वा॒जिनां॒ वाजि॑ना॒न्युद्रथा॑नां॒ जय॑तामेतु॒ घोषः॑ ॥
Sentence: 3=m उप॒ प्रेत॒ जय॑ता नर स्थि॒रा वः॑ सन्तु बा॒हवः॑ । इन्द्रो॑ वः॒ शर्म॑ यछत्वनाधृ॒ष्या यथास॑थ ॥
Sentence: 4=n अव॑सृष्टा॒ परा॑ पत॒ शर॑व्ये॒ ब्रह्म॑संशिता । गछा॒मित्रा॒न्प्र ॥
Verse: 5
Sentence: 1 वि॑श मैषां॒ कं च॒नोच्छि॑षः ॥
Sentence: 2=o मर्मा॑णि ते॒ वर्म॑भिश्छादयामि॒ सोम॑स्त्वा॒ राजा॒मृते॑ना॒भि व॑स्ताम् । उ॒रोर्वरी॑यो॒ वरि॑वस्ते अस्तु॒ जय॑न्तं॒ त्वामनु॑ मदन्तु दे॒वाः ॥
Sentence: 3=p यत्र॑ बा॒णाः स॒म्पत॑न्ति कुमा॒रा वि॑शि॒खा इ॑व । इन्द्रो॑ न॒स्तत्र॑ वृत्र॒हा वि॑श्वा॒हा शर्म॑ यछतु ॥
Paragraph: 5
Verse: 1
Sentence: 1=a प्राची॒मनु॑ प्रा॒दिश॒म्प्रेहि॑ वि॒द्वान॒ग्नेर॑ग्ने पुरोअग्निर्भवे॒ह । विश्वा॒ आशा॒ दीद्या॑नो॒ वि भा॒ह्यूर्जं॑ नो धेहि द्वि॒पदे॒ चतु॑ष्पदे ॥
Sentence: 2=b क्र॒मध्व॑म॒ग्निना॒ नाक॒मुख्यं॒ हस्ते॑षु॒ बिभ्र॑तः । दि॒वः पृ॒ष्ठं सुव॑र्ग॒त्वा मि॒श्रा दे॒वेभि॑राद्ध्वम् ॥
Sentence: 3=c पृ॑थि॒व्या अ॒हमुद॒न्तरि॑क्ष॒मारु॑हम॒न्तरि॑क्षा॒द्दिव॒मारु॑हम् । दि॒वो नाक॑स्य पृ॒ष्ठात्सुव॒र्ज्योति॑रगाम् ॥
Verse: 2
Sentence: 1 अ॒हम् ॥
Sentence: 2=d सुव॒र्यन्तो॒ नापे॑क्षन्त॒ आ द्यां रो॑हन्ति॒ रोद॑सी । य॒ज्ञं ये वि॒श्वतो॑धारं॒ सुवि॑द्वांसो वितेनि॒रे ॥
Sentence: 3=e अग्ने॒ प्रेहि॑ प्रथ॒मो दे॑वय॒तां चक्षु॑र्दे॒वाना॑मु॒त मर्त्या॑नाम् । इय॑क्षमाणा॒ भृगु॑भिः स॒जोषाः॒ सुव॑र्यन्तु॒ यज॑मानाः स्व॒स्ति ॥
Sentence: 4=f नक्तो॒षासा॒ सम॑नसा॒ विरू॑पे धा॒पये॑ते॒ शिशु॒मेकं॑ समी॒ची । द्यावा॒ क्षामा॑ रु॒क्मो अ॒न्तर्विभा॑ति दे॒वा अ॒ग्निं धा॑रयन्द्रविणो॒दाः ॥
Sentence: 5=g अग्ने॑ सहस्राक्ष ॥
Verse: 3
Sentence: 1 श॑तमूर्धञ्छ॒तं ते॑ प्रा॒णाः स॒हस्र॑मपा॒नाः । त्वं सा॑ह॒स्रस्य॑ रा॒य ई॑शिषे॒ तस्मै॑ ते विधेम॒ वाजा॑य॒ स्वाहा॑ ॥
Sentence: 2=h सु॑प॒र्णो॑ ऽसि ग॒रुत्मा॑न्पृथि॒व्यां सी॑द पृ॒ष्ठे पृ॑थि॒व्याः सी॑द भा॒सान्तरि॑क्ष॒मा पृ॑ण॒ ज्योति॑षा॒ दिव॒मुत्त॑भान॒ तेज॑सा॒ दिश॒ उद्दृं॑ह ॥
Sentence: 3=i आ॒जुह्वा॑नः सु॒प्रती॑कः पु॒रस्ता॒दग्ने॒ स्वां योनि॒मा सी॑द सा॒ध्या । अ॒स्मिन्त्स॒धस्थे॒ अध्युत्त॑रस्मि॒न्विश्वे॑ देवाः ॥
Verse: 4
Sentence: 1 यज॑मानश्च सीदत ॥
Sentence: 2=k प्रेद्धो॑ अग्ने दीदिहि पु॒रो नो ऽज॑स्रया सू॒र्म्या॑ यविष्ठ । त्वां शश्व॑न्त॒ उप॑ यन्ति॒ वाजाः॑ ॥
Sentence: 3=l वि॒धेम॑ ते पर॒मे जन्म॑न्नग्ने वि॒धेम॒ स्तोमै॒रव॑रे स॒धस्थे॑ । यस्मा॒द्योने॑रु॒दारि॑था॒ यजे॒ तम्प्र त्वे ह॒वींषि॑ जुहुरे॒ समि॑द्धे ॥
Sentence: 4=m तां स॑वि॒तुर्वरे॑ण्यस्य चि॒त्रामाहं वृ॑णे सुम॒तिं वि॒श्वज॑न्याम् । याम॑स्य॒ कण्वो॒ अदु॑ह॒त्प्रपी॑नां स॒हस्र॑धाराम् ॥
Verse: 5
Sentence: 1 पय॑सा म॒हीं गाम् ॥
Sentence: 2=n स॒प्त ते॑ अग्ने स॒मिधः॑ स॒प्त जि॒ह्वाः स॒प्तर्ष॑यः स॒प्त धाम॑ प्रि॒याणि॑ । स॒प्त होत्राः॑ सप्त॒धा त्वा॑ यजन्ति स॒प्त योनी॒रा पृ॑णस्वा घृ॒तेन॑ ॥
Sentence: 3=o ई॒दृङ्चा॑न्या॒दृङ्चै॑ता॒दृङ्च॑ प्रति॒दृङ्च॑ मि॒तश्च॒ सम्मि॑तश्च॒ सभ॑राः ।
Sentence: 4=p शु॒क्रज्यो॑तिश्च चि॒त्रज्यो॑तिश्च स॒त्यज्यो॑तिश्च॒ ज्योति॑ष्मांश्च स॒त्यश्च॑र्त॒पाश्चा॑�हाः ॥
Verse: 6
Sentence: 1=q ऋ॑त॒जिच्च॑ सत्य॒जिच्च॑ सेन॒जिच्च॑ सुषेण॒श्चान्त्य॑मित्रश्च दूरेअमित्रश्च ग॒णः ।
Sentence: 2=r ऋ॒तश्च॑ सत्यश्च ध्रु॒वश्च॑ ध॒रुण॑श्च ध॒र्ता च॑ विध॒र्ता च॑ विधार॒यः ।
Sentence: 3=s ई॒दृक्षा॑स एता॒दृक्षा॑स ऊ॒ षु णः॑ स॒दृक्षा॑सः॒ प्रति॑सदृक्षास॒ एत॑न ।
Sentence: 4=t मि॒तास॑श्च॒ सम्मि॑तासश्च न ऊ॒तये॒ सभ॑रसो मरुतो य॒ज्ञे अ॒स्मिन् ।
Sentence: 5=u इन्द्रं दैवी॒र्विशो॑ म॒रुतो॑ ऽनुवर्त्मानो॒ यथेन्द्रं दैवी॒र्विशो॑ म॒रुतो ऽनु॑वर्त्मान ए॒वमि॒मं यज॑मानं दैवीश्च॒ विशो॒ मानु॑षी॒श्चानु॑वर्त्मानो भवन्तु ॥
Paragraph: 6
Verse: 1
Sentence: 1=a जी॒मूत॑स्येव भवति॒ प्रती॑कं॒ यद्व॒र्मी याति॑ स॒मदा॑मु॒पस्थे॑ । अना॑विद्धया त॒नुवा॑ जय॒ त्वं स त्वा॒ वर्म॑णो महि॒मा पि॑पर्तु ॥
Sentence: 2=b धन्व॑ना॒ गा धन्व॑ना॒जिं ज॑येम॒ धन्व॑ना ती॒व्राः स॒मदो॑ जयेम । धनुः॒ शत्रो॑रपका॒मं कृ॑णोति॒ धन्व॑ना॒ सर्वाः॑ प्र॒दिशो॑ जयेम ॥
Sentence: 3=c व॒क्ष्यन्ती॒वेदा ग॑नीगन्ति॒ कर्ण॑म्प्रि॒यं सखा॑यम्परिषस्वजा॒ना । योषे॑व शिङ्क्ते॒ वित॒ताधि॒ धन्व॑न् ॥
Verse: 2
Sentence: 1 ज्या इ॒यं सम॑ने पा॒रय॑न्ती ॥
Sentence: 2=d ते आ॒चर॑न्ती॒ सम॑नेव॒ योषा॑ मा॒तेव॑ पु॒त्रम्बि॑भृतामु॒पस्थे॑ । अप॒ शत्रू॑न्विध्यतां संविदा॒ने आर्त्नी॑ इ॒मे वि॑ष्पु॒रन्ती॑ अ॒मित्रा॑न् ॥
Sentence: 3=e ब॑ह्वी॒नाम्पि॒ता ब॒हुर॑स्य पु॒त्रश्चि॒श्चा कृ॑णोति॒ सम॑नाव॒गत्य॑ । इ॑षु॒धिः सङ्काः॒ पृत॑नाश्च॒ सर्वाः॑ पृ॒ष्ठे निन॑द्धो जयति॒ प्रसू॑तः ॥
Sentence: 4=f रथे॒ तिष्ठ॑न्नयति वा॒जिनः॑ पु॒रो यत्र॑यत्र का॒मय॑ते सुषार॒थिः । अ॒भीशू॑नाम्महि॒मान॑म् ॥
Verse: 3
Sentence: 1 प॑नायत॒ मनः॑ प॒श्चादनु॑ यछन्ति र॒श्मयः॑ ॥
Sentence: 2=g ती॒व्रान्घोषा॑न्कृण्वते॒ वृष॑पाण॒यो ऽश्वा॒ रथे॑भिः स॒ह वा॒जय॑न्तः । अ॑व॒क्राम॑न्तः॒ प्रप॑दैर॒मित्रा॑न्क्षि॒णन्ति॒ शत्रूं॒रन॑पव्ययन्तः ॥
Sentence: 3=h र॑थ॒वाह॑नं ह॒विर॑स्य॒ नाम॒ यत्रायु॑धं॒ निहि॑तमस्य॒ वर्म॑ । तत्रा॒ रथ॒मुप॑ श॒ग्मं स॑देम वि॒श्वाहा॑ व॒यं सु॑मन॒स्यमा॑नाः ॥
Sentence: 4=i स्वा॑दुषं॒सदः॑ पि॒तरो॑ वयो॒धाः कृ॑छ्रे॒श्रितः॒ शक्ती॑वन्तो गभी॒राः । चि॒त्रसे॑ना॒ इषु॑बला॒ अमृ॑ध्राः स॒तोवी॑रा उ॒रवो॑ व्रातसा॒हाः ॥
Sentence: 5=k ब्राह्म॑णासः ॥
Verse: 4
Sentence: 1 पित॑रः॒ सोम्या॑सः शि॒वे नो॒ द्यावा॑पृथि॒वी अ॒नेह॑सा । पू॒षा नः॑ पातु दुरि॒तादृ॑तावृधो॒ रक्षा॒ माकि॑र्नो अ॒घशं॑स ईशत ॥
Sentence: 2=l सु॑प॒र्णं व॑स्ते मृ॒गो अ॑स्या॒ दन्तो॒ गोभिः॒ सन्न॑द्धा पतति॒ प्रसू॑ता । यत्रा॒ नरः॒ सं च॒ वि च॒ द्रव॑न्ति॒ तत्रा॒स्मभ्य॒मिष॑वः॒ शर्म॑ यंसन् ॥
Sentence: 3=m ऋजी॑ते॒ परि॑ वृङ्ग्धि॒ नो ऽश्मा॑ भवतु नस्त॒नूः । सोमो॒ अधि॑ ब्रवीतु॒ नो ऽदि॑तिः ॥
Verse: 5
Sentence: 1 शर्म॑ यछतु ॥
Sentence: 2=n आ ज॑ङ्घन्ति॒ सान्वे॑षां ज॒घनां॒ उप॑ जिघ्नते । अश्वा॑जनि॒ प्रचे॑त॒सो ऽश्वा॑न्त्स॒मत्सु॑ चोदय ॥
Sentence: 3=o अहि॑रिव भोगैः॒ पर्ये॑ति बा॒हुं ज्याया॑ हे॒तिम्प॑रि॒बाध॑मानः । ह॑स्त॒घ्नो विश्वा॑ व॒युना॒नि वि॒द्वान्पुमा॒न्पुमां॑स॒म्परि॑ पातु वि॒श्वतः॑ ॥
Sentence: 4=p वन॑स्पते वी॒ड्व॑ङ्गो॒ हि भू॒या अ॒स्मत्स॑खा प्र॒तर॑णः सु॒वीरः॑ । गोभिः॒ सन्न॑द्धो असि वी॒डय॑स्वास्था॒ता ते॑ जयतु॒ जेत्वा॑नि ॥
Sentence: 5=q दि॒वः पृ॑थि॒व्याः परि॑ ॥
Verse: 6
Sentence: 1 ओज॒ उद्भृ॑तं॒ वन॒स्पति॑भ्यः॒ पर्याभृ॑तं॒ सहः॑ । अ॒पामो॒ज्मान॒म्परि॒ गोभि॒रावृ॑त॒मिन्द्र॑स्य॒ वज्रं॑ ह॒विषा॒ रथं॑ यज ॥
Sentence: 2=r इन्द्र॑स्य॒ वज्रो॑ म॒रुता॒मनी॑कम्मि॒त्रस्य॒ गर्भो॒ वरु॑णस्य॒ नाभिः॑ । सेमां नो॑ ह॒व्यदा॑तिं जुषा॒णो देव॑ रथ॒ प्रति॑ ह॒व्या गृ॑भाय ॥
Sentence: 3=s उप॑ श्वासय पृथि॒वीमु॒त द्याम्पु॑रु॒त्रा ते॑ मनुतां॒ विष्ठि॑तं॒ जग॑त् । स दु॑न्दुभे स॒जूरिन्द्रे॑ण देवैर्दू॒रात् ॥
Verse: 7
Sentence: 1 दवी॑यो॒ अप॑ सेध॒ शत्रू॑न् ॥
Sentence: 2=t आ क्र॑न्दय॒ बल॒मोजो॑ न॒ आ धा॒ नि ष्ट॑निहि दुरि॒ता बाध॑मानः । अप॑ प्रोथ दुन्दुभे दु॒छुनां॑ इ॒त इन्द्र॑स्य मु॒ष्टिर॑सि वी॒डय॑स्व ॥
Sentence: 3=u आमूर॑ज प्र॒त्याव॑र्तये॒ ऽमाः के॑तु॒मद्दु॑न्दु॒भिर्वा॑वदीति । समश्व॑पर्णा॒श्चर॑न्ति नो॒ नरो॒ ऽस्माक॑मिन्द्र र॒थिनो॑ जयन्तु ॥
Paragraph: 7
Verse: 1
Sentence: 1=a यदक्र॑न्दः प्रथ॒मं जाय॑मान उ॒द्यन्त्स॑मु॒द्रादु॒त वा॒ पुरी॑षात् । श्ये॒नस्य॑ प॒क्षा ह॑रि॒णस्य॑ बा॒हू उ॑प॒स्तुत्य॒म्महि॑ जा॒तं ते॑ अर्वन् ॥
Sentence: 2=b य॒मेन॑ द॒त्तं त्रि॒त ए॑नमायुन॒गिन्द्र॑ एणम्प्रथ॒मो अध्य॑तिष्ठत् । ग॑न्ध॒र्वो अ॑स्य रश॒नाम॑गृभ्णा॒त्सूरा॒दश्वं॑ वसवो॒ निर॑तष्ट ॥
Sentence: 3=c असि॑ य॒मो अस्या॑दि॒त्यो अ॑र्व॒न्नसि॑ त्रि॒तो गुह्ये॑न व्र॒तेन॑ । असि॒ सोमे॑न स॒मया॒ विपृ॑क्तः ॥
Verse: 2
Sentence: 1 आ॒हुस्ते॒ त्रीणि॑ दि॒वि बन्ध॑नानि ॥
Sentence: 2=d त्रीणि॑ त आहुर्दि॒वि बन्ध॑नानि॒ त्रीण्य॒प्सु त्रीण्य॒न्तः स॑मु॒द्रे । उ॒तेव॑ मे॒ वरु॑णश्छन्त्स्यर्व॒न्यत्रा॑ त आ॒हुः प॑र॒मं ज॒नित्र॑म् ॥
Sentence: 3=e इ॒मा ते॑ वाजिन्नव॒मार्ज॑नानी॒मा श॒पानां॑ सनि॒तुर्नि॒धाना॑ । अत्रा॑ ते भ॒द्रा र॑श॒ना अ॑पश्यमृ॒तस्य॒ या अ॑भि॒रक्ष॑न्ति गो॒पाः ॥
Sentence: 4=f आ॒त्मानं॑ ते॒ मन॑सा॒राद॑जानाम॒वो दि॒वा ॥
Verse: 3
Sentence: 1 प॒तय॑न्तम्पतं॒गम् । शिरो॑ अपश्यम्प॒थिभिः॑ सु॒गेभि॑ररे॒णुभि॒र्जेह॑मानम्पत॒त्रि ॥
Sentence: 2=g अत्रा॑ ते रू॒पमु॑त्त॒मम॑पश्यं॒ जिगी॑षमाणमि॒ष आ प॒दे गोः । य॒दा ते॒ मर्तो॒ अनु॒ भोग॒मान॒डादिद्ग्रसि॑ष्ठ॒ ओष॑धीरजीगः ॥
Sentence: 3=h अनु॑ त्वा॒ रथो॒ अनु॒ मर्यो॑ अर्व॒न्ननु॒ गावो ऽनु॒ भगः॑ क॒नीना॑म् । अनु॒ व्राता॑स॒स्तव॑ स॒ख्यमी॑यु॒रनु॑ दे॒वा म॑मिरे वी॒र्य॑म् ॥
Verse: 4
Sentence: 1 ते॑ ॥
Sentence: 2=i हि॑रण्यशृ॒ङ्गो ऽयो॑ अस्य॒ पादा॒ मनो॑जवा॒ अव॑र॒ इन्द्र॑ आसीत् । दे॒वा इद॑स्य हवि॒रद्य॑माय॒न्यो अर्व॑न्तम्प्रथ॒मो अ॒ध्यति॑ष्ठत् ॥
Sentence: 3=k ई॒र्मान्ता॑सः॒ सिलि॑कमध्यमासः॒ सं शूर॑णासो दि॒व्यासो॒ अत्याः॑ । हं॒सा इ॑व श्रेणि॒शो य॑तन्ते॒ यदाक्षि॑षुर्दि॒व्यमज्म॒मश्वाः॑ ॥
Sentence: 4=l तव॒ शरी॑रम्पतयि॒ष्ण्व॑र्व॒न्तव॑ चि॒त्तं वात॑ इव॒ ध्रजी॑मान् । तव॒ शृङ्गा॑णि॒ विष्ठि॑ता पुरु॒त्रार॑ण्येषु॒ जर्भु॑राणा चरन्ति ॥
Sentence: 5=m उप॑ ॥
Verse: 5
Sentence: 1 प्रागा॒च्छस॑नं वा॒ज्यर्वा॑ देव॒द्रीचा॒ मन॑सा॒ दीध्या॑नः । अ॒जः पु॒रो नी॑यते॒ नाभि॑र॒स्यानु॑ प॒श्चात्क॒वयो॑ यन्ति रे॒भाः ॥
Sentence: 2=n उप॒ प्रागा॑त्पर॒मं यत्स॒धस्थ॒मर्वां॒ अछा॑ पि॒तर॑म्मा॒तरं॑ च । अ॒द्या दे॒वाञ्जुष्ट॑तमो॒ हि ग॒म्या अथा शा॑स्ते दा॒शुषे॒ वार्या॑णि ॥
Paragraph: 8
Verse: 1
Sentence: 1=a मा नो॑ मि॒त्रो वरु॑णो अर्य॒मायुरिन्द्र॑ ऋभु॒क्षा म॒रुतः॒ परि॑ ख्यन् । यद्वा॒जिनो॑ दे॒वजा॑तस्य॒ सप्तेः॑ प्रव॒क्ष्यामो॑ वि॒दथे॑ वी॒र्या॑णि ॥
Sentence: 2=b यन्नि॒र्णिजा॒ रेक्ण॑सा॒ प्रावृ॑तस्य रा॒तिं गृ॑भी॒ताम्मु॑ख॒तो नय॑न्ति । सुप्रा॑ङ॒जो मेम्य॑द्वि॒श्वरू॑प इन्द्रापू॒ष्णोः प्रि॒यमप्ये॑ति॒ पाथः॑ ॥
Sentence: 3=c ए॒ष छागः॑ पु॒रो अश्वे॑न वा॒जिना॑ पू॒ष्णो भा॒गो नी॑यते वि॒श्वदे॑व्यः । अ॑भि॒प्रियं॒ यत्पु॑रो॒डाश॒मर्व॑ता॒ त्वष्टेत् ॥
Verse: 2
Sentence: 1 ए॑नं सौश्रव॒साय॑ जिन्वति
Sentence: 2=d यद्ध॒विष्य॑मृतु॒शो दे॑व॒यानं॒ त्रिर्मानु॑षाः॒ पर्यश्वं॒ नय॑न्ति । अत्रा॑ पू॒ष्णः प्र॑थ॒मो भा॒ग ए॑ति य॒ज्ञं दे॒वेभ्यः॑ प्रतिवे॒दय॑न्न॒जः ॥
Sentence: 3=e होता॑ध्व॒र्युराव॑या अग्निमि॒न्धो ग्रा॑वग्रा॒भ उ॒त शंस्ता॒ सुवि॑प्रः । तेन॑ य॒ज्ञेन॒ स्व॑रङ्कृतेन॒ स्वि॑ष्टेन व॒क्षणा॒ आ पृ॑णध्वम् ॥
Sentence: 4=f यू॑पव्र॒स्का उ॒त ये यू॑पवा॒हाश्च॒षालं॒ ये अ॑श्वयू॒पाय॒ तक्ष॑ति । ये चार्व॑ते॒ पच॑नं स॒म्भर॑न्त्यु॒तो ॥
Verse: 3
Sentence: 1 तेषा॑म॒भिगू॑र्तिर्न इन्वतु ॥
Sentence: 2=g उप॒ प्रागा॑त्सु॒मन्मे॑ ऽधायि॒ मन्म॑ दे॒वाना॒माशा॒ उप॑ वी॒तपृ॑ष्ठः । अन्वे॑नं॒ विप्रा॒ ऋष॑यो मदन्ति दे॒वाना॑म्पु॒ष्टे च॑कृमा सु॒बन्धु॑म् ॥
Sentence: 3=h यद्वा॒जिनो॒ दाम॑ सं॒दानं॒ अर्व॑तो॒ या शी॑र्ष॒ण्या॑ रश॒ना रज्जु॑रस्य । यद्वा॑ घास्य॒ प्रभृ॑तमा॒स्ये॒ तृणं॒ सर्वा॒ ता ते॒ अपि॑ दे॒वेष्व॑स्तु ॥
Sentence: 4=i यदश्व॑स्य क्र॒विषः॑ ॥
Verse: 4
Sentence: 1 मक्षि॒काश॒ यद्वा॒ स्वरौ॒ स्वधि॑तौ रि॒प्तमस्ति॑ । यद्धस्त॑योः शमि॒तुर्यन्न॒खेषु॒ सर्वा॒ ता ते॒ अपि॑ दे॒वेष्व॑स्तु ॥
Sentence: 2=k यदूव॑ध्यमु॒दर॑स्याप॒वाति॒ य आ॒मस्य॑ क्र॒विषो॑ ग॒न्धो अस्ति॑ । सु॑कृ॒ता तच्छ॑मि॒तारः॑ कृण्वन्तू॒त मेधं॑ शृत॒पाक॑म्पचन्तु ॥
Sentence: 3=l यत्ते॒ गात्रा॑द॒ग्निना॑ प॒च्यमा॑नाद॒भि शूलं॒ निह॑तस्याव॒धाव॑ति । मा तद्भूम्या॒मा श्रि॑ष॒न्मा तृणे॑षु दे॒वेभ्य॒स्तदु॒शद्भ्यो॑ रा॒तम॑स्तु ॥
Paragraph: 9
Verse: 1
Sentence: 1=a ये वा॒जिन॑म्परि॒पश्य॑न्ति प॒क्वं य ई॑मा॒हुः सु॑र॒भिर्निर्ह॒रेति॑ । ये चार्व॑तो मांसभि॒क्षामु॒पास॑त उ॒तो तेषा॑म॒भिगू॑र्तिर्न इन्वतु ॥
Sentence: 2=b यन्नीक्ष॑णम्मां॒स्पच॑न्या उ॒खाया॒ या पात्रा॑णि यू॒ष्ण आ॒सेच॑नानि । ऊ॑ष्म॒ण्या॑पि॒धाना॑ चरू॒णाम॒ङ्काः सू॒नाः परि॑ भूष॒न्त्यश्व॑म् ॥
Sentence: 3=c नि॒क्रम॑णं नि॒षद॑नं वि॒वर्त॑नं॒ यच्च॒ पड्बी॑श॒मर्व॑तः । यच्च॑ पपौ॒ यच्च॑ घा॒सिम् ॥
Verse: 2
Sentence: 1 ज॒घास॒ सर्वा॒ ता ते॒ अपि॑ दे॒वेष्व॑स्तु ॥
Sentence: 2=d मा त्वा॒ग्निर्ध्व॑नयिद्धू॒मग॑न्धि॒र्मोखा भ्राज॑न्त्य॒भि वि॑क्त॒ जघ्रिः॑ । इ॒ष्टं वी॒तम॒भिगू॑र्तं॒ वष॑ट्कृतं॒ तं दे॒वासः॒ प्रति॑ गृभ्ण॒न्त्यश्व॑म् ॥
Sentence: 3=e यदश्वा॑य॒ वास॑ उपस्तृ॒णन्त्य॑धीवा॒सं या हिर॑ण्यान्यस्मै । सं॒दान॒मर्व॑न्त॒म्पड्बी॑शम्प्रि॒या दे॒वेष्वा या॑मयन्ति ॥
Sentence: 4=f यत्ते॑ सा॒दे मह॑सा॒ शूकृ॑तस्य॒ पार्ष्णि॑या वा॒ कश॑या ॥
Verse: 3
Sentence: 1 वा॑ तु॒तोद॑ । स्रु॒चेव॒ ता ह॒विषो॑ अध्व॒रेषु॒ सर्वा॒ ता ते॒ ब्रह्म॑णा सूदयामि ॥
Sentence: 2=g चतु॑स्त्रिंशद्वा॒जिनो॑ दे॒वब॑न्धो॒र्वङ्क्री॒रश्व॑स्य॒ स्वधि॑तिः॒ समे॑ति । अछि॑द्रा॒ गात्रा॑ व॒युना॑ कृणोत॒ परु॑ष्परुरनु॒घुष्या॒ वि श॑स्त ॥
Sentence: 3=h एक॒स्त्वष्टु॒रश्व॑स्या विश॒स्ता द्वा य॒न्तारा॑ भवत॒स्तथ॒र्तुः । या ते॒ गात्रा॑णामृतु॒था कृ॒णोमि॒ ताता॒ पिण्डा॑ना॒म्प्र जु॑होम्यग्नौ ॥
Sentence: 4=i मा त्वा॑ तपत् ॥
Verse: 4
Sentence: 1 प्रि॒य आ॒त्मापि॒यन्त॒म्मा स्वधि॑तिस्त॒नु वआ ति॑ष्ठिपत्ते । मा ते॑ गृ॒ध्नुर॑विश॒स्ताति॒हाय॑ छि॒द्रा गात्रा॑ण्य॒सिना॒ मिथू॑ कः ॥
Sentence: 2=k न वा उ॑वे॒तन्म्रि॑यसे॒ न रि॑ष्यसि दे॒वां इदे॑षि प॒थिभिः॑ सु॒गेभिः॑ । हरी॑ ते॒ युञ्जा॒ पृष॑ती अभूता॒मुपा॑स्थाद्वा॒जी धु॑रि॒ रास॑भस्य ॥
Sentence: 3=l सु॒गव्यं॑ नो वा॒जी स्वश्वि॑यम्पुं॒सः पु॒त्रां उ॒त वि॑श्वा॒पुषं॑ र॒यिम् । अ॑नागा॒स्त्वं नो॒ अदि॑तिः कृणोतु क्ष॒त्रं नो॒ अश्वो॑ वनतां ह॒विष्मा॑न् ॥
Chapter: 7
Paragraph: 1
Verse: 1
Sentence: 1=a अग्ना॑विष्णू स॒जोष॑से॒मा व॑र्धन्तु वां॒ गिरः॑ । द्युम्नै॒र्वाजे॑भि॒राग॑तम् ॥
Sentence: 2=b वाज॑श्च मे प्रस॒वश्च॑ मे॒ प्रय॑तिश्च मे॒ प्रसि॑तिश्च मे धी॒तिश्च॑ मे॒ क्रतु॑श्च मे॒ स्वर॑श्च मे॒ श्लोक॑श्च मे श्रा॒वश्च॑ मे॒ श्रुति॑श्च मे॒ ज्योति॑श्च मे॒ सुव॑श्च मे प्रा॒णश्च॑ मे ऽपा॒नः ॥
Verse: 2 Sentence: 1 च॑ मे व्या॒नश्च॒ मे ऽसु॑श्च मे चि॒त्तं च॑ म॒ आधी॑तं च मे॒ वाक्च॑ मे॒ मन॑श्च मे॒ चक्षु॑श्च मे॒ श्रोत्रं॑ च मे॒ दक्ष॑श्च मे॒ बलं॑ च म॒ ओज॑श्च मे॒ सह॑श्च म॒ आयु॑श्च मे ज॒रा च॑ म आ॒त्मा च॑ मे त॒नूश्च॑ मे॒ शर्म॑ च मे॒ वर्म॑ च॒ मे ऽङ्गा॑नि च मे॒ ऽस्थानि॑ च मे॒ परूं॑षि च मे॒ शरी॑राणि च मे ॥
Paragraph: 2 Verse: 1 Sentence: 1 ज्यै॑ष्ठ्यं च म॒ आधि॑पत्यं च मे म॒न्युश्च॑ मे॒ भामस्च॒ मे ऽम॑श्च॒ मे ऽम्भ॑श्च मे जे॒मा च॑ मे महि॒मा च॑ मे वरि॒मा च॑ मे प्रथि॒मा च॑ मे व॒र्ष्मा च॑ मे द्राघु॒या च॑ मे वृ॒द्धं च॑ मे॒ वृद्धि॑श्च मे स॒त्यं च॑ मे श्र॒द्धा च॑ मे॒ जग॑च्च ॥
Verse: 2 Sentence: 1 मे॒ धनं॑ च मे॒ वश॑श्च मे॒ त्विषि॑श्च मे क्री॒डा च॑ मे॒ मोद॑श्च मे जा॒तं च॑ मे जनि॒ष्यमा॑णं च मे सू॒क्तं च॑ मे सुकृ॒तं च॑ मे वि॒त्तं च॑ मे॒ वेद्यं॑ च मे भू॒तं च॑ मे भवि॒ष्यच्च॑ मे सु॒गं च॑ मे सु॒पथं॑ च म ऋ॒द्धं च॑ म॒ ऋद्धि॑श्च मे॒ क्ळ्प्तं च॑ मे॒ कॢप्ति॑श्च मे म॒तिश्च॑ मे सुम॒तिश्च॑ मे ॥
Paragraph: 3 Verse: 1 Sentence: 1 शं च॑ मे॒ मय॑श्च मे प्रि॒यं च॑ मे ऽनुका॒मश्च॑ मे॒ काम॑श्च मे सौमन॒सश्च॑ मे भ॒द्रं च॑ मे॒ श्रेय॑श्च मे॒ वस्य॑श्च मे॒ यश॑श्च मे॒ भग॑श्च मे॒ द्रवि॑णं च मे य॒न्ता च॑ मे ध॒र्ता च॑ मे॒ क्षेम॑श्च मे॒ धृति॑श्च मे॒ विश्वं॑ च ॥
Verse: 2 Sentence: 1 मे॒ मह॑श्च मे सं॒विच्च॑ मे॒ ज्ञात्रं॑ च मे॒ सूश्च॑ मे प्र॒सूश्च॑ मे॒ सीरं॑ च मे ल॒यश्च॑ म ऋ॒तं च॑ मे॒ ऽमृतं॑ च मे ऽय॒क्ष्मं च॒ मे ऽना॑मयच्च मे जी॒वातु॑श्च मे दीर्घायु॒त्वं च॑ मे ऽनमि॒त्रं च॒ मे ऽभ॑यं च मे सु॒गं च॑ मे॒ शय॑नं च मे सू॒षा च॑ मे सु॒दिनं॑ च मे ॥
Paragraph: 4 Verse: 1 Sentence: 1 ऊर्क्च॑ मे सू॒नृता॑ च मे॒ पय॑श्च मे॒ रस॑श्च मे घृ॒तं च॑ मे॒ मधु॑ च मे॒ सग्धि॑श्च मे शपीतिश्च मे कृ॒षिश्च॑ मे॒ वृष्टि॑श्च मे जैत्रं च म औद्भिद्यं च मे र॒यिश्च॑ मे॒ राय॑श्च मे पु॒ष्टं च॑ मे॒ पुष्टि॑श्च मे वि॒भु च॑ ॥
Verse: 2 Sentence: 1 मे॑ प्र॒भु च॑ मे ब॒हु च॑ मे॒ भूय॑श्च मे पू॒र्णं च॑ मे पू॒र्णत॑रं च॒ मे ऽक्षि॑तिश्च मे॒ कूय॑वाश्च॒ मे ऽन्नं॑ च॒ मे ऽक्षु॑च्च मे व्री॒हय॑श्च मे॒ यवा॑श्च मे॒ माषा॑श्च मे॒ तिला॑श्च मे मु॒द्गाश्च॑ मे ख॒ल्वा॑श्च मे गो॒धूमा॑श्च मे म॒सुरा॑श्च मे प्रि॒यङ्ग॑वश्च॒ मे ऽण॑वश्च मे श्या॒माका॑श्च मे नी॒वारा॑श्च मे ॥
Paragraph: 5 Verse: 1 Sentence: 1 अश्मा॑ च मे॒ मृत्ति॑का च मे गि॒रय॑श्च मे॒ पर्व॑ताश्च मे॒ सिक॑ताश्च मे॒ वन॒स्पत॑यश्च मे॒ हिर॑ण्यं च॒ मे ऽय॑श्च मे॒ सीसं॑ च मे॒ त्रपु॑श्च मे श्या॒मं च॑ मे लो॒हं च॑ मे॒ ऽग्निश्च॑ म॒ आप॑श्च मे वी॒रुध॑श्च म॒ ओष॑धयश्च मे कृष्टप॒च्यं च॑ ॥
Verse: 2
Sentence: 1 मे॑ ऽक्षिष्टप॒च्यं च॑ मे॒ ग्राम्या॑श्च मे प॒शव॑ आर॒ण्याश्च॑ यज्ञेन कल्पन्ताम् ।
Sentence: 2 वि॒त्तं च॑ मे॒ वित्ति॑श्च मे भू॒तं च॑ मे॒ भूति॑श्च मे॒ वसु॑ च मे वस॒तिश्च॑ मे॒ कर्म॑ च मे॒ शक्ति॑श्च॒ मे ऽर्थ॑श्च म॒ एम॑श्च म॒ इति॑श्च मे॒ गति॑श्च मे ॥
Paragraph: 6
Verse: 1
Sentence: 1 अ॒ग्निश्च॑ म॒ इन्द्र॑श्च मे
Sentence: 2 सोम॑श्च म॒ इन्द्र॑श्च मे
Sentence: 3 सवि॒ता च॑ म॒ इन्द्र॑श्च मे
Sentence: 4 सर॑स्वती च म॒ इन्द्र॑श्च मे
Sentence: 5 पू॒षा च॑ म॒ इन्द्र॑श्च मे
Sentence: 6 बृह॒स्पति॑श्च म॒ इन्द्र॑श्च मे
Sentence: 7 मि॒त्रश्च॑ म॒ इन्द्र॑श्च मे
Sentence: 8 वरु॑णश्च म॒ इन्द्र॑श्च मे
Sentence: 9 त्वष्टा॑ च ॥
Verse: 2
Sentence: 1 म॒ इन्द्र॑श्च मे
Sentence: 2 धा॒ता च॑ म॒ इन्द्र॑श्च मे
Sentence: 3 विष्णु॑श्च म॒ इन्द्र॑श्च मे ।
Sentence: 4 अ॒श्विनौ॑ च म॒ इन्द्र॑श्च मे
Sentence: 5 म॒रुत॑श्च म॒ इन्द्र॑श्च मे
Sentence: 6 विश्वे॑ च मे दे॒वा इन्द्र॑श्च मे
Sentence: 7 पृथि॒वी च॑ म॒ इन्द्र॑श्च मे ।
Sentence: 8 अ॒न्तरि॑क्षम्च म॒ इन्द्र॑श्च मे
Sentence: 9 द्यौश्च म॒ इन्द्र॑श्च मे
Sentence: 10 दिश॑श्च म॒ इन्द्र॑श्च मे
Sentence: 11 मू॒र्धा च॑ म॒ इन्द्र॑श्च मे
Sentence: 12 प्र॒जाप॑तिश्च म॒ इन्द्र॑श्च मे ॥
Paragraph: 7 Verse: 1 Sentence: 1 अं॒शुश्च॑ मे र॒श्मिश्च॒ मे ऽदा॑भ्यश्च॒ मे ऽधि॑पतिश्च म उपां॒शुश्च॑ मे ऽन्तर्या॒मश्च॑ म ऐन्द्रवायवश्च मे मैत्रावरु॒णश्च॑ म आश्वि॒नश्च॑ मे प्रतिप्र॒स्थान॑श्च मे शु॒क्रश्च॑ मे म॒न्थी च॑ म आग्रय॒णश्च॑ मे वैश्वदे॒वश्च॑ मे ध्रु॒वश्च॑ मे वैश्वान॒रश्च॑ म ऋतुग्र॒हाश्च॑ ॥
Verse: 2 Sentence: 1 मे॑ ऽतिग्रा॒ह्या॑श्च म ऐन्द्रा॒ग्नश्च॑ मे वैश्वदे॒वश्च॑ मे मरुत्वतीयाश्च मे महे॒न्द्रश्च॑ म आदि॒त्यश्च॑ मे सावि॒त्रश्च॑ मे सारस्व॒तश्च॑ मे पौ॒ष्णश्च॑ मे पात्नीव॒तश्च॑ मे हारियोज॒श्च॑ मे ॥
Paragraph: 8 Verse: 1 Sentence: 1 इ॒ध्मश्च॑ मे ब॒र्हिश्च॑ मे॒ वेदि॑श्च मे॒ धिष्णि॑याश्च मे॒ स्रुच॑श्च मे चम॒साश्च॑ मे॒ ग्रावा॑णश्च मे॒ स्वर॑वश्च म उपर॒वाश्च॑ मे ऽधि॒षव॑णे च मे द्रोणकल॒शश्च॑ मे वाय॒व्या॑नि च मे पूत॒भृच्च॑ म आधव॒नीय॑श्च म॒ आग्नी॑ध्रं च मे हवि॒र्धानं॑ च मे गृ॒हाश्च॑ मे॒ सद॑श्च मे पुरो॒डाशा॑श्च मे पच॒न्ताश्च॑ मे ऽवभृ॒थश्च॑ मे स्वगाका॒रश्च॑ मे ॥
Paragraph: 9
Verse: 1
Sentence: 1 अ॒ग्निश्च॑ मे घ॒र्मश्च॑ मे॒ ऽर्कश्च॑ मे॒ सूर्य॑श्च मे प्रा॒णश्च॑ मे ऽश्वमे॒धश्च॑ मे पृथि॒वी च॒ मे ऽदि॑तिश्च मे॒ दिति॑श्च मे द्यौश्च मे॒ शक्व॑रीर॒ङ्गुल॑यो॒ दिश॑श्च मे य॒ज्ञेन॑ कल्पन्ताम्
Sentence: 2 ऋक्च॑ मे॒ साम॑ च मे॒ स्तोम॑श्च मे॒ यजु॑श्च मे दी॒क्षा च॑ मे॒ तप॑श्च म ऋ॒तुश्च॑ मे व्र॒तं च॑ मे ऽहोरा॒त्रयो॑र्वृ॒ष्ट्या बृ॑हद्रथन्त॒रे च॑ मे य॒ज्ञेन॑ कल्पेताम् ॥
Paragraph: 10
Verse: 1
Sentence: 1 गर्भा॑श्च मे व॒त्साश्च॑ मे
Sentence: 2 त्र्यवि॑श्च मे त्र्य॒वी च॑ मे
Sentence: 3 दित्य॒वाट्च॑ मे दित्यौ॒ही च॑ मे
Sentence: 4 पञ्चा॑विश्च मे पञ्चा॒वी च॑ मे
Sentence: 5 त्रिव॒त्सश्च॑ मे त्रिव॒त्सा च॑ मे
Sentence: 6 तुर्य॒वाट्च॑ मे तुर्यौ॒ही च॑ मे
Sentence: 7 पष्ठ॒वाच्च॑ मे पष्ठौ॒ही च॑ मे ।
Sentence: 8 उ॒क्षा च॑ मे व॒शा च॑ मे ।
Sentence: 9 ऋ॑ष॒भश्च॑ ॥
Verse: 2
Sentence: 1 मे॑ वे॒हच्च॑मे ऽन॒ड्वाञ्च॑ मे धे॒नुश्च॑ मे ।
Sentence: 2 आयु॑र्य॒ज्ञेन॑ कल्पताम्
Sentence: 3 प्रा॒णो य॒ज्ञेन॑ कल्पताम्
Sentence: 4 अपा॒नो य॒ज्ञेन॑ कल्पताम् ।
Sentence: 5 व्या॒नो य॒ज्ञेन॑ कल्पताम् ।
Sentence: 6 चक्षु॑र्य॒ज्ञेन॑ कल्पताम् ।
Sentence: 7 श्रोत्रं॑ य॒ज्ञेन॑ कल्पताम्
Sentence: 8 मनो॑ य॒ज्ञेन॑ कल्पताम् ।
Sentence: 9 वाग्य॒ज्ञेन॑ कल्पताम्
Sentence: 10 आ॒त्मा य॒ज्ञेन॑ कल्पताम् ।
Sentence: 11 य॒ज्ञो य॒ज्ञेन॑ कल्पताम् ॥
Paragraph: 11 Verse: 1 Sentence: 1=a एका॑ च मे ति॒स्रश्च॑ मे॒ पञ्च॑ च मे स॒प्त च॑ मे॒ नव॑ च म॒ एका॑दश च मे॒ त्रयो॑दश च मे॒ पञ्च॑दश च मे स॒प्तद॑श च मे॒ नव॑दश च म॒ एक॑विंशतिश्च मे॒ त्रयो॑विंशतिश्च मे पञ्चविंशतिश्च मे स॒प्तविं॑श्च मे॒ नव॑विंशतिश्च म॒ एक॑त्रिंश्च्च मे॒ त्रय॑स्त्रिंशच्च ॥
Verse: 2
Sentence: 1 मे
Sentence: 2=b चत॑स्रश्च मे ऽष्टौ च मे॒ द्वाद॑श च मे॒ षोड॑श च मे विंश॒तिश्च॑ मे॒ चतु॑र्विंशतिश्च मे॒ ऽष्टाविं॑श्च मे॒ द्वात्रिं॑शच्च मे॒ षट्त्रिं॑शच्च मे चत्वारिं॒शच्च॑ मे॒ चतु॑श्चत्वारिंशच्च मे॒ ऽष्टाच॑त्वारिंशच्च मे
Sentence: 3=c वाज॑श्च प्रस॒वश्चा॑पि॒जश्च॒ क्रतु॑श्च॒ सुव॑श्च मू॒र्धा च॒ व्यश्नि॑यश्चान्त्याय॒नश्चान्त्य॑श्च भौव॒नश्च॒ भुव॑न॒श्चाधि॑पतिश्च ॥
Paragraph: 12
Verse: 1
Sentence: 1=a वाजो॑ नः स॒प्त प्र॒दिश॒श्चत॑स्रो वा परा॒वतः॑ । वाजो॑ नो॒ विश्वै॑र्देवै॒र्धन॑सातावि॒हाव॑तु ॥
Sentence: 2=b विश्वे॑ अ॒द्य म॒रुतो॒ विश्व॑ ऊ॒ती विश्वे॑ भवन्त्व॒ग्नयः॒ समि॑द्धाः । विश्वे॑ नो दे॒वा अव॒सा ग॑मन्तु॒ विश्वं॑ अस्तु॒ द्रवि॑णं॒ वाजो॑ अ॒स्मे ॥
Sentence: 3=c वाज॑स्य प्रस॒वं दे॑वा॒ रथै॑र्याता हिर॒ण्ययैः॑ । अ॒ग्निरिन्द्रो॒ बृह॒स्पति॑र्म॒रुतः॒ सोम॑पीतये ॥
Sentence: 4=d वाजे॑वाजे ऽवत वाजिनो नो॒ धने॑षु ॥
Verse: 2
Sentence: 1 वि॑प्रा अमृता ऋतज्ञाः । अ॒स्य मध्वः॑ पिबत मा॒दय॑ध्वं तृ॒प्ता या॑त प॒थिभि॑र्देव॒यानैः॑ ॥
Sentence: 2=e वाजः॑ पु॒रस्ता॑दु॒त म॑ध्य॒तो नो॒ वाजो॑ दे॒वां ऋ॒तुभिः॑ कल्पयाति । वाज॑स्य॒ हि प्र॑स॒वो नन्न॑मीति॒ विश्वा॒ आशा॒ वाज॑पतिर्भवेयम् ॥
Sentence: 3=f पयः॑ पृथि॒व्याम्पय॒ ओष॑धीषु॒ पयो॑ दि॒व्य॒न्तरि॑क्षे॒ पयो॑ धाम् । पय॑स्वतीः प्र॒दिशः॑ सन्तु॒ मह्य॑म् ॥
Sentence: 4=g सम्मा॑ सृजामि॒ पय॑सा घृ॒तेन॒ सम्मा॑ सृजाम्य॒पः ॥
Verse: 3
Sentence: 1 ओष॑धीभिः । सो॒ ऽहं वाजं॑ सनेयमग्ने ॥
Sentence: 2=h नक्तो॒षासा॒ सम॑नसा॒ विरू॑पे धा॒पये॑ते॒ शिशु॒मेकं॑ समी॒ची । द्यावा॒ क्षामा॑ रु॒क्मो अ॒न्तर्वि भा॑ति दे॒वा अ॒ग्निं धा॑रयन्द्रविणो॒दाः ॥
Sentence: 3=i स॑मु॒द्रो॑ ऽसि॒ नभ॑स्वाना॒र्द्रदा॑नुः श॒म्भूर्म॑यो॒भूर॒भि मा॑ वाहि॒ स्वाहा॑ मारु॒तो॑ ऽसि म॒रुतां॑ ग॒णः श॒म्भूर्म॑यो॒भूर॒भि मा॑ वाहि॒ स्वाहा॑व॒स्युर॑सि॒ दुव॑स्वाञ्छ॒म्भूर्�॒भि मा॑ वाहि॒ स्वाहा॑ ॥
Paragraph: 13
Verse: 1
Sentence: 1=a अ॒ग्निं यु॑नज्मि॒ शव॑सा घृ॒तेन॑ दि॒व्यं सु॑प॒र्णं वय॑सा बृ॒हन्त॑म् । तेन॑ व॒यम्प॑तेम ब्र॒ध्नस्य॑ वि॒ष्टपं॒ सुवो॒ रुहा॑णा॒ अधि॒ नाक॑ उत्त॒मे ॥
Sentence: 2=b इमौ ते प॒क्षाव॒जरौ॑ पत॒त्रिणो॒ याभ्यां॒ रक्षां॑स्यप॒हंस्य॑ग्ने । ताभ्या॑म्पतेम सु॒कृता॑मु लो॒कं यत्रर्ष॑यः प्रथम॒जा ये पु॑रा॒णाः ॥
Sentence: 3=c चिद॑सि समु॒द्रयो॑नि॒रिन्दु॒र्दक्षः॑ श्ये॒न ऋ॒तावा॑ । हिर॑ण्यपक्षः शकु॒नो भु॑र॒ण्युर्म॒हान्त्स॒धस्थे॑ ध्रु॒वः ॥
Verse: 2
Sentence: 1 आ निष॑त्तः ॥
Sentence: 2=d नम॑स्ते अस्तु॒ मा मा॑ हिंसी॒र्विश्व॑स्य मू॒र्धन्नधि॑ तिष्ठसि श्रि॒तः । स॑मु॒द्रे ते॒ हृद॑यम॒न्तरायु॒र्द्यावा॑पृथि॒वी भुव॑ने॒ष्वर्पि॑ते ॥
Sentence: 3=e उ॒द्नो द॑त्तोद॒धिम्भि॑न्त्त दि॒वः प॒र्जन्या॑द॒न्तरि॑क्षात्पृथि॒व्यास्ततो॑ नो॒ वृष्ट्या॑वत । दि॒वो मू॒र्धासि॑ पृथि॒व्या नाभि॒रूर्ग॒पामोष॑धीनाम् । वि॒श्वायुः॒ शर्म॑ स॒प्रथा॒ नम॑स्प॒थे ॥
Sentence: 4=f येनर्ष॑य॒स्तप॑सा स॒त्त्रम् ॥
Verse: 3
Sentence: 1 आस॒तेन्धा॑ना अ॒ग्निं सुव॑रा॒भर॑न्तः । तस्मि॑न्न॒हं नि द॑धे॒ नाके॑ अ॒ग्निमे॒तं यमा॒हुर्मन॑व स्ती॒र्णब॑र्हिषम् ॥
Sentence: 2=g तम्पत्नी॑भि॒रनु॑ गछेम देवाः पुत्रै॒र्भ्रातृ॑भिरु॒त वा॒ हिर॑ण्यैः । नाकं॑ गृह्णा॒नाः सु॑कृ॒तस्य॑ लो॒के तृ॒तीये॑ पृ॒ष्ठे अधि॑ रोच॒ने दि॒वः ॥
Sentence: 3=h आ व॒चो मध्य॑मरुहद्भुर॒ण्युर॒यम॒ग्निः सत्प॑ति॒श्चेकि॑तानः । पृ॒ष्ठे पृ॑थि॒व्या निहि॑तो॒ दवि॑द्युतदधस्प॒दं कृ॑णुते ॥
Verse: 4
Sentence: 1 ये पृ॑त॒न्यवः॑ ॥
Sentence: 2=i अ॒यम॒ग्निर्वी॒रत॑मो वयो॒धाः स॑ह॒स्रियो॑ दीप्यता॒मप्र॑युछन् । वि॒भ्राज॑मानः सरि॒रस्य॒ मध्य॒ उप॒ प्र या॑त दि॒व्यानि॒ धाम॑ ॥
Sentence: 3=k सम्प्र च्य॑वध्व॒मनु॒ सम्प्र या॒ताग्ने॑ प॒थो दे॑व॒याना॑न्कृणुध्वम् । अ॒स्मिन्त्स॒धस्थे॒ अध्युत्त॑रस्मि॒न्विश्वे॑ देवा॒ यज॑मानश्च सीदत ॥
Sentence: 4=l येना॑ स॒हस्रं॒ वह॑सि॒ येना॑ग्ने सर्ववेद॒सम् । तेने॒मं य॒ज्ञं नो॑ वह देव॒यानो॒ यः ॥
Verse: 5
Sentence: 1 उ॑त्त॒मः ॥
Sentence: 2=m उद्बु॑ध्यस्वाग्ने॒ प्रति॑ जागृह्येनमिष्टापू॒र्ते सं सृ॑जेथाम॒यं च॑ । पुनः॑ कृ॒ण्वंस्त्वा॑ पि॒तरं॒ युवा॑नम॒न्वातां॑सी॒त्त्वयि॒ तन्तु॑मे॒तम् ॥
Sentence: 3=n अ॒यं ते॒ योनि॑रृ॒त्वियो॒ यतो॑ जा॒तो अरो॑चथाः । तं जा॒नन्न॑ग्न॒ आ रो॒हाथा॑ नो वर्धया र॒यिम् ॥
Paragraph: 14
Verse: 1
Sentence: 1=a ममा॑ग्ने॒ वर्चो॑ विह॒वेष्व॑स्तु व॒यं त्वेन्धा॑नास्त॒नुव॑म्पुषेम । मह्यं॑ नमन्ताम्प्र॒दिश॒श्चत॑स्र॒स्त्वयाध्य॑क्षेण॒ पृत॑ना जयेम ॥
Sentence: 2=b मम॑ दे॒वा वि॑ह॒वे स॑न्तु॒ सर्व॒ इन्द्रा॑वन्तो म॒रुतो॒ विष्णु॑र॒ग्निः । ममा॒न्तरि॑क्षमु॒रु गो॒पम॑स्तु॒ मह्यं॒ वातः॑ पवतां॒ कामे॑ अ॒स्मिन् ॥
Sentence: 3=c मयि॑ दे॒वा द्रवि॑ण॒मा य॑जन्ता॒म्मय्या॒शीर॑स्तु॒ मयि॑ दे॒वहू॑तिः । दै॑व्या॒ होता॑रा व॒निष॑न्त ॥
Verse: 2
Sentence: 1 पूर्वेरि॑ष्टाः स्याम त॒नुवा॑ सु॒वीराः॑ ॥
Sentence: 2=d मह्यं॑ यजन्तु॒ मम॒ यानि॑ ह॒व्याकू॑तिः स॒त्या मन॑सो मे अस्तु । एनो॒ मा नि गां॑ कत॒मच्च॒नाहं विश्वे॑ देवासो॒ अधि॑ वोचता मे ॥
Sentence: 3=e देवीः॑ षडुर्वीरु॒रु नः॑ कृनोत॒ विश्वे॑ देवास इ॒ह वी॑रयध्वम् । मा हा॑स्महि प्र॒जया॒ मा त॒नूभि॒र्मा र॑धाम द्विष॒ते सो॑म राजन् ॥
Sentence: 4=f अ॒ग्निर्म॒न्युम्प्र॑तिनु॒दन्पु॒रस्ता॑त् ॥
Verse: 3
Sentence: 1 अद॑ब्धो गो॒पाः परि॑ पाहि न॒स्त्वम् । प्र॒त्यञ्चो॑ यन्तु नि॒गुतः॒ पुन॒स्ते ऽमैषां चि॒त्तम्प्र॒बुधा॒ वि ने॑शत् ॥
Sentence: 2=g धा॒ता धा॑तृ॒णाम्भुव॑नस्य॒ यस्पति॑र्दे॒वं स॑वि॒तार॑मभिमाति॒षाह॑म् । इ॒मं य॒ज्ञम॒श्विनो॒भा बृह॒स्पति॑र्दे॒वाः पा॑न्तु॒ यज॑मानं न्य॒र्थात् ॥
Sentence: 3=h उ॑रु॒व्यचा॑ नो महि॒षः शर्म॑ यंसद॒स्मिन्हवे॑ पुरुहू॒तः पु॑रु॒क्षु । स नः॑ प्र॒जायै॑ हर्यश्व मृड॒येन्द्र॒ मा ॥
Verse: 4
Sentence: 1 नो॑ रीरिषो॒ मा परा॑ दाः ॥
Sentence: 2=i ये नः॑ स॒पत्ना॒ अप॒ ते भ॑वन्त्विन्द्रा॒ग्निभ्या॒मव॑ बाधामहे॒ तान् । वस॑वो रु॒द्रा आ॑दि॒त्या उ॑परि॒स्पृश॑म्मो॒ग्रं चेत्ता॑रमधिरा॒जम॑क्रन् ॥
Sentence: 3=k अ॒र्वाञ्च॒मिन्द्र॑म॒मुतो॑ हवामहे॒ यो गो॒जिद्ध॑न॒जिद॑श्व॒जिद्यः । इ॒मं नो॑ य॒ज्ञं वि॑ह॒वे जु॑षस्वा॒स्य कु॑र्मो हरिवो मे॒दिनं॑ त्वा ॥
Paragraph: 15
Verse: 1
Sentence: 1=a अ॒ग्नेर्म॑न्वे प्रथ॒मस्य॒ प्रचे॑तसो॒ यम्पाञ्च॑जन्यम्ब॒हवः॑ समि॒न्धते॑ । विश्व॑स्यां वि॒शि प्र॑विविशि॒वांस॑मीमहे॒ स नो॑ मुञ्च॒त्वंह॑सः ॥
Sentence: 2=b यस्ये॒दम्प्रा॒णन्नि॑मि॒षद्यदेज॑ति॒ यस्य॑ जा॒तं जन॑मानं च॒ केव॑लम् । स्तौ॑म्य॒ग्निं ना॑थि॒तो जो॑हवीमि॒ स नो॑ मुञ्च॒त्वंह॑सः ॥
Sentence: 3=c इन्द्र॑स्य मन्वे प्रथ॒मस्य॒ प्रचे॑तसो वृत्र॒घ्न स्तोमा॒ उप॒ मामु॒पागुः॑ । यो दा॒शुषः॑ सु॒कृतो॒ हव॒मुप॒ गन्ता॑ ॥
Verse: 2
Sentence: 1 स नो॑ मुञ्च॒त्वंह॑सः ॥
Sentence: 2=d यः सं॑ग्रा॒मं नय॑ति॒ सं वा॒शी यु॒धे यः पु॒ष्टानि॑ संसृ॒जति॑ त्र॒याणि॑ । स्तौ॒मीन्द्रं॑ नाथि॒तो जो॑हवीमि॒ स नो॑ मुञ्च॒त्वंह॑सः ॥
Sentence: 3=e म॒न्वे वा॑म्मित्रावरुणा॒ तस्य॑ वित्तं॒ सत्यौ॑जसा दृंहणा॒ यं नु॒देथे॑ । या राजा॑नं स॒रथं॑ या॒थ उ॑ग्रा॒ ता नो॑ मुञ्चत॒माग॑सः ॥
Sentence: 4=f यो वां॒ रथ॑ ऋ॒जुर॑श्मिः स॒त्यध॑र्मा॒ मिथु॒श्चर॑न्तमुप॒याति॑ दू॒षय॑न् । स्तौ॑मि ॥
Verse: 3
Sentence: 1 मि॒त्रावरु॑णा नाथि॒तो जो॑हवीमि तौ नो मुञ्चत॒माग॑सः ॥
Sentence: 2=g वा॒योः स॑वि॒तुर्वि॒दथा॑नि मन्महे॒ यावा॑त्म॒न्वद्बि॑भृ॒तो यौ॑ च॒ रक्ष॑तः । यौ॒ विश्व॑स्य परि॒भू ब॑भू॒वतुस्तौ नो मुञ्चत॒माग॑सः ॥
Sentence: 3=h उप॒ श्रेष्ठा॑ न आ॒शिषो॑ दे॒वयो॒र्धर्मे॑ अस्थिरन् । स्तौ॑मि वा॒युं स॑वि॒तारं॑ नाथि॒तो जो॑हवीमि तौ नो मुञ्चत॒माग॑सः ॥
Sentence: 4=i र॒थीत॑मौ रथी॒नाम॑ह्व ऊ॒तये॒ शुभं॒ गमि॑ष्ठौ सु॒यमे॑भि॒रश्वैः॑ । ययोः॑ ॥
Verse: 4
Sentence: 1 वां॑ देवौ दे॒वेष्वनि॑शित॒मोजस्तौ नो मुञ्चत॒माग॑सः ॥
Sentence: 2=k यदया॑तं वह॒तुं सू॒र्याया॑स्त्रिच॒क्रेण॑ सं॒सद॑मि॒छमा॑नौ । स्तौ॑मि दे॒वाव॒श्विनौ॑ नाथि॒तो जो॑हवीमि तौ नो मुञ्चत॒माग॑सः ॥
Sentence: 3=l म॒रुता॑म्मन्वे॒ अधि॑ नो ब्रुवन्तु॒ प्रेमां वाचं॒ विश्वा॑मवन्तु॒ विश्वे॑ । आ॒शून्हु॑वे सु॒यमा॑नू॒तये॒ ते नो॑ मुञ्च॒न्त्वेन॑सः ॥
Sentence: 4=m ति॒ग्ममायु॑धं वीडि॒तं सा॑हस्वद्दि॒व्यं शर्धः॑ ॥
Verse: 5
Sentence: 1 पृत॑नासु जि॒ष्णु । स्तौ॑मि दे॒वान्म॒रुतो॑ नाथि॒तो जो॑हवीमि॒ ते नो॑ मुञ्च॒न्त्वेन॑सः ॥
Sentence: 2=n दे॒वाना॑म्मन्वे॒ अधि॑ नो ब्रुवन्तु॒ प्रेमां वाचं॒ विश्वा॑मवन्तु॒ विश्वे॑ । आ॒शून्हु॑वे सु॒यमा॑नू॒तये॒ ते नो॑ मुञ्च॒न्त्वेन॑सः ॥
Sentence: 3=o यदि॒दम्मा॑भि॒शोच॑ति पौरुषेयेण दैव्येन । स्तौ॑मि॒ विश्वा॑न्दे॒वान्ना॑थि॒तो जो॑हवीमि॒ ते नो॑ मुञ्च॒न्त्वेन॑सः ॥
Sentence: 4=p अनु॑ नो॒ ऽद्यानु॑मतिस् ।
Sentence: 5=q अनु॑ ॥
Verse: 6
Sentence: 1 इद॑नुमते॒ त्वम् ।
Sentence: 2=r वै॑श्वान॒रो न॑ ऊ॒त्या
Sentence: 3=s पृ॒ष्टो दि॒वि
Sentence: 4=t ये अप्र॑थेता॒ममि॑तेभि॒रोजो॑भि॒र्ये प्र॑ति॒ष्ठे अभ॑वतां॒ वसू॑नाम् । स्तौ॑मि॒ द्यावा॑पृथि॒वी ना॑थि॒तो जो॑हवीमि॒ ते नो॑ मुञ्चत॒मंह॑सः ॥
Sentence: 5=u उर्वी॑ रोदसी वरिवः कृणोतं॒ क्षेत्र॑स्य पत्नी॒ अधि॑ नो ब्रूयातम् । स्तौ॑मि॒ द्यावा॑पृथि॒वी ना॑थि॒तो जो॑हवीमि॒ ते नो॑ मुञ्चत॒मंह॑सः ॥
Sentence: 6=v यत्ते॑ व॒यम्पु॑रुष॒त्रा य॑वि॒ष्ठावि॑द्वांसश्चकृ॒मा कच्च॒न ॥
Verse: 7
Sentence: 1 आगः॑ । कृ॒धी स्व॒स्मां अदि॑ते॒रना॑गा॒ व्येनां॑सि शिश्रथो॒ विष्व॑गग्ने ॥
Sentence: 2=w यथा॑ ह॒ तद्व॑सवो गौ॒र्यं॑ चित्प॒दि षि॒ताममु॑ञ्चता यजत्राः । ए॒वा त्वम॒स्मत्प्र मु॑ञ्चा॒ व्यंहः॒ प्राता॑र्यग्ने प्रत॒रां न॒ आयुः॑ ॥
Book: 5
Chapter: 1
Paragraph: 1
Verse: 1
Sentence: 1 सा॑वि॒त्राणि॑ जुहोति
Sentence: 2 प्रसू॑त्यै
Sentence: 3 चतुर्गृही॒तेन॑ जुहोति
Sentence: 4 चतु॑ष्पादः प॒शवः
Sentence: 5 प॒शूने॒वाव॑ रुन्द्धे
Sentence: 6 चत॑स्रो॒ दिश॑स् ।
Sentence: 7 दि॒क्ष्वे॒व प्रति॑ तिष्ठति
Sentence: 8 छन्दां॑सि दे॒वेभ्यो ऽपा॑क्रामन्
Sentence: 9 न वो॑ ऽभा॒गानि॑ ह॒व्यं व॑क्ष्याम॒ इति
Sentence: 10 तेभ्य॑ ए॒तच्च॑तुर्गृही॒तम॑धारयन्
Sentence: 11 पुरोऽनुवा॒क्या॑यै या॒ज्या॑यै दे॒वता॑यै वषट्का॒राय
Sentence: 12 यच्च॑तुर्गृही॒तं जु॒होति॒ छन्दां॑स्ये॒व तत्प्री॑णाति
Sentence: 13 तान्य॑स्य प्री॒तानि॑ दे॒वेभ्यो॑ ह॒व्यं व॑हन्ति
Sentence: 14 यं का॒मये॑त ॥
Verse: 2
Sentence: 1 पापी॑यान्त्स्या॒दित्येकै॑कं॒ तस्य॑ जुहुयात् ।
Sentence: 2 आहु॑तीभिरेवैन॒मप॑ गृह्णाति॒ पापी॑यान्भवति
Sentence: 3 यं का॒मये॑त
Sentence: 4 वसी॑यान्त्स्या॒दिति॒ सर्वा॑णि॒ तस्या॑नु॒द्रुत्य॑ जुहुयात् ।
Sentence: 5 आहु॑त्यैवैनम॒भि क्र॑मयति॒ वसी॑यान्भवति ।
Sentence: 6 अथो॑ य॒ज्ञस्यैवै॒षाभिक्रा॑न्तिस् ।
Sentence: 7 एति॒ वा ए॒ष य॒ज्ञमु॒खादृद्ध्या॒ यो॒ ऽग्नेर्दे॒वता॑या॒ एति॑ ।
Sentence: 8 अ॒ष्टावे॒तानि॑ सावि॒त्राणि॑ भवन्ति ।
Sentence: 9 अ॒ष्टाक्ष॑रा गाय॒त्री
Sentence: 10 गा॑य॒त्रः ॥
Verse: 3
Sentence: 1 अ॒ग्निस्
Sentence: 2 तेनै॒व य॑ज्ञमु॒खादृद्ध्या॑ अ॒ग्नेर्दे॒वता॑यै नैति ।
Sentence: 3 अष्टौ सावि॒त्राणि॑ भव॒न्त्याहु॑तिर्नव॒मी
Sentence: 4 त्रि॒वृत॑मे॒व य॑ज्ञमु॒खे वि या॑तयति
Sentence: 5 यदि॑ का॒मये॑त
Sentence: 6 छन्दां॑सि यज्ञयश॒सेना॑र्पयेय॒मित्यृच॑मन्त॒मां कु॑र्यात् ।
Sentence: 7 छन्दां॑स्ये॒व य॑ज्ञयश॒सेना॑र्पयति
Sentence: 8 यदि॑ का॒मये॑त
Sentence: 9 यज॑मानं यज्ञयश॒सेना॑र्पयेय॒मिति॒ यजु॑रन्त॒मं कु॑र्यात् ।
Sentence: 10 यज॑मानमे॒व य॑ज्ञयश॒सेना॑र्पयति ।
Sentence: 11 ऋ॒चा स्तोमं॒ सम॑र्ध॒येति॑ ॥
Verse: 4
Sentence: 1 आ॑ह
Sentence: 2 समृ॑द्ध्यै
Sentence: 3 च॒तुर्भि॒रभ्रि॒मा द॑त्ते
Sentence: 4 च॒त्वारि॒ छन्दां॑सि
Sentence: 5 छन्दो॑भिरे॒व
Sentence: 6 दे॒वस्य॑ त्वा सवि॒तुः प्र॑स॒व इत्या॑ह
Sentence: 7 प्रसू॑त्यै ।
Sentence: 8 अ॒ग्निर्दे॒वेभ्यो॒ निला॑यत
Sentence: 9 स वेणु॒म्प्रावि॑शत्
Sentence: 10 स ए॒तामू॒तिमनु॒ सम॑चर॒द्यद्वेणोः॑ सुषि॒रम् ।
Sentence: 11 सु॑षि॒राभ्रि॑र्भवति सयोनि॒त्वाय
Sentence: 12 स यत्र॑य॒त्राव॑स॒त्तत्कृ॒ष्णम॑भवत्
Sentence: 13 कल्मा॒सी भ॑वति रू॒पस॑मृद्ध्यै ।
Sentence: 14 उ॑भयतः॒क्ष्णूर्भ॑वति ।
Sentence: 15 इ॒तश्चा॒मुत॑श्चा॒र्कस्याव॑रुद्ध्यै
Sentence: 16 व्याममा॒त्री भ॑वति ।
Sentence: 17 ए॒तावद्वै॒ पुरु॑षे वी॒र्य॑म् ।
Sentence: 18 वी॒र्य॑सम्मिता ।
Sentence: 19 अप॑रिमिता भवति ।
Sentence: 20 अप॑रिमित॒स्याव॑रुद्ध्यै
Sentence: 21 यो वन॒स्पती॑नाम्पल॒ग्रहिः॒ स ए॑षां वी॒र्या॑वान्
Sentence: 22 पल॒ग्रहि॒र्वेणु॑स् ।
Sentence: 23 वै॑ण॒वी भ॑वति वी॒र्य॒स्याव॑रुद्ध्यै ॥
Paragraph: 2
Verse: 1
Sentence: 1 व्यृ॑द्धं॒ वा ए॒तद्य॒ज्ञस्य॒ यद॑य॒जुष्के॑ण क्रि॒यते॑ ।
Sentence: 2 इ॒माम॑गृभ्णन्रश॒नामृ॒तस्येत्य॑श्वाभि॒धानी॒मा द॑त्ते
Sentence: 3 यजु॑ष्कृत्यै य॒ज्ञस्य॒ समृ॑द्ध्यै
Sentence: 4 प्रतू॑र्तं वाजि॒न्ना द्र॒वेत्यश्व॑म॒भि द॑धाति
Sentence: 5 रू॒पमे॒वास्यै॒तन्म॑हि॒मानं॒ व्याच॑ष्टे
Sentence: 6 यु॒ञ्जाथां॒ रास॑भं यु॒वमिति॑ गर्द॒भम्
Sentence: 7 अस॑त्ये॒व ग॑र्द॒भम्प्रति॑ ष्ठापयति
Sentence: 8 तस्मा॒दश्वा॑द्गर्द॒भो ऽस॑त्तरस् ।
Sentence: 9 योगे॑योगे त॒वस्त॑र॒मित्या॑ह ॥
Verse: 2
Sentence: 1 योगे॒ योग॑ एवैनं युङ्क्ते
Sentence: 2 वाजे॑वाजे हवामह॒ इत्या॑ह ।
Sentence: 3 अन्नं वै॒ वाज॑स् ।
Sentence: 4 अन्न॑मे॒वाव॑ रुन्द्धे
Sentence: 5 सखा॑य॒ इन्द्र॑मू॒तय॒ इत्या॑ह ।
Sentence: 6 इ॑न्द्रि॒यमे॒वाव॑ रुन्द्धे ।
Sentence: 7 अ॒ग्निर्दे॒वेभ्यो॒ निला॑यत
Sentence: 8 तम्प्र॒जाप॑ति॒रन्व॑विन्दत्
Sentence: 9 प्राजाप॒त्यो ऽश्व॑स् ।
Sentence: 10 अश्वे॑न॒ सम्भ॑र॒त्यनु॑वित्त्यै
Sentence: 11 पापवस्य॒सं वा ए॒तत्क्रि॑यते॒ यच्छ्रेय॑सा च॒ पापी॑यसा च समा॒नं कर्म॑ कु॒र्वन्ति
Sentence: 12 पापी॑यान् ॥
Verse: 3
Sentence: 1 ह्यश्वा॑द्गर्द॒भस् ।
Sentence: 2 अश्व॒म्पूर्वं॑ नयन्ति पापवस्य॒सस्य॒ व्यावृ॑त्त्यै
Sentence: 3 तस्मा॒च्छ्रेयां॑स॒म्पापी॑यान्प॒श्चादन्वे॑ति
Sentence: 4 ब॒हुर्वै॒ भव॑तो॒ भ्रातृ॑व्यस् ।
Sentence: 5 भव॑तीव॒ खलु॒ वा ए॒ष यो॒ ऽग्निम्चि॑नु॒ते
Sentence: 6 व॒ज्र्यश्वः
Sentence: 7 प्र॒तूर्व॒न्नेह्य॑व॒क्राम॒न्नश॑स्ती॒रित्या॑ह
Sentence: 8 वज्रे॑णै॒व पा॒प्मान॒म्भ्रातृ॑व्य॒मव॑ क्रामति
Sentence: 9 रु॒द्रस्य॒ गाण॑पत्या॒दित्या॑ह
Sentence: 10 रौ॒द्रा वै॑ प॒शवो॑ रु॒द्रादे॒व ॥
Verse: 4
Sentence: 1 प॒शून्नि॒र्याच्या॒त्मने॒ कर्म॑ कुरुते
Sentence: 2 पू॒ष्णा स॒युजा॑ स॒हेत्या॑ह
Sentence: 3 पू॒षा वा अध्व॑नां सन्ने॒ता
Sentence: 4 सम॑ष्ट्यै
Sentence: 5 पुरी॑षायतनो॒ वा ए॒ष यद॒ग्निस् ।
Sentence: 6 अङ्गि॑रसो॒ वा ए॒तमग्रे॑ दे॒वता॑नां॒ सम॑भरन्
Sentence: 7 पृथि॒व्याः स॒धस्था॑द॒ग्निम्पु॑री॒ष्य॑मङ्गिर॒स्वदछे॒हीत्या॑ह
Sentence: 8 साय॑तनमेवैनं दे॒वता॑भिः॒ सम्भ॑रति ।
Sentence: 9 अ॒ग्निम्पु॑री॒ष्य॑मङ्गिर॒स्वदछे॑म॒ इत्या॑ह
Sentence: 10 येन॑ ॥
Verse: 5
Sentence: 1 सं॒गछ॑ते॒ वाज॑मे॒वास्य॑ वृङ्क्ते
Sentence: 2 प्र॒जाप॑तये प्रति॒प्रोच्या॒ग्निः स॒म्भृत्य॒ इत्या॑हुस् ।
Sentence: 3 इ॒यं वै॑ प्र॒जाप॑तिस्
Sentence: 4 तस्या॑ ए॒तच्छ्रोत्रं॒ यद्व॒ल्मीक॑स् ।
Sentence: 5 अ॒ग्निम्पु॑री॒ष्य॑मङ्गिर॒स्वद्भ॑रिष्याम॒ इति॑ वल्मीकव॒पामुप॑ तिष्ठते
Sentence: 6 सा॒क्षादे॒व प्र॒जाप॑तये प्रति॒प्रोच्या॒ग्निं सम्भ॑रति ।
Sentence: 7 अ॒ग्निम्पु॑री॒ष्य॑मङ्गिर॒स्वद्भ॑राम॒ इत्या॑ह
Sentence: 8 येन॑ सं॒गछ॑ते॒ वाज॑मे॒वास्य॑ वृङ्क्ते ।
Sentence: 9 अन्व॒ग्निरु॒षसा॒मग्र॑म् ॥
Verse: 6
Sentence: 1 अ॑ख्य॒दित्या॑ह ।
Sentence: 2 अनु॑ख्यात्यै ।
Sentence: 3 आ॒गत्य॑ वा॒ज्यध्व॑न आ॒क्रम्य॑ वाजिन्प्राथि॒वीमित्या॑ह ।
Sentence: 4 इ॒छत्येवैन॒म्पूर्व॑या वि॒न्दत्युत्त॑रया
Sentence: 5 द्वाभ्या॒मा क्र॑मयति
Sentence: 6 प्रति॑ष्ठित्यै ।
Sentence: 7 अनु॑रूपाभ्याम् ।
Sentence: 8 तस्मा॒दनु॑रूपाः प॒शवः॒ प्र जा॑यन्ते
Sentence: 9 द्यौस्ते पृ॒ष्ठम्पृ॑थि॒वी स॒धस्थ॒मित्या॑ह ।
Sentence: 10 ए॒भ्यो वा ए॒तं लो॒केभ्यः॑ प्र॒जाप॑तिः॒ सऐ॑रयत् ।
Sentence: 11 रू॒पमे॒वास्यै॒तन्म॑हि॒मानं॒ व्याच॑ष्टे
Sentence: 12 व॒ज्री वा ए॒ष यदश्व॑स् ।
Sentence: 13 दद्भि॑र॒न्यतो॑दद्भ्यो॒ भूयाँ॒ लोम॑भिरुभ॒याद॑द्भ्यस् ।
Sentence: 14 यं द्वि॒ष्यात्तम॑धस्प॒दं ध्या॑येत् ।
Sentence: 15 वज्रे॑णैवैनं स्तृणुते ॥
Paragraph: 3
Verse: 1
Sentence: 1 उत्क्रा॒मोद॑क्रमी॒दिति॒ द्वाभ्या॒मुत्क्र॑मयति
Sentence: 2 प्रति॑ष्ठित्यै ।
Sentence: 3 अनु॑रूपाभ्याम् ।
Sentence: 4 तस्मा॒दनु॑रूपाः प॒शवः॒ प्र जा॑यन्ते ।
Sentence: 5 अ॒प उप॑ सृजति
Sentence: 6 यत्र॒ वा आप॑ उप॒गछ॑न्ति॒ तदोष॑धयः॒ प्रति॑ तिष्ठन्ति ।
Sentence: 7 ओष॑धीः प्रति॒तिष्ठ॑न्तीः प॒शवो ऽनु॒ प्रति॑ तिष्ठन्ति
Sentence: 8 प॒शून्य॒ज्ञस् ।
Sentence: 9 य॒ज्ञं यज॑मानस् ।
Sentence: 10 यज॑मानम्प्र॒जास्
Sentence: 11 तस्मा॑द॒प उप॑ सृजति
Sentence: 12 प्रति॑ष्ठित्यै
Sentence: 13 यद॑ध्व॒र्युर॑न॒ग्नावाहु॑तिं जुहु॒याद॒न्धो॑ ऽध्व॒र्युः ॥
Verse: 2
Sentence: 1 स्या॒द्रक्षां॑सि य॒ज्ञं ह॑न्युस् ।
Sentence: 2 हिर॑ण्यमु॒पास्य॑ जुहोति ।
Sentence: 3 अ॑ग्नि॒वत्ये॒व जु॑होति
Sentence: 4 नान्धो॑ ऽध्व॒र्युर्भव॑ति॒ न य॒ज्ञं रक्षां॑सि घ्नन्ति
Sentence: 5 जिघ॑र्म्य॒ग्निम्मन॑सा घृ॒तेनेत्या॑ह
Sentence: 6 मन॑सा॒ हि पुरु॑षो य॒ज्ञम॑भि॒गछ॑ति
Sentence: 7 प्रति॒क्ष्यन्त॒म्भुव॑नानि॒ विश्वेत्या॑ह
Sentence: 8 सर्वं॒ ह्ये॒ष प्र॒त्यङ्क्षेति
Sentence: 9 पृ॒थुं ति॑र॒श्चा वय॒स बृ॒हन्त॒मित्या॑ह ।
Sentence: 10 अल्पो॒ ह्ये॒ष जा॒तो म॒हान् ॥
Verse: 3
Sentence: 1 भव॑ति
Sentence: 2 व्यचि॑ष्ठ॒मन्नं॑ रभ॒सं विदा॑न॒मित्या॑ह ।
Sentence: 3 अन्न॑मे॒वास्मै॑ स्वदयति
Sentence: 4 सर्व॑मस्मै स्वदते॒ य ए॒वं वेद॑ ।
Sentence: 5 आ त्वा॑ जिघर्मि॒ वच॑सा घृ॒तेनेत्या॑ह
Sentence: 6 तस्मा॒द्यत्पुरु॑षो॒ मन॑साभि॒गछ॑ति॒ तद्वा॒चा व॑दति ।
Sentence: 7 अ॑र॒क्षसेत्या॑ह
Sentence: 8 रक्ष॑सा॒मप॑हत्यै
Sentence: 9 मर्त्य॑श्री स्पृह॒यद्व॑र्णो अ॒ग्निरित्या॑ह ।
Sentence: 10 अप॑चितिमे॒वास्मि॑न्दधाति ।
Sentence: 11 अप॑चितिमान्भवति॒ य ए॒वं ॥
Verse: 4
Sentence: 1 वेद
Sentence: 2 मन॑सा त्वै॒ तामाप्तु॑मर्हति॒ याम॑ध्व॒र्युर॑न॒ग्नावाहु॑तिं जु॒होति
Sentence: 3 मन॑स्वतीभ्यां जुहोति ।
Sentence: 4 आहु॑त्यो॒राप्त्यै
Sentence: 5 द्वाभ्या॑म्
Sentence: 6 प्रति॑ष्ठित्यै
Sentence: 7 यज्ञमु॒खेय॑ज्ञमुखे वै क्रि॒यमा॑णे य॒ज्ञं रक्षां॑सि जिघांसन्ति ।
Sentence: 8 एत॑र्हि॒ खलु॒ वा ए॒तद्य॑ज्ञमु॒खं यर्ह्ये॑न॒दाहु॑तिरश्नु॒ते
Sentence: 9 परि॑ लिखति
Sentence: 10 रक्ष॑सा॒मप॑हत्यै
Sentence: 11 ति॒सृभिः॒ परि॑ लिखति
Sentence: 12 त्रि॒वृद्वा अ॒ग्निस् ।
Sentence: 13 यावा॑ने॒वाग्निस्तस्मा॒द्रक्षां॒स्यप॑ हन्ति ॥
Verse: 5
Sentence: 1 गा॑यत्रि॒या परि॑ लिखति
Sentence: 2 तेजो वै गाय॒त्री
Sentence: 3 तेज॑सैवैन॒म्परि॑ गृह्णाति
Sentence: 4 त्रि॒ष्टुभा॒ परि॑ लिखति ।
Sentence: 5 इ॑न्द्रि॒यं वै त्रि॒ष्टुग्^त्रि॒ष्तुभ्
Sentence: 6 इन्द्रि॒येणैवैन॒म्परि॑ गृह्णाति ।
Sentence: 7 अ॑नु॒ष्टुभा॒ परि॑ लिखति ।
Sentence: 8 अ॑नु॒ष्टुप्सर्वा॑णि॒ छन्दां॑सि परि॒भूः पर्या॑प्त्यै
Sentence: 9 मध्य॒तो॑ ऽनु॒ष्टुभा
Sentence: 10 वाग्वा अनु॒ष्टुप्^नु॒ष्टुभ्
Sentence: 11 तस्मा॑न्मध्य॒तो वा॒चा व॑दामस् ।
Sentence: 12 गा॑यत्रि॒या प्र॑थ॒मया॒ परि॑ लिख॒त्यथा॑नु॒ष्टुभाथ॑ त्रि॒ष्टुभा
Sentence: 13 तेजो वै गाय॒त्री य॒ज्ञो॑ ऽनु॒ष्टुगि॑न्द्रि॒यं त्रि॒ष्टुप्^त्रि॒ष्टुभ्
Sentence: 14 तेज॑सा चै॒वेन्द्रि॒येण॑ चोभ॒यतो॑ य॒ज्ञम्परि॑ गृह्णाति ॥
Paragraph: 4
Verse: 1
Sentence: 1 दे॒वस्य॑ त्वा सवि॒तुः प्र॑स॒व इति॑ खनति॒ प्रसू॑त्या॒ अथो॑ धू॒ममेवै॒तेन॑ जनयति
Sentence: 2 ज्योति॑ष्मन्तं त्वाग्ने सु॒प्रती॑क॒मित्या॑ह॒ ज्योति॑रेवै॒तेन॑ जनयति
Sentence: 3 सो॒ ऽग्निर्जा॒तः प्र॒जाः शु॒चार्प॑य॒त्तं दे॒वा अ॑र्ध॒र्चेना॑शमयन् ।
Sentence: 4 शि॒वम्प्र॒जाभ्यो ऽहिं॑सन्त॒मित्या॑ह प्र॒जाभ्य॑ एवैनं शमयति
Sentence: 5 द्वाभ्यां॑ खनति॒ प्रति॑ष्ठित्यै ।
Sentence: 6 अ॒पाम्पृ॒ष्ठम॒सीति॑ पुष्करप॒र्णमा ॥
Verse: 2
Sentence: 1 ह॑रत्य॒पां वा ए॒तत्पृ॒ष्ठं यत्पु॑ष्करप॒र्णं रू॒पेणैवैन॒दा ह॑रति
Sentence: 2 पुष्करप॒र्णेन॒ सम्भ॑रति॒ योनि॒र्वा अ॒ग्नेः पु॑ष्करप॒र्णं सयो॑निमे॒वाग्निं सम्भ॑रति
Sentence: 3 कृष्णाजि॒नेन॒ सम्भ॑रति य॒ज्ञो वै॑ कृष्णाजि॒नं य॒ज्ञेनै॒व य॒ज्ञं सम्भ॑रति
Sentence: 4 यद्ग्रा॒म्याणा॑म्पशू॒नां चर्म॑णा स॒म्भरे॑द्ग्रा॒म्यान्प॒शूञ्छु॒चार्प॑येत्कृष्णाजि॒नेन॒ सम्भ॑रत्यार॒ण्याने॒व प॒शून् ॥
Verse: 3
Sentence: 1 शु॒चार्प॑यति
Sentence: 2 तस्मा॑त्स॒माव॑त्पशू॒नाम्प्र॒जाय॑मानानामार॒ण्याः प॒शवः॒ कनी॑यांसः शु॒चा ह्यृ॒तास् ।
Sentence: 3 लो॑म॒तः सम्भ॑र॒त्यतो॒ ह्य॑स्य॒ मेध्य॑म् ।
Sentence: 4 कृ॑ष्णाजि॒नं च॑ पुष्करप॒र्णं च॒ सं स्तृ॑णाती॒यं वै॑ कृष्णाजि॒नमसौ पुष्करप॒र्णमा॒भ्यामेवैनम�तः॒ परि॑ गृह्णाति ।
Sentence: 5 अ॒ग्निर्दे॑वेभ्यो॒ निला॑यत॒ तमथ॒र्वान्व॑पश्यत् ।
Sentence: 6 अथ॑र्वा त्वा प्रथ॒मो निर॑मन्थदग्न॒ इति॑ ॥
Verse: 4
Sentence: 1 आ॑ह॒ य एवैनम॒न्वप॑श्य॒त्तेनैवैनं॒ सम्भ॑रति
Sentence: 2 त्वाम॑ग्ने॒ पुष्क॑रा॒दधीत्या॑ह पुष्करप॒र्णे ह्ये॑न॒मुप॑श्रित॒मवि॑न्दत्
Sentence: 3 तमु॑ त्वा द॒ध्यङ्ङृषि॒रित्या॑ह द॒ध्यङ्वा आ॑थर्व॒णस्ते॑ज॒स्व्या॑सी॒त्तेज॑ ए॒वास्मि॑न्दधात�
Sentence: 4 तमु॑ त्वा पा॒थ्यो वृषेत्या॑ह॒ पूर्व॑मे॒वोदि॒तमुत्त॑रेणा॒भि गृ॑णाति ॥
Verse: 5
Sentence: 1 च॑त॒सृभिः॒ सम्भ॑रति च॒त्वारि॒ छन्दां॑सि॒ छन्दो॑भिरे॒व
Sentence: 2 गा॑य॒त्रीभि॑र्ब्राह्म॒णस्य॑ गाय॒त्रो हि ब्रा॑ह्म॒णस्
Sentence: 3 त्रि॒ष्टुग्भी॑ राज॒न्य॑स्य त्रैष्टुभो॒ हि रा॑ज॒न्यो
Sentence: 4 यं का॒मये॑त॒ वसी॑या॒न्त्स्यादित्यु॒भयी॑भि॒स्तस्य॒ सम्भ॑रे॒त्तेज॑श्चै॒वास्मा॑ इन्द्रि॒यं च॑ स॒मीची॑ दधात्य्
Sentence: 5 अष्टा॒भिः सम्भ॑रत्य॒ष्टाक्ष॑रा गाय॒त्री गा॑य॒त्रो॒ ऽग्निर्यावा॑ने॒वाग्निस्तं सम्भ॑रति
Sentence: 6 सीद॑ होत॒रित्या॑ह दे॒वता॑ ए॒वास्मै॒ सं सा॑दयति
Sentence: 7 नि होतेति॑ मनु॒ष्या॒न्त्सं सी॑द॒स्वेति॒ वयां॑सि
Sentence: 8 जनि॑ष्वा॒ हि जेन्यो॒ अग्रे॒ अह्ना॒मित्या॑ह देवमनु॒ष्याने॒वास्मै॒ संस॑न्ना॒न्प्र ज॑नयति ॥
Paragraph: 5
Verse: 1
Sentence: 1 क्रू॒रमि॑व॒ वा अ॑स्या ए॒तत्क॑रोति॒ यत्खन॑ति ।
Sentence: 2 अ॒प उप॑ सृजति ।
Sentence: 3 आपो वै शा॒न्ताः
Sentence: 4 शा॒न्ताभि॑रे॒वास्यै॒ शुचं॑ शमयति
Sentence: 5 सं ते॑ वा॒युर्मा॑त॒रिश्वा॑ दधा॒त्वित्या॑ह
Sentence: 6 प्रा॒णो वै॑ वा॒युः
Sentence: 7 प्रा॒णेनै॒वास्यै॑ प्रा॒णं सं द॑धाति
Sentence: 8 सं ते॑ व॒युरित्या॑ह
Sentence: 9 तस्मा॑द्वा॒युप्र॑च्युता दि॒वो वृष्टि॑रीर्ते
Sentence: 10 तस्मै॑ च देवि॒ वष॑डस्तु ॥
Verse: 2
Sentence: 1 तुभ्य॒मित्या॑ह
Sentence: 2 षड्वा ऋ॒तव॑स् ।
Sentence: 3 ऋ॒तुष्वे॒व वृष्टिं॑ दधाति
Sentence: 4 तस्मा॒त्सर्वा॑नृ॒तून्व॑र्षति
Sentence: 5 यद्व॑षट्कु॒र्याद्रक्षां॑सि य॒ज्ञं ह॑न्युस् ।
Sentence: 6 वडित्या॑ह
Sentence: 7 प॒रोऽक्ष॑मे॒व वष॑ट्करोति
Sentence: 8 नास्य॑ या॒तया॑मा वषट्का॒रो भव॑ति॒ न य॒ज्ञं रक्षां॑सि घनति
Sentence: 9 सुजा॑तो॒ ज्योति॑षा स॒हेत्य॑नु॒ष्टुभोप॑ नह्यति ।
Sentence: 10 अ॑नु॒ष्टुप् ॥
Verse: 3
Sentence: 1 सर्वा॑णि॒ छन्दां॑सि
Sentence: 2 छन्दां॑सि॒ खलु॒ वा अ॒ग्नेः प्रि॒या त॒नूः
Sentence: 3 प्रि॒ययैवैनं त॒नुवा॒ परि॑ दधाति
Sentence: 4 वेदु॑को॒ वासो॑ भवति॒ य ए॒वं वेद॑ वारु॒णो वा अ॒ग्निरुप॑नद्धस् ।
Sentence: 5 उदु॑ तिष्ठ स्वध्वरो॒र्ध्व ऊ॒ षु ण॑ ऊ॒तय॒ इति॑ सावि॒त्रीभ्या॒मुत्ति॑ष्ठति
Sentence: 6 सवि॒तृप्र॑सूत ए॒वास्यो॒र्ध्वां व॑रुण मे॒निमुत्सृ॑जति
Sentence: 7 द्वाभ्या॑म्
Sentence: 8 प्रति॑ष्ठित्यै
Sentence: 9 स जा॒तो गर्भो॑ असि ॥
Verse: 4
Sentence: 1 रोद॑स्यो॒रित्या॑ह ।
Sentence: 2 इ॒मे वै॒ रोद॑सी
Sentence: 3 तयो॑रे॒ष गर्भो॒ यद॒ग्निस्
Sentence: 4 तस्मा॑दे॒वमा॑ह ।
Sentence: 5 अग्ने॒ चारु॒र्विभृ॑त॒ ओष॑धी॒ष्वित्या॑ह
Sentence: 6 य॒दा ह्ये॒तं वि॒भर॒न्त्यथ॒ चारु॑तरो॒ भव॑ति
Sentence: 7 प्र मा॒तृभ्यो॒ अधि॒ कनि॑क्रदद्गा॒ इत्या॑ह ।
Sentence: 8 ओष॑धयो॒ वा अ॑स्य मा॒तर॑स्
Sentence: 9 ताभ्य॑ एवैन॒म्प्र च्या॑वयति
Sentence: 10 स्थि॒रो भ॑व वी॒ड्व॑ङ्ग॒ इति॑ गर्द॒भ आ सा॑दयति ॥
Verse: 5
Sentence: 1 सं न॑ह्यत्येवैनमे॒तया॑ स्थे॒म्ने
Sentence: 2 ग॑र्द॒भेन॒ सम्भ॑रति
Sentence: 3 तस्मा॑द्गर्द॒भः प॑शू॒नाम्भा॑रभा॒रित॑मस् ।
Sentence: 4 ग॑र्द॒भेन॒ सम्भ॑रति
Sentence: 5 तस्मा॑द्गर्द॒भो ऽप्य॑नाले॒शेत्य॒न्यान्प॒शून्मे॑द्यति ।
Sentence: 6 अन्नं॒ ह्ये॑नेना॒र्कं स॒म्भर॑न्ति
Sentence: 7 गर्द॒भेन॒ सम्भ॑रति
Sentence: 8 तस्मा॑द्गर्द॒भो द्वि॒रेताः॒ सन्कनि॑ष्ठम्पशू॒नाम्प्र जा॑यते ।
Sentence: 9 अ॒ग्निर्ह्य॑स्य॒ योनिं॑ नि॒र्दह॑ति
Sentence: 10 प्र॒जासु॒ वा ए॒ष ए॒तर्ह्यारू॑ढः ॥
Verse: 6
Sentence: 1 स ई॑श्व॒रः प्र॒जाः शु॒चा प्र॒दहः
Sentence: 2 शि॒वो भ॑व प्र॒जाभ्य॒ इत्या॑ह
Sentence: 3 प्र॒जाभ्य॑ एवैनं शमयति
Sentence: 4 मानु॑षीभ्य॒स्त्वम॑ङ्गिर॒ इत्या॑ह
Sentence: 5 मान॒व्यो॒ हि प्र॒जास् ।
Sentence: 6 मा द्यावा॑पृथि॒वी अ॒भि शू॑शुचो॒ मान्तरि॑क्ष॒म्मा वन॒स्पती॒नित्या॑ह ।
Sentence: 7 ए॒भ्य एवैनं लो॒केभ्यः॑ शमयति
Sentence: 8 प्रैतु वा॒जी कनि॑क्रद॒दित्या॑ह
Sentence: 9 वा॒जी ह्य्े॒ष^ ए॒षस्
Sentence: 10 नान॑द॒द्रास॑भः॒ पत्वेति॑ ॥
Verse: 7
Sentence: 1 आ॑ह
Sentence: 2 रास॑भ॒ इति॒ ह्ये॒तमॄष॒यो ऽव॑दन्
Sentence: 3 भर॑न्न॒ग्निम्पु॑री॒ष्य॒मित्या॑ह ।
Sentence: 4 अ॒ग्निं ह्ये॒ष भर॑ति
Sentence: 5 मा पा॒द्यायु॑षः पु॒रेत्या॑ह ।
Sentence: 6 आयु॑रे॒वास्मि॑न्दधाति
Sentence: 7 तस्मा॑द्गर्द॒भः सर्व॒मायु॑रेति
Sentence: 8 तस्मा॑द्गर्द॒भे पु॒रायु॑षः॒ प्रमी॑ते बिभ्यति
Sentence: 9 वृषा॒ग्निं वृष॑ण॒म्भर॒न्नित्या॑ह
Sentence: 10 वृषा॑ ह्य्े॒ष^ ए॒षस्
Sentence: 11 वृषा॒ग्निस् ।
Sentence: 12 अ॒पां गर्भ॑म् ॥
Verse: 8
Sentence: 1 स॑मु॒द्रिय॒मित्या॑ह ।
Sentence: 2 अ॒पां ह्ये॒ष गर्भो॒ यद॒ग्निस् ।
Sentence: 3 अग्न॒ आ या॑हि वी॒तय॒ इति॒ वा इमौ लोकौ व्ऐताम्
Sentence: 4 अग्न॒ आ या॑हि वी॒तय॒ इति॒ यदाह॑ ।
Sentence: 5 अ॒नयो॑र्लो॒कयो॒र्वीत्यै
Sentence: 6 प्रच्यु॑तो॒ वा ए॒ष आ॒यत॑ना॒दग॑तः प्रति॒ष्ठाम् ।
Sentence: 7 स ए॒तर्ह्य॑ध्व॒र्युं च॒ यज॑मानं च ध्यायति ।
Sentence: 8 ऋ॒तं स॒त्यमित्या॑ह ।
Sentence: 9 इ॒यं वा ऋ॒तमसौ ॥
Verse: 9
Sentence: 1 स॒त्यम्
Sentence: 2 अ॒नयो॑रेवैन॒म्प्रति॑ ष्ठापयति॒ नार्ति॒मार्छ॑त्यध्व॒र्युर्न यज॑मानस् ।
Sentence: 3 वरु॑णो॒ वा ए॒ष यज॑मानमभ्ऐति॒ यद॒ग्निरुप॑नद्धस् ।
Sentence: 4 ओष॑धयः॒ प्रति॑ गृह्णीता॒ग्निमे॒तमित्या॑ह
Sentence: 5 शान्त्यै
Sentence: 6 व्यस्य॒न्विश्वा॒ अम॑ती॒ररा॑ती॒रित्या॑ह
Sentence: 7 रक्ष॑सा॒मप॑हत्यै
Sentence: 8 नि॒षीद॑न्नो॒ अप॑ दुर्म॒तिं ह॑न॒दित्या॑ह
Sentence: 9 प्रति॑ष्ठित्यै ।
Sentence: 10 ओष॑धयः॒ प्रति॑ मोदध्वम् ॥
Verse: 10
Sentence: 1 ए॑न॒मित्या॑ह ।
Sentence: 2 ओष॑धयो॒ वा अ॒ग्नेर्भा॑ग॒धेय॑म् ।
Sentence: 3 ताभि॑रेवैनं॒ सम॑र्धयति
Sentence: 4 पुष्पा॑वतीः सुपिप्पला॒ इत्या॑ह
Sentence: 5 तस्मा॒दोष॑धयः॒ पलं॑ गृह्णन्ति ।
Sentence: 6 अ॒यं वो॒ गर्भ॑ ऋ॒त्वियः॑ प्र॒त्नं स॒धस्थ॒मास॑द॒दित्या॑ह
Sentence: 7 याभ्य॑ एवैनम्प्रच्या॒वय॑ति॒ तास्वेवैन॒म्प्रति॑ ष्ठापयति
Sentence: 8 द्वाभ्या॑मु॒पाव॑हरति
Sentence: 9 प्रति॑ष्ठित्यै ॥
Paragraph: 6
Verse: 1
Sentence: 1 वा॑रु॒णो वा अ॒ग्निरुप॑नद्धस् ।
Sentence: 2 वि पाज॒सेति॒ वि स्रं॑सयति
Sentence: 3 सवि॒तृप्र॑सूत ए॒वास्य॒ विषू॑चीं वरुणमे॒निं वि सृ॑जति ।
Sentence: 4 अ॒प उप॑ सृजति ।
Sentence: 5 आपो वै शा॒न्ताः
Sentence: 6 शा॒न्ताभि॑रे॒वास्य॒ शुचं॑ शमयति
Sentence: 7 ति॒सृभि॒रुप॑ सृजति
Sentence: 8 त्रि॒वृद्वा अ॒ग्निस् ।
Sentence: 9 यावा॑ने॒वाग्निस्तस्य॒ शुचं॑ शमयति
Sentence: 10 मि॒त्रः सं॒सृज्य॑ पृथि॒वीमित्या॑ह
Sentence: 11 मि॒त्रो वै॑ शि॒वो दे॒वाना॑म् ।
Sentence: 12 तेनै॒व ॥
Verse: 2
Sentence: 1 ए॑नं॒ सं सृ॑जति
Sentence: 2 शान्त्यै
Sentence: 3 यद्ग्रा॒म्याणा॒म्पात्रा॑णां क॒पालैः॑ संसृ॒जेद्ग्रा॒म्याणि॒ पात्रा॑णि शु॒चार्प॑येत् ।
Sentence: 4 अ॑र्मकपालैः॒ सं सृ॑जति ।
Sentence: 5 ए॒तानि वाअनुपजीवनी॒यानि
Sentence: 6 तान्ये॒व शु॒चार्प॑यति
Sentence: 7 शर्क॑राभिः॒ सं सृ॑जति
Sentence: 8 धृत्यै॑ ।
Sentence: 9 अथो॑ शं॒त्वाय॑ ।
Sentence: 10 अ॑जलोमैः॒ सं सृ॑जति ।
Sentence: 11 ए॒षा वा अ॒ग्नेः प्रि॒या त॒नूर्यद॒जा
Sentence: 12 प्रि॒ययैवैनं त॒नुवा॒ सं सृ॑ज॒त्यथो॒ तेज॑सा
Sentence: 13 कृष्णाजि॒नस्य॒ लोम॑भिः॒ सम् ॥
Verse: 3
Sentence: 1 सृ॑जति
Sentence: 2 य॒ज्ञो वै॑ कृष्णाजि॒नम् ।
Sentence: 3 य॒ज्ञेनै॒व य॒ज्ञं सं सृ॑जति
Sentence: 4 रु॒द्राः स॒म्भृत्य॑ पृथि॒वीमित्या॑ह ।
Sentence: 5 ए॒ता वा ए॒तं दे॒वता॒ अग्रे॒ सम॑भरन्
Sentence: 6 ताभि॑रेवैनं॒ सम्भ॑रति
Sentence: 7 म॒खस्य॒ शिरो॒ ऽसीत्या॑ह
Sentence: 8 य॒ज्ञो वै॑ म॒खस
Sentence: 9 तस्यै॒तच्छिरो॒ यदु॒खा
Sentence: 10 तस्मा॑दे॒वमा॑ह
Sentence: 11 य॒ज्ञस्य॑ प॒दे स्थ॒ इत्या॑ह
Sentence: 12 य॒ज्ञस्य॒ ह्ये॒ते ॥
Verse: 4
Sentence: 1 प॒दे
Sentence: 2 अथो॒ प्रति॑ष्ठित्यै
Sentence: 3 प्रान्याभि॒र्यछ॒त्यन्वन्यैर्मन्त्रयते
Sentence: 4 मिथुन॒त्वाय
Sentence: 5 त्र्यु॑द्धिं करोति॒ त्रय॑ इ॒मे लो॒का ए॒षां लो॒काना॒माप्त्यै
Sentence: 6 छन्दो॑भिः करोति
Sentence: 7 वी॒र्यं वै॒ छन्दां॑सि
Sentence: 8 वी॒र्ये॑णैवैनां करोति
Sentence: 9 यजु॑षा॒ बिलं॑ करोति
Sentence: 10 व्यावृ॑त्त्यै ।
Sentence: 11 इय॑तीं करोति
Sentence: 12 प्र॒जाप॑तिना यज्ञमु॒खेन॒ सम्मि॑ताम् ।
Sentence: 13 द्वि॑स्त॒नां क॑रोति
Sentence: 14 द्यावा॑पृथि॒व्योर्दोहा॑य
Sentence: 15 चतु॑स्तनां करोति
Sentence: 16 पशू॒नां दोहा॑य ।
Sentence: 17 अ॒ष्टास्त॑नां करोति
Sentence: 18 छन्द॑सां॒ दोहा॑य
Sentence: 19 नवा॑श्रिमभि॒चर॑तः कुर्यात्
Sentence: 20 त्रि॒वृत॑मे॒व वज्रं॑ स॒म्भृत्य॒ भ्रातृ॑व्याय॒ प्र ह॑रति
Sentence: 21 स्तृत्यै
Sentence: 22 कृ॒त्वाय॒ स म॒हीमु॒खामिति॒ नि द॑धाति
Sentence: 23 दे॒वता॑स्वेवैना॒म्प्रति॑ ष्ठापयति ॥
Paragraph: 7
Verse: 1
Sentence: 1 स॒प्तभि॑र्धूपयति
Sentence: 2 स॒प्त वै॑ शीर्ष॒ण्याः॑ प्रा॒णाः
Sentence: 3 शिर॑ ए॒तद्य॒ज्ञस्य॒ यदु॒खा
Sentence: 4 शी॒र्षन्ने॒व य॒ज्ञस्य॑ प्रा॒णान्द॑धाति
Sentence: 5 तस्मा॑त्स॒प्त शी॒र्षन्प्रा॒णास् ।
Sentence: 6 अ॑श्वश॒केन॑ धूपयति
Sentence: 7 प्राजाप॒त्यो वा अश्वः
Sentence: 8 सयोनि॒त्वाय॑ ।
Sentence: 9 अदि॑ति॒स्त्वेत्या॑ह ।
Sentence: 10 इ॒यं वा अदि॑तिस् ।
Sentence: 11 अदि॑त्यै॒वादि॑त्यां खनत्य॒स्या अक्रू॑रङ्काराय
Sentence: 12 न हि स्वः स्वं हि॒नस्ति
Sentence: 13 दे॒वानां॑ त्वा॒ पत्नी॒रित्या॑ह
Sentence: 14 दे॒वाना॑म् ॥
Verse: 2
Sentence: 1 वा ए॒ताम्पत्न॒यो ऽग्रे॑ ऽकुर्वन्
Sentence: 2 ताभि॑रेवैनां दधाति
Sentence: 3 धि॒षणा॒स्त्वेत्या॑ह
Sentence: 4 वि॒द्या वै॑ धि॒षणा॑स् ।
Sentence: 5 वि॒द्याभि॑रेवैनाम॒भीन्द्धे
Sentence: 6 ग्नास्त्वेत्या॑ह
Sentence: 7 छन्दां॑सि वै॒ ग्नास् ।
Sentence: 8 छन्दो॑भिरेवैनां श्रपयति
Sentence: 9 वरू॑त्रय॒स्त्त्वेत्या॑ह
Sentence: 10 होत्रा वै॒ वरू॑त्रयस् ।
Sentence: 11 होत्रा॑भिरेवैनाम्पचति
Sentence: 12 जन॑य॒स्त्वेत्या॑ह
Sentence: 13 दे॒वानां वै॒ पत्नीः॑ ॥
Verse: 3
Sentence: 1 जन॑यस्
Sentence: 2 ताभि॑रेवैनाम्पचति
Sentence: 3 ष॒ड्भिः प॑चति
Sentence: 4 षड्वा ऋ॑तवस् ।
Sentence: 5 ऋ॒तुभि॑रेवैनाम्पचति
Sentence: 6 द्विः पच॒न्त्वित्या॑ह
Sentence: 7 तस्मा॒द्द्विः सं॑वत्स॒रस्य॑ स॒स्यम्प॑च्यते
Sentence: 8 वारु॒ण्यु॒खाभीद्धा
Sentence: 9 मै॒त्रियोपै॑ति
Sentence: 10 शान्त्यै
Sentence: 11 दे॒वस्त्वा॑ सवि॒तोद्व॑प॒त्वित्या॑ह
Sentence: 12 सवि॒तृप्र॑सूत एवैना॒म्ब्रह्म॑णा दे॒वता॑भि॒रुद्व॑पति ।
Sentence: 13 अप॑द्यमाना पृथि॒व्याशा॒ दिश॒ आ पृ॑ण ॥
Verse: 4
Sentence: 1 इत्या॑ह
Sentence: 2 तस्मा॑द॒ग्निः सर्वा॒ दिशो ऽनु॒ वि भा॑ति ।
Sentence: 3 उत्ति॑ष्ठ बृह॒ती भ॑वो॒र्ध्वा ति॑ष्ठ ध्रु॒वा त्वमित्या॑ह
Sentence: 4 प्रति॑ष्ठित्यै ।
Sentence: 5 अ॑सु॒र्य॒म्पात्र॒मना॑छृण्णम्
Sentence: 6 आ छृ॑णत्ति देव॒त्राक॑र्
Sentence: 7 अजक्षी॒रेणा छृ॑णत्ति
Sentence: 8 पर॒मं वा ए॒तत्पयो॒ यद॑जक्षी॒रम्
Sentence: 9 पर॒मेणैवैन॒म्पय॒सा छृ॑णत्ति
Sentence: 10 यजु॑षा
Sentence: 11 व्यावृ॑त्त्यै
Sentence: 12 छन्दो॑भि॒रा छृ॑णत्ति
Sentence: 13 छन्दो॑भि॒र्वा ए॒षा क्रि॑यते
Sentence: 14 छन्दो॑भिरे॒व छन्दां॒स्या छृ॑णत्ति ॥
Paragraph: 8
Verse: 1
Sentence: 1 एक॑विंशत्या॒ माषैः॑ पुरुषशी॒र्षमछै॑ति ।
Sentence: 2 अ॑मे॒ध्या वै॒ माषा॑ अमे॒ध्यम्पु॑रुषशी॒र्षम्
Sentence: 3 अमेध्यैरे॒वास्या॑मे॒ध्यं नि॑रव॒दाय॒ मेध्यं॑ कृ॒त्वा ह॑रति ।
Sentence: 4 एक॑विंशतिर्भवन्ति ।
Sentence: 5 ए॑कविं॒शो वै॒ पुरु॑षः
Sentence: 6 पुरु॑ष॒स्याप्त्यै
Sentence: 7 व्यृ॑द्धं॒ वा ए॒तत्प्राणैरमे॒ध्यं यत्पु॑रुषशी॒र्षम् ।
Sentence: 8 स॑प्त॒धा वितृ॑ण्णां वल्मीकव॒पाम्प्रति॒ नि द॑धाति
Sentence: 9 स॒प्त वै॑ शीर्ष॒ण्याः॑ प्रा॒णाः
Sentence: 10 प्राणैरेवैन॒त्सम॑र्धयति
Sentence: 11 मेध्य॒त्वाय
Sentence: 12 याव॑न्तः ॥
Verse: 2
Sentence: 1 वै॑ मृ॒त्युब॑न्धव॒स्तेषां॑ य॒म आधि॑पत्य॒म्परी॑याय
Sentence: 2 यमगा॒थाभिः॒ परि॑ गायति
Sentence: 3 य॒मादेवैनद्वृङ्क्ते
Sentence: 4 ति॒सृभिः॒ परि॑ गायति
Sentence: 5 त्रय॑ इ॒मे लो॒कास् ।
Sentence: 6 ए॒भ्य एवैनल्लो॒केभ्यो॑ वृङ्क्ते
Sentence: 7 तस्मा॒द्गाय॑ते॒ न देय॑म् ।
Sentence: 8 गाथा॒ हि तद्वृ॒ङ्क्ते ।
Sentence: 9 अ॒ग्निभ्यः॑ प॒शूना ल॑भते
Sentence: 10 कामा॒ वा अ॒ग्नयः
Sentence: 11 कामा॑ने॒वाव॑ रुन्द्धे
Sentence: 12 यत्प॒शून्नालभे॒तान॑वरुद्धा अस्य ॥
Verse: 3
Sentence: 1 प॒शवः॑ स्युस् ।
Sentence: 2 यत्पर्य॑ग्निकृतानुत्सृ॒जेद्य॑ज्ञवेश॒सं कु॑र्यात् ।
Sentence: 3 यत्सं॑स्था॒पये॑द्या॒तया॑मानि शी॒र्षाणि॑ स्युस् ।
Sentence: 4 यत्प॒शूना॒लभ॑ते॒ तेनै॒व प॒शूनव॑ रुन्द्धे
Sentence: 5 यत्पर्य॑ग्निकृतानुत्सृ॒जति॑ शी॒र्ष्णामया॑तयामत्वाय
Sentence: 6 प्राजाप॒त्येन॒ सं स्था॑पयति य॒ज्ञो वै॑ प्र॒जाप॑तिर्य॒ज्ञ ए॒व य॒ज्ञम्प्रति॑ ष्ठापयति
Sentence: 7 प्र॒जाप॑तिः प्र॒जा अ॑सृजत
Sentence: 8 स रि॑रिचा॒नो॑ ऽमन्यत
Sentence: 9 स ए॑ता आ॒प्रीर॑पश्यत्
Sentence: 10 ताभिर्वै॒ स मु॑ख॒तः ॥
Verse: 4
Sentence: 1 आ॒त्मान॒माप्री॑णीत
Sentence: 2 यदे॒ता आ॒प्रियो॒ भव॑न्ति
Sentence: 3 य॒ज्ञो वै॑ प्र॒जाप॑तिस् ।
Sentence: 4 य॒ज्ञमेवै॒ताभि॑र्मुख॒त आ प्री॑णाति ।
Sentence: 5 अप॑रिमितछन्दसो भवन्ति ।
Sentence: 6 अप॑रिमितः प्र॒जाप॑तिः
Sentence: 7 प्र॒जाप॑ते॒राप्त्यै॑ ।
Sentence: 8 ऊ॑नातिरि॒क्ता मि॑थु॒नाः
Sentence: 9 प्रजा॑त्यै
Sentence: 10 लोम॒शं वै॒ नामै॒तच्छन्दः॑ प्र॒जाप॑तेः
Sentence: 11 प॒शवो॑ लोम॒शाः
Sentence: 12 प॒शूने॒वाव॑ रुन्द्धे
Sentence: 13 सर्वा॑णि॒ वा ए॒ता रू॒पाणि
Sentence: 14 सर्वा॑णि रू॒पाण्यग्नौ॒ चित्ये॑ क्रियन्ते
Sentence: 15 तस्मा॑दे॒ता अ॒ग्नेश्चित्य॑स्य ॥
Verse: 5
Sentence: 1 भ॑वन्ति ।
Sentence: 2 एक॑विंशतिं सामिधे॒नीरन्वा॑ह
Sentence: 3 रुग्वा ए॑कविं॒शो रुच॑मे॒व ग॑छति ।
Sentence: 4 अथो॑ प्रति॒ष्ठामे॒व प्र॑ति॒ष्ठा ह्ये॑कविं॒शस् ।
Sentence: 5 चतु॑र्विंशति॒मन्वा॑ह
Sentence: 6 चतु॑र्विंशतिरर्धमा॒साः सं॑वत्स॒रः
Sentence: 7 सं॑वत्स॒रो॒ ऽग्निर्वै॑श्वान॒रः
Sentence: 8 सा॒क्षादे॒व वै॑श्वान॒रमव॑ रुन्द्धे
Sentence: 9 परा॑ची॒रन्वा॑ह
Sentence: 10 परा॑ङिव॒ हि सु॑व॒र्गो लो॒कः
Sentence: 11 समा॑स्त्वाग्न ऋ॒तवो॑ वर्धय॒न्त्वित्या॑ह
Sentence: 12 समा॑भिरे॒वाग्निं व॑र्धयति ॥
Verse: 6
Sentence: 1 ऋ॒तुभिः॑ संवत्स॒रम् ।
Sentence: 2 विश्वा॒ आ भा॑हि प्र॒दिशः॑ पृथि॒व्या इत्या॑ह
Sentence: 3 तस्मा॑द॒ग्निः सर्वा॒ दिशो ऽनु॒ वि भा॑ति
Sentence: 4 प्रत्औ॑हताम॒श्विना॑ मृ॒त्युम॑स्मा॒दित्या॑ह
Sentence: 5 मृ॒त्युमे॒वास्मा॒दप॑ नुदति ।
Sentence: 6 उद्व॒यं तम॑स॒स्परीत्या॑ह
Sentence: 7 पा॒प्मा वै॒ तमः
Sentence: 8 पा॒प्मान॑मे॒वास्मा॒दप॑ हन्ति ।
Sentence: 9 अग॑न्म॒ ज्योति॑रुत्त॒ममित्या॑ह ।
Sentence: 10 असौ॒ वा आ॑दि॒त्यो ज्योति॑रुत्त॒मम्
Sentence: 11 आदि॒त्यस्यै॒व सायु॑ज्यं गछति
Sentence: 12 न सं॑वत्स॒रस्ति॑ष्ठति॒ नास्य॒ श्रीस्ति॑ष्ठति॒ यस्यै॒ताः क्रि॒यन्ते
Sentence: 13 ज्योति॑ष्मतीमुत्त॒मामन्वा॑ह
Sentence: 14 ज्योति॑रे॒वास्मा॑ उ॒परि॑ष्टाद्दधाति
Sentence: 15 सुव॒र्गस्य॑ लो॒कस्यानु॑ख्यात्यै ॥
Paragraph: 9
Verse: 1
Sentence: 1 ष॒ड्भिर्दी॑क्षयति
Sentence: 2 षड्वा ऋ॒तव॑स् ।
Sentence: 3 ऋ॒तुभि॑रेवैनं दीक्षयति
Sentence: 4 स॒प्तभि॑र्दीक्षयति
Sentence: 5 स॒प्त छन्दां॑सि
Sentence: 6 छन्दो॑भिरेवैनं दीक्षयति
Sentence: 7 विश्वे॑ दे॒वस्य॑ ने॒तुरित्य॑नु॒ष्टुभो॑त्त॒मया॑ जुहोति
Sentence: 8 वाग्वा अनु॒ष्टुप्^नु॒ष्टुभ्
Sentence: 9 तस्मा॑त्प्रा॒णानां॒ वागु॑त्त॒मा ।
Sentence: 10 एक॑स्माद॒क्षरा॒दना॑प्तम्प्रथ॒मम्प॒दम् ।
Sentence: 11 तस्मा॒द्यद्वा॒चो ऽना॑प्तं॒ तन्म॑नु॒ष्या॒ उप॑ जीवन्ति
Sentence: 12 पू॒र्णया॑ जुहोति
Sentence: 13 पू॒र्ण इ॑व॒ हि प्र॒जाप॑तिः ॥
Verse: 2
Sentence: 1 प्र॒जाप॑ते॒राप॑त्यै
Sentence: 2 न्यू॑नया जुहोति
Sentence: 3 न्यू॑ना॒द्धि प्र॒जाप॑तिः प्र॒जा असृ॑जत
Sentence: 4 प्र॒जानां॒ सृष्ट्यै
Sentence: 5 यद॒र्चिषि॑ प्रवृ॒ञ्ज्याद्भू॒तमव॑ रुन्धीत
Sentence: 6 यदङ्गा॑रेषु भवि॒ष्यत् ।
Sentence: 7 अङ्गा॑रेषु॒ प्र वृ॑णक्ति
Sentence: 8 भवि॒ष्यदे॒वाव॑ रुन्द्धे
Sentence: 9 भवि॒ष्यद्धि भूयो॑ भू॒तात् ।
Sentence: 10 द्वाभ्या॒म्प्र वृ॑णक्ति
Sentence: 11 द्वि॒पाद्यज॑मानः
Sentence: 12 प्रति॑ष्ठित्यै
Sentence: 13 ब्रह्म॑णा॒ वा ए॒षा यजु॑षा॒ सम्भृ॑ता॒ यदु॒खा
Sentence: 14 सा यद्भिद्ये॒तार्ति॒मार्छे॑त् ॥
Verse: 3
Sentence: 1 यज॑मानो ह॒न्येता॑स्य य॒ज्ञस् ।
Sentence: 2 मित्रै॒तामु॒खां त॒पेत्या॑ह
Sentence: 3 ब्रह्म वै मि॒त्रस् ।
Sentence: 4 ब्रह्म॑न्नेवैना॒म्प्रति॑ ष्ठापयति
Sentence: 5 नार्ति॒मार्छ॑ति॒ यज॑मानो॒ नास्य॑ य॒ज्ञो ह॑न्यते
Sentence: 6 यदि॒ भिद्ये॑त तैरे॒व क॒पालैः॒ सं सृ॑जेत्
Sentence: 7 सै॒व ततः॒ प्राय॑श्चित्तिस् ।
Sentence: 8 यो ग॒तश्रीः॒ स्यान्म॑थि॒त्वा तस्याव॑ दध्यात् ।
Sentence: 9 भू॒तो वा ए॒ष^ ए॒षस्
Sentence: 10 स स्वां ॥
Verse: 4
Sentence: 1 दे॒वता॒मुपै॑ति॒ यो भूति॑कामः॒ स्यात् ।
Sentence: 2 य उ॒खायै॑ स॒म्भवे॒त्स ए॒व तस्य॑ स्यात् ।
Sentence: 3 अतो॒ ह्ये॒ष स॒म्भव॑ति ।
Sentence: 4 ए॒ष वै॑ स्वय॒म्भूर्नाम
Sentence: 5 भव॑त्ये॒व
Sentence: 6 यं का॒मये॑त
Sentence: 7 भ्रातृ॑व्यमस्मै जनयेय॒मित्य॒न्यत॒स्तस्या॒हृत्याव॑ दध्यात्
Sentence: 8 सा॒क्षादे॒वास्मै॒ भ्रातृ॑व्यं जनयति ।
Sentence: 9 अ॑म्ब॒रीषा॒दन्न॑काम॒स्याव॑ दध्यात् ।
Sentence: 10 अ॑म्ब॒रीषे॒ वा अन्न॑म्भ्रियते
Sentence: 11 सयो॑न्ये॒वान्न॑म् ॥
Verse: 5
Sentence: 1 अव॑ रुन्द्धे
Sentence: 2 मुञ्जा॒नव॑ दधाति ।
Sentence: 3 ऊर्ग्वै॒ मुञ्जा॑स् ।
Sentence: 4 ऊर्ज॑मे॒वास्मा॒ अपि॑ दधाति ।
Sentence: 5 अ॒ग्निर्दे॒वेभ्यो॒ निला॑यत
Sentence: 6 स क्रु॑मु॒कम्प्रावि॑शत्
Sentence: 7 क्रुमु॒कमव॑ दधाति
Sentence: 8 यदे॒वास्य॒ तत्र॒ न्य॑क्तं॒ तदे॒वाव॑ रुन्द्धे ।
Sentence: 9 आज्ये॑न॒ सं यौ॑ति ।
Sentence: 10 ए॒तद्वा अ॒ग्नेः प्रि॒यं धाम॒ यदाज्य॑म्
Sentence: 11 प्रि॒येणैवैनं॒ धाम्ना॒ सम॑र्धय॒त्यथो॒ तेज॑सा ॥
Verse: 6
Sentence: 1 वै॑कङ्करी॒मा द॑धाति
Sentence: 2 भा ए॒वाव॑ रुन्द्धे
Sentence: 3 शमी॒मयी॒मा द॑धाति
Sentence: 4 शान्त्यै
Sentence: 5 सीद॒ त्वम्मा॒तुर॒स्या उ॒पस्थ॒ इति॑ ति॒सृभि॑र्जा॒तमुप॑ तिष्ठते
Sentence: 6 त्रय॑ इ॒मे लो॒कास् ।
Sentence: 7 ए॒ष्वे॒व लो॒केष्वा॒विदं॑ गछति ।
Sentence: 8 अथो॑ प्रा॒णाने॒वात्मन्ध॑त्ते ॥
Paragraph: 10
Verse: 1
Sentence: 1 न ह॑ स्म वै पु॒राग्निरप॑रशुवृक्णं दहति
Sentence: 2 तद॑स्मै प्रयो॒ग ए॒वर्षि॑रस्वदयत् ।
Sentence: 3 यद॑ग्ने॒ यानि॒ कानि॒ चेति॑ स॒मिध॒मा द॑धाति ।
Sentence: 4 अप॑रशुवृक्णमे॒वास्मै॑ स्वदयति
Sentence: 5 सर्व॑मस्मै स्वदते॒ य ए॒वं वेद॑ ।
Sentence: 6 अौ॑दुम्बरी॒मा द॑धाति ।
Sentence: 7 ऊर्ग्वा उ॑दु॒म्बर॑स् ।
Sentence: 8 ऊर्ज॑मे॒वास्मा॒ अपि॑ दधाति
Sentence: 9 प्र॒जाप॑तिर॒ग्निम॑सृजत
Sentence: 10 तं सृ॒ष्टं रक्षां॑सि ॥
Verse: 2
Sentence: 1 अ॑जिघांसन् ।
Sentence: 2 स ए॒तद्रा॑क्षो॒घ्नम॑पश्यत्
Sentence: 3 तेन वै॒ स रक्षां॒स्यपा॑हत
Sentence: 4 यद्रा॑क्षो॒घ्नम्भव॑त्य॒ग्नेरे॒व तेन॑ जा॒ताद्रक्षां॒स्यप॑ हन्ति ।
Sentence: 5 आश्व॑त्थी॒मा द॑धाति ।
Sentence: 6 अ॑श्व॒त्थो वै॒ वन॒स्पती॑नां सपत्नसा॒हो विजि॑त्यै
Sentence: 7 वैकङ्कती॒मा द॑धाति
Sentence: 8 भा ए॒वाव॑ रुन्द्धे
Sentence: 9 शमी॒मयी॒मा द॑धाति
Sentence: 10 शान्त्यै
Sentence: 11 संशि॑तम्मे॒ ब्रह्मोदे॑षाम्बा॒हू अ॑तिर॒मित्यु॑त्त॒मे औ॑दुम्बरी ॥
Verse: 3
Sentence: 1 वा॑चयति
Sentence: 2 ब्रह्म॑णै॒व क्ष॒त्रं सं श॑यति क्ष॒त्रेण॒ ब्रह्म
Sentence: 3 तस्मा॑द्ब्राह्म॒णो रा॑ज॒न्य॑वा॒नत्य॒न्यम्ब्रा॑ह्म॒णं तस्मा॑द्राज॒न्यो॑ ब्राह्म॒णवा॒नत्य॒न्यं रा॑ज॒न्य॑म्
Sentence: 4 मृ॒त्युर्वा ए॒ष यद॒ग्निस् ।
Sentence: 5 अ॒मृतं॒ हिर॑ण्यम् ।
Sentence: 6 रु॒क्ममन्त॑र॒म्प्रति॑ मुञ्चते ।
Sentence: 7 अ॒मृत॑मे॒व मृ॒त्योर॒न्तर्ध॑त्ते ।
Sentence: 8 एक॑विंशतिनिर्बाधो भवति ।
Sentence: 9 एक॑विंशतिर्वै देवलो॒का द्वाद॑श॒ मासाः॒ पञ्च॒र्तव॒स्त्रय॑ इ॒मे लो॒का अ॒सावा॑दि॒त्यः ॥
Verse: 4
Sentence: 1 ए॑कविं॒श ए॒ताव॑न्तो वै देवलो॒कास्
Sentence: 2 तेभ्य॑ ए॒व भ्रातृ॑व्यम॒न्तरे॑ति
Sentence: 3 निर्बाधैर्वै दे॒वा असु॑रान्निर्बा॒धे॑ ऽकुर्वत
Sentence: 4 तन्नि॑र्बा॒धानां॑ निर्बाध॒त्वम् ।
Sentence: 5 नि॑र्बा॒धी भ॑वति
Sentence: 6 भ्रातृ॑व्याने॒व नि॑र्बा॒धे कु॑रुते
Sentence: 7 सावित्रि॒या प्रति॑ मुञ्चते
Sentence: 8 प्रसू॑त्यै
Sentence: 9 नक्तो॒षासेत्युत्त॑रया ।
Sentence: 10 अ॑होरा॒त्राभ्या॑मेवैन॒मुद्य॑छते
Sentence: 11 दे॒वा अ॒ग्निं धा॑रयन्द्रविणो॒दा इत्या॑ह
Sentence: 12 प्रा॒णा वै॑ दे॒वा द्र॑विणो॒दास् ।
Sentence: 13 अ॑होरा॒त्राभ्या॑मेवैनमु॒द्यत्य॑ ॥
Verse: 5
Sentence: 1 प्राणैर्दाधार ।
Sentence: 2 आसी॑नः॒ प्रति॑ मुञ्चते
Sentence: 3 तस्मा॒दासी॑नाः प्र॒जाः प्र जा॑यन्ते
Sentence: 4 कृष्णाजि॒नमुत्त॑रम् ।
Sentence: 5 तेजो वै॒ हिर॑ण्य॒म्ब्रह्म॑ कृष्णाजि॒नम् ।
Sentence: 6 तेज॑सा चैवैन॒म्ब्रह्म॑णा चोभ॒यतः॒ परि॑ गृह्णाति
Sentence: 7 षडु॑द्यामं शि॒क्य॑म्भवति
Sentence: 8 षड्वा ऋ॒तव॑स् ।
Sentence: 9 ऋ॑तुभिरेवैन॒मुद्य॑छते
Sentence: 10 यद्द्वाद॑शोद्यामं संवत्स॒रेणै॒व
Sentence: 11 मौ॒ञ्जम्भ॑वति ।
Sentence: 12 ऊर्ग्वै॒ मुञ्जा॑स् ।
Sentence: 13 ऊर्जैवैनं॒ सम॑र्धयति
Sentence: 14 सुप॒र्णो॑ ऽसि ग॒रुत्मा॒नित्यवे॑क्षते
Sentence: 15 रू॒पमे॒वास्यै॒तन्म॑हि॒मानं॒ व्याच॑ष्टे
Sentence: 16 दिवं॑ गछ॒ सुवः॑ प॒तेत्या॑ह
Sentence: 17 सुव॒र्गमेवैनं लो॒कं ग॑मयति ॥
Paragraph: 11
Verse: 1
Sentence: 1=a समि॑द्धो अ॒ञ्जन्कृद॑रम्मती॒नां घृ॒तम॑ग्ने॒ मधु॑म॒त्पिन्व॑मानः । वा॒जी वह॑न्वा॒जिनं॑ जातवेदो दे॒वानां॑ वक्षि पि॒र्यमा स॒धस्थ॑म् ॥
Sentence: 2=b घृ॒तेना॒ञ्जन्त्सम्प॒थो दे॑व॒याना॑न्प्रजा॒नन्वा॒ज्यप्ये॑तु दे॒वान् । अनु॑ त्वा सप्ते प्र॒दिशः॑ सचन्तां स्व॒धामस्मै॒ यज॑मानाय धेहि ॥
Sentence: 3=c ईड्य॒श्चासि॒ वन्द्य॑श्च वाजिन्ना॒शुश्चासि॒ मेध्य॑श्च सप्ते । अ॒ग्निष्ट्वा॑ ॥
Verse: 2
Sentence: 1 देवै॒र्वसु॑भिः स॒जोषाः॑ प्री॒तं वह्निं॑ वहतु जा॒तवे॑दाः ॥
Sentence: 2=d स्ती॒र्णम्ब॒र्हिः सु॒ष्टरी॑मा जुषा॒णोरु पृ॒थु प्रथ॑मानम्पृथि॒व्याम् । दे॒वेभि॑र्यु॒क्तमदि॑तिः स॒जोषाः॑ स्यो॒नं कृ॑ण्वा॒ना सु॑वि॒ते द॑धातु ॥
Sentence: 3=e ए॒ता उ॑ वः सु॒भगा॑ वि॒श्वरू॑पा॒ वि पक्षो॑भिः॒ श्रय॑माणा॒ उदातैः॑ । ऋ॒ष्वाः स॒तीः क॒वषः॒ शुम्भ॑माना॒ द्वारो॑ दे॒वीः सु॑प्राय॒णा भ॑वन्तु ॥
Sentence: 4=f अ॑न्त॒रा मि॒त्रावरु॑णा॒ चर॑न्ती॒ मुखं॑ य॒ज्ञाना॑म॒भि सं॑विदा॒ने । उ॒षासा॑ वाम् ॥
Verse: 3
Sentence: 1 सु॑हिर॒ण्ये सु॑शि॒ल्पे ऋ॒तस्य॒ योना॑वि॒ह सा॑दयामि ॥
Sentence: 2=g प्र॑थ॒मा वां॑ सर॒थिना॑ सु॒वर्णा॑ देवौ॒ पश्य॑न्तौ॒ भुव॑नानि॒ विश्वा॑ । अपि॑प्रयं॒ चोद॑ना वा॒म्मिमा॑ना॒ होता॑रा॒ ज्योतिः॑ प्र॒दिशा॑ दि॒शन्ता॑ ॥
Sentence: 3=h आ॑दित्यैर्नो॒ भार॑ती वष्टु य॒ज्ञं सर॑स्वती स॒ह रुद्रैर्न आवीत् । इडोप॑हूता॒ वसु॑भिः स॒जोषा॑ य॒ज्ञं नो॑ देवीर॒मृते॑षु धत्त ॥
Sentence: 4=i त्वष्टा॑ वी॒रं दे॒वका॑मं जजान॒ त्वष्टु॒रर्वा॑ जायत आ॒शुरश्वः॑ ॥
Verse: 4
Sentence: 1 त्वष्टे॒दं विश्व॒म्भुव॑नं जजान ब॒होः क॒र्तार॑मि॒ह य॑क्षि होतः ॥
Sentence: 2=k अश्वो॑ घृ॒तेन॒ त्मन्या॒ सम॑क्त॒ उप॑ दे॒वां ऋ॑तु॒शः पाथ॑ एतु । वन॒स्पति॑र्देवलो॒कम्प्र॑जा॒नन्न॒ग्निना॑ ह॒व्या स्व॑दि॒तानि॑ वक्षत् ॥
Sentence: 3=l प्र॒जाप॑ते॒स्तप॑सा वावृधा॒नः स॒द्यो जा॒तो द॑धिषे य॒ज्ञम॑ग्ने । स्वाहा॑कृतेन ह॒विषा॑ पुरोगा या॒हि सा॒ध्या ह॒विर॑दन्तु दे॒वाः ॥
Chapter: 2
Paragraph: 1
Verse: 1
Sentence: 1 विष्णु॑मुखा वै दे॒वाश्छन्दो॑भिरि॒माँ लो॒कान॑नपज॒य्यम॒भ्य॑जयन्
Sentence: 2 यद्वि॑ष्णुक्र॒मान्क्रम॑ते॒ विष्णु॑रे॒व भू॒त्वा यज॑मान॒श्छन्दो॑भिरि॒माँ लो॒कान॑नपज॒य्यम॒भि ज॑यति
Sentence: 3 विष्णोः॒ क्रमो॑ ऽस्यभिमाति॒हेत्या॑ह
Sentence: 4 गाय॒त्री वै॑ पृथि॒वी
Sentence: 5 त्रै॑ष्ठुभम॒न्तरि॑क्षम् ।
Sentence: 6 जाग॑ती द्यौस् ।
Sentence: 7 आनु॑ष्टुभी॒र्दिश॑स् ।
Sentence: 8 छन्दो॑भिरे॒वेमाँ लो॒कान्य॑थापू॒र्वम॒भि ज॑यति
Sentence: 9 प्र॒जाप॑तिर॒ग्निम॑सृजत
Sentence: 10 सो॑ ऽस्मात्सृ॒ष्टः ॥
Verse: 2
Sentence: 1 परा॑ऐत्
Sentence: 2 तमे॒तयान्ऐ॑त् ।
Sentence: 3 अक्र॑न्द॒तिति
Sentence: 4 तया वै॒ सो॒ ऽग्नेः प्रि॒यं धामावा॑रुन्द्ध
Sentence: 5 यदे॒टम॒न्वाहा॒ग्नेरेवै॒तया॑ प्रि॒यं धामाव॑ रुन्द्धे ।
Sentence: 6 ई॑श्व॒रो वा ए॒ष परा॑ङ्प्र॒दघो॒ यो वि॑ष्णुक्र॒मान्क्रम॑ते
Sentence: 7 चत॒सृभि॒रा व॑र्तते
Sentence: 8 च॒त्वारि॒ छन्दां॑सि
Sentence: 9 छन्दां॑सि॒ खलु॒ वा अ॒ग्नेः प्रि॒या त॒नूः
Sentence: 10 प्रि॒यामे॒वास्य॑ त॒नुव॑म॒भि ॥
Verse: 3
Sentence: 1 प॒र्याव॑र्तते
Sentence: 2 दक्षि॒णा प॒र्याव॑र्तते
Sentence: 3 स्वमे॒व वी॒र्य॒मनु॑ प॒र्याव॑र्तते
Sentence: 4 तस्मा॒द्दक्षि॒णो ऽर्ध॑ आ॒त्मनो॑ वी॒र्या॑वत्तरस् ।
Sentence: 5 अथो॑ आदि॒त्यस्यै॒वावृत॒मनु॑ प॒र्याव॑र्तते
Sentence: 6 शुनः॒शेप॒माजी॑गर्तिं॒ वरु॑णो ऽगृह्णात्
Sentence: 7 स ए॒ताम्वा॑रु॒णीम॑पश्यत्
Sentence: 8 तया वै॒ स आ॒त्मानं॑ वरुणपा॒शाद॑मुञ्चत् ।
Sentence: 9 वरु॑णो॒ वा ए॒तं गृ॑ह्णाति॒ य उ॒खाम्प्र॑तिमु॒ञ्चते॑ ।
Sentence: 10 उदु॑त्त॒मं व॑रुण॒ पाश॑म॒स्मदित्या॑ह ।
Sentence: 11 आ॒त्मान॑मेवै॒तया॑ ॥
Verse: 4
Sentence: 1 व॑रुणपा॒शान्मु॑ञ्चति ।
Sentence: 2 आ त्वा॑हार्ष॒मित्या॑ह ।
Sentence: 3 आ ह्ये॑नं॒ हर॑ति
Sentence: 4 ध्रु॒वस्ति॒ष्ठावि॑चाचलि॒रित्या॑ह
Sentence: 5 प्रति॑ष्ठित्यै
Sentence: 6 विश॑स्त्वा॒ सर्वा॑ वाञ्छ॒न्त्वित्या॑ह
Sentence: 7 विशैवैनं॒ सम॑र्धयति ।
Sentence: 8 अ॒स्मिन्रा॒ष्ट्रमधि॑ श्र॒येत्या॑ह
Sentence: 9 रा॒ष्ट्रमे॒वास्मि॑न्ध्रु॒वम॑कर्
Sentence: 10 यं का॒मये॑त
Sentence: 11 रा॒ष्ट्रं स्या॒दिति॒ तम्मन॑सा ध्यायेत् ।
Sentence: 12 रा॒ष्ट्रमे॒व भ॑वति ॥
Verse: 5
Sentence: 1 अग्रे॑ बृ॒हन्नु॒षसा॑मू॒र्ध्वो अ॑स्था॒दित्या॑ह ।
Sentence: 2 अग्र॑मेवैनं समा॒नानां॑ करोति
Sentence: 3 निर्जग्मि॒वान्तम॒ सैत्या॑ह
Sentence: 4 तम॑ ए॒वास्मा॒दप॑ हन्ति
Sentence: 5 ज्योति॒षागा॒दित्या॑ह
Sentence: 6 ज्योति॑रे॒वास्मि॑न्दधाति
Sentence: 7 चत॒सृभिः॑ सादयति
Sentence: 8 च॒त्वारि॒ छन्दां॑सि
Sentence: 9 छन्दो॑भिरे॒व ।
Sentence: 10 अति॑छन्दसोत्त॒मया
Sentence: 11 वर्ष्म॒ वा ए॒ष छन्द॑सां॒ यदति॑छन्दास् ।
Sentence: 12 वर्ष्मैवैनं समा॒नानां॑ करोति
Sentence: 13 सद्व॑ती ॥
Verse: 6
Sentence: 1 भ॑वति
Sentence: 2 स॒त्त्वमेवैनं गमयति
Sentence: 3 वात्स॒प्रेणोप॑ तिष्ठते ।
Sentence: 4 ए॒तेन वै वत्स॒प्रीर्भा॑लन्द॒नो॒ ऽग्नेः प्रि॒यं धामावा॑रुन्द्ध ।
Sentence: 5 अ॒ग्नेरेवै॒तेन॑ प्रि॒यं धामाव॑ रुन्द्धे ।
Sentence: 6 ए॑काद॒शम्भ॑वति ।
Sentence: 7 ए॑कधै॒व यज॑माने वी॒र्यं॑ दधाति
Sentence: 8 स्तोमे॑न वै दे॒वा अ॒स्मिँ लो॒क आ॑र्ध्नुव॒ञ्छन्दो॑भिर॒मुष्मि॑न् ।
Sentence: 9 स्तोम॑स्येव॒ खलु॒ वा ए॒तद्रू॒पं यद्वा॑त्स॒प्रम् ।
Sentence: 10 यद्वा॑त्स॒प्रेणो॑प॒तिष्ठ॑ते ॥
Verse: 7
Sentence: 1 इ॒ममे॒व तेन॑ लो॒कम॒भि ज॑यति
Sentence: 2 यद्वि॑ष्णुक्र॒मान्क्रम॑ते॒ ऽमुमे॒व तै॑र्लो॒कम॒भि ज॑यति
Sentence: 3 पूर्वे॒द्युः प्र क्रा॑मत्युत्तरे॒द्युरुप॑ तिष्ठते
Sentence: 4 तस्मा॒द्योगे॒ ऽन्यासा॑म्प्र॒जाना॒म्मनः॒ क्षेमे॒ ऽन्यासा॑म् ।
Sentence: 5 तस्मा॑द्यायाव॒रः क्षे॒म्यस्ये॑शे
Sentence: 6 तस्मा॑द्यायाव॒रः क्षे॒म्यम॒ध्यव॑स्यति
Sentence: 7 मु॒ष्टी क॑रोति
Sentence: 8 वाचं॑ यछति
Sentence: 9 य॒ज्ञस्य॒ धृत्यै॑ ॥
Paragraph: 2
Verse: 1
Sentence: 1 अन्न॑प॒ते ऽन्न॑स्य नो दे॒हीत्या॑ह ।
Sentence: 2 अ॒ग्निर्वा अन्न॑पतिः
Sentence: 3 स ए॒वास्मा॒ अन्न॒म्प्र य॑छति ।
Sentence: 4 अ॑नमी॒वस्य॑ शु॒ष्मिण॒ इत्या॑ह ।
Sentence: 5 अ॑य॒क्ष्मस्येति॒ वावै॒तदा॑ह
Sentence: 6 प्र प्र॑दा॒तारं॑ तारिष॒ ऊर्जं॑ नो धेहि द्वि॒पदे॒ चतु॑ष्पद॒ इत्या॑ह ।
Sentence: 7 आ॒शिष॑मेवै॒तामा शा॑स्ते ।
Sentence: 8 उदु॑ त्वा॒ विश्वे॑ दे॒वा इत्या॑ह
Sentence: 9 प्रा॒णा वै॒ विश्वे॑ दे॒वाः ॥
Verse: 2
Sentence: 1 प्राणैरेवैन॒मुद्य॑छते ।
Sentence: 2 अग्ने॒ भर॑न्तु॒ चित्ति॑भि॒रित्या॑ह
Sentence: 3 यस्मा॑ एवैनं चि॒त्तायो॒द्यछ॑ते॒ तेनैवैनं॒ सम॑र्धयति
Sentence: 4 चत॒सृभि॒रा सा॑दयति
Sentence: 5 च॒त्वारि॒ छन्दां॑सि
Sentence: 6 छन्दो॑भिरे॒व ।
Sentence: 7 अति॑छन्दसोत्त॒मया
Sentence: 8 वर्ष्म॒ वा ए॒षा छन्द॑सां॒ यदति॑छन्दा
Sentence: 9 वर्ष्मैवैनं समा॒नानां॑ करोति
Sentence: 10 सद्व॑ती भवति
Sentence: 11 स॒त्त्वमेवैनं गमयति
Sentence: 12 प्रेद॑ग्ने॒ ज्योति॑ष्मान् ॥
Verse: 3
Sentence: 1 या॒हीत्या॑ह
Sentence: 2 ज्योति॑रे॒वास्मि॑न्दधाति त॒नुवा॒ वा ए॒ष हि॑नस्ति॒ यं हि॒नस्ति
Sentence: 3 मा हिं॑सीस्त॒नुवा॑ प्र॒जा इत्या॑ह
Sentence: 4 प्र॒जाभ्य॑ एवैनं शमयति
Sentence: 5 रक्षां॑सि॒ वा ए॒तद्य॒ज्ञं स॑चन्ते॒ यदन॑ उ॒त्सर्ज॑ति ।
Sentence: 6 अक्र॑न्द॒दित्यन्वा॑ह
Sentence: 7 रक्ष॑सा॒मप॑हत्यै ।
Sentence: 8 अन॑सा वहन्ति ।
Sentence: 9 अप॑चितिमे॒वास्मि॑न्दधाति
Sentence: 10 तस्मा॑दन॒स्वी च॑ र॒थी चाति॑थीना॒मप॑चिततमौ ॥
Verse: 4
Sentence: 1 अप॑चितिमान्भवति॒ य ए॒वं वेद
Sentence: 2 स॒मिधा॒ग्निं दु॑वस्य॒तेति॑ घृतानुषि॒क्ताम॑वसि॒ते स॒मिध॒मा द॑धाति
Sentence: 3 यथाति॑थय॒ आग॑ताय स॒र्पिष्व॑दाति॒थ्यं क्रि॒यते॑ ता॒दृगे॒व तत् ।
Sentence: 4 गा॑यत्रि॒या ब्रा॑ह्म॒णस्य॑ गाय॒त्रो हि ब्रा॑ह्म॒णस्
Sentence: 5 त्रि॒ष्टुभा॑ राज॒न्य॑स्य त्रैष्टुभो॒ हि रा॑ज॒न्य॑स् ।
Sentence: 6 अ॒प्सु भस्म॒ प्र वे॑शयति ।
Sentence: 7 अ॒प्सुयो॑नि॒र्वा अ॒ग्निः
Sentence: 8 स्वामेवैनं॒ योनिं॑ गमयति
Sentence: 9 ति॒सृभिः॒ प्र वे॑शयति
Sentence: 10 त्रि॒वृद्वै॑ ॥
Verse: 5
Sentence: 1 अ॒ग्निस् ।
Sentence: 2 यावा॑ने॒वाग्निस्तम्प्र॑ति॒ष्ठां ग॑मयति
Sentence: 3 परा॒ वा ए॒षो॒ ऽग्निं व॑पति॒ यो॒ ऽप्सु भस्म॑ प्रवे॒शय॑ति
Sentence: 4 ज्योति॑ष्मतीभ्या॒मव॑ दधाति
Sentence: 5 ज्योति॑रे॒वास्मि॑न्दधाति
Sentence: 6 द्वाभ्या॒म्प्रति॑ष्ठित्यै
Sentence: 7 परा॒ वा ए॒ष प्र॒जाम्प॒शून्व॑पति॒ यो॒ ऽप्सु भस्म॑ प्रवे॒शय॑ति
Sentence: 8 पुन॑रू॒र्जा स॒ह र॒य्येति॒ पुन॑रुदैति
Sentence: 9 प्र॒जामे॒व प॒शूना॒त्मन्ध॑त्ते
Sentence: 10 पुन॑स्त्वादि॒त्याः ॥
Verse: 6
Sentence: 1 रु॒द्रा वस॑वः॒ समि॑न्धता॒मित्या॑ह ।
Sentence: 2 ए॒ता वा ए॒तं दे॒वता॒ अग्रे॒ सऐ॑न्धत
Sentence: 3 ताभि॑रेवैनं॒ समि॑न्द्धे
Sentence: 4 बोधा॒ स बो॒धीत्युप॑ तिष्ठते
Sentence: 5 बो॒धय॑त्येवैनम् ।
Sentence: 6 तस्मा॑त्सु॒प्त्वा प्र॒जाः प्र बु॑ध्यन्ते
Sentence: 7 यथास्था॒नमुप॑ तिष्ठते
Sentence: 8 तस्मा॑द्यतःस्था॒नम्प॒शवः॒ पुन॒रेत्योप॑ तिष्ठन्ते ॥
Paragraph: 3
Verse: 1
Sentence: 1 याव॑ती वै पृथि॒वी तस्यै॑ य॒म आधि॑पत्य॒म्परी॑याय
Sentence: 2 यो वै॑ य॒मं दे॑व॒यज॑नम॒स्या अनि॑र्याच्या॒ग्निं चि॑नु॒ते य॒मायै॑नं॒ स चि॑नुते ।
Sentence: 3 अपे॒तेत्य॒ध्यव॑साययति
Sentence: 4 य॒ममे॒व दे॑व॒यज॑नमस्यै नि॒र्याच्या॒त्मने॒ ऽग्निं चि॑नुते ।
Sentence: 5 इ॑ष्व॒ग्रेण॒ वा अ॒स्या अना॑मृतमि॒छन्तो॒ नावि॑न्दन्
Sentence: 6 ते दे॒वा ए॒तद्यजु॑रपश्यन् ।
Sentence: 7 अपे॒तेति
Sentence: 8 यदे॒तेना॑ध्यवसा॒यय॑ति ॥
Verse: 2
Sentence: 1 अना॑मृत ए॒वाग्निं चि॑नुते ।
Sentence: 2 उद्ध॑न्ति
Sentence: 3 यदे॒वास्या अ॑मे॒ध्यं तदप॑ हन्ति ।
Sentence: 4 अ॒पो ऽवोक्ष॑ति
Sentence: 5 शान्त्यै
Sentence: 6 सिक॑ता॒ नि व॑पति ।
Sentence: 7 ए॒तद्वा अ॒ग्नेर्वै॑श्वान॒रस्य॑ रू॒पम् ।
Sentence: 8 रू॒पेनै॒व वै॑श्वान॒रमव॑ रुन्द्धे ।
Sentence: 9 ऊषा॒न्नि व॑पति
Sentence: 10 पुष्टि॒र्वा ए॒षा प्र॒जन॑नं॒ यदूषाः
Sentence: 11 पुष्ट्या॑मे॒व प्र॒जन॑ने॒ ऽग्निं चि॑नुते ।
Sentence: 12 अथो॑ सं॒ज्ञान॑ ए॒व
Sentence: 13 सं॒ज्ञानं॑ ह्ये॒तत् ॥
Verse: 3
Sentence: 1 प॑शू॒नां यदूषा॑स् ।
Sentence: 2 द्यावा॑पृथि॒वी स॒हास्ता॑म् ।
Sentence: 3 ते वि॑य॒ती अ॑ब्रूताम्
Sentence: 4 अस्त्वे॒व नौ॑ स॒ह य॒ज्ञिय॒मिति
Sentence: 5 यद॒मुष्या॑ य॒ज्ञिय॒मासी॒त्तद॒स्याम॑दधा॒त्त ऊषा॑ अभवन्
Sentence: 6 यद॒स्या य॒ज्ञिय॒मासी॒त्तद॒मुष्या॑मदधा॒त्तद॒दश्च॒न्द्रम॑सि कृ॒ष्णम्
Sentence: 7 ऊषा॑न्नि॒वप॑न्न॒दो ध्या॑ये॒द्द्यावा॑पृथि॒व्योरे॒व य॒ज्ञिये॒ ऽग्निं चि॑नुते ।
Sentence: 8 अ॒यं सो अ॒ग्निरिति॑ वि॒श्वामि॑त्रस्य ॥
Verse: 4
Sentence: 1 सू॒क्तम्भ॑वति ।
Sentence: 2 ए॒तेन वै वि॒श्वामि॑त्रो॒ ऽग्नेः प्रि॒यं धामावा॑रुन्द्ध ।
Sentence: 3 अ॒ग्नेरेवै॒तेन॑ प्रि॒यं धामाव॑ रुन्द्धे
Sentence: 4 छन्दो॑भिर्वै दे॒वाः सु॑व॒र्गं लो॒कम्ायञ्^ायन्
Sentence: 5 चत॑स्रः॒ प्राची॒रुप॑ दधाति
Sentence: 6 च॒त्वारि॒ छन्दां॑सि
Sentence: 7 छन्दो॑भिरे॒व तद्यज॑मानः सुव॒र्गं लो॒कमे॑ति
Sentence: 8 तेषां॑ सुव॒र्गं लो॒कं य॒तां दिशः॒ सम॑व्लीयन्त
Sentence: 9 ते द्वे पु॒रस्ता॑त्स॒मीची॒ उपा॑दधत॒ द्वे ॥
Verse: 5
Sentence: 1 प॒श्चात्स॒मीची
Sentence: 2 ताभिर्वै॒ ते दिशो॑ ऽदृंहन्
Sentence: 3 यद्द्वे पु॒रस्ता॑त्स॒मीची॑ उप॒दधा॑ति॒ द्वे प॒श्चात्स॒मीची
Sentence: 4 दि॒शां विधृ॑त्यै ।
Sentence: 5 अथो॑ प॒शवो वै॒ छन्दां॑सि
Sentence: 6 प॒शूने॒वास्मै॑ स॒मीचो॑ दधाति ।
Sentence: 7 अ॒ष्टावुप॑ दधाति ।
Sentence: 8 अ॒ष्टाक्ष॑रा गाय॒त्री
Sentence: 9 गा॑य॒त्रो॒ ऽग्निर्यावा॑ने॒वाग्निस्तं चि॑नुते ।
Sentence: 10 अ॒ष्टावुप॑ दधाति ।
Sentence: 11 अ॒ष्टाक्ष॑रा गाय॒त्री
Sentence: 12 गा॑य॒त्री सु॑व॒र्गं लो॒कमञ्ज॑सा वेद
Sentence: 13 सुव॒र्गस्य॑ लो॒कस्य॑ ॥
Verse: 6
Sentence: 1 प्रज्ञा॑त्यै
Sentence: 2 त्रयो॑दश लोकम्पृ॒णा उप॑ दधाति ।
Sentence: 3 एक॑विंशतिः॒ सम्प॑द्यन्ते
Sentence: 4 प्रति॒ष्ठा वा ए॑कविं॒शः प्र॑ति॒ष्ठा गार्ह॑पत्यस् ।
Sentence: 5 ए॑कविं॒शस्यै॒व प्र॑ति॒ष्ठां गार्ह॑पत्य॒मनु॒ प्रति॑ तिष्ठति
Sentence: 6 प्रत्य॒ग्निं चि॑क्या॒नस्ति॑ष्ठति॒ य ए॒वं वेद
Sentence: 7 पञ्च॑चितीकं चिन्वीत प्रथ॒मं चि॑न्वा॒नः
Sentence: 8 पाङ्क्तो॑ य॒ज्ञः
Sentence: 9 पाङ्क्ताः॑ प॒शव॑स् ।
Sentence: 10 य॒ज्ञमे॒व प॒शूनव॑ रुन्द्धे
Sentence: 11 त्रिचि॑तीकं चिन्वीत द्वि॒तीयं॑ चिन्वा॒नस्
Sentence: 12 त्रय॑ इ॒मे लो॒कास् ।
Sentence: 13 ए॒ष्वे॒व लो॒केषु॑ ॥
Verse: 7
Sentence: 1 प्रति॑ तिष्ठन्ति ।
Sentence: 2 एक॑चितीकं चिन्वीत तृ॒तीयं॑ चिन्वा॒नस् ।
Sentence: 3 ए॑क॒धा वै॑ सुव॒र्गो लो॒कस् ।
Sentence: 4 ए॑क॒वृतै॒व सु॑व॒र्गं लो॒कमे॑ति
Sentence: 5 पुरी॑षेणा॒भ्यू॑हति
Sentence: 6 तस्मा॑न्मां॒सेनास्थि॑ छ॒न्नम् ।
Sentence: 7 न दु॒श्चर्मा॑ भवति॒ य ए॒वं वेद
Sentence: 8 पञ्च॒ चित॑यो भवन्ति
Sentence: 9 प॒ञ्चभिः॒ पुरी॑षैर॒भ्यू॑हति
Sentence: 10 दश॒ सम्प॑द्यन्ते
Sentence: 11 दसा॑क्षरा वि॒राड्^वि॒राज्
Sentence: 12 अन्नं वि॒राड्^वि॒राज्
Sentence: 13 वि॒राज्ये॒वान्नाद्ये॒ प्रति॑ तिष्ठति ॥
Paragraph: 4
Verse: 1
Sentence: 1 वि वा एतौ द्विषाते॒ यश्च॑ पु॒राग्निर्यश्चो॒खाया॑म् ।
Sentence: 2 समि॑त॒मिति॑ चत॒सृभिः॒ सं नि व॑पति
Sentence: 3 च॒त्वारि॒ छन्दां॑सि
Sentence: 4 छन्दां॑सि॒ खलु॒ वा अ॒ग्नेः प्रि॒या त॒नूः
Sentence: 5 प्रि॒ययैवैनौ त॒नुवा॒ सं शा॑स्ति
Sentence: 6 समि॑त॒मित्या॑ह
Sentence: 7 तस्मा॒द्ब्रह्म॑णा क्ष॒त्रं समे॑ति
Sentence: 8 यत्सं॒न्युप्य॑ वि॒हर॑ति
Sentence: 9 तस्मा॒द्ब्रह्म॑णा क्ष॒त्रं व्ये॑ति ।
Sentence: 10 ऋ॒तुभिः॑ ॥
Verse: 2
Sentence: 1 वा ए॒तं दी॑क्षयन्ति
Sentence: 2 स ऋ॒तुभि॑रे॒व वि॒मुच्य॑स् ।
Sentence: 3 मा॒तेव॑ पु॒त्रम्पृ॑थि॒वी पु॑री॒ष्य॒मित्या॑ह ।
Sentence: 4 ऋ॒तुभि॑रेवैनं दीक्षयै॒त्वर्तुभि॒र्वि मु॑ञ्चति
Sentence: 5 वैश्वान॒र्या शि॒क्य॒मा द॑त्ते
Sentence: 6 स्व॒दय॑त्येवैनद् ।
Sentence: 7 नै॑रृ॒तीः कृ॒ष्णास्ति॒स्रस्तुष॑पक्वा भवन्ति
Sentence: 8 निरृ॑त्यै॒ वा ए॒तद्भा॑ग॒धेयं॒ यत्तुषा॒ निरृ॑त्यै रू॒पं कृ॒ष्णम् ।
Sentence: 9 रू॒पेणै॒व निरृ॑तिं नि॒रव॑दयते ।
Sentence: 10 इ॒मां दिशं॑ यन्ति ।
Sentence: 11 ए॒षा ॥
Verse: 3
Sentence: 1 वै॒ निरृ॑त्यै दिक्^दिश्
Sentence: 2 स्वाया॑मे॒व दि॒शि निरृ॑तिं नि॒रव॑दयते
Sentence: 3 स्वकृ॑त॒ इरि॑ण॒ उप॑ दधाति प्रद॒रे वा॑ ।
Sentence: 4 ए॒तद्वै॒ निरृ॑त्या आ॒यत॑नम् ।
Sentence: 5 स्व ए॒वायत॑ने॒ निरृ॑तिं नि॒रव॑दयते
Sentence: 6 शि॒क्य॑म॒भ्युप॑ दधाति
Sentence: 7 नैरृ॒तो वै॒ पाशः
Sentence: 8 सा॒क्षादेवैनं निरृतिपा॒शान्मु॑ञ्चति
Sentence: 9 ति॒स्र उप॑ दधाति
Sentence: 10 त्रेधाविहि॒तो वै॒ पुरु॑षस् ।
Sentence: 11 यावा॑ने॒व पुरु॑ष॒स्तस्मा॒न्निरृ॑ति॒मव॑ यजते
Sentence: 12 परा॑ची॒रुप॑ ॥
Verse: 4
Sentence: 1 द॑धाति
Sentence: 2 परा॑चीमे॒वास्मा॒न्निरृ॑ति॒म्प्र णु॑दते ।
Sentence: 3 अप्र॑तीक्ष॒मा य॑न्ति
Sentence: 4 निरृ॑त्या अ॒न्तर्हि॑त्यै
Sentence: 5 मार्जयि॒त्वोप॑ तिष्ठन्ते
Sentence: 6 मेध्य॒त्वाय
Sentence: 7 गार्ह॑पत्य॒मुप॑ तिष्ठन्ते
Sentence: 8 निरृतिलो॒क ए॒व च॑रि॒त्वा पू॒ता दे॑वलो॒कमु॑पावर्तन्ते ।
Sentence: 9 एक॒योप॑ तिष्ठन्ते ।
Sentence: 10 ए॑कधै॒व यज॑माने वी॒र्यं॑ दधति
Sentence: 11 नि॒वेश॑नः सं॒गम॑नो॒ वसू॑ना॒मित्या॑ह
Sentence: 12 प्र॒जा वै॑ प॒शवो॒ वसु
Sentence: 13 प्र॒जयैवैनम्प॒शुभिः॒ सम॑र्धयन्ति ॥
Paragraph: 5
Verse: 1
Sentence: 1 पु॑रुषमा॒त्रेण॒ वि मि॑मीते
Sentence: 2 य॒ज्ञेन वै॒ पुरु॑षः॒ सम्मि॑तस् ।
Sentence: 3 य॑ज्ञप॒रुषैवैनं॒ वि मि॑मीते
Sentence: 4 यावा॒न्पुरु॑ष ऊ॒र्ध्वबा॑हु॒स्तावा॑न्भवति ।
Sentence: 5 ए॒तावद्वै॒ पुरु॑षे वी॒र्य॑म् ।
Sentence: 6 वी॒र्ये॑णैवैनं॒ वि मि॑मीते
Sentence: 7 प॒क्षी भ॑वति
Sentence: 8 न ह्य॑प॒क्षः पति॑तु॒मर्ह॑ति ।
Sentence: 9 अ॑र॒त्निना॑ पक्षौ॒ द्राघी॑यांसौ भवतस्
Sentence: 10 तस्मा॑त्प॒क्षप्र॑वयांसि॒ वयां॑सि
Sentence: 11 व्याममात्रौ पक्षौ च॒ पुछं॑ च भवति ।
Sentence: 12 ए॒तावद्वै॒ पुरु॑षे वी॒र्य॑म् ॥
Verse: 2
Sentence: 1 वी॒र्य॑सम्मितस् ।
Sentence: 2 वेणु॑ना॒ वि मि॑मीते ।
Sentence: 3 आ॑ग्ने॒यो वै॒ वेनुः
Sentence: 4 सयोनि॒त्वाय
Sentence: 5 यजु॑षा युनक्ति
Sentence: 6 यजु॑षा कृषति
Sentence: 7 व्यावृ॑त्त्यै
Sentence: 8 षड्ग॒वेन॑ कृषति
Sentence: 9 षड्वा ऋ॒तव॑स् ।
Sentence: 10 ऋ॒तुभि॑रेवैनं कृषति
Sentence: 11 यद्द्वा॑दशग॒वेन॑ संवत्स॒रेनै॒वेयं वा अ॒ग्नेर॑तिदा॒हाद॑बिभेत्
Sentence: 12 सै॒तद्द्वि॑गु॒णम॑पश्यत्कृ॒ष्टं चाकृ॑ष्टं च
Sentence: 13 ततो॒ वा इ॒मां नात्य॑दहत् ।
Sentence: 14 यत्कृ॒ष्टं चाकृ॑ष्टं च ॥
Verse: 3
Sentence: 1 भव॑त्य॒स्या अन॑तिदाहाय
Sentence: 2 द्विगु॒णं त्वा अ॒ग्निमु॒द्यन्तु॑मर्ह॒तीत्या॑हुस् ।
Sentence: 3 यत्कृ॒ष्टं चाकृ॑ष्टं च॒ भव॑ति ।
Sentence: 4 अ॒ग्नेरुद्य॑त्यै ।
Sentence: 5 ए॒ताव॑न्तो वै प॒शवो॑ द्वि॒पाद॑श्च॒ चतु॑ष्पादश्च
Sentence: 6 तान्यत्प्राच॑ उत्सृ॒जेद्रु॒द्रायापि॑ दध्यात् ।
Sentence: 7 यद्द॑क्षि॒णा पि॒तृभ्यो॒ नि धु॑वेत् ।
Sentence: 8 यत्प्र॒तीचो॒ रक्षां॑सि हन्युस् ।
Sentence: 9 उ॒दीच॒ उत्सृ॑जति ।
Sentence: 10 ए॒षा वै॑ देवमनु॒ष्याणां॑ शा॒न्ता दिक् ॥
Verse: 4
Sentence: 1 तामेवैना॒ननूत्सृ॑जति ।
Sentence: 2 अथो॒ खल्वि॒मां दिश॒मुत्सृ॑जति ।
Sentence: 3 असौ॒ वा आ॑दि॒त्यः प्रा॒णः
Sentence: 4 प्रा॒णमेवैना॒ननूत्सृ॑जति
Sentence: 5 दक्षि॒णा प॒र्याव॑र्तन्ते
Sentence: 6 स्वमे॒व वी॒र्य॒मनु॑ प॒र्याव॑र्तन्ते
Sentence: 7 तस्मा॒द्दक्षि॒णो ऽर्ध॑ आ॒त्मनो॑ वी॒र्या॑वत्तरस् ।
Sentence: 8 अथो॑ आदि॒त्यस्यै॒वावृत॒मनु॑ प॒र्याव॑र्तन्ते
Sentence: 9 तस्मा॒त्परा॑ञ्चः प॒शवो॒ वि ति॑ष्ठन्ते प्र॒त्यञ्च॒ आ व॑र्तन्ते
Sentence: 10 तिस्र॑स्तिस्रः॒ सीताः॑ ॥
Verse: 5
Sentence: 1 कृ॑षति
Sentence: 2 त्रि॒वृत॑मे॒व य॑ज्ञमु॒खे वि या॑तयति ।
Sentence: 3 ओष॑धीर्वपति
Sentence: 4 ब्रह्म॒णान्न॒मव॑ रुन्द्धे ।
Sentence: 5 अ॒र्के॒ ऽर्कश्ची॑यते
Sentence: 6 चतुर्द॒शभि॑र्वपति
Sentence: 7 स॒प्त ग्रा॒म्या ओष॑धयः स॒प्तार॒ण्यास् ।
Sentence: 8 उ॒भयी॑षा॒मव॑रुद्ध्यै ।
Sentence: 9 अन्न॑स्यान्नस्य वपति ।
Sentence: 10 अन्न॑स्यान्न॒स्याव॑रुद्धयि
Sentence: 11 कृ॒ष्टे व॑पति
Sentence: 12 कृ॒ष्टे ह्योष॑धयः प्रति॒तिष्ठ॑न्ति ।
Sentence: 13 अ॑नुसी॒तं व॑पति
Sentence: 14 प्रजा॑त्यै
Sentence: 15 द्वाद॒शसु॒ सीता॑सु वपति
Sentence: 16 द्वाद॑श॒ मासाः॑ संवत्स॒रः
Sentence: 17 सं॑वत्स॒रेणै॒वास्मा॒ अन्न॑म्पचति
Sentence: 18 यद॑ग्नि॒चित् ॥
Verse: 6
Sentence: 1 अन॑वरुद्धस्याश्नी॒यादव॑रुद्धेन॒ व्यृ॑ध्येत
Sentence: 2 ये वन॒स्पती॑नाम्पल॒ग्रह॑य॒स्तानि॒ध्मे ऽपि॒ प्रोक्षे॑त् ।
Sentence: 3 अन॑वरुद्ध॒स्याव॑रुद्ध्यै
Sentence: 4 दि॒ग्भ्यो लो॒ष्टान्त्सम॑स्यति
Sentence: 5 दि॒शामे॒व वी॒र्य॑मव॒रुध्य॑ दि॒शां वी॒र्ये॒ ऽग्निं चि॑नुते
Sentence: 6 यं द्वि॒ष्याद्यत्र॒ स स्यात्तस्यै॑ दि॒शो लो॒ष्टमा ह॑रेत् ।
Sentence: 7 इष॒मूर्ज॑म॒हमि॒त आ द॑द॒ इतीष॑मे॒वोर्जं॒ तस्यै॑ दि॒शो ऽव॑ रुन्द्धे
Sentence: 8 क्षोधु॑को भवति॒ यस्तस्यां॑ दि॒शि भव॑ति ।
Sentence: 9 उ॑त्तरवे॒दिमुप॑ वपति ।
Sentence: 10 उ॑त्तरवे॒द्यां ह्य॒ग्निश्ची॒यते॑ ।
Sentence: 11 अथो॑ प॒शवो॒ वा उ॑त्तरवे॒दिः
Sentence: 12 प॒शूने॒वाव॑ रुन्द्धे ।
Sentence: 13 अथो॑ यज्ञप॒रुषो ऽन॑न्तरित्यै ॥
Paragraph: 6
Verse: 1
Sentence: 1 अग्ने॒ तव॒ श्रवो॒ वय॒ इति॒ सिक॑ता॒ नि व॑पति ।
Sentence: 2 ए॒तद्वा अ॒ग्नेर्वै॑श्वान॒रस्य॑ सू॒क्तम् ।
Sentence: 3 सू॒क्तेनै॒व वै॑श्वान॒रमव॑ रुन्द्धे
Sentence: 4 ष॒ड्भिर्नि व॑पति
Sentence: 5 षड्वा ऋ॒तव॑ण्संवत्स॒रः
Sentence: 6 सं॑वत्स॒रो॒ ऽग्निर्वै॑श्वान॒रः
Sentence: 7 सा॒क्षादे॒व वै॑श्वान॒रमव॑ रुन्द्धे
Sentence: 8 समु॒द्रं वै॒ नामै॒तच्छन्दः
Sentence: 9 समु॒द्रमनु॑ प्र॒जाः प्र जा॑यन्ते
Sentence: 10 यदे॒तेन॒ सिक्ता॑ नि॒वप॑ति
Sentence: 11 प्र॒जाना॑म्प्र॒जन॑नाय ।
Sentence: 12 इन्द्रः॑ ॥
Verse: 2
Sentence: 1 वृ॒त्राय॒ वज्र॒म्प्राह॑रत्
Sentence: 2 स त्रे॒धा व्य॑भव॒त्स्प्यस्तृती॑यं॒ रथ॒स्तृती॑यं॒ यूप॒स्तृती॑यम् ।
Sentence: 3 ये॑ ऽन्तःश॒रा अशी॑र्यन्त॒ ताः शर्क॑रा अभवन्
Sentence: 4 तच्छर्क॑राणां शर्कर॒त्वम् ।
Sentence: 5 वज्रो वै॒ शर्क॑राः
Sentence: 6 प॒शुर॒ग्निस् ।
Sentence: 7 यच्छर्क॑राभिर॒ग्निम्प॑रिमि॒नोति॒ वज्रे॑णै॒वास्मै॑ प॒शून्परि॑ गृह्णाति
Sentence: 8 तस्मा॒द्वज्रे॑ण प॒शवः॒ परि॑गृहीतास्
Sentence: 9 तस्मा॒त्स्थेया॒नस्थे॑यसो॒ नोप॑ हरते
Sentence: 10 त्रिस॒प्ताभिः॑ ॥
Verse: 3
Sentence: 1 प॒शुका॑मस्य॒ परि॑ मिनुयात्
Sentence: 2 स॒प्त वै॑ शीर्ष॒ण्याः॑ प्रा॒णाः
Sentence: 3 प्रा॒णाः प॒शवः
Sentence: 4 प्राणैरे॒वास्मै॑ प॒शूनव॑ रुन्द्धे
Sentence: 5 त्रिण॒वाभि॒र्भ्रातृ॑व्यवतस्
Sentence: 6 त्रि॒वृत॑मे॒व वर्जं॑ स॒म्भृत्य॒ भ्रातृ॑व्याय॒ प्र ह॑रति
Sentence: 7 स्तृत्यै॑ ।
Sentence: 8 अप॑रिमिताभिः॒ परि॑ मिनुया॒दप॑रिमित॒स्याव॑रुद्ध्यै
Sentence: 9 यं का॒मये॑ताप॒शुः स्या॒दित्यप॑रिमित्य॒ तस्य॒ शर्क॑राः॒ सिक॑ता॒ व्यू॑हेत् ।
Sentence: 10 अप॑रिगृहीत ए॒वास्य॑ विषू॒चीनं॒ रेतः॒ परा॒ सिञ्च॑ति ।
Sentence: 11 अ॑प॒शुरे॒व भ॑वति ॥
Verse: 4
Sentence: 1 यं का॒मये॑त
Sentence: 2 पशु॒मान्त्स्या॒दिति॑ परि॒मित्य॒ तस्य॒ शर्क॑राः॒ सिक्ता॑ व्य्ू॑हेद्^ू॑हेत्
Sentence: 3 परि॑गृहीत ए॒वास्मै॑ समी॒चीनं॒ रेतः॑ सिञ्चति
Sentence: 4 पशु॒माने॒व भ॑वति
Sentence: 5 सौ॒म्या व्यू॑हति
Sentence: 6 सोमो वै रेतो॒धास् ।
Sentence: 7 रेत॑ ए॒व तद्द॑धाति
Sentence: 8 गायत्रि॒या ब्रा॑ह्म॒णस्य॑ गाय॒त्रो हि ब्रा॑ह्म॒णस्
Sentence: 9 त्रि॒ष्टुभा॑ राज॒न्य॑स्य त्रैष्टुभो॒ हि रा॑ज॒न्यः
Sentence: 10 श॒म्युम्बा॑र्हस्प॒त्यम्मेधो॒ नोपा॑नमत्
Sentence: 11 सो॒ ऽग्निम्प्रावि॑शत् ॥
Verse: 5
Sentence: 1 सो॒ ऽग्नेः कृष्णो॑ रू॒पं कृ॒त्वोदा॑यत
Sentence: 2 सो ऽश्व॒म्प्रावि॑शत्
Sentence: 3 सो ऽश्व॑स्यावान्तरश॒पो॑ ऽभवत् ।
Sentence: 4 यदश्व॑माक्र॒मय॑ति॒ य ए॒व मेधो ऽश्व॒म्प्रावि॑श॒त्तमे॒वाव॑ रुन्द्धे
Sentence: 5 प्र॒जाप॑तिना॒ग्निश्चे॑त॒व्य॒ इत्या॑हुः
Sentence: 6 प्राजाप॒त्यो ऽश्व॑स् ।
Sentence: 7 यदश्व॑माक्र॒मय॑ति प्र॒जाप॑तिनै॒वाग्निं चि॑नुते
Sentence: 8 पुष्करप॒र्णमुप॑ दधाति
Sentence: 9 योनि॒र्वा अ॒ग्नेः पु॑ष्करप॒र्णम् ।
Sentence: 10 सयो॑निमे॒वाग्निं चि॑नुते ।
Sentence: 11 अ॒पाम्पृ॒ष्ठम॒सीत्युप॑ दधाति ।
Sentence: 12 अ॒पां वा ए॒तत्पृ॒ष्ठं{F यत्{W यत्{GLOS यत् पुष्करप॒र्णम् ।
Sentence: 13 रू॒पेणैवैन॒दुप॑ दधाति ॥
Paragraph: 7
Verse: 1
Sentence: 1 ब्रह्म॑ जज्ञा॒नमिति॑ रु॒क्ममुप॑ दधाति
Sentence: 2 ब्रह्म॑मुखा वै प्र॒जाप॑तिः प्र॒जा अ॑सृजत
Sentence: 3 ब्रह्म॑मुखा ए॒व तत्प्र॒जा यज॑मानः सृजते
Sentence: 4 ब्रह्म॑ जज्ञा॒नमित्या॑ह
Sentence: 5 तस्मा॑द्ब्राह्म॒णो मुख्य॑स् ।
Sentence: 6 मुख्यो॑ भवति॒ य ए॒वं वेद
Sentence: 7 ब्रह्मवा॒दिनो॑ वदन्ति
Sentence: 8 न पृ॑थि॒व्यां नान्तरि॑क्षे॒ न दि॒व्य॒ग्निश्चे॑त॒व्य॒ इति
Sentence: 9 यत्पृ॑थि॒व्यां चि॑न्वी॒त पृ॑थि॒वीं शु॒चार्प॑येत् ।
Sentence: 10 नौ॑षधयो॒ न वन॒स्पत॑यः ॥
Verse: 2
Sentence: 1 प्र जा॑येरन्
Sentence: 2 यद॒न्तरि॑क्षे चिन्वी॒तान्तरि॑क्षं शु॒चार्प॑येत् ।
Sentence: 3 न वयां॑सि॒ प्र जा॑येरन्
Sentence: 4 यद्दि॒वि चि॑न्वी॒त दिवं॑ शु॒चार्प॑येत् ।
Sentence: 5 न प॒र्जन्यो॑ वर्षेत् ।
Sentence: 6 रु॒क्ममुप॑ दधाति ।
Sentence: 7 अ॒मृतं वै॒ हिर॑ण्यम्
Sentence: 8 अ॒मृत॑ ए॒वाग्निं चि॑नुते
Sentence: 9 प्रजा॑त्यै
Sentence: 10 हिर॒ण्मय॒म्पुरु॑ष॒मुप॑ दधाति
Sentence: 11 यजमानलो॒कस्य॒ विधृ॑त्यै
Sentence: 12 यदिष्ट॑काया॒ आतृ॑ण्णमनूपद॒ध्यात्प॑शू॒नां च॒ यज॑मानस्य च प्रा॒णमपि॑ दध्यात् ।
Sentence: 13 द॑क्षिण॒तः ॥
Verse: 3
Sentence: 1 प्राञ्च॒मुप॑ दधाति
Sentence: 2 दा॒धार॑ यजमानलो॒कम् ।
Sentence: 3 न प॑शू॒नां च॒ यज॑मानस्य च प्रा॒णमपि॑ दधाति ।
Sentence: 4 अथो॒ खल्विष्ट॑काया॒ आतृ॑ण्ण॒मनूप॑ दधाति
Sentence: 5 प्रा॒णाना॒मुत्सृ॑ष्ट्यै
Sentence: 6 द्र॒प्सश्च॑स्क॒न्देत्य॒भि मृ॑शति
Sentence: 7 होत्रा॑स्वेवैन॒म्प्रति॑ ष्ठापयति
Sentence: 8 स्रुचा॒वुप॑ दधाति ।
Sentence: 9 आज्ज्य॑स्य{F पू॒र्णां{W पूर्णां{GLOS पू॒र्णां का॑र्ष्मर्य॒मयीं॑ द॒ध्नः पू॒र्णाऔ॑दुम्बरीम्
Sentence: 10 इ॒यं वै॑ कार्ष्मर्य॒मय्य॒साऔ॑दुम्बरी ।
Sentence: 11 इ॒मे ए॒वोप॑ धत्ते
Sentence: 12 तू॒ष्णीमुप॑ दधाति
Sentence: 13 न हीमे यजु॒षाप्तु॒मर्ह॑ति
Sentence: 14 दक्षि॑णां कार्ष्मर्य॒मयी॒मुत्त॑राऔदुम्बरीम् ।
Sentence: 15 तस्मा॑द॒स्या अ॒सावुत्त॑रा ।
Sentence: 16 आज्य॑स्य पू॒र्णां का॑र्ष्मर्य॒मती॑म् ।
Sentence: 17 वज्रो॒ वा आज्यं॒ वज्रः॑ कार्ष्म॒र्य॑स् ।
Sentence: 18 वज्रे॑णै॒व य॒ज्ञस्य॑ दक्षिण॒तो रक्षां॒स्यप॑ हन्ति
Sentence: 19 द॒ध्नः पू॒र्णाऔ॑दुम्बरीम्
Sentence: 20 प॒शवो वै॒ दध्यूर्गु॑दु॒म्बरः
Sentence: 21 प॒शुष्वे॒वोर्जं॑ दधाति
Sentence: 22 पू॒र्णे उप॑ दधाति
Sentence: 23 पू॒र्णे एवैनम् ॥
Verse: 4
Sentence: 1 अ॒मुष्मिँ॑ लो॒क उप॑ तिष्ठेते
Sentence: 2 वि॒राज्य॒ग्निश्चे॑त॒व्य॒ इत्या॑हुः
Sentence: 3 स्रुग्वै वि॒राड्^वि॒राज्
Sentence: 4 यत्स्रुचा॑वुप॒दधा॑ति वि॒राज्ये॒वाग्निं चि॑नुते
Sentence: 5 यज्ञमु॒खेय॑ज्ञमुखे वै क्रि॒यमा॑णे य॒ज्ञं रक्षां॑सि जिघांसन्ति
Sentence: 6 यज्ञमु॒खं रु॒क्मस् ।
Sentence: 7 यद्रु॒क्मं व्या॑घा॒रय॑ति यज्ञमु॒खादे॒व रक्षां॒स्यप॑ हन्ति
Sentence: 8 प॒ञ्चभि॒र्व्याघा॑रयति
Sentence: 9 पाङ्क्तो॑ य॒ज्ञस् ।
Sentence: 10 यावा॑ने॒व य॒ज्ञस्तस्मा॒द्रक्षां॒स्यप॑ हन्ति
Sentence: 11 अक्ष्ण॒या व्याघा॑रयति
Sentence: 12 तस्मा॑दक्ष्ण॒या प॒शवो ऽङ्गा॑नि॒ प्र ह॑रन्ति॒ प्रति॑ष्ठित्यै ॥
Paragraph: 8
Verse: 1
Sentence: 1 स्व॑यमातृ॒ण्णामुप॑ दधाति ।
Sentence: 2 इ॒यं वै॑ स्वयमातृ॒ण्णा ।
Sentence: 3 इ॒मामे॒वोप॑ धत्ते ।
Sentence: 4 अश्व॒मुप॑ घ्रापयति
Sentence: 5 प्रा॒णमे॒वास्यां॑ दधाति ।
Sentence: 6 अथो॑ प्राजाप॒त्यो वा अश्वः
Sentence: 7 प्र॒जाप॑तिनै॒वाग्निं चि॑नुते
Sentence: 8 प्रथ॒मेष्ट॑कोपधी॒यमा॑ना॒ पशू॑नां च॒ यज॑मानस्य च प्रा॒णमपि॑ दधाति
Sentence: 9 स्वयमातृ॒ण्णा भ॑वति
Sentence: 10 प्रा॒णाना॒मुत्सृ॑ष्ट्या॒ अथो॑ सुव॒र्गस्य॑ लो॒कस्यानु॑ख्यात्यै ।
Sentence: 11 अ॒ग्नाव॒ग्निश्चे॑त॒व्य॒ इत्या॑हुस् ।
Sentence: 12 ए॒ष वै॑ ॥
Verse: 2
Sentence: 1 अ॒ग्निर्वै॑श्वान॒रो यद्ब्रा॑ह्म॒णस्
Sentence: 2 तस्मै॑ प्रथ॒मामिष्ट॑कां॒ यजु॑ष्कृता॒म्प्र य॑छेत्
Sentence: 3 ताम्ब्रा॑ह्म॒णस्चोप॑ दध्याताम्
Sentence: 4 अ॒ग्नावे॒व तद॒ग्निं चि॑नुते ।
Sentence: 5 ई॑श्व॒रो वा ए॒ष आर्ति॒मार्तो॒र्यो ऽवि॑द्वा॒निष्ट॑कामुप॒दधा॑ति
Sentence: 6 त्रीन्वरा॑न्दद्यात्
Sentence: 7 त्रयो वै प्रा॒णाः
Sentence: 8 प्रा॒णानां॒ स्पृत्यै
Sentence: 9 द्वावे॒व देयौ
Sentence: 10 द्वौ॒ हि प्राणौ ।
Sentence: 11 एक॑ ए॒व देय॑स् ।
Sentence: 12 एको॒ हि प्रा॒णः
Sentence: 13 प॒शुः ॥
Verse: 3
Sentence: 1 वा ए॒ष यद॒ग्निस् ।
Sentence: 2 न खलु वै प॒शव॒ आय॑वसे रमन्ते
Sentence: 3 दूर्वेष्ट॒कामुप॑ दधाति पशू॒नां धृत्यै
Sentence: 4 द्वाभ्या॒म्प्रति॑ष्ठित्यै
Sentence: 5 काण्डा॑त्काण्डात्प्र॒रोह॒न्तीत्या॑ह
Sentence: 6 काण्डे॑नकाण्डेन॒ ह्ये॒षा प्र॑ति॒तिष्ठै॑ ।
Sentence: 7 ए॒वा नो॑ दूर्वे॒ प्र त॑नु स॒हस्रे॑ण श॒तेन॒ चेत्या॑ह
Sentence: 8 साह॒स्रः प्र॒जाप॑तिः
Sentence: 9 प्र॒जाप॑ते॒राप्त्यै
Sentence: 10 देवल॒क्ष्मं वै॑ त्र्यालिखि॒ता
Sentence: 11 तामुत्त॑रलक्ष्माणं दे॒वा उपा॑दध॒ताध॑रलक्ष्माण॒मसु॑रास् ।
Sentence: 12 यम् ॥
Verse: 4
Sentence: 1 का॒मये॑त
Sentence: 2 वसी॑यान्त्स्या॒दित्युत्त॑रलक्ष्माणं॒ तस्योप॑ दध्यात् ।
Sentence: 3 वसी॑याने॒व भ॑वति
Sentence: 4 यं का॒मये॑त
Sentence: 5 पापी॑यान्त्स्या॒दित्यध॑रलक्ष्माणं॒ तस्योप॑ दध्यात् ।
Sentence: 6 अ॑सुरयो॒निमेवैन॒मनु॒ परा॑ भावयति
Sentence: 7 पापी॑यान्भवति
Sentence: 8 त्र्यालिखि॒ता भ॑वति ।
Sentence: 9 इ॒मे वै॑ लो॒कास्त्र्या॑लिखि॒ता ।
Sentence: 10 ए॒भ्य ए॒व लो॒केभ्यो॒ भ्रातृ॑व्यम॒न्तरे॑ति ।
Sentence: 11 अङ्गि॑रसः सुव॒र्गं लो॒कं व॒तः पु॑रो॒डाशः॑ कू॒र्मो भू॒त्वानु॒ प्रास॑र्पत् ॥
Verse: 5
Sentence: 1 यत्कू॒र्ममु॑प॒दधा॑ति॒ यथा॑ क्षेत्र॒विदञ्ज॑सा॒ नय॑त्ये॒वमेवैनं कू॒र्मः सु॑व॒र्गं लो॒कमञ्ज॑सा नयति
Sentence: 2 मेधो॒ वा ए॒ष प॑शू॒नां यत्कू॒र्मस् ।
Sentence: 3 यत्कू॒र्ममु॑प॒दधा॑ति॒ स्वमे॒व मेध॒म्पश्य॑न्तः प॒शव॒ उप॑ तिष्ठन्ते
Sentence: 4 श्मशा॒नं वा ए॒तत्क्रि॑यते॒ यन्मृ॒ताना॑म्पशू॒नां शी॒र्षाण्यु॑पधी॒यन्ते
Sentence: 5 यज्जीव॑न्तं कू॒र्ममु॑प॒दधा॑ति॒ तेनाश्म॑शानचित् ।
Sentence: 6 वा॑स्त॒व्यो॒ वा ए॒ष यत् ॥
Verse: 6
Sentence: 1 कू॒र्मस् ।
Sentence: 2 मधु॒ वाता॑ ऋताय॒त इति॑ द॒ध्ना म॑धुमि॒श्रेणा॒भ्य॑नक्ति
Sentence: 3 स्व॒दय॑त्येवैनम् ।
Sentence: 4 ग्रा॒म्यं वा ए॒तदन्नं॒ यद्दध्या॑र॒ण्यम्मधु
Sentence: 5 यद्दध्ना॑ मधुमि॒श्रेणा॑भ्य॒नक्त्यु॒भय॒स्याव॑रुद्ध्यै
Sentence: 6 म॒ही द्यौः॑ पृथि॒वी च॑ न॒ इत्या॑ह ।
Sentence: 7 आ॒भ्यामेवैनमुभ॒यतः॒ परि॑ गृह्णाति
Sentence: 8 प्राञ्च॒मुप॑ दधाति
Sentence: 9 तस्मा॑त् ॥
Verse: 7
Sentence: 1 पु॒रस्ता॑त्प्र॒त्यञ्चः॑ प॒शवो॒ मेध॒मुप॑ तिष्ठन्ते
Sentence: 2 यो वा अप॑नाभिम॒ग्निं चि॑नु॒ते यज॑मानस्य॒ नाभि॒मनु॒ प्र वि॑शति
Sentence: 3 स ए॑नमीश्व॒रो हिंसि॑तोस् ।
Sentence: 4 उ॒लूख॑ल॒मुप॑ दधाति ।
Sentence: 5 ए॒षा वा अ॒ग्नेर्नाभिः
Sentence: 6 सना॑भिमे॒वाग्निं चि॑नु॒ते ऽहिं॑सायै ।
Sentence: 7 अौ॑दुम्बरम्भवति ।
Sentence: 8 ऊर्ग्वा उ॑दु॒म्बर॑स् ।
Sentence: 9 ऊर्ज॑मे॒वाव॑ रुन्द्धे
Sentence: 10 मध्य॒त उप॑ दधाति
Sentence: 11 मध्य॒त ए॒वास्मा॒ ऊर्जं॑ दधाति
Sentence: 12 तस्मा॑न्मध्य॒त ऊ॒र्जा भु॑ञ्जते ।
Sentence: 13 इ॒यद्भ॑वति
Sentence: 14 प्र॒जाप॑तिना यज्ञमु॒खेन॒ सम्मि॑तम्
Sentence: 15 अव॑ हन्ति ।
Sentence: 16 अन्न॑मे॒वाक॑र्
Sentence: 17 वैष्ण॒व्यर्चोप॑ दधाति
Sentence: 18 विष्णुर्वै य॒ज्ञस् ।
Sentence: 19 वै॑ष्ण॒वा वन॒स्पत॑यस् ।
Sentence: 20 य॒ज्ञ ए॒व य॒ज्ञम्प्रति॑ ष्ठापयति ॥
Paragraph: 9
Verse: 1
Sentence: 1 ए॒षां वा ए॒तल्लो॒कानां॒ ज्योतिः॒ सम्भृ॑तं॒ यदु॒खा
Sentence: 2 यदु॒खामु॑प॒दधा॑त्ये॒भ्य ए॒वा लो॒केभ्यो॒ ज्योति॒रव॑ रुन्द्धे
Sentence: 3 मध्य॒त उप॑ दधाति
Sentence: 4 मध्य॒त ए॒वास्मै॒ ज्योति॑र्दधाति
Sentence: 5 तस्मा॑न्मध्य॒तो ज्योति॒रुपा॑स्महे
Sentence: 6 सिक॑ताभिः पूरयति ।
Sentence: 7 ए॒तद्वा अ॒ग्नेर्वै॑श्वान॒रस्य॑ रू॒पम् ।
Sentence: 8 रू॒पेणै॒व वै॑श्वान॒रमव॑ रुन्द्धे
Sentence: 9 यं का॒मये॑त
Sentence: 10 क्षोधु॑कः स्या॒दित्यू॒नां तस्योप॑ ॥
Verse: 2
Sentence: 1 द॑ध्यात्
Sentence: 2 क्षोधु॑क ए॒व भ॑वति
Sentence: 3 यं का॒मये॑त ।
Sentence: 4 अनु॑पदस्य॒दन्न॑मद्या॒दिति॑ पू॒र्णां तस्योप॑ दध्यात् ।
Sentence: 5 अनु॑पदस्यदे॒वान्न॑मत्ति
Sentence: 6 स॒हस्रं वै॒ प्रति॒ पुरु॑षः पशू॒नां य॑छति स॒हस्र॑म॒न्ये प॒शव॑स् ।
Sentence: 7 मध्ये॑ पुरुषशी॒र्षमुप॑ दधाति
Sentence: 8 सवीर्य॒त्वाय॑ ।
Sentence: 9 उ॒खाया॒मपि॑ दधाति
Sentence: 10 प्रति॒ष्ठामेवैनद्गमयति
Sentence: 11 व्यृ॑द्धं॒ वा ए॒तत्प्राणैरमे॒ध्यं यत्पु॑रुषशी॒र्षम्
Sentence: 12 अ॒मृतं॒ खलु वै प्रा॒णाः ॥
Verse: 3
Sentence: 1 अ॒मृतं॒ हिर॑ण्यम्
Sentence: 2 प्रा॒णेषु॑ हिरण्यश॒ल्कान्प्रत्य॑स्यति
Sentence: 3 प्रति॒ष्ठामेवैनद्गमयि॒त्वा प्राणैः॒ सम॑र्धयति
Sentence: 4 द॒ध्ना म॑धुमि॒श्रेण॑ पूरयति ।
Sentence: 5 म॒ध्व्यो॑ ऽसा॒नीति
Sentence: 6 शृतात॒ङ्क्ये॑न मेध्य॒त्वाय
Sentence: 7 ग्रा॒म्यं वा ए॒तदन्नं॒ यद्दध्या॑र॒ण्यम्मधु
Sentence: 8 यद्दध्ना॑ मधुमि॒श्रेण॑ पू॒रय॑त्यु॒भय॒स्याव॑रुद्ध्यै
Sentence: 9 पशुशी॒र्षाण्युप॑ दधाति
Sentence: 10 प॒शवो वै पशुशी॒र्षाणि
Sentence: 11 प॒शूने॒वाव॑ रुन्द्धे
Sentence: 12 यं का॒मये॑त ।
Sentence: 13 अ॑प॒शुः स्या॒दिति
Sentence: 14 विषू॒चीना॑नि॒ तस्योप॑ दध्यात् ।
Sentence: 15 विषू॑च ए॒वास्मा॑त्प॒शून्द॑धाति ।
Sentence: 16 अ॑प॒शुरे॒व भ॑वति
Sentence: 17 यं का॒मये॑त
Sentence: 18 पशु॒मान्त्स्या॒दिति॑ समी॒चीना॑नि॒ तस्योप॑ दध्यात्
Sentence: 19 स॒मीच॑ ए॒वास्मै॑ प॒शून्द॑धाति
Sentence: 20 पशु॒माने॒व भ॑वति
Sentence: 21 पु॒रस्ता॑त्प्रती॒चीन॒मश्व॒स्योप॑ दधाति प॒श्चात्प्रा॒चीन॑मृष॒भस्य॑ ।
Sentence: 22 अप॑शवो॒ वा अ॒न्ये गोअ॒श्वेभ्यः॑ प॒शव॑स् ।
Sentence: 23 गोअ॒श्वाने॒वास्मै॑ स॒मीचो॑ दधाति ।
Sentence: 24 ए॒ताव॑न्तो वै प॒शवः॑ ॥
Verse: 4
Sentence: 1 द्वि॒पाद॑श्च॒ चतु॑ष्पादश्च
Sentence: 2 तान्वा ए॒तदग्नौ॒ प्र द॑धाति॒ यत्प॑शुशी॒र्षाण्यु॑प॒दधा॑ति ।
Sentence: 3 अ॒मुमा॑र॒ण्यमनु॑ ते दिशा॒मीत्या॑ह
Sentence: 4 ग्रा॒म्येभ्य॑ ए॒व प॑शुभ्य आर॒ण्यान्प॒शूञ्छुच॒मनूत्सृ॑जति
Sentence: 5 तस्मा॑त्स॒माव॑त्पशू॒नाम्प्र॒जाय॑मानानामार॒ण्याः प॒शवः॒ कनी॑यांसः
Sentence: 6 शु॒चा ह्यृ॒ताः
Sentence: 7 स॑र्पशी॒र्षमुप॑ दधाति
Sentence: 8 यै॒व स॒र्पे त्विषि॒स्तामे॒वाव॑ रुन्द्धे ॥
Verse: 5
Sentence: 1 यत्स॑मी॒चीन॑म्पशुशीर्षैरुपद॒ध्याद्ग्रा॒म्यान्प॒शून्दंशु॑काः स्युस् ।
Sentence: 2 यद्वि॑षू॒चीन॑मार॒ण्यान्
Sentence: 3 यजु॑रे॒व व॑देत् ।
Sentence: 4 अव॒ तां त्विषिं॑ रुन्द्धे॒ या स॒र्पे
Sentence: 5 न ग्रा॒म्यान्प॒शून्हि॒नस्ति॒ नार॒ण्यान्
Sentence: 6 अथो॒ खलू॑प॒धेय॑मे॒व
Sentence: 7 यदु॑प॒दधा॑ति॒ तेन॒ तां त्विषि॒मव॑ रुन्द्धे॒ या स॒र्पे
Sentence: 8 यद्यजु॒र्वद॑ति॒ तेन॑ शा॒न्तम् ॥
Paragraph: 10
Verse: 1
Sentence: 1 प॒शुर्वा ए॒ष यद॒ग्निस् ।
Sentence: 2 योनिः॒ खलु॒ वा ए॒षा प॒शोर्वि क्रि॑यते॒ यत्प्रा॒चीन॑ऐष्ट॒काद्यजुः॑ क्रि॒यते
Sentence: 3 रेतो॑ ऽप॒स्या॑स् ।
Sentence: 4 अ॑प॒स्या॒ उप॑ दधाति
Sentence: 5 योना॑वे॒व रेतो॑ दधाति
Sentence: 6 पञ्चोप॑ दधाति
Sentence: 7 पाङ्क्ताः॑ प॒शवः
Sentence: 8 प॒शूने॒वास्मै॒ प्र ज॑नयति
Sentence: 9 पञ्च॑ दक्षिण॒तस् ।
Sentence: 10 वज्रो॒ वा अ॑प॒स्या॑स् ।
Sentence: 11 वज्रे॑णै॒व य॒ज्ञस्य॑ दक्षिण॒तो रक्षां॒स्यप॑ हन्ति
Sentence: 12 पञ्च॑ प॒श्चात् ॥
Verse: 2
Sentence: 1 प्राची॒रुप॑ दधाति
Sentence: 2 प॒श्चाद्वै॑ प्रा॒चीनं॒ रेतो॑ धीयते
Sentence: 3 प॒श्चादे॒वास्मै॑ प्रा॒चीनं॒ रेतो॑ दधाति
Sentence: 4 पञ्च॑ पु॒रस्ता॑त्प्र॒तीची॒रुप॑ दधाति॒ पञ्च॑ प॒श्चात्प्राची॑स्
Sentence: 5 तस्मा॑त्प्रा॒चीनं॒ रेतो॑ धीयते प्र॒तीचीः॑ प्र॒जा जा॑यन्ते
Sentence: 6 पञ्चो॑त्तर॒तश्छ॑न्द॒स्याः
Sentence: 7 प॒शवो वै छन्द॒स्याः
Sentence: 8 प॒शूने॒व प्रजा॑ता॒न्त्स्वमा॒यत॑नम॒भि पर्यू॑हते ।
Sentence: 9 इ॒यं वा अ॒ग्नेर॑तिदा॒हाद॑बिभेत्
Sentence: 10 सै॒ताः ॥
Verse: 3
Sentence: 1 अ॑प॒स्या॑ अपश्यत्
Sentence: 2 ता उपा॑धत्त
Sentence: 3 ततो॒ वा इ॒मां नात्य॑दहत् ।
Sentence: 4 यद॑प॒स्या॑ उप॒दधा॑त्य॒स्या अन॑तिदाहाय
Sentence: 5 उ॒वाच॑ हे॒यम्
Sentence: 6 अद॒दित्स ब्रह्म॒णान्नं॒ यस्यै॒ता उ॑पधी॒यान्तै॒ य उ॑ चैना ए॒वं वेद॒दिति
Sentence: 7 प्राण॒भृत॒ उप॑ दधाति
Sentence: 8 रेत॑स्ये॒व प्रा॒णान्द॑धाति
Sentence: 9 तस्मा॒द्वद॑न्प्रा॒णन्पश्य॑ञ्छृ॒ण्वन्प॒शुर्जा॑यते ।
Sentence: 10 अ॒यम्पु॒रः ॥
Verse: 4
Sentence: 1 भुव॒ इति॑ पु॒रस्ता॒दुप॑ दधाति
Sentence: 2 प्रा॒णमेवै॒ताभि॑र्दाधार ।
Sentence: 3 अ॒यं द॑क्षि॒णा वि॒श्वक॒र्मेति॑ दक्षिण॒तस् ।
Sentence: 4 मन॑ एवै॒ताभि॑र्दाधार ।
Sentence: 5 अ॒यम्प॒श्चाद्वि॒श्वव्य॑चा॒ इति॑ प॒श्चात् ।
Sentence: 6 चक्षु॑रेवै॒ताभि॑र्दाधार ।
Sentence: 7 इ॒दमु॑त्त॒रात्सुव॒रित्यु॑त्तर॒तः
Sentence: 8 श्रोत्र॑मेवै॒ताभि॑र्दाधार ।
Sentence: 9 इ॒यमु॒परि॑ म॒तिरित्यु॒परि॑ष्टात् ।
Sentence: 10 वाच॑मेवै॒ताभि॑र्दाधार
Sentence: 11 दश॑द॒शोप॑ दधाति सवीर्य॒त्वाय॑ ।
Sentence: 12 अ॑क्ष्ण॒या ॥
Verse: 5
Sentence: 1 उप॑ दधाति
Sentence: 2 तस्मा॑दक्ष्ण॒या प॒शवो ऽङ्गा॑नि॒ प्र ह॑रन्ति
Sentence: 3 प्रति॑ष्ठित्यै
Sentence: 4 याः प्राची॒स्ताभि॒र्वसि॑ष्ठ आर्ध्नोत् ।
Sentence: 5 या द॑क्षि॒णा ताभि॑र्भ॒रद्वा॑जस् ।
Sentence: 6 याः प्रा॒तीची॒स्ताभि॑र्वि॒श्वामि॑त्रस् ।
Sentence: 7 या उदी॑ची॒स्ताभि॑र्ज॒मद॑ग्निस् ।
Sentence: 8 या ऊ॒र्ध्वास्ताभि॑र्विश्वकर्मा
Sentence: 9 य ए॒वमे॒तासा॒मृद्धिं॒ वेद॒र्ध्नोत्ये॒व
Sentence: 10 य आ॑सामे॒वम्ब॒न्धुतां॒ वेद॒ बन्धु॑मान्भवति
Sentence: 11 य आ॑सामे॒वं कॢप्तिं॒ वेद॒ कल्प॑ते ॥
Verse: 6
Sentence: 1 अ॑स्मै
Sentence: 2 य आ॑सामे॒वमा॒यत॑नं॒ वेदा॒यत॑नवान्भवति
Sentence: 3 य आ॑सामे॒वम्प्र॑ति॒ष्ठां वेद॒ प्रत्ये॒व ति॑ष्ठति
Sentence: 4 प्राण॒भृत॑ उप॒धाय॑ सं॒यत॒ उप॑ दधाति
Sentence: 5 प्रा॒णाने॒वास्मि॑न्धि॒त्वा सं॒यद्भिः॒ सं य॑छति
Sentence: 6 तत्सं॒यतां॑ संय॒त्त्वम्
Sentence: 7 अथो॑ प्रा॒ण ए॒वापा॒नं द॑धाति
Sentence: 8 तस्मा॑त्प्राणापानौ॒ सं च॑रतस् ।
Sentence: 9 विषू॑ची॒रुप॑ दधाति
Sentence: 10 तस्मा॒द्विष्व॑ञ्चौ प्राणापानौ
Sentence: 11 यद्वा अ॒ग्नेरसं॑यतम् ॥
Verse: 7
Sentence: 1 असु॑वर्ग्यमस्य॒ तत्
Sentence: 2 सुव॒र्ग्यो॒ ऽग्निस् ।
Sentence: 3 यत्सं॒यत॑ उप॒दधा॑ति॒ समेवैनं यछति सुव॒र्ग्य॑मे॒वाक॑स्
Sentence: 4 त्र्यवि॒र्वयः॑ कृ॒तमया॑ना॒मित्या॑ह
Sentence: 5 वयो॑भिरे॒वाया॒नव॑ रुन्द्धे ।
Sentence: 6 अयै॒र्वयां॑सि
Sentence: 7 स॒र्वतो॑ वायु॒मती॑र्भवन्ति
Sentence: 8 तस्मा॑द॒यं स॒र्वतः॑ पवते ॥
Paragraph: 11
Verse: 1
Sentence: 1=a गा॑य॒त्री त्रि॒ष्टुब्जग॑त्यनु॒ष्टुक्प॒ङ्क्त्या॑ स॒ह । बृ॑ह॒त्यु॒ष्णिहा॑ क॒कुत्सू॒चीभिः॑ शिम्यन्तु त्वा ॥
Sentence: 2=b द्वि॒पदा॒ या चतु॑ष्पदा त्रि॒पदा॒ या च॒ षट्प॑दा । सछ॑न्दा॒ या च॒ विछ॑न्दाः सू॒चीभिः॑ शिम्यन्तु त्वा ॥
Sentence: 3=c म॒हाना॑म्नी रे॒वत॑यो॒ विश्वा॒ आशाः॑ प्र॒सूव॑रीः । मेघ्या॑ वि॒द्युतो॒ वाचः॑ सू॒चीभिः॑ शिम्यन्तु त्वा ॥
Sentence: 4=d र॑ज॒ता हरि॑णीः॒ सीसा॒ युजो॑ युज्यन्ते॒ कर्म॑भिः । अश्व॑स्य वा॒जिन॑स्त्व॒चि सू॒चीभिः॑ शिम्यन्तु त्वा ॥
Sentence: 5=e नारीः॑ ॥
Verse: 2
Sentence: 1 ते॒ पत्न॑यो॒ लोम॒ वि चि॑न्वन्तु मनी॒षया॑ । दे॒वाना॒म्पत्नी॒र्दिशः॑ सू॒चीभिः॑ शिम्यन्तु त्वा ॥
Sentence: 2=f कु॒विद॒ङ्ग यव॑मन्तो॒ यवं॑ चि॒द्यथा॒ दान्त्य॑नुपू॒र्वं वि॒यूय॑ । इ॒हेहै॑षां कृणुत॒ भोज॑नानि॒ ये ब॒र्हिषो॒ नमो॑वृक्तिं॒ न ज॒ग्मुः ॥
Paragraph: 12
Verse: 1
Sentence: 1=a कस्त्वा॑ छ्यति॒ कस्त्वा॒ वि शा॑स्ति॒ कस्ते॒ गात्रा॑णि शिम्यति । क उ॑ ते शमि॒ता क॒विः ॥
Sentence: 2=b ऋ॒तव॑स्त ऋतु॒धा परुः॑ शमि॒तारो॒ वि शा॑सतु । सं॑वत्स॒रस्य॒ धाय॑सा॒ शिमी॑भिः शिम्यन्तु त्वा ॥
Sentence: 3=c दै॑व्या अध्व॒र्यव॑स्त्वा॒ छ्यन्तु॒ वि च॑ शासतु । गात्रा॑णि पर्व॒शस्ते॒ शिमाः॑ कृण्वन्तु॒ शिम्य॑न्तः ॥
Sentence: 4=d अ॑र्धमा॒साः परूं॑षि ते॒ मासा॑श्छ्यन्तु॒ शिम्य॑न्तः । अ॑होरा॒त्राणि॑ म॒रुतो॒ विलि॑ष्टं ॥
Verse: 2
Sentence: 1 सू॑दयन्तु ते ॥
Sentence: 2=e पृ॑थि॒वी ते॒ ऽन्तरि॑क्षेण वा॒युश्छि॒द्रम्भि॑षज्यतु । द्यौ॑स्ते॒ नक्ष॑त्रैः स॒ह रू॒पं कृ॑णोतु साधु॒या ॥
Sentence: 3=f शं ते॒ परे॑भ्यो॒ गात्रे॑भ्यः॒ शम॒स्त्वव॑रेभ्यः । शम॒स्थभ्यो॑ म॒ज्जभ्यः॒ शमु॑ ते त॒नुवे॑ भुवत् ॥
Chapter: 3
Paragraph: 1
Verse: 1
Sentence: 1 उ॑त्सन्नय॒ज्ञो वा ए॒ष यद॒ग्निः
Sentence: 2 किं वाहै॒तस्य॑ क्रि॒यते॒ किं वा॒ न
Sentence: 3 यद्वै॑ य॒ज्ञस्य॑ क्रि॒यमा॑णस्यान्त॒र्यन्ति॒ पूय॑ति॒ वा अ॑स्य॒ तत् ।
Sentence: 4 आ॑श्वि॒नीरुप॑ दधाति ।
Sentence: 5 अ॒श्विनौ वै दे॒वाना॑म्भि॒षजौ
Sentence: 6 ताभ्या॑मे॒वास्मै॑ भेष॒जं क॑रोति
Sentence: 7 पञ्चोप॑ दधाति
Sentence: 8 पाङ्क्तो॑ य॒ज्ञस् ।
Sentence: 9 यावा॑ने॒व य॒ज्ञस्तस्मै॑ भेष॒जं क॑रोति ।
Sentence: 10 ऋ॑त॒व्या॒ उप॑ दधाति ।
Sentence: 11 ऋ॑तू॒नां कॢप्त्यै॑ ॥
Verse: 2
Sentence: 1 प॒ञ्चोप॑ दधाति
Sentence: 2 पञ्च॒ वा ऋ॒तव॑स् ।
Sentence: 3 याव॑न्त ए॒वर्तव॑स्
Sentence: 4 तान्क॑ल्पयति
Sentence: 5 समा॒नप्र॑भृतयो भवन्ति समा॒नोद॑र्कास्
Sentence: 6 तस्मा॑त्समा॒ना ऋ॒तव॑स् ।
Sentence: 7 एके॑न प॒देन॒ व्याव॑र्तन्ते
Sentence: 8 तस्मा॑दृ॒तवो॒ व्याव॑र्तन्ते
Sentence: 9 प्राण॒भृत॒ उप॑ दधाति ।
Sentence: 10 ऋ॒तुष्वे॒व प्रा॒णान्द॑धाति
Sentence: 11 तस्मा॑त्समा॒नाः सन्त॑ ऋ॒तवो॒ न जी॑र्यन्ति ।
Sentence: 12 अथो॒ प्र ज॑नयत्येवैनान्
Sentence: 13 ए॒ष वै॑ वा॒युर्यत्प्रा॒णस् ।
Sentence: 14 यदृ॑त॒व्या॑ उप॒धाय॑ प्राण॒भृतः॑ ॥
Verse: 3
Sentence: 1 उ॑प॒दधा॑ति॒ तस्मा॒त्सर्वा॑नृ॒तूननु॑ वा॒युरा व॑रीवर्त्ति
Sentence: 2 वृष्टि॒सनी॒रुप॑ दधाति
Sentence: 3 वृष्टि॑मे॒वाव॑ रुन्द्धे॒ यदे॑क॒धोप॑द॒ध्यादेक॑मृ॒तुं व॑र्षेत् ।
Sentence: 4 अ॑नुपरि॒हारं॑ सादयति॒ तस्मा॒त्सर्वा॑नृ॒तून्व॑र्षति
Sentence: 5 यत्प्रा॑ण॒भृत॑ उप॒धाय॑ वृष्टि॒सनी॑रुप॒दधा॑ति॒ तस्मा॑द्वा॒युप्र॑च्युता दि॒वो वृष्टि॑रीर्त�
Sentence: 6 प॒शवो वै वय॒स्या॑स् ।
Sentence: 7 नाना॑मनसः॒ खलु वै प॒शवो॒ नाना॑व्रता॒स्ते॒ ऽप ए॒वाभि सम॑नसः ॥
Verse: 4
Sentence: 1 यं का॒मये॑त ।
Sentence: 2 अ॑प॒शुः स्या॒दिति॑ वय॒स्या॒स्तस्यो॑प॒धाया॑प॒स्या॒ उप॑ दध्या॒दसं॑ज्ञानमे॒वास्मै॑ प॒शुभिः॑ करोति ।
Sentence: 3 अ॑प॒शुरे॒व भ॑वति
Sentence: 4 यं का॒मये॑त
Sentence: 5 पशु॒मान्त्स्या॒दित्य॑प॒स्या॒स्तस्यो॑प॒धाय॑ वय॒स्या॒ उप॑ दध्यात्सं॒ज्ञान॑मे॒वास्मै॑ प॒शुभिः॑ करोति
Sentence: 6 पशु॒माने॒व भ॑वति
Sentence: 7 चत॑स्रः पु॒रस्ता॒दुप॑ दधाति
Sentence: 8 तस्मा॑च्च॒त्वारि॒ चक्षु॑षो रू॒पाणि॒ द्वे शु॒क्ले द्वे कृ॒ष्णे ॥
Verse: 5
Sentence: 1 मू॑र्ध॒न्वती॑र्भवन्ति
Sentence: 2 तस्मा॑त्पु॒रस्ता॑न्मू॒र्धा
Sentence: 3 पञ्च॒ दक्षि॑णायां॒ श्रोण्या॒मुप॑ दधाति॒ पञ्चोत्त॑रस्यां॒ तस्मा॑त्प॒श्चाद्वर्षी॑यान्पु॒रस�णः प॒शुस् ।
Sentence: 4 ब॒स्तो वय॒ इति॒ दक्षि॒णे ऽं॑स॒ उप॑ दधाति वृ॒ष्णिर्वय॒ इत्युत्त॑रे ।
Sentence: 5 अंसा॑वे॒व प्रति॑ दधाति
Sentence: 6 व्या॒घ्रो वय॒ इति॒ दक्षि॑णे प॒क्ष उप॑ दधाति सिं॒हो वय॒ इत्युत्त॑रे
Sentence: 7 प॒क्षयो॑रे॒व वी॒र्यं॑ दधाति
Sentence: 8 पुरु॑षो॒ वय॒ इति॒ मध्ये॒ तस्मा॒त्पुरु॑षः पशू॒नामधि॑पतिः ॥
Paragraph: 2
Verse: 1
Sentence: 1 इन्द्रा॑ग्नी॒ अव्य॑थमाना॒मिति॑ स्वयमातृ॒ण्णामुप॑ दधाति ।
Sentence: 2 इ॑न्द्रा॒ग्निभ्यां॒ वा इमौ लोकौ॒ विधृ॑तौ ।
Sentence: 3 अ॒नयो॑र्लो॒कयो॒र्विधृ॑त्यै ।
Sentence: 4 अधृ॑तेव॒ वा ए॒षा यन्म॑ध्य॒मा चिति॑स् ।
Sentence: 5 अ॒न्तरि॑क्षमिव॒ वा ए॒षा ।
Sentence: 6 इन्द्रा॑ग्नी॒ इत्या॑ह ।
Sentence: 7 इ॑न्द्रा॒ग्नी वै॑ दे॒वाना॑मोजो॒भृतौ॑ ।
Sentence: 8 ओज॑सैवैनाम॒न्तरि॑क्षे चिनुते
Sentence: 9 धृत्यै
Sentence: 10 स्वयमातृ॒ण्णामुप॑ दधाति ।
Sentence: 11 अ॒न्तरि॑क्षं वै स्वयमातृ॒ण्णा ।
Sentence: 12 अ॒न्तरि॑क्षमे॒वोप॑ धत्ते ।
Sentence: 13 अश्व॒मुप॑ ॥
Verse: 2
Sentence: 1 घ्रा॑पयति
Sentence: 2 प्रा॒णमे॒वास्यां॑ दधाति ।
Sentence: 3 अथो॑ प्राजाप॒त्यो वा अश्वः
Sentence: 4 प्र॒जाप॑तिनै॒वाग्निं चि॑नुते
Sentence: 5 स्वयमातृ॒ण्णा भ॑वति
Sentence: 6 प्रा॒णाना॒मुत्सृ॑ष्ट्यै ।
Sentence: 7 अथो॑ सुव॒र्गस्य॑ लो॒कस्यानु॑ख्यात्यै ।
Sentence: 8 दे॒वानां वै सुव॒र्गं लो॒कं य॒तां दिशः॒ सम॑व्लीयन्त
Sentence: 9 त ए॒ता दिश्या॑ अपश्यन्
Sentence: 10 ता उपा॑दधत
Sentence: 11 ताभिर्वै॒ ते दिशो॑ ऽदृंहन्
Sentence: 12 यद्दिश्या॑ उप॒दधा॑ति
Sentence: 13 दिशं विधृ॑त्यै
Sentence: 14 दश॑ प्राण॒भृतः॑ पु॒रस्ता॒दुप॑ ॥
Verse: 3
Sentence: 1 द॑धाति
Sentence: 2 नव वै॒ पुरु॑षे प्रा॒णा नाभि॑र्दश॒मी
Sentence: 3 प्रा॒णाने॒व पु॒रस्ता॑द्धत्ते
Sentence: 4 तस्मा॑त्पु॒रस्ता॑त्प्रा॒णास् ।
Sentence: 5 ज्योति॑ष्मतीमुत्त॒मां उप॑ दधाति
Sentence: 6 तस्मा॑त्प्रा॒णानां॒ वाग्ज्योति॑रुत्त॒मास् ।
Sentence: 7 दशोप॑ दधाति
Sentence: 8 दशा॑क्षरा वि॒राड्^वि॒राज्
Sentence: 9 वि॒राट्छन्द॑सां॒ ज्योति॑स् ।
Sentence: 10 ज्योत्रे॒व पु॒रस्ता॑द्धत्ते
Sentence: 11 तस्मा॑त्पु॒रस्ता॒ज्ज्योति॒रुपा॑स्महे
Sentence: 12 छन्दां॑सि प॒शुष्वा॒जिम॑युस्
Sentence: 13 तान्बृ॑ह॒त्युद॑जयत्
Sentence: 14 तस्मा॒द्बार्ह॑ताः ॥
Verse: 4
Sentence: 1 प॒शव॑ उच्यन्ते
Sentence: 2 मा छन्द॒ इति॑ दक्षिण॒त उप॑ दधाति॒ तस्मा॑द्दक्षि॒णावृ॑तो॒ माषाः
Sentence: 3 पृथि॒वी छन्द॒ इति॑ प॒श्चात्प्रति॑ष्ठित्यै ।
Sentence: 4 अ॒ग्निर्दे॒वतेत्यु॑त्तर॒त ओजो॒ वा अ॒ग्निरोज॑ ए॒वोत्त॑र॒तो ध॑त्ते॒ तस्मा॑दुत्तरतोऽभिप्रया॒यी ज॑यति
Sentence: 5 षट्त्रिं॑श॒त्सम्प॑द्यन्ते
Sentence: 6 षट्त्रिं॑शदक्षरा बृह॒ती
Sentence: 7 बार्ह॑ताः प॒शव॑स् ।
Sentence: 8 बृ॑हत्यै॒वास्मै॑ प॒शूनव॑ रुन्द्धे
Sentence: 9 बृह॒ती छन्द॑सां॒ स्वारा॑ज्य॒म्परी॑याय
Sentence: 10 यस्यै॒ताः ॥
Verse: 5
Sentence: 1 उ॑पधी॒यन्ते॒ गछ्ति॒ स्वारा॑ज्यम् ।
Sentence: 2 स॒प्त वाल॑खिल्याः पु॒रस्ता॒दुप॑ दधाति स॒प्त प॒श्चात्
Sentence: 3 स॒प्त वै॑ शीर्ष॒ण्याः॑ प्रा॒णा द्वाववा॑ञ्चौ प्रा॒णानां॑ सवीर्य॒त्वाय
Sentence: 4 मू॒र्धासि॒ राडिति॑ पु॒रस्ता॒दुप॑ दधाति॒ यन्त्री॒ राडिति॑ प॒श्चात्
Sentence: 5 प्रा॒णाने॒वास्मै॑ स॒मीचो॑ दधाति ॥
Paragraph: 3
Verse: 1
Sentence: 1 दे॒वा वै॒ यद्य॒ज्ञे ऽकु॑र्वत॒ तदसु॑रा अकुर्वत
Sentence: 2 ते दे॒वा ए॒ता अ॑क्ष्णयास्तो॒मीया॑ अपश्यन्
Sentence: 3 ता अ॒न्यथा॒नूच्या॒न्यथोपा॑दधत
Sentence: 4 तदसु॑रा॒ नान्ववा॑यन्
Sentence: 5 ततो॑ दे॒वा अभ॑व॒न्परासु॑रास् ।
Sentence: 6 यद॑क्ष्णयास्तो॒मीया॑ अ॒न्यथा॒नूच्या॒न्यथो॑प॒दधा॑ति॒ भ्रात्रि॑व्याभिभूत्यै
Sentence: 7 भव॑त्या॒त्मना॒ परा॑स्य॒ भ्रातृ॑व्यो भवति ।
Sentence: 8 आ॒शुस्त्रि॒वृदिति॑ पु॒रस्ता॒दुप॑ दधाति
Sentence: 9 य॒ज्ञमु॒खं वै॑ त्रि॒वृत् ॥
Verse: 2
Sentence: 1 य॑ज्ञमु॒खमे॒व पु॒रस्ता॒द्वि या॑तयति
Sentence: 2 व्यो॑म सप्तद॒श इति॑ दक्षिण॒तस् ।
Sentence: 3 अन्नं वै॒ व्यो॑म ।
Sentence: 4 अन्नं॑ सप्तद॒शस् ।
Sentence: 5 अन्न॑मे॒व द॑क्षिण॒तो ध॑त्ते
Sentence: 6 तस्मा॒द्दक्षि॑णे॒नान्न॑मद्यते
Sentence: 7 ध॒रुण॑ एकविं॒श इति॑ प॒श्चात्प्र॑ति॒ष्ठा वा ए॑कविं॒शः
Sentence: 8 प्रति॑ष्ठित्यै
Sentence: 9 भा॒न्तः प॑ञ्चद॒श इत्यु॑त्तर॒तस् ।
Sentence: 10 ओजो वै भा॒न्तस् ।
Sentence: 11 ओजः॑ पञ्चद॒शस् ।
Sentence: 12 ओज॑ ए॒वोत्त॑र॒तो ध॑त्ते
Sentence: 13 तस्मा॑दुत्तरतोऽभिप्रया॒यी ज॑यति
Sentence: 14 प्रतू॑र्तिरष्टाद॒श इति॑ पु॒रस्ता॑त् ॥
Verse: 3
Sentence: 1 उप॑ दधाति
Sentence: 2 द्वौ त्रि॒वृता॑वभिपू॒र्वं य॑ज्ञमु॒खे वि या॑तयति ।
Sentence: 3 अ॑भिव॒र्तः स॑विं॒श इति॑ दक्षिण॒तस् ।
Sentence: 4 अन्नं॒ वा अ॑भिव॒र्तस् ।
Sentence: 5 अन्नं॑ सविं॒शस् ।
Sentence: 6 अन्न॑मे॒व द॑क्षिण॒तो ध॑त्ते
Sentence: 7 तस्मा॒द्दक्षि॑णे॒नान्न॑मद्यते
Sentence: 8 वर्चो॑ द्वाविं॒श इति॑ प॒श्चात् ।
Sentence: 9 यद्विं॑श॒तिर्द्वे तेन॑ वि॒राजौ
Sentence: 10 यद्द्वे प्र॑ति॒ष्ठा तेन
Sentence: 11 वि॒राजो॑रे॒वाभि॑पू॒र्वम॒न्नाद्ये॒ प्रति॑ तिष्ठति
Sentence: 12 तपो॑ नवद॒श इत्यु॑त्तर॒तस्
Sentence: 13 तस्मा॑त्स॒व्यः ॥
Verse: 4
Sentence: 1 हस्त॑योस्तप॒स्वित॑रस् ।
Sentence: 2 योनि॑श्चतुर्विं॒श इति॑ पु॒रस्ता॒दुप॑ दधाति
Sentence: 3 चतु॑र्विंशत्यक्षरा गाय॒त्री
Sentence: 4 गा॑य॒त्री य॑ज्ञमु॒खम् ।
Sentence: 5 य॑ज्ञमु॒खमे॒व पु॒रस्ता॒द्वि या॑तयति
Sentence: 6 गर्भाः॑ पञ्चविं॒श इति॑ दक्षिण॒तस् ।
Sentence: 7 अन्नं वै॒ गर्भा॑स् ।
Sentence: 8 अन्न॑म्पञ्चविं॒शस् ।
Sentence: 9 अन्न॑मे॒व द॑क्षिण॒तो ध॑त्ते
Sentence: 10 तस्मा॒द्दक्षि॑णे॒नान्न॑मद्यते ।
Sentence: 11 ओज॑स्त्रिण॒व इति॑ प॒श्चात् ।
Sentence: 12 इ॒मे वै॑ लो॒कास्त्रि॑ण॒वस् ।
Sentence: 13 ए॒ष्वे॒व लो॒केषु॒ प्रति॑ तिष्ठति
Sentence: 14 स॒म्भर॑णस्त्रयोविं॒श इति॑ ॥
Verse: 5
Sentence: 1 उ॑त्तर॒तस्
Sentence: 2 तस्मा॑त्स॒व्यो हस्त॑योः सम्भा॒र्य॑तरः
Sentence: 3 क्रतु॑रेकत्रिं॒श इति॑ पु॒रस्ता॒दुप॑ दधाति
Sentence: 4 वाग्वै॒ क्रतु॑स् ।
Sentence: 5 य॑ज्ञमु॒खं वाच् ।
Sentence: 6 य॑ज्ञमु॒खमे॒व पु॒रस्ता॒द्वि या॑तयति
Sentence: 7 ब्र॒ध्नस्य॑ वि॒ष्टपं॑ चतुस्त्रिं॒श इति॑ दक्षिण॒तस् ।
Sentence: 8 असौ॒ वा आ॑दि॒त्यो ब्र॒ध्नस्य॑ वि॒ष्टप॑म्
Sentence: 9 ब्रह्मवर्च॒समे॒व द॑क्षिण॒तो ध॑त्ते
Sentence: 10 तस्मा॒द्दक्षि॒णो ऽर्धो॑ ब्रह्मवर्च॒सित॑रः
Sentence: 11 प्रति॒ष्ठा त्र॑यस्त्रिं॒श इति॑ प॒श्चात्
Sentence: 12 प्रति॑ष्ठित्यै
Sentence: 13 नाकः॑ षट्त्रिं॒श इत्यु॑त्तर॒तः
Sentence: 14 सु॑व॒र्गो वै॑ लो॒को नाकः
Sentence: 15 सुव॒र्गस्य॑ लो॒कस्य॒ सम॑ष्ट्यै ॥
Paragraph: 4
Verse: 1
Sentence: 1 अ॒ग्नेर्भा॒गो॒ ऽसीति॑ पु॒रस्ता॒दुप॑ दधाति
Sentence: 2 यज्ञमु॒खं वा अ॒ग्निस् ।
Sentence: 3 य॑ज्ञमु॒खं दी॒क्षा
Sentence: 4 य॑ज्ञमु॒खम्ब्रह्म
Sentence: 5 यज्ञमु॒खं त्रि॒वृत् ।
Sentence: 6 य॑ज्ञमु॒खमे॒व पु॒रस्ता॒द्वि या॑तयति
Sentence: 7 नृ॒चक्ष॑साम्भा॒गो॒ ऽसीति॑ दक्षिण॒तः
Sentence: 8 शु॑श्रु॒वांसो वै नृ॒चक्ष॒सस् ।
Sentence: 9 अन्नं॑ धा॒ता
Sentence: 10 जा॒तायै॒वास्मा॒ अन्न॒मपि॑ दधाति
Sentence: 11 तस्मा॑ज्जा॒तो ऽन्न॑मत्ति
Sentence: 12 ज॒नित्रं॑ स्पृ॒तं स॑प्तद॒श स्तोम॒ इत्या॑ह ।
Sentence: 13 अन्नं वै ज॒नित्र॑म् ॥
Verse: 2
Sentence: 1 अन्नं॑ सप्तद॒शस् ।
Sentence: 2 अन्न॑मे॒व द॑क्षिण॒तो ध॑त्ते
Sentence: 3 तस्मा॒द्दक्षि॑णे॒नान्न॑मद्यते
Sentence: 4 मि॒त्रस्य॑ भा॒गो॒ ऽसीति॑ प॒श्चात्
Sentence: 5 प्रा॒णो वै॑ मि॒त्रो॑ ऽपा॒नो वरु॑णः
Sentence: 6 प्राणापा॒नावे॒वास्मि॑न्दधाति
Sentence: 7 दि॒वो वृ॒ष्टिर्वाता॑ स्पृ॒ता ए॑कविं॒श स्तोम॒ इत्या॑ह
Sentence: 8 प्रति॒ष्ठा वा ए॑कविं॒शः
Sentence: 9 प्रति॑ष्ठित्यै ।
Sentence: 10 इन्द्र॑स्य भा॒गो॒ ऽसीत्यु॑त्तर॒तस् ।
Sentence: 11 ओजो॒ वा इन्द्र॑स् ।
Sentence: 12 ओजो॒ विष्णु॑स् ।
Sentence: 13 ओजः॑ क्ष॒त्रम्
Sentence: 14 ओजः॑ पञ्चद॒शः ॥
Verse: 3
Sentence: 1 ओज॑ ए॒वोत्त॑र॒तो ध॑त्ते
Sentence: 2 तस्मा॑दुत्तरतोऽभिप्रया॒यी ज॑यति
Sentence: 3 वसू॑नाम्भा॒गो॒ ऽसीति॑ पु॒रस्ता॒दुप॑ दधाति
Sentence: 4 यज्ञमु॒खं वै॒ वस॑वस् ।
Sentence: 5 य॑ज्ञमु॒खं रु॒द्रास् ।
Sentence: 6 य॑ज्ञमु॒खं च॑तुर्विं॒शस् ।
Sentence: 7 य॑ज्ञमु॒खमे॒व पु॒रस्ता॒द्वि या॑तयति ।
Sentence: 8 आ॑दि॒त्याना॑म्भा॒गो॒ ऽसीति॑ दक्षिण॒तस् ।
Sentence: 9 अन्नं॒ वा आ॑दि॒त्यास् ।
Sentence: 10 अन्न॑म्म॒रुत॑स् ।
Sentence: 11 अन्नं॒ गर्भा॑स् ।
Sentence: 12 अन्न॑म्पञ्चविं॒शस् ।
Sentence: 13 अन्न॑मे॒व द॑क्षिण॒तो ध॑त्ते
Sentence: 14 तस्मा॒द्दक्ष्णे॒नान्न॑मद्यते ।
Sentence: 15 अदि॑त्यै भा॒गः ॥
Verse: 4
Sentence: 1 अ॒सीति॑ प॒श्चात्
Sentence: 2 प्रति॒ष्ठा वा अदि॑तिः
Sentence: 3 प्रति॒ष्ठा पू॒षा
Sentence: 4 प्र॑ति॒ष्ठा त्रि॑ण॒वः
Sentence: 5 प्रति॑ष्ठित्यै
Sentence: 6 दे॒वस्य॑ सवि॒तुर्भा॒गो॒ ऽसीत्यु॑त्तर॒तस् ।
Sentence: 7 ब्रह्म वै दे॒वः स॑वि॒ता
Sentence: 8 ब्रह्म॒ बृह॒स्पति॑स् ।
Sentence: 9 ब्रह्म॑ चतुष्टो॒मस् ।
Sentence: 10 ब्र॑ह्मवर्च॒समे॒वोत्त॑र॒तो ध॑त्ते
Sentence: 11 तस्मा॒दुत्त॒रो ऽर्धो॑ ब्रह्मवर्च॒सित॑रः
Sentence: 12 सावि॒त्रव॑ती भवति
Sentence: 13 प्रसू॑त्यै
Sentence: 14 तस्मा॑द्ब्राह्म॒णाना॒मुदी॑ची स॒निः प्रसू॑ता
Sentence: 15 ध॒र्त्रश्च॑तुष्टो॒म इति॑ पु॒रस्ता॒दुप॑ दधाति
Sentence: 16 यज्ञमु॒खं वै॑ ध॒र्त्रः ॥
Verse: 5
Sentence: 1 य॑ज्ञमु॒खं च॑तुष्टो॒मस् ।
Sentence: 2 य॑ज्ञमु॒खमे॒व पु॒रस्ता॒द्वि या॑तयति
Sentence: 3 यावा॑नाम्भा॒गो॒ ऽसीति
Sentence: 4 दक्षिण॒तस् ।
Sentence: 5 मासा वै॒ यावा॑ अर्धमा॒सा अया॑वास्
Sentence: 6 तस्मा॑द्दक्षि॒णावृ॑तो॒ मासा॑स् ।
Sentence: 7 अन्नं वै॒ यावा॑स् ।
Sentence: 8 अन्न॑म्प्र॒जास् ।
Sentence: 9 अन्न॑मे॒व द॑क्षिण॒तो ध॑त्ते
Sentence: 10 तस्मा॒द्दक्षि॑णे॒नान्न॑मद्यते ।
Sentence: 11 ऋ॑भू॒णाम्भा॒गो॒ ऽसीति॑ प॒श्चात्
Sentence: 12 प्रति॑ष्ठित्यै
Sentence: 13 विव॒र्तो॑ ऽष्टाचत्वारिं॒श इत्यु॑त्तर॒तस् ।
Sentence: 14 अ॒नयो॑र्लो॒कयोः॑ सवीर्य॒त्वाय
Sentence: 15 तस्मा॑दिमौ लोकौ स॒माव॑द्वीर्यौ ॥
Verse: 6
Sentence: 1 यस्य॒ मुख्य॑वतीः पु॒रस्ता॑दुपधी॒यन्ते॒ मुख्य॑ ए॒व भ॑वति ।
Sentence: 2 आस्य॒ मुख्यो॑ जायते
Sentence: 3 यस्यान्न॑वतीर्दक्षिण॒तो ऽत्त्यन्न॑म्
Sentence: 4 आस्या॑न्ना॒दो जा॑यते
Sentence: 5 यस्य॑ प्रति॒ष्ठाव॑तीः प॒श्चात्प्रत्ये॒व ति॑ष्ठति
Sentence: 6 यस्यौ॑जस्वतीरुत्तर॒त ओ॑ज॒स्व्ये॒व भ॑वति ।
Sentence: 7 आस्यौ॑ज॒स्वी जा॑यते ।
Sentence: 8 अ॒र्को वा ए॒ष यद॒ग्निस्
Sentence: 9 तस्यै॒तदे॒व स्तो॒त्रमे॒तच्छ॒स्त्रम् ।
Sentence: 10 यदे॒ष वि॒धा ॥
Verse: 7
Sentence: 1 वि॑धी॒यते॒ ऽर्क ए॒व तद॒र्क्य॒मनु॒ वि धी॑यते ।
Sentence: 2 अत्त्यन्न॒मास्या॑न्ना॒द्यो जा॑यते॒ यस्यै॒षा वि॒धा वि॑धी॒यते॒ य उ॑ चैनामे॒वं वेद
Sentence: 3 सृष्टी॒रुप॑ दधाति
Sentence: 4 यथासृ॒ष्टमे॒वाव॑ रुन्द्धे
Sentence: 5 न वा इ॒दं दिवा॒ न नक्त॑मासी॒दव्या॑वृत्तम् ।
Sentence: 6 ते दे॒वा ए॒ता व्यु॑ष्टीरपश्यन्
Sentence: 7 ता उपा॑दधत
Sentence: 8 ततो॒ वा इ॒दं व्औ॑छत् ।
Sentence: 9 यस्यै॒ता उ॑पधी॒यन्ते॒ व्ये॒वास्मा॑ उछति ।
Sentence: 10 अथो॒ तम॑ ए॒वाप॑ हते ॥
Paragraph: 5
Verse: 1
Sentence: 1 अग्ने॑ जा॒तान्प्र णु॑दा नः स॒पत्ना॒निति॑ पु॒रस्ता॒दुप॑ दधाति
Sentence: 2 जा॒ताने॒व भ्रातृ॑व्या॒न्प्र णु॑दते
Sentence: 3 सह॑सा जा॒तानिति॑ प॒श्चात् ।
Sentence: 4 ज॑नि॒ष्यमा॑णाने॒व प्रति॑ नुदते
Sentence: 5 चतुश्चत्वारिं॒श स्तोम॒ इति॑ दक्षिण॒तस् ।
Sentence: 6 ब्र॑ह्मवर्च॒सं वै॑ चतुश्चत्वारिं॒शस् ।
Sentence: 7 ब्र॑ह्मवर्च॒समे॒व द॑क्षिण॒तो ध॑त्ते
Sentence: 8 तस्मा॒द्दक्षि॒णो ऽर्धो॑ ब्रह्मवर्च॒सित॑रः
Sentence: 9 षोड॒श स्तोम॒ इत्यु॑त्तर॒तस् ।
Sentence: 10 ओजो वै षोड॒शस् ।
Sentence: 11 ओज॑ ए॒वोत्त॑र॒तो ध॑त्ते
Sentence: 12 तस्मा॑त् ॥
Verse: 2
Sentence: 1 उ॑त्तरतोऽभिप्रया॒यी ज॑यति
Sentence: 2 वज्रो वै चतुश्चत्वारिं॒शो वज्रः॑ षोडा॒शस् ।
Sentence: 3 यदे॒ते इष्ट॑के उप॒दधा॑ति जा॒तांश्चै॒व ज॑नि॒ष्यमा॑णांश्च॒ भ्रातृ॑व्यान्प्र॒णुद्य॒ वज्र॒मनु॒ प्र ह॑रति
Sentence: 4 स्तृत्यै
Sentence: 5 पुरी॑षवती॒म्मध्य॒ उप॑ दधाति
Sentence: 6 पुरी॑षं वै॒ मध्य॑मा॒त्मनः
Sentence: 7 सात्मा॑नमे॒वाग्निं चि॑नुते
Sentence: 8 सात्मा॒मुष्मिँ॑ लो॒के भ॑वति॒ य ए॒वं वेद॑ ।
Sentence: 9 ए॒ता वा अ॑सप॒त्ना नामेष्ट॑कास् ।
Sentence: 10 यस्यै॒ता उ॑पधी॒यन्ते॑ ॥
Verse: 3
Sentence: 1 नास्य॑ स॒पत्नो॑ भवति
Sentence: 2 प॒शुर्वा ए॒ष यद॒ग्निस् ।
Sentence: 3 वि॒राज॑ उत्त॒मायां॒ चित्या॒मुप॑ दधाति
Sentence: 4 वि॒राज॑मे॒वोत्त॒माम्प॒शुषु॑ दधाति
Sentence: 5 तस्मा॑त्पशु॒मानु॑त्त॒मां वाचं॑ वदति
Sentence: 6 दश॑द॒शोप॑ दधाति सवीर्य॒त्वाय॑ ।
Sentence: 7 अ॑क्ष्ण॒योप॑ दधाति
Sentence: 8 तस्मा॑दक्ष्ण॒या प॒शवो ऽङ्गा॑नि॒ प्र ह॑रन्ति॒ प्रति॑ष्ठित्यै
Sentence: 9 यानि वै॒ छन्दां॑सि सुव॒र्ग्या॒ण्यासन्तैर्दे॒वाः सु॑व॒र्गं लो॒कमा॑यन्
Sentence: 10 तेनर्ष॑यः ॥
Verse: 4
Sentence: 1 अ॑श्राम्यन्
Sentence: 2 ते तपो॑ ऽतप्यन्त
Sentence: 3 तानि॒ तप॑सापश्यन्
Sentence: 4 तेभ्य॑ ए॒ता इष्ट॑का॒ निर्मिमत्।^ अ॑मिमत
Sentence: 5 ।एव॒श्छन्दो॒ वरि॑व॒श्छन्द॒ इति
Sentence: 6 ता उपा॑दधत
Sentence: 7 ताभिर्वै॒ ते सु॑व॒र्गं लो॒कमा॑यन्
Sentence: 8 यदे॒ता इष्ट॑का उप॒दधा॑ति
Sentence: 9 यान्ये॒व छन्दां॑सि सुव॒र्ग्या॑णि तैरे॒व यज॑मानः सुव॒र्गं लो॒कमे॑ति
Sentence: 10 य॒ज्ञेन वै प्र॒जाप॑तिः प्र॒जा अ॑सृजत
Sentence: 11 ता स्तोम॑भागैरे॒वासृ॑जत
Sentence: 12 यत् ॥
Verse: 5
Sentence: 1 स्तोम॑भागा उप॒दधा॑ति प्र॒जा ए॒व तद्यज॑मानः सृजते
Sentence: 2 बृह॒स्पति॒र्वा ए॒तद्य॒ज्ञस्य॒ तेजः॒ सम॑भर॒द्यद्स्तोम॑भागास् ।
Sentence: 3 यत्स्तोम॑भागा उप॒दधा॑ति॒ सते॑जसमे॒वाग्निं चि॑नुते
Sentence: 4 बृह॒स्पति॒र्वा ए॒तां य॒ज्ञस्य॑ प्रति॒ष्ठाम॑पश्य॒द्यत्स्तोम॑भागास् ।
Sentence: 5 यत्स्तोम॑भागा उप॒दधा॑ति य॒ज्ञस्य॒ प्रति॑ष्ठित्यै
Sentence: 6 स॒प्तस॒प्तोप॑ दधाति सवीर्य॒त्वाय
Sentence: 7 ति॒स्रो मध्ये॒ प्रति॑ष्ठित्यै ॥
Paragraph: 6
Verse: 1
Sentence: 1 र॒श्मिरित्ये॒वादि॒त्यम॑सृजत
Sentence: 2 प्रेति॒रिति॒ धर्म॑म्
Sentence: 3 अन्वि॑ति॒रिति॒ दिव॑म् ।
Sentence: 4 सं॒धिरित्य॒न्तरि॑क्षम्
Sentence: 5 प्रति॒धिरिति॑ पृथि॒वीम् ।
Sentence: 6 वि॑ष्ट॒म्भ इति॒ वृष्टि॑म्
Sentence: 7 प्र॒वेत्यह॑र्
Sentence: 8 अनु॒वेति॒ रात्रि॑म्
Sentence: 9 उ॒शिगिति॒ वसू॑न्
Sentence: 10 प्रके॒त इति॑ रु॒द्रान् ।
Sentence: 11 सु॑दी॒तिरित्या॑दि॒त्यान्
Sentence: 12 ओज॒ इति॑ पि॒तॄन् ।
Sentence: 13 तन्तु॒रिति॑ प्र॒जाः
Sentence: 14 पृ॑तना॒षाडिति॑ प॒शून्
Sentence: 15 रे॒वदित्योष॑धीस् ।
Sentence: 16 अ॑भि॒जिद॑सि यु॒क्तग्रा॑वा ॥
Verse: 2
Sentence: 1 इन्द्रा॑य॒ त्वेन्द्रं॑ जि॒न्वेत्ये॒व द॑क्षिण॒तो वज्र॒म्पर्यौ॑हद॒भिजि॑त्यै
Sentence: 2 ताः प्र॒जा अप॑प्राणा असृजत
Sentence: 3 तास्वधि॑पतिर॒सीत्ये॒व प्रा॒णम॑दधात् ।
Sentence: 4 य॒न्तेत्य॑पा॒नम् ।
Sentence: 5 सं॒सर्प॒ इति॒ चक्षु॑स् ।
Sentence: 6 व॑यो॒धा इति॒ श्रोत्र॑म् ।
Sentence: 7 ताः प्र॒जाः प्रा॑ण॒तीर॑पान॒तीः पश्य॑न्तीः शृण्व॒तीर्न मि॑थु॒नी अ॑भवन्
Sentence: 8 तासु॑ त्रि॒वृद॒सीत्ये॒व मि॑थु॒नम॑दधात्
Sentence: 9 ताः प्र॒जा मि॑थु॒नी ॥
Verse: 3
Sentence: 1 भव॑न्ती॒र्न प्राजा॑यन्त
Sentence: 2 ताः सं॑रो॒हो॑ ऽसि नीरो॒हो॒ ऽसीत्ये॒व प्राज॑नयत्
Sentence: 3 ताः प्र॒जाः प्रजा॑ता॒ न प्रत्य॑तिष्ठन्
Sentence: 4 ता व॑सु॒को॑ ऽसि॒ वेष॑श्रिरसि॒ वस्य॑ष्टिर॒सीत्येवै॒षु लो॒केषु॒ प्रत्य॑स्थापयत् ।
Sentence: 5 यदा॑ह
Sentence: 6 वसु॒को॑ ऽसि॒ वेष॑श्रिरसि॒ वस्य॑ष्टिर॒सीति॑ प्र॒जा ए॒व प्रजा॑ता ए॒षु लो॒केषु॒ प्रति॑ ष्ठापयत�
Sentence: 7 सात्मा॒न्तरि॑क्षं रोहति
Sentence: 8 सप्रा॑णो॒ ऽमुष्मिँ॑ लो॒के प्रति॑ तिष्ठति ।
Sentence: 9 अव्य॑र्धुकः प्राणापा॒नाभ्या॑म्भवति॒ य ए॒वं वेद॑ ॥
Paragraph: 7
Verse: 1
Sentence: 1 ना॑क॒सद्भिर्वै दे॒वाः सु॑व॒र्गं लो॒कमा॑यन्
Sentence: 2 तन्ना॑क॒सदां॑ नाकस॒त्त्वम् ।
Sentence: 3 यन्ना॑क॒सद॑ उप॒दधा॑ति नाक॒सद्भि॑रे॒व तद्यज॑मानः सुव॒र्गं लो॒कमे॑ति
Sentence: 4 सुव॒र्गो वै॑ लो॒को नाक॑स् ।
Sentence: 5 यस्यै॒ता उ॑पधी॒यन्ते॒ नास्मा॒ अक॑म्भवति
Sentence: 6 यजमानायत॒नं वै॑ नाक॒सद॑स् ।
Sentence: 7 यन्ना॑क॒सद॑ उप॒दधा॑त्या॒यत॑नमे॒व तद्यज॑मानः कुरुते
Sentence: 8 पृ॒ष्ठानां॒ वा ए॒तत्तेजः॒ सम्भृ॑तं॒ यन्ना॑क॒सद॑स् ।
Sentence: 9 यन्ना॑क॒सदः॑ ॥
Verse: 2
Sentence: 1 उ॑प॒दधा॑ति पृ॒ष्ठाना॑मे॒व तेजो ऽव॑ रुन्द्धे
Sentence: 2 पञ्च॒चोडा॒ उप॑ दधाति ।
Sentence: 3 अ॑प्स॒रस॑ एवैनमे॒ता भू॒ता अ॒मुष्मिँ॑ लो॒क उप॑ शेरे ।
Sentence: 4 अथो॑ तनू॒पानी॑रेवै॒ता यज॑मानस्य
Sentence: 5 यं द्वि॒ष्यात्तमु॑प॒दध॑द्ध्यायेत् ।
Sentence: 6 ए॒ताभ्य॑ एवैनं दे॒वता॑भ्य॒ आ वृ॑श्चति
Sentence: 7 ता॒जगार्ति॒मार्छ॑ति ।
Sentence: 8 उत्त॑रा नाक॒सद्भ्य॒ उप॑ दधाति
Sentence: 9 यथा॑ जा॒यामा॒नीय॑ गृ॒हेषु॑ निषा॒दय॑ति ता॒दृगे॒व तत् ॥
Verse: 3
Sentence: 1 प॒श्चात्प्राची॑मुत्त॒मामुप॑ दधाति॒ तस्मा॑त्प॒श्चात्प्राची॒ पत्न्यन्वा॑स्ते
Sentence: 2 स्वयमातृ॒ण्णां च॑ विक॒र्णीं चो॑त्त॒ मेउप॑ दधाति
Sentence: 3 प्रा॒णो वै॑ स्वयमातृ॒ण्णायु॑र्विक॒र्णी
Sentence: 4 प्रा॒णं चै॒वायु॑श्च प्रा॒णाना॑मुत्तमौ धत्ते
Sentence: 5 तस्मा॑त्प्रा॒णश्चायु॑श्च प्रा॒णाना॑मुत्तमौ
Sentence: 6 नान्यामुत्त॑रा॒मिष्ट॑का॒मुप॑ दध्यात् ।
Sentence: 7 यद॒न्यामुत्त॑रा॒मिष्ट॑कामुपद॒ध्यात्प॑शू॒नाम् ॥
Verse: 4
Sentence: 1 च॒ यज॑मानस्य च प्रा॒णं चायु॒श्चापि॑ दध्यात्
Sentence: 2 तस्मा॒न्नान्योत्त॒रेष्ट॑कोप॒धेया
Sentence: 3 स्वयमातृ॒ण्णामुप॑ दधाति ।
Sentence: 4 असौ वै स्वयमातृ॒ण्णामूमे॒वोप॑ धत्ते ।
Sentence: 5 अश्व॒मुप॑ घ्रापयति प्रा॒णमे॒वास्यां॑ दधाति ।
Sentence: 6 अथो॑ प्राजाप॒त्यो वा अश्वः॑ प्र॒जाप॑तिनै॒वाग्निं चि॑नुते
Sentence: 7 स्वयमातृ॒ण्णा भ॑वति प्रा॒णाना॒मुत्सृ॑ष्ट्या॒ अथो॑ सुव॒र्गस्य॑ लो॒कस्यानु॑ख्यात्यै ।
Sentence: 8 ए॒षा वै॑ दे॒वानां॒ विक्रा॑न्ति॒र्यद्वि॑क॒र्णी
Sentence: 9 यद्वि॑क॒र्णीमु॑प॒दधा॑ति दे॒वाना॑मे॒व विक्रा॑न्ति॒मनु॒ वि क्र॑मते ।
Sentence: 10 उ॑त्तर॒त उप॑ दधाति
Sentence: 11 तस्मा॑दुत्तरतौपचारो॒ ऽग्निस् ।
Sentence: 12 वा॑यु॒मती॑ भवति
Sentence: 13 समि॑द्ध्यै ॥
Paragraph: 8
Verse: 1
Sentence: 1 छन्दां॒स्युप॑ दधाति
Sentence: 2 प॒शवो वै॒ छन्दां॑सि
Sentence: 3 प॒शूने॒वाव॑ रुन्द्धे
Sentence: 4 छन्दां॑सि वै दे॒वानां॑ वा॒मम्प॒शव॑स् ।
Sentence: 5 वा॒ममे॒व प॒शूनव॑ रुन्द्धे ।
Sentence: 6 ए॒तां ह वै य॒ज्ञसे॑नश्चैत्रियाय॒णश्चितिं॑ वि॒दां च॑कार
Sentence: 7 तया वै॒ स प॒शूनवा॑रुन्द्ध
Sentence: 8 यदे॒तामु॑प॒दधा॑ति प॒शूने॒वाव॑ रुन्द्धे
Sentence: 9 गाय॒त्रीः पु॒रस्ता॒दुप॑ दधाति
Sentence: 10 तेजो वै गाय॒त्री
Sentence: 11 तेज॑ ए॒व ॥
Verse: 2
Sentence: 1 मु॑ख॒तो ध॑त्ते
Sentence: 2 मूर्ध॒न्वती॑र्भवन्ति
Sentence: 3 मू॒र्धान॑मेवैनं समा॒नानां॑ करोति
Sentence: 4 त्रि॒ष्टुभ॒ उप॑ दधाति ।
Sentence: 5 इ॑न्द्रि॒यं वै त्रिष्टुग्^त्रि॒ष्टुभ्
Sentence: 6 इन्द्रि॒यमे॒व म॑ध्य॒तो ध॑त्ते
Sentence: 7 जग॑ती॒रुप॑ दधाति
Sentence: 8 जाग॑ता वै प॒शवः
Sentence: 9 प॒शूने॒वाव॑ रुन्द्धे ।
Sentence: 10 अ॑नु॒ष्टुभ॒ उप॑ दधाति
Sentence: 11 प्रा॒णा वा अनु॒ष्टुप्^नु॒ष्टुभ्
Sentence: 12 प्रा॒णाना॒मुत्सृ॑ष्ट्यै
Sentence: 13 बृह॒तीरु॒ष्णिहाः॑ प॒ङ्क्तीर॒क्षर॑पङ्क्ती॒रिति॒ विषु॑रूपाणि॒ छन्दां॒स्युप॑ दधाति
Sentence: 14 विषु॑रूपा वै प॒शवः
Sentence: 15 प॒शवः॑ ॥
Verse: 3
Sentence: 1 छन्दां॑सि
Sentence: 2 विषु॑रूपाने॒व प॒शूनव॑ रुन्द्धे
Sentence: 3 विषु॑रूपमस्य गृ॒हे दृ॑श्यते॒ यस्यै॒ता उ॑पधी॒यन्ते॒ य उ॑ चैना ए॒वं वेद॑ ।
Sentence: 4 अति॑छन्दस॒मुप॑ दधाति ।
Sentence: 5 अति॑छन्दा वै॒ सर्वा॑णि॒ छन्दां॑सि
Sentence: 6 सर्वे॑भिरेवैनं॒ छन्दो॑भिश्चिनुते
Sentence: 7 वर्ष्म॒ वा ए॒षा छन्द॑सां॒ यदति॑छन्दास् ।
Sentence: 8 यतति॑छन्दसमुप॒दधा॑ति॒ वर्ष्मैवैनं समा॒नानां॑ करोति
Sentence: 9 द्वि॒पदा॒ उप॑ दधाति
Sentence: 10 द्वि॒पाद्यज॑मानः
Sentence: 11 प्रति॑ष्ठित्यै ॥
Paragraph: 9
Verse: 1
Sentence: 1 सर्वा॑भ्यो वै दे॒वता॑भ्यो॒ ऽग्निश्ची॑यते
Sentence: 2 {F यत्{W यत् स॒युजो॒ नोप॑द॒ध्याद्दे॒वता॑ अस्या॒ग्निं वृ॑ञ्जीरन्
Sentence: 3 यत्स॒युज॑ उप॒दधा॑त्या॒त्मनैवैनं स॒युजं॑ चिनुते॒ नाग्निना॒ व्यृ॑ध्यते ।
Sentence: 4 अथो॒ यथा॒ पुरु॑षः॒ स्नाव॑भिः॒ सन्त॑त ए॒वमेवै॒ताभि॑र॒ग्निः सन्त॑तस् ।
Sentence: 5 अ॒ग्निना वै दे॒वाः सु॑व॒र्गं लो॒कमा॑य॒न्ता अ॒मूः कृत्ति॑का अभवन्
Sentence: 6 यस्यै॒ता उ॑पधी॒यन्ते॑ सुव॒र्गमे॒व ॥
Verse: 2
Sentence: 1 लो॒कमे॑ति॒ गछ॑ति प्रका॒शं चि॒त्रमे॒व भ॑वति
Sentence: 2 मण्डलेष्ट॒का उप॑ दधाति ।
Sentence: 3 इ॒मे वै॑ लो॒का म॑ण्डलेष्ट॒कास् ।
Sentence: 4 इ॒मे खलु वै लो॒का दे॑वपु॒रास् ।
Sentence: 5 दे॑वपु राए॒व प्र वि॑शति॒ नार्ति॒मार्छ॑त्य॒ग्निं चि॑क्या॒नस् ।
Sentence: 6 वि॒श्वज्यो॑तिष॒ उप॑ दधाति ।
Sentence: 7 इ॒मानेवै॒ताभि॑र्लो॒काञ्ज्योति॑ष्मतः कुरुते ।
Sentence: 8 अथो॑ प्रा॒णानेवै॒ता यज॑मानस्य दाध्रति ।
Sentence: 9 ए॒ता वै॑ दे॒वताः॑ सुव॒र्ग्या॑स्
Sentence: 10 ता ए॒वान्वा॒रभ्य॑ सुव॒र्गं लो॒कमे॑ति ॥
Paragraph: 10
Verse: 1
Sentence: 1 वृ॑ष्टि॒सनी॒रुप॑ दधाति
Sentence: 2 वृष्टि॑मे॒वाव॑ रुन्द्धे
Sentence: 3 यदे॑क॒धोप॑द॒ध्यादेक॑मृ॒तुं व॑र्षेत् ।
Sentence: 4 अ॑नुपरि॒हारं॑ सादयति॒ तस्मा॒त्सर्वा॑नृ॒तून्व॑र्षति
Sentence: 5 पुरोवात॒सनि॑र॒सीत्या॑ह ।
Sentence: 6 ए॒तद्वै॒ वृष्ट्यै॑ रू॒पम् ।
Sentence: 7 रू॒पेणै॒व वृष्टि॒मव॑ रुन्द्धे
Sentence: 8 सं॒यानी॑भिर्वै दे॒वा इ॑माँ लो॒कान्त्सम॑युस्
Sentence: 9 तत्सं॒यानी॑नां संयानि॒त्वम् ।
Sentence: 10 यत्सं॒यानी॑रुप॒दधा॑ति॒ यथा॒प्सु ना॒वा सं॒यात्ये॒वम् ॥
Verse: 2
Sentence: 1 एवै॒ताभि॒र्यज॑मान इ॒माँ लो॒कान्त्सं या॑ति
Sentence: 2 प्ल॒वो वा ए॒षो॒ ऽग्नेर्यत्सं॒यानी॑स् ।
Sentence: 3 यत्सं॒यानि॑रुप॒दधा॑ति प्ल॒वमेवै॒तम॒ग्नय॒ उप॑ दधाति ।
Sentence: 4 उ॒त यस्यै॒तासूप॑हिता॒स्वापो॒ ऽग्निं हर॒न्त्यहृ॑त ए॒वास्या॒ग्निस् ।
Sentence: 5 आ॑दित्येष्ट॒का उप॑ दधाति ।
Sentence: 6 आ॑दि॒त्या वा ए॒तम्भूत्यै॒ प्रति॑ नुदन्ते॒ यो ऽल॒म्भूत्यै॒ सन्भूतिं॒ न प्रा॒प्नोति॑ ।
Sentence: 7 आ॑दि॒त्याः ॥
Verse: 3
Sentence: 1 एवैन॒म्भूतिं॑ गमयन्ति ।
Sentence: 2 असौ॒ वा ए॒तस्या॑दि॒त्यो रुच॒मा द॑त्ते॒ यो॒ ऽग्निं चि॒त्वा न रोच॑ते
Sentence: 3 यदा॑दित्येष्ट॒का उ॑प॒दधा॑य॒सावे॒वास्मि॑न्नादि॒त्यो रुचं॑ दधाति
Sentence: 4 यथासौ दे॒वानां॒ रोच॑त ए॒वमेवै॒ष म॑नु॒ष्या॑णां रोचते
Sentence: 5 घृतेष्ट॒का उप॑ दधाति ।
Sentence: 6 ए॒तद्वा अ॒ग्नेः प्रि॒यं धाम॒ यद्घृ॒तम्
Sentence: 7 प्रि॒येणैवैनं॒ धाम्ना॒ सम॑र्धयति ॥
Verse: 4
Sentence: 1 अथो॒ तेज॑सा ।
Sentence: 2 अ॑नुपरि॒हारं॑ सादयति ।
Sentence: 3 अप॑रिवर्गमे॒वास्मि॒न्तेजो॑ दधाति
Sentence: 4 प्र॒जाप॑तिर॒ग्निम॑चिनुत
Sentence: 5 स यश॑सा॒ व्या॑र्ध्यत
Sentence: 6 स ए॒ता य॑शो॒दा अ॑पश्यत्
Sentence: 7 ता उपा॑धत्त
Sentence: 8 ताभिर्वै॒ स यश॑ आ॒त्मन्न॑धत्त
Sentence: 9 यद्य॑शो॒दा उ॑प॒दधा॑ति॒ यश॑ ए॒व ताभि॒र्यज॑मान आ॒त्मन्ध॑त्ते
Sentence: 10 पञ्चोप॑ दधाति
Sentence: 11 पाङ्क्तः॒ पुरु॑षस् ।
Sentence: 12 यावा॑ने॒व पुरु॑ष॒स्तस्मि॒न्यशो॑ दधाति ॥
Paragraph: 11
Verse: 1
Sentence: 1 दे॑वासु॒राः संय॑त्ता आसन्
Sentence: 2 कनी॑यांसो दे॒वा आस॒न्भूयां॒सो ऽसु॑रास्
Sentence: 3 ते दे॒वा ए॒ता इष्ट॑का अपश्यन्
Sentence: 4 ता उपा॑दधत
Sentence: 5 भूय॒स्कृद॒सीत्ये॒व भूयां॑सो ऽभव॒न्वन॒स्पति॑भि॒रोष॑धीभिस् ।
Sentence: 6 व॑रिव॒स्कृद॒सीती॒माम॑जयन्
Sentence: 7 प्राच्य॒सीति॒ प्राचीं॒ दिश॑मजयन् ।
Sentence: 8 ऊ॒र्ध्वासीत्य॒मूम॑जयन् ।
Sentence: 9 अ॑न्तरिक्ष॒सद॑स्य॒न्तरि॑क्षे सी॒देत्य॒न्तरि॑क्षमजयन्
Sentence: 10 ततो॑ दे॒वा अभ॑वन् ॥
Verse: 2
Sentence: 1 परासु॑रास् ।
Sentence: 2 यस्यै॒ता उ॑पधी॒यन्ते॒ भूया॑ने॒व भ॑वति ।
Sentence: 3 अ॒भीमाँ लो॒काञ्ज॑यति
Sentence: 4 भव॑त्या॒त्मना॒ परा॑स्य॒ भ्रातृ॑व्यो भवति ।
Sentence: 5 अ॑प्सु॒षद॑सि श्येन॒सद॒सीत्या॑ह ।
Sentence: 6 ए॒तद्वा अ॒ग्ने रू॒पम् ।
Sentence: 7 रू॒पेणै॒वाग्निमव॑ रुन्द्धे
Sentence: 8 पृथि॒व्यास्त्वा॒ द्रवि॑णे सादया॒मीत्या॑ह ।
Sentence: 9 इ॒मानेवै॒ताभि॑र्लो॒कान्द्रवि॑णावतः कुरुते ।
Sentence: 10 आ॑यु॒ष्या॒ उप॑ दधाति ।
Sentence: 11 आयु॑रे॒व ॥
Verse: 3
Sentence: 1 अ॑स्मिन्दधाति ।
Sentence: 2 अग्ने॒ यत्ते॒ परं॒ हृन्नामेत्या॑ह ।
Sentence: 3 ए॒तद्वा अ॒ग्नेः प्रि॒यं धाम
Sentence: 4 प्रि॒यमे॒वास्य॒ धामोपाप्नो॑ति
Sentence: 5 तावेहि॒ सं र॑भावहा॒ इत्या॑ह
Sentence: 6 व्येवैनेन॒ परि॑ धत्ते
Sentence: 7 पाञ्च॑जन्ये॒ष्वप्ये॑ध्यग्न॒ इत्या॑ह ।
Sentence: 8 ए॒ष वा अ॒ग्निः पाञ्च॑जन्यो॒ यः पञ्च॑चितीकस्
Sentence: 9 तस्मा॑दे॒वमा॑ह ।
Sentence: 10 ऋ॑त्व॒या॒ उप॑ दधाति ।
Sentence: 11 ए॒तद्वा ऋ॑तू॒नाम्प्रि॒यं धाम॒ यदृ॑त॒व्या॑स् ।
Sentence: 12 ऋ॑तू॒नामे॒व प्रि॒यं धामाव॑ रुन्द्धे
Sentence: 13 सु॒मेक॒ इत्या॑ह
Sentence: 14 संवत्स॒रो वै॑ सु॒मेकः
Sentence: 15 संवत्स॒रस्यै॒व प्रि॒यं धामोपा॑प्नोति ॥
Paragraph: 12
Verse: 1
Sentence: 1 प्र॒जाप॑ते॒रक्ष्य॑श्वयत्
Sentence: 2 तत्परा॑पतत्
Sentence: 3 तदश्वो॑ ऽभवत् ।
Sentence: 4 यदश्व॑य॒त्तदश्व॑स्याश्व॒त्वम् ।
Sentence: 5 तद्दे॒वा अ॑श्वमे॒धेनै॒व प्रत्य॑दधुस् ।
Sentence: 6 ए॒ष वै॑ प्र॒जाप॑तिं॒ सर्वं॑ करोति॒ यो॑ ऽश्वमे॒धेन॒ यज॑ते
Sentence: 7 सर्व॑ ए॒व भ॑वति
Sentence: 8 सर्व॑स्य॒ वा ए॒षा प्राय॑श्चित्तिः॒ सर्व॑स्य भेष॒जम् ।
Sentence: 9 सर्वं॒ वा ए॒तेन॑ पा॒प्मानं॑ दे॒वा अ॑तरन् ।
Sentence: 10 अपि वाए॒तेन॑ ब्रह्मह॒त्याम॑तरन् ।
Sentence: 11 सर्व॑म्पा॒प्मान॑म् ॥
Verse: 2
Sentence: 1 त॑रति॒ तर॑ति ब्रह्मह॒त्यां यो॑ ऽश्वमे॒धेन॒ यज॑ते॒ य उ॑ चैनमे॒वं वेद॑ ।
Sentence: 2 उत्त॑रं वै॒ तत्प्र॒जाप॑ते॒रक्ष्य॑श्वयत्
Sentence: 3 तस्मा॒दश्व॑स्योत्तर॒तो ऽव॑ द्यन्ति दक्षिण॒तो॒ ऽन्येषा॑म्पशू॒नाम् ।
Sentence: 4 वै॑त॒सः कटो॑ भवति ।
Sentence: 5 अ॒प्सुयो॑नि॒र्वा अश्व॑स् ।
Sentence: 6 अ॑प्सु॒जो वे॑त॒सः
Sentence: 7 स्व एवैनं॒ योनौ॒ प्रति॑ ष्ठापयति
Sentence: 8 चतुष्टो॒म स्तोमो॑ भवति
Sentence: 9 स॒रड्ढ॒ वा अश्व॑स्य॒ सक्थ्यावृ॑हत्
Sentence: 10 तद्दे॒वाश्च॑तुष्टो॒मेनै॒व प्रत्य॑दधुस् ।
Sentence: 11 यच्च॑तुष्टो॒म स्तोमो॒ भव॒त्यश्व॑स्य सर्व॒त्वाय॑ ॥
Chapter: 4
Paragraph: 1
Verse: 1
Sentence: 1 दे॑वासु॒राः संय॑त्ता आसन्
Sentence: 2 ते न व्य॑जयन्त
Sentence: 3 स ए॒ता इन्द्र॑स्त॒नूर॑पश्यत्
Sentence: 4 ता उपा॑धत्त
Sentence: 5 ताभिर्वै॒ स त॒नुव॑मिन्द्रि॒यं वी॒र्य॑मा॒त्मन्न॑धत्त
Sentence: 6 ततो॑ दे॒वा अभ॑व॒न्परा॑सुरास् ।
Sentence: 7 यदि॑न्द्रत॒नूरु॑प॒दधा॑ति त॒नुव॑मे॒व ताभि॑रिन्द्रि॒यं वी॒र्यं॒ यज॑मान आ॒त्मन्ध॑त्ते ।
Sentence: 8 अथो॒ सेन्द्र॑मे॒वाग्निं सत॑नुं चिनुते
Sentence: 9 भव॑त्या॒त्मना॒ परा॑स्य॒ भ्रातृ॑व्यः ॥
Verse: 2
Sentence: 1 भ॑वति
Sentence: 2 य॒ज्ञो दे॒वेभ्यो ऽपा॑क्रामत्
Sentence: 3 तम॑व॒रुधं॒ नाश॑क्नुवन्
Sentence: 4 त ए॒ता य॑ज्ञत॒नूर॑पश्यन्
Sentence: 5 ता उपा॑दधत
Sentence: 6 ताभिर्वै॒ ते य॒ज्ञमवा॑रुन्धत
Sentence: 7 यद्य॑ज्ञत॒नूरु॑प॒दधा॑ति य॒ज्ञमे॒व ताभि॒र्यज॑मा॒नो ऽव॑ रुन्द्धे
Sentence: 8 त्रय॑स्त्रिंशत॒मुप॑ दधाति
Sentence: 9 त्रय॑स्त्रिंशद्वै दे॒वता॑स् ।
Sentence: 10 दे॒वता॑ ए॒वाव॑ रुन्द्धे ।
Sentence: 11 अथो॒ सात्मा॑नमे॒वाग्निं सत॑नुं चिनुते
Sentence: 12 सात्मा॒मुष्मिँ॑ लो॒के ॥
Verse: 3
Sentence: 1 भ॑वति॒ य ए॒वं वेद
Sentence: 2 ज्योति॑ष्मती॒रुप॑ दधाति
Sentence: 3 ज्योति॑रे॒वास्मि॑न्दधाति ।
Sentence: 4 ए॒ताभि॒र्वा अ॒ग्निश्चि॒तो ज्व॑लति
Sentence: 5 ताभि॑रेवैनं॒ समि॑न्द्धे ।
Sentence: 6 उ॒भयो॑रस्मै लो॒कयो॒र्ज्योति॑र्भवति
Sentence: 7 नक्षत्रेष्ट॒का उप॑ दधाति ।
Sentence: 8 ए॒तानि वै दि॒वो ज्योतीं॑षि
Sentence: 9 तान्ये॒वाव॑ रुन्द्धे
Sentence: 10 सु॒कृतां॒ वा ए॒तानि॒ ज्योतीं॑षि॒ यन्नक्ष॑त्राणि
Sentence: 11 तान्ये॒वाप्नो॑ति ।
Sentence: 12 अथो॑ अनूका॒शमेवै॒तानि॑ ॥
Verse: 4
Sentence: 1 ज्योतीं॑षि कुरुते सुव॒र्गस्य॑ लो॒कस्यानु॑ख्यात्यै
Sentence: 2 यत्संस्पृ॑ष्टा उपद॒ध्याद्वृष्ट्यै॑ लो॒कमपि॑ दध्या॒दव॑र्षुकः प॒र्जन्यः॑ स्यात् ।
Sentence: 3 असं॑स्पृष्टा॒ उप॑ दधाति॒ वृष्ट्या॑ ए॒व लो॒कं क॑रोति॒ वर्षु॑कः प॒र्जन्यो॑ भवति
Sentence: 4 पु॒रस्ता॑द॒न्याः प्र॒तीची॒रुप॑ दधाति प॒श्चाद॒न्याः प्राची॑स्
Sentence: 5 तस्मा॑त्प्रा॒चीना॑नि च प्रती॒चीना॑नि च॒ नक्ष॑त्रा॒ण्या व॑र्तन्ते ॥
Paragraph: 2
Verse: 1
Sentence: 1 ऋ॑त॒व्या॒ उप॑ दधाति ।
Sentence: 2 ऋ॑तू॒नां कॢप्त्यै
Sentence: 3 द्वं॒द्वमुप॑ दधाति
Sentence: 4 तस्मा॑द्द्वं॒द्वमृ॒तव॑स् ।
Sentence: 5 अधृ॑तेव॒ वा ए॒षा यन्म॑ध्य॒मा चिति॑स् ।
Sentence: 6 अ॒न्तरि॑क्षमिव॒ वा ए॒षा
Sentence: 7 द्वं॒द्वम॒न्यासु॒ चिती॒षूप॑ दधाति॒ चत॑स्रो॒ मध्ये॒ धृत्यै॑ ।
Sentence: 8 अ॑न्तः॒श्लेष॑णं॒ वा ए॒ताश्चिती॑नां॒ यदृ॑त॒व्या॑स् ।
Sentence: 9 यदृ॑त॒व्या॑ उप॒दधा॑ति चितीनां॒ विधृ॑त्यै ।
Sentence: 10 अव॑का॒मनूप॑ दधाति ।
Sentence: 11 ए॒षा वा अ॒ग्नेर्योनिः
Sentence: 12 सयो॑निम् ॥
Verse: 2
Sentence: 1 ए॒वाग्निं चि॑नुते ।
Sentence: 2 उ॒वाच॑ ह वि॒श्वामि॒त्रस् ।
Sentence: 3 अद॒दित्स ब्रह्म॒णान्नं॒ यस्यै॒ता उ॑पधी॒यान्तै॒ य उ॑ चैना ए॒वं वेद॒दिति
Sentence: 4 संवत्स॒रो वा ए॒तम्प्र॑ति॒ष्ठायै॑ नुदते॒ यो॒ ऽग्निं चि॒त्वा न प्र॑ति॒तिष्ठ॑ति
Sentence: 5 पञ्च॒ पूर्वा॒श्चित॑यो भव॒न्त्यथ॑ ष॒ष्ठीं चितिं॑ चिनुते
Sentence: 6 षड्वा ऋ॒तवः॑ संवत्स॒रस् ।
Sentence: 7 ऋ॒तुष्वे॒व सं॑वत्स॒रे प्रति॑ तिष्ठति ।
Sentence: 8 ए॒ता वै॑ ॥
Verse: 3
Sentence: 1 अधि॑पत्नी॒र्नामेष्ट॑कास् ।
Sentence: 2 यस्यै॒ता उ॑पधी॒यन्ते ऽधि॑पतिरे॒व स॑मा॒नाना॑म्भवति
Sentence: 3 यं द्वि॒ष्यात्तमु॑प॒दध॑द्ध्यायेत् ।
Sentence: 4 ए॒ताभ्य॑ एवैनं दे॒वता॑भ्य॒ आ वृ॑श्चति
Sentence: 5 आर्ति॒मार्छ॑ति ।
Sentence: 6 अङ्गि॑रसः सुव॒र्गं लो॒कं यन्तो॒ या य॒ज्ञस्य॒ निष्कृ॑ति॒रासी॒त्तामृषि॑भ्यः॒ प्रत्औ॑हन्
Sentence: 7 तद्धिर॑ण्यमभवत् ।
Sentence: 8 यद्धि॑रण्यशल्कैः प्रो॒क्षति॑ य॒ज्ञस्य॒ निष्कृ॑त्यै ।
Sentence: 9 अथो॑ भेष॒जमे॒वास्मै॑ करोति ॥
Verse: 4
Sentence: 1 अथो॑ रू॒पेणैवैनं॒ सम॑र्धयति ।
Sentence: 2 अथो॒ हिर॑ण्यज्योतिषै॒व सु॑व॒र्गं लो॒कमे॑ति
Sentence: 3 साह॒स्रव॑ता॒ प्रोक्ष॑ति
Sentence: 4 साह॒स्रः प्र॒जाप॑तिः
Sentence: 5 प्र॒जाप॑ते॒राप्त्यै॑ ।
Sentence: 6 इ॒मा मे॑ अग्न॒ इष्ट॑का धे॒नवः॑ स॒न्त्वित्या॑ह ।
Sentence: 7 धे॒नूरेवैनाः कुरुते
Sentence: 8 ता ए॑नं काम॒दुघा॑ अ॒मुत्रा॒मुष्मिँ॑ लो॒क उप॑ तिष्ठन्ते ॥
Paragraph: 3
Verse: 1
Sentence: 1 रु॒द्रो वा ए॒ष यद॒ग्निः
Sentence: 2 स ए॒तर्हि॑ जा॒तो यर्हि॒ सर्व॑श्चि॒तः
Sentence: 3 स यथा॑ व॒त्सो जा॒त स्तन॑म्प्रे॒प्सत्ये॒वं वा ए॒ष ए॒तर्हि॑ भाग॒धेय॒म्प्रेप्स॑ति
Sentence: 4 तस्मै॒ यदाहु॑तिं॒ न जु॑हु॒याद॑ध्व॒र्युं च॒ यज॑मानं च ध्यायेत् ।
Sentence: 5 श॑तरु॒द्रीयं॑ जुहोति
Sentence: 6 भाग॒धेये॑नैवैनं शमयति
Sentence: 7 नार्ति॒मार्छ॑त्यध्व॒र्युर्न यज॑मानस् ।
Sentence: 8 यद्ग्रा॒म्याणा॑म्पशू॒नाम् ॥
Verse: 2
Sentence: 1 पय॑सा जुहु॒याद्ग्रा॒म्यान्प॒शूञ्छु॒चार्प॑येत् ।
Sentence: 2 यदा॑र॒ण्याना॑मार॒ण्यान् ।
Sentence: 3 ज॑र्तिलयवा॒ग्वा॑ वा जुहु॒याद्ग॑वीधुकयवा॒ग्वा॑ वा
Sentence: 4 न ग्रा॒म्यान्प॒शून्हि॒नस्ति॒ नार॒ण्यान्
Sentence: 5 अथो॒ खल्वा॑हुस् ।
Sentence: 6 अना॑हुतिर्वै ज॒र्तिला॑श्च ग॒वीधु॑का॒श्चेति॑ ।
Sentence: 7 अ॑जक्षी॒रेण॑ जुहोति ।
Sentence: 8 आ॑ग्ने॒यी वा ए॒षा यद॒जा ।
Sentence: 9 आहु॑त्यै॒व जु॑होति
Sentence: 10 न ग्रा॒म्यान्प॒शून्हि॒नस्ति॒ नार॒ण्यान्
Sentence: 11 अङ्गि॑रसः सुव॒र्गं लो॒कं यन्तः॑ ॥
Verse: 3
Sentence: 1 अ॒जायां॑ घ॒र्मम्प्रासि॑ञ्चन् ।
Sentence: 2 सा शोच॑न्ती प॒र्णम्परा॑जिहीत
Sentence: 3 सो॒ ऽर्को॑ ऽभवत्
Sentence: 4 तद॒र्कस्या॑र्क॒त्वम्
Sentence: 5 अर्कप॒र्णेन॑ जुहोति सयोनि॒त्वाय॑ ।
Sentence: 6 उद॒ङ्तिष्ठ॑ञ्जुहोति ।
Sentence: 7 ए॒षा वै॑ रु॒द्रस्य दिक्^दिश्
Sentence: 8 स्वाया॑मे॒व दि॒शि रु॒द्रं नि॒रव॑दयते
Sentence: 9 चर॒माया॒मिष्ट॑कायां जुहोति ।
Sentence: 10 अ॑न्त॒त ए॒व रु॒द्रं नि॒रव॑दयते
Sentence: 11 त्रे॒धावि॑भ॒क्तं जु॑होति
Sentence: 12 त्रय॑ इ॒मे लो॒कास् ।
Sentence: 13 इ॒माने॒व लो॒कान्त्स॒माव॑द्वीर्यान्करोति ।
Sentence: 14 इय॒त्यग्रे॑ जुहोति ॥
Verse: 4
Sentence: 1 अथेय॒त्यथेय॑ति
Sentence: 2 त्रय॑ इ॒मे लो॒कास् ।
Sentence: 3 ए॒भ्य एवैनं लो॒केभ्यः॑ शमयति
Sentence: 4 ति॒स्र उत्त॑रा॒ आहु॑तीर्जुहोति
Sentence: 5 षट्सम्प॑द्यन्ते
Sentence: 6 षड्वा ऋ॒तव॑स् ।
Sentence: 7 ऋ॒तुभि॑रेवै॒नं श॑मयति
Sentence: 8 यद॑नुपरि॒क्रामं॑ जुहु॒याद॑न्तरवचा॒रिणं॑ रु॒द्रं कु॑र्यात् ।
Sentence: 9 अथो॒ खल्वा॑हुः
Sentence: 10 कस्यां॒ वाह॑ दि॒शि रु॒द्रः कस्यां॒ वेति॑ ।
Sentence: 11 अ॑नुपरि॒क्राम॑मे॒व हो॑त॒व्य॑म्
Sentence: 12 अप॑रिवर्गमेवैनं शमयति ॥
Verse: 5
Sentence: 1 ए॒ता वै॑ दे॒वताः॑ सुव॒र्ग्या॒ या उ॑त्त॒मास्
Sentence: 2 ता यज॑मानं वाचयति
Sentence: 3 ताभि॑रेवैनं सुव॒र्गं लो॒कं ग॑मयति
Sentence: 4 यं द्वि॒ष्यात्तस्य॑ सञ्च॒रे प॑शू॒नां न्य॑स्येत् ।
Sentence: 5 यः प्र॑थ॒मः प॒शुर॑भि॒तिष्ठ॑ति॒ स आर्ति॒मार्छ॑ति ॥
Paragraph: 4
Verse: 1
Sentence: 1 अश्म॒न्नूर्ज॒मिति॒ परि॑ षिञ्चति
Sentence: 2 मा॒र्जय॑त्येवैनम्
Sentence: 3 अथो॑ त॒र्पय॑त्ये॒व
Sentence: 4 स ए॑नं तृ॒प्तो ऽक्षु॑ध्य॒न्नशो॑चन्न॒मुष्मिँ॑ लो॒क उप॑ तिष्ठते
Sentence: 5 तृप्य॑ति प्र॒जया॑ प॒शुभि॒र्य ए॒वं वेद
Sentence: 6 तां न॒ इष॒मूर्जं॑ धत्त मरुतः संररा॒णा इत्या॑ह ।
Sentence: 7 अन्नं॒ वा ऊर्ज् ।
Sentence: 8 अन्न॑म्म॒रुत॑स् ।
Sentence: 9 अन्न॑मे॒वाव॑ रुन्द्धे ।
Sentence: 10 अश्मं॑स्ते॒ क्षुध् ।
Sentence: 11 अ॒मुं ते॑ शुक् ॥
Verse: 2
Sentence: 1 ऋ॑छतु॒ यं द्वि॒ष्म इत्या॑ह
Sentence: 2 यमे॒व द्वेष्टि॒ तम॑स्य क्षु॒धा च॑ शु॒चा चा॑र्पयति
Sentence: 3 त्रिः प॑रिषि॒ञ्चन्पर्ये॑ति
Sentence: 4 त्रि॒वृद्वा अ॒ग्निस् ।
Sentence: 5 यावा॑ने॒वाग्निस्तस्य॒ शुचं॑ शमयति
Sentence: 6 त्रिः पुनः॒ पर्ये॑ति
Sentence: 7 षट्सम्प॑द्यन्ते
Sentence: 8 षड्वा ऋ॒तव॑स् ।
Sentence: 9 ऋ॒तुभि॑रे॒वास्य॒ शुचं॑ शमयति ।
Sentence: 10 अ॒पां वा ए॒तत्पुष्पं॒ यद्वे॑त॒सस् ।
Sentence: 11 अ॒पाम् ॥
Verse: 3
Sentence: 1 शरो ऽव॑कास् ।
Sentence: 2 वे॑तसशा॒खया॒ चाव॑काभिश्च॒ वि क॑र्षति ।
Sentence: 3 आपो वै शा॒न्ताः
Sentence: 4 शा॒न्ताभि॑रे॒वास्य॒ शुचं॑ शमयति
Sentence: 5 यो वा अ॒ग्निं चि॒तम्प्र॑थ॒मः प॒शुर॑धि॒क्राम॑तीश्व॒रो वै॒ तं शु॒चा प्र॒दह॑स् ।
Sentence: 6 म॒ण्डूके॑न॒ वि क॑र्षति ।
Sentence: 7 ए॒ष वै॑ पशू॒नाम॑नुपजीवनी॒यस् ।
Sentence: 8 न वा ए॒ष ग्रा॒म्येषु॑ प॒शुषु॑ हि॒तो नार॒ण्येषु
Sentence: 9 तमे॒व शु॒चार्प॑यति ।
Sentence: 10 अ॑ष्टा॒भिर्वि क॑र्षति ॥
Verse: 4
Sentence: 1 अ॒ष्टाक्ष॑रा गाय॒त्री
Sentence: 2 गा॑य॒त्रो॒ ऽग्निस् ।
Sentence: 3 यावा॑ने॒वाग्निर्तस्य॑ शुचं शमयति
Sentence: 4 पाव॒कव॑तीभिस् ।
Sentence: 5 अन्नं वै पाव॒कस् ।
Sentence: 6 अन्ने॑नै॒वास्य॒ शुचं॑ शमयति
Sentence: 7 मृ॒त्युर्वा ए॒ष यद॒ग्निस् ।
Sentence: 8 ब्रह्म॑ण ए॒तद्रू॒पं यत्कृ॑ष्णाजि॒नम् ।
Sentence: 9 कार्ष्णी॑ उपा॒नहा॒वुप॑ मुञ्चते
Sentence: 10 ब्रह्म॑णै॒व मृ॒त्योर॒न्तर्ध॑त्ते
Sentence: 11 अ॒न्तर्मृ॒त्योर्ध॑त्ते ।
Sentence: 12 अ॒न्तर॒न्नाद्या॒दित्या॑हुस् ।
Sentence: 13 अ॒न्यामु॑पमु॒ञ्चते॒ ऽन्यां नान्तः ॥
Verse: 5
Sentence: 1 ए॒व मृ॒त्योर्ध॒त्ते वा॒न्नाद्यं॑ रुन्द्धे
Sentence: 2 नम॑स्ते॒ हर॑से शो॒चिष॒ इत्या॑ह
Sentence: 3 नम॒स्कृत्य॒ हि वसी॑यांसमुप॒चर॑न्ति ।
Sentence: 4 अ॒न्यं ते॑ अ॒स्मत्त॑पन्तु हे॒तय॒ इत्या॑ह
Sentence: 5 यमे॒व द्वेष्टि॒ तम॑स्य शु॒चार्प॑यति
Sentence: 6 पाव॒को अ॒स्मभ्यं॑ शि॒वो भ॒वेत्या॑ह ।
Sentence: 7 अन्नं वै पाव॒कस् ।
Sentence: 8 अन्न॑मे॒वाव॑ रुन्द्धे
Sentence: 9 द्वाभ्या॒मधि॑ क्रामति॒ प्रति॑ष्ठित्यै ।
Sentence: 10 अ॑प॒स्य॑वतीभ्यां॒ शान्त्यै॑ ॥
Paragraph: 5
Verse: 1
Sentence: 1 नृ॒षदे॒ वडिति॒ व्याघा॑रयति
Sentence: 2 प॒ङ्क्त्याहु॑त्या यज्ञमु॒खमा र॑भते ।
Sentence: 3 अ॑क्ष्ण॒या व्याघा॑रयति
Sentence: 4 तस्मा॑दक्ष्ण॒या प॒शवो ऽङ्गा॑नि॒ प्र ह॑रन्ति॒ प्रति॑ष्ठित्यै
Sentence: 5 यद्व॑षट्कु॒र्याद्या॒तया॑मास्य वषट्का॒रः स्या॑त् ।
Sentence: 6 यन्न व॑षट्कु॒र्याद्रक्षां॑सि य॒ज्ञं ह॑न्युस् ।
Sentence: 7 वडित्या॑ह प॒रोऽक्ष॑मे॒व वष॑ट्करोति
Sentence: 8 नास्य॑ या॒तया॑मा वषट्का॒रो भव॑ति॒ न य॒ज्ञं रक्षां॑सि घ्नन्ति
Sentence: 9 हु॒तादो॒ वा अ॒न्ये दे॒वाः ॥
Verse: 2
Sentence: 1 अ॑हु॒तादो॒ ऽन्ये
Sentence: 2 तान॑ग्नि॒चिदे॒वोभया॑न्प्रीणाति
Sentence: 3 ये दे॒वा दे॒वाना॒मिति॑ द॒ध्ना म॑धुमि॒श्रेणावो॑क्षति
Sentence: 4 हु॒ताद॑श्चै॒व दे॒वान॑हु॒ताद॑श्च॒ यज॑मानः प्रीणाति
Sentence: 5 ते यज॑मानम्प्रीणन्ति
Sentence: 6 दध्नै॒व हु॒तादः॑ प्री॒णाति॒ मधु॑षाहु॒ताद॑स् ।
Sentence: 7 ग्रा॒म्यं वा ए॒तदन्नं॒ यद्दध्या॑र॒ण्यम्मधु
Sentence: 8 यद्द॒ध्ना म॑धुमि॒श्रेणा॒वोक्ष॑त्यु॒भय॒स्याव॑रुद्ध्यै
Sentence: 9 ग्रुमु॒ष्टिनावो॑क्षति
Sentence: 10 प्राजाप॒त्यः ॥
Verse: 3
Sentence: 1 वै॑ ग्रुमु॒ष्टिः स॑योनि॒त्वाय
Sentence: 2 द्वाभ्या॒म्प्रति॑ष्ठित्यै ।
Sentence: 3 अ॑नुपरि॒चार॒मवो॑क्षति ।
Sentence: 4 अप॑रिवर्गमेवैनान्प्रीणाति
Sentence: 5 वि वा ए॒ष प्राणैः प्र॒जया॑ प॒शुभि॑रृध्यते॒ यो॒ ऽग्निं चि॒न्वन्न॑धि॒क्राम॑ति
Sentence: 6 प्राण॒दा अ॑पान॒दा इत्या॑ह
Sentence: 7 प्रा॒णाने॒वात्मन्ध॑त्ते
Sentence: 8 वर्चो॒दा व॑रिवो॒दा इत्या॑ह
Sentence: 9 प्र॒जा वै॒ वर्चः॑ प॒शवो॒ वरि॑वः
Sentence: 10 प्र॒जामे॒व प॒शूना॒त्मन्ध॑त्ते ।
Sentence: 11 इन्द्रो॑ वृ॒त्रम॑हन्
Sentence: 12 तं वृ॒त्रः ॥
Verse: 4
Sentence: 1 ह॒तः षो॑ड॒शभि॑र्भोगैरसिनात्
Sentence: 2 स ए॒ताम॒ग्नये ऽनी॑कवत॒ आहु॑तिमपश्यत्
Sentence: 3 ताम॑जुहोत्
Sentence: 4 तस्या॒ग्निरनी॑कवा॒न्त्स्वेन॑ भाग॒धेये॑न प्री॒तः षो॑डश॒धा वृ॒त्रस्य॑ भो॒गानप्य॑दहत् ।
Sentence: 5 वै॑श्वकर्म॒णेन॑ पा॒प्मनो॒ निर॑मुच्यत
Sentence: 6 यद॒ग्नये ऽनी॑कवत॒ आहु॑तिं जु॒होत्य॒ग्निरे॒वास्यानी॑कवा॒न्त्स्वेन॑ भाग॒धेये॑न प्री॒तः पा॒प्मान॒मपि॑ दहति
Sentence: 7 वैश्वदर्म॒णेन॑ पा॒प्मनो॒ निर्मु॑च्यते
Sentence: 8 यं का॒मये॑त
Sentence: 9 चि॒रम्पा॒प्मनः॑ ॥
Verse: 5
Sentence: 1 निर्मु॑च्ये॒तेत्येकै॑कं॒ तस्य॑ जुहुयात् ।
Sentence: 2 चि॒रमे॒व पा॒प्मनो॒ निर्मु॑च्यते
Sentence: 3 यं का॒मये॑त
Sentence: 4 ता॒जक्पा॒प्मनो॒ निर्मु॑च्ये॒तेति॒ सर्वा॑णि॒ तस्या॑नु॒द्रुत्य॑ जुह्यात्
Sentence: 5 ता॒जगे॒व पा॒प्मनो॒ निर्मु॑च्यते ।
Sentence: 6 अथो॒ खलु॒ नानै॒व सू॒क्ताभ्यां॑ जुहोति
Sentence: 7 नानै॒व सू॒क्तयो॑र्वी॒र्यं॑ दधाति ।
Sentence: 8 अथो॒ प्रति॑ष्ठित्यै ॥
Paragraph: 6
Verse: 1
Sentence: 1 उदे॑नमुत्त॒रां न॒येति॑ स॒मिध॒ आ द॑धाति
Sentence: 2 यथा॒ जनं॑ य॒ते॑ ऽव॒सं क॒रोति॑ ता॒दृगे॒व तत्
Sentence: 3 ति॒स्र आ द॑धाति
Sentence: 4 त्रि॒वृद्वा अ॒ग्निस् ।
Sentence: 5 यावा॑ने॒वाग्निस्तस्मै॑ भाग॒धेयं॑ करोति ।
Sentence: 6 अौ॑दुम्बरीर्भवन्ति ।
Sentence: 7 ऊर्ग्वा उ॑दु॒म्बर॑स् ।
Sentence: 8 ऊर्ज॑मे॒वास्मा॒ अपि॑ दधाति ।
Sentence: 9 उदु॑ त्वा॒ विश्वे॑ दे॒वा इत्या॑ह
Sentence: 10 प्रा॒णा वै॒ विश्वे॑ दे॒वाः
Sentence: 11 प्राणैः ॥
Verse: 2
Sentence: 1 एवैन॒मुद्य॑छते ।
Sentence: 2 अग्ने॑ भरन्तु॒ चित्ति॑भि॒रित्या॑ह
Sentence: 3 यस्मा॑ एवैनं चि॒त्तायो॒द्यछ॑ते॒ तेनैवैनं॒ सम॑र्धयति
Sentence: 4 पञ्च॒ दिशो दैवीर्य॒ज्ञम॑वन्तु दे॒वीरित्या॑ह
Sentence: 5 दिशो॒ ह्ये॒षो ऽनु॑ प्र॒च्यव॑ते ।
Sentence: 6 अपाम॑तिं दुर्म॒तिम्बाध॑माना॒ इत्या॑ह॒ रक्ष॑सा॒मप॑हत्यै
Sentence: 7 रा॒यस्पोषे॑ य॒ज्ञप॑तिमा॒भज॑न्ती॒रित्या॑ह
Sentence: 8 प॒शवो वै रा॒यस्पोषः॑ ॥
Verse: 3
Sentence: 1 प॒शूने॒वाव॑ रुन्द्धे
Sentence: 2 ष॒ड्भिर्ह॑रति
Sentence: 3 षड्वा ऋ॒तव॑स् ।
Sentence: 4 ऋ॒तुभि॑रेवैनं हरति
Sentence: 5 द्वे प॑रि॒गृह्य॑वती भवतो॒ रक्ष॑सा॒मप॑हत्यै
Sentence: 6 सूर्य॑रश्मि॒र्हरि॑केशः पु॒रस्ता॒दित्या॑ह
Sentence: 7 प्रसू॑त्यै
Sentence: 8 ततः॑ पाव॒का आ॒शिषो॑ नो जुषन्ता॒मित्या॑ह ।
Sentence: 9 अन्नं वै पाव॒कस् ।
Sentence: 10 अन्न॑मे॒वाव॑ रुन्द्धे
Sentence: 11 देवासु॒राः संय॑त्ता आसन्
Sentence: 12 ते दे॒वा ए॒तदप्र॑तिरथमपश्यन्
Sentence: 13 तेनै॒व ते ऽप्र॒ति ॥
Verse: 4
Sentence: 1 असु॑रानजयन्
Sentence: 2 तदप्र॑तिरथस्याप्रतिरथ॒त्वम् ।
Sentence: 3 यदप्र॑तिरथं द्वि॒तीयो॒ होता॒न्वाहा॑प्र॒त्ये॒व तेन॒ यज॑मानो॒ भ्रातृ॑व्याञ्जयति ।
Sentence: 4 अथो॒ अन॑भिजितमे॒वाभि ज॑यति
Sentence: 5 दश॒र्चम्भ॑वति
Sentence: 6 दशा॑क्षरा वि॒राड्^वि॒राज्
Sentence: 7 वि॒राजेमौ लोकौ॒ विधृ॑तौ ।
Sentence: 8 अ॒नयो॑र्लो॒कयो॒र्विधृ॑त्यै ।
Sentence: 9 अथो॒ दशा॑क्षरा वि॒राड्^वि॒राज्
Sentence: 10 अन्नं वि॒राड्^वि॒राज्
Sentence: 11 वि॒राज्ये॒वान्नाद्ये॒ प्रति॑ तिष्ठति ।
Sentence: 12 अस॑दिव॒ वा अ॒न्तरि॑क्षम्
Sentence: 13 अ॒न्तरि॑क्षमि॒वाग्नी॑ध्रम्
Sentence: 14 आग्नी॑ध्रे ॥
Verse: 5
Sentence: 1 अश्मा॑नं॒ नि द॑धाति
Sentence: 2 स॒त्त्वाय
Sentence: 3 द्वाभ्या॑म्
Sentence: 4 प्रति॑ष्ठित्यै
Sentence: 5 वि॒मान॑ ए॒ष दि॒वो मध्य॑ आस्त॒ इत्या॑ह
Sentence: 6 व्येवै॒तया॑ मिमीते
Sentence: 7 मध्ये॑ दि॒वो निहि॑तः॒ पृश्नि॑र॒श्मेत्या॑ह ।
Sentence: 8 अन्नं वै॒ पृश्नि॑ ।
Sentence: 9 अन्न॑मे॒वाव॑ रुन्द्धे
Sentence: 10 चत॒सृभि॒रा पुछा॑देति
Sentence: 11 च॒त्वारि॒ छन्दां॑सि
Sentence: 12 छन्दो॑भिरे॒व ।
Sentence: 13 इन्द्रं॒ विश्वा॑ अवीवृध॒न्नित्या॑ह
Sentence: 14 वृद्धि॑मे॒वोपाव॑र्तते
Sentence: 15 वाजा॑नां॒ सत्प॑ति॒म्पति॑म् ॥
Verse: 6
Sentence: 1 इत्या॑ह ।
Sentence: 2 अन्नं वै॒ वाज॑स् ।
Sentence: 3 अन्न॑मे॒वाव॑ रुन्द्धे
Sentence: 4 सुम्न॒हूर्य॒ज्ञो दे॒वां आ च॑ वक्ष॒दित्या॑ह
Sentence: 5 प्र॒जा वै॑ प॒शवः॑ सु॒म्नम्
Sentence: 6 प्र॒जामे॒व प॒शूना॒त्मन्ध॑त्ते
Sentence: 7 यक्ष॑द॒ग्निर्दे॒वो दे॒वां आ च॑ वक्ष॒दित्या॑ह
Sentence: 8 स्व॒गाकृ॑त्यै
Sentence: 9 वाज॑स्य मा प्रस॒वेनो॑द्ग्रा॒भेणोद॑ग्रभी॒दित्या॑ह ।
Sentence: 10 असौ॒ वा आ॑दि॒त्य उ॒द्यन्नु॑द्ग्रा॒भ ए॒ष नि॒म्रोच॑न्निग्रा॒भस् ।
Sentence: 11 ब्रह्म॑णै॒वात्मान॑मुद्गृ॒ह्णाति॒ ब्रह्म॑णा॒ भ्रातृ॑व्यं॒ नि गृ॑ह्णाति ॥
Paragraph: 7
Verse: 1
Sentence: 1 प्राची॒मनु॑ प्र॒दिश॒म्प्रेहि॑ वि॒द्वानित्या॑ह
Sentence: 2 देवलो॒कमेवै॒तयो॒पाव॑र्तते
Sentence: 3 क्रम॑ध्वम॒ग्निना॒ नाक॒मित्या॑ह ।
Sentence: 4 इ॒मानेवै॒तया॑ लो॒कान्क्र॑मते
Sentence: 5 पृथि॒व्या अ॒हमुद॒न्तरि॑क्ष॒मारु॑ह॒मित्या॑ह ।
Sentence: 6 इ॒मानेवै॒तया॑ लो॒कान्त्स॒मारो॑हति
Sentence: 7 सुव॒र्यन्तो॒ नापे॑क्षन्त॒ इत्या॑ह
Sentence: 8 सुव॒र्गमेवै॒तया॑ लो॒कमे॑ति ।
Sentence: 9 अग्ने॒ प्रेहि॑ ॥
Verse: 2
Sentence: 1 प्र॑थ॒मो दे॑वय॒तामित्या॑ह ।
Sentence: 2 उ॒भये॑ष्वेवै॒तया॑ देवमनु॒ष्येषु॒ चक्षु॑र्दधाति
Sentence: 3 प॒ञ्चभि॒रधि॑ क्रामति
Sentence: 4 पाङ्क्तो॑ य॒ज्ञस् ।
Sentence: 5 यावा॑ने॒व य॒ज्ञस्तेन॑ स॒ह सु॑व॒र्गं लो॒कमे॑ति
Sentence: 6 नक्तो॒षासेति॑ पुरोऽनुवा॒क्या॒मन्वा॑ह
Sentence: 7 प्रत्त्यै॑ ।
Sentence: 8 अग्ने॑ सहस्रा॒क्षेत्या॑ह
Sentence: 9 साह॒स्रः प्र॒जाप॑तिः
Sentence: 10 प्र॒जाप॑ते॒राप्त्यै
Sentence: 11 तस्मै॑ ते विधेम॒ वाजा॑य॒ स्वाहेत्या॑ह ।
Sentence: 12 अन्नं वै॒ वाज॑स् ।
Sentence: 13 अन्न॑मे॒वाव॑ ॥
Verse: 3
Sentence: 1 रु॑न्द्धे
Sentence: 2 द॒ध्नः पू॒र्णामौ॑दुम्बरीं स्वयमातृ॒ण्णायां॑ जुहोति ।
Sentence: 3 ऊर्ग्वै॒ दधि॑ ।
Sentence: 4 ऊर्गु॑दु॒म्बर॑स् ।
Sentence: 5 असौ स्वयमातृ॒ण्णा ।
Sentence: 6 अ॒मुष्या॑मे॒वोर्जं॑ दधाति
Sentence: 7 तस्मा॑द॒मुतो॒ ऽर्वाची॒मूर्ज॒मुप॑ जीवामस्
Sentence: 8 ति॒सृभिः॑ सादयति
Sentence: 9 त्रि॒वृद्वा अ॒ग्निस् ।
Sentence: 10 यावा॑ने॒वाग्निस्तम्प्र॑ति॒ष्ठां ग॑मयति
Sentence: 11 प्रेद्धो॑ अग्ने दीदिहि पु॒रो न॒ इत्औ॒दुम्ब॑री॒मा द॑धाति ।
Sentence: 12 ए॒ष वै॑ सू॒र्मी कर्ण॑कावती ।
Sentence: 13 ए॒तया॑ ह स्म ॥
Verse: 4
Sentence: 1 वै॑ दे॒वा असु॑राणां शतत॒र्हांस्तृं॑हन्ति
Sentence: 2 यदे॒तया॑ स॒मिध॑मा॒दधा॑ति॒ वज्र॑मेवै॒तच्छ॑त॒घ्नीं यज॑मानो॒ भ्रातृ॑व्याय॒ प्र ह॑रति॒ स्तृत्यै॑ ।
Sentence: 3 अछ॑म्बट्कारम् ।
Sentence: 4 वि॒धेम॑ ते पर॒मे जन्म॑न्नग्न॒ इति वैकङ्कती॒मा द॑धाति
Sentence: 5 भा ए॒वाव॑ रुन्द्धे
Sentence: 6 तां स॑वि॒तुर्वरे॑ण्यस्य चि॒त्रामिति॑ शमी॒मयीं॒ शान्त्यै॑ ।
Sentence: 7 अ॒ग्निर्वा॑ ह॒ वा अ॑ग्नि॒चितं॑ दु॒हे॑ ऽग्नि॒चिद्वा॒ग्निं दु॑हे
Sentence: 8 ताम् ॥
Verse: 5
Sentence: 1 स॑वि॒तुर्वरे॑ण्यस्य चि॒त्रामित्या॑ह ।
Sentence: 2 ए॒ष वा अ॒ग्नेर्दोह॑स्
Sentence: 3 तम॑स्य॒ कण्व॑ ए॒व श्रा॑य॒सो॑ ऽवेत्
Sentence: 4 तेन॑ ह समैनं॒ स दु॑हे
Sentence: 5 यदे॒तया॑ स॒मिध॑मा॒दधा॑त्यग्नि॒चिदे॒व तद॒ग्निं दु॑हे
Sentence: 6 स॒प्त ते॑ अग्ने स॒मिधः॑ स॒प्त जि॒ह्वा इत्या॑ह
Sentence: 7 सप्तै॒वास्य॒ साप्ता॑नि प्रीणाति
Sentence: 8 पू॒र्णया॑ जुहोति
Sentence: 9 पू॒र्ण इ॑व॒ हि प्र॒जाप॑तिः
Sentence: 10 प्र॒जाप॑तेः ॥
Verse: 6
Sentence: 1 आप्त्यै
Sentence: 2 न्यू॑नया जुहोति
Sentence: 3 न्यू॑ना॒द्धि प्र॒जाप॑तिः प्र॒जा असृ॑जत
Sentence: 4 प्र॒जानां॒ सृष्ट्यै॑ ।
Sentence: 5 अ॒ग्निर्दे॒वेभ्यो॒ निला॑यत
Sentence: 6 स दिशो ऽनु॒ प्रावि॑शत् ।
Sentence: 7 जुह्व॒न्मन॑सा॒ दिशो॑ ध्यायेत् ।
Sentence: 8 दि॒ग्भ्य एवैन॒मव॑ रुन्द्धे
Sentence: 9 द॒ध्ना पु॒रस्ता॑ज्जुहो॒त्याज्ये॑नो॒परि॑ष्टात्
Sentence: 10 तेज॑श्चै॒वास्मा॑ इन्द्रि॒यं च॑ स॒मीची॑ दधाति
Sentence: 11 द्वाद॑शकपालो वैश्वान॒रो भ॑वति
Sentence: 12 द्वाद॑श॒ मासाः॑ संवत्स॒रः
Sentence: 13 सं॑वत्स॒रो॒ ऽग्निर्वै॑श्वान॒रः
Sentence: 14 सा॒क्षात् ॥
Verse: 7
Sentence: 1 ए॒व वै॑श्वान॒रमव॑ रुन्द्धे
Sentence: 2 यत्प्र॑याजानूया॒जान्कु॒र्याद्विक॑स्तिः॒ सा य॒ज्ञस्य
Sentence: 3 दर्विहो॒मं क॑रोति य॒ज्ञस्य॒ प्रति॑ष्ठित्यै
Sentence: 4 रा॒ष्ट्रं वै॑ वैश्वान॒रो विण्म॒रुत॑स् ।
Sentence: 5 वै॑श्वान॒रं हु॒त्वा मा॑रु॒ताञ्जु॑होति
Sentence: 6 रा॒ष्ट्र ए॒व विश॒मनु॑ बध्नाति ।
Sentence: 7 उच्चैर्वैश्वान॒रस्या श्रा॑वयत्युपां॒शु मा॑रु॒ताञ्जु॑होति
Sentence: 8 तस्मा॑द्रा॒ष्ट्रं विश॒मति॑ वदति
Sentence: 9 मारु॒ता भ॑वन्ति
Sentence: 10 म॒रुतो वै दे॒वानां॒ विश॑स् ।
Sentence: 11 दे॑ववि॒शेनै॒वास्मै॑ मनुष्य वि॒शमव॑ रुन्द्धे
Sentence: 12 स॒प्त भ॑वन्ति
Sentence: 13 स॒प्तग॑णा वै म॒रुत॑स् ।
Sentence: 14 ग॑ण॒श ए॒व विश॒मव॑ रुन्द्धे
Sentence: 15 ग॒णेन॑ ग॒णम॑नु॒द्रुत्य॑ जुहोति
Sentence: 16 विश॑मे॒वास्मा॒ अनु॑ वर्त्मानं करोति ॥
Paragraph: 8
Verse: 1
Sentence: 1 वसो॒र्धारां॑ जुहोति
Sentence: 2 वसो॑र्मे॒ धारा॑स॒दिति॒ वा ए॒षा हू॑यते
Sentence: 3 घृ॒तस्य॒ वा ए॑नमे॒षा धारा॒मुष्मिँ॑ लो॒के पिन्व॑मा॒नोप॑ तिष्ठते ।
Sentence: 4 आज्ये॑न जुहोति
Sentence: 5 तेजो॒ वा आज्यं॒ तेजो॒ वसो॒र्धारा
Sentence: 6 तेज॑सै॒वास्मै॒ तेजो ऽव॑ रुन्द्धे ।
Sentence: 7 अथो॒ कामा वै॒ वसो॒र्धारा
Sentence: 8 कामा॑ने॒वाव॑ रुन्द्धे
Sentence: 9 यं का॒मये॑त
Sentence: 10 प्रा॒णान॒स्यान्नाद्यं॒ वि ॥
Verse: 2
Sentence: 1 छि॑न्द्या॒मिति॑ वि॒ग्राहं॒ तस्य॑ जुहुयात्
Sentence: 2 प्रा॒णाने॒वास्या॒न्नाद्यं॒ वि छि॑नत्ति
Sentence: 3 यं का॒मये॑त
Sentence: 4 प्रा॒णान॑स्या॒न्नाद्यं॒ सं त॑नुया॒मिति॒ सन्त॑तां॒ तस्य॑ जुहुयात्
Sentence: 5 प्रा॒णाने॒वास्या॒न्नाद्यं॒ सं त॑नोति
Sentence: 6 द्वाद॑श द्वाद॒शानि॑ जुहोति॒ द्वाद॑श॒ मासाः॑ संवत्स॒रः
Sentence: 7 सं॑वत्स॒रेणै॒वास्मा॒ अन्न॒मव॑ रुन्द्धे ।
Sentence: 8 अन्नं॑ च॒ मे ऽक्षु॑च्च म॒ इत्या॑ह ।
Sentence: 9 ए॒तद्वै॑ ॥
Verse: 3
Sentence: 1 अन्न॑स्य रू॒पम् ।
Sentence: 2 रू॒पेणै॒वान्न॒मव॑ रुन्द्धे ।
Sentence: 3 अ॒ग्निश्च॑ म॒ आप॑श्च म॒ इत्या॑ह ।
Sentence: 4 ए॒षा वा अन्न॑स्य॒ योनिः
Sentence: 5 सयो॑न्ये॒वान्न॒मव॑ रुन्द्धे ।
Sentence: 6 अ॑र्धे॒न्द्राणि॑ जुहोति
Sentence: 7 दे॒वता॑ ए॒वाव॑ रुन्द्धे
Sentence: 8 यत्सर्वे॑षाम॒र्धमिन्द्रः॒ प्रति॒ तस्मा॒दिन्द्रो॑ दे॒वता॑नाम्भूयिष्ठ॒भाक्त॑मस् ।
Sentence: 9 इन्द्र॒मुत्त॑रमाह ।
Sentence: 10 इ॑न्द्रि॒यमे॒वास्मि॑न्नु॒परि॑ष्टाद्दधाति
Sentence: 11 यज्ञायु॒धानि॑ जुहोति
Sentence: 12 य॒ज्ञः ॥
Verse: 4
Sentence: 1 वै॑ यज्ञायु॒धानि
Sentence: 2 य॒ज्ञमे॒वाव॑ रुन्द्धे ।
Sentence: 3 अथो॑ ए॒तद्वै॑ य॒ज्ञस्य॑ रू॒पम् ।
Sentence: 4 रू॒पेणै॒व य॒ज्ञमव॑ रुन्द्धे ।
Sentence: 5 अ॑वभृ॒थश्च॑ मे स्वगाका॒रश्च॑ म॒ इत्या॑ह
Sentence: 6 स्व॒गाकृ॑त्यै ।
Sentence: 7 अ॒ग्निश्च॑ मे घ॒र्मश्च॑ म॒ इत्या॑ह ।
Sentence: 8 ए॒तद्वै॑ ब्रह्मवर्च॒सस्य॑ रू॒पम् ।
Sentence: 9 रू॒पेनै॒व ब्र॑ह्मवर्च॒समव॑ रुन्द्धे ।
Sentence: 10 ऋक्च॑ मे॒ साम॑ च म॒ इत्या॑ह ॥
Verse: 5
Sentence: 1 ए॒तद्वै॒ छन्द॑सां रू॒पम् ।
Sentence: 2 रू॒पेणै॒व छन्दां॒स्यव॑ रुन्द्धे
Sentence: 3 गर्भा॑श्च मे व॒त्साश्च॑ म॒ इत्या॑ह ।
Sentence: 4 ए॒तद्वै॑ पशू॒नां रू॒पम् ।
Sentence: 5 रू॒पेणै॒व प॒शूनव॑ रुन्द्धे
Sentence: 6 कल्पा॑ञ्जुहोति ।
Sentence: 7 अक्ळ्प्त॑स्य॒ कॢप्त्यै
Sentence: 8 युग्मदयु॒जे जु॑होति
Sentence: 9 मिथुन॒त्वाय॑ ।
Sentence: 10 उ॑त्त॒राव॑ती भवतस् ।
Sentence: 11 अ॒भिक्रा॑न्त्यै ।
Sentence: 12 एका॑ च मे ति॒स्रश्च॑ म॒ इत्या॑ह
Sentence: 13 देवछन्द॒सं वा एका॑ च ति॒स्रश्च॑ ॥
Verse: 6
Sentence: 1 म॑नुष्यछन्द॒सं चत॑स्रश्चाष्टौ च
Sentence: 2 देवछन्द॒सं चै॒व म॑नुष्यछन्द॒सं चाव॑ रुन्द्धे ।
Sentence: 3 आ त्रय॑स्त्रिंशतो जुहोति
Sentence: 4 त्रय॑स्त्रिंशद्वै दे॒वता॑स् ।
Sentence: 5 दे॒वता॑ ए॒वाव॑ रुन्द्धे ।
Sentence: 6 आष्टाच॑त्वारिंशतो जुहोति ।
Sentence: 7 अ॒ष्टाच॑त्वारिंशदक्षरा॒ जग॑ती
Sentence: 8 जाग॑ताः प॒शव॑स् ।
Sentence: 9 जग॑त्यै॒वास्मै॑ प॒शूनव॑ रुन्द्धे
Sentence: 10 वाज॑श्च प्रस॒वश्चेति॑ द्वाद॒शं जु॑होति
Sentence: 11 द्वाद॑श॒ मासाः॑ संवत्स॒रः
Sentence: 12 सं॑वत्स॒र ए॒व प्रति॑ तिष्ठति ॥
Paragraph: 9
Verse: 1
Sentence: 1 अ॒ग्निर्दे॒वेभ्यो ऽपा॑क्रामद्भाग॒धेय॑मि॒छमा॑नस्
Sentence: 2 तं दे॒वा अ॑ब्रुवन् ।
Sentence: 3 उप॑ न॒ आ व॑र्तस्व ह॒व्यं नो॑ व॒हेति
Sentence: 4 सो॑ ऽब्रवीत् ।
Sentence: 5 वरं॑ वृणै॒ मह्य॑मे॒व वा॑जप्रस॒वीयं॑ जुहव॒न्निति
Sentence: 6 तस्मा॑द॒ग्नये॑ वाजप्रस॒वीयं॑ जुह्वति
Sentence: 7 यद्वा॑जप्रस॒वीयं॑ जु॒होत्य॒ग्निमे॒व तद्भा॑ग॒धेये॑न॒ सम॑र्धयति ।
Sentence: 8 अथो॑ अभिषे॒क ए॒वास्य स^ सस्
Sentence: 9 चतुर्द॒शभि॑र्जुहोति
Sentence: 10 स॒प्त ग्रा॒म्या ओष॑धयः स॒प्त ॥
Verse: 2
Sentence: 1 आ॑र॒ण्यास् ।
Sentence: 2 उ॒भयी॑षा॒मव॑रुद्ध्यै ।
Sentence: 3 अन्न॑स्यान्नस्य जुहोति ।
Sentence: 4 अन्न॑स्यान्न॒स्याव॑रुद्ध्यै ।
Sentence: 5 अौ॑दुम्बरेण स्रु॒वेण॑ जुहोति ।
Sentence: 6 ऊर्ग्वा उ॑दु॒म्बर॒ ऊर्गन्न॑म्
Sentence: 7 ऊर्जै॒वास्मा॒ ऊर्ज॒मन्न॒मव॑ रुन्द्धे ।
Sentence: 8 अ॒ग्निर्वै॑ दे॒वाना॑म॒भिषि॑क्तो ऽग्नि॒चिन्म॑नु॒ष्या॑णाम् ।
Sentence: 9 तस्मा॑दग्नि॒चिद्वर्ष॑ति॒ न धा॑वेत् ।
Sentence: 10 अव॑रुद्धं॒ ह्य॒स्यान्न॑म्
Sentence: 11 अन्न॑मिव॒ खलु वै व॒र्षम् ।
Sentence: 12 यद्धावे॑द॒न्नाद्या॑द्धावेत् ।
Sentence: 13 उ॒पाव॑र्तेत ।
Sentence: 14 अ॒न्नाद्य॑मे॒वाभि ॥
Verse: 3
Sentence: 1 उ॒पाव॑र्तते
Sentence: 2 नक्तो॒षासेति॑ कृ॒ष्णायै॑ श्वे॒तव॑त्सायै॒ पय॑सा जुहोति ।
Sentence: 3 अह्नै॒वास्मै॒ रात्रि॒म्प्र दा॑पयति॒ रात्रि॒याह॑र्
Sentence: 4 अहोरा॒त्रे ए॒वास्मै॒ प्रत्ते॒ काम॑म॒न्नाद्यं॑ दुहाते
Sentence: 5 राष्ट्र॒भृतो॑ जुहोति
Sentence: 6 रा॒ष्ट्रमे॒वाव॑ रुन्द्धे
Sentence: 7 ष॒ड्भिर्जु॑होति
Sentence: 8 साड्वा ऋ॒तव॑स् ।
Sentence: 9 ऋ॒तुष्वे॒व प्रति॑ तिष्ठति
Sentence: 10 भुव॑नस्य पत॒ इति॑ रथमु॒खे पञ्चाहु॑तीर्जुहोति
Sentence: 11 वज्रो वै॒ रथ॑स् ।
Sentence: 12 वज्रे॑णै॒व दिशः॑ ॥
Verse: 4
Sentence: 1 अ॒भि ज॑यति ।
Sentence: 2 अ॑ग्नि॒चितं॑ ह॒ वा अ॒मुष्मिँ॑ लो॒के वातो॒ ऽभि प॑वते
Sentence: 3 वातना॒मानि॑ जुहोति ।
Sentence: 4 अ॒भ्येवैनम॒मुष्मिँ॑ लो॒के वातः॑ पवते
Sentence: 5 त्रीणि॑ जुहोति
Sentence: 6 त्रय॑ इ॒मे लो॒कास् ।
Sentence: 7 ए॒भ्य ए॒व लो॒केभ्यो॒ वात॒मव॑ रुन्द्धे
Sentence: 8 समु॒द्रो॑ ऽसि॒ नभ॑स्वा॒नित्या॑ह ।
Sentence: 9 ए॒तद्वै॒ वात॑स्य रू॒पम् ।
Sentence: 10 रू॒पेणै॒व वात॒मव॑ रुन्द्धे ।
Sentence: 11 अ॑ञ्ज॒लिना॑ जुहोति
Sentence: 12 न ह्ये॒तेषा॑म॒न्यथाहु॑तिरव॒कल्प॑ते ॥
Paragraph: 10
Verse: 1
Sentence: 1 सु॑व॒र्गाय वै लो॒काय॑ देवर॒थो यु॑ज्यते यत्राकू॒ताय॑ मनुष्यर॒थ ए॒ष खलु वै देवर॒थो यद॒ग्निर॒ग्निं यु॑नज्मि॒ शव॑सा घृ॒तेनेत्या॑ह यु॒नक्त्येवैनं॒ स ए॑नं यु॒क्तः सु॑व॒र्गं लो॒कम॒भि व॑हति
Sentence: 2 यत्स्वर्वा॑भिः प॒ञ्चभि॑र्यु॒ञ्ज्याद्यु॒क्तो॑ ऽस्या॒ग्निः प्रच्यु॑तः स्या॒दप्र॑तिष्ठिता॒ आहु॑तयः॒ स्युरप्र॑तिष्ठिता॒ स्तोमा॒ अप्र॑तिष्ठितान्यु॒क्थानि॑ ति॒सृभिः॑ प्रातःसव॒ने॒ ऽभि मृ॑शति त्रि॒वृत् ॥
Verse: 2
Sentence: 1 वा अ॒ग्निर्यावा॑ने॒वाग्निस्तं यु॑नक्ति॒ यथान॑सि यु॒क्त आ॑धी॒यत॑ ए॒वमे॒व तत्प्रत्याहु॑तय॒स�॑न्ति॒ प्रति॒ स्तोमाः॒ प्रत्यु॒क्थानि
Sentence: 2 यज्ञाय॒ज्ञिय॑स्य स्तो॒त्रे द्वाभ्या॑म॒भि मृ॑शत्ये॒तावान्वै य॒ज्ञो यावा॑नग्निष्टो॒मो भू॒मा त्वा अ॒स्यात॑ ऊ॒र्ध्वः क्रि॑यते॒ यावा॑ने॒व य॒ज्ञस्तम॑न्त॒तो॒ ऽन्वारो॑हति॒ द्वाभ्या॒म्प्रति॑ष्ठित्या॒ एक॒याप्र॑स्तुत॒म्भव॒त्यथ॑ ॥
Verse: 3
Sentence: 1 अ॒भि मृ॑श॒त्युपै॑न॒मुत्त॑रो य॒ज्ञो न॑म॒त्यथो॒ सन्त॑त्यै
Sentence: 2 प्र वा ए॒षो॒ ऽस्माल्लो॒काच्च्य॑वते॒ यो॒ ऽग्निं चि॑नु॒ते न वा ए॒तस्या॑निष्ट॒क आहु॑ति॒रव॑ कल्पते॒ यां वा ए॒षो॑ ऽनिष्ट॒क आहु॑तिं जु॒होति
Sentence: 3 स्रव॑ति वै॒ सा तां स्रव॑न्तीं य॒ज्ञो ऽनु॒ परा॑ भवति य॒ज्ञं यज॑मानो॒ यत्पु॑नश्चि॒तिं चि॑नु॒त आहु॑तीना॒म्प्रति॑ष्ठित्यै॒ प्रत्याहु॑तय॒स्तिष्ठ॑न्ति ॥
Verse: 4
Sentence: 1 न य॒ज्ञः प॑रा॒भव॑ति॒ न यज॑मानस् ।
Sentence: 2 अ॒ष्टावुप॑ दधात्य॒ष्टाक्ष॑रा गाय॒त्री गा॑य॒त्रेणैवैनं॒ छन्द॑सा चिनुते॒ यदेका॑दश त्रैष्टुभ�न॒ यद्द्वाद॑श॒ जाग॑तेन॒ छन्दो॑भिरेवैनं चिनुते
Sentence: 3 नपा॒त्को वै॒ नामै॒षो॒ ऽग्निर्यत्पु॑नश्चि॒तिर्य ए॒वं वि॒द्वान्पु॑नश्चि॒तिं चि॑नु॒त आ तृ॒तीया॒त्पुरु॑षा॒दन्न॑मत्ति
Sentence: 4 यथा वै पुनरा॒धेय॑ ए॒वम्पु॑नश्चि॒तिर्यो॑ ऽग्न्या॒धेये॑न॒ न ॥
Verse: 5
Sentence: 1 ऋ॒ध्नोति॒ स पु॑नरा॒धेय॒मा ध॑त्ते॒ यो॒ ऽग्निं चि॒त्वा नर्ध्नोति॒ स पु॑नश्चि॒तिं चि॑नुते॒ यत्पु॑नश्चि॒तिं चि॑नु॒त ऋद्ध्यै॑ ।
Sentence: 2 अथो॒ खल्वा॑हु॒र्न चे॑त॒व्येति॑ रु॒द्रो वा ए॒ष यद॒ग्निर्यथा॑ व्या॒घ्रं सु॒प्तम्बो॒धय॑ति ता॒दृगे॒व तत् ।
Sentence: 3 अथो॑ खल्वाहुश्चेत॒व्येति॒ यथा॒ वसी॑यांसम्भाग॒धेये॑न बो॒धय॑ति ता॒दृगे॒व तत् ।
Sentence: 4 मनु॑र॒ग्निम॑चिनुत॒ तेन॒ नार्ध्नो॒त्स ए॒ताम्पु॑नश्चि॒तिम॑पश्य॒त्ताम॑चिनुत॒ तया वै॒ स आ॑र्ध्नो॒द्यत्पु॑नश्चि॒तिं चि॑नु॒त ऋद्ध्यै॑ ॥
Paragraph: 11
Verse: 1
Sentence: 1 छ॑न्द॒श्चितं॑ चिन्वीत प॒शुका॑मः प॒शवो वै॒ छन्दां॑सि पशु॒माने॒व भ॑वति
Sentence: 2 श्येन॒चितं॑ चिन्वीत सुव॒र्गका॑मः श्ये॒नो वै॒ वय॑सा॒म्पति॑ष्ठः श्ये॒न ए॒व भू॒त्वा सु॑व॒र्गं लो॒कम्प॑तति
Sentence: 3 कङ्क॒चितं॑ चिन्वीत॒ यः का॒मये॑त शीर्ष॒ण्वान॒मुष्मिँ॑ लो॒के स्या॒मिति॑ शीर्ष॒ण्वाने॒वामुष्मिँ॑ लो॒के भ॑वति ।
Sentence: 4 अ॑लज॒चितं॑ चिन्वीत॒ चतुः॑सीतम्प्रति॒ष्ठाका॑म॒श्चत॑स्रो॒ दिशो॑ दि॒क्ष्वे॑व॒ प्रति॑ तिष्ठति
Sentence: 5 प्रौग॒चितं॑ चिन्वीत॒ भ्रातृ॑व्यवा॒न्प्र ॥
Verse: 2
Sentence: 1 ए॒व भ्रातृ॑व्यान्नुदते ।
Sentence: 2 उ॑भ॒यतः॑प्रौगं चिन्वीत॒ यः का॒मये॑त॒ प्र जा॒तान्भ्रातृ॑व्यान्नु॒देय॒ प्रति॑जनि॒ष्यमा॑णा॒नति प्रै॒व जा॒तान्भ्रातृ॑व्यान्नु॒दते॒ प्रति॑ जनि॒ष्यमा॑णान्
Sentence: 3 रथचक्र॒चितं॑ चिन्वीत॒ भ्रातृ॑व्य॒वान्वज्रो वै॒ रथो॒ वज्र॑मे॒व भ्रातृ॑व्येभ्यः॒ प्र ह॑रति
Sentence: 4 द्रोण॒चितं॑ चिन्वी॒तान्न॑कामो॒ द्रोणे॒ वा अन्न॑म्भ्रियते॒ सयो॑न्ये॒वान्न॒मव॑ रुन्द्धे
Sentence: 5 समू॒ह्यं॑ चिन्वीत प॒शुका॑मः पशु॒माने॒व भ॑वति ॥
Verse: 3
Sentence: 1 प॑रिचा॒य्यं॑ चिन्वीत॒ ग्राम॑कामो ग्रा॒म्ये॒व भ॑वति
Sentence: 2 श्मशान॒चितं॑ चिन्वीत॒ यः का॒मये॑त पितृलो॒क ऋ॑ध्नुया॒मिति॑ पितृलो॒क ए॒वर्ध्नो॑ति
Sentence: 3 विश्वामित्रजमद॒ग्नी वसि॑ष्ठेनास्पर्धेतां॒ स ए॒ता ज॒मद॑ग्निर्विह॒व्या॑ अपश्य॒त्ता उपा॑धत्त॒ ताभिर्वै॒ स वसि॑ष्ठ॒स्येन्द्रि॒यं वी॒र्य॑मवृङ्क्त॒ यद्वि॑ह॒व्या॑ उप॒दधा॑तीन्द्रि॒यमे॒व ताभि॑र्वी॒र्यं॒ यज॑मानो॒ भ्रातृ॑व्यस्य वृङ्क्ते
Sentence: 4 होतु॒र्धिष्णि॑य॒ उप॑ दधाति यजमानायत॒नं वै॑ ॥
Verse: 4
Sentence: 1 होता॒ स्व ए॒वास्मा॑ आ॒यत॑न इन्द्रि॒यं वी॒र्य॒मव॑ रुन्द्धे
Sentence: 2 द्वाद॒शोप॑ दधाति॒ द्वाद॑शाक्षरा॒ जग॑ती॒ जाग॑ताः प॒शवो॒ जग॑त्यै॒वास्मै॑ प॒शूनव॑ रुन्द्धे ।
Sentence: 3 अ॒ष्टाव॑ष्टाव॒न्येषु॒ धिष्णि॑येषूप दधात्य॒ष्टाश॑पाः प॒शवः॑ प॒शूने॒वाव॑ रुन्द्धे
Sentence: 4 षण्मा॑र्जा॒लीये॒ षड्वा ऋ॒तव॑ ऋ॒तवः॒ खलु वै दे॒वाः पि॒तर॑ ऋ॒तूने॒व दे॒वान्पि॒तॄन्प्री॑णाति ॥
Paragraph: 12
Verse: 1
Sentence: 1 पव॑स्व॒ वाज॑सातय॒ इत्य॑नु॒ष्टुक्प्र॑ति॒पद्भ॑वति
Sentence: 2 ति॒र्सो॑ ऽनु॒ष्टुभ॒श्चत॑र्सो गाय॒त्रिय॑स् ।
Sentence: 3 यत्ति॒स्रो॑ ऽनु॒ष्टुभ॒स्तस्मा॑दश्श्वस्त्रि॒भिस्तिष्ठं॑स्तिष्ठति
Sentence: 4 यच्चत॑स्रो गाय॒त्रिय॒स्तस्मा॒त्सर्वां॑श्च॒तुरः॑ प॒दः प्र॑ति॒दध॒त्पला॑यते
Sentence: 5 पर॒मा वा ए॒षा छन्द॑सां॒ यद्नु॒ष्टुक्^नु॒ष्टुभ्
Sentence: 6 पर॒मश्च॑तुष्टो॒म स्तोमा॑नाम्
Sentence: 7 पर॒मस्त्रि॑रा॒त्रो य॒ज्ञाना॑म्
Sentence: 8 पर॒मो ऽश्वः॑ पशू॒नाम्
Sentence: 9 पर॑मेणैवैनम्पर॒मतां॑ गमयति ।
Sentence: 10 ए॑कविं॒शमह॑र्भवति ॥
Verse: 2
Sentence: 1 यस्मि॒न्नश्व॑ आल॒भ्यते
Sentence: 2 द्वाद॑श॒ मासाः॒ पञ्च॒र्तव॒स्त्रय॑ इ॒मे लो॒का अ॒सावा॑दि॒त्य ए॑कविं॒श ए॒ष प्र॒जाप॑तिः
Sentence: 3 प्राजाप॒त्यो ऽश्व॑स्
Sentence: 4 तमे॒व सा॒क्षादृ॑ध्नोति
Sentence: 5 शक्व॑रयः पृ॒ष्ठम्भ॑वन्ति ।
Sentence: 6 अ॒न्यद॑न्य॒च्छन्द॑स् ।
Sentence: 7 अ॒न्ये॑ऽन्ये॒ वा ए॒ते प॒शव॒ आ ल॑भ्यन्त उ॒तेव॑ ग्रा॒म्या उ॒तेवार॒ण्यास् ।
Sentence: 8 यच्छक्व॑रयः पृ॒ष्ठम्भव॒न्त्यश्व॑स्य सर्व॒त्वाय
Sentence: 9 पार्थुर॒श्मम्ब्र॑ह्मसा॒मम्भ॑वति
Sentence: 10 र॒श्मिना॒ वा अश्वः॑ ॥
Verse: 3
Sentence: 1 य॒तस् ।
Sentence: 2 ई॑श्व॒रो वा अश्वो ऽय॒तो ऽप्र॑तिष्ठितः॒ परा॑म्परा॒वतं॒ गन्तो॑स् ।
Sentence: 3 यत्पा॑र्थुर॒श्मम्ब्र॑ह्मसा॒मम्भव॒त्यश्व॑स्य॒ यत्यै॒ धृत्यै
Sentence: 4 सङ्कृ॑त्यछावाकसा॒मम्भ॑वति ।
Sentence: 5 उ॑त्सन्नय॒ज्ञो वा ए॒ष यद॑श्वमे॒धः
Sentence: 6 कस्तद्वे॒देत्या॑हु॒र्यदि॒ सर्वो॑ वा क्रि॒यते॒ न वा॒ सर्व॒ इति
Sentence: 7 यत्सङ्कृ॑त्यछावाकसा॒मम्भव॒त्यश्व॑स्य सर्व॒त्वाय॒ पर्या॑प्त्या॒ अन॑न्तरायाय
Sentence: 8 सर्व॑स्तोमो ऽतिरा॒त्र उ॑त्त॒ममह॑र्भवति॒ सर्व॒स्याप्त्यै॒ सर्व॑स्य॒ जित्यै
Sentence: 9 सर्व॑मे॒व तेना॑प्नोति॒ सर्वं॑ जयति ॥
Chapter: 5
Paragraph: 1
Verse: 1
Sentence: 1 यदेके॑न संस्था॒पय॑ति य॒ज्ञस्य॒ सन्त॑त्या॒ अवि॑छेदाय ।
Sentence: 2 अै॒न्द्राः प॒शवो॒ ये मु॑ष्क॒रास् ।
Sentence: 3 यऐ॒न्द्राः सन्तो॒ ऽग्निभ्य॑ आल॒भ्यन्ते॑ दे॒वता॑भ्यः स॒मदं॑ दधाति ।
Sentence: 4 आ॑ग्ने॒यीस्त्रि॒ष्टुभो॑ याज्यानुवा॒क्याः॑ कुर्यात् ।
Sentence: 5 यद॑ग्ने॒यीस्तेना॑ग्ने॒यास् ।
Sentence: 6 यत्त्रि॒ष्टुभ॒स्तेनै॒न्द्राः
Sentence: 7 समृ॑द्ध्यै
Sentence: 8 न दे॒वता॑भ्यः स॒मदं॑ दधाति
Sentence: 9 वा॒यवे॑ नि॒युत॑वे तूप॒रमा ल॑भते॒ तेजो॒ ऽग्नेर्वा॒युस्
Sentence: 10 तेज॑स ए॒ष आ ल॑भ्यते
Sentence: 11 तस्मा॑द्य॒द्रिय॑ङ्वा॒युः ॥
Verse: 2
Sentence: 1 वाति॑ त॒द्रिय॑ङ्ङ॒ग्निर्द॑हति
Sentence: 2 स्वमे॒व तत्तेजो ऽन्वे॑ति
Sentence: 3 यन्न नि॒युत्व॑ते॒ स्यादुन्मा॑द्ये॒द्यज॑मानस् ।
Sentence: 4 नि॒युत्व॑ते भवति॒ यज॑मान॒स्यानु॑न्मादाय
Sentence: 5 वायु॒मती॑ श्वे॒तव॑ती याज्यानुवा॒क्ये॑ भवतः
Sentence: 6 सतेज॒स्त्वाय
Sentence: 7 हिरण्यग॒र्भः{F सम्{W सं{GLOS सम् अवर्त॒ताग्र॒ इत्या॑घा॒रमा घा॑रयति
Sentence: 8 प्र॒जाप॑तिर्वै हिरण्यग॒र्भः
Sentence: 9 प्र॒जाप॑तेरनुरूप॒त्वाय
Sentence: 10 सर्वा॑णि॒ वा ए॒ष रू॒पाणि॑ पशू॒नाम्प्रत्या ल॑भ्यते
Sentence: 11 यच्छ्म॑श्रुण॒स्तत् ॥
Verse: 3
Sentence: 1 पुरु॑षाणां रू॒पम् ।
Sentence: 2 यत्तू॑प॒रस्तदश्वा॑नाम् ।
Sentence: 3 यद॒न्यतो॑द॒न्तद्गवा॑म् ।
Sentence: 4 यदव्या॑ इव श॒पास्तदवी॑नाम् ।
Sentence: 5 यद॒जस्तद॒जाना॑म् ।
Sentence: 6 वा॒युर्वै॑ पशू॒नाम्प्रि॒यं धाम
Sentence: 7 यद्वा॑य॒व्यो॒ भव॑त्ये॒तमेवैनम॒भि सं॑जाना॒नाः प॒शव॒ उप॑ तिष्ठन्ते
Sentence: 8 वाय॒व्यः॑ का॒र्या३ः प्राजाप॒त्या३ इत्या॑हुस् ।
Sentence: 9 यद्वा॑य॒व्यं॑ कु॒र्यात्प्र॒जाप॑तेरियात् ।
Sentence: 10 यत्प्रा॑जाप॒त्यं कु॒र्याद्वा॒योः ॥
Verse: 4
Sentence: 1 इ॑यात् ।
Sentence: 2 यद्वा॑य॒व्यः॑ प॒शुर्भव॑ति॒ तेन॑ वा॒योर्नै॑ति
Sentence: 3 यत्प्रा॑जाप॒त्यः पु॑रो॒डाशो॒ भव॑ति॒ तेन॑ प्रा॒जाप॑तेर्नैति
Sentence: 4 यद्द्वाद॑शकपाल॒स्तेन॑ वैश्वान॒रान्नै॑ति ।
Sentence: 5 आ॑ग्नावैष्ण॒वमेका॑दशकपालं॒ निर्व॑पति दीक्षि॒ष्यमा॑णस् ।
Sentence: 6 अ॒ग्निः सर्वा॑ दे॒वता॒ विष्णु॑र्य॒ज्ञस् ।
Sentence: 7 दे॒वता॑श्चै॒व य॒ज्ञं चा र॑भते ।
Sentence: 8 अ॒ग्निर॑व॒मो दे॒वता॑नां॒ विष्णुः॑ पर॒मस् ।
Sentence: 9 यदा॑ग्नावैष्ण॒वमेका॑दशकपालं नि॒र्वप॑ति दे॒वताः॑ ॥
Verse: 5
Sentence: 1 ए॒वोभ॒यतः॑ परि॒गृह्य॒ यज॑मा॒नो ऽव॑ रुन्द्धे
Sentence: 2 पुरो॒डाशे॑न वै दे॒वा अ॒मुष्मिँ॑ लो॒क आ॑र्धुवञ्च॒रुणा॒स्मिन्
Sentence: 3 यः का॒मये॑त ।
Sentence: 4 अ॑मुष्मिँ लो॒क ऋ॑ध्नुया॒मिति॒ स पु॑रो॒डाशं॑ कुर्वीत ।
Sentence: 5 अ॒मुष्मि॑न्ने॒व लि॒क ऋ॑ध्नोति
Sentence: 6 यद॒ष्टाक॑पाल॒स्तेना॒ग्नेयस् ।
Sentence: 7 यत्त्रि॑कपा॒लस्तेन॑ वैष्ण॒वः
Sentence: 8 समृ॑द्ध्यै
Sentence: 9 यः का॒मये॑त ।
Sentence: 10 अ॒स्मिँ लो॒क ऋ॑ध्नुया॒मिति॒ स च॒रुं कु॑र्वीत ।
Sentence: 11 अ॒ग्नेर्घृ॒तं विष्णो॑स्तण्डु॒लास्
Sentence: 12 तस्मा॑त् ॥
Verse: 6
Sentence: 1 च॒रुः का॒र्यस् ।
Sentence: 2 अ॒स्मिन्ने॒व लो॒क ऋ॑ध्नोति ।
Sentence: 3 आ॑दि॒त्यो भ॑वति ।
Sentence: 4 इ॒यं वा अदि॑तिस् ।
Sentence: 5 अ॒स्यामे॒व प्रति॑ तिष्ठ॒त्यथो॑ अ॒स्यामे॒वाधि॑ य॒ज्ञं त॑नुते
Sentence: 6 यो वै॑ संवत्स॒रमुख्य॒मभृ॑त्वा॒ग्निं चि॑नु॒ते यथा॑ सा॒मि गर्भो॑ ऽव॒पद्य॑ते ता॒दृगे॒व तत् ।
Sentence: 7 आर्ति॒मार्छे॑त् ।
Sentence: 8 वै॑श्वान॒रं द्वाद॑शकपालम्पु॒रस्ता॒न्निर्व॑पेत्
Sentence: 9 संवत्स॒रो वा अ॒ग्निर्वै॑श्वान॒रस् ।
Sentence: 10 यथा॑ संवत्स॒रमा॒प्त्वा ॥
Verse: 7
Sentence: 1 का॒ल आग॑ते वि॒जाय॑त ए॒वमे॒व सं॑वत्स॒रमा॒प्त्वा का॒ल आग॑ते॒ ऽग्निं चि॑नुते
Sentence: 2 नार्ति॒मार्छ॑ति ।
Sentence: 3 ए॒षा वा अ॒ग्नेः प्रि॒या त॒नूर्यद्वै॑श्वान॒रः
Sentence: 4 प्रि॒यामे॒वास्य॑ त॒नुव॒मव॑ रुन्द्धे
Sentence: 5 त्रीण्ये॒तानि॑ हवींषि भवन्ति
Sentence: 6 त्रय॑ इ॒मे लो॒कास् ।
Sentence: 7 ए॒षां लो॒कानां॒ रोहा॑य ॥
Paragraph: 2
Verse: 1
Sentence: 1 प्र॒जाप॑तिः प्र॒जाः सृ॒ष्ट्वा प्रे॒णानु॒ प्रावि॑शत्
Sentence: 2 ताभ्यः॒ पुनः॒ सम्भ॑वितुं॒ नाश॑क्नोत्
Sentence: 3 सो॑ ऽब्रवीत् ।
Sentence: 4 ऋ॒ध्नव॒दित्स यो मे॒ ऽतः पुनः॑ सञ्चिञव॒दिति
Sentence: 5 तं दे॒वाः सम॑चिन्वन्
Sentence: 6 ततो वै॒ त आ॑र्ध्नुवन्
Sentence: 7 यत्स॒मचि॑न्व॒न्तच्चित्य॑स्य चित्य॒त्वम् ।
Sentence: 8 य ए॒वं वि॒दान॒ग्निं चि॑नु॒त ऋ॒ध्नोत्ये॒व
Sentence: 9 कस्मै॒ कम॒ग्निश्ची॑यत॒ इत्या॑हुस् ।
Sentence: 10 अ॑ग्नि॒वान् ॥
Verse: 2
Sentence: 1 अ॑सा॒नीति॒ वा अ॒ग्निश्ची॑यते ।
Sentence: 2 अ॑ग्नि॒वाने॒व भ॑वति
Sentence: 3 कस्मै॒ कम॒ग्निश्ची॑यत॒ इत्या॑हुस् ।
Sentence: 4 दे॒वा मा॑ वेद॒न्निति॒ वा अ॒ग्निश्ची॑यते
Sentence: 5 वि॒दुरे॑नं दे॒वाः
Sentence: 6 कस्मै॒ कम॒ग्निश्ची॑यत॒ इत्या॑हुस् ।
Sentence: 7 गृ॒ह्य॑सा॒नीति॒ वा अ॒ग्निश्ची॑यते
Sentence: 8 गृ॒ह्ये॒व भ॑वति
Sentence: 9 कस्मै॒ कम॒ग्निश्ची॑यत॒ इत्या॑हुः
Sentence: 10 पशु॒मान॑सा॒नीति॒ वा अ॒ग्निः ॥
Verse: 3
Sentence: 1 ची॑यते
Sentence: 2 पशु॒माने॒व भ॑वति
Sentence: 3 कस्मै॒ कम॒ग्निश्ची॑यत॒ इत्या॑हुः
Sentence: 4 स॒प्त मा॒ पुरु॑षा॒ उप॑ जीवा॒निति॒ वा अ॒ग्निश्ची॑यते
Sentence: 5 त्रयः॒ प्राञ्च॒स्त्रयः॑ प्र॒त्यञ्च॑ आ॒त्मा स॑प्त॒म ए॒ताव॑न्त एवैनम॒मुष्मिँ॑ लो॒क उप॑ जीवन्ति
Sentence: 6 प्र॒जाप॑तिर॒ग्निम॑चिकीषत
Sentence: 7 तम्पृ॑थि॒व्य॑ब्रवीत् ।
Sentence: 8 न मय्य॒ग्निं चे॑ष्य॒सेति॑ मा धक्ष्यति॒ सा त्वा॑तिद॒ह्यमा॑ना॒ वि ध॑विष्ये ॥
Verse: 4
Sentence: 1 स पापी॑यान्भविष्य॒सीति
Sentence: 2 सो॑ ऽब्रवीत्
Sentence: 3 तथा॒ वा अ॒हं क॑रिष्यामि॒ यथा॑ त्वा॒ नाति॑ध॒क्ष्यतीति
Sentence: 4 स इ॒माम॒भ्य॑मृशत्
Sentence: 5 प्र॒जाप॑तिस्त्वा सादयतु॒ तया॑ दे॒वत॑याङ्गिर॒स्वद्ध्रु॒वा सी॑द ।
Sentence: 6 इति॑ ।
Sentence: 7 इ॒मामे॒वेष्ट॑कां कृ॒त्वोपा॑ध॒त्तान॑तिदाहाय
Sentence: 8 यत्प्रत्य॒ग्निं चि॑न्वी॒त तद॒भि मृ॑शेत्
Sentence: 9 प्र॒जाप॑तिस्त्वा सादयतु॒ तया॑ दे॒वत॑याङ्गिर॒स्वद्ध्रु॒वा सी॑द ॥
Verse: 5
Sentence: 1 इति॑ ।
Sentence: 2 इ॒मामे॒वष्ट॑कां कृ॒त्वोप॑ ध॒त्ते ऽन॑तिदाहाय
Sentence: 3 प्र॒जाप॑तिरकामयत
Sentence: 4 प्र जा॑ये॒येति
Sentence: 5 स ए॒तमुख्य॑मपश्यत्
Sentence: 6 तं सं॑वत्स॒रम॑बिभस्
Sentence: 7 ततो वै॒ स प्राजा॑यत
Sentence: 8 तस्मा॑त्संवत्स॒रम्भा॒र्यः प्रै॒व जा॑यते
Sentence: 9 तं वस॑वो ऽब्रुवन्
Sentence: 10 प्र त्वम॑जनिष्ठा व॒यम्प्र जा॑यामहा॒ इति
Sentence: 11 तं वसु॑भ्यः॒ प्राय॑छत्
Sentence: 12 तं त्रीण्यहा॑न्यबिभरुस्
Sentence: 13 तेन॑ ॥
Verse: 6
Sentence: 1 त्रीणि॑ च श॒तान्यसृ॑जन्त॒ त्रय॑स्त्रिंशतं च
Sentence: 2 तस्मा॑त्त्र्य॒हम्भा॒र्यः प्रै॒व जा॑यते
Sentence: 3 तान्रु॒द्रा अ॑ब्रुवन्
Sentence: 4 प्र यू॒यम॑जनिढ्वं व॒यम्प्र जा॑यामहा॒ इति
Sentence: 5 तं रु॒द्रेभ्यः॒ प्राय॑छन्
Sentence: 6 तं षडहा॑न्यबिभरुस्
Sentence: 7 तेन॒ त्रीणि॑ च श॒तान्यसृ॑जन्त॒ त्रय॑स्त्रिंशतं च
Sentence: 8 तस्मा॑त्षड॒हम्भा॒र्यः प्रै॒व जा॑यते
Sentence: 9 ताना॑दि॒त्या अ॑ब्रुवन्
Sentence: 10 प्र यू॒यम॑जनिढ्वं व॒यम् ॥
Verse: 7
Sentence: 1 प्र जा॑यामहा॒ इति
Sentence: 2 तमा॑दि॒त्येभ्यः॒ प्राय॑छन्
Sentence: 3 तं द्वाद॒शाहा॑न्यबिभरुस्
Sentence: 4 तेन॒ त्रीणि॑ च श॒तान्यसृ॑जन्त॒ त्रय॑स्त्रिंशतं च
Sentence: 5 तस्मा॑द्द्वादशा॒हम्भा॒र्यः प्रै॒व जा॑यते
Sentence: 6 तेनै॒व ते स॒हस्र॑मसृजन्तो॒खां स॑हस्रत॒मीम् ।
Sentence: 7 य ए॒वमुख्यं॑ साह॒स्रं वेद॒ प्र स॑हस्रम्प॒शूना॑प्नोति ॥
Paragraph: 3
Verse: 1
Sentence: 1 यजु॑षा{F वा{W वा{GLOS वा ए॒षा क्रि॑यते॒ यजु॑षा पच्यते॒ यजु॑षा॒ वि मु॑च्यते॒ यदु॒खा
Sentence: 2 सा वा एषै॒तर्हि॑ या॒तया॑म्नी॒ सा न पुनः॑ प्र॒युज्येत्या॑हुस् ।
Sentence: 3 अग्ने॑ यु॒क्ष्वा हि ये तव॑ यु॒क्ष्वा हि दे॑व॒हूत॑मां॒ इत्यु॒खायां॑ जुहोति
Sentence: 4 तेनैवैना॒म्पुनः॒ प्र यु॑ङ्क्ते॒ तेनाया॑तयाम्नी
Sentence: 5 यो वा अ॒ग्निं यो॒ग आग॑ते यु॒नक्ति॑ यु॒ङ्क्ते यु॑ञ्जा॒नेषु॑ ।
Sentence: 6 अग्ने॑ ॥
Verse: 2
Sentence: 1 यु॒क्ष्वा हि ये तव॑ यु॒क्ष्वा हि दे॑व॒हूत॑मां॒ इत्या॑ह ।
Sentence: 2 ए॒ष वा अ॒ग्नेर्योग॑स्
Sentence: 3 तेनैवैनं युनक्ति यु॒ङ्क्ते यु॑ञ्जा॒नेषु
Sentence: 4 ब्रह्मवा॒दिनो॑ वदन्ति
Sentence: 5 न्य॑ङ्ङ॒ग्निश्चे॑त॒व्या३ उ॑त्ता॒ना३ इति
Sentence: 6 वय॑सां॒ वा ए॒ष प्र॑ति॒मया॑ चीयते॒ यद॒ग्निस् ।
Sentence: 7 यन्न्य॑ञ्चं चिनु॒यात्पृ॑ष्टि॒त ए॑न॒माहु॑तय ऋछेयुस् ।
Sentence: 8 यदु॑त्ता॒नं न पति॑तुं शक्नुया॒दसु॑वर्ग्यो ऽस्य स्यात्
Sentence: 9 प्रा॒चीन॑मुत्ता॒नम् ॥
Verse: 3
Sentence: 1 पु॑रुषशी॒षमुप॑ दधाति मुख॒त एवैन॒माहु॑तय ऋछन्ति॒ नोत्ता॒नं चि॑नुते सुव॒र्ग्यो॑ ऽस्य भवति
Sentence: 2 सौ॒र्या जु॑होति॒ चक्षु॑रे॒वास्मि॒न्प्रति॑ दधाति
Sentence: 3 द्विर्जु॑होति॒ द्वे हि चक्षु॑षी
Sentence: 4 समा॒न्या जु॑होति समा॒नं हि चक्षुः॒ समृ॑द्ध्यै
Sentence: 5 देवासु॒राः संय॑त्ता आसन्
Sentence: 6 ते वा॒मं वसु॒ सं न्य॑दधत
Sentence: 7 तद्दे॒वा वा॑म॒भृता॑वृञ्जत
Sentence: 8 तद्वा॑म॒भृतो॑ वामभृ॒त्त्वम् ।
Sentence: 9 यद्वा॑म॒भृत॑मुप॒दधा॑ति वा॒ममे॒व तया॒ वसु॒ यज॑मानो॒ भ्रातृ॑व्यस्य वृङ्क्ते
Sentence: 10 हिर॑ण्यमूर्ध्नी भवति
Sentence: 11 ज्योतिर्वै॒ हिर॑ण्यं॒ ज्योति॑र्वा॒मम् ।
Sentence: 12 ज्योति॑षै॒वास्य॒ ज्योति॑र्वा॒मं वृ॑ङ्क्ते
Sentence: 13 द्विय॒जुर्भ॑वति॒ प्रति॑ष्ठित्यै ॥
Paragraph: 4
Verse: 1
Sentence: 1 आपो॒ वरु॑णस्य॒ पत्न॑य आस॒न्ता अ॒ग्निर॒भ्य॑ध्याय॒त्ताः सम॑भव॒त्तस्य॒ रेतः॒ परा॑पत॒त्तदि॒यम�॒यं वै॑ वि॒राडसौ स्वराड्^स्व॒राज्
Sentence: 2 यद्वि॒राजा॑वुप॒दधा॑ती॒मे ए॒वोप॑ धत्ते
Sentence: 3 यद्वा असौ॒ रेतः॑ सि॒ञ्चति॒ तद॒स्याम्प्रति॑ तिष्ठति॒ तत्प्र जा॑यते॒ ता ओष॑धयः ॥
Verse: 2
Sentence: 1 वी॒रुधो॑ भवन्ति॒ ता अ॒ग्निर॑त्ति॒ य ए॒वं वेद प्रै॒व जा॑यते ऽन्ना॒दो भ॑वति॒ यो रे॑त॒स्वी स्यात�यां॒ तस्य॒ चित्या॑मु॒भे उप॑ दध्यादि॒मे ए॒वास्मै॑ स॒मीची॒ रेतः॑ सिञ्चतो॒ यः सि॒क्तरे॑ताः॒ स्यात्प्र॑थ॒मायां॒ तस्य॒ चित्या॑म॒न्यामुप॑ दध्यादुत्त॒माया॑म॒न्यां रेत॑ ए॒वास्य॑ सि॒क्तमा॒भ्यामु॑भ॒यतः॒ परि॑ गृह्णाति
Sentence: 2 संवत्स॒रं न कम् ॥
Verse: 3
Sentence: 1 च॒न प्र॒त्यव॑रोहे॒न्न हीमे कं च॒न प्र॑त्यव॒रोह॑त॒स्तदे॑नयोर्व्र॒तम् ।
Sentence: 2 यो वा अप॑शीर्षाणम॒ग्निं चि॑नु॒ते ऽप॑शीर्षा॒मुष्मिँ॑ लो॒के भ॑वति॒ यः सशी॑र्षाणं चिनु॒ते सशी॑र्षा॒मुष्मिँ॑ लो॒के भ॑वति
Sentence: 3 चित्तिं॑ जुहोमि॒ मन॑सा घृ॒तेन॒ यथा॑ दे॒वा इ॒हागम॑न्वी॒तिहो॑त्रा ऋता॒वृधः॑ समु॒द्रस्य॑ व॒युन॑स्य॒ पत्म॑ञ्जुहोमि वि॒श्वक॑र्मणे॒ विश्वाहाम॑र्त्यं ह॒विरिति॑ स्वयमातृ॒ण्णामु॑पय॑ जुहोति ॥
Verse: 4
Sentence: 1 ए॒तद्वा अ॒ग्नेः शिरः॒ सशी॑र्षाणमे॒वाग्निं चि॑नुते॒ सशी॑र्षा॒मुष्मिँ॑ लो॒के भ॑वति॒ य ए॒वं वेद
Sentence: 2 सुव॒र्गाय॒ वा ए॒ष लो॒काय॑ चीयते॒ यद॒ग्निस्तस्य॒ यदय॑थापूर्वं क्रि॒यते ऽसु॑वर्ग्यमस्य॒ तत्सु॑व॒र्ग्यो॒ ऽग्निस् ।
Sentence: 3 चिति॑मुप॒धाया॒भि मृ॑शेत् ।
Sentence: 4 चित्ति॒मचि॑त्तिं चिनव॒द्वि वि॒द्वान्पृ॒ष्ठेव॑ वी॒ता वृ॑जि॒ना च॒ मर्ता॑न्रा॒ये च॑ नः स्वप॒त्याय॑ देव॒ दितिं॑ च॒ रास्वादि॑तिमुरु॒ष्येति॑ यथापू॒र्वमेवैना॒मुप॑ धत्ते
Sentence: 5 प्राञ्च॑मेनं चिनुते सुव॒र्ग्यो॑ ऽस्य भवति ॥
Paragraph: 5
Verse: 1
Sentence: 1 वि॒श्वक॑र्मा दि॒शाम्पतिः॒ स नः॑ प॒शून्पा॑तु॒ सो॒ ऽस्मान्पा॑तु॒ तस्मै॒ नमः
Sentence: 2 प्र॒जाप॑ती रु॒द्रो वरु॑णो॒ ऽग्निर्दि॒शाम्पतिः॒ स नः॑ प॒शून्पा॑तु॒ सो॒ ऽस्मान्पा॑तु॒ तस्मै॒ नम॑स् ।
Sentence: 3 ए॒ता वै॑ दे॒वता॑ ए॒तेषा॑म्पशू॒नामधि॑पतयस्
Sentence: 4 ताभ्यो॒ वा ए॒ष आ वृ॑श्च्यते॒ यः प॑शुशी॒र्षाण्यु॑प॒दधा॑ति
Sentence: 5 हिरण्येष्ट॒का उप॑ दधाति ।
Sentence: 6 ए॒ताभ्य॑ ए॒व दे॒वता॑भ्यो॒ नम॑स्करोति
Sentence: 7 ब्रह्मवा॒दिनः॑ ॥
Verse: 2
Sentence: 1 व॑दन्ति ।
Sentence: 2 अग्नौ ग्रा॒म्यान्प॒शून्प्र द॑धाति शु॒चार॒ण्यान॑र्पयति॒ किं तत॒ उच्छिं॑ष॒तीति
Sentence: 3 यद्धि॑रण्येष्ट॒का उ॑प॒दधा॑त्य॒मृतं वै॒ हिर॑ण्यम॒मृते॑नै॒व ग्रा॒म्येभ्यः॑ प॒शुभ्यो॑ भेष॒जं क॑रोति नैनान्हिनस्ति
Sentence: 4 प्रा॒णो वै॑ प्रथ॒मा स्व॑यमातृ॒ण्णा व्या॒नो द्वि॒तीया॑पा॒नस्तृ॒तीया॑ ।
Sentence: 5 अनु॒ प्राण्या॑त्प्रथ॒मां स्व॑यमातृ॒ण्णामु॑प॒धाय
Sentence: 6 प्राणेनै॒व प्रा॒णं सम॑र्धयति
Sentence: 7 व्य॑न्यात् ॥
Verse: 3
Sentence: 1 द्वि॒तीया॑मुप॒धाय
Sentence: 2 व्या॒नेनै॒व व्या॒नं सम॑र्धयति ।
Sentence: 3 अपा॑न्यात्तृ॒तीया॑मुप॒धाय॑ ।
Sentence: 4 अ॑पा॒नेनै॒वापा॒नं सम॑र्धयति ।
Sentence: 5 अथो॑ प्राणैरेवैनं॒ समि॑न्द्धे
Sentence: 6 भूर्भुवः॒ सुव॒रिति॑ स्वयमातृ॒ण्णा उप॑ दधति ।
Sentence: 7 इ॒मे वै॑ लो॒काः स्व॑यमातृ॒ण्णास् ।
Sentence: 8 ए॒ताभिः॒ खलु वै॒ व्याहृ॑तीभिः प्र॒जाप॑तिः॒ प्राजा॑यत
Sentence: 9 यदे॒ताभि॒र्व्याहृ॑तीभिः स्वयमातृ॒ण्णा उ॑प॒दधा॑ती॒माने॒व लो॒कानु॑प॒धायै॒षु ॥
Verse: 4
Sentence: 1 लो॒केष्वधि॒ प्र जा॑यते
Sentence: 2 प्रा॒णाय॑ व्या॒नाया॑पा॒नाय॑ वा॒चे त्वा॒ चक्षु॑षे त्वा॒ तया॑ दे॒वत॑याङ्गिर॒स्वद्ध्रु॒वा सी॑द ।
Sentence: 3 अ॒ग्निना वै दे॒वाः सु॑व॒र्गं लो॒कम॑जिगांसन्
Sentence: 4 तेन॒ पति॑तुं॒ नाश॑क्नुवन्
Sentence: 5 त ए॒ताश्चत॑स्रः स्वयमातृ॒ण्णा अ॑पश्यन्
Sentence: 6 ता दि॒क्षूपा॑दधत
Sentence: 7 तेन॑ स॒र्वत॑श्चक्षुषा सुव॒र्गं लो॒कमा॑यन्
Sentence: 8 यच्चत॑स्रः स्वयमातृ॒ण्णा दि॒क्षूप॒दधा॑ति स॒र्वत॑श्चक्षुषै॒व तद॒ग्निना॒ यज॑मानः सुव॒र्गं लो॒कमे॑ति ॥
Paragraph: 6
Verse: 1
Sentence: 1=a अग्न॒ आ या॑हि वी॒तये॑ ।
Sentence: 2 इत्या॒हाह्व॑तैवैनम्
Sentence: 3=b अ॒ग्निं दू॒तं वृ॑णीमहे ।
Sentence: 4 इत्या॑ह हुत्वैवैनं वृणीते ।
Sentence: 5=c अ॒ग्निना॒ग्निः समि॑ध्यते ।
Sentence: 6 इत्या॑ह॒ समि॑न्द्ध एवैनम्
Sentence: 7=d अ॒ग्निर्वृ॒त्राणि॑ जङ्घनत् ।
Sentence: 8 इत्या॑ह॒ समि॑द्ध ए॒वास्मि॑न्निन्द्रि॒यं द॑धाति ।
Sentence: 9=e अ॒ग्ने स्तोम॑म्मनामहे ।
Sentence: 10 इत्या॑ह मनु॒त एवैनम्
Sentence: 11 ए॒तानि॒ वा अह्नां॑ रू॒पाणि॑ ॥
Verse: 2
Sentence: 1 अ॑न्व॒हमेवैनं चिनुते ।
Sentence: 2 अवा॑ह्नां रू॒पाणि॑ रुन्द्धे
Sentence: 3 ब्रह्मवा॒दिनो॑ वदन्ति
Sentence: 4 कस्मा॑त्स॒त्याद्यातया॑म्नीर॒न्या इष्ट॑का॒ अय॑तयाम्नी लोकम्पृ॒णेत्ऐ॑न्द्रा॒ग्नी हि बा॑र्हस्प॒त्येति॑ ब्रूयात् ।
Sentence: 5 इ॑न्द्रा॒ग्नी च॒ हि दे॒वाना॒म्बृह॒स्पति॒श्चाया॑तयामानस् ।
Sentence: 6 अ॑नुच॒रव॑ती भवति ।
Sentence: 7 अजा॑मित्वाय ।
Sentence: 8 अ॑नु॒ष्टुभानु॑ चरति ।
Sentence: 9 आ॒त्मा वै॑ लोकम्पृ॒णा प्रा॒णो॑ ऽनु॒ष्टुप्तस्मा॑त्प्रा॒णःसर्वा॒ण्यङ्गा॒न्यनु॑ चरति
Sentence: 10 ता अ॑स्य॒ सूद॑दोहसः ॥
Verse: 3
Sentence: 1 इत्या॑ह
Sentence: 2 तस्मा॒त्परु॑षिपरुषि॒ रसः
Sentence: 3 सोमं॑ श्रीणन्ति॒ पृशु॑नय॒ इत्या॑ह ।
Sentence: 4 अन्नं वै॒ पृश्न्यन्न॑मे॒वाव॑ रुन्द्धे ।
Sentence: 5 अ॒र्को वा अ॒ग्निर॒क्रो ऽन्न॒मन्न॑मे॒वाव॑ रुन्द्धे
Sentence: 6 जन्म॑न्दे॒वानां॒ विश॑स्तृ॒ष्वा रो॑च॒ने दि॒व इत्या॑ह ।
Sentence: 7 इ॒माने॒वास्मै॑ लो॒काञ्ज्योति॑ष्मतः करोति
Sentence: 8 यो वा इष्ट॑कानाम्प्रति॒ष्ठां वेद॒ प्रत्ये॒व ति॑ष्ठति
Sentence: 9 तया॑ दे॒वत॑याङ्गिर॒स्वद्ध्रु॒वा सी॒देत्या॑ह ।
Sentence: 10 ए॒षा वा इष्ट॑कानाम्प्रति॒ष्ठा य ए॒वं वेद॒ प्रत्ये॒व ति॑ष्ठति ॥
Paragraph: 7
Verse: 1
Sentence: 1 सु॑व॒र्गाय॒ वा ए॒ष लो॒काय॑ चीयते॒ यद॒ग्निस् ।
Sentence: 2 वज्र॑ एकाद॒शिनी
Sentence: 3 यद॒ग्नावे॑काद॒शिनी॑म्मिनु॒याद्वज्रे॑णैनं सुव॒र्गाल्लो॒काद॒न्तर्द॑ध्यात् ।
Sentence: 4 यन्न मि॑नु॒यात्स्वरु॑भिः प॒शून्व्य॑र्धयेत् ।
Sentence: 5 ए॑कयू॒पम्मि॑नोति
Sentence: 6 नैनं॒ वज्रे॑ण सुव॒र्गाल्लो॒काद॑न्त॒र्दधा॑ति॒ न स्वरु॑भिः प॒शून्व्य॑र्धयति
Sentence: 7 वि वा ए॒ष इ॑न्द्रि॒येण॑ वी॒र्ये॑णर्ध्यते॒ यो॒ ऽग्निं चि॒न्वन्न॑धि॒क्राम॑ति ।
Sentence: 8 अै॑न्द्रि॒या ॥
Verse: 2
Sentence: 1 ऋ॒चाक्रम॑ण॒म्प्रतीष्ट॑का॒मुप॑ दध्यात् ।
Sentence: 2 नेन्द्रि॒येण॑ वी॒र्ये॑ण॒ व्यृ॑ध्यते
Sentence: 3 रु॒द्रो वा ए॒ष यद॒ग्निस्
Sentence: 4 तस्य॑ ति॒स्रः श॑र॒व्याः॑ प्र॒तीची॑ ति॒रश्च्य॒नूची
Sentence: 5 ताभ्यो॒ वा ए॒ष आ वृ॑श्च्यते॒ यो॒ ऽग्निं चि॑नु॒ते ।
Sentence: 6 अ॒ग्निं चि॒त्वा ति॑सृध॒न्वमया॑चितम्ब्राह्म॒णाय॑ दद्यात्
Sentence: 7 ताभ्य॑ ए॒व नम॑स्करोति ।
Sentence: 8 अथो॒ ताभ्य॑ ए॒वात्मानं॒ निष्क्री॑नीते
Sentence: 9 यत्ते॑ रुद्र पु॒रः ॥
Verse: 3
Sentence: 1 धनु॒स्तद्वातो॒ अनु॑ वातु ते
Sentence: 2 तस्मै॑ ते रुद्र संवत्स॒रेण॒ नम॑स्करोमि
Sentence: 3 यत्ते॑ रुद्र दक्षि॒णा धनु॒स्तद्वातो॒ अनु॑ वातु ते
Sentence: 4 तस्मै॑ ते रुद्र परिवत्स॒रेण॒ नम॑स्करोमि
Sentence: 5 यत्ते॑ रुद्र प॒श्चाद्धनु॒स्तद्वातो॒ अनु॑ वातु ते
Sentence: 6 तस्मै॑ ते रुद्रेदावत्स॒रेण॒ नम॑स्करोमि
Sentence: 7 यत्ते॑ रुद्रोत्त॒राद्धनु॒स्तत् ॥
Verse: 4
Sentence: 1 वातो॒ अनु॑ वातु ते
Sentence: 2 तस्मै॑ ते रुद्रेदुवत्स॒रेण॒ नम॑स्करोमि
Sentence: 3 यत्ते॑ रुद्रो॒परि॒ धनु॒स्तद्वातो॒ अनु॑ वातु ते
Sentence: 4 तस्मै॑ ते रुद्र वत्स॒रेण॒ नम॑स्करोमि
Sentence: 5 रु॒द्रो वा ए॒ष यद॒ग्निः
Sentence: 6 स यथा॑ व्या॒घ्रः क्रु॒द्धस्तिष्ठ॑त्ये॒वं वा ए॒ष ए॒तर्हि
Sentence: 7 सञ्चि॑तमेतै॒रुप॑ तिष्ठते
Sentence: 8 नमस्कारैरेवैनं शमयति
Sentence: 9 ये ऽग्नयः॑ ॥
Verse: 5
Sentence: 1 पु॑री॒ष्याः॒ प्रवि॑ष्टाः पृथि॒वीमनु॑ ।
Sentence: 2 तेषां॒ त्वम॑स्युत्त॒मः प्र णो॑ जी॒वात॑वे सुव ॥
Sentence: 3 आपं॑ त्वाग्ने॒ मन॑सा ।
Sentence: 4 आपं॑ त्वाग्ने॒ तप॑सा ।
Sentence: 5 आपं॑ त्वाग्ने दी॒क्षया॑ ।
Sentence: 6 आपं॑ त्वाग्न उप॒सद्भि॑स् ।
Sentence: 7 आपं॑ त्वाग्ने सु॒त्यया॑ ।
Sentence: 8 आपं॑ त्वाग्ने॒ दक्षि॑णाभिस् ।
Sentence: 9 आपं॑ त्वाग्ने ऽवभृ॒थेन॑ ।
Sentence: 10 आपं॑ त्वाग्ने व॒शया॑ ।
Sentence: 11 आपं॑ त्वाग्ने स्वगाका॒रेणेत्या॑ह ।
Sentence: 12 ए॒षा वा अ॒ग्नेराप्ति॑स्
Sentence: 13 तयैवैनमाप्नोति ॥
Paragraph: 8
Verse: 1
Sentence: 1 गा॑य॒त्रेण॑ पु॒रस्ता॒दुप॑ तिष्ठते प्रा॒णमे॒वास्मि॑न्दधाति
Sentence: 2 बृह॑द्रथन्त॒राभ्या॑म्प॒क्षावोज॑ ए॒वास्मि॑न्दधाति ।
Sentence: 3 ऋ॑तु॒स्थाय॑ज्ञाय॒ज्ञिये॑न॒ पुछ॑मृ॒तुष्वे॒व प्रति॑ तिष्ठति
Sentence: 4 पृष्ठै॒रुप॑ तिष्ठते
Sentence: 5 तेजो वै पृ॒ष्ठानि
Sentence: 6 तेज॑ ए॒वास्मि॑न्दधाति
Sentence: 7 प्र॒जाप॑तिर॒ग्निम॑सृजत
Sentence: 8 सो॑ ऽस्मात्सृ॒ष्टः परा॑ऐत्
Sentence: 9 तं वा॑रव॒न्तीये॑नावारयत॒ तद्वा॑रव॒न्तीय॑स्य वारवन्तीय॒त्वम् ।
Sentence: 10 श्यै॒तेन॑ श्ये॒ती अ॑कुरुत॒ तच्छ्यै॒तस्य॑ श्यैत॒त्वम् ॥
Verse: 2
Sentence: 1 यद्वा॑रव॒न्तीये॑नोप॒तिष्ठ॑ते वा॒रय॑त एवैनम् ।
Sentence: 2 श्यै॒तेन॑ श्ये॒ती कु॑रुते
Sentence: 3 प्र॒जाप॑ते॒र्हृद॑येनापिप॒क्षम्प्रत्युप॑ तिष्ठते
Sentence: 4 प्रे॒माण॑मे॒वास्य॑ गछति
Sentence: 5 प्राच्या॑ त्वा दि॒शा सा॑दयामि गाय॒त्रेण॒ छन्द॑सा॒ग्निना॑ दे॒वत॑या॒ग्नेः शी॒र्ष्णाग्नेः शिर॒ उप॑ दधामि
Sentence: 6 दक्षि॑णया त्वा दि॒शा सा॑दयामि त्रैष्टुभेन॒ छन्द॒सेन्द्रे॑ण दे॒वत॑या॒ग्नेः प॒क्षेणा॒ग्नेः प॒क्षमुप॑ दधामि
Sentence: 7 प्र॒तीच्या॑ त्वा दि॒शा सा॑दयामि ॥
Verse: 3
Sentence: 1 जाग॑तेन॒ छन्द॑सा सवि॒त्रा दे॒वत॑या॒ग्नेः पुछे॑ना॒ग्नेः पुछ॒मुप॑ दधामि ।
Sentence: 2 उदी॑च्या त्वा दि॒शा सा॑दया॒म्यानु॑ष्टुभेन॒ छन्द॑सा मि॒त्रावरु॑णाभ्यां दे॒वत॑या॒ग्नेः प॒क्�॒ग्नेः प॒क्षमुप॑ दधामि ।
Sentence: 3 ऊ॒र्ध्वया॑ त्वा दि॒शा सा॑दयामि॒ पाङ्क्ते॑न॒ छन्द॑सा॒ बृह॒स्पति॑ना दे॒वत॑या॒ग्नेः पृ॒ष्ठेना॒ग्नेः पृ॒ष्ठमुप॑ दधामि
Sentence: 4 यो वा अपा॑त्मानम॒ग्निं चि॑नु॒ते ऽपा॑त्मा॒मुष्मिँ॑ लो॒के भ॑वति
Sentence: 5 यः सात्मा॑नं{F चिनु॒ते{W चि॑नुते{GLOS चिनु॒ते सात्मा॒मुष्मिँ॑ लो॒के भ॑वति ।
Sentence: 6 आ॑त्मेष्ट॒का उप॑ दधाति ।
Sentence: 7 ए॒ष वा अ॒ग्नेरा॒त्मा
Sentence: 8 सात्मा॑नमे॒वाग्निं चि॑नुते
Sentence: 9 सात्मा॒मुष्मिँ॑ लो॒के भ॑वति॒ य ए॒वं वेद॑ ॥
Paragraph: 9
Verse: 1
Sentence: 1=a अग्न॑ उदधे॒ या त॒ इषु॑र्यु॒वा नाम॒ तया॑ नो मृड॒ तस्या॑स्ते॒ नम॒स्तस्या॑स्त॒ उप॒ जीव॑न्तो भूयासम ।
Sentence: 2=b अग्ने॑ दुध्र
Sentence: 3=c गह्य
Sentence: 4=d किंशिल
Sentence: 5=e वन्य॒ या त॒ इषु॑र्यु॒वा नाम॒ तया॑ नो मृड॒ तस्या॑स्ते॒ नम॒स्तस्या॑स्त॒ उप॒ जीव॑न्तो भूयास्म
Sentence: 6=f पञ्च॒ वा ए॒ते॒ ऽग्नयो॒ यच्चित॑य उद॒धिरे॒व नाम॑ प्रथ॒मो दु॒ध्रः ॥
Verse: 2
Sentence: 1 द्वि॒तीयो॒ गह्य॑स्तृ॒तीयः॑ किंशि॒लश्च॑तु॒र्थो वन्यः॑ पञ्च॒मस्तेभ्यो॒ यदाहु॑ती॒र्न जु॑हु॒य॒र्युं च॒ यज॑मानं च॒ प्र द॑हेयु॒र्यदे॒ता आहु॑तीर्जु॒होति॑ भाग॒धेये॑नैवैनाञ्छमयति॒ नार्ति॒म�र्न यज॑मानस् ।
Sentence: 2=g वाङ्म॑ आ॒सन्न॒सोः प्रा॒णो॒ ऽक्ष्योश्चक्षुः॒ कर्ण॑योः॒ श्रोत्र॑म्बाहु॒वोर्बल॑मूरु॒वोरोजो ऽरि॑ष्टा॒ विश्वा॒न्यङ्गा॑नि त॒नूः ॥
Verse: 3
Sentence: 1 त॒नुवा॑ मे स॒ह नम॑स्ते अस्तु॒ मा मा॑ हिंसीस् ।
Sentence: 2=h अप॒ वा ए॒तस्मा॑त्प्रा॒णाः क्रा॑मन्ति॒ यो॒ ऽग्निं चि॒न्वन्न॑धि॒क्राम॑ति॒ वाङ्म॑ आ॒सन्न॒सोः प्रा॒णस् ।
Sentence: 3 इत्या॑ह प्रा॒णाने॒वात्मन्ध॑त्ते
Sentence: 4=i यो रु॒द्रो अग्नौ॒ यो अ॒प्सु य ओष॑धीषु॒ यो रु॒द्रो विश्वा॒ भुव॑नावि॒वेश॒ तस्मै॑ रु॒द्राय॒ नमो॑ अस्तु ।
Sentence: 5=k आहु॑तिभागा॒ वा अ॒न्ये रु॒द्रा ह॒विर्भा॑गाः ॥
Verse: 4
Sentence: 1 अ॒न्ये श॑तरु॒द्रीयं॑ हु॒त्वा गा॑वीधु॒कं च॒रुमे॒तेन॒ यजु॑षा चर॒माया॒मिष्ट॑कायां॒ नि द॑ध्याद�नं शमयति॒ तस्य त्वै शतरु॒द्रीयं॑ हु॒तम्
Sentence: 2 इत्या॑हु॒र्यस्यै॒तदग्नौ क्रि॒यत॒ इति
Sentence: 3=l वस॑वस्त्वा रुद्रैः पु॒रस्ता॑त्पान्तु पि॒तर॑स्त्वा य॒मरा॑जानः पि॒तृभि॑र्दक्षिण॒तः पा॑न्त्वस्त्वा॒ विश्वै॑र्देवैः प॒श्चात्पा॑न्तु द्युता॒नस्त्वा॑ मारु॒तो म॒रुद्भि॑रुत्तर॒तः पा॑तु ।५ दे॒वास्त्वेन्द्र॑ज्येष्ठा॒ वरु॑णराजानो॒ ऽधस्ता॑च्चो॒परि॑ष्ठाच्च पान्तु
Verse: 5 Sentence: 1=m न वा ए॒तेन॑ पू॒तो न मेध्यो॒ न प्रोक्षि॑तो॒ यदे॑न॒मतः॑ प्रा॒चीन॑म्प्रो॒क्षति॒ यत्सञ्चि॑त॒माज्�॑न प्रो॒क्षति॒ तेन॑ पू॒तस्तेन॒ मेध्य॒स्तेन॒ प्रोक्षि॑तः ॥
Paragraph: 10
Verse: 1
Sentence: 1=a स॒मीची॒ नामा॑सि॒ प्राची दिक्^दिश्
Sentence: 2 तस्या॑स्ते॒ ऽग्निरधि॑पतिरसि॒तो र॑क्षि॒ता
Sentence: 3 यश्चाधि॑पति॒र्यश्च॑ गो॒प्ता ताभ्यां॒ नमस्तौ नो मृडयताम् ।
Sentence: 4 ते यं द्वि॒ष्मो यश्च॑ नो॒ द्वेष्टि॒ तं वां॒ जम्भे॑ दधामि ।
Sentence: 5 ओ॑ज॒स्विनी॒ नामा॑सि दक्षि॒णा दिक्^दिश्
Sentence: 6 तस्या॑स्त॒ इन्द्रो ऽधि॑पतिः॒ पृदा॑कुः
Sentence: 7 प्राची॒ नामा॑सि प्र॒तीची दिक्^दिश्
Sentence: 8 तस्या॑स्ते ॥
Verse: 2
Sentence: 1 सोमो ऽधि॑पतिः स्व॒जस् ।
Sentence: 2 अ॑व॒स्थावा॒ नामा॒स्युदी॑ची दिक्^दिश्
Sentence: 3 तस्या॑स्ते॒ वरु॒णो ऽधि॑पतिस्ति॒रश्च॑राजिस् ।
Sentence: 4 अधि॑पत्नी॒ नामा॑सि बृह॒ती दिक्^दिश्
Sentence: 5 तस्या॑स्ते॒ बृह॒स्पति॒रधि॑पतिः श्वि॒त्रस् ।
Sentence: 6 व॒शिनी॒ नामा॑सी॒यं दिक्^दिश्
Sentence: 7 तस्या॑स्ते य॒मो ऽधि॑पतिः क॒ल्माष॑ग्रीवो रक्षि॒ता
Sentence: 8 यश्चाधि॑पति॒र्यश्च॑ गो॒प्ता ताभ्यां॒ नमस्तौ नो मृडयताम् ।
Sentence: 9 ते यं द्वि॒ष्मो यश्च॑ ॥
Verse: 3
Sentence: 1 नो॒ द्वेष्टि॒ तं वां॒ जम्भे॑ दधामि ।
Sentence: 2=b ए॒ता वै॑ दे॒वता॑ अ॒ग्निं चि॒तं र॑क्षन्ति
Sentence: 3 ताभ्यो॒ यदाहु॑ती॒र्न जु॑हु॒याद॑ध्व॒र्युं च॒ यज॑मानं च ध्यायेयुस् ।
Sentence: 4 यदे॒ता आहु॑तीर्जु॒होति॑ भाग॒धेये॑नैवैनाञ्छमयति
Sentence: 5 नार्ति॒मार्छ॑त्यध्व॒र्युर्न यज॑मानस् ।
Sentence: 6=c हे॒तयो॒ नाम॑ स्थ
Sentence: 7 तेषां॑ वः पु॒रो गृ॒हास् ।
Sentence: 8 अ॒ग्निर्व॒ इष॑वः सलि॒लस् ।
Sentence: 9 नि॑लि॒म्पा नाम॑ ॥
Verse: 4
Sentence: 1 स्थ
Sentence: 2 तेषां॑ वो दक्षि॒णा गृ॒हाः
Sentence: 3 पि॒तरो॑ व॒ इष॑वः॒ सग॑रस् ।
Sentence: 4 व॒ज्रिणो॒ नाम॑ स्थ
Sentence: 5 तेषां॑ वः प॒श्चाद्गृ॒हाः
Sentence: 6 स्वप्नो॑ व॒ इष॑वो॒ गह्व॑रस् ।
Sentence: 7 अ॑व॒स्थावा॑नो॒ नाम॑ स्थ
Sentence: 8 तेषां॑ व उत्त॒राद्गृ॒हास् ।
Sentence: 9 आपो॑ व॒ इष॑वः समु॒द्रस् ।
Sentence: 10 अधि॑पतयो॒ नाम॑ स्थ
Sentence: 11 तेषां॑ व उ॒परि॑ गृ॒हास् ।
Sentence: 12 व॒र्षं व॒ इष॒वो ऽव॑स्वान्
Sentence: 13 क्र॒व्या नाम॑ स्थ॒ पार्थि॑वास्
Sentence: 14 तेषां॑ व इ॒ह गृ॒हाः ॥
Verse: 5
Sentence: 1 अन्नं॑ व॒ इष॑वो निमि॒षो वा॑तना॒मम् ।
Sentence: 2 तेभ्यो॑ वो॒ नम॑स्
Sentence: 3 ते नो॑ मृडयत
Sentence: 4 ते यं द्वि॒ष्मो यश्च॑ नो॒ द्वेष्टि॒ तं वो॒ जम्भे॑ दधामि
Sentence: 5=d हु॒तादो॒ वा अ॒न्ये दे॒वा अ॑हु॒तादो॒ ऽन्ये
Sentence: 6 तान॑ग्नि॒चिदे॒वोभया॑न्प्रीणाति
Sentence: 7 द॒ध्ना म॑धुमि॒श्रेणै॒ता आहु॑तीर्जुहोति
Sentence: 8 भाग॒धेये॑नैवैनान्प्रीणाति ।
Sentence: 9 अथो॒ खल्वा॑हुस् ।
Sentence: 10 इष्ट॑का वै दे॒वा अ॑हु॒ताद॒ इति॑ ॥
Verse: 6
Sentence: 1 अ॑नुपरि॒क्रामं॑ जुहोति ।
Sentence: 2 अप॑रिवर्गमेवैनान्प्रीणाति ।
Sentence: 3=e इ॒मं स्तन॒मूर्ज॑स्वन्तं धया॒पाम्प्रप्या॑तमग्ने सरि॒रस्य॒ मध्ये॑ ।
Sentence: 4=e उत्सं॑ जुषस्व॒ मधु॑मन्तमूर्व समु॒द्रियं॒ सद॑न॒मा वि॑शस्व ॥
Sentence: 5=f यो वा अ॒ग्निम्प्र॒युज्य॒ न वि॑मु॒ञ्चति॒ यथाश्वो॑ यु॒क्तो ऽवि॑मुच्यमानः॒ क्षुध्य॑न्परा॒भव॑त�॒ग्निः परा॑ भवति
Sentence: 6 तम्प॑रा॒भव॑न्तं॒ यज॑मा॒नो ऽनु॒ परा॑ भवति
Sentence: 7 सो॒ ऽग्निं चि॒त्वा लू॒क्षः ॥
Verse: 7
Sentence: 1 भ॑वति ।
Sentence: 2 इ॒मं स्तन॒मूर्ज॑स्वन्तं धया॒पामित्याज्य॑स्य पू॒र्णां स्रुचं॑ जुहोति ।
Sentence: 3 ए॒ष वा अ॒ग्नेर्वि॑मो॒कस् ।
Sentence: 4 वि॒मुच्यै॒वास्मा॒ अन्न॒मपि॑ दधाति
Sentence: 5 तस्मा॑दाहु॒र्यश्चै॒वं वेद॒ यश्च॒ न
Sentence: 6 सु॒धायं॑ ह वै वा॒जी सुहि॑तो दधा॒तीति॑ ।
Sentence: 7 अ॒ग्निर्वाव वा॒जी
Sentence: 8 तमे॒व तत्प्री॑णाति
Sentence: 9 स ए॑नम्प्री॒तः प्री॑णाति॒ वसी॑यान्भवति ॥
Paragraph: 11
Verse: 1
Sentence: 1 इन्द्रा॑य॒ राज्ञे॑ सूक॒रस् ।
Sentence: 2 वरु॑णाय॒ राज्ञे॒ कृष्ण॑स् ।
Sentence: 3 य॒माय॒ राज्ञ॒ ऋश्य॑स् ।
Sentence: 4 ऋ॑ष॒भाय॒ राज्ञे॑ गव॒यः
Sentence: 5 शा॑र्दू॒लाय॒ राज्ञे॑ गौ॒रः
Sentence: 6 पु॑रुषरा॒जाय॑ म॒र्कटः
Sentence: 7 क्षिप्रश्ये॒नस्य॒ वर्ति॑का
Sentence: 8 नीलं॑गोः॒ क्रिमिः
Sentence: 9 सोम॑स्य॒ राज्ञः॑ कुलुं॒गः
Sentence: 10 सिन्धोः॑ शिंशु॒मार॑स् ।
Sentence: 11 हि॒मव॑तो ह॒स्ती ॥
Paragraph: 12
Verse: 1
Sentence: 1 म॒युः प्रा॑जाप॒त्यस् ।
Sentence: 2 ऊ॒लो हली॑क्ष्णो वृषदं॒शस्ते धा॒तुः
Sentence: 3 सर॑स्वत्यै॒ शारिः॑ श्ये॒ता पु॑रुष॒वाच् ।
Sentence: 4 सर॑स्वते॒ शुकः॑ श्ये॒तः पु॑रुष॒वाच् ।
Sentence: 5 आ॑र॒ण्यो॒ ऽजो न॑कु॒लः शका॒ ते पौ॒ष्णास् ।
Sentence: 6 वा॒चे क्रौ॒ञ्चः ॥
Paragraph: 13
Verse: 1
Sentence: 1 अ॒पां नप्त्रे॑ ज॒षस् ।
Sentence: 2 ना॒क्रो मक॑रः कुलि॒कय॒स्ते ऽकू॑पारस्य
Sentence: 3 वा॒चे पै॑ङ्गरा॒जस् ।
Sentence: 4 भगा॑य कु॒षीत॑कस् ।
Sentence: 5 आ॒ती वा॑ह॒सो दर्वि॑दा॒ ते वा॑य॒व्या॑स् ।
Sentence: 6 दि॒ग्भ्यश्च॑क्रवा॒कः ॥
Paragraph: 14
Verse: 1
Sentence: 1 बला॑याजग॒रस् ।
Sentence: 2 आ॒खुः सृ॑ज॒या श॒यण्ड॑क॒स्ते मै॒त्रास् ।
Sentence: 3 मृ॒त्यवे॑ ऽसि॒तस् ।
Sentence: 4 म॒न्यवे॑ स्व॒जः
Sentence: 5 कु॑म्भी॒नसः॑ पुष्करसा॒दो लो॑हिता॒हिस्ते त्वा॒ष्ट्राः
Sentence: 6 प्र॑ति॒श्रुत्का॑यै वाह॒सः ॥
Paragraph: 15
Verse: 1
Sentence: 1 पु॑रुषमृ॒गश्च॒न्द्रम॑से
Sentence: 2 गो॒धा काल॑का दार्वाघा॒टस्ते वन॒स्पती॑नाम्
Sentence: 3 ए॒ण्यह्ने॑ कृष्णो॒ रात्रि॑यै
Sentence: 4 पि॒कः क्ष्विङ्का॒ नील॑शीर्ष्णी॒ ते॑ ऽर्य॒म्णे
Sentence: 5 धा॒तुः क॑त्क॒टः ॥
Paragraph: 16
Verse: 1
Sentence: 1 सौ॒री ब॒लाका॑ ।
Sentence: 2 ऋ॑श्यो म॒यूरः॑ श्ये॒नस्ते ग॑न्ध॒र्वाणा॑म् ।
Sentence: 3 वसू॑नां क॒पिञ्ज॑लस् ।
Sentence: 4 रु॒द्राणां॑ तित्ति॒रिस् ।
Sentence: 5 रो॒हित्कु॑ण्डृ॒णाची॑ गो॒लत्ति॑का॒ ता अ॑प्स॒रसा॑म्
Sentence: 6 अर॑ण्याय सृम॒रः ॥
Paragraph: 17
Verse: 1
Sentence: 1 पृ॑ष॒तो वै॑श्वदे॒वः
Sentence: 2 पि॒त्वो न्यङ्कुः॒ कश॒स्ते ऽनु॑मत्यै ।
Sentence: 3 अ॑न्यवा॒पो ऽर्ध॑मा॒साना॑म्
Sentence: 4 मा॒सां क॒श्यपः
Sentence: 5 क्वयिः॑ कु॒टरु॑र्दात्यौ॒हस्ते सि॑नीवाल्यै
Sentence: 6 बृह॒स्पत॑ये शित्पु॒टः ॥
Paragraph: 18
Verse: 1
Sentence: 1 शका॑ भौ॒मी
Sentence: 2 पा॒ङ्क्त्रः कशो॑ मान्थी॒लव॒स्ते पि॑तृ॒णाम्
Sentence: 3 ऋतू॒नां जह॑का
Sentence: 4 संवत्स॒राय॒ लोपा
Sentence: 5 क॒पोत॒ उलू॑कः श॒शस्ते नै॑रृ॒ताः
Sentence: 6 कृ॑क॒वाकुः॑ सावि॒त्रः ॥
Paragraph: 19
Verse: 1
Sentence: 1 रुरू॑ रौ॒द्रः
Sentence: 2 कृ॑कला॒सः श॒कुनिः॒ पिप्प॑का॒ ते श॑र॒व्या॑यै
Sentence: 3 हरि॒णो मा॑रु॒तस् ।
Sentence: 4 ब्रह्म॑णे शा॒र्गस्
Sentence: 5 त॒रक्षुः॑ कृ॒ष्णः श्वा च॑तुर॒क्षो ग॑र्द॒भस्त इ॑तरज॒नाना॑म्
Sentence: 6 अ॒ग्नये॒ धूङ्क्ष्णा॑ ॥
Paragraph: 20
Verse: 1
Sentence: 1 अ॑ल॒ज आ॑न्तरि॒क्षस् ।
Sentence: 2 उ॒द्रो म॒द्गुः प्ल॒वस्ते॒ ऽपाम्
Sentence: 3 अदि॑त्यै हंस॒साचि॑स् ।
Sentence: 4 इ॑न्द्राण्यै॒ कीर्शा
Sentence: 5 गृध्रः॑ शितिक॒क्षी वा॑र्ध्राण॒सस्ते दि॒व्यास् ।
Sentence: 6 द्या॑वापृथि॒व्या॑ श्वा॒वित् ॥
Paragraph: 21
Verse: 1
Sentence: 1 सु॑प॒र्णः पा॑र्ज॒न्यस् ।
Sentence: 2 हं॒सो वृको॑ वृषदं॒शस्त ऐ॒न्द्रास् ।
Sentence: 3 अ॒पामु॒द्रस् ।
Sentence: 4 अ॑र्य॒म्णे लो॑पा॒शः
Sentence: 5 सिं॒हो न॑कु॒लो व्या॒घ्रस्ते म॑हे॒न्द्राय
Sentence: 6 कामा॑य॒ पर॑स्वान् ॥
Paragraph: 22
Verse: 1
Sentence: 1 आ॑ग्ने॒यः कृ॒ष्णग्री॑वः
Sentence: 2 सारस्व॒ती मे॒षी
Sentence: 3 ब॒भ्रुः सौ॒म्यः
Sentence: 4 पौ॒ष्णः श्या॒मः
Sentence: 5 शि॑तिपृ॒ष्ठो बा॑र्हस्प॒त्यः
Sentence: 6 शि॒ल्पो वै॑श्वदे॒वस् ।
Sentence: 7 अै॒न्द्रो॑ ऽरु॒णस् ।
Sentence: 8 मा॑रु॒तः क॒ल्माष॑स् ।
Sentence: 9 अै॑न्द्रा॒ग्नः सं॑हि॒तस् ।
Sentence: 10 अ॒धोरा॑मः सावि॒त्रस् ।
Sentence: 11 वा॑रु॒णः पेत्वः॑ ॥
Paragraph: 23
Verse: 1
Sentence: 1 अश्व॑स्तूप॒रो गो॑मृ॒गस्ते प्रा॑जाप॒त्यास् ।
Sentence: 2 आ॑ग्नेयौ कृ॒ष्णग्री॑वौ
Sentence: 3 त्वाष्ट्रौ लोमशसक्थौ
Sentence: 4 शितिपृष्ठौ बार्हस्पत्यौ
Sentence: 5 धा॒त्रे पृ॑षोद॒रः
Sentence: 6 सौ॒र्यो ब॒लक्षः॒ पेत्वः॑ ॥
Paragraph: 24
Verse: 1
Sentence: 1 अ॒ग्नये ऽनी॑कवते॒ रोहि॑ताञ्जिरन॒ड्वान्
Sentence: 2 अ॒धोरा॑मौ सावित्रौ
Sentence: 3 पौष्णौ रज॒तना॑भी
Sentence: 4 वैश्वदेवौ पि॒शङ्गौ॑ दूपरौ
Sentence: 5 मारु॒तः क॒ल्माष॑स् ।
Sentence: 6 आ॑ग्ने॒यः कृ॒ष्णो॒ ऽजः
Sentence: 7 सा॑रस्व॒ती मे॒षी
Sentence: 8 वा॑रु॒णः कृ॒ष्ण एक॑शितिपा॒त्पेत्वः॑ ॥
Chapter: 6
Paragraph: 1
Verse: 1
Sentence: 1=a हिर॑ण्यवर्णाः॒ शुच॑यः पाव॒का यासु॑ जा॒तः क॒श्यपो॒ यास्विन्द्रः॑ । अ॒ग्निं गर्भं॑ दधिरे॒ विरू॑पा॒स्ता न॒ आपः॒ शं स्यो॒ना भ॑वन्तु ॥
Sentence: 2=b यासां॒ राजा॒ वरु॑णो॒ याति॒ मध्ये॑ सत्यानृ॒ते अ॑व॒पश्य॒ञ्जना॑नाम् । म॑धु॒श्चुतः॒ शुच॑यो॒ याः पा॑व॒कास्ता न॒ आपः॒ शं स्यो॑ना भवन्तु ॥
Sentence: 3=c यासां॑ दे॒वा दि॒वि कृ॒ण्वन्ति॑ भ॒क्षं या अ॒न्तरि॑क्षे बहु॒धा भव॑न्ति । याः पृ॑थि॒वीम्पय॑सो॒ ऽन्दन्ति॑ ॥
Verse: 2
Sentence: 1 शु॒क्रास्ता न॒ आपः॒ शं स्यो॒ना भ॑वन्तु ॥
Sentence: 2=d शि॒वेन॑ मा॒ चक्षु॑षा पश्यतापः शि॒वया॑ त॒नुवो ऽप॑ स्पृशत॒ त्वच॑म्मे । सर्वां॑ अ॒ग्नींर॑प्सु॒षदो॑ हुवे वो॒ मयि॒ वर्चो॒ बल॒मोजो॒ नि ध॑त्त ॥
Sentence: 3=e यद॒दः स॑म्प्रय॒तीरहा॒वन॑दता ह॒ते । तस्मा॒दा न॒द्यो॒ नाम॑ स्थ॒ ता वो॒ नामा॑नि सिन्धवः ॥
Sentence: 4=f यत्प्रेषि॑ता॒ वरु॑णेन॒ ताः शीभं॑ स॒मव॑ल्गत ॥
Verse: 3
Sentence: 1 तदा॑प्नो॒दिन्द्रो॑ वो य॒तीस्तस्मा॒दापो॒ अनु॑ स्थन ॥
Sentence: 2=g अ॑पका॒मं स्यन्द॑माना॒ अवी॑वरत वो॒ हिक॑म् । इन्द्रो॑ वः॒ शक्ति॑भिर्देवी॒स्तस्मा॒द्वार्णाम॑ वो हि॒तम् ॥
Sentence: 3=h एको॑ दे॒वो अप्य॑तिष्ठ॒त्स्यन्द॑माना यथाव॒शम् । उदा॑निषुर्म॒हीरिति॒ तस्मा॑दुद॒कमु॑च्यते ॥
Sentence: 4=i आपो॑ भ॒द्रा घृ॒तमिदा॑प आसुर॒ग्नीषोमौ॑ बिभ्र॒त्याप॒ इत्ताः । ती॒व्रो रसो॑ मधु॒पृचा॑म् ॥
Verse: 4
Sentence: 1 अ॑रङ्ग॒म आ मा॑ प्रा॒णेन॑ स॒ह वर्च॑सा गन् ॥
Sentence: 2=k आदित्प॑श्याम्यु॒त वा॑ शृणो॒म्या मा॒ घोषो॑ गछति॒ वाङ्न॑ आसाम् । मन्ये॑ भेजा॒नो अ॒मृत॑स्य॒ तर्हि॒ हिर॑ण्यवर्णा॒ अतृ॑पं यद्वः ॥
Sentence: 3=l आपो॒ हि ष्ठा म॑यो॒भुव॒स्ता न॑ ऊ॒र्जे द॑धातन । म॒हे रणा॑य॒ चक्ष॑से ॥
Sentence: 4=m यो वः॑ शि॒वत॑मो॒ रस॒स्तस्य॑ भाजयते॒ह नः॑ । उ॑श॒तीरि॑व मा॒तरः॑ ॥
Sentence: 5=n तस्मा॒ अरं॑ गमाम वो॒ यस्य॒ क्षया॑य॒ जिन्व॑थ । आपो॑ ज॒नय॑था च नः ॥
Sentence: 6=o दि॒वि श्र॑यस्वा॒न्तरि॑क्षे यतस्व पृथि॒व्या सम्भ॑व ब्रह्मवर्च॒सम॑सि ब्रह्मवर्च॒साय॑ त्वा ॥
Paragraph: 2
Verse: 1
Sentence: 1 अ॒पां ग्रहा॑न्गृह्णाति ।
Sentence: 2 ए॒तद्वाव रा॑ज॒सूयं॒ यदे॒ते ग्रहाः॑ स॒वो॒ ऽग्निस् ।
Sentence: 3 व॑रुणस॒वो रा॑ज॒सूय॑मग्निस॒वश्चित्य॑स्
Sentence: 4 ताभ्या॑मे॒व सू॑यते ।
Sentence: 5 अथो॑ उ॒भावे॒व लो॒काव॒भि ज॑यति॒ यश्च॑ राजसू॒येने॑जा॒नस्य॒ यश्चा॑ग्नि॒चिते॑ ।
Sentence: 6 आपो॑ भवन्ति ।
Sentence: 7 आपो॒ वा अ॒ग्नेर्भ्रातृ॑व्यास् ।
Sentence: 8 यद॒पो॒ ऽग्नेर॒धस्ता॑दुप॒दधा॑ति॒ भ्रातृ॑व्याभिभूत्यै
Sentence: 9 भव॑त्या॒त्मना॒ परा॑स्य॒ भ्रातृ॑व्यो भवति ।
Sentence: 10 अ॒मृत॑म् ॥
Verse: 2
Sentence: 1 वा आप॑स्
Sentence: 2 तस्मा॑द॒द्भिरव॑तान्तम॒भि षि॑ञ्चन्ति
Sentence: 3 नार्ति॒मार्छ॑ति॒ सर्व॒मायु॑रेति॒ यस्यै॒ता उ॑पधी॒यन्ते॒ य उ॑ चैना ए॒वं वेद॑ ।
Sentence: 4 अन्नं॒ वा आपः
Sentence: 5 प॒शव॒ आप॑स् ।
Sentence: 6 अन्न॑म्प॒शव॑स् ।
Sentence: 7 अ॑न्ना॒दः प॑शु॒मान्भ॑वति॒ यस्यै॒ता उ॑पदी॒यन्ते॒ य उ॑ चै नाए॒वं वेद
Sentence: 8 द्वाद॑श भवन्ति
Sentence: 9 द्वाद॑श॒ मासाः॑ संवत्स॒रः
Sentence: 10 सं॑वत्स॒रेनै॒वास्मै॑ ॥
Verse: 3
Sentence: 1 अन्न॒मव॑ रुन्द्धे
Sentence: 2 पात्रा॑णि भवन्ति
Sentence: 3 पात्रे॒ वा अन्न॑मद्यते
Sentence: 4 सयो॑न्ये॒वान्न॒मव॑ रुन्द्धे ।
Sentence: 5 आ द्वा॑द॒शात्पुरु॑षा॒दन्न॑म॒त्त्यथो॒ पात्रा॒न्न छि॑द्यते॒ यस्यै॒ता उ॑पधी॒यन्ते॒ य उ॑ चैना ए॒वं वेद
Sentence: 6 कु॒म्भाश्च॑ कु॒म्भीश्च॑ मिथु॒नानि॑ भवन्ति
Sentence: 7 मिथु॒नस्य॒ प्रजा॑त्यै
Sentence: 8 प्र प्र॒जया॑ प॒शुभि॑र्मिथुनैर्जायते॒ यस्यै॒ता उ॑पधी॒यन्ते॒ य उ॑ ॥
Verse: 4
Sentence: 1 चै॑ना ए॒वं वेद
Sentence: 2 शुग्वा अ॒ग्निः
Sentence: 3 सो॑ ऽध्व॒र्युं यज॑मानम्प्र॒जाः शु॒चार्प॑यति
Sentence: 4 यद॒प उ॑प॒दधा॑ति॒ शुच॑मे॒वास्य॑ शमयति
Sentence: 5 नार्ति॒मार्छ॑त्यध्व॒र्युर्न यज॑मानः॒ शाम्य॑न्ति प्र॒जा यत्रै॒ता उ॑पधी॒यन्ते॑ ।
Sentence: 6 अ॒पां वा ए॒तानि॒ हृद॑यानि॒ यदे॒ता आप॑स् ।
Sentence: 7 यदे॒ता अ॒प उ॑प॒दधा॑ति दि॒व्याभि॑रेवैनाः॒ सं सृ॑जति॒ वर्षु॑कः प॒र्जन्यः॑ ॥
Verse: 5
Sentence: 1 भ॑वति
Sentence: 2 यो वा ए॒तासा॑मा॒यत॑नं॒ कॢप्तिं॒ वेदा॒यत॑नवान्भवति॒ कल्प॑ते ऽस्मै ।
Sentence: 3 अ॑नुसी॒तमुप॑ दधाति ।
Sentence: 4 ए॒तद्वा आ॑सामा॒यत॑नमे॒षा कॢप्ति॑स् ।
Sentence: 5 य ए॒वं वेदा॒यत॑नवान्भवति॒ कल्प॑ते ऽस्मै
Sentence: 6 द्वं॒द्वम॒न्या उप॑ दधाति॒ चत॑स्रो॒ मध्ये॒ धृत्यै॑ ।
Sentence: 7 अन्नं॒ वा इष्ट॑कास् ।
Sentence: 8 ए॒तत्खलु वै सा॒क्षादन्नं॒ यदे॒ष च॒रुस् ।
Sentence: 9 यदे॒तं च॒रुमु॑प॒दधा॑ति सा॒क्षात् ॥
Verse: 6
Sentence: 1 ए॒वास्मा॒ अन्न॒मव॑ रुन्द्धे
Sentence: 2 मध्य॒त उप॑ दधाति
Sentence: 3 मध्य॒त ए॒वास्मा॒ अन्नं॑ दधाति
Sentence: 4 तस्मा॑न्मध्य॒तो ऽन्न॑मद्यते
Sentence: 5 बार्हस्प॒त्यो भ॑वति
Sentence: 6 ब्रह्म वै दे॒वाना॒म्बृह॒स्पति॑स् ।
Sentence: 7 ब्रह्म॑णै॒वास्मा॒ अन्न॒मव॑ रुन्द्धे
Sentence: 8 ब्रह्मवर्च॒सम॑सि ब्रह्मवर्च॒साय॒ त्वेत्या॑ह
Sentence: 9 तेज॒स्वी ब्र॑ह्मवर्च॒सी भ॑वति॒ यस्यै॒ष उ॑पधी॒यते॒ य उ॑ चैनमे॒वं वेद॑ ॥
Paragraph: 3
Verse: 1
Sentence: 1 भू॑तेष्ट॒का उप॑ दधाति ।
Sentence: 2 अत्रा॑त्र वै मृ॒त्युर्जा॑यते
Sentence: 3 यत्र॑यत्रै॒व मृ॒त्युर्जाय॑ते॒ तत॑ एवैन॒मव॑ यजते
Sentence: 4 तस्मा॑दग्नि॒चित्सर्व॒मायु॑ एति॒ सर्वे॒ ह्य॑स्य मृ॒त्यवो ऽवे॑ष्टास्
Sentence: 5 तस्मा॑दग्नि॒चिन्नाभिच॑रितवै प्र॒त्यगे॑नमभिचा॒र स्तृ॑णुते
Sentence: 6 सू॒यते॒ वा ए॒ष यो॒ ऽग्निं चि॑नु॒ते
Sentence: 7 दे॑वसु॒वामे॒तानि॑ ह॒वींषि॑ भवन्ति ।
Sentence: 8 ए॒ताव॑न्तो वै दे॒वानां॑ स॒वास्
Sentence: 9 त ए॒व ॥
Verse: 2
Sentence: 1 अ॑स्मै स॒वान्प्र य॑छन्ति
Sentence: 2 त ए॑नं सुवन्ते
Sentence: 3 स॒वो॒ ऽग्निर्व॑रुणस॒वो रा॑ज॒सूय॑म्ब्रह्मस॒वश्चित्य॑स् ।
Sentence: 4 दे॒वस्य॑ त्वा सवि॒तुः प्र॑स॒व इत्या॑ह
Sentence: 5 सवि॒तृप्र॑सूत एवैन॒म्ब्रह्म॑णा दे॒वता॑भिर॒भि षि॑ञ्चति ।
Sentence: 6 अन्न॑स्यान्नस्या॒भि षि॑ञ्चति ।
Sentence: 7 अन्न॑स्यान्न॒स्याव॑रुद्ध्यै
Sentence: 8 पु॒रस्ता॑त्प्र॒त्यञ्च॑म॒भि षि॑ञ्चति
Sentence: 9 पु॒रस्ता॒द्धि प्र॑ती॒चीन॒मन्न॑म॒द्यते
Sentence: 10 शीर्ष॒तो॒ ऽभि षि॑ञ्चति
Sentence: 11 शीर्ष॒तो ह्यन्न॑म॒द्यते॑ ।
Sentence: 12 आ मुखा॑द॒न्वव॑स्रावयति ॥
Verse: 3
Sentence: 1 मु॑ख॒त ए॒वास्मा॑ अ॒न्नाद्यं॑ दधाति ।
Sentence: 2 अ॒ग्नेस्त्वा॒ साम्रा॑ज्येना॒भि षि॑ञ्चा॒मीत्या॑ह ।
Sentence: 3 ए॒ष वा अ॒ग्नेः स॒वस्
Sentence: 4 तेनैवैनम॒भि षि॑ञ्चति
Sentence: 5 बृह॒स्पते॑स्त्वा॒ साम्रा॑ज्येना॒भि षि॑ञ्चा॒मीत्या॑ह
Sentence: 6 ब्रह्म वै दे॒वाना॒म्बृह॒स्पति॑स् ।
Sentence: 7 ब्रह्म॑णैवैनम॒भि षि॑ञ्चति ।
Sentence: 8 इन्द्र॑स्य त्वा॒ साम्रा॑ज्येना॒भि षि॑ञ्चा॒मीत्या॑ह ।
Sentence: 9 इ॑न्द्रि॒यमे॒वास्मि॑न्नु॒परि॑ष्टाद्दधाति ।
Sentence: 10 ए॒तत् ॥
Verse: 4
Sentence: 1 वै॑ राज॒सूय॑स्य रू॒पम् ।
Sentence: 2 य ए॒वं वि॒द्वान॒ग्निं चि॑नु॒त उ॒भावे॒व लो॒काव॒भि ज॑यति॒ यश्च॑ राज॒सूये॑नेजा॒नस्य॒ यश्चा॑ग्न॑स् ।
Sentence: 3 इन्द्र॑स्य सुषुवा॒णस्य॑ दश॒धेन्द्रि॒यं वी॒र्य॒म्परा॑पतत्
Sentence: 4 तद्दे॒वाः सौ॑त्राम॒ण्या सम॑भरन् ।
Sentence: 5 सू॒यते॒ वा ए॒ष यो॒ ऽग्निं चि॑नु॒ते ।
Sentence: 6 अ॒ग्निं चि॒त्वा सौ॑त्राम॒ण्या य॑जेतेन्द्रि॒यमे॒व वी॒र्यं॑ स॒म्भृत्या॒त्मन्ध॑त्ते ॥
Paragraph: 4
Verse: 1
Sentence: 1 स॒जूरब्दो ऽया॑वभिः
Sentence: 2 स॒जूरु॒षा अरु॑णीभिः
Sentence: 3 स॒जूः सूर्य॒ एत॑श्चेन
Sentence: 4 स॒जोषा॑व॒श्विना॒ दंसो॑भिः
Sentence: 5 स॒जूर॒ग्निर्वै॑श्वान॒र इडा॑भिस् ।
Sentence: 6 घृ॒तेन॒ स्वाहा
Sentence: 7 संवत्स॒रो वा अब्द॑स् ।
Sentence: 8 मासा॒ अया॑वास् ।
Sentence: 9 उ॒षा अरु॑णी
Sentence: 10 सूर्य॒ एत॑शस् ।
Sentence: 11 इ॒मे अ॒श्विना
Sentence: 12 संवत्स॒रो ऽग्निर्वै॑श्वान॒रः
Sentence: 13 प॒शव॒ इडा
Sentence: 14 प॒शवो॑ घृ॒तम् ।
Sentence: 15 सं॑वत्स॒रम्प॒शवो ऽनु॒ प्र जा॑यन्ते
Sentence: 16 संवत्स॒रेणै॒वास्मै॑ प॒शून्प्र ज॑नयति
Sentence: 17 दर्भस्त॒म्बे जु॑होति
Sentence: 18 यत् ॥
Verse: 2
Sentence: 1 वा अ॒स्या अ॒मृतं॒ यद्वी॒र्यं॒ तद्द॒र्भास्
Sentence: 2 तस्मि॑ञ्जुहोति
Sentence: 3 प्रै॒व जा॑यते ऽन्ना॒दो भ॑वति॒ यस्यै॒वं जुह्व॑ति ।
Sentence: 4 ए॒ता वै॑ दे॒वता॑ अ॒ग्नेः पु॒रस्ता॑द्भागास्
Sentence: 5 ता ए॒व प्री॑णाति ।
Sentence: 6 अथो॒ चक्षु॑रे॒वाग्नेः पु॒रस्ता॒त्प्रति॑ दधाति ।
Sentence: 7 अन॑न्धो भवति॒ य ए॒वं वेद॑ ।
Sentence: 8 आपो॒ वा इ॒दमग्रे॑ सलि॒लमा॑सीत्
Sentence: 9 स प्र॒जाप॑तिः पुष्करपर्णे॒ वातो॑ भू॒तो॑ ऽलेलायत्
Sentence: 10 सः ॥
Verse: 3
Sentence: 1 प्र॑ति॒ष्ठां नावि॑न्दत
Sentence: 2 स ए॒तद॒पां कु॒लाय॑मपश्यत्
Sentence: 3 तस्मि॑न्न॒ग्निम॑चिनुत
Sentence: 4 तदि॒यम॑भवत्
Sentence: 5 ततो वै॒ स प्रत्य॑तिष्ठत् ।
Sentence: 6 याम्पु॒रस्ता॑दु॒पाद॑धा॒त्तच्छिरो॑ ऽभव॒त्सा प्राची दिग्^दिश्
Sentence: 7 यां द॑क्षिण॒त उ॒पाद॑धा॒त्स दक्षि॑णः प॒क्षो॑ ऽभव॒त्सा द॑क्षि॒णा दिग्^दिश्
Sentence: 8 याम्प॒श्चादु॒पाद॑धा॒त्तत्पुछ॑मभव॒त्सा प्र॒तीची दिग्^दिश्
Sentence: 9 यामु॑त्तर॒त उ॒पाद॑धात् ॥
Verse: 4
Sentence: 1 स उत्त॑रः प॒क्षो॑ ऽभव॒त्सोदी॑ची दिग्^दिश्
Sentence: 2 यामु॒परि॑ष्टादु॒पाद॑धा॒त्तत्पृ॒ष्ठम॑भव॒त्सोर्ध्वा दिग्^दिश्
Sentence: 3 इ॒यम्वा अ॒ग्निः पञ्चे॑ष्टकस्
Sentence: 4 तस्मा॒द्यद॒स्यां खन॑न्त्य॒भीष्ट॑कां तृ॒न्दन्त्य॒भि शर्क॑राम् ।
Sentence: 5 सर्वा॒ वा इ॒यं वयो॑भ्यो॒ नक्तं॑ दृ॒शे दी॑प्यते
Sentence: 6 तस्मा॑दि॒मां वयां॑सि॒ नक्तं॒ नाध्या॑सते
Sentence: 7 य ए॒वं वि॒द्वान॒ग्निं चि॑नु॒ते प्रत्ये॒व ॥
Verse: 5
Sentence: 1 ति॑ष्ठत्य॒भि दिशो॑ जयति ।
Sentence: 2 आ॑ग्ने॒यो वै॑ ब्राह्म॒णस्
Sentence: 3 तस्मा॑द्ब्राह्म॒णाय॒ सर्वा॑सु दि॒क्ष्वर्धु॑कम् ।
Sentence: 4 स्वामे॒व तद्दिश॒मन्वे॑ति ।
Sentence: 5 अ॒पां वा अ॒ग्निः कु॒लाय॑म् ।
Sentence: 6 तस्मा॒दापो॒ ऽग्निं हारु॑काः
Sentence: 7 स्वामे॒व तद्योनि॒म्प्र वि॑शन्ति ॥
Paragraph: 5
Verse: 1
Sentence: 1 सं॑वत्स॒रमुख्य॑म्भृ॒त्वा द्वि॒तीये॑ संवत्स॒र आ॑ग्ने॒यम॒ष्टाक॑पालं॒ निर्व॑पेऐ॒न्द्रमेका॑�लं वैश्वदे॒वं द्वाद॑शकपालम्बार्हस्प॒त्यं च॒रुं वै॑ष्ण॒वं त्रि॑कपा॒लम् ।
Sentence: 2 त्रि॒तीये॑ संवत्स॒रे॑ ऽभि॒जिता॑ यजेत
Sentence: 3 यद॒ष्टाक॑पालो॒ भव॑त्य॒ष्टाक्ष॑रा गाय॒त्र्या॑ग्ने॒यं गा॑य॒त्रम्प्रा॑तःसव॒नम्
Sentence: 4 प्रातःसव॒नमे॒व तेन॑ दाधार गाय॒त्रीं छन्द॑स् ।
Sentence: 5 यदेका॑दशकपालो॒ भव॒त्येका॑दशाक्षरा त्रि॒ष्टुऐ॒न्द्रं त्रै॑ष्टुभ॒म्माध्यं॑दिनं॒ सव॑नम्
Sentence: 6 माध्यं॑दिनमे॒व सव॑नं॒ तेन॑ दाधार त्रि॒ष्टुभ॑म् ॥
Verse: 2
Sentence: 1 छन्द॑स् ।
Sentence: 2 यद्द्वाद॑शकपालो॒ भव॑ति॒ द्वाद॑शाक्षरा॒ जग॑ती वैश्वदे॒वं जाग॑तं तृतीयसव॒नम् ।
Sentence: 3 तृ॑तीयसव॒नमे॒व तेन॑ दाधार॒ जग॑तीं॒ छन्द॑स् ।
Sentence: 4 यद्बा॑र्हस्प॒त्यश्च॒रुर्भव॑ति॒ ब्रह्म वै दे॒वाना॒म्बृह॒स्पति॑स् ।
Sentence: 5 ब्रह्मै॒व तेन॑ दाधार
Sentence: 6 यद्वै॑ष्ण॒वस्त्रि॑कपा॒लो भव॑ति य॒ज्ञो वै॒ विष्णु॑स् ।
Sentence: 7 य॒ज्ञमे॒व तेन॑ दाधार
Sentence: 8 यत्तृ॒तीये॑ संवत्स॒रे॑ ऽभि॒जिता॒ यज॑ते॒ ऽभिजि॑त्यै
Sentence: 9 यत्सं॑वत्स॒रमुख्य॑म्बि॒भर्ती॒ममे॒व ॥
Verse: 3
Sentence: 1 तेन॑ लो॒कं स्पृ॑णोति
Sentence: 2 यद्द्वि॒तीये॑ संवत्स॒रे॒ ऽग्निं चि॑नु॒ते॒ ऽन्तरि॑क्षमे॒व तेन॑ स्पृणोति
Sentence: 3 यत्तृ॒तीये॑ संवत्स॒रे यज॑ते॒ ऽमुमे॒व तेन॑ लो॒कं स्पृ॑णोति ।
Sentence: 4 ए॒तं वै॒ पर{F आट्णा॒रः{W आ॑त्णा॒रः{GLOS आ॑ट्णा॒रः क॒क्षीवां॑ औशि॒जो वी॒तह॑व्यः श्राय॒सस्त्रस॑दस्युः पौरुकु॒त्स्यः प्र॒जाका॑मा अचिन्वत
Sentence: 5 ततो वै॒ ते स॒हस्रं॑सहस्रम्पु॒त्रान॑विन्दन्त
Sentence: 6 प्रथ॑ते प्र॒जया॑ प॒शुभि॒स्ताम्मात्रा॑माप्नोति॒ यां ते ऽग॑छ॒न्य ए॒वं वि॒द्वान॒ग्निं चि॑नु॒ते ॥
Paragraph: 6
Verse: 1
Sentence: 1 प्र॒जाप॑तिर॒ग्निम॑चिनुत
Sentence: 2 स क्षु॒रप॑विर्भू॒त्वाति॑ष्ठत्
Sentence: 3 तं दे॒वा बिभ्य॑तो॒ नोपा॑यन्
Sentence: 4 ते छन्दो॑भिरा॒त्मानं॑ छादयि॒त्वोपा॑यन्
Sentence: 5 तच्छन्द॑सां छन्द॒स्त्वम्
Sentence: 6 ब्रह्म वै॒ छन्दां॑सि
Sentence: 7 ब्रह्म॑ण ए॒तद्रू॒पं यत्कृ॑ष्णाजि॒नम् ।
Sentence: 8 कार्ष्णी॑ उपा॒नहा॒वुप॑ मुञ्चते॒हन्दो॑भिरे॒वात्मानं॑ छादयि॒त्वाग्निमुप॑ चरत्या॒त्मनो ऽहिं॑सायै
Sentence: 9 देवनि॒धिर्वा ए॒ष नि धी॑यते॒ यद॒ग्निः ॥
Verse: 2
Sentence: 1 अ॒न्ये वा वै नि॒धिमगु॑प्तं वि॒न्दन्ति॒ न वा॒ प्रति॒ प्र जा॑नाति ।
Sentence: 2 उ॒खामा क्रा॑मत्या॒त्मान॑मे॒वाधि॒पां कु॑रुते॒ गुप्त्यै॑ ।
Sentence: 3 अथो॒ खल्वाहु॑स् ।
Sentence: 4 नाक्रम्येति
Sentence: 5 नैरृ॒त्यु॒खा यदा॒क्रामे॒न्निरृ॑ त्याआ॒त्मान॒मपि॑ दध्या॒त्तस्मा॒न्नाक्रम्या
Sentence: 6 पुरुषशी॒र्षमुप॑ दधाति॒ गुप्त्यै॑ ।
Sentence: 7 अथो॒ यथा॑ ब्रू॒यात् ।
Sentence: 8 ए॒तन्मे॑ गोपा॒येति॑ ता॒दृगे॒व तत् ॥
Verse: 3
Sentence: 1 प्र॒जाप॑ति॒र्वा अथ॑र्वा ।
Sentence: 2 अ॒ग्निरे॒व द॒ध्यङ्ङा॑थर्व॒णस्
Sentence: 3 तस्येष्ट॑का अ॒स्थानि॑ ।
Sentence: 4 ए॒तं ह॒ वाव तदृषि॑र॒भ्यनू॑वाच ।
Sentence: 5 इन्द्रो॑ दधी॒चो अ॒स्थभि॒रिति
Sentence: 6 यदिष्ट॑काभिर॒ग्निं चि॒नोति॒ सात्मा॑नमे॒वाग्निं चि॑नुते
Sentence: 7 सात्मा॒मुष्मिँ॑ लो॒के भ॑वति॒ य ए॒वं वेद
Sentence: 8 शरी॑रं॒ वा ए॒तद॒ग्नेर्यच्चित्य॑ आ॒त्मा वै॑श्वान॒रस् ।
Sentence: 9 यच्चि॒ते वै॑श्वान॒रं जु॒होति॒ शरी॑रमे॒व सं॒स्कृत्य॑ ॥
Verse: 4
Sentence: 1 अ॒भ्यारो॑हति
Sentence: 2 शरी॑रं॒ वा ए॒तद्यज॑मानः॒ संस्कु॑रुते॒ यद॒ग्निं चि॑नु॒ते
Sentence: 3 यच्चि॒ते वै॑श्वान॒रं जु॒होति॒ शसी॑रमे॒व सं॒स्कृत्या॒त्मना॒भ्यारो॑हति
Sentence: 4 तस्मा॒त्तस्य॒ नाव॑ द्यन्ति॒ जीव॑न्ने॒व दे॒वानप्ये॑ति
Sentence: 5 वैश्वान॒र्यर्चा पुरी॑ष॒मुप॑ दधाति ।
Sentence: 6 इ॒यं वा अ॒ग्निर्वै॑श्वान॒रस्
Sentence: 7 तस्यै॒षा चिति॒र्यत्पुरी॑षम्
Sentence: 8 अ॒ग्निमे॒व वै॑श्वान॒रं चि॑नुते ।
Sentence: 9 ए॒षा वा अ॒ग्नेः प्रि॒या त॒नूर्यद्वै॑श्वान॒रः
Sentence: 10 प्रि॒यामे॒वास्य॑ त॒नुव॒मव॑ रुन्द्धे ॥
Paragraph: 7
Verse: 1
Sentence: 1 अ॒ग्नेर्वै॑ दी॒क्षया॑ दे॒वा वि॒राज॑माप्नुवन्
Sentence: 2 ति॒स्रो रात्री॑र्दीक्षि॒तः स्या॑त्
Sentence: 3 त्रि॒पदा वि॒राट्^वि॒राज्
Sentence: 4 वि॒राज॑माप्नोति
Sentence: 5 षड्रात्री॑र्दीक्षि॒तः स्या॑त्
Sentence: 6 षड्वा ऋ॒तवः॑ संवत्स॒रः
Sentence: 7 सं॑वत्स॒रो वि॒राड्^वि॒राज्
Sentence: 8 वि॒राज॑माप्नोति
Sentence: 9 दश॒ रात्री॑र्दीक्षि॒तः स्या॑त् ।
Sentence: 10 दशा॑क्षरा वि॒राड्^वि॒राज्
Sentence: 11 वि॒राज॑माप्नोति
Sentence: 12 द्वाद॑श॒ रात्री॑र्दीक्षि॒तः स्या॑त् ।
Sentence: 13 द्वाद॑श॒ मासाः॑ संवत्स॒रः
Sentence: 14 सं॑वत्स॒रो वि॒राड्^वि॒राज्
Sentence: 15 वि॒राज॑माप्नोति
Sentence: 16 त्रयो॑दश॒ रात्री॑र्दीक्षि॒तः स्या॑त्
Sentence: 17 त्रयो॑दश ॥
Verse: 2
Sentence: 1 मासाः॑ संवत्स॒रः
Sentence: 2 सं॑वत्स॒रो वि॒राड्^वि॒राज्
Sentence: 3 पञ्च॑दश॒ रात्री॑र्दीक्षि॒तः स्या॑त्
Sentence: 4 पञ्च॑दश॒ वा अ॑र्धमा॒सस्य॒ रात्र॑यस् ।
Sentence: 5 अ॑र्धमास॒शः सं॑वत्स॒र आ॑प्यते
Sentence: 6 संवत्स॒रो वि॒राड्^वि॒राज्
Sentence: 7 वि॒राज॑माप्नोति
Sentence: 8 स॒प्तद॑श॒ रात्री॑र्दीक्षि॒तः स्या॑त् ।
Sentence: 9 द्वाद॑श॒ मासाः॒ पञ्च॒र्तवः॒ स सं॑वत्स॒रः
Sentence: 10 सं॑वत्स॒रो वि॒राड्^वि॒राज्
Sentence: 11 वि॒राज॑माप्नोति
Sentence: 12 चतु॑र्विंशतिं॒ रात्री॑र्दीक्षि॒तः स्या॑त् ।
Sentence: 13 चतु॑र्विंशतिरर्धमा॒साः सं॑वत्स॒रः
Sentence: 14 सं॑वत्स॒रो वि॒राड्^वि॒राज्
Sentence: 15 वि॒राज॑माप्नोति
Sentence: 16 त्रिं॒शतं॒ रात्री॑र्दीक्षि॒तः स्या॑त् ॥
Verse: 3
Sentence: 1 त्रिं॒शद॑क्षरा वि॒राड्^वि॒राज्
Sentence: 2 वि॒राज॑माप्नोति
Sentence: 3 मासं॑ दीक्षि॒तः स्या॑त् ।
Sentence: 4 यो मासः॒ स सं॑वत्स॒रः
Sentence: 5 सं॑वत्स॒रो वि॒राड्^वि॒राज्
Sentence: 6 वि॒राज॑माप्नोति
Sentence: 7 च॒तुरो॑ मा॒सो दी॑क्षि॒तः स्या॑त् ।
Sentence: 8 च॒तुरो॒ वा ए॒तम्मा॒सो वस॑वो ऽबिभरु॒स्ते पृ॑थि॒वीमाज॑यन्गाय॒त्रीं छन्द॑स् ।
Sentence: 9 अष्टौ रु॒द्रास्ते॒ ऽन्तरि॑क्ष॒माज॑यन्गाय॒त्रीं छन्द॑स् ।
Sentence: 10 अष्टौ रु॒द्रास्ते॒ ऽन्तरि॑क्ष॒माज॑यन्त्रि॒ष्टुभं॒ छन्द॑स् ।
Sentence: 11 दे॒वाद॑शादि॒त्यास्ते दिव॒माज॑य॒ञ्जग॑तीं॒ छन्द॑स्
Sentence: 12 ततो वै॒ ते व्या॒वृत॑मगछञ्छरैष्ठ्यं दे॒वाना॑म् ।
Sentence: 13 तस्मा॒द्द्वाद॑श मा॒सो भृ॒त्वाग्निं चि॑न्वीत
Sentence: 14 द्वाद॑श॒ मासाः॑ संवत्स॒रः
Sentence: 15 सं॑वत्स॒रो॒ ऽग्निश्चित्य॑स्
Sentence: 16 तस्या॑होरा॒त्राणी॑ष्टकास् ।
Sentence: 17 आ॒प्तेष्ट॑कमेनं चिनु॒ते ऽथो॑ व्या॒वृत॑मे॒व ग॑छति श्रैष्ठ्यं समा॒नाना॑म् ॥
Paragraph: 8
Verse: 1
Sentence: 1=a सु॑व॒र्गाय॒ वा ए॒ष लो॒काय॑ चीयते॒ यद॒ग्निस्
Sentence: 2 तं य॒न्नान्वा॒रोहे॑त्सुव॒र्गाल्लो॒काद्यज॑मानो हीयेत
Sentence: 3 पृथि॒वीमाक्र॑मिषम्प्रा॒णो मा॒ मा हा॑सीत् ।
Sentence: 4 अ॒न्तरि॑क्ष॒माक्र॑मिषम्प्र॒जा मा॒ मा हा॑सीत् ।
Sentence: 5 दिव॒माक्र॑मिषं॒ सुव॑रगन्म ।
Sentence: 6 इत्या॑ह ।
Sentence: 7 ए॒ष वा अ॒ग्नेर॑न्वारो॒हस्
Sentence: 8 तेनैवैनम॒न्वारो॑हति
Sentence: 9 सुव॒र्गस्य॑ लो॒कस्य॒ सम॑ष्ट्यै
Sentence: 10=b यत्प॒क्षस॑म्मिताम्मिनु॒यात् ॥
Verse: 2
Sentence: 1 कनी॑यांसं यज्ञक्र॒तुमुपे॑या॒त्पापी॑यस्यस्या॒त्मनः॑ प्र॒जा स्या॑त् ।
Sentence: 2 वेदि॑सम्मिताम्मिनोति
Sentence: 3 ज्यायां॑समे॒व य॑ज्ञक्र॒तुमुपै॑ति
Sentence: 4 नास्या॒त्मनः॒ पापी॑यसी प्र॒जा भ॑वति
Sentence: 5=c साह॒स्रं चि॑न्वीत प्रथ॒मं चि॑न्वा॒नः
Sentence: 6 स॒हस्र॑सम्मितो॒ वा अ॒यं लो॒कस् ।
Sentence: 7 इ॒ममे॒व लो॒कम॒भि ज॑यति
Sentence: 8 द्विषा॑हस्रं चिन्वीत द्वि॒तीयं॑ चिन्वा॒नस् ।
Sentence: 9 द्विषा॑हस्रं॒ वा अ॒न्तरि॑क्षम्
Sentence: 10 अ॒न्तरि॑क्षमे॒वाभि ज॑यति
Sentence: 11 त्रिषा॑हस्रं चिन्वीत तृ॒तीयं॑ चिन्वा॒नः ॥
Verse: 3
Sentence: 1 त्रिषा॑हस्रो॒ वा असौ लो॒को॒ ऽमुमे॒व लो॒कम॒भि ज॑यति
Sentence: 2=d जानुद॒घ्नं चि॑न्वीत प्रथ॒मं चि॑वा॒नस् ।
Sentence: 3 गा॑यत्रियै॒वेमं लो॒कम॒भ्यारो॑हति
Sentence: 4 नाभिद॒घ्नं चि॑न्वीत द्वि॒तीयं॑ चिन्वा॒नस्
Sentence: 5 त्रि॒ष्टुभै॒वान्तरि॑क्षम॒भ्यारो॑हति
Sentence: 6 ग्रीवद॒घ्नं चि॑न्वीत तृ॒तीयं॑ चिन्वा॒नस् ।
Sentence: 7 जग॑त्यै॒वामुं लो॒कम॒भ्यारो॑हति
Sentence: 8=e नाग्निं चि॒त्वा रा॒मामुपे॑यादयोनौ॒ रेतो॑ धास्या॒मीति
Sentence: 9 न द्वि॒तीयं॑ चि॒त्वान्यस्य॒ स्त्रिय॑म् ॥
Verse: 4
Sentence: 1 उपे॑यात् ।
Sentence: 2 न तृ॒तीयं॑ चि॒त्वा कां च॒नोपे॑यात् ।
Sentence: 3 रेतो॒ वा ए॒तन्नि ध॑त्ते॒ यद॒ग्निं चि॑नु॒ते
Sentence: 4 यदु॑पे॒याद्रेत॑सा॒ व्यृ॑ध्येत ।
Sentence: 5 अथो॒ खल्वा॑हुस् ।
Sentence: 6 अ॑प्रज॒स्यं तद्यन्नोपे॒यादिति
Sentence: 7 यद्रे॑तः॒सिचा॑वुप॒दधा॑ति॒ ते ए॒व यज॑मानस्य॒ रेतो॑ बिभृतस्
Sentence: 8 तस्मा॒दुपे॑या॒द्रेत॑सो ऽस्कन्दाय
Sentence: 9=f त्रीणि॒ वाव रेतां॑सि पि॒ता पु॒त्रः पौ॑त्रः ॥
Verse: 5
Sentence: 1 यद्द्वे रे॑तः॒सिचा॑वुपद॒ध्याद्रेतो॒ ऽस्य्वि छि॑न्द्यात्
Sentence: 2 ति॒स्र उप॑ दधाति॒ रेत॑सः॒ सन्त॑त्यै ।
Sentence: 3 इ॒यं वाव प्र॑थ॒मा रे॑तः॒सिग्वाग्वा इ॒यं तस्मा॒त्पश्य॑न्ती॒माम्पश्य॑न्ति॒ वाचं॒ वद॑न्तीम्
Sentence: 4 अ॒न्तरि॑क्षं द्वि॒तीया॑ प्रा॒णो वा अ॒न्तरि॑क्षं॒ तस्मा॒न्नान्तरि॑क्ष॒म्पश्य॑न्ति॒ न प्रा॒णम्
Sentence: 5 असौ तृ॒तीया॒ चक्षु॒र्वा असौ॒ तस्मा॒त्पश्य॑न्त्य॒मूम्पश्य॑न्ति॒ चक्षु॑स् ।
Sentence: 6 यजु॑षे॒मां च॑ ॥
Verse: 6
Sentence: 1 अ॒मूञ्चोप॑ दधाति॒ मन॑सा मध्य॒माम्
Sentence: 2 ए॒षां लो॒कानां॒ कॢप्त्यै॑ ।
Sentence: 3 अथो॑ प्रा॒णाना॑म्
Sentence: 4=g इ॒ष्टो य॒ज्ञो भृगु॑भिराशी॒र्दा वसु॑भि॒स्तस्य॑ त इ॒ष्टस्य॑ वी॒तस्य॒ द्रवि॑णे॒ह भ॑क्षी॒येत्य�
Sentence: 5 स्तुतश॒स्त्रे एवै॒तेन॑ दुहे
Sentence: 6 पि॒ता मा॑त॒रिश्वाछि॑द्रा प॒दा धा॒ अछि॑द्रा उ॒शिजः॑ प॒दानु॑ तक्षुः॒ सोमो॑ विश्व॒विन्ने॒ता ने॑ष॒द्बृह॒स्पति॑रुक्थाम॒दानि॑ शंसिष॒दित्या॑ह ।
Sentence: 7 ए॒तद्वा अ॒ग्नेरु॒क्थम् ।
Sentence: 8 तेनैवैन॒मनु॑ शंसति ॥
Paragraph: 9
Verse: 1
Sentence: 1=a सू॒यते॒ वा ए॒षो॑ ऽग्नी॒नां य उ॒खाया॑म्भ्रि॒यते
Sentence: 2 यद॒धः सा॒दये॒द्गर्भाः॑ प्र॒पादु॑काः स्युस् ।
Sentence: 3 अथो॒ यथा॑ स॒वात्प्र॑त्यव॒रोह॑ति ता॒दृगे॒व तत् ।
Sentence: 4 आ॑स॒न्दी सा॑दयति॒ गर्भा॑णां॒ धृत्या॒ अप्र॑पादाय ।
Sentence: 5 अथो॑ स॒वमेवैनं करोति
Sentence: 6=b गर्भो॒ वा ए॒ष यदुख्यो॒ योनिः॑ शि॒क्य॑म् ।
Sentence: 7 यच्छि॒क्या॑दु॒खां नि॒रूहे॒द्योने॒र्गर्भं॒ निर्ह॑ण्यात्
Sentence: 8 षडु॑द्यामं शि॒क्य॑म्भवति
Sentence: 9 षोढाविहि॒तो वै॑ ॥
Verse: 2
Sentence: 1 पुरु॑ष आ॒त्मा च॒ शिर॑श्च च॒त्वार्यङ्गा॑नि ।
Sentence: 2 आ॒त्मन्नेवैनम्बिभर्ति
Sentence: 3=c प्र॒जाप॑ति॒र्वा ए॒ष यद॒ग्निस्
Sentence: 4 तस्यो॒खा चो॒लूख॑लं च॒ स्तनौ
Sentence: 5 ताव॑स्य प्र॒जा उप॑ जीवन्ति
Sentence: 6 यदु॒खां चो॒लूख॑लं चोप॒दधा॑ति॒ ताभ्या॑मे॒व यज॑मानो॒ ऽमुष्मिँ॑ लो॒के॒ ऽग्निं दु॑हे
Sentence: 7=d संवत्स॒रो वा ए॒ष यद॒ग्निस्
Sentence: 8 तस्य॑ त्रेधाविहि॒ता इ॑ष्टकाः प्राजाप॒त्या वै॑ष्ण॒वीः ॥
Verse: 3
Sentence: 1 वै॑श्वकर्मणीस् ।
Sentence: 2 हो॑रा॒त्राण्ये॒वास्य॑ प्राजाप॒त्यास् ।
Sentence: 3 यदुख्य॑म्बि॒भर्ति॑ प्राजाप॒त्या ए॒व तदुप॑ धत्ते
Sentence: 4 यत्स॒मिध॑ आ॒दधा॑ति वैष्ण॒वा वै॒ वन॒स्पत॑यस् ।
Sentence: 5 वै॑ष्ण॒वीरे॒व तदुप॑ धत्ते
Sentence: 6 यदिष्ट॑काभिर॒ग्निं चि॒नोती॒यं वै॑ वि॒श्वक॑र्मा
Sentence: 7 वैश्वकर्म॒णीरे॒व तदुप॑ धत्ते
Sentence: 8 तस्मा॑दाहुस्
Sentence: 9 त्रि॒वृद॒ग्निरिति
Sentence: 10=e तं वा ए॒तं यज॑मान ए॒व चि॑न्वीत
Sentence: 11 यद॑स्या॒न्यश्चि॑नु॒याद्यत्तं दक्षि॑णाभि॒र्न रा॒धये॑द॒ग्निम॑स्य वृञ्जीत
Sentence: 12 यो॑ ऽस्या॒ग्निं चि॑नु॒यात्तं दक्षि॑णाभी राधयेत् ।
Sentence: 13 अ॒ग्निमे॒व तत्स्पृ॑णोति ॥
Paragraph: 10
Verse: 1
Sentence: 1 प्र॒जाप॑तिर॒ग्निम॑चिनुत॒र्तुभिः॑ संवत्स॒रम् ।
Sentence: 2 व॑स॒न्तेनै॒वास्य॑ पूर्वा॒र्धम॑चिनुत
Sentence: 3 ग्री॒ष्मेण॒ दक्षि॑णम्प॒क्षम् ।
Sentence: 4 व॒र्षाभिः॒ पुछ॑म् ।
Sentence: 5 श॒रदोत्त॑रम्प॒क्षम् ।
Sentence: 6 हे॑म॒न्तेन॒ मध्य॑म्
Sentence: 7 ब्रह्म॑णा॒ वा अ॑स्य॒ तत्पू॑र्वा॒र्धम॑चिनुत
Sentence: 8 क्ष॒त्रेण॒ दक्षि॑णम्प॒क्षम्
Sentence: 9 प॒शुभिः॒ पुछ॑म् ।
Sentence: 10 वि॒शोत्त॑रम्प॒क्षम्
Sentence: 11 आ॒शया॒ मध्य॑म् ।
Sentence: 12 य ए॒वं वि॒द्वान॒ग्निं चि॑नु॒त ऋ॒तुभि॑रेवैनं चिनुते ।
Sentence: 13 अथो॑ ए॒तदे॒व सर्व॒मव॑ ॥
Verse: 2
Sentence: 1 रु॑न्द्धे
Sentence: 2 शृ॒ण्वन्त्ये॑नम॒ग्निं चि॑क्या॒नम्
Sentence: 3 अत्त्यन्न॑म् ।
Sentence: 4 रोच॑ते ।
Sentence: 5 इ॒यं वाव प्र॑थ॒मा चिति॒रोष॑धयो॒ वन॒स्पत॑यः॒ पुरी॑षम्
Sentence: 6 अ॒न्तरि॑क्षं द्वि॒तीया॒ वयां॑सि॒ पुरी॑षम्
Sentence: 7 असौ तृ॒तीया॒ नक्ष॑त्राणि॒ पुरी॑षम् ।
Sentence: 8 य॒ज्ञश्च॑तु॒र्थी दक्षि॑णा॒ पुरी॑षम् ।
Sentence: 9 यज॑मानः पञ्च॒मी प्र॒जा पुरी॑षम् ।
Sentence: 10 यत्त्रिचि॑तीकं चिन्वी॒त य॒ज्ञं दक्षि॑णामा॒त्मान॑म्प्र॒जाम॒न्तरि॑यात्
Sentence: 11 तस्मा॒त्पञ्च॑चितीकश्चेत॒व्य॑स् ।
Sentence: 12 ए॒तदे॒व सर्वं॑ स्पृणोति
Sentence: 13 यत्ति॒स्रश्चित॑यः ॥
Verse: 3
Sentence: 1 त्रि॒वृद्ध्य॒ग्निस् ।
Sentence: 2 यद्द्वे द्वि॒पाद्यज॑मानः॒ प्रति॑ष्ठित्यै
Sentence: 3 पञ्च॒ चित॑यो भवन्ति
Sentence: 4 पाङ्क्तः॒ पुरु॑षस् ।
Sentence: 5 आ॒त्मान॑मे॒व स्पृ॑णोति
Sentence: 6 पञ्च॒ चित॑यो भवन्ति
Sentence: 7 प॒ञ्चभिः॒ पुरी॑षैर॒भ्यू॑हति
Sentence: 8 दश॒ सम्प॑द्यन्ते
Sentence: 9 दशा॑क्षरो वै॒ पुरु॑षस् ।
Sentence: 10 यावा॑ने॒व पुरु॑ष॒स्तं स्पृ॑णोति ।
Sentence: 11 अथो॒ दशा॑क्षरा वि॒राड्^वि॒राज्
Sentence: 12 अन्नं वि॒राड्^वि॒राज्
Sentence: 13 वि॒राज्ये॒वान्नाद्ये॒ प्रति॑ तिष्ठति
Sentence: 14 संवत्स॒रो वै॑ ष॒ष्ठी चिति॑स् ।
Sentence: 15 ऋ॒तवः॒ पुरी॑षम् ।
Sentence: 16 षट्चित॑यो भवन्ति॒ षट्पुरी॑षाणि
Sentence: 17 द्वाद॑श॒ सम्प॑द्यन्ते
Sentence: 18 द्वाद॑श॒ मासाः॑ संवत्स॒रः
Sentence: 19 सं॑वत्स॒र ए॒व प्रति॑ तिष्ठति ॥
Paragraph: 11
Verse: 1
Sentence: 1 रोहि॑तो धू॒म्ररो॑हितः क॒र्कन्धु॑रोहित॒स्ते प्रा॑जाप॒त्यास् ।
Sentence: 2 ब॒भ्रुर॑रु॒णब॑भ्रुः॒ शुक॑बभ्रु॒स्ते रौ॒द्राः
Sentence: 3 श्येतः॑ श्येता॒क्षः श्येत॑ग्रीव॒स्ते पि॑तृदेव॒त्या॑स्
Sentence: 4 ति॒स्रः कृ॒ष्णा व॒शा वा॑रु॒ण्य॑स्
Sentence: 5 ति॒स्रः श्वे॒ता व॒शाः सौ॒र्य॑स् ।
Sentence: 6 मै॑त्राबार्हस्प॒त्या धू॒म्रल॑लामास्तूप॒राः ॥
Paragraph: 12
Verse: 1
Sentence: 1 पृश्नि॑स्तिर॒श्चीन॑पृश्निरू॒र्ध्वपृ॑श्नि॒स्ते मा॑रु॒ताः
Sentence: 2 प॒ल्गूर्लो॑हितो॒र्णी ब॑ल॒क्षी ताः सा॑रस्व॒त्यः
Sentence: 3 पृष॑ती स्थू॒लपृ॑षती क्षु॒द्रपृ॑षती॒ ता वै॑श्वदे॒व्य॑स्
Sentence: 4 ति॒स्रः श्या॒मा व॒शाः पौ॒ष्णिय॑स्
Sentence: 5 ति॒स्रो रोहि॑णीर्व॒शा मै॒त्रिय॑स् ।
Sentence: 6 अै॑न्द्राबार्हस्प॒त्या अ॑रु॒णल॑लामास्तूप॒राः ॥
Paragraph: 13
Verse: 1
Sentence: 1 शि॑तिबा॒हुर॒न्यतः॑शितिबाहुः सम॒न्तशि॑तिबाहु॒स्त ऐ॑न्द्रवाय॒वाः
Sentence: 2 शि॑ति॒रन्ध्रो॒ ऽन्यतः॑शितिरन्ध्रः सम॒न्तशि॑तिरन्ध्र॒स्ते मै॑त्रावरु॒णाः
Sentence: 3 शु॒द्धवा॑लः स॒र्वशु॑द्धवालो म॒णिवा॑ल॒स्त आ॑श्वि॒नास्
Sentence: 4 ति॒स्रः शि॒ल्पा व॒शा वै॑श्वदे॒व्य॑स्
Sentence: 5 ति॒स्रः श्येनीः॑ परमे॒ष्ठिने
Sentence: 6 सोमापौ॒ष्णाः श्या॒मल॑लामास्तूप॒राः ॥
Paragraph: 14
Verse: 1
Sentence: 1 उ॑न्न॒त ऋ॑ष॒भो वा॑म॒नस्त ऐ॑न्द्रावरु॒णाः
Sentence: 2 शिति॑ककुच्छितिपृ॒ष्ठः शिति॑भस॒त्त ऐ॑न्द्राबार्हस्प॒त्याः
Sentence: 3 शि॑ति॒पाच्छि॒त्योष्ठः॑ शिति॒भ्रुस्त ऐ॑न्द्रावैष्ण॒वास्
Sentence: 4 ति॒स्रः सि॒ध्मा व॒शा वै॑श्वकर्म॒ण्य॑स्
Sentence: 5 ति॒स्रो धा॒त्रे पृ॑षोद॒रा ऐ॑न्द्रापौ॒ष्णाः श्येत॑ललामास्तूप॒राः ॥
Paragraph: 15
Verse: 1
Sentence: 1 क॒र्णास्त्रयो॑ या॒माः
Sentence: 2 सौ॒म्यास्त्रयः॑ श्वितिं॒गा अ॒ग्नये॒ यवि॑ष्ठाय॒ त्रयो॑ नकु॒लास्
Sentence: 3 ति॒स्रो रोहि॑णी॒स्त्र्यव्य॒स्ता वसू॑नाम् ।
Sentence: 4 ति॒स्रो॑ ऽरु॒णा दि॑त्यौ॒ह्य॒स्ता रु॒द्राणा॑म् ।
Sentence: 5 सो॑मै॒न्द्रा ब॒भ्रुल॑लामास्तूप॒राः ॥
Paragraph: 16
Verse: 1
Sentence: 1 शु॒ण्ठास्त्रयो॑ वैष्ण॒वास् ।
Sentence: 2 अ॑धीलोध॒कर्णा॒स्त्रयो॒ विष्ण॑व उरुक्र॒माय
Sentence: 3 लप्सु॒दिन॒स्त्रयो॒ विष्ण॑व उरुगा॒याय
Sentence: 4 पञ्चा॑वीस्ति॒स्र आ॑दि॒त्याना॑म् ।
Sentence: 5 त्रि॑व॒त्सास्ति॒स्रो ऽङ्गि॑रसाम्
Sentence: 6 अैन्द्रावैष्ण॒वा गौ॒रल॑लामास्तूप॒राः ॥
Paragraph: 17
Verse: 1
Sentence: 1 इन्द्रा॑य॒ राज्ञे॒ त्रयः॑ शितिपृ॒ष्ठास् ।
Sentence: 2 इन्द्रा॑याधिरा॒जाय॒ त्रयः॒ शिति॑ककुदस् ।
Sentence: 3 इन्द्रा॑य स्व॒राज्ञे॒ त्रयः॒ शिति॑भसदस्
Sentence: 4 ति॒स्रस्तु॑र्यौ॒ह्यः॑ सा॒ध्याना॑म् ।
Sentence: 5 ति॒स्रः प॑ष्ठौ॒ह्यो॒ विश्वे॑षां दे॒वाना॑म्
Sentence: 6 आग्ने॒न्द्राः कृ॒ष्णल॑लामास्तूप॒राः ॥
Paragraph: 18
Verse: 1
Sentence: 1 अदि॑त्यै॒ त्रयो॑ रोहितै॒तास् ।
Sentence: 2 इ॑न्द्राण्यै॒ त्रयः॑ कृष्णै॒ताः
Sentence: 3 कुह्वै॒ त्रयो॑ ऽरुणै॒तास्
Sentence: 4 ति॒स्रो धे॒नवो॑ रा॒कायै
Sentence: 5 त्रयो॑ ऽन॒ड्वाहः॑ सिनीवा॒ल्यास् ।
Sentence: 6 आ॑ग्नावैष्ण॒वा रोहि॑तललामास्तूप॒राः ॥
Paragraph: 19
Verse: 1
Sentence: 1 सौ॒म्यास्त्रयः॑ पि॒शङ्गाः
Sentence: 2 सोमा॑य॒ राज्ञे॒ त्रयः॑ सा॒रङ्गाः
Sentence: 3 पार्ज॒न्या नभो॑रूपास्
Sentence: 4 ति॒स्रो॒ ऽजा म॒ल्हा इ॑न्द्राण्यै
Sentence: 5 ति॒स्रो मे॒ष्य॑ आदि॒त्यास् ।
Sentence: 6 {F द्या॑वापृथि॒या{W द्वावापृथि॒या मा॒लङ्गा॑स्तूप॒राः ॥
Paragraph: 20
Verse: 1
Sentence: 1 वा॑रु॒णास्त्रयः॑ कृ॒ष्णल॑लामास् ।
Sentence: 2 वरु॑णाय॒ राज्ञे॒ त्रयो॒ रोहि॑तोललामास् ।
Sentence: 3 वरु॑णाय रि॒शाद॑से॒ त्रयो॑ ऽरु॒णल॑लामाः
Sentence: 4 शि॒ल्पास्त्रयो॑ वैश्वदे॒वास्
Sentence: 5 त्रयः॒ पृश्न॑यः सर्वदेव॒त्या॑स् ।
Sentence: 6 अै॑न्द्रासू॒राः श्येत॑ललामास्तूप॒राः ॥
Paragraph: 21
Verse: 1
Sentence: 1 सोमा॑य स्व॒राज्ञे॑ ऽनोवा॒हाव॑न॒ड्वाहौ॑ ।
Sentence: 2 इ॑न्द्रा॒ग्निभ्या॑मोजो॒दाभ्या॒मुष्टा॑रौ ।
Sentence: 3 इ॑न्द्रा॒ग्निभ्या॑म्बल॒दाभ्यां॑ सीरवा॒हाववी
Sentence: 4 द्वे धे॒नू भौ॒मी
Sentence: 5 दि॒ग्भ्यो वड॑बे
Sentence: 6 द्वे धे॒नू भौ॒मी
Sentence: 7 वै॑रा॒जी पु॑रु॒षी
Sentence: 8 द्वे धे॒नू भौ॒मी
Sentence: 9 व॒यव॑ आरोहणवा॒हाव॑न॒ड्वाहौ
Sentence: 10 वारु॒णी कृ॒ष्णे व॒शे
Sentence: 11 अ॑राड्यौ दि॒व्यावृ॑षभौ परिमरौ ॥
Paragraph: 22
Verse: 1
Sentence: 1 एका॑दश प्रा॒तर्ग॒व्याः प॒शव॑ प॒शव॒ आ ल॑भ्यन्ते छग॒लः क॒ल्माषः॑ किकिदी॒विर्वि॑दी॒गय॒स्ते त्वा॒ष्ट्राः
Sentence: 2 सौ॒रीर्नव॑ श्वे॒ता व॒शा अ॑नूब॒न्ध्या॑ भवन्ति ।
Sentence: 3 आ॑ग्ने॒य ऐ॑न्द्रा॒ग्न आ॑श्वि॒नस्ते वि॑शालयू॒प आ ल॑भ्यन्ते ॥
Paragraph: 23
Verse: 1
Sentence: 1 पि॒शङ्गा॒स्त्रयो॑ वास॒न्ताः
Sentence: 2 सा॒रङ्गा॒स्त्रयो ग्रैष्माः
Sentence: 3 पृष॑न्त॒स्त्रयो॒ वार्षि॑काः
Sentence: 4 पृश्न॑य॒स्त्रयः॑ शार॒दाः
Sentence: 5 पृ॑श्निस॒क्थास्त्रयो हैमन्तिकास्
Sentence: 6 अवलि॒प्तास्त्रयः॑ शैशि॒राः
Sentence: 7 सं॑वत्स॒राय॒ निव॑क्षसः ॥
Chapter: 7
Paragraph: 1
Verse: 1
Sentence: 1 यो वा अय॑थादेवतम॒ग्निं चि॑नु॒त आ दे॒वता॑भ्यो वृश्च्यते॒ पापी॑यान्भवति
Sentence: 2 यो य॑थादेव॒तं न दे॒वता॑भ्य॒ आ वृ॑श्च्यते॒ वसी॑यान्भवति ।
Sentence: 3 आ॑ग्ने॒य्या गा॑यत्रि॒या प्र॑थ॒मां चिति॑म॒भि मृ॑शेत्त्रि॒ष्टुभा॑ द्वि॒तीयां॒ जग॑त्या तृ॒ती�भा॑ चतु॒र्थीम्प॒ङ्क्त्या प॑ञ्च॒मीम् ।
Sentence: 4 य॑थादेव॒तमे॒वाग्निं चि॑नुते॒ न दे॒वता॑भ्य॒ आ वृ॑श्च्यते॒ वसी॑यान्भवति ।
Sentence: 5 इडा॑यै॒ वा ए॒षा विभ॑क्तिः
Sentence: 6 प॒शव॒ इडा
Sentence: 7 प॒शुभि॑रेनम् ॥
Verse: 2
Sentence: 1 चि॑नुते
Sentence: 2 यो वै॑ प्र॒जाप॑तये प्रति॒प्रोच्या॒ग्निं चि॒नोति॒ नार्ति॒मार्छ॑ति ।
Sentence: 3 अश्वा॑व॒भित॑स्तिष्ठेतां कृ॒ष्ण उ॑त्तर॒तः श्वे॒तो दक्षि॑णस्
Sentence: 4 तावा॒लभ्येष्ट॑का॒ उप॑ दध्यात् ।
Sentence: 5 ए॒तद्वै॑ प्र॒जाप॑ते रू॒पम्
Sentence: 6 प्राजाप॒त्यो ऽश्वः
Sentence: 7 सा॒क्षादे॒व प्र॒जाप॑तये प्रति॒प्रोच्या॒ग्निं चि॑नोति॒ नार्ति॒मार्छ॑ति ।
Sentence: 8 ए॒तद्वा अह्नो॑ रू॒पं यच्छ्वे॒तो ऽश्वो॒ रात्रि॑यै कृ॒ष्णस् ।
Sentence: 9 ए॒तदह्नः॑ ॥
Verse: 3
Sentence: 1 रू॒पं यदिष्ट॑का॒ रात्रि॑यै॒ पुरी॑षम्
Sentence: 2 इष्ट॑का उपधा॒स्यञ्छ्वे॒तमश्व॑म॒भि मृ॑शे॒त्पुरी॑षमुपधा॒स्यन्कृ॒ष्णम्
Sentence: 3 अहोरा॒त्राभ्या॑मेवैनं चिनुते
Sentence: 4 हिरण्यपा॒त्रम्मधोः॑ पू॒र्णं द॑दाति
Sentence: 5 मध॒व्यो॑ ऽसा॒नीति
Sentence: 6 सौ॒र्या चि॒त्रव॒त्यावे॑क्षते
Sentence: 7 चि॒त्रमे॒व भ॑वति म॒ध्यन्दि॑ने ।
Sentence: 8 अश्व॒मव॑ घ्रापयति ।
Sentence: 9 असौ॒ वा आ॑दि॒त्य इन्द्र॑ ए॒ष प्र॒जाप॑तिः
Sentence: 10 प्राजाप॒त्यो ऽश्व॑स्
Sentence: 11 तमे॒व सा॒क्षादृ॑ध्नोति ॥
Paragraph: 2
Verse: 1
Sentence: 1=a त्वाम॑ग्ने वृष॒भं चेकि॑तान॒म्पुन॒र्युवा॑नम्ज॒नय॑न्नु॒पागा॑म् । अ॑स्थू॒रि णो॒ गार्ह॑पत्यानि सन्तु ति॒ग्मेन॑ नो॒ ब्रह्म॑णा॒ सं शि॑शाधि ॥
Sentence: 2 प॒शवो॒ वा ए॒ते यदिष्ट॑का॒श्चित्यां॑चित्यामृष॒भमुप॑ दधाति मिथु॒नमे॒वास्य॒ तद्य॒ज्ञे क॑रोति प्र॒जन॑नाय॒ तस्मा॑द्यू॒थेयू॑थ ऋष॒भः
Sentence: 3=b सं॑वत्स॒रस्य॑ प्रति॒मां यां त्वा॑ रात्र्यु॒पास॑ते । प्र॒जां सु॒वीरां॑ कृ॒त्वा विश्व॒मायु॒र्व्य॑श्नवत् ॥
Sentence: 4 प्रा॑जाप॒त्याम् ॥
Verse: 2
Sentence: 1 ए॒तामुप॑ दधाती॒यं वावैषैकाष्ट॒का यदेवैकाष्ट॒काया॒मन्नं॑ क्रि॒यते॒ तदेवै॒तयाव॑ रुन्द्धे ।
Sentence: 2 ए॒षा वै॑ प्र॒जाप॑तेः काम॒दुघा॒ तयै॒व यज॑मानो॒ ऽमुष्मिँ॑ लो॒के॒ ऽग्निं दु॑हे
Sentence: 3=c येन॑ दे॒वा ज्योति॑षो॒र्ध्वा उ॒दाय॒न्येना॑दि॒त्या वस॑वो॒ येन॑ रु॒द्राः । येनाङ्गि॑रसो महि॒मान॑मान॒शुस्तेनै॑तु॒ यज॑मानः स्व॒स्ति ॥
Sentence: 4 सु॑व॒र्गाय॒ वा ए॒ष लो॒काय॑ ॥
Verse: 3
Sentence: 1 ची॑यते॒ यद॒ग्निस् ।
Sentence: 2 येन॑ दे॒वा ज्योति॑षो॒र्ध्वा उ॒दाय॒न्नित्युख्यं॒ समि॑न्द्ध॒ इष्ट॑का एवै॒ता उप॑ धत्ते वानस्प॒त्याः सु॑व॒र्गस्य॑ लो॒कस्य॒ सम॑ष्ट्यै
Sentence: 3=d श॒तायु॑धाय श॒तवी॑र्याय श॒तोत॑ये ऽभिमाति॒षाहे॑ । श॒तं यो नः॑ श॒रदो॒ अजी॑ता॒निन्द्रो॑ नेष॒दति॑ दुरि॒तानि॒ विश्वा॑ ॥
Sentence: 4=e ये च॒त्वारः॑ प॒थयो॑ देव॒याना॑ अन्त॒रा द्यावा॑पृथि॒वी वि॒यन्ति॑ । तेषां॒ यो अज्या॑नि॒मजी॑तिमा॒वहा॒त्तस्मै॑ नो देवाः ॥
Verse: 4
Sentence: 1 परि॑ दत्ते॒ह सर्वे॑ ॥
Sentence: 2=f ग्री॒ष्मो हे॑म॒न्त उ॒त नो॑ वस॒न्तः श॒रद्व॒र्षाः सु॑वि॒तं नो॑ अस्तु । तेषा॑मृतू॒नां श॒तशा॑रदानां निवा॒त ए॑षां॒ अभ॑ये स्याम ॥
Sentence: 3=g इ॑दुवत्स॒राय॑ परिवत्स॒राय॑ संवत्स॒राय॑ कृणुता बृ॒हन्नमः॑ । तेषां॑ व॒यं सु॑मतौ य॒ज्ञिया॑नां॒ ज्योगजी॑ता॒ अह॑ताः स्याम ॥
Sentence: 4=h भ॒द्रान्नः॒ श्रेयः॒ सम॑नैष्ट देवा॒स्त्वया॑व॒सेन॒ सम॑शीमहि त्वा । स नो॑ मयो॒भूः पि॑तो ॥
Verse: 5
Sentence: 1 आ वि॑शस्व॒ शं तो॒काय॑ त॒नुवे॑ स्यो॒नः ॥
Sentence: 2 अज्या॑नीरे॒ता उप॑ दधात्ये॒ता वै॑ दे॒वता॒ अप॑राजिता॒स्ता ए॒व प्र वि॑शति नै॒व जी॑यते
Sentence: 3 ब्रह्मवा॒दिनो॑ वदन्ति
Sentence: 4 यद॑र्धमा॒सा मासा॑ ऋ॒तवः॑ संवत्स॒र ओष॑धीः॒ पच॒न्त्यथ॒ कस्मा॑द॒न्याभ्यो॑ दे॒वता॑भ्य आग्रय॒णं निरु॑प्यत॒ इति॑ ।
Sentence: 5 ए॒ता हि तद्दे॒वता॑ उ॒दज॑य॒न्यदृ॒तुभ्यो॑ नि॒र्वपे॑द्दे॒वता॑भ्यः स॒मदं॑ दध्यात् ।
Sentence: 6 आ॑ग्रय॒णं नि॒रुप्यै॒ता आहु॑तीर्जुहोति ।
Sentence: 7 अ॑र्धमा॒साने॒व मासा॑नृ॒तून्त्सं॑वत्स॒रम्प्री॑णाति॒ न दे॒वता॑भ्यः स॒मद॑म्दधाति
Sentence: 8 भ॒द्रान्नः॒ श्रेयः॒ सम॑नैष्ट दे॒वा इत्या॑ह हु॒ताद्या॑य॒ यज॑मान॒स्याप॑राभावाय ॥
Paragraph: 3
Verse: 1
Sentence: 1=a इन्द्र॑स्य॒ वज्रो॑ ऽसि॒ वार्त्र॑घ्नस्तनू॒पा नः॑ प्रतिस्प॒शः । यो नः॑ पु॒रस्ता॑द्दक्षिण॒तः प॒श्चादु॑त्तर॒तो॑ ऽघा॒युर॑भि॒दास॑त्ये॒तं सो ऽश्मा॑नमृछतु ॥
Sentence: 2 दे॑वासु॒राः संय॑त्ता आसन्
Sentence: 3 ते ऽसु॑रा दि॒ग्भ्य आबा॑धन्त
Sentence: 4 तान्दे॒वा इष्वा॑ च॒ वज्रे॑ण॒ चापा॑नुदन्त
Sentence: 5 यद्व॒ज्रिणी॑रुप॒दधा॒तीष्वा चै॒व तद्वज्रे॑ण च॒ यज॑मानो॒ भ्रातृ॑व्या॒नप॑ नुदते
Sentence: 6 दि॒क्षूप॑ ॥
Verse: 2
Sentence: 1 द॑धाति
Sentence: 2 देवपु॒रा एवै॒तास्त॑नू॒पानीः॒ पर्यू॑हते ।
Sentence: 3=b अग्ना॑विष्णू सजोषसे॒मा व॑र्धन्तु वां॒ गिरः॑ । द्युम्नै॒र्वाजे॑भि॒रा ग॑तम् ॥
Sentence: 4 ब्र॑ह्मवा॒दिनो॑ वदन्ति
Sentence: 5 यन्न दे॒वता॑यै॒ जुह्व॒त्यथ॑ किन्देव॒त्या॒ वसो॒र्धारेति॑ ।
Sentence: 6 अ॒ग्निर्वसु॒स्तस्यै॒षा धारा
Sentence: 7 विष्णु॒र्वसु॒स्तस्यै॒षा धारा॑ ।
Sentence: 8 आ॑ग्नावैष्ण॒व्यर्चा वसो॒र्धारां॑ जुहोति
Sentence: 9 भाग॒धेये॑नैवैनौ॒ सम॑र्धयति ।
Sentence: 10 अथो॑ ए॒ताम् ॥
Verse: 3
Sentence: 1 ए॒वाहु॑तिमा॒यत॑नवतीं करोति
Sentence: 2 यत्का॑म एनां जु॒होति॒ तदे॒वाव॑ रुन्द्धे
Sentence: 3 रु॒द्रो वा ए॒ष यद॒ग्निस्
Sentence: 4 तस्यै॒ते त॒नुवौ॑ घो॒रान्या शि॒वान॒या
Sentence: 5 यच्छ॑तरु॒द्रीयं॑ जु॒होति यै॒वास्य॑ घो॒रा त॒नूस्तां तेन॑ शमयति
Sentence: 6 यद्वसो॒र्धारां॑ जु॒होति यै॒वास्य॑ शि॒वा त॒नूस्तां तेन॑ प्रीणाति
Sentence: 7 यो वै॒ वसो॒र्धार॑यै ॥
Verse: 4
Sentence: 1 प्र॑ति॒ष्ठां वेद॒ प्रत्ये॒व ति॑ष्ठति
Sentence: 2 यदाज्य॑मु॒च्छिष्ये॑त॒ तम्सि॑न्ब्रह्मौद॒नम्प॑चेत्
Sentence: 3 तम्ब्रा॑ह्म॒णाश्च॒त्वारः॒ प्राश्नी॑युस् ।
Sentence: 4 ए॒ष वा अ॒ग्निर्वै॑श्वान॒रो यद्ब्रा॑ह्म॒णस् ।
Sentence: 5 ए॒षा खलु॒ वा अ॒ग्नेः प्रि॒या त॒नूर्यद्वै॑श्वान॒रः
Sentence: 6 प्रि॒याया॑मेवैनां त॒नुवा॒म्प्रति॑ ष्ठापयति
Sentence: 7 चत॑स्रो धे॒नूर्द॑द्यात्
Sentence: 8 ताभि॑रे॒व यज॑मानो॒ ऽमुष्मिँ॑ लो॒के॒ ऽग्निं दु॑हे ॥
Paragraph: 4
Verse: 1
Sentence: 1=a चित्तिं॑ जुहोमि॒ मन॑सा घृ॒तेन॑ ।
Sentence: 2 इत्या॑ह ।
Sentence: 3 अदा॑भ्या वै॒ नामै॒षाहु॑तिर्वैश्वकर्म॒णी
Sentence: 4 नै॑नं चिक्या॒नम्भ्रातृ॑व्यो दभ्नोति ।
Sentence: 5 अथो॑ दे॒वता॑ ए॒वाव॑ रुन्द्धे ।
Sentence: 6=b अग्ने॒ तम॒द्य ।
Sentence: 7 इति॑ प॒ङ्क्त्या जु॑होति
Sentence: 8 प॒ङ्क्त्याहु॑त्या यज्ञमु॒खमार॑भते
Sentence: 9=c स॒प्त ते॑ अग्ने स॒मिधः॑ स॒प्त जि॒ह्वास् ।
Sentence: 10 इत्या॑ह
Sentence: 11 होत्रा॑ ए॒वाव॑ रुन्द्धे ।
Sentence: 12 अ॒ग्निर्दे॒वेभ्यो ऽपा॑क्रामद्भाग॒धेय॑म् ॥
Verse: 2
Sentence: 1 इ॒छमा॑नस्
Sentence: 2 तस्मा॑ ए॒तद्भा॑ग॒धेय॒म्प्राय॑छन् ।
Sentence: 3 ए॒तद्वा अ॒ग्नेर॑ग्निहो॒त्रम्
Sentence: 4 ए॒तर्हि॒ खलु॒ वा ए॒ष जा॒तो यर्हि॒ सर्व॑श्चि॒तस् ।
Sentence: 5 जा॒तायै॒वास्मा॒ अन्न॒मपि॑ दधाति
Sentence: 6 स ए॑नम्प्री॒तः प्री॑णाति
Sentence: 7 वसी॑यान्भवति
Sentence: 8=d ब्रह्मवा॒दिनो॑ वदन्ति॒ यदे॒ष गार्ह॑पत्यश्ची॒यते ऽथ॒ क्वा॒स्याह॑व॒नीय॒ इति॑ ।
Sentence: 9 अ॒सावा॑दि॒त्य इति॑ ब्रूयात् ।
Sentence: 10 ए॒तस्मि॒न्हि सर्वा॑भ्यो दे॒वता॑भ्यो॒ जुह्व॑ति ॥
Verse: 3
Sentence: 1 य ए॒वं वि॒द्वान॒ग्निं चि॑नु॒ते सा॒क्षादे॒व दे॒वता॑ ऋध्नोति ।
Sentence: 2=e अग्ने॑ यशस्वि॒न्यश॑से॒मम॑र्प॒येन्द्रा॑वती॒मप॑चितीमि॒हा व॑ह । अ॒यम्मू॒र्धा प॑रमे॒ष्ठी सु॒वर्चाः॑ समा॒नाना॑मुत्त॒मश्लो॑को अस्तु ॥
Sentence: 3 भ॒द्रम्पश्य॑न्त॒ उप॑ सेदु॒रग्रे॒ तपो॑ दी॒क्षामृष॑यः सुव॒र्विदः॑ । ततः॑ क्ष॒त्रम्बल॒मोज॑श्च जा॒तं अदस्मै दे॒वा अ॒भि सं न॑मन्तु ॥
Sentence: 4 धा॒ता वि॑धा॒ता प॑र॒मा ॥
Verse: 4
Sentence: 1 उ॒त सं॒दृक्प्र॒जाप॑तिः परमे॒ष्ठी वि॒राजा॑ । स्तोमा॒श्छन्दां॑सि नि॒विदो॑ म आहुरे॒तस्मै॑ रा॒ष्ट्रम॒भि सं न॑माम ॥
Sentence: 2 अ॒भ्याव॑र्तध्व॒मुप॒ मेत॑ सा॒कम॒यं शा॒स्ताधि॑पतिर्वो अस्तु । अ॒स्य वि॒ज्ञान॒मनु॒ सं र॑भध्वमि॒मम्प॒श्चादनु॑ जीवाथ॒ सर्वे॑ ॥
Sentence: 3 रा॑ष्ट्र॒भृत॑ ए॒ता उप॑ दधाति ।
Sentence: 4 ए॒षा वा अ॒ग्नेश्चिती॑ राष्ट्र॒भृत्
Sentence: 5 तयै॒वास्मि॑न्रा॒ष्ट्रं द॑धाति
Sentence: 6 रा॒ष्ट्रमे॒व भ॑वति
Sentence: 7 नास्मा॑द्रा॒ष्ट्रम्भ्रं॑शते ॥
Paragraph: 5
Verse: 1
Sentence: 1=a यथा वै पु॒त्रो जा॒तो म्रि॒यत॑ ए॒वं वा ए॒ष म्रि॑यते॒ यस्या॒ग्निरुख्य॑ उ॒द्वाय॑ति
Sentence: 2 यन्नि॑र्म॒न्थ्यं॑ कु॒र्याद्वि छि॑न्द्या॒द्भ्रातृ॑व्यमस्मै जनयेत्
Sentence: 3 स ए॒व पुनः॑ प॒रीध्यः
Sentence: 4 स्वादेवैनं॒ योने॑र्जनयति
Sentence: 5 नास्मै॒ भ्रातृ॑व्यं जनयति
Sentence: 6 तमो॒ वा ए॒तं गृ॑ह्णाति॒ यस्या॒ग्निरुख्य॑ उ॒द्वाय॑ति
Sentence: 7 मृ॒त्युस्तमः
Sentence: 8 कृ॒ष्णं वासः॑ कृ॒ष्णा धे॒नुर्दक्षि॑णा
Sentence: 9 तम॑सा ॥
Verse: 2
Sentence: 1 ए॒व तमो॑ मृ॒त्युमप॑ हते
Sentence: 2 हिर॑ण्यं ददाति
Sentence: 3 ज्योतिर्वै॒ हिर॑ण्यम् ।
Sentence: 4 ज्योति॑षै॒व तमो ऽप॑ हते ।
Sentence: 5 अथो॒ तेजो वै॒ हिर॑ण्यम् ।
Sentence: 6 तेज॑ ए॒वात्मन्ध॑त्ते
Sentence: 7=b सुव॒र्न घ॒र्मः स्वाहा
Sentence: 8=b सुव॒र्नार्कः स्वाहा
Sentence: 9=b सुव॒र्न शु॒क्रः स्वाहा
Sentence: 10=b सुव॒र्न ज्योतिः॒ स्वाहा
Sentence: 11=b सुव॒र्न सूर्यः॒ स्वाहा॑ ।
Sentence: 12 अ॒र्को वा ए॒ष यद॒ग्निर॒सावा॑दि॒त्यः ॥
Verse: 3
Sentence: 1 अ॑श्वमे॒धस् ।
Sentence: 2 यदे॒ता आहु॑तीर्जु॒होत्य॑र्काश्वमे॒धयो॑रे॒व ज्योतीं॑षि॒ सं द॑धाति ।
Sentence: 3 ए॒ष ह॒ त्वा अ॑र्काश्वमे॒धी यस्यै॒तदग्नौ क्रि॒यते॑ ।
Sentence: 4=c आपो॒ वा इ॒दमग्रे॑ सलि॒लमा॑सीत्
Sentence: 5 स ए॒ताम्प्र॒जाप॑तिः प्रथ॒मां चिति॑मपश्य॒त्तामुपा॑धत्त॒ तदि॒यम॑भवत्
Sentence: 6 तं वि॒श्वक॑र्माब्रवीत् ।
Sentence: 7 उप॒ त्वाया॒नीति
Sentence: 8 नेह लो॒को॒ ऽस्तीति॑ ॥
Verse: 4
Sentence: 1 अ॑ब्रवीत्
Sentence: 2 स ए॒तां द्वि॒तीयां॒ चिति॑मपश्य॒त्तामुपा॑धत्त॒ तद॒न्तरि॑क्षमभवत्
Sentence: 3 स य॒ज्ञः प्र॒जाप॑तिम्ब्रवीत् ।
Sentence: 4 उप॒ त्वाया॒नीति
Sentence: 5 नेह लो॒को॒ ऽस्तीत्य॑ब्रवीत्
Sentence: 6 स वि॑श्वकर्माणमब्रवीत् ।
Sentence: 7 उप॒ त्वाया॒नीति
Sentence: 8 केन॑ मोपैष्य॒सीति
Sentence: 9 दिश्या॑भि॒रित्य॑ब्रवीत्
Sentence: 10 तम्दिश्या॑भिरुपैत्
Sentence: 11 ता उपा॑धत्त
Sentence: 12 ता दिशः॑ ॥
Verse: 5
Sentence: 1 अ॑भवन् ।
Sentence: 2 स प॑रमे॒ष्ठी प्र॒जाप॑तिमब्रवीत् ।
Sentence: 3 उप॒ त्वाया॒नीति
Sentence: 4 नेह लो॒को॒ ऽस्तीत्य॑ब्रवीत्
Sentence: 5 स वि॒श्वक॑र्माणं च य॒ज्ञं चा॑ब्रवीत् ।
Sentence: 6 उप॑ वा॒माया॒नीति
Sentence: 7 नेह लो॒को॒ ऽस्तीत्य॑ब्रूताम् ।
Sentence: 8 स ए॑तां तृ॒तीयां॒ चिति॑मपश्यत्
Sentence: 9 तामुपा॑धत्त
Sentence: 10 तद॒साव॑भवत्
Sentence: 11 स आ॑दि॒त्यः प्र॒जाप॑तिमब्रवीत् ।
Sentence: 12 उप॑ त्वा ॥
Verse: 6
Sentence: 1 आया॒नीति
Sentence: 2 नेह लो॒को॒ ऽस्तीत्य॑ब्रवीत्
Sentence: 3 स वि॒श्वक॑र्माणं च य॒ज्ञं चा॑ब्रवीत् ।
Sentence: 4 उप॑ वा॒माया॒नीति
Sentence: 5 नेह लो॒को॒ ऽस्तीत्य॑ब्रूताम् ।
Sentence: 6 स प॑रमे॒ष्ठिन॑मब्रवीत् ।
Sentence: 7 उप॒ त्वाया॒नीति
Sentence: 8 केन॑ मोपैष्य॒सीति
Sentence: 9 लोकम्पृ॒णयेत्य॑ब्रवीत्
Sentence: 10 तं लो॑कम्पृ॒णयोपैत्
Sentence: 11 तस्मा॒दया॑तयाम्नी लोकम्पृ॒णा ।
Sentence: 12 अया॑तयामा॒ ह्यसौ ॥
Verse: ७
Sentence: १ आ॑दि॒त्यस्
Sentence: 2 तानृष॑यो ऽब्रुवन् ।
Sentence: 3 उप॑ व॒ आया॒मेति
Sentence: 4 केन॑ न उपैष्य॒थेति
Sentence: 5 भू॒म्नेत्य॑ब्रुवन्
Sentence: 6 तान्द्वाभ्यां॒ चिती॑भ्यामु॒पाय॑न् ।
Sentence: 7 स पञ्च॑चितीकः॒ सम॑पद्यत
Sentence: 8 य ए॒वं वि॒द्वान॒ग्निं चि॑नु॒ते भूया॑ने॒व भ॑वत्य॒भीमाँ लो॒काञ्ज॑यति वि॒दुरे॑नं दे॒वास् ।
Sentence: 9 अथो॑ ए॒तासा॑मे॒व दे॒वता॑नां॒ सायु॑ज्यं गछति ॥
Paragraph: 6
Verse: 1
Sentence: 1=a वयो॒ वा अ॒ग्निर्यद॑ग्नि॒चित्प॒क्षिणो॑ ऽश्नी॒यात्तमे॒वाग्निम॑द्या॒दार्ति॒मार्छे॑त्
Sentence: 2 संवत्स॒रं व्र॒तं च॑रेत्
Sentence: 3 संवत्स॒रं हि व्र॒तं नाति
Sentence: 4=b प॒शुर्वा ए॒ष यद॒ग्निस् ।
Sentence: 5 हि॒नस्ति॒ खलु वै॒ तम्प॒शुर्य ए॑नम्पु॒रस्ता॑त्प्र॒त्यञ्च॑मुप॒चर॑ति
Sentence: 6 तस्मा॑त्प॒श्चात्प्राङु॑प॒चर्य॑ आ॒त्मनो ऽहिं॑सायै
Sentence: 7=c तेजो॑ ऽसि॒ तेजो॑ मे यछ पृथि॒वीं य॑छ ॥
Verse: 2
Sentence: 1 पृ॑थिव्यै मा पाहि॒ ज्योति॑रसि॒ ज्योति॑र्मे यछा॒न्तरि॑क्षं यछा॒न्तरि॑क्षान्मा पाहि॒ सुव॑रसि॒ सुव॑र्मे यछ॒ दिवं॑ यछ दि॒वो मा॑ पाहि ।
Sentence: 2 इति॑ आहै॒ताभि॒र्वा इ॒मे लो॒का विधृ॑तास् ।
Sentence: 3 यदे॒ता उ॑प॒दधा॑त्ये॒षां लो॒कानां॒ विधृ॑त्यै
Sentence: 4 स्वयमातृ॒ण्णा उ॑प॒धाय॑ हिरण्येष्ट॒का उप॑ दधाती॒मे वै॑ लो॒काः स्व॑यमातृ॒ण्णा ज्योति॒र्हिर॑ण�म् ।
Sentence: 5 यत्स्व॑यमातृ॒ण्णा उ॑प॒धाय॑ ॥
Verse: 3
Sentence: 1 हि॑रण्येष्ट॒का उ॑प॒दधा॑ती॒मानेवै॒ताभि॑र्लो॒काञ्ज्योति॑ष्मतः कुरु॒ते ऽथो॑ ए॒ताभि॑रे॒वास्मा॑ इ॒मे लो॒काः प्र भा॑न्ति
Sentence: 2=e यास्ते॑ अग्ने॒ सूर्ये॒ रुच॑ उद्य॒तो दिव॑मात॒न्वन्ति॑ र॒श्मिभिः॑ । ताभिः॒ सर्वा॑भी रु॒चे जना॑य नस्कृधि ॥
Sentence: 3 या वो॑ देवाः॒ सूर्ये॒ रुचो॒ गोष्वश्वे॑षु॒ या रुचः॑ । इन्द्रा॑ग्नी॒ ताभिः॒ सर्वा॑भी॒ रुचं॑ नो धत्त बृहस्पते ॥
Sentence: 4 रुचं॑ नो धेहि ॥
Verse: 4
Sentence: 1 ब्रा॑ह्म॒णेषु॒ रुचं॒ राज॑सु नस्कृधि । रुचं॑ वि॒श्ये॑षु शू॒द्रेषु॒ मयि॑ धेहि रु॒चा रुच॑म् ॥
Sentence: 2 द्वे॒धा वा अ॒ग्निं चि॑क्या॒नस्य॒ यश॑ इन्द्रि॒यं ग॑छत्य॒ग्निं वा॑ चि॒तमी॑जा॒नं वा
Sentence: 3 यदे॒ता आहु॑तीर्जु॒होति॑ ।
Sentence: 4 आ॒त्मन्ने॒व यश॑ इन्द्रि॒यं ध॑त्ते ।
Sentence: 5=e ई॑श्व॒रो वा ए॒ष आर्ति॒मार्तो॒र्यो॒ ऽग्निं चि॒न्वन्न॑धि॒क्राम॑ति
Sentence: 6 तत्त्वा॑ यामि॒ ब्रह्म॑णा॒ वन्द॑मानस् ।
Sentence: 7 इति॑ वारु॒ण्यर्चा ॥
Verse: 5
Sentence: 1 जु॑हुया॒च्छान्ति॑रेवै॒षाग्नेर्गुप्ति॑रा॒त्मन॑स् ।
Sentence: 2=f ह॒विष्कृ॑तो॒ वा ए॒ष यो॒ ऽग्निं चि॑नु॒ते
Sentence: 3 यथा वै ह॒वि स्कन्द॑त्ये॒वं वा ए॒ष स्क॑न्दति॒ यो॒ ऽग्निं चि॒त्वा स्त्रि॑यमुपैति मैत्रावरु॒ण्य�॑या यजेत मैत्रावरु॒णता॑मे॒वोपै॑त्या॒त्मनो ऽस्क॑न्दाय
Sentence: 4=g यो वा अ॒ग्निमृ॑तु॒स्थां वेद॒र्तुरृ॑तुरस्मै॒ कल्प॑मान एति॒ प्रत्ये॒व ति॑ष्ठति
Sentence: 5 संवत्स॒रो वा अ॒ग्निः ॥
Verse: 6
Sentence: 1 ऋ॑तु॒स्थास्तस्य॒ वस॑न्तः॒ शिरो॑ ग्री॒ष्मो दक्षि॑णः प॒क्षो व॒र्षाः पुछं॑ श॒रदुत्त॑रः प॒क्षो हे॑म॒न्तो मध्य॑म्पूर्वप॒क्षाश्चित॑यो ऽपरप॒क्षाः पुरी॑षमहोरा॒त्राणीष्त॑का ए॒ष वा अ॒ग्निरृ॑तु॒स्था य ए॒वं वेद॒र्तुरृ॑तुरस्मै॒ कल्प॑मान एति॒ प्रत्ये॒व ति॑ष्ठै
Sentence: 2=h प्र॒जाप॑ति॒र्वा ए॒तं ज्यै॑ष्ठ्यकामो॒ न्य॑धत्त
Sentence: 3 ततो वै॒ स ज्यै॑ष्ठ्यमगछत् ।
Sentence: 4 य ए॒वं वि॒द्वान॒ग्निं चि॑नु॒ते ज्यै॑ष्ठ्यमे॒व ग॑छति ॥
Paragraph: 7
Verse: 1
Sentence: 1=a यदाकू॑तात्स॒मसु॑स्रोद्धृ॒दो वा॒ मन॑सो वा॒ सम्भृ॑तं॒ चक्षु॑षो वा । तमनु॒ प्रेहि॑ सुकृ॒तस्य॑ लो॒कं यत्रर्ष॑यः प्रथम॒जा ये पु॑रा॒णाः ॥
Sentence: 2=b ए॒तं स॑धस्थ॒ परि॑ ते ददामि॒ यमा॒वहा॑च्छेव॒धिं जा॒तवे॑दाः । अ॑न्वाग॒न्ता य॒ज्ञप॑तिर्वो॒ अत्र॒ तं स॑म जानीत पर॒मे व्यो॑मन् ॥
Sentence: 3=c जा॑नी॒तादे॑नम्पर॒मे व्यो॑म॒न्देवाः॑ सधस्था वि॒द रू॒पम॑स्य । यदा॒गछा॑त् ॥
Verse: 2
Sentence: 1 प॒थिभि॑र्देव॒यानै॑रिष्टापू॒र्ते कृ॑णुतादा॒विर॑स्मै ॥
Sentence: 2=d सम्प्र च्य॑वध्व॒मनु॒ सम्प्र या॒ताग्ने॑ प॒थो दे॑व॒याना॑न्कृणुध्वम् । अ॒स्मिन्त्स॒धस्थे॒ अध्युत्त॑रस्मि॒न्विश्वे॑ देवा॒ यज॑मानश्च सीदत ॥
Sentence: 3=e प्र॑स्त॒रेण॑ परि॒धिना॑ स्रु॒चा वेद्या॑ च ब॒र्हिषा॑ । ऋ॒चेमं य॒ज्ञं नो॑ वह॒ सुव॑र्दे॒वेषु॒ गन्त॑वे ॥
Sentence: 4=f यदि॒ष्टम्यत्प॑रा॒दानं॒ यद्द॒त्तं या च॒ दक्षि॑णा । तत् ॥
Verse: 3
Sentence: 1 अ॒ग्निर्वै॑श्वकर्म॒णः सुव॑र्दे॒वेषु॑ नो दधत् ॥
Sentence: 2=g येना॑ स॒हस्रं॒ वह॑सि॒ येना॑ग्ने सर्ववेद॒सम् । तेने॒मं य॒ज्ञं नो॑ वह॒ सुव॑र्दे॒वेषु॒ गन्त॑वे ॥
Sentence: 3=h येना॑ग्ने॒ दक्षि॑णा यु॒क्ता य॒ज्ञं वह॑न्त्यृ॒त्विजः॑ । तेने॒मं य॒ज्ञं नो॑ वह॒ सुव॑र्दे॒वेषु॒ गन्त॑वे ॥
Sentence: 4=i येना॑ग्ने सु॒कृतः॑ प॒था मधो॒र्धारा॑ व्यान॒शुः । तेने॒मं य॒ज्ञं नो॑ वह॒ सुव॑र्दे॒वेषु॒ गन्त॑वे ॥
Sentence: 5=k यत्र॒ धारा॒ अन॑पेता॒ मधो॑र्घृ॒तस्य॑ च॒ याः । तद॒ग्निर्वै॑श्वकर्म॒णः सुव॑र्दे॒वेषु॑ नो दधत् ॥
Paragraph: 8
Verse: 1
Sentence: 1=a यास्ते॑ अग्ने स॒मिधो॒ यानि॒ धाम॒ या जि॒ह्वा जा॑तवेदो॒ यो अ॒र्चिः । ये ते॑ अग्ने मे॒डयो॒ य इन्द॑व॒स्तेभि॑रा॒त्मानं॑ चिनुहि प्रजा॒नन् ॥
Sentence: 2 उ॑त्सन्नय॒ज्ञो वा ए॒ष यद॒ग्निः किं वाहै॒तस्य॑ क्रि॒यते॒ किं वा॒ न यद्वा अ॑ध्व॒र्युर॒ग्नेश्चि�नो वै॒ तद॒न्तरे॑ति॒ यास्ते॑ अग्ने स॒मिधो॒ यानि॑ ॥
Verse: 2
Sentence: 1 धामेत्या॑है॒षा वा अ॒ग्नेः स्व॑यञ्चि॒तिर॒ग्निरे॒व तद॒ग्निं चि॑नोति॒ नाध्व॒र्युरा॒त्मनो॒ ऽन्तरे॑ति
Sentence: 2 चत॑स्र॒ आशाः॒ प्र च॑रन्त्व॒ग्नय॑ इ॒मं नो॑ य॒ज्ञं न॑यतु प्रजा॒नन् । घृ॒तम्पिन्व॑न्न॒जरं॑ सु॒वीर॒म्ब्रह्म॑ स॒मिद्भ॑व॒त्याहु॑तीनाम् ॥
Sentence: 3 सु॑व॒र्गाय॒ वा ए॒ष लो॒कायोप॑ धीयते॒ यत्कू॒र्मश्चत॑स्र॒ आशाः॒ प्र च॑रन्त्व॒ग्नय॒ इत्या॑ह ॥
Verse: 3
Sentence: 1 दिश॑ एवै॒तेन॒ प्र जा॑नाती॒मं नो॑ य॒ज्ञं न॑यतु प्रजा॒नन्नित्या॑ह सुव॒र्गस्य॑ लो॒कस्या॒भिनी॑त्यै॒ ब्रह्म॑ स॒मिद्भ॑व॒त्याहु॑तीना॒मित्या॑ह॒ ब्रह्म॑णा वै दे॒वाः सु॑व॒र्गं लो॒कमा॑य॒न्य�॑ति॒ ब्रह्म॑णै॒व तद्यज॑मानः सुव॒र्गं लो॒कमे॑ति
Sentence: 2 प्र॒जाप॑ति॒र्वा ए॒ष यद॒ग्निस्तस्य॑ प्र॒जाः प॒शव॒श्छन्दां॑सि रू॒पं सर्वा॒न्वर्णा॒निष्ट॑कानां कुर्याद्रू॒पेणै॑व प्र॒जाम्प॒शूञ्छन्दां॒स्यव॑ रु॒न्द्धे ऽथो॑ प्र॒जाभ्य॑ एवैनम्प॒शुभ्य॒॑भ्यो ऽव॒रुद्ध्य॑ चिनुते ॥
Paragraph: 9
Verse: 1
Sentence: 1=a मयि॑ गृह्णा॒म्यग्रे॑ अ॒ग्निं रा॒यस्पोषा॑य सुप्रजा॒स्त्वाय॑ सु॒वीर्या॑य । मयि॑ प्र॒जाम्मयि॒ वर्चो॑ दधा॒म्यरि॑ष्टाः स्याम त॒नुवा॑ सु॒वीराः॑ ॥
Sentence: 2 यो नो॑ अ॒ग्निः पि॑तरो हृ॒त्स्व॒न्तरम॑र्त्यो॒ मर्त्यां॑ आवि॒वेश॑ । तमा॒त्मन्परि॑ गृह्णीमहे व॒यम्मा सो अ॒स्मां अ॑व॒हाय॒ परा॑ गात् ॥
Sentence: 3 यद॑ध्व॒र्युरा॒त्मन्न॒ग्निमगृ॑हीत्वा॒ग्निं चि॑नु॒याद्यो॑ ऽस्य॒ स्वो ऽग्निस्तमपि॑ ॥
Verse: 2
Sentence: 1 यज॑मानाय चिनुयाद॒ग्निं खलु वै प॒शवो ऽनूप॑ तिष्ठन्ते ऽप॒क्रामु॑का अस्मात्प॒शवः॑ स्यु॒र्मयि॑ गृह्णा॒म्यग्रे॑ अ॒ग्निमित्या॑हा॒त्मन्ने॒व स्वम॒ग्निं दा॑धार॒ नास्मा॑त्प॒शवो ऽप॑ क्रामन्ति
Sentence: 2 ब्रह्मवा॒दिनो॑ वदन्ति॒ यन्मृच्चाप॑श्चा॒ग्नेर॑ना॒द्यमथ॒ कस्मा॑न्मृ॒दा चा॒द्भिश्चा॒ग्निश्�त॒ इति॒ यद॒द्भिः संयौति ॥
Verse: 3
Sentence: 1 आपो वै॒ सर्वा॑ दे॒वता॑ दे॒वता॑भिरेवैनं॒ सं सृ॑जति॒ यन्मृ॒दा चि॒नोती॒यं वा अ॒ग्निर्वै॑श्वान॒रो॒ ऽग्निनै॒व तद॒ग्निं चि॑नोति
Sentence: 2 ब्रह्मवा॒दिनो॑ वदन्ति॒ यन्मृ॒दा चा॒द्भिश्चा॒ग्निश्ची॒यतेथ॒ कस्मा॑द॒ग्निरु॑च्यत॒ इति॒ यच्छन्दो॑भिश्चि॒नोत्य॒ग्नयो वै॒ छन्दां॑सि॒ तस्मा॑द॒ग्निरु॑च्य॒ते ऽथो॑ इ॒यं वा अ॒ग्निर्वै॑श्वान॒रो यत् ॥
Verse: 4
Sentence: 1 मृ॒दा चि॒नोति॒ तस्मा॑द॒ग्निरु॑च्यते
Sentence: 2 हिरण्येष्ट॒का उप॑ दधाति॒ ज्योतिर्वै॒ हिर॑ण्यं॒ ज्योति॑रे॒वास्मि॑न्दधा॒त्यथो॒ तेजो वै॒ हिर॑ण्यं॒ तेज॑ ए॒वात्मन्ध॑त्ते
Sentence: 3 यो वा अ॒ग्निं स॒र्वतो॑मुखं चिनु॒ते सर्वा॑सु प्र॒जास्वन्न॑मत्ति॒ सर्वा॒ दिशो॒ ऽभि ज॑यति गाय॒त्रीम्पु॒रस्ता॒दुप॑ दधाति तृ॒ष्टुभं॑ दक्षिण॒तो जग॑तीम्प॒श्चाद॑नु॒ष्टुभ॑मुत्तर॒तः प॒ङ्क्तिम्मध्य॑ ए॒ष वा अ॒ग्निः स॒र्वतो॑मुख॒स्तं य ए॒वं वि॒द्वांश्चि॑नु॒ते सर्वा॑सु प्र॒जास्वन्न॑मत्ति॒ सर्वा॒ दिशो॒ ऽभि ज॑य॒त्यथो॑ दि॒श्ये॒व दिश॒म्प्र व॑यति॒ तस्मा॑द्दि॒शि दिक्प्रोता॑ ॥
Paragraph: 10
Verse: 1
Sentence: 1 प्र॒जाप॑तिर॒ग्निम॑सृजत
Sentence: 2 सो॑ ऽस्मात्सृ॒ष्टः प्राङ्प्राद॑रव॒त्तस्मा॒ अश्व॒म्प्रत्या॑स्यत्
Sentence: 3 स द॑क्षि॒णाव॑र्तत॒ तस्मै॑ वृ॒ष्णिम्प्रत्या॑स्यत्
Sentence: 4 स प्र॒त्यङ्ङाव॑र्तत॒ तस्मा॑ ऋष॒भम्प्रत्या॑स्यत्
Sentence: 5 स उद॒ङ्ङाव॑र्तत॒ तस्मै॑ ब॒स्तम्प्रत्या॑स्यत्
Sentence: 6 स ऊ॒र्ध्वो॑ ऽद्रव॒त्तस्मै॒ पुरु॑ष॒म्प्रत्या॑स्यत् ।
Sentence: 7 यत्प॑शुशी॒र्षाण्यु॑प॒दधा॑ति स॒र्वत॑ एवैनम् ॥
Verse: 2
Sentence: 1 अ॑व॒रुध्य॑ चिनुते ।
Sentence: 2 ए॒ता वै॑ प्राण॒भृत॒श्चक्षु॑ष्मती॒रिष्ट॑का॒ यत्प॑शुशी॒र्षाणि
Sentence: 3 यत्प॑शुशी॒र्षाण्यु॑प॒दधा॑ति॒ ताभि॑रे॒व यज॑मानो॒ ऽमुष्मिँ॑ लो॒के प्राणि॒त्यथो॒ ताभि॑रे॒वास्मा॑ इ॒मे लो॒काः प्र भा॑न्ति
Sentence: 4 मृ॒दाभि॒लिप्योप॑ दधाति मेध्य॒त्वाय
Sentence: 5 प॒शुर्वा ए॒ष यद॒ग्निरन्न॑म्प॒शव॑स् ।
Sentence: 6 ए॒ष खलु॒ वा अ॒ग्निर्यत्प॑शुशी॒र्षाणि
Sentence: 7 यं का॒मये॑त
Sentence: 8 कनी॑यो॒ ऽस्यान्न॑म् ॥
Verse: 3
Sentence: 1 स्यादिति॑सन्त॒रां तस्य॑ पशुशी॒र्षाण्युप॑ दध्या॒त्कनी॑य ए॒वास्यान्न॑म्भवति
Sentence: 2 यं का॒मये॑त
Sentence: 3 स॒माव॑द॒स्यान्नं॑ स्या॒दिति॑ मध्य॒तस्तस्योप॑ दध्यात्स॒माव॑दे॒वास्यान्न॑म्भवति
Sentence: 4 यं का॒मये॑त
Sentence: 5 भूयो॒ ऽस्यान्नं॑ स्या॒दित्यन्ते॑षु॒ तस्य॑ व्यु॒दूह्योप॑ दध्यादन्त॒त ए॒वास्मा॒ अन्न॒मव॑ रुन्द्धे॒ भूयो॒ ऽस्यान्न॑म्भवति ॥
Paragraph: 11
Verse: 1
Sentence: 1 स्ते॒गान्दंष्ट्रा॑भ्याम्
Sentence: 2 म॒ण्डूका॒ञ्जम्भ्ये॑भिस् ।
Sentence: 3 आद॑कां खा॒देन॑ ।
Sentence: 4 ऊर्जं॑ संसूदेन ।
Sentence: 5 अर॑ण्यं॒ जाम्बी॑लेन
Sentence: 6 मृद॑म्ब॒र्स्वे॑भिः
Sentence: 7 शर्क॑राभि॒रव॑काम्
Sentence: 8 अव॑काभिः॒ शर्क॑राम्
Sentence: 9 उत्सा॒देन॑ जि॒ह्वाम्
Sentence: 10 अवक्र॒न्देन॒ तालु॑म् ।
Sentence: 11 सर॑स्वतीं जिह्वा॒ग्रेण॑ ॥
Paragraph: 12
Verse: 1
Sentence: 1 वाजं॒ हनू॑भ्याम्
Sentence: 2 अ॒प आ॒स्ये॑न ।
Sentence: 3 आ॑दि॒त्यां छ्मश्रु॑भिस् ।
Sentence: 4 उ॑पया॒ममध॑रेणोष्ठेन
Sentence: 5 सदुत्त॑रेण ।
Sentence: 6 अन्त॑रेणानूका॒शम्
Sentence: 7 प्रका॒शेन॒ बाह्य॑म् ।
Sentence: 8 स्त॑नयि॒नुं नि॑र्बा॒धेन
Sentence: 9 सूर्या॒ग्नी चक्षु॑र्भ्याम् ।
Sentence: 10 वि॒द्युतौ॑ क॒नान॑काभ्याम्
Sentence: 11 अ॒शनि॑म्म॒स्तिष्के॑ण
Sentence: 12 बल॑म्म॒ज्जभिः॑ ॥
Paragraph: 13
Verse: 1
Sentence: 1 कू॒र्माञ्छपैस् ।
Sentence: 2 अ॒छला॑भिः क॒पिञ्ज॑लान् ।
Sentence: 3 साम॒ कुष्ठि॑काभिस् ।
Sentence: 4 ज॒वं जङ्घा॑भिस् ।
Sentence: 5 अ॑ग॒दं जानु॑भ्याम् ।
Sentence: 6 वी॒र्यं॑ कु॒हाभ्या॑म्
Sentence: 7 भ॒यम्प्र॑चा॒लाभ्या॑म् ।
Sentence: 8 गुहो॑पप॒क्षाभ्या॑म्
Sentence: 9 अ॒श्विना॒वंसा॑भ्याम्
Sentence: 10 अदि॑तिं शी॒र्ष्णा
Sentence: 11 निरृ॑तिं॒ निर्जा॑ल्मकेन शी॒र्ष्णा ॥
Paragraph: 14
Verse: 1
Sentence: 1 योक्त्रं॒ गृध्रा॑भिस् ।
Sentence: 2 यु॒गमान॑तेन
Sentence: 3 चि॒त्तम्मन्या॑भिः
Sentence: 4 सङ्क्रो॒शान्प्राणैः
Sentence: 5 प्रका॒शेन॒ त्वच॑म्
Sentence: 6 पराका॒शेनान्त॑राम्
Sentence: 7 म॒शका॒न्केशै॑स् ।
Sentence: 8 इन्द्रं॒ स्वप॑सा॒ वहे॑न
Sentence: 9 बृह॒स्पतिं॑ श्कुनिसा॒देन
Sentence: 10 रथ॑मु॒ष्णिहा॑भिः ॥
Paragraph: 15
Verse: 1
Sentence: 1 मि॒त्रावरु॑णौ॒ श्रोणी॑भ्याम्
Sentence: 2 इन्द्रा॒ग्नी शि॑ख॒ण्डाभ्या॑म्
Sentence: 3 इन्द्रा॒बृह॒स्पती॑ ऊ॒रुभ्या॑म्
Sentence: 4 इन्द्रा॒विष्णू॑ अष्ठी॒वद्भ्या॑म् ।
Sentence: 5 स॑वि॒तार॒म्पुछे॑न
Sentence: 6 गन्ध॒र्वाञ्छेपे॑न ।
Sentence: 7 अ॑प्स॒रसो॑ मु॒स्खाभ्या॑म्
Sentence: 8 पव॑मानम्पा॒युना
Sentence: 9 प॒वित्र॒म्पोत्रा॑भ्याम्
Sentence: 10 आ॒क्रम॑णं स्थू॒राभ्या॑म्
Sentence: 11 प्रति॒क्रम॑णं॒ कुष्ठा॑भ्याम् ॥
Paragraph: 16
Verse: 1
Sentence: 1 इन्द्र॑स्य क्रो॒डस् ।
Sentence: 2 अदि॑त्यै पाज॒स्य॑म् ।
Sentence: 3 दि॒शां ज॒त्रव॑स् ।
Sentence: 4 जी॒मूता॑न्हृदयौप॒शाभ्या॑म्
Sentence: 5 अ॒न्तरि॑क्षम्पुरि॒तता
Sentence: 6 नभ॑ उद॒र्ये॑ण ।
Sentence: 7 इ॑न्द्रा॒णीम्प्ली॒ह्ना
Sentence: 8 व॒ल्मीका॑न्क्लो॒म्ना
Sentence: 9 गि॒रीन्प्ला॒शिभिः
Sentence: 10 समु॒द्रमु॒दरे॑ण
Sentence: 11 वैश्वान॒रम्भस्म॑ना ॥
Paragraph: 17
Verse: 1
Sentence: 1 पू॒ष्णो व॑नि॒ष्ठुस् ।
Sentence: 2 अ॑न्धा॒हे स्थू॑रगु॒दा
Sentence: 3 स॒र्पान्गुदा॑भिस् ।
Sentence: 4 ऋ॒तून्पृ॒ष्टीभि॑स् ।
Sentence: 5 दिव॑म्पृ॒ष्ठेन
Sentence: 6 वसू॑नाम्प्रथ॒मा कीक॑सा
Sentence: 7 रु॒द्राणां॑ द्वि॒तीया॑ ।
Sentence: 8 आ॑दि॒त्यानां॑ तृ॒तीया॑ ।
Sentence: 9 अङ्गि॑रसां चतु॒र्थी
Sentence: 10 सा॒ध्याना॑म्पञ्च॒मी
Sentence: 11 वि॑श्वेषां दे॒वानां॑ ष॒ष्ठी ॥
Paragraph: 18
Verse: 1
Sentence: 1 ओजो॑ ग्री॒वाभि॑स् ।
Sentence: 2 निरृ॑तिम॒स्थभि॑स् ।
Sentence: 3 इन्द्रं॒ स्वप॑सा॒ वहे॑न
Sentence: 4 रु॒द्रस्य॑ विच॒ल स्क॒न्धस् ।
Sentence: 5 अ॑होरा॒त्रयो॑र्द्वि॒तीय॑स् ।
Sentence: 6 अ॑र्धमा॒सानां॑ तृ॒तीय॑स् ।
Sentence: 7 मा॒सां च॑तु॒र्थस् ।
Sentence: 8 ऋ॑तू॒नाम्प॑ञ्च॒मः
Sentence: 9 सं॑वत्स॒रस्य॑ ष॒ष्ठः ॥
Paragraph: 19
Verse: 1
Sentence: 1 आ॑न॒न्दं न॒न्दथु॑ना
Sentence: 2 काम॑म्प्रत्या॒साभ्या॑म्
Sentence: 3 भ॒यं शि॑ती॒मभ्या॑म्
Sentence: 4 प्र॒शिष॑म्प्रशा॒साभ्या॑म् ।
Sentence: 5 सू॑र्याचन्द्र॒मसौ॒ वृक्या॑भ्याम् ।
Sentence: 6 श्या॑मशबलौ॒ मत॑स्नाभ्याम् ।
Sentence: 7 व्यु॑ष्टिं रू॒पेण
Sentence: 8 निम्रु॑क्ति॒मरू॑पेण ॥
Paragraph: 20
Verse: 1
Sentence: 1 अह॑र्मां॒सेन
Sentence: 2 रात्रि॒म्पीव॑सा ।
Sentence: 3 अ॒पो यू॒षेण
Sentence: 4 घृ॒तं रसे॑न्
Sentence: 5 श्यां वस॑या
Sentence: 6 दू॒षीका॑भिर्ह्रा॒दुनि॑म्
Sentence: 7 अश्रु॑भिः॒ पृष्वा॑म् ।
Sentence: 8 दिवं॑ रू॒पेण
Sentence: 9 नक्ष॑त्राणि॒ प्रति॑रूपेण
Sentence: 10 पृथि॒वीं चर्म॑णा
Sentence: 11 छ॒वीं छ॒व्या॑ ।
Sentence: 12 उ॒पाकृ॑ताय॒ स्वाहा॑ ।
Sentence: 13 आल॑ब्धाय॒ स्वाहा
Sentence: 14 हु॒ताय॒ स्वाहा॑ ॥
Paragraph: 21
Verse: 1
Sentence: 1 अ॒ग्नेः प॑क्ष॒तिः
Sentence: 2 सर॑स्वत्यै॒ निप॑क्षतिः
Sentence: 3 सोम॑स्य तृ॒तीया॑ ।
Sentence: 4 अ॒पां च॑तु॒र्थी ।
Sentence: 5 ओष॑धीनाम्पञ्च॒मी
Sentence: 6 सं॑वत्स॒रस्य॑ ष॒ष्ठी
Sentence: 7 म॒रुतां॑ सप्त॒मी
Sentence: 8 बृह॒स्पते॑रष्ट॒मी
Sentence: 9 मि॒त्रस्य॑ नव॒मी
Sentence: 10 वरु॑णस्य दश॒मी ।
Sentence: 11 इन्द्र॑स्यैकाद॒शी
Sentence: 12 विश्वे॑षां दे॒वानां॑ द्वाद॒शी
Sentence: 13 द्यावा॑पृथि॒व्योः पा॒र्श्वम् ।
Sentence: 14 य॒मस्य॑ पाटू॒रः ॥
Paragraph: 22
Verse: 1
Sentence: 1 वा॒योः प॑क्ष॒तिः
Sentence: 2 सर॑स्वतो॒ निप॑क्षतिस् ।
Sentence: 3 च॒न्द्रम॑सस्तृ॒तीया
Sentence: 4 नक्ष॑त्राणां चतु॒र्थी
Sentence: 5 स॑वि॒तुः प॑ञ्च॒मी
Sentence: 6 रु॒द्रस्य॑ ष॒ष्ठी
Sentence: 7 सर्पा॑णां सप्त॒मी ।
Sentence: 8 अ॑र्य॒म्णो॑ ऽष्ट॒मी
Sentence: 9 त्वष्टु॑र्नव॒मी धा॒तुर्द॑श॒मी ।
Sentence: 10 इ॑न्द्रा॒ण्या ए॑काद॒शी ।
Sentence: 11 अदि॑त्यै द्वाद॒शी
Sentence: 12 द्यावा॑पृथि॒व्योः पा॒र्श्वम् ।
Sentence: 13 यम्यै पाटू॒रः ॥
Paragraph: 23
Verse: 1
Sentence: 1 पन्था॑मनू॒वृग्भ्या॑म् ।
Sentence: 2 सन्त॑तिं स्नाव॒न्या॑भ्याम् ।
Sentence: 3 शुका॑न्पि॒त्तेन
Sentence: 4 हरि॒माणं॑ य॒क्ना
Sentence: 5 हली॑क्ष्णान्पापव॒तेन
Sentence: 6 कू॒श्माञ्छक॑भिः
Sentence: 7 शव॒र्तानूव॑ध्येन
Sentence: 8 शुनो॑ वि॒शस॑नेन
Sentence: 9 स॒र्पाँ लो॑हितग॒न्धेन
Sentence: 10 वयां॑सि पक्वग॒न्धेन
Sentence: 11 पि॒पीलि॑काः प्रशा॒देन॑ ॥
Paragraph: 24
Verse: 1
Sentence: 1 क्रमै॒रत्य॑क्रमीद्वा॒जी विश्वै॑र्देवैर्य॒ज्ञियैः॑ संविदा॒नः
Sentence: 2 स नो॑ नय सुकृ॒तस्य॑ लो॒कं तस्य॑ ते व॒यं स्व॒धया॑ मदेम ॥
Paragraph: 25
Verse: 1
Sentence: 1=a द्यौ॑स्ते पृ॒ष्ठम्
Sentence: 2=a पृथि॒वी स॒धस्थ॑म्
Sentence: 3=a आ॒त्मान्तरि॑क्षम् ।
Sentence: 4=a स॑मु॒द्रो योनिः
Sentence: 5=b सूर्य॑स्ते॒ चक्षु॑स् ।
Sentence: 6=b वातः॑ प्रा॒णस् ।
Sentence: 7=b च॒न्द्रमाः॒ श्रोत्र॑म्
Sentence: 8=b मासा॑श्चार्धमा॒षाश्च॒ पर्वा॑णि ।
Sentence: 9=b ऋ॒तवोङ्गा॑नि
Sentence: 10=b संवत्स॒रो म॑हि॒मा ॥
Paragraph: 26
Verse: 1
Sentence: 1 अ॒ग्निः प॒शुरा॑सीत्
Sentence: 2 तेना॑यजन्त
Sentence: 3 स ए॒तं लो॒कम॑जय॒द्यस्मि॑न्न॒ग्निः
Sentence: 4 स ते॑ लो॒कस्
Sentence: 5 तं जे॑ष्यसि ।
Sentence: 6 अथाव॑ जिघ्र
Sentence: 7 वा॒युः प॒शुरा॑सीत्
Sentence: 8 तेना॑यजन्त
Sentence: 9 स ए॒तं लो॒कम॑जय॒द्यस्मि॑न्वा॒युः
Sentence: 10 स ते॑ लो॒कस्
Sentence: 11 तस्मा॑त्त्वा॒न्तरे॑ष्यामि॒ यदि॒ नाव॒जिघ्र॑सि ।
Sentence: 12 आ॑दि॒त्यः प॒शुरा॑सीत्
Sentence: 13 तेना॑यजन्त
Sentence: 14 स ए॒तं लो॒कम॑जय॒द्यस्मि॑न्नादि॒त्यः
Sentence: 15 स ते॑ लो॒कस्
Sentence: 16 तं जे॑ष्यसि॒ यद्य॑व॒जिघ्र॑सि ॥
Book: 6
Chapter: 1
Paragraph: 1
Verse: 1
Sentence: 1 प्रा॒चीन॑वंशं करोति
Sentence: 2 देवमनु॒ष्या दिशो॒ व्य॑भजन्त
Sentence: 3 प्राचीं॑ दे॒वा द॑क्षि॒णा पि॒तरः॑ प्र॒तीची॑म्मनु॒ष्या॒ उदी॑चीं रु॒द्रास् ।
Sentence: 4 यत्प्रा॒चीन॑वंशं क॒रोति॑ देवलो॒कमे॒व तद्यज॑मान उ॒पाव॑र्तते
Sentence: 5 परि॑ श्रयति ।
Sentence: 6 अ॒न्तर्हि॑तो॒ हि दे॑वलो॒को म॑नुष्यलो॒कात् ।
Sentence: 7 नास्माल्लो॒कात्स्वे॑तव्यमि॒वेत्या॑हुः
Sentence: 8 को हि तद्वेद॒ यद्य॒मुष्मिँ॑ लो॒के ऽस्ति॑ वा॒ न वेति
Sentence: 9 धि॒क्ष्व॑तीका॒शान्क॑रोति ॥
Verse: 2
Sentence: 1 उ॒भयो॑र्लो॒कयो॑र॒भिजि॑त्यै
Sentence: 2 केशश्म॒श्रु व॑पते न॒खानि॒ नि कृ॑न्तते
Sentence: 3 मृ॒ता वा ए॒षा त्वग॑मे॒ध्या यत्के॑शश्म॒श्रु
Sentence: 4 मृ॒तामे॒व त्वच॑ममे॒ध्याम॑प॒हत्य॑ य॒ज्ञियो॑ भू॒त्वा मेध॒मुपै॑ति ।
Sentence: 5 अङ्गि॑रसः सुव॒र्गं लो॒कम्यन्तो॒ ऽप्सु दी॑क्षात॒पसी॒ प्रावे॑शयन् ।
Sentence: 6 अ॒प्सु स्ना॑ति
Sentence: 7 सा॒क्षादे॒व दी॑क्षात॒पसी॒ अव॑ रुन्द्धे
Sentence: 8 ती॒र्थे स्ना॑ति
Sentence: 9 ती॒र्थे हि ते ताम्प्रावे॑शयन्
Sentence: 10 ती॒र्थे स्ना॑ति ॥
Verse: 3
Sentence: 1 ती॒र्थमे॒व स॑मा॒नाना॑म्भवति ।
Sentence: 2 अ॒पो॑ ऽश्नाति ।
Sentence: 3 अ॑न्तर॒त ए॒व मेध्यो॑ भवति
Sentence: 4 वास॑सा दीक्षयति
Sentence: 5 सौ॒म्यं वै क्षौमं दे॒वत॑या
Sentence: 6 सोम॑मे॒ष दे॒वता॒मुपै॑ति॒ यो दीक्ष॑ते
Sentence: 7 सोम॑स्य त॒नूर॑सि त॒नुव॑म्मे पा॒हीत्या॑ह
Sentence: 8 स्वामे॒व दे॒वता॒मुपै॑ति ।
Sentence: 9 अथो॑ आ॒शिष॑मेवै॒तां आ शा॑स्ते ।
Sentence: 10 अ॒ग्नेस्तू॑षा॒धान॑म् ।
Sentence: 11 वा॒योर्वा॑त॒पान॑म्
Sentence: 12 पितृ॒णां नी॒विस् ।
Sentence: 13 ओष॑धीनाम्प्रघा॒तः ॥
Verse: 4
Sentence: 1 आ॑दि॒त्याना॑म्प्राचीनता॒नस् ।
Sentence: 2 विश्वे॑षां दे॒वाना॒मोतु॑स् ।
Sentence: 3 नक्ष॑त्राणामतीका॒शास्
Sentence: 4 तद्वा ए॒तत्स॑र्वदेव॒त्यं॒ यद्वास॑स् ।
Sentence: 5 यद्वास॑सा दी॒क्षय॑ति॒ सर्वा॑भिरेवैनं दे॒वता॑भिर्दीक्षयति
Sentence: 6 ब॒हिःप्रा॑णो वै मनु॒ष्य॑स्
Sentence: 7 तस्याश॑नम्प्रा॒णस् ।
Sentence: 8 अ॒श्नाति॒ सप्रा॑ण ए॒व दी॑क्षते ।
Sentence: 9 आशि॑तो भवति
Sentence: 10 यावा॑ने॒वास्य॑ प्रा॒णस्तेन॑ स॒ह मेध॒मुपै॑ति
Sentence: 11 घृ॒तं दे॒वाना॑म्
Sentence: 12 मस्तु॑ पितृ॒णाम् ।
Sentence: 13 निष्प॑क्वम्मनु॒ष्या॑णाम् ।
Sentence: 14 तद्वै॑ ॥
Verse: 5
Sentence: 1 ए॒तत्स॑र्वदेव॒त्यं॒ यन्नव॑नीतम् ।
Sentence: 2 यन्नव॑नीतेनाभ्य॒ङ्क्ते सर्वा॑ ए॒व दे॒वताः॑ प्रीणाति
Sentence: 3 प्रच्यु॑तो॒ वा ए॒षो॒ ऽस्माल्लो॒कादग॑तो देवलो॒कं यो दी॑क्षि॒तस् ।
Sentence: 4 अ॑न्त॒रेव॒ नव॑नीतम् ।
Sentence: 5 तस्मा॒न्नव॑नीतेना॒भ्य॑ङ्क्ते ।
Sentence: 6 अ॑नुलो॒मम् ।
Sentence: 7 यजु॑षा
Sentence: 8 व्यावृ॑त्त्यै ।
Sentence: 9 इन्द्रो॑ वृ॒त्रम॑हन्
Sentence: 10 तस्य॑ क॒नीनि॑का॒ परा॑पतत्
Sentence: 11 तदाञ्ज॑नमभवत् ।
Sentence: 12 यदा॒ङ्क्ते चक्षु॑रे॒व भ्रातृ॑व्यस्य वृङ्क्ते
Sentence: 13 दक्षि॑ण॒म्पूर्व॒माङ्क्ते॑ ॥
Verse: 6
Sentence: 1 स॒व्यं हि पूर्व॑म्मनु॒ष्या॑ आ॒ञ्जते
Sentence: 2 न नि धा॑वते
Sentence: 3 नीव॒ हि म॑नु॒ष्या॒ धाव॑न्ते
Sentence: 4 पञ्च॒ कृत्व॒ आङ्क्ते
Sentence: 5 पञ्चा॑क्षरा प॒ङ्क्तिः
Sentence: 6 पाङ्क्तो॑ य॒ज्ञस् ।
Sentence: 7 य॒ज्ञमे॒वाव॑ रुन्द्धे
Sentence: 8 परि॑मित॒माङ्क्ते॑ ।
Sentence: 9 अप॑रिमितं॒ हि म॑नु॒ष्या॑ आ॒ञ्जते
Sentence: 10 सतू॑ल॒याङ्क्ते॑ ।
Sentence: 11 अप॑तूलया॒ हि म॑नु॒ष्या॑ आ॒ञ्जते
Sentence: 12 व्यावृ॑त्त्यै
Sentence: 13 यदप॑तूलयाञ्जी॒त वज्र॑ इव स्यात्
Sentence: 14 सतू॑ल॒याङ्क्ते॑ मित्र॒त्वाय॑ ॥
Verse: 7
Sentence: 1 इन्द्रो॑ वृ॒त्रम॑हन् ।
Sentence: 2 सो॒ ऽपो॒ ऽभ्य्य॑म्रियत
Sentence: 3 तासां॒ यन्मेध्यं॑ य॒ज्ञियं॒ सदे॑व॒मासी॒त्तदपोद॑क्रामत्
Sentence: 4 ते द॒र्भा अ॑भवन्
Sentence: 5 यद्द॑र्भपुञ्जीलैः प॒वय॑ति॒ या ए॒व मेध्या॑ य॒ज्ञियाः॒ सदे॑वा॒ आप॒स्ताभि॑रेवैनम्पवयति
Sentence: 6 द्वाभ्या॑म्पवयति ।
Sentence: 7 अ॑होरा॒त्राभ्या॑मेवैनम्पवयति
Sentence: 8 त्रि॒भिः प॑वयति
Sentence: 9 त्रय॑ इ॒मे लो॒कास् ।
Sentence: 10 ए॒भिरेवैनं लोकैः पवयति
Sentence: 11 प॒ञ्चभिः॑ ॥
Verse: 8
Sentence: 1 प॑वयति
Sentence: 2 पञ्चा॑क्षरा प॒ङ्क्तिः
Sentence: 3 पाङ्क्तो॑ य॒ज्ञस् ।
Sentence: 4 य॒ज्ञायैवैनम्पवयति
Sentence: 5 ष॒ड्भिः प॑वयति
Sentence: 6 षड्वा ऋ॒तव॑स् ।
Sentence: 7 ऋ॒तुभि॑रेवैनम्पवयति
Sentence: 8 स॒प्तभिः॑ पवयति
Sentence: 9 स॒प्त छन्दां॑सि
Sentence: 10 छन्दो॑भिरेवैनम्पवयति
Sentence: 11 न॒वभिः॑ पवयति
Sentence: 12 नव वै॒ पुरु॑षे प्रा॒णाः
Sentence: 13 सप्रा॑णमेवैनम्पवयति ।
Sentence: 14 एक॑विंशत्या पवयति
Sentence: 15 दश॒ हस्त्या॑ अ॒ङ्गुल॑यो॒ दश॒ पद्या॑ आत्मैकविं॒शस् ।
Sentence: 16 यावा॑ने॒व पुरु॑ष॒स्तमप॑रिवर्गम् ॥
Verse: 9
Sentence: 1 प॑वयति
Sentence: 2 चि॒त्पति॑स्त्वा पुना॒त्वित्या॑ह
Sentence: 3 मनो वै चि॒त्पति॑स् ।
Sentence: 4 मन॑सैवैनम्पवयति
Sentence: 5 वा॒क्पति॑स्त्वा पुना॒त्वित्या॑ह
Sentence: 6 वाचैवैनम्पवयति
Sentence: 7 दे॒वस्त्वा॑ सवि॒ता पु॑ना॒त्वित्या॑ह
Sentence: 8 सवितृप्रसू॒त एवैनम्पवयति
Sentence: 9 तस्य॑ ते पवित्रपते प॒वित्रे॑ण॒ यस्मै॒ कम्पु॑ने॒ तच्छ॑केय॒मित्या॑ह ।
Sentence: 10 आ॒शिष॑मेवै॒तामा शा॑स्ते ॥
Paragraph: 2
Verse: 1
Sentence: 1 याव॑न्तो वै दे॒वा य॒ज्ञायापु॑नत॒ त ए॒वाभ॑वन्
Sentence: 2 य ए॒वं वि॒द्वान्य॒ज्ञाय॑ पुनी॒ते भव॑त्ये॒व
Sentence: 3 ब॒हिः प॑वयि॒त्वान्तः प्र पा॑दयति
Sentence: 4 मनुष्यलो॒क एवैनम्पवयि॒त्वा पू॒तं दे॑वलो॒कम्प्र ण॑यति ।
Sentence: 5 अदी॑क्षित॒ एक॑याहु॒त्येत्या॑हुः
Sentence: 6 स्रु॒वेण॒ चत॑स्रो जुहोति दीक्षित॒त्वाय॑ स्रु॒चा प॑ञ्च॒मीम्
Sentence: 7 पञ्चाक्ष॑रा पङ्कि॒तिः
Sentence: 8 पाङ्क्तो॑ य॒ज्ञस् ।
Sentence: 9 य॒ज्ञमे॒वाव॑ रुन्द्धे ।
Sentence: 10 आकू॑त्यै प्र॒युजे॒ ऽग्नये॑ ॥
Verse: 2
Sentence: 1 स्वाहेत्या॑ह ।
Sentence: 2 आकू॑त्या॒ हि पुरु॑षो य॒ज्ञम॒भि प्र॑यु॒ङ्क्ते
Sentence: 3 यजे॒येति
Sentence: 4 मे॒धायै॒ मन॑से॒ ऽग्नये॒ स्वाहेत्या॑ह
Sentence: 5 मे॒धया॒ हि मन॑सा॒ पुरु॑षो य॒ज्ञम॑भि॒गछ॑ति
Sentence: 6 सर॑स्वत्यै पू॒ष्णे॒ ऽग्नये॒ स्वाहेत्या॑ह
Sentence: 7 वाग्वै॒ सर॑स्वती पृथि॒वी पू॒षा
Sentence: 8 वाचै॒व पृ॑थि॒व्या य॒ज्ञम्प्र यु॑ङ्क्ते ।
Sentence: 9 आपो॑ देवीर्बृहतीर्विश्वशम्भुव॒ इत्या॑ह
Sentence: 10 या वै॒ वर्ष्या॒स्ताः ॥
Verse: 3
Sentence: 1 आपो॑ दे॒वीर्बृ॑ह॒तीर्वि॒श्वश॑म्भुवस् ।
Sentence: 2 यदे॒तद्यजु॒र्न ब्रू॒याद्दि॒व्या आपो॑ ऽशान्ता इ॒मं लो॒कमा ग॑छेयुस् ।
Sentence: 3 आपो॑ देवीर्बृहतीर्विश्वशम्भुव॒ इत्या॑ह ।
Sentence: 4 अ॒स्मा एवैना लो॒काय॑ शमयति
Sentence: 5 तस्मा॑च्छा॒न्ता इ॒मं लो॒कमा ग॑छन्ति
Sentence: 6 द्यावा॑पृथि॒वी इत्या॑ह
Sentence: 7 द्यावा॑पृथि॒व्योर्हि य॒ज्ञस् ।
Sentence: 8 उ॒र्व॒न्तरि॑क्ष॒मित्या॑ह ।
Sentence: 9 अ॒न्तरि॑क्षे॒ हि य॒ज्ञस् ।
Sentence: 10 बृह॒स्पति॑र्नो ह॒विषा॑ वृधातु ॥
Verse: 4
Sentence: 1 इत्या॑ह
Sentence: 2 ब्रह्म वै दे॒वाना॒म्बृह॒स्पति॑स् ।
Sentence: 3 ब्रह्म॑णै॒वास्मै॑ य॒ज्ञमव॑ रुन्द्धे
Sentence: 4 यद्ब्रू॒यात् ।
Sentence: 5 वि॑धे॒रिति॑ यज्ञस्था॒णुमृ॑छेत् ।
Sentence: 6 वृ॑धा॒त्वित्या॑ह यज्ञस्था॒णुमे॒व परि॑ वृणक्ति
Sentence: 7 प्र॒जाप॑तिर्य॒ज्ञम॑सृजत
Sentence: 8 सो॑ ऽस्मात्सृ॒ष्टः परा॑ऐत्
Sentence: 9 स प्र यजु॒रव्ली॑ना॒त्प्र साम
Sentence: 10 तमृगुद॑यछत् ।
Sentence: 11 यदृगु॒दय॑छ॒त्तऔ॑द्ग्रह॒णस्यौ॑द्ग्रहण॒त्वम्
Sentence: 12 ऋ॒चा ॥
Verse: 5
Sentence: 1 जु॑होति य॒ज्ञस्योद्य॑त्यै ।
Sentence: 2 अ॑नु॒ष्टुप्छन्द॑सा॒मुद॑यछ॒दित्या॑हुस्
Sentence: 3 तस्मा॑दनु॒ष्टुभा॑ जुहोति
Sentence: 4 य॒ज्ञस्योद्य॑त्यै
Sentence: 5 द्वाद॑श वात्सब॒न्धान्युद॑यछ॒न्नित्या॑हुस्
Sentence: 6 तस्मा॑द्द्वाद॒शभि॑र्वात्सबन्ध॒विदो॑ दीक्षयन्ति
Sentence: 7 सा वा ए॒षर्ग्नु॒ष्टुग्^नु॒ष्तुभ्
Sentence: 8 वाग्नु॒ष्टुग्^नु॒ष्तुभ्
Sentence: 9 यदे॒तय॒र्चा दी॒क्षय॑ति वाचैवैनं॒ सर्व॑या दीक्षयति
Sentence: 10 विश्वे॑ दे॒वस्य॑ ने॒तुरित्या॑ह सावि॒त्र्ये॒तेन
Sentence: 11 मर्तो॑ वृणीत स॒ख्यम् ॥
Verse: 6
Sentence: 1 इत्या॑ह पितृदेवत्यै॒तेन
Sentence: 2 विश्वे॑ रा॒य इ॑षुध्य॒सीत्या॑ह वैश्वदे॒व्ये॒तेन
Sentence: 3 द्यु॒म्नं वृ॑णीत पु॒ष्यस॒ इत्या॑ह पौ॒ष्ण्ये॒तेन
Sentence: 4 सा वा ए॒षर्क्स॑र्वदेव॒त्या
Sentence: 5 यदे॒तय॒र्चा दी॒क्षय॑ति॒ सर्वा॑भिरेवैनं दे॒वता॑भिर्दीक्षयति
Sentence: 6 स॒प्ताक्ष॑रम्प्रथ॒मम्प॒दम॒ष्टाक्ष॑राणि॒ त्रीणि
Sentence: 7 यानि॒ त्रीणि॒ तान्य॒ष्टावुप॑ यन्ति
Sentence: 8 यानि॑ च॒त्वारि॒ तान्यष्टौ
Sentence: 9 यद॒ष्ताक्ष॑रा॒ तेन॑ ॥
Verse: 7
Sentence: 1 गा॑य॒त्री
Sentence: 2 यदेका॑दशाक्षरा॒ तेन त्रि॒ष्टुग्^त्रि॒ष्टुभ्
Sentence: 3 यद्द्वाद॑शाक्षरा॒ तेन॒ जग॑ती॒ सावा॑ ए॒षर्क्सर्वा॑णि॒ छन्दां॑सि
Sentence: 4 यदे॒तय॒र्चा दी॒क्षय॑ति॒ सर्वे॑भिरेवैनं॒ छन्दो॑भिर्दीक्षयति
Sentence: 5 स॒प्ताक्ष॑रम्प्रथ॒मम्प॒दम् ।
Sentence: 6 स॒प्तप॑दा शक्वरी
Sentence: 7 प॒शवः॒ शक्व॑री
Sentence: 8 प॒शूने॒वाव॑ रुन्द्धे ।
Sentence: 9 एक॑स्माद॒क्षरा॒दना॑प्तम्प्रथ॒मम्प॒दम् ।
Sentence: 10 तस्मा॒द्यद्वा॒चो ऽना॑प्तं॒ तन्म॑नु॒ष्या॒ उप॑ जीवन्ति
Sentence: 11 पू॒र्णया॑ जुहोति
Sentence: 12 पू॒र्ण इ॑व॒ हि प्र॒जाप॑तिः
Sentence: 13 प्र॒जाप॑ते॒राप्त्यै
Sentence: 14 न्यू॑नया जुहोति
Sentence: 15 न्यू॑ना॒द्धि प्र॒जाप॑तिः प्र॒जा असृ॑जत प्र॒जानां॒ सृष्ट्यै॑ ॥
Paragraph: 3
Verse: 1
Sentence: 1 ऋ॑क्सा॒मे वै॑ दे॒वेभ्यो॑ य॒ज्ञायाति॑ष्ठमाने॒ कृष्णो॑ रू॒पं कृ॒त्वाप॒क्रम्या॑तिष्ठताम् ।
Sentence: 2 ते॑ ऽमन्यन्त
Sentence: 3 यं वा इ॒मे उ॑पाव॒र्त्स्यतः॒ स इ॒दं भ॑विष्य॒तीति॒ ते उपा॑मन्त्रय॒न्त्ते अ॑होरा॒त्रयो॑र्महि॒मय॑ दे॒वानु॒पाव॑र्तेताम्
Sentence: 4 ए॒ष वा ऋ॒चो वर्णो॒ यच्छु॒क्लं कृ॒ष्णाजि॒नस्य॑ ।
Sentence: 5 ए॒ष साम्नो॒ यत्कृ॒ष्णम्
Sentence: 6 ऋक्सा॒मयोः॑ शिल्पे स्थ॒ इत्या॑ह ।
Sentence: 7 ऋ॑क्सा॒मे ए॒वाव॑ रुन्धे ।
Sentence: 8 ए॒षः ॥
Verse: 2
Sentence: 1 वा अह्नो॒ वर्णो॒ यच्छु॒क्लं कृ॑ष्णाजि॒नस्यै॒ष रात्रि॑या॒ यत्कृ॒ष्णं यदेवैनयो॒स्तत्र॒ न्य॑क्तं॒ तदे॒वाव॑ रुन्द्धे
Sentence: 2 कृष्णाजि॒नेन॑ दीषयति॒ ब्रह्म॑णो॒ वा ए॒तद्रू॒पं यत्कृ॑ष्णाजि॒नम्ब्रह्म॑णैवैनं दीक्षयति ।
Sentence: 3 इ॒मां धियं॒ शिक्ष॑माणस्य दे॒वेत्या॑ह यथाय॒जुरेवै॒तत् ।
Sentence: 4 गर्भो॒ वा ए॒ष यद्दी॑क्षि॒त उल्बं॒ वासः॒ प्रोर्णु॑ते॒ तस्मा॑त् ॥
Verse: 3
Sentence: 1 गर्भाः॒ प्रावृ॑ता जायन्ते
Sentence: 2 न पु॒रा सोम॑स्य क्र॒यादपो॑र्ण्वीत॒ यत्पु॒रा सोम॑स्य क्र॒याद॑पोर्ण्वी॒त गर्भाः॑ प्र॒जाना॑म्�॑काः स्युः
Sentence: 3 क्री॒ते सोमे ऽपो॑र्णुते॒ जाय॑त ए॒व तदथो॒ यथा॒ वसी॑यांसम्प्रत्यपोर्णु॒ते ता॒दृगे॒व तद्
Sentence: 4 अङ्गि॑रसः सुव॒र्गं लो॒कं यन्त॒ ऊर्जं॒ व्य॑भजन्त॒ ततो॒ यद॒त्यशि॑ष्यत॒ ते श॒रा अ॑भव॒न्नूर्ग्वै॑ श॒रा यच्छ॑र॒मयी॑ ॥
Verse: 4
Sentence: 1 मेख॑ला॒ भव॒त्यूर्ज॑मे॒वाव॑ रुन्द्धे
Sentence: 2 मध्य॒तः सं न॑ह्यति मध्य॒त ए॒वास्मा॒ ऊर्जं॑ दधाति॒ तस्मा॑न्मध्य॒त ऊ॒र्जा भु॑ञ्जते ।
Sentence: 3 ऊ॒र्ध्वं वै॒ पुरु॑षस्य॒ नाभ्यै॒ मेध्य॑मवा॒चीन॑ममे॒ध्यं यन्म॑ध्य॒तः सं॒नह्य॑ति॒ मेध्यं॑ चै॒वास्या॑मे॒ध्यं च॒ व्याव॑र्तयति ।
Sentence: 4 इन्द्रो॑ वृ॒त्राय॒ वज्र॒म्प्राह॑र॒त्स त्रे॒धा व्य॑भव॒त्स्प्यस्तृती॑यं॒ रथ॒स्तृती॑यं॒ यूप॒स्तृती॑यम् ॥
Verse: 5
Sentence: 1 ये॑ ऽन्तःश॒रा अशी॑र्यन्त॒ ते श॒रा अ॑भव॒न्तच्छ॒राणां॑ शर॒त्वम्
Sentence: 2 वज्रो वै श॒राः क्षुत्खलु वै मनु॒ष्य॑स्य॒ भ्रातृ॑व्यो॒ यच्छ॑र॒मयी॒ मेख॑ला॒ भव॑ति॒ वज्रे॑णै॒व सा॒क्षात्क्षुध॒म्भ्रातृ॑व्यम्मध्य॒तो ऽप॑ हते
Sentence: 3 त्रि॒वृद्भ॑वति त्रि॒वृद्वै॑ प्रा॒णस्त्रि॒वृत॑मे॒व प्रा॒णम्म॑ध्य॒तो यज॑माने दधाति
Sentence: 4 पृ॒थ्वी भ॑वति॒ रज्जू॑नां॒ व्यावृ॑त्त्यै
Sentence: 5 मेख॑लया॒ यज॑मानं दीक्षयति॒ योक्त्रे॑ण॒ पत्नी॑म्मिथुन॒त्वाय॑ ॥
Verse: 6
Sentence: 1 य॒ज्ञो दक्षि॑णाम॒भ्य॑ध्याय॒त्तां सम॑भव॒त्तदिन्द्रो॑ ऽचाय॒त्सो॑ ऽमन्यत॒ यो वा इ॒तो ज॑नि॒ष्यते॒ स इ॒दम्भ॑विष्य॒तीति॒ ताम्प्रावि॑श॒त्तस्या॒ इन्द्र॑ ए॒वाजा॑यत
Sentence: 2 सो॑ ऽमन्यत
Sentence: 3 यो वै॒ मदि॒तो ऽप॑रो जनि॒ष्यते॒ स इ॒दम्भ॑विष्य॒तीति॒ तस्या॑ अनु॒मृश्य॒ योनि॒माछि॑न॒त्सा सू॒तव॑शाभव॒त्तत्सू॒त व॑शायै॒ जन्म॑ ॥
Verse: 7
Sentence: 1 तां हस्ते॒ न्य॑वेष्टयत॒ ताम्मृ॒गेषु॒ न्य॑दधा॒त्सा कृ॑ष्णविषा॒णाभ॑व॒दिन्द्र॑स्य॒ योनि॑रसि॒ मा मा॑ हिंसी॒रिति॑ कृष्णविषा॒णाम्प्र य॑छति॒ सयो॑निमे॒व य॒ज्ञं क॑रोति॒ सयो॑निं॒ दक्षि॑णां॒ सयो॑नि॒मिन्द्रं॑ सयोनि॒त्वाय
Sentence: 2 कृष्यै॒ त्वा सु॑स॒स्याया॒ इत्या॑ह॒ तस्मा॑दकृष्टप॒च्या ओष॑धयः पच्यन्ते
Sentence: 3 सुपिप्प॒लाभ्यस्त्वौषधीभ्य॒ इत्या॑ह॒ तस्मा॒दोष॑धयः॒ पलं॑ गृह्णन्ति
Sentence: 4 यद्धस्ते॑न ॥
Verse: 8
Sentence: 1 क॑ण्डू॒येत॑ पामन॒म्भावु॑काः प्र॒जाः स्यु॒र्यत्स्मये॑त नग्न॒म्भावु॑काः
Sentence: 2 कृष्णविषा॒णया॑ कण्डूयते ऽपि॒गृह्य॑ स्मयते प्र॒जानां॑ गोपी॒थाय
Sentence: 3 न पु॒रा दक्षि॑णाभ्यो॒ नेतोः॑ कृष्णविषा॒णामव॑ चृते॒द्यत्पु॒रा दक्षि॑णाभ्यो॒ नेतोः॑ कृष्णविष�निः॑ प्र॒जाना॑म्परा॒पातु॑का स्यात् ।
Sentence: 4 नी॒तासु॒ दक्षि॑णासु॒ चात्वा॑ले कृष्णविषा॒णाम्प्रास्य॑ति॒ योनिर्वै य॒ज्ञस्य॒ चात्वा॑लं॒ योनिः॑ ऋष्णविषा॒णा योना॑वे॒व योनिं॑ दधाति य॒ज्ञस्य॑ सयोनि॒त्वाय॑ ॥
Paragraph: 4
Verse: 1
Sentence: 1 वाग्वै॑ दे॒वेभ्यो ऽपा॑क्राम॒द्यज्ञा॒याति॑ष्ठमाना॒ सा वन॒स्पती॒न्प्रावि॑शत्सै॒षा वाग्वन॒स�॑षु वदति॒ या दु॑न्दुभौ॒ या तूण॑वे॒ या वीणा॑याम् ।
Sentence: 2 यद्दी॑क्षितद॒ण्डम्प्र॒यछ॑ति॒ वाच॑मे॒वाव॑ रुन्द्धे ।
Sentence: 3 अौ॑दुम्बरो भव॒त्यूर्ग्वा उ॑दु॒म्बर॒ ऊर्ज॑मे॒वाव॑ रुन्द्धे
Sentence: 4 मुखे॑न॒ सम्मि॑तो भवति मुख॒त ए॒वास्मा॒ ऊर्जं॑ दधाति॒ तस्मा॑न्मुख॒त ऊ॒र्जा भु॑ञ्जते ॥
Verse: 2
Sentence: 1 क्री॒ते सोमे॑ मैत्रावरु॒णाय॑ द॒ण्डम्प्र य॑छति मैत्रावरु॒णो हि पु॒रस्ता॑दृ॒त्विग्भ्यो॒ वाचं॑ वि॒भज॑ति॒ तामृ॒त्विजो॒ यज॑माने॒ प्रति॑ ष्ठापयन्ति
Sentence: 2 स्वाहा॑ य॒ज्ञम्मन॒सेत्या॑ह॒ मन॑सा॒ हि पुरु॑षो य॒ज्ञम॑भि॒गछ॑ति
Sentence: 3 स्वाहा॒ द्व्यावा॑पृथि॒व्यीभ्या॒मित्या॑ह॒ द्यावा॑पृथि॒व्योर्हि य॒ज्ञः
Sentence: 4 स्वाहो॒रोर॒न्तरि॑क्षा॒दित्या॑हा॒न्तरि॑क्षे॒ हि य॒ज्ञः स्वाहा॑ य॒ज्ञं वाता॒दार॑भ॒ इत्या॑हाम् ॥
Verse: 3
Sentence: 1 वाव यः पव॑ते॒ स य॒ज्ञस्तमे॒व सा॒क्षादा र॑भते
Sentence: 2 मु॒ष्टी क॑रोति॒ वाचं॑ यछति य॒ज्ञस्य॒ धृत्यै॑ ।
Sentence: 3 अदी॑क्षिष्टा॒यम्ब्रा॑ह्म॒ण इति॒ त्रिरु॑पां॒श्वा॑ह दे॒वेभ्य॑ एवैन॒म्प्राह॒ त्रिरुच्चैरु॒भ�॑भ्य एवैनं देवमनु॒ष्येभ्यः॒ प्राह
Sentence: 4 न पु॒रा नक्ष॑त्रेभ्यो॒ वाचं॒ वि सृ॑जेत् ।
Sentence: 5 यत्पु॒रा नक्ष॑त्रेभ्यो॒ वाचं॑ विसृ॒जेद्य॒ज्ञं वि छि॑न्द्यात् ॥
Verse: 4
Sentence: 1 उदि॑तेषु॒ नक्ष॑त्रेषु व्र॒तं कृ॑णु॒तेति॒ वाचं॒ वि सृ॑जति य॒ज्ञव्र॑तो वै दीक्षि॒तो य॒ज्ञमे॒व�भि वाचं॒ वि सृ॑जति
Sentence: 2 यदि॑ विसृ॒जेद्वै॑ष्ण॒वीमृच॒मनु॑ ब्रूयाद्य॒ज्ञो वै॒ विष्णु॑र्य॒ज्ञेनै॒व य॒ज्ञं सं त॑नोति
Sentence: 3 दैवीं॒ धिय॑म्मनामह॒ इत्या॑ह य॒ज्ञमे॒व तन्म्र॑दयति
Sentence: 4 सुपा॒रा नो॑ अस॒द्वश॒ इत्या॑ह॒ व्यु॑ष्टिमे॒वाव॑ रुन्द्धे ॥
Verse: 5
Sentence: 1 ब्र॑ह्मवा॒दिनो॑ वदन्ति
Sentence: 2 होत॒व्यं॑ दीक्षि॒तस्य॑ गृ॒हासि॒ न हो॑त॒व्या३मिति
Sentence: 3 ह॒विर्वै॑ दीक्षि॒तो यज्जु॑हु॒याद्यज॑मानस्याव॒दाय॑ जुहुया॒द्यन्न जु॑हु॒याद्य॑ज्ञप॒रुर॒न्�॒द्ये दे॒वा मनो॑जाता मनो॒युज॒ इत्या॑ह
Sentence: 4 प्रा॒णा वै॑ दे॒वा मनो॑जाता मनो॒युज॑स्
Sentence: 5 तेष्वे॒व प॒रोऽक्षं॑ जुहोति
Sentence: 6 तन्नेव॑ हु॒तं नेवाहु॑तम् ।
Sentence: 7 स्व॒पन्तं वै दीक्षि॒तं रक्षां॑सि जिघांसन्त्य॒ग्निः ॥
Verse: 6
Sentence: 1 खलु वै रक्षो॒हाग्ने॒ त्वं सु जा॑गृहि व॒यं सु म॑न्दिषीम॒हीत्या॑हा॒ग्निमे॒वाधि॒पां कृ॒त्वा स्व॑पिति
Sentence: 2 रक्ष॑सा॒मप॑हत्यै ।
Sentence: 3 अ॑व्र॒त्यमि॑व॒ वा ए॒ष क॑रोति॒ यो दी॑क्षि॒तः स्वपि॑ति॒ त्वम॑ग्ने व्रत॒पा अ॒सीत्या॑हा॒ग्निर्वै॑ दे॒वानां॑ व्र॒तप॑तिः॒ स एवैनं व्र॒तमाल॑म्भयति
Sentence: 4 दे॒व आ मर्त्ये॒ष्वेत्या॑ह
Sentence: 5 दे॒वः ॥
Verse: 7
Sentence: 1 ह्ये॒ष सन्मर्त्ये॑षु
Sentence: 2 त्वं य॒ज्ञेष्वीड्य॒ इत्या॑है॒तं हि यज्ञे॒ष्वीड॑ते ।
Sentence: 3 अप वै दीक्षि॒तात्सु॑षु॒पुष॑ इन्द्रि॒यं दे॒वताः॑ क्रामन्ति
Sentence: 4 विश्वे॑ दे॒वा अ॒भि मामाव॑वृत्र॒न्नित्या॑ह ।
Sentence: 5 इ॑न्द्रि॒येणैवैनं दे॒वता॑भिः॒ सं न॑यति
Sentence: 6 यदे॒तद्यजु॒र्न ब्रू॒याद्याव॑त ए॒व प॒शून॒भि दीक्षे॑त॒ ताव॑न्तो ऽस्य प॒शवः॑ स्यू॒ रास्वेय॑त् ॥
Verse: 8
Sentence: 1 सो॒मा भूयो॑ भ॒रेत्या॒हाप॑रिमिताने॒व प॒शूनव॑ रुन्द्धे
Sentence: 2 च॒न्द्रम॑सि॒ मम॒ भोगा॑य भ॒वेत्या॑ह
Sentence: 3 यथादेव॒तमेवैनाः॒ प्रति॑ गृह्णाति
Sentence: 4 वा॒यवे॑ त्वा॒ वरु॑णाय॒ त्वेति॒ यदे॒वमे॒ता नानु॑दि॒शेदय॑था देवतं॒ दक्षि॑णा गमये॒दा दे॒वता॑भ्यो वृश्च्येत
Sentence: 5 यदे॒वमे॒ता अ॑नुदि॒शति॑ यथादेव॒तमे॒व दक्षि॑णा गमयति॒ न दे॒वता॑भ्य॒ आ वृ॑श्च्यते
Verse: 9
Sentence: 1 देवी॑रापो अपां नपा॒दित्या॑ह
Sentence: 2 यद्वो॒ मेध्यं॑ य॒ज्ञियं॒ सदे॑वं॒ तद्वो॒ माव॑ क्रमिष॒मिति॒ वावै॒तदा॑ह ।
Sentence: 3 अछि॑न्नं॒ तन्तु॑म्पृथि॒व्या अनु॑ गेष॒मित्या॑ह॒ सेतु॑मे॒व कृ॒त्वात्ये॑ति ॥
Paragraph: 5
Verse: 1
Sentence: 1 दे॒वा वै॑ देव॒यज॑नमध्यव॒साय॒ दिशो॒ न प्राजा॑न॒न्ते॒ ऽन्यो॒ऽन्यमुपा॑धावन्
Sentence: 2 त्वया॒ प्र जा॑नाम॒ त्वयेति॒ तेदि॑त्यां॒ सम॑ध्रियन्त
Sentence: 3 त्वया॒ प्र जा॑ना॒मेति॒ साब्र॑वी॒द्वरं॑ वृणै॒ मत्प्रा॑यणा ए॒व वो॑ य॒ज्ञा मदु॑दयना अस॒न्निति
Sentence: 4 तस्मा॑दादि॒त्यः प्रा॑य॒णीयो॑ य॒ज्ञाना॑मादि॒त्य उ॑दय॒नीयः
Sentence: 5 पञ्च॑ दे॒वता॑ यजति॒ पञ्च॒ दिशो॑ दि॒शाम्प्रज्ञा॑त्यै ॥
Verse: 2
Sentence: 1 अथो॒ पञ्चा॑क्षरा प॒ङ्क्तिः पाङ्क्तो॑ य॒ज्ञो य॒ज्ञमे॒वाव॑ रुन्द्धे
Sentence: 2 पथ्यां॑ स्व॒स्तिम॑यज॒न्प्राची॑मे॒व तया॒ दिश॒म्प्राजा॑नन्न॒ग्निना॑ दक्षि॒णा सोमे॑न प्र॒तीचीं॑ सवि॒त्रोदी॑ची॒मदि॑त्यो॒र्ध्वाम्
Sentence: 3 पथ्यां॑ स्व॒स्तिं य॑जति॒ प्राची॑मे॒व तया॒ दिश॒म्प्र जा॑नाति
Sentence: 4 पथ्यां॑ स्व॒स्तिमि॒ष्ट्वाग्नीषोमौ॑ यजति॒ चक्षु॑षी॒ वा ए॒ते य॒ज्ञस्य॒ यद॒ग्नीषोमौ॒ ताभ्या॑म�नु॑ पश्यति ॥
Verse: 3
Sentence: 1 अ॒ग्नीषोमा॑वि॒ष्ट्वा स॑वि॒तारं॑ यजति सवितृप्रसू॒त ए॒वानु॑ पश्यति
Sentence: 2 सवि॒तार॑मि॒ष्ट्वादि॑तिं यजती॒यं वा अदि॑तिर॒स्यामे॒व प्र॑ति॒ष्ठायानु॑ पश्यति ।
Sentence: 3 अदि॑तिमि॒ष्ट्वा मा॑रु॒तीमृच॑म॒न्वाह॑ वि॒शां कॢप्त्यै
Sentence: 4 ब्रह्मवा॒दिनो॑ वदन्ति
Sentence: 5 प्रया॒जव॑दननूया॒जम्प्रा॑य॒णीयं॑ का॒र्य॑मनूया॒जव॑त् ॥
Verse: 4
Sentence: 1 अ॑प्रया॒जमु॑दय॒नीय॒मिति॑ ।
Sentence: 2 इ॒मे वै॑ प्रया॒जा अ॒मी अ॑नूया॒जाः सै॒व सा य॒ज्ञस्य॒ सन्त॑तिस्
Sentence: 3 तत्तथा॒ न का॒र्य॑मा॒त्मा वै॑ प्रया॒जाः प्र॒जानू॑या॒जा यत्प्र॑या॒जान॑न्तरि॒यादा॒त्मान॑म॒न्तः॒ खलु वै य॒ज्ञस्य॒ वित॑तस्य॒ न क्रि॒यते॒ तदनु॑ य॒ज्ञः परा॑ भवति
Sentence: 4 य॒ज्ञम्प॑रा॒भव॑न्तं॒ यज॑मा॒नो ऽनु॑ ॥
Verse: 5
Sentence: 1 परा॑ भवति
Sentence: 2 प्रया॒जव॑दे॒वानू॑या॒जव॑त्प्राय॒णीयं॑ का॒र्य॑म्प्रया॒जव॑दनूया॒जव॑दुदय॒नीयं॒ नात्मान॑मन्�ति॒ न प्र॒जां न य॒ज्ञः प॑रा॒भव॑ति॒ न यज॑मानः
Sentence: 3 प्राय॒णीय॑स्य निष्का॒स उ॑दय॒नीय॑म॒भि निर्व॑पति सै॒व सा य॒ज्ञस्य॒ सन्त॑तिस् ।
Sentence: 4 याः प्रा॑य॒णीय॑स्य या॒ज्या॒ यत्ता उ॑दय॒नीय॑स्य या॒ज्याः॑ कु॒र्यात्परा॑ङ॒मुं लो॒कमा रो॑हेत्प्र॒मायु॑कः स्यात् ।
Sentence: 5 याः प्रा॑य॒णीय॑स्य पुरोऽनुवा॒क्या॒स्ता उ॑दय॒नीय॑स्य या॒ज्याः॑ करोत्य॒स्मिन्ने॒व लो॒के प्रति॑ तिष्ठति ॥
Paragraph: 6
Verse: 1
Sentence: 1 क॒द्रूश्च वै सुप॒र्णी चा॑त्मरू॒पयो॑रस्पर्धेताम् ।
Sentence: 2 सा क॒द्रूः सु॑प॒र्णीम॑जयत्
Sentence: 3 साब्र॑वीत्
Sentence: 4 तृ॒तीय॑स्यामि॒तो दि॒वि सोम॒स्तमा ह॑र॒ तेना॒त्मानं॒ निष्क्री॑णी॒ष्वेति॑ ।
Sentence: 5 इ॒यं वै॑ क॒द्रूरसौ सुप॒र्णी
Sentence: 6 छन्दां॑सि सौपर्णे॒याः
Sentence: 7 साब्र॑वीत् ।
Sentence: 8 अस्मै वै पि॒तरौ॑ पु॒त्रान्बि॑भ्रितस्तृ॒तीय॑स्यामि॒तो दि॒वि सोम॒स्तमा ह॑र॒ तेना॒त्मानं॒ निष्क्री॑णीष्व ॥
Verse: 2
Sentence: 1 इति॑ मा क॒द्रूर॑वोच॒दिति
Sentence: 2 जग॒त्युद॑पत॒च्चतु॑र्दशाक्षरा स॒ती
Sentence: 3 साप्रा॑प्य॒ न्य॑वर्तत
Sentence: 4 तस्यै॒ द्वे अ॒क्षरे॑ अमीयेताम् ।
Sentence: 5 सा प॒शुभि॑श्च दी॒क्षया॒ चाग॑छत्
Sentence: 6 तस्मा॒ज्जग॑ती॒ छन्द॑साम्पश॒व्य॑तमा
Sentence: 7 तस्मा॑त्पशु॒मन्तं॑ दी॒क्षोप॑ नमति
Sentence: 8 त्रि॒ष्टुगुद॑पत॒त्त्रयो॑दशाक्षरा स॒ती
Sentence: 9 साप्रा॑प्य॒ न्य॑वर्तत
Sentence: 10 तस्यै॒ द्वे अ॒क्षरे॑ अमीयेताम् ।
Sentence: 11 सा दक्षि॑णाभिश्च ॥
Verse: 3
Sentence: 1 तप॑सा॒ चाग॑छत्
Sentence: 2 तस्मा॑त्त्रि॒ष्टुभो॑ लो॒के माध्यं॑दिने॒ सव॑ने॒ दक्षि॑णा नीयन्ते ।
Sentence: 3 ए॒तत्खलु॒ वाव तप॒ इत्या॑हु॒र्यः स्वं ददा॒तीति
Sentence: 4 गाय॒त्र्युद॑पत॒च्चतु॑रक्षरा स॒त्य॒जया॒ ज्योति॑षा
Sentence: 5 तम॑स्या अ॒जाभ्य॑रुन्द्ध
Sentence: 6 तद॒जाया॑ अज॒त्वम् ।
Sentence: 7 सा सोमं॒ चाह॑रच्च॒त्वारि॑ चा॒क्षरा॑णि
Sentence: 8 साष्टाक्ष॑रा॒ सम॑पद्यत
Sentence: 9 ब्रह्मवा॒दिनो॑ वदन्ति ॥
Verse: 4
Sentence: 1 कस्मा॑त्स॒त्याद्{F गाय॒त्री{W गा॑यत्री{GLOS गाय॒त्री कनि॑ष्ठा॒ छन्द॑सां स॒ती य॑ज्ञमु॒खम्परी॑या॒येति
Sentence: 2 यदे॒वादः॒ सोम॒माह॑र॒त्तस्मा॑द्यज्ञमु॒खम्पर्ऐ॑त्
Sentence: 3 तस्मा॑त्तेज॒स्विनी॑तमा
Sentence: 4 प॒द्भ्यां द्वे सव॑ने स॒मगृ॑ह्णा॒न्मुखेनैकम् ।
Sentence: 5 यम्मुखे॑न स॒मगृ॑ह्णा॒त्तद॑धयत्
Sentence: 6 तस्मा॒द्द्वे सव॑ने शु॒क्रव॑ती प्रातःसव॒नं च॒ माध्यं॑दिनं च
Sentence: 7 तस्मा॑त्तृतीयसव॒न ऋ॑जी॒षम॒भि षु॑ण्वन्ति
Sentence: 8 धी॒तमि॑व॒ हि मन्य॑न्ते ॥
Verse: 5
Sentence: 1 आ॒शिर॒मव॑ नयति सशुक्र॒त्वायाथो॒ सम्भ॑रत्येवैनत्
Sentence: 2 तं सोम॑माह्रि॒यमा॑णं गन्ध॒र्वो वि॒श्वाव॑सुः॒ पर्य॑मुष्णात्
Sentence: 3 स ति॒स्रो रात्रीः॒ परि॑मुषितो ऽवसत्
Sentence: 4 तस्मा॑त्ति॒स्रो रात्रीः॑ क्री॒तः सोमो॑ वसति
Sentence: 5 ते दे॒वा अ॑ब्रुवन् ।
Sentence: 6 स्त्रीका॑मा वै गन्ध॒र्वा स्त्रि॒या निष्क्री॑णा॒मेति
Sentence: 7 ते वाचं॒ स्त्रिय॒मेक॑हायनीं कृ॒त्वा तया॒ निर॑क्रीणन् ।
Sentence: 8 सा रो॒हिद्रू॒पं कृ॒त्वा ग॑न्ध॒र्वेभ्यः॑ ॥
Verse: 6
Sentence: 1 अ॑प॒क्रम्या॑तिष्ठत्
Sentence: 2 तद्रो॒हितो॒ जन्म
Sentence: 3 ते दे॒वा अ॑ब्रुवन् ।
Sentence: 4 अप॑ यु॒ष्मदक्र॑मी॒न्नास्मानु॒पाव॑र्तते॒ वि ह्व॑यामहा॒ इति
Sentence: 5 ब्रह्म॑ गन्ध॒र्वा अव॑द॒न्नगा॑यन्दे॒वाः
Sentence: 6 सा दे॒वान्गाय॑त उ॒पाव॑र्तत
Sentence: 7 तस्मा॒द्गाय॑न्तं॒ स्त्रियः॑ कामयन्ते
Sentence: 8 कामु॑का एनं॒ स्त्रियो॑ भवन्ति॒ य ए॒वं वेदाथो॒ य ए॒वं वि॒द्वानपि॒ जन्ये॑षु॒ भव॑ति॒ तेभ्य॑ ए॒व द॑दत्यु॒त यद्ब॒हुत॑याः ॥
Verse: 7
Sentence: 1 भव॑न्ति ।
Sentence: 2 एक॑हायन्या क्रीणाति
Sentence: 3 वाचैवैनं॒ सर्व॑या क्रीणाति
Sentence: 4 तस्मा॒देक॑हायना मनु॒ष्या॒ वाचं॑ वदन्ति ।
Sentence: 5 अकू॑ट॒याक॑र्ण॒याक॑ण॒याश्लो॑ण॒यास॑प्तशपया क्रीणाति
Sentence: 6 सर्व॑यैवैनं क्रीणाति
Sentence: 7 यच्छ्वे॒तया॑ क्रीणी॒याद्दु॒श्चर्मा॒ यज॑मानः स्यात् ।
Sentence: 8 यत्कृ॒ष्णया॑नु॒स्तर॑णी स्यात्
Sentence: 9 प्र॒मायु॑को॒ यज॑मानः स्यात् ।
Sentence: 10 यद्द्वि॑रू॒पया॒ वात्र॑घ्नी स्यात्
Sentence: 11 स वा॒न्यं जि॑नी॒यात्तं वा॒न्यो जि॑नीयात् ।
Sentence: 12 अ॑रु॒णया॑ पिङ्गा॒क्ष्या क्री॑णाति ।
Sentence: 13 ए॒तद्वै॒ सोम॑स्य रू॒पम् ।
Sentence: 14 स्वयैवैनं दे॒वत॑या क्रीणाति ॥
Paragraph: 7
Verse: 1
Sentence: 1 तद्धिर॑ण्यमभवत्
Sentence: 2 तस्मा॑द॒द्भ्यो हिर॑ण्यम्पुनन्ति
Sentence: 3 ब्रह्मवा॒दिनो॑ वदन्ति
Sentence: 4 कस्मा॑त्स॒त्याद॑न॒स्थिके॑न प्र॒जाः प्र॒वीय॑न्ते ऽस्थ॒न्वती॑र्जायन्त॒ इति
Sentence: 5 यद्धिर॑ण्यं घृ॒ते॑ ऽव॒धाय॑ जु॒होति॒ तस्मा॑दन॒स्थिके॑न प्र॒जाः प्र वी॑यन्ते ऽस्थ॒न्वती॑र्जा�न्ते ।
Sentence: 6 ए॒तद्वा अ॒ग्नेः प्रि॒यं धाम॒ यद्घृ॒तं तेजो॒ हिर॑ण्यम्
Sentence: 7 इ॒यं ते॑ शुक्र त॒नूरि॒दं वर्च॒ इत्या॑ह
Sentence: 8 सते॑जसमेवैनं॒ सत॑नुम् ॥
Verse: 2
Sentence: 1 क॑रोति ।
Sentence: 2 अथो॒ सम्भ॑रत्येवैनम् ।
Sentence: 3 यदब॑द्धमवद॒ध्याद्गर्भाः॑ प्र॒जाना॑म्परा॒पातु॑काः स्युस् ।
Sentence: 4 ब॒द्धमव॑ दधाति॒ गर्भा॑णां॒ धृत्यै
Sentence: 5 निष्ट॒र्क्य॑म्बध्नाति
Sentence: 6 प्र॒जाना॑म्प्र॒जन॑नाय
Sentence: 7 वाग्वा ए॒षा यत्सो॑म॒क्रय॑णी
Sentence: 8 जूर॒सीत्या॑ह
Sentence: 9 यद्धि मन॑सा॒ जव॑ते॒ तद्वा॒चा वद॑ति
Sentence: 10 धृ॒ता मन॒सेत्या॑ह
Sentence: 11 मन॑सा॒ हि वाग्धृ॒ता
Sentence: 12 जुष्टा॒ विष्ण॑व॒ इत्या॑ह ॥
Verse: 3
Sentence: 1 य॒ज्ञो वै॒ विष्णु॑स् ।
Sentence: 2 य॒ज्ञायैवैनां॒ जुष्टां॑ करोति
Sentence: 3 तस्या॑स्ते स॒त्यस॑वसः प्रस॒व इत्या॑ह
Sentence: 4 सवि॒तृप्र॑सूतामे॒व वाच॒मव॑ रुन्द्धे
Sentence: 5 काण्डे॑काण्डे वै क्रि॒यमा॑णे य॒ज्ञं रक्षां॑सि जिघांसन्ति ।
Sentence: 6 ए॒ष खलु॒ वा अर॑क्षोहतः॒ पन्था॒ यो॒ ऽग्नेश्च॒ सूर्य॑स्य च
Sentence: 7 सूर्य॑स्य॒ चक्षु॒रारु॑हम॒ग्नेर॒क्ष्णः क॒नीनि॑का॒मित्या॑ह
Sentence: 8 य ए॒वार॑क्षोहतः॒ पन्था॒स्तं स॒मारो॑हति
Verse: 4
Sentence: 1 वाग्वा ए॒षा यत्सो॑म॒क्रय॑णी
Sentence: 2 चिद॑सि म॒नासीत्या॑ह
Sentence: 3 शास्त्येवैनामे॒तत्
Sentence: 4 तस्मा॑च्छि॒ष्टाः प्र॒जा जा॑यन्ते
Sentence: 5 चिद॒सीत्या॑ह
Sentence: 6 यद्धि मन॑सा चे॒तय॑ते॒ तद्वा॒चा वद॑ति
Sentence: 7 म॒नासीत्या॑ह
Sentence: 8 यद्धि मन॑साभि॒गछ॑ति॒ तत्क॒रोति
Sentence: 9 धीर॒सीत्या॑ह
Sentence: 10 यद्धि मन॑सा॒ ध्याय॑ति॒ तद्वा॒चा ॥
Verse: 5
Sentence: 1 वद॑ति
Sentence: 2 दक्षि॑णा॒सीत्या॑ह
Sentence: 3 दक्षि॑णा॒ ह्ये॒षा
Sentence: 4 य॒ज्ञिया॒सीत्या॑ह
Sentence: 5 य॒ज्ञिया॑मेवैनां करोति
Sentence: 6 क्ष॒त्रिया॒सीत्या॑ह
Sentence: 7 क्ष॒त्रिया॒ ह्ये॒षा ।
Sentence: 8 अदि॑तिरस्युभ॒यतः॑शी॒र्ष्णीत्या॑ह
Sentence: 9 यदे॒वादि॒त्यः प्रा॑य॒णीयो॑ य॒ज्ञाना॑मादि॒त्य उ॑दय॒नीय॒स्तस्मा॑दे॒वमा॑ह
Sentence: 10 यदब॑द्धा॒ स्यादय॑ता स्यात् ।
Sentence: 11 यत्प॑दिब॒द्धानु॒स्तर॑णी स्यात्
Sentence: 12 प्र॒मायु॑को॒ यज॑मानः स्यात् ॥
Verse: 6
Sentence: 1 यत्क॑र्णगृही॒ता वार्त्र॑घ्नी स्यात्
Sentence: 2 स वा॒न्यं जि॑नी॒यात्तं वा॒न्यो जि॑नीयात् ।
Sentence: 3 मि॒त्रस्त्वा॑ प॒दि ब॑ध्ना॒त्वित्या॑ह
Sentence: 4 मि॒त्रो वै॑ शि॒वो दे॒वाना॑म् ।
Sentence: 5 तेनैवैनाम्प॒दि ब॑ध्नाति
Sentence: 6 पू॒षाध्व॑नः पा॒त्वित्या॑ह ।
Sentence: 7 इ॒यं वै॑ पू॒षा ।
Sentence: 8 इ॒मामे॒वास्या॑ अधि॒पाम॑कर् ।
Sentence: 9 सम॑ष्ट्यै ।
Sentence: 10 इन्द्रा॒याध्य॑क्षा॒येत्या॑ह ।
Sentence: 11 इन्द्र॑मे॒वास्या॒ अध्य॑क्षं करोति ॥
Verse: 7
Sentence: 1 अनु॑ त्वा मा॒ता म॑न्यता॒मनु॑ पि॒तेत्या॑ह ।
Sentence: 2 अनु॑मतयैवैनया क्रीणाति
Sentence: 3 सा दे॑वि दे॒वमछे॒हीत्या॑ह
Sentence: 4 दे॒वी ह्ये॒षा दे॒वः सोम॑स् ।
Sentence: 5 इन्द्रा॑य॒ सोम॒मित्या॑ह ।
Sentence: 6 इन्द्रा॑य॒ हि सोम॑ आह्रि॒यते
Sentence: 7 यदे॒तद्यजु॒र्न ब्रू॒यात्परा॑च्ये॒व सो॑म॒क्रय॑णीयात् ।
Sentence: 8 रु॒द्रस्त्वा व॑र्तय॒त्वित्या॑ह
Sentence: 9 रु॒द्रो वै॑ क्रू॒रः ॥
Verse: 8
Sentence: 1 दे॒वाना॑म् ।
Sentence: 2 तमे॒वास्यै॑ प॒रस्ता॑द्दधा॒त्यावृ॑त्त्यै
Sentence: 3 क्रू॒रमि॑व॒ वा ए॒तत्क॑रोति॒ यद्रु॒द्रस्य॑ की॒र्तय॑ति
Sentence: 4 मि॒त्रस्य॑ प॒थेत्या॑ह
Sentence: 5 शान्त्यै
Sentence: 6 वा॒चा वा ए॒ष वि क्री॑णीते॒ यः सो॑म॒क्रय॑ण्या
Sentence: 7 स्व॒स्ति सोम॑सखा॒ पुन॒रेहि॑ स॒ह र॒य्येत्या॑ह
Sentence: 8 वाचै॒व वि॒क्रीय॒ पुन॑रा॒त्मन्वाचं॑ धत्ते ।
Sentence: 9 अनु॑पदासुकास्य॒ वाग्भ॑वति॒ य ए॒वं वेद॑ ॥
Paragraph: 8
Verse: 1
Sentence: 1 षट्प॒दान्यनु॒ नि क्रा॑मति
Sentence: 2 षड॒हं वाङ्नाति॑ वदति ।
Sentence: 3 उ॒त सं॑वत्स॒रस्याय॑ने॒ याव॑त्ये॒व वाक्तामव॑ रुन्द्धे
Sentence: 4 सप्त॒मे प॒दे जु॑होति
Sentence: 5 स॒प्तप॑दा॒ शक्व॑री
Sentence: 6 प॒शवः॑ शक्वरी
Sentence: 7 प॒शूने॒वाव॑ रुन्द्धे
Sentence: 8 स॒प्त ग्रा॒म्याः प॒शवः॑ स॒प्तार॒ण्याः स॒प्त छन्दां॑सि ।
Sentence: 9 उ॒भय॒स्याव॑रुद्ध्यै
Sentence: 10 वस्व्य॑सि रु॒द्रासीत्या॑ह
Sentence: 11 रू॒पमे॒वास्या॑ ए॒तन्म॑हि॒मान॑म् ॥
Verse: 2
Sentence: 1 व्याच॑ष्टे
Sentence: 2 बृह॒स्पति॑स्त्वा सु॒म्ने र॑ण्व॒त्वित्या॑ह
Sentence: 3 ब्रह्म वै दे॒वाना॒म्बृह॒स्पति॑स् ।
Sentence: 4 ब्रह्म॑णै॒वास्मै॑ प॒शूनव॑ रुन्द्धे
Sentence: 5 रु॒द्रो वसु॑भि॒रा चि॑के॒त्वित्या॑ह ।
Sentence: 6 आवृ॑त्त्यै
Sentence: 7 पृथि॒व्यास्त्वा॑ मू॒र्धन्ना जि॑घर्मि देव॒यज॑न॒ इत्या॑ह
Sentence: 8 पृथि॒व्या ह्ये॒ष मू॒र्धा यद्दे॑व॒यज॑नम्
Sentence: 9 इडा॑याः प॒द इत्या॑ह ।
Sentence: 10 इडा॑यै॒ ह्ये॒तत्प॒दं यत्सो॑म॒क्रय॑ण्यै
Sentence: 11 घृ॒तव॑ति॒ स्वाहा॑ ॥
Verse: 3
Sentence: 1 इत्या॑ह
Sentence: 2 यदे॒वास्यै॑ प॒दाद्घृ॒तमपी॑ड्यत॒ तस्मा॑दे॒वमा॑ह
Sentence: 3 यद॑ध्व॒र्युर॑न॒ग्नावाहु॑तिं जुहु॒याद॒न्धो॑ ऽध्व॒र्युः भ॑वति॒ न य॒ज्ञं रक्षां॑सि घ्नन्ति
Sentence: 4 काण्डे॑काण्डे वै क्रि॒यमा॑णे य॒ज्ञं रक्षां॑सि जिघांसन्ति
Sentence: 5 परि॑लिखितं॒ रक्षः॒ परि॑लिखिता॒ अरा॑तय॒ इत्या॑ह
Sentence: 6 रक्ष॑सा॒मप॑हत्यै ॥
Verse: 4
Sentence: 1 इ॒दम॒हं रक्ष॑सो ग्री॒वा अपि॑ कृन्तामि॒ यो॒ ऽस्मान्द्वेष्टि॒ यं च॑ व॒यं द्वि॒ष्म इत्या॑ह
Sentence: 2 द्वौ॒ वाव पुरु॑षौ॒ यं चै॒व द्वेष्टि॒ यश्चै॑नं॒ द्वेष्टि॒ तयो॑रे॒वान॑न्तरायं ग्री॒वाः कृ॑न्त�
Sentence: 3 प॒शवो वै सोम॒क्रय॑ण्यै प॒दम् ।
Sentence: 4 या॑वत्त्मू॒तं सं व॑पति
Sentence: 5 प॒शूने॒वाव॑ रुन्द्धे ।
Sentence: 6 अ॒स्मे राय॒ इति॒ सं व॑पति ।
Sentence: 7 आ॒त्मान॑मे॒वाध्व॒र्युः ॥
Verse: 5
Sentence: 1 प॒शुभ्यो॒ नान्तरे॑ति
Sentence: 2 त्वे राय॒ इति॒ यज॑मानाय॒ प्र य॑छति
Sentence: 3 यज॑मान ए॒व र॒यिं द॑धाति
Sentence: 4 तोते॒ राय॒ इति॒ पत्नि॑यास् ।
Sentence: 5 अ॒र्धो वा ए॒ष आ॒त्मनो॒ यत्पत्नी
Sentence: 6 यथा॑ गृ॒हेषु॑ निध॒त्ते ता॒दृगे॒व तत्
Sentence: 7 त्वष्ती॑मती ते सपे॒येत्या॑ह
Sentence: 8 त्वष्टा वै पशू॒नाम्मि॑थु॒नानां॑ रूप॒कृत् ।
Sentence: 9 रू॒पमे॒व प॒शुषु॑ दधाति ।
Sentence: 10 अस्मै वै लो॒काय॒ गार्ह॑पत्य॒ आ धी॑यते॒ ऽमुष्मा॑ आहव॒नीय॑स् ।
Sentence: 11 यद्गार्ह॑पत्य उप॒वपे॑द॒स्मिँ लो॒के प॑शु॒मान्त्स्या॑त् ।
Sentence: 12 यदा॑हव॒नीये॒ ऽमुष्मिँ॑ लो॒के प॑शु॒मान्त्स्या॑त् ।
Sentence: 13 उ॒भयो॒रुप॑ वपति ।
Sentence: 14 उ॒भयो॑रेवैनं लो॒कयोः॑ पशु॒मन्तं॑ करोति ॥
Paragraph: 9
Verse: 1
Sentence: 1 ब्र॑ह्मवा॒दिनो॑ वदन्ति
Sentence: 2 वि॒चित्यः॒ सोमा३ न वि॒चित्या३ इति
Sentence: 3 सोमो॒ वा ओष॑धीनां॒ राजा
Sentence: 4 तस्मि॒न्यदाप॑न्नं ग्रसि॒तमे॒वास्य॒ तत् ।
Sentence: 5 यद्वि॑चिनु॒याद्यथा॒स्या॑द्ग्रसि॒तं नि॑ष्खि॒दति॑ ता॒दृगे॒व तत् ।
Sentence: 6 यन्न वि॑चिनु॒याद्यथा॒क्षन्नाप॑न्नं वि॒धाव॑ति ता॒दृगे॒व तत्
Sentence: 7 क्षोधु॑लो ऽध्व॒र्युः स्यात्क्षो॑धुको॒ यज॑मानः
Sentence: 8 सोम॑विक्रयि॒न्त्सोमं॑ शोध॒येत्ये॒व ब्रू॑यात् ।
Sentence: 9 यदीत॑रम् ॥
Verse: 2
Sentence: 1 यदीत॑रमु॒भये॑नै॒व सो॑मविक्र॒यिण॑मर्पयति
Sentence: 2 तस्मा॑त्सोमविक्र॒यी क्षो॑धुकस् ।
Sentence: 3 अ॑रु॒णो ह॑ स्माहौपवेशिः
Sentence: 4 सोम॒क्रय॑ण ए॒वाहं तृ॑तीयसव॒नमव॑ रुन्ध॒ इति
Sentence: 5 पशू॒नां चर्म॑न्मिमीते प॒शूने॒वाव॑ रुन्द्धे
Sentence: 6 प॒शवो॒ हि तृ॒तीयं॒ सव॑नम् ।
Sentence: 7 यं का॒मये॑त ।
Sentence: 8 अ॑प॒शुः स्या॒दित्यृ॑क्ष॒तस्तस्य॑ मिमीत ।
Sentence: 9 ऋ॒क्षं वा अ॑पश॒व्यम्
Sentence: 10 अप॒शुरे॒व भ॑वति
Sentence: 11 यं का॒मये॑त
Sentence: 12 पशु॒मान्त्स्या॑त् ॥
Verse: 3
Sentence: 1 इति॑ लोम्म॒तस्तस्य॑ मिमीत ।
Sentence: 2 ए॒तद्वै॑ पशू॒नां रू॒पम् ।
Sentence: 3 रू॒पेणै॒वास्मै॑ प॒शूनव॑ रुन्द्धे
Sentence: 4 पशु॒माने॒व भ॑वति ।
Sentence: 5 अ॒पामन्ते॑ क्रीणाति
Sentence: 6 सर॑समेवैनं क्रीणाति ।
Sentence: 7 अ॒मात्यो॒ ऽसीत्या॑ह ।
Sentence: 8 अमैवैनं कुरुते
Sentence: 9 शु॒क्रस्ते॒ ग्रह॒ इत्या॑ह
Sentence: 10 शु॒क्रो ह्य॑स्य॒ ग्रह॑स् ।
Sentence: 11 अन॒साछ॑ याति
Sentence: 12 महि॒मान॑मे॒वास्याछ॑ याति ।
Sentence: 13 अन॑सा ॥
Verse: 4
Sentence: 1 अछ॑ याति
Sentence: 2 तस्मा॑दनोवा॒ह्यं॑ स॒मे जीव॑नम् ।
Sentence: 3 यत्र॒ खलु॒ वा ए॒तं शी॒र्ष्णा हर॑न्ति
Sentence: 4 तस्मा॑च्छीर्षहा॒र्यं॑ गिरौ॒ जीव॑नम्
Sentence: 5 अ॒भि त्यं दे॒वं स॑वि॒तार॒मित्यति॑छन्दस॒र्चा मि॑मीते ।
Sentence: 6 अति॑छन्दा वै॒ सर्वा॑णि॒ छन्दां॑सि
Sentence: 7 सर्वे॑भिरेवैनं॒ छन्दो॑भिर्मिमीते
Sentence: 8 वर्ष्म॒ वा ए॒षा छन्द॑सां॒ यदति॑छन्दास् ।
Sentence: 9 यदति॑छन्दस॒र्चा मिमी॑ते॒ वर्ष्मैवैनं समा॒नानां॑ करोति ।
Sentence: 10 एक॑यैकयो॒त्सर्ग॑म् ॥
Verse: 5
Sentence: 1 मि॑मी॒ते ऽया॑तयाम्नियायातयाम्नियैवैनम्मिमीते
Sentence: 2 तस्मा॒न्नाना{F वी॒र्या{W वीर्या अ॒ङ्गुल॑यः
Sentence: 3 सर्वा॑स्वङ्गु॒ष्ठमुप॒ नि गृ॑ह्णाति
Sentence: 4 तस्मा॑त्स॒माव॑द्वीर्यो॒ ऽन्याभि॑र॒ङ्गुलि॑भिस्
Sentence: 5 तस्मा॒त्सर्वा॒ अनु॒ सं च॑रति
Sentence: 6 यत्स॒ह सर्वा॑भि॒र्मिमी॑त॒ संश्लि॑ष्टा अ॒ङ्गुल॑यो जायेरन् ।
Sentence: 7 एक॑यैकयो॒त्सर्ग॑म्मिमीते
Sentence: 8 तस्मा॒द्विभ॑क्ता जायन्ते
Sentence: 9 पञ्च॒ कृत्वो॒ यजु॑षा मिमीते
Sentence: 10 पञ्चा॑क्षरा प॒ङ्क्तिः
Sentence: 11 पाङ्क्तो॑ य॒ज्ञस् ।
Sentence: 12 य॒ज्ञमे॒वाव॑ रुन्द्धे
Sentence: 13 पञ्च॒ कृत्व॑स्तू॒ष्णीम् ॥
Verse: 6
Sentence: 1 दश॒ सम्प॑द्यन्ते
Sentence: 2 दशा॑क्षरा वि॒राड्^वि॒राज्
Sentence: 3 अन्नं वि॒राड्^वि॒राज्
Sentence: 4 वि॒राजै॒वान्नाद्य॒मव॑ रुन्द्धे
Sentence: 5 यद्यजु॑षा॒ मिमी॑ते भू॒तमे॒वाव॑ रुन्द्धे
Sentence: 6 यत्तू॒ष्णीम्भ॑विष्यत्
Sentence: 7 यद्वै॒ तावा॑ने॒व सोमः॒ स्याद्याव॑न्त॒म्मिमी॑ते॒ यज॑मानस्यै॒व स्या॒न्नापि॑ सद॒स्या॑नाम्
Sentence: 8 प्र॒जाभ्य॒स्त्वेत्युप॒ समू॑हति
Sentence: 9 सद॒स्या॑ने॒वान्वाभ॑जति
Sentence: 10 वास॒सोप॑ नह्यति
Sentence: 11 सर्वदेव॒त्यं वै ॥
Verse: 7
Sentence: 1 वासः
Sentence: 2 सर्वा॑भिरेवैनं दे॒वता॑भिः॒ सम॑र्धयति
Sentence: 3 प॒शवो वै॒ सोमः
Sentence: 4 प्रा॒णाय॒ त्वेत्युप॑ नह्यति
Sentence: 5 प्रा॒णमे॒व प॒शुषु॑ दधाति
Sentence: 6 व्या॒नाय॒ त्वेत्यनु॑ शृन्थति
Sentence: 7 व्या॒नमे॒व प॒शुषु॑ दधाति
Sentence: 8 तस्मा॑त्स्व॒पन्त॑म्प्रा॒णा न ज॑हति ॥
Paragraph: 10
Verse: 1
Sentence: 1 यत्क॒लया॑ ते श॒पेन॑ ते क्रीणा॒नीति॒ पणे॒तागोअ॑र्घं॒ सोमं॑ कु॒र्यादगोअ॑र्घं॒ यज॑मान॒मगोअ॑र्�म् ।
Sentence: 2 गोस्तु म॑हि॒मानं॒ नाव॑ तिरेत् ।
Sentence: 3 गवा॑ ते क्रीणा॒नीत्ये॒व ब्रू॑यात् ।
Sentence: 4 गोअ॒र्घमे॒व सोमं॑ क॒रोति॑ गोअ॒र्घं यज॑मानं गोअ॒र्घम॑ध्व॒र्युम् ।
Sentence: 5 न गोर्म॑हि॒मान॒मव॑ तिरति ।
Sentence: 6 अ॒जया॑ क्रीणाति
Sentence: 7 सत॑पसमेवैनं क्रीणाति
Sentence: 8 हिर॑ण्येन क्रीणाति
Sentence: 9 सशु॑क्रमे॒व ॥
Verse: 2
Sentence: 1 ए॑नं क्रीणाति
Sentence: 2 धे॒न्वा क्री॑णाति
Sentence: 3 साशि॑रमेवैनं क्रीणाति ।
Sentence: 4 ऋ॑ष॒भेण॑ क्रीणाति
Sentence: 5 सेन्द्र॑मेवैनं क्रीणाति ।
Sentence: 6 अ॑न॒डुहा॑ क्रीणाति
Sentence: 7 वह्नि॒र्वा अ॑न॒ड्वान्
Sentence: 8 वह्नि॑नै॒व वह्नि॑ य॒ज्ञस्य॑ क्रीणाति
Sentence: 9 मिथु॒नाभ्यां॑ क्रीणाति
Sentence: 10 मिथु॒नस्याव॑रुद्ध्यै
Sentence: 11 वास॑सा क्रीणाति
Sentence: 12 सर्वदेव॒त्यं वै॒ वासः॒ सर्वा॑भ्य एवैनं दे॒वता॑भ्यः क्रीणाति
Sentence: 13 दश॒ सम्प॑द्यन्ते
Sentence: 14 दशा॑क्षरा वि॒राडन्नं॑ वि॒राड्वि॒राजै॒वान्नाद्य॒मव॑ रुन्द्धे ॥
Verse: 3
Sentence: 1 तप॑सस्त॒नूर॑सि प्र॒जाप॑ते॒र्वर्ण॒ इत्या॑ह
Sentence: 2 प॒शुभ्य॑ ए॒व तद॑ध्व॒र्युर्नि ह्नु॑त आ॒त्मनो ऽना॑व्रस्काय॒ गछ॑ति॒ श्रिय॒म्प्र प॒शूना॑प्नोति॒ य ए॒वं वेद
Sentence: 3 शु॒क्रं ते॑ शु॒क्रेण॑ क्रीणा॒मीत्या॑ह यथाय॒जुरेवै॒तत् ।
Sentence: 4 दे॒वा वै॒ येन॒ हिर॑ण्येन॒ सोम॒मक्री॑ण॒न्तत॑भी॒षहा॒ पुन॒राद॑दत॒ को हि तेज॑सा विक्रे॒ष्यत॒ इति
Sentence: 5 येन॒ हिर॑ण्येन ॥
Verse: 4
Sentence: 1 सोमं॑ क्रीणी॒यात्तद॑भी॒षहा॒ पुन॒रा द॑दीत॒ तेज॑ ए॒वात्मन्ध॑त्ते ।
Sentence: 2 अ॒स्मे ज्योतिः॑ सोमविक्र॒यिणि॒ तम॒ इत्या॑ह
Sentence: 3 ज्योति॑रे॒व यज॑माने दधाति
Sentence: 4 तम॑सा॒ सोम॑विक्र॒यिण॑मर्पयति
Sentence: 5 यदनु॑पग्रथ्य ह॒न्याद्द॑न्द॒शूका॒स्तां समां॑ स॒र्पाः स्यु॑स् ।
Sentence: 6 इ॒दम॒हं स॒र्पाणां॑ दन्द॒शूका॑नां ग्री॒वा उप॑ ग्रथ्ना॒मीत्या॒हाद॑न्दशूका॒स्तां समां॑ स॒र्पा भ॑वन्ति॒ तम॑सा सोमविक्र॒यिणं॑ विध्यति
Sentence: 7 स्वान॑ ॥
Verse: 5
Sentence: 1 भ्राजेत्या॑है॒ते वा अ॒मुष्मिँ॑ लो॒के सोम॑मरक्ष॒न्तेभ्यो ऽधि॒ सोम॒माह॑रन्
Sentence: 2 यदे॒तेभ्यः॑ सोम॒क्रय॑णा॒न्नानु॑दि॒शेदक्री॑तो ऽस्य॒ सोमः॑ स्या॒न्नास्यै॒ते॒ ऽमुष्मिँ॑ लो॒के सोमं॑ रक्षेयुस् ।
Sentence: 3 यदे॒तेभ्यः॑ सोम॒क्रय॑णाननुदि॒शति॑ क्री॒तो॑ ऽस्य॒ सोमो॑ भवत्ये॒ते॑ ऽस्या॒मुष्मिँ॑ लो॒के सोमं॑ रक्षन्ति ॥
Paragraph: 11
Verse: 1
Sentence: 1 वा॑रु॒णो वै॑ क्री॒तः सोम॒ उप॑नद्धस् ।
Sentence: 2 मि॒त्रो न॒ एहि॒ सुमि॑त्रधा॒ इत्या॑ह
Sentence: 3 शान्त्यै॑ ।
Sentence: 4 इन्द्र॑यो॒रुमा वि॑श॒ दक्षि॑ण॒मित्या॑ह
Sentence: 5 दे॒वा वै॒ यं सोम॒मक्री॑ण॒न्तमिन्द्र॑योरौ॒ दक्षि॑ण॒ आसा॑दयन् ।
Sentence: 6 ए॒ष खलु॒ वा ए॒तर्हीन्द्रो॒ यो यज॑ते
Sentence: 7 तस्मा॑दे॒वमह॑ ।
Sentence: 8 उदायु॑षा स्वा॒युषेत्या॑ह
Sentence: 9 दे॒वता॑ ए॒वान्वा॒रभ्योत् ॥
Verse: 2
Sentence: 1 ति॑ष्ठति ।
Sentence: 2 उ॒र्व॒न्तरि॑क्ष॒मन्वि॒हीत्या॑ह ।
Sentence: 3 अ॑न्तरिक्षदेव॒त्यो॒ ह्ये॒तर्हि॒ सोम॑स् ।
Sentence: 4 अदि॑त्याः॒ सदो॒ ऽस्यदि॑त्याः॒ सद॒ आ सी॒देत्या॑ह
Sentence: 5 यथाय॒जुरेवैतत् ।
Sentence: 6 वि वा ए॑नमे॒तद॑र्धयति॒ यद्वा॑रु॒णं सन्त॑म्मै॒त्रं क॒रोति
Sentence: 7 वारु॒ण्यर्चा सा॑दयति॒स्वयैवैनं दे॒वत॑या॒ सम॑र्धयति
Sentence: 8 वास॑सा प॒र्यान॑ह्यति
Sentence: 9 सर्वदेव॒त्यं वै॒ वासः
Sentence: 10 सर्वा॑भिरे॒व ॥
Verse: 3
Sentence: 1 ए॑नं दे॒वता॑भिः॒ सम॑र्धयति ।
Sentence: 2 अथो॒ रक्ष॑सा॒मप॑हत्यै
Sentence: 3 वने॑षु॒ व्य॒न्तरि॑क्षं तता॒नेत्या॑ह
Sentence: 4 वने॑षु॒ हि व्य॒न्तरि॑क्षं त॒तान्
Sentence: 5 वाज॒मर्व॒त्स्वित्या॑ह
Sentence: 6 वाजं॒ ह्यर्व॑त्सु
Sentence: 7 पयो॑ अघ्नि॒यास्वित्या॑ह
Sentence: 8 पयो॒ ह्य॑घ्नि॒यासु
Sentence: 9 हृ॒त्सु क्रतु॒मित्या॑ह
Sentence: 10 हृ॒त्सु हि क्रतु॑म् ।
Sentence: 11 वरु॑णो वि॒क्ष्व॒ग्निमित्या॑ह
Sentence: 12 वरु॑णो॒ हि वि॒क्ष्व॒ग्निम् ।
Sentence: 13 दि॒वि सूर्य॑म् ॥
Verse: 4
Sentence: 1 इत्या॑ह
Sentence: 2 दि॒वि हि सूर्य॑म् ।
Sentence: 3 सोम॒मद्रा॒वित्या॑ह
Sentence: 4 ग्रावा॑णो॒ वा अद्र॑यस्
Sentence: 5 तेषु॒ वा ए॒ष सोमं॑ दधाति॒ यो यज॑ते
Sentence: 6 तस्मा॑दे॒वमा॑ह ।
Sentence: 7 उदु॒ त्यं जा॒तवे॑दस॒मिति॑ सौ॒र्यर्चा कृ॑ष्णाजि॒नम्प्र॒त्यान॑ह्यति
Sentence: 8 रक्ष॑सा॒मप॑हत्यै ।
Sentence: 9 उस्रा॒वेतं॑ धूर्षाहा॒वित्या॑ह
Sentence: 10 यथाय॒जुरेवै॒तत्
Sentence: 11 प्र च्य॑वस्व भुवस्पत॒ इत्या॑ह
Sentence: 12 भू॒तानां॒ हि ॥
Verse: 5
Sentence: 1 ए॒ष पति॑स् ।
Sentence: 2 विश्वा॑न्य॒भि धामा॒नीत्या॑ह
Sentence: 3 विश्वा॑नि॒ ह्ये॒षो ऽभि धामा॑नि प्र॒च्यव॑ते
Sentence: 4 मा त्वा॑ परिप॒री वि॑द॒दित्या॑ह
Sentence: 5 यदे॒वादः सोमं॑ आह्रि॒यमा॑णं गन्ध॒र्वो वि॒श्वाव॑सुः प॒र्यमु॑ष्णा॒त्तस्मा॑दे॒वमा॑ह ।
Sentence: 6 अप॑रिमोषाय
Sentence: 7 यज॑मानस्य स्व॒स्त्यय॑न्य॒सीत्या॑ह
Sentence: 8 यज॑मानस्यैवै॒ष य॒ज्ञस्या॑न्वार॒म्भस् ।
Sentence: 9 अन॑वछित्त्यै
Sentence: 10 वरु॑णो॒ वा ए॒ष यज॑मानमभ्ऐति॒ यत् ॥
Verse: 6
Sentence: 1 क्री॒तः सोम॒ उप॑नद्धस् ।
Sentence: 2 नमो॑ मि॒त्रस्य॒ वरु॑णस्य॒ चक्ष॒सित्या॑ह
Sentence: 3 शान्त्यै॑ ।
Sentence: 4 आ सोमं॑ वहन्ति ।
Sentence: 5 अ॒ग्निना॒ प्रति॑ तिष्ठते
Sentence: 6 तौ स॒म्भव॑न्तौ॒ यज॑मानम॒भि सम्भ॑वतः
Sentence: 7 पु॒रा खलु॒ वावै॒ष मेधा॑या॒त्मान॑मा॒रभ्य॑ चरति॒ यो दी॑क्षि॒तस् ।
Sentence: 8 यद॑ग्नीषो॒मीय॑म्प॒शुमा॒लभ॑त आत्मनि॒ष्क्रय॑ण ए॒वास्य स^ सस्
Sentence: 9 तस्मा॒त्तस्य॒ नाश्य॑म्
Sentence: 10 पुरुषनि॒ष्क्रय॑ण इव॒ हि ।
Sentence: 11 अथो॒ खल्वा॑हुस् ।
Sentence: 12 अ॒ग्नीषोमा॑भ्यां॒ वा इन्द्रो॑ वृ॒त्रम॑ह॒न्निति
Sentence: 13 यद॑ग्नीषो॒मीय॑म्प॒शुमा॒लभ॑ते॒ वार्त्र॑घ्न ए॒वास्य स^ सस्
Sentence: 14 तस्मा॑द्वा॒श्य॑म् ।
Sentence: 15 वा॑रु॒ण्यर्चा परि॑ चरति
Sentence: 16 स्वयैवैनं दे॒वत॑या॒ परि॑ चरति ॥
Chapter: 2
Paragraph: 1
Verse: 1
Sentence: 1 यदुभौ वि॒मुच्या॑ति॒थ्यं गृ॑ह्णी॒याद्य॒ज्ञं वि छि॑न्द्यात् ।
Sentence: 2 यदु॒भाववि॑मुच्य॒ यथाना॑गतायाति॒थ्यं क्रि॒यते॑ ता॒दृगे॒व तत् ।
Sentence: 3 विमु॑क्तो॒ ऽन्यो॑ ऽन॒ड्वान्भव॒त्यवि॑मुक्तो॒ ऽन्यो ऽथा॑ति॒थ्यं गृ॑ह्णाति य॒ज्ञस्य॒ सन्त॑त्य�
Sentence: 4 पत्न्य॒न्वार॑भते
Sentence: 5 पत्नी॒ हि पारी॑णह्य॒स्येशे॒ पत्नि॑यै॒वानु॑मतं॒ निर्व॑पति
Sentence: 6 यद्वै॒ पत्नी॑ य॒ज्ञस्य॑ करोति मिथु॒नं तत् ।
Sentence: 7 अथो॒ पत्नि॑या ए॒व ॥
Verse: 2
Sentence: 1 ए॒ष य॒ज्ञस्या॑न्वार॒म्भो ऽन॑वछित्त्यै
Sentence: 2 याव॑द्भिर्वै॒ राजा॑नुचरैरा॒गछ॑ति॒ सर्वे॑भ्यो वै॒ तेभ्य॑ आति॒थ्यं क्रि॑यते॒ छन्दां॑सि॒ खलु वै॒ सोम॑स्य॒ राज्ञो॑ ऽनुच॒राणि॑ ।
Sentence: 3 अ॒ग्नेरा॑ति॒थ्यम॑सि॒ विष्ण॑वे॒ त्वेत्या॑ह गायत्रि॒या एवै॒तेन॑ करोति
Sentence: 4 सोम॑स्याति॒थ्यम॑सि॒ विष्ण॑वे॒ त्वेत्या॑ह त्रि॒ष्टुभ॑ एवै॒तेन॑ करोति ।
Sentence: 5 अति॑थेराति॒थ्यम॑सि॒ विष्ण॑वे॒ त्वेत्या॑ह॒ जग॑त्यै ॥
Verse: 3
Sentence: 1 एवै॒तेन॑ करोति ।
Sentence: 2 अ॒ग्नये॑ त्वा रायस्पोष॒दाव्ने॒ विष्ण॑वे॒ त्वेत्या॑हानु॒ष्टुभ॑ एवै॒तेन॑ करोति
Sentence: 3 श्ये॒नाय॑ त्वा सोम॒भृते॒ विष्ण॑वे॒ त्वेत्या॑ह गायत्रि॒या एवै॒तेन॑ करोति
Sentence: 4 पञ्च॒ कृत्वो॑ गृह्णाति॒ पञ्चा॑क्षरा प॒ङ्क्तिः पा॑ङ्क्तो य॒ज्ञो य॒ज्ञमे॒वाव॑ रुन्द्धे
Sentence: 5 ब्रह्मवा॒दिनो॑ वदन्ति
Sentence: 6 कस्मा॑त्स॒त्याद्गा॑यत्रि॒या उ॑भ॒यत॑ आति॒थ्यस्य॑ क्रियत॒ इति
Sentence: 7 यदे॒वादः सोम॒मा ॥
Verse: 4
Sentence: 1 अह॑र॒त्तस्मा॑द्गायत्रि॒या उ॑भ॒यत॑ आति॒थ्यस्य॑ क्रियते पु॒रस्ता॑च्चो॒परि॑ष्टाच्च
Sentence: 2 शिरो॒ वा ए॒तद्य॒ज्ञस्य॒ यदा॑ति॒थ्यं नव॑कपालः पुरो॒डाशो॑ भवति॒ तस्मा॑न्नव॒धा शिरो॒ विष्यू॑तम् ।
Sentence: 3 नव॑कपालः पुरो॒डाशो॑ भवति॒ ते त्रय॑स्त्रिकपा॒लास्त्रि॒वृता॒ स्तोमे॑न॒ सम्मि॑ता॒स्तेज॑स्त्रज॑ ए॒व य॒ज्ञस्य॑ शी॒र्षन्द॑धाति
Sentence: 4 नव॑कपालः पुरो॒डाशो॑ भवति॒ ते त्रय॑स्त्रिकपा॒लास्त्रि॒वृता॑ प्रा॒णेन॒ सम्मि॑ता॒स्त्र्वृद्वै॑ ॥
Verse: 5
Sentence: 1 प्रा॒णस्त्रि॒वृत॑मे॒व प्रा॒णम॑भिपू॒र्वं य॒ज्ञस्य॑ शी॒र्षन्द॑धाति
Sentence: 2 प्र॒जाप॑ते॒र्वा ए॒तानि॒ पक्ष्मा॑णि॒ यद॑श्ववा॒ला ऐ॑क्ष॒वी ति॒रश्ची॒ यदाश्व॑वालः प्रस्त॒रो भव॑त्ऐक्ष॒वी ति॒रश्ची॑ प्र॒जाप॑तेरे॒व तच्चक्षुः॒ सम्भ॑रति
Sentence: 3 दे॒वा वै॒ या आहु॑ती॒रजु॑हवु॒स्ता असु॑रा नि॒ष्काव॑माद॒न्ते दे॒वाः का॑र्ष्म॒र्य॑मपश्यन्कर्म॒ण्यो वै
Sentence: 4 कर्मै॑नेन कुर्वी॒तेति॒ ते का॑र्ष्मर्य॒मया॑न्परि॒धीन् ॥
Verse: 6
Sentence: 1 अ॑कुर्वत तैर्वै॒ ते रक्षां॒स्यपा॑घ्नत
Sentence: 2 यत्का॑र्ष्मर्य॒मयाः॑ परि॒धयो॒ भव॑न्ति॒ रक्ष॑सा॒मप॑हत्यै
Sentence: 3 सं स्प॑र्शयति॒ रक्ष॑सा॒मन॑न्ववचाराय
Sentence: 4 न पु॒रस्ता॒त्परि॑ दधात्यादि॒त्यो ह्ये॒वोद्यन्पु॒रस्ता॒द्रक्षां॑स्यप॒हन्ति॑ ।
Sentence: 5 ऊ॒र्ध्वे स॒मिधा॒वा द॑धात्यु॒परि॑ष्टादे॒व रक्षां॒स्यप॑हन्ति
Sentence: 6 यजु॑षा॒न्यां तू॒ष्णीम॒न्याम्मि॑थुन॒त्वाय
Sentence: 7 द्वे आ द॑धाति द्वि॒पाद्यज॑मानः॒ प्रति॑ष्ठित्यै
Sentence: 8 ब्रह्मवा॒दिनो॑ वदन्ति ॥
Verse: 7
Sentence: 1 अ॒ग्निश्च॒ वा एतौ॒ सोम॑श्च क॒था सोमा॑याति॒थ्यं क्रि॒यते॒ नाग्नय॒ इति
Sentence: 2 यद॒ग्नाव॒ग्निम्म॑थि॒त्वा प्र॒हर॑ति॒ तेनै॒वाग्नय॑ आति॒थ्यं क्रि॑यते ।
Sentence: 3 अथो॒ खल्वा॑हुर॒ग्निः सर्वा॑ दे॒वता॒ इति॒ यद्ध॒विरा॒साद्या॒ग्निम्मन्थ॑ति ह॒व्यायै॒वास॑न्नाय॒ सर्वा॑ दे॒वता॑ जनयति ॥
Paragraph: 2
Verse: 1
Sentence: 1 दे॑वासु॒राः संय॑त्ता आसन्
Sentence: 2 ते दे॒वा मि॒थो विप्रि॑या आसन्
Sentence: 3 ते॒ ऽन्यो॒ऽन्यस्मै ज्यैष्ठ्या॒याति॑ष्ठमानाः पञ्च॒धा व्य॑क्रामन्न॒ग्निर्वसु॑भिः॒ सोमो॑ रुद्रै॒रिन्द्रो॑ म॒रुद्भि॒र्वरु॑ण आदित्यै॒र्बृह॒स्पति॒र्विश्वै॑र्देवैस्
Sentence: 4 ते॑ ऽमन्यन्त ।
Sentence: 5 असु॑रेभ्यो॒ वा इ॒दम्भ्रातृ॑व्येभ्यो रध्यामो॒ यन्मि॒थो विप्रि॑याः॒ स्मो या न॑ इ॒माः प्रि॒यास�॒स्ताः स॒मव॑द्यामहै॒ ताभ्यः॒ स निरृ॑छा॒द्यः ॥
Verse: 2
Sentence: 1 नः॑ प्रथ॒मो॒ ऽन्यो॒ऽन्यस्मै॒ द्रुह्या॒दिति
Sentence: 2 तस्मा॒द्यः सता॑नूनप्त्रिणाम्प्रथ॒मो द्रुह्य॑ति॒ स आर्ति॒मार्छ॑ति
Sentence: 3 यत्ता॑नून॒प्त्रं स॑मव॒द्यति॒ भ्रातृ॑व्याभिभूत्यै
Sentence: 4 भव॑त्या॒त्मना॒ परा॑स्य॒ भ्रातृ॑व्यो भवति
Sentence: 5 पञ्च॒ कृत्वो ऽव॑ द्यति
Sentence: 6 पञ्च॒धा हि ते तत्स॑म॒वाद्य॑न्त ।
Sentence: 7 अथो॒ पञ्चा॑क्षरा प॒ङ्क्तिः
Sentence: 8 पाङ्क्तो॑ य॒ज्ञस् ।
Sentence: 9 य॒ज्ञमे॒वाव॑ रुन्द्धे ।
Sentence: 10 आप॑तये त्वा गृह्णा॒मीत्या॑ह
Sentence: 11 प्रा॒णो वै॑ ॥
Verse: 3
Sentence: 1 आप॑तिः
Sentence: 2 प्रा॒णमे॒व प्री॑णाति
Sentence: 3 परि॑पतय॒ इत्या॑ह
Sentence: 4 मनो वै॒ परि॑पतिस् ।
Sentence: 5 मन॑ ए॒व प्री॑णाति
Sentence: 6 तनू॒नप्त्र॒ इत्या॑ह
Sentence: 7 त॒नुवो॒ हि ते ताः स॑म॒वाद्य॑न्त
Sentence: 8 शाक्व॒रायेत्या॑ह
Sentence: 9 शक्त्यै॒ हि ते ताः स॑म॒वाद्य॑न्त
Sentence: 10 शक्म॒न्नोजि॑ष्ठा॒येत्या॑ह ।
Sentence: 11 ओजि॑ष्ठं॒ हि ते तदा॒त्मनः॑ सम॒वाद्य॑न्त ।
Sentence: 12 अना॑धृष्टमस्य अनाधृ॒ष्यमित्या॑ह ।
Sentence: 13 अना॑धृष्टं॒ ह्ये॒तद॑नाधृ॒ष्यम् ।
Sentence: 14 दे॒वाना॒मोजः॑ ॥
Verse: 4
Sentence: 1 इत्या॑ह
Sentence: 2 दे॒वानां॒ ह्ये॒तदोज॑स् ।
Sentence: 3 अ॑भिशस्ति॒पा अ॑नभिशस्ते॒न्यमित्या॑ह ।
Sentence: 4 अ॑भिशस्ति॒पा ह्ये॒तद॑नभिशस्ते॒न्यम्
Sentence: 5 अनु॑ मे दी॒क्षां दी॒क्षाप॑तिर्मन्यता॒मित्या॑ह
Sentence: 6 यथाय॒जुरेवै॒तत् ।
Sentence: 7 घृ॒तं वै॑ दे॒वा वज्रं॑ कृ॒त्वा सोम॑मघ्नन् ।
Sentence: 8 अ॑न्ति॒कमि॑व॒ खलु॒ वा अ॑स्यै॒तच्च॑रन्ति॒ यत्ता॑नून॒प्त्रेण॑ प्र॒चर॑न्ति ।
Sentence: 9 अं॒शुरं॑श्स्ते देव सो॒मा प्या॑यता॒मित्या॑ह
Sentence: 10 यत् ॥
Verse: 5
Sentence: 1 ए॒वास्या॑पुवा॒यते॒ यन्मीय॑ते॒ तदे॒वास्यै॒तेना प्या॑ययति ।
Sentence: 2 आ तुभ्य॒मिन्द्रः॑ प्यायता॒मा त्वमिन्द्रा॑य प्याय॒स्वेत्या॑ह ।
Sentence: 3 उ॒भावे॒वेन्द्रं॑ च॒ सोमं॒ चा प्या॑ययति ।
Sentence: 4 आ प्या॑यय॒ सखी॑न्त्स॒न्या मे॒धयेत्या॑ह ।
Sentence: 5 ऋ॒त्विजो॒ वा अ॑स्य॒ सखा॑यस्
Sentence: 6 ताने॒वा प्या॑ययति
Sentence: 7 स्व॒स्ति ते॑ देव सोम सु॒त्याम॑शीय ॥
Verse: 6
Sentence: 1 इत्या॑ह ।
Sentence: 2 आ॒शिषं॑ एवै॒तामा शा॑स्ते
Sentence: 3 प्र वा ए॒ते ऽस्माल्लो॒काच्च्य॑वन्ते॒ ये सोम॑माप्या॒यय॑न्ति ।
Sentence: 4 अ॑न्तरिक्षदेव॒त्यो॒ हि सोम॒ आप्या॑यितस् ।
Sentence: 5 एष्ता॒ रायः॒ प्रेषे भगा॒येत्या॑ह
Sentence: 6 द्यावा॑पृथि॒वीभ्या॑मे॒व न॑म॒स्कृत्या॑स्मिँ लो॒के प्रति॑ तिष्ठन्ति
Sentence: 7 देवासु॒राः संय॑त्ता आसन्
Sentence: 8 ते दे॒वा बिभ्य॑तो॒ ऽग्निम्प्रावि॑शन्
Sentence: 9 तस्मा॑दाहुस् ।
Sentence: 10 अ॒ग्निः सर्वा॑ दे॒वता॒ इति
Sentence: 11 ते ॥
Verse: 7
Sentence: 1 अ॒ग्निमे॒व वरू॑थं कृ॒त्वासु॑रान॒भ्य॑भवन् ।
Sentence: 2 अ॒ग्निमि॑व॒ खलु॒ वा ए॒ष प्र वि॑शति॒ यो॑ ऽवान्तरदी॒क्षामुपैति
Sentence: 3 भ्रातृ॑व्याभिभूत्यै
Sentence: 4 भव॑त्या॒त्मना॒ परा॑स्य॒ भ्रातृ॑व्यो भवति ।
Sentence: 5 आ॒त्मान॑मे॒व दी॒क्षया॑ पाति प्र॒जाम॑वान्तरदी॒क्षया
Sentence: 6 सन्त॒राम्मेख॑लां स॒माय॑छते
Sentence: 7 प्र॒जा ह्या॒त्मनो ऽन्त॑रतरा
Sentence: 8 त॒प्तव्र॑तो भवति
Sentence: 9 मद॑न्तीभिर्मार्जयते
Sentence: 10 निर्ह्य॑ग्निः शी॒तेन॒ वाय॑ति
Sentence: 11 समि॑द्ध्यै
Sentence: 12 या ते॑ अग्ने॒ रुद्रि॑या त॒नूरित्या॑ह
Sentence: 13 स्वयैवैनद्दे॒वत॑या व्रतयति
Sentence: 14 सयोनि॒त्वाय॒ शान्त्यै॑ ॥
Paragraph: 3
Verse: 1
Sentence: 1 तेषा॒मसु॑राणां ति॒स्रः पुर॑ आसन्नय॒स्मय्य॑व॒माथ॑ रज॒ताथ॒ हरि॑णी
Sentence: 2 ता दे॒वा जेतुं॒ नाश॑क्नुव॒न्ता उ॑प॒सदै॒वाजि॑गीषन्
Sentence: 3 तस्मा॑दाहु॒र्यश्चै॒वं वेद॒ यश्च॒ न ।
Sentence: 4 उ॑प॒सदा वै महापु॒रं ज॑य॒न्तीति
Sentence: 5 त इषुं॒ सम॑स्कुर्वता॒ग्निमनी॑कं॒ सोमं॑ श॒ल्यं विष्णुं॒ तेज॑नम् ।
Sentence: 6 ते॑ ऽब्रुवन्
Sentence: 7 क इ॒माम॑सिष्य॒तीति॑ ॥
Verse: 2
Sentence: 1 रु॒द्र इत्य॑ब्रुवन्रु॒द्रो वै॑ क्रू॒रः सो॑ ऽस्य॒त्विति
Sentence: 2 सो॑ ऽब्रवीत् ।
Sentence: 3 वरं॑ वृणा अ॒हमे॒व प॑शू॒नामधि॑पतिरसा॒नीति॒ तस्मा॑द्रु॒द्रः प॑शू॒नामधि॑पतिस्
Sentence: 4 तां रु॒द्रो ऽवा॑सृज॒त्स ति॒स्रः पुरो॑ भित्त्वै॒भ्यो लो॒केभ्यो ऽसु॑रा॒न्प्राणु॑दत
Sentence: 5 यदु॑प॒सद॑ उपस॒द्यन्ते॒ भ्रातृ॑व्यपराणुत्तयै
Sentence: 6 नान्यामाहु॑तिम्पु॒रस्ता॑ज्जुहुयात् ।
Sentence: 7 यद॒न्यामाहु॑तिम्पु॒रस्ता॑ज्जुहु॒यात् ॥
Verse: 3
Sentence: 1 अ॒न्यन्मुखं॑ कुर्यात्
Sentence: 2 स्रु॒वेना॑घा॒रमा घा॑रयति य॒ज्ञस्य॒ प्रज्ञत्यै
Sentence: 3 परा॑ङति॒क्रम्य॑ जुहोति
Sentence: 4 परा॑च एवै॒भ्यो लो॒केभ्यो॒ यज॑मानो॒ भ्रातृ॑व्या॒न्प्र णु॑दते
Sentence: 5 पुन॑रत्या॒क्रम्यो॑प॒सदं॑ जुहोति
Sentence: 6 प्र॒णुद्यैवै॒भ्यो लो॒केभ्यो{F भ्रातृ॒व्याञ्{W भ्रात्रि॒व्याञ्{GOLS भ्रातृ॒व्याञ् जि॒त्वा भ्रतृ॑व्यलो॒कम॒भ्यारो॑हति
Sentence: 7 दे॒वा वै॒ याः प्रा॒तरु॑प॒सद॑ उ॒पासी॑द॒न्नह्न॒स्ताभि॒रसु॑रा॒न्प्राणु॑दन्त
Sentence: 8 याः सा॒यं रात्रि॑यै॒ ताभि॑स् ।
Sentence: 9 यत्सा॒यम्प्रा॑तरुप॒सदः॑ ॥
Verse: 4
Sentence: 1 उ॑पस॒द्यन्ते॑ ऽहोरा॒त्राभ्या॑मे॒व तद्यज॑मानो॒ भ्रातृ॒व्यान्प्र णु॑दते
Sentence: 2 याः प्रा॒तर्या॒ज्याः॒ स्युस्ताः सा॒यम्पु॑रोऽनुवा॒क्याः॑ कुर्या॒दया॑तयामत्वाय
Sentence: 3 ति॒स्र उ॑प॒सद॒ उपै॑ति॒ त्रय॑ इ॒मे लो॒का इ॒माने॒व लो॒कान्प्री॑णाति
Sentence: 4 षट्सम्प॑द्यन्ते॒ षड्वा ऋ॒तव॑ ऋ॒तूने॒व प्री॑णाति॒ द्वाद॑शा॒हीने॒ सोम॒ उपै॑ति॒ द्वाद॑श॒ मासाः॑ संवत्स॒रः सं॑वत्स॒रमे॒व प्री॑णाति
Sentence: 5 चतु॑र्विंशतिः॒ सम् ॥
Verse: 5
Sentence: 1 प॑द्यन्ते
Sentence: 2 चतु॑र्विंशतिरर्धमा॒सा अ॑र्धमा॒साने॒व प्री॑णाति ।
Sentence: 3 आरा॑ग्रामवान्तरदी॒क्षामुपे॑या॒द्यः का॒मये॑त ।
Sentence: 4 अ॒स्मिन्मे लो॒के ऽर्धु॑कं स्या॒दित्येक॒मग्रे ऽथे॒ द्वावथ॒ त्रीनथ॑ च॒तुर॑ ए॒षा वा आरा॑ग्रावा�स्मै॑ लो॒के ऽर्धु॑कम्भवति
Sentence: 5 प॒रोव॑रीयसीमवान्तरदी॒क्षामुपे॑या॒द्यः का॒मये॑त ।
Sentence: 6 अ॒मुष्मि॒न्मे लो॒के ऽर्धु॑कं स्या॒दिति॑ च॒तुरो ऽग्रे ऽथे॒ त्रीनथ॒ द्वावथै॑कमे॒षा वै॑ प॒रोव॑रीयस्यवानतरदी॒क्षामुष्मि॑न्ने॒वास्मै॑ लो॒के ऽर्धु॑कम्भवति ॥
Paragraph: 4
Verse: 1
Sentence: 1 सु॑व॒र्गं वा ए॒ते लो॒कं य॑न्ति॒ य उ॑प॒सद॑ उप॒यन्ति
Sentence: 2 तेषां॒ य उ॒न्नय॑ते॒ हीय॑त ए॒व स^ सस्
Sentence: 3 नोद॑ने॒षीति॒ सून्नी॑यमिव
Sentence: 4 यो वै॑ स्वा॒र्थेतां॑ य॒तां श्रा॒न्तो हीय॑त उ॒त स नि॒ष्ट्याय॑ स॒ह व॑सति
Sentence: 5 तस्मा॑त्स॒कृदु॒न्नीय॒ नाप॑र॒मुन्न॑येत
Sentence: 6 द॒ध्नोन्न॑येत ।
Sentence: 7 ए॒तद्वै॑ पशू॒नां रू॒पम् ।
Sentence: 8 रू॒पेणै॒व प॒शूनव॑ रुन्द्धे ॥
Verse: 2
Sentence: 1 य॒ज्ञो दे॒वेभ्यो॒ निला॑यत॒ विष्णू॑ रू॒पं कृ॒त्वा
Sentence: 2 स पृ॑थि॒वीम्प्रावि॑शत्
Sentence: 3 तं दे॒वा हस्ता॑न्त्सं॒रभ्यै॑छन्
Sentence: 4 तमिन्द्र॑ उ॒पर्यु॑प॒र्यत्य॑क्रामत्
Sentence: 5 सो॑ ऽब्रवीत्
Sentence: 6 को मा॒यमु॒पर्यु॑प॒र्यत्य॑क्रमी॒दिति॑ ।
Sentence: 7 अ॒हं दु॒र्गे हन्तेत्यथ॒ कस्त्वमिति॑ ।
Sentence: 8 अ॒हं दु॒र्गादाह॒र्तेति
Sentence: 9 सो॑ ऽब्रवीत् ।
Sentence: 10 दु॒र्गे वै॒ हन्ता॑वोचथा वरा॒हो॒ ऽयं वा॑ममो॒षः ॥
Verse: 3
Sentence: 1 स॑प्ता॒नां गि॑री॒णाम्प॒रस्ता॑द्वि॒त्तं वेद्य॒मसु॑राणाम्बिभर्ति॒ तं ज॑हि॒ यदि॑ दु॒र्गे हन्तासीति
Sentence: 2 स द॑र्भपुञ्जी॒लमु॒द्वृह्य॑ स॒प्तगि॒रीन्भि॒त्त्वा तम॑हन् ।
Sentence: 3 सो॑ ऽब्रवीत् ।
Sentence: 4 दु॒र्गाद्वा आह॑र्तावोचथा ए॒तमा ह॒रेति
Sentence: 5 तमे॑भ्यो य॒ज्ञ ए॒व य॒ज्ञमाह॑रत् ।
Sentence: 6 यत्तद्वि॒त्तं वेद्य॒मसु॑राणा॒मवि॑न्दन्त॒ तदेकं॒ वेद्यै॑ वेदि॒त्वम्
Sentence: 7 असु॑राणाम् ॥
Verse: 4
Sentence: 1 वा इ॒यमग्र॑ आसीत् ।
Sentence: 2 याव॒दासी॑नः परा॒पश्य॑ति॒ ताव॑द्दे॒वाना॑म् ।
Sentence: 3 ते दे॒वा अ॑ब्रुवन् ।
Sentence: 4 अस्त्वे॒व नो॑ ऽस्या॒मपीति
Sentence: 5 किय॑द्वो दास्याम॒ इति
Sentence: 6 याव॑दि॒यं स॑लावृ॒की त्रिः प॑रि॒क्राम॑ति॒ ताव॑न्नो द॒त्तेति
Sentence: 7 स इन्द्रः॑ सलावृ॒की रू॒पं कृ॒त्वेमां त्रिः स॒र्वतः॒ पर्य॑क्रामत्
Sentence: 8 तदि॒माम॑विन्दन्त
Sentence: 9 यदि॒मामवि॑न्दन्त॒ तद्वेद्यै॑ वेदि॒त्वम् ॥
Verse: 5
Sentence: 1 सा वा इ॒यं सर्वै॒व वेदि॑स् ।
Sentence: 2 इय॑ति शक्ष्या॒मीति॒ त्वा अ॑व॒माय॑ यजन्ते
Sentence: 3 त्रिं॒शत्प॒दानि॑ प॒श्चात्ति॒रश्ची॑ भवति॒ षट्त्रिं॑श॒त्प्राची॒ चतु॑र्विंशतिः पु॒रस्ता॑त्त�
Sentence: 4 दश॑दश॒ सम्प॑द्यन्ते
Sentence: 5 दशा॑क्षरा वि॒राद्^वि॒राज्
Sentence: 6 अन्नं वि॒राद्^वि॒राज्
Sentence: 7 वि॒राजै॒वान्नाद्य॒मव॑ रुन्द्धे ।
Sentence: 8 उद्ध॑न्ति
Sentence: 9 यदे॒वास्या॑ अमे॒ध्यं तदप॑ हन्ति ।
Sentence: 10 उद्ध॑न्ति
Sentence: 11 तस्मा॒दोष॑धयः॒ परा॑ भवन्ति
Sentence: 12 ब॒र्हि स्तृ॑णाति
Sentence: 13 तस्मा॒दोष॑धयः॒ पुन॒रा भ॑वन्ति ।
Sentence: 14 उत्त॑रम्ब॒र्हिष॑ उत्तरब॒र्हि स्तृ॑णाति
Sentence: 15 प्र॒जा वै॑ ब॒र्हिर्यज॑मान उत्तरब॒र्हिस् ।
Sentence: 16 यज॑मानमे॒वाय॑जमाना॒दुत्त॑रं करोति
Sentence: 17 तस्मा॒द्यज॑मा॒नो ऽय॑जमाना॒दुत्त॑रः ॥
Paragraph: 5
Verse: 1
Sentence: 1 यद्वा अनी॑शानो भा॒रमा॑द॒त्ते वि वै॒ स लि॑शते
Sentence: 2 यद्द्वाद॑श सा॒ह्नस्यो॑प॒सदः॒ स्युस्ति॒स्रो॒ ऽहीन॑स्य य॒ज्ञस्य॒ विलो॑म क्रियेत
Sentence: 3 ति॒स्र ए॒व सा॒ह्नस्यो॑प॒सदो॒ द्वाद॑शा॒हीन॑स्य य॒ज्ञस्य॑ सवीर्य॒त्वायाथो॒ सलो॑म क्रियते
Sentence: 4 व॒त्सस्यै॑क॒ स्तनो॑ भा॒गी हि सो ऽथै॑कं॒ स्तनं॑ व्र॒तमुपै॒त्यथ॒ द्वावथ॒ त्रीनथ॑ च॒तुर॑ ए॒तद्वै॑ ॥
Verse: 2
Sentence: 1 क्षु॒रप॑वि॒ नाम॑ व्र॒तं येन॒ प्र जा॒तान्भ्रातृ॑व्यान्नु॒दते॒ प्रति॑ जनि॒ष्यमा॑णा॒नथो॒ कनी॑यसै॒व भूय॒ उपै॑ति
Sentence: 2 च॒तुरो ऽग्रे॒ स्तना॑न्व्र॒तमुपै॒त्यथ॒ त्रीनथ॒ द्वावथै॑कमे॒तद्वै॑ सुजघ॒नं नाम॑ व्र॒तं त॑प॒स्यं॑ सुव॒र्ग्य॒मथो प्रै॒व जा॑यते प्र॒जया॑ प॒शुभि॑स् ।
Sentence: 3 य॑वा॒गू रा॑ज॒न्य॑स्य व्र॒तं क्रू॒रेव वै यवा॒गूः क्रू॒र इ॑व ॥
Verse: 3
Sentence: 1 रा॑ज॒न्यो॒ वज्र॑स्य रू॒पं समृ॑द्ध्यै ।
Sentence: 2 आ॒मिक्षा वैश्यस्य पाकय॒ज्ञस्य॑ रू॒पम्पुष्ट्यै
Sentence: 3 पयो॑ ब्राह्म॒णस्य॒ तेजो वै ब्राह्म॒णस्तेजः॒ पय॒स्तेज॑सै॒व तेजः॒ पय॑ आ॒त्मन्ध॑त्ते ।
Sentence: 4 अथो॒ पय॑सा वै॒ गर्भा॑ वर्धन्ते॒ गर्भ॑ इव॒ खलु॒ वा ए॒ष यद्दी॑क्षि॒तो यद॑स्य॒ पयो॑ व्र॒तम्भव॑त्�॒व तद्व॑र्धयति
Sentence: 5 त्रिव्र॑तो वै॒ मनु॑रासी॒द्द्विव्र॑ता॒ असु॑रा॒ एक॑व्रताः ॥
Verse: 4
Sentence: 1 दे॒वास् ।
Sentence: 2 प्रा॒तर्म॒ध्यन्दि॑ने सा॒यं तन्मनो॑र्व्र॒तमा॑सीत्पाकय॒ज्ञस्य॑ रू॒पम्पुष्ट्यै
Sentence: 3 प्रा॒तश्च॑ सा॒यं चासु॑राणां निर्म॒ध्यं क्षु॒धो रू॒पं तत॑स्ते॒ परा॑भवन्
Sentence: 4 म॒ध्यन्दि॑ने मध्यरा॒त्रे दे॒वानां॒ तत॒स्ते॑ ऽभवन्त्सुव॒र्गं लो॒कमा॑यन्
Sentence: 5 यद॑स्य म॒ध्यन्दि॑ने मध्यरा॒त्रे व्र॒तम्भव॑ति मध्य॒तो वा अन्ने॑न भुञ्जते मध्य॒त ए॒व तदूर्जं॑ धत्ते॒ भ्रातृ॑व्याभिभूत्यै
Sentence: 6 भव॑त्या॒त्मना॑ ॥
Verse: 5
Sentence: 1 परा॑स्य॒ भ्रातृ॑व्यो भवति
Sentence: 2 गर्भो॒ वा ए॒ष यद्दी॑क्षि॒तो योनि॑र्दीक्षितविमि॒तं यद्दी॑क्षि॒तो दी॑क्षितविमि॒तात्प्र॒वसे॒था॒ योने॒र्गर्भ॒ स्कन्द॑ति ता॒दृगे॒व तन्न प्र॑वस्त॒व्य॑मा॒त्मनो॑ गोपी॒थाय॑ ।
Sentence: 3 ए॒ष वै॑ व्या॒घ्रः कु॑लगो॒पो यद॒ग्निस्तस्मा॒द्यद्दी॑क्षि॒तः प्र॒वसे॒त्स ए॑नमीश्व॒रो॑ ऽनू॒त्थाय॒ हन्तो॒र्न प्र॑वस्त॒व्य॑मा॒त्मनो॒ गुप्त्यै
Sentence: 4 दक्षिण॒तः श॑य ए॒तद्वै॒ यज॑मानस्या॒यत॑नं॒ स्व ए॒वायत॑ने शये ।
Sentence: 5 अ॒ग्निम॑भ्या॒वृत्य॑ शये दे॒वता॑ ए॒व य॒ज्ञम॑भ्या॒वृत्य॑ शये ॥
Paragraph: 6
Verse: 1
Sentence: 1 पु॒रोह॑विषि देव॒यज॑ने याजये॒द्यं का॒मये॑त ।
Sentence: 2 उपै॑न॒मुत्त॑रो य॒ज्ञो न॑मेद॒भि सु॑व॒र्गं लो॒कं ज॑ये॒दिति॑ ।
Sentence: 3 ए॒तद्वै॑ पु॒रोह॑विर्देव॒यज॑नं॒ यस्य॒ होता॑ प्रातरनुवा॒कम॑नुब्रु॒वन्न॒ग्निम॒प आ॑दि॒त्यम॒भि वि॒पश्य॑ति ।
Sentence: 4 उपै॑न॒मुत्त॑रो य॒ज्ञो न॑मत्य॒भि सु॑व॒र्गं लो॒कं ज॑यति ।
Sentence: 5 आ॒प्ते दे॑व॒यज॑ने याजये॒द्भ्रातृ॑व्यवन्तम्
Sentence: 6 पन्थां॒ वाधि॑स्पर्शयेत्क॒र्तं वा
Sentence: 7 याव॒न्नान॑से॒ यातवै ॥
Verse: 2
Sentence: 1 न रथा॑यै॒तद्वा आ॒प्तं दे॑व॒यज॑नम्
Sentence: 2 आ॒प्नोत्ये॒व भ्रातृ॑व्यं नैन॒म्भ्रातृ॑व्य आप्नोति ।
Sentence: 3 एको॑न्नते देव॒यज॑ने याजजेत्प॒शुका॑मम्
Sentence: 4 एको॑न्नताद्वै देव॒यज॑ना॒दङ्गि॑रसः प॒शून॑सृजन्त ।
Sentence: 5 अ॑न्त॒रा स॑दोहविर्धा॒ने उ॑न्न॒तं स्या॑त् ।
Sentence: 6 ए॒तद्वा एको॑न्नतं देव॒यज॑नम्
Sentence: 7 पशु॒माने॒व भ॑वति
Sentence: 8 त्र्यु॑न्नते देव॒यज॑ने याजयेत्सुव॒र्गका॑मम् ।
Sentence: 9 त्र्यु॑न्नताद्वै देव॒यज॑ना॒दङ्गि॑रसः सुव॒र्गं लो॒कमा॑यन् ।
Sentence: 10 अ॑न्त॒राह॑व॒नीयं॑ च हवि॒र्धानं॑ च ॥
Verse: 3
Sentence: 1 उ॑न्न॒तं स्या॑दन्त॒रा ह॑वि॒र्धानं॑ च॒ सद॑श्चान्त॒रा सद॑श्च॒ गार्ह॑पत्यं च ।
Sentence: 2 ए॒तद्वै॒ त्र्यु॑न्नतं देव॒यज॑नम् ।
Sentence: 3 सु॑व॒र्गमे॒व लो॒कमे॑ति
Sentence: 4 प्रति॑ष्ठिते देव॒यज॑ने याजयेत्प्रति॒ष्ठाका॑मम्
Sentence: 5 ए॒तद्वै॒ प्रति॑ष्ठितं देव॒यज॑नं॒ यत्स॒र्वतः॑ स॒मम्
Sentence: 6 प्रत्ये॒व ति॑ष्ठति
Sentence: 7 यत्रान्याअन्या॒ ओष॑धयो॒ व्यति॑षक्ताः॒ स्युस्तद्या॑जयेत्प॒शुका॑मम्
Sentence: 8 ए॒तद्वै॑ पशू॒नां रू॒पम् ।
Sentence: 9 रू॒पेणै॒वास्मै॑ प॒शून् ॥
Verse: 4
Sentence: 1 अव॑ रुन्द्धे
Sentence: 2 पशु॒माने॒व भ॑वति
Sentence: 3 निरृ॑तिगृहीते देव॒यज॑ने याजये॒द्यं का॒मये॑त
Sentence: 4 निरृ॑त्यास्य य॒ज्ञं ग्रा॑हयेय॒मिति॑ ।
Sentence: 5 ए॒तद्वै॒ निरृ॑तिगृहीतं देव॒यज॑नं॒ यत्स॒दृश्यै॑ स॒त्या॑ ऋ॒क्षम् ।
Sentence: 6 निरृ॑त्यै॒वास्य॑ य॒ज्ञं ग्रा॑हयति
Sentence: 7 व्यावृ॑त्ते देव॒यज॑ने याजयेद्व्या॒वृत्का॑मं॒ यम्पात्रे॑ वा॒ तल्पे॑ वा॒ मीमां॑सेरन्
Sentence: 8 प्रा॒चीन॒माह॑व॒नीया॑त्प्रव॒णं स्या॑त्प्रती॒चीनं॒ गार्ह॑पत्यादे॒तद्वै॒ व्यावृ॑त्तं देव॒य�म् ।
Sentence: 9 वि पा॒प्मना॒ भ्रातृ॑व्ये॒णा व॑र्तते
Sentence: 10 नैन॒म्पात्रे॒ न तल्पे॑ मीमांसन्ते
Sentence: 11 का॒र्ये॑ देव॒यज॑ने याजये॒द्भूति॑कामम् ।
Sentence: 12 का॒र्यो वै॒ पुरु॑षस् ।
Sentence: 13 भव॑त्ये॒व ॥
Paragraph: 7
Verse: 1
Sentence: 1 तेभ्य॑ उत्तरवे॒दिः सिं॒ही रू॒पं कृ॒त्वोभया॑नन्त॒राप॒क्रम्या॑तिष्ठत्
Sentence: 2 ते दे॒वा अ॑मन्यन्त
Sentence: 3 यन्त॒रान्वा इ॒यमु॑पाव॒र्त्स्यति॒ त इ॒दम्भ॑विष्य॒न्तीति
Sentence: 4 तामुपा॑मन्त्रयन्त
Sentence: 5 साब्र॑वीद्
Sentence: 6 वरं॑ वृणै॒ सर्वा॒न्मया॒ कामा॒न्व्य॑श्नवथ॒ पूर्वां॒ तु मा॒ग्नेराहु॑तिरश्नवता॒ इति
Sentence: 7 तस्मा॑दुत्तरवे॒दिम्पूर्वा॑म॒ग्नेर्व्याघा॑रयन्ति
Sentence: 8 वारे॑वृतं॒ ह्य॑स्यै
Sentence: 9 शम्य॑या॒ परि॑ मिमीते ॥
Verse: 2
Sentence: 1 मात्रै॒वास्यै॒ साथो॑ यु॒क्तेनै॒व यु॒क्तमव॑ रुन्द्धे
Sentence: 2 वि॒त्ताय॑नी मे॒ ऽसीत्या॑ह
Sentence: 3 वि॒त्ता ह्ये॑ना॒नाव॑त्
Sentence: 4 ति॒क्ताय॑नी मे॒ ऽसीत्या॑ह
Sentence: 5 ति॒क्तान्ह्ये॑ना॒नाव॑त्
Sentence: 6 अव॑तान्मा नाथि॒तमित्या॑ह
Sentence: 7 नाथि॒तान्ह्ये॑ना॒नाव॑द्
Sentence: 8 अव॑तान्मा व्यथि॒तमित्या॑ह
Sentence: 9 व्यथि॒तान्ह्ये॑ना॒नाव॑द्
Sentence: 10 वि॒देर॒ग्निर्नभो॒ नाम॑ ॥
Verse: 3
Sentence: 1 अग्ने॑ अङ्गिर॒ इति॒ त्रिर्ह॑रति
Sentence: 2 य एवै॒षु लो॒केष्व॒ग्नय॑स्
Sentence: 3 ताने॒वाव॑ रुन्द्धे तू॒ष्णीं च॑तु॒र्थं ह॑रत्य्
Sentence: 4 अनि॑रुक्तमे॒वाव॑ रुन्द्धे
Sentence: 5 सिं॒हीर॑सि महि॒षीर॒सीत्या॑ह
Sentence: 6 सिं॒हीर्ह्ये॒षा रू॒पं कृ॒त्वोभया॑नन्त॒राप॒क्रम्याति॑ष्ठद्
Sentence: 7 उ॒रु प्र॑थस्वो॒रु ते॑ य॒ज्ञप॑तिः प्रथता॒मित्या॑ह
Sentence: 8 यज॑मानमे॒व प्र॒जया॑ प॒शुभिः॑ प्रथयति
Sentence: 9 ध्रु॒वा ॥
Verse: 4
Sentence: 1 अ॒सीति॒ सं ह॑न्ति॒ धृत्यै॑ दे॒वेभ्यः॑ शुन्धस्वदे॒वेभ्यः॑ शुम्भ॒स्वेत्यव॑ चो॒क्षति॒ प्र च॑ किरति॒ शुद्ध्यै॑ ।
Sentence: 2 इ॑न्द्रघो॒षस्त्वा॒ वसु॑भिः पु॒रस्ता॑त्पा॒त्वित्या॑ह दि॒ग्भ्य एवैना॒म्प्रोक्ष॑ति
Sentence: 3 दे॒वांश्चेदु॑त्तरवे॒दिरु॒पाव॑वर्तीहै॒व वि ज॑यामहा॒ इत्यसु॑रा॒ वज्र॑मु॒द्यत्य॑ दे॒वान॒भ्य�न्त॒ तानि॑न्द्रघो॒षो वसु॑भिः पु॒रस्ता॒दप॑ ॥
Verse: 5
Sentence: 1 अ॑नुदत॒ मनो॑जवाः पि॒तृभि॑र्दक्षिण॒तः प्रचे॑ता रुद्रैः प॒श्चाद्वि॒श्वक॑र्मादित्यैरुत्तर॒त�
Sentence: 2 यदे॒वमु॑त्तरवेदिम्प्रो॒क्षति॑ दि॒ग्भ्य ए॒व तद्यज॑मानो॒ भ्रातृ॑व्या॒न्प्रणु॑दत
Sentence: 3 इन्द्रो॒ यती॑न्त्सालावृ॒केभ्यः॒ प्राय॑छ॒त्तान्द॑क्षिण॒त उ॑त्तरवे॒द्या आ॑दन्
Sentence: 4 यत्प्रोक्ष॑णीनामु॒च्छिष्ये॑त॒ तद्द॑क्षिण॒त उ॑त्तरवेद्यै॒ नि न॑येद्
Sentence: 5 यदे॒व तत्र॑ क्रू॒रं तत्तेन॑ शमयति
Sentence: 6 यं द्वि॒ष्यात्तं ध्या॑येच्छुचैवैनमर्पयति
Paragraph: 8
Verse: 1
Sentence: 1 सोत्त॑रवे॒दिर॑ब्रवीत्
Sentence: 2 सर्वा॒न्मया॒ कामा॒न्व्य॑श्नव॒थेति
Sentence: 3 ते दे॒वा अ॑कामयन्त ।
Sentence: 4 असु॑रा॒न्भ्रातृ॑व्यान॒भि भ॑वे॒मेति
Sentence: 5 ते ऽजु॑हवुः
Sentence: 6 सिं॒हीर॑सि सपत्नसा॒ही स्वाहेति
Sentence: 7 ते ऽस्रु॑रा॒न्भ्रातृ॑व्यान॒भ्य॑भवन्
Sentence: 8 ते ऽसु॑रा॒न्भ्रातृ॑व्यानभि॒भूया॑कामयन्त
Sentence: 9 प्र॒जां वि॑न्देम॒हीति
Sentence: 10 ते॑ ऽजुहवुः
Sentence: 11 सिं॒हीर॑सि सुप्रजा॒वनिः॒ स्वाहेति
Sentence: 12 ते प्र॒जाम॑विन्दन्त
Sentence: 13 ते प्र॒जां वि॒त्त्वा ॥
Verse: 2
Sentence: 1 अ॑कामयन्त
Sentence: 2 प॒शून्वि॑न्देम॒हीति
Sentence: 3 ते॑ ऽजुहवुः
Sentence: 4 सिं॒हीर॑सि रायस्पोष॒वनिः॒ स्वाहेति
Sentence: 5 ते प॒शून॑विन्दन्त
Sentence: 6 ते प॒शून्वि॒त्त्वाका॑मयन्त
Sentence: 7 प्रति॒ष्ठां वि॑न्देम॒हीति
Sentence: 8 ते॑ ऽजुहवुः
Sentence: 9 सिं॒हीर॑स्यादित्य॒वनिः॒ स्वाहेति
Sentence: 10 त इ॒माम्प्र॑ति॒ष्ठाम॑विन्दन्त
Sentence: 11 त इ॒माम्प्र॑ति॒ष्ठां वि॒त्त्वाका॑मयन्त
Sentence: 12 दे॒वता॑ आ॒शिष॒ उपे॑या॒मेति
Sentence: 13 ते॑ ऽजुहवुः
Sentence: 14 सिं॒हीर॒स्या व॑ह दे॒वान्दे॑वय॒ते ॥
Verse: 3
Sentence: 1 यज॑मानाय॒ स्वाहेति
Sentence: 2 ते दे॒वता॑ आ॒शिष॒ उपा॑यन्
Sentence: 3 पञ्च॒ कृत्वो॒ व्याघा॑रयति
Sentence: 4 पञ्चा॑क्षरा प॒ङ्क्तिः
Sentence: 5 पाङ्क्तो॑ य॒ज्ञस् ।
Sentence: 6 य॒ज्ञमे॒वाव॑ रुन्द्धे ।
Sentence: 7 अ॒क्ष्ण्या व्याघा॑रयति
Sentence: 8 तस्मा॑दक्ष्ण॒या प॒शवो ऽङ्गा॑नि॒ प्र ह॑रन्ति
Sentence: 9 प्रति॑ष्ठित्यै
Sentence: 10 भू॒तेभ्य॒स्त्वेति॒ स्रुच॒मुद्गृ॑ह्णाति
Sentence: 11 य ए॒व दे॒वा भू॒तास्तेषां॒ तद्भा॑ग॒धेय॑म् ।
Sentence: 12 ताने॒व तेन॑ प्रीणाति
Sentence: 13 पौतुद्रवान्परि॒धीन्परि॑ दधाति ।
Sentence: 14 ए॒षाम् ॥
Verse: 4
Sentence: 1 लो॒कानां॒ विधृ॑त्यै ।
Sentence: 2 अ॒ग्नेस्त्रयो॒ ज्यायां॑सो॒ भ्रात॑र आसन्
Sentence: 3 ते दे॒वेभ्यो॑ ह॒व्यं वह॑न्तः॒ प्रामी॑यान्त
Sentence: 4 सो॒ ऽग्निर॑बिभेत् ।
Sentence: 5 इ॒त्थं वाव स्य आर्ति॒मारि॑ष्य॒तीति
Sentence: 6 स निला॑यत
Sentence: 7 स यां वन॒स्पति॒ष्वव॑स॒त्ताम्पूतु॑द्रौ॒ यामोष॑धीषु॒ तां सु॑गन्धि॒तेज॑ने॒ याम्प॒शुषु॒ ताम्पेत्व॑स्यान्त॒रा शृङ्गे
Sentence: 8 तं दे॒वताः॑ प॒रिष॑ऐछन्
Sentence: 9 तमन्व॑विन्दन्
Sentence: 10 तम॑ब्रुवन् ॥
Verse: 5
Sentence: 1 उप॑ न॒ आ व॑र्तस्व ह॒व्यं नो॑ व॒हेति
Sentence: 2 सो॑ ऽब्रवीत् ।
Sentence: 3 वरं॑ वृणै॒ यदे॒व गृ॑ही॒तस्याहु॑तस्य बहिःपरि॒धि स्कन्दा॒त्तन्मे॒ भ्रातृ॑णाम्भाग॒धेय॑मस॒दित
Sentence: 4 तस्मा॒द्यद्गृ॑ही॒तस्याहु॑तस्य बहिःपरि॒धि स्कन्द॑ति॒ तेषां॒ तद्भा॑ग॒धेयं॒ ताने॒व तेन॑ प्रीणाति
Sentence: 5 सो॑ ऽमन्यत ।
Sentence: 6 अ॑स्थ॒न्वन्तो॑ मे॒ पूर्वे॒ भ्रात॑रः॒ प्रामे॑षता॒स्थानि॑ शातया॒ इति
Sentence: 7 स यानि॑ ॥
Verse: 6
Sentence: 1 अ॒स्थान्यशा॑तयत॒ तत्पूतु॑द्र्वभवत् ।
Sentence: 2 यन्मां॒समुप॑मृतं॒ तद्गुल्गु॑लु॒ यदे॒तान्त्स॑म्भा॒रान्त्स॒म्भर॑त्य॒ग्निमे॒व तत्सम्भ॑रति ।
Sentence: 3 अ॒ग्नेः पुरी॑षम॒सीत्या॑ह ।
Sentence: 4 अ॒ग्नेर्ह्ये॒तत्पुरी॑षं॒ यत्सं॑भा॒रास् ।
Sentence: 5 अथो॒ खल्वा॑हुस् ।
Sentence: 6 ए॒ते वावै॑नं॒ ते भ्रात॑रः॒ परि॑ शेरे॒ यत्पौ॑तुद्रवाः परि॒धय॒ इति॑ ॥
Paragraph: 9
Verse: 1
Sentence: 1 ब॒द्धमव॑ स्यति
Sentence: 2 वरुणपा॒शादेवैने मुञ्चति
Sentence: 3 प्र णे॑नेक्ति॒ मेध्ये॑ एवैने करोति
Sentence: 4 सावित्रि॒यर्चा हु॒त्वा ह॑वि॒र्धाने॒ प्र व॑र्तयति
Sentence: 5 सवि॒तृप्र॑सूत एवैने॒ प्र व॑र्तयति
Sentence: 6 वरु॑णो॒ वा ए॒ष दु॒र्वागु॑भ॒यतो॑ ब॒द्धो यदक्षः
Sentence: 7 स यदु॒त्सर्जे॒द्यज॑मानस्य गृ॒हान॒भ्युत्स॑र्जेत्
Sentence: 8 सु॒वाग्दे॑व॒ दुर्यां॒ आ व॒देत्या॑ह
Sentence: 9 गृ॒हा वै॒ दुर्याः
Sentence: 10 शान्त्यै
Sentence: 11 पत्नी॑ ॥
Verse: 2
Sentence: 1 उपा॑नक्ति
Sentence: 2 पत्नी॒ हि सर्व॑स्य मि॒त्रम्
Sentence: 3 मित्र॒त्वाय
Sentence: 4 यद्वै॒ पत्नी॑ य॒ज्ञस्य॑ क॒रोति॑ मिथु॒नं तत् ।
Sentence: 5 अथो॒ पत्नि॑या एवै॒ष य॒ज्ञस्या॑न्वार॒म्भोन॑वछित्त्यै
Sentence: 6 वर्त्म॑ना॒ वा अ॒न्वित्य॑ य॒ज्ञं रक्षां॑सि जिघांसन्ति
Sentence: 7 वैष्ण॒वीभ्या॒मृग्भ्यां वर्त्म॑नोर्जुहोति
Sentence: 8 य॒ज्ञो वै॒ विष्णु॑स् ।
Sentence: 9 य॒ज्ञादे॒व रक्षां॒स्यप॑ हन्ति
Sentence: 10 यद॑ध्व॒र्युर॑न॒ग्नावाहु॑तिं जुहु॒याद॒न्धो॑ ऽध्व॒र्युः स्या॒द्रक्षां॑सि य॒ज्ञं ह॑न्युः ॥
Verse: 3
Sentence: 1 हिर॑ण्यमु॒पास्य॑ जुहोति ।
Sentence: 2 अ॑ग्नि॒वत्ये॒व जु॑होति
Sentence: 3 नान्धो॑ ऽध्व॒र्युर्भव॑ति॒ न य॒ज्ञं रक्षां॑सि घ्नन्ति
Sentence: 4 प्राची॒ प्रेत॑मध्व॒रं क॒ल्पय॑न्ती॒ इत्या॑ह
Sentence: 5 सुव॒र्गमेवै॒ने लो॒कं ग॑मयति ।
Sentence: 6 अत्र॑ रमेथां॒ वर्ष्म॑न्पृथि॒व्या इत्या॑ह
Sentence: 7 वर्ष्म॒ ह्ये॒तत्पृ॑थि॒व्या यद्दे॑व॒यज॑नम् ।
Sentence: 8 शिरो॒ वा ए॒तद्य॒ज्ञस्य॒ यद्ध॑वि॒र्धान॑म् ।
Sentence: 9 दि॒वो वा॑ विष्णवु॒त वा॑ पृथि॒व्याः ॥
Verse: 4
Sentence: 1 इत्या॒शीर्प॑दय॒र्चा दक्षि॑णस्य हवि॒र्धान॑स्य मे॒थीं नि ह॑न्ति
Sentence: 2 शीर्ष॒त ए॒व य॒ज्ञस्य॒ यज॑मान आ॒शिषो ऽव॑ रुन्द्धे
Sentence: 3 द॒ण्डो वा औ॑प॒रस्तृ॒तीय॑स्य हवि॒र्धान॑स्य वषट्का॒रेणा॑क्षमछिनत् ।
Sentence: 4 यत्तृ॒तीयं॑ छ॒दिर्ह॑वि॒र्धान॑योरुदाह्रि॒यते॑ तृ॒तीय॑स्य हवि॒र्धान॒स्याव॑रुद्ध्यै
Sentence: 5 शिरो॒ वा ए॒तद्य॒ज्ञस्य॒ यद्ध॑वि॒र्धान॑म् ।
Sentence: 6 विष्णो॑ र॒राट॑मसि॒विष्णोः॑ पृ॒ष्ठम॒सीत्या॑ह
Sentence: 7 तस्मा॑देताव॒द्धा शिरो॒ विष्यू॑तम् ।
Sentence: 8 विष्णोः॒ स्यूर॑सि॒ विष्णो॑र्ध्रु॒वम॒सीत्या॑ह
Sentence: 9 वैष्ण॒वं हि दे॒वत॑या हवि॒र्धान॑म् ।
Sentence: 10 यम्प्र॑थ॒मं ग्र॒न्थिं ग्र॑थ्नी॒यात्यत्तं न॑ विस्रं॒सये॒दमे॑हेनाध्व॒र्युः प्र मी॑येत
Sentence: 11 तस्मा॒त्स वि॒स्रस्यः॑ ॥
Paragraph: 10
Verse: 1
Sentence: 1 दे॒वस्य॑ त्वा सवि॒तुः प्र॑स॒व इत्यभ्रि॒मा द॑त्ते॒ प्रसू॑त्यै ।
Sentence: 2 अ॒श्विनो॑र्बा॒हुभ्या॒मित्या॑ह ।
Sentence: 3 अ॒श्विनौ॒ हि दे॒वाना॑मध्व॒र्यू आस्ता॑म्
Sentence: 4 पू॒ष्णो हस्ता॑भ्या॒मित्या॑ह॒ यत्यै
Sentence: 5 वज्र॑ इव॒ वा ए॒षा यदभ्रि॒रभ्रि॑रसि॒ नारि॑र॒सीत्या॑ह॒ शान्त्यै
Sentence: 6 काण्डे॑काण्डे वै क्रि॒यमा॑णे य॒ज्ञं रक्षां॑सि जिघांसन्ति
Sentence: 7 परि॑लिखितं॒ रक्षः॒ परि॑लिखिता॒ अरा॑तय॒ इत्या॑ह॒ रक्ष॑सा॒मप॑हत्यै ॥
Verse: 2
Sentence: 1 इ॒दम॒हं रक्ष॑सो ग्री॒वा अपि॑ कृन्तामि॒ यो॒ ऽस्मान्द्वेष्टि॒ यं च॑ व॒यं द्वि॒ष्म इत्या॑ह द्वौ॒ वाव पुरु॑षौ॒ यं चै॒व द्वेष्टि॒ यश्चै॑नं॒ द्वेष्टि॒ तयो॑रे॒वान॑न्तरायं ग्री॒वाः कृ॑न्तति
Sentence: 2 दि॒वे त्वा॒न्तरि॑क्षाय त्वा पृथिव्यै॒ त्वेत्या॑है॒भ्य एवैनं लो॒केभ्यः॑ प्रोक्षति
Sentence: 3 प॒रस्ता॑द॒र्वाची॒म्प्रोक्ष॑ति॒ तस्मा॑त् ॥
Verse: 3
Sentence: 1 प॒रस्ता॑द॒र्वाची॑म्मनु॒ष्या॒ ऊर्ज॒मुप॑ जीवन्ति
Sentence: 2 क्रू॒रमि॑व॒ वा ए॒तत्क॑रोति॒ यत्खन॑त्य॒पो ऽव॑ नयति॒ शान्त्यै
Sentence: 3 यव॑मती॒रव॑ नय॒त्यूर्ग्वै॒ यव॒ ऊर्गु॑दु॒म्बर॑ ऊर्जै॒वोर्जं॒ सम॑र्धयति
Sentence: 4 यज॑मानेन॒ सम्मितौदुम्बरी भवति॒ यावा॑ने॒व यज॑मान॒स्ताव॑तीमे॒वास्मि॒न्नूर्जं॑ दधाति
Sentence: 5 पितृ॒णां सद॑नम॒सीति॑ ब॒र्हिरव॑ स्तृणाति पितृदेव॒त्य॑म् ॥
Verse: 4
Sentence: 1 ह्ये॒तद्यन्निखा॑तम् ।
Sentence: 2 यद्ब॒र्हिरन॑वस्तीर्य मिनु॒यात्पि॑तृदेव॒त्या॒ निखा॑ता स्याद्ब॒र्हिर॑व॒स्तीर्य॑ मिनोत्य॒स�नां मिनो॒त्यथो॑ स्वा॒रुह॑मेवैनां करोति ।
Sentence: 3 उद्दिवं॑ स्तभा॒नान्तरि॑क्षम्पृ॒णेत्या॑है॒षां लो॒कानां॒ विधृ॑त्यै
Sentence: 4 द्युता॒नस्त्वा॑ मारु॒तो मि॑नो॒त्वित्या॑ह द्युता॒नो ह॑ स्म वै मारु॒तो दे॒वानाऔदुम्बरीम्मिनोति॒ तेनै॒व ॥
Verse: 5
Sentence: 1 ए॑नाम्मिनोति
Sentence: 2 ब्रह्म॒वनिं॑ त्वा क्षत्र॒वनि॒मित्या॑ह यथाय॒जुरेवैतत् ।
Sentence: 3 घृ॒तेन॑ द्यावापृथिवी॒ आ पृ॑णेथा॒मित्औ॑दुम्बर्यां जुहोति॒ द्यावा॑पृथि॒वी ए॒व रसे॑नानक्ति ।
Sentence: 4 आ॒न्तम॒न्वव॑स्रावयत्या॒न्तमे॒व यज॑मानं॒ तेज॑सानक्ति ।
Sentence: 5 अै॒न्द्रम॒सीति॑ छ॒दिरधि॒ नि द॑धात्ऐ॒न्द्रं हि दे॒वत॑या॒ सद॑स् ।
Sentence: 6 वि॑श्वज॒नस्य॑ छा॒येत्या॑ह विश्वज॒नस्य॒ ह्ये॒षा छा॒या यत्सद॑स् ।
Sentence: 7 नव॑छदि ॥
Verse: 6
Sentence: 1 तेज॑स्कामस्य मिनुयात्त्रि॒वृता॒ स्तोमे॑न॒ सम्मि॑त॒म्तेज॑स्त्रि॒वृत्ते॑ज॒स्व्ये॒व भ॑वति ।
Sentence: 2 एका॑दशछदीन्द्रि॒यका॑मस्यैकादशाक्षरा तृ॒ष्टुगि॑न्द्रि॒यं त्रि॒ष्टुगि॑न्द्रिया॒व्ये॒व भ॑वति
Sentence: 3 पञ्च॑दशछदि॒ भ्रातृ॑व्यवतः पञ्चद॒शो वज्रो॒ भ्रातृ॑व्याभिभूत्यै
Sentence: 4 स॒प्तद॑शछदि प्र॒जाका॑मस्य सप्तद॒शः प्र॒जाप॑तिः प्र॒जाप॑ते॒राप्त्यै॑ ।
Sentence: 5 एक॑विंशतिछदि{F प्रति॒ष्ठाका॑मस्यैकविं॒श{W प्र॑ति॒ष्ठाक॑मस्यैकविं॒श{GOLS प्र॑ति॒ष्ठाक॑मस्यैकविं॒शस् स्तोमा॑नाम्प्रति॒ष्ठा प्रति॑ष्ठित्यै ।
Sentence: 6 उ॒दरं वै॒ सद॒ ऊर्गु॑दु॒म्बरो॑ मध्य॒त औ॑दुम्बरीम्मिनोति मध्य॒त ए॒व प्र॒जाना॒मूर्जं॑ दधाति॒ तस्मा॑त् ॥
Verse: 7
Sentence: 1 म॑ध्य॒त ऊ॒र्जा भु॑ञ्जते
Sentence: 2 यजमानलो॒के वै॒ दक्षि॑णानि छ॒दींषि॑ भ्रातृव्यलो॒क उत्त॑राणि॒ दक्षि॑णा॒न्युत्त॑राणि करोति॒ यज॑मानमे॒वाय॑जमाना॒दुत्त॑रं करोति॒ तस्मा॒द्यज॑मा॒नो ऽय॑जमाना॒दुत्त॑रस् ।
Sentence: 3 अ॑न्तर्व॒र्तान्क॑रोति॒ व्यावृ॑त्त्यै॒ तस्मा॒दर॑ण्यम्प्र॒जा उप॑ जीवन्ति
Sentence: 4 परि॑ त्वा गिर्वणो॒ गिर॒ इत्या॑ह यथाय॒जुरेवै॒तत् ।
Sentence: 5 इन्द्र॑स्य॒ स्यूर॒सीन्द्र॑स्य ध्रु॒वम॒सीत्या॑है॒न्द्रं हि दे॒वत॑या॒ सद॑स् ।
Sentence: 6 यम्प्र॑थ॒मं ग्र॒न्थिं ग्र॑थ्नी॒याद्यत्तं न वि॑स्रं॒सये॒दमे॑हेनाध्व॒र्युः प्र मी॑येत॒ तस्मा॒त्स वि॒स्रस्यः॑ ॥
Paragraph: 11
Verse: 1
Sentence: 1 शिरो॒ वा ए॒तद्य॒ज्ञस्य॒ यद्ध॑वि॒र्धान॑म्प्रा॒णा उ॑पर॒वास् ।
Sentence: 2 ह॑वि॒र्धाने॑ खायन्ते
Sentence: 3 तस्मा॑च्छी॒र्षन्प्रा॒णास् ।
Sentence: 4 अ॒धस्ता॑त्खायन्ते
Sentence: 5 तस्मा॑द॒धस्ता॑च्छी॒र्ष्णः प्रा॒णास् ।
Sentence: 6 र॑क्षो॒हणो॑ वलग॒हनो॑ वैष्ण॒वान्ख॑ना॒मीत्या॑ह
Sentence: 7 वैष्ण॒वा हि दे॒वत॑योपर॒वास् ।
Sentence: 8 असु॑रा वै नि॒र्यन्तो॑ दे॒वाना॑म्प्रा॒णेषु॑ वल॒गान्न्य॑खनन्
Sentence: 9 तान्बा॑हुमा॒त्रे ऽन्व॑विन्दन्
Sentence: 10 तस्मा॑द्बाहुमा॒त्राः खा॑यन्ते ।
Sentence: 11 इ॒दम॒हं तं व॑ल॒गं उद्व॑पामि ॥
Verse: 2
Sentence: 1 यं नः॑ समा॒नो यमस॑मानो निच॒खानेत्या॑ह
Sentence: 2 द्वौ॒ वाव पुरु॑षौ॒ यश्चै॒व स॑मा॒नो यश्चास॑मानस् ।
Sentence: 3 यमे॒वास्मै तौ वल॒गं नि॒खन॑स्त॒स्तमे॒वोद्व॑पति
Sentence: 4 सं तृ॑णत्ति
Sentence: 5 तस्मा॒त्सन्तृ॑ण्णा अन्तर॒तः प्रा॒णास् ।
Sentence: 6 न सम्भि॑नत्ति
Sentence: 7 तस्मा॒दस॑म्भिन्नाः प्रा॒णास् ।
Sentence: 8 अ॒पो ऽव॑ नयति
Sentence: 9 तस्मा॑दा॒र्द्रा अ॑न्तर॒तः प्रा॒णास् ।
Sentence: 10 यव॑मती॒रव॑ नयति ॥
Verse: 3
Sentence: 1 ऊर्ग्वै॒ यवः
Sentence: 2 प्रा॒णा उ॑पर॒वाः
Sentence: 3 प्रा॒णेष्वे॒वोर्जं॑ दधाति
Sentence: 4 ब॒र्हिरव॑ स्तृणाति
Sentence: 5 तस्मा॑ल्लोम॒शा अ॑न्तर॒तः प्रा॒णास् ।
Sentence: 6 आज्ये॑न॒ व्याघा॑रयति
Sentence: 7 तेजो॒ वा आज्य॑म्
Sentence: 8 प्रा णाउपर॒वाः
Sentence: 9 प्रा॒णेष्वे॒व तेजो॑ दधाति
Sentence: 10 हनू॒ वा ए॒ते य॒ज्ञस्य॒ यद॑धि॒षव॑णे
Sentence: 11 न सं तृ॑णत्ति ।
Sentence: 12 असं॑तृण्णे॒ हि हनू
Sentence: 13 अथो॒ खलु॑ दीर्घसो॒मे सं॒तृद्ये
Sentence: 14 धृत्यै
Sentence: 15 शिरो॒ वा ए॒तद्य॒ज्ञस्य॒ यद्ध॑वि॒र्धान॑म् ॥
Verse: 4
Sentence: 1 प्रा॒णा उ॑पर॒वा ह॒नू अ॑धि॒षव॑णे जि॒ह्वा चर्म॒ ग्रावा॑णो॒ दन्ता॒ मुख॑माहव॒नीयो॒ नासि॑कोत्तरवरं॒ सद॑स् ।
Sentence: 2 य॒दा खलु वै जि॒ह्वया॑ द॒त्स्वधि॒ खाद॒त्यथ॒ मुखं॑ गछति
Sentence: 3 य॒दा मुखं॒ गछ॒त्यथो॒दरं॑ गछति
Sentence: 4 तस्मा॑द्धवि॒र्धाने॒ चर्म॒न्नधि॒ ग्राव॑भिरभि॒षुत्या॑हव॒नीये॑ हु॒त्वा प्र॒त्यञ्चः॑ प॒रेत्य॒ सद॑सि भक्षयन्ति
Sentence: 5 यो वै॑ वि॒राजो॑ यज्ञमु॒खे दोहं॒ वेद
Sentence: 6 दु॒ह एवैनाम्
Sentence: 7 इ॒यं वै वि॒राट्^वि॒राज्
Sentence: 8 तस्यै॒ त्वक्चर्मोधो॑ ऽधि॒षव॑णे॒ स्तना॑ उपर॒वा ग्रावा॑णो व॒त्सा ऋ॒त्विजो॑ दुहन्ति॒ सोमः॒ पय॑स् ।
Sentence: 9 य ए॒वं वेद॑ दु॒ह एवैनाम् ॥
Chapter: 3
Paragraph: 1
Verse: 1
Sentence: 1 चात्वा॑ला॒द्धिष्णि॑या॒नुप॑ वपति
Sentence: 2 योनिर्वै य॒ज्ञस्य॒ चात्वा॑लं य॒ज्ञस्य॑ सयोनि॒त्वाय
Sentence: 3 दे॒वा वै॑ य॒ज्ञम्परा॑जयन्त
Sentence: 4 तमाग्नी॑ध्रा॒त्पुन॒रपा॑जयन् ।
Sentence: 5 ए॒तद्वै॑ य॒ज्ञस्याप॑राजितं॒ यदाग्नी॑ध्रम् ।
Sentence: 6 यदाग्नी॑ध्रा॒द्धिष्णि॑यान्वि॒हर॑ति॒ यदे॒व य॒ज्ञस्याप॑राजितं॒ तत॑ एवैन॒म्पुन॑स्तनुते
Sentence: 7 परा॒जित्ये॑व॒ खलु॒ वा ए॒ते य॑न्ति॒ ये ब॑हिष्पवमा॒नं सर्प॑न्ति
Sentence: 8 बहिष्पवमा॒ने स्तु॒ते ॥
Verse: 2
Sentence: 1 आ॑ह ।
Sentence: 2 अग्नी॑द॒ग्नीन्वि ह॑र ब॒र्हि स्तृ॑नाहि पुरो॒डाशां॑ अ॒लं कु॒र्विति
Sentence: 3 य॒ज्ञमे॒वाप॒जित्य॒ पुन॑स्तन्वा॒ना य॑न्ति ।
Sentence: 4 अङ्गा॑रै॒र्द्वे सव॑ने॒ वि ह॑रति श॒लाका॑भिस्तृ॒तीय॑म् ।
Sentence: 5 स॑शुक्र॒त्वाय॑ ।
Sentence: 6 अथो॒ सम्भ॑रत्येवैनद् ।
Sentence: 7 धिष्णि॑या॒ वा अ॒मुष्मिँ॑ लो॒के सोम॑मरक्षन्
Sentence: 8 तेभ्यो ऽधि॒ सोम॒माह॑रन्
Sentence: 9 तम॑न्व॒वाय॒न्तम्पर्य॑विशन्
Sentence: 10 य ए॒वं वेद॑ वि॒न्दते॑ ॥
Verse: 3
Sentence: 1 प॑रिवे॒ष्टार॑म् ।
Sentence: 2 ते सो॑मपी॒थेन॒ व्या॑र्ध्यन्त
Sentence: 3 ते दे॒वेषु॑ सोमपी॒थऐ॑छन्त
Sentence: 4 तान्दे॒वा अ॑ब्रुवन्
Sentence: 5 द्वेद्वे॒ नाम॑नी कुरुध्व॒मथ॒ प्र वा॒प्स्यथ॒ न वेति॑ ।
Sentence: 6 अ॒ग्नयो॒ वा अथ॒ धिष्णि॑यास्
Sentence: 7 तस्मा॑द्द्वि॒नामा॑ ब्राह्म॒णो ऽर्धु॑कस्
Sentence: 8 तेषां॒ ये नेदि॑ष्ठम्प॒र्यवि॑श॒न्ते सो॑मपी॒थम्प्राप्नु॑वन्नाहव॒नीय॑ आग्नी॒ध्रीयो॑ हो॒त्रीयो॑ मार्जा॒लीय॑स्
Sentence: 9 तस्मा॒त्तेषु॑ जुह्वति ।
Sentence: 10 अ॑ति॒हाय॒ वष॑ट्करोति
Sentence: 11 वि हि ॥
Verse: 4
Sentence: 1 ए॒ते सो॑मपी॒थेनार्ध्य॑न्त
Sentence: 2 दे॒वा वै॒ याः प्राची॑राहुती॒रजु॑हवु॒र्ये पु॒रस्ता॒दसु॑रा॒ आस॒न्तांस्ताभिः॒ प्राणु॑दन्त
Sentence: 3 याः प्र॒तीची॒र्ये प॒श्चादसु॑रा॒ आस॒न्तांस्ताभि॒रपा॑नुदन्त
Sentence: 4 प्राची॑र॒न्या आहु॑तयो हू॒यन्ते॑ प्र॒त्यङ्ङासी॑नो॒ धिष्णि॑या॒न्व्याघा॑रयति
Sentence: 5 प॒श्चाच्चै॒व पु॒रस्ता॑च्च॒ यज॑मानो॒ भ्रातृ॑व्या॒न्प्र णु॑दते
Sentence: 6 तस्मा॒त्परा॑चीः प्र॒जाः प्र वी॑यन्ते प्र॒तीचीः॑ ॥
Verse: 5
Sentence: 1 जा॑यन्ते
Sentence: 2 प्रा॒णा वा ए॒ते यद्धिष्णि॑यास् ।
Sentence: 3 यद॑ध्व॒र्युः प्र॒त्यङ्धिष्णि॑यानति॒सर्पे॑त्प्रा॒णान्त्सं क॑र्षेत्
Sentence: 4 प्र॒मायु॑कः स्यात् ।
Sentence: 5 नाभि॒र्वा ए॒षा य॒ज्ञस्य॒ यद्धोता॑ ।
Sentence: 6 ऊ॒र्ध्वः खलु वै॒ नाभ्यै॑ प्रा॒णो ऽवा॑ङपा॒नस् ।
Sentence: 7 यद॑ध्व॒र्युः प्र॒त्यङ्होता॑रमति॒सर्पे॑दपा॒ने प्रा॒णं द॑ध्यात्प्र॒मायु॑कः स्यात् ।
Sentence: 8 नाध्व॒र्युरुप॑ गायेत् ।
Sentence: 9 वाग्वी॑र्यो॒ वा अ॑ध्व॒र्युस् ।
Sentence: 10 यद॑ध्व॒र्युरु॑प॒गाये॑दुद्गा॒त्रे ॥
Verse: 6
Sentence: 1 वाचं॒ सम्प्र य॑छेदुप॒दासु॑कास्य॒ वाक्स्या॑त् ।
Sentence: 2 ब्र॑ह्मवा॒दिनो॑ वदन्ति
Sentence: 3 नासं॑स्थिते॒ सोमे॑ ऽध्व॒र्युः प्र॒त्यङ्क्सदो ऽती॑या॒दथ॑ क॒था दा॑क्षि॒णानि॒ होतु॑मेति॒ यामो॒ हि स तेषां॒ कस्मा॒ अह॑ दे॒वा यामं॒ वाया॑मं॒ वानु॑ ज्ञास्य॒न्तीति॑ ।
Sentence: 4 उत्त॑रे॒णाग्नी॑ध्रम्प॒रीत्य॑ जुहोति दाक्षि॒णानि
Sentence: 5 न प्रा॒णान्त्सं क॑र्षति
Sentence: 6 न्य॒न्ये धिष्णि॑या उ॒प्यन्ते॒ नान्ये
Sentence: 7 यान्नि॒वप॑ति॒ तेन॒ तान्प्री॑णाति
Sentence: 8 यान्न नि॒वप॑ति॒ यद॑नुदि॒शति॒ तेन॒ तान् ॥
Paragraph: 2
Verse: 1
Sentence: 1 सु॑व॒र्गाय॒ वा ए॒तानि॑ लो॒काय॑ हूयन्ते॒ यद्वै॑सर्ज॒नानि
Sentence: 2 द्वाभ्यां॒ गार्ह॑पत्ये जुहोति
Sentence: 3 द्वि॒पाद्यज॑मानः
Sentence: 4 प्रति॑ष्ठित्यै ।
Sentence: 5 आग्नी॑ध्रे जुहोति ।
Sentence: 6 अ॒न्तरि॑क्ष ए॒वा क्र॑मते ।
Sentence: 7 आ॑हव॒नीये॑ जुहोति
Sentence: 8 सुव॒र्गमेवैनं लो॒कं ग॑मयति
Sentence: 9 दे॒वान्वै॑ सुव॒र्गं लो॒कं य॒तो रक्षां॑स्यजिघांसन्
Sentence: 10 ते सोमे॑न॒ राज्ञा॒ रक्षां॑स्यप॒हत्या॒प्तुमा॒त्मानं॑ कृ॒त्वा सु॑व॒र्गं लो॒कमा॑यन्
Sentence: 11 रक्ष॑सा॒मनु॑पलाभाया ।
Sentence: 12 आत्तः॒ सोमो॑ भव॒त्यथ॑ ॥
Verse: 2
Sentence: 1 वै॑सर्ज॒नानि॑ जुहोति॒ रक्ष॑सा॒मप॑हत्यै
Sentence: 2 त्वं सो॑म तनू॒कृद्भ्य॒ इत्या॑ह
Sentence: 3 तनू॒कृद्ध्य्े॒ष^ ए॒षस्
Sentence: 4 द्वेषो॑भ्यो॒ ऽन्यकृ॑तेभ्य॒ इत्या॑ह ।
Sentence: 5 अ॒न्यकृ॑तानि॒ हि रक्षां॑सि ।
Sentence: 6 उ॒रु य॒न्तासि॒ वरू॑थ॒मित्या॑ह ।
Sentence: 7 उ॒रु ण॑स्कृ॒धीति॒ वावै॒तदा॑ह
Sentence: 8 षा॒णो अ॒प्तुराज्य॑स्य वे॒त्वित्या॑ह ।
Sentence: 9 अ॒प्तुमे॒व यज॑मानं कृ॒त्वा सु॑व॒र्गं लो॒कं ग॑मयति
Sentence: 10 रक्ष॑सा॒मनु॑पलाभाय ।
Sentence: 11 आ सोमं॑ ददते ॥
Verse: 3
Sentence: 1 आ ग्राव्ण॒ आ वा॑य॒व्या॒न्या द्रो॑णकल॒शम्
Sentence: 2 उत्पत्नी॒मा न॑यन्ति ।
Sentence: 3 अन्वनां॑सि॒ प्र व॑र्तयन्ति
Sentence: 4 याव॑दे॒वास्यास्ति॒ तेन॑ स॒ह सु॑व॒र्गं लो॒कमे॑ति
Sentence: 5 नय॑वत्य॒र्चाग्नी॑ध्रे जुहोति
Sentence: 6 सुव॒र्गस्य॑ लो॒कस्या॒भिनी॑त्यै
Sentence: 7 ग्राव्णो॑ वाय॒व्या॑नि द्रोणकल॒शमाग्नी॑ध्र॒ उप॑ वासयति
Sentence: 8 वि ह्ये॑नं तैर्गृ॒ह्णते
Sentence: 9 यत्स॒होप॑वा॒सये॑दपुवा॒येत
Sentence: 10 सौ॒म्यर्चा प्र पा॑दयति
Sentence: 11 स्वया॑ ॥
Verse: 4
Sentence: 1 एवैनं दे॒वत॑या॒ प्र पा॑दयति ।
Sentence: 2 अदि॑त्याः॒ सदो॒ ऽस्यदि॑त्याः॒ सद॒ आ सी॒देत्या॑ह
Sentence: 3 यथाय॒जुरेवै॒तत् ।
Sentence: 4 यज॑मानो॒ वा ए॒तस्य॑ पु॒रा गो॒प्ता भ॑वति ।
Sentence: 5 ए॒ष वो॑ देव सवितः॒ सोम॒ इत्या॑ह
Sentence: 6 सवि॒तृप्र॑सूत एवैनं दे॒वता॑भ्यः॒ सम्प्र य॑छति ।
Sentence: 7 ए॒तत्त्वं सो॑म दे॒वो दे॒वानुपा॑गा॒ इत्या॑ह
Sentence: 8 दे॒वो ह्ये॒ष सन् ॥
Verse: 5
Sentence: 1 दे॒वानुपैति ।
Sentence: 2 इ॒दम॒हम्म॑नु॒ष्यो॑ मनु॒ष्या॒नित्या॑ह
Sentence: 3 मनु॒ष्यो॒ ह्ये॒ष सन्म॑नु॒ष्या॑नुपैति
Sentence: 4 यदे॒तद्यजु॒र्न ब्रू॒यादप्र॑जा अप॒शुर्यज॑मानः स्यात्
Sentence: 5 स॒ह प्र॒जया॑ स॒ह रा॒यस्पोषे॒णेत्या॑ह
Sentence: 6 प्र॒जयै॒व प॒शुभिः॑ स॒हेमं लो॒कमु॒पाव॑र्तते
Sentence: 7 नमो॑ दे॒वेभ्य॒ इत्या॑ह
Sentence: 8 नमस्का॒रो हि दे॒वाना॑म् ।
Sentence: 9 स्व॒धा पि॒तृभ्य॒ इत्या॑ह
Sentence: 10 स्वधाका॒रो हि ॥
Verse: 6
Sentence: 1 पि॑तृ॒णाम्
Sentence: 2 इ॒दम॒हं निर्वरु॑णस्य॒ पाशा॒दित्या॑ह
Sentence: 3 वरुणपा॒शादे॒व निर्मु॑च्यते ।
Sentence: 4 अग्ने॑ व्रतपते ।
Sentence: 5 आ॒त्मनः॒ पूर्वा॑ त॒नूरा॒देयेत्या॑हुः
Sentence: 6 को हि तद्वेद॒ यद्वसी॑या॒न्त्स्वे वशे॑ भू॒ते पुन॑र्वा॒ ददा॑ति॒ न वेति
Sentence: 7 ग्रावा॑णो वै॒ सोम॑स्य॒ राज्ञो॑ मलिम्लुसे॒ना
Sentence: 8 य ए॒वं वि॒द्वान्ग्राव्ण॒ आग्नी॑ध्र उपवा॒सय॑ति नैनम्मलिम्लुसे॒ना वि॑न्दति ॥
Paragraph: 3
Verse: 1
Sentence: 1 वै॑ष्ण॒व्यर्चा हु॒त्वा यूप॒मछै॑ति वैष्ण॒वो वै॑ दे॒वत॑या॒ यूपः॒ स्वयैवैनं दे॒वत॒याछै॑त्य्
Sentence: 2 अत्य॒न्यानगां॒ नान्यानुपा॑गा॒मित्या॒हाति॒ ह्य॒न्यानेति॒ नान्यानुपैत्य॒र्वाक्त्वा॒ परै॑र�ति॑ प॒रोव॑रै॒स्तं त्वा॑ जुषे ॥
Verse: 2
Sentence: 1 वै॑ष्ण॒वं दे॑वय॒ज्याया॒ इत्या॑ह देवय॒ज्यायै॒ ह्ये॑नं जु॒षते
Sentence: 2 दे॒वस्त्वा॑ सवि॒ता मध्वा॑न॒क्त्वित्या॑ह॒ तेज॑सैवैनमन॒क्त्योष॑धे त्रायस्वैनं॒ स्वधि॑ते मैनं हिंसी॒रित्या॑ह॒ वज्रो वै॒ स्वधि॑तिः॒ शान्त्यै
Sentence: 3 स्वधि॑ते॒र्वृक्ष॑स्य॒ बिभ्य॑तः प्रथ॒मेन॒ शक॑लेन स॒ह तेजः॒ परा॑ पतति॒ यः प्र॑थ॒मः शक॑लः परा॒पते॒त्तमप्या ह॑रे॒त्सते॑जसम् ॥
Verse: 3
Sentence: 1 एवैन॒मा ह॑रती॒मे वै॑ लो॒का यूपा॑त्प्रय॒तो बि॑भ्यति॒ दिव॒मग्रे॑ण॒ माले॑खीर॒न्तरि॑क्ष॒म्मध्�॑न॒ मा हिं॑सी॒रित्या॑है॒भ्य एवैनं लो॒केभ्यः॑ शमयति
Sentence: 2 वन॑स्पते श॒तव॑ल्शो॒ वि रो॒हेत्या॒व्रश्च॑ने जुहोति॒ तस्मा॑दा॒व्रश्च॑नाद्वृ॒क्षाणा॒म्भूयां॑स॒ उत्ति॑ष्ठन्ति
Sentence: 3 स॒हस्र॑वल्शा॒ वि व॒यं रु॑हे॒मेत्या॑हा॒शिष॑मेवै॒तामा शा॑स्ते ।
Sentence: 4 अ॑नक्षसङ्गम् ॥
Verse: 4
Sentence: 1 वृ॑श्चे॒द्यद॑क्षस॒ङ्गं वृ॒श्चेद॑धई॒षं यज॑मानस्य प्र॒मायु॑कं स्याद्
Sentence: 2 यं का॒मये॒ताप्र॑तिष्ठितः स्या॒दित्या॑रो॒हं तस्मै॑ वृश्चेदे॒ष वै॒ वन॒स्पती॑ना॒मप्र॑तिष्ठि॒त ए॒व भ॑वति
Sentence: 3 यं का॒मये॑ताप॒शुः स्या॒दित्य॑प॒र्णं तस्मै॒ शुष्का॑ग्रं वृश्चेदे॒ष वै॒ वन॒स्पती॑नामपश॒व्यो॑ ऽप॒शुरे॒व भ॑वति
Sentence: 4 यं का॒मये॑त पशु॒मान्त्स्या॒दिति॑ बहुप॒र्णं तस्मै॑ बहुशा॒खं वृ॑श्चेदे॒ष वै॑ ॥
Verse: 5
Sentence: 1 वन॒स्पती॑नाम्पश॒व्यः॑ पशु॒माने॒व भ॑वति
Sentence: 2 प्रति॑ष्ठितं वृश्चेत्प्रति॒ष्ठाका॑मस्यै॒ष वै॒ वन॒स्पती॑ना॒म्प्रति॑ष्ठितो॒ यः स॒मे भूम्यै॒ स्वाद्योने॑ रू॒ढः प्रत्ये॒व तिष्ठ॑ति॒ यः प्र॒त्यङ्ङुप॑नत॒स्तं वृ॑श्चे॒त्स हि मेध॑म॒भ्युप॑नतः
Sentence: 3 पञ्चा॑रत्निं॒ तस्मै॑ वृश्चे॒द्यं का॒मये॒तोपै॑न॒मुत्त॑रो य॒ज्ञो न॑मे॒दिति॒ पञ्चा॑क्षरा प॒ङ्क्तिः पाङ्क्तो॑ य॒ज्ञ उपै॑न॒मुत्त॑रो य॒ज्ञः ॥
Verse: 6
Sentence: 1 न॑मति
Sentence: 2 षड॑रत्निम्प्रति॒ष्ठाका॑मस्य॒ षड्वा ऋ॒तव॑ ऋ॒तुष्वे॒व प्रति॑ तिष्ठति
Sentence: 3 स॒प्तार॑त्निम्प॒शुका॑मस्य स॒प्तप॑दा॒ शक्व॑री प॒शवः॒ शक्व॑री प॒शूने॒वाव॑ रुन्द्धे
Sentence: 4 नवा॑रत्निं॒ तेज॑स्कामस्य त्रि॒व्रीता॒ स्तोमे॑न॒ सम्मि॑तं॒ तेज॑स्त्रि॒वीत्ते॑ज॒स्व्ये॒व भ॑वति ।
Sentence: 5 एका॑दशारत्निमिन्द्रि॒यका॑मस्यैकादशाक्षरा तृ॒ष्टुगि॑न्द्रि॒यं त्रि॒ष्टुगि॑न्द्रिया॒व्ये॒व भ॑वति
Sentence: 6 पञ्च॑दशारत्नि॒म्भ्रातृ॑व्यवतः पञ्चद॒शो वज्रो॒ भ्रातृ॑व्याभिभूत्यै
Sentence: 7 स॒प्तद॑शारत्निम्प्र॒जाका॑मस्य सप्तद॒शः प्र॒जाप॑तिः प्र॒जाप॑ते॒राप्त्यै॑ ।
Sentence: 8 एक॑विंशत्यरत्निम्प्रति॒ष्ठाका॑मस्यैकविं॒श स्तोमा॑नाम्प्रति॒ष्ठा प्रति॑ष्ठित्यै ।
Sentence: 9 अ॒ष्टाश्रि॑र्भवत्य॒ष्टाक्ष॑रा गाय॒त्री तेजो॑ गाय॒त्री गा॑य॒त्री य॑ज्ञमु॒खं तेज॑सै॒व गा॑यत्रि॒या य॑ज्ञमु॒खेन॒ सम्मि॑तः ॥
Paragraph: 4
Verse: 1
Sentence: 1 पृ॑थिव्यै त्वा॒न्तरि॑क्षाय त्वा दि॒वे त्वेत्या॑है॒भ्य एवैनं लो॒केभ्यः॒ प्रोक्ष॑ति
Sentence: 2 परा॑ञ्च॒म्प्रोक्ष॑ति॒ परा॑ङिव॒ हि सु॑व॒र्गो लो॒कः
Sentence: 3 क्रू॒रमि॑व॒ वा ए॒तत्क॑रोति॒ यत्खन॑त्य॒पोव॑ नयति॒ शान्त्यै॒ यव॑मती॒रव॑ नय॒त्यूर्ग्वै॒ यवो॒ यज॑मानेन॒ यूपः॒ सम्मि॑तो॒ यावा॑ने॒व यज॑मान॒स्ताव॑तीमे॒वास्मि॒न्नूर्जं॑ दधाति ॥
Verse: 2
Sentence: 1 पि॑तृ॒णां सद॑नम॒सीति॑ ब॒र्हिरव॑ स्तृणाति पितृदेव॒त्यं॒ ह्ये॒तद्यन्निखा॑तं॒ यद्ब॒र्हिरन॑वसर्य मिनु॒यात्पि॑तृदेव॒त्यो॒ निखा॑तः स्याद्ब॒र्हिर॑व॒स्तीर्य॑ मिनोत्य॒स्यामेवैनम्मिनोति
Sentence: 2 यूपशक॒लमवा॑स्यति॒ सते॑जसमेवैनम्मिनोति
Sentence: 3 दे॒वस्त्वा॑ सवि॒ता मध्वा॑न॒क्त्वित्या॑ह॒ तेज॑सैवैनमनक्ति
Sentence: 4 सुपिप्प॒लाभ्यस्त्वौषधीभ्य॒ इति॑ च॒षाल॒म्प्रति॑ ॥
Verse: 3
Sentence: 1 मु॑ञ्चति॒ तस्मा॑च्छीर्ष॒त ओष॑धयः॒ पलं॑ गृह्णन्त्य्
Sentence: 2 अ॒नक्ति॒ तेजो॒ वा आज्यं॒ यज॑मानेनाग्नि॒ष्ठाश्रिः॒ सम्मि॑ता॒ यद॑ग्नि॒ष्ठामश्रि॑म॒नक्ति॒ यज॑मानमे॒व तेज॑सानक्त्य्
Sentence: 3 आ॒न्तम॑नक्त्या॒न्तमे॒व यज॑मानं॒ तेज॑सानक्ति
Sentence: 4 स॒र्वतः॒ परि॑ मृश॒त्यप॑रिवर्गमे॒वास्मि॒न्तेजो॑ दधात्य्
Sentence: 5 उद्दिवं॑ स्तभा॒नान्तरि॑क्षम्पृ॒णेत्या॑है॒षां लो॒कानां॒ विधृ॑त्यै
Sentence: 6 वैष्ण॒व्यर्चा ॥
Verse: 4
Sentence: 1 क॑ल्पयति वैष्ण॒वो वै॑ दे॒वत॑या॒ यूपः॒ स्वयैवैनं दे॒वत॑या कल्पयति
Sentence: 2 द्वाभ्यां॑ कल्पयति द्वि॒पाद्यज्मा॑नः॒ प्रति॑ष्ठित्यै
Sentence: 3 यं का॒मये॑त॒ तेज॑सैनं दे॒वता॑भिरिन्द्रि॒येण॒ व्य॑र्धयेय॒मित्य॑ग्नि॒ष्ठां तस्याश्रिं॑ आहव॒नीया॑दि॒त्थं वे॒त्थं वाति॑ नावये॒त्तेज॑सैवैनं दे॒वता॑भिरिन्द्रि॒येण॒ व्य॑र्धयत
Sentence: 4 यं का॒मये॑त॒ तेज॑सैनं दे॒वता॑भिरिन्द्रि॒येण॒ सम॑र्धयेय॒मिति॑ ॥
Verse: 5
Sentence: 1 अ॑ग्नि॒ष्ठां तस्याश्रि॑माहव॒नीये॑न॒ सम्मि॑नुया॒त्तेज॑सैवैनं दे॒वता॑भिरिन्द्रि॒येण॒ सम॑र्धयति
Sentence: 2 ब्रह्म॒वनिं॑ त्वा क्षत्र॒वनि॒मित्या॑ह यथाय॒जुरेवै॒तत्
Sentence: 3 परि॑ व्यय॒त्यूर्ग्वै॑ रश॒ना यज॑मानेन॒ यूपः॒ सम्मि॑तो॒ यज॑मानमे॒वोर्जा सम॑र्धयति
Sentence: 4 नाभिद॒घ्ने परि॑ व्ययति नाभिद॒घ्न ए॒वास्मा॒ ऊर्जं॑ दधाति॒ तस्मा॑न्नाभिद॒घ्न ऊ॒र्जा भु॑ञ्जते
Sentence: 5 यं का॒मये॑तोर्जैनम् ॥
Verse: 6
Sentence: 1 व्य॑र्धयेय॒मित्यू॒र्ध्वां वा॒ तस्यावा॑चीं॒ वावो॑हेदूर्जैवैनं॒ व्य॑र्धयति
Sentence: 2 यदि॑ का॒मये॑त॒ वर्षु॑कः प॒र्जन्यः॑ स्या॒दित्यवा॑ची॒मवो॑हे॒द्वृष्टि॑मे॒व नि य॑छति॒ यदि॑ का॒मये॒ताव॑र्षुकः स्या॒दित्यू॒र्ध्वामुदू॑हे॒द्वृष्टि॑मे॒वोद्य॑छति
Sentence: 3 पितृ॒णां निखा॑तम्मनु॒ष्या॑णामू॒र्ध्वं निखा॑ता॒दा र॑श॒नाया॒ ओष॑धीनां रश॒ना विश्वे॑षाम् ॥
Verse: 7
Sentence: 1 दे॒वानां॑ ऊ॒र्ध्वं र॑श॒नाया॒ आ च॒षाला॒दिन्द्र॑स्य च॒षालं॑ सा॒धाना॒मति॑रिक्तं॒ स वा ए॒ष स॑र्व देव॒त्यो॒ यद्यूपो॒ यद्यूप॑म्मि॒नोति॒ सर्वा॑ ए॒व दे॒वताः॑ प्रीणाति
Sentence: 2 य॒ज्ञेन वै दे॒वाः सु॑व॒र्गं लो॒कमा॑य॒न्ते॑ ऽमन्यन्त मनु॒ष्या॑ नो॒ ऽन्वाभ॑विष्य॒न्तीति॒ ते यूपे॑न योपयि॒त्वा सु॑व॒र्गं लो॒कमा॑य॒न्तमृष॑यो॒ यूपे॑नै॒वानु॒ प्राजा॑न॒न्तद्यूप॑स्य यूप॒ त्वम् ॥
Verse: 8
Sentence: 1 यद्यूप॑म्मि॒नोति॑ सुव॒र्गस्य॑ लो॒कस्य॒ प्रज्ञा॑त्यै
Sentence: 2 पु॒रस्ता॑न्मिनोति पु॒रस्ता॒द्धि य॒ज्ञस्य॑ प्रज्ञा॒यते ऽप्र॑ज्ञातं॒ हि तद्यदति॑पन्न आ॒हुरि॒दं का॒र्य॑मासी॒दिति॑ सा॒ध्या वै॑ दे॒वा य॒ज्ञमत्य॑मन्यन्त॒ तान्य॒ज्ञो नास्पृ॑श॒त�क्तं॒ वा ए॒तद्य॒ज्ञस्य॒ यद॒ग्नाव॒ग्निम्म॑थि॒त्वा प्र॒हर॒त्यति॑रिक्तमे॒तत् ॥
Verse: 9
Sentence: 1 यूप॑स्य॒ यदू॒र्ध्वं च॒षाला॒त्तेषां॒ तद्भा॑ग॒धेयं॒ ताने॒व तेन॑ प्रीणाति
Sentence: 2 दे॒वा वै॒ संस्थि॑ते॒ सोमे॒ प्र स्रुचोह॑र॒न्प्र यूपं॒ ते॑ ऽमन्यन्त यज्ञवेश॒सं वा इ॒दं कु॑र्म॒ इति॒ ते प्र॑स्त॒रं स्रु॒चां नि॒ष्क्रय॑णमपश्य॒न्त्स्वरुं॒ यूप॑स्य॒ संस्थि॑ते॒ सोमे॒ प्र प्र॑स्त॒रं ह॑रति जु॒होति॑ स्व॒रुं अय॑ज्ञवेशसाय
Paragraph: 5
Verse: 1
Sentence: 1 सा॒ध्या वै॑ दे॒वा अ॒स्मिँ लो॒क आ॑सन्
Sentence: 2 नान्यत्किं च॒न मि॒षत्
Sentence: 3 ते॒ ऽग्निमे॒वाग्नये॒ मेधा॒याल॑भन्त
Sentence: 4 न ह्य॒न्यदा॑ल॒म्भ्य॒मवि॑न्दन्
Sentence: 5 ततो॒ वा इ॒माः प्र॒जाः प्राजा॑यन्त
Sentence: 6 यद॒ग्नाव॒ग्निम्म॑थि॒त्वा प्र॒हर॑ति प्र॒जाना॑म्प्र॒जन॑नाय
Sentence: 7 रु॒द्रो वा ए॒ष यद॒ग्निर्यज॑मानः प॒शुस् ।
Sentence: 8 यत्प॒शुमा॒लभ्या॒ग्निम्मन्थे॑द्रु॒द्राय॒ यज॑मानम् ॥
Verse: 2
Sentence: 1 अपि॑ दध्यात्
Sentence: 2 प्र॒मायु॑कः स्यात् ।
Sentence: 3 अथो॒ खल्वा॑हुस् ।
Sentence: 4 अ॒ग्निः सर्वा॑ दे॒वता॑ ह॒विरे॒तद्यत्प॒शुरिति
Sentence: 5 यत्प॒शुमा॒लभ्या॒ग्निम्मन्थ॑ति ह॒व्यायै॒वास॑न्नाय॒ सर्वा॑ दे॒वता॑ जनयति ।
Sentence: 6 उ॑पा॒कृत्यै॒व मन्थ्य॑स्
Sentence: 7 तन्नेवाल॑ब्धं॒ नेवाना॑लब्धम्
Sentence: 8 अ॒ग्नेर्ज॒नित्र॑म॒सीत्या॑ह ।
Sentence: 9 अ॒ग्नेर्ह्ये॒तज्ज॒नित्र॑म् ।
Sentence: 10 वृष॑णौ स्थ॒ इत्या॑ह
Sentence: 11 वृष॑णौ ॥
Verse: 3
Sentence: 1 ह्येतौ ।
Sentence: 2 उ॒र्वश्य॑स्या॒युर॒सीत्या॑ह
Sentence: 3 मिथुन॒त्वाय
Sentence: 4 घृ॒तेना॒क्ते वृष॑णं दधाथा॒मित्या॑ह
Sentence: 5 वृष॑णं॒ ह्ये॒ते दधा॑ते॒ ये अ॒ग्निम् ।
Sentence: 6 गा॑य॒त्रं छन्दो ऽनु॒ प्र जा॑य॒स्वेत्या॑ह
Sentence: 7 छन्दो॑भिरेवैन॒म्प्र ज॑नयति ।
Sentence: 8 अ॒ग्नये॑ म॒थ्यमा॑ना॒यानु॑ ब्रू॒हीत्या॑ह
Sentence: 9 सावि॒त्रीमृच॒मन्वा॑ह
Sentence: 10 सवि॒तृप्र॑सूत एवैनम्मन्थै
Sentence: 11 जा॒ताया॑नु ब्रूहि ॥
Verse: 4
Sentence: 1 प्र॑ह्रि॒यमा॑ना॒यानु॑ ब्रू॒हीत्या॑ह
Sentence: 2 काण्डे॑काण्ड एवैनं कृ॒यमा॑णे॒ सम॑र्धयति
Sentence: 3 गाय॒त्रीः सर्वा॒ अन्वा॑ह
Sentence: 4 गाय॒त्रछ॑न्दा॒ वा अ॒ग्निः
Sentence: 5 स्वेनैवैनं॒ छन्द॑सा॒ सम॑र्धयति ।
Sentence: 6 अ॒ग्निः पु॒रा भव॑त्य॒ग्निम्म॑थि॒त्वा प्र ह॑रति
Sentence: 7 तौ स॒म्भव॑न्तौ॒ यज॑मानम॒भि सम्भ॑वतस् ।
Sentence: 8 भव॑तं नः॒ सम॑नसा॒वित्या॑ह
Sentence: 9 शान्त्यै
Sentence: 10 प्र॒हृत्य॑ जुहोति
Sentence: 11 जा॒तायै॒वास्मा॒ अन्न॒मपि॑ दधाति ।
Sentence: 12 आज्ये॑न जुहोति ।
Sentence: 13 ए॒तद्वा अ॒ग्नेः प्रि॒यं धाम॒ यदाज्य॑म्
Sentence: 14 प्रि॒येणैवैनं॒ धाम्ना॒ सम॑र्धय॒त्यथो॒ तेज॑सा ॥
Paragraph: 6
Verse: 1
Sentence: 1 इ॒षे त्वेति॑ ब॒र्हिरा द॑त्त इ॒छत॑ इव॒ ह्ये॒ष यो यज॑ते ।
Sentence: 2 उ॑प॒वीर॒सीत्या॒होप॒ ह्ये॑नानाक॒रोति॑ ।
Sentence: 3 उपो॑ दे॒वान्दै॑वी॒र्विशः॒ प्रागु॒रित्या॑ह दैवी॒र्ह्ये॒ता विशः॑ स॒तीर्दे॒वानु॑प॒यन्ति
Sentence: 4 वह्नी॑रु॒शिज॒ इत्या॑ह॒र्त्विजो वै॒ वह्न॑य उ॒शिज॒स्तस्मा॑दे॒वमा॑ह
Sentence: 5 बृह॑स्पते धा॒रया॒ वसू॒नीति॑ ॥
Verse: 2
Sentence: 1 आ॑ह॒ ब्रह्म वै दे॒वाना॒म्बृह॒स्पति॒र्ब्रह्म॑णै॒वास्मै॑ प॒शूनव॑ रुन्द्धे
Sentence: 2 ह॒व्या ते॑ स्वदन्ता॒मित्या॑ह स्व॒दय॑त्येवैनान्
Sentence: 3 दे॒व त्व॑ष्ट॒र्वसु॑ र॒ण्वेत्या॑ह॒ त्वष्टा वै पशू॒नाम्मि॑थु॒नानां॑ रूप॒कृद्रू॒पमे॒व प॒शुषु॑ दधाति
Sentence: 4 रेव॑ती॒ रम॑ध्व॒मित्या॑ह प॒शवो वै रे॒वतीः॑ प॒शूने॒वास्मै॑ रमयति
Sentence: 5 दे॒वस्य॑ त्वा सवि॒तुः प्र॑स॒व इति॑ ॥
Verse: 3
Sentence: 1 र॑श॒नामा द॑त्ते॒ प्रसू॑त्या अ॒श्विनो॑र्बा॒हुभ्या॒मित्या॑हा॒श्विनौ॒ हि दे॒वाना॑मध्व॒र्यू आस्ता॑म्पू॒ष्णो हस्ता॑भ्या॒मित्या॑ह॒ यत्यै॑ ।
Sentence: 2 ऋ॒तस्य॑ त्वा देवहविः॒ पाशे॒ना र॑भ॒ इत्या॑ह स॒त्यं वा ऋ॒तं स॒त्येनैवैनमृ॒तेना र॑भते ।
Sentence: 3 अ॑क्ष्ण॒या परि॑ हरति॒ वध्यं॒ हि प्र॒त्यञ्च॑म्प्रतिमु॒ञ्चन्ति॒ व्यावृ॑त्त्यै
Sentence: 4 धर्षा॒ मानु॑षा॒निति॒ नि यु॑नक्ति॒ धृत्यै॑ ।
Sentence: 5 अ॒द्भ्यः ॥
Verse: 4
Sentence: 1 त्वौ॑षधीभ्यः॒ प्रोक्षा॒मीत्या॑हा॒द्भ्यो ह्ये॒ष ओष॑धीभ्यः स॒म्भव॑ति॒ यत्प॒शुस् ।
Sentence: 2 अ॒पाम्पे॒रुर॒सीत्या॑है॒ष ह्य॒पाम्पा॒ता यो मेधा॑यार॒भ्यते
Sentence: 3 स्वा॒त्तं चि॒त्सदे॑वं ह॒व्यमापो॑ देवीः॒ स्वद॑तैन॒मित्या॑ह स्व॒दय॑त्येवैनम्
Sentence: 4 उ॒परि॑ष्टा॒त्प्रोक्ष॑त्यु॒परि॑ष्टादेवैन॒म्मेध्यं॑ करोति पा॒यय॑त्यन्तर॒त एवैन॒म्मेध्यं॑ क्रोत्य॒धस्ता॒दुपो॑क्षति स॒र्वत॑ एवैन॒म्मेध्यं॑ करोति ॥
Paragraph: 7
Verse: 1
Sentence: 1 अ॒ग्निना वै॒ होत्रा॑ दे॒वा असु॑रान॒भ्य॑भवन्न॒ग्नये॑ समि॒ध्यमा॑ना॒यानु॑ ब्रू॒हीत्या॑ह॒ भ्रातृ॑व्याभिभूत्यै
Sentence: 2 स॒प्तद॑श सामिधे॒नीरन्वा॑ह सप्तद॒शः प्र॒जाप॑तिः प्र॒जाप॑ते॒राप्त्यै
Sentence: 3 स॒प्तद॒शान्वा॑ह॒ द्वाद॑श॒ मासाः॒ पञ्च॒र्तवः॒ स सं॑वत्स॒रः सं॑वत्स॒रम्प्र॒जा अनु॒ प्र जा॑यन्ते प्र॒जाना॑म्प्र॒जन॑नाय
Sentence: 4 दे॒वा वै॑ सामिधे॒नीर॒नूच्य॑ य॒ज्ञं नान्व॑पश्य॒न्त्स प्र॒जाप॑तिस्तू॒ष्णीमा॑घा॒रम् ॥
Verse: 2
Sentence: 1 आघा॑रय॒त्ततो वै दे॒वा य॒ज्ञमन्व॑पश्य॒न्यत्तू॒ष्णीमा॑घा॒रमा॑घा॒रय॑ति य॒ज्ञस्यानु॑ख्यात्यै ।
Sentence: 2 असु॑रेषु वै य॒ज्ञ आ॑सी॒त्तं दे॒वास्तू॑ष्णींहो॒मेना॑वृञ्जत॒ यत्तू॒ष्णीमा॑घा॒रमा॑घा॒रय॑ति॒ भ्रातृ॑व्यस्यै॒व तद्य॒ज्ञं वृ॑ङ्क्ते
Sentence: 3 परि॒धीन्त्सम्मा॑र्ष्टि पु॒नात्येवैना॒न्त्रिस्त्रिः॒ सम्मा॑र्ष्टि॒ त्र्या॑वृ॒द्धि य॒ज्ञो ऽथो॒ रक्ष॑सा॒मप॑हत्यै॒ द्वाद॑श॒ सम्प॑द्यन्ते॒ द्वाद॑श ॥
Verse: 3
Sentence: 1 मासाः॑ संवत्स॒रः सं॑वत्स॒रमे॒व प्री॑णा॒त्यथो॑ संवत्स॒रमे॒वास्मा॒ उप॑ दधाति सुव॒र्गस्य॑ लो॒कस्य॒ सम॑ष्ट्यै
Sentence: 2 शिरो॒ वा ए॒तद्य॒ज्ञस्य॒ यदा॑घा॒रो॒ ऽग्निः सर्वा॑ दे॒वता॑ यदाघा॒रमा॑घा॒रय॑ति शीर्ष॒त ए॒व य॒ज्ञस्य॒ यज॑मानः॒ सर्वा॑ दे॒वता॒ अव॑ रुन्द्धे
Sentence: 3 शिरो॒ वा ए॒तद्य॒ज्ञस्य॒ यदा॑घा॒र आ॒त्मा प॒शुरा॑घा॒रमा॒घार्य॑ प॒शुं सम॑नक्त्या॒त्मन्ने॒व य॒ज्ञस्य॑ ॥
Verse: 4
Sentence: 1 शिरः॒ प्रति॑ दधाति
Sentence: 2 सं ते॑ प्रा॒णो वा॒युना॑ गछता॒मित्या॑ह वायुदेव॒त्यो वै प्रा॒णो वा॒यावे॒वास्य॑ प्रा॒णं जु॑होति॒ सं यज॑त्रै॒रङ्गा॑नि॒ सं य॒ज्ञप॑तिरा॒शिषेत्या॑ह य॒ज्ञप॑तिमे॒वास्या॒शिषं॑ गमयति
Sentence: 3 वि॒श्वरू॑पो वै त्वा॒ष्ट्र उ॒परि॑ष्टात्प॒शुम॒भ्य॑वमी॒त्तस्मा॑दु॒परि॑ष्टात्प॒शोर्नाव॑ द्यन्ति॒ यदु॒परि॑ष्टात्प॒शुं स॑म॒नक्ति॒ मेध्य॑मे॒व ॥
Verse: 5
Sentence: 1 ए॑नं करोति ।
Sentence: 2 ऋ॒त्विजो॑ वृणीते॒ छन्दां॑स्ये॒व वृ॑णीते स॒प्त वृ॑णीते स॒प्त ग्रा॒म्याः प॒शवः॑ स॒प्तार॒ण्याः स॒प्त छन्दां॑स्यु॒भय॒स्याव॑रुद्ध्यै ।
Sentence: 3 एका॑दश प्रया॒जान्य॑जति॒ दश वै प॒शोः प्रा॒णा आत्मैकाद॒शो यावा॑ने॒व प॒शुस्तम्प्र य॑जति
Sentence: 4 व॒पां एकः॒ परि॑ शय आत्मै॒वात्मान॒म्परि॑ शये
Sentence: 5 वज्रो वै॒ स्वधि॑ति॒र्वज्रो॑ यूपशक॒लो घृ॒तं खलु वै दे॒वा वज्रं॑ कृ॒त्वा सोम॑मघ्नन्घृ॒तेनाक्तौ प॒शुं त्रा॑येथा॒मित्या॑ह॒ वज्रे॑णैवैनं॒ वशे॑ कृ॒त्वा ल॑भते ॥
Paragraph: 8
Verse: 1
Sentence: 1 पर्य॑ग्नि करोति सर्व॒हुत॑मेवैनं करो॒त्यस्क॑न्दा॒यास्क॑न्नं॒ हि तद्यद्धु॒तस्य॒ स्कन्द॑ति॒ त्रिः पर्य॑ग्नि करोति॒ त्र्या॑वृ॒द्धि य॒ज्ञो ऽथो॒ रक्ष॑सा॒मप॑हत्यै
Sentence: 2 ब्रह्मवा॒दिनो॑ वदन्ति ।
Sentence: 3 अ॑न्वा॒रभ्यः॑ प॒शू३र्नान्वा॒रभ्या३ इति॑ मृ॒त्यवे॒ वा ए॒ष नी॑यते॒ यत्प॒शुस्तम्यद॑न्वा॒रभे॑त प्र॒मायु॑को॒ यज॑मानः स्या॒दथो॒ खल्वा॑हुः
Sentence: 4 सुव॒र्गाय॒ वा ए॒ष लो॒काय॑ नीयते॒ यत् ॥
Verse: 2
Sentence: 1 प॒शुरिति॒ यन्नान्वा॒रभे॑त सुव॒र्गाल्लो॒काद्यज॑मानो हीयेत वपा॒श्रप॑णीभ्याम॒न्वार॑भते॒ तन्नेवा॒न्वार॑ब्धं॒ नेवान॑न्वारब्धम्
Sentence: 2 उप॒ प्रेष्य॑ होतर्ह॒व्या दे॒वेभ्य॒ इत्या॑हेषि॒तं हि कर्म॑ क्रि॒यते
Sentence: 3 रेव॑तीर्य॒ज्ञप॑तिं प्रिय॒धा वि॑श॒तेत्या॑ह यथाय॒जुरेवै॒तद्
Sentence: 4 अ॒ग्निना॑ पु॒रस्ता॑देति॒ रक्ष॑सा॒मप॑हत्यै
Sentence: 5 पृथि॒व्याः सं॒पृचः॑ पा॒हीति॑ ब॒र्हिः ॥
Verse: 3
Sentence: 1 उपा॑स्य॒त्यस्क॑न्दा॒यास्क॑न्नं॒ हि तद्यद्ब॒र्हिषि॒ स्कन्द॒त्यथो॑ बर्हि॒षद॑मेवैनं करोति
Sentence: 2 परा॒ङा व॑र्तते ऽध्व॒र्युः प॒शोः सं॑ज्ञ॒प्यमा॑नात्प॒शुभ्य॑ ए॒व तन्नि ह्नु॑त आ॒त्मनोना॑व्रस्�
Sentence: 3 गछ॑ति॒ श्रिय॒म्प्र प॒शूना॑प्नोति॒ य ए॒वं वेद
Sentence: 4 प॒श्चाल्लो॑का॒ वा ए॒षा प्राच्यु॒दानी॑यते॒ यत्पत्नी॒ नम॑स्त आता॒नेत्या॑हादि॒त्यस्य वै र॒श्मयः॑ ॥
Verse: 4
Sentence: 1 आ॑ता॒नास्तेभ्य॑ ए॒व नम॑स्करोति ।
Sentence: 2 अ॑न॒र्वा प्रेहीत्या॑ह॒ भ्रातृ॑व्यो॒ वा अर्वा॒ भ्रातृ॑व्यापनुत्त्यै
Sentence: 3 घृ॒तस्य॑ कु॒ल्यामनु॑ स॒ह प्र॒जया॑ स॒ह रा॒यस्पोषे॒णेत्या॑हा॒शिष॑मेवै॒तामा शा॑स्ता॒ आपो॑ देवीः शुद्धायुव॒ इत्या॑ह यथाय॒जुरेवै॒तत् ॥
Paragraph: 9
Verse: 1
Sentence: 1 प॒शोर्वा आल॑ब्धस्य प्रा॒णाञ्छुगृ॑छति
Sentence: 2 वाक्त॒ आ प्या॑यताम्प्रा॒णस्त॒ आ प्या॑यता॒मित्या॑ह प्रा॒णेभ्य॑ ए॒वास्य॒ शुचं॑ शमयति
Sentence: 3 सा प्रा॒णेभ्यो ऽधि॑ पृथि॒वीं शुक्प्र वि॑शति
Sentence: 4 शमहो॑भ्या॒मिति॒ नि न॑यत्यहोरा॒त्राभ्या॑मे॒व पृ॑थिव्यै॒ शुचं॑ शमयति ।
Sentence: 5 ओष॑धे॒ त्राय॑स्वैनं॒ स्वधि॑ते मैनं हिंसी॒रित्या॑ह॒ वर्जो वै॒ स्वधि॑तिः ॥
Verse: 2
Sentence: 1 शान्त्यै
Sentence: 2 पार्श्व॒त आ छ्य॑ति मध्य॒तो हि म॑नु॒ष्या॑ आ॒छ्यन्ति॑ तिर॒श्चीन॒मा छ्य॑त्यनू॒चीनं॒ हि म॑नु॒ष्या॑ आ॒छ्यन्ति॒ व्यावृ॑त्त्यै
Sentence: 3 रक्ष॑साम्भा॒गो॒ ऽसीति॑ स्थ्विम॒तो ब॒र्हिर॒क्त्वापा॑स्यत्यस्नै॒व रक्षां॑सि नि॒रव॑दयते ।
Sentence: 4 इ॒दम॒हं रक्षो॑ ऽध॒मं तमो॑ नयामि॒ यो॒ ऽस्मान्द्वेष्टि॒ यं च॑ व॒यं द्वि॒ष्म इत्या॑ह द्वौ॒ वाव पुरु॑षौ॒ यं चै॒व ॥
Verse: 3
Sentence: 1 द्वेष्टि॒ यश्चै॑नं॒ द्वेष्टि॒ तावु॒भाव॑ध॒मं तमो॑ नयति ।
Sentence: 2 इ॒षे त्वेति॑ व॒पामुत्खि॑दती॒धत॑ इव॒ ह्ये॒ष यो यज॑ते
Sentence: 3 यदु॑पतृ॒न्द्याद्रु॒द्रो॑ ऽस्य प॒शून्घातु॑कः स्या॒द्यन्नोप॑तृ॒न्द्यादय॑ता स्याद॒न्ययो॑पत�या॒ न धृत्यै
Sentence: 4 घृ॒तेन॑ द्यावापृथिवी॒ प्रोर्ण्वा॑था॒मित्या॑ह॒ द्यावा॑पृथि॒वी ए॒व रसे॑नानक्ति ।
Sentence: 5 अछि॑न्नः ॥
Verse: 4
Sentence: 1 रायः॑ सु॒वीर॒ इत्या॑ह यथाय॒जुरेवै॒तत्
Sentence: 2 क्रू॒रमि॑व॒ वा ए॒तत्क॑रोति॒ यद्व॒पामु॑त्खि॒दत्यु॒र्व॒न्तरि॑क्ष॒मन्वि॒हीत्या॑ह॒ शान्त्यै
Sentence: 3 प्र वा ए॒षो॒ ऽस्माल्लो॒काच्च्य॑वते॒ यः प॒शुम्मृ॒त्यवे॑ नी॒यमा॑नमन्वा॒रभ॑ते वपा॒श्रप॑णी॒ पुन॑र॒वार॑भते॒ ऽस्मिन्ने॒व लो॒के प्रति॑ तिष्ठति ।
Sentence: 4 अ॒ग्निना॑ पु॒रस्ता॑देति॒ रक्ष॑सा॒मप॑हत्या॒ अथो॑ दे॒वता॑ ए॒व ह॒व्येन॑ ॥
Verse: 5
Sentence: 1 अन्वे॑ति
Sentence: 2 नान्त॒ममङ्गा॑र॒मति॑ हरे॒द्यद॑न्त॒ममङ्गा॑रमति॒हरे॑द्दे॒वता॒ अति॑ मन्येत
Sentence: 3 वायो॒ वीहि॑ स्तो॒काना॒मित्या॑ह॒ तस्मा॒द्विभ॑क्ता स्तो॒का अव॑ पद्यन्ते ।
Sentence: 4 अग्रं॒ वा ए॒तत्प॑शू॒नां यद्व॒पाग्र॒मोष॑धीनाम्ब॒र्हिरग्रे॑णै॒वाग्रं॒ सम॑र्धय॒त्यथो॒ ओष॑धीष्वे॒व प॒शून्प्रति॑ ष्ठापयति
Sentence: 5 स्वाहा॑कृतीभ्यः॒ प्रेष्येत्या॑ह ॥
Verse: 6
Sentence: 1 य॒ज्ञस्य॒ समि॑ष्ट्यै
Sentence: 2 प्राणापानौ॒ वा एतौ पशू॒णां यत्पृ॑षदा॒ज्यमा॒त्मा व॒पा पृ॑षदा॒ज्यम॑भि॒घार्य॑ व॒पाम॒भि घा॑रयत्या॒त्मन्ने॒व प॑शू॒नाम्प्रा॑णापानौ दधाति
Sentence: 3 स्वाहो॒र्ध्वन॑भसम्मारु॒तं ग॑छत॒मित्या॑हो॒र्ध्वन॑भा ह स्म वै मारु॒तो दे॒वानां॑ वपा॒श्रप॑णी॒ प्रह॑रति॒ तेनैवैने॒ प्र ह॑रति॒ विषू॑ची॒ प्र ह॑रति॒ तस्मा॒द्विष्व॑ञ्चौ प्राणापानौ ॥
Paragraph: 10
Verse: 1
Sentence: 1 प॒शुमा॒लभ्य॑ पुरो॒डाशं॒ निर्व॑पति॒ समे॑धमेवैन॒मा ल॑भते
Sentence: 2 व॒पया॑ प्र॒चर्य॑ पुरो॒डाशे॑न॒ प्र च॑र॒त्यूर्ग्वै॑ पुरो॒डाश॒ ऊर्ज॑मे॒व प॑शू॒नाम्म॑ध्य॒तो द॑धा॒त्यथो॑ प॒शोरे॒व छि॒द्रमपि॑ दधाति
Sentence: 3 पृषदा॒ज्यस्यो॑प॒हत्य॒ त्रिः पृ॑छति
Sentence: 4 शृ॒तं ह॒वी३ः शमित॒रिति॒ त्रिष॑त्या॒ हि दे॒वा यो ऽशृ॑तं शृ॒तमाह॒ स एन॑सा
Sentence: 5 प्राणापानौ॒ वा एतौ पशू॒नाम् ॥
Verse: 2
Sentence: 1 यत्पृ॑षदा॒ज्यम्प॒शोः खलु॒ वा आल॑ब्धस्य॒ हृद॑यमा॒त्माभि समे॑ति॒ यत्पृ॑षदा॒ज्येन॒ हृद॑यमभिघ�॒व प॑शू॒नाम्प्रा॑णापानौ दधाति
Sentence: 2 प॒शुना वै दे॒वाः सु॑व॒र्गं लो॒कमा॑य॒न्ते॑ ऽमन्यन्त
Sentence: 3 मनु॒ष्या॑ नो॒ ऽन्वाभ॑विष्य॒न्तीति॒ तस्य॒ शिर॑श्छि॒त्त्वा मेध॒म्प्राक्षा॑रय॒न्त्स प्र॒क्षो॑ ऽभव॒त्तत्प्र॒क्षस्य॑ प्रक्ष॒त्वं यत्प्ल॑क्षशा॒खोत्त॑रब॒र्हिर्भव॑ति॒ समे॑धस्यै॒व ॥
Verse: 3
Sentence: 1 प॒शोरव॑ द्यति
Sentence: 2 प॒शुं वै॑ ह्रि॒यमा॑णं॒ रक्षां॒स्यनु॑ सचन्ते ऽन्त॒रा यूपं॑ चाहव॒नीयं॑ च हरति॒ रक्ष॑सा॒मप॑हत्�
Sentence: 3 प॒शोर्वा आल॑ब्धस्य॒ मनो प॑ क्रामति
Sentence: 4 म॒नोता॑यै ह॒विषो॑ ऽवदी॒यमा॑न॒स्यानु॑ ब्रू॒हीत्या॑ह॒ मन॑ ए॒वास्याव॑ रुन्द्धे ।
Sentence: 5 एका॑दशाव॒दाना॒न्यव॑ द्यति॒ दश वै प॒शोः प्रा॒णा आत्मैकाद॒शो यावा॑ने॒व प॒शुस्तस्याव॑ ॥
Verse: 4
Sentence: 1 द्य॑ति
Sentence: 2 हृद॑य॒स्याग्रे ऽव॑ द्य॒त्यथ॑ जि॒ह्वाया॒ अथ॒ वक्ष॑सो॒ यद्वै॒ हृद॑येनाभि॒गछ॑ति॒ तज्जि॒ह्वया॑ वदति॒ यज्जि॒ह्वया॒ वद॑ति॒ तदुर॒सो ऽधि॒ निर्व॑दति ।
Sentence: 3 ए॒तद्वै॑ प॒शोर्य॑थापू॒र्वं यस्यै॒वम॑व॒दाय॑ यथाका॒ममुत्त॑रेषामव॒द्यति॑ यथापू॒र्वमे॒वास्य॑ प॒शोरव॑त्तम्भवति
Sentence: 4 मध्य॒तो गु॒दस्याव॑ द्यति मध्य॒तो हि प्रा॒ण उ॑त्त॒मस्याव॑ द्यति ॥
Verse: 5
Sentence: 1 उ॑त्त॒मो हि प्रा॒णो यदीत॑रं॒ यदीत॑रमु॒भय॑मे॒वाजा॑मि
Sentence: 2 जाय॑मानो वै ब्राह्म॒णस्त्रि॒भिरृ॑ण॒वा जा॑यते ब्रह्म॒चर्ये॒णर्षि॑भ्यो य॒ज्ञेन॑ दे॒वेभ्यः॑ प्र॒जया॑ पि॒तृभ्य॑ ए॒ष वा अ॑नृ॒णो यः पु॒त्री यज्वा॑ ब्रह्मचारिवा॒सी तद॑व॒दानै॑रे॒वाव॑ दयते॒ तद॑व॒दाना॑नामवदान॒त्वम् ।
Sentence: 3 दे॑वासु॒राः संय॑त्ता आस॒न्ते दे॒वा अ॒ग्निम॑ब्रुवन्
Sentence: 4 त्वया॑ वी॒रेणासु॑रान॒भि भ॑वा॒मेति॑ ॥
Verse: 6
Sentence: 1 सो॑ ऽब्रवीद्
Sentence: 2 वरं॑ वृणै प॒शोरु॑द्धा॒रमुद्ध॑रा॒ इति॒ स ए॒तमु॑द्धा॒रमुद॑हरत॒ दोः पू॑र्वा॒र्धस्य॑ गु॒दम्म॑ध�॒तः श्रोणिं॑ जघना॒र्धस्य॒ ततो॑ दे॒वा अभ॑व॒न्परासु॑रा॒ यत्त्र्य॒ङ्गाणां॑ समव॒द्यति॒ भ्रातृ॑व्या॒भिभू॑त्यै॒ भव॑त्या॒त्मना॒ परा॑स्य॒ भ्रातृ॑व्यो भवति ।
Sentence: 3 अ॑क्ष्ण॒याव॑ द्यति॒ तस्मा॑दक्ष्ण॒या प॒शवो ऽङ्गा॑नि॒ प्र ह॑रन्ति॒ प्रति॑ष्ठित्यै ॥
Paragraph: 11
Verse: 1
Sentence: 1 मेद॑सा॒ स्रुचौ॒ प्रोर्णो॑ति॒ मेदो॑रूपा वै प॒शवो॑ रू॒पमे॒व प॒शुषु॑ दधाति
Sentence: 2 यू॒षन्न॑व॒धाय॒ प्रोर्णो॑ति॒ रसो॒ वा ए॒ष प॑शू॒नां यद्यू रस॑मे॒व प॒शुषु॑ दधाति
Sentence: 3 पा॒र्श्वेन॑ वसाहो॒मम्प्र यौ॑ति॒ मध्यं॒ वा ए॒तत्प॑शू॒नां यत्पा॒र्श्वं रस॑ ए॒ष प॑शू॒नां यद्वसा॒ यत्पा॒र्श्वेन॑ वसाहो॒मम्प्रयौति मध्य॒त ए॒व प॑शू॒नां रसं॑ दधाति
Sentence: 4 घ्नन्ति॑ ॥
Verse: 2
Sentence: 1 वा ए॒तत्प॒शुं यत्सं॑ज्ञ॒पय॑न्त्ऐ॒न्द्रः खलु वै दे॒वत॑या प्रा॒ण ऐ॒न्द्रो॑ ऽपा॒न ऐ॒न्द्रः प्र�॒णो अङ्गेअ॑ङ्गे॒ नि दे॑ध्य॒दित्या॑ह प्राणापा॒नावे॒व प॒शुषु॑ दधाति
Sentence: 2 देव॑ त्वष्ट॒र्भूरि॑ ते॒ संस॑मे॒त्वित्या॑ह त्वा॒ष्ट्रा हि दे॒वत॑या प॒शव॑स् ।
Sentence: 3 विषु॑रूपा॒ यत्सल॑क्ष्माणो॒ भव॒थेत्या॑ह॒ विषु॑रूपा॒ ह्ये॒ते सन्तः॒ सल॑क्ष्माण ए॒तर्हि॒ हव॑न्ति
Sentence: 4 देव॒त्रा यन्त॑म् ॥
Verse: 3
Sentence: 1 अव॑से॒ सखा॒यो ऽनु॑ त्वा मा॒ता पि॒तरो॑ मद॒न्त्वित्या॒हानु॑मतमेवैनम्मा॒त्रा पि॒त्रा सु॑व॒र्गं लो॒कं ग॑मयति ।
Sentence: 2 अ॑र्ध॒र्चे व॑साहो॒मं जु॑होत्यसौ॒ वा अ॑र्ध॒र्च इ॒यम॑र्ध॒च इ॒मे ए॒व रसे॑नानक्ति॒ दिशो॑ जुहोति॒ दिश॑ ए॒व रसे॑नान॒क्त्यथो॑ दि॒ग्भ्य ए॒वोर्जं॒ रस॒मव॑ रुन्द्धे
Sentence: 3 प्राणापानौ॒ वा एतौ पशू॒नां यत्पृ॑षदा॒ज्यं वा॑नस्प॒त्याः खलु॑ ॥
Verse: 4
Sentence: 1 वै॑ दे॒वत॑या प॒शवो॒ यत्पृ॑षदा॒ज्यस्यो॑प॒हत्याह
Sentence: 2 वन॒स्पत॒ये ऽनु॑ ब्रूहि॒ वन॒स्पत॑ये॒ प्रेष्येति॑ प्राणापा॒नावे॒व प॒शुषु॑ दधाति ।
Sentence: 3 अ॒न्यस्या॑न्यस्य समव॒त्तं स॒मव॑द्यति॒ तस्मा॒न्नाना॑रूपाः प॒शव॑स् ।
Sentence: 4 यू॒ष्णोप॑ सिञ्चति॒ रसो॒ वा ए॒ष प॑शू॒नां यद्यू रस॑मे॒व प॒शुषु॑ दधाति ।
Sentence: 5 इडा॒मुप॑ ह्वयते प॒शवो॒ वा इडा॑ प॒शूने॒वोप॑ ह्वयते च॒तुरुप॑ ह्वयते ॥
Verse: 5
Sentence: 1 चतु॑ष्पादो॒ हि प॒शव॑स् ।
Sentence: 2 यं का॒मये॑त ।
Sentence: 3 अ॑प॒शुः स्या॒दित्य॑मे॒दस्कं॒ तस्मा॒ आ द॑ध्या॒न्मेदो॑रूपा वै प॒शवो॑ रू॒पेणैवैनम्प॒शुभ्यो॒ निर्भ॑जत्यप॒शुरे॒व भ॑वति
Sentence: 4 यं का॒मये॑त
Sentence: 5 पशु॒ मान्त्स्या॒दिति॒ मेद॑स्व॒त्तस्मा॒ आ द॑ध्या॒न्मेदो॑रूपा वै प॒शवो॑ रू॒पेणै॒वास्मै॑ प॒शूनव॑ रुन्द्धे पशु॒माने॒व भ॑वति
Sentence: 6 प्र॒जाप॑तिर्य॒ज्ञम॑सृज॒ स आज्य॑म् ॥
Verse: 6
Sentence: 1 पु॒रस्ता॑दसृजत प॒शुम्म॑ध्य॒तः पृ॑षदा॒ज्यम्प॒श्चात्तस्मा॒दाज्ये॑न प्रया॒जा इ॑ज्यन्ते प॒शुना॑ प॒शुना॑ मध्य॒तः पृ॑षदा॒ज्येना॑नूया॒जास्तस्मा॑दे॒तन्मि॒श्रमि॑व पश्चात्सृ॒ष्टं हि॑ ।
Sentence: 2 एका॑दशानूया॒जान्य॑जति॒ दश वै प॒शोः प्रा॒णा आत्मैकाद॒शो यावा॑ने॒व प॒शुस्तमनु॑ यजति
Sentence: 3 घ्नन्ति॒ वा ए॒तत्प॒शुं यत्सं॑ज्ञ॒पय॑न्ति प्राणापानौ॒ खलु॒ वा एतौ पशू॒नां यत्पृ॑षदा॒ज्यं यत्पृ॑षदा॒ज्येना॑नूया॒जान्यज॑ति प्राणापा॒नावे॒वा प॒शुषु॑ दधाति ॥
Chapter: 4
Paragraph: 1
Verse: 1
Sentence: 1 य॒ज्ञेन वै प्र॒जाप॑तिः प्र॒जा अ॑सृजत
Sentence: 2 ता उ॑प॒यड्भि॑रे॒वासृ॑जत
Sentence: 3 यदु॑प॒यज॑ उप॒यज॑ति प्र॒जा ए॒व तद्यज॑मानः सृजते
Sentence: 4 जघना॒र्धादव॑ द्यति
Sentence: 5 जघना॒र्धाद्धि प्र॒जाः प्र॒जाय॑न्ते
Sentence: 6 स्थविम॒तो ऽव॑ द्यति
Sentence: 7 स्थविम॒तो हि प्र॒जाः प्र॒जाय॑न्ते ।
Sentence: 8 अस॑म्भिन्द॒न्नव॑ द्यति प्रा॒णाना॒मस॑म्भेदाय
Sentence: 9 न प॒र्याव॑र्तयति
Sentence: 10 यत्प॑र्याव॒र्तये॑दुदाव॒र्तः प्र॒जा ग्राहु॑कः स्यात्
Sentence: 11 समु॒द्रं ग॑छ॒ स्वाहेत्या॑ह
Sentence: 12 रे॒तः ॥
Verse: 2
Sentence: 1 ए॒व तद्द॑धाति ।
Sentence: 2 अ॒न्तरि॑क्षं गछ॒ स्वाहेत्या॑ह ।
Sentence: 3 अ॒न्तरि॑क्षेणै॒वास्मै॑ प्र॒जाः प्र ज॑नयति ।
Sentence: 4 अ॒न्तरि॑क्षं॒ ह्यनु॑ प्र॒जाः प्र॒जाय॑न्ते
Sentence: 5 दे॒वं स॑वि॒तारं॑ गछ॒ स्वाहेत्या॑ह
Sentence: 6 सवि॒तृप्र॑सूत ए॒वास्मै॑ प्र॒जाः प्र ज॑नयति ।
Sentence: 7 अ॑होरा॒त्रे ग॑छ॒ स्वाहेत्या॑ह ।
Sentence: 8 अ॑होरा॒त्राभ्या॑मे॒वास्मै॑ प्र॒जाः प्र ज॑नयति ।
Sentence: 9 अ॑होरा॒त्रे ह्यनु॑ प्र॒जाः प्र॒जाय॑न्ते
Sentence: 10 मि॒त्रावरु॑णौ गछ॒ स्वाहा॑ ॥
Verse: 3
Sentence: 1 इत्या॑ह
Sentence: 2 प्र॒जास्वे॒व प्रजा॑तासु प्राणापानौ दधाति
Sentence: 3 सोमं॑ गछ॒ स्वाहेत्या॑ह
Sentence: 4 सौ॒म्या हि दे॒वत॑या प्र॒जास् ।
Sentence: 5 य॒ज्ञं ग॑छ॒ स्वाहेत्या॑ह
Sentence: 6 प्र॒जा ए॒व य॒ज्ञियाः॑ करोति
Sentence: 7 छन्दां॑सि गछ॒ स्वाहेत्या॑ह
Sentence: 8 प॒शवो वै॒ छन्दां॑सि
Sentence: 9 प॒शूने॒वाव॑ रुन्द्धे
Sentence: 10 द्यावा॑पृथि॒वी ग॑छ॒ स्वाहेत्या॑ह
Sentence: 11 प्र॒जा ए॒व प्रजा॑ता॒ द्यावा॑पृथि॒वीभ्या॑मुभ॒यतः॒ परि॑ गृह्णाति
Sentence: 12 नभः॑ ॥
Verse: 4
Sentence: 1 दि॒व्यं ग॑छ॒ स्वाहेत्या॑ह
Sentence: 2 प्र॒जाभ्य॑ ए॒व प्रजा॑ताभ्यो॒ वृष्टिं॒ नि य॑छति ।
Sentence: 3 अ॒ग्निं वै॑श्वान॒रं ग॑छ॒ स्वाहेत्या॑ह
Sentence: 4 प्र॒जा ए॒व प्रजा॑ता अ॒स्याम्प्रति॑ ष्ठापयति
Sentence: 5 प्रा॒णानां॒ वा ए॒षो ऽव॑ द्यति॒ यो॑ ऽव॒द्यति॑ गु॒दस्य
Sentence: 6 मनो॑ मे॒ हार्दि॑ य॒छेत्या॑ह
Sentence: 7 प्रा॒णाने॒व य॑थास्था॒नमुप॑ ह्वयते
Sentence: 8 प॒शोर्वा आल॑ब्धस्य॒ हृद॑यं शुगृछति
Sentence: 9 सा हृ॑दयशू॒लम् ॥
Verse: 5
Sentence: 1 अ॒भि समे॑ति
Sentence: 2 यत्पृ॑थि॒व्यां हृ॑दयशू॒लमु॑द्वा॒सये॑त्पृथि॒वीं शु॒चार्प॑येत् ।
Sentence: 3 यद॒प्स्व॒पः शु॒चार्प॑येत् ।
Sentence: 4 शु॑ष्कस्य चा॒र्द्रस्य॑ च सं॒धावुद्वा॑सयत्यु॒भय॑स्य॒ शान्त्यै
Sentence: 5 यं द्वि॒ष्यात्तं ध्या॑येत् ।
Sentence: 6 शुचैवैनमर्पयति ॥
Paragraph: 2
Verse: 1
Sentence: 1 दे॒वा वै॑ य॒ज्ञमाग्नी॑ध्रे॒ व्य॑भजन्त
Sentence: 2 ततो॒ यद॒त्यशि॑ष्यत॒ तद्ब्रुवन्न्^ब्रुवन्
Sentence: 3 वस॑तु॒ नु न॑ इ॒दमिति
Sentence: 4 तद्व॑सती॒वरी॑णां वसतीवरि॒त्वम् ।
Sentence: 5 तस्मि॑न्प्रा॒तर्न सम॑शक्नुवन्
Sentence: 6 तद॒प्सु प्रावे॑शयन्
Sentence: 7 ता व॑सती॒वरी॑रभवन्
Sentence: 8 वसती॒वरी॑र्गृह्णाति
Sentence: 9 य॒ज्ञो वै॑ वसती॒वरी॑स् ।
Sentence: 10 य॒ज्ञमे॒वारभ्य॑ गृही॒त्वोप॑ वसति
Sentence: 11 यस्यागृ॑हीता अ॒भि नि॒म्रोचे॒दना॑रब्धो ऽस्य य॒ज्ञः स्या॑त् ॥
Verse: 2
Sentence: 1 य॒ज्ञं वि छि॑न्द्यात् ।
Sentence: 2 ज्यो॑ति॒ष्या॑ वा गृह्णी॒याद्धिर॑ण्यं वाव॒धाय॒ सशु॑क्राणामे॒व गृ॑ह्णाति
Sentence: 3 यो वा॑ ब्राह्म॒णो ब॑हुया॒जी तस्य॒ कुम्भ्या॑नां गृह्णीयात्
Sentence: 4 स हि गृ॑ही॒तव॑सतीवरीकस् ।
Sentence: 5 व॑सती॒वरी॑र्गृह्णाति
Sentence: 6 प॒शवो वै वसती॒वरीः
Sentence: 7 प॒शूने॒वारभ्य॑ गृही॒त्वोप॑ वसति
Sentence: 8 यद॑न्वी॒पं तिष्ठ॑न्गृह्णी॒यान्नि॒र्मार्गु॑का अस्मात्प॒शवः॑ स्युः
Sentence: 9 प्रती॒पं तिष्ठ॑न्गृह्णाति
Sentence: 10 प्रति॒रुध्यै॒वास्मै॑ प॒शून्गृ॑ह्णाति ।
Sentence: 11 इन्द्रः॑ ॥
Verse: 3
Sentence: 1 वृ॒त्रं अ॑हन् ।
Sentence: 2 सो॒ ऽपो॒ ऽभ्य॑म्रियत
Sentence: 3 तासां॒ यन्मेध्यं॑ य॒ज्ञियं॒ सदे॑व॒मासी॒त्तदत्य॑मुच्यत
Sentence: 4 ता वह॑न्तीरभवन्
Sentence: 5 वह॑न्तीनां गृह्णाति
Sentence: 6 या ए॒व मेध्या॑ य॒ज्ञियाः॒ सदे॑वा॒ आप॒स्तासा॑मे॒व गृ॑ह्णाति
Sentence: 7 नान्त॒मा वह॑न्ती॒रती॑यात् ।
Sentence: 8 यद॑न्त॒मा वह॑न्तीरती॒याद्य॒ज्ञमति॑ मन्येत
Sentence: 9 न स्था॑व॒राणां॑ गृह्णीयात् ।
Sentence: 10 वरु॑णगृहीता वै स्थाव॒रास् ।
Sentence: 11 यत्स्था॑व॒राणां॑ गृह्णी॒यात् ॥
Verse: 4
Sentence: 1 वरु॑णेनास्य य॒ज्ञं ग्रा॑हयेत् ।
Sentence: 2 यद्वै॒ दिवा॒ भव॑त्य॒पो रात्रिः॒ प्र वि॑शति
Sentence: 3 तस्मा॑त्ता॒म्रा आपो॒ दिवा॑ ददृश्रे
Sentence: 4 यन्नक्त॒म्भव॑त्य॒पो ऽहः॒ प्र वि॑शति
Sentence: 5 तस्मा॑च्च॒न्द्रा आपो॒ नक्तं॑ ददृश्रे
Sentence: 6 छा॒यायै॑ चा॒तप॑तश्च सन्धौ गृह्णाति ।
Sentence: 7 अ॑होरा॒त्रयो॑रे॒वास्मै॒ वर्णं॑ गृह्णाति
Sentence: 8 ह॒विष्म॑तीरि॒मा आप॒ इत्या॑ह
Sentence: 9 ह॒विष्कृ॑तानामे॒व गृ॑ह्णाति
Sentence: 10 ह॒विष्मां॑ अस्तु ॥
Verse: 5
Sentence: 1 सूर्य॒ इत्या॑ह
Sentence: 2 सशु॑क्राणामे॒व गृ॑ह्णाति ।
Sentence: 3 अ॑नु॒ष्टुभा॑ गृह्णाति
Sentence: 4 वाग्वा अनु॒ष्टुग्^नु॒ष्टुभ्
Sentence: 5 वाचैवैनाः॒ सर्व॑या गृह्णाति
Sentence: 6 चतु॑ष्पदय॒र्चा गृ॑ह्णाति
Sentence: 7 त्रिः सा॑दयति
Sentence: 8 स॒प्त सम्प॑द्यन्ते
Sentence: 9 स॒प्तप॑दा॒ शक्व॑री
Sentence: 10 प॒शवः॒ शक्व॑री
Sentence: 11 प॒शूने॒वाव॑ रुन्द्धे ।
Sentence: 12 अस्मै वै लो॒काय॒ गार्ह॑पत्य॒ आ धी॑यते॒ ऽमुष्मा॑ आहव॒नीय॑स् ।
Sentence: 13 यद्गार्ह॑पत्य उपसा॒दये॑द॒स्मिँ लो॒के प॑शु॒मान्त्स्या॑त् ।
Sentence: 14 यदा॑हव॒नीये॒ ऽमुष्मि॑न् ॥
Verse: 6
Sentence: 1 लो॒के प॑शु॒मान्त्स्या॑त् ।
Sentence: 2 उ॒भयो॒रुप॑ सादयति ।
Sentence: 3 उ॒भयो॑रेवैनं लो॒कयोः॑ पशु॒मन्तं॑ करोति
Sentence: 4 स॒र्वतः॒ परि॑ हरति
Sentence: 5 रक्ष॑सा॒मप॑हत्यै ।
Sentence: 6 इ॑न्द्राग्नि॒योर्भा॑ग॒धेयी॒ स्थेत्या॑ह
Sentence: 7 यथाय॒जुरेवै॒तत् ।
Sentence: 8 आग्नी॑ध्र॒ उप॑ वासयति ।
Sentence: 9 ए॒तद्वै॑ य॒ज्ञस्याप॑राजितं॒ यदाग्नी॑ध्रम् ।
Sentence: 10 यदे॒व य॒ज्ञस्याप॑राजितं॒ तदेवैना॒ उप॑ वासयति
Sentence: 11 यतः॒ खलु वै य॒ज्ञस्य॒ वित॑तस्य॒ न क्रि॒यते॒ तदनु॑ य॒ज्ञं रक्षां॑स्य॒ अव॑ चरन्ति
Sentence: 12 यद्वह॑न्तीनां गृ॒ह्णाति॑ क्रि॒यमा॑नामे॒व तद्य॒ज्ञस्य॑ शये
Sentence: 13 रक्ष॑सा॒मन॑न्ववचाराय
Sentence: 14 न ह्ये॒ता ई॒लय॑न्ति ।
Sentence: 15 आ तृ॑तीयसव॒नात्परि॑ शेरे
Sentence: 16 य॒ज्ञस्य॒ सन्त॑त्यै ॥
Paragraph: 3
Verse: 1
Sentence: 1 ब्र॑ह्मवा॒दिनो॑ वदन्ति
Sentence: 2 स त्वा अ॑ध्व॒र्युः स्या॒द्यः सोम॑मुपाव॒हर॒न्त्सर्वा॑भ्यो दे॒वता॑भ्य उपाव॒हरे॒दिति
Sentence: 3 हृ॒दे त्वेत्या॑ह मनु॒ष्ये॑भ्य एवै॒तेन॑ करोति
Sentence: 4 मन॑से॒ त्वेत्या॑ह पि॒तृभ्य॑ एवै॒तेन॑ करोति दि॒वे त्वा॑ सू॒र्याय॒ त्वेत्या॑ह दे॒वेभ्य॑ एवै॒तेन॑ करोति ।
Sentence: 5 ए॒ताव॑तीर्वै दे॒वता॒स्ताभ्य॑ एवैनं॒ सर्वा॑भ्य उ॒पाव॑हरति
Sentence: 6 पु॒रा वा॒चः ॥
Verse: 2
Sentence: 1 प्रव॑दितोः प्रातरनुवा॒कमु॒पाक॑रोति॒ याव॑त्ये॒व वाक्तामव॑ रुन्द्धे ।
Sentence: 2 अ॒पो ऽग्रे॑ ऽभि॒व्याह॑रति य॒ज्ञो वा आपो॑ य॒ज्ञमे॒वाभि वाचं॒ वि सृ॑जति
Sentence: 3 सर्वा॑णि॒ छन्दां॒स्यन्वा॑ह प॒शवो वै॒ छन्दां॑सि प॒शूने॒वाव॑ रुन्द्धे
Sentence: 4 गायत्रि॒या तेज॑स्कामस्य॒ परि॑ दध्यात्त्रि॒ष्टुभे॑न्द्रि॒यका॑मस्य॒ जग॑त्या प॒शुका॑मस्यानु�भा॑ प्रति॒ष्ठाका॑मस्य प॒ङ्क्त्या य॒ज्ञका॑मस्य वि॒राजान्न॑कामस्य
Sentence: 5 श्रि॒णोत्व॒ग्निः स॒मिधा॒ हव॑म् ॥
Verse: 3
Sentence: 1 म॒ इत्या॑ह सवि॒तृप्र॑सूत ए॒व दे॒वता॑भ्यो नि॒वेद्या॒पो ऽछै॑ति ।
Sentence: 2 अ॒प इ॑ष्य होत॒रित्या॑हेषि॒तं हि कर्म॑ क्रि॒यते
Sentence: 3 मैत्रावरुणस्य चमसाध्वर्य॒वा द्र॒वेत्या॑ह मै॒त्रावरु॑णौ॒ वा अ॒पां ने॒तारौ॒ ताभ्या॑मेवैना॒ अछै॑ति
Sentence: 4 देवी॑रापो अपां नपा॒दित्या॒हाहु॑त्यैवैना नि॒ष्क्रीय॑ गृह्णा॒त्यथो॑ ह॒विष्कृ॑तानामे॒वाभिघृ�नां गृह्णाति ॥
Verse: 4
Sentence: 1 कार्षि॑र॒सीत्या॑ह॒ शम॑लमे॒वासा॒मप॑ प्लावयति
Sentence: 2 समु॒द्रस्य॒ वोक्षि॑त्या॒ उन्न॑य॒ इत्या॑ह॒ तस्मा॑द॒द्यमा॑नाः पी॒यमा॑ना॒ आपो॒ न क्षी॑यन्ते
Sentence: 3 योनिर्वै य॒ज्ञस्य॒ चात्वा॑लं य॒ज्ञो व॑सती॒वरी॑र्होतृचम॒सं च॑ मैत्रावरुणचम॒सं च॑ सं॒स्पर्श्य॑ वसती॒वरी॒र्व्यान॑यति य॒ज्ञस्य॑ सयोनि॒त्वाय॑ ।
Sentence: 4 अथो॒ स्वादेवैना॒ योनेः॒ प्र ज॑नयति ।
Sentence: 5 अध्व॒र्यो ऽवे॑र्पा३^ अ॒पास्
Sentence: 6 इत्या॑ह ।
Sentence: 7 उ॒तेम॑नन्नमुरु॒तेमाः प॑श्य ।
Sentence: 8 इति॒ वावै॒तदा॑ह
Sentence: 9 यद्य॑ग्निष्टो॒मो जु॒होति॒ यद्यु॒क्थ्यः॑ परिधौ॒ नि मा॑र्ष्टि॒ यद्य॑तिरा॒त्रो यजु॒र्वद॒न्प्र प॑द्यते यज्ञक्रतू॒नां व्यावृ॑त्त्यै ॥
Paragraph: 4
Verse: 1
Sentence: 1 दे॒वस्य॑ त्वा सवि॒तुः प्र॑स॒व इति॒ ग्रावा॑ण॒मा द॑त्ते
Sentence: 2 प्रसू॑त्यै ।
Sentence: 3 अ॒श्विनो॑र्बा॒हुभ्या॒मित्या॑ह ।
Sentence: 4 अ॒श्विनौ॒ हि दे॒वाना॑मध्व॒र्यू आस्ता॑म्
Sentence: 5 पू॒ष्णो हस्ता॑भ्या॒मित्या॑ह॒ यत्यै
Sentence: 6 प॒शवो वै॒ सोमो॑ व्या॒न उ॑पांशु॒सव॑नस् ।
Sentence: 7 यदु॑पांशु॒सव॑नम॒भि मिमी॑ते व्या॒नमे॒व प॒शुषु॑ दधाति ।
Sentence: 8 इन्द्रा॑य॒ त्वेन्द्रा॑य॒ त्वेति॑ मिमीते ।
Sentence: 9 इन्द्रा॑य॒ हि सोम॑ आह्रि॒यते
Sentence: 10 पञ्च॒ कृत्वो॒ यजु॑षा मिमीते ॥
Verse: 2
Sentence: 1 पञ्चा॑क्षरा प॒ङ्क्तिः
Sentence: 2 पाङ्क्तो॑ य॒ज्ञस् ।
Sentence: 3 य॒ज्ञमे॒वाव॑ रुन्द्धे
Sentence: 4 पञ्च॒ कृत्व॒स्तूष्णी॑म् ।
Sentence: 5 दश॒ सम्प॑द्यन्ते
Sentence: 6 दशा॑क्षरा वि॒राड्^वि॒राज्
Sentence: 7 अन्नं वि॒राड्^वि॒राज्
Sentence: 8 वि॒राजै॒वान्नाद्य॒मव॑ रुन्द्धे
Sentence: 9 श्वा॒त्रा स्थ॑ वृत्र॒तुर॒ इत्या॑ह ।
Sentence: 10 ए॒ष वा अ॒पां सो॑मपी॒थस् ।
Sentence: 11 य ए॒वं वेद॒ नाप्स्वार्ति॒मार्छ॑ति
Sentence: 12 यत्ते॑ सोम दि॒वि ज्योति॒रित्या॑ह ।
Sentence: 13 ए॒भ्य एवैनम् ॥
Verse: 3
Sentence: 1 लो॒केभ्यः॒ सम्भ॑रति
Sentence: 2 सोमो वै॒ राजा॒ दिशो॒ ऽभ्य॑ध्यायत्
Sentence: 3 स दिशो ऽनु॒ प्रावि॑शत्
Sentence: 4 प्रागपा॒गुद॑गध॒रागित्या॑ह
Sentence: 5 दि॒ग्भ्य एवैनं॒ सम्भ॑र॒त्यथो॒ दिश॑ ए॒वास्मा॒ अव॑ रुन्द्धे ।
Sentence: 6 अम्ब॒ नि ष्व॒रेत्या॑ह
Sentence: 7 कामु॑का एनं॒ स्त्रियो॑ भवन्ति॒ य ए॒वं वेद
Sentence: 8 यत्ते॑ सो॒मादा॑भ्यं॒ नाम॒ जागृ॒वीति॑ ॥
Verse: 4
Sentence: 1 आ॑ह ।
Sentence: 2 ए॒ष वै॒ सोम॑स्य सोमपी॒थस् ।
Sentence: 3 य ए॒वं वेद॒ न सौ॒म्यामार्ति॒मार्छ॑ति
Sentence: 4 घ्नन्ति॒ वा ए॒तत्सोमं॒ यद॑भिषु॒ण्वन्ति॑ ।
Sentence: 5 अं॒शूनप॑ गृह्णाति
Sentence: 6 त्राय॑त एवैनम्
Sentence: 7 प्रा॒णा वा अं॒शवः॑ प॒शवः॒ सोम॑स् ।
Sentence: 8 अं॒शून्पुन॒रपि॑ सृजति
Sentence: 9 प्रा॒णाने॒व प॒शुषु॑ दधाति
Sentence: 10 द्वौद्वा॒वपि॑ सृजति
Sentence: 11 तस्माद्द्वौद्वौ प्रा॒णाः ॥
Paragraph: 5
Verse: 1
Sentence: 1 प्रा॒णो वा ए॒ष यदु॑पांशुस् ।
Sentence: 2 यदु॑पां॒श्व॑ग्रा॒ ग्रहा॑ गृ॒ह्यन्ते॑ प्रा॒णमे॒वानु॒ प्र य॑न्ति ।
Sentence: 3 अ॑रु॒णो ह॑ स्माहौपवेशिः
Sentence: 4 प्रातःसव॒न ए॒वाहं य॒ज्ञं सं स्था॑पयामि॒ तेन॒ ततः॒ संस्थि॑तेन चरा॒मीति॑ ।
Sentence: 5 अष्टौ कृ॒तो ऽग्रे॒ ऽभि षु॑णोति ।
Sentence: 6 अ॒ष्टाक्ष॑रा गाय॒त्री
Sentence: 7 गा॑य॒त्रम्प्रा॑तःसव॒नम्
Sentence: 8 प्रातःसव॒नमे॒व तेना॑प्नोति ।
Sentence: 9 एका॑दश॒ कृत्वो॑ द्वि॒तीय॑म्
Sentence: 10 एका॑दशाक्षरा तृ॒ष्टुभ् ।
Sentence: 11 त्रै॑ष्टुभ॒म्माध्यं॑दिनम् ॥
Verse: 2
Sentence: 1 सव॑नम्
Sentence: 2 माध्यं॑दिनमे॒व सव॑नं॒ तेना॑प्नोति
Sentence: 3 द्वाद॑श॒ कृत्व॑स्तृ॒तीय॑म् ।
Sentence: 4 द्वाद॑शाक्षरा॒ जग॑ती
Sentence: 5 जाग॑तं तृतीयसव॒नम् ।
Sentence: 6 तृ॑तीयसव॒नमे॒व तेना॑प्नोति ।
Sentence: 7 ए॒तां ह॒ वाव स य॒ज्ञस्य॒ संस्थि॑तिमुवाच ।
Sentence: 8 अस्क॑न्दाय ।
Sentence: 9 अक्स॑न्नं॒ हि तद्यद्य॒ज्ञस्य॒ संस्थि॑तस्य॒ स्कन्द॑ति ।
Sentence: 10 अथो॒ खल्वा॑हुस् ।
Sentence: 11 गा॑य॒त्री वाव प्रा॑तःसव॒ने नाति॒वाद॒ इति॑ ।
Sentence: 12 अन॑तिवादुक एन॒म्भ्रातृ॑व्यो भवति॒ य ए॒वं वेद
Sentence: 13 तस्मा॑द॒ष्टाव॑ष्टौ ॥
Verse: 3
Sentence: 1 कृ॑त्वो ऽभि॒षुत्य॑म्
Sentence: 2 ब्रह्मवा॒दिनो॑ वदनति
Sentence: 3 प॒वित्र॑वन्तो॒ ऽन्ये ग्रहा॑ गृ॒ह्यन्ते॒ किम्प॑वित्र उपांशु॒रिति
Sentence: 4 वाक्प॑वित्र॒ इति॑ ब्रूयात् ।
Sentence: 5 वा॒चस्पत॑ये पवस्व वाजि॒न्नित्या॑ह
Sentence: 6 वाचैवैनम्पवयति
Sentence: 7 वृष्णो॑ अस्ं॒शुभ्या॒मित्या॑ह
Sentence: 8 वृष्णो॒ ह्ये॒तावं॒सू यौ॒ सोम॑स्य
Sentence: 9 गभ॑स्तिपूत॒ इत्या॑ह
Sentence: 10 गभ॑स्तिना॒ ह्ये॑नम्प॒वय॑ति
Sentence: 11 दे॒वो दे॒वाना॑म्प॒वित्र॑म॒सीत्या॑ह
Sentence: 12 दे॒वो ह्ये॒षः ॥
Verse: 4
Sentence: 1 दे॒वाना॑म्प॒वित्र॑म् ।
Sentence: 2 येषा॑म्भा॒गो ऽसि॒ तेभ्य॒स्त्वेत्या॑ह
Sentence: 3 येषां॒ ह्ये॒ष भा॒गस्तेभ्य॑ एनं गृह्णाति
Sentence: 4 स्वाङ्कृ॑तो॒ ऽसीत्या॑ह
Sentence: 5 प्रा॒णमे॒व स्वम॑कृत
Sentence: 6 मधु॑मतीर्न॒ इष॑स्कृ॒धीत्या॑ह
Sentence: 7 सर्व॑मे॒वास्मा॑ इ॒दं स्व॑दयति
Sentence: 8 विश्वे॑भ्यस्त्वेन्द्रि॒येभ्यो॑ दि॒व्येभ्यः॒ पार्थि॒वेभ्य॒ इत्या॑ह ।
Sentence: 9 उ॒भये॑ष्वे॒व दे॑वमनु॒ष्येषु॑ प्रा॒णान्द॑धाति
Sentence: 10 मन॑स्त्वा ॥
Verse: 5
Sentence: 1 अ॒ष्ट्वित्या॑ह
Sentence: 2 मन॑ ए॒वाश्नु॑ते ।
Sentence: 3 उ॒र्व॒न्तरि॑क्ष॒मन्वि॒हीत्या॑ह ।
Sentence: 4 अ॑न्तरिक्षदेव॒त्यो॒ हि प्रा॒णः
Sentence: 5 स्वाहा॑ त्वा सुभवः॒ सूर्या॒येत्या॑ह
Sentence: 6 प्रा॒णा वै॒ स्वभ॑वसो दे॒वास्
Sentence: 7 तेष्वे॒व प॒रोऽक्षं॑ जुहोति
Sentence: 8 दे॒वेभ्य॑स्त्वा मरीचि॒पेभ्य॒ इत्या॑ह ।
Sentence: 9 आ॑दि॒त्यस्य वै र॒श्मयो॑ दे॒वा म॑रीचि॒पास्
Sentence: 10 तेषां॒ तद्भा॑ग॒धेय॑म् ।
Sentence: 11 ताने॒व तेन॑ प्रीणाति
Sentence: 12 यदि॑ का॒मये॑त
Sentence: 13 वर्षु॑कः प॒र्जन्यः॑ ॥
Verse: 6
Sentence: 1 स्या॒दिति॒ नीचा॒ हस्ते॑न॒ नि मृ॑ज्यात् ।
Sentence: 2 वृष्टि॑मे॒व नि य॑छति
Sentence: 3 यदि॑ का॒मये॑त ।
Sentence: 4 अव॑र्षुकः स्या॒दित्यु॑त्ता॒नेन॒ नि मृ॑ज्यात् ।
Sentence: 5 वृष्टि॑मे॒वोद्य॑छति
Sentence: 6 यद्य॑भि॒चरे॑द॒मुं ज॒ह्यथ॑ त्वा होष्या॒मीति॑ ब्रूयात् ।
Sentence: 7 आहु॑तिमेवैनम्प्रा॒प्सन्ह॑न्ति
Sentence: 8 यदि॑ दू॒रे स्यादा तमि॑तोस्तिष्ठेत्
Sentence: 9 प्रा॒णमे॒वास्या॑नु॒गत्य॑ हन्ति
Sentence: 10 यद्य॑भि॒चरे॑द॒मुष्य॑ ॥
Verse: 7
Sentence: 1 त्वा॑ प्रा॒णे{F सा॑दया॒मीति{W सादय॒मीति{GLOS सादया॒मीति सादयेत् ।
Sentence: 2 अस॑न्नो वै प्रा॒णः
Sentence: 3 प्रा॒णमे॒वास्य॑ सादयति
Sentence: 4 ष॒ड्भिरं॒शुभिः॑ पवयति
Sentence: 5 षड्वा ऋ॒तव॑स् ।
Sentence: 6 ऋ॒तुभि॑रेवैनम्पवयति
Sentence: 7 त्रिः प॑वयति
Sentence: 8 त्रय॑ इ॒मे लो॒कास् ।
Sentence: 9 ए॒भिरेवैनं लोकैः पवयति
Sentence: 10 ब्रह्मवा॒दिनो॑ वदन्ति
Sentence: 11 कस्मा॒द्सत्या॒त्त्रयः॑ पशू॒नां हस्ता॑दाना॒ इति
Sentence: 12 यत्त्रिरु॑पां॒शुं हस्ते॑न विगृ॒ह्णाति
Sentence: 13 तस्मा॒द्त्रयः॑ पशू॒नां हस्ता॑दानाः॒ पुरु॑षो ह॒स्ती म॒र्कटः॑ ॥
Paragraph: 6
Verse: 1
Sentence: 1 दे॒वा वै॒ यद्य॒ज्ञे ऽकु॑र्वत॒ तदसु॑रा अकुर्वत
Sentence: 2 ते दे॒वा उ॑पांशौ य॒ज्ञं सं॒स्थाप्य॑मपश्यन्
Sentence: 3 तमु॑पांशौ॒ सम॑स्थापयन्
Sentence: 4 ते ऽसु॑रा॒ वज्र॑मु॒द्यत्य॑ दे॒वान॒भ्या॑यन्त
Sentence: 5 ते दे॒वा बिभ्य॑त॒ इन्द्र॒मुपा॑धावन्
Sentence: 6 तानिन्द्रो॑ ऽन्तर्या॒मेणा॒न्तर॑धत्त
Sentence: 7 तद॑न्तर्या॒मस्या॑न्तर्याम॒त्वम् ।
Sentence: 8 यद॑न्तर्या॒मो गृ॒ह्यते॒ भ्रातृ॑व्याने॒व तद्यज॑मानो॒ ऽन्तर्ध॑त्ते ।
Sentence: 9 अ॒न्तस्ते॑ ॥
Verse: 2
Sentence: 1 द॑धामि॒ द्यावा॑पृथि॒वी अ॒न्तरु॒र्व॒न्तरि॑क्ष॒मित्या॑ह ।
Sentence: 2 ए॒भिरे॒व लोकै॒र्यज॑मानो॒ भ्रातृ॑व्यान॒न्तर्ध॑त्ते
Sentence: 3 ते दे॒वा अ॑मन्यन्त ।
Sentence: 4 इन्द्रो॒ वा इ॒दम॑भू॒द्यद्व॒यं स्म इति
Sentence: 5 ते॑ ऽब्रुवन्
Sentence: 6 मघ॑व॒न्ननु॑ न॒ आ भ॒जेति
Sentence: 7 स॒जोषा॑ देवै॒रव॑रैः॒ परै॒श्चेत्य॑ब्रवीत् ।
Sentence: 8 ये चै॒व दे॒वाः परे॒ य चाव॑रे॒ तानु॒भया॑न् ॥
Verse: 3
Sentence: 1 अ॒न्वाभ॑जत्
Sentence: 2 स॒जोषा॑ देवै॒रव॑रैः॒ परै॒श्चेत्या॑ह
Sentence: 3 ये चै॒व दे॒वाः परे॒ य चाव॑रे॒ तानु॒भया॑न॒न्वाभ॑जति ।
Sentence: 4 अ॑न्तर्या॒मे म॑घवन्मादय॒स्वेत्या॑ह
Sentence: 5 य॒ज्ञादे॒व यज॑मानं॒ नान्तरे॑ति ।
Sentence: 6 उ॑पया॒मगृ॑हीतो॒ ऽसीत्या॑ह ।
Sentence: 7 अ॑पा॒नस्य॒ धृत्यै
Sentence: 8 यदु॒भाव॑पवित्रौ गृ॒ह्येया॑ताम्प्रा॒णम॑पा॒नो ऽनु॒ न्यृ॑छेत्
Sentence: 9 प्र॒मायु॑कः स्यात्
Sentence: 10 प॒वित्र॑वानन्तर्या॒मो गृ॑ह्यते ॥
Verse: 4
Sentence: 1 प्रा॑णापा॒नयो॒र्विधृ॑त्यै
Sentence: 2 प्राणापानौ॒ वा एतौ॒ यदु॑पांश्वन्तर्यामौ व्या॒न उ॑पांशु॒सव॑नस् ।
Sentence: 3 यं का॒मये॑त
Sentence: 4 प्र॒मायु॑कः स्या॒दित्यसं॑स्पृष्टौ॒ तस्य॑ सादयेत् ।
Sentence: 5 व्या॒नेनै॒वास्य॑ प्राणापानौ॒ वि छि॑नत्ति
Sentence: 6 ता॒जक्प्रमी॑यते
Sentence: 7 यं का॒मये॑त
Sentence: 8 सर्व॒मायु॑रिया॒दिति॒ संस्पृ॑ष्टौ॒ तस्य॑ सादयेत् ।
Sentence: 9 व्या॒नेनै॒वास्य॑ प्राणापानौ॒ सं त॑नोति
Sentence: 10 सर्व॒मायु॑रेति ॥
Paragraph: 7
Verse: 1
Sentence: 1 वाग्वा ए॒षा यऐ॑न्द्रवाय॒वस् ।
Sentence: 2 यऐ॑न्द्रवाय॒वाग्रा॒ ग्रहा॑ गृ॒ह्यन्ते॒ वाच॑मे॒वानु॒ प्र य॑न्ति
Sentence: 3 वा॒युं दे॒वा अ॑ब्रुवन् ।
Sentence: 4 सोमं॒ राजा॑नं हना॒मेति
Sentence: 5 सो॑ ऽब्रवीत् ।
Sentence: 6 वरं॑ वृणै॒ मद॑ग्रा ए॒व वो॒ ग्रहा॑ गृह्यान्ता॒ इति
Sentence: 7 तस्मा॑ऐन्द्रवाय॒वाग्रा॒ ग्रहा॑ गृह्यन्ते
Sentence: 8 तम॑घ्नन् ।
Sentence: 9 सो॑ ऽपूयत्
Sentence: 10 तं दे॒वा नोपा॑धृष्णुवन्
Sentence: 11 ते वा॒युम॑ब्रुवन् ।
Sentence: 12 इ॒मं नः॑ स्वदय ॥
Verse: 2
Sentence: 1 इति
Sentence: 2 सो॑ ऽब्रवीत् ।
Sentence: 3 वरं॑ वृणै मद्देव॒त्या॑न्ये॒व वः॒ पात्रा॑ण्युच्यान्ता॒ इति
Sentence: 4 तस्मा॑न्नानादेव॒त्या॑नि॒ सन्ति॑ वाय॒व्या॑न्युच्यन्ते
Sentence: 5 तमे॑भ्यो वा॒युरे॒वास्व॑दयत्
Sentence: 6 तस्मा॒द्यत्पूय॑ति॒ तत्प्र॑वा॒ते वि ष॑जन्ति
Sentence: 7 वा॒युर्हि तस्य॑ पवयि॒ता स्व॑दयि॒ता
Sentence: 8 तस्य॑ वि॒ग्रह॑णं॒ नावि॑न्दन् ।
Sentence: 9 सादि॑तिरब्रवीत् ।
Sentence: 10 वरं॑ वृणा॒ अथ॒ मया॒ वि गृ॑ह्णीध्वम्मद्देव॒त्या॑ ए॒व वः॒ सोमाः॑ ॥
Verse: 3
Sentence: 1 स॒न्ना अ॑स॒न्निति॑ ।
Sentence: 2 उ॑पया॒मगृ॑हीतो॒ ऽसीत्या॑हादितिदेव॒त्या॒स्तेन
Sentence: 3 यानि॒ हि दा॑रु॒मया॑णि॒ पात्रा॑ण्यस्यै॒ तानि॒ योनेः॒ सम्भू॑तानि
Sentence: 4 यानि॑ मृ॒न्मया॑नि सा॒क्षात्तान्यस्यै
Sentence: 5 तस्मा॑दे॒वमा॑ह
Sentence: 6 वाग्वै॒ परा॒च्यव्या॑कृतावदत्
Sentence: 7 ते दे॒वा इन्द्र॑मब्रुवन् ।
Sentence: 8 इ॒मां नो॒ वाचं॒ व्याकु॒र्विति
Sentence: 9 सो॑ ऽब्रवीत् ।
Sentence: 10 वरं॑ वृणै॒ मह्यं॑ चैवै॒ष वा॒यवे॑ च स॒ह गृ॑ह्याता॒ इति
Sentence: 11 तस्मा॑ऐन्द्रवाय॒वः स॒ह गृ॑ह्यते
Sentence: 12 तामिन्द्रो॑ मध्य॒तो॑ ऽव॒क्रम्य॒ व्याक॑रोत्
Sentence: 13 तस्मा॑दि॒यं व्याकृ॑ता॒ वागु॑द्यते
Sentence: 14 तस्मा॑त्स॒कृदिन्द्रा॑य मध्य॒तो गृ॑ह्यते॒ द्विर्वा॒यवे
Sentence: 15 द्वौ॒ हि स वरा॒ववृ॑णीत ॥
Paragraph: 8
Verse: 1
Sentence: 1 मि॒त्रं दे॒वा अ॑ब्रुवन् ।
Sentence: 2 सोमं॒ राजा॑नं हना॒मेति
Sentence: 3 सो॑ ऽब्रवीत् ।
Sentence: 4 नाहं सर्व॑स्य॒ वा अ॒हम्मि॒त्रम॒स्मीति
Sentence: 5 तम॑ब्रुवन्
Sentence: 6 हना॑मै॒वेति
Sentence: 7 सो॑ ऽब्रवीत् ।
Sentence: 8 वरं॑ वृणै॒ पय॑सै॒व मे॒ सोमं॑ श्रीण॒न्निति
Sentence: 9 तस्मा॑न्मैत्रावरु॒णम्पय॑सा श्रीणन्ति
Sentence: 10 तस्मा॑त्प॒शवो॑ ऽपाक्रामन्
Sentence: 11 मि॒त्रः सन्क्रू॒रम॑क॒रिति
Sentence: 12 क्रू॒रमि॑व॒ खलु॒ वा ए॒षः ॥
Verse: 2
Sentence: 1 क॑रोति॒ यः सोमे॑न॒ यज॑ते
Sentence: 2 तस्मा॑त्प॒शवो ऽप॑ क्रामन्ति
Sentence: 3 यन्मै॑त्रावरु॒णम्पय॑सा श्री॒णाति॑ प॒शुभि॑रे॒व तन्मि॒त्रं स॑म॒र्धय॑ति प॒शुभि॒र्यज॑मानम्
Sentence: 4 पु॒रा खलु॒ वावै॒वम्मि॒त्रो॑ ऽवेत् ।
Sentence: 5 अप॒ मत्क्रू॒रं च॒क्रुषः॑ प॒शवः॑ क्रमिष्य॒न्तीति
Sentence: 6 तस्मा॑दे॒वम॑वृणीत
Sentence: 7 वरु॑णं दे॒वा अ॑ब्रुवन्
Sentence: 8 त्वयां॑श॒भुवा॒ सोमं॒ राजा॑नं हना॒मेति
Sentence: 9 सो॑ ऽब्रवीत् ।
Sentence: 10 वरं॑ वृणै॒ मह्यं॑ च ॥
Verse: 3
Sentence: 1 एवै॒ष मि॒त्राय॑ च स॒ह गृ॑ह्याता॒ इति
Sentence: 2 तस्मा॑न्मैत्रावरु॒णः स॒ह गृ॑ह्यते
Sentence: 3 तस्मा॒द्राज्ञा॒ राजा॑नमंश॒भुवा॑ घ्नन्ति वैश्येन वैश्यं शू॒द्रेण॒ सूद्रम् ।
Sentence: 4 न वा इ॒दं दिवा॒ न नक्त॑मासी॒दव्या॑वृत्तम् ।
Sentence: 5 ते दे॒वा मि॒त्रावरु॑णावब्रुवन् ।
Sentence: 6 इ॒दं नो॒ वि वा॑सयत॒मिति
Sentence: 7 ताव॑ब्रूताम् ।
Sentence: 8 वरं॑ वृणावहा॒ एक॑ ए॒वावत्पूर्वो{F ग्रहो{W ग्रहो गृह्याता॒ इति
Sentence: 9 तस्मा॑ऐन्द्रवाय॒वः पूर्वो॑ मैत्रावरु॒णाद्गृ॑ह्यते
Sentence: 10 प्राणापानौ॒ ह्येतौ॒ यदु॑पांश्वन्तर्यामौ
Sentence: 11 मि॒त्रो ऽह॒रज॑नय॒द्वरु॑णो॒ रात्रि॑म् ।
Sentence: 12 ततो॒ वा इ॒दं व्औ॑छत् ।
Sentence: 13 यन्मै॑त्रावरु॒णो गृ॒ह्यते॒ व्यु॑ष्ट्यै ॥
Paragraph: 9
Verse: 1
Sentence: 1 य॒ज्ञस्य॒ शिरो॑ ऽछिद्यत
Sentence: 2 ते दे॒वा अ॒श्विना॑वब्रुवन्
Sentence: 3 भि॒षजौ वै स्थ इ॒दं य॒ज्ञस्य॒ शिरः॒ प्रति॑ धत्त॒मिति
Sentence: 4 ताव॑ब्रूताम् ।
Sentence: 5 वरं॑ वृणावहै॒ ग्रह॑ ए॒व ना॑व॒त्रापि॑ गृह्यता॒मिति
Sentence: 6 ताभ्या॑मे॒तमा॑श्वि॒नम॑गृह्णन्
Sentence: 7 ततो वै तौ य॒ज्ञस्य॒ शिरः॒ प्रत्य॑धताम् ।
Sentence: 8 यदा॑श्वि॒नो गृ॒ह्यते॑ य॒ज्ञस्य॒ निष्कृ॑त्यै
Sentence: 9 तौ दे॒वा अ॑ब्रुवन् ।
Sentence: 10 अपू॑तौ॒ वा इमौ मनुष्यचरौ ॥
Verse: 2
Sentence: 1 भि॒षजा॒विति
Sentence: 2 तस्मा॑द्ब्राह्म॒णेन॑ भेष॒जं न का॒र्य॒मपू॑तो॒ ह्ये॒षो॑ ऽमे॒ध्यो यो भि॒षक्^भि॒षज्
Sentence: 3 तौ बहिष्पवमा॒नेन॑ पवयि॒त्वा ताभ्या॑मे॒तमा॑श्वि॒नम॑गृह्णन्
Sentence: 4 तस्मा॑द्बहिष्पवमा॒ने स्तु॒त आ॑श्वि॒नो गृ॑ह्यते
Sentence: 5 तस्मा॑दे॒वं वि॒दुषा॑ बहिष्पवमा॒न उ॑प॒सद्यः॑ प॒वित्रं वै बहिष्पवमा॒न आ॒त्मान॑मे॒व प॑वयते
Sentence: 6 तयो॑स्त्रे॒धा भै॑षज्यं॒ वि न्य॑दधुस् ।
Sentence: 7 अग्नौ॒ तृती॑यम॒प्सु तृती॑यम्ब्राह्म॒णे तृती॑यम् ।
Sentence: 8 तस्मा॑दुदपा॒त्रम् ॥
Verse: 3
Sentence: 1 उ॑पनि॒धाय॑ ब्राह्म॒णं द॑क्षिण॒तो नि॒षाद्य॑ भेष॒जं कु॑र्यात् ।
Sentence: 2 याव॑दे॒व भे॑ष॒जं तेन॑ करोति स॒मर्धु॑कमस्य कृ॒तम्भ॑वति
Sentence: 3 ब्रह्मवा॒दिनो॑ वदन्ति
Sentence: 4 कस्मा॑त्स॒त्यादेक॑पात्रा द्विदेव॒त्या॑ गृ॒ह्यन्ते॑ द्वि॒पात्रा॑ हूयन्त॒ इति
Sentence: 5 यदेक॑पात्रा गृ॒ह्यन्ते॒ तस्मा॒देको॑ ऽन्तर॒तः प्रा॒णो द्वि॒पात्त्रा॑ हूयन्ते॒ तस्माद्द्वौद्वौ ब॒हिष्टा॑त्प्रा॒णाः
Sentence: 6 पा॒णा वा ए॒ते यद्द्वि॑देव॒त्याः॑ प॒शव॒ इडा॒ यदिडा॒म्पूर्वां॑ द्विदेव॒त्ये॑भ्य उप॒ह्वये॑त ॥
Verse: 4
Sentence: 1 प॒शुभिः॑ प्रा॒णान॒न्तर्द॑धीत प्र॒मायु॑कः स्यात् ।
Sentence: 2 द्वि॑देव॒त्या॑न्भक्षयि॒त्वेडा॒मुप॑ ह्वयते
Sentence: 3 प्रा॒णाने॒वात्मन्धि॒त्वा प॒शूनुप॑ ह्वयते
Sentence: 4 वाग्वा ऐ॑न्द्र वाय॒वश्चक्षु॑र्मैत्रावरु॒णः श्रोत्र॑माश्वि॒नः
Sentence: 5 पु॒रस्ता॑ऐन्द्रवाय॒वम्भ॑क्षयति॒ तस्मा॑त्पु॒रस्ता॑द्वा॒चा व॑दति
Sentence: 6 पु॒रस्ता॑न्मैत्रावरु॒णं तस्मा॑द्पु॒रस्ता॒च्चक्षु॑षा पश्यति स॒र्वतः॑ प्रै॒हार॑माश्वि॒नं तस्मा॑त्स॒र्वतः॒ श्रोत्रे॑ण शृणोति
Sentence: 7 प्रा॒णा वा ए॒ते यद्द्वि॑देव॒त्याः॑ ॥
Verse: 5
Sentence: 1 अरि॑क्तानि॒ पात्रा॑णि सादयति
Sentence: 2 तस्मा॒दरि॑क्ता अन्तर॒तः प्रा॒णा यतः॒ खलु वै य॒ज्ञस्य॒ वित॑तस्य॒ न क्रि॒यते॒ तदनु॑ य॒ज्ञं रक्षां॒स्यव॑ चरन्ति
Sentence: 3 यदरि॑क्तानि॒ पात्रा॑णि सा॒दय॑ति क्रि॒यमा॑णमे॒व तद्य॒ज्ञस्य॑ शये॒ रक्ष॑सा॒मन॑न्ववचाराय
Sentence: 4 दक्षि॑णस्य हवि॒र्धान॒स्योत्त॑रस्यां वर्त॒न्यां सा॑दयति वा॒च्ये॒व वाचं॑ दधाति ।
Sentence: 5 आ तृ॑तीयसव॒नात्परि॑ शेरे य॒ज्ञस्य॒ सन्त॑त्यै
Paragraph: 10
Verse: 1
Sentence: 1 बृह॒स्पति॑र्दे॒वाना॑म्पु॒रोहि॑त॒ आसी॒च्छण्डा॒मर्का॒वसु॑राणाम्
Sentence: 2 ब्रह्म॑ण्वन्तो दे॒वा आस॒न्ब्रह्म॑ण्व॒न्तो ऽसु॑रास्
Sentence: 3 ते॒ ऽन्यो॒ऽन्यं नाश॑क्नुवन्न॒भिभ॑वितुम् ।
Sentence: 4 ते दे॒वाः शण्डा॒मर्का॒वुपा॑मन्त्रयन्त
Sentence: 5 ताव॑ब्रूताम् ।
Sentence: 6 वरं॑ वृणावहै॒ ग्रहा॑वे॒व ना॒वत्रापि॑ गृह्येता॒मिति
Sentence: 7 ताभ्या॑मेतौ शु॒क्राम॒न्थिना॑वगृह्णन्
Sentence: 8 ततो॑ दे॒वा अभ॑व॒न्परासु॑रास् ।
Sentence: 9 यस्यै॒वं वि॒दुषः॑ शु॒क्राम॒न्थिनौ॑ गृ॒ह्येते॒ भव॑त्या॒त्मना॒ परा॑ ॥
Verse: 2
Sentence: 1 अ॑स्य॒ भ्रात्रि॑व्यो भवति
Sentence: 2 तौ दे॒वा अ॑प॒नुद्या॒त्मन॒ इन्द्रा॑याजुहवुस् ।
Sentence: 3 अप॑नुत्तौ॒ शण्डा॒मर्कौ॑ स॒हामुनेति॑ ब्रूया॒द्यं द्वि॒ष्यात् ।
Sentence: 4 यमे॒व द्वेष्टि॒ तेनै॑नौ स॒हाप॑ नुदते
Sentence: 5 स प्र॑थ॒मः सङ्कृ॑तिर्वि॒श्वक॒र्मेत्येवैनावा॒त्मन॒ इन्द्रा॑याजुहवुस् ।
Sentence: 6 इन्द्रो॒ ह्ये॒तानि॑ रू॒पाणि॒ करि॑क्र॒दच॑रत् ।
Sentence: 7 असौ॒ वा आ॑दि॒त्यः शु॒क्रश्च॒न्द्रमा॑ म॒न्थी ।
Sentence: 8 अ॑पि॒गृह्य॒ प्राञ्चौ॒ निः ॥
Verse: 3
Sentence: 1 क्रा॑मतस्
Sentence: 2 तस्मा॒त्प्राञ्चौ॒ यन्तौ॒ न प॑श्यन्ति
Sentence: 3 प्र॒त्यञ्चा॑वा॒वृत्य॑ जुहुतस्
Sentence: 4 तस्मा॑त्प्र॒त्यञ्चौ॒ यन्तौ॑ पश्यन्ति
Sentence: 5 चक्षु॑षी॒ वा ए॒ते य॒ज्ञस्य॒ यच्छु॒क्राम॒न्थिनौ॒ नासि॑कोत्तरवे॒दिस् ।
Sentence: 6 अ॒भितः॑ परि॒क्रम्य॑ जुहुतस्
Sentence: 7 तस्मा॑द॒भितो॒ नासि॑कां॒ चक्षु॑षी
Sentence: 8 तस्मा॒न्नासि॑कया॒ चक्षु॑षी॒ विधृ॑ते
Sentence: 9 स॒र्वतः॒ परि॑ क्रामतो॒ रक्ष॑सा॒मप॑हत्यै
Sentence: 10 दे॒वा वै॒ याः प्राची॒राहु॑ती॒रजु॑हवु॒र्ये पु॒रस्ता॒दसु॑रा॒ आस॒न्तांस्ताभिः॒ प्र ॥
Verse: 4
Sentence: 1 अ॑नुदन्त
Sentence: 2 याः प्र॒तीची॒र्ये प॒श्चादसु॑रा॒ आस॒न्तांस्ताभि॒रपा॑नुदन्त
Sentence: 3 प्राची॑र॒न्या आहु॑तयो हू॒यन्ते॑ प्र॒त्यञ्चौ॑ शु॒क्राम॒न्थिनौ
Sentence: 4 प॒श्चाच्चै॒व पु॒रस्ता॑च्च॒ यज॑मानो॒ भ्रातृ॑व्या॒न्प्र णु॑दते
Sentence: 5 तस्मा॒त्परा॑चीः प्र॒जाः प्र वी॑यन्ते प्र॒तीची॑र्जायन्ते
Sentence: 6 शु॒क्राम॒न्थिनौ॒ वा अनु॑ प्र॒जाः प्र जा॑यन्ते॒ ऽत्त्रीश्चा॒द्या॑श्च
Sentence: 7 सु॒वीराः॑ प्र॒जाः प्र॑ज॒नय॒न्परी॑हि शु॒क्रः शु॒क्रशो॑चिषा ॥
Verse: 5
Sentence: 1 सु॑प्र॒जाः प्र॒जाः प्र॑ज॒नय॒न्परी॑हि म॒न्थी म॒न्थिशो॑चि॒षेत्या॑ह ।
Sentence: 2 ए॒ता वै॑ सु॒वीरा॒ या अत्त्री॑स् ।
Sentence: 3 ए॒ताः सु॑प्र॒जा या आ॒द्या॑स् ।
Sentence: 4 य ए॒वं वेदा॒त्त्र्य॑स्य प्र॒जा जा॑यते॒ नाद्या
Sentence: 5 प्र॒जाप॑ते॒रक्ष्य॑श्वयत्
Sentence: 6 तत्परा॑पतत्
Sentence: 7 तद्विक॑ङ्कत॒म्प्रावि॑शत्
Sentence: 8 तद्विक॑ङ्कते॒ नार॑मत
Sentence: 9 तद्यव॒म्प्रावि॑शत्
Sentence: 10 तद्यवे॑ ऽरमत
Sentence: 11 तद्यव॑स्य ॥
Verse: 6
Sentence: 1 य॑व॒त्वम् ।
Sentence: 2 यद्वै॑कङ्कतम्मन्थिपा॒त्रम्भव॑ति॒ सक्तु॑भिः श्री॒णाति॑ प्र॒जाप॑तेरे॒व तच्चक्षुः॒ सम्भ॑रति
Sentence: 3 ब्रह्मवा॒दिनो॑ वदन्ति
Sentence: 4 कस्मा॑त्स॒त्यान्म॑न्थिपा॒त्रं सदो॒ नाश्नु॑त॒ इति॑ ।
Sentence: 5 आ॑र्तपा॒त्रं हीति॑ ब्रूयात् ।
Sentence: 6 यद॑श्नुवी॒तान्धो॑ ऽध्व॒र्युः स्यादार्ति॒मार्छे॑त्
Sentence: 7 तस्मा॒न्नाश्नु॑ते ॥
Paragraph: 11
Verse: 1
Sentence: 1 दे॒वा वै॒ यद्य॒ज्ञे ऽकु॑र्वत॒ तदसु॑रा अकुर्वत
Sentence: 2 ते दे॒वा आ॑ग्रय॒णाग्रा॒न्ग्रहा॑नपश्यन्
Sentence: 3 तान॑गृह्णत
Sentence: 4 ततो वै॒ ते ऽग्र॒म्पर्या॑यन्
Sentence: 5 यस्यै॒वं वि॒दुष॑ आग्रय॒णाग्रा॒ ग्रहा॑ गृ॒ह्यन्ते ऽग्र॑मे॒व स॑मा॒नाना॒म्पर्ये॑ति
Sentence: 6 रु॒ग्णव॑त्य॒र्चा भ्रातृ॑व्यवतो गृह्णीयात् ।
Sentence: 7 भ्रातृ॑व्यस्यै॒व रु॒क्त्वाग्रं॑ समा॒नाना॒म्पर्ये॑ति
Sentence: 8 ये दे॒वा दि॒व्येका॑दश॒ स्थेत्या॑ह ॥
Verse: 2
Sentence: 1 ए॒ताव॑तीर्वै दे॒वता॒स्ताभ्य॑ एवैनं॒ सर्वा॑भ्यो गृह्णाति ।
Sentence: 2 ए॒ष ते॒ योनि॒र्विश्वे॑भ्यस्त्वा दे॒वेभ्य॒ इति॑ आह
Sentence: 3 वैश्वदे॒वो ह्ये॒ष दे॒वत॑या
Sentence: 4 वाग्वै॑ दे॒वेभ्य्यो ऽपा॑क्रामद्य॒ज्ञायाति॑ष्ठमाना॒ ते दे॒वा वा॒च्यप॑क्रान्तायां तू॒ष्णीं ग्रहा॑नगृह्णत॒ साम॑न्यत॒ वाग॒न्तर्य॑न्ति वै॒ मेति॒ साग्र॑य॒णम्प्रत्याग॑छत्
Sentence: 5 तदा॑ग्रय॒णस्या॑ग्रयण॒त्वम् ॥
Verse: 3
Sentence: 1 तस्मा॑दाग्रय॒णे वाग्वि सृ॑ज्यते
Sentence: 2 यत्तू॒ष्णीम्पूर्वे॒ ग्रहा॑ गृ॒ह्यन्ते॒ यथा॑ त्सा॒री ।
Sentence: 3 इय॑ति म॒ आख॒ इय॑ति॒ नाप॑ रात्स्या॒मीत्यु॑पावसृ॒जत्ये॒वमे॒व तद॑ध्व॒र्युरा॑ग्रय॒णं गृ॑ही॒त्वा य॒ज्ञमा॒रभ्य॒ वाचं॒ वि सृ॑जते
Sentence: 4 त्रिर्हिं क॑रोत्युद्गा॒तॄने॒व तद्वृ॑णीते
Sentence: 5 प्र॒जाप॑ति॒र्वा ए॒ष यदा॑ग्रय॒णो यदा॑ग्रय॒णं गृ॑ही॒त्वा हिं॑क॒रोति॑ प्र॒जाप॑तिरेव ॥
Verse: 4
Sentence: 1 तत्प्र॒जा अ॒भि जि॑घ्रति
Sentence: 2 तस्मा॑द्व॒त्सं जा॒तं गौ॑र॒भि जि॑घ्रति ।
Sentence: 3 आ॒त्मा वा ए॒ष य॒ज्ञस्य॒ यदा॑ग्रय॒णः सव॑नेसवने॒ ऽभि गृ॑ह्णात्या॒त्मन्ने॒व य॒ज्ञं सं त॑नोति ।
Sentence: 4 उ॑परिष्टा॒दा न॑यति॒ रेत॑ ए॒व तद्द॑धाति ।
Sentence: 5 अ॒धस्ता॒दुप॑ गृह्णाति॒ प्र ज॑नयत्ये॒व तत् ।
Sentence: 6 ब्र॑ह्मवा॒दिनो॑ वदन्ति
Sentence: 7 कस्मा॑त्स॒त्याद्गा॑य॒त्री कनि॑ष्ठा॒ छन्द॑सां स॒ती सर्वा॑णि॒ सव॑नानि वह॒तीति॑ ।
Sentence: 8 ए॒ष वै॑ गायत्रियै व॒त्सो यदा॑ग्रय॒णस्तमे॒व तद॑भिनि॒वर्तं॒ सर्वा॑णि॒ सव॑नानि वहति
Sentence: 9 तस्मा॑द्व॒त्सम॒पाकृ॑तं गौर॒भि नि व॑र्तते ॥
Chapter: 5
Paragraph: 1
Verse: 1
Sentence: 1 इन्द्रो॑ वृ॒त्राय॒ वज्र॒मुद॑यछत्
Sentence: 2 स वृ॒त्रो वज्रा॒दुद्य॑तादबिभेत्
Sentence: 3 सो॑ ऽब्रवीत् ।
Sentence: 4 मा मे॒ प्र हा॒रस्ति॒ वा इ॒दम्मयि॑ वी॒र्यं॒ तत्ते॒ प्र दा॑स्या॒मीति
Sentence: 5 तस्मा॑ उ॒क्थ्य॒म्प्राय॑छत्
Sentence: 6 तस्मै॑ द्वि॒तीय॒मुद॑यछत्
Sentence: 7 सो॑ ऽब्रवीत् ।
Sentence: 8 मा मे॒ प्र हा॒रस्ति॒ वा इ॒दं मयि॑ वी॒र्यं॒ तत्ते॒ प्र दा॑स्या॒मीति॑ ॥
Verse: 2
Sentence: 1 तस्मा॑ उ॒क्थ्य॑मे॒व प्राय॑छत्
Sentence: 2 तस्मै॑ तृ॒तीय॒मुद॑यछत्
Sentence: 3 तं विष्णु॒रन्व॑तिष्ठत
Sentence: 4 ज॒हीति
Sentence: 5 सो॑ ऽब्रवीत् ।
Sentence: 6 मा मे॒ प्र हा॒रस्ति॒ वा इ॒दम्मयि॑ वी॒र्यं॒ तत्ते॒ प्र दा॑स्या॒मीति
Sentence: 7 तस्मा॑ उ॒क्थ्य॑मे॒व प्राय॑छत्
Sentence: 8 तं निर्मा॑यम्भू॒तम॑हन्
Sentence: 9 य॒ज्ञो हि तस्य॑ मा॒यासी॑त् ।
Sentence: 10 यदु॒क्थ्यो॑ गृ॒ह्यत॑ इन्द्रि॒यमे॒व ॥
Verse: 3
Sentence: 1 तद्वी॒र्यं॒ यज॑मानो॒ भ्रातृ॑व्यस्य वृङ्क्ते ।
Sentence: 2 इन्द्रा॑य त्वा बृ॒हद्व॑ते॒ वय॑स्वत॒ इत्या॑ह ।
Sentence: 3 इन्द्रा॑य॒ हि स तम्प्राय॑छत्
Sentence: 4 तस्मै॑ त्वा॒ विष्ण॑वे॒ त्वेत्या॑ह
Sentence: 5 यदे॒व विष्णु॑र॒न्वति॑ष्ठत
Sentence: 6 ज॒हीति॒ तस्मा॒द्विष्णु॑म॒न्वाभ॑जति
Sentence: 7 त्रिर्निर्गृ॑ह्णाति
Sentence: 8 त्रिर्हि स तं तस्मै॒ प्राय॑छत् ।
Sentence: 9 ए॒ष ते॒ योनिः॒ पुन॑र्हविर॒सीत्या॑ह
Sentence: 10 पुनः॑पुनः ॥
Verse: 4
Sentence: 1 ह्य॑स्मान्निर्गृ॒ह्णाति
Sentence: 2 चक्षु॒र्वा ए॒तद्य॒ज्ञस्य॒ यदु॒क्थ्य॑स्
Sentence: 3 तस्मा॑दु॒क्थ्यं॑ हु॒तं सोमा॑ अ॒न्वाय॑न्ति
Sentence: 4 तस्मा॑दा॒त्मा चक्षु॒रन्वे॑ति
Sentence: 5 तस्मा॒देकं॒ यन्त॑म्ब॒हवो ऽनु॑ यन्ति
Sentence: 6 तस्मा॒देको॑ बहू॒नाम्भ॒द्रो भ॑वति
Sentence: 7 तस्मा॒देको॑ ब॒ह्वीर्जा॒या वि॑न्दते
Sentence: 8 यदि॑ का॒मये॑ताध्व॒र्युस् ।
Sentence: 9 आ॒त्मानं॑ यज्ञयश॒सेना॑र्पयेय॒मित्य॑न्त॒राह॑व॒नीयं॑ च हवि॒र्धानं॑ च॒ तिष्ठ॒न्नव॑ नयेत् ॥
Verse: 5
Sentence: 1 आ॒त्मान॑मे॒व य॑ज्ञयश॒सेना॑र्पयति
Sentence: 2 यदि॑ का॒मये॑त
Sentence: 3 यज॑मानं यज्ञयश॒सेना॑र्पयेय॒मित्य॑न्त॒रा स॑दोहविर्धा॒ने तिष्ठ॒न्नव॑ नयेत् ।
Sentence: 4 यज॑मानमे॒व य॑ज्ञयश॒सेना॑र्पयति
Sentence: 5 यदि॑ का॒मये॑त
Sentence: 6 सद॒स्या॑न्यज्ञयश॒सेना॑रपयेय॒मिति॒ सद॑ आ॒लभ्याव॑ नयेत्
Sentence: 7 सद॒स्या॑ने॒व य॑ज्ञयश॒सेना॑र्पयति ॥
Paragraph: 2
Verse: 1
Sentence: 1 आयु॒र्वा ए॒तद्य॒ज्ञस्य॒ यद्ध्रु॒वस् ।
Sentence: 2 उ॑त्त॒मो ग्रहा॑णां गृह्यते॒ तस्मा॒दायुः॑ प्रा॒णाना॑मुत्त॒मम्
Sentence: 3 मू॒र्धानं॑ दि॒वो अ॑र॒तिम्पृ॑थि॒व्या इत्या॑ह
Sentence: 4 मू॒र्धान॑मेवैनं समा॒नानां॑ करोति
Sentence: 5 वैश्वान॒रमृ॒ताय॑ जा॒तम॒ग्निमित्या॑ह
Sentence: 6 वैश्वान॒रं हि दे॒वत॒यायु॑स् ।
Sentence: 7 उ॑भ॒यतो॑वैश्वानरो गृह्यते
Sentence: 8 तस्मा॑दुभ॒यतः॑ प्रा॒णास् ।
Sentence: 9 अ॒धस्ता॑च्चो॒परि॑ष्टाच्च ।
Sentence: 10 अ॒र्धिनो॒ ऽन्ये ग्रहा॑ गृ॒ह्यन्ते॒ ऽर्धी ध्रु॒वस्
Sentence: 11 तस्मा॑द् ॥
Verse: 2
Sentence: 1 अ॒र्ध्यवा॑ङ्प्रा॒णो॒ ऽन्येषा॑म्प्रा॒णाना॑म्
Sentence: 2 उपो॑प्ते॒ ऽन्ये ग्रहाः॑ सा॒द्यन्ते ऽनु॑पोप्ते ध्रु॒वस्
Sentence: 3 तस्मा॑द॒स्थ्नान्याः प्र॒जाः प्र॑ति॒तिष्ठ॑न्ति मां॒सेना॒न्यास् ।
Sentence: 4 असु॑रा॒ वा उ॑त्तर॒तः पृ॑थि॒वीम्प॒र्याचि॑कीर्षन्
Sentence: 5 तां दे॒वा ध्रु॒वेणा॑दृंहन्
Sentence: 6 तद्ध्रु॒वस्य॑ ध्रुव॒त्वम् ।
Sentence: 7 यद्ध्रु॒व उ॑त्तर॒तः सा॒द्यते॒ धृत्यै॑ ।
Sentence: 8 आयु॒र्वा ए॒तद्य॒ज्ञस्य॒ यद्ध्रु॒व आ॒त्मा होता
Sentence: 9 यद्धो॑तृचम॒से ध्रु॒वम॑व॒नय॑त्या॒त्मन्ने॒व य॒ज्ञस्य॑ ॥
Verse: 3
Sentence: 1 आयु॑र्दधाति
Sentence: 2 पु॒रस्ता॑दु॒क्थस्या॑व॒नीय॒ इत्या॑हुः
Sentence: 3 पु॒रस्ता॒द्ध्यायु॑षो भु॒ङ्क्ते
Sentence: 4 म॑ध्य॒तो॑ ऽव॒नीय॒ इत्या॑हुस् ।
Sentence: 5 म॑ध्य॒मेन॒ ह्यायु॑षो भु॒ङ्क्ते ।
Sentence: 6 उ॑त्तरा॒र्धे॑ ऽव॒नीय॒ इत्या॑हुस् ।
Sentence: 7 उ॑त्त॒मेन॒ ह्यायु॑षो भु॒ङ्क्ते
Sentence: 8 वै॑श्वदे॒व्यामृ॒चि श॒स्यमा॑नाया॒मव॑ नयति
Sentence: 9 वैश्वदे॒व्यो वै प्र॒जाः
Sentence: 10 प्र॒जास्वे॒वायु॑र्दधाति ॥
Paragraph: 3
Verse: 1
Sentence: 1 य॒ज्ञेन वै दे॒वाः सु॑व॒र्गं लो॒कमा॑यन्
Sentence: 2 ते॑ ऽमन्यन्त
Sentence: 3 मनु॒ष्या॑ नो॒ ऽन्वाभ॑विष्य॒न्तीति
Sentence: 4 ते सं॑वत्स॒रेण॑ योपयि॒त्वा सु॑व॒र्गं लो॒कमा॑यन्
Sentence: 5 तमृष॑य ऋतुग्रहैरे॒वानु॒ प्राजा॑नन्
Sentence: 6 यदृ॑तुग्र॒हा गृ॒ह्यन्ते॑ सुव॒र्गस्य॑ लो॒कस्य॒ प्रज्ञा॑त्यै
Sentence: 7 द्वाद॑श गृह्यन्ते
Sentence: 8 द्वाद॑श॒ मासाः॑ संवत्स॒रः
Sentence: 9 सं॑वत्स॒रस्य॒ प्रज्ञात्यै
Sentence: 10 स॒ह प्र॑थमौ गृह्येते स॒होत्तमौ
Sentence: 11 तस्माद्द्वौद्वावृ॒तू
Sentence: 12 उ॑भ॒यतो॑मुखमृतुपा॒त्रम्भ॑वति
Sentence: 13 कः ॥
Verse: 2
Sentence: 1 हि तद्वेद॒ यत॑ ऋतू॒नाम्मुख॑म्
Sentence: 2 ऋ॒तुना॒ प्रेष्येति॒ षट्कृत्व॑ आह
Sentence: 3 षड्वा ऋ॒तव॑स् ।
Sentence: 4 ऋ॒तूने॒व प्री॑णाति ।
Sentence: 5 ऋ॒तुभि॒रिति॑ च॒तुस् ।
Sentence: 6 चतु॑ष्पद ए॒व प॒शून्प्री॑णाति
Sentence: 7 द्विः पुन॑रृ॒तुना॑ह
Sentence: 8 द्वि॒पद॑ ए॒व प्री॑णाति ।
Sentence: 9 ऋ॒तुना॒ प्रेष्येति॒ षट्कृत्व॑ आह॒र्तुभि॒रिति॑ च॒तुस्
Sentence: 10 तस्मा॒च्चतु॑ष्पादः प॒शव॑ ऋ॒तूनुप॑ जीवन्ति
Sentence: 11 द्विः ॥
Verse: 3
Sentence: 1 पुन॑रृ॒तुना॑ह
Sentence: 2 तस्मा॑द्द्वि॒पाद॒श्चतु॑ष्पदः प॒शूनुप॑ जीवन्ति ।
Sentence: 3 ऋ॒तुना॒ प्रेष्येति॒ षट्कृत्व॑ आह॒र्तुभि॒रिति॑ च॒तुर्द्विः पुन॑रृ॒तुना॑ह ।
Sentence: 4 आ॒क्रम॑णमे॒व तत्
Sentence: 5 सेतुं॒ यज॑मानः कुरुते सुव॒र्गस्य॑ लो॒कस्य॒ सम॑ष्ट्यै
Sentence: 6 नान्यो॒ऽन्यमनु॒ प्र प॑द्येत
Sentence: 7 यद॒न्यो॒ ऽनम॑नुप्र॒पद्ये॑त॒र्तुरृ॒तुमनु॒ प्र प॑द्येत॒र्तवो॒ मोहु॑काः स्युः ॥
Verse: 4
Sentence: 1 प्रसि॑द्धमे॒वाध्व॒र्युर्दक्षि॑णेन॒ प्र प॑द्यते॒ प्रसि॑द्धम्प्रतिप्रस्था॒तोत्त॑रेण
Sentence: 2 तस्मा॑दादि॒त्यः षण्मा॒सो दक्षि॑णेनैति॒ षडुत्त॑रेण ।
Sentence: 3 उ॑पया॒मगृ॑हीतो ऽसि सं॒सर्पो॑ ऽस्यंहस्प॒त्याय॒ त्वेत्या॑ह ।
Sentence: 4 अस्ति॑ त्रयो द॒शो मास॒ इत्या॑हुस्
Sentence: 5 तमे॒व तत्प्री॑णाति ॥
Paragraph: 4
Verse: 1
Sentence: 1 सु॑व॒र्गाय॒ वा ए॒ते लो॒काय॑ गृह्यन्ते॒ यदृ॑तुग्र॒हास् ।
Sentence: 2 ज्योति॑रिन्द्रा॒ग्नी
Sentence: 3 यऐ॑न्द्रा॒ग्नमृ॑तुपा॒त्रेण॑ गृ॒ह्णाति॒ ज्योति॑रे॒वास्मा॑ उ॒परि॑ष्टाद्दधाति
Sentence: 4 सुव॒र्गस्य॑ लो॒कस्यानु॑ख्यात्यै ।
Sentence: 5 ओ॑जो॒भृतौ॒ वा एतौ दे॒वानां॒ यदि॑न्द्रा॒ग्नी
Sentence: 6 यऐ॑न्द्रा॒ग्नो गृ॒ह्यत॒ ओज॑ ए॒वाव॑ रुन्द्धे
Sentence: 7 वैश्वदे॒वं शु॑क्रपा॒त्रेण॑ गृह्णाति
Sentence: 8 वैश्वदे॒व्यो वै प्र॒जास् ।
Sentence: 9 अ॒सावा॑दि॒त्यः शु॒कस् ।
Sentence: 10 यद्वै॑श्वदे॒वं शु॑क्रपा॒त्रेण॑ गृ॒ह्णाति॒ तस्मा॑द॒सावा॑दि॒त्यः ॥
Verse: 2
Sentence: 1 सर्वाः॑ प्र॒जाः प्र॒त्यङ्ङुदे॑ति
Sentence: 2 तस्मा॒त्सर्व॑ ए॒व म॑न्यते
Sentence: 3 माम्प्रत्युद॑गा॒दिति
Sentence: 4 वैश्वदे॒वं शु॑क्रपा॒त्रेण॑ गृह्णाति
Sentence: 5 वैश्वदे॒व्यो वै प्र॒जास् ।
Sentence: 6 तेजः॑ शु॒क्रस् ।
Sentence: 7 यद्वै॑श्वदे॒वं शु॑क्रपा॒त्रेण॑ गृ॒ह्णाति॑ प्र॒जास्वे॒व तेजो॑ दधाति ॥
Paragraph: 5
Verse: 1
Sentence: 1 इन्द्रो॑ म॒रुद्भिः॒ सांवि॑द्येन॒ माध्यं॑दिने॒ सव॑ने वृ॒त्रम॑हन्
Sentence: 2 यन्माध्यं॑दिने॒ सव॑ने मरुत्व॒तीया॑ गृ॒ह्यन्ते॒ वार्त्र॑घ्ना ए॒व ते यज॑मानस्य गृह्यन्ते
Sentence: 3 तस्य॑ वृ॒त्रं ज॒घ्नुष॑ ऋ॒तवो॑ ऽमुह्य॒न्त्स ऋ॑तुपा॒त्रेण॑ मरुत्व॒तीया॑नगृह्णात्
Sentence: 4 ततो वै॒ स ऋ॒तून्प्राजा॑नात् ।
Sentence: 5 यदृ॑तुपा॒त्रेण॑ मरुत्व॒तीया॑ गृ॒ह्यन्त॑ ऋतू॒नाम्प्रज्ञा॑त्यै
Sentence: 6 वज्रं॒ वा ए॒तं यज॑मानो॒ भ्रातृ॑व्याय॒ प्र ह॑रति॒ यन्म॑रुत्व॒तीया॒ उदे॒व प्र॑थ॒मेन॑ ॥
Verse: 2
Sentence: 1 य॑छति॒ प्र ह॑रति द्वि॒तीये॑न स्तृणु॒ते तृ॒तीये॑न ।
Sentence: 2 आयु॑धं॒ वा ए॒तद्यज॑मानः॒ संस्कु॑रुते॒ यन्म॑रुत्व॒तीया॒ धनु॑रे॒व प्र॑थ॒मो ज्या द्वि॒तीय॒ इषु॑स्तृ॒तीयः
Sentence: 3 प्रत्ये॒व प्र॑थ॒मेन॑ धत्ते॒ वि सृ॑जति द्वि॒तीये॑न॒ विध्य॑ति तृ॒तीये॑न ।
Sentence: 4 इन्द्रो॑ वृ॒त्रं ह॒त्वा परा॑म्परा॒वत॑मगछत् ।
Sentence: 5 अपा॑राध॒मिति॒ मन्य॑मानः
Sentence: 6 स हरि॑तो ऽभवत्
Sentence: 7 स ए॒तान्म॑रुत्व॒तीया॑नात्म॒स्पर॑णानपश्यत्
Sentence: 8 तान॑गृह्णीत ॥
Verse: 3
Sentence: 1 प्रा॒णमे॒व प्र॑थ॒मेना॑स्पृणुतापा॒नं द्वि॒तीये॒नात्मानं॑ तृ॒तीये॑नात्म॒स्पर॑णा॒ वा ए॒ते यज॑मानस्य गृह्यन्ते॒ यन्म॑रुत्व॒तीयाः
Sentence: 2 प्रा॒णमे॒व प्र॑थ॒मेन॑ स्पृणुते ऽपा॒नं द्वि॒तीये॑ना॒त्मानं॑ तृ॒तीये॑न ।
Sentence: 3 इन्द्रो॑ वृ॒त्रम॑हन्
Sentence: 4 तं दे॒वा अ॑ब्रुवन्
Sentence: 5 म॒हान्वा अ॒यम॑भू॒द्यो वृ॒त्रमव॑धी॒दिति
Sentence: 6 तन्म॑हे॒न्द्रस्य॑ महेन्द्र॒त्वम् ।
Sentence: 7 स ए॒तम्म॑हे॒न्द्रमु॑द्धा॒रमुद॑हरत वृ॒त्रं ह॒त्वान्यासु॑ दे॒वता॒स्वधि
Sentence: 8 यन्म॑हे॒न्द्रो गृ॒ह्यत॑ उद्धा॒रमे॒व तं यज॑मान॒ उद्ध॑रते॒ ऽन्यासु॑ प्र॒जास्वधि
Sentence: 9 शुक्रपा॒त्रेण॑ गृह्णाति
Sentence: 10 यजमानदेव॒त्यो वै महे॒न्द्रस्तेजः॑ शु॒क्रो यन्मा॑हे॒न्द्रं शु॑क्रपा॒त्रेण॑ गृ॒ह्णाति॒ यज॑मान ए॒व तेजो॑ दधाति ॥
Paragraph: 6
Verse: 1
Sentence: 1 अदि॑तिः पु॒त्रका॑मा सा॒ध्येभ्यो॑ दे॒वेभ्यो॑ ब्रह्मौद॒नम॑पचत्
Sentence: 2 तस्या॑ उ॒च्छेष॑णमददुस्
Sentence: 3 तत्प्राश्ना॑त्
Sentence: 4 सा रेतो॑ ऽधत्त
Sentence: 5 तस्यै॑ च॒त्वार॑ आदि॒त्या अ॑जायन्त
Sentence: 6 सा द्वि॒तीय॑मपचत्
Sentence: 7 साम॑न्यत ।
Sentence: 8 उ॒च्छेष॑णान्म इ॒मे॑ ऽज्ञत॒ यदग्रे॑ प्राशि॒ष्यामी॒तो मे॒ वसी॑यांसो जनिष्यन्त॒ इति
Sentence: 9 साग्रे॒ प्राश्ना॑त्
Sentence: 10 सा रेतो॑ ऽधत्त
Sentence: 11 तस्यै॒ व्यृ॑द्धमा॒ण्डम॑जायत
Sentence: 12 सादि॒त्येभ्य॑ ए॒व ॥
Verse: 2
Sentence: 1 तृ॒तीय॑मपचत् ।
Sentence: 2 भोगा॑य म इ॒दं श्रा॒न्तम॒स्त्विति
Sentence: 3 ते॑ ऽब्रुवन्
Sentence: 4 वरं॑ वृणामहै॒ यो ऽतो॒ जाया॑ता अ॒स्माकं॒ स एको॑ ऽस॒द्यो॑ ऽस्य प्र॒जाया॒मृध्या॑ता अ॒स्माक॒म्भो�॑य भवा॒दिति
Sentence: 5 ततो॒ विव॑स्वानादि॒त्यो॑ ऽजायत
Sentence: 6 तस्य॒ वा इ॒यम्प्र॒जा यन्म॑नु॒ष्य॑स्
Sentence: 7 तास्वेक॑ ए॒वर्द्धो यो यज॑ते
Sentence: 8 स दे॒वाना॒म्भोगा॑य भवति
Sentence: 9 दे॒वा{F वै॑ य॒ज्ञात्{W वै य॒ज्ञाद्{GLOS वै य॒ज्ञात् ॥
Verse: 3
Sentence: 1 रु॒द्रम॒न्तरा॑यन् ।
Sentence: 2 स आ॑दि॒त्यान॒न्वाक्र॑मत
Sentence: 3 ते द्वि॑देव॒त्या॒न्प्राप॑द्यन्त
Sentence: 4 तान्न प्रति॒ प्राय॑छन्
Sentence: 5 तस्मा॒दपि॒ वध्य॒म्प्रप॑न्नं न॒ प्रति॒ प्र य॑छन्ति
Sentence: 6 तस्मा॒दपि॒ वध्य॒म्प्रप॑न्नं न॒ प्रति॒ प्र य॑छन्ति
Sentence: 7 तस्मा॑द्द्विदेव॒त्ये॑भ्य आदि॒त्यो निर्गृ॑ह्यते
Sentence: 8 यदु॒च्छेष॑णा॒दजा॑यन्त॒ तस्मा॑दु॒च्छेष॑णाद्गृह्यते
Sentence: 9 ति॒सृभि॑रृ॒ग्भिर्गृ॑ह्णाति
Sentence: 10 मा॒ता पि॒ता पु॒त्रस्तदे॒व तन्मि॑थु॒नम्
Sentence: 11 उल्बं॒ गर्भो॑ ज॒रायु॒ तदे॒व तत् ॥
Verse: 4
Sentence: 1 मि॑थु॒नम्
Sentence: 2 प॒शवो॒ वा ए॒ते यदा॑दि॒त्य ऊर्ग्दधि
Sentence: 3 द॒ध्ना म॑ध्य॒तः श्री॑णा॒त्यूर्ज॑मे॒व प॑शू॒नाम्म॑ध्य॒तो द॑धाति
Sentence: 4 शृतात॒ङ्क्ये॑न
Sentence: 5 मेध्य॒त्वाय
Sentence: 6 तस्मा॑दा॒मा प॒क्वं दु॑हे
Sentence: 7 प॒शवो॒ वा ए॒ते यदा॑दि॒त्यः
Sentence: 8 प॑रिश्रित्य गृह्णाति
Sentence: 9 प्रति॒रुध्यै॒वास्मै॑ प॒शून्गृ॑ह्णाति
Sentence: 10 प॒शवो॒ वा ए॒ते यदा॑दि॒त्य ए॒ष रु॒द्रो यद॒ग्निः
Sentence: 11 प॑रि॒श्रित्य॑ गृह्णाति रु॒द्रादे॒व प॒शून॒न्तर्द॑धाति ॥
Verse: 5
Sentence: 1 ए॒ष वै॒ विव॑स्वानादि॒त्यो यदु॑पांशु॒सव॑नः
Sentence: 2 स ए॒तमे॒व सो॑मपी॒थम्परि॑ शय॒ आ तृ॑तीयसव॒नात् ।
Sentence: 3 विव॑स्व आदित्यै॒ष ते॑ सोमपी॒थ इत्या॑ह
Sentence: 4 विव॑स्वन्तमे॒वादि॒त्यं सो॑मपी॒थेन॒ सम॑र्धयति
Sentence: 5 या दि॒व्या वृष्टि॒स्तया॑ त्वा श्रीणा॒मीति॒ वृष्टि॑कामस्य श्रीणीयात् ।
Sentence: 6 वृष्टि॑मे॒वाव॑ रुन्द्धे
Sentence: 7 यदि॑ ता॒जक्प्र॒स्कन्दे॒द्वर्षु॑कः प॒र्जन्यः॑ स्यात् ।
Sentence: 8 यदि॑ चि॒रमव॑र्षुकस् ।
Sentence: 9 न सा॑दयति ।
Sentence: 10 अस॑न्ना॒द्धि प्र॒जाः प्र॒जाय॑न्ते
Sentence: 11 नानु॒ वष॑त्करोति
Sentence: 12 यद॑नुवषट्कु॒र्याद्रु॒द्रम्प्र॒जा अ॒न्वव॑सृजेत् ।
Sentence: 13 न हु॒त्वान्वी॑क्षेत
Sentence: 14 यद॒न्वीक्षे॑त॒ चक्षु॑रय्स प्र॒मायु॑कं स्यात्
Sentence: 15 तस्मा॒न्नान्वीक्ष्यः॑ ॥
Paragraph: 7
Verse: 1
Sentence: 1 अ॑न्तर्यामपा॒त्रेण॑ सावि॒त्रमा॑ग्रय॒णाद्गृ॑ह्णाति
Sentence: 2 प्र॒जाप॑ति॒र्वा ए॒ष यदा॑ग्रय॒णः
Sentence: 3 प्र॒जाना॑म्प्र॒जन॑नाय
Sentence: 4 न सा॑दयति ।
Sentence: 5 अस॑न्ना॒द्धि प्र॒जाः प्र॒जाय॑न्ते
Sentence: 6 नानु॒ वष॑ट्करोति
Sentence: 7 यद॑नुवषट्कु॒र्याद्रु॒द्रम्प्र॒जा अ॒न्वव॑सृजेत् ।
Sentence: 8 ए॒ष वै॑ गाय॒त्रो दे॒वानां॒ यत्स॑वि॒ता ।
Sentence: 9 ए॒ष गा॑यत्रियै लो॒के गृ॑ह्यते॒ यदा॑ग्रय॒णस् ।
Sentence: 10 यद॑न्तर्यामपा॒त्रेण॑ सावि॒त्रमा॑ग्रय॒णाद्गृ॒ह्णाति॒ स्वादेवैनं॒ योने॒र्निर्गृ॑ह्णाति
Sentence: 11 विश्वे॑ ॥
Verse: 2
Sentence: 1 दे॒वास्तृ॒तीयं॒ सव॑नं॒ नोद॑यछन्
Sentence: 2 ते स॑वि॒तार॑म्प्रातःसव॒नभा॑गं॒ सन्तं॑ तृतीयसव॒नम॒भि पर्य॑णयन्
Sentence: 3 ततो वै॒ ते तृ॒तीयं॒ सव॑न॒मुद॑यछन्
Sentence: 4 यत्तृ॑तीयसव॒ने सा॑वि॒त्रो गृ॒ह्यते॑ तृ॒तीय॑स्य॒ सव॑न॒स्योद्य॑त्यै
Sentence: 5 सवितृपा॒त्रेण॑ वैश्वदे॒वं क॒लशा॑द्गृह्णाति
Sentence: 6 वैश्वदे॒व्यो वै प्र॒जा
Sentence: 7 वै॑श्वदे॒वः क॒लशः
Sentence: 8 सवि॒ता प्र॑स॒वाना॑मीशे
Sentence: 9 यत्स॑वितृपा॒त्रेण॑ वैश्वदे॒वं क॒लशा॑द्गृ॒ह्णाति॑ सवि॒तृप्र॑सूत ए॒वास्मै॑ प्र॒जाः प्र ॥
Verse: 3
Sentence: 1 ज॑नयति
Sentence: 2 सोमे॒ सोम॑म॒भि गृ॑ह्णाति
Sentence: 3 रेत॑ ए॒व तद्द॑धाति
Sentence: 4 सु॒शर्मा॑सि सुप्रतिष्ठा॒न इत्या॑ह
Sentence: 5 सोमे॒ हि सोम॑मभिगृ॒ह्णाति
Sentence: 6 प्रति॑ष्ठित्यै ।
Sentence: 7 ए॒तस्मि॒न्वा अपि॒ ग्रहे॑ मनु॒ष्ये॑भ्यो दे॒वेभ्यः॑ पि॒तृभ्यः॑ क्रियते
Sentence: 8 सु॒शर्मा॑सि सुप्रतिष्ठा॒न इत्या॑ह
Sentence: 9 मनु॒ष्ये॑भ्य एवै॒तेन॑ करोति
Sentence: 10 बृ॒हदित्या॑ह
Sentence: 11 दे॒वेभ्य॑ एवै॒तेन॑ करोति
Sentence: 12 नम॒ इत्या॑ह
Sentence: 13 पि॒तृभ्य॑ एवै॒तेन॑ करोति ।
Sentence: 14 ए॒ताव॑तीर्{F वै{W वै दे॒वता॑स्
Sentence: 15 ताभ्य॑ एवैनं॒ सर्वा॑भ्यो गृह्णाति ।
Sentence: 16 ए॒ष ते॒ योनि॒र्विश्वे॑भ्यस्त्वा दे॒वेभ्य॒ इत्या॑ह
Sentence: 17 वैश्वदे॒वो ह्ये॒षः ॥
Paragraph: 8
Verse: 1
Sentence: 1 प्रा॒णो वा ए॒ष यदु॑पां॒शुस् ।
Sentence: 2 यदु॑पांशुपा॒त्रेण॑ प्रथ॒मश्चो॑त्त॒मश्च॒ ग्रहौ॑ गृ॒ह्येते॑ प्रा॒णमे॒वानु॑ प्र॒यन्ति॑ प्रा॒णमनूद्य॑न्ति
Sentence: 3 प्र॒जाप॑ति॒र्वा ए॒ष यदा॑ग्रय॒णः प्रा॒ण उ॑पां॒शुः पत्नीः॑ प्र॒जाः प्र ज॑नयन्ति
Sentence: 4 यदु॑पांशुपा॒त्रेण॑ पात्नीव॒तमा॑ग्रय॒णाद्गृ॒ह्णाति॑ प्र॒जाना॑म्प्र॒जन॑नाय
Sentence: 5 तस्मा॑त्प्रा॒णम्प्र॒जा अनु॒ प्र जा॑यन्ते
Sentence: 6 दे॒वा वा इतैतः॒ पत्नीः॑ सुव॒र्गम् ॥
Verse: 2
Sentence: 1 लो॒कम॑जिगांसन्
Sentence: 2 ते सु॑व॒र्गं लो॒कं न प्राजा॑नन्
Sentence: 3 त ए॒तम्पा॑त्नीव॒तम॑पश्यन्
Sentence: 4 तम॑गृह्णत
Sentence: 5 ततो वै॒ ते सु॑व॒र्गं लो॒कम्प्राजा॑नन्
Sentence: 6 यत्पा॑त्नीव॒तो गृ॒ह्यते॑ सुव॒र्गस्य॑ लो॒कस्य॒ प्रज्ञा॑त्यै
Sentence: 7 स सोमो॒ नाति॑ष्ठत स्त्री॒भ्यो गृ॒ह्यमा॑णस्
Sentence: 8 तं घृ॒तं वज्रं॑ कृ॒त्वाघ्न॑न्
Sentence: 9 तं निरि॑न्द्रियम्भू॒तम॑गृह्णन्
Sentence: 10 तस्मा॒त्स्त्रियो॒ निरि॑न्द्रिया॒ अदा॑यादी॒रपि॑ पा॒पात्पुं॒स उप॑स्तितरम् ॥
Verse: 3
Sentence: 1 व॑दन्ति
Sentence: 2 यद्घृ॒तेन॑ पात्नीव॒तं श्री॒णाति॒ वज्रे॑णैवैनं॒ वशे॑ कृ॒त्वा गृ॑ह्णाति ।
Sentence: 3 उ॑पया॒मगृ॑हीतो॒ ऽसीत्या॑ह ।
Sentence: 4 इ॒यं वा उ॑पया॒मस्
Sentence: 5 तस्मा॑दि॒माम्प्र॒जा अनु॒ प्र जा॑यन्ते
Sentence: 6 बृह॒स्पति॑सुतस्य त॒ इत्या॑ह
Sentence: 7 ब्रह्म वै दे॒वाना॒म्बृह॒स्पति॑स् ।
Sentence: 8 ब्रह्म॑णै॒वास्मै॑ प्र॒जाः प्र ज॑नयति ।
Sentence: 9 इ॑न्दो॒ इत्या॑ह
Sentence: 10 रेतो॒ वा इन्दु॑स् ।
Sentence: 11 रेत॑ ए॒व तद्द॑धाति ।
Sentence: 12 इ॑न्द्रियाव॒ इति॑ ॥
Verse: 4
Sentence: 1 आ॑ह
Sentence: 2 प्र॒जा वा इ॑न्द्रि॒यम्
Sentence: 3 प्र॒जा ए॒वास्मै॒ प्र ज॑नयति ।
Sentence: 4 अग्ना३ इत्या॑ह ।
Sentence: 5 अ॒ग्निर्वै॑ रेतो॒धाः
Sentence: 6 पत्नी॑व॒ इत्या॑ह
Sentence: 7 मिथुन॒त्वाय
Sentence: 8 स॒जूर्दे॒वेन॒ त्वष्ट्रा॒ सोम॑म्पि॒बेत्या॑ह
Sentence: 9 त्वष्टा वै पशू॒नाम्मि॑थु॒नानां॑ रूप॒कृत् ।
Sentence: 10 रू॒पमे॒व प॑शुषु दधाति
Sentence: 11 दे॒वा वै॒ त्वष्टा॑रमजिघांसन् ।
Sentence: 12 स पत्नीः॒ प्राप॑द्यत
Sentence: 13 तं न प्रति॒ प्राय॑छन्
Sentence: 14 तस्मा॒दपि॑ ॥
Verse: 5
Sentence: 1 वध्य॒म्प्रप॑न्नं॒ न प्रति॒ प्र य॑छन्ति
Sentence: 2 तस्मा॑त्पात्नीव॒ते त्वष्ट्त्रे ऽपि॑ गृह्यते
Sentence: 3 न सा॑दयति ।
Sentence: 4 अस॑न्ना॒द्धि प्र॒जाः प्र॒जाय॑न्ते
Sentence: 5 नानु॒ वष॑ट्करोति
Sentence: 6 यद॑नुवषट्कु॒र्याद्रु॒द्रम्प्र॒जा अ॒न्वव॑सृजेत् ।
Sentence: 7 यन्नानु॑वषट्कु॒र्यादशा॑न्तम॒ग्नीत्सोम॑म्भक्षयेत् ।
Sentence: 8 उ॑पां॒श्वनु॒ वष॑ट्करोति
Sentence: 9 न रु॒द्रम्प्र॒जा अ॑न्ववसृ॒जति॑ शा॒न्तम॒ग्नीत्सोम॑म्भक्षयति ।
Sentence: 10 अग्नी॒न्नेष्टु॑रु॒पस्थ॒मा सी॑द ॥
Verse: 6
Sentence: 1 नेष्टः॒ पत्नी॑मु॒दान॒येत्या॑ह ।
Sentence: 2 अ॒ग्नीदे॒व नेष्ट॑रि॒ रेतो॒ दधा॑ति॒ नेष्टा॒ पत्नि॑याम्
Sentence: 3 उद्गा॒त्रा सं ख्या॑पयति
Sentence: 4 प्र॒जाप॑ति॒र्वा ए॒ष यदु॑द्गा॒ता
Sentence: 5 प्र॒जाना॑म्प्र॒जन॑नाय ।
Sentence: 6 अ॒प उप॒ प्र व॑र्तयति
Sentence: 7 रेत॑ ए॒व तत्सि॑ञ्चति ।
Sentence: 8 ऊ॒रुणोप॒ प्र व॑र्तयति ।
Sentence: 9 ऊ॒रुणा॒ हि रेतः॑ सि॒च्यते
Sentence: 10 नग्नं॒क्रियो॒रुमुप॒ प्र व॑र्तयति
Sentence: 11 य॒दा हि न॒ग्न ऊ॒रुर्भव॒त्यथ॑ मिथु॒नी भ॑वतस् ।
Sentence: 12 अथ॒ रेतः॑ सिच्यते ।
Sentence: 13 अथ॑ प्र॒जाः प्र जा॑यन्ते ॥
Paragraph: 9
Verse: 1
Sentence: 1 इन्द्रो॑ वृ॒त्रम॑हन्
Sentence: 2 तस्य॑ शीर्षकपा॒लमुऔ॑ब्जत्
Sentence: 3 स द्रो॑णकल॒शो॑ ऽभवत्
Sentence: 4 तस्मा॒त्सोमः॒ सम॑स्रवत्
Sentence: 5 स हा॑रियोज॒नो॑ ऽभवत्
Sentence: 6 तं व्य॑चिकित्सत् ।
Sentence: 7 जु॒हवा॒नी३ मा हौ॒षा३मिति
Sentence: 8 सो॑ ऽमन्यत
Sentence: 9 यद्धो॒ष्याम्या॒मं हो॑ष्यामि॒ यन्न हो॒ष्यामि॑ यज्ञवेश॒सं क॑रिष्या॒मीति
Sentence: 10 तम॑ध्रियत॒ होतु॑म् ।
Sentence: 11 सो॒ ऽग्निर॑ब्रवीत् ।
Sentence: 12 न मय्या॒मं हो॑ष्य॒सीति
Sentence: 13 तं धा॒नाभि॑रश्रीणात् ॥
Verse: 2
Sentence: 1 तं शृ॒तम्भू॒तम॑जुहोत्
Sentence: 2 यद्धा॒नाभि॑र्हारियोज॒नं श्री॒णाति॑ शृत॒त्वाय
Sentence: 3 शृ॒तमेवैनम्भू॒तं जु॑होति
Sentence: 4 ब॒ह्वीभिः॑ श्रीणाति ।
Sentence: 5 ए॒ताव॑तीरे॒वास्या॒मुष्मिँ॑ लो॒के का॑म॒दुघा॑ भवन्ति ।
Sentence: 6 अथो॒ खल्वा॑हुस् ।
Sentence: 7 ए॒ता वा इन्द्र॑स्य॒ पृश्न॑यः काम॒दुघा॒ यद्धा॑रियोज॒नीरिति
Sentence: 8 तस्मा॑द्ब॒ह्वीभिः॑ श्रीणीयात् ।
Sentence: 9 ऋ॑क्सा॒मे वा इन्द्र॑स्य॒ हरी॑ सोम॒पानौ
Sentence: 10 तयोः॑ परि॒धय॑ आ॒धान॑म् ।
Sentence: 11 यदप्र॑हृत्य परि॒धीञ्जु॑हु॒याद॒न्तरा॑धानाभ्याम् ॥
Verse: 3
Sentence: 1 घा॒सम्प्र य॑छेत्
Sentence: 2 प्र॒हृत्य॑ परि॒धीञ्जु॑होति॒ निरा॑धानाभ्यामे॒व घा॒सम्प्र य॑छति ।
Sentence: 3 उ॑न्ने॒ता जु॑होति
Sentence: 4 या॒तया॑मेव॒ ह्ये॒तर्ह्य॑ध्व॒र्युः स्व॒गाकृ॑तस् ।
Sentence: 5 यद॑ध्व॒र्युर्जु॑हु॒याद्यथा॒ विमु॑क्त॒म्पुन॑र्यु॒नक्ति॑ ता॒दृगे॒व तत् ।
Sentence: 6 शी॒र्षन्न॑धिनि॒धाय॑ जुहोति
Sentence: 7 शीर्ष॒तो हि स स॒मभ॑वत् ।
Sentence: 8 वि॒क्रम्य॑ जुहोति
Sentence: 9 वि॒क्रम्य॒ हीन्द्रो॑ वृ॒त्रमह॑न् ।
Sentence: 10 समृ॑द्ध्यै
Sentence: 11 प॒शवो वै हारियोज॒नीस् ।
Sentence: 12 यत्स॑म्भि॒न्द्यादल्पाः॑ ॥
Verse: 4
Sentence: 1 ए॑नम्प॒शवो॑ भु॒ञ्जन्त॒ उप॑ तिष्ठेरन्
Sentence: 2 यन्न स॑म्भि॒न्द्याद्ब॒हव॑ एनम्प॒शवो ऽभु॑ञ्जन्त॒ उप॑ तिष्ठेरन्
Sentence: 3 मन॑सा॒ सम्बा॑धते ।
Sentence: 4 उ॒भयं॑ करोति
Sentence: 5 ब॒हव॑ एवैनम्प॒शवो॑ भु॒ञ्जन्त॒ उप॑ तिष्ठन्ते ।
Sentence: 6 उ॑न्ने॒तर्यु॑पह॒वमि॑छन्ते
Sentence: 7 य ए॒व तत्र॑ सोमपी॒थस्तमे॒वाव॑ रुन्धते ।
Sentence: 8 उ॑त्तरवे॒द्यां नि व॑पति
Sentence: 9 प॒शवो॒ वा उ॑त्तरवे॒दिः
Sentence: 10 प॒शवो॑ हारियोज॒नीः
Sentence: 11 प॒शुष्वे॒व प॒शून्प्रति॑ ष्ठापयन्ति ॥
Paragraph: 10
Verse: 1
Sentence: 1 ग्रहा॒न्वा अनु॑ प्र॒जाः प॒शवः॒ प्र जा॑यन्ते ।
Sentence: 2 उ॑पांश्वन्तर्या॒माव॑जा॒वयः
Sentence: 3 शु॒क्राम॒न्थिनौ॒ पुरु॑षास् ।
Sentence: 4 ऋ॑तुग्र॒हानेक॑शपास् ।
Sentence: 5 आ॑दित्यग्र॒हं गाव॑स् ।
Sentence: 6 आ॑दित्यग्र॒हो भूयि॑ष्ठाभिरृ॒ग्भिर्गृ॑ह्यते
Sentence: 7 तस्मा॒द्गावः॑ पशू॒नाम्भूयि॑ष्ठास् ।
Sentence: 8 यत्त्रिरु॑पां॒शुं हस्ते॑न विगृ॒ह्णाति
Sentence: 9 तस्माद्द्वौ॒ त्रीन॒जा ज॒नय॒त्यथाव॑यो॒ भूय॑सीः
Sentence: 10 पि॒ता वा ए॒ष यदा॑ग्रय॒णः पु॒त्रः क॒लश॑स् ।
Sentence: 11 यदा॑ग्रय॒ण उ॑प॒दस्ये॑त्क॒लशा॑द्गृह्णीयात् ।
Sentence: 12 यथा॑ पि॒ता ॥
Verse: 2
Sentence: 1 पु॒त्रं क्षि॒त उ॑प॒धाव॑ति ता॒दृगे॒व तत् ।
Sentence: 2 यत्क॒लश॑ उप॒दस्ये॑दाग्रय॒णाद्गृ॑ह्णीयात् ।
Sentence: 3 यथा॑ पु॒त्रः पि॒तरं॑ क्षि॒त उ॑प॒धाव॑ति ता॒दृगे॒व तत् ।
Sentence: 4 आ॒त्मा वा ए॒ष य॒ज्ञस्य॒ यदा॑ग्रय॒णस् ।
Sentence: 5 यद्ग्रहो॑ वा क॒लशो॑ वोप॒दस्ये॑दाग्रय॒णाद्गृ॑ह्णीयात् ।
Sentence: 6 आ॒त्मन॑ ए॒वाधि॑ य॒ज्ञं निष्क॑रोति ।
Sentence: 7 अवि॑ज्ञातो॒ वा ए॒ष गृ॑ह्यते॒ यदा॑ग्रय॒णस् ।
Sentence: 8 स्था॒ल्या गृ॒ह्णाति॑ वाय॒व्ये॑न जुहोति॒ तस्मा॑त् ॥
Verse: 3
Sentence: 1 गर्भे॒णावि॑ज्ञातेन ब्रह्म॒हा ।
Sentence: 2 अ॑वभृ॒थमव॑ यन्ति
Sentence: 3 परा॑ स्था॒लीरस्य॒न्त्युद्वा॑य॒व्या॑नि हरन्ति
Sentence: 4 तस्मा॒त्स्त्रियं॑ जा॒ताम्परा॑स्य॒न्त्युत्पुमां॑सं हरन्ति
Sentence: 5 यत्पु॑रो॒रुच॒माह॒ यथा॒ वस्य॑स आ॒हर॑ति ता॒दृगे॒व तत् ।
Sentence: 6 यद्ग्रहं॑ गृ॒ह्णाति॒ यथा॒ वस्य॑स आ॒हृत्य॒ प्राह॑ ता॒दृगे॒व तत् ।
Sentence: 7 यत्सा॒दय॑ति॒ यथा॒ वस्य॑स उपनि॒धाया॑प॒क्राम॑ति ता॒दृगे॒व तत् ।
Sentence: 8 यद्वै॑ य॒ज्ञस्य॒ साम्ना॒ यजु॑षा क्रि॒यते॑ शिथि॒लं तत् ।
Sentence: 9 यदृ॒चा तद्दृ॒ढम्
Sentence: 10 पु॒रस्ता॑दुपयामा॒ यजु॑षा गृह्यन्त उ॒परि॑ष्टादुपयामा ऋ॒चा य॒ज्ञस्य॒ धृत्यै॑ ॥
Paragraph: 11
Verse: 1
Sentence: 1 प्रान्या॑नि॒ पात्रा॑णि यु॒ज्यन्ते॒ नान्यानि
Sentence: 2 यानि॑ परा॒चीना॑नि प्रयु॒ज्यन्ते॑ ऽमुमे॒व तै॑र्लो॒कम॒भि ज॑यति
Sentence: 3 परा॑ङिव॒ ह्यसौ लो॒कस् ।
Sentence: 4 यानि॒ पुनः॑ प्रयु॒ज्यन्त॑ इ॒ममे॒व तै॑र्लो॒कम॒भि ज॑यति
Sentence: 5 पुनः॑पुनरिव॒ ह्य॒यं लो॒कः
Sentence: 6 प्रान्यानि॒ पात्रा॑णि यु॒ज्यन्ते॒ नान्यानि
Sentence: 7 यानि॑ परा॒चीना॑नि प्रयु॒ज्यन्ते॒ तान्यन्वोष॑धयः॒ परा॑ भवन्ति
Sentence: 8 यानि॒ पुनः॑ ॥
Verse: 2
Sentence: 1 प्र॑यु॒ज्यन्ते॒ तान्यन्वोष॑धयः॒ पुन॒रा भ॑वन्ति
Sentence: 2 प्रान्यानि॒ पात्रा॑णि यु॒ज्यन्ते॒ नान्यानि
Sentence: 3 यानि॑ परा॒चीना॑नि प्रयु॒ज्यन्ते॒ तान्यन्वा॑र॒ण्याः प॒शवो ऽर॑ण्य॒मप॑ यन्ति
Sentence: 4 यानि॒ पुनः॑ प्रयु॒ज्यन्ते॒ तान्यन्व्ग्रा॒म्याः प॒शवो॒ ग्राम॑मु॒पाव॑यन्ति
Sentence: 5 यो वै॒ ग्रहा॑णां नि॒दानं॒ वेद॑ नि॒दान॑वान्भवति ।
Sentence: 6 आज्य॒मित्यु॒क्थं तद्वै॒ ग्रहा॑णां नि॒दान॑म् ।
Sentence: 7 यदु॑पां॒शु शंस॑ति॒ तत् ॥
Verse: 3
Sentence: 1 उ॑पांश्वन्तर्या॒मयो॑स् ।
Sentence: 2 यदुच्चै॒स्तदित॑रेषां॒ ग्रहा॑णाम्
Sentence: 3 ए॒तद्वै॒ ग्रहा॑णां नि॒दान॑म् ।
Sentence: 4 य ए॒वं वेद॑ नि॒दान॑वान्भवति
Sentence: 5 यो वै॒ ग्रहा॑णाम्मिथु॒नं वेद॒ प्र प्र॒जया॑ प॒शुभि॑र्मिथुनैर्जायते
Sentence: 6 स्था॒लीभि॑र॒न्ये ग्रहा॑ गृ॒ह्यन्ते॑ वायव्यैर॒न्ये ।
Sentence: 7 ए॒तद्वै॒ ग्रहा॑णाम्मिथु॒नम् ।
Sentence: 8 य ए॒वं वेद॒ प्र प्र॒जया॑ प॒शुभि॑र्मिथुनैर्जायते ।
Sentence: 9 इन्द्र॒स्त्वष्टुः॒ सोम॑मभी॒षहा॑पिबत्
Sentence: 10 स विष्व॑ङ् ॥
Verse: 4
Sentence: 1 व्या॑र्छत्
Sentence: 2 स आ॒त्मन्ना॒रम॑णं॒ नावि॑न्दत्
Sentence: 3 स ए॒तान॑नुसव॒नम्पु॑रो॒डाशा॑नपश्यत्
Sentence: 4 तान्निर॑वपत्
Sentence: 5 तैर्वै॒ स आ॒त्मन्ना॒रम॑णमकुरुत
Sentence: 6 तस्मा॑दनुसव॒नम्पु॑रो॒डाशा॒ निरु॑प्यन्ते
Sentence: 7 तस्मा॑दनुसव॒नम्पु॑रो॒डाशा॑ना॒म्प्राश्नी॑यादा॒त्मन्ने॒वारम॑णं कुरुते नैनं॒ सोमो ऽति॑ पवते
Sentence: 8 ब्रह्मवा॒दिनो॑ वदन्ति
Sentence: 9 नर्चा न यजु॑षा प॒ङ्क्तिरा॑प्य॒ते ऽथ॒ किं य॒ज्ञस्य॑ पाङ्क्त॒त्वमिति
Sentence: 10 धा॒नाः क॑र॒म्भः प॑रिवा॒पः पु॑रो॒डाशः॑ पय॒स्या
Sentence: 11 तेन॑ प॒ङ्क्तिरा॑प्यते
Sentence: 12 तद्य॒ज्ञस्य॑ पाङ्क्त॒त्वम् ॥
Chapter: 6
Paragraph: 1
Verse: 1
Sentence: 1 सु॑व॒र्गाय॒ वा ए॒तानि॑ लो॒काय॑ हूयन्ते॒ यद्दा॑क्षि॒णानि
Sentence: 2 द्वाभ्यां॒ गार्ह॑पत्ये जुहोति
Sentence: 3 द्वि॒पाद्यज॑मानः
Sentence: 4 प्रति॑ष्ठित्यै ।
Sentence: 5 आग्नी॑ध्रे जुहोति ।
Sentence: 6 अ॒न्तरि॑क्ष ए॒वा क्र॑मते
Sentence: 7 सदो ऽभ्ऐति
Sentence: 8 सुव॒र्गमेवैनं लो॒कं ग॑मयति
Sentence: 9 सौ॒रीभ्या॑मृ॒ग्भ्यां गार्ह॑पत्ये जुहोति ।
Sentence: 10 अ॒मुमेवैनं लो॒कं स॒मारो॑हयति
Sentence: 11 नय॑वत्य॒र्चाग्नी॑ध्रे जुहोति
Sentence: 12 सुव॒र्गस्य॑ लो॒कस्या॒भिनी॑त्यै
Sentence: 13 दिवं॑ गछ॒ सुवः॑ प॒तेति॒ हिर॑ण्यम् ॥
Verse: 2
Sentence: 1 हु॒त्वोद्गृ॑ह्णाति
Sentence: 2 सुव॒र्गमे॑वैनं लो॒कङ्ग॑मयति
Sentence: 3 रू॒पेण॑ वो रू॒पमभ्ऐ॒मीत्या॑ह
Sentence: 4 रू॒पेण॒ ह्या॑सां रू॒पमभ्ऐति॒ यद्धिर॑ण्येन
Sentence: 5 तु॒थो वो॑ वि॒श्ववे॑दा॒ वि भ॑ज॒त्वित्या॑ह
Sentence: 6 तु॒थो ह॑ स्म वै वि॒श्ववे॑दा दे॒वानां॒ दक्षि॑णा॒ वि भ॑जति
Sentence: 7 तेनैवैना॒ वि भ॑जति ।
Sentence: 8 ए॒तत्ते॑ अग्ने॒ राधः॑ ॥
Verse: 3
Sentence: 1 अै॑ति॒ सोम॑च्युत॒मित्या॑ह
Sentence: 2 सोम॑च्युतं॒ ह्य॑स्य॒ राध ऐति
Sentence: 3 तन्मि॒त्रस्य॑ प॒था न॒येत्या॑ह
Sentence: 4 शान्त्यै॑ ।
Sentence: 5 ऋ॒तस्य॑ प॒था प्रेत॑ च॒न्द्रद॑क्षिणा॒ इत्या॑ह
Sentence: 6 स॒त्यं वा ऋ॒तम् ।
Sentence: 7 स॒त्येनैवैना ऋ॒तेन॒ वि भ॑जति
Sentence: 8 य॒ज्ञस्य॑ प॒था सु॑वि॒ता नय॑न्ती॒रित्या॑ह
Sentence: 9 य॒ज्ञस्य॒ ह्ये॒ताः प॒था यन्ति॒ यद्दक्षि॑णास् ।
Sentence: 10 ब्रा॑ह्म॒णम॒द्य रा॑ध्यासम् ॥
Verse: 4
Sentence: 1 ऋषि॑मार्षे॒यमित्या॑ह ।
Sentence: 2 ए॒ष वै॑ ब्राह्म॒ण ऋषि॑रार्षे॒यो यः शु॑श्रु॒वान्
Sentence: 3 तस्मा॑दे॒वमा॑ह
Sentence: 4 वि सुवः॒ पश्य॒ व्य॒न्तरि॑क्ष॒मित्या॑ह
Sentence: 5 सुव॒र्गमेवैनं लो॒कं ग॑मयति
Sentence: 6 यत॑स्व सदस्यै॒रित्या॑ह
Sentence: 7 मित्र॒त्वाय॑ ।
Sentence: 8 अ॒स्मद्दा॑त्रा देव॒त्रा ग॑छत॒ मधु॑मतीः॒ प्र दा॒तार॒मा वि॑श॒तेत्या॑ह
Sentence: 9 व॒यमि॒ह प्र॑दा॒तारः॒ स्मो॒ ऽस्मान॒मुत्र॒ मधु॑मती॒रा वि॑श॒तेति॑ ॥
Verse: 5
Sentence: 1 वावै॒तदा॑ह
Sentence: 2 हिर॑ण्यं ददाति
Sentence: 3 ओतिर्वै॒ हिर॑ण्यम् ।
Sentence: 4 ज्योति॑रे॒व पु॒रस्ता॑द्धत्ते
Sentence: 5 सुव॒र्गस्य॑ लो॒कस्यानु॑ख्यात्यै ।
Sentence: 6 अ॒ग्नीधे॑ ददाति ।
Sentence: 7 अ॒ग्निमु॑खाने॒वर्तून्प्री॑णाति
Sentence: 8 ब्र॒ह्मणे॑ ददाति
Sentence: 9 प्रसू॑त्यै
Sentence: 10 होत्रे॑ ददाति ।
Sentence: 11 आ॒त्मा वा ए॒ष य॒ज्ञस्य॒ यद्धोता॑ ।
Sentence: 12 आ॒त्मान॑मे॒व य॒ज्ञस्य॒ दक्षि॑णाभिः॒ सम॑र्धयति ॥
Paragraph: 2
Verse: 1
Sentence: 1 स॑मिष्टय॒जूंषि॑ जुहोति
Sentence: 2 य॒ज्ञस्य॒ समि॑ष्ट्यै
Sentence: 3 यद्वै॑ य॒ज्ञस्य॑ क्रू॒रं यद्विलि॑ष्टं॒ यद॒त्येति॒ यन्नात्येति॒ यद॑तिक॒रोति॒ यन्नापि॑ क॒रोति॒ तदे॒व तैः॑ प्रीणाति
Sentence: 4 नव॑ जुहोति
Sentence: 5 नव वै॒ पुरु॑षे प्रा॒णाः
Sentence: 6 पुरु॑षेण य॒ज्ञः सम्मि॑तस् ।
Sentence: 7 यावा॑ने॒व य॒ज्ञस्तम्प्री॑णाति
Sentence: 8 षडृग्मि॑याणि जुहोति
Sentence: 9 षड्वा ऋ॒तव॑स् ।
Sentence: 10 ऋ॒तूने॒व प्री॑णाति
Sentence: 11 त्रीणि॒ यजूं॑षि ॥
Verse: 2
Sentence: 1 त्रय॑ इ॒मे लो॒कास् ।
Sentence: 2 इ॒माने॒व लो॒कान्प्री॑णाति
Sentence: 3 यज्ञ॑ य॒ज्ञं ग॑छ य॒ज्ञप॑तिं ग॒छेत्या॑ह
Sentence: 4 य॒ज्ञप॑तिमेवैनं गमयति
Sentence: 5 स्वाम्योनिं॑ ग॒छेत्या॑ह
Sentence: 6 स्वामेवैनं॒ योनिं॑ गमयति ।
Sentence: 7 ष ते॑ य॒ज्ञो य॑ज्ञपते स॒हसू॑क्तवाकः सु॒वीर॒ इत्या॑ह
Sentence: 8 यज॑माम ए॒व वी॒र्यं॑ दधाति
Sentence: 9 वासि॒ष्ठो ह॑ सात्यह॒व्यो दे॑वभा॒गम्प॑प्रछ
Sentence: 10 यत्सृञ्ज॑यान्बहुया॒जिनो ऽयी॑यजो य॒ज्ञे ॥
Verse: 3
Sentence: 1 य॒ज्ञम्प्रत्य॑तिष्ठि॒पा३ य॒ज्ञप॒ता३विति
Sentence: 2 स हो॑वाच
Sentence: 3 य॒ज्ञप॑ता॒विति
Sentence: 4 स॒त्याद्वै॒ सृञ्ज॑याः॒ परा॑ बभूवु॒रिति॑ होवाच य॒ज्ञे वाव य॒ज्ञः प्र॑ति॒ष्ठाप्य॑ आसी॒द्यज॑मा
Sentence: 5 देवा॑ गातुविदो गा॒तुं वि॒त्त्वा गा॒तुमि॒तेत्या॑ह
Sentence: 6 य॒ज्ञ ए॒व य॒ज्ञम्प्रति॑ ष्ठापयति
Sentence: 7 यज॑मान॒स्याप॑राभावाय ॥
Paragraph: 3
Verse: 1
Sentence: 1 अ॑वभृथय॒जूंषि॑ जुहोति
Sentence: 2 यदे॒वार्वा॒चीन॒मेक॑हायना॒देनः॑ क॒रोति॒ तदे॒व तै॒रव॑ यजते ।
Sentence: 3 अ॒पो॑ ऽवभृ॒थमवै॑ति ।
Sentence: 4 अ॒प्सु वै॒ वरु॑णः
Sentence: 5 सा॒क्षादे॒व वरु॑ण॒मव॑ यजते
Sentence: 6 वर्त्म॑ना॒ वा अ॒न्वित्य॑ य॒ज्ञं रक्षां॑सि जिघांसन्ति
Sentence: 7 साम्ना॑ प्रस्तो॒तान्ववै॑ति
Sentence: 8 साम वै रक्षो॒हा
Sentence: 9 रक्ष॑सा॒मप॑हत्यै
Sentence: 10 त्रिर्नि॒धन॒मुपै॑ति
Sentence: 11 त्रय॑ इ॒मे लो॒कास् ।
Sentence: 12 ए॒भ्य ए॒व लो॒केभ्यो॒ रक्षां॑सि ॥
Verse: 2
Sentence: 1 अप॑ हन्ति
Sentence: 2 पुरु॑षःपुरुषो नि॒धन॒मुपै॑ति
Sentence: 3 पुरु॑षःपुरुषो॒ हि र॑क्ष॒स्वी
Sentence: 4 रक्ष॑सा॒मप॑हत्यै ।
Sentence: 5 उ॒रुं हि राजा॒ वरु॑णश्च॒कारेत्या॑ह
Sentence: 6 प्रति॑ष्ठित्यै
Sentence: 7 श॒तं ते॑ राजन्भि॒षजः॑ स॒हस्र॒मित्या॑ह
Sentence: 8 भेष॒जमे॒वास्मै॑ करोति ।
Sentence: 9 अ॒भिष्ठि॑तो॒ वरु॑णस्य॒ पाश॒ इत्या॑ह
Sentence: 10 वरुणपा॒शमे॒वाभि ति॑ष्ठति
Sentence: 11 ब॒र्हिर॒भि जु॑होति ।
Sentence: 12 आहु॑तीना॒म्प्रति॑ष्ठित्यै ।
Sentence: 13 अथो॑ अग्नि॒वत्ये॒व जु॑होति ।
Sentence: 14 अप॑बर्हिषः प्रया॒जान् ॥
Verse: 3
Sentence: 1 य॑जति
Sentence: 2 प्र॒जा वै॑ ब॒र्हिः
Sentence: 3 प्र॒जा ए॒व व॑रुणपा॒शान्मु॑ञ्चति ।
Sentence: 4 आज्य॑भागौ यजति
Sentence: 5 य॒ज्ञस्यै॒व चक्षु॑षी॒ नान्तरे॑ति
Sentence: 6 वरु॑णं यजति
Sentence: 7 वरुणपा॒शादेवैनम्मुञ्चति ।
Sentence: 8 अ॒ग्नीवरु॑णौ यजति
Sentence: 9 सा॒क्षादेवैनं वरुणपा॒शान्मु॑ञ्चति ।
Sentence: 10 अप॑बर्हिषावनूयजौ यजति
Sentence: 11 प्र॒जा वै॑ ब॒र्हिः
Sentence: 12 प्र॒जा ए॒व व॑रुणपा॒शान्मु॑ञ्चति
Sentence: 13 च॒तुरः॑ प्रया॒जान्य॑जति॒ द्वाव॑नूयाजौ
Sentence: 14 षट्सम्प॑द्यन्ते
Sentence: 15 षड्वा ऋ॒तवः॑ ॥
Verse: 4
Sentence: 1 ऋ॒तुष्वे॒व प्रति॑ तिष्ठति ।
Sentence: 2 अव॑भृथ निचङ्कु॒णेत्या॑ह
Sentence: 3 यथोदि॒तमे॒व वरु॑ण॒मव॑ यजते
Sentence: 4 समु॒द्रे ते॒ हृद॑यम॒प्स्व॒न्तरित्या॑ह
Sentence: 5 समु॒द्रेह्य॒न्तर्वरु॑णः
Sentence: 6 सं त्वा॑ विश॒न्त्वोष॑धीरु॒ताप॒ इत्या॑ह ।
Sentence: 7 अ॒द्भिरेवैन॒मोष॑धीभिः स॒म्यञ्चं॑ दधाति
Sentence: 8 देवी॑राप ए॒ष वो॒ गर्भ॒ इत्या॑ह
Sentence: 9 यथाय॒जुरेवै॒तत्
Sentence: 10 प॒शवो वै ॥
Verse: 5
Sentence: 1 सोम॑स् ।
Sentence: 2 यद्भि॑न्दू॒नाम्भ॒क्षये॑त्पशु॒मान्त्स्या॒द्वरु॑ण॒स्त्वे॑नं गृह्णीयात् ।
Sentence: 3 यन्न भ॒क्षये॑दप॒शुः स्यान्नैनं॒ वरु॑णो गृह्णीयात् ।
Sentence: 4 उ॑प॒स्पृश्य॑मे॒व प॑शु॒मान्भ॑वति नैनं॒ वरु॑णो गृह्णाति
Sentence: 5 प्रति॑युतो॒ वरु॑णस्य॒ पाश॒ इत्या॑ह
Sentence: 6 वरुणपा॒शादे॒व निर्मु॑च्यते ।
Sentence: 7 अप्र॑तीक्ष॒मा य॑न्ति॒ वरु॑णस्या॒न्तर्हि॑त्यै ।
Sentence: 8 एधो॑ ऽस्येधिषीम॒हीत्या॑ह
Sentence: 9 स॒मिधै॒वाग्निं न॑म॒स्यन्त॑ उ॒पाय॑न्ति
Sentence: 10 तेजो॑ ऽसि॒ तेजो॒ मयि॑ धे॒हीत्या॑ह
Sentence: 11 तेज॑ ए॒वात्मन्ध॑त्ते ॥
Paragraph: 4
Verse: 1
Sentence: 1 स्प्येन॒ वेदि॒मुद्ध॑न्ति रथा॒क्षेण॒ वि मि॑मीते॒ यूप॑म्मिनोति त्रि॒वृत॑मे॒व वज्रं॑ स॒म्भृत्य॒ भ्रातृ॑व्याय॒ प्र ह॑रति॒ स्तृत्यै
Sentence: 2 यद॑न्तर्वे॒दि मि॑नु॒याद्दे॑वलो॒कम॒भि ज॑ये॒द्यद्ब॑हिर्वे॒दि म॑नुष्यलो॒कं वे॑द्य॒न्तस्य॑ सन्धौ मिनोत्यु॒भयो॑र्लो॒कयो॑र॒भिजि॑त्यै ।
Sentence: 3 उप॑रसम्मिताम्मिनुयात्पितृलो॒कका॑मस्य रश॒नस॑म्मिताम्मनुष्यलो॒कका॑मस्य च॒षाल॑सम्मितामिन्�स्य॒ सर्वा॑न्त्स॒मान्प्र॑ति॒ष्ठाका॑मस्य॒ ये त्रयो॑ मध्य॒मास्तान्त्स॒मान्प॒शुका॑मस्यै॒तान्वै॑ ॥
Verse: 2
Sentence: 1 अनु॑ प॒शव॒ उप॑ तिष्ठन्ते पशु॒माने॒व भ॑वति
Sentence: 2 व्यति॑षजे॒दित॑रान्प्र॒जयैवैनम्प॒शुभि॒र्व्यति॑षजति
Sentence: 3 यं का॒मये॑त प्र॒मायु॑कः स्या॒दिति॑ गर्त॒मितं॒ तस्य॑ मिनुयादुत्तरा॒र्ध्यं॒ वर्षि॑ष्ठ॒मथ॒ ह्रसी॑यांसमे॒षा वै॑ गर्त॒मिद्यस्यै॒वम्मि॒नोति॑ ता॒जक्प्र मी॑यते
Sentence: 4 दक्षिणा॒र्ध्यं॒ वर्षि॑ष्ठम्मिनुयात्सुव॒र्गका॑म॒स्याथ॒ ह्रसी॑यांसमा॒क्रम॑णमे॒व तत्सेतुं॒ यज॑मानः कुरुते सुव॒र्गस्य॑ लो॒कस्य॒ सम॑ष्ट्यै ॥
Verse: 3
Sentence: 1 यदेक॑स्मि॒न्यूपे॒ द्वे र॑श॒ने प॑रि॒व्यय॑ति॒ तस्मा॒देको॒ द्वे जा॒ये वि॑न्दते॒ यन्नै॑कां रश॒नां द्वयो॒र्यूप॑योः परि॒व्यय॑ति॒ तस्मान्नैका द्वौ॒ पती॑ विन्दते
Sentence: 2 यं का॒मये॑त॒ स्त्र्य॑स्य जाये॒तेत्यु॑पा॒न्ते तस्य॒ व्यति॑षजे॒त्स्त्र्ये॒वास्य॑ जायते
Sentence: 3 यं का॒मये॑त॒ पुमा॑नस्य जाये॒तेत्या॒न्तं तस्य॒ प्र वे॑ष्टये॒त्पुमा॑ने॒वास्य॑ ॥
Verse: 4
Sentence: 1 जा॑यते ।
Sentence: 2 असु॑रा वै दे॒वान्द॑क्षिण॒त उपा॑नय॒न्तान्दे॒वा उ॑पश॒येनै॒वापा॑नुदन्त॒ तदु॑पश॒यस्यो॑पशय॒त्वं यद्द॑क्षिण॒त उ॑पश॒य उ॑प॒शये॒ भ्रातृ॑व्यापनुत्त्यै
Sentence: 3 सर्वे॒ वा अ॒न्ये यूपाः॑ पशु॒मन्तो ऽथो॑पश॒य ए॒वाप॒शुस्तस्य॒ यज॑मानः प॒शुर्यन्न नि॑र्दि॒शेदारनो ऽसौ ते प॒शुरिति॒ निर्दि॑शे॒द्यं द्वि॒ष्याद्यमे॒व ॥
Verse: 5
Sentence: 1 द्वेष्टि॒ तम॑स्मै प॒शुं निर्दि॑शति
Sentence: 2 यदि॒ न द्वि॒ष्यादा॒खुस्ते॑ प॒शुरिति॑ ब्रूया॒न्न ग्रा॒म्यान्प॒शून्हि॒नस्ति॒ नार॒ण्यान्
Sentence: 3 प्र॒जाप॑तिः प्र॒जा अ॑सृजत॒ सो॒ ऽन्नाद्ये॑न॒ व्या॑र्ध्यत॒ स ए॒तामे॑काद॒शिनी॑मपश्य॒त्तया वै॒ सो॒ ऽन्नाद्य॒मवा॑रुन्द्ध॒ यद्दश॒ यूपा॒ भव॑न्ति॒ दशा॑क्षरा वि॒राडन्नं॑ वि॒राड्वि॒राजैव॑ रुन्द्धे ॥
Verse: 6
Sentence: 1 य ए॑काद॒श स्तन॑ ए॒वास्यै॒ स दु॒ह एवैनां॒ तेन
Sentence: 2 वज्रो॒ वा ए॒षा सम्मी॑यते॒ यदे॑काद॒शिनी॒ सेश्व॒रा पु॒रस्ता॑त्प्र॒त्यञ्चं॑ य॒ज्ञं सम्म॑र्दित�ति॑ य॒ज्ञस्य॒ प्रत्युत्त॑ब्ध्यै सय॒त्वाय॑ ॥
Paragraph: 5
Verse: 1
Sentence: 1 प्र॒जाप॑तिः प्र॒जा अ॑सृजत॒ स रि॑रिचा॒नो॑ ऽमन्यत॒ स ए॒तामे॑काद॒शिनी॑मपश्य॒त्तया वै॒ स आयु॑रिन्द्रि॒यं वी॒र्य॑मा॒त्मन्न॑धत्त प्र॒जा इ॑व॒ खलु॒ वा ए॒ष सृ॑जते॒ यो यज॑ते॒ स ए॒तर्हि॑ रिरिचा॒न इ॑व॒ यदेषैकाद॒शिनी॒ भव॒त्यायु॑रे॒व तये॑न्द्रि॒यं वी॒र्यं॒ यज॑मान॒ अत्मन्ध॑त्ते
Sentence: 2 प्रै॒वाग्ने॒येन॑ वापयति मिथु॒नं सा॑रस्व॒त्या क॑रोति॒ रेतः॑ ॥
Verse: 2
Sentence: 1 सौ॑म्येन दधाति॒ प्र ज॑नयति पौ॒ष्णेन॑ बार्हस्प॒त्यो भ॑वति॒ ब्रह्म वै दे॒वाना॒म्बृह॒स्पति॒र्बस्मै॑ प्र॒जाः प्र ज॑नयति वैश्वदे॒वो भ॑वति वैश्वदे॒व्यो वै प्र॒जाः प्र॒जा ए॒वास्मै॒ प्र ज॑नयतीन्द्रि॒यमेवै॒न्द्रेणाव॑रुन्द्धे॒ विश॑म्मारु॒तेनौ॑जो॒ बल॑ऐन्द्रा॒ग्नेन॑ प्रस॒वाय॑ सावि॒त्रो नि॑र्वरुण॒त्वाय॑ वारु॒णस् ।
Sentence: 2 म॑ध्य॒त ऐ॒न्द्रमा ल॑भते मध्य॒त ए॒वेन्द्रि॒यं यज॑माने दधाति ॥
Verse: 3
Sentence: 1 पु॒रस्ता॑ऐ॒न्द्रस्य॑ वैश्वदे॒वमाल॑भते वैश्वदे॒वं वा अन्न॒मन्न॑मे॒व पु॒रस्ता॑द्धत्ते॒ तस्मा॑त्पु॒रस्ता॒दन्न॑मद्यत ऐ॒न्द्रमा॒लभ्य॑ मारु॒तमा ल॑भते॒ विड्वै॑ म॒रुतो॒ विश॑मे॒�स्मा॒ अनु॑ बध्नाति
Sentence: 2 यदि॑ का॒मये॑त॒ यो ऽव॑गतः॒ सो ऽप॑ रुध्यतां॒ यो ऽप॑रुद्धः॒ सो ऽव॑ गछ॒त्वित्ऐ॒न्द्रस्य॑ लो॒के वा॑रु॒णमा ल॑भेत वारु॒णस्य॑ लो॒क ऐ॒न्द्रम् ॥
Verse: 4
Sentence: 1 य ए॒वाव॑गतः॒ सो ऽप॑ रुध्यते॒ यो ऽप॑रुद्धः॒ सो ऽव॑ गछति
Sentence: 2 यदि॑ का॒मये॑त प्र॒जा मु॑ह्येयु॒रिति॑ प॒शून्व्यति॑षजेत्प्र॒जा ए॒व मो॑हयति
Sentence: 3 यद॑भिवाह॒तो॒ ऽपां वा॑रु॒णमा॒लभे॑त प्र॒जा वरु॑णो गृह्णीयाद्दक्षिण॒त उ॒दञ्च॒मा ल॑भते ऽपवाह॒तो॒ ऽपाम्प्र॒जाना॒मव॑रुणग्राहाय ॥
Paragraph: 6
Verse: 1
Sentence: 1 इन्द्रः॒ पत्नि॑या॒ मनु॑मयाजय॒त्ताम्पर्य॑ग्निकृता॒मुद॑सृज॒त्तया॒ मनु॑रार्ध्नो॒द्यत्पर्य॑ति॒ यामे॒व मनु॒रृद्धि॒मार्ध्नो॒त्तामे॒व यज॑मान ऋध्नोति
Sentence: 2 य॒ज्ञस्य॒ वा अप्र॑तिष्ठिताद्य॒ज्ञः परा॑ भवति य॒ज्ञम्प॑रा॒भव॑न्तं॒ यज॑मा॒नो ऽनु॒ परा॑ भवति॒ यदाज्ये॑ण पात्नीव॒तं सं॑स्था॒पय॑ति य॒ज्ञस्य॒ प्रति॑ष्ठित्यै य॒ज्ञम्प्र॑ति॒तिष्ठ॑न्तं॒ यज॑मा॒नो ऽनु॒ प्रति॑ तिष्ठति ।
Sentence: 3 इ॒ष्टं व॒पया॑ ॥
Verse: 2
Sentence: 1 भव॑ति॒ अनि॑ष्टं व॒शयाथ॑ पात्नीव॒तेन॒ प्र च॑रति ती॒र्थ ए॒व प्र च॑र॒त्यथो॑ ए॒तर्ह्ये॒वास्य॒ याम॑स्
Sentence: 2 त्वा॒ष्ट्रो भ॑वति॒ त्वष्टा वै॒ रेत॑सः सि॒क्तस्य॑ रू॒पाणि॒ वि क॑रोति॒ तमे॒व वृषा॑ण॒म्पत्नी॒ष�पि॑ सृजति॒ सो॑ ऽस्मै रू॒पाणि॒ वि क॑रोति ॥
Paragraph: 7
Verse: 1
Sentence: 1 घ्नन॑ति॒ वा ए॒तत्सोमं॒ यद॑भिषु॒ण्वन्ति
Sentence: 2 यत्सौ॒म्यो भव॑ति॒ यथा॑ मृ॒ताया॑नु॒स्तर॑णीं॒ घ्नन्ति॑ ता॒दृगे॒व तत् ।
Sentence: 3 यदु॑त्तरा॒र्धे वा॒ मध्ये॑ वा जुहु॒यात्दे॒वता॑भ्यः स॒मदं॑ दध्याद्दक्षिणा॒र्धे जु॑होत्ये॒षा वै॑ पितृ॒णां दिक्स्वाया॑मे॒व दि॒शि पि॒तॄन्नि॒रव॑दयते ।
Sentence: 4 उ॑द्गा॒तृभ्यो॑ हरन्ति सामदव॒त्यो वै सौ॒म्यो यदे॒व साम्न॑श्छम्बट्कु॒र्वन्ति॒ तस्यै॒व स शान्ति॑स् ।
Sentence: 5 अव॑ ॥
Verse: 2
Sentence: 1 ई॑क्षन्ते प॒वित्रं वै सौ॒म्य आ॒त्मान॑मे॒व प॑वयन्ते
Sentence: 2 य आ॒त्मानं॒ न प॑रि॒पश्ये॑दि॒तासुः॑ स्यादभिद॒दिं कृ॒त्वावे॑क्षेत॒ तस्मि॒न्ह्या॒त्मान॑म्परिथो॑ आ॒त्मान॑मे॒व प॑वयते
Sentence: 3 यो ग॒तम॑नाः॒ स्यात्सो ऽवे॑क्षेत॒ यन्मे॒ मनः॒ परा॑गतं॒ यद्वा॑ मे॒ अप॑रागतम् । राज्ञा॒ सोमे॑न॒ तद्व॒यम॒स्मासु॑ धारयाम॒सीति॒ मन॑ ए॒वात्मन्दा॑धार ॥
Verse: 3
Sentence: 1 न ग॒तम॑ना भवति ।
Sentence: 2 अप वै तृतीयसव॒ने य॒ज्ञः क्रा॑मतीजा॒नादनी॑जानम॒भ्या॑ग्नावैष्ण॒व्यर्चा घृ॒तस्य॑ यजत्य॒ग्निः सर्वा॑ दे॒वता॒ विष्णु॑र्य॒ज्ञो दे॒वता॑श्चै॒व य॒ज्ञं च॑ दाधार ।
Sentence: 3 उ॑पां॒शु य॑जति मिथुन॒त्वाय
Sentence: 4 ब्रह्मवा॒दिनो॑ वदन्ति मि॒त्रो य॒ज्ञस्य॒ स्वि॑ष्टं युवते॒ वरु॑णो॒ दुरि॑ष्टं॒ क्व॒ तर्हि॑ य॒ज्ञः क्व॒ यज॑मानो भव॒तीति॒ यन्मै॑त्रावरु॒णीं व॒शामा॒लभ॑ते मि॒त्रेणै॒व ॥
Verse: 4
Sentence: 1 य॒ज्ञस्य॒ स्वि॑ष्टं शमयति॒ वरु॑णेन॒ दुरि॑ष्टं॒ नार्ति॒मार्छ॑ति॒ यज॑मानस् ।
Sentence: 2 यथा वै॒ लाङ्ग॑लेनो॒ ऽर्वरा॑म्प्रभि॒न्दन्त्ये॒वमृ॑क्सा॒मे य॒ज्ञम्प्र भि॑न्त्तो॒ यन्मै॑त्रा॒णीं व॒शामा॒लभ॑ते य॒ज्ञायै॒व प्रभि॑न्नाय म॒त्य॑म॒न्ववा॑स्यति॒ शान्त्यै
Sentence: 3 या॒तया॑मानि॒ वा ए॒तस्य॒ छन्दां॑सि॒ य ई॑जा॒नश्छन्द॑सामे॒ष रसो॒ यद्व॒शा यन्मै॑त्रावरु॒णीं व॒शामा॒लभ॑ते॒ छन्दां॑स्ये॒व पुन॒रा प्री॑णा॒त्यया॑तयामत्वा॒याथो॒ छन्दः॑स्वे॒व रसं॑ दधाति ॥
Paragraph: 8
Verse: 1
Sentence: 1 दे॒वा वा इ॑न्द्रि॒यं वी॒र्यं॒ व्य॑भजन्त
Sentence: 2 ततो॒ यद॒त्यशि॑ष्यत॒ तद॑तिग्रा॒ह्या॑ अभवन्
Sentence: 3 तद॑तिग्रा॒ह्या॑णामतिग्राह्य॒त्वम् ।
Sentence: 4 यद॑तिग्रा॒ह्या॑ गृ॒ह्यन्त॑ इन्द्रि॒यमे॒व तद्वी॒र्यं॒ यज॑मान आ॒त्मन्ध॑त्ते
Sentence: 5 तेज॑ आग्ने॒येने॑न्द्रि॒यऐ॒न्द्रेण॑ ब्रह्मवर्च॒सं सौ॒र्येण॑ ।
Sentence: 6 उ॑प॒स्तम्भ॑नं॒ वा ए॒तद्य॒ज्ञस्य॒ यद॑तिग्रा॒ह्या॑श्च॒क्रे पृ॒ष्ठानि
Sentence: 7 यत्पृष्ठ्ये॒ न गृ॑ह्णी॒यात्प्राञ्चं॑ य॒ज्ञम्पृ॒ष्ठानि॒ सं शृ॑णीयुस् ।
Sentence: 8 यदु॒क्थ्ये॑ ॥
Verse: 2
Sentence: 1 गृ॑ह्णी॒यात्प्र॒त्यञ्चं॑ य॒ज्ञम॑तिग्रा॒ह्याः॒ सं शृ॑णीयुस् ।
Sentence: 2 वि॑श्व॒जिति॒ सर्व॑पृष्ठे ग्रहीत॒व्या॑ य॒ज्ञस्य॑ सवीर्य॒त्वाय
Sentence: 3 प्र॒जाप॑तिर्दे॒वेभ्यो॑ य॒ज्ञान्व्यादि॑शत्
Sentence: 4 स प्रि॒यास्त॒नूरप॒ न्य॑धत्त
Sentence: 5 तद॑तिग्रा॒ह्या॑ अभवन्
Sentence: 6 वित॑नु॒स्तस्य॑ य॒ज्ञ इत्या॑हु॒र्यस्या॑तिग्रा॒ह्या॒ न गृ॒ह्यन्त॒ इति॑ ।
Sentence: 7 अप्य॑ग्निष्टो॒मे ग्रा॑हीत॒व्या॑ य॒ज्ञस्य॑ सतनु॒त्वाय
Sentence: 8 दे॒वता वै॒ सर्वाः॑ स॒दृशी॑रासन्
Sentence: 9 ता न व्या॒वृत॑मगछन्
Sentence: 10 ते दे॒वाः ॥
Verse: 3
Sentence: 1 ए॒त ए॒तान्ग्रहा॑नपश्यन्
Sentence: 2 तान॑गृह्णत ।
Sentence: 3 आग्ने॒यम॒ग्निऐ॒न्द्रमिन्द्रः॑ सौ॒र्यं सूर्य॑स्
Sentence: 4 ततो वै॒ ते॒ ऽन्याभि॑र्दे॒वता॑भिर्व्या॒वृत॑मगछन्
Sentence: 5 यस्यै॒वं वि॒दुष॑ ए॒ते ग्रहा॑ गृ॒ह्यन्ते॑ व्या॒वृत॑मे॒व पा॒प्मना॒ भ्रातृ॑व्येण गछति ।
Sentence: 6 इ॒मे लो॒का ज्योति॑ष्मन्तः स॒माव॑द्वीर्याः का॒र्या॒ इत्या॑हुस् ।
Sentence: 7 आ॑ग्ने॒येना॒स्मिँ लो॒के ज्योति॑र्धत्त ऐ॒न्द्रेणा॒न्तरि॑क्षे ।
Sentence: 8 इ॑न्द्रवा॒यू हि स॒युजौ
Sentence: 9 सौ॒र्येणा॒मुष्मिँ॑ लो॒के ॥
Verse: 4
Sentence: 1 ज्योति॑र्धत्ते
Sentence: 2 ज्योति॑ष्मन्तो ऽस्मा इ॒मे लो॒का भ॑वन्ति स॒माव॑द्वीर्यानेनान्कुरुते ।
Sentence: 3 ए॒तान्वै॒ ग्रहा॑न्ब॒म्बावि॒श्वव॑यसाववित्ताम् ।
Sentence: 4 ताभ्या॑मि॒मे लो॒काः परा॑ञ्चश्चा॒र्वाञ्च॑श्च॒ प्राभु॑स् ।
Sentence: 5 यस्यै॒वं वि॒दुष॑ ए॒ते ग्रहा॑ गृ॒ह्यन्ते॒ प्रास्मा॑ इ॒मे लो॒काः परा॑ञ्चश्चा॒र्वाञ्च॑श्च भान्ति ॥
Paragraph: 9
Verse: 1
Sentence: 1 दे॒वा वै॒ यद्य॒ज्ञे ऽकु॑र्वत॒ तदसु॑रा अकुर्वत
Sentence: 2 ते दे॒वा अदा॑भ्ये॒ छन्दां॑सि॒ सव॑नानि॒ सम॑स्थापयन्
Sentence: 3 ततो॑ दे॒वा अभ॑व॒न्परासु॑रास् ।
Sentence: 4 यस्यै॒वं वि॒दुषो ऽदा॑भ्यो गृ॒ह्यते॒ भव॑त्या॒त्मना॒ परा॑स्य॒ भ्रातृ॑व्यो भवति
Sentence: 5 यद्वै॑ दे॒वा असु॑रा॒नदा॑भ्ये॒नाद॑भ्नुव॒न्तददा॑भ्यस्यादाभ्य॒त्वम् ।
Sentence: 6 य ए॒वं वेद॑ द॒भ्नोत्ये॒व भ्रातृ॑व्यं नैन॒म्भ्रातृ॑व्यो दभ्नोति ॥
Verse: 2
Sentence: 1 ए॒षा वै॑ प्र॒जाप॑तेरतिमो॒क्षिणी॒ नाम॑ त॒नूर्यददा॑भ्यस् ।
Sentence: 2 उप॑नद्धस्य गृह्णा॒त्यति॑मुक्त्यै ।
Sentence: 3 अति॑ पा॒प्मान॒म्भ्रातृ॑व्यम्मुच्यते॒ य ए॒वं वेद
Sentence: 4 घ्नन्ति॒ वा ए॒तत्सोमं॒ यद॑भिषु॒ण्वन्ति
Sentence: 5 सोमे॑ ह॒न्यमा॑ने य॒ज्ञो ह॑न्यते य॒ज्ञे यज॑मानस् ।
Sentence: 6 ब्र॑ह्मवा॒दिनो॑ वदन्ति
Sentence: 7 किं तद्य॒ज्ञे यज॑मानः कुरुते॒ येन॒ जीव॑न्त्सुव॒र्गं लो॒कमे॒तीति
Sentence: 8 जीवग॒हो वा ए॒ष यददा॑भ्यस् ।
Sentence: 9 अन॑भिषुतस्य गृह्णाति
Sentence: 10 जीव॑न्तमेवैनं सुव॒र्गं लो॒कं ग॑मयति
Sentence: 11 वि वा ए॒तद्य॒ज्ञं छि॑न्दन्ति॒ यददा॑भ्ये संस्था॒पय॑न्ति ।
Sentence: 12 अं॒शूनपि॑ सृजति य॒ज्ञस्य॒ सन्त॑त्यै ॥
Paragraph: 10
Verse: 1
Sentence: 1 दे॒वा वै॑ प्र॒बाहु॒ग्ग्रहा॑नगृह्णत
Sentence: 2 स ए॒तम्प्र॒जाप॑तिरं॒शुम॑पश्यत्
Sentence: 3 तम॑गृह्णीत
Sentence: 4 तेन वै॒ स आ॑र्ध्नोत् ।
Sentence: 5 यस्यै॒वं वि॒दुषो॑ ऽं॒शुर्गृ॒ह्यत॑ ऋ॒ध्नोत्ये॒व
Sentence: 6 स॒कृद॑भिषुतस्य गृह्णाति
Sentence: 7 स॒कृद्धि स तेनार्ध्नो॑त् ।
Sentence: 8 मन॑सा गृह्णाति
Sentence: 9 मन॑ इव॒ हि प्र॒जाप॑तिः
Sentence: 10 प्र॒जाप॑ते॒राप्त्यै॑ ।
Sentence: 11 अौ॑दुम्बरेण गृह्णाति ।
Sentence: 12 ऊर्ग्वा उ॑दु॒म्बर॑स् ।
Sentence: 13 ऊर्ज॑मे॒वाव॑ रुन्द्धे
Sentence: 14 चतुः॑स्रक्ति भवति
Sentence: 15 दि॒क्षु ॥
Verse: 2
Sentence: 1 ए॒व प्रति॑ तिष्ठति
Sentence: 2 यो वा अं॑शोरा॒यत॑नं॒ वेदा॒यत॑नवान्भवति
Sentence: 3 वामदे॒व्यमिति॒ साम॒ तद्वा अ॑स्या॒यत॑न॒म्मन॑सा॒ गाय॑मानो गृह्णाति ।
Sentence: 4 आ॒यत॑नवाने॒व भ॑वति
Sentence: 5 यद॑ध्व॒र्युरं॒शुं गृ॒ह्णन्नार्धये॑दु॒भाभ्यां॒ नर्ध्ये॑ताध्व॒र्यवे॑ च॒ यज॑मानाय च
Sentence: 6 यद॒र्धये॑दु॒भाभ्या॑मृध्येत ।
Sentence: 7 अन॑वानं गृह्णाति सै॒वास्यर्द्धि॑स् ।
Sentence: 8 हिर॑ण्यम॒भि व्य॑निति ।
Sentence: 9 अ॒मृतं वै॒ हिर॑ण्य॒मायुः॑ प्रा॒ण आयु॑षै॒वामृत॑म॒भि धि॑नोति
Sentence: 10 श॒तमा॑नम्भवति
Sentence: 11 श॒तायुः॒ पुरु॑षः श॒तेन्द्रि॑यस् ।
Sentence: 12 आयु॑ष्ये॒वेन्द्रि॒ये प्रति॑ तिष्ठति ॥
Paragraph: 11
Verse: 1
Sentence: 1 प्र॒जाप॑तिर्दे॒वेभ्यो॑ य॒ज्ञान्व्यादि॑शत्
Sentence: 2 स रि॑रिचा॒नो॑ ऽमन्यत
Sentence: 3 स य॒ज्ञानां॑ षोडश॒धेन्द्रि॒यं वी॒र्य॑मा॒त्मान॑म॒भि सम॑क्खिदत्
Sentence: 4 तत्षो॑ड॒श्य॑भवत्
Sentence: 5 न वै॑ षोड॒शी नाम॑ य॒ज्ञो॑ ऽस्ति
Sentence: 6 यद्वाव षो॑ड॒शं स्तो॒त्रं षो॑ड॒शं श॒स्त्रं तेन॑ षोड॒शी
Sentence: 7 तत्षो॑ड॒शिनः॑ षोडशि॒त्वम् ।
Sentence: 8 यत्षो॑ड॒शी गृ॒ह्यत॑ इन्द्रि॒यमे॒व तद्वी॒र्यं॒ यज॑मान आ॒त्मन्ध॑त्ते
Sentence: 9 दे॒वेभ्यो वै सुव॒र्गो लो॒कः ॥
Verse: 2
Sentence: 1 न प्राभ॑वत्
Sentence: 2 त ए॒तं षो॑ड॒शिन॑मपश्यन्
Sentence: 3 तम॑गृह्णत
Sentence: 4 ततो वै॒ तेभ्यः॑ सुव॒र्गो लो॒कः प्राभ॑वत् ।
Sentence: 5 यत्षो॑ड॒शी गृ॒ह्यते॑ सुव॒र्गस्य॑ लो॒कस्या॒भिजि॑त्यै ।
Sentence: 6 इन्द्रो वै दे॒वाना॑मानुजाव॒र आ॑सीत्
Sentence: 7 स प्र॒जाप॑ति॒मुपा॑धावत्
Sentence: 8 तस्मा॑ ए॒तं षो॑ड॒शिन॒म्प्राय॑छत्
Sentence: 9 तम॑गृह्णीत
Sentence: 10 ततो वै॒ सो ऽग्रं॑ दे॒वता॑ना॒म्पर्ऐ॑त् ।
Sentence: 11 यस्यै॒वं वि॒दुषः॑ षोड॒शी गृ॒ह्यते॑ ॥
Verse: 3
Sentence: 1 अग्र॑मे॒व स॑मा॒नाना॒म्पर्ये॑ति
Sentence: 2 प्रातःसव॒ने गृ॑ह्णाति
Sentence: 3 वज्रो वै षोड॒शी
Sentence: 4 वज्रः॑ प्रातःसव॒नम् ।
Sentence: 5 स्वादेवैनं॒ योने॒र्नि गृ॑ह्णाति
Sentence: 6 सव॑नेसवने॒ ऽभि गृ॑ह्णाति
Sentence: 7 सव॑नात्सवनादेवैन॒म्प्र ज॑नयति
Sentence: 8 तृतीयसव॒ने प॒शुका॑मस्य गृह्णीयात् ।
Sentence: 9 वज्रो वै षोड॒शी प॒शव॑स्तृतीयसव॒नम् ।
Sentence: 10 वज्रे॑णै॒वास्मै॑ तृतीयसव॒नात्प॒शूनव॑ रुन्द्धे
Sentence: 11 नोक्थ्ये॑ गृह्णीयात्
Sentence: 12 प्र॒जा वै॑ प॒शव॑ उ॒क्थानि
Sentence: 13 यदु॒क्थ्ये॑ ॥
Verse: 4
Sentence: 1 गृ॑ह्णी॒यात्प्र॒जाम्प॒शून॑स्य॒ निर्द॑हेत् ।
Sentence: 2 अ॑तिरा॒त्रे प॒शुका॑मस्य गृह्णीयात् ।
Sentence: 3 वज्रो वै षोड॒शी
Sentence: 4 वज्रे॑णै॒वास्मै॑ प॒शून॑व॒रुध्य॒ रात्रि॑यो॒परि॑ष्टाच्छमयति ।
Sentence: 5 अप्य॑ग्निष्टो॒मे रा॑ज॒न्य॑स्य गृह्णीयत् ।
Sentence: 6 व्या॒वृत्का॑मो॒ हि रा॑ज॒न्यो॒ यज॑ते
Sentence: 7 सा॒ह्न ए॒वास्मै॒ वज्रं॑ गृह्णाति
Sentence: 8 स ए॑नं॒ वज्रो॒ भूत्या॑ इन्द्धे॒ निर्वा॑ दहति ।
Sentence: 9 ए॑कविं॒शं स्तो॒त्रम्भ॑वति॒ प्रति॑ष्ठित्यै
Sentence: 10 हरि॑वच्छस्यते ।
Sentence: 11 इन्द्र॑स्य प्रि॒यं धाम॑ ॥
Verse: 5
Sentence: 1 उपा॑प्नोति
Sentence: 2 कनी॑यांसि वै दे॒वेषु॒ छन्दां॒स्यास॒ञ्ज्यायां॒स्यसु॑रेषु
Sentence: 3 ते दे॒वाः कनी॑यसा॒ छन्द॑सा॒ ज्याय॒श्छन्दो॒ ऽभि व्य॑शंसन्
Sentence: 4 ततो वै॒ ते ऽसु॑राणां लो॒कम॑वृञ्जत
Sentence: 5 यत्कनी॑यसा॒ छन्द॑सा॒ ज्याय॒श्छन्दो॒ ऽभि वि॒शंस॑ति॒ भ्रातृ॑व्यस्यै॒व तल्लो॒कं वृ॑ङ्क्ते
Sentence: 6 षड॒क्षरा॒ण्यति॑ रेचयन्ति
Sentence: 7 षड्वा ऋ॒तव॑स् ।
Sentence: 8 ऋ॒तूने॒व प्री॑णाति
Sentence: 9 च॒त्वारि॒ पूर्वा॒ण्यव॑ कल्पयन्ति ॥
Verse: 6
Sentence: 1 चतु॑ष्पद ए॒व प॒शूनव॑ रुन्द्धे॒ द्वे उत्त॑रे द्वि॒पद॑ ए॒वाव॑ रुन्द्धे ।
Sentence: 2 अ॑नु॒ष्टुभ॑म॒भि सम्पा॑दयन्ति
Sentence: 3 वाग्वा अनु॒ष्टुप्^नु॒ष्टुभ्
Sentence: 4 तस्मा॑त्प्रा॒णानां॒ वागु॑त्त॒मा
Sentence: 5 स॑मयाविषि॒ते सूर्ये॑ षोड॒शिन॑ स्तो॒त्रमु॒पाक॑रोति ।
Sentence: 6 ए॒तस्मिन्वै लो॒क इन्द्रो॑ वृ॒त्रम॑हन् ।
Sentence: 7 सा॒क्षादे॒व वज्र॒म्भ्रातृ॑व्याय॒ प्र ह॑रति ।
Sentence: 8 अ॑रुणपिशं॒गो ऽश्वो॒ दक्षि॑णा ।
Sentence: 9 तद्वै॒ वज्र॑स्य रू॒पम् ।
Sentence: 10 समृ॑द्ध्यै ॥
Book: 7
Chapter: 1
Paragraph: 1
Verse: 1
Sentence: 1 प्र॒जन॑नं॒ ज्योति॑र॒ग्निर्दे॒वता॑नां॒ ज्योति॑र्वि॒राट्छन्द॑सां॒ जोति॑स् ।
Sentence: 2 वि॒राड्वा॒चो ऽग्नौ॒ सं ति॑ष्ठते
Sentence: 3 वि॒राज॑म॒भि सम्प॑द्यते
Sentence: 4 तस्मा॒त्तज्ज्योति॑रुच्यते
Sentence: 5 द्वौ॒ स्तोमौ॑ प्रातःसव॒नं व॑हतो॒ यथा॑ प्रा॒णश्चा॑पा॒नश्च
Sentence: 6 द्वौ॒ माध्यं॑दिनं॒ सव॑नं॒ यथा॒ चक्षु॑श्च॒ श्रोत्रं॑ च
Sentence: 7 द्वौ तृतीयसव॒नं यथा॒ वाक्च॑ प्रति॒ष्ठा च
Sentence: 8 पुरु॑षसम्मितो॒ वा ए॒ष य॒ज्ञो ऽस्थू॑रिः ॥
Verse: 2
Sentence: 1 यं कामं॑ का॒मय॑ते॒ तमे॒तेना॒भ्य॑श्नुते
Sentence: 2 सर्वं॒ ह्यस्थु॑रिणाभ्यश्नु॒ते ।
Sentence: 3 अ॑ग्निष्टो॒मेन वै प्र॒जाप॑तिः प्र॒जा अ॑सृजत
Sentence: 4 ता अ॑ग्निष्टो॒मेनै॒व पर्य॑गृह्णात्
Sentence: 5 तासा॒म्परि॑गृहीतानामश्वत॒रो ऽत्य॑प्रवत
Sentence: 6 तस्या॑नु॒हाय॒ रेत॒ आद॑त्त
Sentence: 7 तद्ग॑र्द॒भे न्य्मार्ट्^मार्ज्
Sentence: 8 तासा॒म्परि॑गृहीतानामश्वत॒रो ऽत्य॑प्रवत
Sentence: 9 तस्या॑नु॒हाय॒ रेत॒ आद॑त्त
Sentence: 10 तद्ग॑र्द॒भे न्य्मार्ट्^मार्ज्
Sentence: 11 तस्मा॑द्गर्द॒भो द्वि॒रेता॑स् ।
Sentence: 12 अथो॑ आहुस् ।
Sentence: 13 वड॑बायां॒ न्य॑मा॒र्डिति
Sentence: 14 तस्मा॒द्वड॑बा द्वि॒रेता॑स् ।
Sentence: 15 अथो॑ आहुस् ।
Sentence: 16 ओष॑धीषु ॥
Verse: 3
Sentence: 1 न्य॑मा॒र्डिति
Sentence: 2 तस्मा॒दोष॑ध॒यो ऽन॑भ्यक्ता रेभन्ति ।
Sentence: 3 अथो॑ आहुः
Sentence: 4 प्र॒जासु॒ न्य॑मा॒र्डिति
Sentence: 5 तस्मा॑द्यमौ जायेते
Sentence: 6 तस्मा॑दश्वत॒रो न प्र जा॑यत॒ आत्त॑रेता॒ हि
Sentence: 7 तस्मा॑द्ब॒र्हिष्यन॑वक्ळ्प्तः
Sentence: 8 सर्ववेद॒से वा॑ स॒हस्रे॒ वाव॒क्ळ्प्तस् ।
Sentence: 9 अति॒ ह्यप्र॑वत
Sentence: 10 य ए॒वं वि॒द्वान॑ग्निष्टो॒मेन॒ यज॑ते॒ प्राजा॑ताः प्र॒जा ज॒नय॑ति॒ परि॒ प्रजा॑ता गृह्णाति
Sentence: 11 तस्मा॑दाहुस् ।
Sentence: 12 ज्ये॑ष्ठय॒ज्ञ इति॑ ॥
Verse: 4
Sentence: 1 प्र॒जाप॑ति॒र्वाव ज्येष्ठः
Sentence: 2 स ह्ये॒तेनाग्रे ऽय॑जत
Sentence: 3 प्र॒जाप॑तिरकामयत
Sentence: 4 प्र जा॑ये॒येति
Sentence: 5 स मु॑ख॒तस्त्रि॒वृतं॒ निर॑मिमीत
Sentence: 6 तम॒ग्निर्दे॒वतान्व॑सृज्यत गाय॒त्री छन्दो॑ रथन्त॒रं साम॑ ब्राह्म॒णो म॑नु॒ष्या॑णाम॒जः प॑शू॒नाम् ।
Sentence: 7 तस्मा॑त्ते॒ मुख्या॑स् ।
Sentence: 8 मु॑ख॒तो ह्यसृ॑ज्यन्त ।
Sentence: 9 उर॑सो बा॒हुभ्या॑म्पञ्चद॒शं निर॑मिमीत
Sentence: 10 तमिन्द्रो॑ दे॒वतान्व॑सृज्यत त्रि॒ष्टुप्छन्दो॑ बृ॒हत् ॥
Verse: 5
Sentence: 1 साम॑ राज॒न्यो॑ मनु॒ष्या॑णा॒मविः॑ पशू॒नाम् ।
Sentence: 2 तस्मा॒त्ते वी॒र्या॑वन्तस् ।
Sentence: 3 वी॒र्या॒द्ध्यसृ॑ज्यन्त
Sentence: 4 मध्य॒तः स॑प्तद॒शं निर॑मिमीत
Sentence: 5 तं विश्वे॑ दे॒वा दे॒वता॒ अन्व॑सृज्यन्त॒ जग॑ती॒ छन्दो॑ वैरू॒पं साम वैश्यो मनु॒ष्या॑णां॒ गावः॑ पशू॒नाम् ।
Sentence: 6 तस्मा॒त्त आ॒द्या॑स् ।
Sentence: 7 अ॑न्न॒धाना॒द्ध्यसृ॑ज्यन्त
Sentence: 8 तस्मा॑द्भूयांसो॒ ऽन्येभ्य॑स् ।
Sentence: 9 भूयि॑ष्ठा॒ हि दे॒वता॒ अन्वसृ॑ज्यन्त
Sentence: 10 प॒त्त ए॑कविं॒शं निर॑मिमीत
Sentence: 11 तम॑नु॒ष्टुप्छन्दः॑ ॥
Verse: 6
Sentence: 1 अन्व॑सृज्यत वैरा॒जं साम॑ शू॒द्रो म॑नु॒ष्याणा॑म्
Sentence: 2 अश्वः॑ पशू॒नाम् ।
Sentence: 3 तस्मात्तौ भूतसङ्क्रा॒मिणा॒वश्व॑श्च शू॒द्रश्च
Sentence: 4 तस्मा॑च्छू॒द्रो य॒ज्ञे ऽन॑वक्ळ्प्तस् ।
Sentence: 5 न हि दे॒वता॒ अन्वसृ॑ज्यत
Sentence: 6 तस्मा॒त्पादा॒वुप॑ जीवतः
Sentence: 7 प॒त्तो ह्यसृ॑ज्येताम्
Sentence: 8 प्रा॒णा वै॑ त्रि॒वृत् ।
Sentence: 9 अ॑र्धमा॒साः प॑ञ्चद॒शः
Sentence: 10 प्र॒जाप॑तिः सप्तद॒शस्
Sentence: 11 त्रय॑ इ॒मे लो॒कास् ।
Sentence: 12 अ॒सावा॑दि॒त्य ए॑कविं॒शस् ।
Sentence: 13 ए॒तस्मि॒न्वा ए॒ते श्रि॒ता ए॒तस्मि॒न्प्रति॑ष्ठितास् ।
Sentence: 14 य ए॒वं वेदै॒तस्मि॑न्ने॒व श्र॑यत ए॒तस्मि॒न्प्रति॑ तिष्ठति ॥
Paragraph: 2
Verse: 1
Sentence: 1 प्रा॑तःसव॒ने वै॑ गाय॒त्रेण॒ छन्द॑सा तृ॒वृते॒ स्तोमा॑य॒ ज्योति॒र्दध॑देति
Sentence: 2 त्रि॒वृता॑ ब्रह्मवर्च॒सेन॑ पञ्चद॒शाय॒ ज्योति॒र्दध॑देति
Sentence: 3 पञ्चद॒शेनौ॑जसा वी॒र्ये॑ण सप्तद॒शाय॒ ज्योति॒र्दध॑देति
Sentence: 4 सप्तद॒शेन॑ प्राजाप॒त्येन॑ प्र॒जन॑नेनैकविं॒शाय॒ ज्योति॒र्दध॑देति
Sentence: 5 स्तोम॑ ए॒व तत्स्तोमा॑य॒ ज्योति॒र्दध॑देति ।
Sentence: 6 अथो॒ स्तोम॑ ए॒व स्तोम॑म॒भि प्र ण॑यति
Sentence: 7 याव॑न्तो वै॒ स्तोमा॒स्ताव॑न्तः॒ कामा॑स्
Sentence: 8 ताव॑न्तो लो॒कास्
Sentence: 9 ताव॑न्ति॒ ज्योतीं॑षि ।
Sentence: 10 ए॒ताव॑त ए॒व स्तोमा॑ने॒ताव॑तः॒ कामा॑ने॒ताव॑तो लो॒काने॒ताव॑न्ति॒ ज्योतीं॒ष्यव॑ रुन्द्धे ॥
Paragraph: 3
Verse: 1
Sentence: 1 ब्र॑ह्मवा॒दिनो॑ वदन्ति
Sentence: 2 स त्वै॑ यजेत॒ यो॑ ऽग्निष्टो॒मेन॒ यज॑मा॒नो ऽथ॒ सर्व॑स्तोमेन॒ यजे॒तेति
Sentence: 3 यस्य॑ त्रि॒वृत॑मन्त॒र्यन्ति॑ प्रा॒णांस्तस्या॒न्तर्य॑न्ति
Sentence: 4 प्रा॒णेषु॒ मे ऽप्य॑स॒दिति॒ खलु वै य॒ज्ञेन॒ यज॑मानो यजते
Sentence: 5 यस्य॑ पञ्चद॒शम॑न्त॒र्यन्ति॑ वी॒र्यं॒ तस्या॒न्तर्य॑न्ति
Sentence: 6 वी॒र्ये॒ मे ऽप्य॑स॒दिति॒ खलु वै य॒ज्ञेन॒ यज॑मानो यजते
Sentence: 7 यस्य॑ सप्तद॒शम॑न्त॒र्यन्ति॑ ॥
Verse: 2
Sentence: 1 प्र॒जां तस्या॒न्तर्य॑न्ति
Sentence: 2 प्र॒जाया॒म्मे ऽप्य॑स॒दिति॒ खलु वै य॒ज्ञेन॒ यज॑मानो यजते
Sentence: 3 यस्यै॑कविं॒शम॑न्त॒र्यन्ति॑ प्रति॒ष्ठां तस्या॒न्तर्य॑न्ति
Sentence: 4 प्रति॒ष्ठाया॒म्मे ऽप्य॑स॒दिति॒ खलु वै य॒ज्ञेन॒ यज॑मानो यजते
Sentence: 5 यस्य॑ त्रिण॒वम॑न्त॒र्यन्त्यृ॒तूंश्च॒ तस्य॑ नक्ष॒त्रियां॑ च वि॒राज॑म॒न्तर्य॑न्ति ।
Sentence: 6 ऋ॒तुषु॒ मे ऽप्य॑सन्नक्ष॒त्रिया॑यां च वि॒राजीति॑ ॥
Verse: 3
Sentence: 1 खलु वै य॒ज्ञेन॒ यज॑मानो यजते
Sentence: 2 यस्य॑ त्रयस्त्रिं॒शम॑न्त॒र्यन्ति॑ दे॒वता॒स्तस्या॒न्तर्य॑न्ति
Sentence: 3 दे॒वता॑सु॒ मे ऽप्य॑स॒दिति॒ खलु वै य॒ज्ञेन॒ यज॑मानो यजते
Sentence: 4 यो वै॒ स्तोमा॑नामव॒मम्प॑र॒मतां॒ गछ॑न्तं॒ वेद॑ पर॒मता॑मे॒व ग॑छति
Sentence: 5 त्रि॒वृद्वै॒ स्तोमा॑नामव॒मस्त्रि॒वृत्प॑र॒मस्
Sentence: 6 य ए॒वं वेद॑ पर॒मता॑मे॒व ग॑छति ॥
Paragraph: 4
Verse: 1
Sentence: 1 अङ्गि॑रसो वै स॒त्त्रमा॑सत
Sentence: 2 ते सु॑व॒र्गं लो॒कमा॑यन्
Sentence: 3 तेषां॑ ह॒विष्मां॑श्च हवि॒ष्कृच्चा॑हीयेताम् ।
Sentence: 4 ताव॑कामयेताम् ।
Sentence: 5 सु॑व॒र्गं लो॒कमि॑या॒वेति
Sentence: 6 तावे॒तं द्वि॑रा॒त्रम॑पश्यताम् ।
Sentence: 7 तमाह॑रताम् ।
Sentence: 8 तेना॑यजेताम् ।
Sentence: 9 ततो वै तौ ऽसुव॒र्गं लो॒कऐ॑ताम् ।
Sentence: 10 य ए॒वं वि॒द्वान्द्वि॑रा॒त्रेण॒ यज॑ते सुव॒र्गमे॒व लो॒कमे॑ति
Sentence: 11 ताऐ॑ता॒म्पूर्वे॒णाह्नाग॑छता॒मुत्त॑रेण ॥
Verse: 2
Sentence: 1 अ॑भिप्ल॒वः पूर्व॒मह॑र्भवति॒ गति॒रुत्त॑रम्
Sentence: 2 ज्योति॑ष्टोमो ऽग्निष्टो॒मः पूर्व॒मह॑र्भवति॒ तेज॒स्तेनाव॑ रुन्द्धे
Sentence: 3 सर्व॑स्तोमो ऽतिरा॒त्र उत्त॑रं॒ सर्व॒स्याप्त्यै॒ सर्व॒स्याव॑रुद्ध्यै
Sentence: 4 गाय॒त्रम्पूर्वेह॒न्त्साम॑ भवति
Sentence: 5 तेजो वै गाय॒त्री
Sentence: 6 गा॑य॒त्री ब्र॑ह्मवर्च॒सम् ।
Sentence: 7 तेज॑ ए॒व ब्र॑ह्मवर्च॒समा॒त्मन्ध॑त्ते
Sentence: 8 त्रैष्टुभ॒मुत्त॑रे ।
Sentence: 9 ओजो वै वी॒र्यं त्रि॒ष्टुग्^ब्रि॒ष्टुभ्
Sentence: 10 ओज॑ ए॒व वी॒र्य॑मा॒त्मन्ध॑त्ते
Sentence: 11 रथन्त॒रम्पूर्वे॑ ॥
Verse: 3
Sentence: 1 अह॒न्त्साम॑ भवति ।
Sentence: 2 इ॒यं वै॑ रथन्त॒रम्
Sentence: 3 अ॒स्यामे॒व प्रति॑ तिष्ठति
Sentence: 4 बृ॒हदुत्त॑रे ।
Sentence: 5 असौ वै बृ॒हत् ।
Sentence: 6 अ॒मुष्या॑मे॒व प्रति॑ तिष्ठति
Sentence: 7 तदा॑हुः
Sentence: 8 क्व॒ जग॑ती चानु॒ष्टुप्चेति
Sentence: 9 वैखान॒सम्पूर्वे ऽह॒न्त्साम॑ भवति॒ तेन॒ जग॑त्यै नैति
Sentence: 10 षोड॒श्युत्त॑रे॒ तेना॑नु॒ष्टुभ॑स् ।
Sentence: 11 अथा॑हुस् ।
Sentence: 12 यत्स॑मा॒ने॑ ऽर्धमा॒से स्याता॑मन्यत॒रस्याह्नो॑ वी॒र्य॒मनु॑ पद्ये॒तेति॑ ।
Sentence: 13 अ॑मावा॒या॑या॒म्पूर्व॒मह॑र्भव॒त्युत्त॑रस्मि॒न्नुत्त॑रम् ।
Sentence: 14 नानै॒वार्ध॑मा॒सयो॑र्भवतस् ।
Sentence: 15 नाना॑वीर्ये भवतस् ।
Sentence: 16 ह॒विष्म॑न्निधन॒म्पूर्व॒मह॑र्भवति हवि॒ष्कृन्नि॑धन॒मुत्त॑रम्
Sentence: 17 प्रति॑ष्ठित्यै ॥
Paragraph: 5
Verse: 1
Sentence: 1 आपो॒ वा इ॒दमग्रे॑ सलि॒लमा॑सीत्
Sentence: 2 तस्मि॑न्प्र॒जाप॑तिर्वा॒युर्भू॒त्वाच॑रत्
Sentence: 3 स इ॒माम॑पश्यत्
Sentence: 4 तां व॑रा॒हो भू॒त्वाह॑रत्
Sentence: 5 तां वि॒श्वक॑र्मा भू॒त्वा व्य्मार्ट्^मार्ज्
Sentence: 6 साप्र॑थत
Sentence: 7 सा पृ॑थि॒व्य॑भवत्
Sentence: 8 तत्पृ॑थिव्यै पृथिवि॒त्वम् ।
Sentence: 9 तस्या॑मश्राम्यत्प्र॒जाप॑तिः
Sentence: 10 स दे॒वान॑सृजत॒ वसू॑न्रु॒द्राना॑दि॒त्यान्
Sentence: 11 ते दे॒वाः प्र॒जाप्ति॑मब्रुवन्
Sentence: 12 प्र जा॑यामहा॒ इति
Sentence: 13 सो॑ ऽब्रवीत् ॥
Verse: 2
Sentence: 1 यथा॒हं यु॒ष्मांस्तप॑सासृक्ष्ये॒वं तप॑सि प्र॒जन॑नमिछध्व॒मिति
Sentence: 2 तेभ्यो॒ ऽग्निमा॒यत॑न॒म्प्राय॑छत् ।
Sentence: 3 ए॒तेना॒यत॑नेन श्राम्य॒तेति
Sentence: 4 ते॒ ऽग्निना॒यत॑नेनाश्राम्यन्
Sentence: 5 ते सं॑वत्स॒र एकां॒ गाम॑सृजन्त
Sentence: 6 तां वसु॑भ्यो रु॒द्रेभ्य॑ आदि॒त्येभ्यः॒ प्राय॑छन् ।
Sentence: 7 ए॒तां र॑क्षध्व॒मिति
Sentence: 8 तां वस॑वो रु॒द्रा आ॑दि॒त्या अ॑रक्षन्त
Sentence: 9 सा वसु॑भ्यो रु॒द्रेभ्य॑ आदि॒त्येभ्यः॒ प्राजा॑यत॒ त्रीणि॑ च ॥
Verse: 3
Sentence: 1 श॒तानि॒ त्रय॑स्त्रिंशतं च ।
Sentence: 2 अथ सै॒व स॑हस्रत॒म्य॑भवत्
Sentence: 3 ते दे॒वाः प्र॒जाप॑तिमब्रुवन् ।
Sentence: 4 स॒हस्रे॑ण नो याज॒येति
Sentence: 5 सो॑ ऽग्निष्टो॒मेन॒ वसू॑नयाजयत्
Sentence: 6 त इ॒मं लो॒कम॑जयन्
Sentence: 7 तच्चा॑ददुः
Sentence: 8 स उ॒क्थ्ये॑न रु॒द्रान॑याजयत्
Sentence: 9 ते॒ ऽन्तरि॑क्षमजयन्
Sentence: 10 तच्चा॑ददुः
Sentence: 11 सो॑ ऽतिरा॒त्रेणा॑दि॒त्यान॑याजयत्
Sentence: 12 ते॑ ऽमुं लो॒कम॑जयन्
Sentence: 13 तच्चा॑ददुस्
Sentence: 14 तद॒न्तरि॑क्षम् ॥
Verse: 4
Sentence: 1 व्यवै॑र्यत
Sentence: 2 तस्मा॑द्रु॒द्रा घातु॑कास् ।
Sentence: 3 अ॑नायत॒ना हि
Sentence: 4 तस्मा॑दाहुः
Sentence: 5 शिथि॒लं वै॑ मध्य॒ममह॑स्त्रिरा॒त्रस्य॒ वि हि तदवैर्य॒तेति
Sentence: 6 त्रैष्टुभम्मध्य॒मस्याह्न॒ आज्य॑म्भवति
Sentence: 7 सं॒याना॑नि सू॒क्तानि॑ शंसति
Sentence: 8 षोडशिनं शंसति ।
Sentence: 9 अह्नो॒ धृत्या॒ अशि॑थिलम्भावाय
Sentence: 10 तस्मा॑त्त्रिरा॒त्रस्या॑ग्निष्टो॒म ए॒व प्र॑थ॒ममहः॑ स्या॒दथो॒क्थ्यो ऽथा॑तिरा॒त्रस् ।
Sentence: 11 ए॒षां लो॒कानां॒ विधृ॑त्यै
Sentence: 12 त्रीणि॑त्रीणि श॒तान्य॑नूचीना॒हमव्य॑वछिन्नानि ददाति ॥
Verse: 5
Sentence: 1 ए॒षां लो॒काना॒मनु॒ सन्त॑त्यै
Sentence: 2 द॒शतं॒ न वि छि॑न्द्यात् ।
Sentence: 3 वि॒राजं॒ नेद्वि॑छि॒नदा॒नीति॑ ।
Sentence: 4 अथ॒ या स॑हस्रत॒म्यासी॒त्तस्या॒मिन्द्र॑श्च॒ विष्णु॑श्च॒ व्याय॑छेताम् ।
Sentence: 5 स इन्द्रो॑ ऽमन्यत ।
Sentence: 6 अ॒नया॒ वा इ॒दं विष्णुः॑ स॒हस्रं॑ वर्क्ष्यत॒ इति
Sentence: 7 तस्या॑मकल्पेताम् ।
Sentence: 8 द्विभा॑ग॒ इन्द्र॒स्तृती॑ये॒ विष्णु॑स्
Sentence: 9 तद्वा ए॒षाभ्यनू॑च्यते ।
Sentence: 10 उ॒भा जि॑ग्यथु॒रिति
Sentence: 11 तां वा ए॒ताम॑छावा॒कः ॥
Verse: 6
Sentence: 1 ए॒व शं॑सति ।
Sentence: 2 अथ॒ या स॑हस्रत॒मी सा होत्रे॑ दे॒येति
Sentence: 3 होता॑रं॒ वा अ॒भ्यति॑रिच्यते
Sentence: 4 यद॑ति॒रिच्य॑ते॒ होताना॑प्तस्यापयि॒ता ।
Sentence: 5 अथा॑हुस् ।
Sentence: 6 उ॑न्ने॒त्रे देयेति॑ ।
Sentence: 7 अति॑रिक्ता॒ वा ए॒षा स॒हस्र॑स्य ।
Sentence: 8 अति॑रिक्त उन्ने॒तर्त्विजा॑म्
Sentence: 9 अथा॑हुः
Sentence: 10 सर्वे॑भ्यः सद॒स्ये॑भ्यो॒ देयेति॑ ।
Sentence: 11 अथा॑हुस् ।
Sentence: 12 उ॑दा॒कृत्या॒ सा वशं॑ चरे॒दिति॑ ।
Sentence: 13 अथा॑हुस् ।
Sentence: 14 ब्र॒ह्मणे॑ चा॒ग्नीधे॑ च॒ देयेति॑ ॥
Verse: 7
Sentence: 1 द्विभा॑गम्ब्र॒ह्मणे॒ तृती॑यम॒ग्नीधे॑ ।
Sentence: 2 अै॒न्द्रो वै॑ ब्र॒ह्मा वै॑ष्ण॒वो॒ ऽग्नीध् ।
Sentence: 3 यथै॒व तावक॑ल्पेता॒मिति॑ ।
Sentence: 4 अथा॑हुस् ।
Sentence: 5 या क॑ल्या॒णी ब॑हुरू॒पा सा देयेति॑ ।
Sentence: 6 अथा॑हुस् ।
Sentence: 7 या द्वि॑रू॒पोभ॒यतए॑नी॒ सा देयेति॑ स॒हस्र॑स्य॒ परि॑गृहीत्यै
Sentence: 8 तद्वा ए॒तत्स॒हस्र॒स्याय॑नम् ।
Sentence: 9 स॒हस्रं॑ स्तो॒त्रीयाः
Sentence: 10 स॒हस्रं॒ दक्षि॑णाः
Sentence: 11 स॒हस्र॑सम्मितः सुव॒र्गो लो॒कः
Sentence: 12 सु॑व॒र्गस्य॑ लो॒कस्या॒भिजि॑त्यै ॥
Paragraph: 6
Verse: 1
Sentence: 1 सोमो वै स॒हस्र॑मविन्दत्
Sentence: 2 तमिन्द्रो ऽन्व॑विन्दत्
Sentence: 3 तौ य॒मो न्याग॑छत्
Sentence: 4 ताव॑ब्रवीत् ।
Sentence: 5 अस्तु॒ मे ऽत्रापीति॑ ।
Sentence: 6 अस्तु॒ ही३ इत्य॑ब्रूताम् ।
Sentence: 7 स य॒म एक॑स्यां वी॒र्य॒म्पर्य॑पश्यत् ।
Sentence: 8 इ॒यं वा अ॒स्य स॒हस्र॑स्य वी॒र्य॑म्बिभ॒र्तीति॒ ताव॑ब्रवीदि॒यम्ममास्त्वे॒तद्यु॒वयो॒रिति
Sentence: 9 ताव॑ब्रूताम् ।
Sentence: 10 सर्वे॒ वा ए॒तदे॒तस्यां॑ वी॒र्य॑म् ॥
Verse: 2
Sentence: 1 परि॑ पश्या॒मो ऽं॑श॒मा ह॑रामहा॒ इति
Sentence: 2 तस्या॒मंश॒माह॑रन्त
Sentence: 3 ताम॒प्सु प्रावे॑शयन् ।
Sentence: 4 सोमा॑यो॒देहीति
Sentence: 5 सा रोहि॑णी पिङ्गलैकहायनी रू॒पं कृ॒त्वा त्रय॑स्त्रिंशता च त्रि॒भिश्च॑ शतैः स॒होदै॑त् ।
Sentence: 6 तस्मा॒द्रोहि॑ण्या पिङ्ग॒लयै॑कहायन्या॒ सोमं॑ क्रीणीयात् ।
Sentence: 7 य ए॒वं वि॒द्वान्रोहि॑ण्या पिङ्ग॒लयै॑कहायन्या॒ सोमं॑ क्री॒णाति॒ त्रय॑स्त्रिंशता चै॒वास्य॑ त्रि॒भिश्च॑ ॥
Verse: 3
Sentence: 1 शतैः॒ सोमः॑ क्री॒तो भ॑वति
Sentence: 2 सुक्री॑तेन यजते
Sentence: 3 ताम॒प्सु प्रावे॑शयन् ।
Sentence: 4 इन्द्रा॑यो॒देहीति
Sentence: 5 सा रोहि॑णी लक्ष्म॒णा प॑ष्ठौ॒ही वार्त्र॑घ्नी रू॒पं कृ॒त्वा त्रय॑स्त्रिंशता च त्रि॒भिश्च॑ शतैः स॒होदै॑त्
Sentence: 6 तस्मा॒द्रोहि॑णीं लक्ष्म॒णाम्प॑ष्ठौ॒हीं वार्त्र॒घ्नीं द॑द्यात् ।
Sentence: 7 य ए॒वं वि॒द्वान्रोहि॑णीं लक्ष्म॒णाम्प॑ष्ठौ॒हीं वार्त्र॑घ्नीं॒ ददा॑ति॒ त्रय॑स्त्रिंशच्चै॒वस्य॒ त्रीणि॑ च श॒तानि॒ सा द॒त्ता ॥
Verse: 4
Sentence: 1 भ॑वति
Sentence: 2 ताम॒प्सु प्रावे॑शयन्
Sentence: 3 य॒मायो॒देहीति
Sentence: 4 सा जर॑ती मू॒र्खा त॑ज्जघ॒न्या रू॒पं कृ॒त्वा त्रय॑स्त्रिंशता च त्रि॒भिश्च॑ शतैः स॒होदै॑त्
Sentence: 5 तस्मा॒ज्जर॑तीम्मू॒र्खां त॑ज्जघ॒न्याम॑नु॒स्तर॑णीं कुर्वीत
Sentence: 6 य ए॒वं वि॒द्वाञ्जर॒तीम्मू॒र्खां त॑ज्जघ॒न्याम॑नु॒स्तर॑णीं कुरु॒ते त्रय॑स्त्रिंशच्चै॒वास्य॒ त्रीणि॑ च श॒तानि॒ सामुष्मिँ॑ लो॒के भ॑वति
Sentence: 7 वागे॒व स॑हस्रत॒मी
Sentence: 8 तस्मा॑त् ॥
Verse: 5
Sentence: 1 वरो॒ देयः
Sentence: 2 सा हि वरः
Sentence: 3 स॒हस्र॑मस्य॒ सा द॒त्ता भ॑वति
Sentence: 4 तस्मा॒द्वरो॒ न प्र॑ति॒गृह्यः
Sentence: 5 सा हि वरः
Sentence: 6 स॒हस्र॑मस्य॒ प्रति॑गृहीतम्भवति ।
Sentence: 7 इ॒यं वर॒ इति॑ ब्रूयात् ।
Sentence: 8 अथा॒न्याम्ब्रू॑यात् ।
Sentence: 9 इ॒यम्ममेति
Sentence: 10 तथा॑स्य॒ तत्स॒हस्र॒मप्र॑तिगृहीतम्भवति ।
Sentence: 11 उ॑भयतए॒नी स्या॑त्
Sentence: 12 तदा॑हुस् ।
Sentence: 13 अ॑न्यतए॒नी स्या॑त्स॒हस्र॑म्प॒रस्ता॒देत॒मिति
Sentence: 14 यै॒व वरः॑ ॥
Verse: 6
Sentence: 1 क॑ल्या॒णी रू॒पस॑मृद्धा॒ सा स्या॑त्
Sentence: 2 सा हि वरः
Sentence: 3 समृ॑द्ध्यै
Sentence: 4 तामुत्त॑रे॒णाग्नी॑ध्रम्पर्या॒णीया॑हव॒नीय॒स्यान्ते॑ द्रोणकल॒शमव॑ घ्रापयेत् ।
Sentence: 5 आ जि॑घ्र क॒लश॑म्मह्यु॒रुधा॑रा॒ पय॑स्व॒त्या त्वा॑ विश॒न्त्विन्द॑वः समु॒द्रमि॑व॒ सिन्ध॑वः
Sentence: 6 सा मा॑ स॒हस्र॒ आ भ॑ज प्र॒जया॑ प॒शुभिः॑ स॒ह पुन॒र्मा वि॑शताद्र॒यिरिति
Sentence: 7 प्र॒जयैवैनम्प॒शुभी॑ र॒य्या सम् ॥
Verse: 7
Sentence: 1 अ॑र्धयति
Sentence: 2 प्र॒जावा॑न्पशु॒मान्र॑यि॒मान्भ॑वति॒ य ए॒वं वेद
Sentence: 3 तया॑ स॒हाग्नी॑ध्रम्प॒रेत्य॑ पु॒रस्ता॑त्प्र॒तीच्यां॒ तिष्ठ॑न्त्यां जुहुयात् ।
Sentence: 4 उ॒भा जि॑ग्यथु॒र्न परा॑ जयेथे॒ न परा॑ जिग्ये कत॒रश्चनैनोः ।
Sentence: 5 इन्द्र॑श्च विष्णो॒ यदप॑स्पृधेथां त्रे॒धा स॒हस्रं॒ वि तऐ॑रयेथा॒मिति
Sentence: 6 त्रेधाविभ॒क्तं वै॑ त्रिरा॒त्रे स॒हस्र॑म् ।
Sentence: 7 सा॑ह॒स्रीमेवैनां करोति
Sentence: 8 स॒हस्र॑स्यैवैना॒म्मात्रां॑ ॥
Verse: 8
Sentence: 1 क॑रोति
Sentence: 2 रू॒पाणि॑ जुहोति
Sentence: 3 रूपैरेवैनां॒ सम॑र्धयति
Sentence: 4 तस्या॑ उपो॒त्थाय॒ कर्ण॒मा ज॑पेत् ।
Sentence: 5 इडे॒ रन्ते ऽदि॑ते॒ सर॑स्वति॒ प्रिये॒ प्रेय॑सि॒ महि॒ विश्रु॑त्ये॒तानि॑ ते अघ्निये॒ नामा॑नि
Sentence: 6 सु॒कृत॑म्मा दे॒वेषु॑ ब्रूता॒दिति
Sentence: 7 दे॒वेभ्य॑ एवैन॒मा वे॑दयति ।
Sentence: 8 अन्वे॑नं दे॒वा बु॑ध्यन्ते ॥
Paragraph: 7
Verse: 1
Sentence: 1 स॑हस्रत॒म्या वै॒ यज॑मानः सुव॒र्गं लो॒कमे॑ति
Sentence: 2 सैनं सुव॒र्गं लो॒कं ग॑मयति
Sentence: 3 सा मा॑ सुव॒र्गं लो॒कं ग॑म॒येत्या॑ह
Sentence: 4 सुव॒र्गमेवैनं लो॒कं ग॑मयति
Sentence: 5 सा मा॒ ज्योति॑ष्मन्तं लो॒कं ग॑म॒येत्या॑ह
Sentence: 6 ज्योति॑ष्मन्तमेवैनं लो॒कं ग॑मयति
Sentence: 7 सा मा॒ सर्वा॒न्पुण्याँ॑ लो॒कान्ग॑म॒येत्या॑ह
Sentence: 8 सर्वा॑नेवैन॒म्पुण्याँ॑ लो॒कान्ग॑मयति
Sentence: 9 सा ॥
Verse: 2
Sentence: 1 मा॑ प्रति॒ष्ठां ग॑मय प्र॒जया॑ प॒शुभिः॑ स॒ह पुन॒र्मा वि॑शताद्र॒यिरिति॑ प्र॒जयैवैनम्प॒शुभी॑ र॒य्याम्प्रति॑ ष्ठापयति
Sentence: 2 प्र॒जावा॑न्पशु॒मान्र॑यि॒मान्भ॑वति॒ य ए॒वं वेद
Sentence: 3 ताम॒ग्नीधे॑ वा ब्र॒ह्मणे॑ वा॒ होत्रे॑ वोद्गा॒त्रे वा॑ध्व॒र्यवे॑ वा दद्यात्
Sentence: 4 स॒हस्र॑मस्य॒ सा द॒त्ता भ॑वति
Sentence: 5 स॒हस्र॑मस्य॒ प्रति॑गृहीतम्भवति॒ यस्तामवि॑द्वान् ॥
Verse: 3
Sentence: 1 प्र॑तिगृ॒ह्णाति
Sentence: 2 ताम्प्रति॑ गृह्णीयात् ।
Sentence: 3 एका॑सि॒ न स॒हस्र॑म्
Sentence: 4 एकां॑ त्वा भू॒ताम्प्रति॑ गृह्णामि॒ न स॒हस्र॑म्
Sentence: 5 एका॑ मा भू॒ता वि॑श॒ मा स॒हस्र॒मिति॑ ।
Sentence: 6 एका॑मेवैनाम्भू॒ताम्प्रति॑ गृह्णाति॒ न स॒हस्रं॒ य ए॒वं वेद
Sentence: 7 स्यो॒नासि॑ सु॒षदा॑ सु॒शेवा॑ स्यो॒ना मा वि॑श सु॒षदा॒ मा वि॑श सु॒शेवा॒ मा वि॑श ॥
Verse: 4
Sentence: 1 इत्या॑ह
Sentence: 2 स्योनैवैनं सु॒षदा॑ सु॒शेवा॑ भू॒त्वा वि॑शति नैनं हिनस्ति
Sentence: 3 ब्रह्मवा॒दिनो॑ वदन्ति
Sentence: 4 स॒हस्रं॑ सहस्रत॒म्यन्वे॒ती३ स॑हस्रत॒मीं स॒हस्रा३मिति
Sentence: 5 यत्प्राची॑मुत्सृ॒जेत्स॒हस्रं॑ सहस्रत॒म्यन्वि॑यात्
Sentence: 6 तत्स॒हस्र॑मप्रज्ञा॒त्रम् ।
Sentence: 7 सु॑व॒र्गं लो॒कं न प्र जा॑नीयात्
Sentence: 8 प्र॒तीची॒मुत्सृ॑जति
Sentence: 9 तां स॒हस्र॒मनु॑ प॒र्याव॑र्तते
Sentence: 10 सा प्र॑जान॒ती
Sentence: 11 सु॑व॒र्गं{F लो॒कम्{W लो॒कं ए॑ति
Sentence: 12 यज॑मानम॒भ्युत्सृ॑जति
Sentence: 13 क्षि॒प्रे स॒हस्र॒म्प्र जा॑यते ।
Sentence: 14 उ॑त्त॒मा नी॒यते॑ प्रथ॒मा दे॒वान्ग॑छति ॥
Paragraph: 8
Verse: 1
Sentence: 1 अत्रि॑रददाऔर्वाय प्र॒जाम्पु॒त्रका॑माय
Sentence: 2 स रि॑रिचा॒नो॑ ऽमन्यत॒ निर्वी॑र्यः शिथि॒लो या॒तया॑मा
Sentence: 3 स ए॒तं च॑तूरा॒त्रम॑पश्यत्
Sentence: 4 तमाह॑रत्
Sentence: 5 तेना॑यजत
Sentence: 6 ततो वै॒ तस्य॑ च॒त्वारो॑ वी॒रा आजा॑यन्त॒ सुहो॑ता॒ सूद्गा॑ता॒ स्व॑ध्वर्युः॒ सुस॑भेयस् ।
Sentence: 7 य ए॒वं वि॒द्वांश्च॑तूरा॒त्रेण॒ यज॑त॒ आस्य॑ च॒त्वारो॑ वी॒रा जा॑यन्ते॒ सुहो॑ता॒ सूद्गा॑ता॒ स्व॑ध्वर्युः॒ सुस॑भेयस् ।
Sentence: 8 ये च॑तुर्विं॒शाः पव॑माना ब्रह्मवर्च॒सं तत् ॥
Verse: 2
Sentence: 1 य उ॒द्यन्त॒ स्तोमाः॒ श्रीः सा ।
Sentence: 2 अत्रिं॑ श्र॒द्धादे॑वं॒ यज॑मानं च॒त्वारि॑ वी॒र्या॑णि॒ नोपा॑नम॒न्तेज॑ इन्द्रि॒यम्ब्र॑ह्मव॑र्म् ।
Sentence: 3 स ए॒तांश्च॒तुर॒श्चतु॑ष्टोमा॒न्त्सोमा॑नपश्यत्
Sentence: 4 तानाह॑रत्तैरयजत
Sentence: 5 तेज॑ ए॒व प्र॑थ॒मेनावा॑रुन्द्धेन्द्रि॒यं द्वि॒तीये॑न ब्रह्मवर्च॒सं तृ॒तीये॑ना॒न्नाद्यं॑ चतु॒र्थेन
Sentence: 6 य ए॒वं वि॒द्वांश्च॒तुर॒श्चतु॑ष्टोमा॒न्त्सोमा॑ना॒हर॑ति तै॒र्यज॑ते॒ तेज॑ ए॒व प्र॑थ॒मेनाव॑ रुन्द्ध इन्द्रि॒यं द्वि॒तीये॑न ब्रह्मवर्च॒सं तृ॒तीये॑ना॒न्नाद्यं॑ चतु॒र्थेन
Sentence: 7 यामे॒वात्रि॒रृद्धि॒मार्ध्नो॒त्तामे॒व यज॑माना ऋध्नोति ॥
Paragraph: 9
Verse: 1
Sentence: 1 ज॒मद॑ग्निः॒ पुष्टि॑कामश्चतूरा॒त्रेणा॑यजत
Sentence: 2 स ए॒तान्पोषां॑ अपुष्यत्
Sentence: 3 तस्मा॑त्पलितौ॒ जाम॑दग्नियौ॒ न सं जा॑नाते
Sentence: 4 ए॒ताने॒व पोषा॑न्पुष्यति॒ य ए॒वं वि॒द्वांश्च॑तूरा॒त्रेण॒ यज॑ते
Sentence: 5 पुरोडा॒शिन्य॑ उप॒सदो॑ भवन्ति
Sentence: 6 प॒शवो वै पुरो॒डाशः
Sentence: 7 प॒शूने॒वाव॑ रुन्द्धे ।
Sentence: 8 अन्नं वै पुरो॒डाश॑स् ।
Sentence: 9 अन्न॑मे॒वाव॑ रुन्द्धे ।
Sentence: 10 अ॑न्ना॒दः प॑शु॒मान्भ॑वति॒ य ए॒वं वि॒द्वांश्च॑तूरा॒त्रेण॒ यज॑ते ॥
Paragraph: 10
Verse: 1
Sentence: 1 सं॑वत्स॒रो वा इ॒दमेक॑ आसीत्
Sentence: 2 सो॑ ऽकामयत ।
Sentence: 3 ऋ॒तून्त्सृ॑जे॒येति
Sentence: 4 स ए॒तम्प॑ञ्चरा॒त्रम॑पश्यत्
Sentence: 5 तमाह॑र॒त्तेना॑यजत
Sentence: 6 ततो वै॒ स ऋ॒तून॑सृजत
Sentence: 7 य ए॒वं वि॒द्वान्प॑ञ्चरा॒त्रेण॒ यज॑ते प्रैव जायते
Sentence: 8 त ऋ॒तवः॑ सृ॒ष्टा न व्याव॑र्तन्त
Sentence: 9 त ए॒तम्प॑ञ्चरा॒त्रम॑पश्यन्
Sentence: 10 तमाह॑रन्
Sentence: 11 तेना॑यजन्त
Sentence: 12 ततो वै॒ ते व्याव॑र्तन्त ॥
Verse: 2
Sentence: 1 य ए॒वं वि॒द्वान्प॑ञ्चरा॒त्रेण॒ यज॑ते॒ वि पा॒प्मना॒ भ्रातृ॑व्ये॒णा व॑र्तते
Sentence: 2 सार्व॑सेनिः शौचे॒यो॑ ऽकामयत
Sentence: 3 पशु॒मान्त्स्या॒मिति
Sentence: 4 स ए॒तम्प॑ञ्चरा॒त्रमाह॑रत्
Sentence: 5 तेना॑यजत
Sentence: 6 ततो वै॒ स स॒हस्र॑म्प॒शून्प्राप्नो॑त् ।
Sentence: 7 य ए॒वं वि॒द्वान्पञ्च॑रा॒त्रेण॒ यज॑ते॒ प्र स॒हस्र॑म्प॒शूना॑प्नोति
Sentence: 8 बब॒रः प्रावा॑हणिरकामयत
Sentence: 9 वा॒चः प्र॑वदि॒ता स्या॒मिति
Sentence: 10 स ए॒तम्प॑ञ्चरा॒त्रमा ॥
Verse: 3
Sentence: 1 अ॑हरत्
Sentence: 2 तेना॑यजत
Sentence: 3 ततो वै॒ स वा॒चः प्र॑वदि॒ताभ॑वत् ।
Sentence: 4 य ए॒वं वि॒द्वान्प॑ञ्चरा॒त्रेण॒ यज॑ते प्रवदितै॒व वा॒चो भ॑वति ।
Sentence: 5 अथो॑ एनं वा॒चस्पति॒रित्या॑हुस् ।
Sentence: 6 अना॑प्तश्चतूरा॒त्रो ऽति॑रिक्तः षड्रा॒त्रो ऽथ॒ वा ए॒ष स॑म्प्र॒ति य॒ज्ञो यत्प॑ञ्चरा॒त्रस् ।
Sentence: 7 य ए॒वं वि॒द्वान्प॑ञ्चरा॒त्रेण॒ यज॑ते सम्प्र॒त्ये॒व य॒ज्ञेन॑ यजते
Sentence: 8 पञ्चरा॒त्रो भ॑वति
Sentence: 9 पञ्च॒ वा ऋ॒तवः॑ संवत्स॒रः ॥
Verse: 4
Sentence: 1 ऋ॒तुष्वे॒व स॑म्वत्स॒रे प्रति॑ तिष्ठति ।
Sentence: 2 अथो॒ पञ्चा॑क्षरा प॒ङ्क्तिः
Sentence: 3 पाङ्क्तो॑ य॒ज्ञस् ।
Sentence: 4 य॒ज्ञमे॒वाव॑ रुन्द्धे
Sentence: 5 त्रि॒वृद॑ग्निष्टो॒मो भ॑वति
Sentence: 6 तेज॑ ए॒वाव॑ रुन्द्धे
Sentence: 7 पञ्चद॒शो भ॑वति ।
Sentence: 8 इ॑न्द्रि॒यमे॒वाव॑ रुन्द्धे
Sentence: 9 सप्तद॒शो भ॑वति ।
Sentence: 10 अ॒न्नाद्य॒स्याव॑रुद्ध्यै ।
Sentence: 11 अथो प्रै॒व तेन॑ जायते
Sentence: 12 पञ्चविं॒शो॑ ऽग्निष्टो॒मो भ॑वति प्र॒जाप॑ते॒राप्त्यै
Sentence: 13 महाव्र॒तवा॑न॒न्नाद्य॒स्याव॑रुद्ध्यै
Sentence: 14 विश्व॒जित्सर्व॑पृष्ठो ऽतिरा॒त्रो भ॑वति
Sentence: 15 सर्व॑स्या॒भिजि॑त्यै ॥
Paragraph: 11
Verse: 1
Sentence: 1=a दे॒वस्य॑ त्वा सवि॒तुः प्र॑स॒वे॒ ऽश्विनो॑र्बा॒हुभ्या॑म्पू॒ष्णो हस्ता॑भ्या॒मा द॑दे ।
Sentence: 2=b इ॒माम॑गृभ्णन्रश॒नामृ॒तस्य॒ पूर्व॒ आयु॑षि वि॒दथे॑षु क॒व्या । तया॑ दे॒वाः सु॒तमा ब॑भूवुरृ॒तस्य॒ साम॑न्त्स॒रमा॒रप॑न्ती ॥
Sentence: 3=c अ॑भि॒धा अ॑सि॒ भुव॑नमसि य॒न्तासि॑ ध॒र्तासि॒ सो॒ ऽग्निं वै॑श्वान॒रं सप्र॑थसं गछ॒ स्वाहा॑कृतः
Sentence: 4=d पृथि॒व्यां य॒न्ता राड्य॒न्तासि॒ यम॑नो ध॒र्तासि॑ ध॒रुणः
Sentence: 5=e कृष्यै त्वा॒ क्षेमा॑य त्वा रय्यै त्वा॒ पोषा॑य त्वा
Sentence: 6=f पृथिव्यै त्वा॒न्तरि॑क्षाय त्वा दि॒वे त्वा
Sentence: 7=g स॒ते त्वास॑ते त्वा॒द्भ्यस्त्वौ॑षधीभ्यस्त्वा॒ विश्वे॑भ्यस्त्वा भू॒तेभ्यः॑ ॥
Paragraph: 12
Verse: 1
Sentence: 1=a वि॒भूर्मा॒त्रा प्र॒भूः पि॒त्राश्वो॑ ऽसि॒ हयो॒ ऽस्यत्यो॑ ऽसि॒ नरो॒ ऽस्यर्वा॑सि॒ सप्ति॑रसि वा॒ज्य॑सि॒ वृषा॑सि नृ॒मणा॑ असि॒ ययु॒र्नामा॑स्यादि॒त्याना॒म्पत्वान्वि॑हि ।
Sentence: 2=b अ॒ग्नये॒ स्वाहा॒ स्वाहे॑न्द्रा॒ग्निभ्यां॒ स्वाहा॑ प्र॒जाप॑तये॒ स्वाहा॒ विश्वे॑भ्यो दे॒वेभ्यः॒ स्वाहा॒ सर्वा॑भ्यो दे॒वेता॑भ्यस् ।
Sentence: 3=c इ॒ह धृतिः॒ स्वाहे॒ह विधृ॑तिः॒ स्वाहे॒ह रन्तिः॒ स्वाहे॒ह रम॑तिः॒ स्वाहा
Sentence: 4=d भूर॑सि भु॒वे त्वा॒ भव्या॑य त्वा भविष्य॒ते त्वा॑ विश्वेभ्यस्त्वा भू॒तेभ्य॑स् ।
Sentence: 5=e देवा॑ आशापाला ए॒तं दे॒वेभ्यो ऽश्व॒म्मेधा॑य॒ प्रोक्षि॑तं गोपायत ॥
Paragraph: 13
Verse: 1
Sentence: 1 आय॑नाय॒ स्वाहा
Sentence: 2 प्राय॑णाय॒ स्वाहा॑ ।
Sentence: 3 उ॑द्द्रा॒वाय॒ स्वाहा॑ ।
Sentence: 4 उद्द्रु॑ताय॒ स्वाहा
Sentence: 5 शूका॒राय॒ स्वाहा
Sentence: 6 शूकृ॑ताय॒ स्वाहा
Sentence: 7 पला॑यिताय॒ स्वाहा॑ ।
Sentence: 8 आ॒पला॑यिताय॒ स्वाहा॑ ।
Sentence: 9 आ॒वल्ग॑ते॒ स्वाहा
Sentence: 10 परा॒वल्ग॑ते॒ स्वाहा॑ ।
Sentence: 11 आ॑य॒ते स्वाहा
Sentence: 12 प्रय॒ते स्वाहा
Sentence: 13 सर्व॑स्मै॒ स्वाहा॑ ॥
Paragraph: 14
Verse: 1
Sentence: 1 अ॒ग्नये॒ स्वाहा
Sentence: 2 सोमा॑य॒ स्वाहा
Sentence: 3 वा॒यवे॒ स्वाहा॑ ।
Sentence: 4 अ॒पाम्मोदा॑य॒ स्वाहा
Sentence: 5 सवि॒त्रे स्वाहा
Sentence: 6 सर॑स्वत्यै॒ स्वाहा॑ ।
Sentence: 7 इन्द्रा॑य॒ स्वाहा
Sentence: 8 बृह॒स्पत॑ये॒ स्वाहा
Sentence: 9 मि॒त्राय॒ स्वाहा
Sentence: 10 वरु॑णाय॒ स्वाहा
Sentence: 11 सर्व॑स्मै॒ स्वाहा॑ ॥
Paragraph: 15
Verse: 1
Sentence: 1 पृ॑थिव्यै॒ स्वाहा॑ ।
Sentence: 2 अ॒न्तरि॑क्षाय॒ स्वाहा
Sentence: 3 दि॒वे स्वाहा
Sentence: 4 सूर्या॑य॒ स्वाहा
Sentence: 5 च॒न्द्रम॑से॒ स्वाहा
Sentence: 6 नक्ष॑त्रेभ्यः॒ स्वाहा
Sentence: 7 प्राच्यै॑ दि॒शे स्वाहा
Sentence: 8 दक्षि॑णायै दि॒शे स्वाहा
Sentence: 9 प्र॒तीच्यै॑ दि॒शे स्वाहा॑ ।
Sentence: 10 उदी॑च्यै दि॒शे स्वाहा॑ ।
Sentence: 11 ऊ॒र्ध्वायै॑ दि॒शे स्वाहा
Sentence: 12 दि॒ग्भ्यः स्वाहा॑ ।
Sentence: 13 अ॑वान्तरदि॒शाभ्यः॒ स्वाहा
Sentence: 14 समा॑भ्यः॒ स्वाहा
Sentence: 15 श॒रद्भ्यः॒ स्वाहा॑ ।
Sentence: 16 अ॑होरा॒त्रेभ्यः॒ स्वाहा॑ ।
Sentence: 17 अ॑र्धमा॒सेभ्यः॒ स्वाहा
Sentence: 18 मासे॑भ्यः॒ स्वाहा॑ ।
Sentence: 19 ऋ॒तुभ्यः॒ स्वाहा
Sentence: 20 संवत्स॒राय॒ स्वाहा
Sentence: 21 सर्व॑स्मै॒ स्वाहा॑ ॥
Paragraph: 16
Verse: 1
Sentence: 1 अ॒ग्नये॒ स्वाहा
Sentence: 2 सोमा॑य॒ स्वाहा
Sentence: 3 सवि॒त्रे स्वाहा
Sentence: 4 सर॑स्वत्यै॒ स्वाहा
Sentence: 5 पू॒ष्णे स्वाहा
Sentence: 6 बृह॒स्पत॑ये॒ स्वाहा॑ ।
Sentence: 7 अ॒पाम्मोदाय॒ स्वाहा
Sentence: 8 वा॒यवे॒ स्वाहा
Sentence: 9 मि॒त्राय॒ स्वाहा
Sentence: 10 वरु॑णाय॒ स्वाहा
Sentence: 11 सर्व॑स्मै॒ स्वाहा॑ ॥
Paragraph: 17
Verse: 1
Sentence: 1 पृ॑थिव्यै॒ स्वाहा॑ ।
Sentence: 2 अ॒न्तरि॑क्षाय॒ स्वाहा
Sentence: 3 दि॒वे स्वाहा॑ ।
Sentence: 4 अ॒ग्नये॒ स्वाहा
Sentence: 5 सोमा॑य॒ स्वाहा
Sentence: 6 सूर्या॑य॒ स्वाहा
Sentence: 7 च॒न्द्रम॑से॒ स्वाहा॑ ।
Sentence: 8 अह्ने॒ स्वाहा
Sentence: 9 रात्रि॑यै॒ स्वाहा॑ ।
Sentence: 10 ऋ॒जवे॒ स्वाहा
Sentence: 11 सा॒धवे॒ स्वाहा
Sentence: 12 सुक्षित्यै॒ स्वाहा
Sentence: 13 क्षु॒धे स्वाहा॑ ।
Sentence: 14 आ॑शिति॒म्ने स्वाहा
Sentence: 15 रोगा॑य॒ स्वाहा
Sentence: 16 हि॒माय॒ स्वाहा
Sentence: 17 शी॒ताय॒ स्वाहा॑ ।
Sentence: 18 आ॑त॒पाय॒ स्वाहा॑ ।
Sentence: 19 अर॑ण्याय॒ स्वाहा
Sentence: 20 सुव॒र्गाय॒ स्वाहा
Sentence: 21 लो॒काय॒ स्वाहा
Sentence: 22 सर्व॑स्मै॒ स्वाहा॑ ॥
Paragraph: 18
Verse: 1
Sentence: 1=a भुवो॑ दे॒वानां॒ कर्म॑णा॒पस॒र्तस्य॑ प॒थ्या॑सि॒ वसु॑भिर्दे॒वेभि॑र्दे॒वत॑या गाय॒त्रेण॑ त्वा॒ छन्द॑सा युनज्मि वस॒न्तेन॑ त्व॒र्तुना॑ ह॒विषा॑ दीक्षयामि
Sentence: 2=b रु॒द्रेभि॑र्दे॒वेभि॑र्दे॒वत॑या त्रैष्टुभेन त्वा॒ छन्द॑सा युनज्मि ग्री॒ष्मेण॑ त्व॒र्तुना॑ ह॒विषा॑ दीक्षयामि ।
Sentence: 3=c आ॑दि॒त्येभि॑र्दे॒वेभि॑र्दे॒वत॑या॒ जाग॑तेन त्वा॒ छन्द॑सा युनज्मि व॒र्षाभि॑र्त्व॒र्तुना॑ ह॒विषा॑ दीक्षयामि
Sentence: 4=d विश्वे॑भिर्दे॒वेभि॑र्दे॒वत॒यानु॑ष्टुभेन त्वा॒ छन्द॑सा युनज्मि ॥
Verse: 2
Sentence: 1 श॒रदा॑ त्व॒र्तुना॑ ह॒विषा॑ दीक्षयामि ।
Sentence: 2=e अङ्गि॑रोभिर्दे॒वेभि॑र्दे॒वत॑या॒ पाङ्क्ते॑न त्वा॒ छन्द॑सा युनज्मि हेमन्तशिशि॒राभ्यां॑ त्व॒र्तुना॑ ह॒विषा॑ दीक्षयामि ।
Sentence: 3=f आहं दी॒क्षाम॑रुहमृ॒तस्य॒ पत्नीं॑ गाय॒त्रेण॒ छन्द॑सा॒ ब्रह्म॑णा च॒र्तं स॒त्ये॑ ऽधां स॒त्यमृ॒ते॑ ऽधाम् ॥
Sentence: 4=g म॒हीमू॒ षु
Sentence: 5=h सु॒त्रामा॑णम्
Sentence: 6=i इ॒ह धृतिः॒ स्वाहा॑ ।
Sentence: 7=k इ॒ह विधृ॑तिः॒ स्वाहा॑ ।
Sentence: 8=l इ॒ह रन्तिः॒ स्वाहा॑ ।
Sentence: 9=m इ॒ह रम॑तिः॒ स्वाहा॑ ॥
Paragraph: 19
Verse: 1
Sentence: 1 ईं॑का॒राय॒ स्वाहा॑ ।
Sentence: 2 ईङ्कृ॑ताय॒ स्वाहा
Sentence: 3 क्रन्द॑ते॒ स्वाहा॑ ।
Sentence: 4 अ॑व॒क्रन्द॑ते॒ स्वाहा
Sentence: 5 प्रोथ॑ते॒ स्वाहा
Sentence: 6 प्र॒प्रोथ॑ते॒ स्वाहा
Sentence: 7 ग॒न्धाय॒ स्वाह
Sentence: 8 घ्रा॒ताय॒ स्वाहा
Sentence: 9 प्रा॒णाय॒ स्वाहा
Sentence: 10 व्या॒नाय॒ स्वाहा॑ ।
Sentence: 11 अ॑पा॒नाय॒ स्वाहा
Sentence: 12 सन्दी॒यमा॑नाय॒ स्वाहा
Sentence: 13 सन्दि॑ताय॒ स्वाहा
Sentence: 14 विचृ॒त्यमा॑नाय॒ स्वाहा
Sentence: 15 विचृ॑त्ताय॒ स्वाहा
Sentence: 16 पलायि॒ष्यमा॑णाय॒ स्वाहा
Sentence: 17 पला॑यिताय॒ स्वाहा॑ ।
Sentence: 18 उ॑परंस्य॒ते स्वाहा॑ ।
Sentence: 19 उप॑रताय॒ स्वाहा
Sentence: 20 निवेक्ष्य॒ते स्वाहा
Sentence: 21 निवि॒शमा॑नाय॒ स्वाहा
Sentence: 22 निवि॑ष्टाय॒ स्वाहा
Sentence: 23 निषत्स्य॒ते स्वाहा
Sentence: 24 नि॒षीद॑ते॒ स्वाहा
Sentence: 25 निष॑ण्णाय॒ स्वाहा॑ ॥
Verse: 2
Sentence: 1 आ॑सिष्य॒ते स्वाहा॑ ।
Sentence: 2 आसी॑नाय॒ स्वाहा॑ ।
Sentence: 3 आ॑सि॒ताय॒ स्वाहा
Sentence: 4 निपत्स्य॒ते स्वाहा
Sentence: 5 नि॒पद्य॑मानाय॒ स्वाहा
Sentence: 6 निप॑न्नाय॒ स्वाहा
Sentence: 7 शयिष्य॒ते स्वाहा
Sentence: 8 शया॑नाय॒ स्वाहा
Sentence: 9 शयि॒ताय॒ स्वाहा
Sentence: 10 सम्मीलिष्य॒ते स्वाहा
Sentence: 11 स॒म्मील॑ते॒ स्वाहा
Sentence: 12 सम्मी॑लिताय॒ स्वाहा
Sentence: 13 स्वप्स्य॒ते स्वाहा
Sentence: 14 स्वप॒ते स्वाहा
Sentence: 15 सु॒प्ताय॒ स्वाहा
Sentence: 16 प्रभोत्स्य॒ते स्वाहा
Sentence: 17 प्र॒बुध्य॑मानाय॒ स्वाहा
Sentence: 18 प्रबु॑द्धाय॒ स्वाहा
Sentence: 19 जागरिष्य॒ते स्वाहा
Sentence: 20 जाग्र॑ते॒ स्वाहा
Sentence: 21 जागरि॒ताय॒ स्वाहा
Sentence: 22 शुश्रू॑षमाणाय॒ स्वाहा
Sentence: 23 शृण्व॒ते स्वाहा
Sentence: 24 श्रु॒ताय॒ स्वाहा
Sentence: 25 वीक्षिष्य॒ते स्वाहा॑ ॥
Verse: 3
Sentence: 1 वीक्ष॑माणाय॒ स्वाहा
Sentence: 2 वीक्षि॑ताय॒ स्वाहा
Sentence: 3 संहास्य॒ते स्वाहा
Sentence: 4 स्मा॒जिहा॑नाय॒ स्वाहा॑ ।
Sentence: 5 उ॒ज्जिहा॑नाय॒ स्वाहा
Sentence: 6 विवर्त्स्य॒ते स्वाहा
Sentence: 7 वि॒वर्त॑मानाय॒ स्वाहा
Sentence: 8 विवृ॑त्ताय॒ स्वाहा॑ ।
Sentence: 9 उ॑त्थास्य॒ते स्वाहा॑ ।
Sentence: 10 उ॒त्तिष्ठ॑ते॒ स्वाहा॑ ।
Sentence: 11 उत्थि॑ताय॒ स्वाहा
Sentence: 12 विधविष्य॒ते स्वाहा
Sentence: 13 विधून्वा॒नाय॒ स्वाहा
Sentence: 14 विधू॑ताय॒ स्वाहा॑ ।
Sentence: 15 उ॑त्क्रंस्य॒ते स्वाहा॑ ।
Sentence: 16 उ॒त्क्राम॑ते॒ स्वाहा॑ ।
Sentence: 17 उत्क्रा॑न्ताय॒ स्वाहा
Sentence: 18 चङ्क्रमिष्य॒ते स्वाहा
Sentence: 19 चङ्क्र॒म्यमा॑णाय॒ स्वाहा
Sentence: 20 चङ्क्रमि॒ताय॒ स्वाहा
Sentence: 21 कण्डूयिष्य॒ते स्वाहा
Sentence: 22 कण्डू॒यमा॑नाय॒ स्वाहा
Sentence: 23 कण्डूयि॒ताय॒ स्वाहा
Sentence: 24 निकषिष्य॒ते स्वाहा
Sentence: 25 नि॒कष॑माणाय॒ स्वाहा
Sentence: 26 निक॑षिताय॒ स्वाहा
Sentence: 27 यदत्ति॒ तस्मै॒ स्वाहा
Sentence: 28 यत्पिब॑ति॒ तस्मै॒ स्वाहा
Sentence: 29 यन्मेह॑ति॒ तस्मै॒ स्वाहा
Sentence: 30 यच्छकृ॑त्क॒रोति॒ तस्मै॒ स्वाहा
Sentence: 31 रेत॑से॒ स्वाहा
Sentence: 32 प्र॒जाभ्यः॒ स्वाहा
Sentence: 33 प्र॒जन॑नाय॒ स्वाहा
Sentence: 34 सर्व॑स्मै॒ स्वाहा॑ ॥
Paragraph: 20
Verse: 1
Sentence: 1=a अ॒ग्नये॒ स्वाहा॑ वा॒यवे॒ स्वाहा॒ सूर्या॑य॒ स्वाहा॑ ।
Sentence: 2=b ऋ॒तम॑स्यृ॒तस्य॒र्तम॑सि स॒त्यम॑सि स॒त्यस्य॑ स॒त्यम॑सि ।
Sentence: 3=c ऋ॒तस्य॒ पन्था॑ असि दे॒वानां॑ छा॒यामृत॑स्य॒ नाम॒ तत्स॒त्यं यत्त्वम्प्र॒जाप॑ति॒रसि॑ ।
Sentence: 4=d अधि॒ यद॑स्मिन्वा॒जिनी॑व॒ शुभ॒ स्पर्ध॑न्ते॒ दिवः॒ सूर्ये॑ण॒ विशो॒ ऽपो वृ॑णा॒नः प॑वते क॒व्यन्प॒शुं न गो॒पा इर्यः॒ परि॑ज्मा ॥
Chapter: 2
Paragraph: 1
Verse: 1
Sentence: 1 सा॒ध्या वै॑ दे॒वाः सु॑व॒र्गका॑मा ए॒तं ष॑ड्रा॒त्रम॑पश्यन्
Sentence: 2 तमाह॑रन्
Sentence: 3 तेना॑यजन्त
Sentence: 4 ततो वै॒ ते सु॑व॒र्गं लो॒कमा॑यन्
Sentence: 5 य ए॒वं वि॒द्वांसः॑ षड्रा॒त्रमास॑ते सुव॒र्गमे॒व लो॒कं य॑न्ति
Sentence: 6 देवस॒त्त्रं वै॑ षड्रा॒त्रः
Sentence: 7 प्र॒त्यक्षं॒ ह्ये॒तानि॑ पृ॒ष्ठानि
Sentence: 8 य ए॒वं वि॒द्वांसः॑ षड्रा॒त्रमास॑ते सा॒क्षादे॒व दे॒वता॑ अ॒भ्यारो॑हन्ति
Sentence: 9 षड्रा॒त्रो भ॑वति
Sentence: 10 षड्वा ऋ॒तवः
Sentence: 11 षाट्पृ॒ष्ठानि॑ ॥
Verse: 2
Sentence: 1 पृष्ठैरे॒वर्तू॑न॒न्वारो॑हन्त्यृ॒तुभिः॑ संवत्स॒रम् ।
Sentence: 2 ते सं॑वत्स॒र ए॒व प्रति॑ तिष्ठन्ति
Sentence: 3 बृहद्रथन्त॒राभ्यां॑ यन्ति ।
Sentence: 4 इ॒यं वाव र॑थन्त॒रमसौ बृ॒हत् ।
Sentence: 5 आ॒भ्यामे॒व य॑न्ति ।
Sentence: 6 अथो॑ अ॒नयो॑रे॒व प्रति॑ तिष्ठन्ति ।
Sentence: 7 ए॒ते वै॑ य॒ज्ञस्या॑ञ्ज॒साय॑नी स्रुती
Sentence: 8 ताभ्या॑मे॒व सु॑व॒र्गं लो॒कं य॑न्ति
Sentence: 9 त्रि॒वृद॑ग्निष्टो॒मो भ॑वति
Sentence: 10 तेज॑ ए॒वाव॑ रुन्धते
Sentence: 11 पञ्चद॒शो भ॑वति ।
Sentence: 12 इ॑न्द्रि॒यमे॒वाव॑ रुन्धते
Sentence: 13 सप्तद॒शः ॥
Verse: 3
Sentence: 1 भ॑वति ।
Sentence: 2 अ॒न्नाद्य॒स्याव॑रुद्ध्यै ।
Sentence: 3 अथो प्रै॒व तेन॑ जायन्ते ।
Sentence: 4 ए॑कविं॒शो भ॑वति॒ प्रति॑ष्ठित्यै ।
Sentence: 5 अथो॒ रुच॑मे॒वात्मन्द॑धते
Sentence: 6 त्रिण॒वो भ॑वति॒ विजि॑त्यै
Sentence: 7 त्रयस्त्रिं॒शो भ॑वति
Sentence: 8 प्रति॑ष्ठित्यै
Sentence: 9 सदोहविर्धा॒निन॑ ए॒तेन॑ षड्रा॒त्रेण॑ यजेरन् ।
Sentence: 10 आश्व॑त्थी हवि॒र्धानं॒ चाग्नी॑ध्रं च भवतस्
Sentence: 11 तद्धि सु॑व॒र्ग्यम् ।
Sentence: 12 च॒क्रीव॑ती भवतः
Sentence: 13 सुव॒र्गस्य॑ लो॒कस्य॒ सम॑ष्ट्यै ।
Sentence: 14 उ॒लूख॑लबुध्नो॒ यूपो॑ भवति
Sentence: 15 प्रति॑ष्ठित्यै
Sentence: 16 प्राञ्चो॑ यान्ति
Sentence: 17 प्राङि॑व॒ हि सु॑व॒र्गः ॥
Verse: 4
Sentence: 1 लो॒कः
Sentence: 2 सर॑स्वत्या यान्ति ।
Sentence: 3 ए॒ष वै॑ देव॒यानः॒ पन्था॑स्
Sentence: 4 तमे॒वान्वारो॑हन्ति ।
Sentence: 5 आ॒क्रोश॑न्तो यान्ति ।
Sentence: 6 अव॑र्तिमे॒वान्यस्मि॑न्प्रति॒षज्य॑ प्रति॒ष्ठां ग॑छन्ति
Sentence: 7 य॒दा दश॑ श॒तं कु॒र्वन्त्यथै॑कमु॒त्थान॑म् ।
Sentence: 8 श॒तायुः॒ पुरु॑षः श॒तेन्द्रि॑यस् ।
Sentence: 9 आयु॑ष्ये॒वेन्द्रि॒ये प्रति॑ तिष्ठन्ति
Sentence: 10 य॒दा श॒तं स॒हस्रं॑ कु॒र्वन्त्यथै॑कमु॒त्थान॑म् ।
Sentence: 11 स॒हस्र॑सम्मितो॒ वा असौ लो॒कस् ।
Sentence: 12 अ॒मुमे॒व लो॒कम॒भि ज॑यन्ति
Sentence: 13 यदैषाम्प्र॒मीये॑त य॒दा वा॒ जीये॑र॒न्नथै॑कमु॒त्थान॑म् ।
Sentence: 14 तद्धि ती॒र्थम् ॥
Paragraph: 2
Verse: 1
Sentence: 1 कु॑सुरु॒बिन्द औद्दालकिरकामयत
Sentence: 2 पशु॒मान्त्स्या॒मिति
Sentence: 3 स ए॒तं स॑प्तरा॒त्रमाह॑रत्
Sentence: 4 तेना॑यजत
Sentence: 5 तेन वै॒ स याव॑न्तो ग्रा॒म्याः प॒शव॒स्तानवा॑रुन्द्ध
Sentence: 6 य ए॒वं वि॒द्वान्त्स॑प्तरा॒त्रेण॒ यज॑ते॒ याव॑न्त ए॒व ग्रा॒म्याः प॒शव॒स्ताने॒वाव॑ रुन्द्धे
Sentence: 7 सप्तरा॒त्रो भ॑वति
Sentence: 8 स॒प्त ग्रा॒म्याः प॒शवः॑ स॒प्तार॒ण्याः स॒प्त छन्दां॑सि ।
Sentence: 9 उ॒भय॒स्याव॑रुद्ध्यै
Sentence: 10 त्रि॒वृद॑ग्निष्टो॒मो भ॑वति
Sentence: 11 तेजः॑ ॥
Verse: 2
Sentence: 1 ए॒वाव॑ रुन्द्धे
Sentence: 2 पञ्चद॒शो भ॑वति ।
Sentence: 3 इ॑न्द्रि॒यमे॒वाव॑ रुन्द्धे
Sentence: 4 सप्तद॒शो भ॑वति ।
Sentence: 5 अ॒न्नाद्य॒स्याव॑रुद्ध्यै ।
Sentence: 6 अथो प्रै॒व तेन॑ जायते ।
Sentence: 7 ए॑कविं॒शो भ॑वति
Sentence: 8 प्रति॑ष्ठित्यै ।
Sentence: 9 अथो॒ रुच॑मे॒वात्मन्ध॑त्ते
Sentence: 10 त्रिण॒वो भ॑वति
Sentence: 11 विजि॑त्यै
Sentence: 12 पञ्चविं॒शो॑ ऽग्निष्टो॒मो भ॑वति प्र॒जाप॑ते॒राप्त्यै
Sentence: 13 महाव्र॒तवा॑न॒न्नाद्य॒स्याव॑रुद्ध्यै
Sentence: 14 विश्व॒जित्सर्व॑पृष्ठो ऽतिरा॒त्रो भ॑वति
Sentence: 15 सर्व॑स्या॒भिजि॑त्यै
Sentence: 16 यत्प्र॒त्यक्ष॒म्पूर्वे॒ष्वहः॑सु पृ॒ष्ठान्यु॑पे॒युः प्र॒त्यक्ष॑म् ॥
Verse: 3
Sentence: 1 वि॑श्व॒जिति॒ यथा॑ दु॒ग्धामु॑प॒सीद॑त्ये॒वमु॑त्त॒ममहः॑ स्यात् ।
Sentence: 2 नै॑करा॒त्रश्च॒न स्या॑त् ।
Sentence: 3 बृ॑हद्रथन्त॒रे पूर्वे॒ष्वहः॒सूप॑ यन्ति ।
Sentence: 4 इ॒यं वाव र॑थन्त॒रमसौ बृ॒हत् ।
Sentence: 5 आ॒भ्यामे॒व न य॒न्त्यथो॑ अ॒नयो॑रे॒व प्रति॑ तिष्ठन्ति
Sentence: 6 यत्प्र॒त्यक्षं॑ विश्व॒जिति॑ पृ॒ष्ठान्यु॑प॒यन्ति॒ यथा॒ प्रत्तां॑ दु॒हे ता॒दृगे॒व तत् ॥
Paragraph: 3
Verse: 1
Sentence: 1 बृह॒स्पति॑रकामयत
Sentence: 2 ब्रह्मवर्च॒सी स्या॒मिति
Sentence: 3 स ए॒तम॑ष्टरा॒त्रम॑पश्यत्
Sentence: 4 तमाह॑रत्
Sentence: 5 तेना॑यजत
Sentence: 6 ततो वै॒ स ब्र॑ह्मवर्च॒स्य॑भवत् ।
Sentence: 7 य ए॒वं वि॒द्वान॑ष्टरा॒त्रेण॒ यज॑ते ब्रह्मवर्च॒स्ये॒व भ॑वति ।
Sentence: 8 अ॑ष्टरा॒त्रो भ॑वति ।
Sentence: 9 अ॒ष्टाक्ष॑रा गाय॒त्री
Sentence: 10 गा॑य॒त्री ब्र॑ह्मवर्च॒सम् ।
Sentence: 11 गा॑यत्रियै॒व ब्र॑ह्मवर्च॒समव॑ रुन्द्धे ।
Sentence: 12 अ॑ष्टरा॒त्रो भ॑वति
Sentence: 13 चत॑र्सो वै॒ दिश॑स् ।
Sentence: 14 चत॑र्सो॒ ऽवान्त॑रदि॒शास् ।
Sentence: 15 दि॒ग्भ्य ए॒व ब्र॑ह्मवर्च॒समव॑ रुन्द्धे ॥
Verse: 2
Sentence: 1 त्रि॒वृद॑ग्निष्टो॒मो भ॑वति
Sentence: 2 तेज॑ ए॒वाव॑ रुन्द्धे
Sentence: 3 पञ्चद॒शो भ॑वति ।
Sentence: 4 इ॑न्द्रि॒यमे॒वाव॑ रुन्द्धे
Sentence: 5 सप्तद॒शो भ॑वत्य॒न्नाद्य॒स्याव॑रुद्ध्यै ।
Sentence: 6 अथो प्रै॒व तेन॑ जायते ।
Sentence: 7 ए॑कविं॒शो भ॑वति
Sentence: 8 प्रति॑ष्ठित्यै ।
Sentence: 9 अथो॒ रुच॑मे॒वात्मन्ध॑त्ते
Sentence: 10 त्रिण॒वो भ॑वति
Sentence: 11 विजि॑त्यै
Sentence: 12 त्रयस्त्रिं॒शो भ॑वति
Sentence: 13 प्रति॑ष्ठित्यै
Sentence: 14 पञ्चविं॒शो॑ ऽग्निष्टो॒मो भ॑वति प्र॒जाप॑ते॒राप्त्यै
Sentence: 15 महाव्र॒तवा॑न॒न्नाद्य॒स्याव॑रुद्ध्यै
Sentence: 16 विश्व॒जित्सर्व॑पृष्ठो ऽतिरा॒त्रो भ॑वति
Sentence: 17 सर्व॑स्या॒भिजि॑त्यै ॥
Paragraph: 4
Verse: 1
Sentence: 1 प्र॒जाप॑तिः प्र॒जा अ॑सृजत
Sentence: 2 ताः सृ॒ष्टाः क्षुधं॒ न्या॑यन् ।
Sentence: 3 स ए॒तं न॑वरा॒त्रम॑पश्यत्
Sentence: 4 तमाह॑रत्
Sentence: 5 तेना॑यजत
Sentence: 6 ततो वै प्र॒जाभ्यो॑ ऽकल्पत
Sentence: 7 यर्हि॑ प्र॒जाः क्षुधं॑ नि॒गछे॑यु॒स्तर्हि॑ नवरा॒त्रेण॑ यजेत ।
Sentence: 8 इ॒मे हि वा ए॒तासां॑ लो॒का अक्ळ्प्ता॒ अथै॒ताः क्षुधं॒ नि ग॑छन्ति ।
Sentence: 9 इ॒माने॒वाभ्यो॑ लो॒कान्क॑ल्पयति
Sentence: 10 तान्कल्प॑मानान्प्र॒जाभ्यो ऽनु॑ कल्पते
Sentence: 11 कल्प॑न्ते ॥
Verse: 2
Sentence: 1 अ॑स्मा इ॒मे लो॒का ऊर्ज॑म्प्र॒जासु॑ दधाति
Sentence: 2 त्रिरा॒त्रेणै॒वेमं लो॒कं क॑ल्पयति त्रिरा॒त्त्रेणा॒न्तरि॑क्षं त्रिरा॒त्रेणा॒मुं लो॒कम् ।
Sentence: 3 यथा॑ गु॒णे गु॒णम॒न्वस्य॑त्ये॒वमे॒व तल्लो॒के लो॒कमन्व॑स्यति॒ धृत्या॒ अशि॑थिलम्भावाय
Sentence: 4 ज्योतिर्गौ॒रायु॒रिति॑ ज्ञा॒ता स्तोमा॑ भवन्ति ।
Sentence: 5 इ॒यं वाव ज्योति॑र॒न्तरि॑क्षं गौर॒सावायु॑स् ।
Sentence: 6 ए॒ष्वे॒व लो॒केषु॒ प्रति॑ तिष्ठन्ति
Sentence: 7 ज्ञात्रं॑ प्र॒जानां॑ ॥
Verse: 3
Sentence: 1 ग॑छति
Sentence: 2 नवरा॒त्रो भ॑वति ।
Sentence: 3 अ॑भिपू॒र्वमे॒वास्मि॒न्तेजो॑ दधाति
Sentence: 4 यो ज्योगा॑मयावी॒ स्यात्स न॑वरा॒त्रेण॑ यजेत
Sentence: 5 प्रा॒णा हि वा ए॒तस्याधृ॑तास् ।
Sentence: 6 अथै॒तस्य॒ ज्योगा॑मयति प्रा॒णाने॒वास्मि॑न्दाधारस् ।
Sentence: 7 अ॒त यदी॒तासु॒र्भव॑ति जी॒वत्ये॒व ॥
Paragraph: 5
Verse: 1
Sentence: 1 प्र॒जाप॑तिरकामयत
Sentence: 2 प्र जा॑ये॒येति
Sentence: 3 स ए॒तं दश॑होतारमपश्यत्
Sentence: 4 तम॑जुहोत्
Sentence: 5 तेन॑ दशरा॒त्रम॑सृजत
Sentence: 6 तेन॑ दशरा॒त्रेण॒ प्राजा॑यत
Sentence: 7 दशरा॒त्राय॑ दीक्षि॒ष्यमा॑णो॒ दश॑होतारं जुहुयात् ।
Sentence: 8 दश॑होत्रै॒व द॑शरा॒त्रं सृ॑जत
Sentence: 9 तेन॑ दशरा॒त्रेण॒ प्र जा॑यते
Sentence: 10 वैरा॒जो वा ए॒ष य॒ज्ञो यद्द॑शरा॒त्रस् ।
Sentence: 11 य ए॒वं वि॒द्वान्द॑शरा॒त्रेण॒ यज॑ते वि॒राज॑मे॒व ग॑छति
Sentence: 12 प्राजाप॒त्यो वा ए॒ष य॒ज्ञो यद्द॑शरा॒त्रः ॥
Verse: 2
Sentence: 1 य ए॒वं वि॒द्वान्द॑शरा॒त्रेण॒ यज॑ते प्रैव जायते ।
Sentence: 2 इन्द्रो वै स॒दृङ्दे॒वता॑भिरासीत्
Sentence: 3 स न व्या॒वृत॑मगछत्
Sentence: 4 स प्र॒जाप॑ति॒मुपा॑धावत्
Sentence: 5 तस्मा॑ ए॒तं द॑शरा॒त्रम्प्राय॑छत्
Sentence: 6 तमाह॑रत्
Sentence: 7 तेना॑यजत
Sentence: 8 ततो वै॒ सो॒ ऽन्याभि॑र्दे॒वता॑भिर्व्या॒वृत॑मगछत् ।
Sentence: 9 य ए॒वं वि॒द्वान्द॑शरा॒त्रेण॒ यज॑ते व्या॒वृत॑मे॒व पा॒प्मना॒ भ्रातृ॑व्येण गछति
Sentence: 10 त्रिक॒कुद्वै॑ ॥
Verse: 3
Sentence: 1 ए॒ष य॒ज्ञो यद्द॑शरा॒त्रः
Sentence: 2 क॒कुत्प॑ञ्चद॒शः क॒कुदे॑कविं॒शः क॒कुत्त्र॑यस्त्रिं॒शस् ।
Sentence: 3 य ए॒वं वि॒द्वान्द॑शरा॒त्रेण॒ यज॑ते त्रिक॒कुदे॒व स॑मा॒नाना॑म्भवति
Sentence: 4 यजा॑मनः पञ्चद॒शो यज॑मान एकविं॒शो यज॑मानस्त्रयस्त्रिं॒शः पुर॒ इत॑रास् ।
Sentence: 5 अ॑भिच॒र्यमा॑णो दशरा॒त्रेण॑ यजेत
Sentence: 6 देवपु॒रा ए॒व पर्यू॑हते
Sentence: 7 तस्य॒ न कुत॑श्च॒नोपा॑व्या॒धो भ॑वति
Sentence: 8 नैनमभि॒चर॑न्त्स्तृणुते
Sentence: 9 देवासु॒राः संय॑त्ता आसन्
Sentence: 10 ते दे॒वा ए॒ताः ॥
Verse: 4
Sentence: 1 दे॑वपु॒रा अ॑पश्य॒न्यद्द॑शरा॒त्रस्
Sentence: 2 ताः पर्औ॑हन्त
Sentence: 3 तेषां॒ न कुत॑श्च॒नोपा॑व्या॒धो॑ ऽभवत्
Sentence: 4 ततो॑ दे॒वा अभ॑व॒न्परासु॑रास् ।
Sentence: 5 यो भ्रातृ॑व्यवा॒न्त्स्यात्स द॑शरा॒त्रेण॑ यजेत
Sentence: 6 देवपु॒रा ए॒व पर्यू॑हते
Sentence: 7 तस्य॒ न कुत॑श्च॒नोपा॑व्या॒धो भ॑वति
Sentence: 8 भव॑त्या॒त्मना॒ परा॑स्य॒ भ्रातृ॑व्यो भवति
Sentence: 9 स्तोम॒ स्तोम॒स्योप॑स्तिर्भवति
Sentence: 10 भ्रातृ॑व्यमे॒वोप॑स्तिं कुरुते
Sentence: 11 जा॒मि वै॑ ॥
Verse: 5
Sentence: 1 ए॒तत्कु॑र्वन्ति॒ यज्ज्यायां॑सं॒ स्तोम॑मु॒पेत्य॒ कनी॑यांसमुप॒यन्ति
Sentence: 2 यद॑ग्निष्टोमसा॒मान्य॒वस्ता॑च्च प॒रस्ता॑च्च॒ भव॒न्त्यजा॑मित्वाय
Sentence: 3 त्रि॒वृद॑ग्निष्टो॒मो॑ ऽग्नि॒ष्टुदा॑ग्ने॒यीषु॑ भवति
Sentence: 4 तेज॑ ए॒वाव॑ रुन्द्धे
Sentence: 5 पञ्चद॒श उ॒क्थ्य॑ ऐ॒न्द्रीषु॑ ।
Sentence: 6 इ॑न्द्रि॒यमे॒वाव॑ रुन्द्धे
Sentence: 7 त्रि॒वृद॑ग्निष्टो॒मो वै॑श्वदे॒वीषु
Sentence: 8 पुष्टि॑मे॒वाव॑ रुन्द्धे
Sentence: 9 सप्तद॒शो॑ ऽग्निष्टो॒मः प्रा॑जाप॒त्यासु॑ तीव्रसो॒मस् ।
Sentence: 10 अ॒न्नाद्य॒स्याव॑रुद्ध्यै ।
Sentence: 11 अथो प्रै॒व तेह॑ जायते ॥
Verse: 6
Sentence: 1 ए॑कविं॒श उ॒क्थ्यः॑ सौ॒रीषु॒ प्रति॑ष्ठियै ।
Sentence: 2 अथो॒ रुच॑मे॒वात्मन्ध॑त्ते
Sentence: 3 सप्तद॒शो॑ ऽग्निष्टो॒मः प्रा॑जाप॒त्यासू॑पह॒व्य॑स् ।
Sentence: 4 उ॑पह॒वमे॒व ग॑छति
Sentence: 5 त्रिण॒वाव॑ग्निष्टो॒माव॒भित॑ ऐ॒न्द्रीषु
Sentence: 6 विजि॑त्यै
Sentence: 7 त्रयस्त्रिं॒श उ॒क्थ्यो॑ वैश्वदे॒वीषु
Sentence: 8 प्रति॑ष्ठित्यै
Sentence: 9 विश्व॒जित्सर्व॑पृष्ठो ऽतिरा॒त्रो भ॑वति
Sentence: 10 सर्व॑स्या॒भिजि॑त्यै ॥
Paragraph: 6
Verse: 1
Sentence: 1 ऋ॒तवो वै प्र॒जाका॑माः प्र॒जां नावि॑न्दन्त
Sentence: 2 ते॑ ऽकामयन्त
Sentence: 3 प्र॒जां सृ॑जेमहि प्र॒जामव॑ रुन्धीमहि प्र॒जां वि॑न्देमहि प्र॒जाव॑न्तः स्या॒मेति
Sentence: 4 त ए॒तमे॑कादशरा॒त्रम॑पश्यन्
Sentence: 5 तमाह॑रन्
Sentence: 6 तेना॑यजन्त
Sentence: 7 ततो वै॒ ते प्र॒जाम॑सृजन्त प्र॒जामवा॑रुन्धत प्र॒जाम॑विन्दन्त प्र॒जाव॑न्तो ऽभवन्
Sentence: 8 त ऋ॒तवो॑ ऽभवन्
Sentence: 9 तदा॑र्त॒वाना॑मार्तव॒त्वम्
Sentence: 10 ऋतू॒नां वा ए॒ते पु॒त्रास्
Sentence: 11 तस्मा॑त् ॥
Verse: 2
Sentence: 1 आ॑र्त॒वा उ॑च्यन्ते
Sentence: 2 य ए॒वं वि॒द्वांस॑ एकादशरा॒त्रमास॑ते प्र॒जामे॒व सृ॑जन्ते प्र॒जामव॑ रुन्धते प्र॒जां वि॑न्दन्ते प्र॒जाव॑न्तो भवन्ति
Sentence: 3 ज्योति॑रतिरा॒त्रो भ॑वति
Sentence: 4 ज्योति॑रे॒व पु॒रस्ता॑द्दधते
Sentence: 5 सुव॒र्गस्य॑ लो॒कस्यानु॑ख्यात्यै
Sentence: 6 पृष्ठ्यः॑ षड॒हो भ॑वति
Sentence: 7 षड्वा ऋ॒तवः॒ षट्पृ॒ष्ठानि
Sentence: 8 पृष्ठैरे॒वर्तून॒न्वारो॑हन्त्यृ॒तुभिः॑ संवत्स॒रम् ।
Sentence: 9 ते सं॑वत्स॒र ए॒व प्रति॑ तिष्ठन्ति
Sentence: 10 चतुर्विं॒शो भ॑वति
Sentence: 11 चतु॑र्विंशत्यक्षरा गाय॒त्री ॥
Verse: 3
Sentence: 1 गा॑य॒त्रम्ब्र॑ह्मवर्च॒सम् ।
Sentence: 2 गा॑यत्रि॒यामे॒व ब्र॑ह्मवर्च॒से प्रति॑ तिष्ठन्ति
Sentence: 3 चतुश्चत्वारिं॒शो भ॑वति
Sentence: 4 चतु॑ष्चत्वारिंशदक्षरा त्रि॒ष्टुग्^त्रि॒ष्तुभ्
Sentence: 5 इन्द्रि॒यं त्रि॒ष्टुप्^त्रि॒ष्टुभ्
Sentence: 6 त्रि॒ष्टुभ्ये॒वेन्द्रि॒ये प्रति॑ तिष्ठन्ति ।
Sentence: 7 अ॑ष्टाचत्वारिं॒शो भ॑वति ।
Sentence: 8 अ॒ष्टाच॑त्वारिंशदक्षरा॒ जग॑ती
Sentence: 9 जाग॑ताः प॒शव॑स् ।
Sentence: 10 जग॑त्यामे॒व प॒शुषु॒ प्रति॑ तिष्ठन्ति ।
Sentence: 11 ए॑कादशरा॒त्रो भ॑वति
Sentence: 12 पञ्च॒ वा ऋ॒तव॑ आर्त॒वाः पञ्च॑ ।
Sentence: 13 ऋ॒तुष्वे॒वार्त॒वेषु॑ संवत्स॒रे प्र॑ति॒ष्ठाय॑ प्र॒जामव॑ रुन्धते ।
Sentence: 14 अ॑तिरा॒त्राव॒भितो॑ भवतः
Sentence: 15 प्र॒जाय॑ति॒ परि॑गृहीत्यै ॥
Paragraph: 7
Verse: 1
Sentence: 1 अै॑न्द्रवाय॒वाग्रा॑न्गृह्णीया॒द्यः का॒मये॑त
Sentence: 2 यथापू॒र्वम्प्र॒जाः क॑ल्पेर॒न्निति
Sentence: 3 य॒ज्ञस्य वै॒ कॢप्ति॒मनु॑ प्र॒जाः क॑ल्पन्ते य॒ज्ञस्याक्ळ्प्ति॒मनु॒ न क॑ल्पन्ते
Sentence: 4 यथापू॒र्वमे॒व प्र॒जाः क॑ल्पयति
Sentence: 5 न ज्यायां॑सं॒ कनी॑या॒नति॑ क्रामति ।
Sentence: 6 अै॑न्द्रवाय॒वाग्रा॑न्गृह्णीयादामया॒विनः
Sentence: 7 प्रा॒णेन॒ वा ए॒ष व्यृ॑ध्यते॒ यस्या॒मय॑ति
Sentence: 8 प्रा॒ण ऐ॑न्द्रवाय॒वः
Sentence: 9 प्रा॒णेनैवैनं॒ सम॑र्धयति
Sentence: 10 मैत्रावरु॒णाग्रा॑न्गृह्णीर॒न्येषां॑ दीक्षि॒ताना॑म्प्र॒मीये॑त ॥
Verse: 2
Sentence: 1 प्रा॑णापा॒नाभ्यां॒ वा ए॒ते व्यृ॑ध्यन्ते॒ येषां॑ दीक्षि॒ताना॑म्प्र॒मीय॑ते
Sentence: 2 प्राणापानौ मि॒त्रावरु॑णौ
Sentence: 3 प्राणापा॒नावे॒व मु॑खतः॒ परि॑ हरन्ते ।
Sentence: 4 आ॑श्वि॒नाग्रा॑न्गृह्णीतानुजाव॒रस् ।
Sentence: 5 अ॒श्विनौ वै दे॒वाना॑मानुजावरौ प॒श्चेवाग्र॒म्पर्ऐ॑ताम्
Sentence: 6 अ॒श्विना॑वे॒तस्या॑ दे॒वता॒ य आ॑नुजाव॒रस्
Sentence: 7 तावेवैन॒मग्र॒म्परि॑ णयतः
Sentence: 8 शु॒क्राग्रा॑न्गृह्णीत ग॒तश्रीः॑ प्रति॒ष्ठाका॑मस् ।
Sentence: 9 असौ॒ वा आ॑दि॒त्यः शु॒क्र ए॒षो ऽन्त॑स् ।
Sentence: 10 अन्त॑म्मनु॒ष्यः॑ ॥
Verse: 3
Sentence: 1 श्रियै ग॒त्त्वा नि व॑र्तते ।
Sentence: 2 अन्ता॑दे॒वान्त॒मा र॑भते
Sentence: 3 न ततः॒ पापी॑यान्भवति
Sentence: 4 म॒न्थ्य॑ग्रान्गृह्णीताभि॒चर॑न् ।
Sentence: 5 आ॑र्तपा॒त्रं वा ए॒तद्यन्म॑न्थिपा॒त्रम्
Sentence: 6 मृ॒त्युनैवैनं ग्राहयति
Sentence: 7 ता॒जगार्ति॒मार्छ॑ति ।
Sentence: 8 आ॑ग्रय॒णाग्रा॑न्गृह्णीत॒ यस्य॑ पि॒ता पि॑ताम॒हः पुण्यः॒ स्यादथ॒ तन्न प्रा॑प्नु॒यात् ।
Sentence: 9 वा॒चा वा ए॒ष इ॑न्द्रि॒येण॒ व्यृ॑ध्यते॒ यस्य॑ पि॒ता पि॑ताम॒हः पुण्यः॑ ॥
Verse: 4
Sentence: 1 भव॒त्यथ॒ तन्न प्रा॒प्नोति॑ ।
Sentence: 2 उर॑ इवै॒तद्य॒ज्ञस्य॒ वागि॑व॒ यदा॑ग्रय॒णस् ।
Sentence: 3 वाचैवैनमिन्द्रि॒येण॒ सम॑र्धयति
Sentence: 4 न ततः॒ पापी॑यान्भवति ।
Sentence: 5 उ॒क्थ्या॑ग्रान्गृह्णीताभिच॒र्यमा॑णः
Sentence: 6 सर्वे॑षां॒ वा ए॒तत्पात्रा॑णामिन्द्रि॒यं यदु॑क्थ्यपा॒त्रम् ।
Sentence: 7 सर्वे॑णैवैनमिन्द्रि॒येणा॑ति॒ प्र यु॑ङ्क्ते
Sentence: 8 सर॑स्वत्य॒भि नो॑ नेषि॒ वस्य॒ इति॑ पुरो॒रुचं॑ कुर्यात् ।
Sentence: 9 वाग्वै॑ ॥
Verse: 5
Sentence: 1 सर॑स्वती वाचैवैन॒मति॒ प्र यु॑ङ्क्ते
Sentence: 2 मा त्वत्क्षेत्रा॒ण्यर॑णानि ग॒न्मेत्या॑ह
Sentence: 3 मृ॒त्योर्वै॒ क्षेत्रा॒ण्यर॑णानि
Sentence: 4 तेनै॒व मृ॒त्योः क्षेत्रा॑णि॒ न ग॑छति
Sentence: 5 पू॒र्णान्ग्रहा॑न्गृह्णीयादामया॒विनः
Sentence: 6 प्रा॒णान्वा ए॒तस्य॒ शुगृ॑छति॒ यस्या॒मय॑ति
Sentence: 7 प्रा॒णा ग्रहाः
Sentence: 8 प्रा॒णाने॒वास्य॑ शु॒चो मु॑ञ्चति ।
Sentence: 9 उ॒त यदी॒तासु॒र्भव॑ति॒ जीव॑त्ये॒व
Sentence: 10 पू॒र्णान्ग्रहा॑न्गृह्णीया॒द्यर्हि॑ प॒र्जन्यो॒ न वर्षे॑त्
Sentence: 11 प्रा॒णान्वा ए॒तर्हि॑ प्र॒जानां॑ शुगृछति॒ यर्हि॑ प॒र्जन्यो॑ न॒ वर्ष॑त्
Sentence: 12 प्रा॒णा ग्रहाः
Sentence: 13 प्रा॒णाने॒व प्र॒जानां॑ शु॒चो मु॑ञ्चति
Sentence: 14 ता॒जक्प्र व॑र्षति ॥
Paragraph: 8
Verse: 1
Sentence: 1 गा॑य॒त्रो वा ऐ॑न्द्रवाय॒वस् ।
Sentence: 2 गा॑य॒त्रम्प्रा॑य॒णीय॒मह॑र् ।
Sentence: 3 तस्मा॑त्प्राय॒णीये ऽह॑न्ऐन्द्रवाय॒वो गृ॑ह्यते
Sentence: 4 स्व एवैनमा॒यत॑ने गृह्णाति
Sentence: 5 त्रैष्टुभो वै शु॒क्रस्
Sentence: 6 त्रैष्टुभम्द्वि॒तीय॒मह॑र् ।
Sentence: 7 तस्मा॑द्द्वि॒तीये ऽह॑ञ्छु॒क्रो गृ॑ह्यते
Sentence: 8 स्व एवैनमा॒यत॑ने गृह्णाति
Sentence: 9 जाग॑तो॒ वा आ॑ग्रय॒णस् ।
Sentence: 10 जाग॑तं तृ॒तीय॒मह॑र् ।
Sentence: 11 तस्मा॑त्तृ॒तीये ऽह॑न्नाग्रय॒णो गृ॑ह्यते
Sentence: 12 स्व एवैनमा॒यत॑ने गृह्णाति ।
Sentence: 13 ए॒तद्वै॑ ॥
Verse: 2
Sentence: 1 य॒ज्ञमा॑प॒द्यच्छन्दां॑स्या॒प्नोति
Sentence: 2 यदा॑ग्रय॒णः श्वो गृ॒ह्यते॒ यत्रै॒व य॒ज्ञमदृ॑श॒न्तत॑ एवैन॒म्पुनः॒ प्र यु॑ङ्क्ते
Sentence: 3 जग॑न्मुखो वै द्वि॒तीय॑स्त्रिरा॒त्रस् ।
Sentence: 4 जाग॑त आग्रय॒णस् ।
Sentence: 5 यच्च॑तु॒र्थे ऽह॑न्नाग्रय॒णो गृ॒ह्यते॒ स्व एवैनमा॒यत॑ने गृह्णाति ।
Sentence: 6 अथो॒ स्वमे॒व छन्दो ऽनु॑ प॒र्याव॑र्तन्ते
Sentence: 7 राथं॑तरो॒ वा ऐ॑न्द्रवाय॒वस् ।
Sentence: 8 राथं॑तरम्पञ्च॒ममह॑र् ।
Sentence: 9 तस्मा॑त्पञ्च॒मे ऽह॑न् ॥
Verse: 3
Sentence: 1 अै॑न्द्रवाय॒वो गृ॑ह्यते
Sentence: 2 स्व एवैनमा॒यत॑ने गृह्णाति
Sentence: 3 बार्ह॑तो वै शु॒क्रस् ।
Sentence: 4 बार्ह॑तं ष॒ष्ठमह॑र् ।
Sentence: 5 तस्मा॑त्ष॒ष्ठे ऽह॑ञ्छु॒क्रो गृ॑ह्यते
Sentence: 6 स्व एवैनमा॒यत॑ने गृह्णाति ।
Sentence: 7 ए॒तद्वै॑ द्वि॒तीयं॑ य॒ज्ञमा॑प॒द्यच्छन्दां॑स्या॒प्नोति
Sentence: 8 यच्छु॒क्रः श्वो गृ॒ह्यते॒ यत्रै॒व य॒ज्ञमदृ॑श॒न्तत॑ एवैन॒म्पुनः॒ प्र यु॑ङ्क्ते
Sentence: 9 त्रि॒ष्टुङ्मु॑खो वै तृ॒तीय॑स्त्रिरा॒त्रस्
Sentence: 10 त्रैष्टुभः ॥
Verse: 4
Sentence: 1 शु॒क्रस् ।
Sentence: 2 यत्स॑प्त॒मे ऽह॑ञ्छु॒क्रो गृ॒ह्यते॒ स्व एवैनमा॒यत॑ने गृह्णाति ।
Sentence: 3 अथो॒ स्वमे॒व छन्दो ऽनु॑ प॒र्याव॑र्तन्ते
Sentence: 4 वाग्वा आ॑ग्रय॒णस् ।
Sentence: 5 वाग॑ष्ट॒ममह॑र् ।
Sentence: 6 तस्मा॑दष्ट॒मे ऽह॑न्नाग्रय॒णो गृ॑ह्यते
Sentence: 7 स्व एवैनमा॒यत॑ने गृह्णाति
Sentence: 8 प्रा॒णो वा ऐ॑न्द्रवाय॒वः
Sentence: 9 प्रा॒णो न॑व॒ममह॑र् ।
Sentence: 10 तस्मा॑न्नव॒मे ऽह॑न्ऐन्द्रवाय॒वो गृ॑ह्यते
Sentence: 11 स्व एवैनमा॒यत॑ने गृह्णाति ।
Sentence: 12 ए॒तत् ॥
Verse: 5
Sentence: 1 वै॑ त्रि॒तीयं॑ य॒ज्ञमा॑प॒द्यच्छन्दां॑स्याप्नोति
Sentence: 2 यऐ॑न्द्रवाय॒वः श्वो गृ॒ह्यते॒ यत्रै॒व य॒ज्ञमदृश॒न्तत॑ एवैन॒म्पुनः॒ प्र यु॑ङ्क्ते ।
Sentence: 3 अथो॒ स्वमे॒व छन्दो ऽनु॑ प॒र्याव॑र्तन्ते
Sentence: 4 प॒थो वा ए॒ते ध्यप॑थेन यन्ति॒ ये॒ ऽन्येनै॑न्द्रवाय॒वात्प्र॑ति॒पद्य॑न्ते ।
Sentence: 5 अन्तः॒ खलु॒ वा ए॒ष य॒ज्ञस्य॒ यद्द॑श॒ममह॑र्
Sentence: 6 दश॒मे ऽह॑न्ऐन्द्रवाय॒वो गृ॑ह्यते
Sentence: 7 य॒ज्ञस्य॑ ॥
Verse: 6
Sentence: 1 ए॒वान्तं॑ ग॒त्वाप॑था॒त्पन्था॒मपि॑ यन्ति ।
Sentence: 2 अथो॒ यथा॒ वही॑यसा प्रति॒सारं॒ वह॑न्ति ता॒दृगे॒व तत् ।
Sentence: 3 छन्दां॑स्य॒न्यो॑ऽन्यस्य लो॒कम॑भ्य॒ अ॑ध्यायन्
Sentence: 4 तान्ये॒तेनै॒व दे॒वा व्य॑वाहयन् ।
Sentence: 5 अै॑न्द्रवाय॒वस्य॒ वा ए॒तदा॒यत॑नं॒ यच्च॑तु॒र्थमह॑र् ।
Sentence: 6 तस्मि॑न्नाग्रय॒णो गृ॑ह्यते
Sentence: 7 तस्मा॑दाग्रय॒णस्या॒यत॑ने नव॒मे ऽह॑न्ऐन्द्रवाय॒वो गृ॑ह्यते
Sentence: 8 शु॒क्रस्य॒ वा ए॒तदा॒यत॑नं॒ यत्प॑ञ्च॒मम् ॥
Verse: 7
Sentence: 1 अह॑र् ।
Sentence: 2 तस्मि॑न्ऐन्द्रवाय॒वो गृ॑ह्यते
Sentence: 3 तस्मा॑ऐन्द्रवाय॒वस्या॒यत॑ने सप्त॒मे ऽह॑ञ्छु॒क्रो गृ॑ह्यते ।
Sentence: 4 आ॑ग्रय॒णस्य॒ वा ए॒तदा॒यत॑नं॒ यत्ष॒ष्ठमह॑र् ।
Sentence: 5 तस्मै॑ञ्छु॒क्रो गृ॑ह्यते
Sentence: 6 तस्मा॑च्छु॒क्रस्या॒यत॑ने ऽष्ट॒मे ऽह॑न्नाग्रय॒णो गृ॑ह्यते
Sentence: 7 छन्दां॑स्ये॒व तद्वि वा॑हयति
Sentence: 8 प्र वस्य॑सो विवा॒हमा॑प्नोति॒ य ए॒वं वेद॑ ।
Sentence: 9 अथो॑ दे॒वता॑भ्य ए॒व य॒ज्ञे सं॒विदं॑ दधाति
Sentence: 10 तस्मा॑दि॒दम॒न्यो॒ऽन्यस्मै॑ दधाति ॥
Paragraph: 9
Verse: 1
Sentence: 1 प्र॒जाप॑तिरकामयत
Sentence: 2 प्र जा॑ये॒येति
Sentence: 3 स ए॒तं द्वा॑दशरा॒त्रम॑पश्यत्
Sentence: 4 तमाह॑रत्
Sentence: 5 तेना॑यजत
Sentence: 6 ततो वै॒ स प्राजा॑यत
Sentence: 7 यः का॒मये॑त
Sentence: 8 प्र जा॑ये॒येति
Sentence: 9 स द्वा॑दशरा॒त्रेण॑ यजेत
Sentence: 10 प्रै॒व जा॑यते
Sentence: 11 ब्रह्मवा॒दिनो॑ वदन्ति ।
Sentence: 12 अ॑ग्निष्टो॒मप्रा॑यणा य॒ज्ञा अथ॒ कस्मा॑दतिरा॒त्रः पूर्वः॒ प्र यु॑ज्यत॒ इति
Sentence: 13 चक्षु॑षी॒ वा ए॒ते य॒ज्ञस्य॒ यद॑तिरात्रौ क॒नीनि॑के अग्निष्टोमौ
Sentence: 14 यत् ॥
Verse: 2
Sentence: 1 अ॑ग्निष्टो॒मं पूर्व॑म्प्रयुञ्जी॒रन्ब॑हि॒र्धा क॒नीनि॑के दध्युस्
Sentence: 2 तस्मा॑दतिरा॒त्रः पूर्वः॒ प्र यु॑ज्यते
Sentence: 3 चक्षु॑षी ए॒व य॒ज्ञे धि॒त्वा म॑ध्य॒तः क॒नीनि॑के॒ प्रति॑ दधति
Sentence: 4 यो वै॑ गाय॒त्रीं ज्योतिः॑पक्षां॒ वेद॒ ज्योति॑षा भा॒सा सु॑व॒र्गं लो॒कमे॑ति
Sentence: 5 याव॑ग्निष्टोमौ तौ पक्षौ
Sentence: 6 ये ऽन्त॑रे॒ ऽष्टावु॒क्थ्याः॒ स आ॒त्मा ।
Sentence: 7 ए॒षा वै॑ गाय॒त्री ज्योतिः॑पक्षा
Sentence: 8 य ए॒वं वेद॒ ज्योति॑षा भा॒सा सु॑व॒र्गं लो॒कम् ॥
Verse: 3
Sentence: 1 ए॑ति
Sentence: 2 प्र॒जाप॑ति॒र्वा ए॒ष द्वा॑दश॒धा विहि॑तो॒ यद्द्वा॑दशरा॒त्रस् ।
Sentence: 3 याव॑तिरात्रौ तौ पक्षौ
Sentence: 4 ये ऽन्त॑रे॒ ऽष्टावु॒क्थ्याः॒ स आ॒त्मा
Sentence: 5 प्र॒जाप॑ति॒र्वावै॒ष सन्त्सद्ध वै स॒त्त्रेण॑ स्पृणोति
Sentence: 6 प्रा॒णा वै॒ सत्
Sentence: 7 प्रा॒णाने॒व स्पृ॑णोति
Sentence: 8 सर्वा॑सां॒ वा ए॒ते प्र॒जाना॑म्प्राणैरासते॒ ये स॒त्त्रमास॑ते
Sentence: 9 तस्मा॑त्पृछन्ति
Sentence: 10 किमे॒ते स॒त्त्रिण॒ इति
Sentence: 11 प्रि॒यः प्र॒जाना॒मुत्थि॑तो भवति॒ य ए॒वं वेद॑ ॥
Paragraph: 10
Verse: 1
Sentence: 1 न वा ए॒षो॒ ऽन्यतो॑वैश्वानरः सुव॒र्गाय॑ लो॒काय॒ प्राभ॑वत् ।
Sentence: 2 ऊ॒र्ध्वो ह॒ वा ए॒ष आत॑त आसीत्
Sentence: 3 ते दे॒वा ए॒तं वै॑श्वान॒रम्पर्औ॑हन्त्सुव॒र्गस्य॑ लो॒कस्य॒ प्रभू॑त्यै ।
Sentence: 4 ऋ॒तवो॒ वा ए॒तेन॑ प्र॒जाप॑तिमयाजयन्
Sentence: 5 तेष्वा॑र्ध्नो॒दधि॒ तत् ।
Sentence: 6 ऋ॒ध्नोति॑ ह॒ वा ऋ॒त्विक्षु॒ य ए॒वं वि॒द्वान्द्वा॑दशा॒हेन॒ यज॑ते
Sentence: 7 ते॑ ऽस्मिन्ऐछन्त
Sentence: 8 स रस॒मह॑ वस॒न्ताय॒ प्राय॑छत् ॥
Verse: 2
Sentence: 1 यवं॑ ग्री॒ष्मायौ॑षधीर्व॒र्षाभ्यो॑ व्री॒हीञ्छ॒रदे॑ माषतिलौ हेमन्तशिशि॒राभ्या॑म् ।
Sentence: 2 तेनेन्द्र॑म्प्र॒जाप॑तिरयाजयत्
Sentence: 3 ततो॒ वा इन्द्र॒ इन्द्रो॑ ऽभवत्
Sentence: 4 तस्मा॑दाहुस् ।
Sentence: 5 आ॑नुजाव॒रस्य॑ य॒ज्ञ इति
Sentence: 6 स ह्ये॒तेनाग्रे ऽय॑जत ।
Sentence: 7 ए॒ष ह वै कु॒णप॑मत्ति॒ यः स॒त्त्रे प्र॑तिगृ॒ह्णाति॑ पुरुषकुण॒पम॑श्वकुण॒पम् ।
Sentence: 8 गौ॒र्वा अन्न॑म् ।
Sentence: 9 येन॒ पात्रे॒णान्न॒म्बिभ्र॑ति॒ यत्तन्न नि॒र्णेनि॑जति॒ ततो ऽधि॑ ॥
Verse: 3
Sentence: 1 मलं॑ जायते ।
Sentence: 2 एक॑ ए॒व य॑जेत ।
Sentence: 3 एको॒ हि प्र॒जाप॑ति॒रार्ध्नो॑त् ।
Sentence: 4 द्वाद॑श रात्रीर्दीक्षि॒तः स्या॑त् ।
Sentence: 5 द्वाद॑श॒ मासाः॑ संवत्स॒रः
Sentence: 6 सं॑वत्स॒रः प्र॒जाप॑तिः
Sentence: 7 प्र॒जाप॑तिर्वावै॒ष^ वावै॒षस्
Sentence: 8 ए॒ष ह त्वै जायते॒ यस्तप॒सो ऽधि॒ जाय॑ते
Sentence: 9 चतु॒र्धा वा ए॒तास्ति॒स्रस्ति॑स्रो॒ रात्र॑यो॒ यद्द्वाद॑शो ऽप॒सद॑स् ।
Sentence: 10 याः प्र॑थ॒मा य॒ज्ञं ताभिः॒ सम्भ॑रति
Sentence: 11 या द्वि॒तीया॑ य॒ज्ञं ताभि॒रा र॑भते ॥
Verse: 4
Sentence: 1 यास्तृ॒तीयाः॒ पात्रा॑णि॒ ताभि॒र्निर्णे॑निक्ते
Sentence: 2 याश्च॑तु॒र्थीरपि॒ ताभि॑रा॒त्मान॑मन्तर॒तः शु॑न्धते
Sentence: 3 यो वा अ॑स्य प॒शुमत्ति॑ मां॒सं सो॑ ऽत्ति
Sentence: 4 यः पु॑रो॒डाश॑म्म॒तिष्कं स^ सस्
Sentence: 5 यः प॑रिवा॒पम्पुरी॑षं स^ सस्
Sentence: 6 य आज्य॑म्म॒ज्जानं स^ सस्
Sentence: 7 यः सोमं॒ स्वेदं॒ सस् ।
Sentence: 8 अपि॑ ह॒ वा अ॑स्य शीर्ष॒ण्या॑ नि॒ष्पदः॒ प्रति॑ गृह्णाति॒ यो द्वा॑दशा॒हे प्र॑तिगृ॒ह्णाति
Sentence: 9 तस्मा॑द्द्वादशा॒हेन॒ न याज्य॑म्पा॒प्मनो॒ व्यावृ॑त्त्यै ॥
Paragraph: 11
Verse: 1
Sentence: 1 एक॑स्मै॒ स्वाहा
Sentence: 2 द्वाभ्यां॒ स्वाहा
Sentence: 3 त्रि॒भ्यः स्वाहा
Sentence: 4 च॒तुर्भ्यः॒ स्वाहा
Sentence: 5 प॒ञ्चभ्यः॒ स्वाहा
Sentence: 6 ष॒ड्भ्यः स्वाहा
Sentence: 7 स॒प्तभ्यः॒ स्वाहा॑ ।
Sentence: 8 अ॑ष्टा॒भ्यः स्वाहा
Sentence: 9 न॒वभ्यः॒ स्वाहा
Sentence: 10 द॒शभ्यः॒ स्वाहा॑ ।
Sentence: 11 ए॑काद॒शभ्यः॒ स्वाहा
Sentence: 12 द्वाद॒शभ्यः॒ स्वाहा
Sentence: 13 त्रयोद॒शभ्यः॒ स्वाहा
Sentence: 14 चतुर्द॒शभ्यः॒ स्वाहा
Sentence: 15 पञ्चद॒शभ्यः॒ स्वाहा
Sentence: 16 षोड॒शभ्यः॒ स्वाहा
Sentence: 17 सप्तद॒शभ्यः॒ स्वाहा॑ ।
Sentence: 18 अ॑ष्टाद॒शभ्यः॒ स्वाहा॑ ।
Sentence: 19 एका॒न्न विं॑शत्यै॒ स्वाहा
Sentence: 20 नव॑विंशत्यै॒ स्वाहा॑ ।
Sentence: 21 एका॒न्न च॑त्वारिं॒शते॒ स्वाहा
Sentence: 22 नव॑चत्वारिंशते॒ स्वाहा॑ ।
Sentence: 23 एका॒न्न षष्ट्यै॒ स्वाहा
Sentence: 24 नव॑षष्ट्यै॒ स्वाहा॑ ।
Sentence: 25 एका॒न्नाशीत्यै॒ स्वाहा
Sentence: 26 नवा॑शीत्यै॒ स्वाहा॑ ।
Sentence: 27 एका॒न्न श॒ताय॒ स्वाहा
Sentence: 28 श॒ताय॒ स्वाहा
Sentence: 29 द्वाभ्यां॑ श॒ताभ्यां॒ स्वाहा
Sentence: 30 सर्व॑स्मै॒ स्वाहा॑ ॥
Paragraph: 12
Verse: 1
Sentence: 1 एक॑स्मै॒ स्वाहा
Sentence: 2 त्रि॒भ्यः स्वाहा
Sentence: 3 प॒ञ्चभ्यः॒ स्वाहा
Sentence: 4 स॒प्तभ्यः॒ स्वाहा
Sentence: 5 न॒वभ्यः॒ स्वाहा॑ ।
Sentence: 6 ए॑काद॒शभ्यः॒ स्वाहा
Sentence: 7 त्रयोदा॒सभ्यः॒ स्वाहा
Sentence: 8 पञ्चद॒शभ्यः॒ स्वाहा
Sentence: 9 सप्तद॒शभ्यः॒ स्वाहा॑ ।
Sentence: 10 एका॒न्न विं॑शत्यै॒ स्वाहा
Sentence: 11 नव॑विं॒सत्यै॒ स्वाहा॑ ।
Sentence: 12 एका॒न्न च॑त्वारिं॒शते॒ स्वाहा
Sentence: 13 नव॑चत्वारिंशते॒ स्वाहा॑ ।
Sentence: 14 एका॒न्न षष्ट्यै॒ स्वाहा
Sentence: 15 नव॑षष्ट्यै॒ स्वाहा॑ ।
Sentence: 16 एका॒न्नाशीत्यै॒ स्वाहा
Sentence: 17 नवा॑शीत्यै॒ स्वाहा॑ ।
Sentence: 18 एका॒न्न श॒ताय॒ स्वाहा
Sentence: 19 श॒ताय॒ स्वाहा
Sentence: 20 सर्व॑स्मै॒ स्वाहा॑ ॥
Paragraph: 13
Verse: 1
Sentence: 1 द्वाभ्यां॒ स्वाहा
Sentence: 2 च॒तुर्भ्यः॒ स्वाहा
Sentence: 3 ष॒ड्भ्यः स्वाहा॑ ।
Sentence: 4 अ॑ष्टा॒भ्यः स्वाहा
Sentence: 5 द॒शभ्यः॒ स्वाहा
Sentence: 6 द्वाद॒शभ्यः॒ स्वाहा
Sentence: 7 चतुर्द॒शभ्यः॒ स्वाहा
Sentence: 8 षोड॒शभ्यः॒ स्वाहा॑ ।
Sentence: 9 अ॑ष्टाद॒शभ्यः॒ स्वाहा
Sentence: 10 विंशत्यै॒ स्वाहा॑ ।
Sentence: 11 अ॒ष्टान॑वत्यै॒ स्वाहा
Sentence: 12 श॒ताय॒ स्वाहा
Sentence: 13 सर्व॑स्मै॒ स्वाहा॑ ॥
Paragraph: 14
Verse: 1
Sentence: 1 त्रि॒भ्यः स्वाहा
Sentence: 2 प॒ञ्चभ्यः॒ स्वाहा
Sentence: 3 स॒प्तभ्यः॒ स्वाहा
Sentence: 4 न॒वभ्यः॒ स्वाहा॑ ।
Sentence: 5 ए॑काद॒शभ्यः॒ स्वाहा
Sentence: 6 त्रयोदा॒सभ्यः॒ स्वाहा
Sentence: 7 पञ्चद॒शभ्यः॒ स्वाहा
Sentence: 8 सप्तद॒शभ्यः॒ स्वाहा॑ ।
Sentence: 9 एका॒न्न विं॑शत्यै॒ स्वाहा
Sentence: 10 नव॑विं॒सत्यै॒ स्वाहा॑ ।
Sentence: 11 एका॒न्न च॑त्वारिं॒शते॒ स्वाहा
Sentence: 12 नव॑चत्वारिंशते॒ स्वाहा॑ ।
Sentence: 13 एका॒न्न षष्ट्यै॒ स्वाहा
Sentence: 14 नव॑षष्ट्यै॒ स्वाहा॑ ।
Sentence: 15 एका॒न्नाशीत्यै॒ स्वाहा
Sentence: 16 नवा॑शीत्यै॒ स्वाहा॑ ।
Sentence: 17 एका॒न्न श॒ताय॒ स्वाहा
Sentence: 18 श॒ताय॒ स्वाहा
Sentence: 19 सर्व॑स्मै॒ स्वाहा॑ ॥
Paragraph: 15
Verse: 1
Sentence: 1 च॒तुर्भ्यः॒ स्वाहा॑ ।
Sentence: 2 अ॑ष्टा॒भ्यः स्वाहा
Sentence: 3 द्वाद॒शभ्यः॒ स्वाहा
Sentence: 4 षोड॒शभ्यः॒ स्वाहा
Sentence: 5 विंशत्यै॒ स्वाहा
Sentence: 6 षण्ण॑वत्यै॒ स्वाहा
Sentence: 7 श॒ताय॒ स्वाहा
Sentence: 8 सर्व॑स्मै॒ स्वाहा॑ ॥
Paragraph: 16
Verse: 1
Sentence: 1 प॒ञ्चभ्यः॒ स्वाहा
Sentence: 2 द॒शभ्यः॒ स्वाहा
Sentence: 3 पञ्चद॒शभ्यः॒ स्वाहा
Sentence: 4 विंशत्यै॒ स्वाहा
Sentence: 5 पञ्चनवत्यै॒ स्वाहा
Sentence: 6 श॒ताय॒ स्वाहा
Sentence: 7 सर्व॑स्मै॒ स्वाहा॑ ॥
Paragraph: 17
Verse: 1
Sentence: 1 द॒शभ्यः॒ स्वाहा
Sentence: 2 विंशत्यै॒ स्वाहा
Sentence: 3 त्रिं॒शते॒ स्वाहा
Sentence: 4 चत्वारिं॒शते॒ स्वाहा
Sentence: 5 पञ्चा॒शते॒ स्वाहा
Sentence: 6 षष्ट्यै॒ स्वाहा
Sentence: 7 सप्तत्यै॒ स्वाहा॑ ।
Sentence: 8 अ॑शीत्यै॒ स्वाहा
Sentence: 9 नवत्यै स्वाहा
Sentence: 10 श॒ताय॒ स्वाहा
Sentence: 11 सर्व॑स्मै॒ स्वाहा॑ ॥
Paragraph: 18
Verse: 1
Sentence: 1 विं॑शत्यै॒ स्वाहा
Sentence: 2 चत्वारिं॒शते॒ स्वाहा
Sentence: 3 षष्ट्यै॒ स्वाहा॑ ।
Sentence: 4 अ॑शीत्यै॒ स्वाहा
Sentence: 5 श॒ताय॒ स्वाहा
Sentence: 6 सर्व॑स्मै॒ स्वाहा॑ ॥
Paragraph: 19
Verse: 1
Sentence: 1 प॑ञ्चा॒शते॒ स्वाहा
Sentence: 2 श॒ताय॒ स्वाहा
Sentence: 3 द्वाभ्यां॑ श॒ताभ्यां॒ स्वाहा
Sentence: 4 त्रि॒भ्यः श॒तेभ्यः॒ स्वाहा
Sentence: 5 च॒तुर्भ्यः॑ श॒तेभ्यः॒ स्वाहा
Sentence: 6 प॒ञ्चभ्यः॑ श॒तेभ्यः॒ स्वाहा
Sentence: 7 ष॒ड्भ्यः श॒तेभ्यः॒ स्वाहा
Sentence: 8 स॒प्तभ्यः॑ श॒तेभ्यः॒ स्वाहा॑ ।
Sentence: 9 अ॑ष्टा॒भ्यः श॒तेभ्यः॒ स्वाहा
Sentence: 10 न॒वभ्यः॑ श॒तेभ्यः॒ स्वाहा
Sentence: 11 स॒हस्रा॑य॒ स्वाहा
Sentence: 12 सर्व॑स्मै॒ स्वाहा॑ ॥
Paragraph: 20
Verse: 1
Sentence: 1 श॒ताय॒ स्वाहा
Sentence: 2 स॒हस्रा॑य॒ स्वाहा॑ ।
Sentence: 3 अ॒युता॑य॒ स्वाहा
Sentence: 4 नि॒युता॑य॒ स्वाहा
Sentence: 5 प्र॒युता॑य॒ स्वाहा॑ ।
Sentence: 6 अर्बु॑दाय॒ स्वाहा
Sentence: 7 न्य॑र्बुदाय॒ स्वाहा
Sentence: 8 समु॒द्राय॒ स्वाहा
Sentence: 9 मध्या॑य॒ स्वाहा॑ ।
Sentence: 10 अन्ता॑य॒ स्वाहा
Sentence: 11 परा॒र्धाय॒ स्वाहा॑ ।
Sentence: 12 उ॒षसे॒ स्वाहा
Sentence: 13 व्यु॑ष्ट्यै॒ स्वाहा॑ ।
Sentence: 14 उ॑देष्य॒ते स्वाहा॑ ।
Sentence: 15 उ॑द्य॒ते स्वाहा॑ ।
Sentence: 16 उदि॑ताय॒ स्वाहा
Sentence: 17 सुव॒र्गाय॒ स्वाहा
Sentence: 18 लो॒काय॒ स्वाहा
Sentence: 19 सर्व॑स्मै॒ स्वाहा॑ ॥
Chapter: 3
Paragraph: 1
Verse: 1
Sentence: 1 प्र॒जवं॒ वा ए॒तेन॑ यन्ति॒ यद्द॑श॒ममह॑र् ।
Sentence: 2 पा॑पाव॒हीयं॒ वा ए॒तेन॑ भवन्ति॒ यद्द॑श॒ममह॑र्
Sentence: 3 यो वै॑ प्र॒जवं॑ य॒तामप॑थेन प्रति॒पद्य॑ते॒ य स्था॒णुं हन्ति॒ यो भ्रेषं॒ न्येति॒ स ही॑यते
Sentence: 4 स यो वै॑ दश॒मे ऽह॑न्नविवा॒क्य उ॑पह॒न्यते॒ स ही॑यते
Sentence: 5 तस्मै॒ य उप॑हताय॒ व्याह॒ तमे॒वान्वा॒रभ्य॒ सम॑श्नुते ।
Sentence: 6 अथ॒ यो व्याह॒ सः ॥
Verse: 2
Sentence: 1 ही॑यते
Sentence: 2 तस्मा॑द्दश॒मे ऽह॑न्नविवा॒क्य उप॑हताय॒ न व्युच्य॑म्
Sentence: 3 अथो॒ खल्वा॑हुर्
Sentence: 4 य॒ज्ञस्य वै॒ समृ॑द्धेन दे॒वाः सु॑व॒र्गं लो॒कमा॑यन्य॒ज्ञस्य॒ व्यृ॑द्धे॒नासु॑रा॒न्परा॑भावय॒
Sentence: 5 यत्खलु वै य॒ज्ञस्य॒ समृ॑द्धं॒ तद्यज॑मानस्य॒ यद्व्यृ॑द्धं॒ तद्भ्रातृ॑व्यस्य
Sentence: 6 स यो वै॑ दश॒मे ऽह॑न्नविवा॒क्य उ॑पह॒न्यते॒ स ए॒वाति॑ रेचयति
Sentence: 7 ते ये बाह्या॑ दृशी॒कवः॑ ॥
Verse: 3
Sentence: 1 स्युस्ते वि ब्रू॑युस् ।
Sentence: 2 यदि॒ तत्र॒ न वि॒न्देयु॑रन्तःसद॒साद्व्युच्य॑म् ।
Sentence: 3 तद्व्युच्य॑मे॒व ।
Sentence: 4 अथ॒ वा ए॒तत्स॑र्परा॒ज्ञिया॑ ऋ॒ग्भि स्तु॑वन्ति ।
Sentence: 5 इ॒यं वै॒ सर्प॑तो॒ राज्ञी
Sentence: 6 यद्वा अ॒स्यां किं चार्च॑न्ति॒ यदा॑नृ॒चुस्तेने॒यं स॑र्परा॒ज्ञी
Sentence: 7 ते यदे॒व किं च॑ वा॒चानृ॒चुर्यदतो ऽध्य॑र्चि॒तारः॑ ॥
Verse: 4
Sentence: 1 तदु॒भय॑मा॒प्त्वाव॒रुध्योत्ति॑ष्ठा॒मेति
Sentence: 2 ताभि॒र्मन॑सा स्तुवते
Sentence: 3 न वा इ॒माम॑श्वर॒थो नाश्व॑तरीर॒थः स॒द्यः पर्या॑प्तुमर्हति
Sentence: 4 मनो॒ वा इ॒मां स॒द्यः पर्या॑प्तुमर्हति॒ मनः॒ परि॑भवितुम्
Sentence: 5 अथ॒ ब्रह्म॑ वदन्ति
Sentence: 6 परि॑मिता॒ वा ऋचः॒ परि॑मितानि॒ सामा॑नि॒ परि॑मितानि॒ यजूं॒ष्यथै॒तस्यै॒वान्तो॒ नास्ति॒ यद्ब्र�
Sentence: 7 तत्प्र॑तिगृण॒त आ च॑क्षीत
Sentence: 8 स प्र॑तिग॒रः ॥
Paragraph: 2
Verse: 1
Sentence: 1 ब्र॑ह्मवा॒दिनो॑ वदन्ति
Sentence: 2 किं द्वा॑दशा॒हस्य॑ प्रथ॒मेनाह्न॒र्त्विजां॒ यज॑मानो वृङ्क्त॒ इति
Sentence: 3 तेज॑ इन्द्रि॒यमिति
Sentence: 4 किं द्वि॒तीये॒नेति
Sentence: 5 प्रा॒णान॒न्नाद्य॒मिति
Sentence: 6 किं तृ॒तीये॒नेति
Sentence: 7 त्रीनि॒माँ लो॒कानिति
Sentence: 8 किं च॑तु॒र्थेनेति
Sentence: 9 चतु॑ष्पदः प॒शूनिति
Sentence: 10 किम्प॑ञ्च॒मेनेति
Sentence: 11 पञ्चा॑क्षराम्प॒ङ्क्तिमिति
Sentence: 12 किं ष॒ष्ठेनेति
Sentence: 13 षडृ॒तूनिति
Sentence: 14 किं स॑प्त॒मेनेति
Sentence: 15 स॒प्तप॑दां शक्वरी॒मिति॑ ॥
Verse: 2
Sentence: 1 किम॑ष्ट॒मेनेति॑ ।
Sentence: 2 अ॒ष्टाक्ष॑रां गाय॒त्रीमिति
Sentence: 3 किं न॑व॒मेनेति
Sentence: 4 त्रि॒वृतं॒ स्तोम॒मिति
Sentence: 5 किं द॑श॒मेनेति
Sentence: 6 दशा॑क्षरां वि॒राज॒मिति
Sentence: 7 किमे॑काद॒शेनेति॑ ।
Sentence: 8 एका॑दशाक्षरां तृ॒ष्टुभ॒मिति
Sentence: 9 किं द्वा॑द॒शेनेति
Sentence: 10 द्वाद॑शाक्षरां॒ जग॑ती॒मिति॑ ।
Sentence: 11 ए॒ताव॒द्वा अ॑स्ति॒ याव॑दे॒तत् ।
Sentence: 12 याव॑दे॒वास्ति॒ तदे॑षां वृङ्क्ते ॥
Paragraph: 3
Verse: 1
Sentence: 1 ए॒ष वा आ॒प्तो द्वा॑दशा॒हो यत्त्र॑योदशरा॒त्रः
Sentence: 2 स॑मा॒नं ह्ये॒तदह॒र्यत्प्रा॑य॒णीय॑श्चोदय॒नीय॑श्च
Sentence: 3 त्र्य॑तिरात्रो भवति
Sentence: 4 त्रय॑ इ॒मे लो॒कास् ।
Sentence: 5 ए॒षां लो॒काना॒माप्त्यै
Sentence: 6 प्रा॒णो वै॑ प्रथ॒मो॑ ऽतिरा॒त्रो व्या॒नो द्वि॒तीयो॑ ऽपा॒नस्तृ॒तीयः
Sentence: 7 प्राणापानोदा॒नेष्वे॒वान्नाद्ये॒ प्रति॑ तिष्ठन्ति॒ सर्व॒मायु॑र्यन्ति॒ य ए॒वं वि॒द्वांस॑स्त
Sentence: 8 तदा॑हुस् ।
Sentence: 9 वाग्वा ए॒षा वित॑ता ॥
Verse: 2
Sentence: 1 यद्द्वा॑दशा॒हस्
Sentence: 2 तां वि छि॑न्द्यु॒र्यन्मध्ये॑ ऽतिरा॒त्रं कु॒र्युरु॑प॒दासु॑का गृ॒हप॑ते॒र्वाक्स्या॑त् ।
Sentence: 3 उ॒परि॑ष्टाच्छन्दो॒माना॑म्महाव्र॒तं कु॑र्वन्ति॒ सन्त॑तामे॒व वाच॒मव॑ रु॒न्द्धे ऽनु॑पदासुका गृ॒हप॑ते॒र्वाग्भ॑वति
Sentence: 4 प॒शवो वै छन्दो॒मा अन्न॑म्महाव्र॒तम् ।
Sentence: 5 यदु॒परि॑ष्टाच्छन्दो॒माना॑म्महाव्र॒तं कु॒र्वन्ति॑ प॒शुषु॑ चै॒वान्नाद्ये॑ च॒ प्रति॑ तिष्ठन्ति ॥
Paragraph: 4
Verse: 1
Sentence: 1 आ॑दि॒त्या अ॑कामयन्त ।
Sentence: 2 उ॒भयो॑र्लो॒कयो॑रृध्नुया॒मेति
Sentence: 3 त ए॒तं च॑तुर्दशरा॒त्रम॑पश्यन्
Sentence: 4 तमाह॑रन्
Sentence: 5 तेना॑यजन्त
Sentence: 6 ततो वै॒ त उ॒भयो॑र्लो॒कयो॑रार्ध्नुवन्न॒स्मिंश्चा॒मुष्मिं॑श्च
Sentence: 7 य ए॒वं वि॒द्वांस॑श्चतुर्दशरा॒त्रमास॑त उ॒भयो॑रे॒व लो॒कयो॑रृध्नुवन्त्य॒स्मिंश्चा॒मुष्मिं॑�
Sentence: 8 चतुर्दशरा॒त्रो भ॑वति
Sentence: 9 स॒प्त ग्रा॒म्या ओष॑धयः स॒प्तार॒ण्या उ॒भयी॑षा॒मव॑रुद्ध्यै
Sentence: 10 यत्प॑रा॒चीना॑नि प्रा॒ष्ठानि॑ ॥
Verse: 2
Sentence: 1 भव॒न्त्यमु॑मे॒व तै॑र्लो॒कम॒भि ज॑यन्ति
Sentence: 2 यत्प्र॑ती॒चीना॑नि पृ॒ष्ठानि॒ भव॑न्ती॒ममे॒व तै॑र्लो॒कम॒भि ज॑यन्ति
Sentence: 3 त्रयस्त्रिंशौ मध्य॒त स्तोमौ॑ भवतः॒ साम्रा॑ज्यमे॒व ग॑छन्ति ।
Sentence: 4 अ॑धिराजौ भवतो ऽधिरा॒जा ए॒व स॑मा॒नाना॑म्भवन्ति ।
Sentence: 5 अ॑तिरा॒त्रा व॒भितो॑ भवतः
Sentence: 6 परि॑गृहीत्यै ॥
Paragraph: 5
Verse: 1
Sentence: 1 प्र॒जाप॑तिः सुव॒र्गं लो॒कऐ॑त्
Sentence: 2 तं दे॒वा अन्वा॑यन्
Sentence: 3 ताना॑दि॒त्याश्च॑ प॒शव॒श्चान्वा॑यन्
Sentence: 4 ते दे॒वा अ॑ब्रुवन्
Sentence: 5 यान्प॒शूनु॒पाजी॑विष्म॒ त इ॒मे॒ ऽन्वाग्म॒न्निति
Sentence: 6 तेभ्य॑ ए॒तं च॑तुर्दशरा॒त्रम्प्रत्औ॑हन्
Sentence: 7 त आ॑दि॒त्याः पृष्ठैः सुव॒र्गं लो॒कमारो॑हन्त्र्य॒हाभ्या॑म॒स्मिँ लो॒के प॒शून्प्रत्औ॑हन्
Sentence: 8 पृष्ठैरादि॒त्या अ॒मुष्मिँ॑ लो॒क आर्ध्नु॑वन्त्र्य॒हाभ्या॑म॒स्मिन् ॥
Verse: 2
Sentence: 1 लो॒के प॒शव॑स् ।
Sentence: 2 य ए॒वं वि॒द्वांस॑श्चतुर्दशरा॒त्रमास॑त उ॒भयो॑रे॒व लो॒कयो॑रृध्नुवन्त्यस्मिंश्चा॒मुष्मिं॑श�
Sentence: 3 पृष्ठैरे॒वामुष्मिँ॑ लो॒क ऋ॑ध्नु॒वन्ति॑ त्र्य॒हाभ्या॑म॒स्मिँ लो॒के
Sentence: 4 ज्योतिर्गौ॒रायु॒रिति॑ त्र्य॒हो भ॑वति ।
Sentence: 5 इ॒यं वाव ज्योति॑र॒न्तरि॑क्षं गौर॒सावायु॑स् ।
Sentence: 6 इ॒माने॒व लो॒कान॒भ्यारो॑हन्ति
Sentence: 7 यद॒न्यतः॑ पृ॒ष्ठानि॒ स्युर्विवि॑वधं स्यात् ।
Sentence: 8 मध्ये॑ पृ॒ष्ठानि॑ भवन्ति सविवध॒त्वाय॑ ॥
Verse: 3
Sentence: 1 ओजो वै वी॒र्य॑म्पृ॒ष्ठानि॑ ।
Sentence: 2 ओज॑ ए॒व वी॒र्य॑म्मध्य॒तो द॑धते
Sentence: 3 बृहद्रथन्त॒राभ्यां॑ यन्ति ।
Sentence: 4 इ॒यं वाव र॑थन्त॒रमसौ बृ॒हत् ।
Sentence: 5 आ॒भ्यामे॒व य॑न्ति ।
Sentence: 6 अथो॑ अ॒नयो॑रे॒व प्रति॑ तिष्ठनि ।
Sentence: 7 ए॒ते वै॑ य॒ज्ञस्या॑ञ्ज॒साय॑नी स्रु॒ती
Sentence: 8 ताभ्या॑मे॒व सु॑व॒र्गं लो॒कं य॑न्ति
Sentence: 9 परा॑ञ्चो॒ वा ए॒ते सु॑व॒र्गं लो॒कम॒भ्यारो॑हन्ति॒ ये प॑रा॒चीना॑नि पृ॒ष्ठान्यु॑प॒यन्ति
Sentence: 10 प्र॒त्यञ्त्र्य॒हो भ॑वति प्र॒त्यव॑रूढ्या॒ अथो॒ प्रति॑ष्ठियै ।
Sentence: 11 उ॒भयो॑र्लो॒कयो॑रृ॒द्ध्वोत्ति॑ष्ठन्ति
Sentence: 12 चतु॑र्दशै॒तास् ।
Sentence: 13 तासां॒ या दश॒ दशा॑क्षरा वि॒राडन्नं॑ वि॒राड्वि॒राजै॒वान्नाद्य॒मव॑ रुन्धते
Sentence: 14 याश्चत॑स्र॒श्चत॑स्रो॒ दिशो॑ दि॒क्ष्वे॒व प्रति॑ तिष्ठन्ति ।
Sentence: 15 अ॑तिरा॒त्राव॒भितो॑ भवतः॒ परि॑गृहीत्यै ॥
Paragraph: 6
Verse: 1
Sentence: 1 इन्द्रो वै स॒दृङ्दे॒वता॑भिरासीत्
Sentence: 2 स न व्या॒वृत॑मगछत्
Sentence: 3 स प्र॒जाप॑ति॒मुपा॑धावत्
Sentence: 4 तस्मा॑ ए॒तम्प॑ञ्चदशरा॒त्रम्पाय॑छत्
Sentence: 5 तमाह॑रत्
Sentence: 6 तेना॑यजत
Sentence: 7 ततो वै॒ सो॒ ऽन्याभि॑र्दे॒वता॑भिर्व्या॒वृत॑मगछत् ।
Sentence: 8 य ए॒वं वि॒द्वांसः॑ पञ्चदशरा॒त्रमास॑ते व्या॒वृत॑मे॒व पा॒प्मना॒ भ्रातृ॑व्येण गछन्ति
Sentence: 9 ज्योतिर्गौ॒रायु॒रिति॑ त्र्य॒हो भ॑वति ।
Sentence: 10 इ॒यं वाव ज्योति॑र॒न्तरि॑क्षम् ॥
Verse: 2
Sentence: 1 गौ॑र॒सावायु॑स् ।
Sentence: 2 ए॒ष्वे॒व लो॒केषु॒ प्रति॑ तिष्ठन्ति ।
Sentence: 3 अस॑त्त्रं॒ वा ए॒तद्यद॑छन्दो॒मम् ।
Sentence: 4 यच्छ॑न्दो॒मा भव॑न्ति॒ तेन॑ स॒त्त्रम् ।
Sentence: 5 दे॒वता॑ ए॒व पृष्ठै॒रव॑ रुन्धते प॒शूञ्छ॑न्दोमैस् ।
Sentence: 6 ओज॑स्ये॒व वी॒र्ये॑ प॒शुषु॒ प्रति॑ तिष्ठन्ति
Sentence: 7 पञ्चदशरा॒त्रो भ॑वति
Sentence: 8 पञ्चद॒शो वज्र॑स् ।
Sentence: 9 वज्र॑मे॒व भ्रातृ॑व्येभ्यः॒ प्र ह॑रन्ति ।
Sentence: 10 अ॑तिरा॒त्राव॒भितो॑ भवतस् ।
Sentence: 11 इ॑न्द्रि॒यस्य॒ परि॑गृहीत्यै ॥
Paragraph: 7
Verse: 1
Sentence: 1 इन्द्रो वै शिथि॒ल इ॒वाप्र॑तिष्ठित आसीत्
Sentence: 2 सो ऽसु॑रेभ्यो ऽबिभेत्
Sentence: 3 स प्र॒जाप॑ति॒मुपा॑धावत्
Sentence: 4 तस्मा॑ ए॒तम्प॑ञ्चदशरा॒त्रं वज्र॒म्प्राय॑छत्
Sentence: 5 तेनासु॑रान्परा॒भाव्य॑ वि॒जित्य॒ श्रिय॑मगछत् ।
Sentence: 6 अ॑ग्नि॒ष्टुता॑ पा॒प्मानं॒ निर॑दहत पञ्चदशरा॒त्रेणौ॑जो॒ बल॑मिन्द्रि॒यं वी॒र्य॑मा॒त्मन्न॑धत�
Sentence: 7 य ए॒वं वि॒द्वांसः॑ पञ्चदशरा॒त्रमास॑ते॒ भ्रातृ॑व्याने॒व प॑रा॒भाव्य॑ वि॒जित्य॒ श्रियं॑ गछन्ति ।
Sentence: 8 अ॑ग्नि॒ष्टुता॑ पा॒प्मानं॒ निः ॥
Verse: 2
Sentence: 1 द॑हन्ते पञ्चदशरा॒त्रेणौ॑जो॒ बल॑मिन्द्रि॒यं वी॒र्य॑मा॒त्मन्द॑धते ।
Sentence: 2 ए॒ता ए॒व प॑श॒व्याः
Sentence: 3 पञ्च॑दश॒ वा अ॑र्ध॒मास॑स्य॒ रात्र॑यस् ।
Sentence: 4 अ॑र्धमास॒शः सं॑वत्स॒र आ॑प्यते
Sentence: 5 संवत्स॒रम्प॒शवो ऽनु॒ प्र जा॑यन्ते
Sentence: 6 तस्मा॑त्पश॒व्या॑स् ।
Sentence: 7 ए॒ता ए॒व सु॑व॒र्ग्याः
Sentence: 8 पञ्च॑दश॒ वा अ॑र्धमा॒सस्य॒ रात्र॑यस् ।
Sentence: 9 अ॑र्धमास॒शः सं॑वत्स॒र आ॑प्यते
Sentence: 10 संवत्स॒रः सु॑व॒र्गो लो॒कस्
Sentence: 11 तस्मा॑द्सुव॒र्ग्या॑स् ।
Sentence: 12 ज्योतिर्गौ॒रायु॒रिति॑ त्र्य॒हो भ॑वति ।
Sentence: 13 इ॒यं वाव ज्योति॑र॒न्तरि॑क्षम् ॥
Verse: 3
Sentence: 1 गौ॑र॒सावायु॑स् ।
Sentence: 2 इ॒माने॒व लो॒कान॒भ्यारो॑हन्ति
Sentence: 3 यद॒न्यतः॑ पृ॒ष्ठानि॒ स्युर्विवि॑वधं स्यात् ।
Sentence: 4 मध्ये॑ पृ॒ष्ठानि॑ भवन्ति सविवध॒त्वाय॑ ।
Sentence: 5 ओजो वै वी॒र्य॑म्पृ॒ष्ठानि॑ ।
Sentence: 6 ओज॑ ए॒व वी॒र्य॑म्मध्य॒तो द॑धते
Sentence: 7 बृहद्रथन्त॒राभ्यां॑ यन्ति ।
Sentence: 8 इ॒यं वाव र॑थन्त॒रमसौ बृ॒हत् ।
Sentence: 9 आ॒भ्यामे॒व य॑न्ति ।
Sentence: 10 अथो॑ अ॒नयो॑रे॒व प्रति॑ तिष्ठनि ।
Sentence: 11 ए॒ते वै॑ य॒ज्ञस्या॑ञ्ज॒साय॑नी स्रु॒ती
Sentence: 12 ताभ्या॑मे॒व सु॑व॒र्गं लो॒कम् ॥
Verse: 4
Sentence: 1 य॑न्ति
Sentence: 2 परा॑ञ्चो॒ वा ए॒ते सु॑व॒र्गं लो॒कम॒भ्यारो॑हन्ति॒ ये प॑रा॒चीना॑नि पृ॒ष्ठान्यु॑प॒यन्ति
Sentence: 3 प्र॒त्यञ्त्र्य॒हो भ॑वति प्र॒त्यव॑रूढ्या॒ अथो॒ प्रति॑ष्ठियै ।
Sentence: 4 उ॒भयो॑र्लो॒कयो॑रृ॒द्ध्वोत्ति॑ष्ठन्ति
Sentence: 5 पञ्च॑दशै॒तास्
Sentence: 6 तासां॒ या दश॒ दशा॑क्षरा वि॒राडन्नं॑ वि॒राड्वि॒राजै॒वान्नाद्य॒मव॑ रुन्धते
Sentence: 7 याः पञ्च॑ पञ्च॒ दिशः॑ दि॒क्ष्वे॒व प्रति॑ तिष्ठन्ति ।
Sentence: 8 अ॑तिरा॒त्राव॒भितो॑ भवतस् ।
Sentence: 9 इ॑न्द्रि॒यस्य॑ वी॒र्य॑स्य प्र॒जाय॑ति पशू॒नाम्परि॑गृहीत्यै ॥
Paragraph: 8
Verse: 1
Sentence: 1 प्र॒जाप॑तिरकामयत ।
Sentence: 2 अ॑न्ना॒दः स्या॒मिति
Sentence: 3 स ए॒तं स॑प्तदशरा॒त्रम॑पश्यत्
Sentence: 4 तमाह॑रत्
Sentence: 5 तेना॑यजत
Sentence: 6 ततो वै॒ सो॑ ऽन्ना॒दो॑ ऽभवत् ।
Sentence: 7 य ए॒वं वि॒द्वांसः॑ सप्तदशरा॒त्रमास॑ते ऽन्ना॒दा ए॒व भ॑वन्ति
Sentence: 8 पञ्चा॒हो भ॑वति
Sentence: 9 पञ्च॒ वा ऋ॒तवः॑ संवत्स॒रस् ।
Sentence: 10 ऋ॒तुष्वे॒व सं॑वत्स॒रे प्रति॑ तिष्ठन्ति ।
Sentence: 11 अथो॒ पञ्चा॑क्षरा प॒ङ्क्तिः
Sentence: 12 पाङ्क्तो॑ य॒ज्ञस् ।
Sentence: 13 यज्ञ॑मे॒वाव॑ रुन्धते ।
Sentence: 14 अस॑त्त्रं॒ वा ए॒तत् ॥
Verse: 2
Sentence: 1 यद॑छन्दो॒मम् ।
Sentence: 2 यच्छ॑न्दो॒मा भव॑न्ति॒ तेन॑ स॒त्त्रम् ।
Sentence: 3 दे॒वता॑ ए॒व पृष्ठै॒रव॑ रुन्धते प॒शूञ्छ॑न्दोमैस् ।
Sentence: 4 ओज॑स्ये॒व वी॒र्ये॑ प॒शुषु॒ प्रति॑ तिष्ठन्ति
Sentence: 5 सप्तदशरा॒त्रो भ॑वति
Sentence: 6 सप्तद॒शः प्र॒जाप॑तिः
Sentence: 7 प्र॒जाप॑ते॒राप्त्यै॑ ।
Sentence: 8 अ॑तिरा॒त्राव॒भितो॑ भवतस् ।
Sentence: 9 अ॒न्नाद्य॑स्य॒ परि॑गृहीत्यै ॥
Paragraph: 9
Verse: 1
Sentence: 1 सा वि॒राड्वि॒क्रम्या॑तिष्ठ॒द्ब्रह्म॑णा दे॒वेष्वन्ने॒नासु॑रेषु
Sentence: 2 ते दे॒वा अ॑कामयन्त ।
Sentence: 3 उ॒भयं॒ सं वृ॑ञ्जीमहि॒ ब्रह्म॒ चान्नं॒ चेति
Sentence: 4 त ए॒ता विं॑श॒तिं रात्री॑रपश्यन्
Sentence: 5 ततो वै॒ त उ॒भयं॒ सम॑वृञ्जत॒ ब्रह्म॒ चान्नं॑ च ब्रह्मवर्च॒सिनो॑ ऽन्ना॒दा अ॑भवन्
Sentence: 6 य ए॒वं वि॒द्वांस॑ ए॒ता आस॑त उ॒भय॑मे॒व सं वृ॑ञ्जते॒ ब्रह्म॒ चान्नं॑ च ॥
Verse: 2
Sentence: 1 ब्र॑ह्मवर्च॒सिनो॑ ऽन्ना॒दा भ॑वन्ति
Sentence: 2 द्वे वा ए॒ते वि॒राजौ
Sentence: 3 तयो॑रे॒व नाना॒ प्रति॑ तिष्ठन्ति
Sentence: 4 विं॒शो वै॒ पुरु॑षो॒ दश॒ हस्त्या॑ अ॒ङ्गुल॑यो॒ दश॑ पद्यास् ।
Sentence: 5 यावा॑ने॒व पुरु॑ष॒स्तमा॒प्त्वोत्ति॑ष्ठन्ति
Sentence: 6 ज्योतिर्गौ॒रायु॒रिति॑ त्र्य॒हा भ॑वन्ति ।
Sentence: 7 इ॒यं वाव ज्योति॑र॒न्तरि॑क्षं गौर॒सावायु॑स् ।
Sentence: 8 इ॒माने॒व लो॒कान॒भ्यारो॑हन्ति ।
Sentence: 9 अ॑भिपू॒र्वं त्र्य॒हा भ॑वन्ति ।
Sentence: 10 अ॑भिपू॒र्वमे॒व सु॑व॒र्गम् ॥
Verse: 3
Sentence: 1 लो॒कम॒भ्यारो॑हन्ति
Sentence: 2 यद॒न्यतः॑ पृ॒ष्ठानि
Sentence: 3 मध्ये॑ पृ॒ष्ठानि॑ भवन्ति सविवध॒त्वाय॑ ॥
Sentence: 4 ओजो वै वी॒र्य॑म्पृ॒ष्ठानि॑ ।
Sentence: 5 ओज॑ ए॒व वी॒र्य॑म्मध्य॒तो द॑धते
Sentence: 6 बृहद्रथन्त॒राभ्यां॑ यन्ति ।
Sentence: 7 इ॒यं वाव र॑थन्त॒रमसौ बृ॒हत् ।
Sentence: 8 आ॒भ्यामे॒व य॑न्ति ।
Sentence: 9 अथो॑ अ॒नयो॑रे॒व प्रति॑ तिष्ठनि ।
Sentence: 10 ए॒ते वै॑ य॒ज्ञस्या॑ञ्ज॒साय॑नी स्रु॒ती
Sentence: 11 ताभ्या॑मे॒व सु॑व॒र्गं लो॒कं य॑न्ति
Sentence: 12 परा॑ञ्चो॒ वा ए॒ते सु॑व॒र्गं लो॒कम॒भ्यारो॑हन्ति॒ ये प॑रा॒चीना॑नि पृ॒ष्ठान्यु॑प॒यन्ति
Sentence: 13 प्र॒त्यञ्त्र्य॒हो भ॑वति प्र॒त्यव॑रूढ्या॒ अथो॒ प्रति॑ष्ठियै ।
Sentence: 14 उ॒भयो॑र्लो॒कयो॑रृ॒द्ध्वोत्ति॑ष्ठन्ति ।
Sentence: 15 अ॑तिरा॒त्राव॒भितो॑ भवतस् ।
Sentence: 16 ब्र॑ह्मवर्च॒सस्या॒न्नाद्य॑स्य॒ परि॑ गृहीत्यै ॥
Paragraph: 10
Verse: 1
Sentence: 1 अ॒साव॑ आदि॒त्यो॒ ऽस्मिँ लो॒क आ॑सीत्
Sentence: 2 तं दे॒वाः पृष्ठैः परि॒गृह्य॑ सुव॒र्गं लो॒कम॑गमयन्
Sentence: 3 परै॑र॒वस्ता॒त्पर्य॑गृह्णन्दिवाकी॒र्त्ये॑न सुव॒र्गे लो॒के प्रत्य॑स्थापयन्
Sentence: 4 परैः॑ प॒रस्ता॒त्पर्य॑गृह्णन्पृष्ठैरु॒पावा॑रोहन् ।
Sentence: 5 स वा अ॒सावा॑दि॒त्यो॒ ऽमुष्मिँ॑ लो॒के परै॑रुभ॒यतः॒ परि॑गृहीतस् ।
Sentence: 6 यत्पृ॒ष्ठानि॒ भव॑न्ति सुव॒र्गमे॒व तै॑र्लो॒कं यज॑माना यन्ति
Sentence: 7 परै॑र॒वस्ता॒त्परि॑ गृह्णन्ति दिवाकी॒र्त्ये॑न ॥
Verse: 2
Sentence: 1 सु॑व॒र्गे लो॒के प्रति॑ तिष्ठन्ति
Sentence: 2 परैः॑ प॒रस्ता॒त्परि॑ गृह्णन्ति पृष्ठैरु॒पाव॑रोहन्ति
Sentence: 3 यत्परे॑ प॒रस्ता॒न्न स्युः परा॑सुव॒र्गाल्लो॒कान्निष्प॑द्येरन्ञ्चः
Sentence: 4 यद॒वस्ता॒न्न स्युः प्र॒जा निर्द॑हेयुस् ।
Sentence: 5 अ॒भितो॑ दिवाकी॒र्त्य॒म्परः॑सामानो भवन्ति
Sentence: 6 सुव॒र्ग एवैनाँ लो॒क उ॑भ॒यतः॒ परि॑ गृह्णन्ति
Sentence: 7 यज॑माना वै दिवाकी॒र्त्य॑म् ।
Sentence: 8 सं॑वत्स॒रः परः॑सामानस् ।
Sentence: 9 अ॒भितो॑ दिवाकी॒र्त्य॒म्परः॑सामानो भवन्ति
Sentence: 10 संवत्स॒र ए॒वोभ॒यतः॑ ॥
Verse: 3
Sentence: 1 प्रति॑ तिष्ठन्ति
Sentence: 2 पृ॒ष्ठं वै॑ दिवाकी॒र्त्य॑म्पा॒र्श्वे परः॑सामानस् ।
Sentence: 3 अ॒भितो॑ दिवाकी॒र्त्य॒म्परः॑सामानो भवन्ति
Sentence: 4 तस्मा॒द्भितः॑ पृ॒ष्ठम्पा॒र्श्वे
Sentence: 5 भूयि॑ष्ठा॒ ग्रहा॑ गृह्यन्ते
Sentence: 6 भूयि॑ष्ठं शस्यते
Sentence: 7 य॒ज्ञस्यै॒व तन्म॑ध्य॒तो ग्र॒न्थिं ग्र॑थ्न॒न्त्यवि॑स्रंसाय
Sentence: 8 स॒प्त गृ॑ह्यन्ते
Sentence: 9 स॒प्त वै॑ शीर्ष॒ण्याः॑ प्रा॒णाः
Sentence: 10 प्रा॒णाने॒व यज॑मानेषु दधति
Sentence: 11 यत्प॑रा॒चीना॑नि पृ॒ष्थानि॒ भव॑न्त्य॒मुमे॒व तै॑र्लो॒कम॒भ्यारो॑हन्ति
Sentence: 12 यदि॒मं लो॒कं न ॥
Verse: 4
Sentence: 1 प्र॑त्यव॒रोहे॑यु॒रुद्वा॒ माद्ये॑यु॒र्यज॑मानाः॒ प्र वा॑ मीयेरन्
Sentence: 2 यत्प्र॑ती॒चीना॑नि पृ॒ष्ठानि॒ भव॑न्ति ।
Sentence: 3 इ॒ममे॒व तै॑र्लो॒कम्प्र॒त्यव॑रोहन्ति ।
Sentence: 4 अथो॑ अ॒स्मिन्ने॒व लो॒के प्रति॑ तिष्ठ॒न्त्यनु॑न्मादाय ।
Sentence: 5 इन्द्रो॒ वा अप्र॑तिष्ठित आसीत्
Sentence: 6 स प्र॒जाप॑ति॒मुपा॑धावत्
Sentence: 7 तस्मा॑ ए॒तमे॑कविंशतिरा॒त्रम्प्राय॑छत्
Sentence: 8 तमाह॑रत्
Sentence: 9 तेना॑यजत
Sentence: 10 ततो वै॒ स प्रत्य॑तिष्ठत् ।
Sentence: 11 ये भु॑या॒जिनो ऽप्र॑तिष्ठिताः ॥
Verse: 5
Sentence: 1 स्युस्त ए॑कविंशतिरा॒त्रमा॑सीरन्
Sentence: 2 द्वाद॑श॒ मासाः॒ पञ्च॒र्तव॒स्त्रय॑ इ॒मे लो॒का अ॒सावा॑दि॒त्य ए॑कविं॒शस् ।
Sentence: 3 ए॒ताव॑न्तो वै देवलो॒कास्
Sentence: 4 तेष्वे॒व य॑थापू॒र्वम्प्रति॑ तिष्ठन्ति ।
Sentence: 5 अ॒सावा॑दि॒त्यो न व्य॑रोचत
Sentence: 6 स प्र॒जाप॑ति॒मुपा॑धावत्
Sentence: 7 तस्मा॑ ए॒तमे॑कविंशति रा॒त्रम्प्राय॑छत्
Sentence: 8 तमाह॑रत्
Sentence: 9 तेना॑यजत
Sentence: 10 ततो वै॒ सो॑ ऽरोचत
Sentence: 11 य ए॒वं वि॒द्वांस॑ एकविंशतिरा॒त्रमास॑ते॒ रोच॑न्त ए॒व ।
Sentence: 12 ए॑क्विंशतिरा॒त्रो भ॑वति
Sentence: 13 रुग्वा ए॑कविं॒शस् ।
Sentence: 14 रुच॑मे॒व ग॑छ॒न्त्यथो॑ प्रति॒ष्ठामे॒व
Sentence: 15 प्र॑ति॒ष्ठा ह्ये॑कविं॒शस् ।
Sentence: 16 अ॑तिरा॒त्राव॒भितो॑ भवतो ब्रह्मवर्च॒सस्य॒ परि॑गृहीत्यै ॥
Paragraph: 11
Verse: 1
Sentence: 1=a अ॒र्वाङ्य॒ज्ञः सं क्रा॑मत्व॒मुष्मा॒दधि॒ माम॒भि । ऋषी॑णां॒ यः पु॒रोहि॑तः ॥
Sentence: 2=b निर्दे॑वं॒ निर्वी॑रं कृ॒त्वा विष्क॑न्धं॒ तस्मि॑न्हीयतां॒ यो॒ ऽस्मान्द्वेष्टि॒ शरी॑रं यज्ञशम॒लं कुसी॑दं॒ तस्मि॑न्त्सीदतु॒ यो॒ ऽस्मान्द्वेष्टि॑ ॥
Sentence: 3=c यज्ञ॑ य॒ज्ञस्य॒ यत्तेज॒स्तेन॒ सं क्रा॑म॒ माम॒भि । ब्रा॑ह्म॒णानृ॒त्विजो॑ दे॒वान्य॒ज्ञस्य॒ तप॑सा॒ ते स॑वा॒हमा हु॑वे ॥
Sentence: 4=d इ॒ष्टेन॑ प॒क्वमुप॑ ॥
Verse: 2
Sentence: 1 ते॑ हुवे स॒वाहम् । सं ते॑ वृञ्जे सुकृ॒तं सम्प्र॒जाम्प॒शून् ॥
Sentence: 2=e प्रै॒षान्त्सा॑मिधे॒नीरा॑घा॒रावाज्य॑भागा॒वाश्रु॑तम्प्र॒त्याश्रु॑त॒मा शृ॑णामि ते । प्र॑याजानूया॒जान्त्स्वि॑ष्ट॒कृत॒मिडा॑मा॒शिष॒ आ वृ॑ञ्जे॒ सुवः॑ ॥
Sentence: 3=f अ॒ग्निनेन्द्रे॑ण॒ सोमे॑न॒ सर॑स्वत्या॒ विष्णु॑ना दे॒वता॑भिः । या॑ज्यानुवा॒क्या॑भ्या॒मुप॑ ते हुवे स्वा॒हं य॒ज्ञमा द॑दे ते॒ वष॑ट्कृतम् ॥
Sentence: 4=g स्तु॒तं श॒स्त्रम्प्र॑तिग॒रं ग्रह॒मिडा॑मा॒शिषः॑ ॥
Verse: 3
Sentence: 1 आ वृ॑ञ्जे॒ सुवः॑ । प॑त्नीसंया॒जानुप॑ ते हुवे सवा॒हं स॑मिष्टय॒जुरा द॑दे॒ तव॑ ॥
Sentence: 2=h प॒शून्त्सु॒तम्पु॑रो॒डाशा॒न्त्सव॑ना॒न्योत य॒ज्ञम् । दे॒वान्त्सेन्द्रा॒नुप॑ ते हुवे सवा॒हम॒ग्निमु॑खा॒न्त्सोम॑वतो॒ ये च॒ विश्वे॑ ॥
Paragraph: 12
Verse: 1
Sentence: 1 भू॒तम्भव्य॑म्भवि॒ष्यद्वष॒ट्स्वाहा॒ नम॑स् ।
Sentence: 2 ऋक्साम॒ यजु॒र्वष॒ट्स्वाहा॒ नम॑स् ।
Sentence: 3 गा॑य॒त्री त्रि॒ष्टुब्जग॑ती॒ वष॒ट्स्वाहा॒ नमः
Sentence: 4 पृथि॒व्य॒न्तरि॑क्षं द्यौ॒र्वष॒ट्स्वाहा॒ नम॑स् ।
Sentence: 5 अ॒ग्निर्वा॒युः सूर्यो॒ वष॒ट्स्वाहा॒ नमः
Sentence: 6 प्रा॒णो व्या॒नो॑ ऽपा॒नो वष॒ट्स्वाहा॒ नम॑स् ।
Sentence: 7 अन्नं॑ कृ॒षिर्वृष्टि॒र्वष॒ट्स्वाहा॒ नमः
Sentence: 8 पि॒ता पु॒त्रः पौ॑त्रो॒ वष॒ट्स्वाहा॒ नम॑स् ।
Sentence: 9 भूर्भुवः॒ सुव॒र्वष॒ट्स्वाहा॒ नमः॑ ॥
Paragraph: 13
Verse: 1
Sentence: 1=a आ मे॑ गृ॒हा भ॑व॒न्त्वा प्र॒जा म॒ आ मा॑ य॒ज्ञो वि॑शतु वी॒र्या॑वान् । आपो॑ दे॒वीर्य॒ज्ञिया॒ मा वि॑शन्तु स॒हस्र॑स्य मा भू॒मा मा प्र हा॑सीत् ॥
Sentence: 2=b आ मे॒ ग्रहो॑ भव॒त्वा पु॑रो॒रुक्स्तु॑तश॒स्त्रे मा वि॑शतां स॒मीची॑ । आ॑दि॒त्या रु॒द्रा वस॑वो मे सद॒स्याः॑ स॒हस्र॑स्य मा भू॒मा मा प्र हा॑सीत् ॥
Sentence: 3=c आ मा॑ग्निष्टो॒मो वि॑शतू॒क्थ्य॑श्चातिरा॒त्रो मा वि॑शत्वापिशर्व॒रः । तिरोअह्निया॒ मा सुहु॑ता॒ आ वि॑शन्तु स॒हस्र॑स्य मा भू॒मा मा॒ प्र हा॑सीत् ॥
Paragraph: 14
Verse: 1
Sentence: 1 अ॒ग्निना॒ तपो ऽन्व॑भवत् ।
Sentence: 2 वा॒चा ब्रह्म
Sentence: 3 म॒णिना॑ रू॒पाणि॑ ।
Sentence: 4 इन्द्रे॑ण दे॒वान्
Sentence: 5 वाते॑न प्रा॒णान् ।
Sentence: 6 सूर्ये॑ण॒ द्याम् ।
Sentence: 7 च॒न्द्रम॑सा॒ नक्ष॑त्राणि
Sentence: 8 य॒मेन॑ पि॒तृन्
Sentence: 9 राज्ञा॑ मनु॒ष्या॑न्
Sentence: 10 प॒लेन॑ नादे॒यान्
Sentence: 11 अजग॒रेण॑ स॒र्पान्
Sentence: 12 व्या॒घ्रेणा॑र॒ण्यान्प॒शून् ।
Sentence: 13 श्ये॒नेन॑ पत॒त्रिण॑स् ।
Sentence: 14 वृष्णाश्वा॑न्
Sentence: 15 ऋष॒भेण॒ गास् ।
Sentence: 16 ब॒स्तेना॒जास् ।
Sentence: 17 वृ॒ष्णिनावी॑स् ।
Sentence: 18 व्री॒हिणा॑न्नानि
Sentence: 19 यवेनौषधीस् ।
Sentence: 20 न्य॒ग्रोधे॑न॒ वन॒स्पती॑न्
Sentence: 21 उदु॒म्बरे॒णोर्ज॑म् ।
Sentence: 22 गा॑यत्रि॒या छन्दां॑सि
Sentence: 23 त्रि॒वृता॒ स्तोमा॑न्
Sentence: 24 ब्राह्म॒णेन॒ वाच॑म् ॥
Paragraph: 15
Verse: 1
Sentence: 1 स्वाहा॒धिमाधी॑ताय॒ स्वाहा॒ स्वाहाधी॑तम्
Sentence: 2 मन॑से॒ स्वाहा॒ स्वाहा॒ मनः
Sentence: 3 प्र॒जाप॑तये॒ स्वाहा
Sentence: 4 काय॒ स्वाहा
Sentence: 5 कस्मै॒ स्वाहा
Sentence: 6 कत॒मस्मै॒ स्वाहा॑ ।
Sentence: 7 अदि॑त्यै॒ स्वाहा॑ ।
Sentence: 8 अदि॑त्यै मह्यै॒ स्वाहा॑ ।
Sentence: 9 अदि॑त्यै सुमृडी॒कायै॒ स्वाहा
Sentence: 10 सर॑स्वत्यै॒ स्वाहा
Sentence: 11 सर॑स्वत्यै बृहत्यै॒ स्वाहा
Sentence: 12 सर॑स्वत्यै पाव॒कायै॒ स्वाहा
Sentence: 13 पू॒ष्णे स्वाहा
Sentence: 14 पू॒ष्णे प्र॑प॒थ्या॑य॒ स्वाहा
Sentence: 15 पू॒ष्णे न॒रन्धि॑षाय॒ स्वाहा
Sentence: 16 त्वष्ट्रे॒ स्वाहा
Sentence: 17 त्वष्ट्रे॑ तु॒रीपा॑य॒ स्वाहा
Sentence: 18 त्वष्ट्रे॑ पुरु॒रूपा॑य॒ स्वाहा
Sentence: 19 विष्ण॑वे॒ स्वाहा
Sentence: 20 विष्ण॑वे निखुर्य॒पाय॒ स्वाहा
Sentence: 21 विष्ण॑वे निभूय॒पाय॒ स्वाहा॑ ॥
Paragraph: 16
Verse: 1
Sentence: 1 द॒द्भ्यः स्वाहा
Sentence: 2 हनू॑भ्यां स्वाह्।^ स्वाहा
Sentence: 3 ।ओष्ठा॑भ्यां॒ स्वाहा
Sentence: 4 मुखा॑य॒ स्वाहा
Sentence: 5 नासि॑काभ्यां॒ स्वाहा॑ ।
Sentence: 6 अ॒क्षीभ्यां॒ स्वाहा
Sentence: 7 कर्णा॑भ्यां॒ स्वाहा
Sentence: 8 पा॒र इ॒क्षवो॑ ऽवा॒र्ये॑भ्यः॒ पक्ष्म॑भ्यः॒ स्वाहा॑ ।
Sentence: 9 अ॑वा॒र इ॒क्षवः॑ पा॒र्ये॑भ्यः॒ पक्ष्म॑भ्यः॒ स्वाहा
Sentence: 10 शी॒र्ष्णे स्वाहा
Sentence: 11 भ्रू॒भ्यां स्वाहा
Sentence: 12 ल॒लाटा॑य॒ स्वाहा
Sentence: 13 मू॒र्ध्ने स्वाहा
Sentence: 14 म॒स्तिष्का॑य॒ स्वाहा
Sentence: 15 केशे॑भ्यः॒ स्वाहा
Sentence: 16 वहा॑य॒ स्वाहा
Sentence: 17 ग्री॒वाभ्यः॒ स्वाहा
Sentence: 18 स्क॒न्धेभ्यः॒ स्वाहा
Sentence: 19 कीक॑साभ्यः॒ स्वाहा
Sentence: 20 पृ॒ष्टीभ्यः॒ स्वाहा
Sentence: 21 पाज॒स्या॑य॒ स्वाहा
Sentence: 22 पा॒र्श्वाभ्यां॒ स्वाहा॑ ॥
Verse: 2
Sentence: 1 अंसा॑भ्यां॒ स्वाहा
Sentence: 2 दो॒षभ्यां॒ स्वाहा
Sentence: 3 बा॒हुभ्यां॒ स्वाहा
Sentence: 4 जङ्घा॑भ्यां॒ स्वाहा
Sentence: 5 श्रोणी॑भ्यां॒ स्वाहा॑ ।
Sentence: 6 ऊ॒रुभ्यां॒ स्वाहा॑ ।
Sentence: 7 अ॑ष्ठी॒वद्भ्यां॒ स्वाहा
Sentence: 8 जङ्घा॑भ्यां॒ स्वाहा
Sentence: 9 भ॒सदे॒ स्वाहा
Sentence: 10 शिख॒ण्डेभ्यः॒ स्वाहा
Sentence: 11 वाल॒धाना॑य॒ स्वाहा॑ ।
Sentence: 12 आ॒ण्डाभ्यां॒ स्वाहा
Sentence: 13 शेपा॑य॒ स्वाहा
Sentence: 14 रेत॑से॒ स्वाहा
Sentence: 15 प्र॒जाभ्यः॒ स्वाहा
Sentence: 16 प्र॒जन॑नाय॒ स्वाहा
Sentence: 17 प॒द्भ्यः स्वाहा
Sentence: 18 श॒पेभ्यः॒ स्वाहा
Sentence: 19 लोम॑भ्यः॒ स्वाहा
Sentence: 20 त्व॒चे स्वाहा
Sentence: 21 लोहि॑ताय॒ स्वाहा
Sentence: 22 मां॒साय॒ स्वाहा
Sentence: 23 स्नाव॑भ्यः॒ स्वाहा॑ ।
Sentence: 24 अ॒स्थभ्यः॒ स्वाहा
Sentence: 25 म॒ज्जभ्यः॒ स्वाहा॑ ।
Sentence: 26 अङ्गे॑भ्यः॒ स्वाहा॑ ।
Sentence: 27 आ॒त्मने॒ स्वाहा
Sentence: 28 सर्व॑स्मै॒ स्वाहा॑ ॥
Paragraph: 17
Verse: 1
Sentence: 1 अ॑ञ्ज्ये॒ताय॒ स्वाहा॑ ।
Sentence: 2 अ॑ञ्जिस॒क्थाय॒ स्वाहा
Sentence: 3 शिति॒पदे॒ स्वाहा
Sentence: 4 शिति॑ककुदे॒ स्वाहा
Sentence: 5 शिति॒रन्ध्रा॑य॒ स्वाहा
Sentence: 6 शितिपृ॒ष्ठाय॒ स्वाहा
Sentence: 7 शि॒त्यंसा॑य॒ स्वाहा
Sentence: 8 पुष्प॒कर्णा॑य॒ स्वाहा
Sentence: 9 शि॒त्योष्ठा॑य॒ स्वाहा
Sentence: 10 शिति॒भ्रवे॒ स्वाहा
Sentence: 11 शिति॑भसदे॒ स्वाहा
Sentence: 12 श्वे॒तानू॑काशाय॒ स्वाहा॑ ।
Sentence: 13 अ॒ञ्जये॒ स्वाहा
Sentence: 14 ल॒लामा॑य॒ स्वाहा॑ ।
Sentence: 15 असि॑तज्ञवे॒ स्वाहा
Sentence: 16 कृष्णै॒ताय॒ स्वाहा
Sentence: 17 रोहितै॒ताय॒ स्वाहा॑ ।
Sentence: 18 अ॑रुणै॒ताय॒ स्वाहा॑ ।
Sentence: 19 ई॒दृशा॑य॒ स्वाहा
Sentence: 20 की॒दृशा॑य॒ स्वाहा
Sentence: 21 ता॒दृशा॑य॒ स्वाहा
Sentence: 22 स॒दृशा॑य॒ स्वाहा
Sentence: 23 विस॑दृशाय॒ स्वाहा
Sentence: 24 सुस॑दृ॒शाय॒ स्वाहा
Sentence: 25 रू॒पाय॒ स्वाहा
Sentence: 26 सर्व॑स्मै॒ स्वाहा॑ ॥
Paragraph: 18
Verse: 1
Sentence: 1 कृ॒ष्णाय॒ स्वाहा
Sentence: 2 श्वे॒ताय॒ स्वाहा
Sentence: 3 पि॒शङ्गा॑य॒ स्वाहा
Sentence: 4 सा॒रङ्गा॑य॒ स्वाहा॑ ।
Sentence: 5 अ॑रु॒णाय॒ स्वाहा
Sentence: 6 गौ॒राय॒ स्वाहा
Sentence: 7 ब॒भ्रवे॒ स्वाहा
Sentence: 8 नकु॒लाय॒ स्वाहा
Sentence: 9 रोहि॑ताय॒ स्वाहा
Sentence: 10 शोणा॑य॒ स्वाहा
Sentence: 11 श्या॒वाय॒ स्वाहा
Sentence: 12 श्या॒माय॒ स्वाहा
Sentence: 13 पाक॒लाय॒ स्वाहा
Sentence: 14 सुरू॒पाय॒ स्वाहा॑ ।
Sentence: 15 अनु॑रूपाय॒ स्वाहा
Sentence: 16 विरू॑पाय॒ स्वाहा
Sentence: 17 सरू॑पाय॒ स्वाहा
Sentence: 18 प्रति॑रूपाय॒ स्वाहा
Sentence: 19 श॒बला॑य॒ स्वाहा
Sentence: 20 कम॒लाय॒ स्वाहा
Sentence: 21 पृश्न॑ये॒ स्वाहा
Sentence: 22 पृश्निस॒क्थाय॒ स्वाहा
Sentence: 23 सर्व॑स्मै॒ स्वाहा॑ ॥
Paragraph: 19
Verse: 1
Sentence: 1 ओष॑धीभ्यः॒ स्वाहा
Sentence: 2 मूले॑भ्यः॒ स्वाहा
Sentence: 3 तूले॑भ्यः॒ स्वाहा
Sentence: 4 काण्डे॑भ्यः॒ स्वाहा
Sentence: 5 वल्शे॑भ्यः॒ स्वाहा
Sentence: 6 पुष्पे॑भ्यः॒ स्वाहा
Sentence: 7 पले॑भ्यः॒ स्वाहा
Sentence: 8 गृही॒तेभ्यः॒ स्वाहा॑ ।
Sentence: 9 अगृ॑हीतेभ्यः॒ स्वाहा॑ ।
Sentence: 10 अव॑पन्नेभ्यः॒ स्वाहा
Sentence: 11 शया॑नेभ्यः॒ स्वाहा
Sentence: 12 सर्व॑स्मै॒ स्वाहा॑ ॥
Paragraph: 20
Verse: 1
Sentence: 1 वन॒स्पति॑भ्यः॒ स्वाहा
Sentence: 2 मूले॑भ्यः॒ स्वाहा
Sentence: 3 तूले॑भ्यः॒ स्वाहा
Sentence: 4 स्कन्धो॑भ्यः॒ स्वाहा
Sentence: 5 शाखा॑भ्यः॒ स्वाहा
Sentence: 6 प॒र्णेभ्यः॒ स्वाहा
Sentence: 7 पुष्पे॑भ्यः॒ स्वाहा
Sentence: 8 पले॑भ्यः॒ स्वाहा
Sentence: 9 गृही॒तेभ्यः॒ स्वाहा॑ ।
Sentence: 10 अगृ॑हीतेभ्यः॒ स्वाहा॑ ।
Sentence: 11 अव॑पन्नेभ्यः॒ स्वाहा
Sentence: 12 शया॑नेभ्यः॒ स्वाहा
Sentence: 13 शि॒ष्टाय॒ स्वाहा॑ ।
Sentence: 14 अति॑शिष्टाय॒ स्वाहा
Sentence: 15 परि॑शिष्टाय॒ स्वाहा
Sentence: 16 संशि॑ष्टाय॒ स्वाहा॑ ।
Sentence: 17 उच्छि॑ष्टाय॒ स्वाहा
Sentence: 18 रि॒क्ताय॒ स्वाहा॑ ।
Sentence: 19 अरि॑क्ताय॒ स्वाहा
Sentence: 20 प्ररि॑क्ताय॒ स्वाहा
Sentence: 21 संरि॑क्ताय॒ स्वाहा॑ ।
Sentence: 22 उद्रि॑क्ताय॒ स्वाहा
Sentence: 23 सर्व॑स्मै॒ स्वाहा॑ ॥
Chapter: 4
Paragraph: 1
Verse: 1
Sentence: 1 बृह॒स्पति॑रकामयत
Sentence: 2 श्रन्मे॑ दे॒वा दधी॑र॒न्गछे॑यम्पुरो॒धामिति
Sentence: 3 स ए॒तं च॑तुर्विंशतिरा॒त्रम॑पश्यत्
Sentence: 4 तमाह॑रत्
Sentence: 5 तेना॑यजत
Sentence: 6 ततो वै॒ तस्मै॒ श्रद्दे॒वा अद॑ध॒ताग॑छत्पुरो॒धाम् ।
Sentence: 7 य ए॒वं वि॒द्वांस॑श्चतुर्विंशतिरा॒त्रमास॑ते॒ श्रदे॑भ्यो मनु॒ष्या॑ दधते॒ गछ॑न्ति पुरो॒धाम् ।
Sentence: 8 ज्योतिर्गौ॒रायु॒रिति॑ त्र्य॒हा भ॑वन्ति ।
Sentence: 9 इ॒यं वाव ज्योति॑र॒न्तरि॑क्षं गौर॒सावायुः॑ ॥
Verse: 2
Sentence: 1 इ॒माने॒व लो॒कान॒भ्यारो॑हन्ति ।
Sentence: 2 अ॑भिपू॒र्वं त्र्य॒हा भ॑वन्ति ।
Sentence: 3 अ॑भिपू॒र्वमे॒व सु॑व॒र्गं लो॒कम॒भ्यारो॑हन्ति ।
Sentence: 4 अस॑त्त्रं॒ वा ए॒तद्यद॑छन्दो॒मम् ।
Sentence: 5 यच्छ॑न्दो॒मा भव॑न्ति॒ तेन॑ स॒त्त्रम् ।
Sentence: 6 दे॒वता॑ ए॒व पृष्ठै॒रव॑ रुन्धते प॒शूञ्छ॑न्दोमैस् ।
Sentence: 7 ओजो वै वी॒र्यं॑ पृ॒ष्ठानि॑ प॒शव॑श्छन्दो॒मास् ।
Sentence: 8 ओज॑स्ये॒व वी॒र्ये॑ प॒शुषु॒ प्रति॑ तिष्ठन्ति
Sentence: 9 बृहद्रथन्त॒राभ्यां॑ यन्ति ।
Sentence: 10 इ॒यं वाव र॑थन्त॒रमसौ बृ॒हत् ।
Sentence: 11 आ॒भ्यामे॒व ॥
Verse: 3
Sentence: 1 य॑न्ति
Sentence: 2 अथो॑ अ॒नयो॑रे॒व प्रति॑ तिष्ठन्ति ।
Sentence: 3 ए॒ते वै॑ य॒ज्ञस्या॑ञ्ज॒साय॑नी स्रु॒ती
Sentence: 4 ताभ्या॑मे॒व सु॑व॒र्गं लो॒कं य॑न्ति
Sentence: 5 चतुर्विंशतिरा॒त्रो भ॑वति
Sentence: 6 चतु॑र्विंशतिरर्धमा॒साः सं॑वत्स॒रः
Sentence: 7 सं॑वत्स॒रः सु॑व॒र्गो लो॒कः
Sentence: 8 सं॑वत्स॒र ए॒व सु॑व॒र्गे लो॒के प्रति॑ तिष्ठन्ति ।
Sentence: 9 अथो॒ चतु॑र्विंशत्यक्षरा गाय॒त्री
Sentence: 10 गा॑य॒त्री ब्र॑ह्मवर्च॒सम् ।
Sentence: 11 गा॑यत्रियै॒व ब्र॑ह्मवर्च॒समव॑ रुन्धते ।
Sentence: 12 अ॑तिरा॒त्राव॒भितो॑ भवतस् ।
Sentence: 13 ब्र॑ह्मवर्च॒सस्य॒ परि॑गृहीत्यै ॥
Paragraph: 2
Verse: 1
Sentence: 1 यथा वै मनु॒ष्या॑ ए॒वं दे॒वा अग्र॑ आसन्
Sentence: 2 ते॑ ऽकामयन्त ।
Sentence: 3 अव॑र्तिम्पा॒प्मान॑म्मृ॒त्युम॑प॒हत्य दैवीं सं॒सदं॑ गछे॒मेति
Sentence: 4 त ए॒तं च॑तुर्विंशतिरा॒त्रम॑पश्यन्
Sentence: 5 तमाह॑रन्
Sentence: 6 तेना॑यजन्त
Sentence: 7 ततो वै॒ ते ऽव॑र्तिम्पा॒प्मान॑म्मृ॒त्युम॑प॒हत्य दैवीं सं॒सद॑मगछन्
Sentence: 8 य ए॒वं वि॒द्वांस॑श्चतुर्विंशतिरा॒त्रमास॒ते ऽव॑र्तिमे॒व पा॒प्मान॑मप॒हत्य॒ श्रियं॑ गछन्ति
Sentence: 9 श्रीर्हि म॑नु॒ष्य॑स्य ॥
Verse: 2
Sentence: 1 दै॑वी सं॒सद् ।
Sentence: 2 ज्योति॑रतिरा॒त्रो भ॑वति
Sentence: 3 सुव॒र्गस्य॑ लो॒कस्यानु॑ख्यात्यै
Sentence: 4 पृष्ठ्यः॑ षड॒हो भ॑वति
Sentence: 5 षड्वा ऋ॒तवः॑ संवत्स॒रस्
Sentence: 6 तम्मासा॑ अर्धमा॒सा ऋ॒तवः॑ प्र॒विश्य दैवीं सं॒सद॑मगछन्
Sentence: 7 य ए॒वं वि॒द्वांस॑श्चतुर्विंशतिरा॒त्रमास॑ते संवत्स॒रमे॒व प्र॒विश्य॒ वस्य॑सीं सं॒सदं॑ गछन्ति
Sentence: 8 त्रय॑स्त्रयस्त्रिं॒शा अ॒वस्ता॑द्भवन्ति॒ त्रय॑स्त्रयस्त्रिं॒शाः प॒रस्ता॑त्
Sentence: 9 त्रयस्त्रिंशैरे॒वोभ॑व॒योतो ऽव॑र्तिम्पा॒प्मान॑मप॒हत्य दैवीं सं॒सद॑म्मध्य॒तः ॥
Verse: 3
Sentence: 1 ग॑छन्ति
Sentence: 2 पृ॒ष्ठानि॒ हि दै॑वी सं॒सद् ।
Sentence: 3 जा॒मि वा ए॒तत्कु॑र्वन्ति॒ यत्त्रय॑स्त्रयस्त्रिं॒शा अ॒न्वञ्च॑स् ।
Sentence: 4 मध्ये ऽनि॑रुक्तो भवति॒ तेनाजा॑मि ।
Sentence: 5 ऊ॒र्ध्वानि॑ पृ॒ष्ठानि॑ भवन्त्यू॒र्ध्वाश्छ॑न्दो॒मास् ।
Sentence: 6 उ॒भाभ्यां॑ रू॒पाभ्यां॑ सुव॒र्गं लो॒कं य॑न्ति ।
Sentence: 7 अस॑त्त्रं॒ वा ए॒तद्यद॑छन्दो॒मम् ।
Sentence: 8 यच्छ॑न्दो॒मा भव॑न्ति॒ तेन॑ स॒त्त्रम् ।
Sentence: 9 दे॒वता॑ ए॒व पृत्ष्ठै॒रव॑ रुन्धते प॒शूञ्छ॑न्दोमैस् ।
Sentence: 10 ओजो वै वी॒र्य॑म्पृ॒ष्ठानि॑ प॒शवः॑ ॥
Verse: 4
Sentence: 1 छ॑न्दो॒मास् ।
Sentence: 2 ओज॑स्ये॒व वी॒र्ये॑ प॒शुषु॒ प्रति॑ तिष्ठन्ति
Sentence: 3 त्रय॑स्त्रयस्त्रिं॒शा अ॒वस्ता॑द्भवन्ति॒ त्रय॑स्त्रयस्त्रिं॒शाः प॒रस्ता॒न्मध्ये॑ पृ॒ष्ठानि॑ ।
Sentence: 4 उरो वै त्रयस्त्रिं॒शा आ॒त्मा पृ॒ष्ठानि॑ ।
Sentence: 5 आ॒त्मन॑ ए॒व तद्यज॑मानाः॒ शर्म॑ नह्य॒न्ते ऽना॑र्त्यै
Sentence: 6 बृहद्रथन्त॒राभ्यां॑ यन्ति ।
Sentence: 7 इ॒यं वाव र॑थन्त॒रमसौ बृ॒हत् ।
Sentence: 8 आ॒भ्यामे॒व य॑न्ति ।
Sentence: 9 अथो॑ अ॒नयो॑रे॒व प्रति॑ तिष्ठन्ति ।
Sentence: 10 ए॒ते वै॑ य॒ज्ञस्या॑ञ्ज॒साय॑नी स्रु॒ती
Sentence: 11 ताभ्या॑मे॒व ॥
Verse: 5
Sentence: 1 सु॑व॒र्गं लो॒कं य॑न्ति
Sentence: 2 परा॑ञ्चो॒ वा ए॒ते सु॑व॒र्गं लो॒कम॒भ्यारो॑हन्ति॒ ये प॑रा॒चीना॑नि पृ॒ष्ठान्यु॑प॒यन्ति
Sentence: 3 प्र॒त्यङ्ष॑ड॒हो भ॑वति प्र॒त्यव॑रूढ्या॒ अथो॒ प्रति॑ष्ठित्यै ।
Sentence: 4 उ॒भयो॑र्लो॒कयो॑रृ॒द्ध्वोत्ति॑ष्ठन्ति
Sentence: 5 त्रि॒वृतो ऽधि॑ त्रि॒वृत॒मुप॑ यन्ति॒ स्तोमा॑नां॒ सम्प॑त्त्यै प्रभ॒वाय
Sentence: 6 ज्योति॑रग्निष्टो॒मो भ॑वति ।
Sentence: 7 अ॒यं वाव स क्षय॑स् ।
Sentence: 8 अ॒स्मादे॒व तेन॒ क्षया॒न्न य॑न्ति
Sentence: 9 चतुर्विंशतिरा॒त्रो भ॑वति
Paragraph: 1
Verse: 3
Sentence: 1 चतु॑र्विंशतिरर्धमा॒साः सं॑वत्स॒रः
Sentence: 2 सं॑वत्स॒रः सु॑व॒र्गो लो॒कः
Sentence: 3 सं॑वत्स॒र ए॒व सु॑व॒र्गे लो॒के प्रति॑ तिष्ठन्ति ।
Sentence: 4 अथो॒ चतु॑र्विंशत्यक्षरा गाय॒त्री
Sentence: 5 गा॑य॒त्री ब्र॑ह्मवर्च॒सम् ।
Sentence: 6 गा॑यत्रियै॒व ब्र॑ह्मवर्च॒समव॑ रुन्धते ।
Paragraph: 2
Verse: 5
Sentence: 1 अ॑तिरा॒त्राव॒भितो॑ भवतस् ।
Sentence: 2 ब्र॑ह्मवर्च॒सस्य॒ परि॑गृहीत्यै ॥
Paragraph: 3
Verse: 1
Sentence: 1 ऋ॒क्षा वा इ॒यम॑लो॒मका॑सीत्
Sentence: 2 साका॑मयत ।
Sentence: 3 ओष॑धीभि॒र्वन॒स्पति॑भिः॒ प्र जा॑ये॒येति
Sentence: 4 सै॒तास्त्रिं॒शतं॒ रात्री॑रपश्यत्
Sentence: 5 ततो॒ वा इ॒यमोष॑धीभि॒र्वन॒स्पति॑भिः॒ प्राजा॑यत
Sentence: 6 ये प्र॒जाका॑माः प॒शुका॑माः॒ स्युस्त ए॒ता आ॑सीरन्
Sentence: 7 प्रै॒व जा॑यन्ते प्र॒जया॑ प॒शुभि॑स् ।
Sentence: 8 इ॒यं वा अ॑क्षुध्यत्
Sentence: 9 सै॒तां वि॒राज॑मपश्यत्
Sentence: 10 तामा॒त्मन्धि॒त्वान्नाद्य॒मवा॑रुन्द्धौषधीः ॥
Verse: 2
Sentence: 1 वन॒स्पती॑न्प्र॒जाम्प॒शून्
Sentence: 2 तेना॑वर्धत
Sentence: 3 सा जे॒मान॑मम्हि॒मान॑मगछत् ।
Sentence: 4 य ए॒वं वि॒द्वांस॑ ए॒ता आस॑ते वि॒राज॑मे॒वात्मन्धि॒त्वान्नाद्य॒मव॑ रुन्धते
Sentence: 5 वर्ध॑न्ते प्र॒जया॑ पशुभिस् ।
Sentence: 6 जे॒मान॑म्महि॒मानं॑ गछन्ति
Sentence: 7 ज्योति॑रतिरा॒त्रो भ॑वति सुव॒र्गस्य॑ लो॒कस्यानु॑ख्यात्यै
Sentence: 8 पृष्ठ्यः॑ षड॒हो भ॑वति
Sentence: 9 षड्वा ऋ॒तवः॒ षट्पृ॒ष्ठानि
Sentence: 10 पृष्ठैरे॒वर्तून॒न्वारो॑हन्त्यृ॒तुभिः॑ संवत्स॒रम् ।
Sentence: 11 ते सं॑वत्स॒र ए॒व ॥
Verse: 3
Sentence: 1 प्रति॑ तिष्ठन्ति
Sentence: 2 त्रयस्त्रिं॒शात्त्र॑यस्त्रिं॒शमुप॑ यन्ति य॒ज्ञस्य॒ सन्त॑त्यै ।
Sentence: 3 अथो॑ प्र॒जाप॑तिर्वै त्रयस्त्रिं॒शः प्र॒जाप॑तिमे॒वा र॑भन्ते॒ प्रति॑ष्ठित्यै
Sentence: 4 त्रिण॒वो भ॑वति॒ विजि॑त्यै ।
Sentence: 5 ए॑कविं॒शो भ॑वति॒ प्रति॑ष्ठित्यै ।
Sentence: 6 अथो॒ रुच॑मे॒वात्मन्द॑धते
Sentence: 7 त्रि॒वृद॑ग्नि॒ष्टुद्भ॑वति
Sentence: 8 पा॒प्मान॑मे॒व तेन॒ निर्द॑ह॒न्ते ऽथो॒ तेजो वै त्रि॒वृत्तेज॑ ए॒वात्मन्द॑धते
Sentence: 9 पञ्चद॒श इ॑न्द्रस्तो॒मो भ॑वति ।
Sentence: 10 इ॑न्द्रि॒यमे॒वाव॑ ॥
Verse: 4
Sentence: 1 रु॑न्धते
Sentence: 2 सप्तद॒शो भ॑वति ।
Sentence: 3 अ॒न्नाद्य॒स्याव॑रुद्ध्यै ।
Sentence: 4 अथो प्रै॒व तेन॑ जायन्ते ।
Sentence: 5 ए॑कविं॒शो भ॑वति
Sentence: 6 र्पति॑ष्ठित्यै ।
Sentence: 7 अथो॒ रुच॑मे॒वात्मन्द॑धते
Sentence: 8 चतुर्विं॒शो भ॑वति
Sentence: 9 चतु॑र्विंशतिरर्धमा॒साः सं॑वत्स॒रः
Sentence: 10 सं॑वत्स॒रः सु॑व॒र्गो लो॒कः
Sentence: 11 सं॑वत्स॒र ए॒व सु॑व॒र्गे लो॒के प्रति॑ तिष्ठन्ति ।
Sentence: 12 अथो॑ ए॒ष वै॑ विषू॒वान्
Sentence: 13 विषू॒वन्तो॑ भवन्ति॒ य ए॒वं वि॒द्वांस॑ ए॒ता आस॑ते
Sentence: 14 चतुर्विं॒शात्पृ॒ष्ठान्युप॑ यन्ति
Sentence: 15 संवत्स॒र ए॒व प्र॑ति॒ष्ठाय॑ ॥
Verse: 5
Sentence: 1 दे॒वता॑ अ॒भ्यारो॑हन्ति
Sentence: 2 त्रयस्त्रिं॒शात्त्र॑यस्त्रिं॒शमुप॑ यन्ति
Sentence: 3 त्रय॑स्त्रिंशद्वै दे॒वता॑स् ।
Sentence: 4 दे॒वता॑स्वे॒व प्रति॑ तिष्ठन्ति
Sentence: 5 त्रिण॒वो भ॑वति ।
Sentence: 6 इ॒मे वै॑ लो॒कास्त्रि॑ण॒वस् ।
Sentence: 7 ए॒ष्वे॒व लो॒केषु॒ प्रति॑ तिष्ठन्ति
Sentence: 8 द्वावे॑कविंशौ भवतः
Sentence: 9 प्रति॑ष्ठित्यै ।
Sentence: 10 अथो॒ रुच॑मे॒वात्मन्द॑धते
Sentence: 11 ब॒हवः॑ षोड॒शिनो॑ भवन्ति
Sentence: 12 तस्मा॑द्ब॒हवः॑ प्र॒जासु॒ वृषा॑णस् ।
Sentence: 13 यदे॒ते स्तोमा॒ व्यति॑षक्ता॒ भव॑न्ति
Sentence: 14 तस्मा॑दि॒यमोष॑धीभि॒र्वन॒स्पति॑भि॒र्व्यति॑षक्ता ॥
Verse: 6
Sentence: 1 व्यति॑षज्यन्ते प्र॒जया॑ प॒शुभि॒र्य ए॒वं वि॒द्वांस॑ ए॒ता आस॑ते ।
Sentence: 2 अक्ळ्प्ता॒ वा ए॒ते सु॑व॒र्गं लो॒कं य॑न्ति ।
Sentence: 3 उ॑च्चाव॒चान्हि स्तोमा॑नुप॒यन्ति
Sentence: 4 यदे॒त ऊ॒र्ध्वाः क्ळ्प्ता स्तोमा॒ भव॑न्ति॒ क्ळ्प्ता ए॒व सु॑व॒र्गं लो॒कं य॑न्त्यु॒भयो॑रेभ्यो लो॒कयोः॑ कल्पते
Sentence: 5 त्रिं॒शदे॒तास्
Sentence: 6 त्रिंशदक्षरा वि॒राड्^वि॒राज्
Sentence: 7 अन्नं वि॒राड्^वि॒राज्
Sentence: 8 वि॒राजै॒वान्नाद्य॒मव॑ रुन्धते ।
Sentence: 9 अ॑तिरा॒त्राव॒भितो॑ भवतस् ।
Sentence: 10 अ॒न्नाद्य॑स्य॒ परि॑गृहीत्यै ॥
Paragraph: 4
Verse: 1
Sentence: 1 प्र॒जाप॑तिः सुव॒र्गं लो॒कऐ॑त्
Sentence: 2 तं दे॒वा येन॑येन॒ छन्द॒सानु॒ प्रायु॑ञ्जत॒ तेन॒ नाप्नु॑वन्
Sentence: 3 त ए॒ता द्वात्रिं॑शतं॒ रात्री॑रपश्यन्
Sentence: 4 द्वात्रिं॑शदक्षरानु॒ष्टुग्^द्वात्रिं॑शदक्षरानु॒ष्टुभ्
Sentence: 5 आनु॑ष्टुभः प्र॒जाप॑तिः
Sentence: 6 स्वेनै॒व छन्द॑सा प्र॒जाप॑ति॒माप्त्वाभ्या॒रुह्य॑ सुव॒र्गं लो॒कमा॑यन्
Sentence: 7 य ए॒वं वि॒द्वांस॑ ए॒ता आस॑ते॒ द्वात्रिं॑शदे॒तास् ।
Sentence: 8 द्वात्रिं॑शदक्षरानु॒ष्टुग्^द्वात्रिं॑शदक्षरानु॒ष्टुभ्
Sentence: 9 आनु॑ष्टुभः प्र॒जाप॑तिः
Sentence: 10 स्वेनै॒व छन्द॑सा प्र॒जाप्ति॑मा॒प्त्वा श्रियं॑ गछन्ति ॥
Verse: 2
Sentence: 1 श्रीर्हि म॑नु॒ष्य॑स्य सुव॒र्गो लो॒कस् ।
Sentence: 2 द्वात्रिं॑शदे॒तास् ।
Sentence: 3 द्वात्रिं॑शदक्षरानु॒ष्टुग्^द्वात्रिं॑शदक्षरानु॒ष्टुभ्
Sentence: 4 वाग्नु॒ष्टुप्^नु॒ष्टुभ्
Sentence: 5 सर्वा॑मे॒व वाच॑माप्नुवन्ति
Sentence: 6 सर्वे॑ वा॒चो व॑दि॒तारो॑ भवन्ति
Sentence: 7 सर्वे॒ हि श्रि॒यं गछ॑न्ति
Sentence: 8 ज्योतिर्गौ॒रायु॒रिति॑ त्र्य॒हा भ॑वन्ति ।
Sentence: 9 इ॒यं वाव ज्योति॑र॒न्तरि॑क्षं गौर॒सावायु॑रि॒माने॒व लो॒कान॒भ्यारो॑हन्ति ।
Sentence: 10 अ॑भिपू॒र्वं त्र्य॒हा भ॑वन्ति ।
Sentence: 11 अ॑भिपू॒र्वमे॒व सु॑व॒र्गं लो॒कम॒भ्यारो॑हन्ति
Sentence: 12 बृहद्रथन्त॒राभ्यां॑ यन्ति ॥
Verse: 3
Sentence: 1 इ॒यं वाव र॑थन्त॒रमसौ बृ॒हत् ।
Sentence: 2 आ॒भ्यामे॒व य॑न्ति ।
Sentence: 3 अथो॑ अ॒नयो॑रे॒व प्रति॑ तिष्ठन्ति ।
Sentence: 4 ए॒ते वै॑ य॒ज्ञस्या॑ञ्ज॒साय॑नी स्रु॒ती
Sentence: 5 ताभ्या॑मे॒व सु॑व॒र्गं लो॒कं य॑न्ति
Sentence: 6 परा॑ञ्चो॒ वा ए॒ते सु॑व॒र्गं लो॒कम॒भ्यारो॑हन्ति॒ ये परा॑चस्त्र्य॒हानु॑प॒यन्ति
Sentence: 7 प्र॒त्यङ्त्र्य॒हो भ॑वति॒ प्रत्य॑वरूढ्या॒ अथो॒ प्रति॑ष्ठित्यै ।
Sentence: 8 उ॒भयो॑र्लो॒कयो॑रृ॒द्ध्वोत्ति॑ष्ठन्ति
Sentence: 9 द्वात्रिं॑शदे॒तास्
Sentence: 10 तासां॒ यास्त्रिं॒शत्त्रिं॒शद॑क्षरा वि॒राडन्नं॑ वि॒राड्वि॒राजै॒वान्नाद्य॒मव॑ रुन्धते
Sentence: 11 ये द्वे अ॑होरा॒त्रे ए॒व ते उ॒भाभ्यां॑ रू॒पाभ्यां॑ सुव॒र्गं लो॒कं य॑न्ति ।
Sentence: 12 अ॑तिरा॒त्राव॒भितो॑ भवतः॒ परि॑गृहीत्यै ॥
Paragraph: 5
Verse: 1
Sentence: 1 द्वे वाव दे॑वस॒त्त्रे द्वा॑दशा॒हश्च॑ त्रयस्त्रिंशद॒हश्च
Sentence: 2 य ए॒वं वि॒द्वांस॑स्त्रयस्त्रिंशद॒हमास॑ते सा॒क्षादे॒व दे॒वता॑ अ॒भ्यारो॑हन्ति
Sentence: 3 यथा॒ खलु वै॒ श्रेया॑न॒भ्यारू॑ढः का॒मय॑ते॒ तथा॑ करोति
Sentence: 4 यद्य॑व॒विध्य॑ति॒ पापी॑यान्भवति
Sentence: 5 यदि॒ नाव॒विध्य॑ति स॒दृङ्
Sentence: 6 य ए॒वं वि॒द्वांस॑स्त्रयस्त्रिंशद॒हमास॑ते॒ वि पा॒प्मना॒ भ्रातृ॑व्ये॒णा व॑र्तन्ते ऽह॒र्भाजो॒ वा ए॒ता दे॒वा अग्र॒ आह॑रन् ॥
Verse: 2
Sentence: 1 अह॒रेको ऽभ॑ज॒ताह॒रेक॑स्
Sentence: 2 ताभिर्वै॒ ते प्र॒बाहु॒गार्ध्नु॑वन्
Sentence: 3 य ए॒वं वि॒द्वांस॑स्त्रयस्त्रिंशद॒हमास॑ते॒ सर्व॑ ए॒व प्र॒बाहु॑गृध्नुवन्ति
Sentence: 4 सर्वे॒ ग्राम॑णीय॒म्प्राप्नु॑वन्ति
Sentence: 5 पञ्चा॒हा भ॑वन्ति
Sentence: 6 पञ्च॒ वा ऋ॒तवः॑ संवत्स॒रस् ।
Sentence: 7 ऋ॒तुष्वे॒व सं॑वत्स॒रे प्रति॑ तिष्ठन्ति ।
Sentence: 8 अथो॒ पञ्चा॑क्षरा प॒ङ्क्तिः
Sentence: 9 पाङ्क्तो॑ य॒ज्ञस् ।
Sentence: 10 य॒ज्ञमे॒वाव॑ रुन्धते
Sentence: 11 त्रीण्या॑श्वि॒नानि॑ भवन्ति
Sentence: 12 त्रय॑ इ॒मे लो॒कास् ।
Sentence: 13 ए॑षु ॥
Verse: 3
Sentence: 1 ए॒व लो॒केषु॒ प्रति॑ तिष्ठन्ति ।
Sentence: 2 अथो॒ त्रीणि वै य॒ज्ञस्ये॑न्द्रि॒याणि
Sentence: 3 तान्ये॒वाव॑ रुन्धते
Sentence: 4 विश्व॒जिद्भ॑वत्य॒न्नाद्य॒स्याव॑रुद्ध्यै
Sentence: 5 सर्व॑पृष्ठो भवति
Sentence: 6 सर्व॑स्या॒भिजि॑त्यै
Sentence: 7 वाग्वै॑ द्वादशा॒हस् ।
Sentence: 8 यत्पु॒रस्ता॑द्द्वादशा॒हमु॑पे॒युरना॑प्तां॒ वाच॒मुपे॑युरुप॒दासु॑कैषां॒ वाक्स्या॑त् ।
Sentence: 9 उ॒परि॑ष्टाद्द्वादशा॒हमुप॑ यन्त्या॒प्तामे॒व वाच॒मुप॑ यन्ति॒ तस्मा॑दु॒परि॑ष्टाद्वा॒चा व॑दामस् ।
Sentence: 10 अ॑वान्त॒रम् ॥
Verse: 4
Sentence: 1 वै॑ दशरा॒त्रेण॑ प्र॒जाप॑तिः प्र॒जा अ॑सृजत
Sentence: 2 यद्द॑शरा॒त्रो भव॑ति प्र॒जा ए॒व तद्यज॑मानाः सृजन्ते ।
Sentence: 3 ए॒तां ह॒ वा उ॑द॒ङ्कः शौ॑ल्बाय॒नः स॒त्त्रस्यर्द्धि॑मुवाच॒ यद्द॑शरा॒त्रस् ।
Sentence: 4 यद्द॑शरा॒त्रो भव॑ति स॒त्त्रस्यर्द्ध्यै॑ ।
Sentence: 5 अथो॒ यदे॒व पूर्वे॒ष्वहः॑सु॒ विलो॑म क्रि॒यते॒ तस्यैवै॒षा शान्ति॑स् ।
Sentence: 6 द्व्य॑नी॒का वा ए॒ता रात्र॑यो॒ यज॑माना विश्व॒जित्
Sentence: 7 स॒हाति॑रा॒त्रेण॒ पूर्वाः॒ षोड॑श स॒हाति॑रा॒त्रेणोत्त॑राः॒ षोड॑श
Sentence: 8 य ए॒वं वि॒द्वांस॑स्त्रयस्त्रिंशद॒हमास॑त ऐषां द्व्यनी॒का प्र॒जा जा॑यते ।
Sentence: 9 अ॑तिरा॒त्राव॒भितो॑ भवतः
Sentence: 10 परि॑गृहीत्यै ॥
Paragraph: 6
Verse: 1
Sentence: 1 आ॑दि॒त्या अ॑कामयन्त
Sentence: 2 सुव॒र्गं लो॒कमि॑या॒मेति
Sentence: 3 ते सु॑व॒र्गं लो॒कं न प्राजा॑न॒न्न सु॑व॒र्गं लो॒कमा॑यन्
Sentence: 4 त ए॒तं ष॑ट्त्रिंशद्रा॒त्रम॑पश्यन्
Sentence: 5 तमाह॑रन्
Sentence: 6 तेना॑यजन्त
Sentence: 7 ततो वै॒ ते सु॑व॒र्गं लो॒कम्प्राजा॑नन्त्सुव॒र्गं लो॒कमा॑यन्
Sentence: 8 य ए॒वं वि॒द्वांसः॑ षट्त्रिंशद्रा॒त्रमास॑ते सुव॒र्गमे॒व लो॒कम्प्र जा॑नन्ति सुव॒र्गं लो॒कं य॑न्ति
Sentence: 9 ज्योति॑रतिरा॒त्रः ॥
Verse: 2
Sentence: 1 भ॑वति
Sentence: 2 ज्योति॑रे॒व पु॒रस्ता॑द्दधते
Sentence: 3 सुव॒र्गस्य॑ लो॒कस्यानु॑ख्यात्यै
Sentence: 4 षड॒हा भ॑वन्ति
Sentence: 5 षड्वा ऋ॒तव॑स् ।
Sentence: 6 ऋ॒तुष्वे॒व प्रति॑ तिष्ठन्ति
Sentence: 7 च॒त्वारो॑ भवन्ति
Sentence: 8 चत॑स्रो॒ दिश॑स् ।
Sentence: 9 दि॒क्ष्वे॒व प्रति॑ तिष्ठन्ति ।
Sentence: 10 अस॑त्त्रं॒ वा ए॒तद्यद॑छन्दो॒मम् ।
Sentence: 11 यच्छ॑न्दो॒मा भव॑न्ति॒ तेन॑ स॒त्त्रम् ।
Sentence: 12 दे॒वता॑ ए॒व पृष्ठै॒रव॑ रुन्धते प॒शूञ्छ॑न्दोमैस् ।
Sentence: 13 ओजो वै री॒व्य॑म्पृ॒ष्ठानि॑ प॒शव॑श्छन्दो॒मास् ।
Sentence: 14 ओज॑स्ये॒व ॥
Verse: 3
Sentence: 1 वी॒र्ये॒ प्रति॑ तिष्ठन्ति
Sentence: 2 षट्त्रिंशद्रा॒त्रो भ॑वति
Sentence: 3 षट्त्रिं॑शदक्षरा बृह॒ती
Sentence: 4 बार्ह॑ताः प॒शव॑स् ।
Sentence: 5 बृ॑हत्यै॒व प॒शूनव॑ रुन्धते
Sentence: 6 बृह॒ती छन्द॑सां॒ स्वारा॑ज्य॒माश्नु॑त ।
Sentence: 7 अ॑श्नु॒वते॒ स्वारा॑ज्यं॒ य ए॒वं वि॒द्वांसः॑ षट्त्रिंशद्रा॒त्रमास॑ते सुव॒र्गमे॒व लो॒कं य॑न्ति ।
Sentence: 8 अ॑तिरा॒त्राव॒भितो॑ भवतः सुव॒र्गस्य॑ लो॒कस्य॒ परि॑गृहीत्यै ॥
Paragraph: 7
Verse: 1
Sentence: 1 वसि॑ष्ठो ह॒तपु॑त्रो ऽकामयत
Sentence: 2 वि॒न्देय॑ प्र॒जाम॒भि सौ॑दा॒सान्भ॑वेय॒मिति
Sentence: 3 स ए॒तमे॑कस्मान्नपञ्चाशमपश्यत्
Sentence: 4 तमाह॑रत्
Sentence: 5 तेना॑यजत
Sentence: 6 ततो वै॒ सो ऽवि॑न्दत प्र॒जाम॒भि सौ॑दा॒सान॑भवत् ।
Sentence: 7 य ए॒वं वि॒द्वांस॑ एकस्मान्नपञ्चा॒शमास॑ते वि॒न्दन्ते॑ प्र॒जाम॒भि भ्रातृ॑व्यान्भवन्ति
Sentence: 8 त्रय॑स्त्रि॒वृतो॑ ऽग्निष्टो॒मा भ॑वन्ति
Sentence: 9 वज्र॑स्यै॒व मुक॑ह्ं॒ सं श्य॑न्ति
Sentence: 10 दश॑ पञ्चदशा भवन्ति
Sentence: 11 पञ्चद॒शो वज्रः॑ ॥
Verse: 2
Sentence: 1 वज्र॑मे॒व भ्रातृ॑व्येभ्यः॒ प्र ह॑रन्ति
Sentence: 2 षोडशि॒मद्द॑श॒ममह॑र्भवति
Sentence: 3 वज्र॑ ए॒व वी॒र्यं॑ दधति
Sentence: 4 द्वाद॑श सप्तद॒शा भ॑वन्ति ।
Sentence: 5 अ॒न्नाद्य॒स्याव॑रुद्ध्यै ।
Sentence: 6 अथो प्रै॒व तै॑र्जायन्ते
Sentence: 7 पृष्ठ्यः षड॒हो भ॑वति
Sentence: 8 षड्वा ऋ॒तवः
Sentence: 9 षट्पृ॒ष्ठानि
Sentence: 10 पृष्ठैरे॒वर्तून॒न्वारो॑हन्त्यृ॒तुभिः॑ संवत्स॒रम् ।
Sentence: 11 ते सं॑वत्स॒र ए॒व प्रति॑ तिष्ठन्ति
Sentence: 12 द्वाद॑शैकविं॒शा भ॑वन्ति
Sentence: 13 प्रति॑ष्ठित्यै ।
Sentence: 14 अथो॒ रुच॑मे॒वात्मन् ॥
Verse: 3
Sentence: 1 द॑धते
Sentence: 2 ब॒हवः॑ षोड॒शिनो॑ भवन्ति
Sentence: 3 विजि॑त्यै
Sentence: 4 षडा॑श्वि॒नानि॑ भवन्ति
Sentence: 5 षड्वा ऋ॒तव॑स् ।
Sentence: 6 ऋ॒तुष्वे॒व प्रति॑ तिष्ठन्ति ।
Sentence: 7 ऊ॑नातिरि॒क्ता वा ए॒ता रात्र॑यस् ।
Sentence: 8 ऊ॒नास्तद्यदेक॑स्यै॒ न प॑ञ्चा॒शदति॑रिक्ता॒स्तद्यद्भूय॑सीर॒ष्टाच॑त्वारिंशतस् ।
Sentence: 9 ऊ॒नाच्च॒ खलु॒ वा अति॑रिक्ताच्च प्र॒जाप॑तिः॒ प्राजा॑यत ।
Sentence: 10 ये प्र॒जाका॑माः प॒शुका॑माः॒ स्युस्त ए॒ता आ॑सीरन्
Sentence: 11 प्रै॒व जा॑यन्ते प्र॒जया॑ प॒शुभि॑स् ।
Sentence: 12 वै॑रा॒जो वा ए॒ष य॒ज्ञो यदे॑कस्मान्नपञ्चा॒शस् ।
Sentence: 13 य ए॒वं वि॒द्वांस॑ एकस्मान्नपञ्चाश॒मास॑ते वि॒राज॑मे॒व ग॑छन्त्यन्ना॒दा भ॑वन्ति ।
Sentence: 14 अ॑तिरा॒त्राव॒भितो॑ भवतस् ।
Sentence: 15 अ॒न्नाद्य॑स्य॒ परि॑गृहीत्यै ॥
Paragraph: 8
Verse: 1
Sentence: 1 सं॑वत्स॒राय॑ दीक्षि॒ष्यमा॑णा एकाष्ट॒कायां॑ दीक्षेरन् ।
Sentence: 2 ए॒षा वै॑ संवत्स॒रस्य॒ पत्नी॒ यदे॑काष्ट॒का ।
Sentence: 3 ए॒तस्यां॒ वा ए॒ष ए॒टं रात्रिं॑ वसति
Sentence: 4 सा॒क्षादे॒व सं॑वत्स॒रमा॒रभ्य॑ दीक्षन्ते ।
Sentence: 5 आर्तं॒ वा ए॒ते सं॑वत्स॒रस्या॒भि दी॑क्षन्ते॒ य ए॑काष्ट॒कायां॒ दीक्ष॒न्ते ऽन्त॑नामानावृ॒तू भ॑वतस् ।
Sentence: 6 व्य॑स्तं॒ वा ए॒ते सं॑वत्स॒रस्या॒भि दी॑क्षन्ते॒ य ए॑काष्ट॒कायां॒ दीक्ष॒न्ते ऽन्त॑नामानावृ॒तू भ॑वतः
Sentence: 7 पल्गुनीपूर्णमा॒से दी॑क्षेरन्
Sentence: 8 मुखं॒ वा ए॒तत् ॥
Verse: 2
Sentence: 1 सं॑वत्स॒रस्य॒ यत्प॑ल्गुनीपूर्णमा॒सस् ।
Sentence: 2 मु॑ख॒त ए॒व सं॑वत्स॒रमा॒रभ्य॑ दीक्षन्ते
Sentence: 3 तस्यै॑कै॒व नि॒र्या यत्साम्मे॑घ्ये विषू॒वान्त्स॒म्पद्य॑ते
Sentence: 4 चित्रापूर्णमा॒से दी॑क्षेरन्
Sentence: 5 मुखं॒ वा ए॒तत्सं॑वत्स॒रस्य॒ यच्चि॑त्रापूर्णमा॒सस् ।
Sentence: 6 मु॑ख॒त ए॒व सं॑वत्स॒रमा॒रभ्य॑ दीक्षन्ते
Sentence: 7 तस्य॒ न का च॒न नि॒र्या भ॑वति
Sentence: 8 चतुर॒हे पु॒रस्ता॑त्पौर्णमास्यै दीक्षेरन्
Sentence: 9 तेषा॑मेकाष्ट॒कायां॑ क्र॒यः सम्प॑द्यते
Sentence: 10 तेनै॑काष्ट॒कां न छ॒म्बट्कु॑र्वन्ति
Sentence: 11 तेषा॑म् ॥
Verse: 3
Sentence: 1 पू॑र्वप॒क्षे सु॒त्या सम्प॑द्यते
Sentence: 2 पूर्वप॒क्षम्मासा॑ अ॒भि सम्प॑द्यन्ते
Sentence: 3 ते पू॑र्वप॒क्ष उत्ति॑ष्ठन्ति
Sentence: 4 तानु॒त्तिष्ठ॑त॒ ओष॑धयो॒ वन॒स्पत॒यो ऽनूत्ति॑ष्ठन्ति
Sentence: 5 तान्क॑ल्या॒णी की॒र्तिरनूत्ति॑ष्ठति ।
Sentence: 6 अरा॑त्सुरि॒मे यज॑माना॒ इति
Sentence: 7 तदनु॒ सर्वे॑ राध्नुवन्ति ॥
Paragraph: 9
Verse: 1
Sentence: 1 सु॑व॒र्गं वा ए॒ते लो॒कं य॑न्ति॒ ये स॒त्त्रमु॑प॒यन्ति॑ ।
Sentence: 2 अ॒भीन्ध॑त ए॒व दी॒क्षाभि॑रा॒त्मानं॑ श्रपयन्त उप॒सद्भि॑स् ।
Sentence: 3 द्वाभ्यां॒ लोमाव॑ द्यन्ति॒ द्वाभ्यां॒ त्वच॑म् ।
Sentence: 4 द्वाभ्या॒मसृ॑त् ।
Sentence: 5 द्वाभ्या॑म्मां॒सम् ।
Sentence: 6 द्वाभ्या॒मस्थि
Sentence: 7 द्वाभ्या॑म्म॒ज्जान॑म्
Sentence: 8 आ॒त्मद॑क्षिणं वै स॒त्त्रम्
Sentence: 9 आ॒त्मान॑मे॒व दक्षि॑णां नी॒त्वा सु॑व॒र्गं लो॒कं य॑न्ति
Sentence: 10 शिखा॒मनु॒ प्र व॑पन्ते ।
Sentence: 11 ऋद्ध्यै॑ ।
Sentence: 12 अथो॒ रघी॑यांसः सुव॒र्गं लो॒कम॑या॒मेति॑ ॥
Paragraph: 10
Verse: 1
Sentence: 1 ब्र॑ह्मवा॒दिनो॑ वदन्ति ।
Sentence: 2 अ॑तिरा॒त्रः प॑र॒मो य॑ज्ञक्रतू॒नां कस्मा॒त्तम्प्र॑थ॒ममुप॑ य॒न्तीति॑ ।
Sentence: 3 ए॒तद्वा अ॑ग्निष्टो॒मम्प्र॑थ॒ममुप॑ य॒न्त्यथो॒क्थ्य॒मथ॑ षोड॒शिन॒मथा॑तिरा॒त्रम्
Sentence: 4 अनुपू॒र्वमेवै॒तद्य॑ज्ञक्र॒तूनु॒पेत्य॒ ताना॒लभ्य॑ परि॒गृह्य॒ सोम॑मेवै॒तत्पिब॑न्त आसते
Sentence: 5 ज्योति॑ष्टोमम्प्रथ॒ममुप॑ यन्ति
Sentence: 6 ज्योति॑ष्टोमो वै॒ स्तोमा॑ना॒म्मुख॑म्
Sentence: 7 मुख॒त ए॒व स्तोमा॒न्प्र यु॑ञ्जते
Sentence: 8 ते ॥
Verse: 2
Sentence: 1 संस्तु॑ता वि॒राज॑म॒भि सम्प॑द्यन्ते
Sentence: 2 द्वे च॒र्चावति॑ रिच्येते
Sentence: 3 एक॑या गौ॒रति॑रिक्त॒ एक॒यायु॑रू॒नः
Sentence: 4 सु॑व॒र्गो वै॑ लो॒को ज्योति॒रूर्ग्वि॒राट्सु॑व॒र्गमे॒व तेन॑ लो॒कं य॑न्ति
Sentence: 5 रथन्त॒रं दिवा॒ भव॑ति रथन्त॒रं नक्त॒मित्या॑हुर्ब्रह्मवा॒दिनः॒ केन॒ तदजा॒मीति
Sentence: 6 सौभ॒रं तृ॑तीयसव॒ने ब्र॑ह्मसा॒मम्बृ॒हत्
Sentence: 7 तन्म॑ध्य॒तो द॑धति॒ विधृ॑त्यै
Sentence: 8 तेनाजा॑मि ॥
Paragraph: 11
Verse: 1
Sentence: 1 ज्योति॑ष्टोमम्प्रथ॒ममुप॑ यन्ति ।
Sentence: 2 अ॒स्मिन्ने॒व तेन॑ लो॒के प्रति॑ तिष्ठन्ति
Sentence: 3 गोष्टो॑मं द्वि॒तीय॒मुप॑ यन्ति ।
Sentence: 4 अ॒न्तरि॑क्ष ए॒व तेन॒ प्रति॑ तिष्ठन्ति ।
Sentence: 5 आयु॑ष्टोमं तृ॒तीय॒मुप॑ यन्ति ।
Sentence: 6 अ॒मुष्मि॑न्ने॒व तेन॑ लो॒के प्रति॑ तिष्ठन्ति ।
Sentence: 7 इ॒यं वाव ज्योति॑र॒न्तरि॑क्षं गौस् ।
Sentence: 8 अ॒सावायु॑स् ।
Sentence: 9 यदे॒तान्त्स्तोमा॑नुप॒यन्त्ये॒ष्वे॒व तल्लो॒केषु॑ स॒त्त्रिणः॑ प्रति॒तिष्ठ॑न्तो यन्ति
Sentence: 10 ते संस्तु॑ता वि॒राज॑म् ॥
Verse: 2
Sentence: 1 अ॒भि सम्प॑द्यन्ते
Sentence: 2 द्वे च॒र्चावति॑ रिच्येते
Sentence: 3 एक॑या गौ॒रति॑रिक्त॒ एक॒यायु॑रू॒नः
Sentence: 4 सु॑व॒र्गो वै॑ लो॒को ज्योति॒रूर्ग्वि॒राडूर्ज॑मे॒वाव॑ रुन्धते
Sentence: 5 ते न क्षु॒धार्ति॒मार्छ॑न्ति ।
Sentence: 6 अक्षो॑धुका भवन्ति
Sentence: 7 क्षुत्स॑म्बाधा इव॒ हि स॒त्त्रिण॑स् ।
Sentence: 8 अ॑ग्निष्टो॒माव॒भितः॑ प्र॒धी तौ॑ ।
Sentence: 9 उ॒क्थ्या॒ मध्ये॒ नभ्यं॒ तत्
Sentence: 10 तदे॒तत्प॑रि॒यद्दे॑वच॒क्रम् ।
Sentence: 11 यदे॒तेन॑ ॥
Verse: 3
Sentence: 1 ष॑ड॒हेन॒ यन्ति॑ देवच॒क्रमे॒व स॒मारो॑ह॒न्त्यरि॑ष्ट्यै
Sentence: 2 ते स्व॒स्ति सम॑श्नुवते
Sentence: 3 साड॒हेन॑ यन्ति
Sentence: 4 षड्वा ऋ॒तव॑स् ।
Sentence: 5 ऋ॒तुष्वे॒व प्रति॑ तिष्ठन्ति ।
Sentence: 6 उ॑भ॒यतो॑ज्योतिषा यन्ति ।
Sentence: 7 उ॑भ॒यत॑ ए॒व सु॑व॒र्गे लो॒के प्र॑ति॒तिष्ठ॑न्तो यन्ति
Sentence: 8 द्वौ षडहौ भवतस्
Sentence: 9 तानि॒ द्वाद॒शाहा॑नि॒ सम्प॑द्यन्ते
Sentence: 10 द्वाद॒शो वै॒ पुरु॑षो॒ द्वे सक्थ्यौ द्वौ बा॒हू आ॒त्मा च॒ शिर॑श्च च॒त्वार्यङ्गा॑नि॒ स्तनौ॑ द्वादशौ ॥
Verse: 4
Sentence: 1 तत्पुरु॑ष॒मनु॑ प॒र्याव॑र्तन्ते
Sentence: 2 त्रयः॑ षड॒हा भ॑वन्ति
Sentence: 3 तान्य॒ष्टाद॒शाहा॑नि॒ सम्प॑द्यन्ते
Sentence: 4 नवा॒न्यानि॒ नवा॒न्यानि
Sentence: 5 नव वै॒ पुरु॑षे प्रा॒णास्
Sentence: 6 तत्प्रा॒णाननु॑ प॒र्याव॑र्तन्ते
Sentence: 7 च॒त्वारः॑ षड॒हा भ॑वन्ति
Sentence: 8 तानि॒ चतु॑र्विंशति॒रहा॑नि॒ सम्प॑द्यन्ते
Sentence: 9 चतु॑र्विंशतिरर्धमा॒साः सं॑वत्स॒रस्
Sentence: 10 तत्सं॑वत्स॒रमनु॑ प॒र्याव॑र्तन्ते ।
Sentence: 11 अप्र॑तिष्ठितः संवत्स॒र इति॒ खलु॒ वा आ॑हु॒र्वर्षी॑यान्प्रति॒ष्ठाया॒ इति॑ ।
Sentence: 12 ए॒तावद्वै संवत्स॒रस्य॒ ब्राह्म॑णं॒ याव॑न्मा॒सस् ।
Sentence: 13 मा॒सिमा॑स्ये॒व प्र॑ति॒तिष्ठ॑न्तो यन्ति ॥
Paragraph: 12
Verse: 1
Sentence: 1=a मे॒षस्त्वा॑ पचतैरवतु॒ लोहि॑तग्रीव॒श्छागैः॑ शल्म॒लिर्वृद्ध्या॑ प॒र्णो ब्रह्म॑णा प्ल॒क्षो मेधे॑न न्य॒ग्रोध॑श्चमसैरुदु॒म्बर॑ ऊ॒र्जा गा॑य॒त्री छन्दो॑भिस्त्रि॒वृत्स्तोमै॑स् ।
Sentence: 2=b अव॑न्ती॒ स्थाव॑न्तीस्त्वावन्तु प्रि॒यं त्वा॑ प्रि॒याणां॒ वर्षि॑ष्ठ॒माप्या॑नां निधी॒नां त्वा॑ निधि॒पतिं॑ हवामहे वसो मम ॥
Paragraph: 13
Verse: 1
Sentence: 1 कू॑प्याभ्यः॒ स्वाहा
Sentence: 2 कूल्या॑भ्यः॒ स्वाहा
Sentence: 3 विक॒र्या॑भ्यः॒ स्वाहा॑ ।
Sentence: 4 अ॑व॒ट्या॑भ्यः॒ स्वाहा
Sentence: 5 खन्या॑भ्यः॒ स्वाहा
Sentence: 6 ह्रद्या॑भ्यः॒ स्वाहा
Sentence: 7 सूद्या॑भ्यः॒ स्वाहा
Sentence: 8 सर॒स्या॑भ्यः॒ स्वाहा
Sentence: 9 वैश॒न्तीभ्यः॒ स्वाहा
Sentence: 10 पल्व॒ल्या॑भ्यः॒ स्वाहा
Sentence: 11 वर्ष्या॑भ्यः॒ स्वाहा॑ ।
Sentence: 12 अ॑व॒र्ष्याभ्यः॒ स्वाहा
Sentence: 13 ह्रा॒दुनी॑भ्यः॒ स्वाहा
Sentence: 14 पृष्वा॑भ्यः॒ स्वाहा
Sentence: 15 स्यन्द॑मानाभ्यः॒ स्वाहा
Sentence: 16 स्थाव॒राभ्यः॒ स्वाहा
Sentence: 17 नादे॒यीभ्यः॒ स्वाहा
Sentence: 18 सैन्ध॒वीभ्यः॒ स्वाहा
Sentence: 19 समु॒द्रिया॑भ्यः॒ स्वाहा
Sentence: 20 सर्वा॑भ्यः॒ स्वाहा॑ ॥
Paragraph: 14
Verse: 1
Sentence: 1 अ॒द्भ्यः स्वाहा
Sentence: 2 वह॑न्तीभ्यः॒ स्वाहा
Sentence: 3 परि॒वह॑न्तीभ्यः॒ स्वाहा
Sentence: 4 सम॒न्तं वह॑न्तीभ्यः॒ स्वाहा
Sentence: 5 शीघ्रं॒ वह॑न्तीभ्यः॒ स्वाहा
Sentence: 6 शीभं॒ वह॑न्तीभ्यः॒ स्वाहा॑ ।
Sentence: 7 उ॒ग्रं वह॑न्तीभ्यः॒ स्वाहा
Sentence: 8 भी॒मं वह॑न्तीभ्यः॒ स्वाहा॑ ।
Sentence: 9 अम्भो॑भ्यः॒ स्वाहा
Sentence: 10 नभो॑भ्यः॒ स्वाहा
Sentence: 11 महो॑भ्यः॒ स्वाहा
Sentence: 12 सर्व॑स्मै॒ स्वाहा॑ ॥
Paragraph: 15
Verse: 1
Sentence: 1=a यो अर्व॑न्तं॒ जिघां॑सति॒ तम॒भ्य॑मीति॒ वरु॑णः । प॒रो मर्तः॑ प॒रः श्वा ॥
Sentence: 2=b अ॒हं च॒ त्वं च॑ वृत्रह॒न्त्सम्ब॑भूव स॒निभ्य॒ आ । अ॑राती॒वा चि॑दद्रि॒वो ऽनु॑ नौ शूर मंसतै भ॒ द्राइन्द्र॑स्य रा॒तयः॑ ॥
Sentence: 3=c अ॒भि क्रत्वे॑न्द्र भू॒रध॒ ज्मन्न ते॑ विव्यङ्महि॒मानं॒ रजां॑सि । स्वेना॒ हि वृ॒त्रं श॑वसा ज॒घन्थ॒ न शत्रु॒रन्तं॑ विविदद्यु॒धा ते॑ ॥
Paragraph: 16
Verse: 1
Sentence: 1 नमो॒ राज्ञे
Sentence: 2 नमो॒ वरु॑णाय
Sentence: 3 नमो ऽश्वा॑य
Sentence: 4 नमः॑ प्र॒जाप॑तये
Sentence: 5 नमो ऽधि॑पतये ।
Sentence: 6 अधि॑पतिर॒स्यधि॑पतिम्मा कु॒र्वधि॑पतिर॒हम्प्र॒जाना॑म्भूयासम्
Sentence: 7 मां धे॑हि
Sentence: 8 मयि॑ धेहि ।
Sentence: 9 उ॒पाकृ॑ताय॒ स्वाहा॑ ।
Sentence: 10 आल॑ब्धाय॒ स्वाहा
Sentence: 11 हु॒ताय॒ स्वाहा॑ ॥
Paragraph: 17
Verse: 1
Sentence: 1=a म॑यो॒भूर्वातो॑ अ॒भि वा॑तू॒स्रा ऊर्ज॑स्वती॒रोष॑धी॒रा रि॑शन्ताम् । पीव॑स्वतीर्जी॒वध॑न्याः पिबन्त्वव॒साय॑ प॒द्वते॑ रुद्र मृड ॥
Sentence: 2=b याः सरू॑पा॒ विरू॑पा॒ एक॑रूपा॒ यासा॑म॒ग्निरिष्ट्या॒ नामा॑नि॒ वेद॑ । या अङ्गि॑रस॒स्तप॑से॒ह च॒क्रुस्ताभ्यः॑ पर्जन्य॒ महि॒ शर्म॑ यछ ॥
Sentence: 3=c या दे॒वेषु॑ त॒नुवऐरयन्त॒ यासां॒ सोमो॒ विश्वा॑ रू॒पाणि॒ वेद॑ । ता अ॒स्मभ्य॒म्पय॑सा॒ पिन्व॑मानाः प्र॒जाव॑तीरिन्द्र ॥
Verse: 2
Sentence: 1 गो॒ष्ठे रि॑रीहि ॥
Sentence: 2=d प्र॒जाप॑ति॒र्मह्य॑मे॒ता ररा॑णो॒ विश्वै॑र्देवैः पि॒तृभिः॑ संविदा॒नः । शि॒वाः स॒तीरुप॑ नो गो॒ष्ठमाक॒स्तासां॑ व॒यम्प्र॒जया॒ सं स॑देम ॥
Sentence: 3=e इ॒ह धृतिः॒ स्वाहा॑ ।
Sentence: 4=f इ॒ह विधृ॑तिः॒ स्वाहा॑ ।
Sentence: 5=g इ॒ह रन्तिः॒ स्वाहा॑ ।
Sentence: 6=h इ॒ह रम॑तिः॒ स्वाहा
Sentence: 7=i म॒हीमू॒ षु
Sentence: 8=k सु॒त्रामा॑णम् ॥
Paragraph: 18
Verse: 1
Sentence: 1=a किं स्वि॑दासीत्पू॒र्वचि॑त्तिः॒ किं स्वि॑दासीद्बृ॒हद्वयः॑ । किं स्वि॑दासीत्पिशङ्गि॒ला किं स्वि॑दासीत्पिलिप्पि॒ला ॥
Sentence: 2=b द्यौ॑रासीत्पू॒र्वचि॑त्ति॒रश्व॑ आसीद्बृ॒हद्वयः॑ । रात्रि॑रासीत्पिशङ्गि॒लावि॑रासीत्पिलिप्पि॒ला ॥
Sentence: 3=c कः स्वि॑देका॒की च॑रति॒ क उ॑ स्विज्जायते॒ पुनः॑ । किं स्वि॑द्धि॒मस्य॑ भेष॒जं किं स्वि॑दा॒वप॑नम्म॒हत् ॥
Sentence: 4=d सूर्य॑ एका॒की च॑रति ॥
Verse: 2
Sentence: 1 च॒न्द्रमा॑ जायते॒ पुनः॑ । अ॒ग्निर्हि॒मस्य॑ भेष॒जम्भूमि॑रा॒वप॑नम्म॒हत् ॥
Sentence: 2=e पृ॒छामि॑ त्वा॒ पर॒मन्त॑म्पृथि॒व्याः पृ॒छामि॑ त्वा॒ भुव॑नस्य॒ नाभि॑म् । पृ॒छामि॑ त्वा॒ वृष्णो॒ अश्व॑स्य॒ रेतः॑ पृ॒छामि॑ वा॒चः प॑र॒मं व्यो॑म ॥
Sentence: 3=f वेदि॑माहुः॒ पर॒मन्त॑म्पृथि॒व्या य॒ज्ञमा॑हु॒र्भुव॑नस्य॒ नाभि॑म् । सोम॑माहु॒र्वृष्णो॒ अश्व॑स्य॒ रेतो॑ ब्रह्मै॒व वा॒चः प॑र॒मं व्यो॑म ॥
Paragraph: 19
Verse: 1
Sentence: 1=a अम्बे॒ अम्बा॒ल्यम्बि॑के
Sentence: 2=b न मा॑ नयति॒ कश्च॒न । स॒सस्त्य॑श्व॒कः ॥
Sentence: 3=c सुभ॑गे॒ काम्पी॑लवासिनि सुव॒र्गे लो॒के सम्प्रोर्ण्वा॑थाम् ।
Sentence: 4=d आहम॑जानि गर्भ॒धमा त्वम॑जासि गर्भ॒धम् ।
Sentence: 5=e तौ॑ स॒ह च॒तुरः॑ प॒दः सम्प्र सा॑रयावहै ।
Sentence: 6=f वृषा॑ वां रेतो॒धा रेतो॑ दधातु ।
Sentence: 7=g उत्स॒क्थ्यो॑र्गृ॒दं धे॑ह्य॒ञ्जिमुद॑ञ्जि॒म्मन्व॑ज । य स्त्री॒णां जी॑व॒भोज॑नो॒ य आ॑साम् ॥
Verse: 2
Sentence: 1 बि॑ल॒धाव॑नः । प्रि॒य स्त्री॒णाम॑पी॒च्यः॑ । य आ॑सां कृ॒ष्णे लक्ष्म॑णि॒ सर्दि॑गृदिम्प॒राव॑धीत् ॥
Sentence: 2=h अम्बे॒ अम्बा॒ल्यम्बि॑के॒ न मा॑ यभति॒ कश्च॒न । स॒सस्त्य॑श्व॒कः ॥
Sentence: 3=i ऊ॒र्ध्वामे॑ना॒मुच्छ्र॑यताद्वेणुभा॒रं गि॒रावि॑व । अथा॑स्या॒ मध्य॑मेधतां शी॒ते वाते॒ पुन॑न्निव ॥
Sentence: 4=k अम्बे॒ अम्बा॒ल्यम्बि॑के॒ न मा॑ यभति॒ कश्च॒न । स॒सस्त्य॑श्व॒कः ॥
Sentence: 5=l यद्ध॑रि॒णी यव॒मत्ति॒ न ॥
Verse: 3
Sentence: 1 पु॒ष्टम्प॒शु म॑न्यते । शू॒द्रा यदर्य॑जारा॒ न पोषा॑य धनायति ॥
Sentence: 2=m अम्बे॒ अम्बा॒ल्यम्बि॑के॒ न मा॑ यभति॒ कश्च॒न । स॒सस्त्य॑श्व॒कः ॥
Sentence: 3=n इ॒यं य॒का श॑कुन्ति॒काहल॒मिति॒ सर्प॑ति । आह॑तं ग॒भे पसो॒ नि ज॑ल्गुलीति॒ धाणि॑का ॥
Sentence: 4=o अम्बे॒ अम्बा॒ल्यम्बि॑के॒ न मा॑ यभति॒ कश्च॒न । स॒सस्त्य॑श्व॒कः ॥
Sentence: 5=p मा॒ता च॑ ते पि॒ता च॒ ते ऽग्रं॑ वृ॒क्षस्य॑ रोहतः ॥
Verse: 4
Sentence: 1 प्र सु॑ला॒मीति॑ ते पि॒ता ग॒भे मु॒ष्टिम॑तंसयत् ॥
Sentence: 2=q द॑धि॒क्राव्णो॑ अकारिषं जि॒ष्णोरश्व॑स्य वा॒जिनः॑ । सु॑र॒भि नो॒ मुखा॑ कर॒त्प्र ण॒ आयूं॑षि तारिषत् ।
Sentence: 3=r आपो॒ हि ष्ठा म॑यो॒भुव॒स्ता न॑ ऊ॒र्जे द॑धातन । म॒हे रणा॑य॒ चक्ष॑से ॥
Sentence: 4=s यो वः॑ शि॒वत॑मो॒ रस॒स्तस्य॑ भाजयते॒ह नः॑ । उ॑श॒तीरि॑व मा॒तरः॑ ॥
Sentence: 5=t तस्मा॒ अरं॑ गमाम वो॒ यस्य॒ क्षया॑य॒ जिन्व॑थ । आपो॑ ज॒नय॑था च नः ॥
Paragraph: 20
Verse: 1
Sentence: 1=a भूर्भुवः॒ सुव॑र्
Sentence: 2=b वस॑वस्त्वाञ्जन्तु गाय॒त्रेण॒ छन्द॑सा रु॒द्रास्त्वा॑ञ्जन्तु त्रैष्टुभेन॒ छन्द॑सादि॒त्यास्�न्तु॒ जाग॑तेन॒ छन्द॑सा
Sentence: 3=c यद्वातो॑ अ॒पो अग॑म॒दिन्द्र॑स्य त॒नुव॑म्प्रि॒याम् । ए॒तं स्तो॑तरे॒तेन॑ प॒था पुन॒रश्व॒मा व॑र्तयासि नः ॥
Sentence: 4=d लाजी३ञ्छाची३न्यशो॑ म॒मा३म् ।
Sentence: 5=e य॒व्यायै॑ ग॒व्याया॑ ए॒तद्दे॑वा॒ अन्न॑मत्तै॒तद॑न्नमद्धि प्रजापते
Sentence: 6=f यु॒ञ्जन्ति॑ ब्र॒ध्नम॑रु॒षं चर॑न्त॒म्परि॑ त॒स्थुषः॑ । रो॒चन्ते॑ रोच॒ना दि॒वि ॥
Sentence: 7=g यु॒ञ्जन्त्य॑स्य॒ काम्या॒ हरी॒ विप॑क्षसा॒ रथे॑ । शोणा॑ धृ॒ष्णू नृ॒वाह॑सा ॥
Sentence: 8=h के॒तुं कृ॒ण्वन्न॑के॒तवे॒ पेशो॑ मर्या अपे॒शसे॑ । समु॒षद्भि॑रजायथाः ॥
Paragraph: 21
Verse: 1
Sentence: 1 प्रा॒णाय॒ स्वाहा
Sentence: 2 व्या॒नाय॒ स्वाहा॑ ।
Sentence: 3 अ॑पा॒नाय॒ स्वाहा
Sentence: 4 स्नाव॑भ्यः॒ स्वाहा
Sentence: 5 सन्ता॒नेभ्यः॒ स्वाहा
Sentence: 6 परि॑सन्तानेभ्यः॒ स्वाहा
Sentence: 7 पर्व॑भ्यः॒ स्वाहा
Sentence: 8 सं॒धाने॑भ्यः॒ स्वाहा
Sentence: 9 शरी॑रेभ्यः॒ स्वाहा
Sentence: 10 य॒ज्ञाय॒ स्वाहा
Sentence: 11 दक्षि॑णाभ्यः॒ स्वाहा
Sentence: 12 सुव॒र्गाय॒ स्वाहा
Sentence: 13 लो॒काय॒ स्वाहा
Sentence: 14 सर्व॑स्मै॒ स्वाहा॑ ॥
Paragraph: 22
Verse: 1
Sentence: 1 सि॒ताय॒ स्वाहा॑ ।
Sentence: 2 असि॑ताय॒ स्वाहा॑ ।
Sentence: 3 अ॒भिहि॑ताय॒ स्वाहा॑ ।
Sentence: 4 अन॑भिहिताय॒ स्वाहा
Sentence: 5 यु॒क्ताय॒ स्वाहा॑ ।
Sentence: 6 अयु॑क्ताय॒ स्वाहा
Sentence: 7 सुयु॑क्ताय॒ स्वाहा॑ ।
Sentence: 8 उद्यु॑क्ताय॒ स्वाहा
Sentence: 9 विमु॑क्ताय॒ स्वाहा
Sentence: 10 प्रमु॑क्ताय॒ स्वाहा
Sentence: 11 वञ्च॑ते॒ स्वाहा
Sentence: 12 परि॒वञ्च॑ते॒ स्वाहा
Sentence: 13 सं॒वञ्च॑ते॒ स्वाहा॑ ।
Sentence: 14 अ॑नु॒वञ्च॑ते॒ स्वाहा॑ ।
Sentence: 15 उ॒द्वञ्च॑ते॒ स्वाहा॑ ।
Sentence: 16 य॒ते स्वाहा
Sentence: 17 धाव॑ते॒ स्वाहा
Sentence: 18 तिष्ठ॑ते॒ स्वाहा
Sentence: 19 सर्व॑स्मै॒ स्वाहा॑ ॥
Chapter: 5
Paragraph: 1
Verse: 1
Sentence: 1 गावो॒ वा ए॒तत्स॒त्त्रमा॑सताशृ॒ङ्गाः स॒तीः
Sentence: 2 शृङ्गा॑णि नो जायन्ता॒ इति॒ कामे॑न
Sentence: 3 तासां॒ दश॒ मासा॒ निष॑ण्णा आस॒न्नथ॒ शृङ्गा॑न्यजायन्त
Sentence: 4 ता उद॑तिष्ठन् ।
Sentence: 5 अरा॒त्स्मेति॑ ।
Sentence: 6 अथ॒ यासां॒ नाजा॑यन्त॒ ताः सं॑वत्स॒रमा॒प्त्वोद॑तिष्ठन् ।
Sentence: 7 अरा॒त्स्मेति
Sentence: 8 यासां॒ चाजा॑यन्त॒ यासां॑ च॒ न ता उ॒भयी॒रुद॑तिष्ठन् ।
Sentence: 9 अरा॒त्स्मेति
Sentence: 10 गोस॒त्त्रं वै॑ ॥
Verse: 2
Sentence: 1 सं॑वत्स॒रस् ।
Sentence: 2 य ए॒वं वि॒द्वांसः॑ संवत्स॒रमु॑प॒यन्त्यृ॑ध्नु॒वन्त्ये॒व
Sentence: 3 तस्मा॑त्तूप॒रा वार्षि॑कौ॒ मासौ॒ पर्त्वा॑ चरति
Sentence: 4 स॒त्त्राभि॑जितं॒ ह्य॑स्यै
Sentence: 5 तस्मा॑त्संवत्सर॒सदो॒ यत्किं च॑ ग्रि॒हे क्रि॒यते॒ तदा॒प्तमव॑रुद्धम॒भिजि॑तं क्रियते
Sentence: 6 समु॒द्रं वा ए॒ते प्र प्ल॑वन्ते॒ ये सं॑वत्स॒रमु॑प॒यन्ति
Sentence: 7 यो वै॑ समु॒द्रस्य॒ पारं॒ न पश्य॑ति॒ न वै॒ स तत॒ उदे॑ति
Sentence: 8 संवत्स॒रः ॥
Verse: 3
Sentence: 1 वै॑ समु॒द्रस्
Sentence: 2 तस्यै॒तत्पा॒रं यद॑तिरात्रौ
Sentence: 3 य ए॒वं वि॒द्वांसः॑ संवत्स॒रमु॑प॒यन्त्यना॑र्ता ए॒वोदृच॑ङ्गछन्ति ।
Sentence: 4 इ॒यं वै॒ पूर्वो॑ ऽतिरा॒त्रो॒ ऽसावुत्त॑रस् ।
Sentence: 5 मनः॒ पूर्वो॒ वागुत्त॑रः
Sentence: 6 प्रा॒णः पूर्वो॑ ऽपा॒न उत्त॑रः
Sentence: 7 प्र॒रोध॑न॒म्पूर्व॑ उ॒दय॑न॒मुत्त॑रस् ।
Sentence: 8 ज्योति॑ष्टोमो वैश्वान॒रो॑ ऽतिरा॒त्रो भ॑वति
Sentence: 9 ज्योति॑रे॒व पु॒रस्ता॑द्दधते
Sentence: 10 सुव॒र्गस्य॑ लो॒कस्यानु॑ख्यात्यै
Sentence: 11 चतुर्विं॒शः प्रा॑य॒णीयो॑ भवति
Sentence: 12 चतु॑र्विंशतिरर्धमा॒साः ॥
Verse: 4
Sentence: 1 सं॑वत्स॒रः
Sentence: 2 प्र॒यन्त॑ ए॒व सं॑वत्स॒रे प्रति॑ तिष्ठन्ति
Sentence: 3 तस्य॒ त्रीणि॑ च श॒तानि॑ ष॒ष्टिश्च॑ स्तो॒त्रीय॑स्
Sentence: 4 ताव॑तीः संवत्स॒रस्य॒ रात्र॑यस् ।
Sentence: 5 उ॒भे ए॒व सं॑वत्स॒रस्य॑ रू॒पे आ॑प्नुवन्ति
Sentence: 6 ते संस्थि॑त्या॒ अरि॑ष्ट्या॒ उत्त॑रै॒रहो॑भिश्चरन्ति
Sentence: 7 षड॒हा भ॑वन्ति
Sentence: 8 षड्वा ऋ॒तवः॑ संवत्स॒रस् ।
Sentence: 9 ऋ॒तुष्वे॒व सं॑वत्स॒रे प्रति॑ तिष्ठन्ति
Sentence: 10 गौ॒श्चायु॑श्च मध्य॒त स्तोमौ॑ भवतः
Sentence: 11 संवत्स॒रस्यै॒व तन्मि॑थु॒नम्म॑ध्य॒तः ॥
Verse: 5
Sentence: 1 द॑धति
Sentence: 2 प्र॒जन॑नाय
Sentence: 3 ज्योति॑र॒भितो॑ भवति
Sentence: 4 वि॒मोच॑नमे॒व तत् ।
Sentence: 5 छन्दां॑स्ये॒व तद्वि॒मोकं॑ यन्ति ।
Sentence: 6 अथो॑ उभ॒यतो॑ज्योतिषै॒व ष॑ड॒हेन॑ सुव॒र्गं लो॒कं य॑न्ति
Sentence: 7 ब्रह्मव॒दिनो॑ वदन्ति ।
Sentence: 8 आस॑ते॒ केन॑ य॒न्तीति
Sentence: 9 देव॒याने॑न प॒थेति॑ ब्रूयात् ।
Sentence: 10 छन्दां॑सि वै देव॒यानः॒ पन्था॑ गाय॒त्री त्रि॒ष्टुब्जग॑ती
Sentence: 11 ज्योतिर्वै गाय॒त्री गौ॑स्त्रि॒ष्टुगायु॒र्जग॑ती
Sentence: 12 यदे॑ते॒ स्तोमा॒ भव॑न्ति
Sentence: 13 देव॒याने॑नै॒व ॥
Verse: 6
Sentence: 1 तत्प॒था य॑न्ति
Sentence: 2 समा॒नं साम॑ भवति
Sentence: 3 देवलो॒को वै॒ साम
Sentence: 4 देवलो॒कादे॒व न य॑न्ति ।
Sentence: 5 अन्याअन्या॒ ऋचो॑ भवन्ति
Sentence: 6 मनुष्यलो॒को वा ऋच॑स् ।
Sentence: 7 म॑नुष्यलो॒कादे॒वान्यम॑न्यं देवलो॒कम॑भ्या॒रोह॑न्तो यन्ति ।
Sentence: 8 अ॑भिव॒र्तो ब्र॑ह्मसा॒मम्भ॑वति
Sentence: 9 सुव॒र्गस्य॑ लो॒कस्या॒भिवृ॑त्त्यै ।
Sentence: 10 अ॑भि॒जिद्भ॑वति
Sentence: 11 सुव॒र्गस्य॑ लो॒कस्या॒भिजि॑त्यै
Sentence: 12 विश्व॒जिद्भ॑वति॒ विश्व॑स्य॒ जित्यै
Sentence: 13 मा॒सिमा॑सि पृ॒ष्ठान्युप॑ यन्ति
Sentence: 14 मा॒सिमा॑स्यतिग्रा॒ह्या॑ गृह्यन्ते
Sentence: 15 मा॒सिमा॑स्ये॒व वी॒र्यं॑ दधति
Sentence: 16 मा॒साम्प्रति॑ष्ठित्यै ।
Sentence: 17 उ॒परि॑ष्टान्मा॒साम्पृ॒ष्ठान्युप॑ यन्ति
Sentence: 18 तस्मा॑दु॒परि॑ष्टा॒दोष॑धयः॒ पलं॑ गृह्णन्ति ॥
Paragraph: 2
Verse: 1
Sentence: 1 गावो॒ वा ए॒तत्स॒त्त्रमा॑सताशृ॒ङ्गाः स॒तीः शृङ्गा॑णि॒ सिषा॑सन्तीस्
Sentence: 2 तासां॒ दश॒ मासा॒ निष॑ण्णा आसन् ।
Sentence: 3 अथ॒ शृङ्गा॑ण्यजायन्त
Sentence: 4 ता अ॑ब्रुवन् ।
Sentence: 5 अरा॒त्स्मोत्ति॑ष्ठा॒माव॒ तं काम॑मरुत्स्महि॒ येन॒ कामे॑न॒ न्यष॑दा॒मेति
Sentence: 6 तासा॑मु॒ त्वा अ॑ब्रुवन्न॒र्धा{F वा{W वा{GLOS वा याव॑तीर्वा ।
Sentence: 7 आस॑महा ए॒वेमौ॑ द्वादशौ॒ मासौ॑ संवत्स॒रं स॒म्पाद्योत्ति॑ष्ठा॒मेति
Sentence: 8 तासा॑म् ॥
Verse: 2
Sentence: 1 द्वा॑द॒शे मा॒सि षृङ्गा॑णि॒ प्राव॑र्तन्त श्र॒द्धया॒ वाश्र॑द्धया वा
Sentence: 2 ता इ॒मा यास्तू॑प॒रास् ।
Sentence: 3 उ॒भय्यो॒ वाव ता आ॑र्ध्नुव॒न्याश्च॒ शृङ्गा॒ण्यस॑न्व॒न्याश्चोर्ज॑म॒वारु॑न्धत ।
Sentence: 4 ऋ॒ध्नोति॑ द॒शसु॑ मा॒सूत्तिष्ठ॑न्नृ॒ध्नोति॑ द्वाद॒शसु॒ य ए॒वं वेद
Sentence: 5 प॒देन॒ खलु॒ वा ए॒ते य॑न्ति वि॒न्दति॒ खलु वै प॒देन॒ यन्
Sentence: 6 तद्वा ए॒तदृ॒ध्हमय॑नम् ।
Sentence: 7 तस्मा॑दे॒तद्गो॒सनि॑ ॥
Paragraph: 3
Verse: 1
Sentence: 1 प्र॑थ॒मे मा॒सि पृ॒ष्ठान्युप॑ यन्ति मध्य॒म उप॑ यन्त्युत्त॒म उप॑ यन्ति
Sentence: 2 तदा॑हुस् ।
Sentence: 3 यां वै॒ त्रिरेक॒स्याह्न॑ उप॒सीद॑न्ति द॒ह्रं वै॒ साप॑राभ्यां॒ दोहा॑भ्यां दु॒हे ऽथ॒ कुतः॒ सा धो॑क्ष्यते॒ यां द्वाद॑श॒ कृत्व॑ उप॒सीद॒न्तीति
Sentence: 4 संवत्स॒रं स॒म्पाद्यो॑त्त॒मे मा॒सि स॒कृत्पृ॒ष्ठान्युपे॑युस्
Sentence: 5 तद्यज॑माना य॒ज्ञम्प॒शूनव॑ रुन्धते
Sentence: 6 समु॒द्रं वै॑ ॥
Verse: 2
Sentence: 1 ए॒ते॑ ऽनवा॒रम॑पा॒रम्प्र प्ल॑वन्ते॒ ये सं॑वत्स॒रमु॑प॒यन्ति
Sentence: 2 यद्बृ॑हद्रथन्त॒रे अ॒न्वर्जे॑यु॒र्यथा॒ मध्ये॑ समु॒द्रस्य॑ प्ल॒वम॒न्वर्जे॑युस्ता॒दृक्तत् ।
Sentence: 3 अनु॑त्सर्गम्बृहद्रथन्त॒राभ्या॑मि॒त्वा प्र॑ति॒ष्ठां ग॑छन्ति
Sentence: 4 सर्वे॑भ्यो वै॒ कामे॑भ्यः सं॒धिर्दु॑हे
Sentence: 5 तद्यज॑मानाः॒ सर्वा॒न्कामा॒नव॑ रुन्धते ॥
Paragraph: 4
Verse: 1
Sentence: 1 स॑मा॒न्य॒ ऋचो॑ भवन्ति
Sentence: 2 मनुष्यलो॒को वा ऋच॑स् ।
Sentence: 3 म॑नुष्यलो॒कादे॒व न य॑न्ति ।
Sentence: 4 अ॒न्यद॑न्य॒त्साम॑ भवति
Sentence: 5 देवलो॒को वै॒ साम
Sentence: 6 देवलो॒कादे॒वान्यम॑न्यम्मनुष्यलो॒कम्प्र॑त्यव॒रोह॑न्तो यन्ति
Sentence: 7 जग॑ती॒मग्रे॒ उप॑ यन्ति
Sentence: 8 जग॑तीं वै॒ छन्दां॑सि प्र॒त्यव॑रोहन्त्याग्रय॒णं ग्रहा॑ बृ॒हत्पृ॒ष्ठानि॑ त्रयस्त्रिं॒शं स्तोमा॑स्
Sentence: 9 तस्मा॒ज्ज्यायां॑सं॒ कनी॑यान्प्र॒त्यव॑रोहति
Sentence: 10 वैश्वकर्म॒णो गृ॑ह्यते
Sentence: 11 विश्वा॑न्ये॒व तेन॒ कर्मा॑णि॒ यज॑माना॒ अव॑ रुन्धते ।
Sentence: 12 आ॑दि॒त्यः ॥
Verse: 2
Sentence: 1 गृ॑ह्यते ।
Sentence: 2 इ॒यं वा अदि॑तिस् ।
Sentence: 3 अ॒स्यामे॒व प्रति॑ तिष्ठन्ति ।
Sentence: 4 अ॒न्यो॑ऽन्यो गृह्येते मिथुन॒त्वाय॒ प्रजा॑त्यै ।
Sentence: 5 अ॑वानत॒रं वै॑ दशरा॒त्रेण॑ प्र॒जाप॑तिः प्र॒जा अ॑सृजत
Sentence: 6 यद्द॑शरा॒त्रो भव॑ति प्र॒जा ए॒व तद्यज॑मानाः सृजन्ते ।
Sentence: 7 ए॒तां ह॒ वा उ॑दङ्कः शौल्बाय॒नः स॒त्त्रस्यर्द्धि॑मुवाच॒ यद्द॑शरातश् ।
Sentence: 8 यद्द॑शरा॒त्रो भव॑ति स॒त्त्रस्यर्द्ध्यै॑ ।
Sentence: 9 अथो॒ यदे॒व पूर्वे॒ष्वहः॑सु॒ विलो॑म क्रि॒यते॒ तस्यैवै॒षा शान्तिः॑ ॥
Paragraph: 5
Verse: 1
Sentence: 1 यदि॒ सोमौ॒ संसु॑तौ॒ स्याता॑म्मह॒ति रात्रि॑यै प्रातरनुवा॒कमु॒पाकु॑र्यात्
Sentence: 2 पूर्वो॒ वाच॒म्पूर्वो॑ दे॒वताः॒ पूर्व॒श्छन्दां॑सि वृङ्क्ते॒ वृष॑ण्वतीम्प्रति॒पदं॑ कुर्यात्
Sentence: 3 प्रातःसव॒नादेवैषा॒मिन्द्रं॑ वृङ्क्ते ।
Sentence: 4 अथो॒ खल्वा॑हुः
Sentence: 5 सवनमु॒खेस॑वनमुखे का॒र्येति
Sentence: 6 सवनमु॒खात्स॑वनमुखादेवैषा॒मिन्द्रं॑ वृङ्क्ते
Sentence: 7 संवे॒शायो॑पवे॒शाय॑ गायत्रि॒यास्त्रि॒ष्टुभो॒ जग॑त्या अनु॒ष्टुभः॑ प॒ङ्क्त्या अ॒भिभू॑त्यै॒ स्वाहा
Sentence: 8 छन्दां॑सि वै संवे॒श उ॑पवे॒शस् ।
Sentence: 9 छन्दो॑भिरेवैषां ॥
Verse: 2
Sentence: 1 छन्दां॑सि वृङ्क्ते
Sentence: 2 सज॒नीयं॒ शस्य॑म् ।
Sentence: 3 वि॑ह॒व्यं॒ शस्य॑म्
Sentence: 4 अ॒गस्त्य॑स्य कयाशु॒भीयं॑ शस्यम्
Sentence: 5 ए॒ताव॒द्वा अ॑स्ति॒ याव॑दे॒तत् ।
Sentence: 6 याव॑दे॒वास्ति॒ तदे॑षां वृङ्क्ते
Sentence: 7 यदि॑ प्रातःसव॒ने क॒लशो॒ दीर्ये॑त वैष्णवीषु शिपिवि॒ष्टव॑तीषु स्तुवीरन्
Sentence: 8 यद्वै॑ य॒ज्ञस्या॑ति॒रिच्य॑ते॒ विष्णुं॒ तच्छि॑पिवि॒ष्टम॒भ्यति॑ रिच्यते
Sentence: 9 तद्विष्णुः॑ शिविपि॒ष्टो ऽति॑रिक्त ए॒वाति॑रिक्तं दधाति ।
Sentence: 10 अथो॒ अति॑रिक्तेनै॒वाति॑रिक्तमा॒प्त्वाव॑ रुन्धते
Sentence: 11 यदि॑ म॒ध्यन्दि॑ने॒ दीर्ये॑त वषट्का॒रनि॑धनं॒ साम॑ कुर्युस् ।
Sentence: 12 व॑षट्का॒रो वै॑ य॒ज्ञस्य॑ प्रति॒ष्ठा
Sentence: 13 प्र॑ति॒ष्ठामेवैनद्गमयन्ति
Sentence: 14 यदि॑ तृतीयसव॒न ए॒तदे॒व ॥
Paragraph: 6
Verse: 1
Sentence: 1 ष॑डहै॒र्मासा॑न्त्स॒म्पाद्याह॒रुत्सृ॑जन्ति
Sentence: 2 षडहै॒र्हि मासा॑न्त्स॒म्पश्य॑न्ति ।
Sentence: 3 अ॑र्धमासै॒र्मासा॑न्त्स॒म्पाद्याह॒रुत्सृ॑जनति ।
Sentence: 4 अ॑र्धमासै॒र्हि मासा॑न्त्स॒म्पश्य॑न्ति ।
Sentence: 5 अ॑मावा॒य॑या॒ मासा॑न्त्स॒म्पाद्याह॒रुत्सृ॑जन्ति ।
Sentence: 6 अ॑मावा॒स्य॑या॒ हि मासा॑न्त्स॒म्पश्य॑न्ति
Sentence: 7 पौर्णमा॒स्या मासा॑न्त्स॒म्पाद्याह॒रुत्सृ॑जन्ति
Sentence: 8 पौर्णमा॒स्या हि मासा॑न्त्स॒म्पश्य॑न्ति
Sentence: 9 यो वै॑ पू॒र्ण आ॑सि॒ञ्चति॒ परा॒ स सि॑ञ्चति
Sentence: 10 यः पू॒र्णादु॒दच॑ति ॥
Verse: 2
Sentence: 1 प्रा॒णम॑स्मि॒न्त्स द॑धाति
Sentence: 2 यत्पौ॑र्णमा॒स्या मासा॑न्त्स॒म्पाद्याह॑रुत्सृ॒जन्ति॑ संवत्स॒रायै॒व तत्प्रा॒णं द॑धति
Sentence: 3 तदनु॑ स॒त्त्रिणः॒ प्राण॑न्ति
Sentence: 4 यदह॒र्नोत्सृ॒जेयु॒र्यथा॒ दृति॒रुप॑नद्धो वि॒पत॑त्ये॒वं सं॑वत्स॒रो वि प॑तेत् ।
Sentence: 5 आर्ति॒मार्छे॑युस् ।
Sentence: 6 यत्पौ॑र्णमा॒स्या मासा॑न्त्स॒म्पाद्याह॑रुत्सृ॒जन्ति॑ संवत्स॒रायै॒व तदु॑दा॒नं द॑धति
Sentence: 7 तदनु॑ स॒त्त्रिण॒ उत् ॥
Verse: 3
Sentence: 1 अ॑नन्ति
Sentence: 2 नार्ति॒मार्छ॑न्ति
Sentence: 3 पू॒र्णमा॑से वै दे॒वानां॑ सु॒तस् ।
Sentence: 4 यत्पौ॑र्णमा॒स्या मासा॑न्त्स॒म्पाद्याह॑रुत्सृ॒जन्ति॑ दे॒वाना॑मे॒व तद्य॒ज्ञेन॑ य॒ज्ञम्प्र�
Sentence: 5 वि वा ए॒तद्य॒ज्ञं छि॑न्दन्ति॒ यत्ष॑ड॒हसं॑ततं॒ सन्त॒मथाह॑रुत्सृ॒जन्ति
Sentence: 6 प्राजाप॒त्यम्प॒शुमाल॑भन्ते
Sentence: 7 प्र॒जाप॑तिः॒ सर्वा॑ दे॒वता॑स् ।
Sentence: 8 दे॒वता॑भिरे॒व य॒ज्ञं सं त॑न्वन्ति
Sentence: 9 यन्ति॒ वा ए॒ते सव॑ना॒द्ये ऽहः॑ ॥
Verse: 4
Sentence: 1 उ॑त्सृ॒जन्ति
Sentence: 2 तु॒रीयं॒ खलु॒ वा ए॒तत्सव॑नं॒ यत्सां॑ना॒य्यम् ।
Sentence: 3 यत्सां॑ना॒य्यम्भव॑ति॒ तेनै॒व सव॑ना॒न्न य॑न्ति
Sentence: 4 समुप॒हूय॑ भक्षयन्ति ।
Sentence: 5 ए॒तत्सो॑मपीथा॒ ह्ये॒तर्हि
Sentence: 6 यथायत॒नं वा ए॒तेषां॑ सवन॒भाजो॑ दे॒वता॑ गछन्ति॒ ये ऽह॑रुत्सृ॒जन्ति॑ ।
Sentence: 7 अ॑नुसव॒नम्पु॑रो॒डाशा॒न्निर्व॑पन्ति
Sentence: 8 यथायत॒नादे॒व स॑वन॒भाजो॑ दे॒वता॒ अव॑ रुन्धते ।
Sentence: 9 ऽष्टाक॑पालान्प्रातःसव॒न एका॑दशकपाला॒न्माध्यं॑दिने॒ सव॑ने॒ द्वाद॑शकपालांस्तृतीयसव॒ने
Sentence: 10 छन्दां॑स्ये॒वाप्त्वाव॑ रुन्धते
Sentence: 11 वैश्वदे॒वं च॒रुं तृ॑तीयसव॒ने निर्व॑पन्ति
Sentence: 12 वैश्वदे॒वं वै॑ तृतीयसव॒नम् ।
Sentence: 13 तेनै॒व तृ॑तीयसव॒नान्न य॑न्ति ॥
Paragraph: 7
Verse: 1
Sentence: 1 उ॒त्सृज्या३ं॒ नोत्सृज्या३मिति॑ मीमांसन्ते ब्रह्मवा॒दिन॑स्
Sentence: 2 तद्वा॑हुस् ।
Sentence: 3 उ॒त्सृज्य॑मे॒वेति॑ ।
Sentence: 4 अ॑मावा॒स्या॑यां च पौर्णमा॒स्यां चो॒त्सृज्य॒मित्या॑हुस् ।
Sentence: 5 ए॒ते हि य॒ज्ञं वह॑त॒ इति
Sentence: 6 ते त्वाव नोत्सृज्ये॒ इत्या॑हु॒र्ये अ॑वान्त॒रं य॒ज्ञम्भे॒जाते॒ इति
Sentence: 7 या प्र॑थ॒मा व्य॑ष्टका॒ तस्या॑मु॒त्सृज्य॒मित्या॑हुस् ।
Sentence: 8 ए॒ष वै॑ मा॒सो वि॑श॒र इति
Sentence: 9 नादि॑ष्टम् ॥
Verse: 2
Sentence: 1 उत्सृ॑जेयुस् ।
Sentence: 2 यदादि॑ष्टमु॒त्सृजेयु॑र्या॒दृशे॒ पुनः॑ पर्याप्ला॒वे मध्ये॑ षड॒हस्य॑ स॒म्पद्ये॑त षडहै॒र्मासद्य॒ यत्स॑प्त॒ममह॒स्तस्मि॒न्नुत्सृ॑ज्येयुस्
Sentence: 3 तद॒ग्नये॒ वसु॑मते पुरो॒डाश॑म॒ष्टाक॑पालं॒ निर्व॑पेयुऐ॒न्द्रं दधीन्द्रा॑य म॒रुत्व॑ते पुरो॒डाश॒मेका॑दशकपालं वैश्वदे॒वं द्वाद॑शकपालम्
Sentence: 4 अ॒ग्नेर्वै॒ वसु॑मतः प्रातःसव॒नम् ।
Sentence: 5 यद॒ग्नये॒ वसु॑मते पुरो॒डाश॑म॒ष्टाक॑पालं नि॒र्वप॑ति दे॒वता॑मे॒व तद्भा॒गिनीं॑ कु॒र्वन्ति॑ ॥
Verse: 3
Sentence: 1 सव॑नमष्टा॒भिरुप॑ यन्ति
Sentence: 2 यऐ॒न्द्रं दधि॒ भव॒तीन्द्र॑मे॒व तद्भा॑ग॒धेया॒न्न च्या॑वयन्ति ।
Sentence: 3 इन्द्र॑स्य वै म॒रुत्व॑तो॒ माध्यं॑दिनं॒ सव॑नम् ।
Sentence: 4 यदिन्द्रा॑य म॒रुत्व॑ते पुरो॒डाश॒मेका॑दशकपालं नि॒र्वप॑न्ति दे॒वता॑मे॒व तद्भा॒गिनीं॑ कु॒र्वन्ति॒ सव॑नमेकाद॒शभि॒रुप॑ यन्ति
Sentence: 5 विश्वे॑षां वै दे॒वाना॑मृभु॒मतां॑ तृतीयसव॒नम् ।
Sentence: 6 यद्वै॑श्वदे॒वं द्वाद॑शकपालं नि॒र्वप॑न्ति दे॒वता॑ ए॒व तद्भा॒गिनीः॑ कु॒र्वन्ति॒ सव॑नं द्वाद॒शभिः॑ ॥
Verse: 4
Sentence: 1 उप॑ यन्ति
Sentence: 2 प्राजाप॒त्यम्प॒शुमा ल॑भन्ते
Sentence: 3 य॒ज्ञो वै॑ प्र॒जाप॑तिर्य॒ज्ञस्यान॑नुसर्गाय ।
Sentence: 4 अ॑भिव॒र्त इ॒तः षण्मा॒सो ब्र॑ह्मसा॒मम्भ॑वति
Sentence: 5 ब्रह्म॒ वा अ॑भिव॒र्तस् ।
Sentence: 6 ब्रह्म॑णै॒व तत्सु॑व॒र्गं लो॒कम॑भिव॒र्तय॑न्तो यन्ति
Sentence: 7 प्रतिकू॒लमि॑व॒ हीतः सु॑व॒र्गो लो॒कस् ।
Sentence: 8 इन्द्र॒ क्रतुं॑ न॒ आ भ॑र पि॒ता पु॒त्रेभ्यो॒ यथा॑ ।
Sentence: 9 शिक्षा॑ नो अ॒स्मिन्पु॑रुहूत॒ याम॑नि जी॒वा ज्योति॑रशीम॒हीत्य॒मुत॑ आय॒तां षण्मा॒सो ब्र॑ह्मसा�ति ।
Sentence: 10 अ॒यं वै॑ लो॒को ज्योतिः॑ प्र॒जा ज्योति॑स् ।
Sentence: 11 इ॒ममे॒व तल्लो॒कम्पश्य॑न्तो ऽभि॒वद॑न्त॒ आ य॑न्ति ॥
Paragraph: 8
Verse: 1
Sentence: 1 दे॒वानां॒ वा अन्तं॑ ज॒ग्मुषा॑मिन्द्रि॒यं वी॒र्य॒मपा॑क्रामत्
Sentence: 2 तत्क्रो॒शेनावा॑ रुन्धत
Sentence: 3 तत्क्रो॒शस्य॑ क्रोश॒त्वम् ।
Sentence: 4 यत्क्रो॒शेन॒ चात्वा॑ल॒स्यान्ते॑ स्तु॒वन्ति॑ य॒ज्ञस्यै॒वान्तं॑ ग॒त्वेन्द्रि॒यं वी॒र्य॒मव॑ रुन्धते
Sentence: 5 स॒त्त्रस्यर्द्ध्या॑हव॒नीय॒स्यान्ते॑ स्तुवन्ति ।
Sentence: 6 अ॒ग्निमे॒वोप॑द्र॒ष्टारं॑ कृ॒त्वर्द्धि॒मुप॑ यन्ति
Sentence: 7 प्र॒जाप॑ते॒र्हृद॑येन हवि॒र्धाने॒ ऽन्त स्तु॑वन्ति
Sentence: 8 प्रे॒माण॑मे॒वास्य॑ गछन्ति
Sentence: 9 श्लो॒केन॑ पु॒रस्ता॒त्सद॑सः ॥
Verse: 2
Sentence: 1 स्तु॑व॒न्त्यनु॑श्लोकेन प॒श्चात् ।
Sentence: 2 य॒ज्ञस्यै॒वान्तं॑ ग॒त्वा श्लो॑क॒भाजो॑ भवन्ति
Sentence: 3 न॒वभि॑रध्व॒र्युरुद्गा॑यति
Sentence: 4 नव वै॒ पुरु॑षे प्रा॒णाः
Sentence: 5 प्रा॒णाने॒व यज॑मानेषु दधाति
Sentence: 6 सर्वा॑ ऐ॒न्द्रियो॑ भवन्ति
Sentence: 7 प्रा॒णेष्वे॒वेन्द्रि॒यं द॑धति ।
Sentence: 8 अप्र॑तिहृताभि॒रुद्गा॑यति
Sentence: 9 तस्मा॒त्पुरु॑षः॒ सर्वा॑ण्य॒न्यानि॑ शी॒र्ष्णो ऽङ्गा॑नि॒ प्रत्य॑चति
Sentence: 10 शिर॑ ए॒व न
Sentence: 11 पञ्च॑द॒शं र॑थन्त॒रम्भ॑वतीन्द्रि॒यमे॒वाव॑ रुन्धते
Sentence: 12 सप्तद॒शम् ॥
Verse: 3
Sentence: 1 बृ॒हद॒न्नाद्य॒स्याव॑रुद्ध्यै ।
Sentence: 2 अथो प्रै॒व तेन॑ जायन्ते ।
Sentence: 3 ए॑कविं॒शम्भ॒द्रं द्वि॒पदा॑सु॒ प्रति॑ष्ठित्यै
Sentence: 4 पत्न॑य॒ उप॑ गायन्ति
Sentence: 5 मिथुन॒त्वाय॒ प्रजा॑त्यै
Sentence: 6 प्र॒जाप॑तिः प्र॒जा अ॑सृजत
Sentence: 7 सो॑ ऽकामयत ।
Sentence: 8 आ॒साम॒हं रा॒ज्यम्परी॑या॒मिति
Sentence: 9 तासां॑ राजनेनै॒व रा॒ज्यम्पर्ऐ॑त्
Sentence: 10 तद्रा॑ज॒नस्य॑ राजन॒त्वम् ।
Sentence: 11 यद्रा॑ज॒नम्भव॑ति प्र॒जाना॑मे॒व तद्यज॑माना रा॒ज्यम्परि॑ यन्ति
Sentence: 12 पञ्चविंशम्भवति प्र॒जाप॑तेः ॥
Verse: 4
Sentence: 1 आप्त्यै
Sentence: 2 प॒ञ्चभि॒स्तिष्ठ॑न्त स्तुवन्ति देवलो॒कमे॒वाभि ज॑यन्ति
Sentence: 3 प॒ञ्चभि॒रासी॑ना मनुष्यलो॒कमे॒वाभि ज॑यन्ति
Sentence: 4 दश॒ सम्प॑द्यन्ते॒ दशा॑क्षरा वि॒राड्^वि॒राज्
Sentence: 5 अन्नं वि॒राड्^वि॒राज्
Sentence: 6 वि॒राजै॒वान्नाद्य॒मव॑ रुन्धते
Sentence: 7 पञ्च॒धा वि॑नि॒षद्य॑ स्तुवन्ति
Sentence: 8 पञ्च॒ दिश॑स् ।
Sentence: 9 दि॑क्ष॒वे॒व प्रति॑ तिष्ठन्ति ।
Sentence: 10 एकै॑क॒यास्तु॑तया स॒माय॑न्ति दि॒ग्भ्य ए॒वान्नाद्यं॒ सम्भ॑रन्ति
Sentence: 11 ताभि॑रुद्गा॒तोद्गा॑यति
Sentence: 12 दि॒ग्भ्य ए॒वान्नाद्य॑म् ॥
Verse: 5
Sentence: 1 स॒म्भृत्य॒ तेज॑ आ॒त्मन्द॑धते
Sentence: 2 तस्मा॒देकः॑ प्रा॒णः सर्वा॒ण्यङ्गा॑न्यवति ।
Sentence: 3 अथो॒ यथा॑ सुप॒र्ण उ॑त्पति॒ष्यञ्छिर॑ उत्त॒मं कु॑रु॒त ए॒वमे॒व तद्यज॑मानाः प्र॒जाना॑मुत्त॒मा भ॑वन्ति ।
Sentence: 4 आ॑स॒न्दीमु॑द्गा॒ता रो॑हति॒ साम्रा॑ज्यमे॒व ग॑छन्ति
Sentence: 5 प्ले॒ङ्खं होता॒ नाक॑स्यै॒व पृ॒ष्ठं रो॑हन्ति
Sentence: 6 कू॒र्चाव॑ध्व॒र्युर्ब्र॒ध्नस्यै॒व वि॒ष्टपं॑ गछन्ति ।
Sentence: 7 ए॒ताव॑न्तो वै देवलो॒कास्तेष्वे॒व य॑थापू॒र्वम्प्रति॑ तिष्ठन्ति ।
Sentence: 8 अथो॑ आ॒क्रम॑णमे॒व तत्सेतुं॒ यज॑मानाः कुर्वते सुव॒र्गस्य॑ लो॒कस्य॒ सम॑ष्ट्यै ॥
Paragraph: 9
Verse: 1
Sentence: 1 अ॒र्क्ये॑ण वै सहस्र॒शः प्र॒जाप॑तिः प्र॒जा अ॑सृजत
Sentence: 2 ताभ्य॒ इलां॑दे॒नेरां॒ लूता॒मवा॑रुन्द्ध
Sentence: 3 यद॒र्क्य॒म्भव॑ति प्र॒जा ए॒व तद्यज॑मानाः सृजन्ते ।
Sentence: 4 इलां॑दम्भवति प्र॒जाभ्य॑ ए॒व सृ॒ष्टाभ्य॒ इरां॒ लूता॒मव॑ रुन्धते
Sentence: 5 तस्मा॒द्यां समां॑ स॒त्त्रं समृ॑द्धं॒ क्षोधु॑का॒स्तां समा॑म्प्र॒जा इषं॒ ह्या॑सा॒मूर्ज॑मा॒द�
Sentence: 6 यां समां॒ व्यृ॑द्ध॒मक्षो॑धुका॒स्तां समा॑म्प्र॒जाः ॥
Verse: 2
Sentence: 1 न ह्या॑सा॒मिष॒मूर्ज॑मा॒दद॑ते ।
Sentence: 2 उ॑त्क्रो॒दं कु॑र्वते
Sentence: 3 यथा॑ ब॒न्धान्मु॑मुचा॒ना उ॑त्क्रो॒दं कु॒र्वत॑ ए॒वमे॒व तद्यज॑माना देवब॒न्धान्मु॑मुचा॒ना उ॑त्क्रो॒दं कु॑र्वत॒ इष॒मूर्जं॑ आ॒त्मन्दधा॑नास् ।
Sentence: 4 वा॒णः श॒तत॑न्तुर्भवति
Sentence: 5 श॒तायुः॒ पुरु॑षः श॒तेन्द्रि॑यस् ।
Sentence: 6 आयु॑ष्ये॒वेन्द्रि॒ये प्रति॑ तिष्ठन्ति ।
Sentence: 7 आ॒जिं धा॑व॒न्त्यन॑भिजितस्या॒भिजि॑त्यै
Sentence: 8 दुन्दु॒भीन्त्स॒माघ्न॑न्ति
Sentence: 9 पर॒मा वा ए॒षा वाग्या दु॑न्दुभौ
Sentence: 10 पर॒मामे॒व ॥
Verse: 3
Sentence: 1 वाच॒मव॑ रुन्धते
Sentence: 2 भूमिदुन्दु॒भिमा घ्न॑न्ति
Sentence: 3 यै॒वेमां वाक्प्रवि॑ष्टा॒ तामे॒वाव॑ रुन्धते ।
Sentence: 4 अथो॑ इ॒मामे॒व ज॑यन्ति
Sentence: 5 सर्वा॒ वाचो॑ वदन्ति
Sentence: 6 सर्वा॑सां वा॒चामव॑रुद्ध्यै ।
Sentence: 7 आ॒र्द्रे चर्म॒न्व्याय॑छेते
Sentence: 8 इन्द्रि॒यस्याव॑रुद्ध्यै ।
Sentence: 9 आन्यः क्रोश॑ति॒ प्रान्यः शं॑सति
Sentence: 10 य आ॒क्रोश॑ति पु॒नात्येवैनान्त्स^ सस्
Sentence: 11 यः प्र॒शंस॑ति पू॒तेष्वे॒वान्नाद्यं॑ दधाति ।
Sentence: 12 ऋषि॑कृतं च ॥
Verse: 4
Sentence: 1 वा ए॒ते दे॒वकृ॑तं च॒ पूर्वै॒र्मासै॒रव॑ रुन्धते
Sentence: 2 यद्भू॑ते॒छदां॒ सामा॑नि॒ भव॑न्त्यु॒भय॒स्याव॑रुद्ध्यै
Sentence: 3 यन्ति॒ वा ए॒ते मि॑थु॒नाद्ये सं॑वत्स॒रमु॑प॒यन्ति॑ ।
Sentence: 4 अ॑न्तर्वे॒दि मि॑थुनौ॒ सम्भ॑वतस्
Sentence: 5 तेनै॒व मि॑थु॒नान्न य॑न्ति ॥
Paragraph: 10
Verse: 1
Sentence: 1 चर्माव॑ भिन्दन्ति
Sentence: 2 पा॒प्मान॑मेवैषा॒मव॑ भिन्दन्ति
Sentence: 3 माप॑ रात्सी॒र्माति॑ व्यात्सी॒रित्या॑ह
Sentence: 4 सम्प्र॒त्येवैषाम्पा॒प्मान॒मव॑ भिन्दन्ति ।
Sentence: 5 उ॑दकु॒म्भान॑धिनि॒धाय॑ दा॒स्यो॑ मार्जा॒लीय॒म्परि॑ नृत्यन्ति प॒दो नि॑घ्न॒तीरि॒दम्म॑धुं॒ गाय॑न्त्यस् ।
Sentence: 6 मधु वै दे॒वाना॑म्पर॒मम॒न्नाद्य॑म्
Sentence: 7 पर॒ममे॒वान्नाद्य॒मव॑ रुन्धते
Sentence: 8 प॒दो नि घ्न॑न्ति
Sentence: 9 मही॒यामेवैषु दधति ॥
Paragraph: 11
Verse: 1
Sentence: 1 पृ॑थिव्यै॒ स्वाहा॒न्तरि॑क्षाय॒ स्वाहा॑ दि॒वे स्वाहा
Sentence: 2 सम्प्लोष्य॒ते स्वाहा॑ स॒म्प्लव॑मानाय॒ स्वाहा॒ सम्प्लु॑ताय॒ स्वाहा
Sentence: 3 मेधायिष्य॒ते स्वाहा॑ मेघाय॒ते स्वाहा॑ मेघि॒ताय॒ स्वाहा॑ मे॒घाय॒ स्वाहा
Sentence: 4 नीहा॒राय॒ स्वाहा॑ नि॒हाका॑यै॒ स्वाहा
Sentence: 5 प्रास॒चाय॒ स्वाहा॑ प्रच॒लाका॑यै॒ स्वाहा
Sentence: 6 विद्योतिष्य॒ते स्वाहा॑ वि॒द्योत॑मानाय॒ स्वाहा॑ संवि॒द्योत॑मानाय॒ स्वाहा
Sentence: 7 स्तनयिष्य॒ते स्वाहा॑ स्त॒नय॑ते॒ स्वाहो॒ग्रं स्त॒नय॑ते॒ स्वाहा
Sentence: 8 वर्षिष्य॒ते स्वाहा॒ वर्ष॑ते॒ स्वाहा॑भि॒वर्ष॑ते॒ स्वाहा॒ परि॑वर्षते॒ स्वाहा॑ सं॒वर्ष॑ते ॥
Verse: 2
Sentence: 1 स्वाहा॑नु॒वर्ष॑ते॒ स्वाहा
Sentence: 2 शीकायिष्य॒ते स्वाहा॑ शीकाय॒ते स्वाहा॑ शीकि॒ताय॒ स्वाहा
Sentence: 3 प्रोषिष्य॒ते स्वाहा॑ प्रुष्ण॒ते स्वाहा॑ परिप्रुष्ण॒ते स्वाहा॑ ।
Sentence: 4 उ॑द्ग्रहीष्य॒ते स्वाहो॑द्गृह्ण॒ते स्वाहोद्गृ॑हीताय॒ स्वाहा
Sentence: 5 विप्लोष्य॒ते स्वाहा॑ वि॒प्लव॑मानाय॒ स्वाहा॒ विप्लु॑ताय॒ स्वाहा॑ ।
Sentence: 6 आ॑तप्स्य॒ते स्वाहा॒तप॑ते॒ स्वाहो॒ग्रमा॒तप॑ते॒ स्वाहा॑ ।
Sentence: 7 ऋ॒ग्भ्यः स्वाहा॒ यजु॑र्भ्यः॒ स्वाहा॒ साम॑भ्यः॒ स्वाहाङ्गि॑रोभ्यः॒ स्वाहा
Sentence: 8 वेदे॑भ्यः॒ स्वाहा॒ गाथा॑भ्यः॒ स्वाहा॑ नाराशं॒सीभ्यः॒ स्वाहा रैभीभ्यः॒ स्वाहा
Sentence: 9 सर्व॑स्मै॒ स्वाहा॑ ॥
Paragraph: 12
Verse: 1
Sentence: 1 द॒त्वते॒ स्वाहा॑द॒न्तका॑य॒ स्वाहा
Sentence: 2 प्रा॒णिने॒ स्वाहा॑प्रा॒णाय॒ स्वाहा
Sentence: 3 मुख॑वते॒ स्वाहा॑मु॒खाय॒ स्वाहा
Sentence: 4 नासि॑कवते॒ स्वाहा॑नासि॒काय॒ स्वाहा॑ ।
Sentence: 5 अ॑क्ष॒ण्वते॒ स्वाहा॑न॒क्षिका॑य॒ स्वाहा
Sentence: 6 क॒र्णिने॒ स्वाहा॑क॒र्णका॑य॒ स्वाहा
Sentence: 7 शीर्ष॒ण्वते॒ स्वाहा॑शी॒र्षका॑य॒ स्वाहा
Sentence: 8 प॒द्वते॒ स्वाहा॑पा॒दका॑य॒ स्वाहा
Sentence: 9 प्राण॒ते स्वाहा॑प्राणते॒ स्वाहा
Sentence: 10 वद॑ते॒ स्वाहा॑वदते॒ स्वाहा
Sentence: 11 पश्य॑ते॒ स्वाहा॑पश्यते॒ स्वाहा
Sentence: 12 शृण्व॒ते स्वाहाशृ॑ण्वते॒ स्वाहा
Sentence: 13 मन॒स्विने॒ स्वाहा॑ ॥
Verse: 2
Sentence: 1 अ॑म॒नसे॒ स्वाहा
Sentence: 2 रेत॒स्विने॒ स्वाहा॑रे॒तस्का॑य॒ स्वाहा
Sentence: 3 प्र॒जाभ्यः॒ स्वाहा॑ प्र॒जन॑नाय॒ स्वाहा
Sentence: 4 लोम॑वते॒ स्वाहा॑लो॒मका॑य॒ स्वाहा
Sentence: 5 त्व॒चे स्वाहा॒त्वक्का॑य॒ स्वाहा
Sentence: 6 चर्म॑ण्वते॒ स्वाहा॑च॒र्मका॑य॒ स्वाहा
Sentence: 7 लोहि॑तवते॒ स्वाहा॑लोहि॒ताय॒ स्वाहा
Sentence: 8 मांस॒न्वते॒ स्वाहा॑मां॒सका॑य॒ स्वाहा
Sentence: 9 स्नाव॑भ्यः॒ स्वाहा॑स्ना॒वका॑य॒ स्वाहा॑ ।
Sentence: 10 अ॑स्थ॒न्वते॒ स्वाहा॑न॒स्थिका॑य॒ स्वाहा
Sentence: 11 मज्ज॒न्वते॒ स्वाहा॑म॒ज्जका॑य॒ स्वाहा॑ ।
Sentence: 12 अ॒ङ्गिने॒ स्वाहा॑न॒ङ्गाय॒ स्वाहा॑ ।
Sentence: 13 आ॒त्मने॒ स्वाहा॑नात्मने॒ स्वाहा
Sentence: 14 सर्व॑स्मै॒ स्वाहा॑ ॥
Paragraph: 13
Verse: 1
Sentence: 1 कस्त्वा॑ युनक्ति॒ स त्वा॑ युनक्तु
Sentence: 2 विष्णु॑स्त्वा युनक्तु ।
Sentence: 3 अ॒स्य य॒ज्ञस्यर्द्ध्यै॒ मह्यं॒ सन्न॑त्यै ।
Sentence: 4 अ॒मुष्मै॒ कामा॑य ।
Sentence: 5 आयु॑षे त्वा प्रा॒णाय॑ त्वापा॒नाय॑ त्वा व्या॒नाय॑ त्वा
Sentence: 6 व्यु॑ष्ट्यै त्वा
Sentence: 7 रय्यै त्वा॒ राध॑से त्वा
Sentence: 8 घोषा॑य॒ त्वा पोषा॑य त्वाराद्घो॒षाय॑ त्वा
Sentence: 9 प्रच्यु॑त्यै त्वा ॥
Paragraph: 14
Verse: 1
Sentence: 1 अ॒ग्नये॑ गाय॒त्राय॑ त्रि॒वृते॒ राथं॑तराय वास॒न्ताया॒ष्टाक॑पालस् ।
Sentence: 2 इन्द्रा॑य त्रैष्टुभाय पञ्चद॒शाय॒ बार्ह॑ताय ग्रैष्मायैकादशकपालस् ।
Sentence: 3 विश्वे॑भ्यो दे॒वेभ्यो॒ जाग॑तेभ्यः सप्तद॒शेभ्यो॑ वैरू॒पेभ्यो॒ वार्षि॑केभ्यो॒ द्वाद॑शकपालस् ।
Sentence: 4 मि॒त्रावरु॑णाभ्या॒मानु॑ष्टुभाभ्यामेकविं॒शाभ्यां॑ वैरा॒जाभ्यां॑ शार॒दाभ्या॑म्पय॒स्या
Sentence: 5 बृह॒स्पत॑ये॒ पाङ्क्ता॑य त्रिण॒वाय॑ शाक्व॒राय हैमन्तिकाय च॒रुः
Sentence: 6 स॑वि॒त्र आ॑तिछन्द॒साय॑ त्रयस्त्रिं॒शाय॑ रैव॒ताय॑ शैशि॒राय॒ द्वाद॑शकपालस् ।
Sentence: 7 अदि॑त्यै॒ विष्णु॑पत्न्यै च॒रुस् ।
Sentence: 8 अ॒ग्नये॑ वैश्वान॒राय॒ द्वाद॑शकपालस् ।
Sentence: 9 अनु॑मत्यै च॒रुः
Sentence: 10 का॒य एक॑कपालः ॥
Paragraph: 15
Verse: 1
Sentence: 1 यो वा अ॒ग्नाव॒ग्निः प्र॑ह्रि॒यते॒ यश्च॒ सोमो॒ राजा॒ तयो॑रे॒ष आ॑ति॒थ्यं यद॑ग्नीषो॒मीय॑स् ।
Sentence: 2 अथै॒ष रु॒द्रो यश्ची॒यते
Sentence: 3 यत्सञ्चि॑ते॒ ऽग्नावे॒तानि॑ ह॒वींषि॒ न नि॒र्वपे॑त् ।
Sentence: 4 ए॒ष ए॒व रु॒द्रो ऽशा॑न्त उपो॒त्थाय॑ प्र॒जाम्प॒शून्यज॑मानस्या॒भि म॑न्येत
Sentence: 5 यत्सञ्चि॑ते॒ ऽग्नावे॒तानि॑ ह॒वींषि॑ नि॒र्वप॑ति भाग॒धेये॑नैवैनं शमयति॒ नास्य॑ रु॒द्रो ऽशा॑न्तः ॥
Verse: 2
Sentence: 1 उ॑पो॒त्थाय॑ प्र॒जाम्प॒शून॒भि म॑न्यते
Sentence: 2 दश॒ हवीं॑षि भवन्ति
Sentence: 3 नव वै॒ पुरु॑षे प्रा॒णा नाभि॑र्दश॒मी
Sentence: 4 प्रा॒णाने॒व यज॑माने दधाति ।
Sentence: 5 अथो॒ दशा॑क्षरा वि॒राड्^वि॒राज्
Sentence: 6 अन्नं वि॒राड्^वि॒राज्
Sentence: 7 वि॒राज्ये॒वान्नाद्ये॒ प्रति॑ तिष्ठति ।
Sentence: 8 ऋ॒तुभि॒र्वा ए॒ष छन्दो॑भि॒ स्तोमैः॑ पृष्ठैश्चेत॒व्य॒ इत्या॑हुस् ।
Sentence: 9 यदे॒तानि॑ ह॒वींषि॑ नि॒र्वप॑त्यृ॒तुभि॑रेवैनं॒ छन्दो॑भि॒ स्तोमैः॑ पृष्ठैश्चिनुते
Sentence: 10 दिशः॑ सुषुवा॒णेन॑ ॥
Verse: 3
Sentence: 1 अ॑भि॒जित्या॒ इत्या॑हुस् ।
Sentence: 2 यदे॒तानि॑ ह॒वींषि॑ नि॒र्वप॑ति दि॒शाम॒भिजि॑त्यै ।
Sentence: 3 ए॒तया॒ वा इन्द्रं॑ दे॒वा अ॑याजय॒न्तस्मा॑दिन्द्रस॒वस् ।
Sentence: 4 ए॒तया॒ मनु॑म्मनु॒ष्या॒स्तस्मा॑न्मनुस॒वस् ।
Sentence: 5 यथेन्द्रो॑ दे॒वानां॒ यथा॒ मनु॑र्मनु॒ष्या॑णामे॒वम्भ॑वति॒ य ए॒वं वि॒द्वाने॒तयेष्ट्या॒ यज॑ते
Sentence: 6 दिग्व॑तीः पुरोऽनुवा॒क्या॑ भवन्ति
Sentence: 7 सर्वा॑सां दि॒शाम॒भिजि॑त्यै ॥
Paragraph: 16
Verse: 1
Sentence: 1=a यः प्रा॑ण॒तो नि॑मिष॒तो म॑हित्वैक॒ इद्राजा॒ जग॑तो ब॒भूव॑ । य ईशे॑ अ॒स्य द्वि॒पद॒श्चतु॑ष्पदः॒ कस्मै॑ दे॒वाय॑ ह॒विषा॑ विधेम ॥
Sentence: 2=b उ॑पया॒मगृ॑हीतो ऽसि प्र॒जाप॑तये त्वा॒ जुष्टं॑ गृह्णामि॒ तस्य॑ ते द्यौर्महि॒मा नक्ष॑त्राणि रू॒पमा॑दि॒त्यस्ते॒ तेज॒स्तस्मै॑ त्वा महि॒म्ने प्र॒जाप॑तये॒ स्वाहा॑ ॥
Paragraph: 17
Verse: 1
Sentence: 1=a य आ॑त्म॒दा ब॑ल॒दा यस्य॒ विश्व॑ उ॒पास॑ते प्र॒शिषं॒ यस्य॑ दे॒वाः । यस्य॑ छा॒यामृतं॒ यस्य॑ मृ॒त्युः कस्मै॑ दे॒वाय॑ ह॒विषा॑ विधेम ॥
Sentence: 2=b उ॑पया॒मगृ॑हीतो ऽसि प्र॒जाप॑तये त्वा॒ जुष्टं॑ गृह्णामि॒ तस्य॑ ते पृथि॒वी म॑हिमौषधयो॒ वन॒स्पत॑यो रू॒पम॒ग्निस्ते॒ तेज॒स्तस्मै॑ त्वा महि॒म्ने प्र॒जाप॑तये॒ स्वाहा॑ ॥
Paragraph: 18
Verse: 1
Sentence: 1 आ ब्रह्म॑न्ब्राह्म॒णो ब्र॑ह्मवर्च॒सी जा॑यताम्
Sentence: 2 आस्मिन्रा॒ष्ट्रे रा॑ज॒न्य॑ इष॒व्यः॒ शूरो॑ महार॒थो जा॑यताम् ।
Sentence: 3 दोग्ध्री॑ धे॒नुस् ।
Sentence: 4 वोढा॑न॒ड्वान्
Sentence: 5 आशुः॒ सप्तिः
Sentence: 6 पुरं॑धि॒र्योषा
Sentence: 7 जि॒ष्णू र॑थे॒ष्ठाः
Sentence: 8 स॒भेयो॒ युवा॑ ।
Sentence: 9 आस्य यज॑मानस्य वी॒रो जा॑यताम् ।
Sentence: 10 नि॑का॒मेनि॑कामे नः प॒र्जन्यो॑ वर्षतु
Sentence: 11 प॒लिन्यो॑ न॒ ओष॑धयः पच्यन्ताम् ।
Sentence: 12 यो॑गक्षे॒मो नः॑ कल्पताम् ॥
Paragraph: 19
Verse: 1
Sentence: 1=a आक्रा॑न्वा॒जी पृ॑थि॒वीम॒ग्निं युज॑मकृत वा॒ज्यर्वाक्रा॑न्वा॒ज्य॒न्तरि॑क्षं वा॒युं युज॑मकृत वा॒ज्यर्वा॒ द्यां वा॒ज्याक्रं॑स्त॒ सूर्यं॒ युज॑मकृत वा॒ज्यर्वा॑ ।
Sentence: 2=b अ॒ग्निस्ते॑ वाजि॒न्युङ्ङनु॒ त्वा र॑भे स्व॒स्ति मा॒ सम्पा॑रय वा॒युस्ते॑ वाजि॒न्युङ्ङनु॒ त्वा र॑भे स्व॒स्ति मा॒ सम् ॥
Verse: 2 Sentence: 1 पा॑रयादि॒त्यस्ते॑ वाजि॒न्युङ्ङनु॒ त्वा र॑भे स्व॒स्ति मा॒ सम्पा॑रय प्राण॒धृग॑सि प्रा॒णम्मे॑ दृंह व्यान॒धृग॑सि व्या॒नम्मे॑ दृंहापान॒धृग॑स्यपा॒नम्मे॑ दृंह॒ चक्षु॑रसि॒ चक्षु॒र्मयि॑ धेहि॒ श्रोत्र॑मसि॒ श्रोत्र॒म्मयि॑ धे॒ह्यायु॑र॒स्यायु॒र्मयि॑ धेहि ॥
Paragraph: 20
Verse: 1
Sentence: 1 जज्ञि॒ बीज॑म् ।
Sentence: 2 वर्ष्टा॑ प॒र्जन्यः
Sentence: 3 पक्ता॑ स॒स्यम् ।
Sentence: 4 सु॑पिप्प॒ला ओष॑धयः
Sentence: 5 स्वधिचर॒णेयम् ।
Sentence: 6 सू॑पसद॒नो॒ ऽग्निः
Sentence: 7 स्व॑ध्य॒क्षम॒न्तरि॑क्षम् ।
Sentence: 8 सु॑पा॒वः पव॑मानः
Sentence: 9 सूपस्था॒ना द्यौः
Sentence: 10 शि॒वमसौ॒ तप॑न्
Sentence: 11 यथापू॒र्वम॑होरा॒त्रे
Sentence: 12 प॑ञ्चद॒शिनो॑ ऽर्धमा॒सास्
Sentence: 13 त्रिं॒शिनो॒ मासाः
Sentence: 14 कृ॒प्ता ऋ॒तवः
Sentence: 15 शा॒न्तः सं॑वत्स॒रः ॥
Paragraph: 21
Verse: 1
Sentence: 1 आ॑ग्ने॒यो॒ ऽष्टाक॑पालः
Sentence: 2 सौ॒म्यश्च॒रुः
Sentence: 3 सा॑वि॒त्रो॒ ऽष्टाक॑पालः
Sentence: 4 पौ॒ष्णश्च॒रुस् ।
Sentence: 5 रौ॒द्रश्च॒रुस् ।
Sentence: 6 अ॒ग्नये॑ वैश्वान॒राय॒ द्वाद॑शकपालो मृगाख॒रे यदि॒ नागछे॑त् ।
Sentence: 7 अ॒ग्नये॑ ऽंहो॒मुचे॒ ऽष्टाक॑पालः
Sentence: 8 सौ॒र्यम्पय॑स् ।
Sentence: 9 वा॑य॒व्य॒ आज्य॑भागः ॥
Paragraph: 22
Verse: 1
Sentence: 1 अ॒ग्नये॑ ऽंहो॒मुचे॒ ऽष्टाक॑पालस् ।
Sentence: 2 इन्द्रा॑यांहो॒मुच॒ एका॑दशकपालस् ।
Sentence: 3 मि॒त्रावरु॑णाभ्यामागो॒मुग्भ्या॑म्पय॒स्या
Sentence: 4 वायोसावि॒त्र आ॑गो॒मुग्भ्यां॑ च॒रुस् ।
Sentence: 5 अ॒श्विभ्या॑मागो॒मुग्भ्यां॑ धानास् ।
Sentence: 6 म॒रुद्भ्य॑ एनो॒मुग्भ्यः॑ स॒प्तक॑पालस् ।
Sentence: 7 विश्वे॑भ्यो दे॒वेभ्य॑ एनो॒मुग्भ्यो॒ द्वाद॑शकपालस् ।
Sentence: 8 अनु॑मत्यै च॒रुस् ।
Sentence: 9 अ॒ग्नये॑ वैश्वान॒राय॒ द्वाद॑शकपालस् ।
Sentence: 10 द्यावा॑पृथि॒वीभ्या॑मंहो॒मुग्भ्यां॑ द्विकपा॒लः ॥
Paragraph: 23
Verse: 1
Sentence: 1 अ॒ग्नये॒ सम॑नमत्पृथिव्यै॒ सम॑नमत् ।
Sentence: 2 यथा॒ग्निः पृ॑थि॒व्या स॒मन॑मदे॒वम्मह्य॑म्भ॒द्राः सन्न॑तयः॒ सं न॑मन्तु
Sentence: 3 वा॒यवे॒ सम॑नमद॒न्तरि॑क्षाय॒ सम॑नमत् ।
Sentence: 4 यथा॑ वा॒युर॒न्तरि॑क्षेण
Sentence: 5 सूर्या॑य॒ सम॑नमद्दि॒वे सम॑नमत् ।
Sentence: 6 यथा॒ सूर्यो॑ दि॒वा
Sentence: 7 च॒न्द्रम॑से॒ सम॑नम॒न्नक्ष॑त्रेभ्यः॒ सम॑नमत् ।
Sentence: 8 यथा॑ च॒न्द्रमा॒ नक्ष॑त्रैस् ।
Sentence: 9 वरु॑णाय॒ सम॑नमद॒द्भ्यः सम॑नमत् ।
Sentence: 10 यथा॑ ॥
Verse: 2
Sentence: 1 वरु॑णो॒ ऽद्भिः
Sentence: 2 साम्ने॒ सम॑नमदृ॒चे सम॑नमत् ।
Sentence: 3 यथा॒ साम॒र्चा
Sentence: 4 ब्रह्म॑णे॒ सम॑नमत्क्ष॒त्राय॒ सम॑नमत् ।
Sentence: 5 यथा॒ ब्रह्म॑ क्ष॒त्रेण
Sentence: 6 राज्ञे॒ सम॑नमद्वि॒शे सम॑नमत् ।
Sentence: 7 यथा॒ राजा॑ वि॒शा
Sentence: 8 रथा॑य॒ सम॑नम॒दश्वे॑भ्यः॒ सम॑नमत् ।
Sentence: 9 यथा॒ रथो ऽश्वैः
Sentence: 10 प्र॒जाप॑तये॒ सम॑नमद्भू॒तेभ्यः॒ सम॑नमत् ।
Sentence: 11 यथा॑ प्र॒जाप॑तिर्भूतैः स॒मन॑मदे॒वम्मह्य॑म्भ॒द्राः सन्न॑तयः॒ सं न॑मन्तु ॥
Paragraph: 24
Verse: 1
Sentence: 1=a ये ते॒ पन्था॑नः सवितः पू॒र्व्यासो॑ ऽरे॒णवो॒ वित॑ता अ॒न्तरि॑क्षे । तेभि॑र्नो अ॒द्य प॒थिभिः॑ सु॒गेभी॒ रक्षा॑ च नो॒ अधि॑ च देव ब्रूहि ॥
Sentence: 2=b नमो॒ ऽग्नये॑ पृथिवि॒क्षिते॑ लोक॒स्पृते॑ लो॒कमस्मै॒ यज॑मानाय देहि॒ नमो॑ वा॒यवे॑ ऽन्तरिक्ष॒क्ते॑ लोक॒स्पृते॑ लो॒कमस्मै॒ यज॑मानाय देहि॒ नमः॒ सूर्या॑य दिवि॒क्षिते॑ लोक॒स्पृते॑ लो॒कमस्मै॒ यज॑मानाय देहि ॥
Paragraph: 25
Verse: 1
Sentence: 1 यो वा अश्व॑स्य॒ मेध्य॑स्य॒ शिरो॒ वेद॑ शीर्ष॒ण्वान्मेध्यो॑ भवति ।
Sentence: 2 उ॒षा वा अश्व॑स्य॒ मेध्य॑स्य॒ शिरः
Sentence: 3 सूर्य॒श्चक्षु॑स् ।
Sentence: 4 वातः॑ प्रा॒णस् ।
Sentence: 5 च॒न्द्रमाः॒ श्रोत्र॑म् ।
Sentence: 6 दिशः॒ पादौ॑ ।
Sentence: 7 अ॑वान्तरदि॒शाः पर्श॑वस् ।
Sentence: 8 अ॑होरा॒त्रे नि॑मे॒षस् ।
Sentence: 9 अ॑र्धमा॒साः पर्वा॑णि
Sentence: 10 मासाः॑ सं॒धाना॑नि ।
Sentence: 11 ऋ॒तवो ऽङ्गा॑नि
Sentence: 12 संवत्स॒र आ॒त्मा
Sentence: 13 र॒श्मयः॒ केषा॑स् ।
Sentence: 14 नक्ष॑त्राणि रू॒पम् ।
Sentence: 15 तार॑का अ॒स्थानि
Sentence: 16 नभो॑ मां॒सानि॑ ।
Sentence: 17 ओष॑धयो॒ लोमा॑नि
Sentence: 18 वन॒स्पत॑यो॒ वाला॑स् ।
Sentence: 19 अ॒ग्निर्मुख॑म् ।
Sentence: 20 वै॑श्वान॒रो व्यात्त॑म् ॥
Verse: 2
Sentence: 1 स॑मु॒द्र उ॒दर॑म्
Sentence: 2 अ॒न्तरि॑क्षम्पा॒युस् ।
Sentence: 3 द्यावा॑पृथि॒वी आण्डौ
Sentence: 4 ग्रावा॒ शेपः
Sentence: 5 सोमो॒ रेत॑स् ।
Sentence: 6 यज्ज॑ञ्ज॒भ्यते॒ तद्वि द्यो॑तते
Sentence: 7 यद्वि॑धूनु॒ते तत्स्त॑नयति
Sentence: 8 यन्मेह॑ति॒ तद्व॑र्षति
Sentence: 9 वागे॒वास्य वाग्^वाच्
Sentence: 10 अह॒र्वा अश्व॑स्य॒ जाय॑मानस्य महि॒मा पु॒रस्ता॑ज्जायते॒ रात्रि॑रेनम्महि॒मा प॒श्चादनु॑ जायते ।
Sentence: 11 एतौ वै महि॒माना॒वश्व॑म॒भितः॒ सम्ब॑भूवतुस् ।
Sentence: 12 हयो॑ दे॒वान॑वह॒दर्वासु॑रान्वा॒जी ग॑न्ध॒र्वानश्वो॑ मनु॒ष्या॑न् ।
Sentence: 13 स॑मु॒द्रो वा अश्व॑स्य॒ योनिः॑ समु॒द्रो बन्धुः॑ ॥